مجموعة قصائد حسينية مكتوبة زنجيل بعض القصائد تقرئ باطور مختلفة
القصيدة الاولى لا تسئل المشتاگ حاله اشعلامه , قصائد زنجيل مكتوبة
ننصحك بتحميل تطبيق قصائد حسينية مكتوبة فهو يحتوي على اكثر من 10الاف قصيدة مكتوبة يمكنك تحميله من هنا
لا تسئل المشتاگ حاله اشعلامه
رايد يزور حسين عشگه وغرامه
@@@
عشگه وغرامه حسين وابعينه صوره
ولهالدرب مجروح تارس نذوره
عينه اطفحت بدموع رايد يزوره
چي مبتعد ولهان شوگ لإمامه
@@@
شوگ لإمامه يروح گبره ويضمه
ويتگلب ابشباك لحده ويشمه
ادركني يامولاي يابوالايمه
روحي على الرايات مثل الحمامه
@@@
مثل الحمامه الروح رفت جنحها
وبس زاد ابوالسجاد غزر ملحها
يابلسم الدلال داوي جرحها
وهذا الدوه بعتاب گبرك مقامه
@@@
گبرك مقامه يكون جنه وسيعه
رايد يطبها عليك جاه الوديعه
ياللي بعشر عاشور ذبحوا رضيعه
چن منحره المكسور گلبه ابسهامه
@@@
گلبه ابسهامه ايميل صوبك بولكبر
وابخاطره المذبوح دمعه تحدر
يمته الصحن ملهوف يمك تحضر
ومن لهفته ابكل ليله حلمه ومنامه
@@@
حلمه ومنامه يصير شافك يغالي
ويسئل من يفسرون رؤيا الليالي
وحتى الصبح ألگاك صوره ابخيالي
صبح ومسى لطفوف فكره ومرامه
@@@
فكره ومرام يكون بالطف حياته
ويتمنه بيها يكون تالي وفاته
وبمجاور العباس يسوى مماته
گاع الي بيها حسين گاع السلامه
@@@
علي احمد الحمود
٢٩-٦-٢٠٢١
شوق الزيارة قصائد حسينية مكتوبة زنجيل
القصيدة الثانية : عله الفطره غدت تهمل دموعي
رئيسية الليله الاولى لمحرم الحرام
هلال الحزن
عله الفطره غدت تهمل دموعي
من اهلال الحزن حنت ضلوعي
ارتفع صوتي ابنحيبه ……. يزينب يا غريبه
ارتفع صوت الحزن وابروحي ناده
هل عاشور گوم اعلن حداده
بچيت ابلا شعور ابلا اراده
صحت ويلي اعله عمتكم يساده
يساده اويا عوام ابچو عليها
زينب هل شهر ما خله بيها
مصيبه اتجر مصيبه …… يزينب يا غريبه
شهر ايامه موش احساب الايام
على زينب تمر الساعه بعوام
عگب ذاك الدلال الحرّه تنضام
اويسمعوها سوالف چنهن اسهام
كحل عيناها ابو اليمه تنظره
تسعميه او الف طبره اعله طبره
او چبد يسعر لهيبه ……. يزينب يا غريبه
اهلال او ذكرياته اتگطع الگلوب
اش تنسه والاثر بمتونها اشطوب
معذوره لون كل ليلها اتلوب
مهي شافت اخوها انذبح مگلوب
هظيمه اويا هظيمه اشچم هظيمه
الشمر يشتم اخوها ابشع شتيمه
وترك جثته سليبه ……. يزينب يا غريبه
صرت كلما اشوفنك يل اهلال
تمر ابالي زينب . تشده البال
عله التل من تگف واتشاهد الحال
احسين امن الحوافر اصبح اوصال
