تخطى إلى المحتوى

قصائد استشهاد الزهراء عليها السلام3

    المجموعة الثالثة من قصائد استشهاد الزهراء عليها السلام

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    استشهاد الزهراء ع

    يا ما طرق بابچ نبي

    يالزهره گومي اتحجبي

    ايدگ بابچ الليله اجنبي

    مصيبه

    ****

    الچانت اتدگ بابچ چفوف الرحيمه

    ماتن وظل بس عطرهن ياليتيمه

    گومي شدي احجابچ وصيحي الضليمه

    الليله دگة باب مختلفه او اليمه

    حان الستر يم الستر

    واگف عله الباب الجسر

    لو ينفتح لو ينكسر

    مصيبه

    ****

    اخذي للبسمار يم حسين نظره

    ماهي لحظه الباب دگته اتصير عصره

    بي شعل نار وبده برجله يكسره

    وچّدي امچان الوگعتچ آآ يزهره

    بيتچ احضني عتبته

    من تجزه بابچ رفسته

    المحسن يلوحه بمهجته

    مصيبه

    ****

    اية التطهير يمچ ما قروها

    اتناسو انتي ام ابوها واخت ابوها

    اي وإن موجوده فاطم كرروها

    اسياط لمتونچ يزهره حضروها

    لا زلتي انتي ام الحسن

    ابابچ منافق يا زمن

    دين النبي هسه انطعن

    مصيبه

    ****

    الكون كله بدعوه من عندچ تبيده

    ليش ما تدعين والحاله شديده

    اللعين بكل صلافه رافع ايده

    وتالي ما صحتي اغثني يالصميده

    حيدر يناطر صيحتچ

    بس کونه لامح دمعتچ

    چا ما سمعنه بكسرتچ

    مصيبه

    ****

    ونتچ يسمعها حيدر ماهي سهله

    يم حسن دونچ علي بالدنيه شله

    من كسر ضلعتچ يفاطم دمعچ اغلى

    بس عله مودچ تراها روحه عدله

    بوصيّته الوالي انچتف

    البچه الزلم لونه انخطف

    تنزل دمعته يا وسف

    مصيبه

    ****

    الشاعر اياد الديراوي

    [٢٦/١١/٢١ ١٠:٣٠ م]

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    حال امير المؤمنين علي عليه السلام بعد فراق فاطمة الزهراء عليها السلام (عگيلي )

    حَتْمَاً تبقى ايامك مره ياحيدر من بعد الزهره

    ماهمك كل شّده ابعمرك أصواب الفرگه الكاسر ظهرك

    ياحيدر من بعد الزهره

    ***********

    المهموم ودنياه ماترحم والعنه يروحون احبابه

    يابيت ايلم لوعة گلبه ويافرحه التوصل يم بابه

    كلشي امحسّب من الدنيا بس هذا الماظّن احسابه

    ايفارگ قرآن وتفسيره ونور يضوي بصف محرابه

    فردوس الباري وجناته ومعنى القرآن وآياته

    بجروحك شيضمد صبرك أصواب الفرگه الكاسر ظهرك

    ياحيدر من بعد الزهره

    ************

    من ابتسمت يوم الدنيا حال الخاين من يتبّسم

    تاخذ منك راحة بالك وتنطيك اشگد لوعات وهم

    مثل الماي الفرحه اتبدّت ياماي اتبدّه ومايلتم

    للصعبات اتحتم عمرك وهذا الحال عليك تحتّم

    بعد افراگ احبابك صعبه ديره وصارت وحشه وغربه

    لوعات اهواي التنتظرك أصواب الفرگه الكاسر ظهرك

    ياحيدر من بعد الزهره

    ************

    أحزان الماتندل دربه چان البيت وتضوّي اركانه

    يوم الغابت عنه انواره لون الليل امغطي ألوانه

    والاصحاب الغدروا طه شلون ايسميّهم صحبانه

    والي كاسر ضلع الزهره وين أمروته اوين إحسانه

    والينذم ليش ايمدحونه والشر الخير ايسمّونه

    شماتنسه النسيان ايذكرك أصواب الفرگه الكاسر ظهرك

    ياحيدر من بعد الزهره

    ************

    الحط الخير وشال الظلمه وهدّ الشر ابراحة باله

    وللاسلام البايع روحه جازوا بالنكران افضاله

    خطفوا منه انوار الزهره بالظلمه اشرار التبراله

    ياگلب الماتخمد ناره تذبل شاف الجنه اگباله

    هاي اخر ايام العشره بيها الحاضريصبح ذكره

    من گلبك متغيب وفكرك أصواب الفرگه الكاسر ظهرك

    ياحيدر من بعد الزهره

    **************

    لهناه وصلت حال الزهره تتحارب حتى على الونه

    ملّوا ونتّها على الهادي چم محنه اتمر بيها ومحنه

    والكرار ايصد ابعينه حسره گباله تذوب الجنه

    معناها الراحه ايودعها وتصير الدنيا ابلامعنه

    لاحسره اتجيبه ولادمعه الراح ابدرب المابيه رجعه

    موبس حرگه اتعيش ابصدرك أصواب الفرگه الكاسر ظهرك

    ياحيدر من بعد الزهره

    الشاعر حسن لعيبي الحريشاوي

    [٢٦/١١/٢١ ١٠:٣١ م]

