قصائد استشهاد الزهراء عليها السلام – كعيديات
مجموعة من القصائد المكتوبة لمولاتي الزهراء عليها السلام
القصيدة الاولى
عظم الله أجورنا و اجوركم باستشهاد الإمام علي بن موسى الرضا “عليه السلام” المصادف في هذا اليوم ١٧ صفر عام ٢٠٣هـ
قصيدة “گعدة” للشاعر الحسيني المرحوم الشيخ هادي القصاب
بحق الإمام علي بن موسى الرضا “عليه السلام” :
هاي السلطنة هاي عاينها او تصوّر
هاي اللي تظل دوم صارت للرضا اليوم
عاينها او تصوّر
………
تسمع ابكل وكت بالأخبار وتگول الرواية
شكثر خدام او سلاطين اجت من اول بداية
هم شفت واسمعت واحد بالحكم ظل للنهاية
لا والله گول أعظم بشر شهرين يگضي لو شهر
لا أثر تالي اولا خبر إله ايظل بين البراية
اللي عنده وعي او راي بالدنية ميغتر
يمشي ابنهج الانوار ويّه العترة الاطهار
عاينها او تصوّر
……….
شوف عقلية المأمون او جهلها او زين اسمع
قدّم الإمره وحُكمها للرضا وگلّه ترفّع
هالعرش والتاج أخذه وانته بالسلطة تمتع
انظر الخفّه والجهل او شوف السخافة او الدجل
لبّاله هذا بالعجل ينخدع وبساع يقنع
مايدري الخصم ذاك مهما هو يكبر
وغيره اشما أكو اچبير خادم للرضا ايصير
عاينها او تصوّر
………
من سمع گال ابو محمد لا يهالمأمون آنه
موش يم دنية وإمارة لچن يم دعوه وديانة
الإمرة للماله كيان اترفعه وتثبّت كيانة
آنه إمام اعله الأمم باللوح إسمي والقلم
اهل الحُكم كلها خَدَم عندي وآنه العالي شانه
الدنية عِبرة للناس والبيها تسيطر
مهما رايد ايدوم حكمه ينجعل دوم
عاينها او تصوّر
……….
لابو محمد راد ينطي الإمره حته ايگوم باچر
يگول شوف شلون أولاد النبي تريد المفاخر
هاي مو يم دين لاچن يم حُكم دنية او أوآمر
والخصم راد ابهالشكل ايخلي الرضا امن الحق يزل
أنظر الفكرة والعقل العِد مثل هيچي عناصر
اشلون ابن النبي شلون العالحق يمشي يعثر
التتمايل عله الريح هي التمشي وتطيح
عاينها او تصوّر
……….
خل يجي المأمون بالله للرضا اليوم او ينظره
اشلون مرقد عنده من در او ذهب وشلون حضره
او خل يجي وينظر ملايين التجي وتزور گبره
ليه تگصد اوفود البشر من أبعد دروب الخطر
بأجواء بالبر و البحر حته أشرف اهل إمره
المأمون إنشد اليوم ياهو الگبره يحضر
ومن ذولة اليزورون من يعرف المأمون
عاينها او تصوّر
………..
ليش مافكّر المأمون بزمانه و العواقب
هاي احسن عاقبتها لو الإمره والمراتب
ليش حارب إبن عمّه او للأعداء انطه المكاسب
اشجازوه اعداء الرّضه وياشخص منهم عوّضه
خله بس غيض وغضه عله الغاية او عالمآرب
كل واحد ابفعله حصّل حقّه واكثر
واحد حضره وانوار واحد ملعنة ونار
عاينها او تصوّر
………..
إلك ياثامن اليمّـه الشرف والعز يبو محمد
إنته إنته الذي بتاريخ الدهر مجدك تخلّد
او خصمك ابفعله او مصيرة اصبح ابتاريخ اسود
كلما عله العالم يمر ياسيدي جيل او عصر
مجدك يشع مثل البدر او عهدك اردود ايتجدّد
او كلما تخفي الأعداء فضلك هو يظهر
وكلما تظهر سنين تسطعلك براهين
عاينها او تصوّر
…………
وحين خصمك شافك إنته شما يغيضك مايهمّك
حصّل الفرصة اعله چتلك ياوسافة او تالي سمّك
ومتت مسموم وهدر يبن الزجيّة دمّك
ياذنب من عندك سده حته يسمّوك العده
والسم دليلك مرّده
………..
