مجموعة من القصائد الحسينية المكتوبة
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
أبيات ابوذيه الى أنصار الحسين عليه السلام
بخيـــام حسيــن ذاك اللـيـــل ون صار
وفــزعوا للحسـين أصحــاب وأنصــار
على الموت احنه نبقه وياك ونصــر
لحد مـــا ننذبح بسيــوف أميــــه
الدنيا إخــلاف عينــك حيل مـــره
ولا بعــدك يمرنــه الفــرح مـــره
لوّن أنمــوت دونــك ألــف مــره
منعوفــك ابـــد بالغـــاضريــــه
الشاعر
موسى البديري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ابوذيات لمصاب سيد الشهداء
غيـــر آيــــات ربنـــه ما تله حسين
شوصف حالي بالطف ما تله حسين
يجـي الشــامت يگـلي مات الحسين
مثــل نبلــة دليله أتصـــير بيــه
۩ • • • • • ۩ • • • • • ۩
يخويه الحـــادي بعـــدك مــا تلــطف
يـــدري إعــــزاز ظلــوا موته للطف
مصايـب شفــت خــويه ما تله الطف
سبي وأنــوب أطــب ديوان أميه
۩ • • • • • ۩ • • • • • ۩
الشاعر
موسى البديري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
قصائدشهرمحرم_الحرام
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
منهاج محرم الحرام ١٤٤٤ هـ
ولائية
راحـة ضـمـيـري
كـلـهـــا بـهــواك….ومجـلـس عــزاك
راحـة ضـمـيـري
إزغَـيّـر چــبــيــر….شـايــب أصـيــر
تـبقـى انــت دوم….أول وأخـــيــــر
بأول عــزاء اتــذَكــر..خَـلـوّنـي يـم المـنـبــر..وآنـه بصـبـاي
وصاح إنمِنَع من جاري..وآنه صرخت للقاري..مـو هذا مـاي
خل نروي لو عبد اللـه..وحَسيت ابوي بغفله..يبچي بگفـاي
ومنها اعرفت بس انت..إنداس بحوافر حتى..نِشبَع فِـيـاي
وتـنـزف جـروحـك
مـن السـهـام….حــب وسـلام
تـنــزف جــروحـك
ورغم المـمـات….ســر الحـيـاة
بس يا حسين….أول وأخــيــر
ــــــــــــــــــــــــــــــــــ١ـــــــــــــــــــــــــــــــــــ
إكبَرت وصرتلّـك ملا..وكلما أخدمك يحلى..بـروحي الوقـار
ميهـمني موكب كـبره..لـيَّه الشـرف من أقـره..بتكـية زِغـار
شينفعني مجلس عامر..لوما أحس بالحافر..يسحگني صار
قَـرِيني بأزغـر مجلـس..بس نظره كون وألمس..بالإحتضـار
عَـذَبْـنـي هـاجـس
قـالـقـنـي دوم….تـرفضـنـي يـوم
عَـذَبـنـي هـاجـس
گـلبـك وسـيـع….وآنـه الأضــيــع
لــومـا رضــاك….أول وأخـــيــــر
ـــــــــــــــــــــــــــــــــــ٢ـــــــــــــــــــــــــــــــــــ
مـره الوكـت غَــرانـي..لغيرك عشگ ودانـي..شــويـه إلتـهـيـت
وبـمـرايه إبـاوع لَـنّـي..ما قِـبلَن ايشـوفَـنّـي..عـيـوني وبچـيت
كِرهَنّي حتى عيوني..ومني إشتكن لجفوني..وحيل استحيت
وجسمي نحل ما يقبل..غيرك عشـگ يتـقَـبَل..وأذبـل بـقـيـت
غـيـر انـت روحـي
وأطهـر حبـيـب….وأفضـل طبـيـب
غـيـر انـت روحـي
وانـت الجـمـال….وانـت الكـمـال
وبـيك الخـلــود….أول وأخــيــر
ـــــــــــــــــــــــــــــــــــ٣ـــــــــــــــــــــــــــــــــــ
بعيوني صح ما شفتك..بس بجـوارح عشتك..منك وإليك
وعـود آنـه هـم بالجـنه..وبشوفـتـك أتـهـنَـه..وأنظر عليـك
وعـود انـت تقـبـل بيـه..وتقـبل تِـسَلْم إعليـه..لَـمَن أجـيك
من الـله أطلـب تـرضـى..يا سيدي ولِوْ لحظه..ألـزم إديـك
وعشـره الأصـابـع
يـا رب أشـوف….ذيـچ الچـفـوف
عــشـره الأصـابـع
وتقبل حسيـن….من عنـدي عيـن
تـنـظــر ضــواك….أول وأخــيـــر
ـــــــــــــــــــــــــــــــــ٤ـــــــــــــــــــــــــــــــــــــ
كلمـا إجـيـت إقـرايـه..أو أمـشي بالمـشـايـه..اسـأل سـؤال
مني أحسن شگد وادم..وبيه انت تقبل خادم..يمكن مُحال
وكلـمـا أفَــكــر وأيـأَس..منـك عبـير اتـنـفـس..وأغرگ دَلال
واتگـلـي إي لا تـهـتم..للخدمه بس اتحَـزّم..ويبقى الوصال
وأفـرح وأجـيلـك
وألگـه الضـريـح…. أهـلاً يـصـيـح
وافـرح وأجـيلـك
وبــابــك ذِراع….يـرفــض وداع
كـلـمـن يـجـيـه….أول وأخـــيـــر
ـــــــــــــــــــــــــــــــــ٥ـــــــــــــــــــــــــــــــــــــ
أحمد البصراوي العبادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
صاح جسام وِيـلَـكم يا آل آميه
صاح جسام أنني أهوه المنيـه
إن تنكروني فأنا القـاسم
أفعال سيفي لبني هاشم
*
آنه شبل المجتبى ….. وينكم يا ناصبه
اليوم اخلي السيف يتروه ابدماكم
همتي همت علي …… والبطوله اتلوگ إلي
وعلي ابلون اگلوبكم أصبغ سماكم
جيشكم سبعين ألف …… واني بلكر محترف
اله اذل سبعينكم وكسر لواكم
مني شردتكم زحف …… لأن مابيكم كلف
ترگضون وخيلكم تركض وراكم
هاي الگاع اله احرمهه عليـــــكم
هاي الگاع تشهد ابمشهد بچيكم
أني لكـــــم صاعقةٌ قادم
افعال سيفي لبني هاشم
**
من يبارزني صحت …… كل معسكركم سكت
سكته والطف ينسمع بي صوت البرُه
ماشفت مابيكم شهم …… لا ولاريحت زلم
واليواجهني ومحمد أنهي أمره
زلم عدكم بس عدد …… ابد مو مالت شدد
من اهف بالسيف اطيح عشره عشره
چني ابوي ابوگفتي …… مـا اثنــي ابضربتي
موابسيفي اليعتنيلي ابچفي اصطره
هذا اليوم كله مذكـــــور ابوصيـــتي
هذا اليوم موعـدي وعرسي ومنيتي
بهِ أنتصرنا نصــراً حاسم
افعال سيفي لبني هاشم
*
بيكم اطوي الطف طوي …… چفي ابد مايلوي
اني جندي امن الكتيبه الحيدريه
اهلي قواد الحرب …… اليوث ملگاهم صعب
اليوم اعيد افعالهم بالغاضريه
عفت عرسي وحنتي …… الحرب عيدي وفرحتي
فدوه كلشي ايروح لولاد الزچيه
لجل اميري وعترتي …… افدي دمي ورگبتي
سور اصيرن عالخيم من آل أميه
عمي حسين اغله من روحي وحياتي
عمي حسين كعبـــــتي وقبلة صلاتي
في حبِ سبط المصطفى هائم
افعــال سيـــــــفي لبني هاشـم
**
روس انكس وبتسم …… مثلت بالطف فلــم
بيه احصد روسكم حصد السنابل
صحف زينب نشرته …… وبالمخـــــيم بثــته
جندي باسل دوري بيه وروع مقاتل
ثوره اسوي وملحمه …… وصبــغ الگاع ابدمه
وبقه اصيح ابينكم هل من منازل
فاض بركان الزعل …… المــوت وياي ارتجل
هاشمي وراويتكم اصل المراجل
ظلمه اتصير نينــوى والموت ضــيفي
ظلمه اتصير من قتالي وزود ســيفي
في الحربِ صمصامي هو الحاكم
افعال سيـــــــــــفي لبني هــاشم
*
حسين قرئان انوصف …… واني بايعته بشرف
وقعتله ابدمي ما اتخله عنه
اهلي ضخروني أله …… والمواقف كربله
الموت من اجله سعاده وحبه جنه
ما أمل من خدمته …… ولا ارد عن نصرته
هوه مفتاح الجنان وهوه املنه
تجوه اصيرله وسند …… من يحل وكت الشدد
بيه وصوني وفلا اتبره منه
هاي الروح لجله اقدمهه هــديه
هاي الروح فدوه لسكينه ورقيه
لقطعِ اعناق العداءِ عازم
افعال سيفي لبني هاشم
كامل السعيدي
ـــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــ
مشتاكه يل نضرت اعيونك دفو
مشتاكه عايفني من هسه شكو
مشتاكه شوك اليتيمه الجيت ابو
.راح اسولف ذكرياته
جانت حسين امنياته
محد ايزعل خواته
من دنت لحضت وفاته
صاحني وصه ابناته
وصاني لاتلتهين ابدمعتج
وصاني ضلن بناتي ابذمتج
وصاني ياخويه زينب همتج
مشتاكه
كلي ياخويه وغلاتج
تستمر باجر حياتج
خلي بالج من خواتج
راح ا حلفج بمهاتج
رقية لفيهه ابعباتج
من باجر لوعنهه لحضه اتأخرت
من باجر اتموت إذا كالومتت
من باجر اتكلي بويه اتيتمت
مشتاكه
سولف احداث الوصيه
وكلي عن اجتاف اديه
وكلي شيصير ابرقيه
وكلي عن كل هاشميه
كتله شنهي هالرزيه
يازينب باجر اذا طاح العلم
يازينب ماتبقه الج خيمه وخيم
يازينب اتحملي لوبينه انشتم
مشتاكه
الوصيه ضكته مرهه
نادتك روحي ابجمرهه
من يوصلك خبرهه
اختك المحد يمرهه
سوطهم زورك ظهرهه
ياخويه ماجني بت بيت النبي
ياخويه سموني اخت الخارجي
ياخويه امشي وعلى جروحي انتجي
مشتاكه
من يجي الليل اواذكره
تخنك ابروحي انه عبره
كلبي لوون راح اعذره
فارك احسين اشيصبره
كون من عمري اعله عمره
عافاني ودلالي صاير جن جمر
عافاني انه ودمعتي والصبر
عافاني مايسوه من دونه العمر
مشتاكه
محمود رحيل
ـــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــ
عباسُ ياعباسْ .. عباسُ ياعباسْ
أجيت بآخر أنفاسك طحت من المهـر يمك
لكيتك عالثره طايح يصب من كل كتر دمك
أريد أتمدد بطولك أريد اشبك علــى جسمك
لجن عالمشرعه أموزع على أخيك صعب لمك
عباسُ .. ياعباسْ
يمن ماشافت الوادم مثيــــل لخوتك خـــــوه
يخويه ودورة عيونك كمت من بعدك اتلــــوه
لون تدري شجره لحالي ومصابك بيه شسوه
انهدم حيلي يبوفاضل وأجــــر انفاسي بالكوه
عباسُ .. ياعباسْ
انكسر ظهري انحنه طولي دليلي تلتهب ناره
كمت تـــــاره أعاينلك واعاين للخيــــم تـــــاره
