مجموعة من القصائد الحسينية المكتوبة نعي
القصيدة الاولى نعي كتابة
نعـي مـفـجـع
السيده زينب (ع) تكلم ابا الفضل (ع)
بـاچـــر نــروح وفــوگ الاجـمـال
وشـمـر وخـولّـه اتـبـاري الـعـيـال
زحـمـه يـخـويـه وعـيـب تـنـگـال
ايصيحون جيبوا لـزينـب احـبـال
شـكـوى يـخـويـه مـوش بـعـتـاب
مـانـعـتـب على الـنـايـم بـالـتـراب
لاچـن عــفـتـنــه والــخــدر غــاب
وصـارت أديـنـه الـستـر وحـجـاب
تصعـب يـكـافـل گـطـعـت الـبـيـد
وتحـدي الضعينه الـموش اجـاويد
نـشـكـي الهـظـم وهـمـومـنـه انريد
بـاچــر يـخـويــه ادروبـنـه ابـعـيـد
غـصـبـن عـلـيـنـــه عـنـك انـــروح
ونـحـمـل شــتــم وآلام وجــــروح
يحدي الـظـعـن وأيـتـامـك اتـنـوح
وجـسـمـك يـظل يالحيد مـطـروح
خـادم زيـنـب (ع)
الشاعر رعد الجريخي
القصيدة الثانية نعي كتابه
يازينب نظره مولاتي
نعي مفجع
كـلـهـن ثـگيـلات احـچـايـاتـهـم كـلـهـن ثـگيـلات
لـلـهـاشـمـيـات مـــــــايـنـحـچـن لـلـهـاشــمـيــات
والـنّـوب شــمـات أيجرحن تـره والـنّـوب شـمـات
أتمـنيـت سـاعـات تـرجـع ألـي اتمـنـيـت سـاعـات
شـلـون تـنهـاب المكتـول أخـوهـه شلـون تـنـهـاب
ماحاسّبه أحساب أيطيح العلم ماحاسبه احـسـاب
أمشي وي الاجناب تصعب تره أمشي وي الأجناب
يـنـزف ولا طـاب جـرح الـسـبـي يـنـزف ولا طـاب
أسـمـع يگـولـون جـيـبـوا الـهـزل أسـمـع يـگـولـون
گـامـوا يشـتـمـون فـوگ الحچي گـامـوا يشـتمـون
شافـتـنـي العيون بهذا الـوضـع شـافـتـنـي العيـون
عـمـداً يـنـشـدون ويــــن الـگـمـر عـمـداً يـنـشـدون
——————————*
خادم السيده زينب ع
الشـاعـر رعـد الجـريخـي
القصيدة الثالثة نعي كتابه
نعي للامام الجواد عن ولده الهادي عليهما السلام
اشوفن غمضيت العين چنك
واسبلت الادين وسكن ونك
يبعد الروح ماشبعان منك
اريد امتد بطولك واحظنك
بوية شلون ادفنك وارد عنك
يا ناس الابو يصعب غيابة
تغيب وياك يا چلمة اليابة
ازورك بالگبر واشتم ترابة
ولا تسكت لجل فرگاك عيني
احمل يالجواد فراگك شلون
انه ابنك الهادي اعليك محزون
فراگك عذباني وادمه العيون
نمت حدر التراب وما تجيني
اسالكم الدعاء رائد الاسدي
نعي للامام الجواد عن ولده الهادي عليهما السلام
اشوفن غمضيت العين چنك
واسبلت الادين وسكن ونك
يبعد الروح ماشبعان منك
اريد امتد بطولك واحظنك
بوية شلون ادفنك وارد عنك
يا ناس الابو يصعب غيابة
تغيب وياك يا چلمة اليابة
ازورك بالگبر واشتم ترابة
ولا تسكت لجل فرگاك عيني
احمل يالجواد فراگك شلون
انه ابنك الهادي اعليك محزون
فراگك عذباني وادمه العيون
نمت حدر التراب وما تجيني
اسالكم الدعاء رائد الاسدي
القصيدة الرابعة نعي كتابه
نعي لمولاي الجواد عليه السلام
يعالج وحده ومخطوف لونه
