7.مؤسسة منبريون للشاعرات, [٠٢.٠٨.٢١ ٢٠:٢٢] [Forwarded from ~] بِـ طور / مجنونك للملا عمار الكناني _____________ ◼️معاد نشرها : قصيدة *[ #يزفونك ]* في زفاف السيِّدة رملة لإبنها #القاسم_بن_الحسن عليهم السَّلام قبل نزوله للمعركة ، محرم 1442 هـ. ____________ المستهل / يزفونك .. حِلم انتظِر تحقيقه يزفونك .. إلْرمله الفرح اتسيقه يزفونك .. والطَّف أبد مَيعيقه .. يزفونك 1 / يالله يَبني أستِعد، ياعريس المبتِعد، عن أهله ثوب عرسك ألبسه، دي عروسك جالسه، وتتجلَّى قوم ياشبل الحسن، كل عمومك ينطرن، هالطلِّه عرسك اشماله مثيل، ساعه والمعرس قتيل، يارمله يَوليدي .. الكل مِستعد اُو جاهز يَوليدي .. واليغدرك هم بارز يَوليدي .. حِلم انتِظر تحقيقه .. يزفونك 2 / هلهلي يا عمَّته ، دمع نثري بزفته ، هالغالي خل ابن عمه يجيه، يبارك ويشبك عليه، اقبالي خل يوِّدع قاسِمه، الكل حياته قاسَمه، وبجالي اوداعة الله ياعريس، عالتُرب تصبح جليس، ابَّالي فرحوله .. القاسم ابن مجتباكم فرحوله .. ماعنده عزوه سواكم فرحوله .. حِلم انتظِر تحقيقه .. يزفونك 3 / منهو قلِّي بمستواك، بزفِّتك يمشي وراك، العبَّاس رايته ايرِفها إلك، بيها وشقد حاوطك ، يا نوماس حسين بيده لبَّسك، ثوب عرس اُو بس إلك، دون الناس درع يحمي من الضرب، ولبِّسك لامة حرب، فوق الراس هنيالك .. احسين اليعدلك يَبني هنيالك .. بدمك اِيديه ايحنِّي هنيالك .. حلم انتظِر تحقيقه .. يزفونك 4 / زفِّتك حِلم السنين، ياشباب الماشيين، ابسرعه لو نويت اعلى الرحيل، لحظه قلب أمك عليل، شيقنعه؟ تروح وأفقد حِنتَّك ، تدري ماني بوالدك، متجرعه اِلفقد يعني الممات، ولو جسمي بالحياة، لا رجعه عرِّيسي .. أمك أنا الربيتك عرِّيسي .. بوسط القلب ضميتك عرِّيسي .. حِلم أنتِظر تحقيقه .. يزفونك 5 / ماتِوفِّي ناعيِّه، اعلى الشباب وباچيِّه، بس الأم تعرف اشمعنى الكلام، اشمعنى زفه بالظلام، بس الأم ولو أبو عنده بعد ، وانته مالك يالولد، بس الأم دنيا مَتريد اُويا مال، تريد بنها بياهو حال، بس الأم مكسوره .. الفقدت ولا تتسلَّى مكسوره .. تحس بقلبها رمله مكسوره .. حِلم انتِظر تحقيقه .. يزفونك . ___________ بِـ قلم /خادمة وليِّ النعمة ( قصائد وليِّ النعمة ) 7.مؤسسة منبريون للشاعرات, [٠٢.٠٨.٢١ ٢١:٥٤] [Forwarded from ام احمد الساعدي] لطميه مع هوسات للأكبر (س) ننصب فاتحه والزهره ملايه للأكبر نسوي اليوم القرايه ~~~~~~ نتگابل وياهه واللطم يحله لطم عالراس صوت النايحه يعله يالطم الشباب الراح منفله إنكسر اضلوعنه لراحو اسبايه (( امك يلولد مفجوعه بمصابك)) ~~~~~~ سوو اللطمه وياهه عزائيه اتريد وليدهه والروح مگضيه بمصاب الشباب تگول معميه متوذر علي لاذنب لا سايه ((امگابل باللطم واللطمه حربيه)) ~~~~~~ حراگه ينارك يالولد يبني فراگك نحلاني وحيل تاعبني ردتك يلولد بيتي علّي تبني جابولي وسف جثته امدمايه ((لطمه امعدله دگي يشيعيه)) ~~~~~ زينب ناعيه وتصيح ياعمه اتراب المگبره ياطولك يضمه عليك اعيونه من القهر تعمه امك ياعلي بدمك امحنايه (( شيب راسهه الليله الوداعيه)) ~~~~~ إبفاتحة الشباب الروح خلصانه زينب واگفه وهالتلطم ويانه رايح هالشباب وبعد ما جانه گومن عاونني والطمن ويايه ((رايح ياعلي عدمن امخليني)) """"""""""""""""" لطميات نسائية مكتوبة لخادمة الرسول واهل بيته عليهم السلام ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول 7.مؤسسة منبريون للشاعرات, [٠٣.٠٨.