تخطى إلى المحتوى

قصائد حسينية مكتوبة نزلات 50 قصيدة الجزء الاول

    قصائد حسينية مكتوبة نزلات

    قصائد حسينية مكتوبة نزلات مجموعة من القصائد الحسينية المكتوبة على شكل نزلات نجمعها لكم في هذا المقال 50 قصيدة مكتوبة

    ننصحك بتحميل تطبيق قصائد حسينية مكتوبة فهو يحتوي على اكثر من 10الاف قصيدة مكتوبة يمكنك تحميله من هنا

    المجموعة الاولى

    هَــل مـحـرم يــاعلـي  بــاحزَانـه
    البي ﮔضـت كل عَــيلِتك عطشانه
    
    ريـت ماهَــل وظهَـر  عــالعتره   
       إنفجَـع بي ﮔلب النبـي والـزهره
    عَشـره من عنده إجَت ياعَـشره    
      بـﭽّـت افــلَاك السِـــمه وأكوَانـه
    
    بهالشـهر ضَــيم العِـدَه اتـوَلّاهه    
      وشَــح عَليهه المَاي عتـرة  طه
    وثِـلـث تيـّــام العــطــش أذّاهــه    
      حَــرم واطفـــال اِلتِــوِن ذَبـلانـه
    
    إنذبـَـح قاسم غَـدر  بي  والأكبَر    
      وطفِل الحسين الرَضيع الأصغَـر
    وﮔـَـلب  رَمله والربَـاب اتفطـّــر    
      ولِـيلَه  مَفجوعه غِـدَت حزنـانه
    
    والمصــيبه الأَشَـد بي والأفضَع  
        ﮔمر هــاشم عالشريعه اتـﮔطـّـع
    وجسمه مابيـن الهَـنَادي اتوَزّع 
          ابدَفِــن جِثتـه احتَـارَت الدفـّـانه
    
    والحسين اوحِـيد من بَعدَه صفَه 
        لا مُعين ولا نَـاصر الّي ينصفـَـه
    وانذبَح ياحيف تالي امن القـَـفه  
        امصاب بـﭽّـه العـَـــالم وبـﭽّـانه
    
    وبَعـد مَـصـرع إبن بت الهَــادي 
        دَاسَـــت اعليـه خَـيلهُـم بالوَادي
    وزينـب بحِـرﮔَـَه تِـوِن وتنـَـادي  
        خـُـويه خِـدري تلتِــهب نيرانــه
    **
    وبمُــحرم زينب الحـرّه انسِــبَت   
       واليزيد الطاغي مَـﮔيوده مشَـت
    عالهِزل والنـاس بيهه اتشمّـتت    
      شــلون دِنيــه ياعلـــي خَــوّانه
    
            ☘️خادم أهل البيت // لقمان البدران
    
    
    قصائد حسينية مكتوبة زنجيل 
    
    
    
    
    
    هلال محرم ( النزلة ) عمار هليل الواسطي
    
    
    يهلال النوايب ... يهلال النوايب ... مهموم كلمن طالعك ... يهلال النوايب
    ***************************
    من تهل وتلبس أسود هالسمــــه
    تفجع الهادي البشير وفاطمــــــه
    وينكسر كَلب الولي حامي الحمه
    وهاي ما تحتاج أصلاً ترجمـــه
    عالطف ومصابه ... عالطف ومصابه... مهموم كلمن طالعك ... يهلال النوايب 
    
    ***************************
    الأنس والجان مفجوعه بحزن
    شما عليهه بالقهر ليلك يجـــن
    الكربله ولحسين واعياله تحن
    هيجي موقف يفجع الدنيا شتظن
    ويصيح واحسيناه ... ويصيح واحسيناه ... مهموم كلمن طالعك ... يهلال النوايب
    
    ***************************
    ريت لا هليت لا صار الكــــــدر
    جم كَلب جم خاطر الليله إنكسر
    هالسواد اللبسته هاي البشــــر
    صوره عالأحزان من بين الصور
    وبهاي المواقف ... وبهاي المواقف ... مهموم كلمن طالعك ... يهلال النوايب 
    
    *************************** 
    اليوم واحد من محرم من بــده
    مهّد لأحزانهه بكل المـــــــــده
    ويوم عاشر هذا تعرف موعده
    منه يا ضيم وقهر بيهه إبتـــده
    بشيعتنه الحزينه ... بشيعتنه الحزينه ... مهموم كلمن طالعك ... يهلال النوايب
    
    ***************************
    والله يهلال السمه كونك تشـــــوف
    شلون مزدحمه المجالس بالصفوف
    ريت ويه الي لطم قوسك يطـــوف
    لكل جرح ينزف يريتك لو تروف
    وبمجلس عزانه ... وبمجلس عزانه ... مهموم كلمن طالعك ... يهلال النوايب 
    
    ***************************
    نحسب الأيام من نتنطـــــــرك
    بالحزن والفاجعه نتذكـــــرك
    ربنه بالأحزان لينه كَـــــدّرك
    بيا امل يهلال لو نتصــورك
    ماظلت أماني ... ما ظلت أماني ... مهموم كلمن طالعك ... يهلال النوايب 
    
    ***************************
    من يمر عاشور يحتار الدليــل
    يساعد الله كَلب زينب والعلــيل
    من يشوفونك جرح عالي تميل
    لكن بحكمه ودرايه امن الجليل
    والهذا ننادي ... والهذا ننادي ... مهموم كلمن طالعك ... يهلال النوايب 
    قصائد حسينية مكتوبة نزلات
    
    
    
    
    
    
    
    
    
    
    
    #موشح 
    
    ياشهر عاشور ما ننسه النحر ( موشح )
    ــــــــــــــــــــــــــــــــــــــــــــــــــ ــــــــــــــــــ 
    ياشهر عاشور ما ننسه النحر === شافته الحره إبجراحات النظر
    ــــــــــــــــــــــــــ
    ياشهر عاشــــور من نــــار الحــزن == روح أبو الزهره النبي الهادي تون
    ننســـــــــه آلام العقيلـــه لا تظــــن == من تركها إحسين وإختار السفر
    ــ
    ياشهر عاشور هليت إو إجيـــــت == وإحنه بالآلام من يوم المشيت
    ما نسينه إحسين وإنت المانسيت == ما يزول الحب أبد طول الدهر
    ــ
    ياشهر عاشور ما ننسه العلــــم == من ثبت بالگـاع بدموع الألم
    ما مشه العباس وإيخط القلم == غيرتـه الماتنتهي مثل النهر
    ـــ
    ياشهر عاشور ما ننسه الرضيــــع == من سگـاه إبنبلته الباغي الوضيع
    منحره الفياض بالحب والربيـــــــع == ظل يبث الصوت وإيناغي الظفر
    ــ
    ياشهر عاشور ما ننسه الشبـــاب == كوكب الأكبر مضه إو راد الغياب
    خيم إعلى إحسين بغيابه الضباب == وأمــه بالحسرات والهم والخطر
    ــ
    ياشهر عاشور ما ننسه الغريب == من إجــاه القاسم إبنار اللهيب
    نادي ياعمي يبو اليمه الحبيـب == رايد أفديها النفس آني إبفخر
    ـــ
    ياشهر عاشور ما ننسه حبيــب == من هتف لبيك يحسين المهيب
    قائد الأنصار للخير الرحيـــــــــب == زوده بالحومه على الدنيه إنتشر
    ــ
    ياشهر عاشور ما ننسه السفير == مسلم الواجه أميه إو كل حقير
    أول الثـــوار قدوتهــــــم يصيـــــر == فاز أبو الهدات بالحگ وإنتصر
    ــ
    ياشهر عاشور ما ننسه الخيول == داسـت المذبوح وإحتار الرسول
    لچمت الكرار والزهره البتول == وإنلچـم گلب العقيله وإنفطر
    ـــ
    ياشهر عاشور ما ننسه العليـــل == بالمآسي إو يشكر الباري الجليل
    من مصايب كربله إبهمه الثجيــــل == ذايبه الروح إو مشه إعليها الكدر
    ــ
    ياشهر عاشور ما ننسه السبي == من خـذوا للشام حرمات النبي
    والضعن يحديه ظالم ناصبـــي == والولي السجاد راضي بالقدر
    ــ
    ياشهر عاشور جيت إو بالجروح == مبتلي هذا الوطن يبچـي إو ينوح
    والسبي عادوه وإنعاد النزوح == والخـوارج شرهم إعلينه ظهر
    ـــ
    ياشهر عاشور جيت إو بالبلاد == عاثــــوا الأشرار وإنهان العباد
    والمراجع أفتوا إو نادوا جهاد == وإحنه لبينــــــه النداء المنتظر
    ــــ
    ياشهر عاشور ننتظره الأمـــــام == قايم العتره الولي المهدي الهمام
    من يجي نرفعها رايات الســــــلام == ينتشر خيره إو يفيض إعلى البشر
    ــــــــــــــــ
    مع تحيات شاعر أهل البيت / جابر النجفي
    قصائد حسينية مكتوبة نزلات
    
    
    
    
    
    
    
    
    
    
    ياهلال الحزن يل بأعلى السمه ... شفتك وهليت دمعاتي دمه
    
    ***
    
    يا هلال وتدري حــالي من تهل
    
    راحت أخــواني ليشـيلون الحمل
    
    ضلت عيوني بمدامعــــــــها تـهل
    
    ريتها عيوني بعدهـــــــــــم بالعمه
    
    ***
    
    ريت عميه ولا أصــــدهم عالترب
    
    يا هلال وما أشــوفن كل درب
    
    رحت مسبيه ويحرسون الغرب
    
    من بعد خواني وســــــور الحمه
    
    ***
    
    ياهـلال وروحي تدري مرمــره
    
    بعد أخوي حسين وبحاله الجـره
    
    رحت للميدان أدور خنصــــره
    
    مرمري عالتربان ضنوة فاطمـــة
    
    ***
    
    من تـهل يـهلال مايبقــــى دمـــــع
    
    أحـــــرك ســنيني وذوبن كالشــــمع
    
    من مصاب أخواني مكسورالضلع
    
    صفت دنيانه بعــــــــدهم مظلمة
    
    ***
    
    ياهـــــــــلال وزين تعـرف حــــالي
    
    بـهذا شهرك ضيعت أمـــــــــــــالي
    
    صـور أخـــــــــوتي ما تفارق بالي
    
    روحـــــــــــي من أفراكَـــهم متألمه
    
    ***
    
    أذكرت يهلال روحــــــــــي بكربله
    
    وهيجت حزني بفكَـد عقــــد الوله
    
    ناحت وصبت دمعــــــــها العائلة
    
    يوم سلبتها الجيوش المجـرمـــــــــة
    
    ***
    
    شاعر أهل البيت
    
    الشيخ عبد الحسين المنصوري
    قصائد حسينية مكتوبة نزلات
    
    
    
    
    
    
    
    
    
    
    
    
    
    هذا بن عقد الولا
    نازل بطف كربلا
    نازله اوياه الأهل
    
    * 
    مــن وصـل أرض المصايب وگف احــصانـه الحسين
    راد يمشي وما تحرك حاير وگلبه حزين
    گام يتمهل خُطاته يجذب الهم والونين
    وعينه صوب احسين ينظر عالشمال وعاليمين
    اتحرك بخطوه ورجع 
    وگلبه مرتاع انصدع 
    نـــــاده يـــــا خــــيــــر الــعــمـــل
    * 
    * 
    ناشد المظلوم ويلي وش اسم هاي الفله
    جــاوبــوا الأنـــصـــار كــلــهــم هذي بقعة كربله
    كربله ام الرزايه وهي موطن للبله
    وبيها يتشتت شملنه والمصايب مقبله
    مادرت أم الحسن
    بكربله نشوف المحن
    وزينب تصبر تحتمل
    * 
    من نزلها احسين نادى انصبوا اهنانه الخيم 
    
    وجمع اولاده وخوته وجمع اوياه الحرم 
    وناده انصاره وبنينه هنا جثثنا اتسيل دم
    وانطى عباس الكفاله وخله بيدينه العلم
    
    وناده زينب بت علي
    هذا المگدر إلي
    امصاب ما مثله حصل 
    * 
    چني بزينب تنادي مهجة الزهره النجيب
    نادته وصارت تسولف عن ألمها للحبيب
    نادته خويه دردنه مگدره وگلبي كئيب
    گوم ردنا للمدينه وبيك ظني مايخيب
    نادته بصرخه وعويل
    والدمع منها يسيل 
    بعدك ايروح الأمل
    
    * 
    هلت ادموع المصيبه ولاخته المظلوم گال 
    گلها يالحره المصونه هالله هالله بالعيال
    هاي ايتام الرساله وآنه ناوي للنزال
    من بعد عيني يختيي تنسبي بين الرجال
    وانتي بعدي ميسره 
    بلا ولي يامخدره
    وراكبه فوگ الهزل
    * 
    شلون من بعدك ياخويه گلبي يتحمل عذاب
    ولورحت ياخويه عني عدمن اتشكه المصاب
    شلون بيه لوأشوفك مخضب اتزايد صواب
    كيف اودعك يا اخويه ومنهو الباره الركاب
    
    ريته لا طال العمر 
    و لااشوفك منطبر
    مشتته وين الشمل 
    * 
    ابــگــى بـــعــدك يا اخـــويـــــه ابـــلا ولي ومـحـيـَّره
    وصــدگ راح انـــسـبـــي بــعــدك وانت جـثه مــــوذره
    يـــاشـــهـــم يـــاذخـــرلــــيَّـه يــاســـراجــي و مـفـخره
    ترضى بعدك يـــضربوني و أنــتــه مـــرمي اعلى الثرى
    اقسم ابذاك الضلع 
    گلبي بعدك منصدع
    حايره بعد البطل 
    
    نسألكم الدعاء 
    عادل علي العبد الله
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    ▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
     
    
    
    
    
    
     
    
    
    كربلاء والحسين (ع
    
    
    نَـزِّلْ اضْعُونك
    والعـيله يحسـين
    كربلا اتـناديك
    يـا ابْن المـيامين
    =+=+=+=
    لاحـت امْواج النُّوايب
    بالحـزن والحسره
    لمّن احسـين ابركـابه
    اتعنّى يطوي المسره
    ﮔـاطع ادروب الفيافي
    عازم اعلى الهجره
    مِنْ وطـن جَدّه وتعنّى
    للطفوف ابصبـره
    والرّكب سـاير
    يا وسـفه للبـين
    نَـزِّلْ اضْعُونك
    والعـيله يحسـين
    =+=+=+=
    هالضعن شـايل مآسي
    وياﮔـلب يحملها
    بيـها زينب والمهـابه
    بالوفـا اتكلّلها
    لَنّه ابُو فاضـل تكـفّل
    بالعزم مـحملها
    مِنْهو غـيره امْن المدينه
    ابهالسفر يكفلها
    والنِّـعِـم مِـنّه
    يرخصها ﭼـفِّين
    نَـزِّلْ اضْعُونك
    والعـيله يحسـين
    =+=+=+=
    هالضّعـن واشْقد تكلّل
    بالمهـابه العُظْمى
    تحدي بركابه الهواشـم
    مَنْ بِديها اتْلزمه
    كل فرد يجـدح شَراره
    لُو مصونه اتحشمه
    (وفارس الفرسان يخسى)
    (يخسى يوقف يمه)
    كل بني هاشـم
    فخْـر المـيادين
    نَـزِّلْ اضْعُونك
    والعـيله يحسـين
    =+=+=+=
    مِنْ وصل للطّف وسافه
    ابهالضعن بُو اليمّه
    وﭼـنْ لِسان الطف تكلّمْ
    وسفه نادى ابإسمه
    يا حُسـين ابهالضعـينه
    إنـزل ابهالحشمه
    وانصب اخـيامك عَليّه
    يا مَنـار العِصمه
    كربـلا وأَرضي
    أزكى الأراضـين
    نَـزِّلْ اضْعُونك
    والعـيله يحسـين
    =+=+=+=
    آنـا عِنْـوان المعـالي
    بيّه أشْرف تُربـه
    وكل نبي ومرسـل تِعنّى
    ليّه يحدي ابْرَكْبه
    وانته يا ضنـوة مُحمّد
    يالتعيش الغُربـه
    جـيت ليْ يلْ بالضّعينه
    وسفه عِفْت الكعبه
    لازم ابـأرضي
    تبـني الصـياوين
    نَـزِّلْ اضْعُونك
    والعـيله يحسـين
    =+=+=+=
    ﭼـنّك ابْراهـيم لمّـن
    مكّـه اتعـنّاها
    نَزّل اسْماعـيل وامّـه
    لَنْ مشى وخلاّها
    هاجـر احتارت وسافه
    ابمكّه وابْأنحـاها
    اتناظر اسماعـيل ضامي
    ولَنْ شرَبْ مِن ماها
    وانته واعْـيالك
    بَسْ تجـرع البين
    نَـزِّلْ اضْعُونك
    والعـيله يحسـين
    =+=+=+=
    اتلُوحن ابْتُربي الملاحم
    والأجـل يبديها
    والجـيوش اتحوم بيّـه
    يا سبـط هاديها
    تنـﭽـتل هالصُّحبه وانته
    تنـﭽـتل تاليها
    وعِيلتك مِنْ بعدك اتظل
    مـحّد ايْحاميها
    يا شهـم بعدك
    يحمي النـساوين
    نَـزِّلْ اضْعُونك
    والعـيله يحسـين
    =+=+=+=
    ـــــــــــ
    أهدي ثواب هذه القصيدة إلى روح المرحوم ملا علي العطية.
    قصائد حسينية مكتوبة نزلات
    
    
    
    
    
    
    
    
    
    
    
    
    
     
    
    
    كربــــلاء كربـــــلاء ------ أنتِ كرب ُوبــــلاء
    ****
    بيج ظل حســـــين مرمـي على الترب
    من وريد المنحـــر دمومـــــــه تصب
    غيمت بأحزانــــها السبعـــــة الحجب
    أمطــــــرت دم الســـــــــــــــــماء
    ****
    مطرت دموم السمــــــه من الجـــرة
    من أبو الســــجاد كطعــــوا منحـــره
    بالدمــــوم أرض الطفوف معفــــــرة
    هكــــــــــــذا كان العطـــــــــــــاء
    ****
    غدرت بأل الرســـــــــــول وعترتـــه
    حســــين بالميـــدان ســـــلبوا جثته
    بالحوافـر خيل أميــــــــه داســــــته
    جســـــــــــــمه عــــــاري الرداء
    ****
    آه شــافت عترة الـــهادي وكـــــدر
    يوم فرت بالمعـارة من الخطـــــــــر
    من يحاميـــــــها بعد عين الكمــــر
    كفــــــــــــــــه كف الوفـــــــــــاء
    ****
    غابت بدور الهواشـــم بالدمــــــــه
    وأنســـبت زينب عزيزة فاطمـــــــة
    شلون ماطبكت على الكاع الســـمه
    سلب خـــير النســــــــــــــــــــاء
    ****
    مذبحـة الآيــات وســـــور الكتـــاب
    هون وياحســــين صرعـــه عالتــراب
    آه واويلاه يا ســـــيد الشـــــــباب
    يا ســـــليل الأصـــــــــــــــــفياء
    ****
    شاعر أهل البيت
    الشيخ عبد الحسين المنصوري
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    هتــــف الســـــبط الحزين ................ بنـــــــــداء الثــــــائــــرين
    
    
    الوداع الوداع هذا وعدي الوداع
    
    
    الوداع الوداع ارض جدي الوداع
    
    
    ...._......_......_....
    