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    يتعبني الونين عليج تالي اليل

    ياحيل اليجيني وانه دافن حيل

    يضي روحي… يا زهرتي

    المر اجرعه عندي سهله…ولا ارد مثل الغريب

    بيش اقنع ايتامي باجر… مبين الفاكد حبيب

    ينتجي عليمن يزهره الدفن كلبة وهو شاب

    الشوك يوسف شلع كلبه واني شالع كلبي باب

    حلمي جان بمحسن هواي

    يمشي وي عباس للماي

    يضي روحي.. يا زهرتي

    انتي ام البيت رحتي…وعشرت ايام وسنين

    اني شلعت كلبي جلمة… من الحسن جا امي وين

    خلصت كل اليالي متاني عينج طيف طيف

    اني كل سفرة الامدها يطيح دمعي عالرغيف

    المغرب يجلون يمي

    كوم بويه ودنه ل امي

    يضي روحي… يا زهرتي

    اني اول زلمة اطيحن… ونفس ما بيه اجر

    اشبك السجادة وابجي… لحد ما يغفه الفجر

    من مشيتي كلها عرفت دافن بجفي ام حسن

    كام سلمان وشبكني وكل حياطيني بجن

    علي كبران بغيابج

    كلشي ما خله مصابج

    يضي روحي… يا زهرتي

    الباب كمت اني من اشوفه… اتخيله يحجي الصدك

    يكلي جف ما عدي ادافع… اني مثلك محترك

    كتله بالتغسيل اني شفت منك جم طبع

    ولسه عالحايط دماها وصوت من كسر الضلع

    كمت اشم بي ريحه منها

    وصله ضلت من ردنها

    يضي روحي… يا زهرتي

    كلشي ما اريد بحياتي…. بس ترد يوم ام حسن

    المغرب منشف عيوني…. وهنه بعيوني شبقن

    يساعد الله الدفن مرته ورجع لدار بونين

    تروح ناسه ويضل وحده من الطم ما تبقه ادين

    علي مشتاك لضحكتج

    ردي مو طالت سفرتج

    يضي روحي… يا زهرتي

    كرار فاهم الخفاجي

    [٢٦/١١/٢١ ١٠:٣٣ م]

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    اكـتب يتــاريـــخ … ما وگفت مسيرتنه

