قصائد حسينية مكتوبة
قصائد حسينية مكتوبة
المجموعة الاولى
لطميات مكتوبة – اكثر من 100 لطمية مكتوبة لشهر محرم لكل المناسبات
اللهم صل على محمد وال محمد وعجل فرجهم
السلام على الحسين ابن علي ورحمة الله وبركاته
المجموعة الاولى – قصائد حسينية مكتوبة
ـــــــــــــــــــــــــــــــــــــــــــــ
يا مظلوم يا خويه
………..
داسته الخيل … داسته الخيل
ابن امي الاحبه … داسته الخيل
وهوست حيل …. وهوست حيل
على صدره الحوافر …. هوست حيل
والدمه ايسيل …. والدمه ايسيل
من كل صوب شفته … والدمه ايسيل
فاكَد الحيل … فاكَد الحيل
على التربان طايح … فاكد الحيل
يا مظلوم يا خويه
……….
مات عطشان … مات عطشان
الفرات ابصف اخوي … ومات عطشان
على التربان … على التربان
يتلوه انه شفته …. على التربان
كان ما كان …. كان ما كان
الي خوان كثره … كان ماكان
والدهر خان … والدهر خان
بيه الناس شمتت … والدهر خان
يا مظلوم يا خوية
……..
تشهد العين … تشهد العين
تمنيت المنيه … تشهد العين
ذبحت حسين … ذبحت حسين
خذت كل حيلي مني … ذبحت حسين
اتجه وين …. اتجه وين
حرت حيره بزماني … اتجه وين
صوت الونين … صوت الونين
ما فاركني لحضه … صوت اللونين
يا مظلوم يا خوية
……..
شبو النار … شبو النار …
على روس الحراير …. شبو النار
بحركت الدار …. بحركت الدار
ذكرني الحركني … بحركت الدار
صوت الصغار …. صوت الصغار
يا عمه احتركنه …. صوت الصغار
كل الانظار … كل الانظار
منتظرة وكعتي …. كل الانظار
يا مظلوم يا خوية
……..
سفرت الموت … سفرت الموت
بدت وياي بالطف … سفرت الموت
عمري تابوت … عمري تابوت
صبح بعد الحبايب … عمري تابوت
نبرت الصوت … نبرت الصوت
مبحوحه اعله خوتي … نبرت الصوت
وني بسكوت …. وني بسكوت
خوفي امن الشماته … وني بسكوت
يا مظلوم يا خوية
……
تمت
……
موسى الخادم
-
قصائد حسينية مكتوبة
قصائد حسينية مكتوبة
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
اخوي حسين حيره اشلون المه
الحوافــر كلشي مـــا خلتلي منه
اه يبن امي …اه يبن امي
……
من كـد ما عليه سحكت حوافــرهم
لحـــم حســين وصّل للصـــواوين
وحيد ابلايـه ناصر بين عسكرهم
راسه بصوب اخيي وجسمه صوبين
قميصه … تخضب من دمه المنحر
قميصه … توزع بين اهل الـــشر
اه …اه … يبن امي
……….
عشر خيول داست صدرة يا ويلي
ملعب صار صدرة الخيل الارجاس
راح الحيل منه وراح كـــل حيلي
ما ظـــل بي كتر سالم يهل الناس
توزع … جسم محبوبي عالغبره
توزع … شلمن صدرة لو ظهره
اه … اه … يبن امي
……
كسر اظلوع ابو اليمه اسمعت بذني
رغم بعــد المسافه جانت اهواي
والمن هــذا اشد أوحيل هاضمني
عطشان انذبح مــا شــارب الماي
نظرته … تصد عينه على ايتامه
نظرته … بلا صايه ولا اعمامه
……
من حـــل الظلام وطشت الــــوادم
طلعــت اتعـــثر ابدمعات العـــيون
وصلته وعاينيته اعله الترب نايم
من كل صوب نازف حتى المتون
جروحه …. الف جرح وتسعميه
جروحه …. سهام اهواي مرميه
اه يبن امي … اه يبن امي
……
تحيرت ابزماني من شفت حاله
متكطع وصل جسمه على الكاع
راح الحيل مني ابوكفتي اكباله
صرت بدموعي ادور خنصر الضاع
لكيته …. بعيد اهواي عالعالم
لكيته … لجن متسلّب الخاتم
…….
تمت
……
موسى الخادم
قثائد حسينية مكتوبة
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
حـــل ظلام العـــاشر وكلبي نعه
ريت حاضر يا علي ابهل فاجعه
……..
وين ما ديــر النظر بخيامي نار
وخيل تتراكض ومرعوبه الزغار
وابو فاضل لا يمــين ولا يــسار
أمـدد ابلا شوف فوك المشرعه
…….
عيونهم وكحه العدة علينه تحوم
لا اهـــل ظلولي لا ظلولي كـــوم
والشماتة هواي من اعثر واكوم
تضحك اعليه وضحكهم اسمعه
……..
اشــد مــوقــف عذابني بالــطفوف
اكبال عيني حسين ذبحو بالسيوف
ريت حاضر يا علي بعينك تشوف
كلشي ما ظل منه سالم ارفعه
……..
صورت العاشر يبويه ما تروح
باقية بروحي مثل نزف الجروح
شفت اخوي حسين ليتامه ينوح
كبل ما نحره شمرهم يكطعه
……..
شرد اسولفلك يحيدر ما وفيت
المر علينه ابد ما مر اعله بيت
روس اخوتي امطشره كبالي لكيت
مو جهه وحده جهات الاربعه
……..
حل ظلام العاشر وما مش خيام
والايتام امن التعب رادت تنام
ياهو احشم ولد ماكو ولا عمام
والاخوان اعله الشريعه اموزعه
……..
ناشديتك يا علي حامي الــــدخيل
لية تحضر حملي غيرك من يشيل
عندي ماظل فكر لا ظل عندي حيل
لحك اعلي شوف عيني رجعه
…..
تمت
……
موسى الخادم
قصائد حسينية مكتوبة
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
رجع لـــيَّه المهر خـــالي بلياك
طلعت اتعثر ابطولي اعله ملكاك
خوية يحسين
……..
خابت خويه آمالي … من ردلي المهر خالي
تيهت الطريق امنين …. كلشي ما بقى ابالي
كتله حسين جا وينه … نزل بالارض عينه
عرفتك طايح ابشده … يا بو ارقيه وسكينه
تاه الفكر مني وكلبي ناداك
طلعت اتعثر بطولي اعله ملكَاك
……….
طلعت امن الخيم اركض.. وصور ذبحك الي تعرض
بعالي الصوت يا خوية… احروف اسمك صرت اللفظ
ميمونك تلكيته … حسينك وين حاجيته
دليني على ابن امي …. طايح وين خليته
حاجاني بدمعته كلي انعاك
طلعت اتعثر ابطولي اعله ملكاك
……..
المسافه طالت اعليه … من جـاب الخبر ليه
راح الحيل من عندي … اريد اوصلك ما بيه
ابكد اجروح البصدرك … عثراتي ونزف نحرك
اه يا سلوت اعيوني… نفذ صبري وحك صبرك
ما حسبت اعوفك ابقى وياك
طلعت اتعثر ابطولي اعله ملكاك
…. ….
عالتل اوكفت انحب …. شفتك طايح امسلب
وصدرك شفته يبن امي … صار الخيلهم ملعب
كوم احجار رامينك …. بسيف الغدر والينك
حالك ما يسر ناظر …. خوية اهواي ما ذينك
عساه بالموت كلمن خوية اذاك
طلعت اتعثر ابطولي اعله ملكاك
…. ….
حاولت اقترب منك …. بعدوني غصب عنك
من ابعيد وانظرلك …. عشر اخيول سحكنك
ذيج اخدودك الترفه …. الحافر داسها بحرفه
منظر حالك ايحير …. يا وسفه والف وسفه
ذبحوك وعلية ادير عيناك
طلعت اتعثر ابطولي اعله ملكاك
……
تمت
……
موسى الخادم
المجموعة الثانية – قصائد حسينية مكتوبة
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
بجماله وهيبته .. طلع من خيمته .. يرف برايته
علي الاكبر
……..
يا سلام الله عالاكبر … من نزل سوح الحرب
دكول حيدر علي طبهم … كَلب ساترهم كَلب
طب غاير …. ما واحد … من سيفه سلم
طشرهم … لماهم … ساترهم هدم
بالمهره … يتمايل … ويرف بالعلم
رسم اعظم صور.. مثل عمه الكمر..على الكل انتصر
علي الاكبر
يا سلام الله عالاكبر
بيده شايل عزم حيدر
……..
كالاسد غاير عليهم … طب شبيه المصطفى
صاح هل بيكم مبارز … كلشي كدامه اختفه
كل فارس … كدامه … ما شال النظر
خيرهم … بالحومه … ايدور عالمفر
عيشهم … بالخوفه … وركضهم شهر
طبر روس العده … بقيادتهم بده.. أجاهم وحده
علي الاكبر
يا سلام الله عالاكبر
سيفه عالظلأم يفتر
……
زلزل الكاع ابمهرته … علي الاكبر من نزل
سرفن اردانه وترجل … على كل ظالم حمل
ماهمه … كثرتهم … لا همه العطش
كل فارس … يدناله … عالكاع انفرش
من صوته … وخزراته … ما واحد رمش
وكف مثل الجبل .. لزم بيده ألاجل
على العالم وصل ..
علي الاكبر
يا سلام الله عالاكبر
على كل الجيش سيطر
……..
لا سرايه ولا كتايب …. وكفت ابوجهه علي
طشر الحومه بزلمها …. ولي يا نعمه الولي
صح واحد … بس عزمه … ايعادل جم الف
للكوفه … رجعهم …. يا سامع زحف
ميثني …. بضرباته … عالكل مختلف
عليهم كل الهوه.. كطع ويه الضوه.. شبَه راعي اللوه
علي الاكبر
يا سلام الله عالاكبر
اعليهم الميدان زغّر
…..
تمت
…..
موسى الخادم
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
نزل وحي السماء … ألى طف كربلاء
يلم جسم الحسين
……
نزل جبرائيل ينعى بعَـبرة الـــزهره
على حسين المنذبح من الكَفه نحره
كَعد عد راسه بدموعه الفاتحه يقره
منظر يبجي الصخر ما ينوصف ذكره
كَعد يمه ينوح ….يضمدله الجروح
وحيد ابلا معين
……..
فرش جنحينه حزن بالطف على حسينه
وابتده بــدم منحره ايخــضب جناحينه
هم يلم حسين بس شيلمه ابو اسكينه
كلشي بي متكًطع وخنصره امضيعينه
الف سيف انطعن …. اليتيماته انسبن
كعد يمه بونين
……….
صاح بدموع الرزيه ربي ساعدني
منظر حسين ومصابه حيل ألــمني
حافر الخيل اعله صدره احس خانكَني
ارحمني يا ربي وبداله الساعه موتني
بلا بن فاطمه …. حياتي مظلمه
بجه بدم الأمين
……..
نزلت الأملاك كلها بساحت المصرع
هذا البدم نحره سابح ذاك بالمدمع
كلها تبجي اعله الحسين وجسمه المكَطع
جنه يوم الحشر صار وكلشي اتجمع
على الرمح اعتله …. نحر راعي الهله
يشع نور الجبين
……….
هذا كل الصار جانت فاطمه ابكَربه
كل حجر صاب الحسين الزهرة متصوبه
امن اول الطف الأخيره اتشاكَف الضربه
وسهم المثلث كَلبها صوب وكَلبه
جروحه والضمه …. نفسها بفاطمه
على مر السنين
……
تمت
……
موسى الخادم
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
يوليدي يالغالي ….. ظل المهد خالي
عبد الله يبني بموتتك
ذبحولي امالي
…… ……
يوليدي تدري بموتتك باكو فرحتي
ما ظلي كلشي بدنيتي تشهد عبرتي
ما حسبت تمشي وتخليني ابحسرتي
خابت ضنوني يلولد بالغاضريه
يا فرحت ايامي …. باكوهن احلامي
من رجعوك الخيمتك … مذبوح كدامي
….. ….
سهر الليالي والتعب ذاكه التعبته
من عندي راح ابفركَتك ماي وشربته
من الله بس انت بدمع عيني طلبته
حاربني دهري وباكَك بسهم المنيه
بعدك يمحبوبي … اسود صبح ثوبي
رحت وعفتني للمحن … هذا انه مكتوب
…. ….
اه شكثر مشتاكه الك بيك افجعوني
بكماطك اثار الـدمه تنظــر عيوني
ريت انه كَبلك بالسهم يمه اذبحوني
ولا شفتك ابدمك تخضبت المسيه
من جرحك اجروحي … يا مصدر النوحي
سهم الي صابك بالنحر … صوبني ابروحي
…… …..
كل ساعه اصد المهدك وما بيه اشوفك
لا بيه اصدك ذبحتك لا بيه اعوفك
متعوده اناغيلك جنت والزم جفوفك
وبحضني اضمك يالولد بثنين اديه
موحش صبح ليلي … موتك اخذ حيلي
جلمت دللوه يالولد … حرموني يا ويلي
……. …….
لو أدري ما ترجع ألي ما عفتك اتروح
جا بالدمع يبني رويتك وانت مطروح
شنهو الجنيته بروحتك يا سلوة الروح
فوك العطش ذبحوك يا فرحت رقيه
كل ضني يرونك … مو نبله يرمونك
ما حسبت هيج الحقد .. بالما يحبونك
… تمت …
……
موسى الخادم
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
اخوي حسين حيره اشلون المه
الحوافــر كلشي مـــا خلتلي منه
اه يبن امي …اه يبن امي
……
من كـد ما عليه سحكت حوافــرهم
لحـــم حســين وصّل للصـــواوين
وحيد ابلايـه ناصر بين عسكرهم
راسه بصوب اخيي وجسمه صوبين
قميصه … تخضب من دمه المنحر
قميصه … توزع بين اهل الـــشر
اه …اه … يبن امي
……….
عشر خيول داست صدرة يا ويلي
ملعب صار صدرة الخيل الارجاس
راح الحيل منه وراح كـــل حيلي
ما ظـــل بي كتر سالم يهل الناس
توزع … جسم محبوبي عالغبره
توزع … شلمن صدرة لو ظهره
اه … اه … يبن امي
……
كسر اظلوع ابو اليمه اسمعت بذني
رغم بعــد المسافه جانت اهواي
والمن هــذا اشد أوحيل هاضمني
عطشان انذبح مــا شــارب الماي
نظرته … تصد عينه على ايتامه
نظرته … بلا صايه ولا اعمامه
……
من حـــل الظلام وطشت الــــوادم
طلعــت اتعـــثر ابدمعات العـــيون
وصلته وعاينيته اعله الترب نايم
من كل صوب نازف حتى المتون
جروحه …. الف جرح وتسعميه
جروحه …. سهام اهواي مرميه
اه يبن امي … اه يبن امي
……
تحيرت ابزماني من شفت حاله
متكطع وصل جسمه على الكاع
راح الحيل مني ابوكفتي اكباله
صرت بدموعي ادور خنصر الضاع
لكيته …. بعيد اهواي عالعالم
لكيته … لجن متسلّب الخاتم
…….
تمت
……
موسى الخادم
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
الحومه صارت ترتجف فرسانها
ابو فاضل من دخل ميدانها
……..
طب عليهم كمر هاشم غــاير
كلها صاحت صوت الله الساتر
البطل بيهم صار يكسر خاطر
وموته من بعيد صار ايناطر
كل شجاعه بس اله عنوانها
ابو فاضل من دخل ميدانها
……..
صارت الدنيا ظلام ابشوفه
أرتعد جيش الكفر بصفوفه
الجان بيهم زلمه رد للكوفه
يركض وتركض وراه الخوفه
جيوش امية جفه هد اركانها
ابو فاضل من دخل ميدانها
……..
نزل شايل ســـيف ابـــوه أبأيده
حالف اعله الجيش كله ايبيده
ادكَول ما داخل حرب جن عيده
يضحك وضحكاته هيبه تزيده
الحومه طباها ولزم بعنانها
ابو فاضل من دخل ميدانها
………
صاح عباس الـــزلم افــنيها
والزلم ظل منها بس طاريها
اذراعه ما واحد كدر يلويها
كَبله بس حيدر علي امسويها
خرس اليحجي وحجو خرسانها
ابو فاصل من دخل ميدانها
……….
تشهد انصار الحسين افعاله
حيل يهــوه المعركه وتحلاله
اكباله صارو هل ألوف اوشاله
لا ســرايا الخــله لا خــــياله
خله من الجيش بس غلمانها
ابو فاضل من دخل ميدانها
……….
طش عليهم خوف ما طش سيفه
وصار يحصدهم الهيبه ابكيفه
الشرد بيهم بّرد ابحر صيفه
حادهم حود الغنهم لمضيفه
ضربته البل جيش ظل نيشانها
ابو فاضل من دخل ميدانها
……….
ختم قصته اعله الفرات بزوده
وافه لسكينه ورقية اعهوده
بجفه شال الماي وانطه زنوده
وجربته التارسهه مي شهوده
تطفي خيمات العلت نيرانها
ابو فاضل من دخل ميدانها
……
تمت
…….
موسى الخادم
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
طاح العباس … مطبور الراس … باخر أنفاس
ظل يتعذر
بخيمتي أنعرضت صور … طيحته بكتر النهر
أمخضب بدم النحر
جسمه أموذر
……..
بالخيمه امناطرته بدمعي … تغير وضعي ..
شنهو الصار
بلحضه الدنيا صارت ظلمه … حسين ابهمه … شفته اندار
شنهو الحل يالحسين صحت ما سمعني
ركض للمشرعه بنوح لاخيه و تركني
اعايـــله من ابعـــيد يضم جـــفه عني
مـــدري اشايل اوياه رجعلي وفجعني
بالراية حسين … ردلي وجفين … واسهام وعين
صاحب خدري
منظر ايهد السمه …. بي تحس بس فاطمه … راح ابن حامي الحمه
جسمه اموذز
……..
ردلي حسين ايكوم ويوكع … من المصرع …
رد بالنوح
وانه ابلا شوف اتلكيته … ما حاجيته …
جي مجروح
من مصرع عضيدة رجع محني ظهره
يا خوية اشهل اوداع يصيح واصبره
ماجن ذاك الحسين صبح ميه عمره
حـــقه اوداع الــعزاز يشيبه ويكبره
ردلي ابلا حيل …. متغير حيل
جن فوكه الخيل …
جانت تسحك
من وصل يم خيمتي ..صاح ذبحو هيبتي ..
احزام ظهري بشدتي …. راسه اطبر
…….
راح الجان ايخاف اعليه … البل حنيه …
عاش اوياي
لو ادري بسهم يصوبونه … بذيج أعيونه …
عفت الماي
ما يرويني كل ماي بعد حامي خدري
يبقى الشاطي مكسور بالدنيه يجري
عباس اعله طاري جبت هذا عمري
من بعـــدك يوفاي يــزيد انه قهري
لو ادري الماي …. يذبح وفاي … ماكتله حشاي
يبسها الحر
جا بقيت اويه العطش … حد مينشال النعش …
لا شفت جسمه انفرش … لسهام الشر
……….
عباس الما كافل مثله … دورت شكله
انسه اشلون
يا كلمة خوية أشكد حلوه … جانت تسوه
هذا الكون
ما صدك مشه وعاف دمعتي اعله خدي
مو من طبعه عباس يخليني وحدي
يدري هو وحسين اعز كلشي عندي
اشلون ايفضل الموت جوابه انه ودي
عباس اشلون … عاف اخته ام عون … خاف يكولون … ناس التكره
مو طبع راعي الشيم … يترك اوداع الخيم … واخته مذبوحه بسهم … افراكه اليقهر
…….
شلون اتخيل عمري اكبالي … بدونه وحالي
شلون يصير
اتوقع تذبل عافيتي …. وتيبس ريتي …
وكلبي يحير
موتي حتمن يحين بعد ليله وحده
الميت عدها عباس تعرف الاقصده
عندي غالي اهواي واعز وحدة عنده
ما ودعني من راح عرف ما اله رده
خاف ابجي اعليه … ما كال البيه …
الموت امتانيه … راح بسكته
من زغر بي هالطبع … ما يحب مني الدمع … اشلون اذا بي انفجع
حامي الخدر
…….
تمت
…….
موسى الخادم
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
يجسام الحرب… بهــلهه تفتــخر
تطبهه وتنكَضي … مثل رشة عطر
أجه دورك أجه …. أجه دورك أجه
أريــدك تنتـــصر
……….
يبني اتحزم … ناداك العم … رفرف بالرايه
خل تكَطر دم … ساحات الهم … يل بيك اكفايه
لا ترحم عـــدوانك يبني امحلفتك بيه
بيض وجهي اكبال الزهره اكبال البدويه
روح امودعتك بحسين وزينب وارقيه
يبرالك حيدر واولاده الكـــلهم حــــنيه
عليك القل هوه … قريت امن الفجر
وقريت الفاتحة … ألك تسهيل امر
أجه دورك أجه …. أجه دورك أجه
أريــدك تنتـــصر
……….
يبني الغالي … روح وبالي … لا تهتم بأمرة
كل امالي … نصر الوالي … حسين ابن الزهرة
ناذرتك من زغرك يبني العمك تدريني
كون اتنصره الاخر كطرة دم يغله بنيني
وسط الحومه اوكف هوسها الهوسه الترضيني
مثل الاكبر هد ساترهم يا كرة عيني
عظيمه هيبتك … تسر كَلبي تسر
خذت من والدك … صفاتك يا بدر
أجه دورك أجه …. أجه دورك أجه
أريــدك تنتـــصر
……..
صيتك واصل … طبهم عاجل … عباس الثاني
صاعد نازل … سيفك كامل … يصرخ هذا اني
يالتشبه عباس بكلشي بعزمه وتفكيره
تربات الكــافل وشتطلع يالكلك غـــيره
نفس الخزرة ونفس السطرة ونفس التكبيرة
خصمك من يوكف كَدامك يوكع بالحيرة
اريد بصولتك … تجيبنه النصر
مثل جدك علي … تولاهم طبر
أجه دورك أجه …. أجه دورك أجه
أريــدك تنتـــصر
……….
ليك الملعب … وانت امدرب …. عالسيف بهمه
يرسم يشطب … كل واحد طب … ناطيها الكلمه
فارس وابن الفارس انته ومن تبرز هيبه
صح اصغير ابعمرك بس بفعالك جن شيبه
من كل ظالم تاخذ حقك بالزود اجيبه
ما تسكت عالحك امعلم يربات النيبه
شجاعه ومفخره …. تضل طول العمر
اليحبك يقره كون … مناجاة الشكر
أجه دورك أجه …. أجه دورك أجه
أريــدك تنتـــصر
…………
طر العسكر … عمك يفخر … من اتلاكيهم
لاتتأخر … شد وتكَنطر … كَظيان اكَظيهم
خيبر عــيد ابيوم العاشر فـــرح عــماتك
خل عدوانك تحسب حيــدر رد بصولاتك
من ابعيد انضرلك كون اترفرف راياتك
لا ترحم جيش الشر يبني وكثر سطراتك
الفقار بيمنتك … تولاهم سطر
اريدك من تطب .. تشكَ حلكَ الشمر
أجه دورك أجه …. أجه دورك أجه
أريــدك تنتـــصر
……
تمت
……
موسى الخادم
ـــــــــــــــــــــــــــــــــــــــــــــــــــــــ
المجموعة الثالثة – قثائد حسينية مكتوبة
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
جلجل الليل بظلامه واحنه ياحيدر يتامه
مذبحه ناسي وهلي والله حيره يا علي
والوكت بين ظلامه واحنه ياحيدر يتامه
#############
دخيلك ياعلي الليله بلايه خيام
بلا كافل عل غبره اشلون انام
شردت مرعوبه كل الحرم وايتام
انهضلي يبونه انخاك يا ضرغام
مابقه حارس للخيم بلا كفيلي والعلم
مذبحه كل النشامه واحنه ياحيدر يتامه
#############
شحجيلك يبويه من ياهي ابدي
ياوالي بس معلول ضل عندي
حادي الموت بخواني ضل يحدي
شيطفي النار يابويه وانه وحدي
انظر يبويه حالتي ابقه وحيده بغربتي
كسرو جناح الحمامه واحنه ياحيدر يتامه
##############
جفوف الكمر عباس كطعوه
والهامه بعمد يابويه ظربوه
بسهم عين الكمر ياوالي طفوه
والرايه بحوافر خيل سحكوهه
ضلت عيوني علنهر والله مشتاكه للكمر
عل ثره ينحب حسامه واحنه ياحيدر يتامه
###############
جم لوعه شاف حسين ياحيدر
من عباس والقاسم والاكبر
والافجع على كلبه والاكثر
دم طفله على صدره مطشر
والسهم صاب الطفل بعمر الورد وينجتل
والطفل خالي منامه واحنه ياحيدر يتامه
################
مصاب حسين ياحيدر شلون مصاب
عطشان ويناديني يداحي الباب
عمت عيني وبضهره شفت نشاب
شضمدنه وبجسمه الف صواب
من توجه ليه الشمر بعد شصبر ياصبر
يناجي ربه بكلامه واحنه ياحيدر يتامه
################
طبروه بوريده حسين جدامي
ابن امي بقه مرمي جسم دامي
بخيول وحوافر سحكت الظامي
ظلينه بس عيله وبلا يه حامي
مذبحه شفت اخوتي هليله ليله حيرتي
زينب اليله بلاسلامه واحنه ياحيدر يتامه
################
يبويه الليل من جلجل اخذ كلبي
حادي الشوم باجر بياديره يحدي
عفتهم بكربله كل خواني واعمري
على فراك اخوتي كل حيل ماعندي
من الجره شاب الكلب مذبحه خوتي علترب
شالو روس بلاعمامه واحنه ياحيدر يتامه
••••••••••••••••••••••••••••••••••••••••••••••••
كلمات خادم الحسين
حسن الجحيشي
••••••••••••••••••••••••••••••••••••••••••••••••
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
بعض مواجع السيده زينب عليها السلام والسيده رقيه بنت الامام الحسين عليهما السلام
سَـــلام الله على گلب العقيله
سَـــلامْ الله على صبرْ العقيله
****
منين ابديلــچ سلامـــي هــالمسيــه
وأنتي كـل دمعچ طفـوف الغاضريه
يالورثتي أبنـوح كـل حــزن الزچيه
البــاب والمحـراب والطـــف ورقيه
سَلام الله علــى دمــع العقيله
سَلامْ الله علــى صبــرْ العقيله
*
يالـورثتي الباب وهمـومه وعــذابه
ليش وكتـچ مــا يسد يالحــره بابـه
الله يــا زينــب يعينــچ عـالخـــرابه
رجع يوم العاشر وحزنه ومصابـه
سـلام الله علـــى جرح العقيله
سَلامْ الله علــى صبــرْ العقيله
*
يا مُصــابْ التنتحب وتــريد أبـوهـا
منين يـــا زينب يجــون الفــارگـوها
وسفـــه بحبــال الــورود يگيــدوها
ومن تنوح أبسوط ليش يسكتـوها
سَـلام الله علــى نَوح العقيله
سَلامْ الله علــى صبــرْ العقيله
*
يـا رقيـــه ويــا الــم محنــتْ سبيـها
بالخـــرابه ورادت الــوالــي يجيـهـا
فـزّتْ أبدمعــه وتــوّنْ زايــد بچيــها
سافــرْ أتگلها العقيله تحــاچي بيهـا
ســـلام الله علـــى همْ العقيله
سَلامْ الله علــى صبــرْ العقيله
*
نامــتْ وفــــزّت تـــَوّنْ ونّــه ثجيــله
هســه بحضــانه چنـــت هــا يالعقيله
عمّه شفت السهم غافي أبنص دليله
امشينــه يا عمـــه نــروح ونعتنيلـه
سلام الله على جَمـــرْ العقيله
سَلامْ الله علــى صبــرْ العقيله
*
لحظه والــراس ابطشت گامت تنظـره
شيبه من دم النحــر مصبوغه حمــره
وين أمه الزهــره خّـَـلْ يمّــي تحضره
هوّت فوگه وماتت الطفله أعلى نحره
سلام الله علـــى ونْ العقيله
سَلامْ الله على صبـرْ العقيله
**
الشاعر
موسى البديري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
يا تار الله ابيا وكت تلفينه
عمتك سبوها او بلهضم ضلينه
______
يا غيرة الله اشعطلك ليهسه
سهم النوايب بالدليل انحسه
كافي ابدمعنه بالصبر نتأسه
يا بعد اهلنه للوعد لا تنسه
ملينه والله امن الهجر ملينه
عمتك سبوها او بلهضم ضلينه
______
رد يا بقية فاطمه المكسوره
ضاگت علينه سيدي المعموره
چم آيه بينه امن الحزن چم سوره
المن نسولف عالزمان او جوره
اهواي الزمان ابغيبتك ماذينه
عمتك سبوها او بلهضم ضلينه
______
هاي العيون الدربك أربيه
مو عمتك الحره مشت مسبيه
وامتونها ابگد الضرب مفريه
حاديها ضالم ما رحمها اشويه
الجفن من گد البچي امورمينه
عمتك سبوها او بلهضم ضلينه
______
علويه الكم للسبي گادوها
مچتوفه اديها للقصر ودوها
بالسوگ ها يبن الحسن وگفوها
تتفرج اعليها الخلگ خلوها
هاي اعله زينب ماهي ابد هينه
عمتك سبوها او بلهضم ضلينه
______
ياحال زينب والدموع ابخدها
ماعدها والي يا وسف ما عدها
ابذيچ الخرابه الناصبي امگعدها
سكنه او رقيه لايذات ابسدها
ايگللها عمه چا كفيلچ وينه
عمتك سبوها او بلهضم ضلينه
______
عمتك سبيه دنتهض رد الها
رد ثارك او هاي الارض زلزلها
گللها جيتج بالفرج گللها
رچبها بيدك والزمه المحملها
اتنشف دمعها ابيا وكت مهدينه
عمتك سبوها او بلهضم ضلينه
______
ابو فاطمة الطائي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
الآن زَينَب في طريق السبي الى الشام …..
يعباس الشمر سباها ام الخدر
يعباس الشمر سباها ام الخدر
_
گوم يا شيخ العشيره يا نفل يا حيدها
گوم طر البيده مسرع والملاحم عيدها
گوم يا صگر البوادي للفرايس صيدها
گوم مو زينب سبوها والحبل گص ايدها
او دمعها منهمر سباها ام الخدر
_
گوم يا كافل خدرها بالحبل گادوها
گوم من الكوفه راحت للقصر ودوها
گوم چم اصواب بيها عل متن طگوها
گوم تقبل يخو زينب . زينب ايهضموها
او عبرتها تنكسر سباها ام الخدر
_
گوم حالتها رديه واصبحت محتاره
گوم مو وكته منامك هاذه وكت الغاره
گوم واسمعها تندبك والدمع يتجاره
گوم يل عباس سوي للسبوهن چاره
وابد لتعتذر سباها ام الخدر
_
گوم ماعدها محامي لا أخو ايباريها
گوم حتى النوگ تبچي يل حنين اعليها
گوم ياخوها الحگلها ابيمنتك داويها
گوم شمسويه العقيله والزلم تسبيها
گلبها ينعصر سباها ام الخدر
_
گوم يا ريحة اهلها واسرع ابهل بيده
گوم كلمن لوع اختك كضه واگطع ايده
گوم جيش الشام امسحه امن الوجود او بيده
گوم لا تترك اخيتك بل مرار اوحيده
او خصمها ينتصر سباها ام الخدر
_
گوم يل كلك مهابه للارض زلزلها
گوم من فوگ الهزيله زينبك نزلها
گوم يل بيدك جبتها او عدلت محملها
گوم چا ليش اتركتها وهل وكت موش الها
عايفها للاسر سباها ام الخدر
_
ابو فاطمة الطائي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
ينبض نحره .. ينبض نحره
عِبرة وعَبره .. ينبض نحره
هالمنحر سوره امن النور
وبالدمعه سجل دستور
@@@
دنيانه ابلا حسين وحبه .. دنيه ابليه طعم ولون
شنهو العيش ابليه نوحه .. وسر الله ابنوحه مكنون
ابدمع امصابه اعرفنه المنهج .. والعَبره عِبره بلعيون
واللي ايجافي نوح امصابه .. مايدري بأمره شيكون
…
احسين امصابه .. احسين مصابه
منهج دين .. احسين مصابه
بالمصرع منهج مبرور
وبالدمعه سجل دستور
@@@
ابكل امصيبه عليه الصارت .. بيها ثبت للايمان
وما بالغنه لمن گلنه .. حسين الايه والقرآن
من دمه وحي الله باقي .. رغم الجور ويالطغيان
واللي شايل دين ابگلبه .. يبچي المذبوح العطشان
…
هذا المبدأ .. هذا المبدأ
من الهادي .. هذا المبدأ
لحسين المؤمن منذور
وبالدمعه سجل دستور
@@@
حسين الانطه كلشي لله .. والله كلشي حسين انطاه
سيد شبان اهل الجنه .. وبالجنه فاز الوالاه
ربه الخاطر كل اجروحه .. نبراس العالم سواه
حسين الرابح يتبع نهجه .. والعافه خاسر اخراه
…
من اجرحه .. من اجروحه
باقي ذكره .. من اجروحه
واتخلد ذكره ابعاشور
وبالدمعه سجل دستور
@@@
ابكل جرح السادي امن جروحه .. ثبت دستور الاسلام
ومن مثله وقدم كل اهله .. مثل الاكبر لو جسام
هذا الي ضحه بعضيده .. وعطشان تلوج الايتام
وهذا الي محزوزه نحره .. وزينب يسبوها للشام
…
ضحه ابروحه .. ضحه ابروحه
وكل اعياله .. وضحه ابروحه
وعالرمضه طايح منحور
وبالدمعه سجل دستور
@@@
مظلوم وعطشان اموذر .. طاح ابوحده ابليا معين
ريحانة بوالزهره الهادي .. محزوز الراس ابلوتين
گلبه اموذر من امثلث .. گطع من چبده الثلثين
وصرختنه اتخلد هالمصرع .. لمن نصرخ آ يحسين
…
نلطم لجله .. نلطم لجله
ونبچي وننحب .. نلطم لجله
منحوره وصدره مكسور
وبالدمعه سجل دستور
@@@
علي احمد الحمود
١٢-٨-٢٠٢٢
الحسين ع
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
اليلة علويات هاشم بالفله
بلامحامي وظلمه صارت كربله
………………
الليله تنعد بالف هليله
نامت الجانت ترد العيله
بحرگه وادور منو التحجيله
ظميه المحد كدر يتحمله
………………
جلجل الليل وهظيمه ام الخدر
ادور مجان وبعد مامش ستر
الجان في اعليهه طاح بهل الكتر
وبكت محتاره تلم العايله
……………….
