قصائد استشهاد الزهراء عليها السلام4

المجموعة الرابعة من القصائد المكتوبة لمولاتي الزهراء عليها السلام

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

ودي ارجع مو يتيمه

امي يالجانتلي خيمه

روحتچ ما منه چيه

لا حيات ابلا زجيه

امي يالجانتلي خيمه

ياالاهي انجان عندي

حوبه وتحققلي حلمي

ما افارگهم ثواني

تخلي ابوي وتحمي امي

وگون اصد ابشوفي الهم

جنت احسهم دوم يمي

ولوا اصد ما الگه واحد

اختنك ويزيد همي

استجب يا رب دعوتي

ولاتزيد ابهم حسرتي

ورحم الي صار بيه

لا حيات ابلا زجيه

يانعش شلتوا بديكم

روحه روحي المشت

هيه گلهه الي خذته

لو انه من عده بقت

دنيه ومابيه انتي

والله من بالي انتهت

هسه تردوني اعيش

ووياها هسه اتوادعت

كل حياتي بيه حسره

لاحياة ابلايه زهره

ما انام اله علا ديه

لا حيات ابلا زجيه

*

خاليه ادروب المشتني

وطلعت منه عتاب

انهظم ونعصر گلبي

لون عيني تصده باب

ظلت اترافجني حصره

بالضلع مشچوخه ناب

ولو رددت يايمه اشله

الظهر يا يمه عاب

بهيده هيده الي عفته

طاحت بعين عمته

ستهظمت والحال بيه

لا حيات ابلا زجيه

*

مو شرط يايمه روحي

وانه ابنيلچ گبر

وارسم اگباله يتيمه

شايله نفس الگسر

وارسم ابخدي علامه

واشبه الي تنسطر

وهذا حز احبال اديه

من السطر لهسه يمر

نفس ذاك الصار عندج

ابگلشي وهسه يشبهج

وابگه ابحالي رميه

لا حيات ابلا زجيه

***

يمه ما عيشا بدونج

واليتم بين علامه

كولي چم موته اموتن

اله اشوفنه ابسلامه

لاكوا مرسال اليجيني

وعايشه بنص الملامه

واحسب الدنيه ثواني

وطايره مثل الحمامه

دورت بس ما لگيتج

من احن ساعه المسيتج

البيج ثاري هوه بيه

لا حيات ابلا زجيه

ابو حسين الفضلي

[ ٠٨:٤٦ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

گلب العطش چواي

امن الضلع للماي

امن الضلع للماي

گلب العطش چواي

**

يمه وينچ شوا برد ليل اليتامه

فتحي عينج مو وگت جفنج ينامه

ليش خدج شايل اليله علامه

وما يفيد ابحالتي ذكر الملامه

مختنكه حسره ظيم

يذكرني حال يتيم

يذكرني حال يتيم

گلب العطش چواي

ها يزينب وحدج هليله تمشي

كولي شنهوا الراح منج والخسرتي

ريت من شالوه شالواحتى نعشي

الي يخسر كل حياته يخسر كلشي

لوما سمعتچ صوت

تراوالي حتى الموت

تراوالي حتى الموت

گلب العطش چواي

*****

سگت صوتچ والسگت صوت المحنه

يا وداع الليله التحجين عنه

الي يختارج ترا يختار جنه

امي يا شم النسيم التسوه اهلنه

بين الضلع والنار

گليلي شنهوا الصار

گليلي شنوا الصار

گلب العطش چواي

*

حسره شوفا دمعتي بحلك الشماته

الي يفارك عزيز شله بحياته

يصير مستحوذ دنيته وذكرياته

ويدعي الله يرحمه دوم ابصلاته

والوحدي من ضليت

اذكره لو صليت

اذكره لو صليت

گلب العطش چواي

**

من مشت عني الزجيه ودعتني

زغيره انه بالعمر من فاركتني

بكل مچان وياهه تاخذني وتردني

بس غريبه ليله شوا وحدي تركتني

بس البجي والنوح

اتكالب اوي روح

اتكالب اوي روح

گلب العطش چواي

*

الجرح يايمه اتظهره اليالي

حسره حسره دمعتي كامت تلالي

صوره ومخزونه تبقى وبخيالي

ريتج ابهل الحظه اتشوفين حالي

گلبي اشتغل نيران

وبجي بجي الحيران

ابجي بجي الحيران

گلب العطش چواي

****

يمه اوصيج بوصيه يالسبيه

الحسن ابحلگه يمه حبيه اليه

وبالصدر حبيلي ابن حامي الحميه

هاي يمه اوصيتي گبل المنيه

معقوله من دفنوچ

الزهره ما عرفوچ

الزهره ما عرفوچ

گلب العطش چواي

ابو حسين الفضلي

[ ٠٨:٤٧ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

علي يخاطب الزهراء

عشرة عمر

عشرة عمر مابينج وما بيني

رجعيلي يا زهرة شباب اسنيني

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

من اشوفج جنت اشعر بالامان

والسكينه والحزن ماله مكان

شاب راسي من مشيتي يالحنان

و هاي اول مره مخنوگ الاذان

يافاطمه بعدج منو يواسيني

رجعيلي يا زهرة شباب اسنيني

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

قلبي مكسور بوداعج ما يطيب

بعد عينج اني عايش بس غريب

تطفى روحه الي يفارگله حبيب

وثغره ماتنوصف امر اشگد عجيب