    
    زار جده حسين والمدمع يســــيل .... كلــه لايـــــــذ بيك ياجــد ودخيــل
    
    
    حرت بعدك والحمل ياجد ثكيـــل .... وانا اشوف الدين بركـــــانه يميــل
    
    
    نادى سيد المرسلين
    
    
    ياحبيبـــي ياحسـين
    
    
    بأنفجاع بأنفجاع ياحبيبي بأنفجاع ...... الوداع الوداع ارض جدي الوداع
    
    
    ...._......_......_....
    
    
    ياحبيبي المصصفى صوته يصيح .... ياذبيــــح الله ياأعــــظــم ذبـيــــح
    
    
    دمك الطاهرعلى الغـــبره يسيح .... بعـــد أخوتك والنشامه من تطيــــح
    
    
    يهتك الســترالمتين
    
    
    ونساء الطاهرين
    
    
    والقناع والقناع زينب تسبى القناع ......الوداع الوداع ارض جدي الوداع
    
    
    ...._......_......_....
    
    
    هذا وعدي نادى بن ســــيدالملا .... اليــــــوم عنك ارحل الطف كربلا
    
    
    شــــايل انا اليــــوم ويه العايله .... والظـــعن عباس ياجــــد كافـــــله
    
    
    شبل خير المتقين
    
    
    كآمير المؤمنين
    
    
    في النزاع في النزع له شأنٌ في النزاع...... الوداع الوداع ارض جدي الوداع
    
    
    ....... ...._......_......_....
    
    
    ودع المختار شــد عـــزم الرحال ..... هتــف حي على المكارم والنــزال
    
    
    الــــدين عزنه وينسكي بدم الرجال ..... افــــدي ديني بدمي واطفال وعيال
    
    
    افدي حتى الاكهلين
    
    
    وصغارا راضعين
    
    
    من رضاع من رضاع جف ثديٌ من رضاع .....الوداع الوداع ارض جدي الوداع
    
    ...._......_......_....
    
    
    ودع الــــزهــره الزجيـــه فاطمه ..... وسار عن طيبــه ودمع عينه همه
    
    
    قاصد الطف المكارم والدمــه ..... نــاوي يبني الديـــن با أعظم ملحمه
    
    
    قال عزمي لايلين
    
    
    وانا ســـبط الأمين
    
    
    وصراع وصراع بين ضربٍ وصراع ..... الوداع الوداع ارض جدي الوداع 
    
    
    ...._......_......_....
    
    
    
    
    سار وضعونه تحف بيــها الخطر ..... وزينب الملهــــوفه يرعاها الكمر
    
    
    يبـــن ابــــوي اتكله دلالي انفطر ..... ويــــن ملفـــه حسين يانـــور النظر
    
    
    أخشى غدر الغادرين
    
    
    وابن سفيان اللعين
    
    
    والضياع والضياع ياكفيلي والضياع ..... الوداع الوداع ارض جدي الوداع
    
    
    ...._......_......_....
    
    
    حيـــــن بانت كـــربلا وبان النزل ..... كـــــــبـَّر المظلوم والمـــدمع يهــل
    
    
    هــاي ارض البيهاعطشان انجتل ..... وبيهاتسبى اضعوني تنظام الأهل
    
    
    يعلوراسي عالردين
    
    
    يتـــلو قـــرآناً مبين
    
    
    ويذاع ويذاع نبأ النصر يذاع ...... الوداع الوداع ارض جدي الوداع
    
    
    ...._......_......_....
    
    
    سمعــت المظلوم زينب وعولت ..... شـــالت امـــن الكاع تربان وحثت 
    
    
    لطمت اعلى الراس يابن امي اندبت..... ريت ميتــه ولاسمعت ولاشــفت 
    
    
    حائرا تنعى البنين 
    
    
    ياضــياء المقـــلتين 
    
    
    وانقطاع وانقطاع وارى فيك انقطاع...... الوداع الوداع ارض جدي الوداع
    
    
    ...._......_......_....
    
    
    ام هدى الخزاعي
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    
    
    ▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
    
     
    يا أرض كرب وبلاء ... استقبلي روح الزهراء
    هذا حسين سبط النبي ... هذا حسين ابن الولي
    ************************************
    وصل هاي المسيه ضعن أبو الأكبــر
    النصر دين الله واجب هالوكت يحضر
    آه يا كربله وبيه الحزن يكبـــــــــــــــر
    الزمن لأهل الرساله شعنده وشأضمــر
    هذا حسين سبط الرسول ... قلب علي روح البتول
    حزن مصابي هل ينجلي ...هذا حسين ابن الولي
    ****************************************
    ترف راية محمد بيــــــــــــد راعيهـــــــه
    كَمر هاشم طبع عنده يوافيهــــــــــــــــــه
    ورثهه من علي الكــــــــــــــــرار واليهه
    مجد يتبع مجد والمجد ماضيهـــــــــــــه
    هي راية الحق المبين ... يا كربلا هل تعلمين ؟
    للحق دوما ً تعتلي ... هذا حسين ابن الولي
    ****************************************
    حضروا كل أهل بيت النبي المختــــــار
    وي ضعن الحسين إزغار ويا إكبـــــــار
    الحرم والرضّع تلبي نده الجبـــــــــــــار
    نداء الحق نداء حسين أبو الأحـــــــــرار
    اصلاح ديني خير نداء ... قول الحسين في كربلاء
    والفصل قادم في ما يلي .... هذا حسين ابن الولي
    موعد والزمان يحين بالعاشـــــــــر
    وهذا حسين حاضر بالفعل حاضـر
    العلم لله اشيصير بكربله باجــــــــر
    ردت منج جواب لكل كَلب حايــــر
    مذا سيجري في الغد .... يا كربلاء فآشهدي
    للحزن آي ٍ فرتّلي ... هذا حسين إبن الولي
    *************************************
    هنا يا كربله يا بقعة الأحـــــزان
    يا دم ينسفح والعاشر العنـــــوان
    هنا كم منذبح كَوليلي كم عطشان
    محرم والمآسي تقدم البرهــــــان
    الله أكبر فآنظري ... وهللي وكبّري
    هذا إبن خير ِ منزل ِ ... هذا حسين ابن الولي
    **************************************
    
    
    عمار هليل الواسطي
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    #نزلة 
    
    
    زينب البحماكم ... آيـاكـم ... تـنـسـوها
    ● ● ●
    هــا يولدي الأربعه . أمـكم اتوصـيكم
    
    أمّـنِـتكم بت علي . وانتو گدها ادريكم 
    
    تره هاي امّ الخدر . كـون ماتـشكيكم
    
    والله لو مسها خطر . الذمه ما ابريكم
    
    موتوا لو تنخاكم ... إيّــاكم ... تـنـسـوها
    
    ● ● ●
    
    مـن تنادي يخوتي . فزّوا زينب هايه
    طلب لـَـتردُّون ابد . إلـهـا يا وفــايه
    
    جيبوا لو ماي اطلبَت . الفرات ومايه
    تـره أمّ الأربـعه . ابزينب امـوصايه
    
    وعلي هم وصاكم ... إياكم ... تـنـسـوها
    
    ● ● ●
    
    مـن تروح الكربله . التفـّو انـتو اعليها
    يُـمّه عـبّاس الگمر . ابرايـتك غـطـيها
    لا تشاهدها الشمس . حارّه وتاذيـهـا
    امدلـّـله أمّ الخـدر . ياگـمر تــدريها
    
    رايحه وياكم ... إياكم ... تـنـسـوها
    
    ● ● ●
    
    سمعوا وِلدي الأربعه . لـزينب اتسِِـمعونها
    هيهَّ تـآمــركم امر . وانـتـم اتـطـيعـونهـا
    من تـظل ابكــربله . امحـيّـره اتـشوفونها
    
    اعليكم اقسم بالضـلع . ابحـيره لـتخلونها
    
    رفـُّـوا يُـمّه الواكم ... اياكم ... تـنـسـوها
    
    ● ● ●
    
    أرْدَ اخــبّـركـم أمـر . ولازم اتعـيـنوني
    اشگدّ احبّ امّ الحسن . كـلك اتعرفـوني
    عفْـيه وِلـْـدي الأربعه . اوياها لتفشلوني
    
    بيكم آنــه بالحــشـر . ارْد اگــرّ اعيوني
    
    الموت لو يلفاكم ... إيّـــاكم ... تـنـسـوها
    
    ● ● ●
    
    انتو تِـربات الفحَـل . وبيكم ارفــع راسي
    ما تخيبوني اعـرفـت . هيچ گال احـساسي
    
    ما أوصّـيـكـم بـعــد . السفر يمكن قاسي
    داري اخـتك بالـدّرب . يُــمّه يا عــبّـاسي 
    
    تتعب ابلياكم ... إيّــــاكم ... تـنـسـوها 
    ا
    
    ● ● ●
    الظعن باچر من يرد . راح انه اسئلها
    
    القَصر الحق زينبه . اعذاوه ما اقبلها
    
    وارد اشوف ابكربله . وشعمل كافلها
    
    المهم زينب من ترد . راكبه ابمحملها
    
    مومهم ملكاكم ... اياكم .... تنسوها
    ................................
    حيدر تركي الكربلائي
    قصائد حسينية مكتوبة نزلات
    
    
    
    
    
    
    
    
    
    
    
    
    

    ننصحك بتحميل تطبيق قصائد حسينية مكتوبة فهو يحتوي على اكثر من 10الاف قصيدة مكتوبة يمكنك تحميله من هنا

    المجموعة الثانية قصائد حسينية مكتوبة نزلات

    #نزلة 
    
    
    زينب البحماكم ... آيـاكـم ... تـنـسـوها
    ● ● ●
    هــا يولدي الأربعه . أمـكم اتوصـيكم
    
    أمّـنِـتكم بت علي . وانتو گدها ادريكم 
    
    تره هاي امّ الخدر . كـون ماتـشكيكم
    
    والله لو مسها خطر . الذمه ما ابريكم
    
    موتوا لو تنخاكم ... إيّــاكم ... تـنـسـوها
    
    ● ● ●
    
    مـن تنادي يخوتي . فزّوا زينب هايه
    طلب لـَـتردُّون ابد . إلـهـا يا وفــايه
    
    جيبوا لو ماي اطلبَت . الفرات ومايه
    تـره أمّ الأربـعه . ابزينب امـوصايه
    
    وعلي هم وصاكم ... إياكم ... تـنـسـوها
    
    ● ● ●
    
    مـن تروح الكربله . التفـّو انـتو اعليها
    يُـمّه عـبّاس الگمر . ابرايـتك غـطـيها
    لا تشاهدها الشمس . حارّه وتاذيـهـا
    امدلـّـله أمّ الخـدر . ياگـمر تــدريها
    
    رايحه وياكم ... إياكم ... تـنـسـوها
    
    ● ● ●
    
    سمعوا وِلدي الأربعه . لـزينب اتسِِـمعونها
    هيهَّ تـآمــركم امر . وانـتـم اتـطـيعـونهـا
    من تـظل ابكــربله . امحـيّـره اتـشوفونها
    
    اعليكم اقسم بالضـلع . ابحـيره لـتخلونها
    
    رفـُّـوا يُـمّه الواكم ... اياكم ... تـنـسـوها
    
    ● ● ●
    
    أرْدَ اخــبّـركـم أمـر . ولازم اتعـيـنوني
    اشگدّ احبّ امّ الحسن . كـلك اتعرفـوني
    عفْـيه وِلـْـدي الأربعه . اوياها لتفشلوني
    
    بيكم آنــه بالحــشـر . ارْد اگــرّ اعيوني
    
    الموت لو يلفاكم ... إيّـــاكم ... تـنـسـوها
    
    ● ● ●
    
    انتو تِـربات الفحَـل . وبيكم ارفــع راسي
    ما تخيبوني اعـرفـت . هيچ گال احـساسي
    
    ما أوصّـيـكـم بـعــد . السفر يمكن قاسي
    داري اخـتك بالـدّرب . يُــمّه يا عــبّـاسي 
    
    تتعب ابلياكم ... إيّــــاكم ... تـنـسـوها 
    ا
    
    ● ● ●
    الظعن باچر من يرد . راح انه اسئلها
    
    القَصر الحق زينبه . اعذاوه ما اقبلها
    
    وارد اشوف ابكربله . وشعمل كافلها
    
    المهم زينب من ترد . راكبه ابمحملها
    
    مومهم ملكاكم ... اياكم .... تنسوها
    ................................
    حيدر تركي الكربلائي
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    رابع إبعاشور هاليوم === للوفيـّه نذكـــر إهموم
    ما نسينه === ما نسينه
    ـــــــــــــــــــــــــــــــــــــــــــــــــ
    للوفيـّه نذكر إهموم الليالي
    بالمدينه من ﺑﮔت وإبغير والي
    ودّعوها الأربعه أهل المعالي
    والحبيب إحسين بيته ناح خالي
    نادت إو دم تجري العيون === يابنينــــــــــــــي لاتقصرون
    هاي إختكـُم لاتـُطب حوم === للوفيــّه نذكـــــــــر إهموم
    ما نسينه === ما نسينه
    ـــ
    للوفيــّه إم البنين اﻠﺣﮓ يشيعه
    عاهدت حيدر علي توفي إو تطيعه
    رضعت الأولاد حـُب إبن الشفيعه
    والحزن خيــّم عليها إمن الفجيعه
    من تركها إحسين بالنوح === وإنملت آهــــــــات وإجروح
    واﻠﮔلب مجروح ﻣﻠﭼـوم === للوفيــّه نذكـــــــــر إهموم
    ما نسينه === ما نسينه
    ـــ
    للوفيـّه نذكر إنشارك حزنها
    نذكر إوياها الذبيح إحسين إبنها
    إنجرح من الدمع ينزف جفنها
    ما بعد ﺗﮔـدر وﮔﻊ وإنهد ركنها
    عالأرض ترسمها إﻠﮔبور === والبقيـــــــع إينادي منحور
    هاي أم عبـّاس ياﮔـوم === للوفيــّه نذكـــــــــر إهموم
    ما نسينه === ما نسينه
    ــــ
    للوفيـّه إدموع ما ينشف نهرها
    للأبد ما ينتهي الطيبه كَدَرها
    تنتظر إبن الحسن يبني أثرها
    يطرد ألأرجاس عنها إو شر بَشَرها
    ينصب المأتم أبو الثــــار === يم ﮔبرها إيغيض الأشرار
    ما يظل ملعون مذموم === للوفيــّه نذكـــــــــر إهموم
    ما نسينه === ما نسينه
    ــــ
    للوفيـّه إجروح نشفيها إبعهدنه
    ما نعوف الداعشيـّه إبنص بلدنه
    للجهاد إنسير والمهدي سندنه
    ننتصر حيدر علي إبهذا وعدنه
    والعزم من زود عبـّاس === وإبجهـــــاده نرفع الراس
    نشكر أم عبــّاس للدوم === للوفيــّه نذكـــــــــر إهموم
    ما نسينه === ما نسينه
    ــــــــــــــــــــــــــــــــــــــــــ
    مع تحيات شاعر اهل البيت / جابر النجفي
    
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    الدنيه ليل ابلا صبح .. بفراگم
    وانـه يومـيه انجـرح .. بفراگم
    اتــمـوت ام الاربــعـه .. بفراگم
    -----------------------------------------------
    حالـي حـال ام الولدها فاگـده
    والـده وتدرون گـلـب الــوالده
    اندعي گظـيت عمـري ساجده
    الظـعن يا الله ادعـي اتـعـاوده
    
    ادموعي عالخد تنفضح .. بفراگم
    وانـه يـــومـيه انجـــرح .. بفراگم
    اتـمـــوت ام الاربـــعــــه .. بفراگم
    -----------------------------------------------
    لــشوكت امكـــم تظــــل اتـــاني
    وعـن ذكــركـم مايمــل الــــساني
    انبنه فوگ اخدودي بيت احزاني
    تـــره دمـعــي الـــي جـــره اذاني
    
    والله كل دمعه رمح .. بفراگم
    وانـه يوميه انجـرح .. بفراگم
    اتـمـوت ام الاربــعـه .. بفراگم
    -----------------------------------------------
    يالرحلــتو ابمحـنتي عـفـتوني
    من بــعدكم مـا اريــد اعيــوني
    صعبه اعيش ابغيركم تدروني
    انــشاالله اتــردون ماتنـسوني
    