الليله اربات الدلال بهيمه
الجانن بعز هسه ابلا خيمه
شكد وراهن ركظو وبالجيمه
انطكن واحاه هاي المساله
………………….
زينب المنشاف ضلها بأي ارض
البعمر خمسين مومالت ركض
اطلابة الداسن جمر لاماتفض
يشيغ كلب المهدي لمن تساله
…………………..
اشحاله ام عون وشوصف حالها
اتصير المن من عكب كفالها
اصغار وكبار وحرگ بذيالها
الله ولحد اعليهه صارت معظله
……………………
الليله عماتك يمهدي انطكن
من الركض مولاي تعرف فحطن
بجم عزيز بجثته طاحن عثرن
شلون حال الظعن وبلا كافله
…………………..
الأقل شرفاً
كرار اللامي
#محرم الحرام
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
#قصائد_منبريه
#العشرة_الثانيه
عباية زينب
العبا مو حمره لا هذا دم من كربلا
ودَم بعد فوك الجبين
يوم طاحت عالحسين
هذا دم من كربلا
……………
كَالو شكَد عنهه حمره والعبايه من الدمه
انصبغت بساعة اموادع وي ابن حامي الحمه
حسين من طاح اعله غبره مخضب وشابع ضمه
شبكَته زينب وكَالت خاف جرحك الجمه
دمه فايض عالارض
كَلبه بي كَوه نبض
شبكَته بلهفه وحنين يوم طاحت عالحسين
هذا دم من كربلا
………………………
طايح على الكَاع ضامي منذبح من الكَفه
يمَه حظرت زينب اخته الدمع يمه تذرفه
انصبغت بدمه العبايه تريد حاله توصفه
واعتقد هَم عدهه غايه دَم اخيهه اتنشفه
وحاولت بيهه العبا
تمسح الدم من كَفاه
شافته وزادت ونين يوم طاحت عالحسين
هذا دم من كربلا
……………………
طلعت ابليل المصايب من خرابتهه ومشت
تمشي لن تعثر وطاحت كَامت ومتأخرت
هم دريتو ها يشيعه الحره بيش اتعثرت
بالثنين المِن ولدهه عثرت وزينب جزت
توصل اتريد السبط
عالجرح دمعه تحط
عالولِد لا ما تلين يوم طاحت عالحسين
هذا دم من كربلا
………..
ليله ضلمه وماكو كافل كَمر حارس بالضعن
ناحن ابوسط الخرابه على اهاليهن بجن
شاهدن لن ماكو زينب بيهه والله اتحيرن
من يدورهه وبعيده الحومه مو يم الوطن
تالي محنيه الضلوع
رجعت ودم الدموع
تجاوزت صبر السنين يوم طاحت عالحسين
هذا دم من كربلا
………..
يالتكَول الحمره صارت هالعبايه من الشمس
لازم بجرح العقيله كون يالكاتب تحس
حجاب زينب صاير احمر هاي وين بيا درس
تستحي شمس الله منهه احجاب ممنوع اللمس
غيمه فوكَاهه مشت
الغيمه حته اتحسرت
زينب وياعالمين يوم طاحت عالحسين
هذا دم من كربلا
الشاعر
ياسر العارضي
المجموعة الرابعة – قصائد حسينية مكتوبة
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
(السيدة زينب ع وطريق السبي)
درب العتب. كل خطوه شيبه وكلبي لا ماراده
درب العتب. والله وكت وحدهه عمت الساده
ياروحي ماتخلص معاناتي
يوميه اغفه بدمع حسراتي
…….
صحت مو كافي يادنيا. شوكت ارتاح ما ادري
اخذتي اعزازي من گلبي. وچم مره انكسر ظهري
لو ابچي دم لا مايردون
بفركاهم ولاتسوه العيون
طبع اليفارك من يجي الليل
يحاچي الصور بلكت يردون
يادنيتي. من ضيم كلبي شكد صحت مو كافي
يادنيتي. صارت ثكيله من المصيبه چتافي
شما اغفه تبقه تجري دمعاتي
يوميه اغفه بدمع حسراتي
………
شريد انسه وشريد اذكر. من ايدي راحو اخواني
انه الشفت الشمر كاعد. اعله صدر حسين اذاني
شفت الحسين وماله كل حيل
والشمر يرفس عالصدر حيل
خلو اخوي براحته يموت
بعده عدل من داسته الخيل
صار الذبح. وثنعش طبره احسب بطبراته
صار الذبح. من كطع راسه شاله من شيباته
للتل رحت واعثر بخطواتي
يوميه اغفه بدمع حسراتي
…….
جمال الله ابو فاضل. رحت من ايست منه
رحت من ضيمي عاتبته. ومن نحره اطلعت ونه
المثلك يعوف شلون العيال
وبطيحتك جابولي الحبال
عباس لفني برايتك خاف
ينشاف طولي واسمي ينگال
يابالفضل. اكسر الخاطر لو شفتني شحالي
يابالفضل. وشمات ياعباس كلهه كبالي
عباس خويه هواي طيحاتي
يوميه اغفه بدمع حسراتي
…….
ساعة الحركو خيامي. كلت هالوادم شبيهه
ثاري من اجو بالنار. لان عباس مابيهه
نبضات كلبي حيره حيره
آنه اخت عباس الچبيره
ثمانين طفله وطفل يحسين
وامشي بلا بدر العشيره
كل الاسف. للسوك طبيت اعله ظهر الناگه
كل الاسف. عباس خلاني وذبحني افراگه
شمات تحسب خويه عثراتي
يوميه اغفه بدمع حسراتي
……..
مني راحو اعز ناسي. وبقيت بدمعي وجروحي
واعاين لخوتي برماح. وشاغت بالدرب روحي
وعيوني ما لحظه استراحت
من مستحاتي روحي ماتت
امشي غريبه بلايه خوان
خلوني وحدي وكلهه راحت
راية مشي. امشي اعله درب جروحي بس مهيوبه
راية مشي. للشام من امشي وادوس دروبه
تبقه اعله طول الدهر كلماتي
يوميه اغفه بدمع حسراتي
……..
نسألكم الدعاء
حسين صادق العقابي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
مو عشيره ولا لقب والله ميرفعك نسب
بس الحسين بس الحسين
…………………………………..
لا تفاخر بالنسب لا بالعشيره
والمناصب بالصدگ كلش زغيره
احسم امرك لبو اليمه الوجه ديره
الخدمه تسوه هيه بس هاي الچبيره
…………..
منصبك ماينفعك
بس خدمتك ترفعك
بس الحسين بس الحسين
……………………………………….
تريد تنجح كل حياتك صير خادم
وانتبه زين بخدمتك كون فاهم
خلها روحك ذايبه بحب المأتم
للحسين انته انتمائك صير حازم
…………
لا اسامي ولا حزب كلها ماتسوه وچذب
بس الحسين بس الحسين
………………………………………….
موعد المجلس مثل موعد صلاتك
هذا قانونك يصير بكل حياتك
حسينيه تصير لازم كل صفاتك
تنفعك هاي بحياتك وبمماتك
………….
خل تشوف اهل العشگ
حب الحسين الصدگ
بس الحسين بس الحسين
………………………………………
ركز وياي بكلامي واستمع زين
باب للحاجات صارت ام البنين
لان نذرت كل عمرها بخدمة حسين
ربك الخلد ذكرها ابطول السنين
……………
وخذت اعظم منزله
خلدتها كربله
بس الحسين بس الحسين
………………………………………
والله توفيق اليشارك بالمجالس
والمجالس أصبحت اعظم مدارس
تصنع اقوه جيوش وبلايه منافس
مثل عابس بالمجالس الف عابس
…………….
اللطمه تصنع مهدوي
اي قيادي وتوعي
بس الحسين بس الحسين
…………………………………
محمد صادق الدراجي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
كوم ياعباس زينب ندبتك
عكب اخوك الحسين حامي عيليك
يبو فاظل هاي صارت ساعتك
شلون ترضه زينب ايسلبوها
◇◇◇◇◇◇◇◇◇◇
حسين وين الحسين ابن حامي الحمه
راسه مكطوع الظلوع امهشمة
وابخيمنه اتجول خيل الظلمه
تسلب والخيامنه ايحركوها
◇◇◇◇◇◇◇◇◇◇
وين جفينك يحماي الضمن
وين جفينك يحماي الضمن
كوم ردهن لا تكول اتكطعن
هاي ديرت غرب مو بارض الوطن
◇◇◇◇◇◇◇◇◇◇
شلون ترضه عيالك يضربوها
ما تريد الماي ردنه صارمك
ينتقم من الوصل المخيمه
خويه ما تسمعنه من انحشمك
◇◇◇◇◇◇◇◇◇◇
خويه ما تسمعنه من انحشمك
والعده لاصواتنه سمعوها
العده لاصواتنه سمعوها
وين ياعباس عن حرك الخيام
◇◇◇◇◇◇◇◇◇◇
وين يا عباس عن حرك الخيام
تركض امن النار الاطفال وحرم
وتدري لاضل سيف عدنه ولا علم
امنو يجفوفك الكطعوها
◇◇◇◇◇◇◇◇◇◇
انته ياعباس نايم عل النهر
احنه مسبياك بجفوف القدر
هاي جانت وين النه ياكمر
بت علي كرار وي روعوه
بت علي الكرار وي روعوه
………………………..
الرادود احمد فتلاوي
الكاتب علي فرحان
الشاعر قحطان الحسناوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
رباطات فزاعية
كل هم ومصيبة بدمعه الحزنان
باجر يا رزية احجيها للنسوان
اهلنا تذبحوا ياناس بالميدان
برماح المنايه روس اهالينا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دم شكر طافح ع الترب مسلوب
من كثر العطش والالم بي متعوب
متوسد الرملة بكربله ويلوب
شيخ الساده وسفه فوگ الاترابه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يون من الوجع وادموعه نزلن سيل
اعله اطفاله وبناته بحزن ما ضل حيل
لاتنسحك طفله من ركاض الخيل
كل نضرات عينه بس ع اخيامه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دخان المخيم بالطفوف هواي
وهاي اطفال تسحك ع الجمر حفاي
حرك الجف يبرده فقط بس الماي
يا عمي ابو فاضل صيحة اطفاله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زين العابدين الشمري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
بالظعون طوّح الحادي وسره
والمتون بيها ناري إموجره
يعباس يعباس ترضه اروح ميسره
…………………………………………………
يالعشت عمر الطفوله ابّين اديه
چنت أحيا بشوفتك صبح ومسيه
بيك روحي تعلگت يبن الوفيه
وهالسبب خلاني اجي للغاظريه
ينوماس ….. وأنت گايد ناگتي
والانفاس… كلها من عطر اخوتي
يالطياب يالطياب بيكم انه مخدره
يعباس يعباس ترضه اروح ميسره
…………………………………………………
خويه بعدك گلّـي ياهو الاشتكيله
مابگت غيرك يبو فاضل وسيله
من بعد خدر اختك المامش مثيله
صفت ما بين الغرب ذيج العقيله
هالاشرار .عني زاحو كل ستر
يشب نار خويه بخيامي الشمر
بالايتام بالايتام ضلت اختك حايره
يعباس يعباس ترضه اروح ميسره
………………………………………………..
ناده اخوچ اعلا الثره وبلايه چفين
من بعد عين الگمر بيمن تشيخين
ريته اخذ عمري وحياتي خلافك البين
ولا اعيش بدينا ما بيها…. انتَ وحسين
ولا اروح خويه مابين العده
بلا روح تمشي گوه الفاجده
والعيون والعيون تجري من دم عالثره
يعباس يعباس ترضه اروح ميسره
………………………………………………..
يل چنت انت النفس يالبّت احشاي
شلون انسه وداعك ولوعة يِتــاماي
واللّٰه مو بيدي يخويه اعذرني من هاي
من نخيتك اعتني لسكينه بالماي
يظنواي جتني وتنادي الضمه
چِوَه حشاي چبدي يابت فاطمه
ردت ماي ردت ماي والشفاه مفطره
يعباس يعباس ترضه اروح ميسره
…………………………………….
من رحت للعلگمي وناديت ابشري
النفس مثل الجبل صار اعلا صدري
ردلي ابو اليمه اعلا خده دموعه تجري
ناده راح ال چنت أحسبه حزام ظهري
فگدناه …….. يختي شيال العلم صحت لاه……. گلبي مايحمل الم
يبو الجود يبو الجود ظهر أخيك كاسره
يعباس يعباس ترضه اروح ميسره
………………………………. ……………..
هسه حاچيني برحيلي ورايك شلون
عالهزل زينب صفت ياظي العيون
هذي إخْـت الخارجي گامو ينادون
شصبر وسوط الشمر يلعب بالمتون
بلا خوف……. ناده حشمي كافلچ
بلا شوف……..وينه خل يفزع الچ
بالحبال بالحبال گيد إيد اختك تره
يعباس يعباس ترضه اروح ميسره
••••••••••••••••••••••••••••••••••••••••••••••••
كلمات خادم الحسين
(#حسن_الجحيشي)
رابط ا
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
اعتب گوه عليك
وعتابي ايأذيك
صحتك عباس وماتسمع
وينك يالكافل مـــاتفزع
اعتب گوه عليك
ـ ـ ـ ـ ـ ـ ـ ـ ـ ـ
تذكر چفك علي من لازمه
تذكر وچفي لچــفك سلمه
تذكر انه علــــــيك معلمه
تذكر زينب يتيمت فاطمه
تذكر من ناداك
بيه شگد وصاك
هاي الحره بيدك ودع
وينك يالكافل ماتفزع
ـ ـ ـ ـ ـ ـ ـ ـ ـ ـ
ترضاها ياخويه ياراعي الشيم
ترضاها زينب اخــيتك تنشتم
ترضاها تطلع ومـــــابين الزلم
ترضاها ماعدها والي ولاخيم
نادت يالـــكرار
من شبوهه النار
نار وحرگت حته الرضع
وينك يــالكافل ماتفزع
ـ ـ ـ ـ ـ ـ ـ ـ ـ ـ
يالكافل ياواعدت ويـــن الوعد
يالكافل ياخويه اصــيح وماترد
يالكافل ع التل اصيحك من بعد
يالكافل بالخيل داســــوه الورد
عني شلون اتروح
تخلي بگلبي النوح
بغيلبك شينشف المدمع
وينك يــالكافل ماتفزع
ـ ـ ـ ـ ـ ـ ـ ـ ـ ـ
ياوسفه اليحدي من تالي الشمر
ياوسفه مـن عگب عينك يالگمر
ياوسفه اجفوفي صـارتلي ستر
ياوسفه وانه الچـــنت ام الخدر
اسمع تحچي الناس
هاي اخت العباس
شمــات ودلالي تگطع
وينك يالكافل ماتفزع
ـ ـ ـ ـ ـ ـ ـ ـ ـ ـ
شحچيلك يــالوعه اسولف ياجرح
شحچيلك كل لحظه ياخويه انذبح
شحچيلك اتمنه مـــوتي بكل صبح
شحچيلك بعيوني مـــطبوع الرمح
رمــح الراسك بيه
امشي وعيني عليه
جسمي ولاجسمك يتوزع
وينك يــــالكافل ماتفزع
ـ ـ ـ ـ ـ ـ ـ ـ ـ ـ
من بعدك فروني بــــديار الغرب
من بعدك ونضرب لودمعي يصب
من بعدك بمجلس يبوفاضل اطب
من بعدك اعـــــداكم بفاطم تسب
زينب والنـــسوان
شلون اطب ديوان
للمذبوح الطب ماينفع
وينك يالكافل ماتفزع
ـ ـ ـ ـ ـ ـ ـ ـ ـ ـ
ياخويه الليل من يبدي ويچن
ياخويه احتار عــباس امتحن
ياخويه مـــــابين ايتام التون
ياخويه وجروح گلبي والمتن
بين ايتام وخوف
ريتك خويه تشوف
ويطر فجر النوح ويطلع
وينك يـــالكافل ماتفزع
اعتب گوه عليك
علي مظلوم الجناحي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
ياحادي الضعون ريــــــــــض وتانيني
لوداع الحباب بــــــــس ساعه خليني
ترد بيه الاجناب
والله الگلب ذاب
ـ ـ ـ ـ ـ ـ ـ ـ ـ ـ ـ
يحادي ضعوني ريض تان احبـابي خل اودعهم
اريد انحب وهل دموع وسـواد عيوني اصبلهم
وشد بيدي ادوي اجروح وعن الياذيهم انشدهم
وشم مثل الطفل لمه اشم اهــــــــلي بمناحرهم
الغالي حسين ارد اشبــــــــــع بشمه
ماتمشي وياي روحي تــــــــظل يمه
تشم روحي الاخضاب
والله الگــــــلب ذاب
ـ ـ ـ ـ ـ ـ ـ ـ ـ ـ ـ
اليفارگ اهله يعرف يـــــــــوم لابد يرجع لأهله
شما سافر يروح بعيد شما حـــبل الوصل شحله
وكل غايب يرد اردود بأهـــــــــــله ينجمع شمله
ونه وداعي وداع الموت والبلحده صعب وصله
هذا اخر وداع ونـــــــــــــــضرله بعيني
بدموعي احاجيه بلـــــــــكت يحاجيني
الوسط اللحد غاب
والله الگــلب ذاب
ـ ـ ـ ـ ـ ـ ـ ـ ـ ـ ـ
عله جساد الاهل افتر مصـــــرع من بعد مصرع
وگلهم هم سمعتو بيوم زينـــــــــب للغرب تطلع
غريبه اشلون اظل وحدي يرافگني العده وارجع
ارد يهلي عداي وياي ونخه ومــــــــن ألي يفزع
انخه يعباس يالكافل وســـــــــــــــــأل
ترضاهه بحبال مجتوفه هم تقبــــــل
بلكي اسمع اجواب
والله الگلــب ذاب
ـ ـ ـ ـ ـ ـ ـ ـ ـ ـ ـ
الأخت خويه يبو فاضل تعتـــب لوهضم مرها
لون جار الزمن بيها اخوها بـــــــزود يحضرها
يجي ويوگف يدگ صدره وعن الماذيها يخبرها
شنو رايك يبو الغيره لــــون زينب حبل جرها
ماتدري الصار بزينــــــــــــب يبوالغيره
عدوانك شلون خلتـــــــــــــني بحيره
ياذاي ادري العتاب
والله الگــلب ذاب
ـ ـ ـ ـ ـ ـ ـ ـ ـ ـ ـ
ارد مسبيه وحدي شلــــــون وچتالك يرد وياي
بدرب شمات تسأل ويـــن كافل ضعنچ الحداي
عاف اخته كلام النــــــــاس اسمعهم بلا حماي
عله الشاطي حلاله النوم شگلهم يا بعد عيناي
شتعذر جواب شحـــــــــچي وشنو ردي
تفضحني الدموع لـــــــــو سألو بخدي
اقوه من الصواب
والله الگلب ذاب
ـ ـ ـ ـ ـ ـ ـ ـ ـ ـ ـ
لون امشي وعوفنكم منــو اليحضرني لوحشم
اذا بمتوني صوط عداي يضـربني ويسيل الدم
واذا ملچوم جرحي يريد منــكم يطلب المرهم
يجي لزينب يهد واحد يفزعــــــــلي وألي يهتم
ابغربتي شلون يهـــــــــــلي تعوفوني
امشي ويشمات وحـــــــــدي تخلوني
لو تحت التراب
والله الگلب ذاب
علي مظلوم الجناحي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
زينب ورقيه
والله ياعمه بعــد مــابيـه حـيل
وين اروحن من بعد عين الكفيل
عمه يارقيه ….. عالجرا شبيديه
ويــن اروحن ….. ويـــن اروحن
****
يسولفن بيـــناتهن بس بالبواچي
اتذكرن عباس ابو حلو المحاچي
عمه لو مــوجود ماسلـبــــوا تراچـــي
وعالجرح ياوسفه گلب الحره تاچي
عمـــه غربه والضــعن مابـــي هلي
وياهـــو بعده يگلي خـــويه أدللي
نادت السبيه ….. عالجرا شبيديه
ويـــن اروحن ….. ويــن ا روحن
****
عمـــه ياعمه ابتــعد عنـــي الاوده
وهو يدري بروحي والدلال عنده
ظل مچانك خالي چا ياهو اليسده
خـــويه ياعـبـاس هاي شلـــون شـــــده
والله بغــيابك بعــد ماعنـدي روح
ولــو تنام العين تلچــمها الجـــروح
تجرح المسيه ….. عالجرا شبديه
ويــــن اروحن ….. ويــــن اروحن
****
تگلها خلينه يا زينب نمشي يمه
نحـلفه بالـزهره يرد والـحره امـه
ماكو ياعباس خيمه ودنيا ظلمه
والعساكر خويه ابد مابيها رحمه
شلون نوصل والحرس خيل وزلم
نــصيح من بعــيد وبصــوت الهــظــم
وين ابو الحــميه .. عالــجــرا شبديه
ويـــن اروحـن ….. ويـــن اروحــن
*
تگله وينـــك يابوفاضل ياحيــــاتي
خويه شوف السوط مطبوع بعباتي
ومن جلوس الليله صليت الصلاتي
والسبـــب ياخــــويه كـــثرن نــايبـــاتـــي
نايـــم انـــت وانا عــــذبــــني الدمـع
والحزن عاشرني من يوم الضلع
بصرخة الزچيه .. عالــجرا شبديه
ويـــــن اروحـن ….. ويــــن اروحـن
*
عمه نمشي الوالدي ونمر بالاكبر
ونمـــشي للعريس ماظنـــه يتعذر
نگلــهم العــباس عــالشـاطي تـــوذر
ياهو بعد اللي كفلنه اعليـــنه ينــغر
عمه ماتوا كل هلي وكل اخوتي
ومحد بحـالي دره وبمـحنــتـــي
انـــا والاذيــــــه ….. عالجرا شبديه
ويــن اروحن ….. ويـــن اروحن
***
عمه ابــوفاضل وسف گطعوا يمينه
وگطعوا اشماله وبعد صابوله عينه
يعـــنـــي ايســنه بعـد لا مـا يجــيـنه
يعنــي انا اتكــفلت هـــاي الضــعــينـــه
نمشي وي الحادي ياحيف بزجر
ومــن بعـــد عباس يبــرالي الشــمر
والگلب ضحيه .. عالجرا شبديه
ويـــــن اروحن …. ويــــن اروحـن
****
وين ابوفاضل ينشدون اليتامى
ويندعون العمـــهم يرد بسـلامه
عمه چانت رايـــته لـــينه علامـه
هسه لا رايه ولا صوت الحسامه
هاي هيا وراح اروح اويه الغرب
ابلا كفيلي وحشه يادنيا الدرب
مايجي اليه .. عالجرا شبديه
ويــــن اروحن .. ويــــن اروحن
الشاعر فاروق الغنامي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
(السيده زينب ع تخاطب جابر)
تـلـگـانـي يـجـابـر ذب الـعـمـامـه
تـلـگـانـي يـجـابـر ذب الـعـمـامـه
*——————-*——————*
اريـدن دمـعـتـك ويـاي تـجـريـهـه
ذبـهـه اعـمامـتك الـمـن امـخليـهـه
أجـيتـك بـالضـعيـنه وزلم مابـيهـه
وگـلـبـي بـالـحـزن مـا تـبـرد آلامـه
*——————*—————–*
احـسـيـنك بـالـسمـاهر علّـگو راسـه
أخـبـرنك يـعـمـي والـشـمـر داسـه
مـاچنــه الـرسول الـقـبّلـه وبـاسه
اسـولـفلك سَبـينه وجـرحه وا لامـه
*——————-*—————–*
شاركني امـصابي ومدمعـك صبـه
أشـكيـلك اجيت وشكوتي صعـبـه
لـو بـيـدي متـت والـشـام ما طبـه
مسلم مـاشفت معـروف بـسلامـه
*———————*——————*
أجيـتك بـالدمـوع وحيـل مابـيـه
وبـعيني اشـوف الـمـوت يـوميـه
سـلبـوه الـخــدر رديـت مسـبـيـه
شـافتني الشمـاته مدنّـگه الهامـه
*———————*——————-*
وجـهي هالمـصـايب غـيـّرن لونـه
تمنـيت ويخوتي اهنـاك مـدفونـه
المثلي بـالمنـاحه يـعـمـن عيـونـه
صـوبني الـدهـر مـارحمن اسهامـه
*———————-*——————-*
مـوتي بـالخـرابـه اشـگـد تمنيـتـه
مـچتوفه بحبـل والـشـام طبـيتـه
مـابـيـن الاعـادي الـخـدر تـاليـتـه
مكسور الظهـر مـاينـفـع احـزامـه
*———————-*——————-*
أسـولفـلـك محنتي وانـه معـذوره
عـينـك لاتـشـوف اتـروع الصـوره
گـدامي وضلّوع حسين مكسـوره
وشـحال اليطيح حسين گـدامـه
*———————-*——————*
✍خـادم الـحسيـن ع
الشاعر رعد الجريخي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
شكوى زينب لأخيها الحسين عليه السلام
من يوم الطحت يا روح الزچيه
لا عز لا خدر. من بعدك سبيه
زينب من عفتها
دولبهه وكتها. من بعدك سبيه
………………
يا جمال الورد
بشوفتك انسعد
شايل اوصاف النبي وحامي الحميه
آنه وانت سوه
عشنه نور وهوى
من زغر يحسين بحضان الزچيه
چنت كل يوم تسأل عني يالغالي
السوالف ذيچ كلها انطبعت ابالي
من ذاك الوكت. ما فارگتك وياي
عشنه امن الزغر مثل الورده والماي
ليش الدلّلتها
دولبهه وكتها. من بعدك سبيه
………………
حاربانه الزمن
عفنه ذاك الوطن
العشنه بي ايام حلوه امن الطفوله
من بلد فاطمه
لكربله الخاتمه
خيّم علينه العدو بجيشه وخيوله
رحت عني يخويه بگلبك الضامي
ساعه وعالرمح لن راسك الدامي
من ردلي المهر خالي ودمه يجري
واويلاه صحت راح اليحمي خدري
اختك ما شفتها
دولبهه وكتها من بعدك سبيه
……………..
زينب ابعازتك
والسيوف اخذتك
گطعت جسمك عله تراب الوطيه
يالرحت والزلم
هجمت عله الخيم
شبّوا النيران بيها آل اميه
حرت بين اطفي نار خيامي وطفالك
لو احمي الحرم من سوط چتّالك.
يحسين ابتدت بعدك نايباتي.
اركض عالخيم. اطفيها بعباتي
المحشومه جبتها
دولبهه وكتها من بعدك سبيه
…………………
چم يتيم انسحگ
والشرد وحترگ
وآنه اركض بين خيل ونار وحدي
لا اخو لا ولي
بس علي ومبتلي
بالمرض مطروح ماظل غيره عندي
كفيلي عله النهر مگطوعه چفينه
ولتنه الخيل ماظل والي يحمينه
سلبونه ومشو ظلت بس لجروح
چتفونه بحبل. باجر للسبي انروح
هاي الفارگتها
دولبهه وكتها من بعدك سبيه
………………
ياحبيب النبي
رحنه عنك سبي
بنوگ هزله وعالرمح راسك معانه
لا خدر لا حچي
بس مناحه وبچي
واليطيح امن الهزل يبقه بمكانه
يخويه حسين طاحت طفله عافوها
راسك من وگف يحسين جابوها
عذبنه السبي. ما شفنه استراحه
كل طفله وطفل. ينزف من جراحه
بشوفك عوّدتها
دولبهه وكتها من بعدك سبيه
……………..
