قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
فاطمه وردة الباري ومارعوها
فاطمه شافت محن من بعد ابوها
شكد جروح اتحملت سنينها شمعه وطفت
@@@@@@@@@@@@
وردة الله فاطمه من الجنه عطر احساسها
رحمه وايمان وعطف الله خلقها الناسها
ارويحتها ماتحمل الم تحمل امل بنفاسها
يسخط الباري اليمر بيها بحقد لو جاسها
اتجرئو اهل الحقد ماثمنوها اتجرئو اهموم ونوايب حملوها
زمره ياوسفه وطغت سنينها شمعه وطفت
@@@@@@@@@@@@@
بسنينها الاثمنطعش عمر الورد بسنينها
من حبها الله ماجعل بس دعوه بينه وبينها
بنت النبي عگب النبي عالصار الله اعينها
غصب الارض كسر الضلع والاثر باقي بعينها
بالجره كل النوايه بينوها بالجره الله يعينج يم ابوها
ارويحتج شتحملت سنينها شمعه وطفت
@@@@@@@@@@@@@
كسرو غصنها بياذنب بنت النبي وريحانته
الگلبه صخر يكره اسم گلب الورد من ذاته
المايعرف احساس الدمع عينه تذل دمعاته
ولهذا بغضو فاطمه زمرة ابليس بصايته
اتعاهدوزمرة ابليس اعله الرزيه اتعاهد ايظلمونها الزهره الزچيه
الدارها زمره اعتنت اسنينها شمعه وطفت
@@@@@@@@@@@
اه يا گلبها اشگد حمل عگب النبي من عافها
والچان يحزن لو يمر يمها وحزينه شافها
ياوسفه من كثر الظلم ذبلت يطه اشفافها
كسرو ضلعها فاطمه بين الجدار وبابها
بلارحم هجموعلى دارالعفيفيه بلارحم وتمادو اصحاب السقيفه
اگلوبهم سوده انطوت اسنينها شمعه انطفت
@@@@@@@@@@@@
اسنينها وسفه انطفت شمعتها والنور اختفه
وشعلوها نيران الحقد ويسعر لهبها ماطفه
اول جريمه الاسست نهج الغدر يالمصطفى
ضد ال بيتك بالحقد لليوم خصمك مكتفه
فاطمه اول جرح ينزف ندامه فاطمه ثار النبوه والامامه
اول مصيبه اتسجلت اسنينها شمعه انطفت
تمت بعون الله
خادم اهل البيت
موسى الجيداوي
[ ٠٧:٤٥ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
انولدت بدموع … ختمتها جرح
ماتت بالدار … عطشانه فرح
بزغيره اسنين … كسر بضلعين
مسطوره العين … طاحلها طفل
من ولادتها لدفنها … عاشت ابلوعه وهضم
الضحكه ما مرت عليها … الضحكه التمرها الم
هيه چانت بنت ابوها … وهيه هم چانتله ام
راد ينزل يمها طه … الكسر بس ما ينلحم
الوجع يحس بي … الكسر بفاطمه
ون عالزهراء … بچه البالسمه
من شاف الناس … ماعدها احساس
امفرع الراس … بدفنتها نزل
اليرضه خالقها لرضاها … والها ما يرفض طلب
اتجمعو انذل الامه … لدارها لمو حطب
واحد يگول المسيه … علي نكسره القلب
و واحد الكسر ضلعها … واحد بسوطه ضرب
تشكف سطرات … ولحاله بچي
تغشى امن اعيون … سمعوها حچي
ممشاها ضاع … طاحت عالكاع
والساتر ماع … الحارگته جهل
الارض ما لزمت نفسها … ورجفت بكسر الضلع
والسماوات اعله ونها … بيهن اختل الوضع
السمه اله اشويه طاحت … تباوع لخدها انصفع
بس علي بحيله المكسر … توگع السبعه منع
يمشي بلا روح … روحه بفاطمه
مو حگها تطيح … عالگاع السمه
يوگف ويطيح … يعثر بالريح
عينوني يصيح … ماضلي اهل
علي من غسلها بيده … وايده مرت عالكسر
شهگ شهگت موت باوع … زغيره چنها أمن العصر
بخدها يحسب بالاصابع … عيونها يباوع حمر
امن ايده بدمعه يطلع … طافيات شگد جمر
چفها المحروگ … دنگ قبله
فاطم قرأن … وانت البسمله
چفنها وناح … ودعوها وصاح
لا ما نرتاح … شيرجعه شمل
مطر فوگ الزهره طاحو … زينب حسين وحسن
علي گلهم كافي بويه … أمن الدمع ماضل جفن
صوت من الزهره حيدر … اجروحي من جوي شفن
فتحت ايديها الحنينه … تگول هذا اخر حضن
خلي يشبعون … من عندي بعد
بس بهل ليل … ويضمني لحد
دمي البالدار … ويه البسمار
هذا التذكار … من عندي يضل
عين من الزهره ضلت … على زينب بالدفن
تشوف چن باجر اديها … بكربله بنار انچون
تمشي وي كتال اخوها … وتسبا من وطن لوطن
اخوتها چانو شمع الها … بكربله بس انطفن
تباوع لحسين … واليمه شمر
تشوفه أمن اگفاه … ويحزله نحر
وين العباس … تشمت ناس
يشوفوها الراس … وبعينه نبل
الشاعر غضنفر الزيداوي
[ ٠٧:٤٨ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