وايريد الشمر يحرگ گلبها
رفع راس الولي هوس گربها
بدر ثارچ نجيبه ……. يزينب يا غريبه
وبعد منّ الفرات اشكثر لوعات
فارگها عمرها او علنهر مات
عگب عينه ولتها اعيون شمات
تحشمه . وحرمله ايجاوبها هيهات
يگلها ما يرد وآنه الرميته
يزينب كافلچ بيدي منيته
قسم راسچ اشيبه ….. يزينب يا غريبه
اوبعد لوعة يتامه او لوعة اخيام
وحرم من الالم ما تعرف اتنام
كلها هذا الهظم وانوب للشام
يهلال الحزن يهلال الالام
يضل طول الدهر يسعر لهبها
حروف او بالدمع جفني كتبها
تضل روحي كئيبه …. يزينب يا غريبه
ابو فاطمة الطائي قصائد حسينيه مكتوبه زنجيل
القصيدى الثالثة : تهل عيني.. على احسيني.. المصايب غيرن لوني , قصائد زنجيل
ام البنين ع……
تهل عيني.. على احسيني.. المصايب غيرن لوني
انـه ام الگمـــر عبــــاس اشــرح حالـتي وهمـــي
المصايب گصرن عمري وكابـر وحـــرگ ابــــدمي
گمت گوه انتچي وانهض وأعجز من حمل هدمي
حســـين مصابه هد حيلي وگمت اتعثر ابجدمي
بحزن دهري.. وكَسِر ظهري.. عشت يل ما تعرفوني
اون عَلّي انذبح عطشان وعذب الماي ماضاگه
وضل نايـم على التربان وشمس الصيف حراگه
وخذو اخته مسبيه وغصب صعدت علـى الناگه
تون وأطفـــالهه ايونــون آ يحســــــــين وفراگه
قصص كثره.. وبچي وحسره.. مصاب الطف عمه اعيوني
*
ما همني چتل ولدي اهــم بحســـــين ابولاكبــر
اخــافن قصـــرو عنه بنيـــني بگطعت المنحـــر
شگل لم الحسن باچر أمن اوگف ساعة المحشر
اذا مـا وفـــو الخـــوه حــــرام اعليهم اتحســـر
فديت اقمار.. لبو الاحرار.. وبيهم صابت اضنوني
بعـد عندي اربعه اتمنيت وللطف بيـــدي احزمهم
اوگفهم سره اعله الموت ودون حســــين اقدمهم
بيهم كون اشيل الراس وحني اچفوفي من دمهم
وبعــــد بالعاشــر اتمنيت اموتــن وندفــن يمـــهم
بدمع ناديت.. متت ياريت.. وبرض الطف يدفنوني
*
بيه اشچم جرح لحسين ابد مانشفت اجروحي
امـن اذكــر كسرت اظلـوعه اون وتنمرد روحي
على ابن الزهره حد الموت ابد ما بطلت نوحي
چم غالي انذبح بالطف وعليه انهدمت اصروحي
اون ضليت.. على اهل البيت.. انه المجروحه سموني
**
الخادم
كامل السعيدي قصائد زنجيل مكتوبه
ــــــــــــــــــــــــــــــــــــــــــــــــــــــــ
القصيدة الرابعة ((يوليدي صار افراگ))
((يوليدي صار افراگ))
ناغيني وانسه الألم ….شيل السهم منك
ناغيني عطر الورد …. شو تبتعد چنك
هوه السهم لو يفتهم ماطَشر الأشواگ
شفتك تون بيدي وتحن يوليدي صار فراگ
يوليدي صار افراگ ….