ماكو من محنتي
اتعذبت يخوتي
آنه زينب ليش عفتوني غريبه
حرمه بين الزلم
انسبي وانشتم
ادخل لديوان امية ياعجيبه
آنه المانظر كل واحد خيالي
وداني الزمن لليشمت بحالي
نظرات العدو تجرح مثل الاسهام
يخواني شكثر. زينب شافت آلام
تدري الحجّبتها
دولبهه وكتها من بعدك سبيه
#سيد_زيد_الفحام
_____
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
العجل يامهدي الثار يبن حماي الجار
انتفض شيل البتار
العجل العجل
****
بجمر عينــــــــي نحيبه وحك هاي المصيبه
العليل ومحنته وجرح البقت بالهم غريبه
اجرعو ضـــيم الليالي بعد ذبــــــح الغوالي
اهل بيت النبي فوك الهزل مجتوفه تالـــــي
بعد ذبح الأجســــــــاد الحزن والجرح إزداد
بقه ينوح السجاد
العجل العجل
***
مثل جمر المخـــيم بحزن جبـــده اتخذم
العليل اشجم جــرح يالمنتظر شافه وتألم
ودليله بها لنوايب تجوى امن المصايب
بقه الآخرحياته ينتحــــــب دلاله ذايب
بحق يوم المسموم هتف كَلبي المهموم
انتفض يبن المظلوم
العجل العجل
****
بعتب من ردت احشمك لجن خافنــــي ألمك
حزين والله يعلــــــم سيدي وشكبره همك
بدمه تخلط دمــــــوعك وجمر يحرك ضلوعك
تقيم التعزيه اعله المنذبح تظهر جِزوعك
احس جبدك نيران مثل كلب العطشان
لأجل يومك لهفان
العجل العجل
****
يسلطان الحمـــــــــيه دعيتك هالمســـــــيه
العجل يالمنتظـــــر ياوارث الحك و الحميه
ونخيت ودمعي جاري احشمك وانته داري
الفواطم عالهزل طرن يبن هاشم صحاري
بدمع جمره ومحروك هتف صدري المخنوك
مشت زينب عالنوك
العجل العجل
***
الشمر يحدي بضعنهم ويجي بسوطه ضربهم
دره فوك النهر ويه العلم طاح الكفلهم
ويطك ســـكنه ورقيه ويطيحـــــن عالوطيه
يمهدي وعمتك زينـــب تنادي يالزجيه
تحن دكت عالراس نخت وين العباس
بحقد اذتنه الناس
العجل العجل
****
العكل من عندي حاير عجب ليهسه صابر
وشفت تدبج على حسين بثكل ذيج الحوافر
وبعد ذيج هالرزايه شفت ضيم السبايه
حريم امجتفه طفله الطفل وابلا حمايه
حريم بهالصحاري يبــــــاتن بالبراري
يتامه ومن يباري
العجل العجل
***
ابو علي الركابي
المجموعة الخامسة – قصائد حسينية مكتوبة
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
قصائد محرم الحرام( قصائد السبي )
فزاعيه
(زينب (ع)تخاطب الإمام العباس (ع)
“””””””””””””””””””””””””””””””””””””””””””””””””””””””””””””””””
وسفه اخت الكمر عباس
عالناكه يصعدوها
“””””””””””””””””””””””””””””””””””””””””””””””””””””””””””””””””””
اختك ياكمـــــر عدنان
سبوها بعدك العدوان
الها مابقت خوان
أهل ماعدها لاوليان
من العده يحموها
وسفه اخت الكمر عباس
“””””””””””””””””””””””””””””””””””””””””””””””””””””””””””””””””””
اخت حسين والعباس
لاكافل ولا حراس
أم الغيره والنوماس
تتفرج عليها الناس
هاي الناس شافوها
وسفه اخت الكمر عباس
“””””””””””””””””””””””””””””””””””””””””””””””””””””””””””””””””””
وسفه وياحسافه شلون
بزينب والله ايسوون
بيج اعداج ميرحمون
ولديره غرب يمشون
لدار اجناب طبوها
وسفه اخت الكمر عباس
“””””””””””””””””””””””””””””””””””””””””””””””””””””””””””””””””””
ام الصبر والغيرة
طاحت والله بحيره
وجهها المن تديره
تمشي ويالعده أيسيره
تالي وسفه يسبوها
وسفه اخت الكمر عباس
“”””””””””””””””””””””””””””””””””””””””””””””””””””””””””””””””””
بلاوالي تضل زينب
تون وتنادي وتنحب
عالكافل بقت تعتب
تكله اخلافك اتعذب
ترضه اختك يعذبوها
وسفه اخت الكمر عباس
“””””””””””””””””””””””””””””””””””””””””””””””””””””””””””””””””””
وينك هايضي عيني
فراكك والله ياذيني
بعدك شمر يحديني
كل ساعه يحاجيني
زينب لاترحموها
وسفه اخت الكمر عباس
“””””””””””””””””””””””””””””””””””””””””””””””””””””””””””””””””””
الشاعر عماد محمد الدراجي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
قصائد محرم الحرام( قصائد السبي )
فزاعيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اوياعباس طبينه بخرابه
اوياعباس گعدينه بخرابه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بين ارجـــال ماعـــدهم حميه
خويه اعــــداك هالتنضر عليه
بحبال العـده مجتفيـها اديـــه
بارض الشام شفت انــه المنيه
اوياعباس سبتني هالعصابه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمنيتك يخـويه انتــه ويانه
جامحد وصل لينـه واجانــه
ولاواحد وصل لينه وسبانـه
ولاواحد وصل لينه وشافانه
اوياعباس شيفضها الطلابه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رقيـــه تصيح وينه مااجاني
ابوي حسيـن وينـــه مالفاني
ابوي حسيـن معقـوله نساني
انتظره يجــــي اصبر واتاني
اوياعباس نادت وينه بابه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياعباس گابلني الشمــــر گال
وين الزامطيتــــي بيـه كفال
وين الزامطيتي بيـه الارجال
خل يشوف اخته بهذا الحال
اوياعباس سب اهلي النجابه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياعباس تكتل طبت الشام
وعلينه اتفرجت ياحيف الازلام
وانه لوحدي وتبرالي الايتام
عيني بغيبتك مالحظه تنام
اوياعباس يموت الفارك احبابه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اخت عباس ياوسفه الاميره
كعدت اعلى الترب ماكو حصيره
وجهي بغيبتك المن اديره
لإخوان ضلت وسفه لاعشيره
اوياعباس كعدت اعلى الترابه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشاعر عماد محمد الدراجي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
قصائد محرم الحرام( قصائد السبي )
( لحن جبار الحريشاوي )
( فكد أحبابنه )
……………………………………………………
هايالكفلتوني جاليش عفتوني
عفتوني وحدي أبين الارجاس
حسين مات ومات عباس
للشام يسبوني للشام يسبوني
عافوني وحدي اخواني الاثنين
مني أخذهم وسفه البين
راعي الكفالة مات وحسين
اذكرهم انه وتدمع العين
عباس كفالي
راح وشغل بالي
عباس اخوي ودوم منساه
ياريتني ميته انه وياه
بمصابه فجعوني
………………………………………………………….
لومرطاري الاحباب يضل دمعي سجاب
لفراكهم ضليت اون دوم
كلبي لفكدهم باقي ملجوم
جرحي انه ماطاب جرحي انه ماطاب
بعد الكمر ماضلي والي
بالدنيا غيره كلشي مايحلالي
راح الحنين الجان كفالي
بعده الشمر ياوسفه يبرالي
لوحدي خلاني
ياوسفه ماجاني
مسبيه وامشي بين الاجناب
واخواني كلهم عني غياب
ياوسفه ماجوني
………………………………………………………….
كفالي عباس عافاني ياناس
بين الغرب ياناس اسيره
ماعندي والي انه وعشيره
ماعدهم احساس ماعدهم احساس
للشام وسفه انه سبوني
وبالسوط وسفه انه اضربوني
ناديت اخوتي ومااجوني
بغيبتك عباس خويه هالولوني
الشمر ناداني
ياخويه وجاني
كلالي وينه ابوالنوماس
شوماحضرلج وينه عباس
بهالكلمه اذوني
………………………………………………………….
لعباس مشتاكه عذبني فراكه
طول الوكت دمعاتي سجابه
كعدوني خويه أعلى الترابه
دمعاتي حراكه دمعاتي حراكه
عالرمح راسك انه اصدليه
يحاجيني خويه انه واحاجيه
نضرات الغرب ياخويه تاذيه
موقف صعب ياخويه مربيه
راسك يضي عيني
كبالي ويحاجيني
عالرمح راسك وسفه ينشال
معذبني بعدك هايكفال
اعداك شتموني
………………………………………………………….
الشاعر عماد محمد الدراجي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــقصائد محرم الحرام( قصائد السبي)
نزله السيده زينب (ع) تخاطب الإمام العباس (ع) وتقول
………………………………………………………….
ويـنـك يعبـــاس هاياولـــيــنه
شوماتجيــنه
اختك سبوها بعدك خذوها
ويـــنك يعبــاس
ويـنـك يعبـــاس
………………………………………………………….
خويه ياعباس اخبرك بعدك تغير الحال
اختـــك الجانت اميره كيدوها بالحبـــال
من بعد خدري وحجابي ومن بعدذاك الدلال
تالي مسبيه خذوني ويلي تبرالي الاطفال
اختك ولوها بعدك خذوها
عدوانك ارجاس وينك يعباس
………………………………………………………….
خويه ياعباس اخبرك بعدك شصار وجره
لوحدي بين اعداي خويه هالبقيت محيره
والشمر ناده يزينب وينه سبع الكنطره
مافزعلج هايزينب من مشيتي ميسره
من طلعوها بعدك خذوها
الماعدهم إحساس وينك يعبــاس
………………………………………………………….
خويه ياعباس صعبه عندي لوطر الفجر
وانه حرمه بلايه والي واليباريلي الشمر
للشام ودونـه سبايا والـدرب كـلش خطـر
واليتــامه ويـاي طلعن مشـن كلهن للسفر
من يسروها بعدك خذوها
اندب ينوماس وينك يعبــاس
………………………………………………………….
صعبه والمثلي تــروح والله والمـوقف صعـب
تمشي بين الناس حرمه وتدخل لديره غرب
وانـه محتاره بقيـت وجسمـي هـد حيـله التعـب
والشمــر اذاني والله بسوطه من كثـر الظــرب
لامارعوها بعدك خذوها
تبرالي حراس وينك يعبــاس
………………………………………………………….
عالرمح راسك اشوفه خويه يصد ليه
صحت وينك ياكفيلي الشمر عال اعليه
بغيبتك وسفه انه خويه اصبحت مسبيه
خويه والاذاني اكثر بحبل شدوهن اديه
بحبل جتفوها بعدك خذوها
تتفرج الناس وينك يعباس
………………………………………………………….
الشاعر عماد محمد الدراجي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
قصائد محرم الحرام (قصائد السبي )
قصيده رئيسيه
………………………………………………………….
زينب بت النبي مجتوفه وبالسبي
ماضل عدنه حجاب نمشي بطرك العبي
………………………………………………………….
يالموفي وعودك عشت انه بوجودك
يبوفاضل جنت انه بوجودك خويه اميره
بعد عينك يغالي رحل خويه دلالي
يبوفاضل خذوني بغيبتك للشام اسيره
يبوفاضل خذوني بغيبتك للشام
وتبرالي بقت ياخويه الايتام
عيني بغيبتك مالحظه تنام
موحلوه بدونك خويه الايام
زينب بت الوصي مجتوفه وبالسبي
ماضل عدنه حجاب نمشي بطرك العبي
………………………………………………………….
بعد شلي بحياتي عكب عينك يغاتي
بجيت انه ودمعتي بغيبتك كامت تلالي
بوجودك عشت اميره فلامرتني حيره
بقيت انه وحيده والغرب شافوا خيالي
يعباس اختك ومشتاكه تدريها
وحيده ومابقه والي اليحاميها
لارض الشام هالضلام تسبيها
الشمر ياحيف بغيابك يباريها
زينب بت الابي مجتوفه وبالسبي
ماضل عدنه حجاب نمشي بطرك العبي
………………………………………………………….
جبتني من المدينه اكفلت انته الضعينه
جنت انه بوجودك ياكفيلي مدلله
الصدر دكيته اليه وصحت يالهاشميه
كفيلج انه خويه وحامي كل هل العايله
كفالج يخويه والله تدريني
لاجلج انه اضحي بعمري وسنيني
بشده لو وكعتي خويه ندبيني
يخويها لخاطرج افديها جفيني
امشي ويالناصبي مجتوفه وبالسبي
ماضل عدنه حجاب نمشي بطرك العبي
………………………………………………………….
زغير انته وسألتك اذا عالو على اختك
كلت لاجلج يخويه الكون اكلبنه كلب
اذا عالوا عليه شتسوي خويه اليه
كلت خويه عذاب الله عليهم انه اصب
شفت بعدك يخويه انواع الهموم
مامرت على بنادم فرد يوم
تحتاج الاخت هالساعه اخوها يكوم
يجي يخلصها من هل الكوم
للضعن يبره اجنبي مجتوفه وبالسبي
ماضل عدنه حجاب نمشي بطرك العبي
………………………………………………………….
كفيلي وعني غايب شفت بعده العجايب
شفت ناس العلي هجموا فلاعدهم حميه
يخويه الي ظلمني حجي الشامت هضمني
سمعت انه العده سموني خويه الخارجيه
الجانت غاليه وعالراس تنشال
هسه بلاولي ضلت ولاكفال
كل لحظه بقت تتفكد الاطفال
وعليها تنضر اشباه الارجال
يالشايل معصبي مجتوفه وبالسبي
ماضل عدنه حجاب نمشي بطرك العبي
………………………………………………………….
الشاعر عماد محمد الدراجي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
أوَّلْ كِلْمَه
گِلْت اِسْمَكْ يَبُوْ اليِمَّه
نِـذْرَتْنِي اُمِّيْ لِلخِدْمَه إلَى الموتْ
نَزَّلِتْ رِمْشِيْ وِ اِمْغَمُّضْ وَرَاك اَمْشِيْ
ــــــــــــــــــــــــــــــــــــــــــــــــــــــــــــــــــ
نُقْطَه وِ اِبْرَاسِ السَّطِرْ
آنَـه عَـبْـدَكْ وَ اَفْتِخِرْ
وَاحِـدِ اِوْ مَالَكْ سِعِرْ
اِوْ كِلْشِيْ بِالدِّنْيَه صِفِرْ
فَتَّحِتْ عينِي اِوْ لِگيتَكْ مَا إلَكْ بِالحُبْ نَظِيرْ
الخَاطِرَكْ الله خِلَقْنِيْ يَعْنِيْ مُلْكِ اِيدَكْ أصِيرْ
اِبْكِسْرَه مِنْ خُبْزَكْ عَلَيَّه اِتْصَدَّق اِوْ آنَه الفَقِيرْ
عِنْدِيْ ثوبِ الخِدْمَه أحْلَه اِعْلَيَّه مِنْ ثوبِ الحَرِيرْ
لَا مَا أنْدَمْ
أفَـرِّطْ بِالگلُبْ وِ الدَّمْ
وَ اَفَرِّطْ بِالهَوَه اليِنْشَمْ وَ لَا بِيكْ
اِمْسَلِّمَكْ كِلْشِيْ وِ اِمْغَمُّضْ وَرَاك اَمْشِيْ
ــــــــــــــــــــــــــــــــــــــــــــــــــــــــــــــــــ
قَنْبَرَكْ كُـون اَنْحِسِبْ
يَاصِدِگ وِ الكِلْ چِذِبْ
گلْبِيْ غيرَكْ مَـا يِحِبْ
وِ اِنْتَه نِسْيَانَكْ ذَنِـبْ
إنْتَه فوگِ العَالِيْ عَالِيْ وِ الخَلَايقْ كِلْهَا دُونْ
شِفْتَكِ اِتْسَوِّيْ التِّرِيدَه اِوْ بَسْ تَقُلْ كُنْ فَيَكُونْ
شَگ قَمِيصَه اِوْ بِيكْ عَابِسْ عُبَرْ مَرْحَلْةِ الجِنُونْ
اِوْ مَا وِصَلْ يَحْسينْ عَقْلَه المَعْرِفَةْ نُقْطَةِ النُّونْ
مَا صَحْ مِثْلَكْ
رِدِتْ تِجْعَلْنِيْ مِنْ فَضْلَكْ
وَ لَـوْ رَمْـلَـه تَحَتْ رِجْـلَـكْ شَرَفْ هَايْ
غَادَرِتْ عَرْشِيْ وِ اِمْغَمُّضْ وَرَاك اَمْشِيْ
ــــــــــــــــــــــــــــــــــــــــــــــــــــــــــــــــــ
چَـانَـتِ الدِّنْيَه عَـدَمْ
اِوْ حُبَّك اِنْطَاهَا طَعَمْ
رِدِتْ يِكْتِبْنِي الـقَـلَـمْ
ضِمِنْ قَائِمْةِ الـخَـدَمْ
آنَه چِنْتِ اِبْلَايَه سُمْعَه اِوْ سُمْعَه صَارَتْلِي اِبْهَوَاكْ
مَا أرِيدِ الجَنَّه وَ آنَه رَايد اَبْقَه اِبْـنُصْ عَـزَاكْ
يَالمِتِتْ عَطْشَانْ خَاطِرْ آنَه مَا أعْطَشْ وَرَاكْ
قَـدَّمِـتْ لله كِلْشِيْ وَ الله گـلَّـكْ كِلْشِيْ هَـاكْ
حُبَّكْ أغْلَه
اِبْـمُلُكْ قَارُونْ مَا اَبَدْلَه
يَـقِبْلَه اِوْ قِبْلَه لِلقِبْلَه يَـمَذْبُوحْ
خِدْمِتَكْ عِشِّيْ وِ اِمْغَمُّضْ وَرَاك اَمْشِيْ
ــــــــــــــــــــــــــــــــــــــــــــــــــــــــــــــــــ
مَوْقِفَكْ مِنْ يِحْرِزَه
اِوْ يِگدَرْ اِيْلِمْ مُنْجَزَه
اِبْيومْ موتَكْ مُعْجِزَه
الله سَـوَّالَـكْ عَـزَه
كِلْ عَزَه چَمْ يومْ يُبْقَه اِوْ يِرْجَعِ اِيْطِيبِ المَنَامْ
إلَّا فَـاتِـحْـتَـكْ عُـمُـرْهَـا ألِـفْ وَ اَرْبَعْمِيةْ عَـامْ
مُوْ گلُبْ بِضْلُوعِيْ يِنْبُضْ چَنَّه جَمْرَه اِمْنِ الخِيَامْ
مِنْ عُگُبْ گطْعَةْ وِرِيدَكْ صَـارَتِ الفَرْحَه حَرَامْ
كِلْ يوم اَنْعَه
أنَـه المِتْوَنِّسِ اِبْـدَمْعَه
طَبُعْ بِنْتِ الغُصِنُ طَبْعَه بِالوْنِينْ
اِبْحِزْنِيْ مِتْغَشِّيْ وِ اِمْغَمُّضْ وَرَاك اَمْشِيْ
ــــــــــــــــــــــــــــــــــــــــــــــــــــــــــــــــــ
لوْ بِدَتْ غُرَّةْ صَفَرْ
أسْتِعِدِّ اِبْـهَالشَّهَرْ
أمْشِيْ وَ اَتْحَدَّه الخَطَرْ
الكَرْبَلَه يِحْلَه السَّفَرْ
دَرْبَكِ اِمْسَوِّيْ العَجَايبْ سَيِّدِيْ اِبْـمَرِّ السِّنِينْ
شِفِتْ مَشْلُولِ اِوْ إجَالَكْ يِمْشِيْ يومِ الأرْبَعِينْ
الأعْمَه فَتَّحْ عينَه لَمَّنْ شَـمْ غُبَارِ الـزَّائِـرِيـنْ
هَذِيْ أرْضَكْ ” أُدْخُلُوهَا بِـسَـلَامٍ آمِـنِـيـنْ “
جيتِ البَابَكْ
شِفْتِ الجَنَّه بَـعْتَابَكْ
اِوْ يِحْيي المَيِّتِ اِتْرَابَكْ يَـمَوْلَايْ
آنَه وِ اِبْـنَعْشِيْ وِ اِمْغَمُّضْ وَرَاك اَمْشِيْ
ــــــــــــــــــــــــــــــــــــــــــــــــــــــــــــــــــ
وِ اليِرُوحِ الكَرْبَلَه
عَنَّه مَدْفُوعِ البَلَه
اِحْسينْ فَاتِحْ مَنْزِلَه
اِوْ هَلَه بِالزَّايرْ هَلَه
كِلْ سَنَه هَالفُرْصَه مَرَّه اِوْ لَا تِمِنْعَكْ أيْ ظُرُوفْ
نَـهَـرْ مِـنِّ البَشَرْ يِنْبَعْ مِـنِ البَصْرَه لِلطُّفُوفْ
اليِطْعَنِ اِبْهَاي الشَّعِيرَه بَاچِرِ اِيْعِيشِ اِوْ يِشُوفْ
اِبْـسُفْرَةِ المَشَّايَه يِلْگه الأُمِّيْ وَيَّـه الفَيْلَسُوفْ
سَاهِرْ ليلَكْ
عَلَى الخُطْوَاتْ شِدْ حيلَكْ
تَـرَه الـزَّهْـرَاءْ تِـدْعِـيْـلَـكْ يَـمَشَّايْ
الكَرْبَلَه إمْشِيْ وِ اِمْغَمُّضْ وَرَاك اَمْشِيْ
ــــــــــــــــــــــــــــــــــــــــــــــــــــــــــــــــــ
١ / ٩
كربلاء المقدَّسة
كرَّار حيدر الخفاجي
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
هَذَا لَطُمْنَه كِلْ سَنَه
عَلَى اِحْسينْ وَ اوْلَادَه
ــــــــــــــــــــــــــــــــــــــــــــــــــــــــــــــــــ
جَمُرْ تَحْتِ الرَّمَادِ اِوْ يِشْتِعِلْ دَمْنَه
اِوْ حَـرَامِ الـنّـومِ اِذَا بَـيَّـنْ مُحَرَّمْنَه
مِثِلْ عَابِسْ جُنُونِ الـحُـبْ تِعَلَّمْنَه
اِعْلَه گطْعِ النَّحَرْ مَـا نِگطَعْ مَآتِمْنَه
وِ المَا رِضَه اِبْلَطْمِ الصَّدِرْ
بَـاقِيْ اللَّـطُـمْ بِـعْـنَـادَه
ــــــــــــــــــــــــــــــــــــــــــــــــــــــــــــــــــ
مَجَالِسْنَه نِعِيشِ اِنْـمُـوتْ نِحْييهَا
الچفُوفِ اِبْلَا لَطُمْ كِلْ خيرْ مَا بِيهَا
كُونِ الدِّنْيَه بَسْ بِحْسينْ نِگضِيهَا
اِوْ نَاسِ البِينَه تِطْعَنْ بِينَه شَعْليهَا
مَا نِسْتِمِعْ حَچْي البَعَضْ
لـوْ بِـالـحَـچِيْ يِتْمَادَه
ــــــــــــــــــــــــــــــــــــــــــــــــــــــــــــــــــ
عَلَى اِمْصَابِ الحُسَينِ الدَّمْعَه مَحْبُوبَه
السَّاعَه اِبْمَجْلِسَه اِمْنِ الجَنَّه مَحْسُوبَه
الـيِـلْـطُـمْ صَـدْرَه رَبَّـكْ يِـغْـفِـرِ اِذْنُـوبَـه
اِوْ خـيـرِ اِحْسينْ يِـتْـرِسْ عينَه وِ اِجْيُوبَه
هَذَا الحُسَينِ اِبْكِلْ وَكِتْ
مَـا تِـنْـتِـهِـيْ أمْـجَـادَه
ــــــــــــــــــــــــــــــــــــــــــــــــــــــــــــــــــ
يِـلُـومُـونَـه اِوْ يِگُولُونِ اللَّطُمْ بُـدْعَـه
اِوْ تِغِثْهُمْ لوْ تِطِيحِ اِمْنِ المُحِبْ دَمْعَه
مِشينَه وِ الهَدَفْ نِكْسِبْ رِضَا البَضْعَه
فِدْوَه اِضْلُوعْنَه اِعْلَه المِنْكِسِرْ ضِلْعَه
طَبْعِ اليحِبْ لَاخِرْ نَفَسْ
مَـا يِخْشَه مِـنْ جَـلَّادَه
ــــــــــــــــــــــــــــــــــــــــــــــــــــــــــــــــــ
نَصِيحَه اِشْمَا يِكِثْرُونِ اليِنِقْدُونَـه
عَلَى الخِدْمَه بَعَدْ أكْثَرْ يِشَجْعُونَه
يِذِبْحُونَه اِوْ نِصِيحِ اِحْسينْ يِلْگُونَه
اِحْسين الله خِلَقْنَه الخَاطِرِ اِعْيُونَه
هَذَا أبُـوْ اليِمَّه مَـلِـكْ
سَيِّدِ اِوْ شيخِ السَّادَه
ــــــــــــــــــــــــــــــــــــــــــــــــــــــــــــــــــ
بِدينَه اِوْيَه الحُسَينِ اِوْ نِنْتِهِيْ يَمَّه
اِوْ مِتْفَضِّلْ عَلينَه اِهْوَاي اَبُو اليِمَّه
عِشْنَه اِوْ شِفْنَه كِلِّ الخيرْ بِالخِدْمَه
نِعْمَه اِحْسينْ وَالله اِيْدِيمْ هَالنِّعْمَه
سِبْطِ النَّبِيْ مِثْلِ الشَّمِسْ
مَـا غَـطِّـتَـه حُـسَّـادَه
ــــــــــــــــــــــــــــــــــــــــــــــــــــــــــــــــــ
ضَحَّه اِبْدَمَّه وِ اِبْدَمْ وِلْدَه وِ اِخْيَامَه
حَتَّى الشِّيعِيْ بَـاچِـرْ يِـرْفَـعِ الهَامَه
قَلِيلِ اِشْـمَـا نِـرِيـدِ اِنْضَحِّيْ گِدَّامَه
اِوْ چِبِيرَه اِعْلينَه اِذَا سَمّونَه خِدَّامَه
لَـبّـيـكْ يَابِنْ فَاطِمَه
صوتِ الضَّمَايرْ نَادَه
ــــــــــــــــــــــــــــــــــــــــــــــــــــــــــــــــــ
كرَّار حيدر الخفاجي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
طريق السبي
عله الناگه/احچي وي احبال اديه
عله الناگه/زينب آنـه الهاشميه
المثلي ابد ماينچتف
ياحبـل امـرك كـلف
++++++++
ناگه عن ناگه بعيده كلمن ابهمّه وقضيته
والدرب مايرضه يخلص حسبه وي حسبه گضيته
ابقى اسولف ويه روحي مابقى شي ماحچيته
فوگك اينگط سوالف ياحبل دمعي البچيته
العقيله آنه/المابچت حته اعله ابنها
العقيله آنه/انت لمشيب جفنها
بخدري آنه الينحلف
ياحبل امـرك كـلف
++++++++
من صرت وامي الزچيه گماطي بسم الله تشده
آنه چم مره بحضنها وحيدر اعلينه تعده
گلها يم حسين هذا گماطها لايبقى مده
خاف افز مختنگه منه للصبح تكضيها گعده
و تچتفني/ياحبل هيچ بسهوله
و تچتفني/وتِنزل ادموعه خجوله
يحچي دمعي الينذرف
ياحبل امـرك كـلف
++++++++
ابزغري عالممشه بهداوه علمتني امي الزچيه
هيچي لو عثره خفيفه صاحوا اسم الله سويه
والحسن وحسين اجوني ركضه ويلزمون اديه
وهسه من الخيم للتل اعثر اكثر من رقيه
گمت وحدي/مني مستغرب خيالي
گمت وحدي/مابقى ايتچيلي والي
العثره لبعمري بألف
ياحبل امرك كلف
++++++++
ياحبل هاي العبايه فوگي چم مره اگلبتها
ما وگع منها عطرها امي چانت لابستها
ماتهنت بيها فتره من زغرها فارگتها
هاي الچ گالتلي يمه اتلوگلچ كلش شفتها
اعرفت غايه/تعرف بحالي ومصيره
اعرفت غايه/ينگـلب حـال الاميره
حالي عنها يختلف
ياحبل امرك كلف
+++++++++
ياحبل اكبر جريمه انته للحره وخدرها
حته تكبيرة صلاتي يصعب اعليه امرهها
ودي ارفعها بدعائي ياحبل وانته تجرها
فارگت تسبيحت امي اچفوفي من ساعة يسرها
دمع عيني/تكتب ابظهر الهزيله
دمع عيني/هذا تسبيح العقيله
وحالها الما ينوصف
ياحبل امرك كلف
++++++++
لو رجعنه للمدينه احچي بمتوني والمها
لو زرت گبر الزچيه احچي كل جروحي يمها
بس اگلها يالزچيه بنتچ اتبدل اسمها
جيتچ واسمي الغريبه الخايفه الحرگو خيمها
ترى چفوفي/بيها اثر تارك حبلهم
ترى چفوفي/القبلوها اخواني كلهم
لا ولد ضل لا عرف
ياحبل امرك كلف
++++++++
ثائر الربيعي
المجموعة السادسة – قصائد حسينية مكتوبة
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
زينب اختك .. سبوها .. زينب اختك
________
يبو فاضل على بختك
زينب الحره نختك
گوم شاهد حال اختك.
زينب اختك .. سبوها .. زينب اختك
________
گوم هاي البيده طرها
واگلب الشام ابكبرها
يبو فاضل يا ذخرها.
زينب اختك .. سبوها .. زينب اختك
________
مو وكت نومك يخوها
زينب الوادم ولوها
شتمو امها وابوها
زينب اختك .. سبوها .. زينب اختك
________
شتموها او بيها عالو
بلسياط اعليها مالو
هاي مسبيتنه گالو
زينب اختك .. سبوها .. زينب اختك
________
اتناوش السيف او تعنه
خلي برض الشام حنه
بين لوعه او بين ونه
زينب اختك .. سبوها .. زينب اختك
________
گوم گوم امن الشريعه
واطوي گاع الله الوسيعه
زينبك عاشت فجيعه
زينب اختك .. سبوها .. زينب اختك
________
تمشي واعليك اتلفت
والنوظر منها جفت
النوايب بيها حفت
زينب اختك .. سبوها .. زينب اختك
________
امخدره او يصعب وضعها
تندبك واتهل دمعها
والسبي حاني ضلعها
زينب اختك .. سبوها .. زينب اختك
________
دارت اعليها المصايب
والگلب من عدها ذايب
المن ابهمها تعاتب
زينب اختك .. سبوها .. زينب اختك
________
ابو فاطمة الطائي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
بت حيدر علي تنگاد مسبيه
تمشي اعله الهزل واعيونها اربيه
چا وين الاهل عنها …. ما واحد سمع ونها
______
چا زلم الهواشم وين متگومون يا ساده
الكم تنسبي النسوان لا لا هاي مو عاده
زينبكم بديها احبال واعله العرجه تتهاده
ابكل ديره اوسلف يگفون كلساعه النذل ناده
زينب بت علي مچتوفه جبناها
وثاراتچ . بدر . سبعين اخذناها
ردينه الطلب منها …. ما واحد سمع ونها
______
يل بيكم طبع معروف متنامون عل عيله
شجاكم زينب اتعوفون دم المدمع اتسيله
زينب يا أهلها اتلوج ما هجعت فرد ليله
ما يمها عمام احيود لا كفال تشكيله
لا عدها عشيره الي تحاميها
وسياط الشمر هل غزرت بيها
والسابع سمه حنها …. ما واحد سمع ونها
______
مو مالت هضم وآلآم زينب هاي الحگوها
جردو اسيوفكم يسباع يا هاشم تعنوها
تراها امشيبه امن البين صارت عود شوفوها
محنية ظهر واتنوح فوگ الناگه اسمعوها
اتحن او عليها حنت الناگه
شيبها الوگع عطشان وفراگه
خايب يا وسف ضنها …. ما واحد سمع ونها
______
يا حال العقيله اشلون يصعب علذي ايوصفه
وگفوها ابهذاك السوگ ساعات اعله فد وگفه
والاف البشر ياحيف جت بعيونها الصلفه
من زينب يهل زينب اجت اتريد تتشفه
شماته او ياحچي المو زين سمعوها
مدري ابيا ذنب بحجار ضربوها
حيل او حيل ياذنها …. ما واحد سمع ونها
______
متعوبه او تدير العين بس عدوان داروها
بيكم تنتخي اچم دوب ياهاشم ادركوها
گصدو الشام واهل الشام من الگاع امسحوها
چا زينب تطب ديوان ياهلها تقبلوها
يسياد الارض ذبوها العمامه
ايزيد النذل وگفها گدامه
واصبح يآمر اوينها …. ما واحد سمع ونها
______
طبت للقصر ياحيف والديوان صد الها
وايزيد ابنصر مزعوم متشمت يگللها
ذبحت احسين والعباس والنسوان ارملها
حلال المشاكل وين ما يرجعلچ ايحلها
گالت والدمع بعيونها ايلالي
لو يمي الگمر ما تنظر اخيالي
وعينك ترتفع فنها …. ما واحد سمع ونها
______
ابو فاطمة الطائي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
بين العقيلة وراس سيد الشهداء عليهم السلام …
چم ليل مر وچم صبـح .. ما تحاچيني
چنّك غريب اعله الرمح .. ما تحاچيني
صوتي راح امن النَشِد .. وانتّ ساكت ما ترِد
ما تحاچيـــني
___
هاي چم ليله گضينه سوه يا راس الحسين
اوياك اسولف وانتّ ساكت عجب يالگلبك حنين
ولو گلبك آ يگلبك هو وين واحنه وين
هو عالتربان واحنه عالهزل متيسرين
ويلي اعله گلبك ما سِلَم .. ويلي واويلي
منّه ثِلِث ظـل بـ السـهـم .. ويلي واويلي
گلبي لاجلك منضهِد .. وانت ساكت ما ترد
ما تحاچيـــني
___
المرّه الاولى ناشديتك من لِفَت نوگ الهزل
گتلك امشي اوياك لو لا خويه يم جسمك اظِل
ومنهو اليركّبني گتلك من عگب راعي الفضل
ومنهو اليلِم اليتامه بذمْتي چم طفله وطفل
احچي ويصب نحرك دِمه .. ما تباصرني
يابو العـطـف والـمـرحـمـه .. ما تباصرني
عيوني بعيونك تصِد .. وانت ساكت ما ترد
ما تحاچيـــني
___
ثاني مرّه ناشديتك فُرجه صرنه للبشر
من وصَل للكوفه ضَعني ومدري چم شامت حِظَر
گتلك ابعد عنّي رمحك إختزينه امن النظر
اتقدّم بروس الغوالي واشغِل الگلبه حجر
خل ينظرون لمنـحـرك .. ولا ينظرولي
لو حتّى قاسي منظرك .. ولا ينظرولي
شافني الحر والعبد .. وانت ساكت ما ترد
ما تحاچيـــني
___
هواي ناشدتك حبيبي وانتّ ابد ما تلتفت
ساكت وما تدنو مني وتالي هم آنه اسكتت
بالخرابه اتفارگينه وعاودت ليّه بطشت
بشوفتك ماتت رقيه وآنه حيره اتحيرت
من ارجع لجسمك خِفِت .. يسأل اعليهه
صدرك يحن اعله البنـِت .. يسأل اعليهه
شحچي باچر تنفگد .. وانت ساكت ما ترد
ما تحاچيـــني
___
راح اردنّك بديه باربعينك يا غريب
وراح ارد ابچي اعله گبرك واگضي صوتي امن النحيب
هم اسولف ويّه جسمك ويبقه ساكت ما يجيب
راح تبقه بگلبي حسره لحد موتي ما تطيب
موبيدي من انشد تره .. ما إلي غيرك
مـنّـك اريـد الـمـعـذره .. ما إلي غيرك
ماكو غيرك ينگصد .. وانت ساكت ما ترد
ما تحاچيـــني
___
يــاســر حــســن
محرم الحرام¹⁴⁴²
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
#زينب
نظراتج الروس اخوتج
نظرة سجين اعله الشمس
طبع الفراشه اتحب ورد
مو عالمحامل تنحبس
و احساسج الينزل نده
و الحادي صخرة و ما يحس
جم باجر يريد الدرب
و انتي اعله قلبج جم امس؟!
