تخطى إلى المحتوى

قصائد استشهاد الزهراء عليها السلام 18 قصيدة

    قصائد استشهاد الزهراء

    قصيدة لمصاب فاطمة الزهراء عليها السلام

    المفــارگ اعـزّ الناس عنده
    يموت ومايظل مجروح ودّه
    علي الله اليعينه
    دفن بيده الحنينه
    يموت ومايظل مجروح ودّه
    ………..

    حِنَه ظهره / على الزهره/ بتابوت المنية الزهره ممدوده
    تعوفيني / يضي عيني / يحاچيها علي ودمعاته بخدوده
    يون يمها / يكلّـمها / ضلع مكسور منها وعين ممروده
    يودّعـــها / يشيّعها / على متونه النعش شاله وذبل عِوِده

    قالع باب خيبر محني ظهره
    شايل نعش روحه ونور عمره
    ولا يگطع ونينه
    دفن بيده الحنينه
    يموت ومايظل مجروح ودّه
    ………..

    حمل روحه / على جروحه / توجّه للمگابر يدفن البضعه
    مصيبتـــها / وجنازتــها / على متون الامام ويهمل الدمعه
    يخط جدمه / وثگَل هَمّه / شمس دنياه علي غابت بلا رجعه
    مشت عنّه / كثر ونّه / علي بلا فاطمه ما ينوصف وضعه

    تغيّر لون وجهه ومات حيله
    يونّ يم الگبر سهران ليله
    تصب دمعات عينه
    دفن بيده الحنينه
    يموت ومايظل مجروح ودّه
    ………..

    علي الصابر / ولاگادر / بعد يحمل مصيبة فاطمة الزهره
    بجرح گلبه / ودمع غربه /حفر بيده الگبر للأغله من عمره
    علي هايم / بلِحِد فاطم / نزل ويّاها حيدر يسچب العبره
    يحاچيــها / ينـاغيـــها / يخاف عله الضلع لا ينلچم كسره

    يهيل اترابها بهيده عليها
    على صواب الضلع واضع اديها
    بچه ويلطم جبينه
    دفن بيده الحنينه
    يموت ومايظل مجروح ودّه
    ………..

    گعد ينحب / ابو زينب / على اتراب الزجيه طاحن دموعه
    حچه وياها / تمنّاها / بدال ضلوع فاطم كسرو ضلوعه
    يعافيتي / يضي بيتي / عكب عينج بقت جم روح مفجوعه
    يمقهوره / الچ صوره / بگلب حيدر تظل للموت مطبوعه

    غفه لحظات يم گبر الزجيه
    سمعها تصيح ياحامي الحميه
    ارجع للحزينه
    دفن بيده الحنينه
    يموت ومايظل مجروح ودّه
    ………..

    تشب ناره / اجه لداره / علي ولن شاف زينب تبچي مهضومه
    شبگ بنته / علت ونّته / وين امي الزجيه تنشده مالومه
    الك عتبي / شنو ذنبي / ليش امن الزغر من عدها محرومه
    حِنَه عليها / يواسيها / يگلها لا تهيجي جروحي ملچومه

    يزينب صبري يبنيتي الحبيبه
    باجر عينج تشوف المصيبه
    حسين امگطّعينه
    دفن بيده الحنينه
    يموت ومايظل مجروح ودّه

    سيد زيد الفحام

    قصائد استشهاد الزهراء


    795
    سيد زيد الفحام
    14:27

    نسخ النص المحدد
    نسخ رابط الرسالة
    تحويل
    تحديد
    إبلاغ عن الرسالة
    قصيدة لمصاب فاطمة الزهراء عليها السلام

    فاطمه امنه الحنينه. يازمن خيمه علينه
    بياذنب كسرو ظلعها. سلّت وماتت حزينه
    ……….