    عيني احس بيها ملـح .. بفراگم
    وانـه يومــيه انجــرح .. بفراگم
    اتـمـوت ام الاربــــعــه .. بفراگم
    -----------------------------------------------
    هسه زينب كون اشوف اشحالها
    ردت اناشدهــا امنـَصير اگـــبالها
    خـــــاف قصــر بالضــعن كفــالها
    ادري مايــحمـــل هـــظــم دلالها
    
    صعبه لو صار الجرح .. بفراگم
    وانـه يوميه انــجـرح .. بفراگم
    اتـمـوت ام الاربــــعـه .. بفراگم
    -----------------------------------------------
    ليــش روحي ماطــفت نيرانها
    خــاف زيــنب ابــتدة احــزانها
    الخيمه بس لامحترگ صيونها
    جاي اشـم من كربــله دخــانها
    
    هالخبر بس لايصح .. بفراگم
    وانـه يوميه انجـرح .. بفراگم
    اتـمـوت ام الاربــعـه .. بفراگم
    -----------------------------------------------
    ابــو فاضل دوم اناشـد ويـنه
    مـومــهم لــو تنــگطع چـفينه
    خاف هوه قصر اويه حسينه
    انه وصيــته يحـفظه ابعــينه
    
    مــو مهــم لو ينذبح .. بفراگم 
    وانـه يوميه انجـرح .. بفراگم
    اتـمـوت ام الاربــعـه .. بفراگم
    -----------------------------------------------
    اشكثر مشتاگه امكم وتدروها
    والوصـيه كــون مـــاتنــسـوها
    ابحيره زيــنب يــمه لتخـلوها
    اوحيده لو ظلت تره يـسبوها
    
    وبالحـزن راح اتـشح .. بفراگم
    وانـه يوميه انجــرح .. بفراگم
    اتـمـــوت ام الاربـعـه .. بفراگم
    -----------------------------------------------
    تمت والحمد لله 
    حيدر تركي الكربلائي'
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    #نزله 
    
    
    هل الله هل الله شلون ليله 
    
    ليلة اوداع العليلــــــــــــه
    
    ************ 
    
    ﮀﻟﮀل اليل بـــظلامــــــه** وكل شي با الدنيه سكن
    
    بس كلب طفله عل بوهه** اينوح بوداع الظعــــــن
    
    تدري لوراح من اديهـــه  مايرد لرض الوطــــــن
    
    تنادي والمدمع تسيلــــــه هل الله هل الله شلون ليله
    
    ****************************** 
    
    طلعت اتودع وليهـــــــا  والدمع يجري دمــــــــه
    
    وناحت عليها الامــلاك  وبجت نجمات السمـــــه
    
    حتى جبرائيل نــــــــاده  الله يلوعة فاطمــــــــــــه
    
    طفله والونه ثجيلــــــــه هل الله هل الله شلون ليله
    
    ***************************** 
    
    صاحت اخلافك يبويــه** شلون نوحي ينكطـــــــع
    
    خاف وحد بيويه تبكـــه  ويبعد عليك الفـــــــــزع
    
    عل الدرب لكعد وتاني وما امل من الدمــــــــــع
    
    وحك ظلع امي الجليله** هل الله هل الله شلون ليله
    
    ***************************** 
    
    حين شافت ضعن ابوهه  الكربلا راح وبعــــــــــد
    
    صاحت بدمعة حزنهــــا كلبي يلوالي انمـــــــــرد
    
    واعدتني اتعود ليــــــــه** وخافن ايطول الوعـــــد
    
    وغيبتك خافن طويلـــــه** هل الله هل الله شلون ليله
    
    ***************************** 
    
    اليله ظل البيت خالـــي** عكب عينك يلولــــــــــي
    
    وانه طفله وهم عليلـــه ومني راحوا كل هلـــــي
    
    هم ترد اردود ليـــــــه  وظيم كلبي ينجلـــــــــــي
    
    ياهوا غيرك اشتكيلـــه** هل الله هل الله شلون ليله
    
    ***************************** 
    
    محيره ظليت عكبــــــــك  ونشد بدمعي اليصـــب
    
    منين درب الغاضــــــريه كالوا بعيد الـــــــــدرب 
    
    جني اسمع صوت اجاني** كطع ابتوت الكلــــــب
    
    كل محب فارك خليلـــــه هل الله هل الله شلون ليله
    
    ******************************* 
    
    انكطع برض الغاضريه نحر ابوج من الكفــــــــه
    
    وعل النهر ظلت رميــه اليله جفين الوفـــــــــــــه
    
    طاح الاكبر يم اخيــــــه جاسم وشمعه انطفــــــــه
    
    والضعن ودع جفيلـــــه هل الله هل الله شلون ليله
    
    ***************************** 
    
    هلي دمعج يليتيمــــــــه  ونوحي لمصاب الاهـــل
    
    أذﱢبحوا فوك الوطيـــــه كلهم بسيف الاجــــــــــل
    
    والدهر شتت شملهــــم ونكطع خيط الامــــــــــل
    
    والعمر كرب رحيلــــه هل الله هل الله شلون ليله
    
    ******************************* 
    
    
    مسلم السماوي 
    
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    #نزله
    
    وحدي عافوني الأهل === ياعلــــي خير العمل
    ــــــــــــــــــــــــــــــــــــــــــــــــــ ـــــــــــــــــــــــــ
    جــدّي ياحيدر علي = عنـّي راحوا كل هلي = والألم ما ينجلي
    ما بگــه عندي أمل 
    ــ
    ودّعوني إبوحدتي = تجري من دم عبرتي = راح أبوي إو مهجتي
    گلبي بالنار إشتعل 
    ــــ
    ودّعتني عيلتي = والعقيله وإخوتي = عمــّي يمسح دمعتي
    ودّعوني بالعجـَل 
    ـــ
    روحي ويـّاهم سرت = عيني تبراهم جرت = والرزايا إنبرت
    تملي گلبي وإنشغـَل
    ــ
    وحدي وَيْ بيت الحزن = آني ظلــّيت إو أون = محــّد إعليــّه يــِحــِن
    ريته ياخذني الأجـَل
    ــ
    أسأل الطير اليجي = أسمع أخبار أرتجي = والعباده منهجي
    أنســَه بيها ما نـزَل
    ــ
    ما هـِدَه گلبي إو بـَرَد = والذهن منـّي شــَرَد = ما أشوفنهم بـَعـَد
    والضــُوَه منـّي زعــَل 
    ــ
    ظلمه ظلــّت دنيتي = وأنتظرهم سلوتي = ويــّه نوحي إو غربتي
    بالبچــي صرت المثل
    ـــ
    جــدّي ياحامي الحِمه = صــوّب إعيوني العـِمه = دمعي أصبح من دِمه
    والفرح عنــّي إرتحل
    ــــــــــــــــــــ
    مع تحيات شاعر اهل البيت / جابر النجفي
    
    
    ✿مؤسسة منبريون للالحان رقم 1
    @ahmed_alziwar1
    
    ✿مؤسسة منبريون لنشر القصائد 2
    @ahmed_alziwar2
    
    ✿مؤسسة منبريون للمقامات3
    @ahmed_alziwar3
     
    ✿مؤسسة منبريون للنعي4
    @ahmed_alziwar5
    
    ✿اكبر كروب لتلحين القصائد 
    
    https://telegram.me/joinchat/AAAAAD9pmsoMub22NRYqtA
    
    6.مؤسسة منبريون للنزلات, [٣٠.٠٧.١٧ ١٧:٣١]
    #قصائد_مسلم_بن_عقيل
    
    #مـۄسسـﮫ_مــﻥــبـريۄن_للالـﺢــان
    
    الــﮠــاشــﺭ اζـــﻣــد الــﺯۄار
    
    🖤من سفير إحسين إطلب حاجتك وإلمُصابه خلها تجري دمعتك🖤
    
    
    ▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
    
    
    #نزله
    
    مسلم قدوة الأحــــرار === يامحلــَه الدرس مـِنـّه
    ـــــــــــــــــــــــــــــــــــــــــــــــــ
    سفير إحسين أبو الهدّات == يامحلــَه الدرس مـِنـــــّـه
    يحضرك لحظة الشدّات == يامحلــَه الدرس مـِنـّــه
    يـَمـّه ﺗﻧﮔضي الحاجات == يامحلــَه الدرس مـِنـــّه
    صابر ما جزع مولاي === يـوم الصابته المـِحـْنـَه
    مسلم قدوة الأحــــرار === يامحلــَه الدرس مـِنــّه
    ــــ
    سفير إحسين ما ذل يوم == يامحلــَه الدرس مـِنـــــّـه
    بالكوفه إنــْوِلـَه إو مهموم == يامحلــَــه الدرس مـِنـــــّـه
    مو خايف شـُجاع إيحوم == يامحلــَـه الدرس مـِنــــــّه
    رُفـَع سيفه إو تعنـّه إبزود === ما إنهـَد أبد رِكــْنــَـــــــــــه
    مسلم قدوة الأحـــــرار === يامحلــَه الدرس مـِنــّه
    ـــــ
    سفير إحسين مسلم فاز == يامحلــَه الدرس مـِنــــّه
    رضا المعبود نال إو حاز == يامحلــَه الدرس مـِنـــــّه
    لغير إﻠﺣﮓ أبد مـَنـْحاز == يامحلــَه الدرس مـِنـّه
    بــِنــَه مجده إبعزم موسوم === ما ننســـــــاه دوم إحـْنـَه
    مسلم قدوة الأحــــــــرار === يامحلــَه الدرس مـِنــّه
    ــــ
    سفير إحسين يهدي التاه == يامحلــَه الدرس مـِنــــّه
    بس ﻠﻠﺣﮓ رُفع يمنــــــاه == يامحلــَه الدرس مـِنــــّه
    ولــوه أشرار واويــــــلاه == يامحلــَه الدرس مـِنــــّه
    ما هاب العساكــــــر ذﻳﭻ === رسم درب المجد إلــْنــَه
    مسلم قدوة الأحــــــــرار === يامحلــَه الدرس مـِنــّـه
    ـــــــ
    سفير إحسين زوره إبشوﮒ == يامحلــَــــه الدرس مـِنــــّه
    لبو طلبه المعالي إتلوﮒ == يامحلــَه الدرس مـِنــــّه
    كوكب ما نزل من فوﮒ == يامحلــَه الدرس مـِنــــّه
    تشع كوفان بأنواره === تــِدَلــّينـه إذا تــِهـْنـَه
    مسلم قدوة الأحــــــــرار === يامحلــَه الدرس مـِنــّـه
    ــــ
    سفير إحسين ما ننســــــاه == يامحلــَــــه الدرس مـِنــــّه
    رُوَه عــِزّه إبنجيع إدمـــــاه == يامحلــَــــه الدرس مـِنــــّه
    ننال الخير لو زرنــــــــــاه == يامحلــَــــه الدرس مـِنــــّه
    مـُضيفه فاتح البيبــــان === مثل خيراته ما شـِفـْنـَه
    مسلم قدوة الأحــــــــرار === يامحلــَــه الدرس مـِنــّـه
    ــــــــــــــــــــــــــــــــــــــــــــــــــ ــــــــــ
    مع تحيات شاعر اهل البيت / جابر النجفي
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    حين طب للكوفه مسلم
    صاحت الكوفه علي
    حين طب ليها المُجاهد بيـــده شايل صارمه
    ماجت وهاجت وظنت لاحـَـــت الگاع السمه
    كلها تبچي اهناك صارت فقط غُرته الباسمه
    
    صاح بالگاع الغضنفر ياللـه گاع اتزلزلي
    حين طب للكوفه مسلم
    صاحت الكوفه علي
    2
    صاح صيحه وبيها زلزل كل عروش الظالمين
    گال مسلم آنه مسلم آنه مبعوث الحُسين
    آنه تلميذ ابو الحمله حيدره يا سامِعين
    
    آنه تربات الصميده حيدره نِعمَ الولي
    حين طب للكوفه مسلم
    صاحت الكوفه علي
    3
    آنه تربات الصميده حامل الواء الرسول
    آنه خادم للذي جده النبي وأمه البتول
    آنه مسلم بن عقيل اليوم بيكم راح اصول
    
    راح اراويكم كفاحي من أصيحن ياعلي
    حين طب للكوفه مسلم
    صاحت الكوفه علي
    4
    صاح مسلم بالجموع الضاع مشردها ضياع
    واحد آنه وسيفي واحد وين جيبولي السِباع
    ما صمد بيهم مقاتـــــــل لا ثبت بيهم شجاع
    
    هذا مسلم هذا مسلم يا ملاحم هلهلي
    حين طب للكوفه مسلم
    صاحت الكوفه علي
    5
    غاص بجموع الحرايب والزلم تردم زلم
    ما گدر يوگف ابوجها منها واحد والنِعم
    ما لگو غير الخديعة وبالغـدِر عقد العزم
    
    بيه غدرت يا حسافه بنار باچر تصطلي
    حين طب للكوفه مسلم
    صاحت الكوفه علي
    6
    بالخديعة وبالحفيــره يسِّروا اعظم سفير
    راحوا القصر الإماره گصدَوا الأنجس امير
    صعِّدوه اهناك ويلي امگيد ابحبله أسير
    
    ويلي من فوگ القصر شمروه يا حيدر علي
    حين طب للكوفه مسلم
    صاحت الكوفه علي
    
    
    زكي الياسري
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    #نزله 
    
    بأمكانكم تغيير كلمه (الكوفه) في المستهل الى كلمه (الحومه) 
    .
    .
    .
    
    
    ذكرهم ابحامي الحـمه .. يامسلم
    والـكـوفـه رويـهـا دمـه .. يامسلم
    __________________________
    
    يالله سيفك جـَرده . وعلي عمك جـَسده . الظربته ابروس العده 
    موصوفه
    الناس خلها تفتهم . هـذا مـو واقع حلم . وخـل تجي ليك الزلم 
    مچتوفه
    غربل اجيوش الكفر . بيهم انته اشتنتظر . شـي طبيعي تنتصر 
    عالكوفه
    امـن الـخريطه الغـيها . الناســيه ماضـيها . السيـف يحكـم بـيها 
    ومعروفه
    
    مـبعوث مـن رب السمه .. يامسلم
    والـكـوفـه رويـهـا دمـه .. يامسلم
    
    __________________________
    
    الجــمع خــلي ينــبهر .ليلــهم سويه ظـهر . الرايــده منــك تــفر
    خليـــها
    ابشـرط تسمـع مايلـي .البچي صوته يعتـلي . حـقـها تتذكر علي 
    امبچيها
    البالشجاعه اتضاهرت . وللنزال اتحظرت . الفاتحه اعليها انقرت
    تاليـــها
    الله ساتر صاحت . انغـمه اعليها وطاحت . ارواح كثره الراحت
    تدريــها
    
    تـدريبك انتـه الخـاتمه .. يامسلم
    والـكـوفـه رويـهـا دمـه .. يامسلم
    
    __________________________
    
    من تشيل الرايه . اعليهم احچي احچايه . گلــهم اموصايه
    لـَيميني
    گلهــم اتــحداكم . اگــدر المــلـگاكـم . جـيـبو جيش اوياكم 
    يكفيني
    اني صح بس واحـد . لكــن الله الـشاهد . فنــه جيش وقائد 
    يلويني
    احسب احچاياتكم . ولو سمعت اصواتكم . اعتقد هاماتكم 
    تدريني
    
    مخـلوق لجـل الموزمه .. يامسلم
    والـكـوفـه رويـهـا دمـه .. يامسلم
    
    __________________________
    
    تره من حـقه النشد . علــي حلال الشدد . يمـته مــن گبره گعد
    خبرونه
    الكوفه عمك ذكرته . شلون تنـسه شمرته . بيـك شافت صورته
    وعيونه
    حقها لو سجدت الك . الماسجد يعني هلك . چفك السيف امتلك
    يدرونه
    الملگه وي حيدر صعب . شايفـينه بالحرب . للمـفر ماكــو درب
    يلگونه
    
    خـلي سمـاهم مظــلمه .. يامسلم
    والـكـوفـه رويـهـا دمـه .. يامسلم
    
    __________________________
    
    الكوفه من بيها تهد . كل منافذها تسـد . حـتمــاً الشردت ترد
    مكسوره
    گلهم ارد انه انتقم . وماكو نـيه للسـلم . الزلـم يــمـك تنصـدم
    مذعوره
    ايصير يوم الاخره . من تحاصرهم وره . عاد يــبدي القسوره
    وبدوره
    لا تسامح كل احد . بيدك السيف انوجد . تــره من حقه اللبد
    مخطوره
    
    اچفوفك الـهاي امعلمه .. يامسلم
    والـكـوفـه رويـهـا دمـه .. يامسلم
    
    __________________________
    
    الجيـش مايگدر ابـد . الك يالچـنك اسـد . انـته يالمـنطي وعـد
    لحسينك
    الكوفه احـذرها تـره . هـيه غـدرت حيدره . خلي سيفك تنظره
    ابچفينك
    اعليك والله اتحملت . هواي قاده اتجندلت . اتردلك اهيه فكرت
    من دينك
    تملك اسـلوب الغـدر . وصـعبه لـمن تنـكسر . تنشمر مـن القـصر
    هـا وينك
    
    خو ما سهم بيك انـرمه .. يامسلم
    والـكـوفـه رويـهـا دمــه .. يامسلم
    __________________________
    تمت والحمد لله 
    حيدر تركي الكربلائي
    