والله دنيا،،،.فارگتنه أوياهه
لحضه وحده. أمنه ماننساهه
مرت ايام اشكثر لاتجينه ولاتمر
من اهد ماراحت أمنه،، لحظه مابطل بچينه
حتى هاي الدار صارت،، موحشه وضلمه وحزينه
گلت كلمن يفگد امه.،، عاالمصاب الله يعينه
عنه راحت صار فتره،،. ماتمر بينه الحنينه
چنه نلتم يمها يامحلانه
هسه نگعد. وامنه ماهي ويانه
صار مايسوه العمر. لا تجينه ولا تمر
نسولف بطاريها صرنه، هسه من نگعد سويه
كل حچينه وسالفتنه،، اه يفارگ الزچيه
ثمنطعش چانت عمرها. ستعجلت حيل المنيه
فرگت الام اشكبرها،، منها ماكواعظم رزيه
فارگتنه،،راحت ابلا رجعه
سلمتنه،،للحزن والدمعه
من اهد ذاك الكسر. لا تجينه ولا تمر
مانسيناهه ثواني،،البيت موحش من بعدها
ندفنت بكسرت ضلعها،،ندفنت ومصطور خدها
ليش تالي اليل ابونه،،راح من يدفن جسدها
وليش رد مكسور گلبه،،علي حاميها واسدها
محني ضهره،،حيدر من اهمومه
صوته يهمس.،،فاطمه المظلومه
الله ينطينه الصبر،،لا تجينه ولا تمر
من تفز بليل زينب،،تبقه متحيره بأمرها
تلتفت ماهيه أمها،،تيتمت بأول عمرها
ياهو سامع ام ولدها. بسكته يمشون لگبرها
هاي بس وي امنه صارت،،حتارت الدنيه بصبرها
ماكو شمعه،، ضلمه نگصد ليها
ونبچي سكته،،لو بچينه عليها
بسكته نبچي اعله الگبر.لا تجينه ولا تمر
**
امنه مظلومه وشهيده،، راحت ودمعتها عاالخد
شوگنه الها وهوانه ، صعبه من انوصفه اشگد
الفراغ العافته امنه، مااشوف ايسده احد
نار فرگتها بگلبنه، تسعر وما لحظه تبرد
وشيردها. ماترد دنيانه
ودعتنه. وشيردها ويانه
طالت ايام الهجر،، لاتجينه ولا تمر
سعد العبودي
[ ٠٧:٤٩ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
يازهراء
ليش تالي اليل رايح بيها
جنازه عن عين الخلگ تخفيها
فاطمه يافاطمه
طالع ابهااليل يااعظم امام
وشايل اجنازتهه وبهذا الظلام
يل الصميده نيتك زينب تنام
تخاف تبچي لمن اتصدليها
ياعلي لاشمعه بيدك لاضوه
وگلبك انت بنار الاحزان انچوه
چن نعشهه وعمرك انشالن سوه
فاطمه روحك لئن ندريها
*
ياعلي يابو العواطف والحنان
وين واريت الوديعه بيامكان
وانت تدفن گلبك يحاچيهه چان
وچفن عينك دمعته يجريها
*
يلي صارت اه گلبك تنسمع
انت چن مكسور من عندك ضلع؟
مصابهه كلش كلف ماينجرع
والاشد بچفوفك اتواريها
*
وين گبر ام الحسن ماندري صار
وليش ماتگصد تزوره باالنهار
اشگد بگلبك ياعلي شايل اسرار
سيدي بس الله يعلم بيها
**
حيل صعبه بهل الشكل تتفاركون
احنه ندري عليك ابدن مايهون
تخفي گبر الطاهره عن العيون
وتبقى سر ومبهم اتخليها
سعد العبودي
[ ٠٧:٤٩ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
سؤال امحير اعيوني
شمسوي أو تحبوني
سادتي يا آل فاطم
.
.
سؤال بهلعقل يمشي .. أو وسط عيوني وبرمشي .. يمن صرتوا الي كلشي .. وأنه الكلشي ما صاير
اجيتوني بضوه النعمة .. وأَنَه جنت أو علي اعمى
او رزقتوني بجي أو خدمة ..
يمكم عقلي ضل حاير
علامات العشك ما وحده بيه
وانتم خيركم خيّم عليّه
يعجز عقلي من يحسب كرمكم
يل دايم فضلكم عالبرية
.
.
شلتوني ابضوه الدمعة .. أو سويتوا الي سُمعة .. أو علمتوا القلب ينعى … وين آنه أو تقدروني ؟
ابايات الفكر أسأل .. خليتوني المدلل .. وأَنَه بِذْنوبي إمبهذل .. مستاهل ترحموني؟
بيكم صارت اعيوني تناظر
كبر صيت اسمي وي طاري الشعائر
وأنه امتيهه ادروب الحقيقة
او وي غير العزه جفني يساهر
.
.
عطفكم تارس اسنيني … او هو ابدربي الامدليني .. عميه ابدونكم عيني
عيشتوني بحماكم
وآنه الضايعة أحوالي .. أو راح الغيركم بالي … ابحب الدينا دلالي
غارك موش وياكم
الحسافة تاكل بقلبي أو ندامة
واجيت ابحزني ودموعي العلامة
تايب عن غفلتي الموش سهلة
مكسور الجنح مثل الحمامة
.
.
اجيت أو دمعتي تجري… سلمته بعشك أمري .. الكم مذهبي أو فكري
غافل والعذر منكم
شكول أو شتعذر هسه .. شذكر منهن أو شنسه .. ذنوب بقلبي متريسه
او غفران الذنب يمكم
الخجل منكم ترس عمري ابحسرته
او ماي الوجه يم جفكم شمرته
هو المذنب اشيحجي اشيفسر
خل تحجي عنِ السانه دمعته
.
.