أمتحن كلبي يبو الغيره يخويه وروحي محتاره
إنـــه زينب شكللها من تكلــــي شني أخبـــــاره
عباسُ .. ياعباسْ
حرت حيره يبوفاضل اخاف اجفي ويذبحونك
اخاف امشي لصواويني أو وراي الكوم يكطعونك
لأنهم حتى لو ميت أمن أعوفك مايعوفونـــــــك
إنـــــه كلبي مينطيني اروح وبعــــــدي يدنونك
عباسُ .. ياعباسْ
الاطفال البالمخيــــــم بقت زينب تسليهــــــم
العيون لدربك اربيـــــه ينطرونك ترويهـــــــم
ورود امن الطعش ذبلت العطش عمله عمل بيهم
رجعتي ألهم غدت صعبه وحيد شلون أرد ليهم
عباسُ .. ياعباسْ
أريـــد أمشي يبوفاضل للمخيم أريد أرجــع
كمت كلما أهم وأنهض أكوم أتوجه أو أوكع
لأني من أضل يمك على خيامي الفزع يفزع
وداعـــاً يابعد روحي يخويــــــه بالله امودع
عباسُ .. ياعباسْ
سلام المشعل
ـــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــ
((بعد شيباتي))
بعد شيباتي شيباتك يالمعدل
ما تهت بطريجك تندل وتندل
حليبك چان طاهر
حبيب ابن مظاهر
گدامك صعب توگف عبارات
قياسك بالعلو فوگ المـنارات
شنهي نگله البچفه السجلات
المخضر ستر يم الحـــجابات
چه لنــــك عزيز ولنـــك مرتب
عمي ياحبيب تصحيلك زينب
يســالفت المنـــابر
حبيب ابن مضاهر
يــــالمطلگ حلالك وأنــته ممنون
عــــابس قــلداك بعــشگّ الجنون
عـــريس ونــزل ويصيــح مديون
أنه مديون عمري الخيمةّ ام عون
عريس ونزل مارجفت اجدامه
ابو فاضل يطشر الروس جدامه
تجف بيك المحابر
حبيب ابن مضاهر …
خله الجيش كله يصيح حيران
كـــف الــزلم بيــده كـفتْ ردان
مهرته تغير لاچـــن هد العــنان
حبيب أبن مضاهر صار عنوان
عطرك ياحبيب يفوح بـالحنه
محمد بالجنان يصحيلك جنه
باطن صرت ضاهر
حبيب ابن مضاهر …
طباها الأسد والجيش محتار
طباها حبـــيب بـعشـــگّ كرار
بالحومه الجثث خلاها تـذكار
زلمه وعـــالمعسكر منگلب نار
وزيــنب بالــمخيم نادتـك عمي
صاحبنه العزيز واسمك النشمي
جسر صرت وگناطر
حبيب ابــن مضـاهر …
چــه كــلـك وفــه تـتـنـفس جروح
عايش بس صرت بحسين مذبوح
يــاســنبـل محــنه وخـضرت نـوح
فيض الــدم غده بالدمعه مسفوح
لمــيت الــفوارس بيـدك الزينه
وغثيت الرجال الخاطر سكينه
ذبت من المشاعر
حبيب ابن مظاهر …
عبد زينب
محمد الإبراهيمي
ـــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــ
((شما نخدم))
شما نخدم شما نعتني
مــانعرف بحبك شـني
مقياس العشــگ بيــكم تحير
انصار الحُسين وحبكم اخضر
انصار الحُسين … انصار الحُسين
نغم والحب عذوبه وگفو أسباع
تسابيـح ومــدامـع هـزو الگـــاع
حبيب وحتى عطره يفوح نعناع
رجع شاب بوگفته وحلوّ الاطباع
ََعاشگ وشد حاجبه
وشيبه .. نازل عله عيونه
يــــاعـــالي بالمرتبه
ثابت ..مــارجفن متـــونه
ساحگ اعله الصعب
مــارجــف بــالحرب
گلبه .. ابــيض مـثل لونه
شمانخدم ويعله الاسم
يـــبـقى الـنـجم مـايلزم
فـــرحــانيـن واحـــدكم توذر
انصار الحسين وحبكم اخضر
تراتيل المحبه ورتلوّ صوت
نريد نعيش فعلاً لمن نموت
بقه حتى الهوى مجروح ويفوت
شباب الطف زمرد واحلا ياقوت
هذا وهب من وگف
عيسى .. چن واكف بزوده
بالحومه لَمن هتف
عاشگ .. ودموعه بخدوده
وبصـــليبه انقش
ياحسين العطش
عشگي .. ومتروي من جوده
شمانخدم وبينه التعب
لوذره مـــانوصـل وهب
فوگ اعله الزلم طــار وتبختر
انصار الحسين وحبكم اخضر
انصار الحُسين … انصار الحُسين
زهـــير بـعـشگ گــلبه مختنگ هام
وذب روحه وضميره بدرب السهام
وچان يحب علي في صدر الاسلام
لـــذلــك صـــار حـارس عن الخيام
چان الهوى حيدري
وروحه .. مثل النده روحه
وحُب حيدرى يشتري
بدمه .. وانــفاسه مذبوحه
واگف اعله العهد
يــــاعــــــليٌ مدد
يهتف .. ضل ينسمع نوحه
هذه نموذج للعشگ
هذا اليحبهم من صدگ
دمكم عـــالسراط يصير معبر
انصار الحسين وحبكم اخضر
انصار الحُسين … انصار الحُسين
أذا أسم التحبه بمسمعك مر
من دمك الحار الصيف يحتر عابس محترگ مو لونه أسمر
يشگ ثوب المحبه وصدره فَطرّ
شگ ثوبه وي الدرع
ولونه .. ابيــض مثل گلبه
نورس أوجها يشع
عابس .. يندل شكو بدربه
صوته وغده معجزه
والــمــيــت يــفــززه
فارس .. والطف غدت حربه
أسود لأن كعبةّ وفه
الحنيه بي والعاطفه
أســـلوبه وجـــماله ماتــــفسر
انصار الحسين وحبكم اخضر
انصار الحُسين … انصار الحُسين
اذا بجروح گلبك ناوي تهتم
برير وسمع من حسين (ياعم)
يگله العم فدوتك وانت تسلم
مالك كلشي بيه ومشتري الدم
مالك دمعتي التصب
وگلبي .. واحساسي ونفاسي
فرضي وصلاتي الحرب
ودمي .. ومن ينــگطع راسي
افـــرح بــمــقــتــلي
وانسه روحي وهلي
وانته .. تبقى انت نبراسي
يل منتشني من الزمن
والغربتي اجــمل وطن
الهيام زغير وانتـم مـــنه اكبر
انصار الحسين وحبكم اخضر
عبد زينب
محمد الابراهيمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
((بعد شيباتي))
بعد شيباتي شيباتك يالمعدل
ما تهت بطريجك تندل وتندل
حليبك چان طاهر
حبيب ابن مظاهر
گدامك صعب توگف عبارات
قياسك بالعلو فوگ المـنارات
شنهي نگله البچفه السجلات
المخضر ستر يم الحـــجابات
چه لنــــك عزيز ولنـــك مرتب
عمي ياحبيب تصحيلك زينب
يســالفت المنـــابر
حبيب ابن مضاهر
يــــالمطلگ حلالك وأنــته ممنون
عــــابس قــلداك بعــشگّ الجنون
عـــريس ونــزل ويصيــح مديون
أنه مديون عمري الخيمةّ ام عون
عريس ونزل مارجفت اجدامه
ابو فاضل يطشر الروس جدامه
تجف بيك المحابر
حبيب ابن مضاهر …
خله الجيش كله يصيح حيران
كـــف الــزلم بيــده كـفتْ ردان
مهرته تغير لاچـــن هد العــنان
حبيب أبن مضاهر صار عنوان
عطرك ياحبيب يفوح بـالحنه
محمد بالجنان يصحيلك جنه
باطن صرت ضاهر
حبيب ابن مضاهر …
طباها الأسد والجيش محتار
طباها حبـــيب بـعشـــگّ كرار
بالحومه الجثث خلاها تـذكار
زلمه وعـــالمعسكر منگلب نار
وزيــنب بالــمخيم نادتـك عمي
صاحبنه العزيز واسمك النشمي
جسر صرت وگناطر
حبيب ابــن مضـاهر …
چــه كــلـك وفــه تـتـنـفس جروح
عايش بس صرت بحسين مذبوح
يــاســنبـل محــنه وخـضرت نـوح
فيض الــدم غده بالدمعه مسفوح
لمــيت الــفوارس بيـدك الزينه
وغثيت الرجال الخاطر سكينه
ذبت من المشاعر
حبيب ابن مظاهر …
عبد زينب
محمد الإبراهيمي
ـــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــ
::نــــزلـه للخـــــــدام::
وفــايــــــــه وفــايــــــــه
وفــايــــــــه وفــايــــــــه
،،،،،،،،،
مثل عابس الك يحسين بالمجـلس نـذب اهـدوم
واحنه بهالعشگ مــولاي تـرفـعـنه عـلى هـالـگوم
لامونه شكثر مـولاي أبـحبـك مايـهمنــــه اللـــوم
تحزمنـه بعـلگ أحمـر وصبغنا هدومنـه بـدمــوم
الما يحضر الك مجلس كلها السنـه يـظل مندوم
وحتى بالمهد لحسين على وجها الحزن مرسوم
وفــايــــــــه وفــايــــــــه
وفــايــــــــه وفــايــــــــه
،،،،،،،،،
خدام ونظل لحسين رددنــه بـهالحـچايـه
وآه يحسين ومصـابـه بدمنـه إلها شـــرايـه
تعاهدنـه مثل عابـس ابجنونه اينصرك الغايه
وكل شايب حبيب يصيـر مثـله أحنـه وفايه
للخادم صـرت يحسين يعطش وانت له مايه
يالحبك جبير هواي بحر بي واحنه گشايه
وفــايــــــــه وفــايــــــــه
وفــايــــــــه وفــايــــــــه
،،،،،،،،،
وحــگ حيـدر عـلي الكرار ذاك اللـي حمــه جـاره
چانون الگـلب يحـسين تسـعر ماطــــفت نـاره
الشيعي من يهل عاشور ألك مجلس فتح داره
مانتـرك لطمـنه هـذا لــــو ضـدنـه الـف غـــاره
ابمجلسنه اصول الدين عجيبه كـلها اســراره
عدوك بالزمن معروف ذليل وماغسل عـاره
وفــايــــــــه وفــايــــــــه
وفــايــــــــه وفــايــــــــه
،،،،،،،،،،،
العـهد يافـاطمـــه مـعهــــود ابد ماأنســــه المـذبـوح
أبچيلـه بچي المفطوم اليحب يفدي الحبيبه الروح
مأجور اليحب احسيـن امن الله هالعشــگ مسـموح
اومـن زغـري انـوح اعليه جـفن عيني الـه مجـروح
شلون انسـه البچاله الكون يبچيله الفلك وينـوح
ويـــــدري بالفلـه أيام عالغبـره يـظـل مـطــروح
وفــايــــــــه وفــايــــــــه
وفــايــــــــه وفــايــــــــه
،،،،،،،،،،،
الطريقك ياحسين بشوگ تربي العين سـچابه
أومو مره عدد مرات يمـوت اليفـگـد احبـابـه
المهدي بالحزن عايش حزنه لكـربـله اسبــابـه
وجمره بالگلب لحسين تســعر نـاره لهـابــه
وعينه تبچي من أدموم و مادگ الفرح بابه
واحنـه بالفـرج نـدعـي عليـنه طـول غيـابـه
وفــايــــــــه وفــايــــــــه
وفــايــــــــه وفــايــــــــه
..كلمات..
..احمد السالمي..