    ماكو من حنّيّة امي ولا عطفها
    امي ربّتنه وكبرنه بزاد چفها
    مالية البيت بوسامتها ولطفها
    شما اوصّف يعجز لساني بوصفها

    امي مو بس ألنه خيمه لكل يتيم وكل يتيمه
    تكرم الجيران چانت. گبل لا تترس ادينه
    ………..

    امي ياما تعبت وسهرت علينه
    امي شمعة بيتنه وسلوة حچينه
    من زغرنه انشوفها الطيبه الحنينه
    تكرم الجيران وايتام المدينه

    الله شرّفها لوفاها. بعالم الذر اصطفاها
    كل صفات الهادي بيها طاهره وحرّه وامينه
    …………..

    امي من توگف تصلّي يشع ضواها
    من وجهّها النور يتلاله بسماها
    من تسبّح لله وتقدسه برضاها
    كلشي يبقى يسبّح ويسجد معاها

    امي معصومة ونقيّه. آية الباري ونبيّه
    علّمتنه الدنية لا شَيّ الآخره هيه الثمينه
    ……………

    يازمن امنه الحبيبه وشمس دنياي
    فاطمه بضعة مُحمّد يازمن هاي
    من بعد والدها وردة بلا ضوه وماي
    عذّبوها بلا ذنب ونظلمت هواي

    سلوة الهادي ابوها. وصّه بيها ومارعوها
    هجموا عليها بحقدهم. زمرة ابليس اللعينه
    …………..

    اني زينب يازمن شاهد حضرها
    امي خلف الباب والظالم عصرها
    ما كفاه كسر الظلع رد وسطرها
    طاحت امي وطاح ابنها وماعذرها
    يازمن اهل السقيفه. قتلوا الزهره الشريفه
    ماتت الليله بحزنها. يا زمن وتيتّمينــه
    ……………

    الدنيا ضاگت وظلمت من ماتت امنه
    يازمن وبياذنب منها انحرمنه
    راحت الچانت تبارينه وتلمنه
    الله لا ينطي القتل امي وظلمنه

    بآخر الليل وضلامه. شيّعوا أم اليتامه
    حيدر الشايل نعشها. للگبر الله اليعينه
    …………..

    بلا هوى الزهره وضواها مظلم البيت
    كون اموت وياها ومشي شگد تمنّيت
    يازمن من هالمصيبه بجرحي حسّيت
    بكربله يسبوني باجر وبچي ظلّيت

    عالهزل اطلع سبيه. ودخل لديوان اميه
    وراس خوي حسين اشوفه. بالطشت ينزف جبينه

    سيد زيد الفحام
    _______________&&&

    قصائد استشهاد الزهراء

    قصيدة للزهراء عليها السلام ( تلث دگات)

    انشلت يمينه الصاب ضلع الزجيه
    من عصرت الطاغوت جتها المنيه
    ………..

    صوّبها خلف الباب ونرض صدرها
    صاب الضلع بسمار لمّن عصرها
    لا ما كفاه عالعين ردّ وسطرها
    ظلّت تون وتنوح صبح ومسيه
    ………..

    بضعة مُحمّد هاي والكل يعرفون
    روح النبي المختار تتعذّب شلون
    الياذيها ياهالناس عند الله ملعون
    امن هل السقيفه هواي حملت اذيه
    …………

    دفعوا عليها الباب صوّبها بسمار
    محسنها ونّ وطاح يم عتبة الدار
    فلان الدفع وفلان چوّاها بالنار
    من بعد ابوها اطيح اول ضحيه
    …………

    ام الحسن وحسين كسروا ضلعها
    ليل ونهار تنوح ما جف دمعها
    الله يلعنه فلان ذاك الفجعها
    ظالم بغي وماهاب الله ونبيه
    ………….

    عالثاني تدعي هواي هوه الظلمها
    هوه العصرها وطاح محسنها يمها
    صوّب ضلعها وصار مصدر ألمها
    عن فاطمة الملعون ردّ الوصيه
    ………..