بقليبي وحشه مثل دمعه عيني

رجعيلي يا زهرة شباب اسنيني

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الجنحه مصيوب وفلا يگدر يطير

عشت هذا الدور بحساس اليحير

العشه بي ثعبان بس يدري المصير

ولازم يضل بالوصيه البيها اسير

مكتوبه يازهره النبي موصيني

رجعيلي يا زهرة شباب اسنيني

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الموت من بعده ولا ينفع كلام

مودعه يافاطمة رقدي بسلام

عازتج مثل ابو فاضل للخيام

والعطاشى تصيح ياعمي الهمام

العازه مثل الحيل الي يمشيني

رجعيلي يا زهرة شباب اسنيني

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شفت نجمات السمه بعز النهار

ولسه نار الباب تلهب بيه نار

الموت اهونلي ولا اعيش احتضار

دمعي كدما نزل ياكل بالسمار

تقرحت أجفوني بدموع أونيني

رجعيلي يا زهرة شباب اسنيني

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

دهري خان ونثر بجروحي التراب

ضاملي خنجر غدر تحت الثياب

ما رعه حرمه نبي وحرمه حجاب

وما حسب لجروح قلبي ولا حساب

الستغل طيبة گلبي ميخليني

رجعيلي يا زهرة شباب اسنيني

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هيه عشرة عمر كل هاي السنين

الحسن بيناتنه وهذا الحسين

وهاي زينب هاي ام قلب الحنين

وصاحب النعمه النبي ذاك الامين

حب وخلاصه ابينج وما بيني

رجعيلي يا زهرة شباب اسنيني

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

زين العابدين الشمري

[ ٠٨:٤٧ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

قصيد لسيدتي ومولاتي فاطمه الزهراء. ع

👇

السيده زينب ع. تستقبل والدها بعد رجوعه

من دفن امها الزهراء. ع. واويلاه

▪️▪️▪️▪️▪️▪️▪️▪️▪️

بـويـه الله يعـيـنـك بهـاي المـسـيه

مـن رجعـت ودافن الزهـره الزجيه

رديت دمعك دمـه. وتصيح يافـاطمه

◾️◾️◾️◾️◾️◾️◾️◾️◾️◾️◾️◾️

السيده زينب. ع

هـايبويه البگـه براسـك منحني اتجر حسره

لاتـگـول احـنـه يـتـامـه بـعـد امـنـه الـزهـره

مـو يتيم الـعـنده مـثلـك ابـو الـكـل الـفـقـره

صـعـبه وادريهـا يبويه الفـرگه مـثل الجـمره

تـســعــر بـگـلــبـي وكــابـر والـدمــع نـار

مـن اذكر بضلع امي نابت شفت بـسـمـار

تنادي يحـامـي الحمـه وتصـيح يافـاطـمـه

◾️◾️◾️◾️◾️◾️◾️◾️◾️◾️◾️◾️

2. الامـام علي. ع

اي يبويه الزهره راحـت والهـا يكثر نوحـي

الوديعه اني ادفنتها وجيت اجـر بجـروحي

ضاگـت الدنياعـليه واحـس طـلعت روحـي

حـالي من بعد الزجـيه عـالمصـايب يوحـي

وانـي ادفـن واذكـر لـجـدج وصـيـه

هـاي امانه وگـلي تحـفظهـا الزجـيه

بيدي الخـدر سـلمـه وتصـيح يافـاطـمـه

◾️◾️◾️◾️◾️◾️◾️◾️◾️◾️◾️◾️

3. السيده زينب ع

من وصـاياهـا الحـنينه تگـلي زينب صـبرج

بنيتي من بعدي مصـايب يمه تكسر ضهرج

صـيـري بالـمـوقـف قـويه الله يعـلـم قـدرج

بـس وصـيه كـررتهـا تـگـلـي خـدرج خـدرج

تگـلي سـهله يمـه هـايه عصـرت الباب

گـبالج اتشـوفين صرعه اغلى الاحباب

بين الـنهـر والضـمـه وتصـيح يافـاطـمـه

◾️◾️◾️◾️◾️◾️◾️◾️◾️◾️◾️◾️

4. الامـام علي. ع

كـافي دمعـاتج يزينب صبري هذا اول سهم

ينـطـلـق مـن السـقـيفه ويـزرع بگـلـبـج الـم

تكـبر وياج المصايب توصـل الراعـي العـلـم

من يضحـيلج جـفوفه لجـل خدرج والحـرم

الـحـرگ بـاب الـزجـيه يـحـرگ خـيـام

والذبح محسن يجـيلـج شـايل سـهـام

بـغـضـن الـي لورمـه وتـصـيح يافـاطـمـه

◾️◾️◾️◾️◾️◾️◾️◾️◾️◾️◾️◾️

5. زينب. ع

امـي وصـتني وصـيه لـوگـرب يوم الخـطـر

بصدره شميلي الحسين ويمه بوسي بالنحر

وبالحجي گام اتهضم والدموع اتصب قـهـر

صعدي عالتلـه يزينب عـينج الصـوب النهـر

شـوفـي شنهـو اعله الشريعه يمه يجره

شلون الحسين اعله اخيه انكسر ضهره

وراسـه رفعـه وكـلمه وتصـيح يافـاطـمـه

◾️◾️◾️◾️◾️◾️◾️◾️◾️◾️◾️◾️

6. الامـام علي. ع

تبقى بويه اخـر مصـيبه تمر عليجن بالسبي

تـمـشـن ابـلايه كـفـالـه السـاتـر الله والـعـبي

بس تضـلـين العـقـيلـه بالـضـعـن هـيـبه نبي

تسـجـلين اعظـم بطـوله يافخـر كل طـالبي

مـفـخـره بنت الزجـيه واخت الابطال