،،،،،،،،،،،
ـــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــ
((ها يحسين))
ها يحسين وين انته
هضيمه العين من تشوف ناس هواي
بس يحسين مو انته
بالمسمع كلام هواي
چا ليش انته شو سكته؟
چاليش انته شو ماهو
الغيرك اشتكي الياهو
ها يكحيل
اجانه الليل
وبالضلمه الورد ينداس
شنگلها وترد الخيل
شنسوي وغزانه الويل
ياضي عيني يانبراس
يبو حچايات عطر الياس
حلوه سوالفك تنباس
گصر بيه الصبر
والناس
تتشمت مشه العباس
حاچيني ولو نضرات
الشماته منادس اعله الحال
يگلولي المخيم مات
چاوينك يبعد أهلي
چاوينك يبعد آنه
تلفح فرگتك بالروح
حيرانه
وغلات امك
اي يحسين حيرانه
من ركض الضهر والسوط تعبانه
ومو عطشانه بس يحسين ذبلانه
وألك يحسين عطشانه
وينك گوم
ياخويه الهوى من فرگتك ميشوم
وينك گوم
يالباجي بلايه هدوم
ترى سگف العمر مهدوم
ياخويه الشماته تلوم
ياخويه الضوه مسموم
ياخويه الضعن مطشر بلياك
بس جرح العده ملموم
وينك گوم
اجتنه الگوم
خذتنه الگوم
ولتنه الگوم
طفو سلسبيلك نار
يشيوخ العرب يكبار
اجتنه ازغار
وأحنه بخيمه مكشوفين
ماعدناش حفنةْ غار
الحافر مايميز ضلع من ازغار
هذا الصار
والضميته عنك نار
يساجيني تعب طفين
اركض والسياط تلوح
مرعوبه وكلتني النار
اي يحسين
صريم الگاع چنه ارماح
اجتنه الگوم
وملتمين يم العيله چم سياف چم ذباح
اجتنه الگوم
يبن المايعرف النوم
يابيرغ سلف فوگ الرمح محكوم
اجيتك بالفراگ الحار
ماعندي كلام ايلوم
سوالف فاضت من الروح
مابيهن عتب يحسين
كل قصدي اكلك وين
گواك الله من الخيل
يالمصفن الدمعه بعين
دورتك شمس بليل
وين الگاك
انشدمن واشوفك وين
دليني
اعله دربك ياعزيزي منين
هيه الطف غدت بس روس
وركضنه وخايفين اندوس
خويه حسين
يبن امي
العمر لاوين
خويه حسين
خويه حسين …
عبد زينب
محمد الابراهيمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
وين أنطي الوجه
الياصوب أتجـــــه
وينك يخو حسين .. وينك يخو حسين
اتولتني المصايب .. تردفلـــي بنوايب
يافخـــــر الغوالب .. وينك ياابوفاضل
ياهيبه ويغيـــــــره .. يابدر العشيــــره
شلون امشي يسيره .. وآنه أخت البواسل
مرعوبه الضعينه .. وتصيح نولينه
من هجموا علينه .. كوم الحك يكافل
ياسبع الملاحم .. يابدر الهواشم
تناديك الفواطم .. يالكلك مراجـل
خويه من رحت
ناديت وصحــت
وينك يخو حسين .. وينك يخو حسين
ياقبلــــة حنانــــي .. عذبني زماني
بعدك ضيـم لفاني .. والتمن عليــه
ياتاج المعالــــــي .. مرمرني الجرالي
وهضموني يغالي .. وما اخوه أليــــــه
خويه اللي هظمني .. من ظالم شتمنــي
وبسوطـــه ضربني .. وكمت أشكف بديه
عباس أنظلمنــه .. بسياط أنضربنه
وماواحد رحمنه .. من كوم ال أميه
خويه آنه متت
من أتشتمـــــت
وينك يخو حسين .. وينك يخو حسين
ياشاغــل فؤادي .. أيتامك تنـــــادي
رعبتها الاعادي .. من فزعت فزيعه
صاحوا يالعقيله .. ياحره وجليلــــــه
وين النشتكيلــه .. بكل محنه وفجيعه
كلتلهم حمانـه .. العشنـــه بحنانـــه
طايح يم لوانه .. ومرمي عالشريعه
منـــه راح أملكـــم .. أللي جان حمه الكم
ظل عالشاطي عمكم .. جفينــــه كطيعــــه
بفكدك كل طفل
دمعاتـــــه تهل
وينك يخو حسين .. وينك يخو حسين
ياحامل علمنـه .. شيهود ألمنــــه
وأعلينه خيمنه .. حركتها العساكر
فوك أمتوني والهم .. وجدامي التصب دم
دخــــان المخيـــم .. ظل يعمي النواظـر
ياكلبي ويروحــــــي .. متهمني جروحي
ولاردت احمي روحي .. ردت أحمي الحراير
من أجونه ناحن .. امن السوط يخافن
كلهن بيـــه لاذن .. جرحوها المشاعـر
بسياط الغرب
الخدر تنضرب
وينك يخو حسين .. وينك يخو حسين
أطفالـــــي بألمها .. العسكر مارحمها
نار شبها بخيمها .. ماراعــــه عمرها
شي بالخيل سحكها .. وشي بالنار حركها
وشي دخان خنكها .. وشي الحبال تجرها
خويه أكثرها طشت .. نص للشاطي ركضت
نص عالبيــده فرت .. حيرنـــــي أمرهــــــــا
فرت خوفه بيها .. شلون أبحث عليها
شيوصلنـي ليها .. والصحره اشكبرها
ها ياكافلــي
ماغيرك ألي
وينك يخو حسين .. وينك يخو حسين
سلام المشعل
ـــــــــــــــــــــــــــــــــــــــــــــــــــــــ
منهاج محرم الحرام ١٤٤٤ هـ
أنـصـار الحـسـيــن (عليهم السلام)
شـيَـبـهـــم مـــاي وضــوه
الـريــه تـعـشــﮔـهـم هــوه
ويـمـهــم اليـعـطــش روه
أصـحــاب الحـسـيـن
استـزغـر المـاي وخـجـل نـهـر الفـرات
هُـمــه مــو هِــوّ عــرف ســر الحـيــاة
شـافــهــم ميـتـيـن بــس ذَلــو طـغـاة
وهوَّ عايش بس ضميره يحسه مـات
مـن بـدت بالطـف حـرب
شـــدوّ الـﮔـلــب بـﮔـلـــب
وطَـيـحـوّ ويـن الصعـب
أصـحــاب الحـسـيـن
ـــــــــــــــــــــــــ١ـــــــــــــــــــــــــ
الرفـع سيـفـه اﮔـبالـهـم مـيـت يـطـيـح
وﮔـبـل لا يـتـعـب يـخـلــوه يـسـتـريـح
اليـنجــرح بــيـهـــم ولا ﭽـنــه جـريــح
بجـرحـه مـا يرضـى ويـريـد الا ذبـيـح
وإسـأل اعـلـه المـرجـلـه
هـنـــاك كـلـهــا بـكـربـلـه
اتـلــﮔـــو المــوت بـهـلـه
أصـحــاب الحـسـيـن
ـــــــــــــــــــــــــ٢ـــــــــــــــــــــــــ
صـدورهـم تـتـعـنـه تحـضـن بـالسهـام
خــاف مـنـهــن ســهــم رايــح لـلإمـام
الخيـمـه غـيـر اتفَـيي عالطفـل اليـنـام
هـمـه شـو صـارو فـيـاي اعلـه الخيام
فـيــاي صـارو عالخـيـم
خـاف يـنـدلـهــن سـهـم
وگـفو اعـلى مـن القمـم
أصـحــاب الحـسـيـن
ـــــــــــــــــــــــــ٣ـــــــــــــــــــــــــ
الهوى الـ بالطف چان لو هَب حيل الحار
ومـن يـمـر بيهـم اعـذيبـي اتحسـه صـار
وحـتى ذاك التـنــظــر بـوجــهــه سَــمَـار
الليـل الأظـلـم مـن ضـواه يـصبـح نـهـار
الضـوه البيهم ينـشبـگ
بنظره وحده وينعشگ
الما يحـبهـم يـخـتـنـگ
أصـحــاب الحـسـيـن
ـــــــــــــــــــــــــ٤ـــــــــــــــــــــــــ
لو مشـو ما حاجه تسـأل مشو ويـن
لابـو اليـمـه اتعـنـو ايـقَـبلـولَـه اديـن
من العشـگ لو گعدو اگبال الحسيـن
مـاكـو واحـد بيهـم الترمشـله عـيـن
محـد البيـهـم رِمَـش
ولا يفكرون بعطـش
بيهـم الحـب انَـقَّـش
أصـحــاب الحـسـيـن
ـــــــــــــــــــــــــ٥ـــــــــــــــــــــــــ
ياهـو ينـظـرهـم سـأل هـذا السـؤال
نـاس ويـه حـسـين ننـظـر لو جبـال
أو مــلائـك حِـضــروَّ بـهيـئـة رجـال
الواحـد يـعــادل عـسـاكـر بـالقـتـال
الكشـخـه عدهـم بـالجـرح
والفـــرح بــس بـالــذبــح
لاجـل ابـو اليـمـه السـمـح
أصـحــاب الحـسـيـن
ـــــــــــــــــــــــــ٦ـــــــــــــــــــــــــ
أحمد البصراوي العبادي
ـــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــ
بسمك ابتدي يحســـين وانهي
وبرماد الخيم صخمــت وجهي
وفقني ارد اخدمك…. وبيض وجهي يمك.. حبيبي
العمر خلص ياحبيبي وبين الشيب ابلحيتي
انت كل ناسي وحياتي ياحُسين وانت بيتي
ابخدمتك مرفوع راسي وبالحشر هيه هويتي
حرمت كل هوه اعذيبي وبس الك محجوزه ريتي
هذا انت الهوه البنفاسي يسري
ابدونك ياحسين اشيسوه عمري
الهج دومي بسمك…. …. وبيض وجهي يمك.. حبيبي
ياحُسين اذنوبي كثرة وتحترگ بين الجدوره
ورايــــد الطم رايد اطبخ وارد اقدملك نذورة
الدنيا شنهي ابلا محرم لا عزه ولطم الصدورة
وكل سنه الخــــدام هايه كلمن ايقــدمله دورة
وفقني الخدمتك بربعينك
يالشايل الخادم وسط عينك
ابنص گلبي ارد اضمك….. وبيض وجهي يمك
.. حبيبي
كلشي بيه ايصيح احبك والدمع خط اعله بابــــه
ودوم اصيحا بالمجالس اه يحســــين ومصابـــــه
شلون انام اعله الحصيرة وانت نايم عاالترابــــــه
واختي بالمنزل أميرة وانت اخــتك باالخرابـــــه
الزينب بعد ماايبطل ونيني
والعبدالله ناذر كل بنيني
ابعبدالله انه احشمك….وبيض وجهي يمك.. حبيبي
وين اروح وانطي وجهي وانت وجه الله وجماله
شرد اقدمله ابحياتي الخاطري قدم عياله
ياحُسين العشگ فرصه ونعمه من الله تعاله
ومن گبل مااصير احبك وياهوا مثلي يحس دلاله
اكثر من ابوي اتحبني وامي
حللت وگليتك نبض دمي
فدوه الطاري دمك……. وبيض وجهي يمك.. حبيبي
ياحُسين ارزقني نظرة وخل اخدمك في حياتي
الشيب اخذني ياحبيبي وثگلت ابچتفي عباتي
والله مااسوالي درهم خــــدمتك سوت غلاتي
انت روحي وانت عمري وانت تحضرني ابمماتي
باجر ياحُسين ابگبري اريدك
ومن اغرگ ابذنبي مدلي ايدك
غرگان ارد اشمك…… وبيض وجهي يمك.. حبيبي
انـــه عند اهلي واحسن غــــربـــه والوادم بعيده
وامي تحچيلي اعله حبك واگعد واكتب قصيده
اتگلي يبني كون اريدك ايـــــدك اتخليها بــــيده
واليعوف حســــين يبني باالحشر محـد يفـــيده
هيچي اتگلي امي وتحچي عنك
وانت اويانه گاعــــــد والله چنك
امي فــــــدوه لمـــك…. وبيض وجهي يمك.. حبيبي
ــــــــــــــــــــــــــــــــــــــــــــــ
ماجد حبيب الخيكَاني
ونسألكم الدعاء
ـــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــ
هذه الحوراء تدعو يابن امي ياشهيد
♦️♦️♦️♦️♦️
عــــلة الايجــــادِ تبقى ياحبيبي ياحسين
قــــائد الامــــــة والي شــــرقها والمغربين
قد رأيت الشمــــر بالسيف يحزُّ الودجين
يااخي تبقى بلا غسلٍ على وجهِ الصعيد
♦️♦️♦️♦️♦️
سوف تبقى ياإمامي بين اقوام بغاة
يقطع رأسك ظلما بسيوف مرهفات
يرفعوه بعد قتلك فوق اطراف القناة
وتسير الحـــــائرات نحو ديوان يزيد
♦️♦️♦️♦️♦️
حطم الحـــزن فؤادي لحطيم في الصفا
لست انساك صريعا ياحبيب المصطفى
صبت الدنيا علــــــــــينا ضيمها وآسفا
عجـــــبا ضعن محمـــد كبلوه بالحديد
♦️♦️♦️♦️♦️
تندب السبط بقلب واجـد وهي تقول
من علي نلت فخــرا ومن الطهر البتول
سيد الاحــرار صرت انت ياسبط الرسول
انت طود الحلم والعزة ذي الرَّأي السديد
♦️♦️♦️♦️♦️
يا اخي ياتاج عزي صاحب الشأن الرفيع
قد دفناهُ بجنبـــك ابنك الطفــل الرضيع
عينك الان تراه وهــــــو في الترب صريع
