مجموعة من اللطميات الفزاعيه مكتوبة لشهر محرم الحرام قصائد نسائية مكتوبة
المجموعة الاولى فزاعيات مكتوبة
فزاعيات لطم نسوان
الـحكـو ياهـلـي بـحـبال جـتفونـي
من عكب الحسين بصوط طكوني
وفوك لضيم هـذا بـهـزل اخـذونـي
مابـيـهم رحـــم للـسـوك طبــونـي
طلعنه من الخيم عباس والعدوان طكونه
صحت عباس وينك لحك عليه
زينب ال هاشم صـرت مـسـبيه
وبنـص الخــرابه نبــات ليـليـه
بسـياط ورعب نكـضيها يوميه
طكو سكينه الحك يخو زينب
اجه اليـل وزلمنه تارسـه الحـومه
اكعدو ياهلي مو وكت هل النومه
زينب بت علي بالغرب مهـضـومه
ومن كثر السياط بمتني مـالومـه
حركو الخيمه وين اخوان زينب
اصد اعل الرمح عباس بعيوني
زنينبكم غريبـه وزلم يـسـبوني
جاوين الكفاله طاشه ضـعوني
والشمات كـل ساعه يذكـروني
وين ازماط زينب طبت الكوفه
دخلنه شام يهل الزود لحكونه
يم وادم غرب يحسين طبـونه
من كثر الشتم والصـوط اذونه
وبنص القصر بالراس فـجوعنه
جابو راس اخوي وماتت ابنيته
نركـض ع الرمــل والنـار بعبينه
وين حـيود هاشم ياهو يحمينه
من طاح الحـسين التفو عليـنه
وبنص المداخن ضاعت سكينه
وين حيود هاشم راح يسبونه
شاعرها احمد المهناوي
فزاعيات لطم نسوان, [١٠.٠٧.٢١ ١١:٤٥]
جابو نوكهـم مرونـي علـى العبـاس
من فوك لهزل كمـت لطـم ع الراس
طايح على لنهر وموذرينه ارجاس
من كثر اللطم تبـجي عليـه الناس
نايم يالكفيل وزينب اسبوها
احا يصــواب فاطــم صـوب الدلال
خلاف ام لحـسن لامـاكو راحـه بال
مكسوره ضلـع ولحال ضيـم الـحال
الشالع باب خيبر عنها شوف شكال
خلافج يالزجيه طاح كل حيلي
ركضت بهمه للتل وانشد على حسين
وينك يبو اليمه ودمعي على الخـدين
انه اختك يخـويه اويـن طايـح ويـن
يافكدت اخوتي منين اجتنـي مـنين
هدمت كل حيلي عملت كربلاء
وحيده وبالغرب محد يشـيعني
ولا من ال هاشم زلمه يحضرني
زينب وحدي والغربه تهضـمني
وينـك يالكـمر بالكـبر وسـدني
وضلت وحيده محد يحضرلها
مشيت بدرب غربه وغرب تبرالي
ياريتك تشوف شجرى ع اطفالي
زينب باليـسر ومتغيره احـوالــي
وحيده ولا اخـو يبـرالي لا والي
سحكنه ادروب بالهيمه ياابوسكينه
شاعرها احمد المهناوي
فزاعيات لطم نسوان, [١٠.٠٧.٢١ ١١:٤٦]
وين ام الحسن للشام ودونه
مابيهم رحم باسوط عذبونه
ومن اكثر الشتم يايمه اذونه
وبنص الخرابه باليل كعدونه
وين ام الحسن ختشوف حالتنه
حركوها الخيام وضعنه بالهيمه
نطلع من جيمهم ندخل بجيمه
ويا حالت رقيه بحركت الخيمه
بعد خلاف خوتي ضاعت الشيمه
تهنه بالهيمه من حركو خيمنه
يا حالتنه خويـه من دخلنه لسوك
نسـوان وغرايـب صاعدات بنــوك
والوادم تـشتم بالحجـي الميـلوك
يحسين الغرب ماترحم لها حلوك
ضربو متوني الحك يبو سكينه
طحت يزماط زينـب هـاي تـالـيـها
باجر عكـب عينك وين نـكضـيـها
خفت من لشمر هالجلمه يحجيها