    شما يثگل الموت … ما نتركها خدمتنـه

    الصدگي بمحـبـته

    أصـيـله طيـنــتــه … اكتب يتاريخ

    ____

    مو ياهو الچان يلوگ الها

    هاي الخدمه تريد الگدها

    شيريد يحقق سيدها … إله

    يدري بحچيي الناس يأخره

    و ما يهتم من يرخص سعره

    و بخدمة فاطمة الزهره … عِـله

    أصـوله … رجــوله …

    بالخدمه لو ما عَز نَفِس

    النِساها … بصراحه …

    گلولي هم يسوه فِلِس

    بدفترها يا ناس … يسجلنه عباس

    باچر بَلَه حساب… نسمع بالحـشر كلــمه

    يا أيـهــا النـاس … فوتوا لـ جنّة الخدمه

    الصحيحه خِدمتـه

    أصـيـلَــه طِيـنــتــه … اكتب يتاريخ

    __

    شايب شاب اتساوه بگلـبه

    أقربـهُم للخــدمه ؟ بتـعبه

    و هواي ام حسين تحـبه … دَرَه

    خدمة أم الگطعو أصبعه

    حبيناها من أول دمـعـه

    مو كل واحد صوته اتسمعه … تـره

    غرامه … الخِدامه …

    المثل الخيم من يحترگ

    لذلـك … يـ عـالَــم …

    هذه العشگ هوه الصدگ

    بين الخَدَم چان … هذه أعظم أنسان

    إنا جعلـناه … درب الخِـدمـه ينـدلـه

    إنّا خَلقـناه … بدمعـه و تُــربَــة التلّه

    و لــگينه بخِلـقِـتَه

    أصـيـله طيـنــتــه … اكتب يتاريخ

    __

    (يومَ تَقومُ الخدمه) نِشاهِد

    خــط أول كل خــادم گاعد

    لو تسعين اسنينه الواحد … زِغَر

    هذه الدگ أسود للمجلس

    شكبره الوزع بالماي نحِس

    بعين الزهره الگاعد يكنِس … كُبـَر

    قديــره … چبيــره …

    علاَّنه معـبود السـمه

    علينه … يصيحون …

    أحنه عشيرة فاطمه

    واحدنه سلطان … يم بيت الأحزان

    گالو مرض جاي … بيكم يطلع إيجابي

    صاحت الزهراء … كل الشفه يم بابــي

    بعـشــگها صابِــتَه

    أصـيـله طيـنــتــه … اكتب يتاريخ

    ____

    الذَب عكـازاته و يمشيله

    هذه العـباس ايتچيله

    و بحيل الرايه يشد حيله … يــرِد

    و شيخ الگوم العايف ماله

    بصحن حسين تغير حاله

    يشمُر عالشباچ اعگــاله … عَـبِـد

    عُرفها … بشَرفها …

    بس الخدامه تنفـعه

    الينَزِّل … مقـامه …

    باچر الزهــره تُرفعـه

    بحلگه كلمتين … بس الله و حسين

    هنياله لحسين … كل أيــامه مگضيه

    بالجنّه عايـش … العايش بالحُسينيّه

    المجالس خيمــته

    أصـيـله طيـنــتــه … اكتب يتاريخ

    ___

    لا تسـمع ذاك الما يسوه

    و يأخرك عالمهدي بخطوه

    عيش المُرّه و عوف الحلوه … مَـثَـل

    النَقَّص منك ؟ شكراً گِلّه

    تِنذَل ؟ گلــه حلــوه الذلّه

    عن المهدي شلون اتخلّه … فِـشَل

    تِمَــسك … تِمِـسك …

    رحـمه و لا مـنها يـصِــح

    بنقـائك … تنـادي …

    ويه المهدي ما خون الملِح

    و بكلشي لو صار … لتـصير بـسمار

    ابابه دفو صير … لو برد الحرب يبدي

    كلشي الك صار … من يدعيلك المهدي

    الـ تِشملـه دعوتــه

    أصـيـله طيـنــتــه … اكتب يتاريخ

    الشاعر حاتم صبري الكاظمي

    [٢٦/١١/٢١ ١٠:٣٣ م]

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    ((بنفسي أمنيه))

    بنفسي أمنيه …. بضريحك تستلذ عيني

    بنفسي أمنيه …. بـجـوارك شلي بسنيني

    يـسلطـان السموات

    يـسلطـان الاراضين

    مهيج حزن الطفوف

    عليك بداعةْ حـسين ….. زياره

    زيارةْ حب ….

    حبيبي أطلب وصالك ازورك من خلالك

    عسيره ايامي بـجفاك دثـــرني بـــدلالك

    ابو محمد دخيلك

    ارزقـنــــي أجيلك ……

    *********

    سروري بشوفتك …اشوفك يالرضا أمنيتي

    سروري بشوفتك … يناسي وكل أهل بيتي

    مرجـع دمعةْ الشوگ

    يــقديسي وأحاچيك

    عيوني شبعت افراگ

    مــتى مــولاي ألآگيك … زياره

    جرح ينزف ….

    افز لو اسمك يفوت وتضل الدمعه بسكوت

    هوه الموت الفراگ هذا الموت مو موت

    ابو محمد دخيلك

    ارزقـــــني اجيلك …..

    ***********

    حنين برحمتك … گوه الشوگ اجرعنه

    حنين برحمتك … الليل إيمرني بالونه

    اخذني بتعب الاحزان

    برحمتك روحي ترتاح

    مـعـانــاتك عــزيــزات

    يمنطي أچفوف للطاح … زياره

    مشي لهفه …

    مشي والگبه الاحلام مشي ودموع للشام

    قوافل بيك ترتاح الاخير بجرحه جدام

    ابو محمد دخيلك

    ارزقـــــني اجيلك ….

    **********

    يبو فراگ الصعب … اليفارگ دربك شعنده

    يبو فراگ الصعب … ذكــرى ودمعته بخده

    بهائك تارس الروح

    سغيد آنه بجوارك

    خيالي يسرح وياي

    وياخذني الديارك …. زياره

    حلم بيه …

    حلم يتسامر وياي وحگ الماشرب ماي

    لحد ماتغفه العيون أَحسَن آنـــه مشاي

    ابو محمد دخيلك

    ارزقـــــني اجيلك

    ********

    يحروف العشگ … الــعشگ خليته بنفاسي

    يحروف العشگ … شاب من العشگ راسي

    يبو محمد يمولاي

    وكت خلانه فرگه

    تمر ساعات الفراگ

    خنگه تشيل خنگه …. زياره

    وحگ عينك …

    سهر ليل المعانات يمته بصفك أنبات

    بصحنك والمواعيد يخيراتك چثيرات

    ابو محمد دخيلك

    ارزقـــــني اجيلك

    عبد زينب

    محمد الابراهيمي

    [٢٦/١١/٢١ ١٠:٣٤ م]