واختك المعصومة ليك اتوجّهت منّ المدينة
او حين سمعت بيك ميّت شهگت اعليك الحزينة
او طاحت اعله الأرض ميته عله مصابك يا ولينة
وهي يشبل الطاهرة ما شافتك فوگ الثرة
جثتك طريحة موذّرة
…………
ساعد الله گلب زينب عله مصاب حسين اخوها
…………
الشاعر المرحوم هادي القصاب
قصائد استشهاد الزهراء
قصيده گعديه لاستشهاد فاطمة الزهراء عليها السلام
بعد بنت المصطفى صاح علدنيا العفه
حيدر العاش ابقهر ظلع للزهره انكسر
صاح علدنيا العفه
**
المرتضى بعد الزچيه ودّع الراحه وهجرها
المنه مثل الحلم راحت بالجفن تزهي صورها
بس بقت بالدار ذكره بكل كتر عايش اثرها
مابعد يتحمل جفه
لمن خلت دار الوفه
من بعد بنت المصطفى ثمنطعش شمعه عمرها
موصدگ ريت الصدگ شموع عمره تحترگ
گلب ابوحسين استعر ظلع للزهره انكسر
صاح علدنيا العفه
*
روّعوا گلب الوديعه ابلارحم رضّوا ضلعها
ناس لاغيره وشهامه فزع علزهره جمعها
طيّحوا منها طفلها انفاسها الظالم كطعّها
خلفّوا حسره بالكلب
زمرة طواغيت وحرب
وسفه الزجيه تنضرب ويفرح الطاغي بدمعها
لو ما وصّأه النبي جافنّه كل ناصبي
على المر اشگدصبر ظلع للزهره انكسر
صاح علدنيا العفه
**
ابوجود الزهره حيدر اتمنه كون ايطول عمره
جنته وشمعة اسنينه وراحته ولون المسّره
اتمنه عمره اليوم يگصر عنه من غابت الزهره
يوم المشت زال الفرح
فوگ الجرح گلبه انجرح
ابصبحه ولاطير الصدح وليله مابيه بعد گمره
گلبه حتما ينمرد من يتاني المايرد
صبن ادموعه نهر ظلع للزهره انكسر
صاح علدنيا العفه
****
منزل الاحباب غربه وحشه مايخلص حزنها
شتسوه شجره بلاثمرها ولوذبل منها غصنها
روح حيدر للبواچي جابها وردّها زمنها
اسوالف العشره گضن
جتّاله شوغات الزمن
اعليها من لف الچفن جنه لف روحه ابچفنها
الناره فزّعت دمعته صفت عون الجمرته
مفارگ انوار الگمر. ظلع للزهره انكسر
صاح علدنيا العفه
ناده حيدر يبو الزهره اگعد وشوف الرزيه
شعملوا اصحاب السقيفه خالفوا ذيج الوصيه
بالغصب رادوني ابايع وكسروا اضلوع الزچيه
الي جمع بيده الحطب
والي دفع باب وضرب
منهم شفت والله العجب بالحبل شدّوها اديه
مادروا اهل الظلم باچرانته الهم خصم
وتشكي يوم المستقر ظلع للزهره انكسر
صاح علدنيا العفه
الشاعر حسن لعيبي الحريشاوي
قصائد استشهاد الزهراء
گعـديــــه
مكســور ضـلـع الاســـــلام = ومقـهــور حيـدر مـــانـــــام
حــيـران منــــه مــفــجــوع= مـهـظــوم وتســيـل أدمــوع
&&&&&&
يـاضـلـع آه شـــمــصيـــــبــه = صـوبـتــنـه بـــسهـم قــاتــــل
بــدار أبــونـه الحـزن چلچـل = يمـنـه طـاري الموت نــــازل
أصـعــب مـن الحرب عـنـده = وســيـفـه تـدري مـن يقـاتـــل
ماخـاف فــارس لارجــــــف = مـن سـيـفـه دمـهـم هـالــنزف
مچـتـوف يـاكـل الاســـــــف = هـالـوصـيـه بـگـلبـه شــــايل
مجـبـور عالصـار أگـبـالـــه = محـتـار حـيــدربـالـحـالـــــه
الـفـقــار يسحب مـمنـــــوع = مـهـظــوم وتســيـل أدمــوع
&&&&&&
مـايـخـاف الـكـون حــيـــدر = خــافـــت الشـجـعـان منــّــه
لـــكــــن الاذاه نـــــدري = الزهره وگعـت گـرب عنــّـه