٢١ ١٢:٢٠] [Forwarded from ام احمد الساعدي] السلام على ام البنين السلام على الوفية الطاهرة السلام على من ضحت بأولادها فداءاً لابن الزهراء س محلاه الولد لو للعزه يفوت يحضر بالدفن من يِجدِم الموت عراضه تريد والرايه يرفهه عباس البطل بيده يزتهه حسين تريد يحضر وي ولدهه ايشيل تريد وياهم التابوت حگهه الوالده تطلب ضناهه يوافيهه تعبهه وحگ رباهه تريده للگبر يمشي اوياهه بحنيه يون اعليهه بسكوت تريد ابنينهه بالعزه يحضرون عالهامه بحزن كلهم يلطمون ولدهه بالعزه لا ما يقصرون ينعون الوفيه ابعالي الصوت لچن ياحيف ما حضرو دفنهه ووحدهه مشت ماكو اليزتهه وسفه اولادهه راحو گبلهه عالغبره گضو هجروهه البيوت عالغبره گضو كلهم مذابيح تون اجروحهم لو هبت الريح مضروب بعمد عالمشرعه يطيح عباسچ ذبيح الگلب مفتوت ضعنچ من سره أحاه ياويل هبينه بعجل ولنعشچ انشيل شيعه احنه الچ والمدمع يسيل اليحضر مجلسچ مولاتي مبخوت لخادمة الرسول واهل بيته عليهم السلام ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد ص لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول 7.مؤسسة منبريون للشاعرات, [٠٣.٠٨.٢١ ١٣:٥٨] [Forwarded from ام احمد الساعدي] لطمية لإولاد مسلم (س) فائزي شدة انطي الوجه لاوين يحسين انسبينه فروا يتامى اثنين من هجموا علينه انطي الوجه لاوين يبن امي يمذبوح والنار حرگتهه العبي والدمع مسفوح ماعدي والي يگوملي عالغبره مطروح ناديت وسفه الي كفل طاحت يمينه الحگ علينه بالخله فرت الرضعان من شافوا اطراف الخيم تلتهب نيران محتاره وين انطي الوجه گلي يعطشان صايح سمعته امن الحرم وليه انولينه لو نشدت امهم يالولي ورادت ولدهه بيا عين اجاوب خايفه خويه شگلهه فگد الولد للوالده يشعب گلبهه لا ميت ولا أدري حي راح امن ادينه من هجمت اخيول العده فروا الحلوين برجليهم ادروب الخطر يبن امي ماشين وانت طريح اعله الثره والراس نصين ناديت حيدر خل يجي يرد الضعينه نادوا علينه باليسر جابوهه الاحبال واتحيرت يحسين عيني تصد للاطفال گلي شسوي بهالوضع بينه الشمر عال ظليت احشم گوم شوف شصار بينه ————————- لخادمة الرسول واهل بيته ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول 7.مؤسسة منبريون للشاعرات, [٠٣.٠٨.٢١ ١٥:٣٦] [Forwarded from ام احمد الساعدي] فزاعية حليبي در يبو اليمه عبد الله الطفل وينه ======== عبد الله يماي العين سالم جبتلي يحسين اعاين والگلب نصين شفته يديرلي بعينه ======== وليدي للگلب سلوه يناغي وضحكته حلوه نشدته شرب واتروه ؟ سمعت بحضنه اونينه ======== گتله امنين هذا الصوت لتگلي الرضيع يموت ما يحلاله التابوت انه وعمته نادينه ======== يحسين الگلب خلصان تفجع موتت الرضعان بنحره للسهم نيشان نلطم يمه خلينه ======== احاه يمصيبة اليرضع در الصدر خاليرجع موته للولد يفجع تبت حرمله ايمينه ======== اخذ مني عزيز الروح مابطل عليه النوح رضيع وبالمهد مذبوح ظالم مارحم بينه ؛؛؛؛؛؛؛؛؛؛؛؛؛؛؛؛)؛؛؛؛؛؛؛؛؛؛؛؛؛؛ لخادمة الرسول واهل بيته ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد ص لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول 7.مؤسسة منبريون للشاعرات, [٠٤.٠٨.