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    يا زهراء……هالقرار وياج ماخذته الخدم

    يازهراء…..مانعوف الخدمه نقسملج قسم

    *********************

    عاشورج ناحت السماء

    ومصابج چنه كربلاء

    مولاتي نحضر العزاء

    بالدمع مولاتي بس وفقينه

    وبسجلج يم حسن سجلينه

    احنه دوم بخدمتج تلكينه

    عهد نقسم والعهد تدرينه

    يازهراء…..اصدورنه تشهد علينه وبيها دم

    يا زهراء….مانعوف الخدمه نقسملج قسم

    *********************

    خدامج كل وكت نصيح

    يالزهره وداعت الذبيح

    ونعلي باچر الضريح

    باچر المهدي يجي ويلكيهه

    حضرتج يم الحسن يبنيهه

    احنه عماله وعلي نكضيهه

    الحضره وبعلو السمه انعليهه

    يا زهراء…تنبني الحضره ونجي انزور الشيم

    يا زهراء …مانعوف الخدمه نقسملج قسم

    ********************

    سجلينه بدفتر الهيام

    انجنينه بالعالم الغرام

    من نارج تحترك خيام

    بالمجالس صوت واحد ناده

    احنه دوم بخدمتج كالعاده

    اليوم كل عاشك يريد امراده

    ماخذ البيرغ وفه من الساده

    يا زهراء……..بالدمع نبچي ونون من الألم

    يا زهراء….مانعوف الخدمه نقسملج قسم

    *********************

    يا فاطم فاطر السماء

    من نورج ينخلق ضياء

    شمينه بعطرج الهواء

    انتي من الله وعلي مرضيه

    فاطمه چانت قبل حوريه

    كوثر وربج خلق انسيه

    احنه وي حزنج فرض يوميه

    يازهراء……….الخادم اتعلونه وي علو القمم

    يازهراء…..مانعوف الخدمه نقسملج قسم

    ********************

    ما تنشف دمعة العيون

    خدامج كل وكت يجون

    يالزهره كلشي الج يهون

    فاطمه ستر الله صار احجابج

    اشبكره والخادم يشم اترابج

    نصيح يالزهره وعلي احبابج

    بالمجالس نوگف عله اعتابج

    يا زهراء……..اسمائنه يمج نخطهه وبالقلم

    يا زهراء…..مانعوف الخدمه نقسملج قسم

    *********************

    تلكينه بالوكت اباء

    لبينه فاطمه النداء

    هم نحيه بعالم الفناء

    صوت واحد من جناب الخادم

    خدمتج تاج وفخر عالوادم

    حسره من كسر الظلع يافاطم

    والعزه حتى بظهور القائم

    يا زهراء…باچر المهدي يجي ايشيل العلم

    يا زهراء…ما نعوف الخدمه نقسملج قسم

    *********************

    تمت بعون الله

    خادمكم….. يوسف الفتلاوي

    [٢٦/١١/٢١ ١٠:٣٤ م]

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    حلم… يرجع علي يدك الباب ..

    حلم ..والزهره مابيها صواب .

    اتكله هله وتتلكاه..

    ماتون وتكول احاه..

    وجفها الجمر ماجواه… مِن وجو الباب..

    /////////

    علي يسرح خياله اتصور امن إيرد..

    مثل كل يوم بين العايله يكعد..

    يشبكهم علي والزهره سفره اتمد..

    وتخيل تِحط دلتها عالموكد ..

    كعد… ذَكِره الموكد بالنار ..

    كعد… يبجي ويون حامي الجار…

    من الحلم فز مرعوب..

    لاحيل عد داحي البوب..

    ابملحود فاطم خلاه… من وجوا الباب…

    /////////////////

    علي جمره النفس والنار بالشهكه..

    يموت اعليج حيدر من يون حكه…

    حِلَم لا سطره كون ولا ضلع طكه..

    يِدك الباب حيدر وينها الملكه ..

    فِكَد… .ام الهله راحت وين..

    فكد… .والكبر طم ام حسين…

    ماهيه فاطم بالبيت..

    وشكثر حيدر ونيت..

    وكل هالحزن ماكفاه… من وجوا الباب…

    //////////////

    دخل بيته علي وشاهد خليه الدار..

    وعل عتبه رماد واثر ضل للنار..