***********فتشلي يبني عيونك
صعبه العمر من دونك
يبني العده يحسدونك … ياشمت القداح
ماتت ألف ترنيمه
وچفوفي يبني إيتيمه
شلون وأرد للخيمه ..وجروحي كلهه صياح
عبدالله بدمومه راح ابقه بالحومه
ترضاهه اظل بهجر هوه الصبر وينه
سمعني چلمةّ عطف دم أتذرف عينه
يبني الهجر ماينحمل نار ويظل حراگ
شفتك تون بيدي وتحن يوليدي صار فراگ
**********سنيني انتهت وايامي
وطَشَرت احلامي
ضامي وأبوك الضامي.. مثلك اظل عطشان
يامهجتي ويوليدي
سهمك نبت بوريدي
بيك استقر وشبيدي … رايد وريدك چان
يكبر حلم بيه تتكفل أرقيه
امنيتي فارس حرب يبني وتطب فارس
شاب وتذب الدرع ثار الظلع دارس
حلمي الحلو يطفي بسهم ياوسفه مني انباگ
شفتك تون بيدي وتحن يوليدي صار فراگ
************هسه المهم حاچيني
يم عمتك وديني
درب الخيم دليني … وين الدرب ماشوف
خطواتي يبني گصيره
وجروحي صارت ديره
لساني انتهه بتعبيره …گمت انه اوزع اوف
شافتني وبهمي صاحتلي يبن امي
سولفلي خويه شجره والماجره احچيلي
خدك دموع انترس مو عالفرس ويلي
سكته الحچي بس النضر ورجفت خجل بالساگ
شفتك تون بيدي وتحن يوليدي صار افراگ
***
يابسملةّ قرآني
ياگطره من وجداني
زينب صعب تلگاني … عاوني فتح العين
حاچيني يبني وهايه
ترد روحي بس حچايه
نهري العطش من مايه .. عمتك تصيح حسين
صاحتلك بهمه بس كلهه ها عمه
تگدر تشيل الدمه مال الضمه يبني
مابيه حيل وعلي حيلي انچفه بوَني
حتى الخيم هم تنتضر نفس الخيم هم ضاگ
شفتك تون بيدي وتحن يوليدي صار فراگ
******روحك تظل مجروحه
يالرگبتك مذبوحه
بچفوفي صارت روحه زينب يخويه اخذي
شارب سهم بنفاسه
هاج اخذي جسمه وراسه
دربالچ اعله احساسه … عن الهوى ضمي
هلبت يفك عينه لو شالته سكينه
لاتسمع امه انذبح هو الجرح كافي
لو جفني زينب غمض جدمچ فرض حافي
ركبي الهزل وتصبري ادري الهجر خناگ
شفتك تون بيدي وتحن يوليدي صار فراگ
عبد زينب
محمد الابراهيمي قصائد حسينية مكتوبة زنجيل
القصيدة الخامسة يعباس.. يعباس.. يعباس.
ننصحك بتحميل تطبيق قصائد حسينية مكتوبة فهو يحتوي على اكثر من 10الاف قصيدة مكتوبة يمكنك تحميله من هنا
يعباس.. يعباس.. يعباس.
…… ..
لحگ علينه الگوم طبو لينه
واحنه نثايه ومحد ايحامينه
تعبانه حيل من الركض رجلينه
ولية زلم واحنه نسه تدرينه
يعباس ..يعباس.. يعباس
…… ..
طبو علينه وكل خيم محروگه
وذيچ الغراض ابخيمتك مبيوگه
بس الجمر والحرم طاحت فوگه
ضگنه الچوي مايك حرام نظوگه
يعباس يعباس. يعباس
… ..
بس الحرم ضلت تون مذعوره
شحال اليتامه والخيم مهجوره
خويه تعال ابچفك المبتوره
خليني اشوفك حتى لو بس صوره
يعباس يعباس يعباس
…… ..
هجمو علينه كلشي ماضل حاله
تفتر غدت بين الخيم چتاله
ذبحو اخوك وطشروها اعياله
بالبر صفت ذيچ النسه واطفاله
يعباس يعباس يعباس
… ..
سلبوها كلها ولابقت ترچيه
وعلويه گعدت لاذت ابعلويه
ياخويه مذبوح الضعن راعيه
عباس يالبيك الشدد مگظيه
يعباس يعباس يعباس
…… .
لحگ على اختك كبل ليشوفوها
الشمات مچتوفه ابحبل يردوها
والله هظيمه لو صدگ چتفوها
اختك بسمها گاموا ايسموها
يعباس يعباس يعباس
… ..