صـاحـت وهـايـه هظـيـمــه = مـاگــدر يـمهـه يـتـــدنــــــه
ويـومـن حچـت مـانـدبتـــه = لانـظــرتــه ولاحــاچــتــــــه
تــدريـهـه صـعبـه وصيتـه = وتــدري حـيـدريـخفي ونـّـه
وتـخـاف حـيــدر لـو گـــام = مـيـــدوم بـعــده الاســـــلام
وچـنـــدوب يـبقـه موجـوع = مـهـظــوم وتســيـل أدمــوع
&&&&&&
بــدفـعـة البـاب الخـبـيــثـه = الـلاذت أبــســـده الـزچـيــه
حــرمـة الــدار أنـتــهكـــه = اشـگد حـمل گـلبـه أذيــــــه
الـلـه يـدري من عصرهـه = السـبـعـه طاحت عـالوطيـه
بـالباب مُـحسن من وگـــع = وبسمـار بالـضلـع انطبـــع
صـاحت يـصاحبهه الوجع = الـحـگــي يـافـضـه عـليــه
الـلـه مـــن الاشــــــــرار = يــدرون الـمــن هــالــــدار
بـكــل دار ســيفـه مطبوع = مـهـظــوم وتســيـل أدمــوع
&&&&&&
عـانــت الـزهـره بـعمـرهـه = مــن الصـحـابـه الـعـذبـوهــه
شمابچــت صـاحـوا علـيهـه = مـن بـچـيـهـه يـمـنـعــــوهـــه
بـحـجـة يـدوخـون منـهــــه = مـن المــديــنــه طلعـوهــــــه
ميصـيـر كـل صبح وعصـر = تـبـچـي الـزچــيـه وتـنـقهــــر
فتـــوات مـن أهـل الغـــــدر = بــزغــر سـنـهـه شـيـبـوهــه
واحتـــار حيـــدربـالحــــال = راووه يــاشــيـعـه أهــــــوال
ولاصـــوت الـهـم مسمـوع = مـهـظــوم وتســيـل أدمــوع
&&&&&&
او وصـلــت الـزهـره المنـيه = وفـضـه يـمـهـه او گلتـلـهـه
راح ادخـل وبـغــتـرفــــــتي = اقــــره انــي وفـهــمـتــهـــه
ولـو سـكن صـوتي فهمتـــي = الـدنـيــه روحـي ودعـتـهـه
تـخـبـريـن بـس حيـدرعـلــي = يحضـر ابـو الحـمـلـه الــي
مـاعـنـدي من بـعـده ولـــــي = كـلـــشي هــي عـلـمـتــهــه
الحسـنيــن لا لاتـخـبـريهــــم = مشغـول كل فـكري أعليهم
الحـوراء تـسـمـع وتـلـــــوع = مـهـظــوم وتســيـل أدمــوع
&&&&&&
أودعــت سـكتـه الـزچـيــــه = وسـاعـه والحســـنيـن ردوا
شـوگ عــدهــم حيل هزهـم = ويــن أمنــه فضـه نـــــادوا
قـدمـت ألـهـم غـــداهــــــــم = بـغيـر أمـهــم همـه رفضوا
مـانـاكــل او أم الحــســــــن = وعـيـون مـن عـدهـم بـچن
ودمـوعـهـم تـنـزل مـــــزن = يم جسدهـه بصوت صاحوا
ويـــاچ يــايـمـه أخـذينــــــه = لـعيــنـاچ والـلـه اشتـاگينـه
تـرحيــن خــدچ مصـفـــوع = مـهـظــوم وتســيـل أدمــوع
&&&&&&
نسألكم الدعـاء
خادم الحسين ع
الحاج ابو اياد البيجاوي
قصائد استشهاد الزهراء
الضلع / گعده للزهراء
من هجمت اصحاب الغدر واعتنت للدار / حرگوهه بالنار
وكسروا ضلع من فاطمه والبيعة خانوهه
كل بشر بالدنيه واعي وعنده أيمان برسالة
يعرف المطلوب منه ويبعد امن اهل الجهالة
يهتدي ابدعوة صحيحة تحمل آيات الجلالة
يميّز ابحُكم المعرفه وياخذ قراره وموقفـــه
وهاي الصفة أفضل صفة توجّهه الصوب العداله
درب العدل درب الظلم وبكيفه يختار / لو جنه لونـــــــــــــار
ناس اعتنت لام الحسن هالحره هضموهه
اليتبع ابممشاه الباطل حتماً ابساعة ايتنــــــــــدّم
ويضل عالفعلة الخبيثة لاخر ايامه ايتألــــــــــــم
راجع امصاب الزچية والضلع لمّن تهشّــــــــــم
