ام احمد الساعدي]
لطمية لإستقبال شهر الدمعة
👇🏼
يحسين يامن خدمتك تحييني
انتَ صلاتي والعقيده وديني
عمري بمحرم يبتدي
هو حياتي ومولدي
لبن الزچيه اجريهه دمعة عيني
——————
مولاي اقبل خدمتي انه ادري ابد متردني
خدامك الباعوا عمر وياهم آنه احسبني
تحت المنابر گعدتي ولحن المجالس وني
زادي وحياتي لطمتك
بالحشر رايد وگفتك
لجلك فديت ايامي كلهه اسنيني
——————
هالخدمه من رب العرش اعظم هديه ونعمه
منعوفهه ولا نبتعد والمحب يفدي دمه
محلانه لو كلنه سوه شدينه هاي اللطمه
نوجع صدرنه والضلع
زاد الخدم صار الدمع
اسمك وشم خليته فوگ اجبيني
——————
هاي المجالس سلوتي بيهه نعازي الزهره
نحضر اندور فاطمه والأمل نحضى بنظره
للخادم الكم امنيه بيهه يخلص عمره
يوافيكم بلطم الصدر
وايامه خادمكم نذر
مولاي خادم للخدم خليني
——————
زادي دمعتي وونتي لو بالگبر نشدوني
وجهت وجهي لكربلا تشبح رجاء اعيوني
عافوني عني اتكترو ماگدرو يحاچوني
گالو وگف منه الحچي
زادو على حسين البچي
بالگبر محلاه اللطم لحسيني
——————
بالمگبره صار اللطم والتمت اللطامه
والزهره ملايه وتون حيدر يدگ عالهامه
زينب اجت ويه الحرم تحچي اليسر وآلامه
عباس يقره الفاجعه
والمجلس يضج بالنعه
وام البنين تصيح آ يبنيني
لخادمة الرسول واهل بيته عليهم السلام
ام احمد الساعدي
لتعجيل الفرج
نسألكم الدعاء
الهي لاتحرمنا شرف خدمة الحسين واقامة مجالس اهل البيت بحق محمد وال محمد
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
7.مؤسسة منبريون للشاعرات, [٠٧.٠٨.٢١ ١٥:٢٧]
[Forwarded from ~]
بِـ طور / بوابة عاشور، ملا مسلم الوائلي
_______
جديد :
قصيدة *[ #توجع_هالأيام ]*
في حال السيدة #فاطمة_العليلة ومرسالها لِأبيها (ع) ، 1443 هـ .
______
المستهل /
توجع هالأيام .. وحق الله توجع
اغيابك بس آلام .. وترحل لو ترجع
كومة مشاعر بالقلب
أيامي من صعبه الـ صعب
وحق الله توجع .. وحق الله توجع
1 /
فاطمه آنه العليله ، لوالدي عندي كلام
ويسمع السامع كلامي ، من بعد كل السلام:
كلشي يوجعني بغيابك، كلشي من عقبك ظلام
حاوِطَّني وحقَّك الهم، بجانبي وخلف وأمام
كل مايرحل يوم .. بغيابك أذبل
وأمنيتي بعمري .. يرجع من أوَّل
راحاتي چنت انته وعُقب
أيامي من صعبه الـ صعب
وحق الله توجع .. وحق الله توجع
2 /
ليله ليله احسبن لك، آنه أيام السفر
اُو تحضر الوادم إليَّه، لو أخذ قلبي الكدر
"لا تواسوني بغِيابه، ما يعوضه من حَضر
شفتو هَم نجمه بعمركم، تعوَّض اغياب القُمر؟!"
بس واحد لحسين .. وكل شوقي لواحد
الدافي حضنه وبس .. غيره الكل بارد
من سافر اديار الغُرب
أيامي من صعبه الـ صعب
وحق الله توجع .. وحق الله توجع
3 /
كل وگت يسرح خيالي، كل وگت طيفك أشوف
تطلع ابّين السوالف، لو حچو واحد عطوف
" منهو مثل احسين يعطف، منهو مثلاته رؤوف
ادعي الله يردلي سالم، من -ثنيَّات- الطفوف
العطف ابقلبك بات .. والحِنَّه تجلَّت
بس عني اتخليت .. وبالخاطر ظلَّت
قلبي يبويه منعطب
أيامي من صعبه الـ صعب
وحق الله توجع .. وحق الله توجع
4 /
باقيه روحي اعلى ذكرك، من نسولف آنه وانت
بالمواقف يحچي قلبي، انته شنهو تسوي كنت
فقدة الغالي چبيره، بقلبك آنه بويه هِنت!