علي الحاج الصبيحاوي قصائد حسينية مكتوبة زنجيل
ــــــــــــــــــــــــــــــــــــــــــــــــــــــــ
القصيدة السادسة ((صيت الگنطره))
((صيت الگنطره))
ياابوالفضل معروف عند الزمجره
لمن دست عليت صيت الگنطره
چنك علي بالصيت قتال العرب
وجه وگفه عباس تشبه حيدره
كلهم يسمونك يالفارس وكافل
كلهم يحبونك حي الله ابو فاضل
والنعم من زوده
والنعم لزنوده
والنهر وچروفه
يتمايل بجوده
عباس …. يابو الفضل
********** اذن النهر جريت بيدك ياشهم
بالحومه من طبيت رگضت الزلم
حتى مهرتك هيج تمشي امبختره
چه شالت العباس ضلت تفتهم
وتيبس اليابس لو عينك تصده
ومحدد الحومه ياهو الكرب حده
والحومه صفنهه
وچفوفه يلونهه
لو تصعد الغيره
العباس يدفنهه
عباس …. يابو الفضل
********** ياسايگ الفرسان جن سوگ الغنم
يالماتعرف اللا ياچلمةّ نعم
حتى النهر عباس شلته بيمنتك
من غيرتك عباس بللت الخيم
والعيله فرحانه عباس بالحومه
ومأمنه بجاله والخيل مهدومه
ومكيف وعيده
والحرب تعويده
فرحان ابو فاضل
ظل يسطر بأيده
عباس …. يابو الفضل
********** عِزّ الله من طبيت جيش بأكمله
للكوفه وده الخيل موت بكربله
مانفع بيهه الطاس لاحتى الدرع
ظل يحصد الأرواح مثل السنبله
والروس تشامر باليمنه واليسره
أكطع نسل سفيان بثواب ابو الزهره
چم أُحد بچفوفي
چم بدر بطيوفي
وچم خيبر براسي
يازينب وشوفي
عباس …. يابو الفضل
********** بس گولي يم الخير گولي شرايده
هاي الزلم والخيل يمچ ساجده
تردين اسوي اعصار لو امطر غضب
الحومه يالحوراء كلش زايده
راح آنه ادگ خيام فوگ السمه يختي
كل همي بس ترتاح زينب وعايلتي
فنه اليحاچيني
زينب بنص عيني
ياأمي وأختي
وهيه التدليني
عباس …. يابو الفضل
********** حتى الشعر بالراس من خوفه نزف
حتى النخل خواف ظل ينزف سعف
حتى الشريعه تگول عباس الوفي
والنهر مات وراح وبهاي اعترف
وتهلهل الرايه عباس ابو الغيره
بس انته بالدنيه مارهم تصويره
عباس بس انته
والشيب شيبته
كينونت الكرار
والجيش فرهدته
عباس …. يابو الفضل
عبد زينب
محمد الابراهيمي قصائد حسينية مكتوبة زنجيل
القصيدة السابعة يا أبا عبدالله
قصائد حسينية مكتوبة زنجيل
يا أبا عبدالله
يا أبا عبدالله
مولاي أدمها نعمتك دمعتي ولطمة صدري
هاي الأريدنها وبعد ما اريد شي من عمري
مقصر بشكري لحظرتك وشلون اشكرك مدري
مجسلك سواني بشر وخلاني اعرف قدري
ما اريدها دروب الخلگ
خليلي درب قرايتك
مو أهلي سوني آدمي
لا والله انه سوايتك
رآيد بخدي دمعتي ما ينكطع مجراها
بداعت الرافكها البچي من الظعن خلاها
بداعت الورمتلك جدم بالنشد من ممشاها
ذيج النطت أربع ولد شمقدم انه وياها
عادي آخذ من عندي العمر
واكطع علي حته الهوه
وخليني انه وخدمتي
الآخر نفس نبقى سوه
شكراً لجرحك سيدي لباب العزه چراني
نعمة واجت عينك علي ماجبت واحد ثاني
تايه انه مضيع الدرب بس نورك الدلاني
يالما عفتني بدنيتي بآخرتي هم تلكاني
كبرلي حزني برحمتك
خليني اموت من الدمع
دمعاتي ادريها غداً
تتحول بگبري شمع
اذنب و اردلك واعتذر روحي الك مرجعها
بس انته فاتحلي گلب وسوالفي تسمعها
ردت ارفع ايدي للعفو بس استحيت ارفعها
يالتشفع ذنوب الخلگ هاگ ايدي لا ترجعها
يابو المحنة والكرم
مطلوبلك انه شكثر
ماعندي غيرك سيدي
امشي وأردلك واعتذر
كل خيري منك واجرحك وبفيك مغطيني
ماكلك انطيني بعد كلشي انته شو منطيني
بس انه اعرف سولتي ماكو شي يترس عيني
مو فضلك منك ياجرح كل مجلس يبچيني
وشما يلومون اعشگك
لن حبك بگلبي انفرض
يل خدمتك حظ وبخت
والما لطملك ماله حظ
حسين علي التقي قصائد حسينية مكتوبة زنجيل
القصيدة الثامنة حسين يا مولاي حسين يامولاي
حسين يا مولاي حسين يامولاي
…………………………..
