تخطى إلى المحتوى

نعي مكتوب عن حبيب بن مظاهر

    نعي مكتوب عن حبيب بن مظاهر

    نعي مكتوب عن حبيب بن مظاهر

    نعي الى الانصار

    أنصار ونعم منهم
    ضحو بالعمر لحسين

    صالو للمنايه بزود
    وچن بعرس فرحانين

    حبيب برايته ايرفرف
    ويمه التمت السبعين

    صاح بصوت يازينب
    عمچ مايكل ويلين

    سوو بالعده المصار
    أفعال التقر العين

    رخصوهه النفس لحسين
    وكلهم بالعهد باقين

    بيهم يفخر التاريخ
    انصار ونعم للدين

    گالوله يبو السجاد
    أمن وحنه موجودين

    عمرنه ايروحلك فدوه
    وكلنه بخدمتك ماشين

    ندوس الموت وخطاره
    بدونك مانضل عدلين

    ———————————–*
    ابوذيه
    بدونك ما نعرف المجد .. ونصار
    ونضل وياك لاخر نفس .. ونصار
    ألك خدام يبـن النبـي .. ونصـار

    أشحلاهه وياك يحسين المنيه
    —————–——————*
    ✍️بقلم خادم الحسين ع
    الشاعر رعد الجريخي

    علي علي نـادو يتـاماك
    علي علي شيّبنه فرگاك
    الدنيا گامت تبچي دم
    كلشـــي بالكون انعدم
    ركن الاســـــلام انهدم
    ــ علي علي ــ
    «»«»«»«»«»

    الفرگه صعبه ـ انتـه أملــهم والامـل لو ضيــــعوه
    شلون بيهم ـ حالهم يفطــر صخــر لو ســــولفوه
    بحر جودك ـ بيه عاشـــــو يا علي وهمـهم نســـوه
    ونته تدري ـ الضاگ حضنك ينسه حتى احضان ابوه

    علي علي يافخر الاسـلام
    علي علي لتعوف الايتـام
    بعــدك اذاهه السهــر
    حالهه ايبچّي الصخر
    نادو ابحسـره وقهــر
    ـ علي علي ـ

    «»«»«»«»«»

    الكوفه صارت ـ وحشه كلهه وحيل قاطيهه الظلام
    والجـّـــــوامع ـ كبَّرت اللــه يــا جــرح الامـــــــــام
    واللـــه صعبه ـ اشلون عنهه اتغيب ياعالــي المقام
    واليتـــــــامه ـ كلهه متعــــــوده على ازنودك تنام
    علي علي يا منــــــبع الجود
    علي علي ضعنك متى يعود
    طوحت ضعن الســفر
    وگلب الحسين انفطر
    فرگتـــك تعمي النظر
    ـ علي علي ـ
    «»«»«»«»«»

    بس مصايب ـ دنيــــا مابيهه فرح طول المدار
    والنـــــوايب ـ والله ابد مارحمت اگلوب الزّغار
    ياشمســــنه ـ العنّه غابت ونترَس ضلمه النهار
    مـن وداعك ـ ضلت اگلوب الخلگ مشتعله نار
    علي علي بينه اسعرت نار
    علي علي ياحامي كل جار
    نار المــــــــوادع دوت
    لحظه بعـدك ما طفت
    گلوبنه احنه اتصدّعت
    ـ علي علي ـ
    «»«»«»«»«»

    ياحســافه ـ فارگتنه وعنــه شـــــدّيت الرحيل
    وبصـلاتك ـ هامتك تنصاب يا حامــي الدخيل
    كلهه بعدك ـ عاشت ابدمعه ومعـــانات و عويل
    وبغيــابك ـ كل محب مجروح من عنده الدليل
    علي علي صــوّبت الگلوب
    علي علي يا اغلى محبوب
    عذبتـــنه ابغيـــــبتك
    تاذي حيل امصيبتك
    وســفه طبرو هامتك
    ـ علي علي ـ
    «»«««»«»«»

    ياعــــــذابه ـ اليفگد احبــابه ويعيش ابلا حبيب
    ليله يخلص ـ دمعة ابخـــده وفلا بطل نحيــب
    جرحه خزن ـ لا دوه اينفعـه ولا ينفــــع طبيب
    يا وطنه ـ اخلافك العاشگ يضل عايش غريب

    علي علي كل شيعي مجروح
    علي علي بفراگك اينـــــــوح
    دمعه بمصابك صفه
    يا حبيـب المصطفى
    نورك الليــله انطــفه
    ـ علي علي ـ
    «»«»«»«»

    كامل السعيدي

    نعي ليلة سادس محرم

    حسين يريد فزعه وعدنه بس روح
    حبيب بهالكلام يوصـّـي ربعه
    اذا صعدت الروح شننطي لحسين
    باچر عدنه روحه بلايه رجعه
    منو العنده صدر ينطيه للخــيول
    الحافر ياهو من عدكم يجرعه
    جون ايصيح اطيح بصفه شـتگول
    والبس بيدي محبس بيه لمعه
    بلكت باچر احضه بگطع الايدين
    حته ابچف حبيبي ايضل إصبعه

    جون يصيح احبن * چف الحسين
    اطيح بصفه وافدي * چفي لحسين
    ما تقبـــلها روحــي * چيف الحسين
    يبتـروله صبع . واصبع بديه
    ــــــــــــــــــــــــــــــ
    مهدي التقي

    غيرة طشت بالخيم لاهل الشيم
    ولن حبيب اگبالهم رف العلم
    حشم انصار وزحف يم الخيم
    وكال زينب خايفة ومرعوبة

    صاح شيخ انصارها وحي الزلم
    صاح زينب هاي كالو و لنعم
    ارگابنه تروح الها فدوة لا تهم
    وكون يرخصنة بو فاضل نوبة

    كون يرخصنة نهوّس ابابها
    وتسجد اركاب الزلم بعتابها
    انصاركم كتبت عهد بكتابها
    اتموت لو سمعو خيم مسلوبه

    انموت دون حسين واهله وعيلته
    البيض عدنه وشيخنة شد رايته
    اوداعت حسين او حبيب وشيبته
    ديَن عدها انصاركم مطلوبه

    هلا بعمي تصيح زينب ياحبيب
    انه اوصيكم على حسين الغريب
    يغيب باجر گبل شمس الله التغيب
    وتضل باجر هالحرم مرعوبة

    ………..
    كريم الدراجي