فاضل عباس الخزاعي
[ ٠٧:٥٠ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
ودعني مثل الدمعه وتودعلهه عين
يا ابا الحسن والمُلتقى عِند الحُسين
موعدنه يم نار الخيم
نتلاكه من يوصل سهم
عِند الحُسين
●●●●●●●●●●●●●●●
تدري هاي الليله آخر ليله إليه
وهايه آخر كعده نكعدهه سويه
ياعلي موعدنه بارض الغاضريه
لمن ايسمون زينب يا سبيه
خل ننسه موضوع الضلع والفاجعه
وسولفلي باليحني الظهر عالمشرعه
بالنايم وشابك علم
نتلاكه من يوصل سهم
عِند الحُسين
●●●●●●●●●●●●●●●●●
كوم ودع فاطمه إوداع النهايه
ياعلي وخل نتفق من البدايه
آنه فوك حسين اضلل بالعبايه
وانت صَبّر زينب ولم السبايه
بسماري هيّن ياعلي يم النبل
والنبله ياحيدر فلا ترحم طفل
مثل الورد وتشربه دم
نتلاكه من يوصل سهم
عِند الحُسين
●●●●●●●●●●●●●●●●●
يا علي وهذا الطلب منك اريده
بيدك اترجعلي روحي يالصميده
لبني اروحن حافيه واكطع البيده
كبل سيف النايبه وكطعة وريده
ويه السهم ذاك اليصوب جبدته
نتلاكه يم صدرره ونقبل جبهته
كبل الحجر كبل الألم
نتلاكه من يوصل سهم
عِند الحُسين
●●●●●●●●●●●●●●●●●
إبعلمي باجر يا علي اتفر الضعينه
حسين طايح عالوجه ومكطعينه
بصوت انادي هلله هلله حسين وينه
ما نخلي عاري واندفنه بإدينه
آنه ضلع واحد يأذيني تره
وي عمت عيني ضلوعه كلهه امكسره
وبي ضلع واحد ما سلم
نتلاكه من يوصل سهم
عِند الحُسين
●●●●●●●●●●●●●●●●●
ياعلي ولو جيته كبلي انتظرني
كله امك جايه وخله إيعَذرني
تدري بالمكسور ظلعه ايصير محني
وآنه محنيه وظلوعي يوجعني
يالوالي كون اتعطلت عن الذبيح
معناهه امشي واعثر وكل ساعه اطيح
وكل ساعه اصَبّر بالجدَم
نتلاكه من يوصل سهم
عِند الحُسين
●●●●●●●●●●●●●●●●●
ش/علي الإبراهيمي
[ ٠٧:٥٠ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
من حرگوا الدار. صوبهه بسمار
وكسروا ظلعهه.
ـــــــــــــــــــــــــــــــــــــــــــــــــــــــ١
الهادي وصاهم بفاطم والعده ظلموهه
خانوا وكسروا ظلعهه. وابد مارحموهه
وره الباب البضعه لاذت. بالحقد عصروهه
اتگوم وتطيح الزچيه. وعلمتن ضربوهه
ظل يبچي الحسين. من شاهد العين
يذرف دمعهه وكسروا ظلعهه
ــــــــــــــــــــــــــــــــــــــــــــــ٢
طاح محسنهه وتصوب. شنهو ذنبه الغالي
مات محسن يجري دمه. ويشكي لله العالي
زينب تنادي ييمه . الحسن دمعه يلالي
دمعته تضوي اعلخده . ويفگد الأم تالي
مايرحم الباب. وتدفعه الاجناب
ياجف دفعهه. وكسروا ظلعهه
ـــــــــــــــــــــــــــــــــــــــــــــــــــــ٣
قنفذ بصوطه تعنه . يضرب ام العتره.
من حقد صوطه تنادي . يالرسول الزهره
الدار محترگه عليهه . وتنچوي بالجمره
الگوم مجتمعه الغدرهه. الليل يبچي وفجره.
يغدرون الأحسان. دم تبچي الاكوان
يحزن وضعهه. وكسروا ظلعهه
ـــــــــــــــــــــــــــــــــــــــــــــــــــــــ٤
الزهره ماننسه جرحهه ايعيش دوم ويانه
موقف الزهره نذكره. وهيه ماتنسانه
حاضره بكل المجالس. توگف وترعانه
واحنه خدام الهه نبقى. كل وكت تلگانه
هاي ام الاطهار. فدوه الهه الاعمار.
الجود بطبعهه. وكسروا ظلعهه
ـــــــــــــــــــــــــــــــــــــــــــــــــــــ٥
باچر المهدي يطالب ثارهه وينصرهه
مايضل بالدنيه ظالم . ثورته يفجرهه
والأرض قسطا وعدلا يملي ويعمرهه
باجر الزهره الزچيه. ينجبر خاطرهه
من بيت الاحزان. ثورتهه عنوان.
ربنه السمعهه. وكسروا ظلعهه
ـــــــــــــــــــــــــــــــــــــــــــــــــــــــ
حيدر موسى الرميثي
[٠٥:٢٦ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
من حرگوا الدار. صوبهه بسمار
وكسروا ظلعهه.
ـــــــــــــــــــــــــــــــــــــــــــــــــــــــ١
الهادي وصاهم بفاطم والعده ظلموهه
خانوا وكسروا ظلعهه. وابد مارحموهه
وره الباب البضعه لاذت. بالحقد عصروهه
اتگوم وتطيح الزچيه. وعلمتن ضربوهه
ظل يبچي الحسين. من شاهد العين
يذرف دمعهه وكسروا ظلعهه
ــــــــــــــــــــــــــــــــــــــــــــــ٢
طاح محسنهه وتصوب. شنهو ذنبه الغالي
مات محسن يجري دمه. ويشكي لله العالي
زينب تنادي ييمه . الحسن دمعه يلالي
دمعته تضوي اعلخده . ويفگد الأم تالي
مايرحم الباب. وتدفعه الاجناب
ياجف دفعهه. وكسروا ظلعهه
ـــــــــــــــــــــــــــــــــــــــــــــــــــــ٣
قنفذ بصوطه تعنه . يضرب ام العتره.
من حقد صوطه تنادي . يالرسول الزهره
الدار محترگه عليهه . وتنچوي بالجمره
الگوم مجتمعه الغدرهه. الليل يبچي وفجره.
يغدرون الأحسان. دم تبچي الاكوان
يحزن وضعهه. وكسروا ظلعهه
ـــــــــــــــــــــــــــــــــــــــــــــــــــــــ٤
الزهره ماننسه جرحهه ايعيش دوم ويانه
موقف الزهره نذكره. وهيه ماتنسانه
حاضره بكل المجالس. توگف وترعانه
واحنه خدام الهه نبقى. كل وكت تلگانه
هاي ام الاطهار. فدوه الهه الاعمار.
الجود بطبعهه. وكسروا ظلعهه
ـــــــــــــــــــــــــــــــــــــــــــــــــــــ٥
باچر المهدي يطالب ثارهه وينصرهه
مايضل بالدنيه ظالم . ثورته يفجرهه
والأرض قسطا وعدلا يملي ويعمرهه
باجر الزهره الزچيه. ينجبر خاطرهه
من بيت الاحزان. ثورتهه عنوان.