هــاي امـدللـتـكـم راح نــسـبـيها
عالو اعلينه وينك يبوفاضل
ما حسبت اعوفه ومشي عنه بـليل
الماعافاني لحضه عفت نص الخيل
يا حسين الوداع يهــدم كل الحيـل
هاي الحرى زينـب غرب بيها تعــيل
حسين ع الرمل والضيم ولايني
شاعرها احمد المهناوي
فزاعيات لطم نسوان, [١٠.٠٧.٢١ ١١:٤٦]
شفت الضيم كله من دخلنه الشام
يحسين العلاويـي بالخرابه اتـنـام
نبجي اعلى الهزل ومهبطين الهام
بضـعون الهواشـم تحـدي الضـلام
وهل الشام خويه بطبل لاكونه
اليطلع حس بجيها تنضرب يحسين
ومن كثر البواجي نهدل رمش العين
حرمكم تـاه رايه وبـس نعي وونيـن
يا عازت كفيلي امنين اجيبه امنـين
حته من البجي حرمونه ياخويه
اجيت من السـبي ولكربـلاء تعنـيت
مشـتـاكه لخـوتـي وللـخيـم حنــيت
من وصليت يم حسين من وصلـيت
طحت من الهزل من فوك وتـعثريت
وصلنه لكربلاء ومحد تلكانه
شحجيلك يخويه على الجره بيه
من ضـيم الدرب توجعني رجـليه
وكـل لـيله تـنــوح تريـدك ارقــيه
ولـعدوان تـضــرب متـني يوميه
خويه خلافكم ياهو اليجي يطكنه
بعد ذاك الدلال وكـل جـمع الاحباب
يحسين العلاوي ينامن اعلى اتـراب
المن اشكي ضيمي وكل هلي غياب
وتخـاف العـلاوي لو اجـه الــسلاب
بعد ذاك الدلال الهضم ولاينه
يتيمه بصـف يتيمه تلوذ مهـضومه
ومن كص الحبل كل ساع ملجومه
من شوفت وليها صبحت محرومه
من كثر الرعب والخـوف بالحومه
بالهيمه اتنام يحسين العلاوي
شاعرها احمد المهناوي
المجموعة الثانية
فزاعيات لطم نسوان,
من الخيم طلعونه..يحسين خويه يحسين
والعدوان طكونه ..يحسين خويه يحسين
من العبي جرونـه ..يحسين خويه يحسين
ضلام مارحمـونه .. يحسين خويه يحسين
ماعدهم رحم طكونه ياخويه
زينب الجنـت مدللـه ..يحسين خويه يحسين
هدتلي حيلي كربـله . يحسين خويه يحسين
محتاره وي العايــله .. يحسين خويه يحسين
غثاني كلش حرمله.. يحسين خويه يحسين
بعد ذاك الدلال بهضم ردينه
دروب العـسر طريـنه . يحسين خويه يحسين
وللسـوك من طبـينه . يحسين خويه يحسين
حيل الطبل ياذيـنـه . يحسين خويه يحسين
تبجي وتون سكينه.. يحسين خويه يحسين
وهل الشام خويه بطبل لاكونه
ياوسفه طكاني النـذل .. يحسين خويه يحسين
وماخذنـي لـشام بهزل .. يحسين خويه يحسين
وجتفها اديـه بالحـبل .. يحسين خويه يحسين
والشام ابد ما ينحمل .. يحسين خويه يحسين
توجع ضلوعي خويه الناكه هزله
ابجي وون عل خوتي . يحسين خويه يحسين
وعليه ضاكت دنيتي ..يحسين خويه يحسين
ياخويه سمعو ونتي .. يحسين خويه يحسين
تكسر بكلبي حسرتي .. يحسين خويه يحسين
خويه خلافكم ياهو اليجي يطكنه
شاعرها احمد المهناوي
فزاعيات لطم نسوان, [١٠.٠٧.٢١ ١١:٤٧]
طشن بناتك باالفله .. يحسين خويه يحسين
ياهو ليباري العايله .. يحسين خويه يحسين
ونسوانكم متعلعله .. يحسين خويه يحسين
والنوك كلها امهزله .. يحسين خويه يحسين
وبلايه زلم للشام طبينه