موقـف اترسـمين يوذكـر مر الاجـيال

عطشـتي نهـر بضمه وتصـيح يافـاطـمه

◾️◾️◾️◾️◾️◾️◾️◾️◾️◾️◾️◾️

تمت بعون الله تعالى

عـقـيل حسـين الگـرعـاوي

[ ٠٨:٤٨ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

شلون علتچ يم حسن تخفيها

وكسر ضلعچ ياهو يداويها

***

الزهره من شافت علي امجتفيه

وغصب بحبال التامر كايديه

چان عينه الفاطم تعارض حجيه

وترفع بساعه دعا ايديها

*

الزهره ضمت عن علي كسر ضلع

تريد دين الله علا العالم يشع

واذا فد يوم حست ابوجع

كامت ابسكته تهل ابعينها

ابد ماجابتله طاري ولا خبر

ولا حجت فد يوم بالضلع نكسر

تدري بالكرار مايرضه الگدر

اله وما يقبل ايمر بيها

*

حتارت الزهره تكول ولاتكول

هاي فعله تكوم وياها الفحول

ذكرت ابلحظات اقوال الرسول

الفتنه ما جازت ترا الراعيها

*

لون كالت فاطمه الدين ندرس

وصار حجي الدين بالدنيه همس

وبعد مايطلع گمره ولاشمس

الجاهليه تعود بل اليرضيها

*

الزهره ماكالت ترا تريد البعيد

وحتى دين الباري يزهر من جديد

وعدة الاسلام بالعالم تزيد

ووخلت الاسلام عز يالفيها

الزهره ضحت خاطر دين يسلم

وحتى مايبقى وراهه بس اسم

شالت الدين بصدره والعلم

ومنهج الحق رفعته بيديها

صبرت ام الحسن وراح انطوه

چنه ذاك الدين طالب نخوه

ركظت ام احسين شياله لوه

الدين طاح ولگفته بيديها

ابو حسين الفضلي

[ ٠٨:٤٨ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

قصائد استشهاد مولاتنا الزهراء عليها السلام

آيات الحزن * تقراهه السمه

هالليلة علي * يودع فاطمة

——–

بليلة مظلمة * لا ضي لا شمع

أنزلهه علي * بگلبـه المنفجع

مهضومة گلب * مكسورة ضلع

واراهه الثرة * ودموعه دمـه

———-

لا مو باللحد * بصدره الما بُرَد

نامت والألم * بضلوعه انولـد

حورية إنس * نور من الصمد

ومن غابت صفت * دنيا مظلمه

————

قرآن وفگد * آيات القدر

الشمس تكوّرت * من مات الفجر

وسورة والعصر * حسَّت بالعصر

ولعيسى العصر * راحت مريمه

———–

راحت والفرح * ويّاهه ارتحل

ودعهه وبقت * تبراه العلل

صعدت حسرته * والمدمع نزل

ونهار الأمل * غايب مبسمه

———-

ذِبلت زهرته * وماتت بسمته

وآماله اختفت * وظهرت حسرته

حيدر والحزن * أصبح قصته

ومصاب الضلع * قصته المؤلمة

———-

عينه اعلى الگبر * ايده اعلى الجفن

يمسح دمعته * وجروحه تِون

هل يوم ابتدت * قصته اويه الحزن

من يوم الورد * ذبحوا مَوسِمــه

———

عقيل الكاظمي

[ ١٢:١٠ ص]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

گلب العطش چواي

امن الضلع للماي

امن الضلع للماي

گلب العطش چواي

**

يمه وينچ شوا برد ليل اليتامه

فتحي عينج مو وگت جفنج ينامه

ليش خدج شايل اليله علامه

وما يفيد ابحالتي ذكر الملامه

مختنكه حسره ظيم

يذكرني حال يتيم

يذكرني حال يتيم

گلب العطش چواي

ها يزينب وحدج هليله تمشي

كولي شنهوا الراح منج والخسرتي

ريت من شالوه شالواحتى نعشي

الي يخسر كل حياته يخسر كلشي

لوما سمعتچ صوت

تراوالي حتى الموت

تراوالي حتى الموت

گلب العطش چواي

*****

سگت صوتچ والسگت صوت المحنه

يا وداع الليله التحجين عنه

الي يختارج ترا يختار جنه

امي يا شم النسيم التسوه اهلنه

بين الضلع والنار

گليلي شنهوا الصار

گليلي شنوا الصار

گلب العطش چواي

*

حسره شوفا دمعتي بحلك الشماته

الي يفارك عزيز شله بحياته

يصير مستحوذ دنيته وذكرياته

ويدعي الله يرحمه دوم ابصلاته

والوحدي من ضليت

اذكره لو صليت

اذكره لو صليت

گلب العطش چواي

**

من مشت عني الزجيه ودعتني

زغيره انه بالعمر من فاركتني

بكل مچان وياهه تاخذني وتردني

بس غريبه ليله شوا وحدي تركتني

بس البجي والنوح

اتكالب اوي روح

اتكالب اوي روح

گلب العطش چواي

*

الجرح يايمه اتظهره اليالي

حسره حسره دمعتي كامت تلالي

صوره ومخزونه تبقى وبخيالي

ريتج ابهل الحظه اتشوفين حالي

گلبي اشتغل نيران

وبجي بجي الحيران

ابجي بجي الحيران

گلب العطش چواي

****

يمه اوصيج بوصيه يالسبيه

الحسن ابحلگه يمه حبيه اليه

وبالصدر حبيلي ابن حامي الحميه

هاي يمه اوصيتي گبل المنيه

معقوله من دفنوچ