ربنه السمعهه. وكسروا ظلعهه
ـــــــــــــــــــــــــــــــــــــــــــــــــــــــ
حيدر موسى الرميثي
[٠٥:٢٧ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
الليالي الفاطمية
طور تراثي
من الطحت لليوم بالعتبة دمك
اتذكرني بيك الباب يا بعد امك
محسن يمه حرموني منك وسفه يوليدي
“”””””
يوليدي الله اوياك كلمة وگلتهه
يا وسفه تسع شهور ما كملتهه
بروحي بگت ذكراك جمرة شلتهه
وعگبك تره أيام ما طولتهه
محسن يمه حرموني منك وسفه يوليدي
“””””””
عالعتبة دمك سال يبن الزچيه
دم امك اويه ادماك سالت سويه
يوليدي وكل الصار غصباً عليه
عصروني يبني وحيف رحت امن ايديه
محسن يمه حرموني منك وسفه يوليدي
“””””””””
صرت انظر الكاروك تلزمني عبره
يبني ومكانك بي خالي انظره
وكلما شفت لگماط گلبي يعصره
حسره اعله ايدي تنام يوليدي حسره
محسن يمه حرموني منك وسفه يوليدي
“”””””””””
ضلعي انكسر بالباب بالحسرة والهم
بس فكري يمك صار وگلبي تألم
محتارة وأبچي اعليك ودموعي من دم
مثل امك انته خاف ضلعك تهشم
محسن يمه حرموني منك وسفه يوليدي
“””””””””
لمن طحت عالگاع گلبي علمني
يا فضة صحت بصوت راح ابني مني
يا فضة ركضي بساع لحگي اعله ابني
عني رحت يا حيف فگدك هضمني
محسن يمه حرموني منك وسفه يوليدي
“”””””””
ردتك ذخر لحسين بالغاضريه
يا وسفه ما خلوك يوليدي اليه
ومثلك يطيح حسين باچر ضحيه
جسمه بكتر والراس عالسمهريه
محسن يمه حرموني منك وسفه يوليدي
انيس الخفاجي الكربلائي
[٠٥:٢٨ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
عمر فضّه فده المحسن ولا منه يحرمونچ
يريت اني إلّي خلف الباب ومو انتي اليعصرونچ
كافي من البچي كافي أخافن يعمن عيونچ
عاد وبس إشبعي شوف من اعيون اليودعونچ
لون عيوني ويرهمن دوه الجرح الجفن ياريت
يريت النار بيّه اتشب ولا وصلت الباب البيت
وكون انه أنكسر ظلعي الدفع بابچ أنه تصديت
أضل محزونه الچ للموت عن مولاتي ما حاميت
كافي من الحزن كافي ذبلتي هواي مولاتي
وانه طول الليالي وياچ اشكثر تاخذني حسباتي
أخاف اعليچ وتموتين ولو شتفيد حسراتي
الما صارن إلچ مرهم وشينفعن يدمعاتي
فضه اسمي وأصير اتراب يمولاتي لعد جدمچ
وأحسبهن مثل لحضات سنين الّي گضن يمچ
عبده وما إلي حيله وعنچ ما شلت همّچ
چنهه الفرگه راح اتصير وحرموا فضّه التخدمچ
بعد شتفيدني الدمعه وباچر عينچ تهاجر
سراب الدنيا بعيونچ وميته من گبل باچر
يريت الموت ياخذني ولا أشوفن علي يكابر
وانظر للحسن وحسين يبچون بكسر خاطر
أبو أحمد الخيگاني
[٠٥:٢٨ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
ضلعي يطيب وداعت انفاسك
بس اشيطيب الشيب البراسك
ليش..حيدر… عالي ونك
ضلعي.. فدوه.. …لشيبه منك
…………………………………………
كافي تكبر يابو زينب ارجع لزينب ابكدك
انته كل الدنيه بيدك..أيدك اشعدها اعله خدك
يلعشت ليه وعشتلك ادري غيري ماكو عندك
ايطيب كسري من اشوفك تضحك ابيتي ويه ولدك
آنه تره الما اكدر ابدونك
غمض علي وتلكاني بعيونك
كلشي…بيه….راضي عنك
ضلعي… فدوه… لشيبه منك
…………………………………………
غاليه ادموعك عليه يلمدللني ابحياتك
اشهالحنان البيك حيدر وكبري غطيته ابعباتك
لخاطري كوم اعله حيلك اشتاكن لطولك بناتك
اسمعت مابيك توكف والدعاء يبجي بصلاتك
ارجع لبيتك داري احبابي
بسك علي نايم عله اترابي
ارجع…لمهم…بهذا حضنك
ضلعي….فدوه…لشيبه منك
………………………………………..
غمضت مستحيه منك مامغمضه الألم كسري
أزغيره الاسنين العشتها وقصرت خافن بعمري
انعجنه بطينه وحده عشت عطرك وانته عطري
عمر شايلني اعله راسك كون اخدمك جوه كبري
دافني لو دافن علي روحك
من كل كتر شو تنزف جروحك
ريته….كله….بيه حزنك
ضلعي..فدوه… لشيبه منك
………………………………………..
مااعوفك تدري بيه مايهمني عدله..ميته
وما أهم جي عيني حمره بس أهم جي بيها انته
ومثلي محسن هم يحبك ويستحي يطلعها ونته
جانت امنيته بحياته أتهزه بلكاروك أخته
من دون اخوته ما غفه بأيدي
جان اشحلاته ايشبهك وليدي
لأجلك….دمنه…انه وابنك
ضلعي… فدوه..لشيبه منك
…………………………………………
شمحلى يافاطمه بصوتك أنسى وني وأنسى وضعي
أعليه لاتزعل يغالي ما اضم اعليك طبعي
حتى تبقى اكبالي اخضر ماجبتلك طاري ضلعي
ادري الأذبلك عصرتي وجان الك كل ذاك دمعي
ماعندي غيرك ياعلي ثاني
حيل اعتذر جي صرت دفاني
عذرني…حيدر…غالي متنك
ضلعي… فدوه… لشيبه منك
………………………………………..