امرنا للـــواحد القـــــــاهر يقضي مايريد
♦️♦️♦️♦️♦️
فيك عشنا بأمــــان لك في الروح ضريح
لســـــت انســــاك خضيبا وتريبا وذبيح
سوف يبقى كل حين يا اخي القلب جريح
كل ذكراك ستبقى تجري في مجرى الوريد
oooooooooooooooooooooo
وليد المندلاوي
ـــــــــــــــــــــــــــــــــــــــــــــ
نعي مفجع
وصيت العليله (ع) للعرابي
يـعـرابـي بـسـفـرتك وين مـنـواك
أگـصـد كـربلـه وسـرع بـمـمـشـاك
اخـذ الـخـبـــــر لـحـسـيـن ويــاك
وكـلـه الــعـلـيلـه ذلـهـه فــرگــاك
كـلـه الـعـلـيـلـه وصـت اتـگـــول
طـال الـوعـد والـدمـع مـهـمـول
اشـحـال الـيـبـات الـيل معـلـول
وهجـر الاهـل وغيابهه ايـطـول
يـعــرابـي ذمـه أتـبـين الـحــال
واخـبـر ابـوي الـهـجــرچـتــال
حـزن الـعـلي ايـذوّب الاجـبـال
حـتى بـمنـامي الاهـل عـالـبـال
——————————————*
✍خـادم الـعلـيلـه ( ع)
الشاعر رعد الجريخي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
منهاج محرم الحرام ١٤٤٤ هـ
مولاي مسلم بن عقيل (عليه السلام)
عَـلِــمــنــي مــــولاي الـوفـــه الزيـن
ولو وحدي اظل ما اعوف الحسيـن
يـبـن عقـيـل…يـبـن عـقـيـل
علمـنـي الوفـه الأكبـر…شلون لوحده من يثـأر
يـتـرس ريَّـة التـاريخ…عطر يسجدله كل عنبر
وشلـون الرجـل يقـره…اوجـوه الوادم بنـظـره
وبي يعرفهم يخونون…بس واگف يظل ثـوره
بگـلبـه الرجل شيخلي وايصيـح
ويَـمَـه الزلــم تتـراجـف اتطـيـح
يـبـن عقـيـل…يـبـن عـقـيـل
ـــــــــــــــــــــــــ١ـــــــــــــــــــــــــ
أريـد اتـعـلـم الكـلـمـه…شلون اتذل شكو زلمه
يبذل كل جهد وايريد…أتـرك حـب ابـو اليـمه
وشلون الرجل وحـده…وكـلهـا بعسكـر اتـعده
وعن حب الحسين آلاف…هـم ما تـگدر اتـرده
عَـلِـمنـي وَحده بگـلبـي أخلـيـه
وغيره اي عشگ ما أنظر عليـه
يـبـن عقـيـل…يـبـن عـقـيـل
ـــــــــــــــــــــــــ٢ـــــــــــــــــــــــــ
عَـلِمـني من اريـد أهـوى…ما أضـعـف واصير أقـوى
يَمَن ليهسه أرض كوفان…بوجهـهـا ناقش الخطـوه
ولـلـيـــوم بــشــوارعـهـا…زلـم مـذبـوحـه طـابـعـهـا
وظـل بـس للإمـاره أثار….تـون ليـهـسـه نسـمـعـهـا
وكـلـما نـسـولـف سـيـدي الصـار
تـلـعـــن عـــبــيـــد الـلـــه الأثـار
يـبـن عقـيـل…يـبـن عـقـيـل
ـــــــــــــــــــــــــ٣ـــــــــــــــــــــــــ
مــنــك رايــــد أتــعــلـــم…لإمــامـي بــيـمـن أتـكـلـم
امن ازوره أحچي لو بسكوت…أطيح ابابه گـد الشَم
أروحـن راوي لـو ضـامـي…لو من لطمي أطب دامـي
أنـه العـذبـنــي يـا مــولاي…تطـب طلـبـاتـي گـدامـي
ما چــنـي زايـــر چـنـي طَــلَّاب
وحاجاتي گبلي ايگصدن البـاب
يـبـن عقـيـل…يـبـن عـقـيـل
ـــــــــــــــــــــــــ٤ـــــــــــــــــــــــــ
شلون أصبح صدگ عاشگ…وأموت وعشگي ما افارگ
وهـوَّ العـشـگ لـو لحـسـيـن…لـــو لاي بـشــر مــا لايـگ
لـغـيـره الـلـي يحـس حُـبـه…لازم مــشـكــلــه بـگـلـبـه
وعـليـمـن يـقــره چـا قـرآن…إذا ما يهـوى ذو القـربـى
وذو القـربـى هـو حـسيـن مـولاي
وخـاسـر حيـاتـه المـا فـهـم هــاي
يـبـن عقـيـل…يـبـن عـقـيـل
ـــــــــــــــــــــــــ٥ـــــــــــــــــــــــــ
عَلَـمـنـي بـوكـت مـوتـي…وأخـر كلمـه من صـوتـي
أسَلـم اعلـيه بعد وانوب…خـيـشـيـلـونـه تـابــوتـي
هنـاك أتـمـنـى لحسيـني…تظـل تنظـر فـقـط عيني
وأچذب لو گلت نظـرات…مـن حـسـيـن تكـفـيـنـي
ما مـره اله هـنانـه انظـرت يـوم
ادعـيلي اشوفـه هناك بـس دوم
يـبـن عقـيـل…يـبـن عـقـيـل
ـــــــــــــــــــــــــ٦ـــــــــــــــــــــــــ
أحمد البصراوي العبادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
منهاج محرم الحرام ١٤٤٤ هـ
مولاي مسلم بن عقيل (عليه السلام)
طِـيـح ابـمـايـهـُم يـا دم الاجـراح
عطـشـان اليموت ايموت مـرتـاح
وگِـلهـم لأجل أبـو الأكـبـر
حتى المـاي اصبغه أحمـر
عطـشـان اليموت ايموت مرتـاح
إِِنزف يا دِمه اشفاي..وأحمر إصبغ الماي..ما محـتاج إلهم
هذا الماي مـردود..الماي اليسوه بالجـود..عد عباس گلهم
اليابس ينذبـح أقـوى مـن المبـلـل
وغَثهم دمي چي من ينزل امهيـل
وأنه مـعدل واضحي لسيد مـعدل
ونظل والله نذلهم حتى من نرحل
عدليِن ويـذلهـم منَّه كل صـوت
ومن انـمـوت بيهم ياكل المـوت
وإصـرخ بالقـصـر وإفخـر
حتى المـاي اصبغه أحمـر
عطـشـان اليموت ايموت مرتـاح
ـــــــــــــــــــــــــ١ـــــــــــــــــــــــــ
بقصرهم واگف اوحيد..واضحك ضحكة العيد..وتتراجف زلمهم
يحَذروَّن ويِهِدوِن..وأنه بخزرة عيـون..أطشـرهم وألمهم
امچتف بس إليه ارواحهـم خضعـن
طـلعـن من أگـلهـن كلـهـن ايـطـلعـن
عـالي وروسهــم مـا بـاوعـن ركـعـن
يعرفـن ليَّه بـس يرتـفـعـن ايوگـعـن
وما يحچون چي عندي الحچي الزين
وياهو اليحچي ويه اليحچي بحسين
وصوتي اليذل صوت الشر
حتى المـاي اصبـغـه أحمـر
عطـشـان اليموت ايموت مرتـاح
ـــــــــــــــــــــــــ٢ـــــــــــــــــــــــــ
السطح أصعدله فرحان..أموت لأعظم انسان..فداء حسين رايح
الخوف البيهم اصريخ..وأنه لقمة التاريخ..صاعد رغم طايح
المطـر يرتاح من ايطيـح من غيمـه
ويفـرح مـن يبـاوع خيـره بالهـيمـه
المـا يـنـفـع الــوادم مالـه أي قيـمـه
والينـفـعـهـم الـلـه يـريـد تـكـريـمـه
وكـرمنـي الله بسفـارة اتوزع الخيـر
وبَـيَّـن خيـرها اعلـه البشـر والطـيـر
وخير حسين حيل أكـثـر
حتى المـاي اصبغه أحمـر
عطـشـان اليموت ايموت مرتـاح
ـــــــــــــــــــــــــ٣ـــــــــــــــــــــــــ
متت وامرَيح البال..واذا جـروّني بحـبـال..هـذا يـدل ضعفـهم
خافو مني مذبوح..لأن شافوها الاجروح..بدت تكتب حتفهم
جِروحي اتسولف ورادو يسكـتوهـا
وجـروني بحـبل مبتسمـه شافـوهـا
وصـارو ويـن مـا جـروني يلـگـوهـا
تِخَـضـر ثـوره واتـذلـهـم يعـرفـوهـا
جـروح الثـائر من الـلـه منـارات
وتكشخ بيها أمـلاك السـمـاوات
ومسك من عـدهـا تتعطـر
حتى المـاي اصبـغه أحمـر
عطـشـان اليموت ايموت مرتـاح
ـــــــــــــــــــــــــ٤ـــــــــــــــــــــــــ
دمي إفتَر على الدور..وللحق باقي ناطور..خاف الناس تِنكُر
وخـاف الوادم تگـول..چا الحسين معقـول..مـا دز أي مبشُـر
بشـوارعهم رسائـل دمـي طشـرتـه
ياهـو ايگـول مسلـم بعد ما شفتـه
الما شاهدني عايش ميت اوصلته
ذاك حسيـن گـتله ولِبـد شـاهـدتـه
ميـت وادخلـت للنـاس بالسـوگ
بس الذله اشوفنـهـا الهـم تـلوگ
ومـيـت وانـكــر المــنـكـر
حتى المـاي اصبغه أحمـر
عطـشـان اليموت ايموت مرتـاح
ـــــــــــــــــــــــــ٥ـــــــــــــــــــــــــ
مشيت شكثر ما اشوف..فقط بس غدر السيوف..لابو اليمه يتاني
شيسوي حسين بالناس..مدام اوياه عباس..ما يحتـاج ثـانـي
وإيـغـدروه انـه ادري هـنـاكـه بـالعـاشـر
ويـظــل مــولاي لـلـطــبــرات والحـافـر
ويجيني الراس بس فـوگ الرمح باچـر
ونــتـگـــابـل ســـوالــــف ثــائـر وثــائـر
ونبقى أحرار رغـم الذبـح والصـار
ومثلنه الناس كون اتصـير احـرار
وعـنبـر يحچي وي عـنبـر
حتى المـاي اصبغه أحـمـر
عطـشـان اليموت ايموت مرتـاح
ـــــــــــــــــــــــــ٦ـــــــــــــــــــــــــ
أحمد البصراوي العبادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
گالو يالگمر طايح عالنهر
وحسينك بقى مكسور الظهر
سئلتك وريدن رد يمه السؤالي
عفتمن يحامي ضعن اختك يغالي
ماي النهر من گصتك ياخذ ييمه اعذوبه
موش المهم عين اولدي هسه بسهم مصيوبه
انه المهم عندي واهم زينب تضل مهيوبه
لودافع الكعبة علي المذنب تطيح اذنوبه
گالولي وگلت
لجلچ شيبت
ياكعبة علي مثلچ ماشفت
اخذهن لجلهه يمناي اوشمالي
عفتمن يحامي ضعن اختك يغالي
بيك افتخر عباس اضل يل دافعت عن دينك
لازم كفو تطلع لان انه وعلي مربينك
يمعزب وحتى السهم ضيفته يمه بعينك
رحم الوفه ثق ينگطع لوماگطع جفينك
من گالو طحت
ونيت وصحت
لجل الطف علي شوف اشخلفت
نذرتك لخيتك يمنور الليالي
عفتمن يحامي ضعن اختك يغالي
جابو خبر موت الولد ماهمني كلت وعادي
حسين المهم ايضل عدل يرحوله فدوه اولادي
ماتو كبل موت الاخو هس توني نلت امرادي
لوميت وهمه البقو ماتطفه نار افادي
مني الكم شكر
يابعد العمر
موتتكم سوه چنت انه انظر
عليكم ابوكم يمه اشکد حجالي
موش الهوى انه اتنفسه چان الحسين انفاسي
گالو غفه بعينك سهم صحت انه ياعباسي
بشرني شخبار اخوتك
رفعولي بالطف راسي
والنعم منكم يل ولد ياعزوتي ونوماسي
گلبي شگد نطر صبرته بخبر
دمكم يل ولد عل سيف انتصر
نعيتك رثيتك بدموعي التلالي
عفتمن يحامي ضعن اختك يغالي
ماينسه فراگ الولد حتى اگدر انه انساهم
لوغمضت عيني ونمت بحلامي راح الگاهم
يسوة العمر والتنتظر يابويه ياملگاهم
بيش انه اصبرك يل گلب وانت العليهم راهم
وديت الزلم
وين البيه عزم
ودري الطف چنت مايعرف سلم
يروحي دنوحي ماواحد صفالي
محمود رحيل التميمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ظلن غريبات متعيني مشوهن زجر بل هيمه والبراري
شفت الاميرات جوه جدمهن يل رمل من طرن الصحاري
لاخيمه ظلت لادار
ماشعلو ابنصهه النار
ترضاها ياولينه شدو حبل بدينه
ومنل هظم بجينه. ومن وحشت الخرايب
اگعد لون حلمانه ونسه الي صار ويانه
طاح الاخو ونسوانه خاوتهن المصايب
جبرونه انتفارگ والله منعوفك
خايف عل ظعن واقع طلع خوفك
والله وحسافات عفتك جسد فوگ الرمل يل ماعفتلي افكاري
طول المسافات صاعد نزل سوط الشمر خافك يخي ماداري
ترضاها يبن الكرار
لمتنه صارت طشار
ظلن غريبات
يابيرغ العشيره من ديره رحنه الديره والمشكله الچبيره تتفارگ الحبايب
مشهودة الك وگفاتك
يل جن شمس وجناتك
اتوحشن نجماتك چي لن گمرهن غايب
لاغايب وگول ايرد وشوفنه
يمسحلي دمعتي وتسكت الونه
وجه الصبح مات من اگطعو راس الشمس وانه شتعلت بناري
بعيوني گطرات ياخويه ماضلن بعد و انه الدمع خطاري