نعسانه بس كلچ حذر
مثل الگطا مساهر يظل
صايود و الفرصه رمش
من ينزل يطيح الجبل
خادم زينب سيد عبد الخالق المحنه
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
بلايه ناصر. يبقى ثائر.
هز الظلام بكلماته.
ويسگي الصحراء بدمعاته.
،،،،،،،،،،،،،،،،،،١،،،،،،،،،،،،،،،،،،،،،،،
ثائر بچفه السلسله. وبعيونه راية عباس.
ماهمته صياط الكفر. ظل علي مرفوع الراس.
بچفوفه ياوسفه الحبل. المفروض چفه ينباس.
رغم السبي ظل منتصر. ويمه الملائك حراس
بصبره قاتل.. ماتنازل.
بس ربنه اليحسب سجداته.
ويسگي الصحراء بدمعاته
،،،،،،،،،،،،،،،،،،،،،،،،،،،،،٢،،،،،،،،،،،،،،،،
من شهر سيفه بكربله. وحسين رده وگله.
انت جهادك بالسبي. وكل طاغي راح أتذله.
والنصر بيدك ياعلي. صوتك فقط يتعله.
تخطب بقصر الطاغيه. صوتك آذان وصله.
انت وحدك. كلها ضدك.
بيدك كل حق وراياته.
ويسگي الصحراء بدمعاته
،،،،،،،،،،،،،،،،،،،،،،،،،٣،،،،،،،،،،،،،،،،،
حرگ الخيم رايد ركض. شلون العليل المظلوم.
جمر الخيم يچوي الأرض. وهجمت على خيامه الگوم.
ينظر العماته وهله. محتار ظل ومهموم.
من المرض جسمه تعب. ومن المصايب مالوم.
بگلبه حسره. شكبره صبره.
محد يتحمل لوعاته.
ويسگي الصحراء بدمعاته
،،،،،،،،،،،،،،،،،،،،،،،،،،٤،،،،،،،،،،،،،،،،،
ينظر لعمه اعله النهر. مگطوعه منه الچفين.
والعمد هشم هامته. والنبله طاحت بالعين.
ويمشي ويشاهد والده. بلاراس مذبوح حسين.
مگطوع بالطف خنصره. وجسمه بسيوف مطبرين.
مرمي جسمه. وماكو رحمه.
وظل السجاد ابمأساته
ويسگي الصحراء بدمعاته
،،،،،،،،،،،،،،،،،،،،،،،،،٥،،،،،،،،،،،،،،،،
ماسلم من أيد العده. بالسم تگطع چبده.
تبچي الصحيفة القصته. والسم دليله يمرده.
والباقر اعليه ظل يون.فراگ الأبو اكبر شده.
أثار أحبال السبي. مطبوعه لسه بيده.
من محرم. يبچي من دم.
اعلحسين وتشهد عبراته.
ويسگي الصحراء بدمعاته
،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
من لبابه الشيله .. للمجد اكليله
@@@
كل فرد من بيت حيدر حيدره
حجور ربتهم عفيفه وطاهره
ومن (لبابه) اليوم نرجو المعذره
وسفه والتاريخ يجهل هالمره
…
امن البحث تحليله .. للمجد اكليله
@@@
هذي زوجة من خدر لزينب كفل
ومثله صارت بالفدا الها محل
عدها شاره وعدها للسائل دخل
وتجبر اللي ابهمه فاقد كل امل
…
والفقير ايعله .. للمجد اكليله
@@@
هالعزيزه الغاليه لمبجله
خادمه لزينب صفت بالعايله
قدمت ضنوه شهيد ابكربله
والاشد فگدت عمرها كافله
…
انسبت بالعيله .. للمجد اكليله
@@@
اتحملت وي زينب الحوره القهر
بعد ما عنها مشى ابموته الگمر
شافت اللي فتت ابعظمه الصغر
وشالت المشاله من حزن الدهر
…
اندارت ابلهزيله .. للمجد اكليله
@@@
عالوفه ربتها زين ام البنين
يعني وصتها ويه زينب تنسبين
شحالها لمن رجع محني الحسين
عايف العباس لايسار ويمين
…
وذر شلي ايشيله .. للمجد اكليله
@@@
هي سنتين وگضت حزن او نعمه
والوجن مصبوب فاضت ادمعه
وللبقيع اتروح وي ام لربعه
وعلى گبر الزهره تقره الفاجعه
…
والدموع اتسيله .. للمجد اكليله
@@@
علي احمد الحمود
١٧-٨-٢٠٢٢
لبابه زوجة العباس ع
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
ياسهمه اسالك بالله
بهالضلمه ومطفي اضواه
هم مثلي كلبك مشتاك
واتشابكت وي عيناه
………….
ياسهم كلي شوصلك ماخذ مجاني بعينه
ما طاحت بعين الكمر ضربتك طاحت بينه
بس غمض عيونه وغفه التمت الناس اعلينه
يعني الكمر كول وفعل بعيونه مخلينه
بس غمض جفون العين
انشال برمح راس حسين
معناها لو ما مصيوب
والينه ما وادعناه
…………….
ما انشده عن حاله جنت من عينه اعرفه شلونه
ياسهم جان يصد الي من صوبتها عيونه
جانت لي نضراته وطن للغربه من جابونه
معناها مو بس الحرم تغربت عيني بدونه
ما انشده بس انضر ليه
اني اعرف شبيه ما بيه
ياسهم صوبته شلون
ما تدري اموت بلياه
…………
ياسهم لو بس منتضر لمن تمر اضعوني
ومن امر من يم كافلي ينضر اثر بعيوني
ويشوف دخان الخيم وشلون غير لوني
واصرخ هنا يهل الرحم يخواني شو عفتوني
هيج وصدك لينه يكوم
ويفز كفيلي من النوم
والهضم بوجوده يغيب
لا شافنه ولا شفناه
………….
ياقوس تدري بضربتك لو مخطي سهمك شوفه
ولو سالمه عيونه وامر ويشوف ادي مجتوفه
لو موش مضروب بعمد ومكطعات جفوفه
ينهض لون ميت الي لو بس اجيه ملهوفه
ويكوم ويشيل الراس
ويصيح انه العباس
ويكلي زينب بحماي
وما نتفرك انه وياه
………………
يكثر ونيني وانهضم وينكسر كلبي وانحب
من اذكر دلالي وهيبتي وخدري الي جان مرتب
معقوله غافي عله النهر ويدري بخدرنه تسلب
معقوله يقنع بالسهم البعيونه جانت زينب
معقوله يقنع وينام
ويعوفنه بلايه خيام
ويدري بهزل نصعد راح
ما يفزع النه من انخاه
……………….
جا هيج ينعاد الزمن وما اعيش ساعه بدونه
ويردلي سالم كافلي واطلع واشوفه شلونه
ومن مهره ينزل للخيم والجربه فوك متونه
وترتوي اعيالي بشوفته واني ارتوي من عيونه
ويصيح هاضمني ضماج
يختي الكمر عد عيناج
ويكول جبتلكم ماي
ونشرب الماي بيمناه
عباس الفرطوسي الكربلائي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
كل مجلس عزاء بابيات الدعاء
ندعي . للحسين يبقى هالولاء
….
()
يظل حُب الامام .. لاعمالي ختام ..
وانفاسي سلام .. لسيد الشهداء
…
()
المجالس تحيي دين .. لقطيع الودجين ..
شعار المخلصين .. حُسين و كربــلاء
..
()
النه وبافتخار .. الاكبر قدوه صار ..
رددنه شعار .. ثار الانبياء
….
()
نجي لحزن الطفوف .. ونتجمّع الوف ..
بمدرسة الچفوف .. طُلاب الوفاء
….
()
اذا يصرخ ذبيح .. مثل دمعه نطيح ..
أعِــد كُلنه نصيح .. لرادود العزاء
….
()
العمل يُلقى القبول .. اذا انعزي البتول ..
الترض صدره الخيول .. إله حزن السماء
….
()
دمع عيني يسيل .. وي دمع العليل ..
اشما قَدِّم قليل .. لأبن خير النساء
….
#سعد_هادي_الشمر
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
عشرين عــــــــــام ودمعات فوگ الوجن همّاله
****
بعد الجــــــــــره ابطف كربله والشفته
دمـــــــــــــــع المقل عالوجنه ما نشّفته
دم الدمـــــــــــــع لمصاب أبويه ذرفته
والآه تـــــــــــردف حسرات عالجره وصار بحاله
***
عشرين عــــام ولحظه ما چل حزني
دمعي على خـــــــــــدّي ومبطّل ونّي
كلشي الأشوفه بـــــــــوالدي ايذكرني
يچوي دليلي شمــــــــا شوف وأتذكّر اللي جراله
*
گضيت العمر بعــــد الطفوف بلوعه
وثوب الحـــزن لا بسته كل مفجوعه
أوّناتهن صبــــــــــح ومسه مسموعه
كل وحــــــــده شافت لوعات طف كربله وأهواله
****
كل ساعه بعـــد اللي جره من عمري
أبلوعــــــــه عشتها وگربتني الگبري
ونيرانها تسعـــــــر وتچوي ابصدري
وشيّبني كـــــــــــل اللي صار بالوالـــــد وأحواله
****
مــــــــن المصيبه وهولها صار أبيض
شعـــــري وأحس حيلي أنهدم وتقوّض
ومــــــــا بيه أوکف لا بقه حيل انهض
مليان گلبــــــــــــي بحسرات مــــن عملة الخياله
**
لوني اختلف حيـــــــــــل وتغيّر لوني
ودم عالجره تجـــــري وتسيل عيوني
يــــــــــــــا شيعتي يهل الوفه عينوني
ابلوعه ودمــــــوع وحسرات عالوالــــد ولعياله
**
للموت ظلّت حســــــــــــرتي وآهاتي
ومــــــــا يوم سكنت دمعتي ولوعاتي
شأنظر واشــــــــوف ايجدد المأساتي
بالسوگ لـــــــــو وسط الدار بعيوني دمعي تلاله
***
من رب كريــــــــــم وندري ميرجعنه
بأسم أبــــــــــــو الباقر هالمسه مطلبنه
ينهي غيــــــــــــــاب المهدي ويفرحنه
ابطلعــــــــــة أملنه المذخور الثارات أهله وآله
الشاعر
قاسم حتروش البلداوي
خادمكم
أسألكم الدعاء
المجموعة السابعة قصائد حسينية مكتوبة
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
طلع جيش السبايه..وانخطف لون القصر
شلت بچفوفي رايه..وشافو انجوم الظهر
ملكت الناس….مثل عباس
أميرة وبت أميرة وعرشي فوگ النوگ
………………….
تاج الدنيه خدري*
وعصر الثورة عصري*
كلشي ابكيفي يجري*
وانه صبري يجري ماي**
امن الكافلني زودي*
فايض عفّه جودي*
مرهونه بوجودي *
واعله مودي الدنيه هاي**
اذا رفت عباتي النسمه تخجل*
حدر جدمي دربهم متنه هدّل*
يموت بخطوتي وانوبه يعدل*
توالي الثوره انه وبيّه تكمل*
بشموخي الا اذلهم..واكسر اخشوم الزلم
الي طابو املكتهم..بيدي اطشرهم والم
رفعت الراس..مثل عباس
أميرة وبت أميرة وعرشي فوگ النوگ
………………………….
شاربهم سحگته*
واليحچي خزرته*
والسانه عگدته*
وكلهه سكته من حچيت**
الحل والشد بديه*
هيبه حيدريه*
برايه زينبيه*
ومو سبيه من مشيت**
انه بت شيخ التعدل حچيهم*
عبيد وهيبتي هدت عليهم*
ابيعنهم وانه ابكيفي اشتريهم*
ابن أمه الرفع عينه امن اجيهم*
انه اربات المعالي..زينب انه وبت علي
يضل صيت اهلي عالي..وكلشي بالدنيه الي
خنگت انفاس….مثل عباس
أميرة وبت أميره وعرشي فوگ النوگ
………………………………
الحاسب روحه زلمه*
بجدمي اسحگته خشمه*
ويرجف كله جسمه*
ويحچي حلمه بالفرار**
ضمني الهايه حيدر*
الدنيه بحيلي تنجر*
منهم صيتي اكبر*
كلشي يزغر يمي صار**
اشوف الدنيه بعيوني زغيره*
أنه المن الله نصّبني أميره*
ايخسه الگال اعله بت حيدر اسيره*
وانه الدولة حسين اهنا سفيره*
أمرهم بيدي كله..يمي حلهه والربط
قصرهم الا اذله..وكلهم املاك السبط
الزلم تنداس……اخت عباس
أميره وبت اميره وعرشي فوگ النوگ
…………………………..
اليتنفس اصيده*
يجف دمه بوريده*
اخذ كلشي اريده*
وما تفيده اي رجال**
مرسل بيدي رايه*
قرآني العبايه*
بيرغ للهدايه*
وابقى ايه امن الكمال**
انه درّت علي والساني سيفه*
انه صوته وانه چفه ومظيفه*
امشيهم عدل والله اعله كيفه*
الوكت بيهم ذبل واعلن خريفه*
اجيبنهه واردهه..كلشي يم جدمي سجد
عله اچفوفي اشدهه..الرايه ما توگع ابد
علي تنقاس….اخت عباس
اميره وبت اميره وعرشي فوگ النوگ
………………………..
دوري اهنانه يبدي*
وباچر دوره مهدي*
ايشيل الرايه بعدي*
چنه جدي اهنا يعود**
حتميه دولته*
ثار الطف طلبته*
حلم ابعيني شفته*
ومهدتله للوجود**
يجي يوم ويرف بيرغنه بيده*
وترد هاي البشر كلهم عبيده*
قريبه الدوله مو كلش بعيده*
وشكو واحد ظلمنا اهنا يصيده*
يعود ابن المكارم..والحچي يصبح صدگ
وشكو بالدنيه ظالم..برجله حتمآ ينسحگ
عطوره الياس…..اخت عباس
اميره وبت اميره وعرشي فوگ النوگ
علاء المياحي
الفاتحه لروح والدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
مصايب .. يا روحي اروي نيران المصايب
النوايب .. خلن كلبي من الضيم ذايب
احجي بالجره والمر علينه
والله ايعين ياروحي الحزينه
…………………….
الاشد من الحزن شرحه وحزني فايض بضيمه
وجمرة كلبي مستعره اشد من جمرة الخيمه
طحنه بناس ماترحم ولا تعرف شنو الشيمه
ولا عدهم حياء لا دين اتولو حرم بالهيمه
سوالف .. وين التهد سيل من المدامع
سوالف .. مثلهن ما بشر من قبل سامع
اتحلل ياخلك بالطف سبينه
والله ايعين ياروحي الحزينه
……………………..
افتهمنه انمنع عنه الماي ومن الماي ماردنه
وندري الموت حق وصار ومن اخوتنه فارگنه
لچن ابيا وكت صارت الميت محد ايدفنه
ويبقه عالثره مطروح والچتال يسلبنه
مصيبه .. مذبوح وتدوسه الخيل جا ليش
عجيبه .. على جثه سليبه تسابك الجيش
شفنه الصار بس احنه شبدينه
والله ايعين ياروحي الحزينه
…………………….
غير العنده ميت كون ينصبله عزه ويحضر
وتجي الوادم عليه تلتم وتتألم وتتحسر
جا ليش الحسين يموت ونسوانه تضل بالبر
وبدال الفاتحه بسياط الزلم عالحرم تتجسر
جساره .. نذل يسبك نذل يضرب بناتي
حياره .. وحده تعاين ابوحده خواتي
يموت الشاف شنهي الصار بينه
والله ايعين ياروحي الحزينه
……………………..
وبعد عاده الي عنده مصاب يسلي الروح بالدمعه
وكلام اليجبر الخاطر الوادم من تجي اتسمّعه
واحنه ابجفنه دم واحبال ولسعه تنطفي ابلسعه
وكلام اليهضم من الناس وين الكلبك ايشلعه
هضيمه .. خدر الساده يمشي امدنك الراس
جريمه .. تحديها العده الكافلها عباس
وانا وضعني نترجه يجينه
والله ايعين ياروحي الحزينه
……………………….
وبعد حسره التهد الحيل من اكبلنه عالديوان
اسمعت شامت يكل للناس ذني المالهن خوان
هنا دمع الهضيمه ارداف ضل يصب على الوليان
وكتله بكلبي ياشامت لا يسمع كمر عدنان
اخوتي…. ونعم المرجله ونعم الصناديد
اخوتي…. العدهم وكت المكاون وكت عيد
هواشم فدو دمهم للضعينه
والله ايعين ياروحي لحزينه
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
چَــني ابوسط ميتين…. وبالطيف اجاني حسين
وسط الكـــــــبر لمن طحت جرنـي من اديه
وللجنه اخــــــــذني واگعـــــــدة يم الزچيه
★★★★★★★
اني خايف…
من اجـــــاني حسين مهتملــــي ابمشيـته
اني خايف…
شفت ابواليمه الدمه ابمخضــب لحيـــته
اني خايف…
من وصــــــــل يمي انحنــيـــت اوقبليـته
اني خايف…
گتله خادمكـــــــــم انـــه وحلـت منيـــته
لمن نظرني وصـاح…. ليش انته مامرتاح
لاتشعر ابخــوف وضمه وخلها عليه
وللجنه اخذنــــي واگعـــدة يم الزچيه
★★★★★★★
ماني مرتاح…
مـــن خــــــذوني وللمغيسل طبـبوني
ماني مرتاح…
وشگگو ثوبــــي العلــــيه وجـردوني
ماني مرتاح…
من شفت يمي اخوتي واهلـي اجـوني
ماني مرتاح…
حين اجو اطفالي يمـــــــي وگابلـوني
ودمع الاحبه ايســيل…. ومــرمرني ابو التغسيل
عــين الهلـــي وعين التفت لليجـر بيه
وللجنه اخذني واگعدة يـــــم الــــزچيه
**
تربي العيون….
النــــاس مشغوله ابأمر وانه ابمصيبه
تربي العيون…
وجثــــتي عالمغتـــــسل ظلت سليــبه
تربي العيون….
وچن شفت خيال اجه ابهيبت مشيــبه
تربي العيون —
ودنــگ وگلالــي انه اليحظر حبيــبه
يالگت حبيبي اهناك… هسه انه اجيت اوياك
ونشف دمعتك خلها بس تبچي اليه
وللجنه اخذنــي واگعدة يم الـزچيه
★★★★★★★
الساني معگود…
ثوبي الاسود چفني اريده اودمعي كافور
الساني معگود…
ونعشــي انشال اومشيت ابين الگبور
الساني معگود…
اشلون باچــــر اقـــره من يلفيني عاشور
الساني معگود…
وعلى حسين ابهـــــل مگابر اقرة ياطور
بس موته يمي اودود…. ولحسين انه رادود
وابكل محرم اقره وانصبله العزيه
وللجنه اخذني واگعدة يـم الزچيه
★★★★★★★
اسمع اتصيح…
فاطـــمه وتگــلــــي يامــله اشــدهتــني
اسمع اتصيح —
حته لو بالجنه گوم اقــــرة اعــله ابــني
اسمع اتصيح…
امجلسك چنت احظر اوصوتك عجبـني
اسمع اتصيح…
أعـــــد يامــــله وعرفـــت امك تحبـني
لمن قريت اهواي ….. كتلها اريدن ماي
گلتلي خافن تشوفك اسكينه اورقيه
وللجنه اخذني واگعدة يـــــم الزچيه
★★★★★★★
سولفتلي…
عــن ابنـــها وعيلته اوذيـچ العطاشه
سولفتلي…
بالخيام اطفـــــــال احله مـن الفراشه
سولفتلي…
چم گلب من العطــش بالطف تلاشه
سولفتلي…
وگالت اليخـــــدمنه لامنـعوفه حاشه
لازم يشيل الراس…. اليقرة على العباس
هـذا الوفي وابن الوفي وابن الوفيه
وللجنه اخذنـــي واگعدة يـم الزچيه
★★★★★★★
ـــــــــــــــــــــــــــــــــــــــ
ماجد حبيب الخيكاني
ونسأالكم الدعاء
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
ياخرابه يخيم باليلج سكون
وبالسكون اسمع طفله تصرخ بابا بابا
🔥🔥🔥🔥🔥🔥🔥
ياخرابه السكته وجعه وليل المفارك طويل
وجرحي مايهدى وصبح زايد عذابه
🔥🔥🔥🔥🔥🔥🔥
ياخرابه الغربه مره وبالعتب يسلى الدليل
الفارك اهله تسله دمعاته وعتابه
🔥🔥🔥🔥🔥🔥🔥
ياخرابه حسين ضل مرمي على التراب
وبنات حسين هم نامن عل الترابه
🔥🔥🔥🔥🔥🔥🔥
ياخرابه السوط ماخله على المتون هدوم
ونذر لحسين شوغات بثوابه
🔥🔥🔥🔥🔥🔥🔥
ياخرابه اليمشي درب ما دايسته الجدام
شوك الصحاري يشكك جدامه وثيابه
🔥🔥🔥🔥🔥🔥🔥
ياخرابه عيد الزمن سوانه لهل الشام
والمايوصلنه الوكت خلانه على بابه
🔥🔥🔥🔥🔥🔥🔥
ياخرابه النجوم الضاويه ليل بساج
ذوله اهلي اهل الكرم واهل النجابه
🔥🔥🔥🔥🔥🔥🔥
ياخرابه رقيه ما تسكت بيجها يطول
شلون اسكتها شلون انومها بغيابه
🔥🔥🔥🔥🔥🔥🔥
ياخرابه الصوت عالي صوت اليل مسموع
سمعو صوتها وجابو الراس بخضابه
🔥🔥🔥🔥🔥🔥🔥
ياخرابه رقيه ماتت من حزنها وجور الفراك
شبكت حسين وشمت ايامه شبابه
🔥🔥🔥🔥🔥🔥🔥
حميد رسن العكيلي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
امنيات غريبه
اتمنه الوكت يرجع وسولف عنك هواي
ونعيش أبفي حنانك والسبي مالايگ وياي
هجي اصحه واشوفك لانك انت شارب الماي
يكون الكون كله يروح مني وانته الي جاي
حبيب حسين ونرد لهلنه وللخيم
حبيب حسين. ويرجع القاسم مبتسم
يمته ترد. يالمبتعد
علينه العدو. كل سا يهد
/////////////////////////////
يمته انرد لهلنه من السبي جاوين اهلنه
يرجعون اشوكت من الحبل والله تعبنه
يمته ايرد ابوفاضل عدل ويرف علمنه
وينصب خيمه خيمه للحرم ويلم شملنه
منيات خيام وترجع الرايه للضعن
منيات خيام بالهيمه مايتراكضن
هذا الدرب. ايشيط الگلب
ماينحمل. حجي الغرب
////////////////////////////////
ضعنه يابو الاكبر بالفله وحجي السبي اشكال
گطعناها الدروب وضيم گلبي من الاحبال
تمنيتك عدل ونرد سوه ونلم الاعيال
ياحال الكظه فوگ الهزيله عمره ياحال
ضياع ضعن بالضلمه يمشي وبالضوه
ضياع ضعن طلعن غصب من نينوى
يرد الوكت ريت اشوكت
صوب اخوتي بعيني درت
///////////////////////////////
بحضن حسين اتمنه يرد واسمع نواغيه
ويوميه لبو فاضل عبد نمشي ونراويه
يشمه ابرگبته عبدالله ويقبلهن ايديه
عبدالله كبر يابوعلي الاكبر يلوليه
يريت يصير ابحضن الحسين الولد
يريت يصير. يناغيله ويلولي العبد
اتمنه السهم. يطلع حلم
وبرگبته كل سا يشم
///////////////////////////
تمنيته حلم هذا السبي وماصاير وياي
مو بيدي الحبل هجي الگمر ابضعني حداي
مو غربه وتعب ضيم وسبي وماحاجه للماي
ويلتم الشمل واهل الضعن كلهم سوه حذاي
العذاب يروح من تنجمع كل الاهل
العذاب يروح من ماكو خيل ولا هزل
واهل الهوه. كلهم سوه
وزلم الخيم اطش الضوه
/////////////////////////////
وسام المبارك
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
محرم ه_م
قصيده للسبي
اويلاه يا زينب اويلاه يا زينب
★★★★★★★★★★★★★★★؛
الچانت اميره مدلله وتتباها
عالعز ابوها من زغر رباها
الما واحد اباب البيت شافاها
صاحت اميه ميسره جبناها
بسياطهم تتعذب اويلاه يا زينب
★★★★★★★★★★★★★★★؛
الچان ابو فاضل لازم بإيدينها
بحبال خشنه مربطه چفينها
الضم راسه امس هسه يدور وينها
والسطر امها رد سطرها بعينها
بالدم ظهرها اتخضب اويلاه يا زينب
★★★★★★★★★★★★★★★؛
آلام زينب عالجسم تترامه
واللي گلبها زيداله الامه
جاها اللعين الخارج من اسلامه
رايد سكينه الحرمته خدامه
هذا المصاب الاصعب اويلاه يا زينب
★★★★★★★★★★★★★★★؛
ا يا گلب زينب اشاف وقاسه
بعد الأمان الچان وي عباسه
من شافو حسين انتهت انفاسه
اللابد بحفره گام طلّع راسه
بالگلب نار وتلهب اويلاه يا زينب
★★★★★★★★★★★★★★★؛
رغم المصيبه ورغم كل الصابها
زينب تظل هيه ويظل احجابها
ان چان وي اهلها ان جان وي اجنابها
ما تذل هيهات اليذل سلّابها
حتى وإن تتسلب اويلاه يا زينب
★★★★★★★★★★★★★★★؛
بيها شموخ الدين بيها إشراقه
رايه وتظل راية علي خفاقه
طاقه وتظل متجدده هالطاقه
وينتصر دين الله وتذل سراقه
والنصر هوه المطلب اويلاه يا زينب
★★★★★★★★★★★★★★★؛
جعفر عطيه البزوني
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
ياقتيل العبرات .. ياشهيد التضحيات
ــ⊱☆☆❀☆☆⊰ــ
لمجلسك يحسين نركض جينه
اندور اعله الدمــــعه تعلم بينه
امصـاب عاشـر والله ماناسينه
ابكثر ون اسكيــــنه الك ونينه
ياقتيل العبرات .. ياشهيد التضحيات
ــ⊱☆☆❀☆☆⊰ــ
كل موالي ابخدمـــــتك يتباهه
كسب منــك كل نعمته اوجاهه
شاني يكبر لو قصــيده اقراهه
الك. يحسين وعلي اشمحلاهه
ياقتيل العبرات .. ياشهيد التضحيات
ــ⊱☆☆❀☆☆⊰ــ
الطم فوگ الصــــدر مايكفينه
حـرگه بيــنه المجلسك تدرينه
غالي عدنه اهواي يابواسكينه
ما نوفـي اشـما الك ضحيـــنه
ياقتيل العبرات .. ياشهيد التضحيات
ــ⊱☆☆❀☆☆⊰ــ
الك يابو الاكــــــبر ابكل ليله
نقره لطمـيه ودمعــنه انسيله
منهو غيــرك يستحق نبچيله
الما خــدملك بالحشـر ياويله
ياقتيل العبرات … ياشهيد التضحيات
ــ⊱☆☆❀☆☆⊰ــ
عايشين ابخــــــــيرك والطافك
كعــبه انتـه وفـاز كلمن طــافك
ابگلـــبه كلمن يابو الاكبر شافك
ايعيش خادم مخلص وماعافك
ياقتيل العبرات … ياشهيد التضحيات
ــ⊱☆☆❀☆☆⊰ــ
✍الخادم
كامل السعيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
نزله شوور
مامدفون والينه مامدفون والينه
*—————*—————*
نايم بالشمس والحر
ذاري الرمل بالمنحر
لا مدفون ونصلي
حسين بكربله اطشر
مامدفون والينه مامدفون والينه
*—————*—————*
صلاة الوحشه اصلي لك
يخويه الفاتحه احجيلك
محتاره شنو انويها
لا من دفن واهديلك
مامدفون والينه مامدفون والينه
*—————*—————*
ثلث تيام تاذيني
حدر خيلهم حسيني
ويلي راسه يبرالي
وانه بحبل جفيني
مامدفون والينه مامدفون والينه
*—————*—————*
ريحانة رسول الله
جاياهو عليه صله
موذر ياهو ليلمه
اصلن محد مغسله
مامدفون والينه مامدفون والينه
*—————*—————*
ردنه بصفه ونصلي
شويه ماي اله نخلي
ذبلن بالحر شفافه
اشوفن جسمه هل يغلي
مامدفون والينه مامدفون والينه
*—————*—————*
✍باقر جبار الشويلي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
يابعد العيون انه اختك ام عون
الكربله جيت بحميتك ياابو الغيره
اتسولف الدمعه ضعنك منو يرجعه تضل بالكلب لسعه بنار الخيم
يحتركن خيامي يل عالنهر ضامي
وتزيد ألالامي… يابو الشيم
ابچيلك هواي يمعطش الماي
الحرم يا أبو فاضل ضاله بحيره
خويه يكفالي يلجنك خيالي
بكل لحظه تبرالي.. وينك يخيي
بنص الزلم امشي يالشيبت رمشي
ذله وهضم بلشي تصعب عليي
ياخويه عباس لماعدهم احساس
يهضم بگلبي حجيهم صعب تفسيره
يامعنئ للخوه يالكلك مروه
يل بسمك اتگوه يبو الفضل
يالعايش بروحي شيهيد جروحي
عگبك يضل نوحي ودمعي يهل
جيت انه بحماك وامشي اعله ممشاك
باجر يفرون ضعنك ديره من ديره
لو بيدي اجي يمك خويه والم جسمك
وبهداي اجر سهمك بلكي ترد
ياريت اودعنك وبانفاسي اشمنك
خاافن الجمنك حيلي ركد
اعذرني مااجيت حيلي انته هديت
حسيني ضل حاير خطيه صعبه وجبيره
باقر جبار الشويلي
المجموعة الثامنة – قصائد حسينية مكتوبة
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
#قصائد_للسبي
#طور_يابوفاظل
*ها يزينب.•.•.•والخيام بلا زلم*
*ها يزينب.•.•.•والجفوف بلاعلم*
*ها يزينب.•.•.•شلون حالج بالسبي*
*ها يزينب***ها يزينب*
✿────↻✿…✿↺────✿
✿────↻✿…✿↺────✿
طايح انته وبيك شفت انه الفجيعه
من المخيم شاهدت جثه صريعه
وبجبينه كافلي سهم الشريعه
عله حالي شاهدت تبجي الوديعه
*ومن ااشاهد.•.•.•جفه وي راسه وگع*
*ومن اااشاهد.•.•.•حافر بصدره انطبع*
*ومن ااشاهد.•.•.•خيمه انته والعبي*
✿────↻✿…✿↺────✿
من اشاهد عالوطيه الگاع حمره
بلحظه وحده اختل شعوري بيه جمره
وين ادور ياكفيلي وحرت بامره
حسين وحده بكربله ياخويه احظره
*واعدتني.•.•.• يبن حيدر يالفحل*
*واعدتني.•.•.•مايمرر زينب زعل*
*واعدتني.•.•.•لخدر باقي والنبي*
✿────↻✿…✿↺────✿
شحال گلبي يم كفيلي موذرينه
بعيني اشاهد مصرعه واسمع ونينه
والجفوف مگطعه تومي علينه
ياكفيلي شلون حالي ماتجينه
*والله كلفه.•.•.•بنار حرگوها الخيم*
والله كلفه.•.•.•والي مالها ااالحرم*
*والله كلفه.•.•.•امشي لۆاحبي حبي*
✿────↻✿…✿↺────✿
يابوفاظل والسهم من صابه عينك
والزنود مگطعه ا يسره ويمينك
ماگلت زينب تضل تسمع ونينك
حسره خويه بالگلب الله يعينك
*وانه وانته.•.•.•مثل شمعه وانطفت*
*وانه وانته.•.•.•روح وبلحظه انتهت*
*وانه وانته.•.•.•للخوه انته مطلبي*
✿────↻✿…✿↺────✿
ياكفيلي اعله النهر موراح اودعك
هاي اخر لحظه الي بيها ارد اشمك
موداع اختك يالكلف يااريت اضمك
موذر انته يالبطل ياهو ليغسلك
*ودعتكم.•.•.•يلي نمتوا عالترب*
*ودعتكم.•.•.• ماشيه وي الغرب*
*ودعتكم.•.•.•بيده يضرب الاجنبي*
✿────↻✿…✿↺────✿
✿────↻✿…✿↺────✿
#لايسمح_تغير_اسم_الشاعر
✍باقر جبار الشويلي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
((من ايدي))
من ايدي اخذني الكعبةّ اطفوفك
وراويني جرحك وارسم طيـوفك
لو لحضه كافي لحضه لو شـوفك
الگــلب تعبني الك يسبگني
يعشگ عيوني عشگ زودني
يتاج الراسي يـــــروح انفاسي
يتارس خلگي وحروف احساس
مشتاگلك دمعه وشجن
حنيتـــك اتغـطي وطـن
يــالماتسد گلـــبك ابــــد
گلبك مثل باب الحــسن
يابو علي ياسيدي …
“””””””””””””””””””””””””””””””””””””””””
محتاره روحي وترسم عيونك
ارسم واگـلــك سيــدي شلونك
بشرني ويـن العيله وضــعونك
الرضيع شلونه شحلاةّ عيونه
المهد ويريـده صبح مجنونه
ورد انفاسـه الگمر بحساسه
الاكبر روحه رقـيه بــــراسه
يازينب بروحــك غِــدتّ
وبيها الســــوالف شيبت
كل عثره من عدهـا دمع
كل خطوه بالهزله مشت
يابو علي ياسيدي …
“””””””””””””””””””””””””””””””””””””””””
المجروحه روحه تكبر اشــواگه
وزينب تودعك مــن على الناگه
وتصيح خويه هــواي مشــتاگه
الك عطـشانه بدمع ولهانه
مشت بالگوه بهجر ذبلانه
گـــــلبها الهايم جفن مانايم
العشگ سهرها ويلوم اللايم
يعين الله زينب والحرم
من ودعن راعي الخــيم
وتـــــعدن بجــرف النهر
شافن دمـــــع من العلم
يابو علي ياسيدي …
“””””””””””””””””””””””””””””””””””””””””
هجرك قتلها وعــافت الديره
وراحت سبيه بمركب الحيره
حُبك عذاب وصـارت يسيره
اليحب يتعذب بدمعته وينحب
واذا عــــالناگه بصــورك يشرب
يطشـــــر لونه وفــلا يعرفونه
اليحبك حيره بدمـــع يلگونه
من يدخــــل الشام بهزل
بچفــــوفه يتسـامر حبل
وزينب مثل جمره بگطن
بهــداي دمعــــــتها تهـــل
يابو علي ياسيدي …
عبد زينب
محمد الابراهيمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
((مشتريني))
مشتريني ..