لسه اعتب عتب أحبه، ليش اُو عفتن لك بنت؟
زادت علْتي ابلاك .. وسكنتني الغربه
لو ماخذني وياك .. ما عشت الصعبه
يا بويه منها ينهرب
أيامي من صعبه الـ صعب
وحق الله توجع .. وحق الله توجع
5 /
لك أنا كل يوم أكتب، وأشكي أحوال القلب
الحين شفت امسافر الـ طف، قتله وصِّلها الغُرب
ولونه لك يابويه وصَّل، ارسالتي وطاف الدرب
سلَّم اعلى اخواني واهلي، ياللي فرقاكم صعب
وعبدالله بالذات .. قبِّل لي ايده
وقله بالله اعليك .. شقد اخته تريده
يا أهلي مَأرتاح القلب
أيامي من صعبه الـ صعب
وحق الله توجع .. وحق الله توجع .
_______
بِـ قلم /خادمة وليِّ النعمة ( قصائد وليِّ النعمة )
7.مؤسسة منبريون للشاعرات, [٠٧.٠٨.٢١ ٢١:٠١]
[Forwarded from الشاعره ليلى زغيب]
#ليلة_شباب_كربلاء
جديد محرم ١٤٤٣ هجرية قصيده بعنوان (راحوا الغوالي) لسان حال ليلى ورمله على أجساد ولديهما
اتگابلن بالخيمه النسه والدمعه جريه
ليله تنوح الاكبر علي ورمله تنادي اشهالرزيه
تگابلن والدمعه تجري والحزن خيم عليهن
وحده تنحب وحده تندب والحزن طفه عينيهن
شافوا أجساد الولد وبالدمه صبغن ايديهن
من عگبكم يالغوالي حل ظلام الغاضريه
▪️▪️▪️▪️▪️▪️▪️▪️▪️▪️▪️▪️
ليله تخمش خدها تنحب ياعلي الأكبر ييمه
يا حسافه طولك انته صابغه يا يمه دمه
عگب عينك يالاكبر أصبحت هالدنيه ظلمه
انته نايم عالثره وانه اصفگ بس اديه
▪️▪️▪️▪️▪️▪️▪️▪️▪️▪️▪️
رمله ويلي اعله جسام تلطم الخد وتنوح
يا شمعة سنين العمر غصبن منيدي تروح
شمعه اعله طولك من دمع عيني السفوح
أظلم البيت بغيابك شلي بالدنيه الدنيّه
▪️▪️▪️▪️▪️▪️▪️▪️▪️▪️▪️▪️
فوگ الجثث واتمددن وسط خيمه امن الحزن
جمر المصيبه يستعر والدمع شبه المزن
جمرات الولِد ما تنطفي حدر الضلوع اتوجرن
بالدمه حنن اديهن وبالحشا جمره لظيه
▪️▪️▪️▪️▪️▪️▪️▪️▪️▪️▪️▪️
نادن بصوت الحزن يالعقيله الحگينه
جاسم واكبر علي بالطفوف امفارگينه
ناموا بأرض البلا وبالدمه حنوا ادينه
لنهه زينب عالشباب تنادي وينج يالزجيه
تمت بعون الله تعالى
خادمة الزهراء / ليلى زغيب
الشاعره ليلى زغيب
اين الطالب بذحول الانبياء وابناء الانبياء
https://t.me/Doumooalanin
7.مؤسسة منبريون للشاعرات, [٠٧.٠٨.٢١ ٢٢:١٣]
[Forwarded from ام احمد الساعدي]
فزاعية
لا هليت يا عاشور
بيك تزيد احزاني
بيك افگد عزيز الروح
دم دمعي عليه مسفوح
عالغبره يظل مذبوح
هو وجملة اخواني
شهر النوح والحسره
اخيي ينگطع نحره
احا يامهجة الزهره
مني تروح ولياني
حسين وهم بعد عباس
بعد الكتل گطع الراس
تولينه كفر ارجاس
وحيده الوكت خلاني
خلاني ومشه الوالي
لا كافل اليبرالي
ميته كون اشوالي
الشمر خويه تولاني
شهر بيه راحت الخِدَر
بديار الغرب تفتر
ودمع العين يتفجر
درب اليسر بچاني
ام احمد الساعدي
لتعجيل الفرج
نسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
7.مؤسسة منبريون للشاعرات, [٠٧.٠٨.٢١ ٢٢:٢٩]
[Forwarded from ام احمد الساعدي]
فزاعية للرحيل
شد الرحال ابو علي
ولكربله اتعناهه
—————
ماخذ خواته وكل هله
متعني گاصد كربله
وعباس يحدي القافله
يبره خدر بت طه
—————
اوياه العقيله امخدره
بت فاطمه وبت حيدره
والضعن يرهب منظره
الحادي الگمر وياهه
—————
عباس حاديهه الگمر
تعاين وحسرتهه جمر
من بعده يحديهه شمر
بسوطه وسف ممشاهه
—————
ودعت امهه والوطن
تدري ترافگهه المحن
يصبح اسمهه ام الحزن
تشاهد ذبح ولياهه
—————
تنظر ذبح حرگ الخيم
حسين مضروب بسهم
وبكتر عباس العلم
الهامه تصب بدماهه
—————
هالسفره بيهه ننولي
ينذبح جسام وعلي
بلا روس ظلوا كل هلي