    هنا كسروا ضلعها بعصره وبسمار ..

    بِمْجان المصيبه يِوج شمعه وزار…

    قِره… يا ال ياسين الكوم..

    قره… طكوا ضلع هذا اليوم..

    والزهره من غير حجاب..

    ومن فاطمه خلف الباب…

    يعصرها صاحت ويلاه… من وجوا الباب…

    ////////////////

    علي يحلم بزينب كون متكله..

    ولا عن عصرة امها ريت متسِأله.

    علي ابكلبه يكلها تحظري للتله..

    بهجوم الدار هذا الخيمه مشتعله..

    خيم… تحترك من نار الباب..

    خيم… بيها الجمر ضل لهاب..

    عالتله من إتصِعدين ..

    ومذبوح يابويه حسين..

    وينحز اخوج إمن إكفاه… من وجوا الباب..

    ///////////

    نيران الفكد مايطفن ويجون..

    علي روحه يسكت لو يسكتمن ..

    الفاكدله عزيز يجرحه صوت إلوَن ..

    عله راسك علي شجم نايبه التمن..

    بجوا… حسين وحسن من ادموم..

    بجوا… زينب تون وام كلثوم…

    والجرح حيدر اذاك..

    ماضلت الزهره وياك..

    بس طيف ضل تحجي وياه… من وجوا الباب…

    /////////////////

    نسالكم الدعاء

    احمد الطيب الحلي

    الاثنين 22/11/2021

    16 ربيع الاخر 1443 ه

    [٢٦/١١/٢١ ١٠:٣٥ م]

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    (يسلمان)

    يـسلـمان مات الورد — يـسلـمـان ألــمـن أرد

    يسلمان هـسـه العلي — يـسـلـمـان إقره الـحمـد

    *———————-*—————–*

    غـابـت أحـلامي ورحـل حـادي الأمـاني

    مـيـت بـهـيـئـت عــدل گــدامــك أنـي

    ودّعـت زهـرت حيـاتـي وعـمـري فـاني

    الحيدر اقـره الفـاتحه گـلي اشـتـتـاني

    بالـتـراب ضاع العـمـر — بـالـتراب خـد الطهر

    بالـتراب كلشي أندفن — بـالـتراب حافـر لحـد

    *———————-*—————–*

    الـيـحـفـر الـروحـه گـبـر بـين الـمـگـابر

    ينـعـه عمـره ايـگـوم وي نـاعي المنـابر

    الــدافـن احـلامـه بـعـد الــمـن يـكــابر

    يصـبـر اشلون بجروحه ويـبقـه صابـر

    اليعيش عـمـره بدمـع — اليعيش كسـر الضلع

    اليعـيش نـار الالـم — اليعيش صعبـه أعتـقـد

    *——————–*—————–*

    عـمـي سـلـمـان انـكسـر للزهـره ظهري

    چـانـت اتـسـليـني هـيـه وانـتـه تـدري

    أدفــنـت وي الــزچـيــه أللـيـلـه عـمـري

    خلصت اسنيني احسهه وخلص صبري

    أداويه بيش الـگلـب — اداويه كلش صعب

    اداويه بـس ابـدمـع — اداويه وأيـام أعــد

    *———————*——————*

    أفـگـدت كلـشي ابفـگـد أغـلـه الحبـايب

    بلحظه حسيت الگـلب وبـراسي شـايب

    والله دنيـه وشـاهدت بيـهـه الـعـجـايب

    أثمنطعش عـام الـورد لـلـحـفـره جـايب

    تـمـنيت آنـه انـدفـن — تـمـنيت انهي الحزن

    تـمـنيت جوه الترب — تـمـنيت مـن نبـتـعـد

    *———————*—————-*

    مـثـلـي يـاهـو بـالـتـرب وسّـد خـليلـه

    وگـبـل راسـه بـدنـيـتـه شـيـب دلـيلـه

    حـگـه اليعيش بـجـرح ينـطـر رحيلـه

    آنـه لو بـيـدي الاجــل مـا تـانـي ليـلـه

    أحـاچيك بس الجسـد — احـاچيك اشضل بعد

    احـاچيك جـاوب ألـي — احـاچيك يـابو المجد

    *———————–*——————*

    مـرت أيـام الــدفـن ســيــد الـبـريــه

    بعـده جفني مـعـاشر الدمعه الجريـه

    فـجـئـه دولاب الـوكـت وفـتـر عليـه

    خـيـّب اضنوني واخـذ مني الـزچيـه

    يروحون ليش بـعجـل — يروحون أغله الاهل

    يروحون وآنـه أنـتـظر — يروحون كون أستعد

    *———————*——————*

    ✍️خـادم الزهراء (ع)