لادمعه ضلت بل عين
اله وجرت لجل حسين
ضلن غريبات
ياسيد المحاچي
اتعالت البواچي
من سلبو التراچي انكسرت الخواطر
يل ساكن بنص روحي
بعدك يزيد اجروحي
رحت وتكاثر نوحي
من فزعت العساكر
من يوم الوگعتو وحنه ضلينه
انشاگف بل سياط اشما تطگ بينه
وشتعلت النار
وسط الخيم نار الحرب نار الگلب عل جفين
ماتدري وصار
انطو طفل بالطف ظمي ياخويه سهمين
فرفح وصعدت روحه
يبچي الاخو المذبوحه
ظلن غريبات
طشت يخويه اعيالك
تبجي الحرم وطفالك
والمشكله جتالك
ميت طلع ضميره
براس الرمح شال الراس
ويگلي يخت العباس
لنفرج اعليچ الناس
خل تنسبي الاميره
ياخويه وعليك اهوايه بچونه
راسك عل رمح لمن يشيلونه
حشمتك اهواي
انه اعتذر يابوالفضل مستحيه من اعذاري
يل شوفتك ماي
جنك نهر وسط الخيم لتضمي مايك جاري
موهينه خويه نشوفك
واگع گطيعه چفوفك
والرجف الخياله رجفوله گلب اعياله طاح العلم شياله نابت سهم بعيونه
بويه شكثر ونينه
للكافل اوجفينه
لا والمصيبه حسينه صدره العده يدوسونه
من داسوله صدره وطگن اضلوعه
من عدهه والحد هل لحظه موجوعه
اسمع يعباس
داسو صدر كسرو ضلع حركةخيم يل غالي
تقبل ينوماس
جابو حبل جتفو حرم روعولي گلب اعيالي
جابورمح شال الراس
اسمع حچي لسان الناس
ظلن غريبات
محمود رحيل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
(يازينب)
وويـلاه وويـلاه يـازيـنـب الـمـظـلـومـه
————————-———————*
بـالـحـومـه ذبـحـو كـافـلـچ
يـم عـون يـاهـو ضـل ألــچ
والــخـيـل داستــهـم هـلــچ
للحباب للحباب شو طولت هالنومه
—————————-———————-*
راح الــيـوفـيـلــچ وعـــد
شـگـد نـخيتـي وما گـعـد
اتـحـزمـي بـصـبـرچ بـعـد
على الگاع على الگاع غافي وتسيل ادمومه
———————————————*
بـاچـر تـروحــيـن بـســبـي
ولـيـحـدي الـنـوگ اجـنبـي
ماضـل مـحـامـي وطـالبـي
تركضين تركضين باچر تره وملچومه
———————–———————*
جــابــو هـزيـلات الــعــده
أتصعدين وانـتـي امـگـيـده
ولأهــل كـلـهــه امـوســده
بالعيون بالعيون هاي الصور مرسومه
——————————————–*
مـا تـرحـم عـيـون الــغــرب
وبالخيل مكضوض الـدرب
شـيـوصلـچ الـيـث الـحـرب
يعباس يعباس صوتچ عله بالحومه
————————–——————–*
غـاب الــخــدر يـمـدلـلـة
ضلـت مـدامـع هـامـلـه
شفت العـذاب ابـكـربلـه
يتانيچ يتانيچ عاشر محرم يومه
——————————————-*
✍خـادم زيـنـب ع
الشاعر رعد الجريخي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
من طب الحومه يامحله ارسومه عباس الهيبه مايحصل يومه
رفت ريشاته والحد صولاته ميدان ابأيده من طب محلاته
عباس هاذا مو فقط ياهو الچان
يلوي الشوارب من يطب الميدان
ماتوگف اگباله تموت العدوان
(طوله عباس اليرعبهم )
عباس اعيونه ترعب يدرونه واليوگع بيده فنهم يلگونه
انه ابن الساده عباس وناده ومحضر سيفه لرگاب القاده
هزبر دخل للحومه ينطيهه دروس
والناس خلاهه ردم روس بروس
والشگره تصهل والجثث بيهه ادوس
( هيبه الكافل من يبرز )
واليبرز صابه والكل ايهابه خزرات اعيونه نار ولهابه
ضربه ويگضيهه لا مايثنيهه عباس اذراعه محد يلويهه
يطويهه كلهه ويرد يصفطهه صفاط
فوگ الحروف الفارغه ايخلي انقاط
طب العجيد اعليهم وذب رباط
( عباس الطف كله ابأيده )
ياعم اسكينه نادتلك وينه الماي انريده رفن چفينه
ناداهه بعيني يابت احسيني الشاطي ومايه لا مايكفيني
والله يسكنه انتي عزيزه اعله الگمر
مو ماي بالجربه احط راس الشمر
ابوسط چفي امنيته رايد يستقر
( ذليت الماي وذبيته )
حيدر بوصافه ينجن الشافه يامحله ارسومه يامحله الطافه
لشاطي ومايه متعني اعنايه من يم احروفه دگاهه الرايه
الجثه گامت تشرد ابلايه الراس
سواهه ضلمه بيوم طب العباس
من گد رجيف الحومه اسمه الخلاس
( كلمن يشرد ياهنياله )
كرار العطوي السماوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
رحمــه المجالس رحمــه ~~~ مِن الله اكبر نعمـــــــه
بالدنيــه أحلى عَشَــقْ … هاي المجالــسْ رَزَقْ
أهل الفلاسف والحَكَـــمْ وأهل المناطَقْ والعَقَـــلْ
أتْـﮔـلك اذا صابَكْ مَرضْ امشي اليداويـهه العلــلْ
هـاي المجالس كالـدوهْ والمنبر أحلى من العسلْ
دنيانــه خربانه اوعليْ بيهه المجالس ارقى حَـلْ
الما لاطــمْ اشبيْ حَظـــــه ~~~ الما باﭼــي ميَّت نبضــــــه
ادعيْ الله كون ابصــدقْ … هاي المجالــسْ رَزَقْ
أتربيــنه واحنه بالزَغــــرْ راحــه المجالــس للجَسَـــدْ
كلمن حظى ابهذا الشرفْ بالــه إذا مَسَّـــه حَسَّــــــــدْ
اُمنــه توصيـنه ﮔــَبُــــــلْ لا تتركوا المجلسْ أَبـــــــدْ
اليحضر أماسي بالحـزنْ ثقْ فاطمـه اتحضره ابشـددْ
والترضى عَنَّــــه اتهنــــه ~~~ تفتـحْ حضنهه الجنـــــهْ
اتـﮔــله اليطبنـــي استحقْ … هاي المجالــسْ رَزَقْ
كثـــرة ذنوبك يا بشـــــر صدﮔـــني تذبـــح واهســـــــكْ
المجلس عالصَحْ علَّمـكْ مـو عالنفاق امْدَرَّسَــــــــــــكْ
بالأسود ارسم كشخــتـكْ وخلَّــــيْ الدموع اتحسســـــكْ
وابصدرك أطبع كالوشمْ هاي الاصابــع عابســـــــــــكْ
خلهه ابلــطـمْ مجنونـــه ~~~ لليبـﭼـــي إله ميمونــــــه
ويحسينْ زيـــدْ النــطــق … هاي المجالــسْ رَزَقْ
الرايــدْ ضـوه عد حفرتـــهْ لمَّــنْ يجــيْ يومْ الأجَـــــلْ
هاي المجالس شمعة إلــكْ ثق واعتقـــــد خير العمـلْ
ادعي ابصلاتك كل وكــــتْ احفظهه خليهه امــــــــــلْ
محدودة ساعات القـــــــره ما بيهه أبــد أيــة مــــــللْ
أجني الأجــــر بالجيــــة ~~~ أجروحــكْ لطُـمْ مشتهيــه
كون إبإمامـكْ تثـــــــقْ … هاي المجالــسْ رَزَقْ
عدنــه الرزق نوع وعدد وانواعــه كثـــرة تنذكـــــرْ
رزق المجالس مُختـــلـفْ ما بــي ولا واحــد خســـــرْ
والقصة مو قصة لَطُــــــمْ نبـﭼــي على اجفوف ونحرْ
القصة نبني مُعتقـــــــــــدْ رادوا يدفنونـــــه الكُفَــــــرْ
والزينبــــي هويتـــــــه ~~~ تلــﮔــه حُسيني صيتــــه
من الله حُبَّــــه انبثـــــق … هاي المجالــسْ رَزَقْ
لخادم المجالس: كرار الحسينات الكربلائي
// م- الاحد
كربلاء المقدسة
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
منهاج محرم الحرام ١٤٤٤ هـ
مولاتي العليلة (عليها السلام)
يم الماي جروحي اتصيح
وطيـور بدم يمـي اتطيح
وبيتـي منيـن اتلفت صايـر
دخـــان ودم ورض حــافـر
وطيـور بدم يمي اتطيح
أعطش وأگـصد المـاي..والگه المـاي مـو مـاي
ما بي عطر ابو فاضـل
حـلاة المـاي بـالجـود..شـو هسه أشعـر زنـود
بي مرسـومـه للكـافـل
گـوه آنـه للمـاي اوصـل ويچـوي الگـيه
وشـمــا بـرد حـرگـة سـهــم أشـعـر بـيه
وسر عندي للبير اگصدت حتى احچيه
وضم وجهـه مني ودم لگـيت امغطـيه
بت حسين اتردهـا ايصير
گـال النـهـر امفـشِـل البـير
الماي ايفـشـل يوم العـاشـر
دخــان ودم ورض حــافــر
وطيـور بدم يمي اتطيح
ــــــــــــــــــــــــــــــــــ١ـــــــــــــــــــــــــــــــــــ
سكته أوگع بَلا صوت…وجابت ناس تابوت
ظَنَوني اوگعت ميته
خلف الله اعله العيون…تتحـرك يـشـوفـون
وتسألهـم على جيته
مامش ضعن راجع نظـرتـوه يـا نـاس
مــا لاحـتـلـكــم رايــه مــن العــبــاس
باحلامي ليش الگه الرمح شايل راس
وليـش الضـلوع بحافـر انظـر تـنداس
وكل طفل اوياهم مو راح
ليش إلهم بالبيـت اصياح
وكل ساعه اشعر واحد عاثر
دخــــان ودم ورض حـــافـر
وطيـور بدم يمي اتطيح
ــــــــــــــــــــــــــــــــــ٢ـــــــــــــــــــــــــــــــــــ
الأكـبـــر گـــال ارد لــيــچ…يـخـتـي بعـيـنـي اخليـچ
أشيله بعيني بس يـرجع
امن اصيحن باسمه چا ليش…اسمع ضحكه للجيش
وشامـت يصـرخ اتبـضع
امنيتي بس يرجـع واشوفن عينـاه
وانظـر جمـالـه وأصـرخ گـباله اللـه
اتـلاطف بهـاي شكثـر چـنت اويـاه
ويضحكلي وينسيني كـل عِـله وآه
وما يوم بعلتي اذكُر غاب
وصار شگـد ما حَـرَك باب
لـيـش اتـأخــر الـلـه السـاتـر
دخـــان ودم ورض حـــافـر
وطيـور بدم يمي اتطيح
ــــــــــــــــــــــــــــــــــ٣ـــــــــــــــــــــــــــــــــــ
المهد من خشب معروف…ليش ايچَـوّي الچفوف
ومـا يقـبـل أهـزنَّـه
واشـم بـي ريحـة افـراگ…وگـلبي هوايه مشتـاگ
معقـوله انحرم منَّه
ياهو اليمس طفـل بعمر ست شهور
معقـوله هلگـدهـا الفجـيعه بعاشـور
معقوله عبد الله النده اسمع منحور
اليدنالـه ما بـاوع إلـه شگـد بي نور
ما بـاوع حـتى الجُمـار
من اجبينه وخده ايغار
وحتى النسمه اتلچمه اتحاذر
دخــــان ودم ورض حـــافــر
وطيـور بدم يمي اتطيح
ــــــــــــــــــــــــــــــــــ٤ـــــــــــــــــــــــــــــــــــ
امن اگولن بلكت بخير…بالبيـت انـظـر الطير
يــوگــع نـــاگــع بــدمــه
الدم مـا اســأل مـنـيـن…أعرف دم الحسـيـن
بس من خوفي ما اشمـه
لتگـلي يا طيـر بأبـو اليمـه جـروح
شو ما قنـع گـابلني وانظرله ينوح
گتله ارجع وبلكت شِفه اتأكد روح
جاوبني ما يشفه الجرح للمذبـوح
تقصدمن گتله الذبحـوه
گال الراس أصلاً شالـوه
وظل عريان الجسم الطاهر
دخـــان ودم ورض حــافـر
وطيـور بدم يمي اتطيح
ــــــــــــــــــــــــــــــــــ٥ـــــــــــــــــــــــــــــــــــ
ابيتي وجمـر الاخـيـام…بچـفوفي وبالاجدام
يلهـم بيها صرت أشعـر
وألاوي بجرحي الهموم…وأگولن والدي بيوم
يـرد لَيَّـه وعـليـه أنظـر
ومر الوكـت رَد الضعـن بِـيِه اشظال
بس العبـي الحمره وأثر چتف حبال
لا والـــدي ولا إخــوتــي ولا كـفــال
وبـيـهــم ألـم لا ينـوصـف لا ينـگـال
وكلهـا اتصيـح آيالعـطـشـان
من عدها وموتي أشعر حان
واتلـگـانـي المــوت بـحـاضـر
دخــــان ودم ورض حـــافــر
وطيـور بدم يمي اتطيح
ــــــــــــــــــــــــــــــــــ٦ـــــــــــــــــــــــــــــــــــ
أحمد البصراوي العبادي
ـــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــ
خي عونه يابويه الرمــــــح
يشتم بنحرك بالـــــــــــدرب
اليوجعني يابعد العمـــــــــن
بويه الشتم موش الظــــرب
فدوه الزارگ البلمــــــــــتن
وطيحاتي من الناگـــــــــــه
بگد چبدك الظاگ العطـــش
هيچي اني الك مشتاگــــــه
كل ماعليه تباوعــــــــــــــت
من اخوتي ايطلعـــــــــــوني
انتي اليحبچ والـــــــــــــــدچ
وبسياط يتولونــــــــــــــــــي
شمسين فوگاي اصبحـــــــــن
وتشابهن بالصـــــــــــــــــــوره
وجهك شمس فوگ الرمــــــح
وتتبده منه حــــــــــــــــــروره
عطشانه بويه الوجنتـــــــــــك
وشفافي ظلآ صايــــــــــــــمـه
أمنهد الحوافر والذبــــــــــــــح
لليوم ابد مانايمـــــــــــــــــــــه
چتفوني بگماط الطفـــــــــــــل
موش بحبل چتفونــــــــــــــــي
ومن حظروا نوگ السبـــــــــــي
من جثتك جرونـــــــــــــــــــي
غطتني چم مره بحظــــــــــــن
عمتي ام عون الغاليـــــــــــــــه
من كثر ما اطيحن مـــــــــــتت
والناگه چانت عالــــــــــــــــــيه
بويه العماني منحــــــــــــــــرك
من كثر دمع احساســــــــــــــي
انه اليتيمــــــــــــــــــــه وشيبت
وبيض تحول راســــــــــــــــــي
گمت افرش بنص الگلــــــــــــب
مصلايتك ياروحـــــــــــــــــــــي
وجرحك يصلي بكل فـــــــــرض
وخلفه تصلي جروحـــــــــــــــي
موعدله ميته وبس نفــــــــــــس
ومروره احس ابريتــــــــــــــــــي
من طگني يابويه الشمــــــــــــــر
من اذني ذب ترچيتــــــــــــــــــي
لخادم الحسين ع
محمد الفهـــداوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
هيه عمي گوه ،،،هاي زينب لـبوه
بت علي قتال مرحب
الف زلمه تســـــوه
،،،،،،،،،،،،،
جبل وگفتــها وتصـد لخوتها
بلايه روس اونايمين اعله الثــره
العفه كل همها تجري وي دمها
غاليه عليها وتضل امــــــــخدره
بلا ولي ضلــت من الهضم ملـت
بس تضل زينب مره اونعم المـــره
جانت زغيـره محجبه بغيــره
خيالها مالامسه حتى الـــــــــثره
حچت وي الوالي ،،، انه ارعه اطفالـي
الروح لجلك خويه ترخص
يبو الاكبر فـــــــــدوه
،،،،،،،،،،،
چنها كافلــها محد ايذلــــها
هاي بنت اشرف عشره اعله الارض
مايهمها الـهم شمـاعليها التم
بليلة الوحشه جلوس أدت فـــرض
خيل للوعــه عليها مجمـوعه
هل الخيول بروحها الهن ركــــض
نادته اعذرني يالجبت ضعنـي
خويه ياعباس يابعد النـــــــــبض
يالكفلت ضعوني ،،،،صح تغير لوني
بس اضلن انه أختـــك
اي وحگ الخـــــــوه
،،،،،،،،،،
گعبه عالناگه مشت مشتاگه
كتبت اعله التل وداعنآ ياهلـــــــي
اليوم فقاري خطبت افكاري
وانه بت قالع حصن خيبر علــــــــي
اني مجروحه اهلي مذبوحه
بس اضل بهيبتي اوماانـــــــــولي
عيلت الضامي تمشي جدامي
ماخذتهم حتى اذلن قاتلــــــــــــي
وياي راس الحادي ،،،اوروس كل اولادي
من اطب للشام اذله
بالصبر والقـــــوه
،،،،،،،،،،،،،،
بمجلس الضالم دخلت تهاجم
جنها عباس ودخل للمشــــــــرعه
بدت خطبـــتها الكوم ذلتـــها
واقعه بصف زلزله بصف واقـــــعه
بت علي هايه تنحسب ايه
بالفصاحــه أوبالبلاغــــه بارعــــه
تمتلك همــه اوجرح ابو اليمه
ينزف بدلالـــــها دم فاجعـــــــــه
تصيح خويه الغالي،،،، جرحك بدلالي
شگد غميج بگلبي جرحك
لچن صاير ســـــــــلوه
،،،،،،،،،،،
الرابي عالعـزه كلشي ماهـزه
لارياح اولا مصايب تــــدنه الــــــه
دخلت المجلس بالمــلا ادرس
عن مصاب احسين اخوها بكربـــــله
ألقتل عـــاده النه چي ساده
بدم مناحرنه ننول الـــــــــــمنزله
بس سبي الخدر هضم بت حيدر
من عگب عباس شمر اوحرملــــــه
صح مشة اسيرت ،،،، بس تضل اميره
راسها بعلو الثريه
رغم كل البلـــوه
،،،،،،،،،،،
رغم هضمتها اونار لوعتها
حجت وي طاغي الزمان اوذلتـــه
تحوّل الديوان يبچي للعطشان
من حچت عن الحسين اوعيلتـــــه
اشرت سكتوا انتـم اكتلتـــوا
مهچت الهادي وأخوته اوصحبتــــه
هل دمع حـيله باچــر اشكيله
جدي وحچيلـــه عمايـــــل امــته
اني جدي الهادي ،،،، اني اخت الحادي
الدگلي صدره ابوفاضل
خووته شگد حــــــلوه
،،،،،،،،،،،،،،
لخادم الحسين محمد هادي الفهداوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
يحسين الصواوين فرغت من زلمنه
ضلت بس نسوين ونلوچ بألــــمـنه
نار الگوم ماتخـجـل
لمن حرگت المحمـل
تريد الزينبك تنـــذل
حسافــه حسافــه
،،،،،،،،
اني أملاك ربي التحلف بـخـدري
اني شچم نبي متربع بفكـــــري
مامحتاره بس فگدك كسر ضهري
اني ازرع صبر خلصت كل عـمري
شمادير الوجه ناس تگطر بس مسـبه
بطارف حلگي عباس كل لحضه واندبه
بروحي خيمه للعفه
اتهنه بنومتك وغفــه
حزام الصبر ماينـحل
نار الگوم ماتخـــجل
حسافه حسافه
،،،،،،،،،،
نار فراگ شخصك والله ماتخمــــد
بكل نگلت رجل للناگه احط مرقــد
لو ادفن طفل لودمع عين الخـــــد
دربي عليك من جيش الأعادي انسد
خيم ليل الــحزان واني جروحي كثره
فراشك وسفه تربان يامهجت الزهـــره
بنفسي وياك اريد احچي
ونعه جروحك اوابچـــي
طايح وين ما انــــــــدل
نار الگوم ماتخجـــــــل
حسافه حسافه
،،،،،،،،،،،
يالشايل جروح الف وتسع ميـــه
كلهن عالرمل يحسين مــدمــــيه
الخيل الداستك ركضت تره عــليه
شردن بالبراري سكينه ورقــــــيه
طاحن بيد ســلاب سلبهن تراچــي
وانته فوگ التراب ياحلو المحاچـــي
بحرگه ولوعه وبحسره
عالتل شابچه العشــره
هنا يبن امي يمعــــدل
نار الگوم ماتخجــــــل
حسافه حسافه
،،،،،،،،،،
خويه حسين بدموع الحزن صحــته
حبك وي هرش دلالي عاگــــتــه
گضن خمسين عام بروحي شايلتـه
مثلك ماشفت واحد يعز اخــــــته
صدرك خيمت اجواد يتفايض محـنه
جرحي عليك ماهــاد ياعزنه واملــنه
دمع العين يوميــلك
لوله الكوم امشيــلك
انته اعله الثره مرمل
نار الكوم ماتخــــجل
حسافه حسافه
،،،،،،،،،،،
شلون يصير امشي ويه عدوانــــي
وتركهم ضحايه اعله الثره خوانــــي
ضل يهدم بحيلي الهم تولانــــــــي
قراني الصبر والنوح قرانـــــــــي
ماضل عندي كل حيل من الغاضـــريه
حسين اوچلجل اليــل خويه الحگ عليه
خويه ايتامي مـذعوره
ضلوعك ادري مكسوره
ليل الوحشه من چلچـل
نار الكوم ماتخجــــــل
حسافه حسافه
،،،،،،،،،،
اني الچنت حته خيالي ماشوفـــه
لوعني الزمن يحسين بطفـــــوفه
الموت اهون ولا ادخلچ الكوفــــه
انه البيها أميره چنت معروفـــــه
جاري يگول عشرين عام وماشفتها
هسه ابين صوبيـن اختك يالجبــتها
صوتي چنت أحجبـــــنه
اني كوه اسمــعـــــنه
حسين اعله الثره مجندل
نار الگوم ماتخجـــــــل
حسافه حسافه
،،،،،،،،،،،،
لخادم الحسين محمد هادي الفهداوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ابو ذيات للامام العباس
علامك رحل اخوتك..ماتحرسه
يبو فاضل حرسنه..ماتحرسه
اختك نادت وصاحت..ماتحرسه
يربي كافلي بهاي المسيه
يد الكفار بيه السوء..تنجاس
ومثلك بالسيوف شلون..تنجاس
منو الغيرك ينجي الناس..تنجاس
يونس من ندب نجيته اليه
ابو علي السعيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
عاشور الحسين ع
الشام ايزيد بفجـــوره وسمهه
وصــــار الكفر ديدنهه وسمهه
بسيوف الغدر والشر وسمهه
هدمــــت دين باريـنه و نبيه
نلطُـم علصـدر خَيلــوم لايم
و طـَبُر هامتنه للعـُـذال لايم
لان يومك يبو الاحرار لايُم
مثله يا ذبيــح الغاضـريه
انه الويــــه الدمع شبيت وكبار
ويضل دمعي بحر لحسين وكبار
يحــــز نحره و يصيح الله وكبار
وحسين الرســـاله الاحمـــديه
يلحُبك جَبل يحســين راسي
فُلُك وبمرفأ الوجــدان راسي
يريت ابدال راسك جان راسي
يبن بنت النبي بدم الــرزيه
حبيبي عشكَه بدمــومي ركبهه
سره الحد ما وصل حده ركبهه
الشيعه ابدربه من تنطي ركبهه
قليل اتصيح لبن الهاشميه
زكي الياسري النجفي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ابوذيات لبدايـة شهـر عاشور
عسه يومك شهـر عاشور لاهــل
لا أخـوه الـبـقــتـلي بـيـك لاهــل
يـريت الهال فـوگ الجثث لاهــل
تـراب الـبـين بـرض الـغـاضريـه
مـن كـربـلـه شمـحـصـلـه شجاني
غـيـر الـحــزن وگـلـيـبـي شجاني
عگـبــكــم مـامتـت اهـلي شجاني
بقـيـت الوحـدي واخـذوني سبيه
شعــنـدك ياشهـر بالحزن هـليت
ذنبي وبيك من مـرحـبـت هـليت
تـدري دموع يابـو دموع هـليت
وفگدت انجـوم طاحوا عالوطيه
رياض الرسل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
بانفاسي حسرات… وبدربي عثرات
واعتنيتك
والحجي ادموع… وعندي موضوع
من اجيتك
بعد عينك بيه تدري
للغرب مكشوف ظهري
واعتنيتك
واكف اباب الخيم… والاثر جان العلم… منك يعباس
وفجئه حسيت بخطر… بعيني ماظلت صور… بس لمت الناس
ركضت ليك ومنذعر والصوت اجاني
حسين ما عندك بعد عباس ثاني
حرت شحجي لزينب وهي تتاني
وماكو اليهد خيمتك خويه بمكاني
اركضلك شلون… لو شافت ام عون.. هاي حيره
وانه سمعت زين… ظل هسه الحسين… بلا عشيره
وحدي ابقى تالي عمري
وللغرب مكشوف ظهري
واعتنيتك
بمكاني
اركضلك
للنهر من قربت… من على مهري طحت.. كدام شمات
وسمعت حجي شكثر… وجان مصدرها الشمر… مو خوش جلمات
هذا الحكوله انفجع والطاح اخيه
وحده ظل بلا اهل بالغاضريه
خل يموت وزينبه تمشي سبيه
وحضرو من هسه الخيول الاعوجيه
ما لحظه هميت… بس الك صديت… اكسرتني
ابطيحتك هاي… يمشرف الماي… تعبتني
شلون اسولف حالي مدري
وللغرب مكشوف ظهري
واعتنيتك
ك خويه بمكاني
وصلت ليك وشاهدت… وريتني قط ما شفت.. ماهن جفوفك
خويه شمسوي السهم.. َالجيش واصل للخيم… وما بيه اعوفك
يا بو فاضل طيحتك ثق مو محلها
سكينه تنتظرك يخي كلي شكلها
التكلك يا نظر عيني وكحلها
ياهو اليردها بعد خويه لاهلها
رايح يخي وين… غير انه الحسين… وحبيبك
يابعد العيون… فهمني شلون.. انه اجيبك
الخيل متلهفه اعله صدري
وللغرب مكشوف ظهري
واعتنيتك
اركضلك شلون.