منـكم ضـعـنه خالي.. يحسين خويه يحسين
نسوان مامش والي.. يحسين خويه يحسين
والشمر ضل يبرالي .. يحسين خويه يحسين
ومتغيرات احوالي … يحسين خويه يحسين
ومن كثر السياط بمتني مالومه
متـعـجبه كـل الـوادم .. يحسين خويه يحسين
شـافـو عقـيـله هاشم .. يحسين خويه يحسين
وباكـو منـيـدك خاتم . يحسين خويه يحسين
سلبني خويه الضالم ..يحسين خويه يحسين
شافوني الغرب يحسين ياخويه
جاوينـه عـبـاس الشهم . يحسين خويه يحسين
خل يـكـعـد ولـيـه يهم .. يحسين خويه يحسين
من عينه خيذب لسهم. يحسين خويه يحسين
اختك بنص ذيج الزلم. يحسين خويه يحسين
الحك علينه صارت وليه خويه
من رد علي خالي المهر .حسين خويه يحسين
طريت بالهيمـه الضـهر . يحسين خويه يحسين
دورتــك وماكـو خـبـر .. يحسين خويه يحسين
وتباوع لصوب الخدر.. يحسين خويه يحسين
مايكدر يكوم الرمح شل حيله
شاعرها احمد المهناوي
فزاعيات لطم نسوان, [١٠.٠٧.٢١ ١١:٤٨]
اريد اكصد على العباس ابو الغيره
وكلله يخويه زيـنب ضلت ابحيـره
شفت الضيم خويه وماغفت عيني
ومن ديره غـرب كمت ادخل لديره
بحبال الهزل جتفوني
اريـد اوصـل لعـد عبـاس اجعدنه
وسـهـم اعـداه مـن عيـنه اطلعنه
وخله يشوف حالي والجره عليه
وبـضـعني التـطشـر راح احلـفنه
اكعد راح انطر بالهيمه
اكعد شوف زينب ضلت بيا حال
تمشي وياالغرب ومجتفه بحبال
جاويـن الوعـد ياخويه يا عباس
شافـو طـولها الماجان الها خيال
شافوني وصاحو طكوها
من وجت خيمنه اركاض طلعينه
المن انطي وجهي حتى يحمينه
محتارين خويه ومانعرف الصـار
وخيول العـدى تتراكض اعليـنه
حركتنه النار وفرينه
يا عباس خويه من اجتنه الخـيل
نركض بالفلا ومنين اجيب الحيل
زحمه على المراه تركض اكبال الناس
ننـطر حـته يـحميـنا سـواد الليل
ما اكدر اركض تعبانه
جاب احبال بيده وصاح اجتفوها
والـمـاطـالعه امـن الخيم طلعوها
اطـفـال وحـرم تـبـرالي يـاعباس
محـتـاره العـقيله وراح يـسبـوها
محتاره زينب بالحومه
شاعرها احمد المهناوي
فزاعيات لطم نسوان, [١٠.٠٧.٢١ ١٧:٢٠]
ضل حسين على الغبره .. ياعباس ياخويه
وحيد ومحد ايحـضره .. ياعباس ياخويه
والحافر فـرش صـدره .. ياعباس ياخويه
وفراكـك حنـى ضـهره .. ياعباس ياخويه
حنت اضلوعه طيحت ابو فاضل
ردلي وما اريد الماي . ياعباس ياخويه
وريدك لي تضل فياي .. ياعباس ياخويه
وللخوه تضل وفـاي .. ياعباس ياخويه
بعدك شتموني عداي .. ياعباس ياخويه
ماريد كل ماي كوم ورد الي
رتك من اجـه السـلاب .. ياعباس ياخويه
الاخت يم الاخو تنهاب . ياعباس ياخويه
وحيده وما الي طلاب . ياعباس ياخويه
يسيوني يخويه جناب . ياعباس ياخويه
مالي طلابه كضو بالحومه اخوتي
كوم وشوف حالتـنه.. .ياعباس ياخويه
حركو خويه خيمتنه. ياعباس ياخويه
ضاعت خويه هيبتنه. ياعباس ياخويه
وتهـضم يا مصيبتـنه .. ياعباس ياخويه