ندموا الكسروا هالضلع راجع كتبهم تقتنــع
هالندم ما يجدي نفع لو بچه بدموع من دم
منهه الدمع عالخد جره امن الظلم أنهار / بيهه الدهـــــر دار
من مات ابوهه المصطفى الظلام فجعوهه
من قِطَع رب البرية نسل طه من بنينــــــــــــــــــه
سَمّته الكفار الابتر أبن ما عنده يعينـــــــــــــــــــه
جعل نسله امن الوديعه مكرمه امن الله النبينـــــــه
سورة الكوثر شاهدة هالنسل أصبح والـــــــده
سيد البشر رغم العده صفوه عالأمة أمينـــــة
رب الجلاله من خلق هالعتره لاطهار / للدين أســـــــــــــــوار
ساروا عكس هذا الدرب والعصمه نكروهه
من خلقهه الباري خصهه رحم لانوار الأمامــــــــــه
امحصّنه بطيبة المولد نبتة العز والكرامـــــــــــــــــه
المؤمن ايعدهه صلاته وحجته وخمسه وصيامـــــــه
لكن عليهه اهل الطمع جاروا وكل حگهه انمنــــع
الناصبي لاصنامه رجع وصار واضح من كلامه
فزعوا فرد فزعه عله بضعة المختار / وتصيح الاشـــــــــــــرار
ألنه الرياسه للأبد والبيعة خانوهه
عقدوا الجلسه اللعينه ومنهه سلبوا حگ ابوهــــــه
اتحشدوا عالدار هجموا آية القربه نسوهـــــــــــــــه
داسوا البيت الرسالي وفاطمه الحره اعصروهـــــــه
المحسن بهالعصرة وگع من گلب هادينه انّزع
بهالحاله لن صوت ارتفع ناده بيهم روعوهه
لاذت وره الباب بقصد تتحاشه لانظار / لاچن البسمـــــــــــــــــار
هشم ضلعهه ومن هوت بالسوط ضربوهه
ما أضن من طينة طيبة اللي تعدّه اعله الزچيـه
دگ اساس اليوم عاشر عله ارمال الغاضريــــه
كل رياحين ابو الزهرة تنچتل باعظم رزيــــــــه
يگعون يم شاطي النهر أجسادهم تصبح وذر
ثاراتهم للمنتظر وياخذ بثار السبيّه
نتنطّر ابحر الجمر وينادي بالثار / بايده ذو الفقـــــــــــــــــار
يتذكّر اطفال وحرم والخيم حرگوهه
ختام المصيبه
بيا فعال ايلاقي ربه بيا عذر يمه ايتعـــــــــــذّر
من تعنه البيت فاطم نابه بالأحقاد كشّـــــــــــــــــر
مو ضلعهه ضلع ابوهه بعصرته ألهه تكسّــــــــــر
ضلع النبي بايده انهشم ولمصابهه يجرع ألم ما ضني يحصيهه القلم
اذنوبه من روّع الزهره شيعتذر ساعة المحشــــر
الشاعر قاسم الساعدي المندلاوي
قصائد استشهاد الزهراء
عمري / گعده للزهراء
عمري/ ما اضن يطول ابغيبتك / عمري
مكتوب اشوف ابدنياي ضيم وهظم من اعداي / عمري
**
ابزغر سنّي ماتت امي وصفت دمعة على اجفونـي
من يهزني شوگي الهه ابشوفتك ترتوي اعيونـــــي
ابهمي تتركني وحيده بين ناس ايعذبونــــــــــــــي
امن الزغر لامي فارگِت وبيك آنه طفلة اتعلگِـــت
يا ريته يومك ما شفت تلتهب جمرة شجونــــي
أدري / تتألم انته الحالتي / أدري
والمن اوجه شكواي ضيم وهظم من اعداي / عمري
اعرَفت من عندك الحكمة ومن صفاتك كل صفاتــي
من كمل عودي يبويه صرت أنفاسي وحياتــــــي
مو سهل عندي انتفارگ ريت بالفرگه وفاتـــــــــــي
بحشاي نيران اسعرت من سگم حالي اتوجّـــــرَت
ادموعي عله خدودي جرت كون گبلك حل مماتـي
خدري/ خوفي يدوسونه العده / خدري
تبدي ابرحيلك بلواي ضيم وهظم من اعداي / عمري
بينه تاب آدم الربه بعد ما لامس الشجــــــــــــره