    ماتت قهر ياناس امّ الحسن ليش
    شنهو الذنب تنصاب اذّتهم ابّيش؟
    بدار النبي الزهراء ما گدرت تعيش
    قتلوها عمداً ليش هاي الرضيه

    سيد زيد الفحام

    ميمر كربلائي

    ما عنـدي خوف من المـوت…بس خوفـي من اعمـالي

    مـولاتي لو حـان الأجـل حضـريـنـي
    بأعـمـالـي مـا عنـدي ثقـه تنـجيـنـي
    حاضـر مجالـس وأدري متعـوفيـنـي
    ولولـه المـجـالـس والـلـه…چـا أيـسـت مـن حـالـي
    ـــــــــــــــــــــــــــــــ١ــــــــــــــــــــــــــــــــ

    شما أحسـب بأعمالي وأهتـم وأحـرس
    أجمـعـهـا وأطـرح تـالـي أطلـع مفلِـس
    بس الثگـيـلـه العنـدي حاضـر مجلـس
    ولـلـي حـضـرلـه تشـفـعـيـن…هـاي التِـرَيّـح بـالـي
    ـــــــــــــــــــــــــــــــ٢ــــــــــــــــــــــــــــــــ

    عـايـش قـلـق مـا فــارگـانـي شـويـه
    وكــل القـلــق مــولاتـي هـــذا البـيـه
    خافـن ليـهسـه ومـا رضـيـتـي عليـه
    وعـليـه لـومـا تـرضـيـن…خسـران أظل للتـالـي
    ـــــــــــــــــــــــــــــــ٣ــــــــــــــــــــــــــــــــ

    آنـه أعتـرف مـولاتـي مـا أسـتـاهـل
    لكـن وگـفـت ابـاب عـطـفـچ سـائـل
    أبـچـي وأحـلـفــچ بالعـزيـز الكـافـل
    بس مـن عَـليـه تـقـبـلـيـن…إلا الأجـل يـدنالـي
    ـــــــــــــــــــــــــــــــ٤ــــــــــــــــــــــــــــــــ

    أقـسم عليـچ بشـوغتِـچ عالمنـحـر
    سَـيرينـي للتـرضـيـنـه مو أتخـيّـر
    وما أمـشي خطوه تزعلچ يالكوثـر
    بس انتي مـا ازعلـچ كون…ويزعل عَلَّي كل غالـي
    ـــــــــــــــــــــــــــــــ٥ــــــــــــــــــــــــــــــــ

    صـح آنـه ما گـاضيهـا راكـع ساجـد
    ولا آنــه ذاك الـعــابــــد ولا زاهـــد
    بس والله احبكم والجليل الشـاهـد
    وغير الدمـع والعـزيـات…ما عـنـدي شي يحلالـي
    ـــــــــــــــــــــــــــــــ٦ــــــــــــــــــــــــــــــــ

    المـوت وعلي ما لحظه خايف منـه
    تحـرمني خوفي ذنوبـي من الجنـه
    وبهايـه يعنـي حسيـن مـا اشـوفنـه
    ولومـا شفـت نـور حسـيـن…أخسـر جميـع آمـالـي
    ـــــــــــــــــــــــــــــــ٧ــــــــــــــــــــــــــــــــ

    بالدنـيـا يـا مـولاتـي حيـل أدبوِنـي
    وهنـاكه بـس لوحـدي لتعـوفـونـي
    مـنكـم طـلـبت وحاشـه وتـردونـي
    ومحـد طلـب منـكـم يـوم…رد چـفـه منكـم خالـي
    ـــــــــــــــــــــــــــــــ٨ــــــــــــــــــــــــــــــــ