٢١ ١٢:٣٧] [Forwarded from الشاعره ليلى زغيب] #هلال_محرم جديد محرم ١٤٤٣ هجرية قصيده بعنوان (هلال الدموع) عالهلال النظر مشبوح بيه انعادت ليه جروح زينب تهل دمع من دم تنظر للسمه وتنوح يا هلال بعيني شفتك گلبي وجت جمرته روحي ذابت بالونين ضلعي خيل السحگته الزهره اسمعها تنادي يا حسين وغربته جثة ابني اعله الثره سيوف اميه ذبحته اعله حر الرمل عطشان جيته والگلب لهفان بالطعن جسمه تخذم ومذبوحه يمه الشبان ▪️▪️▪️▪️▪️▪️▪️▪️▪️▪️▪️▪️ آه يا شهر المصيبه جم ضلع للزهره ملجوم تنادي يحسين بألمها والدمع ينزل دموم مصيبتك يمه دهتني وزادت عليه الهموم شيبتني كربله حتى الطفل بيها العذب محروم تصيح الزهره واويلاه حتى الطفل عبدالله من الغدر لا ما سلم راسه اعالرمح شفناه ▪️▪️▪️▪️▪️▪️▪️▪️▪️▪️▪️▪️ بالسمه من شفتك انه بگلبي زادت حسرتي اتذكرت بيك الشباب وليها سالت عبرتي والخيام اگبالي جنهه بروحي شبت جمرتي وطفله محتاره وتنوح من دمه نزلت دمعتي تدري يهلال المصايب بيك اجم گلب ذايب وطفله تنوح من الالم وتالي نومتها بخرايب ▪️▪️▪️▪️▪️▪️▪️▪️▪️▪️▪️▪️ بيك يا شهر المصيبه اميسره زينب تروح تركب النوگ الهزيله والحزن يصدع الروح تكفل أطفال ويتامه والدمع من دم سفوح امجتفه احبال باديهه وبالگلب كثره الجروح تنادي خويه يلكفيل اميسره ودربي طويل بفرگتك گلبي انثلم ودمعي سكته من يسيل ▪️▪️▪️▪️▪️▪️▪️▪️▪️▪️▪️▪️ من اشوفك بالسِمه روحي ترحل للطفوف اذكر الكافل اخيته منه مگطوعه الجفوف اگبالي تتراوى الحجايه ويه هاذيج الجروف وحرمه ما بين الخيام يا جرح حارت تروف تدري يا شهر المصيبه الحره تاليها غريبه حايره أبين الخيم ومن دمه الدمعه سجيبه تمت بعون الله تعالى خادمة الزهراء / ليلى زغيب الشاعره ليلى زغيب اين الطالب بذحول الانبياء وابناء الانبياء https://t.me/Doumooalanin 7.مؤسسة منبريون للشاعرات, [٠٤.٠٨.٢١ ١٧:٠٦] [Forwarded from ام احمد الساعدي] استقبال شهر محرم الحرام 👇🏼 نزله آنه خادم للخدم ابن الزچيه وقعتله هالعهد بثنين اديه جيت اوقع بالدمه لأجل ابنچ فاطمه هذا واجب للنذر دمه إليه واحسيناه واحسيناه …………… هدوم فصلنه الحزن لحسينه هالشهر يسواهه كلهه اسنينه ويه زينب بالعزه التمينه استقبلوا شهر الحزن بيه الالام ومحن راية الأحزان نرفعهه سويه واحسيناه واحسيناه ……………. هالمجالس عشنه بيهه امن الزغر بدونهه مايسوه يحسين العمر جمره بيهه يلتهب منه الصدر مجلسك نبض الگلب گرة اعيون المحب نذكر امصابك ودمعتنه جريه واحسيناه واحسيناه …………… اعليك دمعتنه تظل سچابه والنداء يحسين آه ومصابه آه ياسهم الغدر من صابه والمثلث بالصدر وانگطع منه النحر منجسم گلبه يون بالغاضريه واحسيناه واحسيناه …………… استعدوا للطم حضروا المجالس بيهه تحضر فاطمه والحسن جالس امگابل اوياكم لطم جون اويه عابس رايه سوده بدوركم دگوا حيل صدوركم اوياكم العباس وامه بالعزيه واحسيناه واحسيناه ……………. زينب الحره تون عميانه العيون واگفه بالباب تتلگه اليعزون تگول أهلا بالإجه ويلطمهه الامتون إنحضره حتماً بالحشر والنبي يمه حضر ياخذ بإيده علي حامي الحميه واحسيناه واحسيناه لخادمة الرسول واهل بيته ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول 7.مؤسسة منبريون للشاعرات, [٠٤.٠٨.