ليه اجت من ربه آية حدِّدت موقفه وأمــــــــــــره
الآية طه وابن عمه وعترته وبضعته الزهــــــره
القرآن يذكر هالخبر هالآية أسياد البشـــــــــر
بينه دعه وبينه اعتذر ابهالسلاله انقبل عــذره
صبري / وامنين اجيبه ابهالمحن / صبري
مذهولة وامنين الراي ضيم وهظم من اعداي / عمري
عني من ترحل يبويه شلون اگضّيهه الليالـــــــي
وانته عندي نظر عيني وروحي وانفاسي يغالي
والدي وما أنسه منك هيبتي وعزي ودلالي
ما ضنّي اگدر عالبُعد المحرابك ابيا عين اصد
صبح النياحه ينولد من احس غايب اهلالــــي
تسري / نار الموادع بالحشه / تسري
اخلافك يذخري ورجواي ضيم وهظم من اعداي / عمري
الدنيه لو جارت عليّه وفرّگت بيني وبينــــــــــــــك
ما أضن گوم الشفتهه ترعه حگي عكب عينـــــــك
صحبتك تنوي الخيانه وقلّه من عدهه التعينــــــــك
بويه تآمرهم وضح وحبهم الهالكرسي انفضح
اليعبد هبل گلبه انشرح سدد ارماحه اعله دينك
أمري / لا أبو لا أم حايره / ابأمري
منهو اليرد ليّه انداي ضيم وهظم من اعداي / عمري
لو نعه الناعي ابرحيلك يصعب الناعي اسمعـــــه
وفكري مني لو تشتت مو سهل بويه أجمعـــــــه
أرد اگول اسمعهه مني من تغيب المُر اجرعـــــه
امن اتشيل نعشك شيعتك تختلف بعدك أمتك
أول ضحيّه بضعتك وقصتي للأجيال لوعــــــه
گبري / يا ريته گبلك ينحفر/ گبري
يا خوفي من عنده الجاي ضيم وهظم من اعداي / عمري
ختام المصيبه //
ماتت وعبرة بصدرهة فاطمة أم المصايــــب
بايد من خالف نبيّه وخالقه لاجل المناصــــب
يبقه هذا الگبر مخفي الساعة اليظهر الغايـب
يظهر ابحال المنفجع ما ينگطع منه الدمع وينادي ابثار الضلع
هوه اليدلينه بيهه وياخذ ابثار الأطايب
الشاعر قاسم الساعدي المندلاوي
سمعت جبريل من ناده يبو الحسنين نحيهم
ضجّت بالسمـه الأملاك تبجــي وي بواجيهم
**
بعد ما هِجْمَوْ إعله الدار بذاك اليــــوم وعلومه
بقـت أم الحسن وحسين فتره تعانـــــي مالومه
وألمها أيزيـــــــد يوميه مـن الجاني مصدومه
أبـــــــد مشكتلي حالتها وتخفي عنّــي دمعتها
الحد ساعــــــــة منــيّــتها
تخفي كــــــل ألم عني بهاي الولدي توصيهم
**
مــــــــــا طال الزمن بيها ومـاتت فاطمه الزهره
أمرهــــــــــا أتكفلت بيدي وبوســـط الكلب جمره
عليها بديــت أصب الماي وهجست الضلع كسره
عرفت أني شكثر صبرت وشكد مــــن أذه حملت
دمعتي مــــــن دمـــــه نزلت
مــن شفت الضلع مكسور بفعل الاشــرار وأيديهم
*
بعد مــــــا كملت تغسيل جســــــــدها بكفن لفيته
ورشيت السدر والطيب وعطرها يفـــوح شميته
عطر مــن الجنان أشتم مو عطـــــر أللي رشيته
عطرهــــــا منوجد منّه فقط عـــــــد طه والجنه
والرايــــــــــد يــشــمــنّــه
يحضر بالمجـالس دوم وبدمعــــــــــــه يعزيهم
**
كفنها بعده مـــــا مسدود صحت ولدي الحسن وحسين
ردت منهم يـــــودعوها وداع عـــــــــــــزاز متيتمين
كعد عدها الحسن يبجي وكلبـــــــــــــه منفطر نصين
وحسيـــــــن اليشم بيها بعد مــــــــــــا باس رجليها
ضـــمـــتــهـــم بأيــــــــــديها