    أحمد البصراوي العبادي

    رجائي                    دعائي

    يالزهره مولاتي

    *

    جيت بدمع جاري   يالعالـــمه اسراري

    ماتنطفــــي ناري   انتـــــي التطفـــيهه

    دمعي بحزن ناجه   بكلبي جبت حاجه

    بجاه الفره اوداجه  انتي التخلصـــيهه

    لطمتي                وعبرتي

    تحجيهه دمعاتي

    *

    كالو نعـي اهنانـــه   والشـيعه حزنانه

    والزهـــــره ويانـــه   تحضــر مجالسنه

    واليطلــــب اشــعنده   الزهـــــره مترده

    يرجع بــــــــعد وده   يحضــر مأتمـــنه

    دعيتج                رجيتج

    بالحسره وآهاتي

    *

    حبــــج ترس ريتي   ومتحزم ابنــــــيتي

    اتشــوفيهه تعزيتي    بهـــاي الحســينيه

    يالمرتفع صـــيتج    احسينيه جن بــيتج

    ألطم واون جيتج     والدمعه محـــــنيه

    رثائي       بعزائي

    تشرحهه دمعاتي

    *

    حاضر انه وناســـج   واشتم دفــــو انفاسج

    عطر ونده احساسج   كلـــــــــــهم يشمونه

    زاح الحـــــزن عنه    يالعطــــــرج الجنه

    شال الكـــــــدر منه    خيرج يلمســــــونه

    رضيه           وزكيه

    يالتقضي حاجاتي


    وأول طلــــب عندي   جاوي بجمر جبدي

    يالزهــــره للمهدي    ومن بعـده حاجاتي

    طالت تره اســــنينه    جم جمــــعه تانينه

    والله وتأذيــــــــــنه     بجاهـــج يمولاتي

    يسهل         يعجل

    طلعته  دعواتي

    أبو علي الركابي

    جرحي مو مثل الجروح امشي كمت ابلايه روح
    عيوني يمته بالجفن تتغطه وتنام
    كمت احن للذكريات وذيج الايام


    سافرو عني الحبايب والمصايب كبرتني
    اشلون نعش العاشرتني راح اشيلنه اعله متني

    من كبرج لحد الباب اموت وتعدل الذكره
    كلشي ينسي يا ناس بس ما تنسي العشره

    جنه بس احنه الثنين هيه دمعه وانه عين
    مدري شبسرعه اختفت عن عيني الاحلام
    كمت احن للذكريات وذيج الايام


    راحت الزهره امن اديه وراحت اوياها المحنه
    ومن يدك الباب سائل نركض اعله الباب جنه

    من كد ما نحب الخير نتسابك عله المسكين
    اليتيم الجان رايد ثوب بثوبه اتصدقاله حسين

    جنه نكعد عالحصير وناكل الخبز الشعير
    بجفنه نطحن بالرحه ونطعم بالايتام
    كمت احن للذكريات وذيج الايام


    احفر بكبر الزجيه ويرتفع كل ساع نوحي
    مدري اقره الفاتحه الها مدري اقراها اعله روحي

    دخيل الله العمر متعوب عكب الزهره ماريده
    اول مره بالتربان علي يدفن علي بيده

    كمت اشمن بالتراب ودنيتي صارت عذاب
    عفيه روح اشكد صحت تتحمل آلام
    كمت احن للذكريات وذيج الايام


    كلبي ملجوم بهجرها وياهو الي حس بلجمته
    تره الماتت مو الزهره هاي روحي اليمها ميته

    جنت لمن ارد للبيت الهله اتخضر شجر بيها
    وبس الزهره تستاهل يناس الزهره اسميها

    الزهره من حبها الي الجنه سمتها علي
    صحت الينوح الحبيبه ليش ينلام
    كمت احن للذكريات وذيج الايام


    زينب ايهد حيلي كلش كل سؤال امن اسألتها
    علي بويه بداعت امي كلي وين امي خذتها

    عافتنه وبعدنه ازغار بويه وظلمه حجرتها
    وبالدار الحسن وحسين يبجون اعله فركتها

    اثر بكلبي الحجي ازغيره زينب عالبجي
    الها ما تدري الزمن من نايبه اشظام
    كمت احن للذكريات وذيج الايام