مفتوح كلبك لليجي ..
يشبة فتح بيبانك
دخلني كلبك سيدي ..
ومليني من احزانك
جيتك انا وكلي ذنب ..
منك ردت غفرانك
مولاي يارب العشك ..
يل محترك صيونك
هايم دليلي بحضرتك ..
اقسم وحق وجدانك
كل لحظه انا بخدمتك ..
اطلب علي رضوانك
ارزقني جمرة منالخيم ..
خل اشعر برضعانك
بخيالي ارسم مصرعك ..
وابجي الأسر نسوانك
……………………………
يالمنكسر تحبي حبي ..
واني اعلة طولي اتمشة
اكسرلي ظهري والكلب ..
مولاي كطع هرشة
رايد دمع يطفي لهب ..
فوك المخيم طشة
من تظل روحي ابلا حرن ..
بيهة انا أشعر وحشة
كلبي مثل كلبك ردت ..
يحسين كللش عطشة
والنظر خل يجري دم ..
رايدك حيل اتقوشة
هالروح أو البيهة الك ..
جواك أخذه وفرشة
يالباقي جسمك بلفلة ..
اثلاثة يدور نعشة
……………………………
كل قطعة منك سيدي ..
فوك الترب شمروهة
وعيالك وي والأجنبي ..
بحبل السبي كادوهة
وزينب تنادي يا شهم ..
عندك حرم هضموهة
اسياط شفت بكل متن ..
هل التنطبع خلوهة
زينب بقت بالفاجعة ..
شتموكم أو ولجموهة
عباس تتمنة يجي ..
خل يذبح اليسبوهة
ويخلص أطفال الذي ..
عكبه اشكثر اذيوهة
كاع اللة صاحت ياكمر ..
زينبك ما رحموهة
………………………………
ارجع واسولف عالدمع ..
ما عيش انة ابلا دمعة
عالجره اعليك بكل وكت ..
خل روحي الك منفجعة
يحسين اريدن بالعشك ..
تحركني مثل الشمعة
أؤمن كلبي اصرخ سيدي ..
مكسور كلبة أو ضلعة
كون المجالس تستمر ..
ابجاه كسر البضعة
ادعينة رب السمة ..
والناعي خي ضل ينعة
هاذ الوباء يا ابو علي ..
بس جفك اللي رجعة
………………………….