الزهره ما عرفوچ

الزهره ما عرفوچ

گلب العطش چواي

ابو حسين الفضلي

[ ١٢:١١ ص]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

هاي الناس مو كلهه اعلى رايك

هاي الناس مو كلهه اعلى مايك

هواي مختلفه تراهه

لاتكول انته شجاهه

هاي الناس

هاي الناس

ذاكه اول ذاكه تالي ذاكه ناصي ذاكه عالي

ذاكه مابين

يعني تفكيرك اريده يدور الفكره البعيده

ويفتهم زين

لايغرگ شكل واحد اتشوفه ماي وهوه راكد

النظر وين

احسب حساب انته واجمع بالخطا مو سهله توكع

مره مرتين

بالنيات اعمال الخلايق

وبدنياك لتصير انته واثق

بس ندم هيه وراهه

لاتكول انته شجاهه

هاي الناس

هاي الناس

______________

كل بشر موهوب منه بس يزيل اغباره عنه

تشوفه مولود

من سجن فكره ايتحرر من ضميره يطلع الشر

هذا موعود

مو حيادي تشوفه واضح كبل غيره الروحه ناصح

فعله مشهود

والبقه اعلى الحال نفسه كلبه مهما كبر يقسه

ودربه مسدود

للموزين لتصير انته تابع

بالمقسوم خليك انته قانع

المثلك بكلشي ايتباهه

لاتكول انته شجاهه

هاي الناس

هاي الناس

_____________

من الشعر الرسالي

[ ١٢:١١ ص]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

ودعني مثل الدمعه وتودعلهه عين

يا ابا الحسن والمُلتقى عِند الحُسين

موعدنه يم نار الخيم

نتلاكه من يوصل سهم

عِند الحُسين

●●●●●●●●●●●●●●●

تدري هاي الليله آخر ليله إليه

وهايه آخر كعده نكعدهه سويه

ياعلي موعدنه بارض الغاضريه

لمن ايسمون زينب يا سبيه

خل ننسه موضوع الضلع والفاجعه

وسولفلي باليحني الظهر عالمشرعه

بالنايم وشابك علم

نتلاكه من يوصل سهم

عِند الحُسين

●●●●●●●●●●●●●●●●●

كوم ودع فاطمه إوداع النهايه

ياعلي وخل نتفق من البدايه

آنه فوك حسين اضلل بالعبايه

وانت صَبّر زينب ولم السبايه

بسماري هيّن ياعلي يم النبل

والنبله ياحيدر فلا ترحم طفل

مثل الورد وتشربه دم

نتلاكه من يوصل سهم

عِند الحُسين

●●●●●●●●●●●●●●●●●

يا علي وهذا الطلب منك اريده

بيدك اترجعلي روحي يالصميده

لبني اروحن حافيه واكطع البيده

كبل سيف النايبه وكطعة وريده

ويه السهم ذاك اليصوب جبدته

نتلاكه يم صدرره ونقبل جبهته

كبل الحجر كبل الألم

نتلاكه من يوصل سهم

عِند الحُسين

●●●●●●●●●●●●●●●●●

إبعلمي باجر يا علي اتفر الضعينه

حسين طايح عالوجه ومكطعينه

بصوت انادي هلله هلله حسين وينه

ما نخلي عاري واندفنه بإدينه

آنه ضلع واحد يأذيني تره

وي عمت عيني ضلوعه كلهه امكسره

وبي ضلع واحد ما سلم

نتلاكه من يوصل سهم

عِند الحُسين

●●●●●●●●●●●●●●●●●

ياعلي ولو جيته كبلي انتظرني

كله امك جايه وخله إيعَذرني

تدري بالمكسور ظلعه ايصير محني

وآنه محنيه وظلوعي يوجعني

يالوالي كون اتعطلت عن الذبيح

معناهه امشي واعثر وكل ساعه اطيح

وكل ساعه اصَبّر بالجدَم

نتلاكه من يوصل سهم

عِند الحُسين

●●●●●●●●●●●●●●●●●

ش/علي الإبراهيمي

[ ١٢:١٢ ص]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

ابعمر اثمنطعش… شالوها ابنعش

ليش… ليش

مكسورة ظلع… واتصب الدمع…

ليش… ليش

……

هاي ام الحسن هاي… هاي الطاهرة

ليش ابدال القصور .. تسكن مكبرة

الله ايساعدة حسين… عالصار وجرة

فكد امه تراه حيل… كاسر خاطرة

بيت ابلا ام… ما يخله الهضم … ليش ليش

… .

عمر الزهراء ياناس… كله اثمنطعش

ماتت و الظلع بي… بسمار انقش

ليش ابظلمت الليل… شالوها ابنعش

وليش اعيون الايتام… صايبهة العطش

امهم فاركو… والدنيه أكرهو . . ليش ليش

… ..

ام الحسن وحسين… عانت من زغر

ما شافت ابد يوم… راحه بالعمر

ضيم وقهر والالم…بالزهرة اشكثر

اوحيده ابلايه خوان… خاواها الصبر

جم حسره اتعلي … عافت عد علي… ليش… ليش

… ..

دنيت حيدر اليوم ..ظلمه ابلا ضوه

يتعثر ابممشاه ..والظهر التوه

افراك الزهره خلاها ..ابعازه الكل هوه

ميت يمشي عالكاع … ماجنه هوه

اتغيرت حالته … غابت ضحكته.. ليش

..

جرح الفاكد اعزيز… يشفه بشوفته

وحيدر مثل هاليوم… ودع سلوته

الله ايساعدة اشلون… صبّر حالته

ساعت هال الاتراب … فوك ارويحته

ماظل بي نفس .. ما سمعوله حس… ليش ليش

… ..