ضاعت الشيمه الحك يبو فاضل
تـخوف لـيله الحـومـه . ياعباس ياخويه
مـوش اطـول النـومـه . ياعباس ياخويه
شـفنه الضهر ونـجومه. ياعباس ياخويه
من ضيم السبي ويومه ياعباس ياخويـه
ياخويه السبي ماينحمل يومه
راح انروح وي غربه ..ياعباس ياخويه
وضعنك محد يركبه . . ياعباس ياخويه
وين الرايه والجربه. .ياعباس ياخويه
ليش الماي مانشربه. يا عباس يا خويه
شنهي الماي من عده يحرمونه
شاعرها احمد المهناوي
فزاعيات لطم نسوان, [١٣.٠٧.٢١ ٠١:٤٠]
ما احمل جفى بنيتك زغـيرونـه
لاتـتركنـي بويـه ويـاكم خذونـه
العايش وي ابوه شكثر هيعونـه
المـفارك خلـيله بغـربـته شلونـه
يتمني حسين وعافاني
من دون البنـات حسـين خلانــي
ابـجي ودمعي عل خدين عافاني
ونـسوان المدينه موش نسوانـي
من ودعني ابوي ازدات احزاني
ودعني وبانن شيباتي
توجـع كلبـي لو يمي تمر ناكـه
مشتاكه لخواتي هواي مشتاكه
مو مالت مفارك مالـت ملاكـه
روحي العذباها حسين بفراكه
لو مرت ناكه تاذيني
انه وم عباس بويه هواي تانينه
هلبـت من ضعـنكم خبـر يلفـينه
ومن كثر المتانه تعبت رجلـينه
وكـل ضـنه تـرد ويـعود واليـنه
محد من عدكم رد لينه
كل مـغرب يمرني يشيط دلالي
محتامـه اشوفن وجـهك الغالي
من يوم الهجرني دمعتي تلالي
بـعدك عنـي بويـه صـار جتالي
تفاركني كل مغرب روحي
شاعرها احمد المهناوي
فزاعيات لطم نسوان, [١٦.٠٧.٢١ ١٢:٠٤]
راح انطب قصرهم خويه بالكوفه
وطب على الزلم بحبـال مجتوفه
شافو طول زينـب خويه ياعـباس
يحلم جان واحـد طولي ايشـوفه
الحك لزينب طبت قصر اجانب
طبـينه القـصر مابـيـن جمـع الـناس
وكلها تصيح هاي اخت لكمر عباس
مايرحم حجيهم خويه يا ابو الزود
نـدخل نـص زلــم ومهبطين الراس
طبينه القصر والناس يشمتون
وين ازلام هاشم خلهم يحضرون
زينبكم غريبه وخلهم يشوفـون
ضعني مدلل وجان العلم موجود
هسه اجناب كامو بيه اليكيـدون
وين ازلام هاشم خل يحضروني
وصلنه الشام والناس التلكتنه
فرحانه بهضمنه وحرك خيمـتنه
بطبول وهلاهل والشتم يحسين
ياحـركـت كلبـنه ويا مصـيـبتـنه
فرحانه بهضمنه الناس ياخويه
يا عازت حسيـن وعازت الخـوه
ردتك يبو سـكـينه يا ابـو المروه
من يوم الدخلنا هناك برض الشام
المن اطي وجهي ضاعت النخوه
وينك يبو سكينه الصوط ماذينه
شاعرها احمد المهناوي
فزاعيات لطم نسوان, [٠١.٠٨.٢١ ٠٠:٥٢]
اون وبجي على زينب حيل خلوني
اون ونحـب وكلبـي تكـسره الحسره
وصبن دمعـي للـراحت بنص صـحره
على مـصـابـج يـزيـنـب اللـطم واقره
ومن كد البواجي اعميهن عيوني..اون وبجي على زينب حيل خلوني
على حـركو خـيمـها وركضـت الهيـمـه
طاحت كل خيمـها ومـابـقـت خــيمـه
شـيـب رأسـهـا من الـعـاشر وضـيمه
اريد الطم عليها وحرك متوني..اون وبجي على زينب حيل خلوني
يمصـابج يزيـنـب ماكـو مثـلـه مصـاب
تـمـشيـن وي غـربـه وكـل هلج غـياب