تمت بعون أسد الله الغالب
العبد الذليل علي الكعبي قصائد حسينية مكتوبة زنجيل
القصيد التاسعة ماعندي غيرك
((شور))
ماعندي غيرك …كلبي اسيرك….. ياموطن لكل فقير
علمني دربك ….نصبني حبك….حظرت جناب الامير
تحل حيلي صفناتي يمكصر العمر
تاخذني اذنوبي ورجع أعتذر
باجرحي الرافكني من سنين ازغر
طير وضريحك غصن
ضامي وخريفك حزن
غربه ولكيتك وطن….ابااعبدالله
انته الدوه ولجرح
دمك نده ع الصبح
ياحلمي المنذبح ….ابااعبدالله
………
عالم خيالي ….. عزي ودلالي …كلشي بوجودي الك
بس كل خدمتي…ولطمي ودمعتي..متوفي لوعه هلك
سر روحي وجروحي تصرخلك تعال
مغرب وعطش شمسك يفياي الدلال
بعيوني بس انته والباقي خيال
حزني وسبب غربتي
نوحي وجمر دمعتي
حد الكبر لوعتي ……ابااعبدالله
تارس خيال النظر
ضامي وشمك مطر
تارك مصابك اثر…..اباعبدالله
…….
يالمشتريني ….بذنبي ويقيني……من امي انته احن
اعله بخدمتك….واغله بنظرتك….. خليت اليه ثمن
من عيني لحد عيني وشتمك هوه
اكبر جرح بكلبي مصيبت نينوه
ياضامي ويادامي ومسلوب الضوه
تحجي الهواجس عشك
بس انته اشوفك صدك
بروحي خيم تحترك ….اباعبدالله
بذاك الوجع والظمه
شايل ترافة سمه
يا لب كلب فاطمه ….ابااعبدالله
……..
لهفت دمعتي …. ناري وحصرتي…..لأخر محطة عمر
عمر الخدامه …..ليوم القيامه …..بكلب الموالي جمر
بجيني وعيشني مصيبة كربله
مشيني بحساسي ويه القافله
نزلني بالمجلس احسن منزله
عشت بهواك وذبت
كلشي الاريده خذت
مثلك عشك ماشفت….اباعبدالله
دم بوريدي احس
ماينتهي ويه النفس
بكلبي اسمه انغرس …..اباعبدالله
……
مصطفى الحسني
القصيدة العاشرة عله المظلوم واويلاه
عله المظلوم واويلاه عله المظلوم واويلاه
عله المظلوم واويلاه مُصيبه مُصيبه
*
يجرح المايطيب بروحـــــي شــــايلتك
يمُهجة فاطــمه و ياشـوف عين اختك
عسن عيني العـمه و لاچان أبد شفتك
ذبيـــــح ويابســـــه من العطش شفتك
وشفت أكــثر يمذبوح
جسد متواصل جروح
غريب وفاضت الرّوح مُصيبه مُصيبه
*
طحت فــــوگ الثّره و جروحك بكُبرك
و أشــــــفار المــــــــنايه توذّر بعُمرك
جسر ذبّاحك اليرفس غــــــده بصدرك
وگام من الگُـــــــفه بسيفه يحز نحرك
وأعـــاين ركضت الخيل
اعله صدرك گامت تميل
تدوس بكل ضلع حيل مُصيبه مُصيبه
*
يبو روح العزيزه الغالــــــــيه أنفاسك
تدير بعـــــــينك و تنظـر لأعـــز ناسك
يطـــگها بكل قساوه ويجرح احساسك
الغرس رمحه بوريدك من گطع راسك
و بناتك بيهن يصيح
بزجـر ويلاگن الرّيح
يلَوع بسوطه التطّيح مُصيبه مُصيبه
بناتك خـــــــويه يالمذبوح شــاهدهن
بذيچ الهــــــيمه خيل الخيل تطردهن
والك كلما دنَن ســـــوط العده يردهن
يريدن يشتكن عــــــــــــندك يوالدهن
اعله خدهن چم أثر شوف
حُــــمر من سطر الچفوف
يجن ويردهن الخوف مُصيبه مُصيبه
*
ماظلّت خيم يحسين /////////// بيها انچن
و هذا الليل اجه و بحـزانه گام ايجن
ياگلب اليهود وياجـــــرح /////// يسكن
غرايب //////// و الغرايب للغريب اتحن
يهلّن دمـــع العيون
وتغيير منهن اللون
يباتن بالفلـه شلون
مُصيبه مُصيبه
***
الشّاعر
أبو سجّاد الجعفري
المصدر قنوات منبريون على التلكرام