حار الرمل غطاهه
نسألكم الدعاء
لخادمة الرسول واهل بيته
ام احمد الساعدي
كل جديد على قناتي 👆🏻
شاركونا مأجورين
7.مؤسسة منبريون للشاعرات, [٠٧.٠٨.٢١ ٢٢:٤٧]
[Forwarded from ام احمد الساعدي]
طور وداعاً ياحبيبي ياعلي وداعاً
وداعاً يلگلتلي ادللي وداعاً يلگلتلي ادللي
وداعاً يلگلتلي ادللي وداعاً يلگتلي ادللي
خويه انت الي جبتني من الوطن مهيوبه
ومن اجيت من المدينه معززه ومحجوبه
خايفه من يطر باچر خيمتي مسلوبه
وعيلتك يابو الحميه عالهزل مسحوبه
وانادي بصوت وينك ياعلي
وداعاً يلگلتلي ادللي وداعاً يلگتلي ادللي
صعب يبن امي الموادع فرگة الغوالي
هذا حالي يبو اليمه احچيلك شجرالي
وينك بساعة الشده من چنت تبرالي
وينك ووين ابو فاضل راسي بيكم عالي
بوجودك حزني كله ينجلي
وداعاً يلگلتلي ادللي وداعاً يلگلتلي ادللي
خلي اودعنك واشمك عندي الك وصيه
بآخر الانفاس وصت امك الزچيه
خويه من نحرك أقبلك ساعة المنيه
صعبه يبن امي أودعك رايح من اديه
وداعاً آه يانار الولي
وداعاً يلگلتلي ادللي وداعاً يلگلتلي ادللي
شلون بيه لو خذوني محيره واسيره
وانه انده يبو فاضل وين راعي الغيره
گولو لمحمد يجينه ونادو العشيره
زينب انه اصبح سبيه يالچنت أميره
هظيمه گلبي بالهم مبتلي
وداعاً يالگلتلي ادللي يلگلتلي ادللي
انه زينب يخو زينب حايره بوداعك
حرگو اخيمنه علينه شلون حال اطفالك
ياحسين شلون بيه لو شفت ذباحك
وانه ياخويه غريبه وحايره بسجادك
غريبه وحدي خويه بلا ولي
وداعاً يلگلتلي ادللي وداعاً يلگتلي ادللي
لخادمة الرسول واهل بيته
ام احمد الساعدي
ونسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
7.مؤسسة منبريون للشاعرات, [٠٨.٠٨.٢١ ١٣:٠٤]
[Forwarded from ام احمد الساعدي]
شدة
فايزي
هلو الدمع واسوا العقيله والزچيه
فرگه وحزن شهر المآسي الزينبيه
♾♾♾♾
عاشور ياشهر المصيبه وفگد الاحباب
مذهوله بت حيدر علي من عظم المصاب
شافت مصايب يابشر منهه الطفل شاب
قيموا المجالس رفعوا رايات العزيه
اصواتكم خل تعتلي فوگ المنابر
ياويلي عالداست على جسمه الحوافر
للطحنوا اضلوعه سوه نعمي النواظر
لاچفن لا تغسيل ظل اعله الوطيه
لخته الحزينه اليوم دم يجري دمعنه
امصاب العليهه ماجره ومابي سمعنه
نادت بحرگه شوف ياحيدر وضعنه
ولدك گضوا كلهم براضي الغاضريه
شافت اخوهه بلا رحم رضوا اضلوعه
وعريس بالحومه وگع طفوا اشموعه
اتعاين لعبد الله الطفل تهمل ادموعه
گلبه يبس من العطش رايد اميه
وشلون من جاهه المهر صاح الظليمه
صاحت يهاشم گوموا ياأهلي الحشيمه
ترضون مذبوح الولي وتنزف ادمومه
يومك يبو الأكبر فلا مثله رزيه
صدت وشافت خيلهم تسحگ بصدره
والشمر جاثم عالولي يگطع بنحره
نادت ييمه اتحيرت وينچ يزهره
ابنچ ذبيح بكربلا وآنه سبيه
،،،،،،،،،،،،،،،،،،،،،،،،،،
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
7.مؤسسة منبريون للشاعرات, [٠٨.٠٨.٢١ ١٦:١٧]
[Forwarded from ام احمد الساعدي]
حماسية
جنوبية
يحله لطمنه عالمتن
ولزينب انعزيهه
فگدت اخوتهه اعله الثره
وحسين گطعوا منحره
وحدهه ويلي امحيره
عدلي اللطم عينينهه
مفجوعه زينب بت علي
ووداع صار اوي الولي
ادموعهه دم اتهلي
عالرايح امخليهه
حسين ياوالينه
لتروح وتخلينه
تدري الشمر يولينه
والحرم من يحميهه
نتگابل اوياهه نون
يساعدهه ربهه عالمحن
شافت مصايب ما سدن
وميسره تاليهه
توجع لزينب لطمتچ
وياهه علّي ونتچ
واسي العقيله بدمعتچ
حرگوا اخيمهه اعليهه
ياوسفه يحديهه الشمر
واليهه مگطوع النحر
وعباس ظل اعله النهر
بت حيدره اميسريهه
خلونه نبچي اوياهه
انقيم العزه لولياهه