الحمدالله رب العالمين

اللهم صل على محمد وال محمد

موسى الخادم

[ ١٢:١٢ ص]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

من ضلوع امهشمه

وعين حمره بالدمه

ناحت الارض وسمه .. فاطمه يافاطمه

@@@

الكون كله ربنه شاءه من اجل عين الرسول

ولوجود الهادي الله مشترط خلق البتول

مخزن اسرار المعالي طبت اعليها العذول

وبالوصية ذاك يدري وهيچ چفينه تطول

المائله حظ ابحرب

دار بوالحمله يطب

وشبع الزهره ضرب .. فاطمه يافاطمه

@@@

لعلة الايجاد دمعه فتت سبع ابسبع

وكون تسمع بس نحيبه عالوجود المنفجع

اشگد عظيمه هالرزيه وحبل ربنه منگطع

والرضاها ابرضه الله امسجيه ابكسرة ضلع

منجرح منها المتن

وبعد ابوها بس تون

من ضلعها المنطحن .. فاطمه يافاطمه

@@@

البيها تمت كل رساله وشرط مبعث كل نبي

هالاميره بت محمد زوج ليث الطالبي

تره معصوره ابسترها من لفت عن لجنبي

طاحت وسگّط حشاها ولطم خدها الناصبي

ابابها الضلع انكسر

لو عرش الله انفطر

آه ياعظم القهر .. فاطمه يافاطمه

@@@

الحسن وحسين عدها وزينب اتلوذ بألم

وموعجيبه الحيد يبچي وگلبه عالزهره انجسم

جنة الله شلون حرگوا لمن الطاغي هجم

ثمنطعش عمر العقيده وماتت ابرفسة قدم

هجموا ابعز الظهر

وتالي صك صدر الطهر

باب مسماره اشكبر .. فاطمه يافاطمه

@@@

روح ابوها والوديعة ونور مشكاة الهدى

تلوج من ضرب الأعادي وقهر هجمات العدى

الورد يگطر نداوه ودم على خدها نده

ماگضه مأتم ابوها وبالعزى خذها الردى

الساعد ابكدمه انزرگ

وچفها بالباب احترگ

ومحسن ابدمها غرگ .. فاطمه يافاطمه

@@@

فرع دوحة آل طه وكوثره وسورة قدر

آية الله المامثلها ماتت ابعمر اشصغر

روح طه اشلون روحه لمها بالليل الگبر

والحچه ماتت طبيعي ليش دفنوها ابستر

هذا لب المسأله

العد ابوها امدلله

الكل گبرها يجهله .. فاطمه يافاطمه

@@@

لهسه قرآن الولايه حظها عالضيم انكتب

وكل مظل جاير عليها وضدها چم منبر نصب

ترى من صالح عدوها نال من ربه الغضب

والنكر كسرة ضلعها اشينفع اوياه العتب

ام ابوها شلون أم

ماتت ابضيم وظلم

وبچّت عيون الهضم .. فاطمه يافاطمه

@@@

علي احمد الحمود

١٢-١١-٢٠٢١

شهادة الزهراء ع

[ ١٢:١٣ ص]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

يالوديعه الطاهر .. سكته عني امسافره

وانا روحي حايره .. شحالة الروح

@@@

نامي يا بنت الرسول .. وانا بعدچ شالأگول

علي صار ابلا بتول .. شكاتب اللوح

@@@

امدده عالمغتسل .. والدم لظهرچ وصل

وعيني عاميها الهمل .. ساچب النوح

@@@

ياضيه عيني اشبعد .. عندچ وينفع ضمد

متن لو صدر اوي خد .. جرحه مفتوح

@@@

شيوجعچ يأم الحسن .. من أثر باب المحن

حتى ما لف الچفن .. فوگ لجروح

@@@

وانا گلبي منگطع .. ابجنبچ امبين ضلع

من مكانه منشلع .. نازح انزوح

@@@

آه يا ضي الگمر .. ابجفنچ المدمي اثر

ازرگ وخده حمر .. كدمه واقروح

@@@

حسي بالعبره اختنگ .. على چف أللي احترگ

ولون وجه أللي انفرگ .. ضرب مبروح

@@@

مكتفوا من الضلع .. وچف على الخد منطبع

اتجمع لضربچ فزع .. يجي ويروح

@@@

علي احمد الحمود

١٣-١١-٢٠٢١

شهادة الزهراء ع

[ ٠٣:٤٣ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

((راحت ام الحسن))