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    #موشح 
    
    مسلم الكوفه ذبح فرسانها
    والابطال اتبسمرت بمجانها
    ---------------------------------
    اتبسمرت من شافته ايصول ويجول
    انشلت الافكار وانصابت ذهول
    موقفه البي حارت ارباب العقول
    واحــد الحومه يقود اعـنــانــها
    --------------------------------
    ايقودها ويكلبها عالعسكر كلاب
    ايصيح ياحيدر ويطبر بالركاب
    اليدخل الحومه ايتهيأ للحساب
    مسلم المحشر جعل ميدانها
    -------------------------------------
    المحشر ابميدانها وفنّه اليفوت
    والتجسّــر يدخل امقرر يموت
    اتموت كلها لون مسلم صاح صوت
    ياعلي ايصيح ويهدم اركانها
    -------------------------------------
    ياعلي ايصيح الارض بيهم تميل
    جنه حيدر صار مسلم بن عقيل
    عموا ذيج الساعه ما عدهم دليل
    من جدح سيفه وفتل دخانها
    -------------------------------
    وجّروا بكلوبهم نار انتقام
    وعن بعد صارت حربهم بالسهام
    والمكيده انصاغت ابأسم السلام
    وابن الاشعث وسوس الشيطانها
    -------------------------------------------
    بالغدر كطعوا ركبته اهل الغدر
    وشمروا الجثمان من فوك القصر
    باجر البارينه جا شنهو العذر
    وهمه لاجهنم حطب نيرانها
    ----------------------------------------
    خادم اهل البيت عليهم السلام عمار العيساوي
    
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    هيبة مسلم من دخل سوح الحرب ... الزلم بالكوفــــــــه حط ألهم كلب
    رايته بعلو الســــــمه ... صيحته يا فاطمـــــــة
    """""""""""""""""""""
    فارس وعدوانه تشـــــــهد صـــــولته
    ذل حشـــــــود الكَوم لمن لا كَــتــــــه
    بمنهــــج الآجيــــــــال تدرس قصــته
    بالبطولة والشـــــــــــــــجاعة وغيرته
    سجل أعظم ملحمة ... صيحته يا فاطمـــــة
    """"""""""""""""""""
    فضــــل الموت علذل هاي الحـــــــياة
    ماقبل جفه يـمــــــــــده للطغــــــــــاة
    هذا ربته حجــــــــــــور المكرمــــــات
    مثل عمه ما يهم عنده الممــــــــــات
    مثل حمــاي الحمه ... صيحته يا فاطمــــــــة
    """""""""""""""""""" 
    سجل بدمه الشريف أعظــم مجـــــد
    صح غريب وآهله بديار البعــــــــــد
    دمعته تسيل وعلى الوجنه تهــــــــد
    لجل أبو الســــــــجاد يتمنــــــــــه يرد
    لا تغــــدره الظالمة ... صيحته يا فاطمــــــــة
    """"""""""""""""""""
    خانته الكوفـــه وخــــــلته وحيـــــد
    لجل أبن مرجــانه باعته ويزيـــــد
    مســلم الهيبة رفض حكم العبيـــــد
    وجابه الكوم بكلب مثل الحديـــــد
    مجده خطة بالدمه ... صيحته يا فاطمـــــــة
    """""""""""""""""""" 
    ما قبل يستسلم وشــــــال الجــــــرح
    نور ينـزف مو دمه مثل الصبـــــــح
    ما قبل بالباطـــل يمد للصــــــــــــلح
    عدل دربه والعدل أعظــــم صــرح
    بطل يوم الموزمـــه ... صيحته يا فاطمــــــة
    """"""""""""""""""""
    وحدة جيش وجابه جيوش الكفـــــــر
    جفه حق البطـــــــل من عــــــده يفـر
    ثابت وما هزه كل أهـــــل الغــــــدر
    مبدأَ حسين وأله فـــــــدوه العمــــر
    من القصر وسفه نرمه .. صيحته يافاطمــــــة
    """"""""""""""""""""
    شاعر أهل البيت
    الشيخ عبد الحسين النصوري
    
    قصائد حسينية مكتوبة نزلات
    

    ننصحك بتحميل تطبيق قصائد حسينية مكتوبة فهو يحتوي على اكثر من 10الاف قصيدة مكتوبة يمكنك تحميله من هنا

    المجموعة الثالثة قصائد حسينية مكتوبة نزلات

    بس هالليله خليني – مسلم صاح ياطوعه
    
    انا اول ضحيه 
    لجل ابن الزجيه
    يطوعه يالابيه
    مسلم انا سمعيني –
    
    بس هالليله خليني – مسلم صاح ياطوعه
    
    وحيد ولااهل عندي
    ولابد اوفي بوعدي
    ولو كلها اوكفت ضدي
    روحي فدوة لحسيني
    
    بس هالليله خليني – مسلم صاح ياطوعه
    
    اجيت وعندي هالكتاب
    من ابن داحي الباب
    من حسين هذا جواب
    يالكوفة تلكيني 
    
    بس هالليله خليني – مسلم صاح ياطوعه
    
    ياطوعه انا محتار
    ماعندي اهل وانصار
    واكف انا يم الدار
    شربة ماي رويني
    
    بس هالليله خليني – مسلم صاح ياطوعه
    
    جبدي العطش ضره
    شربة ماي يالحره
    انطيني اريد اروه
    وعالغربه دعينيني
    
    بس هالليله خليني – مسلم صاح ياطوعه
    
    اهل الكوفه خانوني
    ويه اعداي عافوني 
    ونيتهم يجتلوني
    ودمعتي بطرف عيني
    
    بس هالليله خليني – مسلم صاح ياطوعه
    
    
    اهل دموعي عالحسين
    مادره بيهم زين
    اهل الكوفه غدارين
    نار القهر تجويني
    
    بس هالليله خليني – مسلم صاح ياطوعه
    قصائد حسينية مكتوبة نزلات
    
    
    بقلم عاشقة زينب ع
    
    
    
    
    
    
    
    
    
    
    
    
    
    
    
    
    
    
    يطوعه هذا مسلم مو وگف بالباب
    
    ماي ايريد چبده امن العطش لهاب
    
    --
    
    
    يطوعه الماي جيبي الماي لتأخريه
    
    
    مسلم هالعطش أثر يطوعه اعليه
    
    
    راد الماي بلچي أمن الظمه ترويه
    
    
    وأجرچ لو روه من عمه داحي الباب
    
    
    --
    
    
    اجرچ اي يطوعه من علي اجرچ
    
    
    وأم حسين هيه باچر اتحظرچ
    
    
    بالجنه الزهيه العاليه اتبشرچ
    
    
    اتخدمچ حور وتقطفين الذ ماطاب
    
    
    --
    
    
    مسلم كلهم اتخلوا بعد عنّه
    
    
    وسيوف أم المنيايا اليوم يردنه
    
    
    منهم يسلم وهالامل مامنه
    
    
    شلون اهلال مسلم عن هله لو غاب
    
    
    --
    
    
    وسط عينچ يطوعه المسلم اتخليه
    
    
    وفرشيله الجفون وبيهن اتغطيه
    
    
    عزيز حسين هذا ابروحچ اتظميه
    
    
    گبل ماعسكر الظلام ليه ينساب
    
    
    --
    
    
    صدگ لن ينغدر بسيوف اهل كوفان
    
    
    او هاي او مصيبه الهاشم وعدنان
    
    
    وحسين النصبله مأتم الاحزان
    
    
    بعده ابكربله ويصير عنده امصاب
    
    
    --
    سيد عدنان الحمامي
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    
    يا بوية  فركاكم  صعب   -   بوية ياحسين
    راح اني أتاني عاللدرب   -   بوية ياحسين
    
    
    يا بوية  فركاكم  صعب  اثر  علية
    ليلية أتاني عاللدرب واصفك بدية
    ليش اني اضلن يالابو وتأخذ رقية
    خليني اروح ويالضعن وارجع سبية
    
    خلة   يأذيني   الضرب   -   بوية ياحسين
    راح اني أتاني عاللدرب   -   بوية ياحسين
    
    
    بوية انتظاري شكد صعب مابية حيلة
    ليلية  اون  بوحشتي  ودمعي  اسيلة
    تسكتني ليلة  عاللبجي  تبجيني ليلة
    واني المرض اثر عليه  تدري  وعليلة
    بفراكك  دموعي  تصب   -   بوية ياحسين
    راح اني أتاني عاللدرب   -   بوية ياحسين
    
    
    ليلية  اهزن  بالمهد  عبد الله  وينك
    خافن تفز من نومتك وماتغفة عينك
    أخذ العمر فدوة الك وفدوة لسنينك
    من اشتم كماطك أحس بلهفة حنينك
    
    عبدالله قطعة من الكلب   -   بوية ياحسين
    راح  اني أتاني عاللدرب   -   بوية ياحسين
    
    
    بالباب  أتاني  جيتك  بلكت تجيني
    وتدري عله فراكك ابد ماتغفة عيني
    ولنه اسمع بضعن الاهل كرب يجيني
    وهذا الخبر  لمن اجه  خفف  ونيني
    
    عالدمع راح اعلن حرب   -   بوية ياحسين
    راح اني أتاني عاللدرب   -   بوية ياحسين
    
    
    شفت  الضعن  يمه  كرب  بس  بالنساوين
    واني أصرخ بصوت الحزن وين الزلم وين
    وينة الكفل هذا  الضعن وين  الابو حسين
    كلبي  انفطر  من  الألم ودم  صبت  العين
    
    بيا حال ضعن أهلي كرب   -   بوية ياحسين
    راح اني  أتاني  عاللدرب   -   بوية ياحسين
    
    
    ذبحو إخوتي بكربلة  واحنه  نسبينة
    حسين الكطع راسة الشمر ومسلبينة
    وطاحن جفوفة كافلي ومطفية عينة
    وحته الطفل يابو الفضل هم ذابحينة
    
    والشامت لحالي  طرب   -   بوية ياحسين
    راح اني أتاني عاللدرب   -   بوية ياحسين
    
    
    ياعمة شحجيلج بعد عن  الجرالي
    حته الصخر عمه بجه ون عالحالي
    مسبية امشي ويالغرب اني وعيالي
    والضالم  بعين  الغضب  عمه برالي
    
    صعبة انه اروح ويالغرب   -   بوية ياحسين
    راح اني  أتاني  عاللدرب   -   بوية ياحسين
    
    
    خادم خدام زينب ع
    حميد كاظم الشمري
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    #نزلة_للعليلة_ع
    
    
    
    ـــــــــــــــــــــــــــــــــــــــــ 
    لاتـُوَدْعوني === ياهلي إخذوني === ويّاكـُم الحين
    ــــــــــــــــــــــــــــــــــــــــــ
    من بعدكم ما تفارﮒ عيني == دمعتي إو يكثر يبويه إونيني
    وين أشوفن بسمتك يحسيني == خل أروح إوياكـــــــم إو تانيني
    يبتدي نوحي === ما تظل روحي === ويّّاكم إتروح
    واﻟﮔلب نـــازف === ما ترد عارف === ما تشفه الجروح
    لاتخلـّونـــــــي === نازفه إعيوني === ما تنشف العين
    ـــــ
    بويه أحلفك بالزﭼيـّه الزهره == لاتخلــّيني أصـُبهـــــــــــا العبره
    ما إلي واحد يعين إبصبــــــره == والدهر قاسي إو ﭼواني جمره
    أنظـُر الدارك === فاﮔـده أنوارك === مظلمه الدار
    تنطفي إشموعي === تنزل إدموعي === والضعن سار
    من نسيتونــــــي === جرّح إجفوني === عاشرني البين
    ـــــ
    موحشه الدار إو بعدكم ظلمــه == والزمن صوّب دليلي إبظلمه
    وإنثلم عمري إو ﭼبيره الثلمه == راضيه إبأمر العليم إو علمه
    ما حضر واحد === محنتي إيشاهد === ما ظلـّت آمال
    والعمر دامــــي === طالت أيّامي === رواتني الأهوال
    ما ذكرتونــــي === لا إجيتوني === وين الوعد وين
    ــــ
    بالأمل ظلـيت تجري إعيوني == ما أظـــــن ياوالدي تنسوني
    أنتظر روحي ترد عفتونـــــــــي == من تعـــود إو إخوتي إيقبلوني
    والعلي الأكبر === أﺷـْﺑـُﮔـه أتحسـّر === يمسحها الدموع
    والدمع ينصب === وَيْ دمع زينب === وإتنوّر إشموع
    من جفيتوني === خابت إظنوني === يهلي يطيبين
    ـــ
    ياحبيبي إحسين ﮔلبي دامي == آنــــــــي بنتك فاطمه إبآلامي
    جارت عليـّّه يبويه أيّامي == من عفتني ودّعت أحلامي
    وإبتده ليلي === وإنهدم حيلي === لامتني الناس
    أذكر المجلــس === يمّي من تجلس === وَيْ عمّي عباس
    لاتظنـّونـــــــــــي === أنسه يعيوني === لو مرّّت إسنين
    ــــــــــــــــــــــــــــــــــــــــــــــــــ ـــــــــــــــــ
    مع تحيات شاعر أهل البيت / جابر النجفي
    
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    #نزلة_للعليلة_ع 
    
    
    
    مهظومه وتحسّر.           عگبك يبوالاكبر
    
    
    آنه العليله فاطمه ياوالدي الغالي
    سهرانه ونطر جيّتك مافارگت بالي 
    كلما اطب دارك اصد محرابك الخالي
    ريتك تجي ياوالدي وتعاين الحالي
    عالفرگه ما اگدر.         عگبك يبوالاكبر
    
    
    آنه العليلة فاطمة يالسافرت عني 
    بويه المرض هيّن تره وغيابك السلني
    احسب ليالي لجيّتك ماينگطع ظني
    سهرانه ليلي ويالنجم مافارگت وين
    وبوجهك اتصوّر.         عگبك يبوالاكبر
    
    
    
    آنه عله دربك گاعده وتنطّر اخبارك
    يابويه ظلمه وموحشه وماتنسكن دارك
    شتاگيت الك ياوالدي ولشوفة انوارك
    بكثر المناحه والبچي مل وجزع جارك
    مابيه اتصبّر.          عگبك يبوالاكبر
    
    
    ليليّه اموت من البچي ياوالدي ابّابك
    طفله وعفتني بحيرتي ومااحمل غيابك
    يسئل عليك بوحشته هالخالي محرابك
    خوفي عليك من الدهر يفجعني بمصابك
    بيه الألم يكثر.            عگبك يبوالاكبر
    
    
    يابويه يحسين العمر مايسوه من دونك
    اتمنّه موتي بغيبتك يابويه وعيونك
    يابويه طوّلت السفر مارجعت ظعونك 
    كل خوفي من غدر العده يابويه يولونك
    ولجيتك اتنطر.             عگبك يبوالاكبر
    
    
    آنه عله بابك گاعده لن صوت ابن حذلم
    ناده انذبح سبط النبي وراسه انصبغ بالدم
    فوگ الرمح راسه ارتفع كل جسمه متخذّم
    آنه عرفتـها تنـذبح يالغـالي وتـيـتّـم
    ريت العمر يگصر.          عگبك يبوالاكبر
    
    خادم فاطمة العليلة عليها السلام
    سيد زيد الفحام
    ________________________
    قصائد حسينية مكتوبة نزلات
    
    
    
    
    
    
    
    
    
    
    
    
    
    #قصائد_اولاد_مسلم_بن_عقيل 
    
    بعد حرك الخيم من جور العده
    
    هامت الاطفال بالبــــــرشارده
    
    ----------------- 
    
    الجريمه تمت بطف كربلـــــــــــــه \\ واليتيم ينوح ينشــــــد عــــن هله
    
    حسين وينه وعمنه راعي المرجله \\ الامر محتـــوم يــــوم الطف سده
    
    ----------------- 
    
    منهم الداسته الخيل بلا رحــــــــــم \\ ومنهم الودَّع الدنيـــــــــه بالسهم 
    
    ومنهم المحترك مابين الخيــــــــــم \\ والمرار بظيمـــــــــــه ويّاهم بده 
    
    ----------------- 
    
    أثنيــــــــــن من أولاد مسلم الشهيد \\ عن نظـــــرزينب جفوا عنَّه بعيد 
    
    خاف منهم ينكطع حبـــــــل الوريد \\ مثل عبــــد الله أبسهم لوعــه هده
    
    ---------------- 
    
    بليـــل ممشاهم وخوف من الطريج \\ الكمـــــــــرونجومه ويّاهم رفيج 
    
    واحد الواحـــد يكلَّه بصدري ضيج \\ شلون بينه الصبح لوباجــــرغِده
    
    ----------------- 
    
    ليل ياخذهم الليــــــــــــــل بلا منام \\ وعن عيون الغدر خيمتهم ظلام 
    
    الخوف من باجـــــر وأولاد الحرام \\ جائزه من الظالم الكــــــل رايده
    
    ----------------- 
    
    التعب بيَّن علــــــــــــــه وجوه البدور\\ بدت البسمه وحــذر جنهم طيور
    
    لجن رمش العين غطّـــــــــا للسرور\\ والنظــــــرهم جثث شاف أمدّده
    
    ---------------- 
    
    من القصر خادمه طلعت عالنهـــــر\\ عجبه شافت الشمس ويَّه الكمـر 
    
    للقصر ردّت وشاعت الخبـــــــــــر \\ وصارت أم الدار ألهم ســـــانده
    
    --------------- 
    
    أخبروهه بكربلــــــه أشصار وجره \\ شلون عافوهه الجثث فوك الثره 
    
    وحال كلب أم الحـــــــــزن لمخدّره \\ أيعين الله حال كــــــــل أم فاكده
    
    --------------- 
    
    لفه راعي الدار وعليـــــــــــه التعب\\ الحقــد ماليـــه وبوجهه الغضب 
    
    أيكلهه راح أيروح من عندي الذهب \\ مثل أبن طوعـــه يحب المفسَده
    
    --------------- 
    
    من حجيهه وخوفهه حس النـــــــذل \\ دوم خلَّـــــــــــك بالمودّه متصل 
    
    بيا شــــرع يادين طفل وينجتـــــــل \\ أيكلها لبن زيــــــاد أبد ماعانده
    
    -------------- 
    
    كام جتَّفهم وذبهـــــــــــــم بالسجن \\ مَنكِسر كلبـــــــه عليهم الرعن 
    
    باجـــــــر أتحضِّروا للموت ودفن \\ عاليتامـــــــه صبَّح وبيهم حِدَه
    
    ----------------- 
    
    كلبه أشد من الصخر مات الضمير \\ جره عليهم مثـل مامر بالسفير 
    
    هل النماذج منها بســـم الله أستجير \\ علـــــه نارالله وجحيمه وارده
    
    ---------------- 
    
    حيِّروا للــــــــــــــنذل بيمن يبتدي \\ وقدِّمولـه النصح بلجن يهتدي 
    
    أبذبحنـــــــــــــــــه عله الله تعتدي \\ الحجي ويَّه الناصبي بلا فائده
    
    --------------- 
    
    كالوا أنصلِّيهه هاي آخــــر صلآة \\ مثل أبونه اليوم محتوم الممات 
    
    راح ويَّه النبــــــــي نبديهه الحياة \\ رواحنـــــه لحسين منذوره فِده 
    
    --------------- 
    
    صورة العباس عنَّه موبعيد \\ الظلم نفس الظلـم رد من جديد
    
    مثل جفّينه تلكوا للصعيد \\ والنهر وجروفــــه ألهم شاهده
    
    ********************************************** ** 
    
    
    خالد الحجار
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    نحلف احنه براسك  أي وحگ عباسك
    