حتلو يم العده… بحظني راسك وسده… وخليني اشمك
شغيرك يا ابا الفضل… حالتك ما تنحمل… حيره شيلمك
شويه باقي يابو فاضل وانت الاهواي
ابد ما تعبر بريجي طيحتك هاي
من عساها ابخت كلمن حرم الماي
وكسر ظهري بوكعتك يا حامل لواي
ابجي يعباس… وتشاهد الناس… وانحنيلك
والمدمع يسيل… والعافيه تشيل… من اجيلك
عيني دم عليك تجري
وللغرب مكشوف ظهري
واعتنيتك
ي
اركضلك شلون
كلي يا عطر الورد… بعيني عينك ماتصد… ليش خجلان
سولفت وانت سكتت… وابد مني مطلبت… غير خوان
جلمه الخويه الي أمنيه اسمع
وعينك بعيني تحطها موش تدمع
وياي خويه للمخيم ريت ترجع
وانت تحضر ساعتي من روحي تطلع
العمره يشتاك… لحظات فراك… عليه صعبه
والاهله ميتين… هذا انه الحسين… كاظيها غربه
للحرم ما ادري عذري
وللغرب مكشوف ظهري
واعتنيتك
بمكاني
اركضل
احمد الميالي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
لسان حال الزهراء عليها السلام عندما أراد الشمر لعنه الله حز رأس الحسين عليه السلام
فقالت له رفقاً يا شمر بولدي الحسين عندما تحز راسه فقد انهكه العطش
رفقاً يا شمر من تحز راسه
حيله منكسر من اعز ناسه
نحر حسين ذابل
ما يكدر يقاتل
حيله منكسر من اعز ناسه
////////////////////////////////
ابو رقيه الحلو طوله… ظل شويه معقوله
اجتك هاي كلوله… الزجيه
وليدي عفته محلاته… شو كثرانه شيباته
وعليه يبجن بنياته… خطيه
العفته هيبه واسمه اول بالعشك
كلي ليش الخيل كاظيته سحك
وعينه ليش بحجر كوه تنطبك
ما ظل حيل بابني من الالام
مسويه صدره منخل هاي الاسهام
شجاعه هواي شايل
ما يكدر يقاتل
حيله منكسر من اعز ناسه
////////////////////////////////
هذا حسين النشوفه… اوصافه فلا معروفه
تعب شابع من الكوفه… شعلامه
تطشر كلبي باعماقي… حسافه لوحده باقي
عطش شابع وهو الساقي… اليتامه
ال الله فارض طاعته عليكم فرض
امددينه ولحيته تخط بالارض
والخيول تسحكه بالطول وعرض
التاخذ حرز منه تخلف سباع
الخيل ادوفه دوف الحنه بالكاع
ودمه شكثر سايل
وما يكدر يقاتل
حيله منكسر من اعز ناسه
////////////////////////////////
الطكه بالحجر نفسه… يخله يكوم ويرفسه
اليشوفه امدد يحسه… حجر
كتله العل صدر كاعد… عدنه حسين بس واحد
اليحب واليكره يشاهد… خطر
الورد ينشم عمره ابد ما ينداس
حسين ورده وحدبت من الناس
ويكسر الخاطر بقى بلا عباس
حسين الماكو بالدنيا بحلاته
لسانه اليابس مشكك لهاته
وجسمه هواي ناحل
وما يكدر يقاتل
حيله منكسر من اعز ناسه
////////////////////////////////
بردنه شفته ابو اليمه… يحس من كصته دمه
لجن مابي رجه جسمه… ويعينه
دمه خلط وي دمعه…. سكت وام الخدر تنعه
كام وصارت الوكعه… بجبينه
على وجه من وكع وجه الصبح
شفت من ظهره طلع راس الرمح
ورمل حار انترس يا حيف الجرح
جانت طيحته يا ناس خطره
الرمح من كلبه شالع جان وذره
دم من كصته نازل
وما يكدر يقاتل
حيله منكسر من اعز ناسه
////////////////////////////////
عينه تنفتح صعبه… وزينب عينها تربه
تجي وكبالها تكلبه… بحقد
انه كتلك امه انه… حطني اذبحني بمكانه
وللخيم خله بحنانه… يرد
العنده زينب والله منطيله خدر
زحمه من الله ترى من يندفر
صار كلشي ومشت زينب عالجمر
رفقاً كلتك ومن شفته واكع
وي كل حسره دم من حلكه طالع
وحده بلا ابوفاضل
ما يكدر يقاتل
حيله منكسر من اعز ناسه
///////////////////////////////
الحمدلله رب العالمين
احمد الميالي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
منهاج محرم (العليله ع)
دارت الايام بينه
عالسفر لمن نوينه
والوداع
هايه أول مره حاير
شلون اگلهه بويه باچر
الوداع
………………………
هايه أول محنه تبدي..واول اجروحي ابسفرنه*
العليله شلون اگلهه..هايه آخر ليله يمنه*
لمّت اهديماتهه ويه البنات**
ويم رقيه اتگول بالخيمه ابات**
حيره والله اشلون اگلهه ما تروح**
وانه ادري اتموت من غير البنات**
تلتفتلي بأبتسامه
تگلي نمشي بالسلامه
أنه اروح
تگلي يمته بابا نطلع
خوفي منك چلمه اسمع
الوداع
…………………………
اميه جابتلي واجتني..اتگلي بابا اشويه اشرب*
خوفي تعطش لو مشينه..للسفر موعدنه گرّب*
انه متعوده اشربك بيدي ماي**
گمت احس نظراتهه كسرت گفاي**
مدري انه اشلون اضم عنهه الدموع**
واسمعت واحد اجه ويبچي وراي**
ابو فاضل اجه يمهه
دنگ العباس شمهه
وانحنيت
تكّسر العبره حچيهه
امدنگه وشالت ايديهه
الوداع
………………………….
سالت الدمعه ابوجنتي..من شفتهه اگبالي تبچي*
ارتعاش الصوت احسه..خلي اروحن واهيه تحچي*
ارتباكي ابصوتي بيّن من حچيت**
ما گدرت ودنگت يمهه وبچيت**
والدمع فهمّته مرسال الوداع**
واسمعتهه اتگول معناها انتهيت**
يعني أيس بويه گالت
اختلت وعالگاع مالت
بالدموع
وگفت وعالگاع وگعت
چلمه وحده بيهه شهگت
الوداع
……………………………
بكل برائه اتگلي بابا..چا رقيه هم زغيره*
مو مريضه وياك اخذني..شلون اعيش ابلا عشيره*
انه اخاف الوحدي بالظلمه انام**
وانتو عدكم خير من الله الخيام**
ما اتعبكم يغالي لو مشيت**
ولو اضل يعني عليه اقرا السلام**
راح ارش روحي ابدربكم
ميته اضلن من بعدكم
بالرحيل
ودعوني لو مشيتو
اخذو عمري لو رضيتو
الوداع
……………………………….
ودعتهه ومن مشينه..بيه ضل عطر امن ايديهه*
مثل المنازع احسن..وانه اعرف ما اجيهه*
هيه اصعب چلمه أعرفها الوداع**
خطوه خطوه امن امشي احسن بالضياع**
وابگفاي اسمع وداعآ يالغريب**
من مشيت الحيل مني ابسرعه ضاع**
اهلي يبچون اعله حالي
صعبه والله اتعوف غالي
بالحنين
هايه آخر مره اشوفچ
يالعليله گوه اعوفچ
الوداع
علاء المياحي
الفاتحه لروح والدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
منهاج محرم (الانصار)
عالم ثاني حبه**
وكل الدنيه غربه**
ملك بينه المشاعر*
لگيناه احلا ثائر*
وكل الدنيه غربه
…………………….
دخلنه ابعالمه وشفنه الطمأنينه*
ضوه الشيب العله الحيته يدلينه*
شغلنه الحب عن اجروح التأذينه*
رغم ذاك العطش عشگه اليروينه*
العبد والحر يشبگه**
يربي شمحلا عشگه**
ترس بينه النواظر*
لگيناه احلا ثائر*
وكل الدنيه غربه
……………………
بريق الحب خذانه القبلة اخيامه*
طواف العاشقين اسعينه لجدامه*
العشگ محلاته اذا تتزاحم ألامه*
يكشخ بينه كلمن كثرت اسهامه*
ألطف صدگ صحرى**
ودنيه حسين خظره**
تنافس بالمناحر*
لگيناه احلا ثائر*
وكل الدنيه غربه
……………………..
التعب چان اشحلاته والضمه سلوه*
نطيح ومن عذب صوته نرد نگوه*
مملوح العطش واجروحنه الحلوه*
نشرب كوثر الزهره اذا نهوه*
حسين وتعبه راحه**
الظماير مستراحه**
انولدنه ابيوم عاشر*
لگيناه احلا ثائر*
وكل الدنيه غربه
……………………
استحينه امن الرماح الچانت اتحبنه*
لان بس موته وحده چانت العدنه*
عشر موتات كون الخاطره ردنه*
الحياة ابلا وجوده هايه مو النه*
مُلكه احنه وحلاله**
الخيامه والجماله**
صعب كسر الخواطر*
لگيناه احلا ثائر*
وكل الدنيه غربه
…………………..
بظلام الدنيه شفناه يبزغ ابلونه*
ولگينه العالم السحري ابضوه عيونه*
خير حسين ما گدرو يفهمونه*
عاقل كلمن ايحس روحه مجنونه*
يكبر عنده عقله**
اليموت ويحيى لجله**
الامانه من يسافر*
لگيناه احلا ثائر*
وكل الدنيه غربه
علاء المياحي
الفاتحه لروح والدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
(رئيسية_للخدمة)
تواتر الحديث عن أئمة اهل البيت عليهم السلام وبالخصوص الامام الرضا عليه السلام انه قال
(من لزمنا لزمناه. ومن فارقنا فارقناه)
عن اهل بيت ام الحسن…دستور واجب نقراه
كلمن تركنه نتركه… والي لزمنه الزمناه
العرش بي نقش راسم
شرف تنحسب خادم….خادم
…….
لهل الخدامه….هاي الكرامه
امن حسين ابوهم…صك السلامه
ذوله الندبوا الزهره بكسرها
امهم فاطمه وحگهه بگبرها
ما تنسى الذي ابشده ذكرها
كلمن ذكرهه تذكره…وتگله يا نور العين
شمحتاج انه اگضيهه الك..شگد ما خدمت ابني حسين
شكثر عالصدر لاطم
شرف تنحسب خادم
……….