    الشاعر رعد الجريخي

    [٢٦/١١/٢١ ١٠:٣٦ م]

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    بالمصــاب .. بالمصــاب .. عتـب عنـــدي بالمصـــاب

    ابجــرح هضـم الزجيـــه ’’ اشكثــر شافـت أذيـــه

    ×××××××××

    يبسمـــار اشعجــب ما فتحـــت عينـــــك

    تــدري صـوبت أنت ضلـــــــــــع دينـــك

    وأنت لو تــواجــه حيــــــــدره ايهينــــك

    ولاكـن بالغـــدر اعـــدائــه دافعينــــــــك

    يبسمــــار .. يبسمـــار .. شنـــو ردك يبسمـــــــــــار

    تضــوك اصعــب منيــــه ’’ اشكثــر شافـت أذيـــه

    ×××××××××

    يبـاب اشمـــالك أنت ابساعــه وانغــريــت

    الظــالــم بيـــده دفعــــاك ودخــل للبيــــت

    وراك الزهـــره جـانت أنت ما حسيــــــت

    ابســبب حجمـــك صـاحت فاطمـه اتأ ذيت

    يهلبـــــاب .. يهلبــــاب .. جــرح بسمـــك يهلبــــــــاب

    ابضربتـــــك القويــــــــــه ’’ اشكثــر شافـت أذيـــه

    ×××××××××

    ينــار ابـلا ذنــب أحــرقتـــــي اهـل الــــدار

    بلا رحمــه ﮔلبــﭻ للأســــــــف يــــا نـــــار

    شعلتــــي البـــاب على آل النبــــي الاطهار

    وفززتـــي الزجيــــه بضعـــــة المُختــــــار

    أيا نــــار .. أيـا نـــــار .. ولتـرحمـــي أيا نـــــــار

    علــه الزهــره الرزيــــــــه ’’ اشكثــر شافـت أذيـــه

    ×××××××××

    يســوط اشبيـــك شنـــو امسـويتــلك الزهـــره

    طبـع خليــت ضربتــك قاسيـــه اموجـــــــــره

    الك اخ ثاني يضرب زينـــب اميســــــــــــــره

    ابجهنــم باجــر أنت وربعـــك القـــــــــــــذره

    يملعـــون .. يملعـــــــــون .. يسـوط أنت يملعـــــــــون

    خنــت الله ونبيـــــــــــه ’’ اشكثــر شافـت أذيـــه

    ×××××××××

    يـﭽـف غيـــره ولا عنـــــــــدك علـه البضعــــه

    صدك تلطمــهه خــدهه الطــاهـــر اتوجعـــــــه

    وعيــن الزهـــره حمـــــره وابأثــره صفعـــــه

    اجــاوَزت حـــــدود الله العلــــي وشرعــــــــه

    يظالـــــم .. يظالـــــــــم .. علــي خصمــك يظالــــم

    فعلت أنت البليـــــــــــه ’’ اشكثــر شافـت أذيـــه

    ×××××××××

    لخادم الزهراء : كرار الحسينات

    كربلاء المقدسة

    [٢٦/١١/٢١ ١٠:٣٦ م]

    [ 🏴 Sticker ]

    [ ١٢:٠٠ ص]

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    يا زهراء……هالقرار وياج ماخذته الخدم