    **********
    
    ندي ابن مرجانه فاسد  مانهاب جنوده
    
    شحده يگرب للمخيم  لو يصل لحدوده
    
    عدنه غيره حيدريه  وغيرتك موجوده
    
    اسمك اصبح للغياره  ياحُسين انشوده
    
    كلنه نصبح ساسك  أي وحگ عباسك
    
    ***********
    
    هاذي انصارك نشامه  عترتك تحميهه
    
    كلشي بالدنيه نملكه  بحبك نضحيهه
    
    نسحگ خشوم اليضدك  والنفس نهديهه
    
    كل نحر عدنه رخيصه  والدمه نفديهه
    
    بغيره نحمي ناسك   أي وحگ عباسك
    
    ************
    
    مانهاب جيوش اميه  زين تعلم بينه
    
    هالعمر ما يسوه دونك  ماتفيد اسنينه
    
    بأسمك اندوس المنيه  بحبك انجنينه
    
    نخلي حتى الموت يفزع  لو سوه هبينه
    
    انصير الك انفاسك  أي وحگ عباسك
    
    ***********
    
    ازهير وي جون اويه عابس  للحرب عنايه
    
    والحبيب ابنه مُظاهر  بيده رافع رايه
    
    مسلم ونافع تنادي  انصر كلنه دمايه
    
    احنه سبعين انتفاده  وانت صرت الغايه
    
    كل عزم من باسك  أي وحگ عباسك
    
    **************
    
    الليله كل احنه نضحي  كلشي لجل عيونك
    
    فنّه جيش ابن الدعيه  لو يصل لضعونك
    
    حتى لو كلنه انتگطع  مانخيب ظنونك
    
    لو نفس بس واحد ايظل  شنهي نفعه بدونك
    
    احساسه من احساسك  أي وحگ عباسك
    
    **************
    
    انته قراّن العقيده  وللشريعه صوره
    
    نصبح لضعنك حمايه  واحنه نسند سوره
    
    الليله بالهمه نخلي  هالقزم مذعوره
    
    تبقه باذن الله تلالي  رايتك منصوره 
    
    تزهي من نوماسك  أي وحگ عباسك
    
    ***************
    
    نرسم بدمنه الملاحم  بيهه سر افكارك
    
    تمشي الاسنين وتعدي  تنختم بانوارك
    
    اتسلم اعلينه بدمعهه  من تجي زوارك
    
    شيعتك وبكل محرم  تحيي ذكر انصارك
    
    يضوي بيه نبراسك  أي وحگ عباسك
    
    ***************
    
    
    
    
    ابو لقاء البهادلي
    
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    #نزلة
    نبقى الانصار بفخر . حد ظهور المنتظر . يبواليمة 
    ،،،،،،،،،،،،،،،،،،،،،،١ 
    نبقى انصارك يغالي . نبقى حد يوم الحشر 
    مانعوفك يبو الأكبر . انته مفتاح النصر 
    خلنه نتگطع بحبك . فدوه الك كل العمر 
    صرنه نتمنه الشهادة . صرنه نسحگ عالجمر 
    البايعك يعني انتصر . حدظهور المنتظر . يبواليمة 
    ،،،،،،،،،،،،،٢ 
    مثل جون ومثل عابس . دوم ترجع كربله 
    من حبيب ابن مظاهر  - تبقى هاي القافله 
    ذوله انصار العقيدة  . علمونه المرجله 
    مانخاف من المصاعب . احنه اهل المعظله 
    حب الحسين استقر . حد ظهور المنتظر . يبواليمة 
    ،،،،،،،،،،،،،،،٣ 
    من برير اصل البطوله . بالشدايد ماخظع 
    وصولت الحر الرياحي . بيهه كل واحد سمع 
    ونافع الضحه بوريده . وللظلم لا ماركع 
    لحد يوم المهدي ثوره . المهدي نفرح لوطلع 
     
    اسم الحسين انتشر . حد ظهور المنتظر . يبواليمة 
    ،،،،،،،،،،،،،،،،،،،٤ 
    ربنه طول الزمن خله – انصار الك يبن الولي 
    غصبن اعله احفاد اميه . دوم نصرخ ياعلي 
    راية العباس عدنه . وكل مصيبة تنجلي 
    ابو صالح لو لزمهه . على العالم تعتلي 
    نسحگ دروب الخطر . حد ظهور المنتظر . يبواليمة 
    ،،،،،،،،،،،،،،،،،،،،٥ 
    مايهمنه الحاربونه  . احنه انصار الشهم 
    حسين علمنه الشجاعة . وصرنه بالحومه زلم 
    دوم منتصرين نبقى . احنه ابد ننهزم  
    حسين حبه بدمنه يجري . ونشتعل غيره وعزم 
    نراواي للعالم صور . حد ظهور المنتظر . يبواليمة 
    ،،،،،،،،،،،،،،، 
    الخادم \ حيدرموسى الرميثي
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    ▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
    
    #نزلة
    سجلنه بدفتر خدامك 
    **1******************** 
    خدامك والله ونتشرف 
    يالوالي وعايش بينه الطف 
    وعين العباس وجرح الجف 
    تسكن بالدلال الامك 
    ***2********************** 
    بغيرك ما تنفع دنيتنه 
    لنك دمعتنه وجنتنه 
    انت اطروحتنه وفكرتنه 
    نحسب كل ايام ايامك 
    *3********************* 
    يحسين بحبك نادينه 
    وبكطع المنحر ضحينه 
    ما عفناك وما ذلينه 
    تسعر بينه اتضل خيامك 
    4********************** 
    بالدم عاهدنه اوقعنه 
    ثورتنه اترجم واقعنه 
    قدمنه الروح ومابعنه 
    بنهجك مانترك احكامك 
    ******5****************** 
    مانترك حبك والزهره 
    جدامك يانورالعتره 
    نقسم بالعباس نحره 
    ماننسه اجروحك وأيتامك 
    &&&&&&تمت بعون الله&&&&&&&&& 
     
    الخادم حيدرالخفاجي الرميثي
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    #نزله
    
    من حبيــب الغانمه === سولفت بيها السمه
    ــ
    قايد الأنصار غانـــــم == واجه إبزوده الصوارم
    ينصر إو يفدي الهواشم == ينتخي بالموزمــــــــــــــه
    ـــ
    عابس إو جون إبعزيمه == مسحــــــــــوا آلام العليمه
    عدهم الأبـــرار شيمه == من علي حامي الحمه
    ــــ
    من زهير الحوم نازف == مــن إباءه الكون خايف
    ما يهمـــّه الموت هاتف == والله ميهمني الظمــــــــــه
    ــــ
    ولبرير الحوم غيـــّم == صايل إو هيهات يهتم
    بالجنان إيصير يعلـم == من يحل سيل الدمه
    ـــ
    خافت إمن الحر أميـــّه == من نصـــر إبن الزچيه
    ما يخاف إمن المنيـــّه == روحــــــــه للحب باسمه
    ـــ
    وإلــوَهـــَب أمـــــّه تهلهل == بالجنــــــان إيريد ينــــــزل
    موت أحمر بيهم إيحل == صــــوّب الگوم العمـــــــه
    ــــ
    ذوله أنصار العقيــــده == كل شهم روحه سعيده
    بس رضا الباري يريده == دربـــــــــــه بالعز راسمه
    ــــ
    ليتنا نمشي إبأثرهـم == خالد إو زاهي سفرهم
    للمجد إنطوا عمرهم == والرجـــــس راح إنرمه
    ـــــ
    إحنه أنصارك يوالي == يا أبــو اليمه يغالي
    نرتقي إبدرب المعالي == والليالــــــــــــــي مظلمه
    ـــــ
    إحنه أنصارك يغايب == لازم إندوس النواصــب
    سيدي إنريدك يصاحب == زمـــــــرة الشر غاشمه
    ــــتــــــــــــــ
    مع تحيات شاعر اهل البيت // جابر النجفي
    
    قصائد حسينية مكتوبة نزلات
    
    

    المجموعة الرابعة قصائد حسينية مكتوبة نزلات

    
    
    قصائد حسينية مكتوبة نزلات 
    
    
    
    عابس أنه الشـاكري - بحبه مجنون- -حسين كل شي بناظري - بحبه مجنون
    بيه مجانيــــــــــــن - - - - - حب الحســــــــــين
    ****
    انه أبو السجـــاد شــــــفته -- أوســـع ابواب الرحـيــــــم
    منهجــــة منهـــج محمــــد-- بل صــــراط المســـــتقـيم
    والتمســك بيـه ينجـــــــي -- ويعبــــــــــر لبر النعــــــيم
    يهدم عروش الظـــــــــلالة -- ويقـهــــــر أبليس الرجـــيم
    مايخاف من المهــــالك - كل الأيام - - ويحضه بالرحمة ليشــارك - كل الأيام
    ويالمعـــــــــــــزين - - - - - حب الحســــــــــين
    ****
    وقعينه عهـــود حبنــــــه –- وبالدمـــــــــــه كتبنة العهـــد
    ويا ابو السـجــاد نبقــــى –- ننتظـــــــــــر يوم الوعـــــــد
    جون جان ويانــه خـــــادم –- درس بالطف وجتهــــــــــــــد
    ونال من أرقى الشــهايـد –- منزلــة عضمى صعـــــــــــد
    ترجم الطف الشهادة – ودون دروس - - - شاف بحسين القيادة – دون دروس
    بدربه ماشــــــيــن - - - - - حب الحســــــــــين
    ******
    حب ابو السجـــــــاد عجبة –- من النبض والدم بــــــــــده
    وهاي أسولفــلك حقيقـــة –- صــارت بجيش العـــــــــده
    كبل جان الحــــــر معــارض –- قائـــــــــــد بجيش الــــرده
    بلحظـــة يتغيـــــــــر كيـانه –- وجيش أميـــــه يهـــــــدده
    فاز بالجنـــة الرياحي – صبح عنوان - - - بصدره يتلقه الرماحي – صبح عنوان
    بس يقــــر عين- - - - - حب الحســــــــــين
    ******
    لا تلومونــــــي يــــــا وادم –- كون بســــمه أنــــــه صحت
    تملك الـــــروح ودليلــــــي –- وغير حبـــه مـــــــــا شفت
    ما تهمنــــي الدنيـــه دونـه — لو ألف موتـــــــــــــــه متت
    المهــم أحضــــه بصحبتـــه –- ونعـــم منـــــه لصــــاحبت
    روحي وياجروحي تحجي – وصبت دموم--والسمه ويالارض تبجي – وصبت دموم
    بدمعة باجيـــــــــن - - - - - حب الحســــــــــين
    ******
    بلا درع وبلا جـــــــــــــــــواد-- دخلت ســـــوح المعركـــة
    حسين حبه بوسط كلبـــــي-- مثل جمــــــــــرة محركــة
    بعــالم الذر وأنـــــــــه أعرفه –- وبيــــــه روحي مشربكة
    شلون هل الموقف وأعوفـــه –- وحيــــد بالطف وأتركــــة
    ألا طيحن دون جسمـــه – وأفـدي الروح – ودمي يسفـك كبل دمه – وأفدي الروح
    هيبـــة الديـــــــــن - - - - - حب الحســــــــــين
    ******
    و أبن عوســـج عنــــده موقف –- وســـــط ميـدان القتــــل
    يهمس بذانـــــه ابن ظـــــاهر— ليث حومتـــــــــــــها الكهل
    كبل هاشم طيـــــــــح كـــله –- خويـــــة لومــــــال الحمـل
    وهب ســـــجل عرسه بالدم –- وســوه بالحومــــة الحفــل
    سوه بالميــــدان زفتــــــه – ملبس سهام – وأمه بالحومـــــة لكته – ملبس سهام
    ليـــه مضحـــــــين - - - - - حب الحســــــــــين
    *********************
    شاعر أهل البيت
    عبد الحسين المنصوري
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    
    
    خـل زينب اتـشوف  مشـهوره السـيوف 
    إلقتل النه عاده
    انخلقنه للشهاده 
    خـل زينب اتـشوف 
    --------------------------------
    احنه انصار ابو الـيمه حسين والينه
    الخوف وعـيونچ يـزينب مـايمر بيه
    الكون لــو ضدنه تحـزم مـايلاوينه
    باچر بأرض المعاره انـتي شوفينه
    واستمعي الاخبار  بصولات الانصار
    بينـه عزم وارده
    انخلقنه للشهاده 
    خـل زينب اتـشوف 
    --------------------------------
    عسـكر اجنود ال امـيه شاهدي احشوده 
    بـصوله وحـده يالعـقـيله يتـرك احـدوده
    آمني واعتبري العـساكر ماهي موجوده
    واليـمس خـدرچ يزيـنب نگطــع ازنـوده
    كل احنه حراس  اعتـبرينه عـباس
    صوت الانصار الناده
    انخـلقنه للــشهاده 
    خـل زينب اتـشوف 
    --------------------------------
    زينب اخيام ابو اليمه من يصل ليها
    ارتاحي مادام الانصار بهمه حاميها
    كربله بـدم المـناحر والله نــرويها
    انتي بس أشري العساكر مانخليها
    مايبـقه موجـود  عسكر ولا اجنود
    خاب الجمعنه عاده 
    انخلـقنه للشـهاده 
    خـل زينب اتـشوف 
    --------------------------------
    جيشنه عالي العزيمه وشاعت اخباره
    وجـيشهم مرعوب كله وشابح انظاره
    صحنه ابو السجاد فنه اليوصل ادياره
    والله بحزام المـنيه امـحزمه انصاره
    متهمــنه الالاف  ومن عدها منخاف
    نفني الجند والقاده 
    انخـلقنه للــشهاده 
    خـل زينب اتـشوف 
    --------------------------------
    مانبالي بجـيش اميه وكثرة اصفوفه
    والله باچر بالمعاره ايصـيره سالوفه
    احنه من انصول يهرب يوصل الكوفه
    المـفر يازينب اعيـونچ حتمـاً اتشوفه
    معروفه الاسباب  تتـطاير ارگاب
    ننهي الجمع بعداده
    انخـلقنه للشــهاده
    خـل زينب اتـشوف 
    --------------------------------
    عــدنه بالكـلـفات قــدوه والله منــجامل
    والــوفه اتـعلمنه مـنه هــذا ابو فــاضل
    درب ابــو اليــمه دربنـه ولازم انــواصل
    مـستـعـدين الجمــعهـم بــاچـر انـقـابل
    تربات ابو حسين ** ليـث الــميادين
    عدنه الحرب سعاده
    انخـلقنه للــشهاده
    خـل زينب اتـشوف 
    --------------------------------
    تمت والحمد لله 
    خادم الحسين حيدر تركي الكربلائي
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    
    #نزله
    #حماسيه
    
    نحنُ جندُ الله للطفِ أتينا ...... يا حسين
    
    نفتدي الارواحَ في حب حسينا ...... يا حسين
    
    وا حسينا ..... وا حسينا ..... واحسينا
    
    (١)
    
    هيه چلمه وبالگلب يكبر صداههَ ..... يا حسين
    
    منهو أنصاري واجينه احنه فداههَ ..... يا حسين
    
    جينه نفديك ابدمه ...... اي وحگ رب السمه
    
    تفَدّي دونك سيدي وهذا مناههَ ...... يا حسين
    
    وا حسينا ..... وا حسينا ..... واحسينا
    
    (٢)
    
    كَليوثِ الغابِ ساروا للحتوفِ ..... يا حسين
    
    لا يهابونَ أبد ضَربَ السيوفِ ..... يا حسين
    
    اقبلوا صَوبَ الوغى ..... هكذا في كربلا
    
    ونَشيدَ العشقِ في ارض الطفوفِ ..... يا حسين
    
    وا حسينا ..... وا حسينا ..... واحسينا
    
    (٣)
    
    والله حبك سيدي كلنه ملكنه ..... يا حسين
    
    بغير بدر حسين ما يسوه فلكنه ..... يا حسين
    
    حبه باقي من الأزل ...... وهذا عابس بالمثل
    
    وبطريقك سيدي كلنه سلكنه ..... يا حسين
    
    وا حسينا ..... وا حسينا ..... واحسينا
    
    (٤)
    
    يذكرُ التاريخَ في وقعِ الرماحي ..... يا حسين
    
    كيف أمضى ينشد الحر الرياحي ..... يا حسين
    
    لِبنُ بنتِ المصطفى ..... امضي للموتِ فدى
    
    أنتَ ذخري يومَ حشرٍ وفلاحي ..... يا حسين
    
    وا حسينا ..... وا حسينا ..... واحسينا
    
    (٥)
    