رغــــــــم محد گلباني .. مشتريني
مشتريني ..
كسرو بسعري وخذاني .. مشتريني
ثمن باهض وشتراني
وبخدمــته الكـــبراني
شگد حنين ومانساني .. مانساني
شگد حنين وماكو منه
هـــــاكثـر ينزف محنه
الدمعه من طـيح جنه .. والله جنه
گبل لا گله آنه اسف يفتح چفوف المراضي
گبل لا سئله عليه يگـلي يبني أعليك راضي
يالمحنه ياحسين …
“””””””””””””””””””””””””””””””””””””””””
هذا طبعه ..
مــــــايسد الـــباب مره .. هذا طبعه
هذا طبعه ..
أمسكن احوافر بصدره .. هذا طبعه
چنت ما اعرف هواجس
جابني احـــضر مجالس
والحزن گلـــب النوارس .. النوارس
علماني أعله المحـاچي
وصرت فاهم بالبواچي
من يمر طاري التـراچي .. التراچي
يالسعاده وآنه خادم يافرحتي وبخدمتي
گبل مامفهوم دمعي هسه لا افهم دمعتي
يالمحنه ياحسين …
“””””””””””””””””””””””””””””””””””””””””
سامحتني ..
بعــــين يمــكن بيها باچي .. سامحتني
سامحتني ..
وصدفه اجت كلمةّ تراچي .. سامحتني
ومدري شنهي الصار بيه
گمــــت اصيحن يـارقيه
گتــــلي ابچــي عالسبيه .. عالسبيه
وگلت محروگات أديها
زغيره والحُـب مبتليها
المات من حــگه عليها .. اي عليها
شبگت براسي رقـيه تگلي ارجع بويه ارجع
عيني ماتدمع أضنها الدمعه من النحر تطلع
يالمحنه ياحسين …
“””””””””””””””””””””””””””””””””””””””””
يارقيه ..
گمت اصيح وهيه سكته .. يارقيه
يارقيه ..
والنحـــــر دمعه عــذرته .. يارقيه
وزينب تعـــــاين دمعتي
هواي تبچي زينب اختي
مـــــاتت بحــيره طفلتي .. ياطفلتي
ماتت بچلمــةّ يبابا
ليل وبنص الخرابه
گلب زينب ياعذابه .. ياعذابه
ودمــعةّ السجاد تنزل يالهيب المــاله تــالي
وصرخةّ العاشر محرم رجعت بدمعةّ عيالي
يالمحنه ياحسين …
عبد زينب
محمد الابراهيمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
((وابتسم))
وابتسم
وأحّتزم .. بالعلم .. ونرسم
مرجــله
والــمهر .. بـالألم .. حــامله
لــــلنهر
مقصده .. والزلم .. شـارده
بيده ومحسوم القرار
هوه بس يملك الخيار
يذبح لو يكــتل عذاب
يسحگ لو يشـعلها نار
زلـــم مــصفوفه وتـــباوع للقرار أمحضره
يــوم ابــو فــاضل يويلي چنه يوم الاخره
والتصد عينه أعله جندي جهزو ربعه چفن
والگمر والحومه بيده وروسهم عالمسطره
ابو فاضل
ابو فاضل …
“”””””””””””””””””””””””””””’
ماكو حس
لا نــفــس .. والحچه .. يگله أسّ
مـحـــكمه
صـارمـــه .. والحكم .. بــــالــدمه
مـــعــركه
آفـــــكــه .. والــخشم .. يــفـركـه
الـــينــضر للـــكـافـل يموت
سكته والعسكر ماكو صوت
ســيفه ويــلهم مثل الحوت
يرعب مــن يــمه الــــيفوت
عــالمخيم چــنه ورده وعــالعساچر قارعه
حتى نخلات الشريعه من نضرته أمصرعه
والنــهر بجروفه لابـــد شارد ويه المشرعه
دم دم بســيفه علـيهم والفــوارس مّسّرعه
ابو فاضل
ابو فاضل …
“”””””””””””””””””””””””””””’
والــزلم
تنــهظم .. مدنگه .. للشهم
بس تفر
من يمر .. لـــلقتل .. تنتضر
قل هوه
بـل هوه .. ماسكن .. للهوى
حاير كل جندي بسؤال
حــيدر لــو هــذا المثال
حيدر راجع للــطــفوف
صعبه وي حــيدر قـتال
بـــدر شايلها بچفوفه وأُحدّ تبچي الخندقه
ياهو يوصل يم ذراعه وبيده شايل مطرقه
واليحب يــاخذ أعيــونه يوگف أگبال الگمر
والسـمه چنــها تــدَنت عــالجيوش ومطبقه
ابو فاضل
ابو فاضل …
“”””””””””””””””””””””””””””’
عيـــلته
رايـــته .. والأمل .. جربته
وَحَـــده
لــلعــده .. قاصداً .. موعده
مـقـمرن
مشمسن .. للنهر .. ساطعن
ســاطــع شمــس ابلا غروب
وعسكر شمعه وضل إيذوب
صــوتــه ويــهــز الــجــبـــال
نشمـي وفــارس بـــالحروب
يــعرگ مــن إيگله أخيه يا أبوّ فاضل أخي
ومن يهد صوب الحطيمه يازجيه وينتخي
هذا هوه صِنع فــاطم ضــخر فاطم للخدر
سوته نشمي الزجيـه وهيـبه بالملگه سخي
ابو فاضل
ابو فاضل …
عبد زينب
محمد الابراهيمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
ياتـرى هالـقـافـله .. شگد مأسي شايله
وكل فرد بيها يصيح
كربله ياكربله
_____
ابقافلة بيـت الرسالــه الوادم الغربه تجر
الچان عباس ايحديها گام يحديها الشمر
مچتــفات ايـــات الله وماخذيــهن لليسر
حسين من الغيره كلسا رمح راسه ينكسر
ومن يطيح اعله التراب .. زينب اتصيح الحجاب
التحچي لتبدي الدموع
الصار خل تتحمله
_____
راحن وراحــت وياهــن بالعــيون الذكريات
الحنه حلم اچفوف رمله البالحبال امگيدات
هــزت الكاروك نعمـه ونــقمه علّي فــاگدات
آي يدمعات الرباب العلى خدها مخضرات
يادللول الرباب .. چوت اخدود التراب
اتلولي عالناگه وتگول
آ ينبلة حرمله
_____
النوگ والحر والصحاري والتعب فوگ الحزن
تبتــلي العـــلويه بلــوه هـــيه لو رادت تـــون
التغفه عالناگه وتطيح ايعوفها عادي الهجن
وزينب الله يعين زينب ابد ماطبگت جفن
وينها اوين المنام .. من عگب عين الامام
تلتفت يسره ويمين
حايره بالعايله
_____
قافلة اهل الســكينه الــغرب تحــديها عجب
وزحمه راعي الحسب من ايأسره الماله نسب
النوگ الــبلايه محامل بالمــشي اتمــوت تعب
ابكربله ماضل محــامل كلشي بالطــف انهب
الماطلع الهن خيال .. راحن ابنص الرجال
هايه توجع كل غيور
سوطه عالنسوه اعتله
_____
فنها اذا عـــلويه صـــاحت خويه اذانه الصبح
اجروح احـــنه والشماته اعيــونهم مثل الملح
التحچي وي كافلها كلمه تنطگ ابچعب الرمح
من عمت عين الزمان شگد وكح وشگد صلف
ماتمر دوم اعله بال .. العفه تنگاد بحبال
والجره الاهل الحسين
ابد ما مانتخيله
_____
_____
حيدر تركي الكربلائي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
للسبي
.
.
.
حـرامـات .. الامــيرات .. ســبيات
يابو فاضل
__
الچانن ابنورك يكشخن چيه ضواك ايحيط بيهن
والنــجم ياخـويه اذكــر يخــجل ايــباوع عـليهن
عــگب كــل ذاك الـدلال وعگـب عــزهن ياولـيهن
هــسه عــلويـات الله بسنــسله امگيــدين اديـهن
الكريمات .. الامــيرات .. ســبيات
يابو فاضل
__
البالظعن كل ساع اعدهن تعرف ابأختك وفيه
امن احسبتهن لـنه ظعـني يالاخو ناقص سبيه
النــوگ كلــهن شايـلات وخــاليـه نــاگــة رقيه
صحت يالحادي انتـظرها يســمع ومـارد عليه
معـانــات .. الامــيرات .. ســبيات
يابو فاضل
__
شامت امن ابعــيد صاح ايگــلي وينـه ابو فاضل
ها يزينب شـو خواته عـلى الــنوگ ابـــلا محامل
آشـــر النــسوانه گــال اســتقبــلنــهن بالــهــلاهل
الضحكه ترست وجها كوداً شافنه من غير كافل
وگلب مات .. الامــيرات .. ســبيات
يابو فاضل
__
يالاخــو المــاشـايفتــهن اعــتقد حتــى المرايه
هسـه صارن خــويه فرجه وطبــبوهن بالولايه
الشمر ترس اذني حچاها وموتـتني هالحچايه
گال ذنــي امـخدرات وهــسه جبـناهن سبـايه
حـكايـات .. الامــيرات .. ســبيات
يابو فاضل
__
على ياشده اسولف خويه وبگلبي الـف شده
الشامت اعليه يخويه السانه كل ساعه يمده
على اسـكينه النـوب أشر رادها خدامه عنده
صحت وينـك ياكفيلي يابو فاضــل گوم رده
بالآهــات .. الامــيرات .. ســبيات
يابو فاضل
__
النايــبات اخـلاف عينــاك بالفـــواط ظــيــم ســــون
ونــوگــهن ونـــت عليـــهن مــن كـــثر مــاهـــنه وَنن
ماحچــن كــلشي خــواتك غير بــس ياخـويه يـبچن
امتونهن عالگاع طاحت من ظرب سوط ابن جوشن
وجراحات .. الامــيرات .. ســبيات
يابو فاضل
__
تمت والحمد لله
حيدر تركي الكربلائي
المجموعة التاسعة – قصائد حسينية مكتوبة
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ــــــــــــــــــــــــــــــــــــــــيبوية ما ترجع بعد يغـــالي
شلعن كَلبها بنيتك الليــالي
***
علمنـــي انســه حتــى اكَدر انسه
يالذكرك بكلشي كَمت أحســــــــه
احچي ويروحي وآنه روحي خرسه
حتــــى مهد عبدالله بويـــة خـــالي
***
چــاما خذتنــي بويــة وي رقيــة
لــو بالدرب خــايف تجي المنية
أهــون يبويــه موتتــــي عليــــة
بس مـــا رحت كل القــهر أجالـي
***
من رحتو ما تغمض يبوية عيني
محد بقــــالي واحچي وي ونيني
كل ســاعه حسبـالي الأجل يجيني
كلمــا اريد انســه تجــي على بالي
***
ألمــن أعيشن بعــدك وأتــانـــي
شَبَعنــــي يابويـــة قهر زمانــي
خافن تجــي وتلكَه البچي عماني
حتى الدمـــع يابويــة هم بچـــالي
***
يابويــــة لو انـــدل جنت اجيـلك
أتمنـــى امـــوت ولا ألــم رحيلك
خاف السهم ضامي ويجي بدليلك
رادود دعمـي وعالحزن قرالــي
***
حتــى النهار بعيني أشوفه أظلم
واتخيـــل أيتـــــــام وحركَ مخيم
من العطش عبدالله يشتهــي الدم
جم رفسه حاضن صدرك ابدالي
***
أمبينـــــه هــذي رحلتك طويلـــة
وحضنـــي بعد يابويـــه ما تجيلة
ياويله كَلبــي من الحزن يويلــــة
من رحتو بويــه وآنه هيچي حالي
***
حيدر حسين الكَرعاويـــــ
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_السبي_محرم_الحرام_١٤٤٤_هـ
السلام على الحسين ابن علي ورحمة الله وبركاته
جاب النوك هزله وكال اصعدنها 😭
ودروب السير كلـــبـي ارتعد منها
ـــــــــــــــــــــــــــــــــــــــــــــ
يامهدي يامهدي
****
بحـــــدِ الصقيل وبأسِ الكــــفيلِ
للقياك ســـــــهرى عيونُ العليلِ
يشــبل الهواشم يبخــت الفواطم
يخواض الأهوال يحيد الملاحم
يشــــيخ بكلامه وشديد بحسامه
تخيل مهرتك يوعــــــد الإمامه
يامهدي يامهدي
***
ونادى المُنــادي نكـــــالَ الأعادي
فدمدم عليهم بأرضِ السوادِ
يبو صالح اليوم جمر كلبك اهموم
يسيف المنايا يشــــيال العلوم
يســـبع الحرابه العليل وامصـابه
يتاني بجروحــه تحل الطلابه
يامهدي يامهدي
***
وجـــــــاءَ النداءِ بصوتِ السماءِ
لمُحيي الشريعه وحامي اللواءِ
يمرعب يمرهب يحـــيد الكتايب
يشبهه الصميده ويليث الحرايب
توكل تحـــــزم تهـــــــــندم تلثم
على السلبو الديـــن يمهدي تقدم
يامهدي يامهدي
***
لثـــــــأرِ الخـــيامِ ونحــــــر الإمامِ
توكل بزينــــــــب لبدءِ القيامِ
الك جــــــم سبيه وســكينه ورقيه
تنطرك تنشف دموع الجريه
تجيب الخذوهن تعذب الســبوهن
تكطـــع توذر تذل الولوهن
يامهدي يامهدي
***
فزمجر عَليهم وأقـــــــــدم إليهم
وحَطم عروشَ الظــــلامِ وغيهم
تســــل البواتر تخلـــي المناحر
على الغبره تلــــــه جثثهم بيادر
يزيد الخـــيانه تجره امن اذانــه
والأول تسحله وفــــلان وفلانه
يامهدي يامهدي
***
رؤسُ الطغــــاةِ البغــــاةِ العــتاةِ
اساسُ البــــــــــــلاءِ ومنعِ الفراتِ
العطاشه السبايا اليتامه الضحايا
بسببهم رضيعك يضـــــوك المنايا
بسلاسل تكظهم تجمــع تلمـــــهم
تدوس وترضــرض تهشم خشمهم
يامهدي يامهدي
ابو علي الركابي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((دخيل الرايه))
عباس .. يــادخـيل الـرايه البـچفوفك
عباس .. غيرتك يابو الفضل بحروفك
عباس .. يـــاجمالك من بعيد انشوفك
خدمتي شدها امُحتواك
احبك وامشي بس وراك
عشگتك انته ومسـتحاك
دخيلك .. دخيلك
دخيلك ياروحي ومناي
احبك وأشـــتمك هواي
اجيلك وانته ألـيه جاي
دخيلك .. دخيلك
ياموت الخيل
يـــاعذاب الحومه بنضراتك
يــاصگر الليل
ياذهب من تنحچي چلماتك
حُــبك ياويل
ياحبيب البسمه من صفناتك
عباس … عباس
“”””””””””””””””””””””””””””’
وفاي .. يـاعجيد الساده والمو ساده
وفاي .. وأسمك بجيد الخيام أكلاده
وفاي .. تــرد مكسوره التجي هداده
اليجيلك يرجع بس خيال
اليــقاتل مــايــحمل قتال
يفـــارس وتـــــنادي تعال
دخيلك .. دخيلك
محارب والجيش برجيف
يــهــيبه بس كلش عفيف
شجاعه بـــالهاله ومخيف
دخيلك .. دخيلك
كـــل كان وكان
يبو الرايه أعله السمه مرسومه
مرويّ العطشان
خـــــوفه ضلت بالنهر من يومه
راعي الميدان
هوه راعي وهـوه ابوها الحومه
عباس … عباس
“”””””””””””””””””””””””””””’
عطاي .. يــالمـــسبل لـــلسهام احـلامه
عطاي .. يـــالــــتلوذ ابكتره كل خدامه
عطاي .. وشحلات الريشه فوگ الهامه
هدوئه معشوگ وحبيب
نضـــرته للـــميت طبيب
بسمته الــعبدالله حليب
دخيلك .. دخيلك
شـجونه مَيال وحنون
دلاله همس البل عيون
رتبته حارس للـضعون
دخيلك .. دخيلك
للـــــــعلـويات
كافل وحــارس منو اليتعده
للـــحــــوريات
محمل المهيوبه بيـده إيشده
بس بي نضرات
والهوى اليوصل خيامه إيرده
عباس … عباس
“”””””””””””””””””””””””””””’
عالراس .. نـاگةّ العـلويه نـــص عيونه
عالراس .. والمخيم دگـه فوگ أمتونه
عالراس .. كافل ونشمي هله أيسمونه
حنينه روحه عالعيال
لطافه گلبه وبالسؤال
گمرهم ماعنده مُحال
دخيلك .. دخيلك
عطــــاشه معقوله الخيام
بجربته مرتويه الحــــمام
الحضرته ومحنيه السهام
دخيلك .. دخيلك
لو مـــهره إيغير
يصـــير أولهــا بأثر تاليها
والجيش إيحير
هذا عباس ويطب أعليها
عباس إيــصير
حيــدر وخيبر يهدم بيها
عباس .. عباس
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((فزر حسينا))
ابو الحـب والطمئنينه
عطوف ورحمته بعينه
ضريحك يجمع الوادم
وگلــبك هـــم يلمّ بينه
يل مامثل گلبك گلب يالتـسند العاثر
بحنيتك ترحــب دمـع يالتشبگ الزاير
كل أمنياتي زيارتك والحيره اضوگنهه
هوه العشگ لازم تعب لازم تضل حاير
معنى اليحب يشبع ألَم
وبــعيونه يتغازل سهم
واليبرد بدربـــك عشگ
خل يقترب مـن الخيم
((اذا شئتّ النجاة فزر حسينا))
“””””””””””””””””””””””””””””””””””””””””
اجيتك والجرح فاضي
أخــافن بيــه ما راضي
أتـــوبلك مشي الزينب
عبد ياحضرةّ الـقاضي
بطوگ العبوديه اجي والحب ترس عيني
ياملجئ عيـــون البشر يـــاقيمتي وديني
ياحـــضرةّ الحب سيدي ياملتقى انفاسي
مو هسه حبي والعــشگ من يوم تكويني
لـــمن چـنــت ذرى بهوى
صـــار انــحنائي النينوى
ومن زرعو بطيني عشگ
گمت آنـه أگلــــــلهم هوه
((اذا شئتّ النجاة فزر حسينا))
“””””””””””””””””””””””””””””””””””””””””
أزور أنـــفـاسك التسري
وأشــمّ بــمنتهى صدري
شتضملي الدنيا ما ادري
انـــتـــه الــتـعلم وتـدري
ما أدري اضل بخدمتك لو اخدم أيامي
يابو المروه بشاربك خليني اضل ضامي
شما يبتعد دربك أجي وألطـملك وأبچي
يلوموني أحضر مجلسك والهزله گدامي
ياناس أنه صاحب جرح
آنـــه ألأبوّ فـــوگ الرمح
آنه الحســـرتي بخاطري
مــن الصبح حــد الصبح
((اذا شئتّ النجاة فزر حسينا))
“””””””””””””””””””””””””””””””””””””””””
أطحن روحي بشواگه
وأرســم عــثـرةّ الناگه
وأهيم بعبرةّ العـــاشر
وأهيم بلــــوعةّ فراگه
والعــاشگ مقــصر يضــل ويــقـدم ذنوبه
مايهتم بذولي الحــچو كــل همه محبوبه
وخــليني احير بدمــعتي وبزيارتي وليلي
ومبريه ذمته ألي حچه وگلهم يشگ ثوبه
كون آنه اشگ بيه الحقد
حـــتى مــن ازورك أنولد
والشـــايــل بـگـــلبه علي
عــــالـــوادم يـــوزع ورد
((اذا شئتّ النجاة فزر حسينا))
“””””””””””””””””””””””””””””””””””””””””
عبـــير الحب يصليلك
وشجون البيه ابچيلك
ونـــاتـج دمعةّ عـيوني
خدمتك سيدي دخيلك
يَمّعلي شآني بخدمتــك يالرحمتك بيه
تزورني ذيـچ ام الخـــدر يالتلزم إيديه
أعثر وأردَلك لطم وتــضــمني لضلوعك
يا (ها) كثر بيك العطف يالتبچي حنيه
يالماشفت مـثلك ولي
ونار العشگ تغلي غلي
يــمقـسم خدودك وفه
خد الوهب خــد العلي
((اذا شئتّ النجاة فزر حسينا))
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
كعديه للنصار
انصار عدنه الموت احلا من الشهد
بزود ابو الـــــــــسجاد زامط بينه
انته كلشي وكلشي انته بهل عمر
شلون عنــــك يابو سكنه ونعتذر
اخبار عدنه اخبار والزينب تسر
نموت دونك ســــــيدي وتدرينه
الموت وبهذ الدرب يعني النجاة
الدنيه بعد حـــسين مابيها حياة
مايهمنه شـــماكثر جيش الطغاة
الموت لجـــلك سيدي اليحينه
احنه عاهــــــدناك مانخلف عهد
اله ناخــــــذ ثارنه وانته السند
لو الف مــــــوته نموت نرد بعد
هل عمر لجــــــلك نذر منطينه
فدوه هاي اعمارنه لبن الرسول
هناك باجـــــر نفتخر يم البتول
شنهو هــلدنيه اذا رادت تطول
والزجـــــيه هناك اهي تواسينه
الزجيه هنـــــــاك تحضر بلحشر
فرق بين تشوفنه تشوف الشمر
احنه نتفــــــــاخر وهوه بيا عذر
شفاده عمـــــره طول خل سنينه
ابو سلام الجابري
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
#قصائد_العليله_من_الارشيف
من الارشيف قصيدة (يالحبايب) لفاطمه العليله عليها السلام
يهلــي نــاويـــن السفـــر
ذكــرى عـــوفولي وأثـــر
لـــو عطركم لـــو صــور يـــالحبــايـــــب
ــــــــــــــــ ♠♠♠♠♠ ــــــــــــــ
يهلي اليسافــر للغــرب يتـــرك اثـــر لحبــابــــه
خاطـــر يسكّـنْ لهفتــه ويخــف علــيه أمصابـه
غيــر الهــوى محد يجــي باچــر الــه يدگ بابــه
يبقى يتـــاني أعلــى الـدرب بلكن تـــرد غيابــــه
الفاگـــد أحبـــاب الگلب
چنه عــايش بالغــــرب
يتنظــرهــم عـالـــدرب يـــالحبــايـــــب
ــــــــــــــــ ♠♠♠♠♠ ــــــــــــــ
عنــدي طلب يــا والـدي أدمـوعي راح تخبــرك
انطيني خيـط أعمامتـك خاطر أشـم بي عطـرك
أِتــوسده وروحـي تظـن يابويــه تغفــه لصـدرك
من عطـره دلالــي يحس سيف الشمر حز نحرك
عطــره يــرسملي صـور
سيفه يگطــع بالنحــر
وصــدرك اشعــر بي اثر يـــالحبــايـــــب
ــــــــــــــــ ♠♠♠♠♠ ــــــــــــــ
يــا عمّـه يـا حيـف وأسف وجهـچ يغــيب أعلــيه
وبــاچـــر تــروح لــكربلـــه يـا عمتّـي الحنّـيـه
انطيني من ثوبـــچ علگ اغفــه عليــه أشـويــه
يا عمّه أشمّـه واعـرفــچ رحتـي لغــرب مسبيه
عمّــــه وبحالــچ أحـــس
محاصره بجيش الرجس
والنسه أبّحـــر الشمس يـــالحبــايـــــب
ــــــــــــــــ ♠♠♠♠♠ ــــــــــــــ
باچــر رقيه مسافــره ويبقـى الحــزن خطـاري
وادري ابدليلـچ يستعـر ونـــارچ تشابــه نـــاري
هـــاچ الــتراچي تلوگ الچ حتـى تظـل تذكــاري
يــا خيتي أحـس يتسلبن ويبقى دمـاهن جــاري
وانظـــر ابديـــرة غــرب
گاعـــده فــوگ الترب
أورد خــدچ ينـظـرب يـــالحبــايـــــب
ــــــــــــــــ ♠♠♠♠♠ ــــــــــــــ
يلّي نــويتو أعلى السفـر بالصبر يهلي ادعـولـي
لعبـدالله عوفولــي رسـم مهــد الطفــل عوفـولي
روحي لــوّن تشتاگ الـــه لمهــده تـروح تلـولي
ومن مهده يوگع عالارض ادري العده شذبحولي
مـــن اصــــدن للمهـــد
چنــه مذبــوح الـــولد
گلبــي ما يحمل بعـد يـــالحبــايـــــب
ــــــــــــــــ ♠♠♠♠♠ ــــــــــــــ
يــا عمــي مــن گبل السفـر انظــر علــيَّ بعينـك
وخلّـــي يمينــي التــرتعش يـا عمــي بين أيمينك
باليسرى ضمني أعلى الگلب فدوه رحت لسنينك
بــاچــر أحــس عالــمشرعــه يتگطعــن چفــينـك
ايطيحن أعلــى المشرعه
اچفــوفــك المتگطعــه
هــــايـه اكبــــر فاجعــه يـــالحبــايـــــب
ــــــــــــــــ ♠♠♠♠♠ ــــــــــــــ
الشاعر
موسى البديري
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
بلاء الماحصل مثله بله حسين
وعمري يگضي بالذله بلا حسين
يربي قوي ايماني بالحسين
تظل لاخر نفس نيرانه بيه
ـــــــــــــــــ ❁ ❁ ❁ ـــــــــــــــــ
.
مشه بدرب الخساره ال ظام الحسين
اليحبه الخير كله ظام اله حسين
الشرب ماي وتذكر ظامي الحسين
وجب يلعن يزيد بكل مسيه
ـــــــــــــــــ ❁ ❁ ❁ ـــــــــــــــــ
.
يخادم خلي زينك سُمعه لحسين..
ترى بشيناتك اذب سم على حسين
حزنك كله حزنك سَمعه لحسين
وبالك لا تجافي ابن الزجيه
.ـــــــــــــــــ ❁ ❁ ❁ ـــــــــــــــــ
لجل كل حاجه عندك راسل حسين
والف هنيال الـ أنطى راسه لحسين
نطق فوگ الأسنه راس الحسين
وحتماً بالطشت كلم رقيه
ـــــــــــــــــ ❁ ❁ ❁ ـــــــــــــــــ
.
ارتويت الغيره كلها ومنهلي حسين
احبه ودوم احسه من هلي حسين
اريد الخدمة لـ الله ومنها لحسين
شرف بيها افتخر يوم المنيه
ـــــــــــــــــ ❁ ❁ ❁ ـــــــــــــــــ
.
لبس يوم المعاره زي نبي حسين
وحياة العترة چانت زينه بحسين
سبيه صعدت التل زينب حسين
تنادي افزع يحماي الحميه
ـــــــــــــــــ ❁ ❁ ❁ ـــــــــــــــــ
.
بعطش لاهم ولاهم من حر حسين
الشمس حرها يتچوى من حر حسين
ذل الطبره بالطف منحر حسين
تبسم للذبح وكت المنيه
ـــــــــــــــــ ❁ ❁ ❁ ـــــــــــــــــ
.
ضرب سهم المثلث گلب الحسين
وابد لتظن بعدها گلّ بلا حسين
شلون وشمر نادى گلبي الحسين
يخيل وحيل ركي ابن الزچيه
ـــــــــــــــــ ❁ ❁ ❁ ـــــــــــــــــ
.
شفت زينب تعاين ضلع الحسين
أثر سحگ الحوافر ظل على حسين
أجت بالشيله اسوت ظل على حسين
لچن نادى الشمر چتفو السبيه
ـــــــــــــــــ ❁ ❁ ❁ ـــــــــــــــــ
.
نعم سرّ الطف وعا بس حسين
وابد لتظن حزين وعابس حسين
نزيف الدم تدنى وعابس حسين
طر ثوبه وتسرفن للمنيه
ـــــــــــــــــ ❁ ❁ ❁ ـــــــــــــــــ
.
طفح عالخير كله وزاد الحسين
البذل لحسين لابد زاده الحسين
الف هنيال الي يطبخ زاد الحسين
ويثوبه بسفرت الزهره الزچيه
ـــــــــــــــــ ❁ ❁ ❁ ـــــــــــــــــ
حسن الموالي الفاطمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
فلـسفة الانتـظار .. للغايب باختصار
اترجمها ام البنين
اترجمها ام البنين
——-
كــلمن منــتظــر غـــايــب .. وگلبه امن الوله جمره
بغمار الحب وجوب ايخوض .. وفلسفة الوفه يقره
امـــن ام عبـــاس اتــعلـم .. يمــن للمــهدي منتظره
عــلى غايـــبها مــن تبچي .. دمــعتها تهـــل حــمره
ودمــوع الانكسار .. للغايب باختصار
اترجمها ام البنين
اترجمها ام البنين
——-
يامن ناطــر الغايـب .. وحچي اسمعونك بكل يوم
تره ام الاربـعه قبلــك .. مـــن الــنـاس شبــعت لوم
المامذبوحلـه ابـن ادم .. ايســـولف حـقـه ماملچوم
والرايحله ابو اليــمـــه .. عــاديـــه يطـلــگ الـــنوم
والحدر اعيونه نار .. للغايب باختصار
اترجمها ام البنين
——-
عـــالــم فلــسفة حــبها .. يـــامـــن رايـــد اتــدرسه
ابحب ام البنين ابحث .. اخــذه وطبــقـــه بـــنفسه
اساس المعرفه القصوى .. الوفـــاء وكـــون مـاتنسه
الامامك شوگك امن ايقل.. امن الطف صدرك اترسه
اشواگك مهما صار .. للغايب باختصار
اترجمها ام البنين
اترجمها ام البنين
——
راح الـكــــربلـه وراحــت .. كــل ايامهــا الحلوه
وكل مانسمه مـن الطـــف .. تمـر بالطاهره تهوه
اعــــز مانمتـــلك احـــنه .. تعـلـــمنه الـــه فدوه
ابلايه انفاس ابو صالح .. كلشي الدنيا ماتسوه
ومن انگول البذار .. للغايب باختصار
اترجمها ام البنين
اترجمها ام البنين
—–
خل اعيونك اتسولف .. والدمــعات بــديها
هوه الفارگ احبابــه .. روحه اتضل تواليها
يمن للمهدي تشتاگه .. ام عـــباس حـاچيها
گلها ابداعة اعيونچ .. جمرتي بيش اطفيها
الدمعه ليل ونهار .. للغايب باختصار
اترجمها ام البنين
اترجمها ام البنين
—–
المثل ام البنين ايعيش .. ينطــر غايبــه اعوام
شــما رادو يــحاچـونه .. تره المشـتاگ ماينلام
هــوه المــنذبح شوگه .. متفزز اجروحه اسهام
اليدور ماي حتى ايعيش .. يمشي مستعد ايام
والاحزانه جهار .. للغايب باختصار
اترجمها ام البنين
——-
حيدر تركي الكربلائي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
قصيدة الانصار
الرئيسيه
.