٢١ ١٧:٠٨] [Forwarded from ~] بـ طور / يخيمات للملا عمار الكناني _____________ جديد : قصيدة *[ #بالعيون ]* في وداع #السيِّدة_زينب لإخوتها يوم الحادي عشر، عام 1443 هـ _____________ المستهل / بالعيون .. راح أدفنكم بقلبي وبالعيون راح أتوادع اوياكم أني أم عون شسوي اِلخاطِر تردوا وترجعون 1 / يا أخوتي آنه الاِخت، المدللـه المُصانه يا أخوتي ما ظل خدر، آنه فـ لاهي آنه انتو انذبحتوا يَخوتي، وضيم الأسر لفانه جابوا هزلهم والحبل، وحلفوا ترى بأذانه يصيحون .. يتاماكم يخوتي مو يصيحون عليكم يندهوا لخاطر تحضرون يلوذوا بيّه وآنه مورمه امتون 2 / يا يومه هالحادي عشر، شاتحصَّلَت مصايب خِلصت حرب وبِدأت حرب، وما اقسى هالحرايب تتقوى أشباه الزلم، عالنسوة الغرايب حرقوا خيمنا وبالضرب، استولونه الأجانب يشتمون .. بنات النبي ابلا خجله يشتمون بقلبنا من الفقد لا مايرحمون انهضمنا يَخوتي من شوف العيون 3 / أمرونا نركب عالهزل، وتدروا الهزل طويله ركَّبت أنا العيله وبُقيت، يركَّب منو العقيله؟ مدلي العليل ايده بصعب، وركبني عالهزيله ومدوله اسياط العدا، ومارحموا ابدليله بضربهم .. علي السجاد ركبوه ابضربهم عليل امن المرض ما يقوى إلهم ألف آه اشحمل قلبه امن اثرهم 4 / الحادي قِصد يآذي القلب، ويمكم قِصد يمرني كل ما مشينا بهالترب، قطعه الاقي مني هزني الحزن وانزل ردِت، اوداع اُو تغيبوا عني لن ابندا هد خاطري، وعن رغبتي صرفني يَعمَّه ..رحمي ابجسمي الناحل يَعمَّه منهو لو نزلتي ايصَعدچ اهنه لَتزيديلي عمْتي ابصدري ونه 5 / ابلايا دفنكم أعتذر، راح أمشي ابكسرتي يَحسين يا عباس أنا، مخنوقه ابعبرتي لَتقولوا خوَّتكم نسيت، وعنَّا يَأختي رحتي مارحت أنا جسمي الرحل، وروحي بُقت اُويا ونتي وداعي .. من عالناقه عذروني وداعي ما عندي أنا اليمسك ذِراعي المكفوله كفيله اهيَّه وتِراعي . ـــــــــــــــــــــــــــــــــــــــــــــــــــ بِـ قلم / خادمة وليِّ النعمة ( قصائد وليِّ النعمة ) . 7.مؤسسة منبريون للشاعرات, [٠٤.٠٨.٢١ ١٨:٢٥] [Forwarded from ام احمد الساعدي] نعي للشباب انه لگعد على درب الشباب وأنشد عليك بدمع سچاب يگلولي ابنچ تحت التراب رايح من ايدي وهاهيه يلمگبره مني شتريدين اخذتي العزيز وگرة العين اتبعته وصحت يايمه لاوين أترجاك لا تبطي عليه رجعلي الصدى وريح الهوه الهاب يرجعولچ هيهات الأحباب وسفه الچفن صارلهم ثياب ابدال العرس صارت عزيه يمه الولد ياشمعة البيت بيك الزمان يعود ياليت اعليك يمه شكثر ونيت يمه يمه وردتك الي خيمه وتچيه شبان ياحلوين الرسوم ميلوگ يمه الكم النوم انفض تراب المگبره وگوم وانشد على الضلت سبيه يمه يمه ردتك تشيل الحمل لو طاح وهموم گلبي بيك تنزاح فجعني ييمه الناعي من صاح عريس زفوه للمنيه يُم الولد راح الولد مفگود مايرجع بعد چنتي تريدينه سند يايمه چا وين الوعد گتلي انه ابنچ للشدد وياچ يمه للأبد تالي ازفك للحد يُم الولد راح الولد لخادمة الرسول واهل بيته ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد ص لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول 7.مؤسسة منبريون للشاعرات, [٠٤.٠٨.٢١ ٢٠:٠٢] [Forwarded from ام احمد الساعدي] ميمر شبان طلعوا للحرب محلاهم قائدهم العباس يمشي وياهم وحسين عاين ليهم متنومس بطاريهم شبان هاشم والنبي رباهم ~~~~~ جسام طب والخوف عم العسكر يشبه ابوه الحسن يشبه حيدر خافت الوادم والزلم تتطشر امقرر سوه يفنيهم بنور الحسن يعميهم ماخذه الشمره ابن الحسن يسواهم ~~~~~ چنه اسد طب المعاره بزوده فنه الوصله وداسهه يحدوده حسين عمه والحسن هم عوده بالمرجله يلاويهم سافلهم وعاليهم طشار وسط المعركه خلاهم ~~~~~ من شاف ابو السجاد جاسم يهجم اتذكر اخوه المجتبى وصابه الهم خايف على جسام گلبه امألم زينب تراقب بيهم تدعي يرب خليهم شبان صعبه للگبر ننعاهم ~~~~~ هجموا عليه نزفت يوسفه الهامه امن الفرس طاح امعفره العمامه شلت ايديهم وذروه بالقامه ما حسبوا تاليهم وجهنم اتانيهم تبت يديهم وي هند مأواهم ~~~~ شبان حلوه مو وكت موتتهم حار الگبر ما يرهم لزفتهم حلوين تنعاهم تضل عمتهم حنه بدمه انحنيهم تراب الگبر غاطيهم يجري دمعنه لو يمر طرواهم ~<<<<>>>>~ لخادمة الرسول واهل بيته ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد ص لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول 7.