    كل محب ليكم يبو السجاد ثائر ..... يا حسين
    
    وراية الأنصار بيد ابنَ مضاهر ..... يا حسين
    
    مسلم اوجون او زهير ..... هم وهب ويا برير
    
    كله لبت سيدي وطلعت تناصر ..... يا حسين
    
    وا حسينا ..... وا حسينا ..... واحسينا
    
    بقلم
    
    طارق السماوي
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    زلزل الحومة ابو فاضل زلزل الحومة
    والله ما جابت مرة ..... مثل سبع الكنطرة
    زلزل الحومة ابو فاضل زلزل الحومة
    ***************************
    الما حصل راعي الشهامة سوه برض الحومة
    مــن تـعنى بـغيرة اختـه وغيرتــه الموسومـة
    صارمــة يــمثل المنايـة بهالـوكـت معلومــة
    وجيش ابو سفيان واكف هل يـشوف علومة
    صارمه ابداً ما عكب ..... كبّر وحز الركب
    ************************
    الحومة ترعد جوه جدمه من تسير اجدامه
    والــزلم صارت يـــويـلي غنم جن جـدّامــه
    من الوفه شبل الصميده الليله شد اعمامــه
    صاح انه ابن الموت الاحمر ما اطخ الهامة
    شرّب الجيش القهر .... حيو ابن فارس مضر
    ***********************
    كـــمرهــاشم شــد عليهم بيـده رايـة وجوده
    وعسكـر ابــن زيــــاد بيــده للمنايــه يــكوده
    جنهة هاي الساعة صارت ساعة الموعوده
    مــن العساكــر يــاهو يــكدر يــعتني لحدوده
    والبرزله بلا فكر ..... بيده خل يحفر كبر
    ***********************
    مـدرسـة العبــاس اصبـح واشـهد بهالغــايـه
    عزة واخلاص وشجاعـة وغيرتــه موصايـه
    هـالله هـالله بـشبـل حيـدر بـالحرب دك ثايــه
    من حضن جرف الشريعة ما شرب من مايه
    صاح ها يربات امس .... راح القنكم درس
    ***********************
    من هجم شبل الغضنفر غارة تتبع غاره
    وشهكت انـفاس العساكر بالفله محتـاره
    حتـه ملج الموت اجبل جنه حل خطـاره
    خله كـل جيش ال اميـة دمومهم تتجـاره
    تحيرت هاي المله ..... جن علي طب كربله
    *************************
    اِرتجز بَهلِ الضغينــه وراد يــثبت دينـه
    وعــالفرات ابن الصميده تكطعن جفينه
    خاف ما كفّت يساره زياده اطه ايمينه
    وصوّبو اهل الرديه بسهم جوده وعينه
    وبالعمد راسه انهشم ..... ا~ يشيال العلم
    
    
    
    
    خادم الحسين
    
    امير مهدي الكربلائي
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    
    
    
    
    
    
    #نزلة 
    
    يفر بسيفه   قرر ما يضل راس 
    ينادي الجيش كله دخيل عباس 
     
    ادخيل سبع الكنطره      سيفه نار الاخره 
     
    **1****************** 
    صراط المستقيم بسيفه ينشاف 
    اذا يضرب العسكرتحدث اوصاف 
    يسطرهه الجثث جم ساف عالساف 
    من خزرت عيونه خيولنه اتخاف 
     
     
    سيوفهم متكسره    سيفه نار الاخره 
    ينادي الجيش كلهه دخيل عباس 
    *2********************** 
    على اركاب الفوارس وقع السيف 
    يحلمون بضرب عباس بالطيف 
    تتراعش زلم بردانه بالصيف 
    صنف كربله بصولاته تصنيف 
     
    الراس لمن يبتره        سيفه نار الاخره 
    ***3********************** 
    ينادي الجيش كلهه دخيل عباس 
    شال العلكمي بجفوفه الاثنين 
    وصاح شلون اشرب كبل الحسين 
    افنيكم لون صرتوا ملايين 
    اليوصل يمي سيفي يكصه نصين 
     
    الميمنه اعله الميسره              سيفه نار الاخره 
    ينادي الجيش كلهه دخيل عباس 
    4****************** 
    صاح حسين كل حبي ويقيني 
    اهديله يساري وي يميني 
    لو مني يريد اهديله عين 
    بس عباس هو    اكبر حسيني 
     
    الجيش من يتصوره        سيفه نار الاخره 
    ينادي الجيش كلهه دخيل عباس 
    5********************** 
    يوم الصاح زينب لاتخافين 
    ركب مهره وخزرهم شافو البين 
    صاح الجيش كله ادخيل الحسين 
    يترادم العسكر يشرد منين 
     
    الشمر من حك منحره     سيفه نار الاخره 
    ينادي الجيش كلهه دخيل عباس 
    >>>>>>>>>>>>>>>>
     
    
    قصائد حسينية مكتوبة نزلات
    
    
    
    
    
    
    
    
    
    
    
    
    
    
    
    ▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
    #مقدمة
    
    *********************
    
    اي وحك اعيونج 
    انه امــوتن دونج 
    فنهم يوصــــلونج
    يا زينب  يا زينب 
    --------------------------------------
    اليوم اكصد للشــــــريعه وراح اجيبنه النهر 
    اليوم اراويهم مراجــــــل منهو عباس الكمر 
    اليوم احزلج ركبهم وانتي بس طيلي النضر
    م̷ـــِْن اصل يم الشــريعه هلهلي يــــم الخدر
    انتي بس كليــلي
    يا بعد كل حيلــي
    للنــــــصر هلــيلي 
    يا زينب  يا زينب 
    --------------------------------------
    ما اطول راح اجــيلج جايــــب وياي العذب
    غاليه وعــندي غلاتج خويه اغله من الكلب
    ياهو يوصــل للمخيم والله اسويهم حــطب
    وليمس خــيط ابعباتج موته من عنده كرب
    ياهو يدنه اخيامج
    كافلــــج كدامــــج
    راح اروي ايتامــج
    يا زينب    يا زينب 
    --------------------------------------
    حشميني وشــوفي زودي بالحرب يابت علي 
    انه اخييج وانتخيلج كــولي خــــــويه ادللي
    كلشي يرخص لجل عينج يابعد روحي وهلي
    اليوم اجيب الماي يمج امــــري خــــويه بلي
    فنــــهم يلاكــــوني
    والله مــــــيردوني
    حيدره يســــموني
    يا زينب   يا زينب 
    --------------------------------------
    خــــويه لتهمين بيهم والله امحيهم محــــي
    ياهو يدنه اخيال اختي ياهو ليمس العــــبي
    اوصيت الكرار انتي زيــــــنب انتي ابشاربي
    كافلج وانتــــي اخــــيتي كولي يابــت النبي
    يبقه راســج عالي 
    يا بعــد كــل غالي
    اول وللتــــــــــالي 
    يا زينب  يا زينب 
    --------------------------------------
    زينب وضــــــلع الزجيه اليوم اوفيلج عــــهد
    ما تهمنــي ارجاس امــــيه ولا يهم هذا العدد
    انه سبــع الموزمــــيه اوياج ما اخلف وعــــد
    ما يهمــــــــني المــــوت والله انه للخوه مدد
    اليــــــوم ادكن غاره
    سيفي تلهــــب ناره
    جن عــــــلي وبتاره
    يا زينب     يا زينب
    --------------------------------------
    #بقلم المقصر #ناجي #الصالحي ✏️✏️
    
    قصائد حسينية مكتوبة نزلات
    
     
    
    
    
    
    
    
    
    
    
    
    
    
    
    
    
    
    
    
    
    #نزله
    
    ــــــــــــــــــــــــــــــــــــــــــــــــــ ــ 
    إنهض يبو الهدّات وإﺳﮔينه === تنتظرك الأطفـــال وإسكينه
    ـــــــــــــــــــــــــــــــــــــــــــــــ
    تنتظرك الأطفال ياغالــــــــي == بعدك يخويه إنعاب دلاّلي
    ما أنســــــــــــه جودك دوم يبرالي == ﻳﺑﭼـي إو زحف مهضوم لحسينه
    ــــــ
    ﻳﺑﭼـي إو زحف لحسين يشكيله == جـودك بعد عينك ﺑﮔـه إبليله
    وإحسين إنهد ياوُفي حيلــــه == بعدك يـُجر حسرات والينه
    ــــــ
    بعدك علاني الضيم محبوبـــــــي == ما فارﮔت حزني إو غده ثوبي
    وإسهام صـَوّبها الدهر صوبـــي == وإحسين أشوفن دمعته إبعينه
    ـــــ
    وإحسين أشوفه إيودّع إعيالــه == جرحت دليلي حيرته إو حاله
    لازم يخوض الحوم وأهوالـــه == بعدك وحيد إو محـّد إيعينه
    ـــ
    بعدك وحيد إو منحني ظهره == ريتك تشوفه مهجة الزهره
    لله الفدائــــــــي وكـّلـَه أمـــــــره == وإنطه الضحايه من أجل دينه
    ـــ
    وإنطه الضحايه وإنت آخرهم == والغاضريّه إبشـــوﮒ تذكرهم
    وإنتَ يراعي الزود قايدهم == ودّّعت أخوك إو زوّدت بينه
    ـــــ
    ودّعت أخوك إو شاف ﭼـَفـّينك == فوﮒ الثــره والدم عمه عينك
    وينك يعباس الأبي وينـــك == حل الظلام إو خيـّم إعلينه
    ـــ
    حل الظلام إو أدري ياكافــــــل == ما تحتمل إو تزيل كل باطل
    شيمة علي يابو الفضل حامــل == وأدري يــَخــَيْ ما ﺗﮔـدر إتجينه
    ـــــ
    وأدري يـَخـَيْ يم النهر مجدك == إنتَ رسمتـــــه ياشهم وحدك
    محـّد وصل بالتضحيه الحدّك == ما قـَصـّرت وإرضيـت بارينه
    ـــــ
    ما قصـّرت وإرضيتهــــا الأمـّك == حيدر علي الهذا الوكت ضمـّك
    سال إو ﺳﮔـه أرض المجد دمـّك == وإرضيــت أبو الحملات حامينه
    ــــــــــــــــــــــــــــــــــــــــــــــــ
    مع تحيات شاعر أهل البيت / جابر النجفي
    
    
    
    
    
    
    
    
    
    
    
    
    
    
    
    
    
    
    
    ــــــــــــــــــــــــــــــــــــــ 
    عبـّاس – ياكفيلي الغالي === عبـّاس – يانبض دلاّلي
    ـــــــــــــــــــــــــــــــــــــــــــــــ
    خويه ياعبـّاس وينك ياضـُوَه العين
    خويه من بعدك لفانه الضيم والبين
    ما نريد الماي إرجع يا حـِمـَه الدين
    بس نريدك سالم إو يم الأبي إحسين
    مهموم – من غبت عن عينه === مهموم – يا إلهـــــــي عينه
    مهموم – هذا أخوك الوالي
    عبـّاس – يانبض دلاّلــــــي
    ـــــــ
    خويه ياعبـّاس بعدك ﭼﻠﭼل الليل
    يسأل الأطفال عنـّك واني بالويل
    جاوبن دمعاتي نزلن وإنتهى الحيل
    والألم عاشر دليلي إبركضة الخيل
    والروح – يمـّك إو مهمومه === والروح نازفـــه إو ﻣﻠﭼومه
    والروح – كاشفه الأحوالــي
    عبـّـاس – يانبض دلاّلــــــي
    ـــــ
    خويه ياعبـّاس جودك دامي عطشان
    من وﮔﻊ منـّك يخويه صابته أحزان
    ﭼـان ﻳﺴﮔـي الماي للأطفال فرحان
    داسته الخيل إو صـُفـَه بالحومه زعلان
    بالحوم – تنسمع حسراته === بالحوم – جاريــه دمعاته
    بالحوم – يندبك للتالـــــــي
    عبـّاس – يانبض دلاّلــــــي
    ـــــــــــــــــــــــــــــــــــــــــــ
    خويه ياعبـّاس ﭼـفـّينك صـُفن وين
    أدري مهمومات يسعن للولي إحسين
    أدري يعتذرن يريدن منـّه هالحين
    لاﭼـن المظلوم بالهم راح المعين
    وإحسين – دمعته إيداريها === وإحسين – عنـّي ما يخفيها
    وإحسين – سور عزنا العالي
    عبـّــاس – يانبض دلاّلــــــي
    ـــــ
    خويه ياعبـّاس سـِكـْنـَه إتنادي بالآه
    وينك إحضر والدي ﭼالسيل عيناه
    من بعد عينك يعمـّي إيلوب شفناه
    إنكسر ظهره إو تحمـّل ضيم ويلاه
    مهدود – حيله وإبآلامه === مهدود – من ظـُلم أيـّامه
    مهـدود – هـَلْ أشوفه إﮔبالي
    عبـّاس – يانبض دلاّلـــــــي
    ـــــ
    خويه ياعبـّاس أطفالك ينادون
    عمنه يابو الزود أظلم بعدك الكون
    زمرة الأشرار بخيامك يحيطون
    والدمع جارح يغالي إو يدمي العيون
    أتناك – ترجع إبــْتارك === أتناك – من ترد يم دارك
    أتنـــاك – صولتك تحلالـــي
    عبـّاس – يانبض دلاّلــــــي
    ـــــــــــــــــــــــــــــــــــ
    مع تحيات شاعر أهل البيت / جابر النجفي
    
    
    
    
    
    
    
    
    
    
    
    
    
    
    
    
    
    
    
    
    #نزلة
    
    صيح يابو الغيره -  صيح يابو الغيره  -   عباس عباس 
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,1 
    الغيره اله وعنوانه . انكتبت بقرآنه . سولف ابميدانه .  ابو فاضل زودة 
    للضيوف اجفوفه . تكرم ابمعروفه . مايرد اضيوفه .    ضل يوزع جوده 
     
    من تطيح بحيره-  صيح يابو الغيره  -   عباس عباس 
    ....................2........ ... .. 
    الجيش صار بكيفه . واليسولف سيفه . والبطل تعريفه . السيف يقره اياته 
    بيده يحمل راية . وعلى جفوفه الاية  .  والفرات وماية .   يفخر بصولاته 
     
    كل بشر لاتشيره-  صيح يابو الغيره  -   عباس عباس 
    .......................3.................... 
    اخو زينب عزمه .    فدوه كلنه الاسمة .   نذر روحه ودمه .   للحسين الغالي 
    يحب جان الزهره . ضل بسمهه يقره . من تذكره السطره .    دمعه يبقى يلالي 
     
    تخه بالك غيره-  صيح يابو الغيره  -   عباس عباس 
    ..................4.................. 
    عالنهر جفينه . مستحي من سكينة .      شال ناسه بعينه . ابدماسدبابه 
    عذب يسكي ايتامه .   رغم كل الامه . بالحرب صمصامه . هوكال جوابه 
     
    ابكل جبيره اصغيره-  صيح يابو الغيره  -   عباس عباس 
    ..................5...................... 
    من يطب الحومه . الظهر راوه انجومه . ياهو يخفي علومه . ابوفاضل لوطب 
    عالمباشر ينقل . صورة صوت يسجل .      بالزلم من يكتل .   يحل بيدة ولوضب 
     
    يمه وجهك ديره-  صيح يابو الغيره  -   عباس عباس 
    ...........  6  ............... 
    من يرف بتارة . يعني تبدي الغارة . الكون تحجي اخبارة . عنه كافل زينب 
    ياهله بحملاته .      بالشدد هداته .    تنتصر قواته .      محد عليه يصعب 
     
    والفرج تدبيره-  صيح يابو الغيره  -   عباس عباس 
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, 
    الخادم حيدرموسى الخفاجي الرميثي
    
     
    
    
    
    
    
    
    
    
    
    
    
    
    
    
    
    
    ▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
    
    
    
    #نزلة 
    
    وين عبـــاس الكفيـل === حايره إو حملي ثجيل
    ــــــــــــــــــــــــــــــــــــــــــــــــ
    آني زينب ياكفيلي == ﮔـوم وإنظـُر حالتي
    نازفه إجروحه دليلي == بعــــدك آني إبحيرتي
    من بعدكم خويه ويلي == شلـّي آنــــــــــي إبدنيتي
    وإبتدت ساعات ليلي == وحشه ترسم وحدتي
    يا أبو فاضل إجيت === للنهـــر خويه إعتنيت
    شفتك إو صاح الدِليل === حايره إو حملي ثجيل
    ـ
    رايده إجروحك أشـِلـْها == ما أعوفك ياعلــــــــــم
    يمـّك إدموعي أهـِلـْها == وأنشـــــــر آيات الألم
    تنتظر روحي أجـَلـْها == يكتـــــب الموت القلم
    فارﮔـَت كلهم أهـَلـْها == فارﮔتها يا أشـــــــــم
    شلها روحي بالحياة === يحلــــه ويّاك الممات
    يا إبن حامي الدِخيل === حايـــره إو حملي ثجيل
    ــ
    من شفت ماكو ﭼفوفك == أيـّسـِـــــــــــت ياكافلــــــــي
    ما بعد تحضن ضيوفك == ما بعــــــــد تنهض إلي
    بس تـُمر ظلـّت طيوفك == والألــــــــــــــــم ما ينجلي
    محنتي لحظة أعوفك == وأترك أحبابي إو هلي
    أصبر إشلون إو أروح === واﻟﮔلب يمــّك ينوح
    والجسم منـّي عليل === حايره إو حملي ثجيل
    ـــ
    ريت سهمك صاب عيني == والنظـــــــــــر منـّي إنـْعـِمـَه
    خويه عذبني ونيني == سهمــــك إﻟﮔلبي رمـَه
    غاب جودك وَيْ حنيني == يا إبــن حامي الحـِمـَه
    ريت يسراي إو يميني == وَيْ ﭼفوفــــــــــــك بالدِمـَه
    لكن إنتَ الفارﮔيت === ما ﮔلتلي من مشيت
    واني لو حل الرحيل === حايـــــره إو حملي ثجيل
    ــــ
    صاحــت الأيتــــــــام وينه == عمنه أبو الغيره الأبي
    عنـّه غايب نور عينه == نقســــــم إعليه بالنبي
    يحضر إيقود الضعينه == حضـّرونــــــــــه للسبي
    بعده ما ظل حيل بينه == نحبــــــي بالممشه حبي
    واني ظلـّيت إبهموم === طيفك إعليـّّه يحوم
    ظلمتي نورك يزيــــــل === حايره إو حملي ثجيل
    ــ
    ترضه يا إبن المعالي == آنـــــــــي أروح إمـْيسـّرَه
    ويـّه عدواني يوالــــي == وإنتَ سبع اﻟﮔنـْطـَرَه
    كثرت آلامي يغالــــــي == يومي شفته منـْحـَرَه
    منحر إحسين إﻟﺷﭼـالي == محنتـــــــه إو ذاكَ الجـَرَه
    رتـّّل الراس إبخشوع === غطـّت آياته الربوع
    وأشكـُر الباري الجليل === حايره إو حملي ثجيل
    ــــــــــــــــــــــــــــــــــــ
    مع تحيات شاعر أهل البيت / جابر النجفي
    