.
.
فدوه المناحر الك .. تســتاهـل الاكـــثر
خـــذ ماتشا حتــى .. ترضـى يبو الاكبر
مخلوقيــن للطف
يا أيها المصـحف
خــذ ماتشا حتــى .. ترضى يبو الاكبر
——
حاء وســيـن ياء ونــون .. بيــهـا انصارك ايرتلون
مو بس فدوه الك وحده .. الف فدوه الك يرحون
هـا يامصحــف الســاده .. وَحــيه ابكـــربله نــاده
اياتــك عشــــگ فقـــره .. مـن اجــلاده لجـــلاده
دوياً كـ دوي النحــل من تســمع
بذكـرك يعني نتــهجد ولانهــجع
يمرجعنه الذي ميشبها اي مرجع
لامـو مستحب واجب الـك نركع
لوتنگـــلب كــربــله .. مانـــبتعــد خــطوه
وابين اديك الموت .. يسوه وصدگ يسوه
وعنك منتخـــلف
يا ايـها المصحف
خذ ماتشا حتى .. ترضى يبو الاكبر
____
ثق يامصحف الزهـره .. باچر هالحچي اتذكره
عسكرهم گصب يابس .. اواحدنه مثـــل جمره
باچر انـــته لاتــهــتـم .. وجـــه ايزيد يتصخم
الرايد يوصل اخيامك .. يابــو اليــــمه يتـحلم
هيه احچايه وحــده ومانكررها
الضـدك طالعه ثـــق مانــقدرها
الحومه اگبالك وانـصارك أمرها
تريد انگص رگبــها لو انأسرها
عندك اشاوس حرب .. باچر تشاهدهم
بالــحومه عــزرائيل .. يتسمه واحدهم
ريج الجيش ينشف
يا ايــهــا المـصحف
خذ ماتشا حتى .. ترضى يبو الاكبر
——–
عالانـصــــار خليـــها .. المـــاترهـم نــســويها
المايــعرف بدايتـــها .. خلـــي ايتــاني تالـيها
يالغالي الحديث اينص .. بيهم طفك الا يغص
ويـــنــراد المـقابـــرهم .. گد كربله مره ونص
عابس وي وهب مسلم حبيب وجون
عيونـك خـل تــشاهد لمــن ايصولون
بســم الله وبسمـــك لمن ايصــيحون
تلگه جيــش اميـــه اگبلك ايزحفـون
المن جامعة عباس .. يتخرج اشيطلع
لا مو الف والفـين .. سبعين الف نقلع
الصف ايطح عالصف
يا ايـــها المــصــحف
خذ ماتشا حتى .. ترضى يبو الاكبر
——-
الحط اباله يتقـدم .. خطوه الصوب المخيم
خل ايحسب احسابه .. مايلگوله اثـــر ينلم
صـَدگ ياهـــوه الريه .. لو هالكــره الارضيه
كــلها طالـعه ضــدك .. منعوفك يبــو ارقيه
وذر حدرك يبو السجاد نتطشر
ومنعوفك وحيد ابولية العسكر
المعبر هذا فنه الـيوصل المعبر
مخيمكم نگـلهم هذا خط احمر
خدر الله بالخيمات .. والرايــد ايغامر
كلها خمس لحظات .. ولجهنم ايهاجر
والفـكر تحــَسف
يا ايها المصحف
خذ ما تشا حتى .. ترضه يبو الاكبر
——
يالقـــران حـــبك ديـــن .. شنســويلك مقصرين
لو اغله اكو امن الروح .. هم نفديها الك يحسين
عاهـــدنــاك بحـــچــايه .. ومــانتـــراجـع بهــايه
گـــبل رايتكــم اتحارب .. يابـــو اليــمه هالرايه
گبل اهلك يبــو السجاد نتــقدم
وبتـراب الحرب هالــيوم نتيمم
دمنه ايسيل واجب سيدي تعلم
گبل ميسيل منكم ولو قطرة دم
وحدك تظل شلون .. من اتطيح اهل بيتك
هيه الصعوبه بهاي .. اويــاك الــــزلم ريتك
للمــيدان نزحف
يا ايها المصحف
خذ ماتشا حتى .. ترضه يبو للاكبر
——-
حيدر تركي الكربلائي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
نزلة ليلة الانصار
.
.
.
ذوله انصار الحسين باچـــر بالمـــيادين
لا خَوفٌ عليهم .. ولا هم يحزنون
*
صـفوه الله اصــطفاهم للـــنحر والدين
بيـــهم زود / ماموجـود / لا محـــدود
مـتــــروسيـــن بالـــغيـــره الحســـينيه
حـــب حســين بــيهــم يجري بالشريان
حب احساس / مـايــنقاس / ويه الناس
بيــهـــم تـــنعــرف معــنى الانــــسانيه
وگفـــو بالطفـــوف اطـــواد متــحزمين
جيش الالف / منهم خاف / بس ماشاف
هــمتـــهم التــــرعــــب والامــكانـــــيه
ارجال النصرو الدين باچـــر بالمــــيادين
لا خوفٌ عليهم .. ولا هم يحزنون
***
ســـتر الله الخـــيام وهمــه ســاتر موت
متحزميــــن / متهيـــئيـــن / مـتيقــــنين
ان الــــموت جنـــة في ســـبيل ام عـون
نــــاس وللـــشــهـــاده جــــنــــدو ارواح
صاحوا صوت /طاري الموت /والتابوت
ميهـــمنه وحـــقـــيقه بهـــذي ميهــــمون
الحــب بيهــــم وصـل مرحـــلة اليذوبون
حـــب الآل حـــــب عــــقـــال للاجــــيال
من شـــيبة حبـيب ولــحد ســـمرة جـون
وصرخات الميامين باچـــر بالميــادين
لا خوفٌ عليهم .. ولا هم يحزنون
***
صوت اســيوفهم بالمــعركه تكــبير
چــن اذان / بالـميدان / والفــرسان
من گـد هيبة الانـصار گــام اتطيح
ناس وكــل عقــيدتهم مــحبة حسين
يتمــنون / ينذبــحون / يتگـــطعون
بس قطرة دمة من حسين لا متطيح
تحــس الكـربله خـالقـــهم الرحــمن
اهل الشان / والايـــمان / والقــران
حتــه انفاسـهــم بالمــعركه تســبيح
حي الله الموالين باچـــر بالمـــيادين
لا خوفٌ عليهم .. ولا هم يحزنون
***
بيهم حرگــه عالمعشوگ ماتنگـال
والرايـات / بالصولات / محتارات
هفــتن وبمـجرد سمـــعن الانــصار
عدهم كربـلا كعـــبه واجــو حجاج
ويــلبون / ويطـوفون / ويرجمون
كل شيطان واگف ضـد ابو الاحرار
حيــهم يوم صــاح حســين بالـميدان
صاحو ويل/ بس هالليل / باجر خيل
والـــفـــرســـان مايبـــقالهــــم اثــــار
والبـــالدمه موقعـين باچـــر بالمـيادين
لا خوفٌ عليهم .. ولا هم يحزنون
***
سالوفــتهم النـــخوه وحچيهــم حـار
يچوي الگاع /يلوي ذراع /عدهم باع
بالـصولات مــن حيــدر خــذو شـمره
اليوصـلهم طبـيعي حصته بــس موت
ينـهابـــون / ويخــوفــون / يتسـمون
اجهــنم بالطــفوف ونـــارهـا الحــمره
تفانيـــهم يــُدرس في سبــيل حسين
متــفانين / متــحزمــين / گــرو عين
زينــب والحـسـن وحســيـن والـزهره
البالطف وفو الدين باچـــر بالميـــادين
لا خوفٌ عليهم .. ولا هم يحزنون
***
خـطوه بخطوه وي عــباس بالميدان
ايد ابأيد / عــدهم عيــد / والتــأييد
مـــن حســـــين باچـر همــه بالجـنه
بس همهم يضل اشكــبره عالحوراء
لا وليــان / لا اخــوان / والعــدوان
تاخـــذها اســيـــره وتجــذب الــونه
بلا والي تروح اعــله الهزيل شلون
والشمات / والنظرات / والحسرات
تـحديــها وتــگــول الــموت اتمــنه
والطاحو مطاعين باچـــر بالميـادين
لا خوفٌ عليهم .. ولا هم يحزنون
***
حيدر تركي الكربلائي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
اجيت امن المدينه وگلبي مفجوع
ادورلــي اعله ميّت راسه مگطوع
يالنازلين ابكربله دلوني
ــــــــــــــــــــــــــــــــــــــ
اجيت افرش عباتي وبيهه المه
اظن ترجع حياته بس اشمه
ابوجهه اشگد ضوه وايفيض رحمه
الـميّتلي يناس احسين اسمه
گالولي الحوافر گطعنه
دگلولي الحنين إشظال منه
واهدومه ليش امطشره خبروني
ــــــــــــــــــــــــــــــــــــــ
امطشـر بالبراري الخير ياناس
اول مره اشوف النعمه تنداس
ياجثه الألاگيهه بلا راس
اهنا حته الهوه يچوي بالانفاس
ماكو اخيامهم بس الحريجه
بس دخان اشم والدنيه ضيجه
اعمن عله الميت عطش يعيوني
ــــــــــــــــــــــــــــــــــــــ
اعرفه ابني الحسين ومااضيعه
ذبيح امن الگـــــفه ومبتور اصبعه
الطاحت من رقيّه ابصدره دمعه
والمالحگت زينب تودعه
مرو عالجثث لـمن سبوهه
رادت تنزل ومانزلوهه
گالتله خويه بالحبل چتفوني
ــــــــــــــــــــــــــــــــــــــ
آنه اعرف اشلون الگه الجسد وين
أنه الزهره و إليّه بالگلب عين
اقره الفاتحه باسم ام الابنين
وهيّه الفاتحه اتدّليني بحسين
هذاكه ابني واحس آنه قريبه
الوحيد ابكربله جثته سليبه
وي طوله اتمدد واون خلوني
ــــــــــــــــــــــــــــــــــــــ
لگيته اموسد اعله اذراعه ابنه
بچيت وخنگت انفاسي المحنّه
عله شيباتي احطن دمه حنّه
اوليدي وكون بعيوني ادفنه
الميت يندفن وسط المگابر
بس احسين دفننه الحوافر
بالف وتسعمية جرح واسوني
ــــــــــــــــــــــــــــــــــــــ
ساعه ولن اجه السجّاد محتار
وبي امن السياط اجـــروح واثار
صحتله ياهله بالجاي خطار
تعال انوخر امن احسين الاحجار
ركضلي وبالسبع مرات يعثر
واگومه والخيول ابراسه تفتر
بس ماشبگته وصاح آه يمتوني
محمد الجماسي
#اللهم_عجل_لوليك_الفرج
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
ذيج الأماني صارت أحلام ..
بوادي السلام الخدمو العام ..
ذبلانه هسه أزهارهم .. ظلت خليه ديارهم
وين الأعزاز .. وين الأعزاز
………………………………….
اليدفن أعزازه يعالم بعد شله بهالعمر ..
الفركه صعبه والثواني تجوي بي مثل الجمر..
ذيج الأيام الجميله أشلون ندفنهه بكبر ..
وصارت الوسعه زغيره أمنين أجيبك ياصبر ..
كون البواجي ترجع الراح ..
جا أبجي دمع أعيوني وأرتاح ..
عالضيعينه أخبارهم .. ظلت خليه ديارهم
وين الأعزاز .. وين الأعزاز
…………………………….
اليحضر ويانه المجالس كل سنه ودمعه يصب ..
ظل مكانه هسه خالي بالكبر جوه الترب ..
أشلون نتحمل غيابه ليل المفارك صعب ..
هوه بأرض النجف لاكن صورته بنص الكلب ..
ظلت صورهم يمنه تذكار ..
والكلب جمره وتستعر نار ..
عمر الورد أعمارهم .. ظلت خليه ديارهم
وين الأعزاز .. وين ألاعزاز
…………………………….
كل سنه بهاي الليالي تون وتهل الدمع ..
راح شادود العزاء الحيل يلطم عالضلع ..
بليلة الوحشه يغالي دكعد وأعلك شمع ..
ندعي ربنه وياك كون بجنة الله نجتمع ..
بالكلب آه وحسره وهموم ..
الفاتحه نقراهه كل يوم ..
النكعد بفيّ أشجارهم .. ظلت خليه ديارهم
وين الأعزاز .. وين الأعزاز
………………………….
بأريعين حسين باجر نمشي منقوص العدد ..
صاحب الموكب شكله بالله لو عنك نشَد ..
لو معازيبك تخابر هم طلعتو لو بَعد ..
يبقه دمع العين يحجي وأبد ما سولف أبد ..
هاي السنه نهديله خطوات ..
حاضر ويانه وأبد مامات ..
بسد علي نامو جارهم .. ظلت خليه ديارهم
وين الأعزاز .. وين الأعزاز
………………………….
صح خسارتنه جبيره راحو الكلهم وفه ..
عليهم الصحبان تبجي والخدم متوسفه ..
راحو الكلهم حميه ونورهم غفله أنطفه ..
كل زياره وكل محرم بالمواكب واكفه ..
بدرب الزياره توزع الماي..
نصهم خدم والباقي مشاي ..
العزبو زوارهم .. ظلت خليه ديارهم
وين الأعزاز .. وين الأعزاز
……………………………
والله هنياله الختمهه بهيج تاريخ واسم ..
كلهه تترحم عليه أطفال نسوان وزلم ..
تنشد عليه اليتامه وين صاحبنه الشهم ..
خيره متبدي وعليهم راسم البسمه رسم ..
وينك يغالي جانه عاشور ..
عله حسين أبجي بنص الكبور ..
يالتنحسب خطارهم .. ظلت خليه ديارهم
وين الأعزاز .. وين الأعزاز
………………………………..
حيدر مطر العبادي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
عبد الله يبني لا تروح من أيدي ..
يالوجهك أحله من الكمر يوليدي ..
ليش يبني الغالي .. ظل مكانك خالي
……………………….
طبع كل أم على أبنهه تبني آمال شكثر ..
تذرع بطوله وتكمطه أصبع أصبع موشبر ..
أتكول كل صبح ومسيه الحمد لله والشكر ..
وتقره يم راسه دعاء وتقره آيه من الذِكر ..
لو يبجي تمسح دمعته من خدوده ..
تحس بأمان وبالأمل بوجوده ..
يالضواك أيلالي .. ظل مكانك خالي
……………………………..
ياحبيب أمك يغالي جنت ألوليلك وأظن ..
تكبر وغصنك يوّرد باجر وأنسه الحزن ..
جنت أناغيلك وألولي لحد مايغفه الجفن ..
العمره ست أشهر يعالم والله مو مالت دفن ..
مو للدفن عمرك يماي أعيوني ..
جنت آنه أكولن بيك ياخيعوني ..
يكبر أبني الوالي .. ظل مكانك خالي
……………………………..
العطش يبّس لهاته وذابله أرسوم الطفل ..
بحسره يوليدي أشوفك والدمع عالخد يهل ..
بحضن أبوو عبد الله غافي وفززاه سهم النذل ..
وآنه أدعي يا آلهي ردلي عبد الله عدل ..
مرفوعه أيدي وأدعي يا معبودي ..
شلال دمعي يجري فوك أخدودي ..
ودعت آمالي .. ظل مكانك خالي
……………………………..
هذا آخر يوم لأبني من الصبح أشعر وأحس ..
وأبني لا راضع حليبي ولا شرب ماي من أمس ..
منحره ضاوي ويلالي ويعكس بنور الشمس ..
بسهم المثلث بنحره صوبوه أهل الرجس ..
كطّع دليلي هالسهم وأبتوته ..
جي ماخذ من أيدي أعز ياقوته ..
الأوّلي والتالي .. ظل مكانك خالي
………………………………
وحشه والكاروك خالي يبجي وينوح المهد ..
وآنه أحسب دمعه دمعه عمرك شكد يالولد ..
أبد ماجان على بالي تروح من أيدي أبد ..
غفله سهم الموت أجاك وفرهد أيام السعد ..
أبحضني أشوفك كل وكت كدامي ..
ما فاركتني أبصحوتي و بأحلامي ..
يابزر دلالي .. ظل مكانك خالي
……………………………
يانظر عيني وحياتي يبني يا وجه الصبح ..
فاهيه الدنيه بغيابك وأنت للدنيه ملح ..
كون أحطه بمزهريه الورد مو مالت ذبح ..
منحرك خليني أشمه كبل مايعله برمح ..
أشلون أشمّك والرمح مالوحه ..
مو للرمح عمرك تره المرجوحه ..
دمعتي تحلالي .. ظل مكانك خالي
………………………….
حيدر مطر العبادي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((أتوسل بديك))
اتـوســـل بديك .. ارزقني مولاي ارد اجيك
ياعشقي حسين .. خــليني اتعــــــود عليك
العــاشگ مجروح
يــتـســـله بـــنوح
چن يبچي ضلوع
بحزنه و مــذبوح
مالكني يحسين وكل عمري آنه ممنون
ياصفنت احساس مشكور اعله الجنون
براسـي الخـيم ذيچ وچم هزله بالعيون
ياابا عبدالله … ياحسين يامولاي
“””””””””””””””””””””””””””””””””””””””””
راويني ضواك .. وترسني من نفحةّ هواك
ناديـني وأزور .. مــن ابرد غطــيني بعباك
بــدونـك بردان
بدونك عطشان
ملبسني الثـوب
وأنته العريــان
يــاصفوةّ الديــن عافوك اعله الارماح
وراسك على الگاع چم مره بألم طاح
و عــيالـك تشوف بالسكته الدمع لاح
يا ابا عبدالله ياحسين يامولاي
“””””””””””””””””””””””””””””””””””””””””
يـــافَـيك رذاذ .. يـــاكعـــبةّ الشوگ وملاذ
ياجرح الهدوء .. وبـسمك كل زاير أستعاذ
حــبيتــك حيل
يــاراعــي الهيل
ليش ايسحگوك
بــحـوافــر خيل
من هدت الـگوم ايدك بالاشارات
رافعها ليفوگ كــضيت السموات
شافنك تلوج للخيمه الشمر فات
يااباعبدالله ياحسين يامولاي
“””””””””””””””””””””””””””””””””””””””””
ياكهف اليـتيم .. مـــــن زادك علمته الكريم
رزاق وعطوف ..يابسم الله الرحمن الرحيم
بــغيرك مـيفيد
لادنـــيــا وعيد
كون انته ادوم
بــگلبي وماريد
لاكلشي ماريد بس حبك اريده
وبدمع العيون اكتـبلك قـصيده
عالبچـت الگـاع أرقيه الشهيده
يا ابا عبدالله ياحسين يامولاي
“””””””””””””””””””””””””””””””””””””””””
ياجرح النفوس .. ياچفك وفياي الشموس
ياضلع البتـــول .. بشباچك چم جنه تبوس
والــــجنه تزور
اي حتى الحور
يـــامــاي التين
يــاسور الـسور
ألطـملـك عـيـون مـوتـنـي آنـه الفراگ
للحضره يحسين صدگني آنه مشتاگ
ازحفلك بشوگ ما امشي آنه عـالساگ
يا اباعبدالله ياحسين يامولاي
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((غير ابني))
تسمحلي احچي وياك
غـــــير ابنــــي وانخاك
ارد احچيلك وانته احچيلي
يــــــــــالاكبر ياشمعه بليلي
غير ابني وانخاك …
“””””””””””””””””””””””””””””””””””””””””
تسمحلي .. يمك اريــــد اكعد عمر
تسمحلي .. وبلكي تكوم انه انتضر
تسمحلي .. گبل الخيم گلبي بجـمر
تسمحلي .. مو انته اريد آنه اعتذر
اعذر گلبي المات
يالشابع طعنــات
يوليدي اسمعني وياويلي
يـــــــالاكبر ياشمعه بليلي
غير ابني وانخاك …
“””””””””””””””””””””””””””””””””””””””””
سولفلي .. وراويني جاي أنضر أنه
سولفلي .. اول ســــهم من اعــتنه
سولفلي .. بيـــــمن تفــــكر ياضنه
سولفلي .. گلبك بياصـــوره انحنه
راح اسمع بس گول
سولف يـــــالمكتول
يوليدي وياروحي وحيلي
يالاكـــبر ياشمعه بلـــــيلي
غير ابني وانخاك …
“””””””””””””””””””””””””””””””””””””””””
يوليدي .. من حـــگه اذا تاه الدرب
يوليدي .. حتى المهر عاشگ يحب
يوليدي .. خدك يجرحونه صـــعب
يوليدي .. متوذر سيوف وضـــرب
مهرك هم مصيوب
ضل ويــــاك يلوب
ادري بحالك لاتشكيلي
يالاكبر ياشمعه بليــلي
غير ابني وانخاك ..
“””””””””””””””””””””””””””””””””””””””””
وين إيدك .. گاودني خل نرجع سوه
وين ايدك .. يمخلي ابوك ابـــلا هوى
وين ايدك .. ترضاها مو ضهري ألتوه
وين إيدك .. يابعد ابوك انته الـــدوه
يبني الناس تلــوم
انطيني ايدك گوم
بس ارفع ايدك وأوميلي
يـــالاكبر ياشمعه بليــلي
غير ابني وانخاك ..
“””””””””””””””””””””””””””””””””””””””””
محتاره .. حاجيني اذا جبتك وذر
محتاره .. امــــــك ترى مـاتت قهر
محتاره .. تكسر على الحومه نضر
محتاره .. وتبدي لجـــــدامك سهر
بس حاچيني وموت
لو بس اسمع صــوت
لميتــــك يبني بشـيليلي
يالاكبر ياشـــمعه بليــلي
غير ابني وانخاك ..
عبد زينب
محمد الابراهيمي
اللهم صل على محمد وال محمد وعجل فرجهم
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((بالرفگ بعيونك))
بالرفگ عباس بالرفگ اعله هونك
يالسارگ عگول بالــــرفگ بعيونك
اي يبـــــني بالهون
من تحدي الضعون
بالرفگ بعيونك …
“””””””””””””””””””””””””””””””””””””””””
يَمگمر الليل مــــن يـــــبرگ جبينه
معلوم عباس كـــلها تنـــــادي هِينهَ
اي هِينا عباس مــع والـــــد سَكينه
يرسم مسافات من تحدي الضعينه
ويتباشر حسين من يسمع حديثه
ويشوفه كـــرار الچــــلماته وريثه
فكــــــراته ام عون
من تحدي الضعون
بالرفگ بعيونك …
“””””””””””””””””””””””””””””””””””””””””
من نادو ارحيل وجـــروح اللفتنه
وصيته بالهون ورچبها اعله متنه
وصيلي الفحول گلهم هاي اختنه
ختنه ام الخدور بديها الگـمطتنه
زم وأطفي النجوم بالك لا يــــروها
اچفي السمه بليل بخواچي دثروها
اي ولـــدي تكــفون
من تحدي الضعون
بالرفگ بعيونك …
“””””””””””””””””””””””””””””””””””””””””
هل حين اذا تريد تگصد بالمحامل
بس برگع النوگ مــن عين العواذل
لــــو چلچل الليل بعــيون الذواهل
بهيده الگمر (هــــا) نــــزلها المدالل
بدويه عبــــاس بدويه أتعـــرفني
كل ضني عباس عباس انته ضني
كل ضني مـــرهون
من تحدي الضعون
بالرفگ بعيونك …
“””””””””””””””””””””””””””””””””””””””””
يا سابگ الريح هب مثل العواصف
عيــن الله ترعــــاك يعذوبةّ سوالف
يا نيط ابو الظيم كـتلك انته عارف
اخر حچي وياك يا نور المصـــاحف
ودعتك بخير معاكم الله يبره
يانسل الاطهار يا قدرةّ القدره
بـــــــالك يعطشون
من تحدي الضعون
بالرفگ بعيونك …
“””””””””””””””””””””””””””””””””””””””””
سار الضعن آه چفها اعله الحـواجب
تتوچه عالباب نـوبه اعله الـــترايب
راح الضوه وراح وأمسينه بخــرايب
شيعود الاحباب حسين وي الحبايب
تردولي عباس يوليدي بسلامه
راح انطر الموت لو ردت يتامه
يردولي يبـــــچون
من تحدي الضعون
بالرفگ بعيونك …
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((جاســم))
جاسم .. هــيبه طـب الحومه
جاسم .. والندى أعله ارسومه
يبــني .. و يـــا عــطر بهدومه
حيدر .. بس زغيره سنينه
نشمي .. وأخــوته محنينه
عيــنه .. ويــاكحلته بعينه
ابــني ربيته بدمعي وسنيني
بروحي لازمته وساكن بعيني
وليـــلي أسهرنه من ينـاغيني
ابــني مضموم المحــــرم والحسن وصاني
گـــلي مـــن يشوف عـمه مـن غربته يعاني
رمله اريده يصير مثلي الحسن كون الثاني
“””””””””””””””””””””””””””””””””””””””””
عــمه .. ضـل يشـم بعيونه
لــونه .. مرايه يعكس لونه
شعره .. وصــل حد متونه
بيــدي .. لبــسيــته الــلامه
جاسم .. بطول عمه الهامه
عـــمه .. منســر بــهنــدامه
طب على الضلمه والشمس بيده
بالحرب كَيَف والـــذبـــح عـــيده
ريــــت ابو محمد يشاهد أوليده
كون ابوك يشوف طولك وانته يبني تقاتل
ابد ماگمت آنــــــه أميز طوله طول الكافل
الخــــــيمه والبيها يعاين يـــاجمال الشايل
“””””””””””””””””””””””””””””””””””””””””
سحره .. ساحـــر البرزوله
قـــاتل .. جيشهم وخيوله
عمــره .. ابــــد مابي لوله
واحد .. بس عشيره بروحه
روحه .. بالعشگــ مــذبوحه
يبني .. وصــورتك باللوحه
ياجمال الله بصورتك صاير
يا ابو الغــيره الگابلك حاير
يبني المعدل والعــقل طاير
ياجنون البيه صاير وأحسب بخطواتك
يبني يالمرسوم بيه وشتهي حچـايـاتك
والمخـــــيم كله واگف ياحــــرز عماتك
“””””””””””””””””””””””””””””””””””””””””
واصل .. للسمه بنضـراته
شـايل .. والندى بوجناته
جاسم .. خيمته بصفناته
هـــذا .. هذا أبني الوالي
هـــذا .. وبشعوري الغالي
أسمه .. جـــاسم اليبرالي
لاتـــفارگني يبـــني مــــابيه
دونك أتوازه وأغدي مسبيه
والعمر شمره ودنيـا مگضيه
وبثوابك عمــري يمشي جــاسم ولعيونك
وين بيه الدنيا تمشي لـو صرت من دونك
الخيمتك رد يبني سالم خل تضوي بلونك
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((انته ساكن))
گلبي ..
بس انته ساكن
بجرح الأماكن .. حبيبي
گلبي ..
مدالك ايده
وجرحك يريده .. مجيبي
گلبي ..
نبضاته بيدك
عاشگ يريدك .. طبيبي
عشگي ومايلي
حبــيــتـك ولي
ســلطان الجمر
وأنغامي وّألــي
فارس عشگ بحلامي نور و ضوه ليامي
غالي و ألف يــا غالي ياديني يااسلامي
مولاه
حسين .. مولاه
“”””””””””””””””””””””””””””’
جرحك ..
مـن يجي إبالي
مـــــاأله تـــالــي .. ونويه
جرحك ..
سالب أفكاري
بليلي وانهاري .. قضيه
جرحك ..
نومي يقضاتي
هــــوه صفناتي .. العليه
من صفنتي اختنگـ
ويمشي بيه الحرگـ
يــاحـسيــن أسئلك
أرد أعيش الــعشگ
مــاينتهي معــروفـك ولاماتجف أحروفك
لابس دمعتي بروحي ومال الجفن لطيوفك
مولاه
حسين .. مولاه
“”””””””””””””””””””””””””””’
مجلس ..
عــاشگ دمعتي
وظلت حسرتي .. مصيبه
مجلس ..
خــيمه بـعبـرتي
وزينب صرختي .. غريبه
مجلس ..
كلشي بحياتي
وحتى ابمماتي .. الحبيبه
من اسكن حفرتي
تــجــري دمـعتـي
لــــلــراحــت سبي
الــــزيــنب عمتي
يابو الفضل مشوهن وبـيــادرب تلگوهن
عگب الخدر بالـهيمه ياويلي من خلوهن
مولاه
حسين .. مولاه
“”””””””””””””””””””””””””””’
حسره ..
زينب سبيه
هـيه ورقيه .. الزغيره
حسره ..
بحبل الرزايا
صارن سبايا .. چبيره
حسره ..
تــعـثر بألمهه
خيل بحلمهه .. جثيره
مــن درب الـدرب
چم مجلس تطب
بــرگـبتـهه الحبل
ومــشلوعةّ گـلب
عين الگمر خجلانه وزينب غدت حيرانه
نـــار الـــسبي لهابه فوگ السبي عطشانه
مولاه
حسين .. مولاه
“”””””””””””””””””””””””””””’
الهزله ..
عـرجه وچبيره
وحريتهه حيره .. العقيله
الهزله ..
كل لحظه تعثر
وگلب الــتفـطر .. يويله
الهزله ..
جـمرةّ سـبيها
وضيم العليها .. الهزيله
ويــاشام البله
تبجي القافله
طگوها بحجر
كـــل الــعايله
صار الدمع مـسراها وكل الحرم وياهه
لحضةّ قصر والهزله زينب ابد تنساهه
مولاه
حسين .. مولاه
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((العالمك خذنه))
خذنــه .. العالمك خذنه
بحبــك .. بعـــــد هيمنه
انصارك .. سيــدي احنه … خذنه
“””””””””””””””””””””””””””””””””””””””””
لفلفنه بتراب الخيم ومطر عليه احـــسانك
وشربنه مايك بالعطش لوگطره من السانك
جايبنه من ديرةّ عدم وصرنه احنه من عنوانك
وصرنه احنه لعيونك خدم نوزع وفه بديوانك
احـــــنه .. بخدمتك جينه
وصحنه .. انـــــــته والينه
مـــــوته .. وانتــه تحيينه … خذنه
“””””””””””””””””””””””””””””””””””””””””
تقدم حبيب بدمعته وگـــلاله هـــا ينفاسي
وبراسي ماريدن بشر گـــعد الخيمه براسي
من آنه اسولف عالخدر تشـتعل بيه انفاسي
وذكرني بس بعاشرك ونسيني اهلي وناسي
اهـــلي .. انت كل اهلي
غيــرك .. بيـــــه لتخلي
شعنده .. غيــــرك يوَلي … خذنه
“””””””””””””””””””””””””””””””””””””””””
ياوهب سولف قصتك يمي اقترب حاچيني
گلاله موتني العشگ والشوگ تارس عيني
ماحاجه اموتن واندفن مدفون أنه يحسيني
دين المسيحيه عفت وبس انته صاير ديني
گلبــــي .. بحبك أحرگته
انـــــته .. والصليب انتـه
جيـتك .. كل بشر عــفته … خذنه
“””””””””””””””””””””””””””””””””””””””””
خانگني وضعك بالبچي وخلاني ادور نسمه
ضيعني عد وادم غرب عالرگبه تبچي الذمه
هسه آنه اجيتك منحني مذنب وراد اتكلمه
اعذرني سديت الدرب غلطان يابو اليمه
حـــــرك .. جيت الك نادم
اقــبلني .. لـــو اقل خادم
اشعلني .. شــمعه للقاسم … خذنه
“””””””””””””””””””””””””””””””””””””””””
چنهم نوارس بالعشگ حتى الكلام مندي
حتى الضوه ظل مختنگ منهم النور يجدي
من طاحو بسوح الجرح ودمهم غده متبدي
دمهم كتب فوگ الارض عجل يرب للمهدي
عجل .. ربـــــي للحاير
بگلبه .. هسه وشصاير
عمره .. فرهده العـاشر … خذنه
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
ابوذيه
السيدة زينب تخاطب الامام الحسين ع
اشــكــم طــفــلــه وطفل اختك.. شَكلهه
و دخـــــان الــخـــيــــم غــيّــر .. شِكلهه
اذا تـسـأل عــلــى امـــتـــونـــي.. شَكلهه
بـكـثـر طـعـنــاتـك اســيـــاط الـعـلــيـــه
*—————*—————*
✍خادم العقيله زينب (ع)
الشاعر رعد الجريخي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
آه يازينب
الـــهَـــوه لـــمّـــن يــمــر روحـــي.. يلمهه
الــتــنــوح اعـلـه الاخــو يــاهــو .. يلمهه
الــعــيــلــه الـچـان أبــــو فـاضـل.. يلمهه
إركـضـت بـيـن الـخـيـــول الاعـــوجـيــه
*—————*—————*
✍خادم الحسين ((ع))
الشاعر رعد الجريخي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
#ام_البنين_تسأل_عن_الحسين عليه السلام
انحب وون لبني واحِن وينه اليجيب اخباره
…..