    يازهراء…..مانعوف الخدمه نقسملج قسم

    *********************

    عاشورج ناحت السماء

    ومصابج چنه كربلاء

    مولاتي نحضر العزاء

    بالدمع مولاتي بس وفقينه

    وبسجلج يم حسن سجلينه

    احنه دوم بخدمتج تلكينه

    عهد نقسم والعهد تدرينه

    يازهراء…..اصدورنه تشهد علينه وبيها دم

    يا زهراء….مانعوف الخدمه نقسملج قسم

    *********************

    خدامج كل وكت نصيح

    يالزهره وداعت الذبيح

    ونعلي باچر الضريح

    باچر المهدي يجي ويلكيهه

    حضرتج يم الحسن يبنيهه

    احنه عماله وعلي نكضيهه

    الحضره وبعلو السمه انعليهه

    يا زهراء…تنبني الحضره ونجي انزور الشيم

    يا زهراء …مانعوف الخدمه نقسملج قسم

    ********************

    سجلينه بدفتر الهيام

    انجنينه بالعالم الغرام

    من نارج تحترك خيام

    بالمجالس صوت واحد ناده

    احنه دوم بخدمتج كالعاده

    اليوم كل عاشك يريد امراده

    ماخذ البيرغ وفه من الساده

    يا زهراء……..بالدمع نبچي ونون من الألم

    يا زهراء….مانعوف الخدمه نقسملج قسم

    *********************

    يا فاطم فاطر السماء

    من نورج ينخلق ضياء

    شمينه بعطرج الهواء

    انتي من الله وعلي مرضيه

    فاطمه چانت قبل حوريه

    كوثر وربج خلق انسيه

    احنه وي حزنج فرض يوميه

    يازهراء……….الخادم اتعلونه وي علو القمم

    يازهراء…..مانعوف الخدمه نقسملج قسم

    ********************

    ما تنشف دمعة العيون

    خدامج كل وكت يجون

    يالزهره كلشي الج يهون

    فاطمه ستر الله صار احجابج

    اشبكره والخادم يشم اترابج

    نصيح يالزهره وعلي احبابج

    بالمجالس نوگف عله اعتابج

    يا زهراء……..اسمائنه يمج نخطهه وبالقلم

    يا زهراء…..مانعوف الخدمه نقسملج قسم

    *********************

    تلكينه بالوكت اباء

    لبينه فاطمه النداء

    هم نحيه بعالم الفناء

    صوت واحد من جناب الخادم

    خدمتج تاج وفخر عالوادم

    حسره من كسر الظلع يافاطم

    والعزه حتى بظهور القائم

    يا زهراء…باچر المهدي يجي ايشيل العلم

    يا زهراء…ما نعوف الخدمه نقسملج قسم

    *********************

    تمت بعون الله

    خادمكم….. يوسف الفتلاوي

    [ ١٢:٠٠ ص]

    [Forwarded from <{◇You~sef◇}>]

    [ Voice message : Unknown Track ]

    [ ١٢:٠٠ ص]

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    اكـتب يتــاريـــخ … ما وگفت مسيرتنه