ونــج مابــطـل لادمــعــج الـسـجـاب
وتكل لحسين خويه راح يسبوني..اون وبجي على زينب حيل خلوني
راحــت والـضـعـن مابـيـه كـمـر عـدنـان
نايـم علـى الشريـعـه مــوسـد الـتـربــان
وبـالـعيـن الســهم ومــكٓـطــع الـذرعـان
جتفوني يخويه وياهم اخذوني..اون وبجي على زينب حيل خلوني
راحت والدمع سـجاب على الخديـن
تصرخ ياعباس خويه وياعضيدي حسين
لا تأخــذها راحــه ولا تيـهيـد الـعيــن
ومن فيض الدمع ماسدهن جفوني..اون
وبجي على زينب حيل خلوني
شاعرها احمد المهناوي
فزاعيات لطم نسوان, [٠٣.٠٨.٢١ ٠٢:١٨]
هـل جانـي مـحـرم مـجـبـل علـيـــه
وطاري السبي موش اولام علويـه
وكـل ديـره بـخــرابه نـبـات لــيليـه
ومن درب السبي توجعني رجـلــيه
وبنص الخرابه نبات كل ليله
هل اهـلال حزني اهلال فركتـنه
فاركني من خـوتي حلـوه لمـتنه
وجـدام الـعـدو نركـض بهـمتـنه
من حركت علينه الناس خيمتنه
والنار بعبينه نركض بالفلا
ياشـهر المـصـايـب يـاشــهر عاشـــور
بيــه راحـت زلـمـنه ومـا الي ناطــور
من طاح ابو فاضل طاح منه السـور
وحسيني رميـه على الترب منحـور
حسين جاوينه وطفالي تصيح
عـسا شهـرك محـرم كون ما شـوفـه
بيه امشي سبيه اجتاف للكـوفـه
وطـفالـي تـون بـدمــعه مـلهـوفــه
ما متعوده تمـشي بدرب مجـتوفه
نخيتك يا بوفاضل كوم هد لينه
من الكوفه نمشي نوب لارض الشام
ومـن درب لـدرب ومهبـطـين الهــام
والـحــيره علـيـنه بـلـيل ويــن انـام
ماتكـســر كلـبـهـم لـوعـت الايـتــام
بحجر رامونه ياعباس خويه
خادمكم احمد المهناوي
فزاعيات لطم نسوان, [٠٧.٠٨.٢١ ١٤:٢٠]
اجـيـتك للـنهـر كـل حـيـل مـابــيـه
اتوجه على سيفي ضلوعي محـنيه
بـالكـوه اشـيل اجـدامـي وتعنيـت
هـدت حيـلي طيحت اخو العلويه
حسين بكربلاء العباس هد حيله
مـن يـوم الـطحـت خويه انكسر ضهري
راحـت كـل سـنيـني وراح كـل عمــري
نـفـل احـزام حـيـلـي وتـاه بيــه الــرأي
بـعـدك يـاهــو الـيـه ويـاهـو الـخــدري
كمت أعثر وكومن من طحت خويه
زيـنـب تـنـتـضـر بعـتـاب خيـمـتها
مـهضـومـه يـخويه وصعبه حالتها
منـتـضـره عليـها جـيتـك عـبـاس
وبـحسـره ودمـع وبـلهفه وكفتـها
كوم ارجع لزينب طلعت الخيمه
لاضـلالـي ناصر لا اخو بـا احــذاي
بعدك يا ابو فاضل شتموني عــداي
كـالـو وحـده وبـلا معــيـن حسيـن
عـوف النومه خويه وكوم رد وياي
حسين بوحده وماعده عوانه
من ارجع يخويه شلون احجيها
لـعـيـالــي وكـلــها راح وإلـيـهــا
كلفه عليه هاي الكلمه يـا عبـاس
وعيالي عطاشا العطش ناهـيهـا
وشلون احجيها عفته على النهر
وصلت على المخيم دمعي نص العين
وكلها تصيح وينه ابو الفضل يحسيـن
راح ومارجـع ماجانـه لاجـاب المـاي
وســكيـنه تـــون وتـلـطم الـــخديــن
ليش ما جانه وچا عباس وينه
خادمكم احمد المهناوي
موسسة منبريون لنشر القصائد