ويه الغرب مسراهه
بهالفاجعه نواسيهه
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
7.مؤسسة منبريون للشاعرات, [٠٨.٠٨.٢١ ١٦:١٧]
[Forwarded from ام احمد الساعدي]
السلام على مولاتي جبل الصبر
السلام على العالمة غير المعلمة
والفاهمة غير المفهمة
السلام على مولاتي زينب العقيلة
اوگف وانحني وحيي الكفيله
وأوصفهه وصف ماكو مثيله
🙋♂️🙋♂️
من تكتب تخلي الأيد عالراس
زينب هاي زينب رفعة الراس
اخت حسين واخت البطل عباس
كافي بشعرك تمس العقيله
—————-
زينب هاي زينب تسأل شلون
زينبنه عقيده ونهج للكون
زينب مدرسه وعنهه يكتبون
زينبكم منو هالاسم شيله
—-————
زينبنه صبرهه هد الاجبال
وزينبكم ذليله بولية ارجال
زينب ترتجي لا منهو الگال
زينبنه فخر حفظت العيله
—————
زينب هاي زينب يالتنشدون
زينب للصبر عنوان تدرون
ياذله العليهه انتم شتحچون
لا والله زينب مو ذليله
—————
يالتكتب قصيده راعي الإحساس
لاتجرح گلبهه اخت عباس
زينب ابد لا ما طخت الراس
زينبكم لزينبنه دخيله
—————
شحچي انه وشگولن يالتكتبون
زينب چانت تضم دمع العيون
عزيزه دموعهه أگبال اليعيلون
كفو ونعمين بت حامي دخيله
—————
قياده وجيش زينب حفظت الدين
ناطق رسمي چانت باسم الحسين
بت حيدر علي يالتنشد امنين
جليله وبالنسب بنت الجليله
——-&&&&——-
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
7.مؤسسة منبريون للشاعرات, [٠٨.٠٨.٢١ ١٨:٥٧]
[Forwarded from ام احمد الساعدي]
مربعة
يمه يلولد يانور البعيني
ضيعت الدرب ياهو اليدليني
حلو الطول فارگني ومشه عني
وفراگه صعب ياناس مرمرني
مانشفت الدمعه ومابطل وني
صحت ياناس فرگه الولد عاميني
ياموت الشباب شكثر بيه فجعه
ياويلي عليهه لو إجوا ربعه
تنشدهه عليه وتجاوب بدمعه
تگلهم راح وآنه الضيم غاطيني
خلونه نروح لگبره نتعنه
ناخذله اشموع ونعجن الحنه
يحاچينه الولد لو نگطع الظنه
بعد هيهات الگاه ويلاگيني
اريد اگعد وأنشدك يلولد يبني
يهون اعليك يمه من تفارگني
أريدك للگبر يمه تشيعني
بتابوتي بإيدك يمه خليني
أصد للدار أدور ريحتك بيهه
اشوف الدار حزنانه اعله راعيهه
يمه يالولد گلي شتاليهه
يبعد الروح ياييمه دحاچيني
أدور وأنشد الشبان يوميه
على العريس راح ومايرد ليه
طفو شمعته وسوو الوداعيه
والفاگد اعزيه ويعزيني
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
7.مؤسسة منبريون للشاعرات, [٠٨.٠٨.٢١ ١٩:٢٥]
[Forwarded from ام احمد الساعدي]
مربعة
راح قاسم مني وفجعوني
آنه أمه الفاگده عزوني
راح سهري يالولد تعب العمر
گلبي لفراگك ييمه منفطر
لو تعود لجيتك انذر نذر
حنتك اعجنهه دمع عيوني
عرس يبني لو عزه ونوح ولطم
وراسك امخضب وبالنص منجسم
عالثره مطروح يبقه هالجسم
وبدمه جسام لصبغ لوني
كل عرس لو فات اذكر زفتك
وعلي الأكبر من بنالك حوفتك
واعجن وفرحانه يبني حنتك
تالي من دم رگبتك حنوني
شلون گبل امه الولد من يندفن
وچنت اريده يلفني بيده بالچفن
ليش گبلي اعيونه ياوسفه غفن
ريت گبلك يالولد دفنوني
ياشباب الما اتهنه بزفته
صوبوه بسهام ابني بجبهته
ياوسف عالهامه صارت طبرته
بسهامهم گبل الولد ضربوني
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
7.مؤسسة منبريون للشاعرات, [٠٩.٠٨.٢١ ٠٠:١٤]
[Forwarded from ام احمد الساعدي]
على طور محرم ياهلا بشهر الدمع
محرم بيه زينب تنولي
محرم بيه رايه تعتلي
راية الاحزان تعلى واللطم عنوانك
والمواكب بالعزيه تقره لحن احزانك
ياعلي فوگ الوطيه تنذبح شبانك
ننزع الالوان كلهه وبس سواد الوانك
مدامع من دمه كلهه اتهلي
………………….