مؤسسة منبريون للشاعرات, [٠٤.٠٨.٢١ ٢٠:٥٥] [Forwarded from الشاعره ليلى زغيب] #القاسم_ابن_الحسن جديد محرم ١٤٤٣ هجرية قصيده بعنوان (عريس الطفوف) طب للحومه متعني شبل المجتبى جاسم رايد نصرة المظلوم ينادي الموت انا قادم جاسم نزل للحومه يشبه للحسن جنه ينادي عمه ويگله اليوم الطف الزمنه مو وحدك ابد يا عم عزمي اليوم تعرفنه عودي اليوم بالحومه الاعادي تدري بعلومه جيتك لابس اهدومه ثابت بالحرب يحسين موت احمر على الظالم ▪️▪️▪️▪️▪️▪️▪️▪️▪️▪️▪️▪️ عالحومه يشد جسام نادى بالنسب معروف شبل الحسن ياهناس وهذا اليوم الي موصوف اگلبها يمين اشمال عليكم هاي ارض الطفوف الحسن عودي تعرفونه من يعتلي ميمونه ابن حيدر يخيعونه وانه هاليوم صولاته ارجعها بفعل حاسم ▪️▪️▪️▪️▪️▪️▪️▪️▪️▪️▪️▪️ زلزلها اراضي الطف وعينه عالخيام اتدور يخاطب امه ويگلهه الهذا اليوم انه منذور بدمي اليوم افدي حسين وما ريدن دمع منثور لا لتهلي دمع العين كلشي رخص لجل حسين ابوصية والدي تدرين اقدم روحي فدوه له وعمي الي يظل سالم ▪️▪️▪️▪️▪️▪️▪️▪️▪️▪️▪️▪️ دور الرحى بيهم دار وطشرها العده صوبين گله عمي لا تهتم اعله كيفي اليوم يشيل البين بسيفي اليوم اراويهم أشكال الحرب يحسين بسوح الحرب تلگاني مو بالخيمه امجاني عاد الحسن من ثاني محتار العدو ينادي الحسن هذا لو جاسم ▪️▪️▪️▪️▪️▪️▪️▪️▪️▪️▪️▪️ ما گدروا عليه اعداي بضربة غدر طيحوني مثل عودي الحسن يا عم نفس القوم غدروني بسيف الغدر آيحسين سال الدم على عيوني بغدرهم صابوا الهامه يعمي شيل العمامه گلبي زادت آلامه اعوفك ساعة الشده وسط هذا العدو الغاشم تمت بعون الله تعالى خادمة الزهراء / ليلى زغيب الشاعره ليلى زغيب اين الطالب بذحول الانبياء وابناء الانبياء https://t.me/Doumooalanin 7.مؤسسة منبريون للشاعرات, [٠٦.٠٨.٢١ ١١:٤٤] [Forwarded from ~] بِـ طور / حضريني يالزهره للملا سعيد المعاتيق _______ جديد : نعي *[ #جيتك_يضي_عيني ]* في وقفة السيدة زينب عند جسد أخيها الحسين (ع) بعد يوم العاشر ، 1443 هـ . ______ المطلع / جيتك يَضي عيني .. بس ما قُمت ليَّه بس ما قِلت يَختي .. اُو لا ناظرِت بيَّه 1 / جيتك بعد ذلِّي .. جيتك بعد ضربي جيتك بعد مَـ النار .. حِرقت لنا اْلعبي أرجال اللي حامتنا .. متذبحه قُربي خويه فُقدت الراي .. اُو تهت آنه ابدربي كلهم أمِس وياي .. واليوم من ليَّه ؟ جيتك يَضي عيني .. بس ما قُمت ليَّه 2 / ناديت يا ملاذي .. يَحسين ما شِفتك مو عادتك أدري .. ما تفزع اِلـ اِختك ياخويه رعبوني .. و متعوده حِنتك بنتك أميره اوياك .. وسلبوا حلق بنتك! ردت آنه أقصدلك .. لن ما إلك جيَّه وجيتك يَضي عيني .. بس ما قُمت ليَّه 3 / ياريتك ابقلبي .. تدري شجرى وحالي من هدَّت الفرسان .. وقوَّه أنا مالي احچي بهضم للخيل .. بعدوا عن الغالي وأيتامك اِتنادي .. ماني انذِهل بالي! هجموا على لخيام .. اُو لك تمشي رجليَّه وجيتك يَضي عيني .. بس ما قُمت ليَّه! 4 / تدري شمآذيني ..وزايد عَليّ همِّي؟ ابوگت السلِب يَحسين .. سلبوا غَزِل* أمي كل شي من الزهرا .. اخذونه من يمي حرقوها لعبايه .. وانته بتُرب مرمي بس آنه منها ابقيت .. وجيت اندا لك خويه بس ما قِلت يَختي .. اُو لا ناظرِت بيَّه . * ( المغزل = آلية خياطة الصوف وما شابه ) _______ بِـ قلم /خادمة وليِّ النعمة ( قصائد وليِّ النعمة ) 7.مؤسسة منبريون للشاعرات, [٠٦.٠٨.٢١ ١٣:٣٢] [Forwarded from الشاعره ليلى زغيب] #الزهراء_والمحرم جديد محرم ١٤٤٣ هجرية قصيده بعنوان (يعاشور انه الزهره) لسان حال السيده الزهراء عليها السلام في استقبال شهر محرم تقرأ نعي وبعدة اطوار يعاشور الحزن والهم انه الزهره رجعت اردود بالاهات والحسره تدري يعاشور افتحت اجم جرح ضلعي لزمته وليلي صار ابلا صبح روحي بيك تدري شفتها اعله الرمح يعاشور الحزن والهم انه الزهره ▪️▪️▪️▪️▪️▪️▪️▪️▪️▪️▪️▪️ انه الزهره يا عاشور گلبي كسرته بشوفة اهلالك بالسِمه خدي لطمته انعادت اعليه العصره ضلعي لزمته يعاشور الحزن والهم انه الزهره ▪️▪️▪️▪️▪️▪️▪️▪️▪️▪️▪️▪️ يعاشور الحزن كل حيل ما بيه بيك صدري جن تدوسه الاعوجيه بيك انكتب كل حره اتروح مسبيه يعاشور الحزن والهم انه الزهره ▪️▪️▪️▪️▪️▪️▪️▪️▪️▪️▪️▪️ يعاشور اجم حره التصيح تنوح اتودع أهلها وتحمل بالگلب الجروح بيك آه حتى طفل البالمهد مذبوح يعاشور الحزن والهم انه الزهره ▪️▪️▪️▪️▪️▪️▪️▪️▪️▪️▪️▪️ انه شعدد بيك گلي امن المصايب حسين وكل عزوته نومه عالترايب وزينب عگبهم اسيره الگلب ذايب يعاشور الحزن والهم انه الزهره تمت بعون الله تعالى خادمة الزهراء / ليلى زغيب الشاعره ليلى زغيب اين الطالب بذحول الانبياء وابناء الانبياء https://t.me/Doumooalanin 7.مؤسسة منبريون للشاعرات, [٠٦.٠٨.٢١ ٢٢:٤٨] [Forwarded from ام احمد الساعدي] نعي مجاريد اتگلهه فگدناچ شو بالعجل يمه فگدناگ اجينه لدارچ مالگيناچ آه آه يمه للمگبره من ودعيناچ صحنه عليچ وما سمعتي ————- اجينه لدارچ يالحنينه صوتچ ييمه امضيعينه اترجاچ بس ردي علينه هجرتي نزلنه وهاي هيه ————— ارد اگعد بصفچ واگلچ انفضي تراب الگبر عنچ گوميلهه بالضيم بتچ امضيعه ارسومچ يالزچيه ————— والله والله لگعدة حبايبنه اشتاگيت واگعد وياهن هسه ياريت هدمني افراگهن ياشمعة البيت يمه ونيت عميه عيوني شكثر ونيت راحن بعد هيهات جيه —————— من هجرن الدار ونسنه اوياهن مشت كل المحنه وياهن عجب چا ما خذنه يمه يمه دمعي يصب غصبن عليه —————- ندور عليهن وين ماوين راحت الطيبه ام الحچي الزين تسوه لون اعميلهه العين صفه بيهه الوكت وسط المگابر —————— يمه يمه ترفه وماتحمل اذيه سكنت مگابر ها هيه ريت الوالده ترجع اليه وبروحي اضمهه وبين الضلوع ———————— مالومه على الشفجات روحي لخادمة الرسول واهل بيته عليهم السلام ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول 7.مؤسسة منبريون للشاعرات, [٠٦.٠٨.٢١ ٢٢:٤٨] [Forwarded from ام احمد الساعدي] شبيه الرسول خلقاً وخُلقاً بحر طويل(( طور يحسين بضمايرنا)) طب شبه النبي الهادي چن زلزال للحومه گلب عاليهه سافلهه هذا الزاچيه اعلومه علي الاكبر تعرفونه من اسمه يهابونه شباب ويزهي بالميدان فدوه رحت لرسومه ~~~~~~ شد اعمامته الاكبر وعزم يفنيهه هالليله نظر لحسين ويگله سلملي على ليله امي الثاكله يابوي اخافن تصبح انحيله طلع وتراقب عيونه وليله تصيح ياعونه فدوه لطولك وليدي تشبه للنبي ويومه ~~~~~~ صال وسيفه بيمينه طشرهه الزلم طشار مثل صولة ابوه حسين طوله يشبه الكرار تتهاوه الزلم يمه