احمد ماجد الكلابي
[٠٥:٢٨ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
زينبچ عالباب تنطر الغياب
چم نهار وليل يمه گلبي أنصاب
لمته تجين وبيدچ المحسن
ريتج سمعتي زينب من اتون
يهمس بأذني جرحچ اشما احن
ما يرجع المات
بالباب أشمن عطرچ
وعالباب أشوفن كسرچ
وهنا تناثر عمرچوما يرجع المات
غصني توه وبان ولبس ثوب أحزان
أنتي مو للموت وصار عمرچ كان
نوم المگابر مو الج يمه
وبعيون أبوي أشگد شفت هضمه
ما اگول أريدن أمي لا لچمه
كل خوفي اعليه
أحچيهه بس وي روحي
وعمري بده ويجروحي
نوحي يزينب نوحيشيرد الأحباب
غربتي ويلا ابتدت منا
وجهچ ومن غاب غاب كلشي ويا
جار الزمن وأعله أمي صب جوره
أم الحنان اتموت مقهوره
رحتي من ادينه وانتي مكسوره
ما طاب الأصواب
يمه الي دافع بابچ
يتم أعز أحبابچ
نسهر جرح لمصابچماطاب الأصواب
اليجرح المجروح ماتت أمي تنوح
بخاطر المكسور مو وكتهه تروح
أكبر جرح كل ما كبر عمري
وعندچ أمانه گلتي ياخدري
وأتحزمت بجروحي وصبري
من زغري ويلاه
وصرت اني أشيل جروحچ
واتعلمت من نوحچ
روحي شبيهت روحچيكتلهه الأفراگ
كل شبر بالدار الچ بيه آثار
ما محا دخان ولامحاه النار
وبكل شبر بالدار الج دمعه
گوه يعيش الينكسر ظلعه
فيض الحنان دموعي مترجعه
أدريهه هيهات
الدوم اني أردد بيهه
ردي الي من أحچيهه
هيهات اني أدريهه
مايرجع الماتابو أحمد الخيگاني
[٠٥:٢٩ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
يبنـــادم أصحـــه وأنتبـــــه والغفلــــــة كافـــــــــــي
كثرت ذنـــوبـــــك يا بشـــــــر ملتهــــي غافــــــــي
لنفتـــرض ايـــامـــــــك خلصــت شنــــو ﮔـــدامــك
بس المــــوت … بس المـــــوت
الدنيــا اشمــا حلت يمــك اكيــد الهه نهايتـــــــه
يجــي اليوم التودعهـــــه وتفارﮔ انتَ زينتهـــه
حَضـر روحــك البــاﭼــر نفسك كافي غفلتهــــه
اشما تركض الك فد يـوم حياتك هايـه مُدتهــــه
وابعمــرك أنت اشقــدمـــت احسبهه ويـــــــاي
نوم وأكل ضحـــــــك ومرح ومتيـــــه الـــــراي
حاﭼـــيني هـــاي احلامــــك خلصــت شنــــو ﮔـــدامــك
اشما تكشـخ يبــــــــن آدم الكشخــه ما تضــل ويـــــــاك
وجمالك ضحكتك قُوتــــك تـــــــذوب وتنطفي عينــــــاك
التذكــره اهنانه ويذكــرك وسط قبـــرك بعد ينســــــــاك
الـﭼــفن حصرياً ايلفـــــك ولا واحـــد أبــــد يلفــــــــــاك
واهنـــاك تكبــــر حيــــرتك ما أقســـــى نفســــــي
دنيانــــه ﭼــانت مدرســــه وانتهــــــى درســــــي
وكل سيــرتـــك وأفلامــــــك خلصــت شنــــو ﮔـــدامــك
اليـــوم وبــاﭼـــر انت تكــول راح استغفــــر اذنوبـــــــــي
واذا بالمـــوت يجيـــك ابساع القبـــر ناداك يمحبوبــــــــي
اهنـــــاك تصـرخ اتنــــــادي يربـــي استـــر اعيوبـــــــي
ما سويــت أبــــد كل خيـــــر انا وامصخــم ابثوبــــــــــي
السجـــاده والسبحــه ابـــد مو صاحباتـــــــي
والغمــزه والسهــره ابكثــر ﭼــانن حياتــــــــي
يالعايــــش ابأوهـامــــــك خلصــت شنــــو ﮔـــدامــك
الوقــت ضــاع وتبـده اهواي ويمشــي عُمـــرك ابسرعــه
دنيتــك هـــــــاي أحذرهـــــه تلدغــــك لدغــة الأفعــــــــــه
أفهــم الله مــن خلقــــــــــاك مو لعبـــه ولا بُـــــــدعــــــه
حتى اتلبــي كل واجـــــــــب ربــك نزلــــــه ابشرعـــــــه
ما دايمــه الدنيــــــه الك بس الله باقــــــــــــي
شتـﮔــله ربــك لو أجــــه يوم التلاقــــــــــــــي
لا ولــــــــدك وعمامـــــــك خلصــت شنــــو ﮔـــدامــك
اعله بالك خلــــــــــي يبنادم اليموت الرجعـــه معدومـــــه
لذلك انتبـــه كل يــــــــــــوم وكلمن ساعتـــــه ويومــــــــه
لا تعشـــﮔ ابد دنيــــــــــــاك الدنيـــا تالي مهدومــــــــــــــه
ونفسك لا تأملــــــــــــهـــــه بعد ﭼـــم ساعـــه مرحومـــــه
ابنيهــــــه اعمالـــك قبـــــل لا تبنـــي بيتــــــك
واتذكــــر ابساعــه تجي اتلــﮔــفــــــك منيتـــــك
احـﭼــايتك وكلامــــــك خلصــت شنــــو ﮔـــدامــك
يبن آدم سفــــر هالمــــــوت وبعيــده رحلـــة السَفــــــرة
جهّــز روحــك، امتاعـــــــك وراك الدفنـــــه والحفــــــرة