وينادي ياهلي وتهمل عيونه
بعيدين الاهل مايسمعونه
وشنو ذنبه بشبابه ويسمونه
غريب يدير عينه يخلونه
ومن شوفة اعياله يحرمونه
مثل حسين يگضي يريدونه
ماكدرو الراسه يگطعونه
ماكو اخيول جا هم يسحكونه
نعي
ابيات نعي للجواد مع الزهراء#
اوليدي مات مابين لجناب
ياشباب ماقضى ايام الشباب
يارسول الله عن حاله ماتدري
ظل ثلتيام فوق السطح مرمي
عالج ابروحه ومنه الكبد يدمي
وحده بالمنزل ومغلوقه لبواب
غامي وسكران بس يجهر ونينه
من كثر لسموم بعد الله يعينه
وجه ابوجهه الى صوب المدينه
يابني هاشم فزعوا يلنجاب
غالته الملعونه عنه واطلعت
قطعت كبده يويلي قطعت
مارعت ربها لما ان جنت
اشتكي الملعونه الى رب الارباب
جات له الاصحاب والكل حاير
اكسروا قفل الباب الكل غاير
نادوا ثلاثه اصوات مامن داير
الا الامام اعلى السطح فوق التراب
خادم اهل البيت
نعي للأمام الجواد000
علي الهادي حزين ويهل دمعات
من تنزل علـــى الخدين جمره
حظر يم الجواد يصيح ويـــــلاه
يابويه ويدك بحــزن صـــدره
وغمضهن اعيــونه وأسبل أيديه
وناح اشكثر يمه وذرف عبره
ضامي ومنطــرح يابويه نـــاداه
ثلث تيام نايم علـــــــى الغبره
وشال النعش وســـط العيله خلاه
ودعنه الحنيــن بنعي وحسره
وبعد ما ودعوه وشالتـــه الناس
شيعوه ولحد ماوصل كَبـره
ويلي اعليك يبن الزهره واحاه
عاري وعالترب مكَطوع نحره
بالحر والشمس مسحوك بالخيل
الجرح مطبور فوك الطبر طبره
محد غمض اعيونك يماي العين
آخ اعليك ياضنوة الزهـــــــره
امسلبين الثياب ودامي مطروح
ورمح جتال مطعون اعله ظهره
مامثلك مصاب وجرح يحسين
ومامثل العقيله أنسبت حـــــــره
**
أبو علي الركابي
نعي ام البنين ع تخاطب أولاده الاربعه
احباب الگلب يمه وعزيزين
يل كلكم محنه وقرة العين
يرباة الفحل فخر الميادين
اريد اليوم اعداكم تبجون
وي حسين اريدنكم يطيبين
واحدكم يعادل يمه الفين
ومحتاره العدى والشرده امنين
همه وخيلهم منكم يشردون
يسباح الگلب ياذخر السنين
فدوه أرواحكم بس سالم حسين
والآخر نفس ضحوا يغالين
الشهاده لو نصر لمن ترددون
الشاعر،، هادي الساعدي
الوادم بعالم تسولف
وانا سالفتي الحسين
الشاعر،،، هادي الساعدي
نعي عن الإمام علي عليه السلام ،،،، زينب ع
لفاني الظيم يا بويه لفاني
مثل ورده وزماني ذبلاني
بفراگك فجعني وعذباني
ويگلي للمصايب حضري روحج
بروحي أشباقي أخلافك يغالي
اجي وألگاه مكانك وسفه خالي
وون اعليك يا ذخري و دلالي
وأحس ادگلي يابويه اعله هونج
البجي والنوح اعرف ما يفيدن
احاجيهن اعيوني وما يهيدن
يصبنه الدمع سكته ويزيدن
ويگللي ابدمعنه انواسي نوحج
يبويه الدنيا صعبه اخلاف عيناك
عشت. امدلله وبخير وياك
انسه أيامنه الحلوه اشلون انساك
وانت ياما ياما گتلي عونج
الشاعر الحسيني،،، هادي الساعدي