شهر بيه گطع المناحر بيه توگع رايه
عالنهر تنضرب هامه فوگ المسنايه
چفوف مگطوعه وفيه امن الله صارت آيه
بكل سنه كافل الحره تنصبله اقرايه
معاني للوفه إبنك علي
…………………..
شفنه بيه للشيعه موقف نعجز بتفسيره
واگفين بكل عزيمه تشوف كلهم غيره
الناس محتاره بوصفهم حيروهم حيره
كرم واخلاق ومبادئ صارتلهم سيره
معاني وبوصفهم تنجلي
……………………
كل حسينيه تنادي حسين آ ومصابه
وونه بالمجلس سمعنه ونارهم لهابه
دمعة اليقره التعازي من دمه سچابه
وسطة اللطامه تنعه الزهره ويه احبابه
تنادي حسينكم ظل بالخلي
……………………
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
7.مؤسسة منبريون للشاعرات, [٠٩.٠٨.٢١ ١٣:٣٧]
[Forwarded from ام حسين الاسدي]
قصيده لحلول شهر محرم الحرام
الك يحسين هالمجلس نصبناه
عله مصابك نون بحسره وباه
🖤🖤🖤
الك يحسين علكنا احنه الاعلام
ونجدد حزنه بكل سنه وعام
عاشورك حزن يهيج الالام
ونارك بالگلب ماتطفه والله
🖤🖤🖤
عله مصابك نون ونهل دمعنه
يامظلوم يلحبك جمعنه
ندك عالصدر هذا طبعنه
من يوم الولاده احنه عرفناه
🖤🖤🖤
ندك عالصدر ونادي يحسين
ياعطشان الك نجهر بالونين
مانكطع حزنه أيام وسنين
اصغار اكبار نندب واه حسيناه
🖤🖤🖤
ازغار كبار نندب ياامامي
محروم العذب يلمتت ضامي
بدمع العين ابعثلك سلامي
ريت اهناك يوم العاشر اوياه
🖤🖤🖤
ريت هناك كلنه بكربله نروح
انصارك نصير نداوي الجروح
نفدي اركابنا يحسين والروح
نموت وياك بس هذا الي ردناه
🖤🖤🖤
تمت بعون الله تعالى
✍️خادمه الزهراء ام حسين الأسدي القصائد والاطوار موجودة في القناه للاشتراك
7.مؤسسة منبريون للشاعرات, [٠٩.٠٨.٢١ ١٣:٤٩]
[Forwarded from ام احمد الساعدي]
مجلس وداع
الحسين (ع) وعياله
صلى الله عليك سيدي ومولاي يارحمة الله الواسعة ياباب نجاة الأمة ياغريب ياعطشان ياسليب
يامن نحره منحور يامن داست على صدره الخيول
يبن الزهراء
السَّلامُ عَلى المَنْحُورِ في الوَرَى، السَّلامُ عَلى مَن دَفنَهُ أهْلُ القُرَى، السَّلامُ عَلى المَقْطُوعِ الوَتِينِ، السَّلامُ عَلى المُحَامي بِلا مُعِينٍ.
السَّلامُ عَلى الشَّيْبِ الخَضِيبِ، السَّلامُ عَلى الخَدِّ التَّرِيْبِ، السَّلامُ عَلى البَدَنِ السَّلِيْبِ، السَّلامُ عَلى الثَّغْرِ المَقْرُوعِ بالقَضِيبِ، السَّلامُ عَلى الرَّأسِ المَرفُوعِ.
السَّلامُ عَلى الأجْسَامِ العَارِيَةِ في الفَلَوَاتِ، تَنْهَشُهَا الذِّئَابُ العَادِيَاتُ، وتَخْتَلِفُ إِلَيها السِّباعُ الضَّارِيَاتُ.
السَّلامُ عَليْكَ يَا مَولاَيَ وعَلى المَلائِكَةِ المَرْفُوفينَ حَولَ قُبَّتِكَ، الحَافِّينَ بِتُربَتِكَ، الطَّائِفِين بِعَرَصَتِكَ، الوَاردِينَ لِزَيَارَتِكَ.