رجعت أتوچه دافن چن شبابي

اول مره أتيه حتى بابي

آنه القالع الباب

وصل لرموشي التراب

هضيمه … ام الحسن راحت هضيمه

**********

اشم بثوبي من تربةْ گبرها

وأصيح أحا يفاطم ياعطرها

حتى الخطوه صارت ياگصرها

ذبلت زهرتي بأول عمرها

وحشه عگبچ البيت

ما ردن تمنيت

بس عيالي يبچون

أضل عايش توازيت

المفروض آنه أدفن روحي بيدي

لان يافاطمه يابس وريدي

أبد ما احمل غياب

وصل لرموشي التراب

هضيمه … ام الحسن راحت هضيمه

*********

نوبه أعثر وأگومن تچوي ناري

بحيث العلوه وتغير مساري

أريد أمتون تسندلي انكساري

ياهو يگودني وأوصل الداري

أحس الحيل مدفون

يَــم حمرات العيون

أجيس بروحي ياحيف

أضن ماعندي أمتون

على الحيطان أديه وأمشي بهداي

راحت كل حياتي أمفارگ هواي

الزمن وياك العتاب

وصل لرموشي التراب

هضيمه … ام الحسن راحت هضيمه

*******

هينه النار بس الذكرى تچوي

أسولف ويه روحي چا شسوي

طفوّ شمعتي البل ضلمه تضوي

قصةّ محنتي الدمعات تروي

الدمع مايقبل يهيد

يدريني أنه أوحيد

الغربه بروحي تنشاف

ديره أبلا أجاويد

محد دگ عليه الباب مره

يضل بالغربه هوه الراح عمره

راحو مني الاحباب

وصل لرموشي التراب

هضيمه … ام الحسن راحت هضيمه

**********

يموت التنتهي بروحه المواعيد

بحيث بدمعته تشوف التجاعيد

شسوي بروحي وآنه بعيد وبعيد

أريدن فاطمه وكلشي آنه ماريد

زهرتي كون يمي

شكبره بروحي همي

مخنوگ من الجروح

ويابس بيه دمي

خيالي يروح يمها ويرد خالي

هضيمه ألي يوسد بيده غالي

حزن بالروح ومصاب

وصل لرموشي التراب

هضيمه …ام الحسن راحت هضيمه

********

على خدودي رسمت چفوف أديه

وأتلوه وأصيح شلون بيه

ارد للبيت والدمعه سريه

شگلهم بالترب عفت الزجيه

أرد وأصفگ بالجفوف

وزينب حالتي تشوف

الدمع واصل للجروح

وأبثن جمره بالأوف

يزينب خدها خليته بترايب

عاد انتي استعدي للمصايب

باچر دمي أخضاب

وصل لرموشي التراب

هضيمه .. ام الحسن راحت هضيمه

عبد زينب

محمد الابراهيمي

[ ٠٣:٤٣ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

فـاطـمـة ردي ألــي

فـاطـمـة شيّب عـلي

ذكـره خليتي ومصيـبـه * ويـن أشوفـچ يالحـبيـبـه

*———————*—————–*

فـاطـمـة الشـيب أخـذني والأمـل مـات

رحـتـي وبـروحي تـركتي حسره وآهـات

أصفـن وتـجـري الـمـدامـع وأذكـر الـفـات

أدخـل الحجـره وأشوفن كـلـهـه ذكـرات

الـفـرح مـنـي أنعـدم

الـفـرح اصـبـح ألــم

چنـتي لـجـروحي طـبيـبـه

*——————*——————-*

صـعبـه يالـزهـره الـزچيـه مني تـرحيـن

ضاگـت الدنـيه الـوسيـعـه يـم الحسيـن

ليلت الجمـعـة تـجـيـني وأقـره يـاسيـن

الـگـبـر سـلـوان ألــيـه ودمـعـة الـعـيـن

عـايـش بـنـار الـحـزن

عـايـش وچـنـي بسجن

گـلـبي مـابـطـل نـحـيـبـه

*——————–*—————*

عـايش بعـالـم حنيني وگـلبـي مـجـروح

والله ماتـطـفـه بـغيـابـچ جـمـرت الـروح

بـاب الاحـزان أشيسدّه البـاقـي مفـتـوح

مضلمه الحجـره وخـليـه وزينب اتـنـوح

بالـبُعـد ظـهـري أنـكسـر

بالـبُعـد دمـعـي أنـفـجـر

نـفـتـرگ هـيـچـي عجـيـبـه

*——————–*—————–*

ميت بـعيني نـظـرهه وظـهـري مكسور

أيـشيـب الـيـودّع حبيبـه بـين الـگـبور

ظلمه صـارت ذكـريـاتي وغـايـب النور

ينـكسـر ويمـل حـيـاتـه الـمثلي معذور

مـاتـت بـعيني الشمش

مـاتـت بمـوتـچ احـس

صـعـبه يـالحـره النـجـيـبـه

*——————–*—————-*

طـولـچ أبـالـي أرسـمـه وعـايـش أويـاي

چنتي مشتـركـه بـحياتي وچنتي دنيـاي

بـحاجتـچ حيدر يفـاطـم حـاجـت المـاي

حـزنـي يـومـيـه بـزيـاده ويـكـثـر اهـواي

دنـيـتـي صـارت مـلـل

دنـيـتـي عـگبـچ عـلـل

المـاضي لوفـات أشيـجيـبـه

*———————*——————*

غيبتچ طـالـت عـليـه وصبـري ميفيد

حـنـت الــروح وأحـسـه يـمـچ اتـريد

السـهـر عـاشر عيوني وطيفـچ أبـعيد

صـارت العَبره ودمـعتي عندي تـعويد

راحـتـه حـيـدر تــرد

راحـتـه بـس الـحـد

الـعـمـر بـيـّن مـشـيـبـه

*———————-*——————*

✍️خـادم الـزهراء (ع

الشاعر رعد الجريخي

[ ٠٥:٤٨ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

زينب فزت أبهاي المسيه

تبجي تنادي وين امي الزجيه

بالدار تتلفت يمين أيسار بالدار

،،،،،،،،،،،،،،،،،،،،،،،،،،،،،،،،،،،،،،،،،،

من بعد يوم الرزيه وفاطمه الزهره وألمهه

عاشت الحوراء طفله ملوعه تشاركهه همهه

وعادت البنت الحنينه أتصير أقرب دوم للأمهه

عاشت ويه الزهره ألوضع وشاهدت محسن وألظلع