راح الحبيب ابن النبي. حسين الأعز من ولّدي
اسأل عليه صبح ومسه. والدمعه تجري بخدي
عيوني انطفن منّ البچي معميّه
وينه اليجي ويرد قميصه عليّه
وشتم عطوره وافرح بطاريّه
عايش يگلي واخته ما مسبيه
أم ونتظر ماظل صبر. وحشه وضلام بداره
……..
بيعگوب مضروب المثل نوحه ودموع احزانه
لكن بعد طول الهجر رد يوسف لأحضانه
بسّ آنه ابني حسين ما رد ليّه
تسهيل امر اقره الحمد يوميّه
صبح ومسه عيني عله دربه اربيّه
لا ودّه طارش لا سألني شبيّه
شصبر بعد. گلبي انمرد بيمن اخمّد ناره
………
فدوه البنين الاربعه. لحسين كلهم فدوه
شدّيتله حزام الظهر عباس راعي النخوه
لحسين ربّيته ونذرت چفوفه
لآخر نفس عباس لا ميعوفه
هيبة علي لمن تصد وتشوفه
يرفع الراس بفزعته المعروفه
هذا الگمر. هيبه وفخر لحسين الله اختاره
……….
بِشر ابن حذلم من رجع. يجري الدمع وينادي
يهل المدينه بكربله. ذبحوا حبيب الهادي
تعنّيتله وناديته ياناعي البين
اخبرني عن روح النبي ونور العين
جاوبني للعباس كطعوا چفين
جاوبته فدوه يروح لوليدي حسين
حيلي انهدم. گلبي انلچم. ام فاگده ومنهاره
………..
يمُّ البنين ابنج تره. بالخيل هشموا صدره
حسين انذبح يم النهر. عطشان گطعوا نحره
راسه برمح مرفوع ينزف دمه
مطروح ومگطّع وذر ظل جسمه
دنياي كلها بعيني صارت ظلمه
وصرخ يبوالسجاد وينك يُمّه
صار العمر. نار وجمر. بعدك اظل محتاره
#سيد_زيد_الفحام
____________________________________
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
#لبيك_ياحسين
امن المدينه حسين جاي لكربله
يالله يالخدام خل نستقبله
……….
شكبر حظنه حسين گاصد كربلاء
رفعوا لستقباله رايات الولاء
ويّه ابوالسجاد يا محله اللقاء
ضيف عدنه حسين بطفاله وهله
………
يالله خل نستقبله وننطيــه عهد
نبقـى خدامه ومحبّيــه للأبـد
عاف كل الدنيا بس لينه وفَد
صيحو اهلا بيك يا ميّة هلا
……..
والله لو چنّه سوه بذاك الزمن
بركضة طويريج نتلگّه الظعن
نحمي ابوالسجاد من اهل الفتن
ما يذبحونه ويرد بالعايله
………
لكن بهذا الزمن شاء الإلـه
انصير خدامه ولا نرضه بسواه
بالمجالس نخدم ونطلب رضاه
وبالحشر ينطينه اعظم منزله
………
حته لو منشوف وجهه ومبسَمَه
نستعدله ونحيي ذكره بمقدَمَه
الغايه نرضي حسين نفسه وفاطمه
ونترس الدنيا حُسيّنيات اله
………
قسم لو چنّه بحياته ودنيته
چان ما واحد وصل يم خيمته
للأسف چانت قليله شيعته
ضحوا بدمهم لَبِن عقد الوله
سيد زيد الفحام
________________________________
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
عـزائـك ياحُسين
يظل طول السنين
نعوف الدنيا كلها وما نعوفك
مواكب كل سنه نوصل نطوفك
حُسيناً وا حُسين
حُسيناً وا حُسين
……..
ابمحرم كل سنه مانترك الخدمه
المجالس عامره وتشهد يبواليمه
بين الحرمين الناس مزدحمه
على اصوات المواكب تبچي ملتمه
عليك بكل عزاء
مواساة وبكاء
بضمايرنه يبواليمه نشوفك
مواكب كل سنه نوصل نطوفك
حُسيناً وا حُسين
حُسيناً وا حُسين
……..
المجالس بالصحن كل عام نبديها
بدموع ولطم مولاي نحييها
العزاء ابكربله اصله وضواحيها
نواسي امك الزهره بنواعيها
وحق چف الكفيل
نعوفك مستحيل
نخدمك سيدي ونخدم ضيوفك
مواكب كل سنه نوصل نطوفك
حُسيناً وا حُسين
حُسيناً وا حُسين
……..
العاشر من محرم عاش بدمانه
كل خدامك تعزّيك حزنانه
كلنه بركضة طويريج تلگانه
والمهدي يجيك ويركض ويانه
نطب صحنك نصيح
حُسيناً وا ذبيح
مثل نخرك تظل تنزف حروفك
مواكب كل سنه نوصل نطوفك
حُسيناً وا حُسين
حُسيناً وا حُسين
……..
بسمك كربله تستقبل الزوار
ونقيم المجالس بيها ليل نهار
تصبح كل محرّم مركز الاحرار
بصحنك تجتمع ياسيدي الانصار
مضيفك كربلاء
تضيف الاوفياء
تحيّي اليعتني ليك بچفوفك
مواكب كل سنه نوصل نطوفك
حُسيناً وا حُسين
حُسيناً وا حُسين
……..
الزيارة الاربعينية تظل ثوره
مشي الزوار توصلّك يبوالعتره
نستقبل ضيوفك تترس الحضره
وياهم بالمجالس نلطم ونقره
خدمناك بيقين
يبن طه الأمين
يبوالسجاد قوّتنه بطفوفك
مواكب كل سنه نوصل نطوفك
حُسيناً وا حُسين
حُسيناً وا حُسين
سيد زيد الفحام
_____________________________________
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
عالم مولاتي فاطمة عليها السلام
#عالم_الزهراء
عالم الزهراء..جوه ما ينوصف
انكسار ونوح..بس حنان وعطف
عالمها يبدي امن الدمعه الاوله
وتشيب وتبقه بحب طفولة
يلم جفها دمعك وترتبه گلبك
وبس يمها تلگه الحب اعلصوله
اتداري الروح..وترحم بأحوالي
كلها اجروح..بس تداوي امثالي
كلشي يروح..وفاطمة تبرالي
…………………………………..
عالم الزهراء..كلشي بي منفرد
ما يقدر املوك..بس يقدر العبد
حزني الاعرفه يكئب المشاعر
وحزن الزجيه يطيب الخواطر
امعيشتنه حب ورحمه ومحنه
وعيشتها باب وطف وحوافر
باب ونار..وزهره تدفع بيهم
والبسمار..زاد جورة اعليهم
بخدها شصار..الله لا ينطيهم
………………………………………..
عالم الزهراء..ما يحده سكن
وي كل ادموع..بخد اليحب ضعن
نتسوطن بحبها والمصيبه
غصبو فدكها وضلت غريبة
ومن دار اهلها هم شيلوها
جي تبجي عن والدها الحبيبه
الثاني فلان..تغثه منهه الحسره
ودار احزان..علي حط للزهره
لحد الان..تبجي بي منكسره
……………………………………………
عالم الزهراء..نادر بكل امر
تجبر المكسور..ام ضلع منكسر
تأمن حياتي الرايح أمنهه
بعالمهه يفرق قدوة حزنهه
شكبره سبيل الماي بخدمته
يذكّر اليجونه بمصاب ابنهه
أشرب ماي..واذكر الما ضاگه
الماله افياي..ويابسات ارياگه
وابجي لهاي..موحنينه الناگه
………………………………………
عالم الزهراء..مختلف بالحزن
بي ابن مذبوح..وام كسيره وتحن
اتبدل كساء العدهه وتغير
وشالت قميص امبجيهه واحمر
هذا القميص بجفهه تخيط
يخيول أمية الله اكبر
اقدس عين..انتو شو بجيتي
شجابج وين..يا صدر مسيتي
بطول حسين..كلشي ما خليتي
المجموعة العاشرة – قصائد حسينية مكتوبة
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((حبك أمان))
حبك مــوده وأجر
حبك أمـــان وستر
مفزعني گلــبي الك
وبروحي صاير يجر
جراني يم حضرتك وهيـــــــئني لزيارتك
كَسَر عبرتي بدمـــع حتى ابچي لمصيبتك
چانت دمعتي اعـــله السبايا زغيره
من صرت عاشگ هسه حيل چبيره
هســــه الگلب يــوســع بحبك ديره
حسين المدبر راضي فـــــي تدبيره
يالمدبر حيـاتي
دمعاتي امنياتي
صفناتي الغلاتك
يالحبك غــــلاتي
حسين وجه الله … اباعبدالله
“””””””””””””””””””””””””””””””””””””””””
عگبك بلاش الحچي
مايسوه من ينحچي
مايسوه حـتى الدمع
الغيـــــرك اذا ينبچي
المـــاحاضر بمجلسك يستغرب ويلمسك
للخدمه محبس عشگ مايكشخ بمحبسك
المابي علامه من اللطم بخدوده
حتى صلاته بــــــلا نفع مردوده
واليلطم بحبك ضــلوعه شهوده
والسجد دمعه سجــدته مريوده
سجودي يا دعائي
يـــــــالحبك ولائي
رحمتك غـــرگتني
كاشف عن بــلائي
حسين وجه الله … اباعبدالله
“””””””””””””””””””””””””””””””””””””””””
ماخذ عهد بالعشگ
ميخالف واحــترگ
تسـتاهل اكــثر بعد
قابل واذا اختـــنگ
العاشگ ينام بدمع ويحــــــلم اذا ينجمع
بيك وخيم عامــره الصدرك يسولف ضلع
بس بالحوافر مـــــايجيب الطاري
والخيم مو محروگه مــوش بذاري
رتك مهندم صعبه اشوفـــــك عاري
صعبه واشوف الجيش فوگك جاري
بعد ماعندي حيله
من حبه اشتكـيله
تعبان اعله مـودك
وصفناتي ثگـــيله
حسين وجه الله … اباعبدالله
“””””””””””””””””””””””””””””””””””””””””
ملوعني أســم اليتم
بالصحوه لو بالحــلم
خوله بعطش تختنگ
محروگ طرف الهدم
لامـس اديهن حــــبل حَـدبن حتى الهزل
جيب اليمشي الضعن جيب اليرخي ويفل
مشدوده طفله بطفله فوگ الناگه
فــــــوگ العذاب ارواحن مشتاگه
تسبيحهن يــــــابويه موت فراگه
ميتات من السوط مــــن اشواگه
من ينزف جرحهن
شماته من تسبهن
رقيه لو سكــــينه
يـالخلص عمرهن
حسين وجه الله … اباعبدالله
“””””””””””””””””””””””””””””””””””””””””
مخلوقه مو للسبي
زينب اسمها النـبي
تحرسها عين الگمر
ماتمشي وي اجنبي
يألمها حتى الهوى تغمض اذا بالضوه
سوگ الشماته فزع شحصلنه يانينوى
تلگونه بدفـــــوف وطبل فرحانه
والمــــا يطـــگنه يشــــتم بوليانه
الروس مدري گلــــوبنه الخلصانه
وكل الاطفال من المشي عطشانه
يلوذن بـــالعبايه
عزيزات وسبايه
آ يـا غربةّ الشام
غربه بلا حـمايه
حسين وجه الله … اباعبدالله
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
الشاعر ظاهر حبيب الهليجي
عابس وجـون — ونعم إلآنصار
عشك الأجنـون — بيهــم احتار
ما يصح بين المله — هذا عشك بكربله
نعم الانصار
—
بنينوى هاي القضيه قدمت اعظــــــم درس
ما مثله بهل البريه هل المواقف نلـتمـــــس
لاكن اصحاب الحسين الكتبوا بخيط الشمس
احنه انصار ابو اليمه ترخص بحبه النفــس
بهدوة اليل — عشك الارواح
بيهه ترتيل — يشفي الاجراح
بل الوفاء مكمله — هذا عشك بكربله — نعم الانصار
—
لوحه مرسومه بدماهم بكل تعابيـر الـوفـــــــه
وهذا من عدهم نموذج عابس ال المصطـفـــه
وصفوا مجنون بيهم عن درايه ومعـرفـــــــــه
عن حبيبه حسين بالطف روحه صارت تكلفـه
بكل الازمان — سيرته ادور
قبلة ايمــان — يبقه مذكــور
بل الثبات مسجله — هذا عشك بكربله
—
عافها الدنيا الدنيئه عابس اختار الخلــــد
يدري بالتاريخ يكتب عنه بالطف ينولـــــــد
فتوه ماخذ من ضميره بكربله ينول السعــد
من نزيف الدم كتبهه نعم لحسين لعــهــــــد
عشگ الحسين —- راده منهاج
يهدي للدين ——- دم الاوداج
ما تهمه المعضله — هذا عشك بكربله
وجون خط بكبريائه اسما ايـات الـــــــــولاء
من صميم الفطره عاشـك هل المنيه بكربلاء
ينمزج دم إيتمنه ويـه دم الاوليــــــــــــــــــاء
حلم عنده من الطفوله يرتقي عرش الابـــاء
ترفع الراس — هاي الامجاد
خيرة الناس —— الهه تنقاد
روحه شوك محمله — هذا عشك بكربله
—
جون راد الغاضريه بلهفـت العاشــــك ولـــف
راد وجهه بلون ابيض والنسب يعـله بشرف
قدم الروح الحبيبه ومن ثمـار العـــز قطــــف
ما تهد عزمي الكتايب وسط ميـــدانه هتـــف
ذل الاسهام — وذيج السيوف
بشوك الايمام — كلبه ملهوف
طاع باء البسمله — هذا عشك بكربله
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
سيد محمد اســــــــد كوفانها
بطيحته اهتزت الدنيه اركانها
ــــــــــــــــــــــــــــــــــــــــــــــــــــــــــــ
بيوم موته احمر صفه لون السمه
مخـــــــــبه ياوسفه شيباته بدمه
بطيحته كـــــــــضت كلبها فاطمه
وبالدمــع متروس صار مجانها
بطيحته اهتزت الدنيه اركانها
ــــــــــــــــــــــــــــــــــــــــــــــــــــــــــــ
حسين جنه عله الارض لمن وكع
عليه هــــدم الزهرة بالمدمع نكع
مرجع الشـــــــجعان للذل ماركع
المرجله محمد صبح عنوانها
بطيحته اهتزت الدنيه اركانها
ــــــــــــــــــــــــــــــــــــــــــــــــــــــــــــ
بليلة استـــــشهاده مخنوك الهوه
بزرت ابلـــــيس اكتلو ذاك الضوه
طاح جنه الكــــــمر وبصفه الوه
وصفت كل الدنيه سوده الوانها
بطيحته اهتزت الدنيه اركانها
ــــــــــــــــــــــــــــــــــــــــــــــــــــــــــــ
مأيده مــــــــن الله جانت جمعته
اهــــــواي مشتاقين نسمع خطبته
مانجــــــــــبرت لسه ضلت كشرته
اكلوبنه فكــــده ثجيله احزانها
بطيحته اهتزت الدنيه اركانها
ــــــــــــــــــــــــــــــــــــــــــــــــــــــــــــ
خيم علينا الضــــــــلام ابروحته
مره ماتنــــــــــجرع كلش غيبته
هوه ابــــونا الـ لامنه بفي خيمته
الدنيه بعده علينا هج طوفانها
بطيحته اهتزت الدنيه اركانها
ــــــــــــــــــــــــــــــــــــــــــــــــــــــــــــ
ربي الـــــــــف الحمد الله والشكر
بزغري وبكلبي انزرع حب الصدر
حبه باجـــــــر يشفع بيوم الحشر
روحي ابو مومل يضل سلطانها
بطيحته اهتزت الدنيه اركانها
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
راح أموت أمن العطش .. أسمعه حش كلبي حش
منو يرد الروح الي بشربة أميه
عطش متنه ويمنه شط .. هســــه لو كطــــره فقط
بس أبلل شفتي أوهاي هيـــــه
أحس بلسانــــــي يبس .. وكـــــــوه أجرن بالنفس
آنه كاتلني العطش نيران بيـــــه
والله ما أكـــــــــدر بعد .. وأذبلت حيلـــــــي ركــــد
ريجي يابس والحجي يصعب عليه
عملــــه صارت بالحرم .. متنه وين أهل الرحـــــــم
والله يبّسنه العطش بالغاضريـــه
عيوني ركن غوشــــــن .. والشفــــــاه أتفطرن
كون ميته أشوى ولا هالبليـــــــه
طحت ولساني ثكــــــــل .. اتوقعت موتي وصـــــــل
حسبت أخلص وتاخذني المنيـــه
أنتهيت ومـــــــــــا متت .. وأزيد أنــــــوب أعطشت
عدله بس امن العطش ما أشيل أديه
سلام المشعل
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
ابوذيه
يــخــويـــه اشــمــصــعــب ايــامــي.. يمرهن
وخــيــمــكــم يــســعـــر بـگـــلـبـــي.. يمرهن
الـحـرم يـحــســيــن لـــو شـــامـــت.. يمرهن
ســبـــيـــه اتـــلـــوذ يـبـن امـــي ابــســبــيــه
*—————*—————*
✍خادم الحسين ع
الشاعر رعد الجريخي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
لحسين أركضت .. يبن أمـي صحت
شكد طال الدرب .. وجم مره أعثرت
من طاح وشفت يم جسمه لمه
كلت كون اعتنيه لو موتي يمه
لحسين اركضت .. يبن أمــي صحت
————————————————
شايف ركضت الموجوع من الوجـع من يزهك
لو تلهب لهيب الكــــاع يركض ينشغ ويشهك
هيج آنه اركضت لحسين كلت بلكت عليـه ألحك
بجدامي الجمــــر طابع ولاجن عالجمر أسحك
طريت الزلم كــــوه أووصلتـــه
وكف كلبي أعلى أخيي حين شفته
آنه أمن اوصلت .. يبن أمــي صحت
————————————————
رحتله وكلت بلكه ألكـه كتــر بحسين سالم ظل
ما ظنيت أخــــوي ألكاه بهيجي حال من أوصل
الرماح بجسمه أمشابج نصها طالعـــــــه مكبل
الكتلني طايـــح امكطـع ومن الجيش ما بطــــل
هذا اليفتر أعليـه ويطبره
وهذا ينبت برمحه ويجره
شفته وأشهكت .. يبن أمي صحت
————————————————
شفتـه وغركن عيوني كمت ألطم على الهامــــه
ما ظل بيه كتــــر سالم رض أمرضرضه اعضامه
كل واحد يجر من صوب غير ارماحه وسهامــــــه
واحــد بيــــده المحبس والآخر بيده العمامـــــــه
صحت ياناس كافي وخروا عنه
شني شخليتو بيه جا بطلوا منه
ويم جسمه طحت .. يبن أمــي صحت
————————————————
الموتني بنــــات حسين أجن للمصرع يركضن
وراهن كاموا يركضـــون خافن منهم ارتعبـــن
كــوم الشـــوم لحكوهن لمّن بالجثث عثـــرن
السياط أعلى العبي طبعت حارن بيمن يلــــوذن
بسياط العده ألتموا عليهن
وأهن يتلون يشكفن بديهن
وأعليهن متت .. يبن أمي صحت
————————————————
وصلن لاجن بياحــال لكني كاعده يمــــــــه
وحده رادت تشبكــــه لجنها خافت تلجمـــه
وحده عالشمس وكفت في صارت على جسمه
وحده تلملم اوصالــه أووحده تمسح بدمــه
شمسوين بيه ضربه اعلى ضربه
والمثلث حفــــر حافرله كلبـــــه
ألمن بيه كمت .. يبن أمي صحت
————————————————
سلام المشعل
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
شحال زينب من يهل عاشورهه
وعالارض بالدم تودع ابدورهه
،،،،،،،،،،،،،،،،
شحال زينب من تصد طرف السمه
بل سواد اموشحه وحمرة دمه
هلال حزني اتگول هل يافاطمه
ونصبت املاك العزاء وحورهه
،،،،،،،،،،،،،،،،
شحال زينب لو رحل ضعن الاباء
من وطن جدهه لأرض كرب وبلاء
دار غربه ولا تظن عدهم وفاء
الناس بيهه ولا تأمن جورهه
،،،،،،،،،،،،،،،،،
شحال زينب من مشه بيهه الضعن
وسارت وي النوگ كلفات المحن
اشلون ما مالت شدد يتمايلن
اوياهه وتودع زمان اسرورهه
،،،،،،،،،،،،،،،
شحال زينب من يهل شهر الأنين
البيه للعباس تفگد والحسين
وآلهواشم ما يضل منهم معين
للحرم ورجاس تهدم سورهه
،،،،،،،،،،،،،،،
شحال زينب هل شهر شهر العسر
بل طفوف اشلون وتشوف الشمر
فوگ صدر حسين گاعد مستقر
وبعد ذبحه ايصير سبي اخدورهه
،،،،،،،،،،،،،،،
شحال زينب من تصد لسبعطش
ليث فوگ الگاع لا دفن ونعش
بيهه ظفر الموت وي نابه نهش
بس وحش لجساد ضل ايزورهه
،،،،،،،،،،،،،،
اشحال زينب لو دوت نار الخيم
تشگف شكم سوط عنهه والحرم
هجت ابلا راي محتاره اشتلم
ايتام لو نسوان حرگوا دورهه
،،،،،،،،،،،،،،،
شحال زينب بل يسر متچتفه
حبال وتشوف العده بيهه اشتفه
ايگلهه وينه الگال ضعني اتكلفه
انشد اتگله اشعمل ذاعورهه
،،،،،،،،،،،،،،،،
لخادم خدمة الحسين ع
ابو عمار الدراجي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((هذا محرم))
هــذا محرم كــافي يروحي
ذاك المخيم ياروحي نوحي
يــاگلبي ابچي دگو خِيام
هاي العقيله هـاي العشيره
باچر هـزيله وتمشي أسيره
باچر سياط وبالوعه شام
يالوعتچ يــم الخــدر بحبل الرزيه
شنهو العذر لو بالدرب تبچي رقيه
بالهزل حَبلّ الماله حل
بـــالــــقهر مضبـــــوب
يـــــاگلب لتبدي الامل
مــــاكافي الــــــذنوب
حبيبي ياحسين …
“””””””””””””””””””””””””””””””””””””””””
يمته آنه واخجل مــــن خيـرك انته
چـــا يمته اخدم وما احچي سكته
كافي يروحي چايمته اتوب
يمته آنه احبـن ويفضحني جرحي
چا يمته اموتن بيـــــــــك وأضحي
وابعد مسافه مـــن الذنوب
يراد لعيوني جــرح حتى آنه اشوفك
ويراد اهيمن عالرمح واكتب حروفك
ياگلب ياريـتك تون
وبالسهر ألك شــوگ
تبتعد لاوين شتضن
والهزل تطر ســــوگ
حبيبي ياحسين …
“””””””””””””””””””””””””””””””””””””””””
هـــيه التـــتعب مـامچوي آنه
ولاروحي تندب يـابس لسانه
ولا دمعي مثل السيل يصير
عايش خرافه بدنيا الصعايب
كــل الوسافه فـــوگ الترايب
ضعن الفواطم ليـــش يحير
يوميه أگولن انصلح شو ماكو چاره
لاخدمه فــــــادت لادمع لامن زياره
لوعشگ بيه ومن صدگ
چــــا هـــــسه مـــدفون
لــو احب لو مره اختنگ
الـــــزينب والضــــــعون
حبيبي ياحسين …
“””””””””””””””””””””””””””””””””””””””””
چا يمته تحچي بروحي دمعتي
چا يمــته تبچي بحرگه صفنـتي
واذكر خيامك واركض عليك
تركض عيالك يركض هيامي
وينادي حالك حرگو خيــامي
طايح ولكن تعصر بديك
ياريت اصد منك سهم لوبس حجاره
ياريت اهـــج ويّ الحـرم وي الحياره
بالذنب أرميك بحجر
بالسهم أنـــــه ارميك
والسهر مافاد الـسهر
يــــا آنـــــــه وشبيك
حبيبي ياحسين …
“””””””””””””””””””””””””””””””””””””””””
افــزع بواچي الحسرةّ غريبه
تدري التراچي صــارت نهيبه
طفله وبذنها دم مو حرام
طاحت صفيه وخوله وسكينه
طاحت رقــيه وزينـــب حنينه
والّياهي تركض من الحمام
والحادي مايفهم طفل يون من حباله
مشدوده حـــــيل بدمعته تفهم سؤاله
والگمر مــايطلع عجب
شـــــو ضــــلمه العيون
والضعن مو كله انسلب
چــــــا وينه يــــم عون
حبيبي ياحسين …
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((بسم القمر))
بسم القمر .. بسم المخَيَم
بسم القمر .. گلبــي تحَـزَم
بسم القمر .. خدمةّ محرم
محرم كون كل ساعاته هايم
الخادم بالعشگ يتسمه خادم
والمحروم من تَعب الخـدامه
مكتوب بجبينه انســان نادم
مـــــو يمي الندامه
وأنه بنص الخدامه
أنعه أعله اليــــتامه .. يامحرم
شمـــــا تبرد جمرتي
احــط نــــار بدمعتي
وركض اترس صفنتي .. يامحرم
محرم يامحرم …
“””””””””””””””””””””””””””””””””””””””””
بسم العشگ .. محبوبي عابس
بسم العشگ .. احضر مجــالس
بسم العشگ .. بدموعي فـارس
بدموع العشگ تحله الخدامه
وكون بروحك تخـــلي علامه
ولسانك تگله هـــــذا الحسين
لاتشمر حجـــر فـــوگ اليتامه
حزامك كون شده
هذا حسين وحده
وكل الگوم ضــده .. يامحرم
گوم وصـــير يمه
بالحب من تكلمه
بالـــك لا تلــچمه .. يامحرم
محرم يامحرم …
“””””””””””””””””””””””””””””””””””””””””
بسم الرضا .. تلطـــم أديــه
بسم الرضا .. وبكـــل مسيه
بسم الرضا .. والحب قضيه
تحضر كــل مجالسنه الزجيه
ماعدهــــا فــرق مولاتي هيه
زحمه تشوفك أباب المجالس
وهيه تصيح ويلي الغــاضريه
بعزائك لاتــساوم
انته انسان خادم
گلبك كون هــايم .. يامحرم
هيه الدنيا فتــره
مهما يطول عمره
حفره انوب حفره .. يامحرم
محرم يامحرم …
“””””””””””””””””””””””””””””””””””””””””
بسم الحسن .. جَسام أخدمه
بسم الحسن .. والياس أشمه
بسم الحسن .. اصـــرخ يعمه
من عين الحسن وأطلب نضرته
وبســــم الماتسد البــــــاب بنته
گلـــــــها يـاشريفه رايد دمــوع
رايــــــد گلــــبي ماتبرد حسرته
حلفها بشجونك
ودموع بعيـونك
متخيب ضنونك .. يامحرم
كريمه ومـاتــردك
وللمجلس تشــدك
يعني الخير عندك .. يامحرم
محرم يامحرم …
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
قصيدة مسلم
الرئيسيه
.
.
.
حــذرهم بـــســلوبك انـــته
والمــايســتوعــب مـشـكلته
فقارك يامســلم فاصل
بين الحق وبين الباطل
والمـايســتوعب مشـــكلته
***
اذن / واعلــن / مــن اتطب للكــوفه بعزمك
صرح / وضـح / صمــصام الحـق گلهم عمك
حــيدر / قسـور / دمــه الفــاير يشـبـه دمك
بني هاشم تجلــت بيــك بالــكوفه
يعبد المطــلب ياحـــمزه وچـفوفه
عشـرتالاف جــندي لو عليك ادور
عددهــم هـذا كون ايصير سالوفه
ياراعي الكــوفه ومابـــيــها
خــلبصه وبيــدك صــفيــها
ندريبـك حقاني وعادل
بين الحق وبين الباطل
والمايســـــتوعب مشــكلته
***
انذر / وعقر / مـــو بـــس الرجـــلين المـــنحر
خيـم / غــيم / ودمــدم ليـل اســود عالعـسكر
اطلع / واجمع / واحـرگ يابسها اعله الاخضر
البالـدينار باعـــت دينـهـا افنيــها
افنـــيها وابـــد لاتحــزن اعــليها
الماعرفت قدر سيفك اكو تابوت
الندم شيفــيدها لو عضت ايديها
محشر سوي الـكوفـه بسيفك
يامســـلم والشـــغله بكيـــفك
وبهذي نعرفك متجامل
بين الحق وبين الباطل
والمايســـتوعب مشـــــكلته
***
ارعب / واسلب / راحتهم من اتطب ساحه
شلهم / والـــهــم / لاتــتــرك يامســلم راحه
ذلــهم / وخــلهم / عسكرهم يتعاله صياحه
دخيل الله ودخيلك خلهم يصيحون
ودرب بيوتهم مـن سيـــفك يتيهون
الهوه بالكوفه بيدك وبمـــزاجك عاد
يشتــمون هــمــه تــريد يختنگــون
الجيش الراد حســين يغدره
انته التگــدر تكـــسر ظهــره
سيف الله وبالكوفه نازل
بين الحـق وبيــن الباطل
والمايســــتوعب مشكـــــلته
***
رايه / وايـه / الحق تعرفه وتعرف اهله
حاكم / عالـم / عندك اسـهل من السهله
كاتب / وحاسب / بفقارك اعــداد القتله
الجمل والنهروان بدمك وصـفين
ذكـــرهم بسيــفك هـمه لو ناسين
كلهم ديني ابو السجاد وانا اليوم
ابيع الدنيـا كلها لجــل هذا الدين
واحـــدهـــم خـــلي يتـــرقه
اليــلزم صارم ينـــطــي حقه
والمو گدها المن شايل
بين الحق وبين الباطل
والمايســـتوعب مشكــــلته
***
ارســـم / واخـــتم / اعمار الماعدهم نخوه
اجــرك / وقــدرك / يم الزهرا كلش يسوه
نحرك / صـدرك / گلهم ذني يروحن فدوه
ابو السجاد عمـري وروحي يســتاهل
اشما ابــذل احســَن كلشـــي ما باذل
اليبذل صح هذاك العالشريعه ايطيح
اليكـسر ظهر اخــوك اسـمه ابوفاضل
عــسكر لحســـين يهـــدمونه
لـــمــن عبــاس يصـــوبـــونه
يطيح وبعده بسيفه يواصل
بــين الحــق وبــيـن الباطل
والمايـــستوعب مشــــــكلته
*
حيدر تركي الكربلائي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
مقدمة ليلة العباس س
.
.
.