ولَئن نسيتُ فلَسـتُ أنسى زينبـاً
ودوام مِحنتهـا وطـول عنـائهـا
حَمَلت مِن الأرزاء ما أ عيا الورى
حَمـلَ اليسير النَزر مِـن أعبائهـا
عن كَربها و بَلائها سَـل كربـلا
سَـل كربلا عـن كربها و بلائهـا
طَـوراً على القتلى تنوح وتـارةً
تحنـو محافظـة علـى أبـنائهـا
وتطوف حـول حمىً أباد حُماته
صَرفُ الرَدى وأبـاحَ هَتكَ نسائها
مَـن مُبلغٌ عنّـي سرايـا هاشـم
خبَـراً يَـدُكّ الشمّ مـن بَطحائهـا
سُبيَت ، و أعظم ما شَجاني غَيرةً
يا غيرة الإسلام ـ سَلبُ رِدائها
و وقوفهـا فـي مجلـسٍ جُلاسُه
أهوى بهـا الشيطـان في أهوائها
الشاعر الحسيني المرحوم الحاج محمد علي آل كمّونة ( رضوان الله عليه)👆🏻
ماهو حال من تودع إخوتها وبنيها وشبان بني هاشم
تراهم وهم يتقدمون للمنية واحداً تلو الآخر حاملين الأرواح بين يديهم يفتدون سلط الرسول وابن الزهراء البتول
تگلهم
ودعتكم يمه
شو للمنيه ودعتكم
بلا روس عالغبره شفتكم
چا وين حامي الجار عنكم
يحضر يشوف الصار بيه
نصاري
يشبان ياحلوين الارسوم
وسفه غسلكم صاير ادموم
عباس ركب اچفوفك وگوم
والحگ تره زينب سبيه
للمشرعه رحت وتعنيت
بلچن يگوم الوالي ياريت
يرد للوطن بينه تمنيت
ولانبقه بيد ابن الدعيه
تحمل زينب عبد الله الرضيع بين يديها وتتوجه به الى الحسين بأبي هو وأمي
تگله
خويه يبو علي
عطشان طفلك والگلب نار
ادريك خويه شلون محتار
مشدوه بينه ازغار وكبار
وعينك علينه تظل ربيه
مدري شگلك شحچي وياك
عبد الله ضامي لبة احشاك
گطرة اميه لگلبه انخاك
رضيع وما يحمل اذيه
يگلهه
يختي كسر گلبي اوليدي
لو يصح يختي ولو بأيدي
اسگيه انه من وريدي
خايف انه يروح امن اديه
يأخذ الرضيع للأعداء ليطلب له شربة ماء فيعود بعبد الله الرضيع مذبوح من الوريد الى الوريد
يگلهه بلسان الحال
جبته ذبيح الولد لمه
خل تجي تودعه وهم تشمه
وبأيدهه تمسحله دمه
يساعدهه الله اعله الرزيه
ساعد الله قلبك مولاتي يازينب عندما رأت الحسين يودع بناته وحرمه
توجهت له بدموع جارية وقلبٍ موجوع
تگله بلسان الحال
يحسين خويه ودعتنه
وبيد الأعادي سلمتنه
للشمر يبن امي عفتنه
اظلن غريبه واجنبيه
ظليت ادير العين ليكم
حشمت ياعباس بيكم
زينب عزيزه وتنخيكم
شوفوا الخيم شبت عليه
ارجعوا لختكم لا ترحلون
لفراگكم اعميهه العيون
لا تودعون
عوفوا الفرگه ولا تودعون
على اوداعكم ماني جويه
ابو ذيه
وينه يجي ويحضر .. علينه
نار الخيم شبت …… علينه
صوت النوايح هم…. علينه
من راح والينه امن ادينه
إنا لله وانا اليه راجعون وسيعلم الذين ظلموا ال بيت المصطفى إي منقلب ينقلبون والعاقبة للمتقين
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
7.مؤسسة منبريون للشاعرات, [٠٩.٠٨.٢١ ١٣:٥٠]
[Forwarded from خادمة الزهراء منى البصراويه]
رداديه لليوم الاول من المحرم
😥😥😥😥
نصرخ اليوم بونين / وامامي واحسين
-----1-----
اليوم واحد بالشهر / وامامي واحسين
نعازي فاطمه بقهر/ وامامي واحسين
جاير عليها الدهر / وامامي واحسين
نعازي امير المؤمنين
-----2-----
هل محرم ياشباب/ وامامي واحسين
ذكروا زينب والرباب / وامامي واحسين
وبن الحسن ويه الخضاب/وامامي واحسين
وعلي الاكبر الحنين
-----3-----
نصبو خيمه للعزاء / وامامي واحسين
وطلبوا من الله الشفاء/وامامي واحسين
يخلصنه من هالوباء / وامامي واحسين
ويدحر كل الكافرين/ وامامي واحسين
-----4-----
ماينكطع هذا العزاء / وامامي واحسين
وللقيامه كربلاء/ وامامي واحسين
ماننسه ذيج الدماء / وامامي واحسين
اليوم مهدينه حزين
-----5-----
اليوم حمره دموع عينه / وامامي واحسين
وينها الشيعه تعينه/ وامامي واحسين
تذرف الدمعه الولينه/ وامامي واحسين
وللولايه ناصرين/وامامي واحسين
-----تمت بعون الله-----
بقلم خادمة الزهراء منى البصراويه
9/8/2021
7.مؤسسة منبريون للشاعرات, [٠٩.٠٨.٢١ ٢٢:٢٦]
[Forwarded from ~]
بِـ طور / آه يازينب، سعيد المعاتيق
_______
جديد :
نعي *[ #ليلة_العاشر ]*
في خِطاب الإمام الحسين (ع) إلى أصحابه وأهله في ليلة العاشر، محرم 1443 هـ .