بهاي المناقب.. اعله الجنه كاتب
جنة الهيئات.. واهل المواكب
اجر كل دمع باجر بالحشر دين
ونقراهه العباره وتدمع العين
ابسلامه طبوا يا خدام الحسين
طبوا بسلامه يالخدم…ها يا بعد هاي وهاي
شمحلاهه لو حيدر اجه…وگاللنه انتم بحماي
بديكم علي لازم
شرف ينحسب خادم
………
هاي الشعاير.. تنور البصاير
زينب روتهه… لاهل الضماير
يعني الي تمسك بالشعيره
صاحي گلبه وبراسه البصيره
اليبچي لو سمع زينب اسيره
نار وتشب ابمهجته.. لو سمع ناس يگولون
مچتوفه زينب من مشت.. وما ضلت اعليهه امتون
شكثر شمتت الوادم
شرف تنحسب خادم
……..
والله هضيمه… اعضم جريمه
زينب سبيه…ذيچ الكريمه
اسمعوهه بگلبكم يالتسمعون
لو تدرون بالصاير عله ام عون
حگكم يهل المروه تموتون
لو كل الانگال انروه… واهل المقاتل كتبوه
چا حتى ثوب العالجسد… من الجزع شگگتوا
الجزوع انحسب عالم
شرف تنحسب خادم
……..
نار الشماته… حرگت عباته
السجاد احسه… يدعي ابصلاته
من كثر الهظم رافع ادينه
يربي اعليك بالي صار بينه
اليعاينه ابشماته تعمي عينه
والدار عينه العمتي…اتمنه روحي ابلا قيد
چا ذكريته ابحيدره.. من چان بإجداده ايصيد
العليهم گلب ناقم
شرف ينحسب خادم
………
خادم الحسين
حسام ناجي الحلي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
لمولاي ابا الفضل العباس عليه السلام
اذاير العباس وشد اعنانها
وعيونه شاطت واشتعل بركانها
خلي تلحگ تلبد الجانت تصيح
والگبل ساعة سرفنت ذرعانها
طباها والعباس صم چفوفه
من الخوف وادم شردت اعله الكوفه
وفرغت كربله
حل المرادم والحسين اتنوع
وصاحتله اخيته كافي خلي يرجع
راعي المرجله
خل يرجع مو طب للكوفه
………………………………………..
حاد الزلم عباس من اذانها
وتيهه طريق الشرده عن فرسانها
اتخلبصو رد يفتل بسيفه الروس
واكبر زلمهم بيده گص السانها
كف الردان ولمع بيده الباشط
وبينت ملامح عرجه ذاك الشايط
ظل ينخل زلم
من طبها مفتول الزنود السمره
مشدود بذراعه علگ للزهره
ويامحله الردم
واليشرد مارايد روحه
……………………….
عگد اعگول اشيوخهم غاد الحيد
ورنت الهاون وصلت الاذن ايزيد
عباس مادگ گهوه دگ روس اسباع
محسوبه عدهم وضل يكرر ويعيد
شاهين الحسين وغضنفر حيدر
عباس واحد مثله مايتكرر
ولا جابت مره
صرجت اسنون العسكر المسموعه
يشبع ضحك الحگ اعله الحومه
لزمهم سره
واليشهد للكافل سيفه
…………………………………
اطول العسكر من وصله اشزغره
من اعگاله شاله وضل يفر ويشمره
عباس موبس گص لسن شگ احلوگ
يتفاجئ اليوصله شافه شكبره
فوگ الخيم تلگه الجثث مشموره
سد راد من الشمس للمستوره
ومايعبر ضوه
وبالباب تلگاها الجثث مرميه
سد راد من الهوه الروحه رقيه
لو طلعوا سوه
وشحده اليوصل للخيمه
…………………………………………
كل ال هاشم وگفت اتباوعله
وعبد الله بگماطه فزع هوسله
من الشوارب عمي جر الفرسان
وحسين صاح عباس مامش مثله
عباس يستنگي بكبار القاده
ويگص رگبهم حدر رجل الساده
وماردهم مرد
سودن اليشرد بكل مجان يلاگيه
منين مادار الوجه يطلع ليه
رجعهم لحد
ورد حيدر وعباس مرايه
…………………………………..
الأقل شرفاً
كرار اللامي
محرم الحرام
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
جروحك والنهايات
ويرتل نحرك ايات
سوه الممشه وحچي الموت
انهتك خدر السبيات
واقع حالي بحبال
واتماشه وي چتال
اخوتي گبالي بس روس
ويزمخ بينه جمال
نسوان تشمت اجت لا صايره ولا دايره
وياطبت الكوفه الصبح وبالسوگ وادم ناطره
بت حيدر انجر ابحبل وعباس ضل بخاطره
المحد عرف اسمي گبل يصحوني هيه العاثره
اي عاثره من كثر مادورت
وبخاطره عباس ضل لمن صحت
يعيوني اخت انشافت تره
وضربوني ومن عله الناگه طحت
خويه حسين خويه حسين …….
…………………………………
طريقي اشگد صعب جان
واشوف فلان وفلان
الاله وياك ممشاي
اطبن تالي ديوان
التهظم لال اميه
ومكيوده وسبيه
وعلي ضحكوا عله الصوت
وخذو صوغة رقيه
ماردت اسولفك جنت وبالي اسكت خايفه
بس وعلي هظمه السبي وكلساعه اطب بطايفه
يحسين اكشف ياجرح تشوفه واگلك نازفه
مزورگه من كل كتر من حجارهم ومگاطفه
ها خويه اتشوف اثر لحجارهم
وبگصتي هاك شوف اثارهم
يضربوني واشگف بطرف العبا
وسبوني اصغارهم واكبارهم
خويه حسين خويه حسين ……..
……………………………………….
صعدت النوگ فشله
واگول اتهون سهله
اذا مالت اكض بيش
التكتلك خويه هزله
ابمشيها الناگه تگزل
ويبعد اختك تعلعل
واسكت واسمع اشكال
الشتايم صعبه تكتل
انسبيت واشتم الهوه وياريته ماطال العمر
وعباس راسه اعله الرمح يفتر لون صاح الشمر
فوگ الاذيه من الذبح يغثونه بسوالف خدر
من غبشه علناگه اكعدت شيوصل غروب العصر
علناگه كاعده من الصبح
تاذيني وجرح ضل يلچم جرح
مو گدري وانت تدري بهايه
بالكوفه الوادم اطش الملح
خويه حسين خويه حسين
………………………….
تحيرني السؤالات
وتجرحني المسافات
طويله الرحله يحسين
وشرف هاشم غريبات
اقيم اقرايه الك وين
وانه الملايه يحسين
بخرابة الناس شدگول
شني هاي النسواين
يحسين من كد اللطم فوگ الزراگ اتزورگن
اتمنيت حاضر بالعزه اتشوف البنات اتهدلن
واسكينه تشهگ بالبچي وليله ورباب اتگابلن
المفاگده بالطف اخو فگدت ابن فگدت وطن
والفاگده تنقري بعيونها
ومسبيه اختك يسمونها
ماقصرت هاك شوف امتوني
ورقيتك لا تشوف امتونها
خويه حسين خويه حسين
…………………………………………….
الامس ممشاي اميره
وهسه بلا عشيره
جنت وين وصرت وين
يصيحوني الاسيره
وحگ شوغات السهام
تحدي بروحي الالام
اذا بالكوفه بحجار
شني المضموم بالشام
اباب ساعات الهضم يحسين شفت المايصح
صوت الهلاهل ينسمع وبالشام عيد ومفترح
مدنگه من المستحه وطبت الخرابه اكبر جرح
تنام البنات من التعب وانه ابقه اناطر للصبح
ماتنحجي الخرابه اسرارها
ومكشفه خويه كل اكتارها
تمر الخلگ واسمع اشكال الحجي
ولامتنام التطلب برد ثارها
خويه حسين خويه حسين
………………………………………
الأقل شرفاً
كرار اللامي
محرم الحرام
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
تهدم حيلـي الصخر يبچيلـي يغيابــي
أجت ضعوني جمر بعيوني على احبابي
محد تلكَاها يحسين السبية
هاي ردت بالضعن للغاضرية
خوية يحسين اليسر ما خله بيه
شسوه يا خوية الحبل بيهن اديه
تهل دم عيني لطمت جبيني على مصابي
هواي يا خوية المصايب شحچي عنها
كَلبي يابو اليمه وَرَم خوية منها
هاي زينب ماكو بالدنيا بحزنها
يوم عاشر ماتت وياكم عسنها
السلاسل بيدي احطن ايدي على حجابي
بالمصايب فاقت البت على أمها
هاي يحسين الزمان شكَد ظلمها
باليسر چم واحد بواحد شتمها
ياهي غيرچ زينب انحركَت خيمها
حنيت متوني وتغير لوني من امصابي
لا أهل ظلت يخوية ولا كَرايب
الموت من عندي اخذ كل الحبايب
عني حماي الضعن عباس غايب
كَلت اموتن بالدرب من المصايب
ولا ظل غالي نشد عن حالي يدكَ بابي
ما نمت ليلة يخوية من الليالي
النوكَ كَامت بالدرب تبچي على حالي
عالهزل بت فاطمة يسبوها تالي
ليش خوية لليسر محد اجالي
اليكَلي شلوني زراكَ متوني أله جوابي
وين چا عباس زينب ما يجيها
لا يكَول اتسلبت ما ادري بيها
عالي راسه على الرمح ويصد عليها
شاف چم مرة الشمر من جر اديها
يكافل جيتك اخاف اذيتك من عتابي
حيدر حسين الكرعاوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
متا…. نشوف يومك سيدي وكيفه السبيل
متا… ننتقع مـــــن عذب مائك سلسبيل
متا… اطيب كل اجروحنه ويشفه الدليل
انتظار ••• وعادت الينــــــــــطر ولاساعه يهيد
بختصار ••• تخلص الجمعه ونرد نحسب جديد
شكثر نكتبلك رسايل چم رساله وچم تعال
يمته ياوجه الله يمته يمته يايوم الوصال
تعبتنه الدنيه كلش والوكت ويانه مال
متا…. نستراح بفــــــــــــيك وحدر اللوه
متا… يكشف الظلمه صــــباحك بالضوه
متا…. انشوفك تصــــــلي جماعه بنينوه
علي مظلوم الجناحي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
(رئيسية_للخدمة)
تواتر الحديث عن أئمة اهل البيت عليهم السلام وبالخصوص الامام الرضا عليه السلام انه قال
(من لزمنا لزمناه. ومن فارقنا فارقناه)
عن اهل بيت ام الحسن…دستور واجب نقراه
كلمن تركنه نتركه… والي لزمنه الزمناه
العرش بي نقش راسم
شرف تنحسب خادم….خادم
…….
لهل الخدامه….هاي الكرامه
امن حسين ابوهم…صك السلامه
ذوله الندبوا الزهره بكسرها
امهم فاطمه وحگهه بگبرها
ما تنسى الذي ابشده ذكرها
كلمن ذكرهه تذكره…وتگله يا نور العين
شمحتاج انه اگضيهه الك..شگد ما خدمت ابني حسين
شكثر عالصدر لاطم
شرف تنحسب خادم
……….
بهاي المناقب.. اعله الجنه كاتب
جنة الهيئات.. واهل المواكب
اجر كل دمع باجر بالحشر دين
ونقراهه العباره وتدمع العين
ابسلامه طبوا يا خدام الحسين
طبوا بسلامه يالخدم…ها يا بعد هاي وهاي
شمحلاهه لو حيدر اجه…وگاللنه انتم بحماي
بديكم علي لازم
شرف ينحسب خادم
………
هاي الشعاير.. تنور البصاير
زينب روتهه… لاهل الضماير
يعني الي تمسك بالشعيره
صاحي گلبه وبراسه البصيره
اليبچي لو سمع زينب اسيره
نار وتشب ابمهجته.. لو سمع ناس يگولون
مچتوفه زينب من مشت.. وما ضلت اعليهه امتون
شكثر شمتت الوادم
شرف تنحسب خادم
……..
والله هضيمه… اعضم جريمه
زينب سبيه…ذيچ الكريمه
اسمعوهه بگلبكم يالتسمعون
لو تدرون بالصاير عله ام عون
حگكم يهل المروه تموتون
لو كل الانگال انروه… واهل المقاتل كتبوه
چا حتى ثوب العالجسد… من الجزع شگگتوا
الجزوع انحسب عالم
شرف تنحسب خادم
……..
نار الشماته… حرگت عباته
السجاد احسه… يدعي ابصلاته
من كثر الهظم رافع ادينه
يربي اعليك بالي صار بينه
اليعاينه ابشماته تعمي عينه
والدار عينه العمتي…اتمنه روحي ابلا قيد
چا ذكريته ابحيدره.. من چان بإجداده ايصيد
العليهم گلب ناقم
شرف ينحسب خادم
………
خادم الحسين
حسام ناجي الحلي
ـــــــــــــــــــــــــــــــــــــــــــــــــــــــ