وشافت الخد ألمنصفع وسوطهه أتحسه لجمهه

ألزهره تصيح خلوا ابن عمي

أوراهه تنادي زينب ظربوا امي

مدرار دمعهه ويه دم ألظلع مدرار

،،،،،،،،،،،،،،،،،،،،،،،،،،،،،،،،،،،،،،،،،،،،

شافت الكرار ابوهه امكيد وغير وضعهه

حسين ينحب رجع أخته والحسن نشف دمعهه

ورجعت الزهره ويه حيدر تنتحب زينب سمعهه

اوللمسجد ويه امهه أطلعت وألخطبت الزهره اسمعت

متلوعه واتلوعت والدهر بيهه فجعهه

وكبل ماتدنه للزهره المنايه

وصة زينب ألحره ابوصايه

واسرار مايحملهه حته الجبل اسرار

،،،،،،،،،،،،،،،،،،،،،،،،،،،،،،،،،،،،،،،،،

نادت الزهره يزينب هذا باقي حنوط جدج

وهاي ثلث اكفان منه راح يبقن يمه عندج

للحسن واحد أواحد ليه والثالث ألعودج

وزينب أبهاي استغربت اويه امهه دمعتهه جرت

وسالت ومنهه كَربت يمه جا وحسين جبدج

تكلهه حسين وحده يموت عطشان

دم نحره الدمه والجفن تربان

وألنار اشد من خيمتج بكليبه النار

،،،،،،،،،،،،،،،،،،،،،،،،،،،،،،،،،،،،،،،،،،،،،،

زينب الهاي المصايب حملت ابعمرالطفوله

ولونبي صابه الي بيهه ناله بيهن ماينوله

رجال ماتصبر صبرهه تموت من همهه ابسهوله

لاجن الحره أبمعرفه بهالتضحيات الهادفه

صبرت وبيهه مكلفه ونصرت الدين واصوله

وصارت للحزن والصبر كعبه

وبيهه الالم والنوح ايتربه

اخبار من ألزهره اخذت هاي الأخبار

،،،،،،،،،،،،،،،،،،،،،،،،،،،،،،،،،،،،،،،،،

لاجن اليوم العقيله من بعد دفن الزجيه

فزت وموحش عليهه الدار وتنادي ابرزيه

وألأبو يم قبر أمهه يقره آيات الوصيه

وعالقبر من نام ألولي وشاهدهه وألدمع ايهلي

تناديه ارجع ياعلي زينب أدور عليه

كَعدت زينب ومدمعهه سجاب

أخاف عليهه توصل عتبة ألباب

بسمار وتتروع أذا شافت البسمار

،،،،،،،،،،،،،،،،،،،،،،،،،،،،،،،،،،،،،،،،،،،،

تمت بعون الله 26 جمادي الاولى

للشاعر والرادود

ثامرالعارضي ألكربلائي

[ ٠٥:٤٩ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

هاي البتول الطاهره هاي أم الاطياب

ليش اللعين ابلاسبب يعصرهـه بلباب

ولمن وكع محسنهه ذاب الصخر من ونهه

ليش اللعين ابلاسبب يعصرهـه بلباب

*********

ليش الزنيم ابلا ذنب كســـر ظلعــهـه

هاي التي فوك العـــــلا ربـك رفعــهـه

وطيح جنين الفاطمه يــــوم الدفعـهـه

ونت لجن ماظن ابد حـيــدر سمعـهـه

فضه التي حضرتهـه حين الهوة سندتهـه

شافت على العتبه بدر مسرع بلغـياب

*********

شافت بـدر نوره دمه مسـرع غيابه

غط ابحر حزن وذبـل عـــود النجابه

كبل الوعد هل ورحـل يشكي مصابه

ابدال الحظن ثوبه جمر مهده الترابه

جنه يناغي أتسمعــه فدوه العمر للبضعــه

صدري ولا صدرج ردت يايمه ينعاب

**********

ظلعي ولاظلعج ردت يكسرهـه بسمار

اوجهي ولا بابـج يشب يحبيبه بـلـنـار

ونتـي التـداوين الجرح يـاشمعة الـدار

الحالي اصد لوليج اصد فهميني محتار

بعمر الورد صوبني يـوم أسمعـت أه يبني

صحتي وعلى بابج اصد نيران الاصحاب

**********

صحتي وعلى بابج اصـد نـار السقيفـه

بـاب الـذي تستأذنه املاك الشـريـفـــــه

وناس التي كلهـه دنس صـارت عفيفـه

الما ينحسب مــن الــزلـم رادوه خليفـه

وحيدر اصــد جفينـه بكيد الوصيه وعينـه

فاضت دمع من شافتج مفترشه الاتراب

*********

فاضت دمع لمن سمع لـولاده عـيـنــه

لجلج نروح احنه فـده يمنه الحنـيـنــه

لـكـن يصـد كلبـه فـطر منظـر عليـنــه

بصبره جـرع مــر الهظم الـلـه اليعينه

حيرة زغيره بجرحين طيحة جنين وظلعين

زينب تروح المن تشد حيرهه المصاب

**********

زينب تروح المن تشد يـــاجـرح الاول

ظلع الـذي احنـه الظهر خاف اتعطــــل

عني ولظن حر الشمس جسمي يتحمل

أتفيي ألـي اتـرد للظلـع تـرجـه أيـتعــدل

هذالحزن ليهه يعود يوم الطفوف المشهود

بين الكفل بين الذي كلبه السهـم صاب

**********

لخادم خدمة الحسين ( ع)

ابو عمار الدراجي

[ ٠٥:٥٠ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

مولاتي يزهراء يفاطمه

……

خدامج يزهراء … دنية واخره

مانترك طريقج … يمنه الطاهره

نفديلج مو منحر نفديلج عمر

خدامج تدرينه ابجالج نفتخر

مانوفي اشما نلطم ليج اعله صدر

مأساتج واهاتج عشنه امن الزغر

ما ننسه الجره اعليج يل عالمه

مولاتي يزهراء يفاطمه

….

خيرج يالزجية … فايض عالخدم

الفين انعم الله … يالكلج كرم

كل خادم متنهني بخيرج يم حسن

عايش عيش املوك الدنية ابهل زمن

للحاير والمتعوب انتي اجمل وطن

ما نوفيلج حقج حد لفت الجفن

خدامج الج دوم متحزمه

مولاتي يزهراء يفاطمه

…..