    
    
    
    
    
    
    
    
    
    
    
    
    
    
    
    
    
    
    
    #نزلة
    
    نزل صكار الزلم .. من علي ماخذ عزم
    ياهله بطاعونها .. فكس بيده اعيونها
    .....
    فكس بيده عباس عين الحرب
    هلهلتله اخته وصاح ادخل رعب
    انه عودي الكرار ماأنغلب
    جف احطه عالجيش جف عالدرب
    الحرب يدري فنونها .. فكس بيده عيونها
    كمر بيهم مايهم .. من علي ماخذ عزم
    .....
    اليوم اعيدن ثارات هامه وضلع
    والشريعه من كال ماتنشلع
    بيدي اشيلنها اليوم وصط الفزع
    ماٳهمن بالجيش من تنجمع
    الحومه مايدنونها .. فكس بيده عيونها
    منه واحد ماسلم .. من علي ماخذ عزم
    .....
    ياهله براعي الزود حامي الحرم
    غيرته براسه تفور بخصمه نتقم
    الريح والطف اليوم ماضن سلم
    للشجاعه العباس راس الهرم
    الحومه غير لونها .. فكس بيده عيونها
    يطشر بسيفه ويلم .. من علي ماخذ عزم
    ......
    نازل يصّول يجول ياهيبته
    مخلي الطف عباس بجربته
    ينخطف هب الريح من نضرته
    ملك من رب الكون الكل بمرته
    حومتك يدرونها .. فكس بيده عيونها
    يموت حته الينهزم .. من علي ماخذ عزم
    ..... 
    ماكو حل عند اعداه بس المفر
    حته بهبة الريح خوف وخطر
    هوه  نافخ بالصور عل هالبشر
    شنهي بالطف ايصير كلشي انكسر
    فگر الي يطبونها .. فكس بيده عيونها
    فقط انته التبتسم .. من علي ماخذ عزم
    ....
    للشاعر علي الفرطوسي
    
    
    
    
    
    
    
    
    
    
    
    
    
    
    
    
    ▁▁▁
    
    
    
    #نزلة
    
    
    .....
    كض العلكمي العباس شاله وطبكه بجوده
    
    .....
    
    كض النهر بجفوفه شاله وطبكه بجوده
    
    كامت ترجف جروفه شاله وطبكه بجوده
    
    العسكر واكف يشوفه شاله وطبكه بجوده
    
    نعمين وثلث تنعام محد يوصل حدوده
    
    ....
    
    طب اعله النهر مغوار شاله وطبكه بجوده
    
    كلها اتصيح ياستار شاله وطبكه بجوده
    
    ضل ماي النهر محتار شاله وطبكه بجوده
    
    يرجف والجروف تخاف شافه مسرفن زنوده
    
    ......
    
    دنك عالنهربهداي شاله وطبكه بجوده
    
    يتوسل بديه الماي شاله وطبكه بجوده
    
    صاح اعله النهر وياي شاله وطبكه بجوده
    
    نمشي للحسين نروح جبده بعطش ممروده
    
    .....
    
    ضل يم الفرات يجول شاله وطبكه بجوده
    
    حيران النهر شيكول شاله وطبكه بجوده
    
    عباس وعليه يصول شاله وطبكه بجوده
    
    وبصف النهر ياناس خله الجثث ممدوده
    
    .....
    
    من عده غرف غرفه شاله وطبكه بجوده
    
    رد اعله النهر لفه شاله وطبكه بجوده
    
    وفه الخوته وكفه شاله وطبكه بجوده
    
    معروف البطل عباس كل افعاله مشهوده
    
    ...
    
    الشاعر علي الحاج الصبيحاوي
    
     
    
    
    
    
    
    
    
    
    
    
    
    
    
    
    
    
    
    
    
    #نزله
    ...
    صرخة غارته..حانت صولته
    
    نهر العلكمي,,بيمن يحتمي.يصرخ ياعلي
    
    دخيلك ياعلي
    
    .......
    
    مابين الكفر.وبزوده يمر.والواكف شمر.عباس اعتنه
    
    نازل للحرب.واليهم ضرب.عباس اليطب.للماي ودنه
    
    رايح للنهر.عالشاطي عبر.مهيوب الكمر.ماراسه حنه
    
    وبحيله وكف.والماي ارتجف
    
    نهر العلكمي.بيمن يحتمي.يصرخ ياعلي
    
    ......
    
    تربات الفحل.للحومه وصل.بجفوفه اجل.ليث المرجله
    
    شايل رايته.بيها غيرته.زينب نخوته.يكلب كربله
    
    بيده جربته.حقق رغبته.راد بهيبته..يسكي العائله
    
    طب للمشرعه..وجفه نكعه
    
    نهر العلكمي.بيمن حتمي..يصرخ ياعلي
    
    ....
    
    وبخيل الزلم.طشرها ويلم.عباس الشهم.محد كربه
    
    وبذاك الزمن.وبيوم المحن.بجفوفه علي.يمكن دربه
    
    يوم الواقعه.اعلن فاجعه.نزل قارعه.حيدر جربه
    
    نعمين وكفو.ماعنده عفو
    
    نهر العلكمي.بيمن يحتمي.يصرخ ياعلي
    
    .....
    
    زينب تنتظر.مابين امر.ودموع العمر..حست بالهظم
    
    طالت غيبته.هيه اترجته.خويه نادته.جرحك بالعظم
    
    ياهيبة وفه.روح العاطفه.الشاطي نشفه.وبطنه زلم
    
    سواهم جسر..لعيون الخدر
    
    نهر العلكمي,بيمن يحتمي,يصرخ ياعلي
    
    ....
    
    خله الموزمه.بيده محزمه.وتنكط دمه.عسكرهم غدت
    
    يخطف صارمه.يذبح بالظمه.خلاها السمه.لجله هلهلت
    
    تاج المفخره.جنه حيدره.سبع الكنطره.بيه اتشرفت
    
    خلاهم حطب.نيران ولهب
    
    نهر العلكمي..بيمن يحتمي.يصرخ ياعلي
    
    ......
    
    شاف المشرعه.يمه مفرعه.بيها مصرعه.جيوش الحاطته
    
    بالجربه دخل.غطاها بخجل.عباس البطل.هاي مروته
    
    ماهمه عدد.والجيش ارتعد.عباس المدد.صاحت صرخته
    
    بعيونه خزر.والماي انتحر
    
    نهر العلكمي..بيمن يحتمي.يصرخ ياعلي
    
    .....
    
    الشاعر علي الحاج الصبيحاوي
    
     
    
    
    
    
    
    
    
    
    
    
    
    
    
    
    
    
    زلزل الحومه ابو فاضل
    طلع عباس
    بين علومه ابو فاضل
    طلع عباس
    ....
    عن يمينه الجيش صاح
    وبيسار الگام طاح
    ابو فاضل
    الجيش يم جفه عبيد
    بصارمه وصوته يبيد
    ابو فاضل
    
    الحرب يومه ابو فاضل
    طلع عباس
    زلزل الحومه ابو فاضل
    طلع عباس
    .....
    صارمه وي النجم
    خلخل صفوف الزلم
    ابو فاضل
    علم الموت الحياة
    تيه اعداه الجهات
    ابو فاضل
    
    منهو اليلومه ابو فاضل
    طلع عباس
    زلزل الحومه ابو فاضل
    طلع عباس
    ....
    طبگ يمنه عله الشمال
    ما ترك بيهم خيال
    ابو فاضل
    الحومه صارت لعبته
    مات اهلها بصيحته
    ابو فاضل
    
    غضب بهدومه ابو فاضل
    طلع عباس
    زلزل الحومه ابو فاضل
    طلع عباس
    
    ...
    ابن حيدر نخوته
    لمع ما بين اخوته
    ابو فاضل
    گام زينب وصته
    النهر جاب بجربته
    ابو فاضل
    
    شيخ وبگومه ابو فاضل
    طلع عباس
    زلزل الحومه ابو فاضل
    طلع عباس
    ...
    برق وبليل الدجي
    منين ما نضرو يجي
    ابو فاضل
    يرعب بزوده الزلم
    جن حقيقه وجن حلم
    ابو فاضل
    
    ضربه مسمومه ابو فاضل
    طلع عباس
    زلزل الحومه ابو فاضل
    طلع عباس
    ...
    هز بديه بيرغ لواء
    كبر املاك السماء
    ابو فاضل
    النصر اصبح قريب
    ماكو يم اسمه عجيب
    ابو فاضل
    
    نصر محتومه ابو فاضل
    طلع عباس
    زلزل الحومه ابو فاضل
    طلع عباس
    ....
    
    حيدر عيسى البديري
    
    
    
    
    
    

    المجموعة الخامسة قصائد حسينية مكتوبة نزلات

    نزلة .... في رثاء الإمام العباس عليه السلام
    
    
    عباس.        ياحليف الرايه
    عباس.        شيعتك وفايه
    
    
    نقسم قسم بچفوفك وبالرايه
    شيعة ونظل طول العمر وفايه
    ياسيدي نحضه برضاك الغايه
    نوصل نزورك كل سنه مشايه
    هيهات.       عنك يبعدونه
    هيهات.       حبك يمنعونه
    
    
    يابالفضل باب الحوائج بابك
    لمن نزورك نسجد عله عتابك
    نتشرّف ونشتم عبير ترابك
    طبعك رؤوف وتفرح باحبابك
    معروف.         ماترد كل زاير
    معروف.         بالشدايد حاضر
    
    
    لمن نطب لمرقدك نتهنّه
    جنة ضريحك احله من الجنة
    تنطينه انت شنطلب ونتمنّه
    كل شيعي يمك ماتخيّب ضنّه
    ننخاك.          بالشدد تحمينه
    ننخاك.          والله ماملينه
    
    
    يابالفضل خدامك ونتباها
    خدمتنه هاي بعينك وترعاها
    كل النواصب احنه نتحداها
    رغماً عليهم رايتك شلناها
    للموت.         احنه نتحداهم
    للموت.         مانعيش وياهم
    
    
    كلما نزور بحضرتك نتذكّر
    يوم الطحت عالمشرعه وموذر
    طايح تلوج بروحك وتتفكّر
    بحال العقيلة زينب وبالخدر
    وفاي.        ياگمر بعهودك
    وفاي.        ماخلفت وعودك
    
    
    نذكر ابواليمه التعنه يشوفك
    عالمشرعه ومگطعات چفوفك
    ظهره نكسر لو بيده لا ميعوفك
    حيله انهدم لمن فگد معروفك
    عالماي.         ودعه بدموعه
    عالماي.         صورته مطبوعه 
    
    خادم الإمام العباس عليه السلام
    سيد زيد الفحام
    __________________________
    
    
    
    
    
    
    
    
    
    
    
    
    
    
    
    
    
    
    
    
    #قصائد_ابا_الفضل_العباس
    
    #مـۄسسـﮫ_مــﻥــبـريۄن_للالـﺢــان
    
    الــﮠــاشــﺭ اζـــﻣــد الــﺯۄار
    
      🖤ياعبـّاس ﭼـفـّينك صـُفن وين
    أدري مهمومات يسعن للولي إحسين🖤
    
    ▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
    
    
    
    
    
    غيره غيره العباس .. ما يخلي الها انفاس
    ....
    غيره غيره العباس
    ....
    اسمه بيرغ عالي
    يكشف الليالي
    شمس بالعوالي
    للحسين الغالي
    
    يفدي روحه لحسين .. هامه عينه وجفين
    ما يخلي الها انفاس
    ....
    غيره غيره العباس
    ....
    گال اجيبنه الماي
    هوه وجروفه وياي
    انه اسمي الرواي
    النهر يعرف معناي
    
    العلكمي ومايه يطيح .. لو امر يمه يصيح
    هذا راعي النوماس
    غيره غيره العباس
    ......
    كبر بصوت الصور
    موت وبجفه يثور
    غضب ع الروس يدور
    ظلت الجيش نحور
    
    بيها اثر ضرباته .. واكو من نضراته
    جثث ظل بلا راس
    غيره غيره العباس
    ....
    سودن المعسكر
    نزل ليها وكبر
    ارواحهم منهم جر
    روس سيفه وذر
    
    ليل خيم بيهم .. صاح صوته عليهم
    للخيم منهو الجاس
    غيره غيره العباس
    .....
    لو خزرها مهموم
    ما تظل بيها هدوم
    تعرف بهذا اليوم
    واقعه وبيها علوم
    
    ما يستره سيفه .. بهاي بس يعيفه
    هاي من ذيج انقاس
    غيره غيره العباس
    .....
    حيدر عيسى البديري
     
    
    
    
    
    
    
    
    
    
    
    
    
    
    
    
    
    
    لسان حال ابا الفظل العباس ع 
    //////////////////////////
    تشتكي يمي العطش بت حيدره
    اليوم لگلبهه السمه فوگ الثره
    //////////////////////////////
    ليوم لگلبهه السمه واشطر شطر
    انه حي وتشتكيلي ام الخدر
    شنو عذري باچر بيوم الحشر
    لو نشدني القلع بيده خيبره
    *****************
    لو نشدني وگال يحزام الظهر
    بالعطش يابا الفظل عندك خبر
    همه سبع الاف حاطو بالنهر
    وانته تشهدلك وگفت الگنطره
    *****************
    حالف وداعت ظلع امج اصول
    واله اسبحهه بدمه كل الخيول
    انه ابن حيدر علي فحل الفحول
    اليوم اسوي يلعقيله الما جره
    *****************
    اليوم اسوي اسوايه التشيب الجنين
    بيج وصتني وعلي ام البنين
    گالت بوسط الحرب صير البطين
    وصير عباس بنزول الميسره
    *******************
    راح اروح وهاي يمج غيرتي
    خاف تحتاجين شي بغيبتي
    انتي امانه من ابوي برگبتي
    اي وحق ياسين والتين وبره
    ****************
    اي وحق ياسين لرعبهم رعب
    واله اخلي ادموم من عدهم تصب
    انه اخوج وكافلج يوم الحرب
    اله اعجب الناس والكون ابهره
    *****************
    اله اجيب الماي لخيامج ذليل
    وراح اخلي بكربله ايطول العويل
    اجيال تذكرهه وعلي حامي الدخيل
    سيف اخوج امجاد بالطف صطره
    ///////////////////////////////
    فاضل الغريباوي
    
    
    
    
    
    
    
    
    
    
    
    
    
    
    
    
    
    
    
    #حماسيه 
    
    
    
    هذا عباس يزينب .... هذه عباس
    
    (١)
    
    زلزل جيوش الكفر ... من نزل هذه البدر ... بالحومه
    
    تسابگو وين المفر ... منهو اليكر شنهي الخبر ... وعلومه
    
    گالو الكرار حيدر ... چن حضر للمعركة ... ومحسومه
    
    بيد عباس يزينب .... هذا عباس
    
    هذا عباس يزينب .... هذا عباس
    
    (٢)
    
    حامل الواه ابيمينه ... وللشريعه مگصده ... وبيهم دخل
    
    من وسط ذيچ الكتايب ... يحصد ابروس العده ... تشوف البطل
    
    چنه ملك آلموت حامل ... سيفه بالطف وغده ... عليهم اجل
    
    سيف عباس يزينب .... هذا عباس
    
    هذا عباس يزينب .... هذا عباس
    
    (٣)
    
    من دخل للحومه ... سبع الگنطره ... يرعد رعد
    
    صاح انه العباس ... جيت الكربله ... وعندي عهد
    
    لأم اخوي حسين ... بت طه النبي ... عهدي يرد
    
    اخطف أنفاس يزينب .... هذا عباس
    
    هذا عباس يزينب .... هذا عباس
    
    (٤)
    
    عهدي للزهره كتبته ... ابگطعت الچفين ... وبدم النحر
    
    علمتني ام البنين ... شلون اوَفي ... ورضعتني من الدرر
    
    توفي للزهره تگلي ... بشاربك يبني ... احلفك يالگمر
    
    وفه عباس يزينب .... هذا عباس
    
    هذا عباس يزينب .... هذا عباس
    
    (٥)
    
    والسبع تنعام منه ... ومن بطن ... ام البنين النگلته
    
    تگله يبني رايح ويَ ... حسين تفديله ... حياتك وصته
    
    ما أتاني لاجييتك انته ... وإخوتك بس أتاني حسين ...ابني ورجعته
    
    اصله هل ساس يزينب ... هذا عباس
    
    هذا عباس يزينب .... هذا عباس
    
    (٦)
    
    شايل الجربه على صدره ... ومتجه للعلكمي ... صوب النهر
    
    من وصل يم الشريعه ... على الجرف ثبت لواه ... وچفه بالماي انغمر
    
    گال أبد والله ما اشرب ... لذيذه وگلب اخوي حسين ... عفته يستعر
    
    كله نوماس يزينب .... هذا عباس
    
    هذا عباس يزينب .... هذا عباس
    
    (٧)
    