مــحد ينصره الميـــــــــــــت فقط بس زَينتـــه اتنصـــــرة
ويهنيــاله البنى ابدنيــــــــاه ابصالح كل عمل قبـــــــــــره
بالك يطلبــك خالقــــــك لو وادمــــك هــــــاي
تتحاسب اعله الذرة ثــق يــــــم الله مــــولاي
يتحطمــــن عظامــــــــك خلصــت شنــــو ﮔـــدامــك
القــوي ابجسمــك بعـد أيـام رخـــي لو ينتهـــي امـــــره
وشعرك أسود ايلمَّـــــــــــع بياض ايصـيـر عـﮔـب قهره
ووجهك بي معاني أهــواي تالي امجعــــد ابحســـــــره
وصحتــك من تمر اسنيــن لازم توﮔــــــع ابعثـــــــــره
من هســه أنــوي وابتـــــدي صفحـــه جديـــــــــــدة
ﮔــلــه يربـــي استغفـــــرك نفــســي عنيـــــــــــــــدة
لحظـــاتــــك وغرامـــــك خلصــت شنــــو ﮔـــدامــك
لخادم الحسين: كرار الحسينات الكربلائي
كربلاء المقدسة
[٠٥:٢٩ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
لاستشهاد فاطمة الزهراء عليها السلام (وزن الشيعتي)
الزهره نفرض ماشكت أول خليفه
لوفرضّنه تنازلت لأهل السقيفه
وإجت تطلب معذره
ماجره عليها الجره
لوفرضّنه تنازلت لاهل السقيفه
لوفرضنه صدگتهم والخليفه صح كلامه
ورث ماإلها الزچيه. عنه مرفوعه الملامه
وإقبلت حكمه وقراره وحمدت الله على السلامه
ابنعيم الزهره ترجع مومهم حال اليتامه
چان ماشافت رفض حد المنيه
وظيم لحظه مايمر حال الزچيه
لوتكول امقصّره
ماجره عليها الجره
لوفرضّنه تنازلت لاهل السقيفه
لوفرضنّه الزهره گالت عن فدك ماتستحقها
وغيّرت خطبتها لمّن بالرفض ظالم سبقها
اوافقت راي الخليفه بكل عبارة شر نطقها
ومالها اي حق تطالب ماكو واحد اخذ حقها
چان ماشافت من الظالم مصيبه
ولادفع باب وكسر ظلع النجيبه
الظلّع لوما كسرّه
ماجره عليها الجره
لوفرضّنه تنازلت لاهل السقيفه
لوفرضنه الجمع ناسه والشعل بالدار ناره
حصّل من الزهره موقف وكسب تاييد بقراره
لاحرگ دار الزجيه وماكو بالموقف خسارة
وقنّعت حيدر يبايع والحكم أصبح تجاره
لاضربها ولاوگع منها طفلها
ولاتوّن ابليل لايقرب اجلها
لويبايع حيدره
ماجره عليها الجره
لوفرضّنه تنازلت لاهل السقيفه
لوفرضنه الزهره سكتت وحيدريعوف الخلافه
ولامهم دين الله يبقه باي شكل تصبح اوصافه
مايمر واحد دربهم وطيب يلگون الصلافه
وعاشوا ابدنيا امينه ولابشر عنهم تجافه
الهظم يرحل مايمر الهظم بيها
من تغير كل مواقفها وحچيها
وبالحكم مستبشره
ماجره عليها الجره
لوفرضّنه تنازلت لاهل السقيفه
**
اه يا بضعة محمد ليش هيج ايصير بيها
ليش هاي الدنيا صارت تبيع بيها وتشتريها
اشسوت الزهره اشذنبها ظلم مر اشگد عليها
ابعمر ورده وذبلوها زمره تضحك من بچيها
ثمنطعش ماكملت ليش ابعمرها
ماتت بشوغات من لوعة كسرها
لو ولا مستنكره
ماجره عليها الجره
لوفرضّنه تنازلت لاهل السقيفه
الشاعر حسن لعيبي الحريشاوي
[٠٥:٣٠ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
باب وبسمار.. وعينج حمره
نار ودخان.. ودفعه وسطره
يمه بدفعت الباب
راسي امن الحزن شاب
……………..
الميت اله دورت سنه وينعاد يوم الذكره
وبروحي كل يوم اليمر ينعاد يوم العصره
ابنج المهدي ودمعتي من الهضم تنزل حمره
تنعرض كدامي الصور وبعيني اشوف الصطره
هاي الآثار… ترست عيني
عايش بالآه… كل اسنيني
كاسر ضهري المصاب
راسي امن الحزن شاب
……………..
هواي الجروح شما اعد لاينتهن لايكظن
نكعت اديه امن الدمع واعليج كلساع اصفن
ليش المصايب فاطمه كلهن البيتج ركضن
موطن البسمار الخشب بحشاج ليش استوطن
يمه العصروج… عصرو گلبي
ومن عدهم صار.. ضيمي وتعبي
واني بهذا الغياب
راسي امن الحزن شاب
……………….
النار العله بابج اجت ماطفت ضلت تلهب
بيها انتي جفج منجوي وبالطف تجوت زينب
محد يحس بالمنجوي ودموعه دم وينحب
ومحد عرف حجم الألم التعبج خلاني اتعب
متعوبه هواي… وجفنج دامي
مالحضه ايغيب… من كدامي
جرحج يمه ماطاب
راسي امن الحزن شاب
…………….
يوجعني صدري امن البجي وضلوعي ماينجاسن
بكد عمري لجمات الدهر يمه وبكَلبي ايباتن
لاباب عاصرني ولا فوكي الحوافر داسن
كل المصايب عالبشر بمصابي ماينقاسن
ابدي امن الباب… اليوم العاشر
كل ليله اتشوف… عيني الحافر
گلبي امن الألم ذاب
راسي امن الحزن شاب
……………….