ما يلهينه عنج …. كلشي ابهل العمر

عن مجلس عزائج … لا ما نعتذر

لو صار اباخر هالدنيا ماتمج

نتعناه ابلوعه رمله القاسمج

اعليج ابدا ما تنشف دمعت خادمج

بالمحشر يتباها بدمعه اليخدمج

للجنه يزفو املاك السمه

مولاتي يزهراء يفاطمه

……

لامونه اعله حبج …. يابت النبي

جاوبناهم بصوت …. نهوا ام العبي

اشما رادو عن دربنج نبعد نقترب

هيهات انعوفج يا سباح الكلب

عدنه استعداد انخوض العينج حرب

عاهدناج امن الذر لجلج ننصلب

وقعنه عهدنه بحبر الدمه

مولاتي يزهراء يفاطمه

……

نقسملج بالحسين …. وبموج الدمع

ما ننسه مصابج …. لا كسر الظلع

ثارج عايش بينه ثارج فاطمه

يسري بهاي اعروكنه مسرات الدمه

الله يلعنه الظالم ظلعج هشمه

معلون وما حصّل حسُن الخاتمه

خصمه بيوم الحساب حامي الحمه

مولاتي يزهراء يفاطمه

@Alfoatm5

…….

الحمد آلله رب العالمين

اللهم صل على محمد وال محمد

موسى الخادم

[ ٠٥:٥١ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

صبــري يا يمــه ابرحيلي  أبموتــي لا لا تشتكيــلي

حفظي بوداعي الوصيه .. غاليه ادموعـﭻ عليــــه



ييمـــه الدنيـــــه ما تســـــوه ولا بيهه أبــد راحــــــه

زغيــره وشيبي مالي الراس البـﭽـي لاﮔـالي وانياحه

تعذبت ابحياتـــي اهـــــــواي واناْ من الجنـه تفاحــــه

يزينــب والغفــه عالضيـــــم اكيــد اجبيره أجراحـــــه

الفــﮔــد ﮔلبـــه وخليلـــه  الدمعــه بس التروي حيلــه

الطـه امشي للمنيـــــه .. غاليه ادموعـﭻ عليــــه



أودعـــﭻ وأدري مو هينـــه أعوفـﭻ يمــــه وازغيــره

منو ايـﮔـعدج منو اينومـــﭻ أبوادعـي اتونسـﭻ الحيره

اناْ ادري خاطـرﭺ مكســور ييمــه ومالــــه تجبيـــــره

أصبــري والصبـر مريــود ابجروحـﭻ باديـه السيـره

يمـــه اتحملـــي المصايــب  باجـر ابحقـﭻ اطالــب

اشتكـي الــرب البريـــــه .. غاليه ادموعـﭻ عليــــه



ابويه المات واحس روحـي ماتت من مشى الوالـــي

ييــــــــمــه ايساعـــــدﭺ الله الذبــح لو شفتي بالتالي

أخوتـﭻ كلهه يا زينـــــــــب ﭽـم غالي قضى وغالــي

تشـوف اعيونـج التجـــري ابسببهم ذولــه عُذالــي

ﭽـم مصيبــه وﭽـم مصيبــه  اتشاهديـن انتي الغريبـه

والأشــد بالغاضريـــه .. غاليه ادموعـﭻ عليــــه



العصرنــي ووﮔــــع اجنينـــي غـــداً بسياطــه ميرحمــﭻ

الحـرك بابي تشوفينــــــــــــه يـوج ﭽــم خيمـه وايألمـﭻ

اليذبَّـــح اخوتـج بالطـــــــف نفسـه الما رحم امـــــــــﭻ

إذا وحدﭺ اشوفنــــــــــــــﭻ غريبــه ومحــد ايضمـــﭻ

هــذه آلام ورزايـــــــــه  يالتكفليـن السبايــا

الجرالــﭻ جاري بيـــه .. غاليه ادموعـﭻ عليــــه



لخادم الزهراء:ـ كرار الحسينات الكربلائي

كربلاء المقدسة

[٢٦/١١/٢١ ١٠:١٨ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

البچي اعلم الحسن واجب على المسلم

وعلى الزهراء لازم كل عزه انسلم

ـــــــــــــــــــــــــــــــــــــــــــــــــــــ١

نلطم علصدر نتحسس البسمار

والحرگه بگلبنه بلون نار الدار

طاح الباب علزهره وچوتهه النار

جرح الزهره لازم كل گلب يلچم

وعلى الزهراء لازم كل عزه انسلم

ـــــــــــــــــــــــــــــــــــــــــــــــــــــــ٢

المصيبة البچت العباس والقائم

المحسن ينكتل من رفست الظالم

شنو ذنبه يموت وتنعصر فاطم

بدمعنه بالمجالس فاطم انكلم

وعلى الزهراء لازم كل عزه انسلم

ــــــــــــــــــــــــــــــــــــــــــــــــــ٣

يفضه اتصيح من عندي انكسر ظلعين

يون حسين ظل يمي ينوح حسين

ابوالحسنين وين اخذوه ابو الحسنين

خل نلحگ علي والثورة مانكتم

وعلى الزهراء لازم كل عزه انسلم

ـــــــــــــــــــــــــــــــــــــــــــــ٤

مصيبة فاطمة ماتنتهي وتبرد

مثل امصاب ابنهه يبقى يجدد

مصاب الباب ظل مفتوح ماينسد

حافر بالظلوع ايصير ويهشم

ــــــــــــــــــــــــــــــــــــــــــــــــ٥

حگه من الحزن لابس سواد الليل

نعش ام الحسن بالظلمه ليش يشيل

ودموع الحسن وحسين ليش اتسيل.

وزينب فارگت روح وبقت تلطم

وعلى الزهراء لازم كل عزه انسلم

ــــــــــــــــــــــــــــــــــــــــــــــــــ٦

تحضر بالمجالس فاطمة ويانه

تسجل اسمائنا وهيهات تنسانه

ماتنسه الخدمهه واعلن احزانه

وندري بالكسر مايرحم ايألم

وعلى الزهراء لازم كل عزه انسلم

ــــــــــــــــــــــــــــــــــــــــــــــــــــــــــــ

حيدر موسى الرميثي