    تمت
    تحسين الخفاجي

    امي الصعب فركاها
                             تراب الكــبر غطاها
                راحت وضل كلبي ياهل ناس مكسور
                بعيني كون ادفنها موش ابنص الكبور
                            امي الصعب فركاهه
                                     0000000
                امي مملــــــــوحة حجي وكلها محنه
                كوسر الحب امــــــــــي وبفيها كعدنه
                امي خيــــــــــمة عاطفه جانت تلمنه
                وجنت اكل لاخواني الله يديمها لنه

                            امي اشكثر اهواها
                             تراب الكبر غطاها
                راحت وضل كلبي ياهل ناس مكسور
                بعيني كون ادفنها موش ابنص الكبور
                                       0000000
                 يحكلي ابجي عيوني مو دمعاتي اهلها
                 امي انــــــــــه الماكــــــــو بالدنيه مثلها
                 لحضه مـــا اتحــــــــــمل انه امي زعلها
                 شلــــــــــون بيه وامـي هسه حل اجلها

                             اتمنيت اموت وياهه
                             تراب الكــــبر غطاهه
                 راحت وضل كلبي ياهل ناس مكسور
                 بعيني كون ادفنها موش ابنص الكبور
                                  0000000
                    امي جانت تدعي لي ابكل مغربيه
                    امي رحمه من السمه ونزلت عليه
                    امي بيها اشتم عطر الله ونبيه
                 راحت امي وعافت اشجم جرح بيه

                               الموت مني اخذاها
                              تراب الكبر غطاهه
                 راحت وضل كلبي ياهل ناس مكسور
                 بعيني كون ادفنها موش ابنص الكبور
                                   0000000
                  زينب انه الماشفت راحه بحياتي
                  ماتت امي وماتت وياها امنياتي
                  راحت الجانت كبل قبلة صلاتي
                  عليها من كثر البجي يبسة لاهاتي

                             امي الحد ضماهه
                           تراب الكبر غطاهه
               راحت وضل كلبي ياهل ناس مكسور
               بعيني كون ادفنها موش ابنص الكبور
                                        0000000
                يله ياروحي استعدي وشدي حيلج
                 مابعد جم يوم والعاشر يجيلج
                 اهناك راح ايصير صبحج مثل ليلج
                  من الكفه اهناكه يذبحونه خليلج

                             عشرتنه ما انساها
                             تراب الكبر غطاها
                راحت وضل كلبي ياهل ناس مكسور
                بعيني كون ادفنها موش ابنص الكبور
                                       0000000
    حسين عبد الزهرة الدراجي

    (((مشت أم الحسن)))

    گلبي طاح … من شفت عمري بچفن
    كلشي راح …. من مشت أم الحسن
    شلون بيهَ
    يالزجيه …..
                         
    گوه امشي گوه نعشچ فاطمه يحمله الگلب
    شعنده يحچي العنده عينه تسولف ودمعه تصب

    وأعثر بنعشچ يفاطم والله حيره
    روحي متگيده بثوابچ چن أسيره
    غربه عايشها بضميري وأنتي ديره

    غربه ليش …. عشنه بغيابچ جرح
    وحشه ليش …الباب ذابحني ذبح
    مو بديه
    يالزجيه
                              ***
    ها وصلنه شلون أدفنچ وانتي مدفونه بعلي
    نزليتچ وغمضيت عيوني ضيعته الألي

    شلون أَهل تراب وعيونچ عليه
    شلون أحطن خدچ بگاع المنيه
    كلميني آنه حيدر يالزجيه

    راح اموت …. غمضتّ عين الوفه
    وين اروح ….وحيلي من حيلي انچفه
    هاي هيه
    يالزجيه
                             ****
    شلون اردن عثرةّ الفاگد حبيبه واضحه
    عمري خلص وأعله روحي هواي أقرا الفاتحه

    اليندفن شنگله ويرد ألنه ثاني
    شلون أتاني الفارگيته حتى اتاني
    ويامن أحجي وياجرح سوآ زماني