متعوب خلصت العمر. ومنين اجيب الراحه
المكسور ضلع امه بغدر. ايعيش بدمع ونياحه
والمثلي راحوا كل هله ياهو اليضمد اجراحه
الحرك بابج فاطمه من گلبي جر سباحه
لا ماارتاح… إله بثاري
اخذ بالثار… وتخمد ناري
حاسب الهم حساب
راسي امن الحزن شاب
محمد هادي العقابي
[٠٥:٣٠ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
باجر تبدي النه اول رزيه
باجر ينكسر ضلع الزجيه
بدايه روايه…….وعضيمه النهايه
======≈============≈
باجر تبتدي أل النبي بلوه
عضيمه محتواها الباب والقوه
باجر ماتضل الفاطمه سلوه
يهشمون الضلوع وتبقى تتلوه
باجر يندفع باب الحبيبه
باجر تنولد اعضم مصيبه
هجوم البدايه ……وعضيمه النهايه
تره دار الوصي باجر يدخلوها
وأحاديث النبي بداره يحركوها
والقرآن واياته يطشروها
بنته فاطمه الزهره يشتومها
قرآن الجلاله يطشرونه
ضلع الكوثر امي يهشمونه
صور الله هايه……….وعضيمه النهايه
صورت الله امي انرسمت بنوره
وبمحكم كتابه الزهره مذكوره
بفضلها اعله العباد تكونت صوره
بس تفسيرها أضلاع مكسوره
تنطق بسمله الزهره من اجوها
عباد لاصنام العذبوها
معاني خفايه………وعضيمه النهايه
====================
أصغر صوره بل قرآن نعرفة
الكوثر تعني امي بكل مواقفة
٣ آيات تحوي وربنه وقفه
زغيره تموت مثل الزهره وصفة
الضالم من دفع امي وصفعها
خله ١٨ كسره بضلعها
الدفع عنده غايه …..وعضيمه النهايه
=====================
خلف الباب لاذت رادت المئمن
عصرو فاطمه وضلوعها نكسرن
صياط الخيزران عليها يلتمن
يتشمت الطاغي بحالها تمعن
هاذه المختصر عن حالت امي
زينب اني والموقف هضمني
ختامي بدايه ……….وعضيمه النهايه
ضرغام منعم الكربلائي
[٠٥:٣٠ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
يالماخذه اوياج النبض… لاسمه تلميني ولا ارض
بغيابج
وياج راحت ضحكتي … شلي ابحياتي ودنيتي
بغيابج
……
يعافيتي المشت كسيرة للكبر
النفس كوه صبح وسط ريتي يمر
الفكد مثلج مره شله ابهذا العمر
يالماكو مثلج بالناس .. شاب الراس .. ياروحي
ما احتمل طاري الموت.. والتابوت .. واجروحي
تصعبه الحياة ابروحتج … لو ساعه ردي امروتج
الاحبابج
…..
وحكج يم حسن جبيرة مصيبتي
فكدت ابموتتج وجودي وبسمتي
عليج ابكل وكت متنشف دمعتي
عفتيني وحدي بهل كون … ابجي عيون .. عفتيني
اظلم صرت مثل الليل … راح الحيل … شوفيني
محني الظهر يا فاطمه …. بعدج حياتي مظلمه
اوشبابج
……
يوجه الله السمح الج كلبي انمرد
شسولفلج بعد غيابج حيلي هد
الدفن بيدة الورد صعب يزرع بعد
اتراب الكبر من هليت .. ربي ادعيت … يم بيتي
ياخذه روحي بساعات .. بس لجمات … تاليتي
يم بيتي بعدج لا عشت… توسلت اموت وما متت
بمصابج
…..
علي بعدج صبح فلا يشبه علي
ذبل مثل الغصن يعز ناسي وهلي
وداعج مني اخذ حياتي وكلشي الي
ماظلي كلشي ابدنياي … غير ابجاي .. واحزاني
همي صبح شبه الغيم … حال الضيم … حال اني
كبرني موتج جم سنه . وي روحي اسولف ياهو انه …. اعله بابج
…….
اشما طالت المدة لازم اجي يمج
حسبت وقت تاني واتلاكه وي رسمج
صح عايش انه اهنا بس دمي وي دمج
جرح الفكدلة محبوب … يلبس ثوب … اجفانه
ليلة ونهاره تلكاه … يصرخ اهاه … بحزانه
هيج انه بعدج يم حسن … للموت احن وللجفن
واترابج
…..
الحمدالله رب العالمين
اللهم صل على محمد وآل محمد
موسى الخادم
[٠٥:٣٠ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
من ضلوع امهشمه
وعين حمره بالدمه
ناحت الارض وسمه .. فاطمه يافاطمه
@@@
الكون كله ربنه شاءه من اجل عين الرسول
ولوجود الهادي الله مشترط خلق البتول
مخزن اسرار المعالي طبت اعليها العذول
وبالوصية ذاك يدري وهيچ چفينه تطول
…
المائله حظ ابحرب
دار بوالحمله يطب
وشبع الزهره ضرب .. فاطمه يافاطمه
@@@
لعلة الايجاد دمعه فتت سبع ابسبع
وكون تسمع بس نحيبه عالوجود المنفجع
اشگد عظيمه هالرزيه وحبل ربنه منگطع
والرضاها ابرضه الله امسجيه ابكسرة ضلع
…
منجرح منها المتن
وبعد ابوها بس تون
من ضلعها المنطحن .. فاطمه يافاطمه
@@@
البيها تمت كل رساله وشرط مبعث كل نبي
هالاميره بت محمد زوج ليث الطالبي
تره معصوره ابسترها من لفت عن لجنبي
طاحت وسگّط حشاها ولطم خدها الناصبي
…
ابابها الضلع انكسر
لو عرش الله انفطر
آه ياعظم القهر .. فاطمه يافاطمه
@@@
الحسن وحسين عدها وزينب اتلوذ بألم
وموعجيبه الحيد يبچي وگلبه عالزهره انجسم
جنة الله شلون حرگوا لمن الطاغي هجم
ثمنطعش عمر العقيده وماتت ابرفسة قدم
…
هجموا ابعز الظهر
وتالي صك صدر الطهر
باب مسماره اشكبر .. فاطمه يافاطمه
@@@
روح ابوها والوديعة ونور مشكاة الهدى
تلوج من ضرب الأعادي وقهر هجمات العدى