كلهه ازغار ويه اكبار دين وزود مضمونه وكت الشدد يردونه امه خايفه وتدعي ومنهه الروح مهمومه ~~~~~~ دعاء ليلى لولدها شالت ايدهه ليله تدعيله الولد يرجع شباب الاكبر ومحلاه ربي دخيل الي اسمع وليدي ياعذب طرواه من اسمه فلا اشبع يبواليمه علي شلونه گلي ومنخطف لونه اخافن صار الموادع وعلي متغطي بدمومه ~~~~~~ لطمت ليلى فوگ الراس صاحت ياعلي يبني ردتك يمه الي جناز ولگبري ترافگني ما حسبت يبني حساب لگبرك يمه تسبگني تانوا لا تشيعونه بگبره لا تخلونه شباب ومايلوگ يموت امه اعليه مالومه <<<<<<<**>>>>>> لخادمة الرسول واهل بيته عليهم السلام ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول 7.مؤسسة منبريون للشاعرات, [٠٦.٠٨.٢١ ٢٢:٤٨] [Forwarded from ام احمد الساعدي] اخذه أبا عبد الله لا ليطلب له الماء فحسب بل ليُشهد العالم على جريمة قتل الرضعان لا لذنبٍ ارتكبوه سوى انهم من عترة رسول الله صلى الله عليه واله نعي نصاري گصد بيه ابو اليمه وگال عطشان وگلبه من العطش ياناس خلصان بس طفولي گلبه التهب نيران يهالوادم ردت گطرة اميه اميه انه ردتله تبرد احشاه ينازع يويلي العطش خلاه شنهو الذنب هاليابسه اشفاه عطشان والونه خفيه ثاراتكم من بدر وحنين ماله ذنب عبد الله الجنين اشوفه وگلبي انفطر نصين يبچي ويدير العين ليه حط السهم عاين رگبته تلالي وطفاهه شمعته شهگ شهگه وعلت ياويلي ونته من حرمله بسهم المنيه رديت وانه امتيه الراي ينشدوني شربته الماي گلت جبته ذبيح وخاب رجواي يزينب انصبيهه العزيه گومي ولمه ساعديهه بالون يخويه عاونيهه بالولد يختي فاجعيهه هذا الوداع وهاهيه :::::::::::::::::::: لخادمة الرسول واهل بيته عليهم السلام ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول 7.مؤسسة منبريون للشاعرات, [٠٦.٠٨.٢١ ٢٢:٤٨] [Forwarded from ~] جديد : نعي *[ #أحوال_الدلال ]* حديث بين السيِّدة زينب عليها السلام و #حبيب_بن_مظاهر عند قدومه لنُصرة الحسين ، عام 1443 هـ . _____________ اِدنى يا عمِّي أريد أحچي إلك عالدلال الزينبي وهذا الجلال ياحبيب اُو عندي علم امن النبي تالي شاليجري في أحوال الدلال عزوتي هالحايطه بيِّه تموت والله يا عمِّي مؤكد هالخبر هالقُمر ليجول حولي كل وگت باچر ايخليني وحدي هالقُمر آسفه يا عم وأزدينَّـك بعد والمدد طِلبه لِأن زودي جرِح شايف الشيبه اللي ذوَّبتك عِشق؟ ترتفع باچر يَعمِّي اعلى الرمح يا حبيب احسين باچر ينذبح بعد ماينخاكم ابدمعه الذروف انظره بعيوني - يا هَم القلب - يم جثثكم بوعلي يسعى ويطوف عمِّي ما يحتاج اقلَّك شاليصير اعليِّه بعد أهلي اُو قوله مو سهل حيل قدَّامي طريق اشقد طويل يسر، ضرب، احچايه لا ماتِنحمل آنه بس ياعمِّي كلمه ابخاطري.. الـ أرد اقلها ليك من هذا الكلام ألـف هنيـالـك شهيـد ابـكربـلـه وتندفن باچر ترى يم الإمام وآنه حسراتي أضمها بالقلب.. من بعد كُبر العنا وطول الفِراق أندفن وحدي وبعيده عن اخوي آنه بأرض الشام وهوَّه بالعِراق. ___________ بِـ قلم /خادمة وليِّ النعمة ( قصائد وليِّ النعمة ) 7.مؤسسة منبريون للشاعرات, [٠٧.٠٨.