    يازمان …. اخذ روحي وردها ألي
    گلها مات …. مات محبوبچ علي
    والمنيه
    يالزجيه
                             ****
    آ يبيتي راحت الزهره بضلعها المنهشم
    آ يفاطم وي يتاماچ آنه هم مرني اليتم

    يتميتينه ومشيتي بسكته گوه
    وزينب بحيرةّ غيابچ والله بلوه
    نمنه بفراشچ ننشاغ ونتلوه

    وين أهيم …. وگلبي مايرهم بعد
    أبني وين ….. خالي بجروحه المهد
    مو سويه
    يالزجيه
                          **
    عيني تدمع وزينب تنشف دمعتي بيا صبر
    تگلي بويه وآنه أگلها باچر أخيامچ جمر

    باچر السوط اعله متنچ هذا حالچ
    بويه باچر ينچفي بهزله دلالچ
    وبين كل الوادم يبين خيالچ

    تحشمين .. وكل اخوتچ عالارض
    تنسبين .. وشيبچ يخضر ركض
    يالسبيه
    يالزجيه

    عبد زينب
    محمد الابراهيمي

    يمنه الحنينه——لتفارجينه
    صوت الحسن والحسين
    اوياهم تضج الكونيين

    لتفارجينه

    ،،،،،،،،،
    يمنه ياشمة هوه وحظن اليلمنه
    حبيبه يالكلج وفه وكلج محنه
    انتي ياجنتنه انتي ويافرحنه
    عنه لو رحتي يروح اوياج املنه

    ياغاليتنه،،،،،،،،،،، لو رحتي عنه
    انعيش العمر مجروحين
    اوياهم تضج الكونيين
    لتفارجينه

    يمه كعدتنه محلاه جنه نلتم
    ووجهج الغالي علينه لو تبسم
    كل تعب مايبقه بينه وننسه كل هم
    اه وويلاه اعله فكدج والدمع دم

    امسه مسانه،،،،،،،،،، بعدج حزانه
    نجري الدمع عالخديين
    اوياهم تضج الكونيين
    لتفارجينه

    ياهي مثلج ابلا ذنب كسرو ضلعهه
    وبذنه يسمع كسرت الضلع الدفعهه
    اشعظمهه هالجريمه وشبشعهه
    البيهه رحتي ومانشف عينج دمعهه

    بابج يدفعه،،،،،، فوكج يبضعه
    الماعنده رحمه ولادين
    اوياهم تضج الكونيين
    لتفارجينه

    وحشه كل دنيانه بعدج يالمشيتي
    ننده انتي من جفيتي وماتنيتي
    اشلون عنه اعله الفراك تحمليتي
    عالمكابر يالعزيزه استعجليتي

    يغله الاحبه،،،،،،،، الفركه صعبه
    يايمه واحنه الغاليين
    اوياهم تضج الكونيين
    لتفارجينه

    عالجرالج ياهو منه لينسه يكدر
    يالمصابج خله بينه ناره تسعر
    من زغرنه يتمتنه زمرة الشر
    تغفه اعيون الشماته واحنه نسهر

    طفوه ضوانه ،،،،، اهل الخيانه
    يالرحتي مسطورة عين
    اوياهم تضج الكونيين
    تفارجينه

    وداعة الله وشبدينه اعله المنيه
    دارج امست مظلمه الجانت زهيه
    تضوي جانت يالكبل بيهه الزجيه
    راحت وروحتهه عنهه هاي اهيه

    بعده اغدروهه ،،،،،،،، الوصه ابوهه
    فاطم شفيعة داريين
    اوياهم تضج الكويين
    لتفارجينه