الورد يگطر نداوه ودم على خدها نده
ماگضه مأتم ابوها وبالعزى خذها الردى
…
الساعد ابكدمه انزرگ
وچفها بالباب احترگ
ومحسن ابدمها غرگ .. فاطمه يافاطمه
@@@
فرع دوحة آل طه وكوثره وسورة قدر
آية الله المامثلها ماتت ابعمر اشصغر
روح طه اشلون روحه لمها بالليل الگبر
والحچه ماتت طبيعي ليش دفنوها ابستر
…
هذا لب المسأله
العد ابوها امدلله
الكل گبرها يجهله .. فاطمه يافاطمه
@@@
لهسه قرآن الولايه حظها عالضيم انكتب
وكل مظل جاير عليها وضدها چم منبر نصب
ترى من صالح عدوها نال من ربه الغضب
والنكر كسرة ضلعها اشينفع اوياه العتب
…
ام ابوها شلون أم
ماتت ابضيم وظلم
وبچّت عيون الهضم .. فاطمه يافاطمه
@@@
علي احمد الحمود
١٢-١١-٢٠٢١
شهادة الزهراء ع
[٠٥:٣١ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
بين امصابه وبينج الله ايعين حسينج
من تغمض عينج يايمه يايمه
حنيت ورجف كلبي وصارت راحتي الونه
اذا منج ظلع كسرو حسين الخيل داسنه
اذا صاب الضلع بسمار حسين اسهام صابنه
ما يكدر اخيي ايكوم حرت اشلون اكومنه
كل ساع ايسحكونه وبالخيل ايرضونه
والدم اعله عيونه يايمه يايمه
الج حيدر لمن عصروج واخوي حسين اله الله
اذا عالكاع صليتي حسين اعله الرمح صله
اذا محسن اكبالج مات ذبحو بيده عبد الله
شرب دمه ولذيذ الماي كام ايصيحله اسم الله
ست اشهور اوليده واشكد فرفح بيده
منه الماي ايريده يايمه يايمه
اذا حركو عليج الدار حسين اخيامه حركوها
واذا مو يم علي ضربوج زينب يمه ضربوها
شفتيلج اخو امن الخيل حته اثيابه سلبوها
شفتيلج مره بهل الليل تباري ايتام خلوها
راحو مني اخواني ودهري اشكد سلاني
شيخلصها احزاني يايمه يايمه
عله امصاب الغريب حسين نارج تسعر وناري
عفته بخطة الميدان امسلب والجسد عاري
كلها اتجفنت وحسين بالطف جفنه الذاري
ومن كد ما ابروحه اجروح يقبض روحه اجه الباري
ملك الموت اتعذر لمن شاف المنحر
بدمه حسين اتعفر يايمه يايمه
اقارن بينج وبينه وعالخد دمعتي اتلالي
اذا نفرض نسيت حسين اشيمسح رسمه من بالي
شفت بالدنيه كلشي ايموت من ايسافر الغالي
مو بس الخيم من راح ضل حته الهوه خالي
جانت حلوه ايامه ماتت ليش احلامه
راح الجان احزامه يايمه
اذا امج خديجه حسين امه فاطمه الزهره
وجم مره رسول الله باس حسين من نحره
منو مثله بثواب الله كام ايثوب بصدره
احله امن الشهد اسمه ويعطر حلك اليذكره
حته الله ايحب روحه اشكد حسين اجروحه
جم ايه المذبوحه يايمه يايمه
تمت
تحسين الخفاجي
[ ٠٣:٢٢ م]
قصائدشهادةفاطمةالزهراءع
ــــــــــــــــــــــــــــــــــــــــــــــــــــــــ
(أوّل شاهد)
أوّل شـاهـد عالـصار — أوّل شـاهـد بـالــدار
آنـه الـبـاب الــراح اتــكـلـم
شفت الظالم جـاني أمـلثـم—————————————-*
اجـانـي ابـلـيس جـايـب نـار مـستـعـره
عَـبـيـده ويـاه خـدامــه وتـحـت أمــره
سمعته ايـصيح ادفـعو الـبـاب لاكسـره
يـجـي الـكـرار هـسـه أيـبايـع انـتـظـره
حــايـر دحــاي الــبــوب
حـايـر حيل ومـتـعـوب
يـسـمـع حـيـدر گـلبـه أتـألـم——————–——————–*
دفـعـنـي ودفّـعـته چـانت عَلّي صـعـبه
الـلـعـيـن الـمُـشـرك بـديـنـه النـكـر ربـه
قـرتــلـه الـطـاهـره أيـة ذوي الــقـربــه
لـچـن مـيفـيد لـلـقـاسـي بـحـقـد گـلبـه
جـاي ويحـچي بـتهـديـد
جـاي وبـحـقــاده أيـزيـد
مـثـل الـزهـره الحـيل أتهـدم———————–——————*
أنـه الـبـاب الـمـلائـك كـلهـه تـحتـرمه
أحتـرام الحيدره وبظـعت نـبي الأمُـه
أجـه الشيطان يـمـي بـنـاره وبـظلمـه
دفـعني وخـلـه أهـل الـدار مهـتـظمـه
يحـچي بـغـايه الـمـلـعـون
يحچي النـاس أيـسمـعـون
جـايـب نــار وقـاصد مـهتـم———————–——————*
أحتمت فاطـم وراي أوأني اشاهـدهـه
تذكره أشـگـال عنـهـه الهادي والـدهـه
أرتـفـع صوته وبـده المـجـرم يـهددهـه
يـصـيـح الـيـوم أريـد الـدار أحـرگـهـه
أعـمـه بـحـقـده ومـيشـوف
أعـمـه الـظـالـم مـعـروف
نـاوي الـشـر بـحـقـده مـحـزم—————————————*
حـرت ذيـچ الچفـوف اشلـون ارجـعهـه
گـلـت هسه الصميده أيـگوم يـگـطعـهـه
تـون خـلفـي الـزچـيـه وانـي أسمـعـهـه
النـذل وسفـه هظمهه وسـال مدمعـهـه
ونـّت فـاطـم بـالنـوح
ونـّت ون الــمـذبــوح
هـاي افـعـالـه وماچـن مـهتـم———————-——————–*
أشـد مـنـظـر ألـيـم أگـبـالـي شـاهـدتـه
انـكسـر ضلـع الـوديعـه وهيـه لازمتـه
بصدرهه اجروح وشگد نوح كـاظمتـه
تـسـولـف بالـدمـع أم الحسـن سـكـتـه
خـاف أتـأذي الـظـرغـام
خــاف اتـــزيـــد ألآلام
هـذا الـشـفـتـه وربـي الـيعـلـم———————-——————*
✍️خـادم الـزهراء (ع)
الشاعر رعد الجريخي