٢١ ١٢:٢٢] [Forwarded from ام احمد الساعدي] كافل الحوراء نعي لأبو الفضل عند وداعه مع ابا عبد الله (ع) لسان حال خويه خويه يحزام ظهري الضيعيته وعالمشرعه طايح لگيته حيلي انهدم من ودعيته زينب على دربك اربيه زينب تتاني الي كفلهه وبشاربي هو الي گلهه عاود الهه تريدك اليوم تعاودلهه مو عادتك تخلف اوعودك ~~~~~ لسان حال أبو الفضل يحسين من غصبن عليه لو رحت يمهه يعز عليه بله چفوف والونه خفيه مستحي ياروح الزچيه اوصل لزينب هاي صعبه ولو راحت يسيره بدار غربه تدري الغريب شلون دربه خويه عظيمه هالرزيه ~~~~~ لسان حال مولاتي زينب تگله يبو اليمه عضيدك وين عفته امگطعه ازنوده شلون شفته لخته ما گام خويه وياك لخته تره بعده الوكت جاير عليه يعباس خويه يالحنين بعدك فلا بطل الونين خويه بالعين سمعت السهم هالنبت بالعين الغاضريه خذتكم مني الغاضريه سمع صوت ابو اليمه يصيح ادركني ركض صوب الشريعه وصاح تكسرني يبو فاضل لون عالوا عليه ابو ذيه عباس ما ينهض،، علامه سمعت السهم تارك، علامه ظل يربي ابو فاضل،علامه يگلهه العذر من الزچيه لخادمة الرسول واهل بيته عليهم السلام ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول 7.مؤسسة منبريون للشاعرات, [٠٧.٠٨.٢١ ١٢:٥٩] [Forwarded from نور المصطفى] قصيده على طور فاطمه كل عام للملا باسم الكربلائي (( وزن ثلاث ارباع الشيعتي)) حضرت الزهره ٠٠٠ تبجي بلعبره تصيح ليش ابني ينكَطع نحره نزلت الليله بحزن للغاضريه وانصبغ من الدمه حجاب الزجيه تدوره واكع وين نسل الفاطميه عاينت صدره تدوسه الاعوجيه عللسبط صدت ٠٠ناحت وونت تصيح صوبني المنسحكَ صدره حضرت ودمعاتهه عللهاشمي تفور عاينت ذبحت ظناهه شلون منحور صاحت بلوعه وونين وكَلب مفطور مثل كسر العود احسن كلبي مكسور عل كسر كَلبي٠٠شكوتي لربي للحشر وني والدمع يجره يبقه جرحك للقيامه يسيل دمه ودمعت مصابك تضل بعيوني ذمه من شفت خيل ال اميه عليك لمه جن كسر ضلعك لضلعي زاده لجمه صدرك وصدري٠٠الحيرن فكري احس يوجعني ضلعك وكسره روحي خلصت للألم ماعندي مهجه الصاير بحلكَ السيوف شلون ينجه نار واسهام ورماح وخيل عجه لذبحك بسابع سمه يحسين ضجه حزنت الاملاك٠٠٠والعرش ينعاك مااكطع وني لوالد العتره انه كسرولي ضلع موكل الضلوع كمت احسن من ونينه كلبي مشلوع شلون حالك وانت من كل كتر موجوع تلوج ضامي عالترب والنحر مكطوع ضاميه روحك٠٠كثرة جروحك وحيل هضمتني نومت الغبره والله للمحشر فلا تبرد جروحي مدري ابجي عليك لو ابجي علروحي يادموم حسين هيل وورد فوحي ياعيون الحور عل العطشان نوحي عشكَ للعشاكَ٠٠وفرح لليشتاكَ ولليحب حسين عِبره اله وعَبره لخادمة المنبر الحسيني المله والشاعره: ام مرتضى الخفاجيه ❌❌❌ لا اسمح بتغيير اسم الشاعره او التلاعب بالكلمات 7.مؤسسة منبريون للشاعرات, [٠٧.٠٨.٢١ ١٣:١٦] [Forwarded from ام احمد الساعدي] وزن الشبگها لطميه لبداية شهر محرم على طور هلله حسين وينه ؛؛؛؛؛؛؛ زينب اتنادي حزينه راح والينه امن ادينه خيل ملمومه سويه لكتل عباس واخيه گوم ياحيدر اليه وليه بيه احنه انولينه ذبح بيه گطع المناحر تدوسهم وسفه الحوافر فاجعه واليسر باچر والشمر حادي الظعينه عالنهر طايح الكافل دمه فوگ الگاع سايل گتله ارجع يبو فاضل گلي ياخويه شبدينه حسين گوملنه يوالي گوم شوف شلون حالي هاي ما چانت ابالي بلا ولي خويه انسبينه هجموا وحرگوا خيمنه صحت حيدر ما لحگنه يشوفنه الوادم ولتنه وحرگوا اخيمنه علينه جابوا النوگ الهزيله واختك تعاين نحيله تدري ما تحمل العيله وسفه عالغبره ولينه لخادمة الرسول واهل بيته عليهم السلام ام احمد الساعدي لتعجيل الفرج نسألكم الدعاء الهي لاتحرمنا شرف خدمة الحسين واقامة مجالس اهل البيت بحق محمد وال محمد لطميات فزاعيات مجالس جديدة لشهري محرم وصفر وباقي المناسبات تجدونه على قناتي ونسأل الله القبول