    الشاعر الحسيني رحيم عشبان السماوي

    خادم يبلغ خادم // واجبنه ننصر فاطم
    لازم نوعي الوادم // بهاي القضيه
    //////////////////////////////
    الواجب الشرعي علينه يحتم النصره
    وبالاسم كلمن ضلمهه لازم انذكره
    عمر اول واحد اشهد ضالم الزهره
    عالاقل يوميه انعله كون الف مره
    عدنه رظاهه الاول // والما رظه خل يزعل
    بثار الضلع نتكفل // كلنه سويه
    //////////////////////////////
    كل صنم لهل السقيفه لازم نوكعه
    وتنطلق ثورتنه الهه مجلس ودمعه
    محد مجرب المهه ومنكسر ظلعه
    بفاطميات الليالي صوتنه نرفعه
    والزهره حسو بهمهه// حتى النفس يلجمهه
    بالباب أثر من دمهه // يارافضيه
    /////////////////////////////
    ابدي وي عائلتك احجي وانطلق منهه
    وفاطمه البسمار كلهم كتل محسنهه
    عائشه هيه وابوهه اتعود العنهه
    حرمو الزهره ارثها وكثرو ونهه
    لطفالك احجي القصه// عائشه العنهه وحفصه
    واغتنم هاي الفرصه // اخذ الوصيه
    /////////////////////////////
    سلط أضواء الحقيقه اوظح الصوره
    بسبب عثمان وزمرته اظلوع مكسوره
    انسطرت وسطرتهه عالخد لهسه محفوره
    البيت الاحزان ابدمعهه تروح مجبوره
    ابليس الأمر شيطانه// وعالخد ظربهه هنانه
    بالعين ظل نيشانه // لحد المنيه
    /////////////////////////////
    مانجامل كون كلنه ونبري ذمتنه
    والليالي الفاطميه تزيد حركتنه
    بكل مكان الزهره رادت الهه نصرتنه
    وفضل منهه اليوم والله هنانه لمتنه
    قبلت دمعنه المنبر// فاطم ظلعهه مكسر
    والباب اندفع بيد الشر // وسبب اذيه
    /////////////////////////////
    هاي نصرتكم بدايه لنصرت المهدي
    و باجر العالم تشوف المحكمه تبدي
    غير حب الزهره انه كلشي ماعندي
    لعنو اصحاب السقيفه علمت ولدي
    مأثوم الضل يجامل// راسه نسحكه العايل
    لعن وحرك يستاهل // صبح ومسيه
    /////////////////////////////

    تمت __ علاء الزيدي

    عالمغتسل خليها والماي ديره اعليها تدري الضلع ماذيها
    فاطمه فاطمه
    *
    يا علي غسل الزجيه وجهز الماي
    لان من عصرت ضلعها تعبت اهواي
    فاطمه روحي وحياتي وهيه دنياي
    بلكي بويه اتفك جفنها وتحجي وياي

    اتفاركني ما حسبالي فكلي الجفن يالغالي دمعي اليصب يجويها
    فاطمه فاطمه


    بطيحت المحسن يبويه دموعي طاحت
    الزهره الحكيني يفضه اهوايه صاحت
    انه مو بس راسي حته ارموشي شابت
    فاطمه امي وما اصدك امي ماتت

    فصل الجفن بالحيره والماي بيدك ديره وبعيونك انضر ليها
    فاطمه فاطمه
    *

    راح من تلزم ضلعها اتشوف الاثار
    نابت بصدري الزجيه تلكه بسمار
    هجمو اعله الدار بويه وشبو النار
    وثكل ذاك الباب كله اعله الضلع صار

    بصوط اشكثر ضربوها والزهره ما راعوها كل حيل ماضل بيها
    فاطمه فاطمه


    يا علي ارحم دمعتي وفك جفنها
    روحي ما شبعانه تدري اودع منها
    بيت الاحزان البنيته مل حزنها
    تبجي يا حيدر عليها لو لبنها

    سلمان عاين حالك وبسك متت كلالك كل ما تحن تبجيها
    فاطمه فاطمه


    انه زينب والمصايب شيبتني
    ليل اوداع الحبايب حيرتني
    شو مشت عني الحنيه وفاركتني
    شوغة المغرب يبويه عذبتني