عباس / يـــانـــور ايــــامي
عباس / يمـضــوي اخيـامي
عباس / والگـمــرة وجهــك
عباس / گلب اختك ضامي
***
الخيمه خنگه اخلاف عينك يابوفاضل
انتــه مو بــس غيـره حتى الهوه شايل
علـى عطــرك گــمـــت ادور بالمــحامل
خويه مختنگـه عليك .. يالهـــوه ريتي بديك
تجي لو انه اجيك
يابوفاضل
عباس / گلب اختك يلهب
عباس / تحتـــاجـك زينب
عباس / ارجعـلـي مروتك
عباس / كتـتـني اوهـامي
***
حچاية المكسور گلبه صعبه تنگال
اختصــرها ومـا اطـــولها يكفـــال
ترضى اديه باچر ايگيدوها بحبال
التبقى خويه بلا كفيل .. يعني تمشي عالهزيل
وتدري بالشامت يعيل
يابوفاضل
عباس / طالبتـــك طـــلبه
عباس / موهـينه الغـــربه
عباس / لامـــــاتـــرضاها
عباس / جفن اختك دامي
***
بخيمتي چيه انته ماكو بيها احس ليل
ياضوه الله وخاف عني تحجبك الخيل
حيلي انـته ولــو عفــتني مايضـل حيل
بلا جفوفك امشي وين .. گلي ياظهر الحسين
والشمر تطلعله عين
يابوفاضل
عباس / منتظره الرايه
عباس / يااحله حچايه
عباس / گامت بغـيابك
عباس / تــتبـده الامي
***
خويه يم باب الخيام اتطشر الصوت
ودنية الطف ابكبرهـــا چـنـها تابـوت
بغيبتك زينب يـخوها اتمــنت الموت
يابخت هاشم تعــال .. يــلي تتفــايض دلال
دنيتي غيرك محال
يابوفاضل
عباس / يالكـــلك نخــوه
عباس / رد لـخـتك فدوه
عباس / غيـــرك ماعـندي
عباس / ياكــل احــلامي
***
اتأخرت واشعــر عليـــه اتــدنت الناس
ومن رحت تدري خــيمنه بلايه حراس
كلشـي بيـه وكلشي يمي يصــيح عباس
وحشه عكبك كربلاء .. يانــهــر خـــوه اوفاء
ادري مو طبعك جفاء
يابوفاضل
عباس / يانـور عيـوني
عباس / عگبك يسبوني
عباس / لو ميشــوفونك
عباس / انتــه الگـدامي
***
اتعودت كـل ساعه خويه بخيمتي تزور
وهسه چي ما انتــه بيـــها وشـــل النور
ظهر ابو الســجاد اشوفه هـســه مكسور
طحت بس لا عالفرات .. وخاف اديك مگطعات
بطيحتك متضل حياة
يابوفاضل
عباس / بــس اخـر كلمه
عباس / من ترحل اعـمه
عباس / اتمـــنه تشـــاهد
عباس / تتــباچه ايتـامي
*
حيدر تركي الكربلائي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
يازينب
الـــدهــر غـير الـدمـع شــنــهـــي.. حوآ لاي
بــ لـحـظــه اتـغـيـرت بـالـــطـــف.. حوآ لاي
الـحِـرگ بـخيامـي والــعــســكــر .. حوآ لاي
اركـضّــت لـحــســيــن اخـبـره الصـار بـيـه
*—————*—————*
✍خادم الحسين ع
الشاعر رعد الجريخي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
لمني ييمه ابطبرتك وانثر دليلي ملبس
سهرني دمعي بوجنتي وزفرات ون أتنفس
الچنت احرزه امن الحسد
راح من ايدي الولد
ولا بگه لجرحي ضمد
آه جسّام
@@@
الشالته عيوني قبل .. ميشيل حجري مهده
العبدي سيفه طبره .. ولدماغه حده اتعده
عريس چان ابكربله .. وعرسه بدماءه اتبده
هالچنت اريده تچوتي .. وبالشده يسند زنده
بعده ولا شاف الحلم .. ولا غطه عارض خده
ويلاه للخيمه انحمل .. وعمه ابجنازه مده
…
من زفته جاني ورجع متحني بالدم عمري
مثل الگمر لاچن وسف مخسوف والدم يجري
طحت بمصابي عالضنه
باقي لبلوغه چم سنه
حسره الاجل منه دنه
آه جسّام
@@@
اتذكره بأول سنه .. يحبي وبده يتخطف
لو طاح اصرخ ياعلي .. وانهض ومد ليه الچف
ياما ليالي هامته .. بثغر الحسن تتشرف
ياويلي عني من مشه .. ردلي وجبينه امنصف
وهالچنت احرزه امن الحسد .. ريتي حرزته امن الطف
ريحان عمري عالثره .. ممدود ريجه منشّف
…
چان الامل بعد الحسن يفتح كرم ديوانه
مو بعده اقضي ابمجلسه ألطم على فگدانه
متوذر الضنوه صبح
وسدينه ديوان الفرح
وبس للحزن تالي انفتح
آه جسّام
@@@
ياما سهرت ابأمنيه .. ابني واشوفه يكبر
واعلي اشد بشت الحسن .. والسيف ويالمغفر
تالي ازفه للعرس .. وحوله بنين إلحيدر
وهلهولتي لين السمه .. وفوگه الورد يتنثّر
ماجي على بالي الضنه .. يوگع ذبيح امعفر
واتزفه تالي ابمصرعه .. ارماح وعليها منحر
…
ماچنت احسب بالربه في مهده وگت المرضع
شمعة شبابه عالثره ابدال العرس يتگطع
هاللي حلم لي بالامس
يكبر وازفه للعرس
صار العرس بذل النفس
آه جسّام
@@@
الدنيه بعده خاليه .. ومصباحي ليل ابظلمه
وبس عالهواجس حالتي .. واسمع صده حس اسمه
حارمني فگده لي ابد .. امن الضحكه ويه البسمه
ولو جارت الذكرى اون .. وثوبه الشريف اشتمه
واشتاگ اكثر للضنه .. واتمنه لوني يمه
واتحسر ابعمري الذي .. منه خلت يايمه
…
لمن اشوفن بالبلد شاب ويه امه ممشاه
اتذكر ابني بالحرب يتمشه بس ماني اوياه
انظر اله من الخيم
ابوحده على أميه هجم
والجيش نصين انجسم
آه جسّام
@@@
انا ويه ليلى بس تجي .. ويه الرباب او سكنه
كل وحده تشهگ من گلب .. ومبحوح صوت الونّه
اتلاثه فجيعات ابضنه .. وسكنه فجيعه ابحنه
ابساعة زفاف اتوادعت .. من الذي تتمنه
الله يصبر هالگلب .. صار النعي بس فنه
نگضي المسه نوح وبچي .. لين الفجر يدنّه
…
جمعت ثواكل وارمله نعقد مآتم كل يوم
واسكينه اخضر لابسه وانحني چفها بدموم
جلوة عرس بس بالبچي
وغير النعي ماكو حچي
راح الذي بي نتچي
آه جسّام
@@@
دارت سنه من كربله .. وعاشور صاير من عام
وردينه للطف ابلهف .. ابضعن الارامل وايتام
وبس وصلت للغاضري .. شميت ريحة جسام
طبيت ملهوفه اله .. من ناگتي ؤالطم هام
ولن گبره ريحان انزرع .. ومشموم گبر الشمام
ولمن دنيت ألمدفنه .. ناديت وينك يحزام
…
فوگ الكبر طحت واون وينك يضنوة هالعين
يسلني بس ابمصرعك انك متت لجل حسين
العوذه يمك بالگبر
اقراها يا ضي العمر
بيك الحسن بس يفتخر
آه جسّام
@@@
علي احمد الحمود
٢٧-٥-٢٠٢٣
مصرع القاسم ع
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
گرب شهر المحرم واخلص النيه
واسي ام الذبيح التمشي محنيه
،،،،،،،،،،،،،،،،،،،،،
حضرنه البيارغ والثياب السود
يبو اليمه الدمعنه حضرينه اخدود
گرب عاشور لينه وندري بالموعود
يحضر كل عزاء الجده يوميه
،،،،،،،،،،،،،،،،،،،،
يحضر كل عزاء ويلطم اويانه
ومن يبرد لطمنه المهدي ينخانه
آه يحسين ومصابه يمولانه
يسمع صوت صرختنه الولائيه
،،،،،،،،،،،،،،،،،،،،،،
يسمع صوت ويشاهد دمع يجري
من عين الموالي وجمرته تسري
عل صاحت يبويه فرهدو خدري
يبو زينب الزينب ما الك جيه
،،،،،،،،،،،،،،،،،،،،،
يبو زينب عليهه الحگ يبو النوماس
واحنه وياك نحضر اي وحگ عباس
ميهمنه اليخالف والحچه من الناس
العدل نعرف طريقك جنه تاليه
،،،،،،،،،،،،،،،،،،،،،
العدل نعرف طريقك والمشوه حرار
يبو الحسنين والحبك نجه من النار
وعدنه حسين شبلك صار ابو الثوار
المجد ناله الرفض درب العبوديه
،،،،،،،،،،،،،،،،،،،،،
المجد ناله اليتبعه وينده خادم
وعليه باري النسايم راضي والوادم
ايتمنه هل لقب كل مرسل وعالم
شرف ألنه وكرامه الخدمه حريه
،،،،،،،،،،،،،،،،،،،،،
شرف يحسين ألنه الدمعه والخدمه
ويهنياله الوديعه السجلة اسمه
خادم چان موكب عند ابو اليمه
يهل الدمعه المصاب التمشي مسبيه
،،،،،،،،،،،،،،،،،،،،
نهل دمعه لمصاب من الگفه مذبوح
وليجازي لطمنه ولا يجازي النوح
لو نحزن عمرنه ولو نضحي الروح
منوافي دمعهن ليله ورقيه
،،،،،،،،،،،،،،،،،،،،،
لخادم خدمة الحسين ع
ابو عمار الدراجي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
گرب شهر المحرم واخلص النيه
واسي ام الذبيح التمشي محنيه
،،،،،،،،،،،،،،،،،،،،،
حضرنه البيارغ والثياب السود
يبو اليمه الدمعنه حضرينه اخدود
گرب عاشور لينه وندري بالموعود
يحضر كل عزاء الجده يوميه
،،،،،،،،،،،،،،،،،،،،
يحضر كل عزاء ويلطم اويانه
ومن يبرد لطمنه المهدي ينخانه
آه يحسين ومصابه يمولانه
يسمع صوت صرختنه الولائيه
،،،،،،،،،،،،،،،،،،،،،،
يسمع صوت ويشاهد دمع يجري
من عين الموالي وجمرته تسري
عل صاحت يبويه فرهدو خدري
يبو زينب الزينب ما الك جيه
،،،،،،،،،،،،،،،،،،،،،
يبو زينب عليهه الحگ يبو النوماس
واحنه وياك نحضر اي وحگ عباس
ميهمنه اليخالف والحچه من الناس
العدل نعرف طريقك جنه تاليه
،،،،،،،،،،،،،،،،،،،،،
العدل نعرف طريقك والمشوه حرار
يبو الحسنين والحبك نجه من النار
وعدنه حسين شبلك صار ابو الثوار
المجد ناله الرفض درب العبوديه
،،،،،،،،،،،،،،،،،،،،،
المجد ناله اليتبعه وينده خادم
وعليه باري النسايم راضي والوادم
ايتمنه هل لقب كل مرسل وعالم
شرف ألنه وكرامه الخدمه حريه
،،،،،،،،،،،،،،،،،،،،،
شرف يحسين ألنه الدمعه والخدمه
ويهنياله الوديعه السجلة اسمه
خادم چان موكب عند ابو اليمه
يهل الدمعه المصاب التمشي مسبيه
،،،،،،،،،،،،،،،،،،،،
نهل دمعه لمصاب من الگفه مذبوح
وليجازي لطمنه ولا يجازي النوح
لو نحزن عمرنه ولو نضحي الروح
منوافي دمعهن ليله ورقيه
،،،،،،،،،،،،،،،،،،،،،
لخادم خدمة الحسين ع
ابو عمار الدراجي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
عطشٌ وماءٌ بالجِوار ْ
وجَعٌ بأفئِـدةٍ صِغار ْ
هذي بلَايا كربلاءْ
**
أطفالٌ تجري بمكان ِ
يُكوَى بلَهيب النيران ِ
تستَنشِقُ ريحاً سَوداءاً
مُزِجَت برمادٍ ودُخان ِ
ألسِـنةُ السَـوطِ مع النارِ تَكـوي الأضلاعْ
وصِياحُ الرِهبة والشكوى في الزحمةِ ضاعْ
والنَفسُ حَشرجةُ احتِضار ْ
عطشٌ وماءٌ بالجِوار ْ
**
خَيماتٌ كانت لكِرام ِ
تُحرقها ثُـلّةُ أقزام ِ
لتُحوِّلها بلَضى الحقد ِ
كُـتَلاً لرَمادٍ ورُكام ِ
خيلٌ تَسحقُ كل بَـهِـيٍّ بسنَابكِ جُور ْ
وغَدا نورُ الله الأسمَى شِـلوَاً منـثُور ْ
دامٍ على هذي القِفار ْ
عطشٌ وماءٌ بالجِوار ْ
**
قال الظالمُ جَنبَ فُرات ِ
ستَذوقوا طعمَ المأساة ِ
هذا الماءُ السائلُ بَرداً
يَجري كَبطُونِ الحَيَّات ِ
لن يشرَبَ طفلٌ أو يَروِي من هذا الماءْ
بل يُسـقى طالِبهُ كأساً من سَيلِ دماءْ
ممزُوجةٌ بلَضىً و نار ْ
عطشٌ وماءٌ بالجِوار ْ
**
كم من دمعٍ قَان ٍ سَالا
من مُهجٍ عانَت أهوَالا
كم من قلبٍ غَض ٍّ فيهِ
آلام ٌ غَطـَّت آمـَـالا
في وادٍ قد كانَ بحَـق ٍّ مَدفَـنَ آمال ْ
ذراتُ الرملِ بهِ اختَلطَت بدماءِ الآل
حتى توَشَّحَ باحمِرار ْ
عطشٌ وماءٌ بالجِوار ْ
**
للرحمـةِ آياتٌ كُـبرى
قد نزَلت في هذي الصَحرا
لكن الناسَ على عَمـد ٍ
قد سَامُوا الآياتِ الغَدرا
ماأجحَدهُم وهُمُ الغرقى ببحُورِ هوَان ْ
ذبَحوا وبخِيلِـهُمُ داسُوا سُـوَرَ القرآن ْ
لبِسُوا الخَنا جِلبَابَ عار ْ
عطشٌ وماءٌ بالجِوار ْ
=================
لقمان البدران
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
ضهر المهدي علينا من ثنــيات العزاء
وَجَبَ الشُـــــكرُ يَقِيناً فَشَكرناهُ بُـكاء
****
جـاء من اقصـــى المواجع رجلٌ محني الضهر
صاحب الدمعه الجريه. و ندب مگــطوع النحر
ويانه يبچي لعمته زينب بدمعته المهدي حضر
وطاري من جبنه لرقيه. خاطره وگلـبه انكــــسر
بعزانا المهدي حاضر
يجي مكــسور خاطر
محني وگلبه مشلوع
يعيش أيامه عاشر
بچف ابو فاضل دعينا ذاك البعلو السماء
وَجَبَ الشُـــــكرُ يَقِيناً فَشَكرناهُ بُـكاء
**
هايه ايـــــام السبايا الـ روحه رجعه مجتفات
عليهن الــمأتم نجــــيمه. واللطــم سر الحياة
اتخيل المهــــدي امامك ذاك البدمعاته بااااات
وياك تجري دموع عينه لمجلسك بدموعه فاات
اذا متشوفه. شمه
لگلبك. جيب. هِمَه
تره اليتاني مولاه
كــلش خوش زلمة
يلا الطم واحني ضهرك بس للحسين البقاء
وَجَبَ الشُـــــكرُ يَقِيناً فَشَكرناهُ بُـكاء
**
هذا في الإرجاءِ يسعى زلمه ســـالفته نيـاح
غمض عيونك تشـــوفـــه ذاكه البطوله الجراح
من يجي طاري السبايا گلبه ما ضن يستراح
گوه انفاسه يـــجرها مره يمشي ومره طاااح
زلمه ويمــشي گــوه
يشــوفه البــي امروه
يگول لجدي الحسين
حيل الدمعه تسوه
يلا فك أبواب روحك سافر ودور لقاء
وَجَبَ الشُـــــكرُ يَقِيناً فَشَكرناهُ بُـكاء
**
اكسر بصدرك حسرتك. كسرت اضلوع الحسين
ديين هاي الخدمة فكر. ضايع الماعنده ديين
حاضر المهدي بعزائك. اترس گليــــبك يقيين
اسمع بگلبك عبرته .. صاحب الگلب الحنين
تخيل وجهه ذبلان
تخيل حاله تعبان
حرام تشوفه تجزيي
وهو ايعرفك افلان
محني للمذبوح ضهره ويبچي مسلوب الرداء
وَجَبَ الشُـــــكرُ يَقِيناً فَشَكرناهُ بُـكاء
***////
انت من تنــصب عزيه ومـنك دموعك تطيح
هاي تعني المهدي حاضر يبچي عطشان وذبيح
عيشها الدنيا مجالس. .. و دير بالك تستريح
شوف شيسوي امامك صاحب القلب الجريح
موكب گلبك يصير
المهدي يعيشك بخير
نوح عله الخيم نوح
اترك عيشت الغير
الهوه ال بلمجلس ايهب. يختلف عن الهواء
وَجَبَ الشُـــــكرُ يَقِيناً فَشَكرناهُ بُـكاء
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
يالله فتحوا للحسن ديوانه
وزفوا جسّام ابچبد عطشانه
@@@
يالله مابين الخيم نعلگ شمع
وابصواني امزينه دم ودمع
انجيب عريس ابزفافه منفجع
وحنته من طبرته ابدمانه
@@@
انهلهل انياحه على هذا الشباب
الكوشته صارت على ذاري التراب
عفيه عرسه المنترس حزن ومصاب
ويوم عرسه ابيوم كل احزانه
@@@
ابن شبر صاحب الخير الكثير
ليش عرسه ايصير بالحر والهجير
ومو ورود اسهام طشوا بالأخير
وابزفافه ينحمل جثمانه
@@@
عادة المعرس تحيطه الاصدقاء
عاليهوس واللي يدعوله ابدعاء
وسف جاسم حاطته اسيوف ودماء
وحاطته اجساد لبني عدنانه
@@@
وسفه عطشان ودليله منفطر
وبدل مدحه يشمت ابذبحه الشمر
هالعريس اللي مثل وجه البدر
ابيوم عرسه تنخطف ألوانه
@@@
الراح ماشي صار جثه ابرجعته
وگلب عمه آل اميه فجعته
آه يا جسام طفوا شمعته
ينادي لحسين وتضج اكوانه
@@@
علي احمد الحمود
٢٩-٥-٢٠٢٣
مصرع القاسم ع
اللهم صل على محمد وال محمد وعجل فرجهم
قصائد حسينية مكتوبة لطميات نسائية
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((خجلان الدمع))
خجـــلان الدمع من ينرسم بلوحةّ وجنتي
يالمنطي ضعن منطي نحر شتسوه دمعتي
لا بيه جرح لا فـــــد رمح وحاسبني خادم
وتعزيتي عشگ من الخيم تــسمع حسرتي
اسمع لطمتي وبجرحي عـين
مجلس عبرتي وألطم حسين
هيـــــه المدامع هيـــه التريد
تنزل سوالف مــــا ادري وين
دمعاتي .. ريت وجمر
ونـــاتي .. لــ ام الخدر
صفناتي .. الراحن يسر
يحسيني شكراً الك …
“””””””””””””””””””””””””””””””””””””””””
لو نفرض عمر دون الدمــــعَ ودون العزيه
ساعـــــاته تمــــر مـــــاتنحسب وكله اذيه
اذا مو دمعتي تصرخ هزل وتنادي مذبوح
ماريد العمر لـــــو مــــــا زرت ذيچ السبيه
أجمل ليالي عشــــــت بعزاء
وأجمل مناره فــــي كــربلاء
ودمعةّ عزائي تهتف حسـين
فرضك عرفته فرض العطاء
مديـونك .. من الـمهد
مجنونك .. بعد وبــعد
بعيــونك .. اجمل رغد
يحسيني شكراً الك …
“””””””””””””””””””””””””””””””””””””””””
يا جرحي الأبد ماينسي شما مـــــرت ايام
ألوجن واختنگ لمن تمر روحي على الشام
طويله رحلتــــچ يم الخدر وعالهـزله ويلاه
وشلعان الگلب هذا الحبل بچفوف الايـتام
ضيمچ يزينب أبهل الحبال
جرح الغريبه جرح العــيال
عالهزله طفله صعبه تطيح
يمته وأصيرن بگلبي حـال
للــــرايه .. اخــــدم أنه
ومشايه .. في كل سنه
وبقرايه .. شفــت الهنه
يحسيني شكراً الك …
“””””””””””””””””””””””””””””””””””””””””
اليخدم أي بشر في كِل عصر منبوذ الاقدار
وياارخص ثمن كلش بخس وبروحه محتار
خِدمتكّ بالعكس ياسيدي وتخدمك شـيوخ
واهـــــل المعرفه يــــــابو علي تخدم الزوار
تتبــــاها بيها اهــــل المقام
خدمةّ حبيبي بس والسلام
وغيره اريدن مــــــن العليل
لهل الموده وأهـــــل الخيام
زودنـــــي .. غيره ودمع
وأحسبني .. جــابر ضلع
ولبسنـــي .. جرح الشمع
يحسيني شكراً الك …
“””””””””””””””””””””””””””””””””””””””””
ساعةّ مجلسك ترسم طفل وبدمه مذبـوح
ودللوله جرح من الگلب وگماطه الجـــروح
حسين بمجلسك امك تجي ملهوفه وتگول
عيالي بيا فله وبيا درب و وليدي مطــروح
عبدالله ضـامي ترنيمه صار
عبدالله يبــچي وبگـــلبه نار
حسين وتقدمه وانته الكريم
منطي الالآهك حــتى الزغار
وأنطيته .. ربك خِـــيم
وهّديـته .. رمح وسهم
تعنيـــته .. بنحر الشيم
يحسيني شكراً الك …
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((ياماي))
ياماي ماريـدك بعد
ضليت عازه بكربله …
“””””””””””””””””””””””””””””””””””””””””
يا ماي ماعطـــشك أنه
لـــو ما أضـــوگنك سنه
وشباقي من عمري بعد
وحسين ماضاگ الهــنه
ياماي ماشفت الجرى
وحسين حـزو منحرى
والكافل بصــفك غده
ياماي كســرو خاطره
لَمن اجاك ابن الوصي
لعــــياله مـــا رايد أله
يامــــاي ماريـدك بعد
ضليت عازه بكــــربله …
“””””””””””””””””””””””””””””””””””””””””
يا ماي حرگو خيمتي
وبنار صارت عيـــلتي
يا ماي لو جاي بعجل
وطَفي تلهب جمـرتي
مــــو للعطــش صرت بجمر
من طب على الخيمه الشمر
يــــــاماي صاحـــو للســـلب
وبخيامي مســـــلوب الخدر
ياعطش گلبي للخدر
والماي لا مو مشـكله
ياماي ماريـــدك بـعد
ضليت عازه بكـــربله …
“””””””””””””””””””””””””””””””””””””””””
يامــهر امـــي فاطـــمه
يامــاي باچــــر محكمه
من توگف بيوم العطش
عطشان وعـــيونك دمه
لو گطره منك مرتوي
خليته ضامي ويلتوي
ياماي تدري الوَحَــده
وما واحد يگله جـوي
وسهام مايك بالصدر
جاوبني عن المسـئله
يامـــاي ماريـدك بعد
ضليت عـــازه بكربله …
“””””””””””””””””””””””””””””””””””””””””
يامــــاي ماكـــافـي الذبح
مو هذا اخويّ أعله الرمح
يا مــــاي اسمــك دمـعتي
شما تنذكر صار الجـــرح
ياماي اجالك كـافـلي
ومن سولفالك مـايلي
والجربه گلتلك عطش
چـــــا مـــا تگلها أدللي
ماينفع ويـــاك العتـب
والدمعه صارت سايله
يامــــاي مـاريـدك بعد
ضليت عــازه بكـــربله …
“””””””””””””””””””””””””””””””””””””””””
يامـاي بيــمن تنــتچي
ماينفع ويــاك الحــچي
خليت خدر الله انسلب
لو ميت بطـــولك بچـي
لـــــو ميـــت بفـــي الخيم
وحيلك على الخيمه انهدم
وايــتام عــنــدي ملـــوعــه
ومــطــرحه اهـــل الــشـيم
ياشالع اگلوب الحــرم
انته السهم من حرمله
يـــامــاي ماريـدك بعد
ضليت عـــــازه بكربله …
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((متهدني))
كل ما أهد متهدني
أتقربني ما تطردني
وعن الذنب تبعدني
وتدعيني أطب البيتك …
“”””””””””””””””””””””””””””’
عشرتي وياك من زغري من چان الدرب وحشه
من چان الدمع زحمه أگبال الناس وأتغشه
بدربك لو نويت أمشي حبك يمي بالممشه
يـــا أول صباح الخير يل أنته ندى الغبشه
بهدوء الليالي اجي المجلسك
هواي أبخنگــتي أنه أتنفسك
أنــته الــهوى اي انته
وبــرحــمتـك رخصته
عــبـــدك أنه وشاملته
بلهفه واجي التعزيتك …
“”””””””””””””””””””””””””””’
ماشايف ابوّ مثله حــنين وما عرف يزعل
أبوّ ماعاقب أولاده الـصعاب بحبه تتسهل
دمعه بطـارف أعيونه بضهر مامره يتقول
اذا سائل يدگ بابه خَـجل گــدامه يتحول
ابوي وأحـبه وخدمته شرف
نهر جاري حبه بخيت الغرف
والبي بخـت مد إيده
يغرف و الله إيــزيده
هذا العشگ تــعـويده
وفزيت أنه وحبيتك …
“”””””””””””””””””””””””””””’
أحــبك يـل تلاگيني بحــلم وتصورك منحر
ضامي ماتجي أبالي ضامي وأنته ابن كوثر
تــرى نــوم الرمح كـلفه أخاف أعليك تتعور
أفـضـيـلـك عـمر متـعوب وبروحيتك أطشر
بس زينب تحشمك بشجون الغرام
يــل مــاشـي بـنـويه سـبيه الخيام
وينــك يـروح البيه
صاحو عليّ مسبيه
وآنه اختك العلويه
عن سوطي ماحاچيتك …
“”””””””””””””””””””””””””””’
يل مأســرهم بحبك الحبل يم حبك أشويه
اليشوفك عالوجه طايح ينسه بأذنه ترچيه
والـ بالخيمه مـامچوي جرحك يچويّ بالنيه
حبوك أمتن بي سوط يتارس بالـهوى الريه
بسيطه الهزيله العشگ بي جراح
الــيغازل حـــبيبه وأهوّ عالرماح
شــما غازل أيطگونه
ويعصر يضل بعيونه
بس ملتهي إيشوفنه
هايم بگد شخصيتك …
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
((اتفاخر بذنبي))
اذا حبك ذنب يحسين أگوم اتفاخر بذنبي
وحبك لو دمعتي يـريد ابچيلك گلب گلبي
يادرب العشگ ملهـوف ياصيواني يادربي
ومّـبَيـن الــمــسه الهــوى
لـــو شفــته بالچلمه يعت
لو صحت بسم الي يحب
تــرجـف دمـعتـه ويلتفت
مَسْني غرامك
لفنيّ بوئآمك .. حسين
عشگك طهاره
حــــبْ وزياره .. حسين
احبك ياحسينا … احبك ياحسينا
“””””””””””””””””””””””””””””””””””””””””
حبك احلا مــن المـــاي لا حـــبك بعد احله
والماله سعر بالناس لَـــمن يــخـــدمك يغله
والمحترگه روحه عليك يعشگ عيشةْ الدله
معروفه روحـه الينچوي
بكل مجلس يخضر لطم
تــلــگه بتـــعابـيـر الوجه
شــايل هظم يابو الهضم
شــايل عـبــرته
وجمره بدمعته .. حسين
هزله بخــياله
الشام بسؤاله .. حسين
احبك ياحسينا … احبك ياحسينا
“””””””””””””””””””””””””””””””””””””””””
لو ما خيمتك يحســين چــا صرنه بلا قيمه
شگد تنطي خَيمْ للنـــاس بس انته بلاخيمه
رقيه وسكنه وامكلثوم عگبك ويلي بالهيمه
الهيـــمه مســـكن للخدر
شو بالعكس صار الوكت
ومـــدلـــل الخـــادم الك
مثلك (ابو) لا مـــاشفت
أجمل خصاله
واضــح دلاله .. حسين
جرحه رقيه
وعينه عليه .. حسين
احبك ياحسينا … احبك ياحسينا
“””””””””””””””””””””””””””””””””””””””””
الماحب خدمتك محروم مايعرف شنو الدمعه
والمـــايلطم بعاشور بجرحك ياهو ألي قـــنعه
الماشافك ضوه للناس شمعرفه بضوه الشمعه
مايدري تحضر بالشدد
والمخـــتنگ تفــزع أله
التربه من عنــدك دوى
تحل المــــشاكل كربله
غربّ ومـشارق
منجي الغوارق .. حسين
صوره ومحنه
وبنــحره ونـه .. حسين
احبك ياحسينا … احبك ياحسينا
“””””””””””””””””””””””””””””””””””””””””
والسابع أرض مــــديت ايــدك يالمطلعني
اعلا من السمه يحسين بيدك يالمصعدني
مرتبني مثــــلْ متريد وبالمجلس موقرني
شميتك بخنگتّ جرح
ياعطري وبثوبك اشم
نضرةّ الحب من تبتدي
تتـــلوع بعشـــگ اليتم
جرحْ وعذوبه
حب ومـثوبـه .. حسين
أصل اللـطافه
عشگ الترافه .. حسين
احبك ياحسينا … احبك ياحسينا
“””””””””””””””””””””””””””””””””””””””””
يا أترف ندى اعله الگاع من ينسحگ يتلوه
صدرك بي سمه يحسـين بس الحافر أسوه
الطاحت ياهي يامـولاي ياهو الصار يتچوه
شفت الخيم من تحترگ
والسوط مايـــرحم طفل
عثــــرت رقيــه وغَمضتْ
يالتبچي من شفت الحبل
سوط وهزيله
وجرح العقيله .. حسين
يابويه حيره
زينب أسيره .. حسين
احبك ياحسينا … احبك ياحسينا
عبد زينب
محمد الابراهيمي
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
الى السيده فاطمة العليله عليها السلام
———————–**
اگلوب أهلـي صبــر هاگـــد يحملون
أسبـــاع بحـــرب لـو رادوا يحملون
اگبالــي ضعــونهــم گامــو يحملون
خــذوا روحــي وتوسدت المنيــه
———————–**
الشاعر
موسى البديري
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
السيده فاطمة العليله عليها السلام في الحنين الى اهلها
*——-*——-*——-*——*
بعدكــم روحــي بـس ونــي لهوألها
ودمــوعــي كالجمــر عالخد لهلــها
مشــــو والعيــن مشبــوحـه لهلــها
عليله وبلكــي يلتفتـــون أليـــــه
*——-*——-*——-*——*
الشاعر
موسى البديري
اللهم صل على محمد وال محمد وعجل فرجهم
السلام على الحسين ابن علي ورحمة الله وبركاته
ً
ــــــــــــــــــــــــــــــــــــــــــــــــــــــــ
الشاعرظاهر حبيب الهليجي
نكثت عهدهه — الكوفه بوعدهه — خانت سفيـر حسين
مسلم وجدهه — حيـن الــوردهه — لا ذمه عدهه ودين
بهايه الظلامه —— ردت كلامه —— خانت سفير حسين
—
مسلم كاصــدا الكوفـــه — يتــامـــل خبــــر منهــم
يحمــل مـن ابــو السجـاد — كتاب يريـــد بيعتهــم
سمعأ يا سفيـــر حسيــن — جواب الجان من عدهم
لحسين والــك انصـــار — اهل الكوفــــه صيحتهم
سمعوا خطابه — فخرا انتسابه — شهرت عليه اسيوف
ردو جوابـــه — نكـــروا كتابــه — بذيج السيوف اطوف
راعي الشهامه —– ردت كلامه —– خانت سفير حسين
—
عرف واقعه هاي الناس — بانت كــــل مكايدهه
ترضه بهل ظلم والجــــور — وابن زيــــاد قائدهه
طبـــــع بيــه العبوديــــه — مـــا تهـوه اليساندهه
ترفض أن تكون احرار — ترضخ هذه مكصدهه
غدر بطبعهم — يمشي ويـدمهم — الهم بقت اثـــــــار
للما رحمهم — ولي ظلمهم — مدت جفوف العـــــــار
ونسل الكرامه —— ردت كلامه —— خانت سفير حسين
ناس اتمــردت عالــدين — غايتهـه الطمـــع والمال
نكروا كل وعـد لحسين — ولا جنهه اكتبت مرسال
قبلــت بالظلـــــم يبقــــه — وقبلت تبقـــه نفس الحال
ما رادت عـــدل واصلاح — ما همــه الظلم لو طال
اهل الظلالـه — تخون الرسالـه — وتبايـع ابـن زيـــــاد
طبع الرذاله — بهــاي السلالـه — تتوارثه الاحفــــــــاد
بحرب الامامه —— ردت كلامه —— خانت سفير حسين
—
مسلم من خطب بيهم — الهــــم راد حريــه
لاكن رفضوا المضمون — ديدنهم عبوديــه
لبن ازياد تنطي اعهود — والمسلـم عدائيــه
قبلــت بالحديـد ونـــار— وللظالـــم ولائيـــه
ترضه بظلمهه — من الحكمهه — واقعهه هاي الناس
مسلم فهمهــه — يـدري بجرمهه — تقبل حكم ارجاس
بهاي العلامه —— ردت كلامه —— خانت سفير حسين
—
تاريخه الفخـــر خطاه — بموقف من دمــه نحره
بــرى ذمتــه امام الله — مسلــم واحتســب امـــره
بلغهم لقـــى الحُجــــه — وحياته نختمــــت بثوره
رفع شانه بدمه الشريان — وانهار الطغه وقصره
مسلم مناره — بدرب الحياره — صاغه بدمه الشريان
ظل انتصــاره — منهــج غيـــاره — بلكوفه ظل برهان
العالي مقامه —— ردت كلامه —— خانت سفير حسين
جميع القصائد منقولة من قنوات منبريون