سمعتهـــــــا ونّت وأنّت مــــــــــن اللي جره عليهم
*
بعد كل الجــــره والصار شفت الوضع مو عادي
وسمعــــت الملك جبريل بأسمي صــــاح وينادي
نحيهـــــــــم يبو الحسنين الـــروح ومهجة الهادي
عن أمهم تــــره الاملاك ناحــــــت هيه والافلاك
وحق الخالـــــــــــق السوّاك
مناحه بالسمــه صارت من شــــافَــوْ اللي بيهم
*
رفعت أولادي عن أمهم وصحت بصوتي يا قنبر
روح وبلّــــــــغ الطيبين مـن أصحابي خل تحضر
من أيحل ســــــواد الليل حتى أنشيّــــــــــع الكوثر
هاذي مــــــــن وصيتها بليـــــــــل أتصير دفنتها
ومــــــــــا تحضر العادتها
ما يحتاج أعــــــد أسماء لأن معروفــــه أساميهم
*
أبكل الحملتــــــه الزهره والصـــــار وجره عليها
خـــــــل نسأل إلاه الكون يعجّـــــــــل فرج مهديها
حتى يـــــــــاخذ الثارات مــــــن كــــــل اليعاديها
بيــــــــده يصلب الجبتين ويطلب ثار أبو الحسنين
ويرد مــــــــــــن أميه الدين
وينهي الجـــــــار وتعده وبكيفــــــــــه يجازيهم
الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء
من دفعة الباب ابتده اول تعدي
ومن خلوا ابن عمي ابتده اول التحدي
هذا ميزان المحن والقياس ام الحسن
أفهم يسامع
**
بالروايه ايكول ربنه خلق حيدر لاجل طه
وخلق طه الأجل حيدر وراية الحق اعتلاهه
ولولا فاطمة الزكية ماخلقهم من بداهة
فاطمه ماترضه ابشر اله ابرائة من عمر
والحبه بالزهره كفر ويأذي الله الي اذاهه
الكال( يهجر، وإن )كال اعله الزجيه
لاتجامل بالكفر بالله ونبيه
الصوب الدين بوهن والقياس ام الحسن
أفهم يسامع
انت لو مؤمن بدين المصطفى وشرعه وكتابه
ومؤمن بحيدر وصيه وبالخلافة وبالإنابة
والهه ماتحمل براءة من البغضهه من الصحابة
متلحقك بطه وعلي ولاتنحسب الهم ولي
اله برضاهه تعتلي وتلتحق باهل النجابه
والذي ماآمن بهاي المصيبه
يعني جامل قاتل الزهره الحبيبه
يصير من اهل الفتن والقياس ام الحسن
أفهم يسامع
احنه كل معصوم نعلم ياعدوا الي سفك دمه
ومن طبر حيدر وبعده مرد جبد الحسن سمه
ومن كطع راس ابو اليمه وحرك بيته وسبه الحرمه
ومن توصل الكسر الظلع شو تبلع بريجك بلع
لوترتفع لوتنوضع اعترف وانطق الجلمه
اتخيل الصار ابعلي وبيته يصيبك
وتنضرب حرمتك ويدخلون بيتك
وناروظلوع وشجن والقياس ام الحسن
أفهم يسامع
آخر ايام الرضيه تعنوا الحامي الحميه
الاول وثاني وطلبوا يدخلون على الزجيه
اوافقت فاطمه ودخلوا الامس حركوهه الثنيه
سلموا بس ماردته وعنهم وجهه دارته
وكالت ابوي بخطبته شكثر وصاكم عليه
أشهد انتوا الهضمتوني وعصرتوني
بكسر ظلعي وابني وبعيني صطروني
وانتوا حرفتوا السنن والقياس ام الحسن
أفهم يسامع
جان ابوهه يصد عليهه من يصيب التعب جسمه
ومن يضيق الصدر عنده ياخذ من الزهره شمه
هيه بنته وهيه ذخره وام اولاده وهيه امه
ذاك الجفن ازرك غفه وعلتهه ماألهه شفه
وابيتهه النور انطفه وزينب تنادي ييمه
أصبحت جلد وعظم محني ظهرهه
وكل نفس يلجمهه ويقلل عمرهه
والسهر هد البدن والقياس ام الحسن
أفهم يسامع
***
لخادم خدمة الحسين عليه السلام
ثامر العارضي
١٤٤٣هجريه