    بحجرتها صارت روحي كلي اشيطيب اجروحي احزاني شينسيها
    فاطمه فاطمه
    **
    ليش اللنحبهم يدنيه بسرعه يمشون
    نامو بنص المكابر ما يكعدون
    اعزاز والله ومن بعدهم نصبر اشلون
    راحو وضلت صورهم بين العيون

    يا ناس يذبل عمره الدافن حبيبه بكبره هالكلمه اريد احجيها
    فاطمه فاطمه


    تمت
    تحسين الخفاجي

    روحي بروحتج صارت غريبة
    ياكلبي ونحيبة
    أطلع من مصيبة أدخل مصيبة
    يافكد الحبيبة
    بعدج ظهري مكسور… بيتي وصار مهجور
    يافكد الحبيبة
    ………………………………………..
    روحي حنت. وأنت . تريد تشوفج
    عيوني تسهر. متكدر. تشوف أطيوفج

    حاجيني ياوجه الصبح ماظل حلم لا يقضة
    حنيت أشوفن فاطمة بشوفتهة أريد اتوضة
    للبير لمن سولفت سمعت ونيني فضة
    كالتلي ما ترجع بعد وذاك العمر شيعوضة

    للبير أكشف أهمومي وجراحي
    ياليلي وصباحي
    من ألليل لليل أبقى صاحي
    بدموعي ونياحي
    لمن غرب النور… بيتي وصار مهجور
    ……………………………………….
    كلبي ينحب . وزينب . تنوح وياية
    الهسة دمعج . سبحتج . عالمصلاية

    تنشد عليج بكل مسة زينب تريدج يمهة
    تطشر احروفي خرز وخيط النواعي يلمهة
    مجروحة روحي العازتج وكلشي اليمر يلجمهة
    شوفي القدر بينة شعمل وبنيّتج يتمهة

    كالت أمي خيمتنة العظيمة
    راحت ياهظيمة
    زينب صاحت بنبرة أليمة
    جانت امي خيمة
    دمعي وحزني مأجور… بيتي وصار مهجور
    ……………………………………….
    كلشي رايح . نوايح . خذت عافيتي
    شط مدامع . مواجع .حسب توقيتي

    بعيوني فايض جم نهر وجري المدامع سكتة
    ياروحي المعاتب جزة وأخر حلم شيعتة
    ساكت لجن بية حجي وي روحي ماسولفتة
    عشت بوكت بي عازة ألج لو بيدي جا ماعشتة

    محتاجج لجن ماصح بدية
    شبيدي اعلة المنية
    كل سهام دهري جني بية
    بعدج يالزجية
    داير حول وشهور… بيتي وصار مهجور
    …………………………………………..
    الگبرج أسعي .وي دمعي. أساهر ليلي
    عيوني تسأل. متقبل. ردت تحجيلي

    أتبدة لعيونج نذر وأغفة اعلة كبرج حسرة
    مابارح حدود الكبر ألة أنعصرلج عصرة
    ليلية ياخذني التعب الكبرج وأنام بكترة
    لو أبقى يم كبرج دهر ماوفي ذيج العشرة

    كلبي وروحي يم كبرج عفتهن
    عكبج ماردتهن
    المشايفهن أحد هم شفتهن
    سنين المر عشتهن
    جرحي أيلجمة البخور… بيتي وصار مهجور
    ………………………………………………..
    جرحي صعبة. أكتبة. صعب تفسيرة
    راح أظمة . وأكتمة. واعيش بحيرة

    والما ردتهن للكلب المغرب عليه يلتمن
    واجدامي صوب المگبرة وحدهن شما يمشن
    بعيوني شلي ياخلك عالزهرة أريدن يعمن
    شيبي وعذابي وكسرتي واحزاني جا بعد ألمن

    علي بس مو علي أنة بغيابج
    يازهرة شبابج
    أسوي اقراية يومية اعلة بابج
    وتذكر مصابج
    ألطم وكسر أصدور… بيتي وصار مهجور
    …………………………………………..
    الحمدلله

    خادمكم .. حسين حمدان الدلفي