______
المطلع /
ناده احسين اصحابه
وأهله بليلة العاشر
اُو دار اعليهم امحلِّل
ذممهم، ليلة العاشر
1 /
ما قصرتوا يـأصحابي
ومنكم أوفى ما شايف
و أبَّر ماكو امن أهل بيتي
اُو لا أوصل أنا عارف
باچر هالحرب تبدي
واعليكم أنا خايف
وهذا الليل اجه ساتر
امشوا وهاذ أنا داير
2 /
قلهم بوعلي لعدا
ترى غيري اهي مَتريد
كل واحد من أصحابي
امن أهلي خل يشد الإيد
ويرحل وأهله واعياله
ولا ايخلي إليه اوليد
هذا الليل اجه ساتر
امشوا وهاذ أنا داير
3 /
امشوا ويَّا نسوتكم
زينب ماتشيل أكثر
ابحَرِق لخيام اُو درب الشام
منهو اتداري اُو تحضر؟!
مالي اتراب دربها شوك
الـ دربها مُفترض أخضر
ابقلبها عِينوا هالصابر
اليداري مَن يِظَل حاير
4 /
رد اعليه "زهير" اُو قال
اسمعنا سيِّدي الـ قِلته
اُو لو هالرُّوح مِتخلده
ردنا انموت معاك انته
ونسوتنا وي الحوراء
تلقى امن الضرب شتَّى
نبقى اوياك للآخر
ولا تبقى بلا ناصر
5 /
نهض "بن عوسجه" قايل
تريد انعوفك ابهالحال؟
لا والله مَنعوفك!
إلا اُو روسنا ابعسَّال
ومنك هالحچي "العباس"
خويه قَـلَّـه لا ينقال
وجَمِعهم ليلة العاشر
مامنهم رضى ايسافر .
_______
بِـ قلم /خادمة وليِّ النعمة ( قصائد وليِّ النعمة )
7.مؤسسة منبريون للشاعرات, [٠٩.٠٨.٢١ ٢٢:٢٦]
[Forwarded from ام حسين الاسدي]
قصيده لام البنين عليها الصلاة والسلام
باب الله ورحمته ام البنين
ماخاب الكصدها ودمعه بالعين
🖤🖤🖤🖤
باب الله ورحمته تكضي حاجات
هاي الطاهره ام المهمات
ليدك بابها ماترده هيهات
بس يقسم عليها براس الحسين
🖤🖤🖤🖤
بس اقسم عليها براس ابنهه
من يوم المشه ما فل حزنهه
تون عليه صار النوح فنهه
أيام وليالي تهمل العين
🖤🖤🖤🖤
تبجي حسين وتفديله ولدها
شبان اربعه يهونون عدها
بس سالم يرد هو سعدها
هاي الفاكده ام گلب الحنين
🖤🖤🖤🖤
بابج هالوكفنه يالحنينه
تزيحن الهظم والهم علينه
يم عباس تره وليه نوليه
تعبنه هواي ونريدج تحضرين
🖤🖤🖤🖤
تعبنه الزمان وعال بينه
بامراض وسكم احنه بتلينه
بجاه حسين مدي ايدج علينه
وصفه للمرض وانتي تشافين
🖤🖤🖤🖤
تمت بعون الله تعالى
✍️خادمه الزهراء ام حسين الأسدي القصائد والاطوار موجودة في القناه للاشتراك
7.مؤسسة منبريون للشاعرات, [٠٩.٠٨.٢١ ٢٢:٢٦]
[Forwarded from الشاعرة العلوية مريم النور]
*قصيدة للهلال (اه يهلال الشهر)*
*من ديوان📚 مسير الفواطم لأرض المظالم ج١*
❥━──➸➽❥❂❥━──➸➽❥❂
اه يهلال الشهر شفتك وگلبي انفطر
خايفه اعله حسين منك ادري باجر ينغدر
❥━──➸➽❥❂❥━──➸➽❥❂
ادري باجر ينذبح راسه ينشال برمح
گلبي من هسه انجرح وضهري عالوالي انكسر
❥━──➸➽❥❂❥━──➸➽❥❂
گلبي مهموم ويون روحي غطاها الحزن
حايره المن اون نوحي كاسرلي الظهر
❥━──➸➽❥❂❥━──➸➽❥❂
نكسر ظهري من الونين وبس اصيحن يا حسين
ماخذ عيالك لوين بيك يغدر هالدهر
❥━──➸➽❥❂❥━──➸➽❥❂
بيك غدار الوكت اشلون بيه لو متت