    چم درس منه وعبر احنه أخذنه ونقتدي
    
    هذه عنوان الاخوه والقيَّمْ بيه تبتدي
    
    اي وحقچ كون اروح الطفه واحديله حدي
    
    قبله للناس يزينب .... هذا عباس
    
    هذا عباس يزينب .... هذا عباس
    
    
    
    طارق ابو محمد السماوي
    
    
    
    
    
    
    
    
    
    
    
    
    
    
    
    
    
    
    
    جنودك يعباس -- عالسواتر حراس
    لمن يهجمون -- بسمك يهتفـــــون 
    عالسواتر حراس
    ______________
    شالوا جفوفك بديهـم -- عوض عن الرايــــــه 
    شربوا الغيره بضماهم -- غيرتــك روايــــــــــه 
    بزودك تحزموا يكافــل -- للوطـــن حمايـــــــه 
    كلهـــا عباس السواتــر -- مــن يصــــل للثايـــه 
    رفعــــوا هتافـــات -- للذلــــه هيهـــــات 
    لمـــــن يهجمـــون -- بسمـــك يهتفـــون
    عالسواتـــر حـــــــراس
    **********************
    خذوا منك هالدروس -- وبالحرب طبقوهــــا 
    لو يموتون بجمعهــم -- كـــاع ماينطوهــــــا 
    زينب وسامره كلهــا -- وكربله يحاموهــــــا 
    بالنجف والكاظميـــــه -- أرواحهم علكوهــــــا 
    ضحــــــوا بالارواح -- غيرتهـــــم اسلاح 
    لمـــــن يهجمـــــون -- بسمــــك يهتفــون
    عالسواتــــر حــــراس
    ********************
    كطعوا دروب المشارد -- بيهم احتـــــار الوصف 
    مثل ما انت اكطعتهـــا -- حاصرت سبعين الـــف 
    سيل عارم عالنواصب -- سيـــل ويخــلف خسـف 
    اربــاع يشطر ما ابالغ -- لغــــه قانـــون النصف
    تدري بفعلهـــم -- ياهـــو المثلهم 
    لمن يهجمــون -- بسمــك يهتفون 
    عالسواتـــر حـــراس
    *********************
    خذوا من طبعك يكافل -- ماتهـــــم لعدادهـــم 
    تروح تستنكه بشجاعه -- تصيــد كل قوادهم 
    هالحشد عبــــاس مثلك -- كطــع كل امدادهـــم 
    لقنوا احفاد ال أميـــــه -- مثلك ويــجدادهـــــم 
    والنصرهم رايات -- غطت المسافات 
    لمن يهجمون -- بسمك يهتفون 
    عالسواتــــر حـــراس
    ************************
    
    حلوه هوسات الغياره -- المايعرفون الخطـــر
    احنه تربات اخو زينب -- وين ترباتج قطــــر 
    خلهم يلاكونه خلهــم -- الهم احفرنــه الحفر 
    ما يرد منهــم شريده -- لا وحق دم النحـــــر 
    وسط الميادين -- قسموا بالحسين 
    لمن يهجمون -- بسمك يهتفون
    عالسواتـــر حــــراس
    ***********************
    أنته حاضر يبو فاضل -- عالسواتر كـــل وكـــت 
    حتــى بزيارت لعاشــر -- انتـــه يمهــم مــارحت 
    خاف زوارك تناشــــد -- لبــو صالــــح كلفــــت 
    حظر مهدينـــه الزياره -- وانته بلجبهه احظرت 
    حشد المهمات -- حشد أنتصارات 
    لمن يهجمون -- بسمك يهتفون 
    عالسواتــــر حـــراس 
    ******************************
    الشاعر 
    كريم دانه الاعرجي 
    
    
    
    
    
    
    
    
    
    
    
    
    
    
    
    
    
    
    
    
    هذا ياهو اللي لزم صمصامه
    هذا ياهو الضربته اعله الهامه
    گام راس يطگ راس .. هذا ياهو العباس
    **
    علي چنه بعينه.. وعد منطي سكينه  شبل حيدر
    يحش بيهه بسيفه..الموت صاربكيفهبيهم تخيّر
    الحومه يفتر بيهه.. چفّه من يثنيهه** ما تحيّر
    ……………… 
    ابن حيدر والمنايه تهابه
    سيفه يزعل لو يشوف گرابه 
    سيفه هلهل والطاس  .. هذا ياهو العباس
    **
    شال جربه ورايه.. والفرات الغايه** ابو فاضل
    يحمي اخته بزوده..لعلي منطي وعوده**صار كافل
    بويه اختي بعيني.. افتدي بچفّيني  للمحامل
    ……………… 
    عفيه ابني وهل مراجل منك
    بالك ام الخدر تبعد عنّك
    گام ينگط نوماس  .. هذا ياهو العباس
    ****
    العساكر خافت.. ابوفاضل شافت** شافو الويل
    الموت جابه عليهم..ثاربينه وبينهم**من يطگ حيل
    منهو يتحداني.. عالشريعه متاني** خل تجي الخيل
    …… 
    لو يطگ بسيفه يشطر طولهم
    ابو فاضل حيراهه عقولهم
    گباله ماظلت ناس  .. هذا ياهو العباس
    **
     زينه هاي افعاله.. طگّته چتاله* * سيفه ولاهم
    لو خزر بعيونه..چن علي يشوفونه**من اعتناهم
    صفّت على اعتابه..ليث وسط الغابه** تنزف دماهم
    ……………… 
    گمره صارت كربلا  بوجوده
    راح صوب النهر شايل جوده
    كلّه غيره واحساس .. هذا ياهو العباس
    **
    وگف وسط الحومه..كلهه تدري علومه** شنهي المنيه
    دگ اساس الخوّه..كلهه تدري شسوّه** بالغاضريه
    نگطت من چفوفه.. غيرته ومعروفه**راعي الحميه
    …………… 
    زينب اختي ومن گدر يدناهه
    ياهو يوصلهه واخوهه وياهه
    زينب ويه الانفاس .. هذا ياهو العباس
    ـــــــــــــــــــــــــــ
    سيد علي المدني
    
    
    
    
    
    
    
    
    
    
    
    
    
    
    
    
    
    
    
    
    
    النهر من شاف القمر .. لفلف جروفه وعبر
     صاح قبل المعركه خل تفهم الناس 
    هذا ملك الموت نازل بإسم عباس
    ****&&&&******
    
    ظلمت الدنيا وعذاب الله نزل..
    أبو فاضل هذا لو خير العمل..
    تحس  رعيد الدنيا لو سيفه زعل..
    الشمس لمن شافته غابت خجل..
    جالقيامه ولو لحت .. بيده هالكدها صفت
    بسيفه يقطع هالنحور ويفصل الراس..
    هذا ملك الموت نازل بإسم عباس
    ****&&&&*****
    
    احتاروا الجيشين لمن بيها صال
    والدروب تسددت بوجه النذال 
    لمها عالشاطي وحده بيوم القتال
    القبضه لو بيد الأسد تفلت محال
    عسكر الكوفه انهدم.. وقف شيال العلم
    نزل يم المشرعه بالدرع والطاس..
    هذا ملك الموت نازل بإسم عباس.
    ***&&&&&&****
    
    خيم اعلى المشرعه وشاف العذب
    قال لو ميتين ألف لازم أطب
    آنه أبوي العلم فنون الحرب
    شنهو سبعين ويقطعون الدرب
    والشريعه هلهلت.. ضحكت بوجهه وبجت
    تعلمت منه الشجاعه وصبره والباس
    هذا ملك الموت نازل بإسم عباس
    *****&&&&&*****
    
    بيده شال النهر واقرب شفته
    قلبه جمره وراد يطفي جمرته
    سمع سكنه تصيح عمي نادته
    طفل أبوي حسين حاله حالته
    العذب ذبه اعلى العذب ..وقال ممنوع الشرب
    الماي قبل حسين لا مايذوقه عباس
    هذا ملك الموت نازل بإسم عباس
    *&&&&&*****
    
    شال بيده القربه وأنوى للخيم 
    والكفر صوبين يم دربه اقتحم
    بالغدر طاحت يمنته وجرى الدم
    وعلى القربه آه من ذاك السهم
    والله حيره حيرته.. لايمنته ويسرته
    ولن عمود الغدر ويلي صابه بالراس..
    هذا ملك الموت نازل بإسم عباس..
    *****&&&&&****
    
    صاح خويه حسين من طاح القمر
    وأبو اليمه تخوصر ومحني الظهر
    من الشريعه للخيم صارت الدهر
    مابقى عنده صبر راح النظر
    قام يتعثر يطيح .. ابو الفضل خويه يصيح
    من وصل قبل عيونه وللنحر باس.. هذا ملك الموت نازل بإسم عباس
    ***&&&&&&*****
    
    آنه أرجع للخيم لا مستحيل
    اشلون أرد وزينب تريد الدليل
    تقلي وحدك جايني وين الكفيل؟
    من عقب عباس مايوجد بديل
    هي تعرف حالتي.. من توگع خيمتي
    قلها ظل عالمشرعه لاجفوف لا راس 
    هذا ملك الموت نازل بإسم عباس
    ***&&&&&******
    
    كلمات أبو أحمد الصالحي
    تمت كتابتها يوم اﻷثنين الموافق 22 أغسطس 2016
    18ذو القعده 1437ه..
    
    
     
    
    
    
    
    
    
    
    
    
    
    
    
    
    
    
    
    
    
    
    #نزلة 
    
    لاتحشـميني ييمه لاتحشـميني
    شيمه بيه ... هـاشـميه ... وأنتي تدريني
    ــــــــــــــــــــــــــــــــــــــــــــــــــ ـــــــــــــــــــــــ
    انه شبل الحسن جاسم انه ابن حامي الحمه
    يمــه واتعرفيني انـتي من تصير المـوزمه
    ما أهاب وما أبلي اليوم اســـوي الـحاطمه
    سيفي فقار ابو الحمله وراح ارويه بالدمه
    كربله تشهد عليه كربله تشهد
    والهــويـه ... هـاشـميه ... وأنتي تدريني
    ــــــــــــــــــــــــــــــــــــــــــــــــــ ـــــــــــــــــــــــ
    اليــوم تاريـــخ المــعارك بيده يكتــب صفحتي
    من اصول ويعله صوت الجيش تبدي صولتي
    انه ما احـــتاج نخــــوه هاشــــميه نخـــــوتي
    طفح بحر الغـــيره بيه امن ابو فاظل غيرتي
    حيدري عزمي وجهادي حيدري عزمي
    والسجيه ... هـاشـميه ... وأنتي تدريني
    ــــــــــــــــــــــــــــــــــــــــــــــــــ ـــــــــــــــــــــــ
    انه عــودي الحسن يمه مره وصاني بأمر
    گال ياجاسم يبــويه الطف إلــه يـوم ويمر
    النصرة حسين ابو اليمه ابـد لا لا تنــتظر
    أرخص ادمومك الأجله دين جدك ينتصر
    لازم الديني انصره لازم الديني
    والوصيه ... هـاشـميه ... وأنتي تدريني
    ــــــــــــــــــــــــــــــــــــــــــــــــــ ـــــــــــــــــــــــ
    اليوم جيش اهـل الظلاله اليوم اراويه المــحن
    خلو قادتـــكم تجـــيني جـاسم انه ابـن الــحسن
    الزلــمه وينه الراد يبــرز خل يحظرله چــفن
    الخوف والذل ماعرفهن تحت رجليني انطون
    الجمع ما هابه واخافه الجمع ماهابه
    الهيبه اليه ... هـاشـميه ... وأنتي تدريني
    ــــــــــــــــــــــــــــــــــــــــــــــــــ ـــــــــــــــــــــــ
    من تصير الحرب شوفي يمــه جــاسم بالحـرب
    الطف نعــم صفين تصبح والحـــسن بيـهه يطب
    سيفي سيفه وعزمي عزمه موسهل يدرو صعب
    اليوم نار ابجــيش اميــه ابصارمي والله اشـــب
    العمي افديهه حياتي العمي افديهه
    مو بديه ... هـاشـميه ... وأنتي تدريني
    ــــــــــــــــــــــــــــــــــــــــــــــــــ ـــــــــــــــــــــــ
    اليوم من ابـرز اخلي الــي تشــهد كربله
    عمي يستاهل حياتي وانه كلـي فدوه اله
    الموت بالطف يا حلاته بين چــفينه حله
    ياهلا ابعــرس المنايه بالــمنايه ياهـــله
    حنتي من دمي ابچفوفي حنتي دمي
    والمنيه ... هـاشـميه ... وأنتي تدريني
    ــــــــــــــــــــــــــــــــــــــــــــــــــ ـــــــــــــــــــــــ
    تمت والحمد لله
    حيدر تركي الكربلائي
    
    
    
    
    
    
    
    
    
    
    
    
    
    
    
    
    
     (حفيدة موسـى ابن جعفر)]
    #قصائد_شهادة_القاسم
    
    
    #نزلة 
    
    يوليدي يجســـّام === وفـــّيني يجســـّام
    ــــــــــــــــــــــــــــــ
    إنصر عمـــّك اليوم == يوليدي يجاســـــــــــم
    إوفيني يجيـــــــدوم == وإنت إبهاي غانم
    هذا إحسين مهموم == يانبـــــــــــع الهواشم
    إدخل وإگلب الحوم == واجــــــــه هالصوارم
    أدري بيك صنديد === زود المجتبه إتعيد
    يوليدي يجســـّام === وفـــّيني يجســـّام
    ـــ
    وصـــّاني الحسن بيك == لازم ترفـــــــــــع إلواك
    ربنه اليوم يحميـــك == روحي إتروح ويــّاك
    گلبي إبحبـــّه يرويك == يبنـي إو عيب ينساك
    شرهم راح يرميـــك == تغرگ يبني بدماك
    أدري بيك وإبـــــزود === تفدي الروح وإتجود
    يوليدي يجســـّام === وفـــّيني يجســـّام
    ـ
    زهرة روحي يانور == لعيونـــــــــــــي يغالي
    إنت إتروح منصور == وانـــــي إبضيم حالي
    گلبي بيك مسرور == تشفعلـــــــــــي يوالي
    وإنت إبمحشري سور == تحميني يعالــــــــــــــــي
    والزهره تناديــــــــك === جيب أمــّك هله بيك
    يوليدي يجســـّام === وفـــّينـي يجســـّام
    ــــــــ
    ربـــّيتك يمهيـــوب == منـــّك رايده إرباي
    يوليدي يمحبـوب == تربي ليك عيناي
    روحي إبفگدك إتذوب == مرهـــــم إنت لحشاي
    گلبي بيك مصيوب == بعـــــــــدك ذاب بالداي
    بعدك ياضوه العين === ظلمـــــــه دنية البين
    يوليدي يجســـّام === وفـــّينــي يجســـّام
    ـــــ
    يبني إو نور دنياي == آلمنـــــي ونينـــــــك
    يبني إجروحك إهواي == خالقنـــــــه يعينـــــــك
    يبني خلـــّي عيناي == تنهــــل من جبينك
    شلـــّي إبدنيتي هاي == من خلصـت سنينك
    بعدك مظلمه الدار === وإبگلبي لهب نار
    يوليـــدي يجســـّام === وفـــّيني يجســـّام
    ـــــــــــــــــ
    مع تحيات شاعر اهل البيت / جابر النجفي
    
    
    
    
    
    
    
    
    
    
    
    
    
    
    
    
    
     (حفيدة موسـى ابن جعفر)]
    #قصائد_شهادة_القاسم
    
    
    #نزلة
    
    شــوف ياليث النزل للحومة
    ابجفه أجـــال الكفرمحتومة
    .......
    غضب صال وزلزل بوادي الطفوف
    عيـــونه عالحسين وبسيفه يشــوف
    كبـــال ســيفه دنكــت كــل الــسيوف
    يقسم أبعبـــاس مكطـــوع الجفـــوف
    الـــيوم يسكي كـــربلة مـن دمـــومة
    ......
    كـــلهـم انـــه القــاسم ونجل الحسن
    وانه ابن حـــيدر عــلي الرد الزمــن
    مــا تهمني خيـــولــكم خــلهن يـجـن
    انـــه مــن عمي تـــرى مـــأخــذ إذن
    تنعــرف ضــربــاتي لـــن مختــــومة
    .....
    مــــا يهــمه الجيــش كــله والشسع
    اعـــزل يقــــاتـل ومـــا لابـــس درع
    ومــثــل الأكـــبربالحرب مــا ينجرع
    أي وحـق حــيدر علي وكسـر الضلع
    لــــوحه بيـــده كربــلة ومــرســـومة
    ......
    صاح بيهم قـــاســم وعنده الجـــواب
    هــاي ساعة من الــزمن قبل المصاب
    بيــدي اراويـكـم انـه فــنــون العــذاب
    أيسح دمكم عـالـثرة يرفـــضه التـراب
    وانـــه قـــاســم سيـفي هــاذه يـــومة
    ......
    صفــرت الــدنية ونــزل بيهه الظلام
    أبعمر جاسم هــاي لحظــات الخــتام
    ونـــت ونـــاحت على جسمه الحمام
    صاح يـــا عــمـي ألك مــني الــسلام
    والوصية من الحسن مضمومة
    .....
    الشاعر
    أياد الفرح التميمي
     
    
    القصائد جمعت من قنوات وكروبات مؤسسة منبريون 
    

    ننصحك بتحميل تطبيق قصائد حسينية مكتوبة فهو يحتوي على اكثر من 10الاف قصيدة مكتوبة يمكنك تحميله من هنا

    في هذا المقال جمعنا لكم 50 قصيدة حسينية مكتوبة نأمل ان نكون قد وفقنا لخدمتكم

    الجزء الاول