    شما يثگل الموت … ما نتركها خدمتنـه

    الصدگي بمحـبـته

    أصـيـله طيـنــتــه … اكتب يتاريخ

    ____

    مو ياهو الچان يلوگ الها

    هاي الخدمه تريد الگدها

    شيريد يحقق سيدها … إله

    يدري بحچيي الناس يأخره

    و ما يهتم من يرخص سعره

    و بخدمة فاطمة الزهره … عِـله

    أصـوله … رجــوله …

    بالخدمه لو ما عَز نَفِس

    النِساها … بصراحه …

    گلولي هم يسوه فِلِس

    بدفترها يا ناس … يسجلنه عباس

    باچر بَلَه حساب… نسمع بالحـشر كلــمه

    يا أيـهــا النـاس … فوتوا لـ جنّة الخدمه

    الصحيحه خِدمتـه

    أصـيـلَــه طِيـنــتــه … اكتب يتاريخ

    __

    شايب شاب اتساوه بگلـبه

    أقربـهُم للخــدمه ؟ بتـعبه

    و هواي ام حسين تحـبه … دَرَه

    خدمة أم الگطعو أصبعه

    حبيناها من أول دمـعـه

    مو كل واحد صوته اتسمعه … تـره

    غرامه … الخِدامه …

    المثل الخيم من يحترگ

    لذلـك … يـ عـالَــم …

    هذه العشگ هوه الصدگ

    بين الخَدَم چان … هذه أعظم أنسان

    إنا جعلـناه … درب الخِـدمـه ينـدلـه

    إنّا خَلقـناه … بدمعـه و تُــربَــة التلّه

    و لــگينه بخِلـقِـتَه

    أصـيـله طيـنــتــه … اكتب يتاريخ

    __

    (يومَ تَقومُ الخدمه) نِشاهِد

    خــط أول كل خــادم گاعد

    لو تسعين اسنينه الواحد … زِغَر

    هذه الدگ أسود للمجلس

    شكبره الوزع بالماي نحِس

    بعين الزهره الگاعد يكنِس … كُبـَر

    قديــره … چبيــره …

    علاَّنه معـبود السـمه

    علينه … يصيحون …

    أحنه عشيرة فاطمه

    واحدنه سلطان … يم بيت الأحزان

    گالو مرض جاي … بيكم يطلع إيجابي

    صاحت الزهراء … كل الشفه يم بابــي

    بعـشــگها صابِــتَه

    أصـيـله طيـنــتــه … اكتب يتاريخ

    ____

    الذَب عكـازاته و يمشيله

    هذه العـباس ايتچيله

    و بحيل الرايه يشد حيله … يــرِد

    و شيخ الگوم العايف ماله

    بصحن حسين تغير حاله

    يشمُر عالشباچ اعگــاله … عَـبِـد

    عُرفها … بشَرفها …

    بس الخدامه تنفـعه

    الينَزِّل … مقـامه …

    باچر الزهــره تُرفعـه

    بحلگه كلمتين … بس الله و حسين

    هنياله لحسين … كل أيــامه مگضيه

    بالجنّه عايـش … العايش بالحُسينيّه

    المجالس خيمــته

    أصـيـله طيـنــتــه … اكتب يتاريخ

    ___

    لا تسـمع ذاك الما يسوه

    و يأخرك عالمهدي بخطوه

    عيش المُرّه و عوف الحلوه … مَـثَـل

    النَقَّص منك ؟ شكراً گِلّه

    تِنذَل ؟ گلــه حلــوه الذلّه

    عن المهدي شلون اتخلّه … فِـشَل

    تِمَــسك … تِمِـسك …

    رحـمه و لا مـنها يـصِــح

    بنقـائك … تنـادي …

    ويه المهدي ما خون الملِح

    و بكلشي لو صار … لتـصير بـسمار

    ابابه دفو صير … لو برد الحرب يبدي

    كلشي الك صار … من يدعيلك المهدي

    الـ تِشملـه دعوتــه

    أصـيـله طيـنــتــه … اكتب يتاريخ

    الشاعر حاتم صبري الكاظمي

    [ ١٢:٠٢ ص]

    #قصائد_شهادة_فاطمة_الزهراء_ع

    ــــــــــــــــــــــــــــــــــــــــــــــــــــــــ

    بسم الزهرة .. كل نسمه اطب ابريتي

    بسم الزهرة .. من تصياري التاليتي

    عمري. كله صار

    خيمه. وبيهه نار

    ****************

    عمر أهاتي .. الراح والأتي

    كله معگود لألمهه

    نارهه جنه .. وشرف ما منه

    حاسبتني من خدمهه

    قار وشاهد .. ما ترد واحد

    ادخيلهه ودخيل اسمهه

    سرح فكري بسماهه .. وگلبي اجاهه .. من ضياعه

    طلاسم مافهمهه .. وذكر اسمهه .. لله طاعه

    مقُر بالزهره كلبي .. ويدري ربي .. امن الرضاعه

    منهه وليهه .. امري وما تملك روحي

    منهه وليهه .. حزني ودمعي وجروحي

    ليهه. كلشي قار

    *********************

    عيني تبچيهه .. وصلت اعليهه

    حته الدموع ابچيهه

    أول انسانه .. الله سبحانه

    يغضب الهه ويرضه ليهه

    جمع اسراره .. وجنته وناره

    شالهن حطهن بديهه

    عله الزهره الزجيه .. الله وملائكة .. الله صله

    شرف ما حصله واحد .. ولا واحد .. وصله

    اختصار الزهره عنده .. كلمه وحده .. (غيرة الله )

    اقسم بيهه .. ابشان الزهراء العالي

    اقسم بيهه .. ( وعزتي وجلالي )

    كونه. ليهه دار

    ******************

    ابد ما ناسي .. شهگة انفاسي

    وكلشي بيه يرجع الهه

    ما اوافيهه .. وبيش اجازيهه

    المغرگتني ابفضلهه

    عگدة ادموعي .. ولطمة اظلوعي

    جف ابو صالح يفلهه

    دموع الحب سوالف .. والشفايف .. ما حچتهه

    ملك دمعاتي بابج .. والمصابچ .. حزمتهه

    ردت دمعاتي عاده .. والسعاده .. ماردتهه

    دمعه وحرگه .. منج يالزهره انطيني

    دمعه وحرگه .. وبس لمصابچ بچيني

    رايد. مبچه حار

    ******************

    روح ممدوه .. ابكلشي موجوده

    عاطفه وحب وسكينه

    من صعب أمره .. صاح يازهره

    نوح وابحر بالسفينه

    يوسف ابثوبه .. الشمه يعگوبه

    عطرهه الرد شوف عينه

    دخيل الكلشي عدهه ..وعد ولدهه الما نملكه

    وصفهه رتبه حايز .. عقلي عاجز .. ما يدركه

    دربهه الحد مماتي .. اترك حياتي .. وما اتركه

    عاش ابگلبي .. حبهه واصبح وي ذاتي

    عاش ابگلبي .. مشكورة يا مولاتي

    باقي. عل المسار

    *********************

    جرح دلالي .. والشغل بالي

    نايبة فاطمه الزهره

    باب مدفوعه .. وعلي بدموعه

    تاخده وترده حسره

    شافهه ابصوره .. تمشي مكسوره

    وهوه هذا الكسر ظهره

    وره الباب اختفت .. من عاينت .. هجمو عليهه

    قويه الدفعه چانت .. ويلي صارت .. كلهه بيهه

    صفت مشيتهه گوه .. وحته گوه .. اشيل اديهه

    أين الطالب .. والعايش شوغه ابعمره

    أين الطالب .. حگ أم الگطعو نحره

    گلبه. العده ثار

    *********************

    الشاعر

    مصطفى البديري