دمعي من هسه يكت وحشمت فارس مضر
❥━──➸➽❥❂❥━──➸➽❥❂
حشمت بويه علي باجر يطيح الولي
ومن يردني المنزلي امشي عگبه لليسر
❥━──➸➽❥❂❥━──➸➽❥❂
امشي عگبه ميسره وبالعيال محيره
المن اشكي الي الجره روحي كاتلهه القهر
❥━──➸➽❥❂❥━──➸➽❥❂
المن اشكي حالتي صعبه كلش قصتي
حملوا عني اخوتي وعيني تعبهه السهر
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
7.مؤسسة منبريون للشاعرات, [٠٩.٠٨.٢١ ٢٢:٢٦]
[Forwarded from ام احمد الساعدي]
شوط كربلائي
شيعه والعهد وياك نحضر بالعزه كلنه
آ يحسين ومصابه تقراهه حناجرنه
يمهر حسين بالمجلس لازم هم بعد نقره
ويحسين بضمايرنه تظل بمجلسك ثوره
والرادود من يقره تحضر أمك الزهره
تصيح بصوت يامظلوم واحنه اوياهه رددنه
نقرالك ادور اعليك يبن امي وينور العين
وزينب بالعزه تحضر تدور إصبع وچفين
اوياهه ام البنين تگول يامظلوم آيحسين
صدگ مذبوح ومطبر تحچي وتجذب الونه
ننادي حسين خليني اعله بابك والدمع يجري
وننشد گلي يالميمون من طاح السبط تدري
الشمر گاعد على صدره تمنيته گطع نحري
وخيول العده ضلعه طحن صارن يطحننه
سمعنه صوت من نحرك ينادي گال اسمعوني
وكت الشرب ياشيعه واجبكم تذكروني
ولو شفتوا ذبيح بيوم اناشدكم لتنسوني
من صالت علَّيَ الخيل وجسمي وذر خلنه
لمن ظل وحيد حسين واعليه دارت العسكر
يدير العين لعياله وزينب شافهه تفتر
تلملم بالحرم واطفال والله يفجع المنظر
صاحت گوم ياعباس طفي النار بخيمنه
زينب لفت يم حسين اتگله گوم يبن امي
زلم والخيل لخيامك اجت ما واحد اليمي
شبت نار بخيمنه وسكنه تصيح ياعمي
گوم النه ياماي العين رد اخيولهم عنه
هاي احنه اجينه اليوم وجددنه العهد وياك
كل عام اليمر مولاي ابد والله ما ننساك
مواكبنه تظل للدوم ويرف بيهه يظل الواك
عهد هذا الك يحسين نحييهه مجالسنه
،،،،،،،،،،،،،،،،،،،،،
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
7.مؤسسة منبريون للشاعرات, [١٠.٠٨.٢١ ١٢:٣٠]
[Forwarded from ام احمد الساعدي]
السلام على الكفين القطيعتين
السلام على ساقي عطاشى كربلاء
الطور ((عگيلي))
من ازنودك طاحت رايه
والهامه بسيف امدمايه
عباس اگعدلي وحاچيني
مهضومه وخوتي امضيعيني
جيت اوياك انتَ اتباريني
منته الوالي وراعي الثايه
عاين عسكرهم والينه
انهض ياخويه وحامينه
مكسوره وتنخاك اسكينه
انهض لختك يالسگايه
شبت نار بطرف اخيمنه
جينه اوياك انت الكافلنه
واطفالك تصرخ ياعمنه
اموذر عالغبره بيا سايه
شيل الرايه وصول اعليهم
تحت اجدامك هم خليهم
حد سيفك يالفارس بيهم
زينب تندب يالوفايه
گلهه
طاحت رايه ازنودي اوياهه
واخيمكم هيهات ادناهه
منچ اخجل يابت طه
طايح جودي وناشف مايه
،،،،،،،،،،،،،،،،
لخادمة الرسول واهل بيته
ام احمد الساعدي
لتعجيل الفرج
نسألكم الدعاء
لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول
