قصائد استشهاد الزهراء عليها السلام 2

المجموعة الثانية من قصائد استشهاد الزهراء عليها السلام

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

شلت نعش الزجيه لو شلت روحك

وضمدت الجرح من نازف جروحك

سعدك والنعش شال آه اشعظم الأهوآل

##############

آنه ام الخدر زينب كلبي بويه صدعته

نعش الطاهره الحره بيدك لمن إحملته

نعش ام الحسن شايل لو عمرك علي شلته

انته الداحي خيبرها ظهرك منحني شفته

اشوفك يا علي بهالحاله معقوله

محني وشيبتك بالدمعه مغسوله

وانته إتلاوي الاجبال آه اشعظم الاهوال

###########

ما أعجب لون حزنك يعله وتعله حسراتك

وسرمد دمعتك تصبح وتجري بلوعه عبراتك

وجهك بسمته تخفي واسمع عالي وناتك

انته البالوفه وصفك هذا بطبعك وذاتك

ما اعجب ابد لو سالت ادموعك

حيرت العقل من لزمت ضلوعك

يصعب يا علي الحال آه اشعظم الاهوال

#############

الله يعينك شحالك بعد المصطفه المختار

نار ابابك استعرت وبكلبك تشب النار

توشح بالحزن دارك وبيت احزان صار الدار

ومحسن لوعته بصدرك وبضلعك اثر بسمار

للمحسن تنوح اولوعت مصابه

لو ضلع الزجيه الماضي إصوابه

والمن دمعتك هال آه اشعظم الاهوال

############

لمصاب النبي لوعه بدلالك فلا تبرد

وفكد الهادي واحزانه بضلع الطاهره إتضمد

جرح المصطفه ماضي بجرح اليوجعك ينشد

ودهرك ماخذ احبابك بعد احمد بنت احمد

الفكد طه الكلب نيرانه مستعره

وهاجت بالحزن لوعات للزهره

دهرك بالحزن مال اه اشعظم الاهوال

###########

يانس كل كلب لمن احبابه تضل يمه

بعد الهادي والزهره كلبك غارك ابهمه

مثل ليلك صبح يومك ضلمه يا علي ابضلمه

تتطشر يا علي شملك وما يرهم بعد لمه

شيلمه الشمل للغابت احبابه

يضل طول العمر نيرانه لهابه

وعمره بلا فرح ضال اه اشعظم الاهوال

############

ابو سجاد التميمي

[ ٠٥:٢٥ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

إحتــــــار حيدر والدَمِع يِتجاره

مَدري زينب بالوَصي مِحتاره

وآويلآ يافاطِمه وآويلآه يافاطِمه

*******

كَبل مايِنـــــــــــوي علي إيشَيع إلبَتول

إشلون أَوَصِف زينب إو مَدري إشأَكَول

إحتـار فِكــري عالجِـره إنصاب بِذِهول

(بيت طه أَظلَـــــــــــــــــــــــم إبأَنوآره)

وآويلآ يافاطِمه وآويلآه يافاطِمه

*******

مِن نِوه مِــن بيتـــه حيـــــدر للدَفِن

صاح عِينوني إعله نَعش أُم الحَسَن

عالحَسن وِحسيـن بآهاتــــــــه يِوِن

(وِعله زينب ظَل يِصِد بأَنظاره)

وآويلآ يافاطِمه وآويلآه يافاطِمه

*******

لا تِعَلــــون النِوآيـــــــح والبَجي

خـــــاف يِسمع للظِلم فاطِم يِجي

يِنمحــــــي ذَنبه بِنَعَشها يِرتِجي

(إشلون تِمشي بِهالنَعِش غَدآره)

وآويلآ يافاطِمه وآويلآه يافاطِمه

******* لَزِمــــــت زينب إبنعــش الطاهِره

إوياك إخذنـــــــــي ياعلي للمَقبَره

إجنازه وَحشه إلمابِجَت يَمها مَره

(اليوم حِيدر وَحده يِرجَع دآره)

وآويلآ يافاطِمه وآويلآه يافاطِمه

*******

إشلون صَبَر زينبه حامي إلحِمه

إشلون مــا رآحَت إتشَيِع فاطمه

ظَلت إبحَســــرتها زينب قائِمه

(إبدآرها إتناطِر تِريد أَخباره )

وآويلآ يافاطِمه وآويلآه يافاطِمه

*******

مِن رِجــــــع من الدَفِن أَمره عُجب

إكَبال دآره مــــــا كَدَر حِيدر يِطُب

وآكُف إو مِحتار وِإلمَدمَـــع يِصُب

(يِدري زينب بالجِره مِنهاره)

وآويلآ يافاطِمه وآويلآه يافاطِمه

*******

دِخَل وسط الدآر بِدموع إلمُصاب

سِألِتــــــــه بويه يَحيدر كَلبي ذآب

إمنين يابويه إبهِــدومَك هالتِرآب

(كَلها مِن لِحد إلزِجيه إتذاره)

وآويلآ يافاطِمه وآويلآه يافاطِمه

*******

إترآب بِهــــدومَك إومَصيوب إبظِمه

إنفض إترآب إللِحِــــد حامــي إلحِمه

فوك وَجهي إلبي عِطِر مِـــن فاطِمه

(عِطر من طه إلجَليل إختاره )

وآويلآ يافاطِمه وآويلآه يافاطِمه

*******

خادم الحسين

حاتم ماشاءالله الكاظمي

[٠١:٥٩ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

حال امير المؤمنين علي عليه السلام بعد فراق فاطمة الزهراء عليها السلام (عگيلي )

حَتْمَاً تبقى ايامك مره ياحيدر من بعد الزهره

ماهمك كل شّده ابعمرك أصواب الفرگه الكاسر ظهرك

ياحيدر من بعد الزهره

***********

المهموم ودنياه ماترحم والعنه يروحون احبابه

يابيت ايلم لوعة گلبه ويافرحه التوصل يم بابه

كلشي امحسّب من الدنيا بس هذا الماظّن احسابه

ايفارگ قرآن وتفسيره ونور يضوي بصف محرابه

فردوس الباري وجناته ومعنى القرآن وآياته

بجروحك شيضمد صبرك أصواب الفرگه الكاسر ظهرك

ياحيدر من بعد الزهره

************

من ابتسمت يوم الدنيا حال الخاين من يتبّسم

تاخذ منك راحة بالك وتنطيك اشگد لوعات وهم

مثل الماي الفرحه اتبدّت ياماي اتبدّه ومايلتم

للصعبات اتحتم عمرك وهذا الحال عليك تحتّم

بعد افراگ احبابك صعبه ديره وصارت وحشه وغربه

لوعات اهواي التنتظرك أصواب الفرگه الكاسر ظهرك

ياحيدر من بعد الزهره

************

أحزان الماتندل دربه چان البيت وتضوّي اركانه

يوم الغابت عنه انواره لون الليل امغطي ألوانه

والاصحاب الغدروا طه شلون ايسميّهم صحبانه

والي كاسر ضلع الزهره وين أمروته اوين إحسانه

والينذم ليش ايمدحونه والشر الخير ايسمّونه

شماتنسه النسيان ايذكرك أصواب الفرگه الكاسر ظهرك

ياحيدر من بعد الزهره

************

الحط الخير وشال الظلمه وهدّ الشر ابراحة باله

وللاسلام البايع روحه جازوا بالنكران افضاله

خطفوا منه انوار الزهره بالظلمه اشرار التبراله

ياگلب الماتخمد ناره تذبل شاف الجنه اگباله

هاي اخر ايام العشره بيها الحاضريصبح ذكره

من گلبك متغيب وفكرك أصواب الفرگه الكاسر ظهرك

ياحيدر من بعد الزهره

**************

لهناه وصلت حال الزهره تتحارب حتى على الونه

ملّوا ونتّها على الهادي چم محنه اتمر بيها ومحنه

والكرار ايصد ابعينه حسره گباله تذوب الجنه

معناها الراحه ايودعها وتصير الدنيا ابلامعنه

لاحسره اتجيبه ولادمعه الراح ابدرب المابيه رجعه

موبس حرگه اتعيش ابصدرك أصواب الفرگه الكاسر ظهرك

ياحيدر من بعد الزهره

الشاعر حسن لعيبي الحريشاوي

[٠٢:٠٠ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

تانيتج اشكد عالباب شيجيب اصيح الغياب وسط الكلب عندي عتاب

يمه يمه

********************

البيت بلايه ام يا ناس فاهي وخرسه حيطانه

امي انشالت بتابوت مدري انشال هذا انه

حنيت وذكرت اشلون كعدنه اهنانه وهنانه

من تفكد عزيز اعليك تضل تروح لمجانه

ييمه كل يوم اشمن ريحتج بالحجره

ييمه رحتي وبقت بالبيت بس الذكره

كلبي بالمغيسل صاح الفاركله ام ما يرتاح رديت بس كلي اتراب

*****************

يضل يشبع قهر وهموم يا ناس التموت امه

عافتني ومشت عني والدار اصبحت ظلمه

الما موجوده امه ايعيش وحيد ودنيته تهظمه

وانه فاركيت امي ودمع عيوني شيضمه

دليلي ما يحمل افراك وهجر تدرونه

دليلي يا ناس ما يستاهل ايعوفونه

الياحد اضلن مجروح حته الجسد مابي روح ونوم اليفارك جذاب

*********************

هوه اليفكد امه اشلون يخلص يا خلك ليله

واذا ميت عزيز اعليك يسوه دموع تبجيله

مرات البشر يحتاج واحد يمه يشكيله

الما شابع امن امه اوداع روح تصير بالشيله

اضيعن من ادخل وبالبيت ماشوف امي

اضيعن طول العمر محتاجها اتضل يمي

والعاشت اسنين اوياي مشتاك اشوفنها اهواي جرح الحبايب ما طاب

*****************

الرسايل والصور والشوك كلهن ضلن بعيني

اول مره احجي وياج وانتي ما تحاجيني

هذا انه العزيز حسين وحدي لا تخليني

من كبرج لحد الباب كبرت اهواي تدريني

مشيتي وروحي ييمه امعلكه بتابوتج

مشيتي ميته وابد ما صدكيت بموتج

جا ليش سديتي العين هذا انه يايمه حسين منج ردت بس اجواب

***************

انه وخوتي هاليوم كعدنه بحجرتج كلنه

وايامج ذكرناها وكمنه نجذب الونه

ضعنه بغيبتج تدرين وعكبج ياهو اليلمنه

فركنه الزمن يا حيف ومن عندج تيتمنه

اسولف ويه الحسن ودموعه عالخد سالت

اسولف وزينب تكلي اشلون امنه شالت

مسدوده ليش البيبان وبس الصور عالحيطان يوميه ضليت انصاب

****************

اندهنج ينور العين وعالخد دمعتي تجري

وهاي الدنيه يايمه اشعدها وياي ما ادري

اول مره اطب للبيت حزين ومنكسر ضهري

شيفيد العمر بعدج ماريدن صحت عمري

زماني من عندي ضل كل ساع يا خذ غالي

زماني ما يقبل ايخليني يمه بحالي

ماذبن هدومي السود هوه الفرح ما موجود من الحزن راسي شاب

****************

تمت

تحسين الخفاجي

[٠٢:٠٣ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

.

.

. مـاچـنـهـه بـنـت اثمنطـعـش

لـمـن شـلـت بـيـدي الـنـعـش

أستغربت حيل …. أستغربت حيل

*—————-*—————*

شلت النعش وستغربت كلش نـحـيـلـه

مـاچـنـي شايل فاطمة ذيچ الـجـلـيـلـه

أصـورت حـمـل الطـهـر مـابـيـه حـيـلـه

ثـاريهه سلتهه الـمـحـن مـاتـت عـلـيـلـه

عـذبــنـي بُعد أم الـحـسـن

عـافـتـنـي وحدي بهالزمـن

*—————-*—————*

يـافـضـه ناديت بعجب شنهي القـضـيه

أحچيلي حالة فاطمة الـزهـره الـزچـيـه

أشصايـر عليهه ارويحتي واتـضـم عليه

گالتلي لأصحاب الحقد صارت ضـحـيه

وي فـاطـمـة غـاب الـعـمـر

وسـط الگلب خـلـت كـسـر

*—————-*—————*

عيوني صدت للطـهـر وانـظـر عـلـيـهـه

ما أدري هيچ بدنيتي أمـسـويـه بـيـهه

حسبالي لفراگ النبي چـانـت بـچـيـهـه

أدخل عليهه وعالوجه اتـخـلـي أديـهـه

چنت أعتقد تـمـسـح دمـع

مـاچنت أظن كسرة ضـلـع

*—————-*—————*

سطـرة وجهه والكسر ضـمـت خـبـرهـه

مـا أدري نـيران الألـم حـرگـت عـمـرهـه

من غسلتهه اتفـاجـئـت انـي بـكـسـرهـه

بالزهره عَصرتهم شفت مـوجـود أثـرهه

ذبـلـت مـثـل عــــود الـــورد

شـلـون ادفـن الــزهــره وأرد

*—————-*—————*

عافتني مجبور اصطبر وأحـمـل حزنهه

بـس الـدمـوع وكـسـرتـي الـذكـره منهه

زهـرة حـيـاتـي ودنيتي يصعب دفـنهـه

يـاويـلـي بأحكامه الزمـن بعّدني عـنهـه

راحـت وأنـه بـدمـعي اليسح

جــرح الـزچـيـه اكـبـر جــرح

*—————-*—————*

للـزهـره مـايـرهـم دفـن تـزهـر بـعـدهـه

فـرگتهه تجرح ناظري وشلون أسـدهـه

بـأول عمرهه وبالعجل احـفـر لـحـدهـه

وألأصعب آثـار الـدفـع شفت بجسدهـه

تـركـتـلـي بــس نـار الـحـزن

شـلـون أنـسه ساعات الدفن

*—————-*—————*

✍️بقلم خادم الحسين

الشاعر رعد الچريخي

[٠٩:٣٤ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

((نار الليالي))

نــــــار الليالي

حرگت خيالي

شدهتلي بالي … حسين

صفنه بدمعتي

وكسره بعبرتي

وتكبر محــنتي … حسين

شما يكبر الحب بالگلب تكبر معاناتي

وتبعد مسافاتي

وتكثر سـؤالاتي

ومن تغمض عيون الجرح تتكسر ضنوني

يـاخالق عيوني

تستاهل جنوني

جَننيّ بـــــالحب بـــالدمع

وأرسملي بـــالصـفنه ضلع

حتى افتهم معنى الـعشگ

كون ابچي من أسمع صبع

حبك وجودي ومطلعي

يــــابو علي ويابن علي

***************

ياروحي جودي

بالحب وجودي

وأوثق قــيودي … حسين

ثوب السوادي

لابس فــؤادي

وگلبي الينادي … حسين

لو ما دمعتك سيدي ما أعرف الدمعه

ولا اشتعل شمعه

وكل الزمن بدعه

لو ما ودادك بالعشگ گلبي اختلف رايه

ولا أمشي مشايه

ولا احضر قرايه

وآنه برحمتك صرتّ ابي

ولـــمآني تيهآن الــــسبي

ومــكــشفه اسرار الذنب

وفــــزعتلي زينب بالعبي

زينب قضيه بداخلي

يابو علي ويابن علي

****************

زينب قضيتي

عمري ومنيتي

ومجلسها بيتي … حسين

حيره أعله حيره

وروحي كســيره

معــقوله أســيره … حسين

معقوله تمشي ميسره ومچَتفه إيديها

چا وين حاميها

خلـــيّ يمر بيها

الخطوه من دونك غرب يا موطن العيله

ياهوّه تشكيله

ركبوها بهزيله

يـــاغايةّ الحب غايتك

يـــاصولتك يـــا رايتك

الحگ يبو فاضل ركض

حَلّ الــشتات بعـيلــتك

والعيله تصرخ ياهلي

يابو علي ويابن علي

**************

تصرخ سَكينه

عمي انسبينه

بويه أنـولينه … حسين

حرگو خيمنه

طشو حرمنه

ياهو اليـلمنه … حسين

جمر المخيم مو ندى يوگع على الورده

ياحيلي ويهده

والنـعمه تتبده

ولمتني أچفوف العطش ويارگضتي بهمه

وأصرخ أجوّ عمه

ياعـــمه أجوّ لمه

جـمر الـــــخيم يا مكثره

من خيمتي الحد منحره

المــامنچوي مـن الخيم

سـوط المـلامه سـومره

يابويه أگعد يالولي

يابو علي ويابن علي

*****************

دم بـــوريده

نصرخ نريده

آنه وحـميده … حسين

بــــويه سبيه

اخـــتي رقيه

ومچتوفه أديه … حسين

أمسى المسه وأحنه بغرب بالسكته ضلينه

مذبــوحه أهالينه

شوگك يعت بينه

وحشه ونخاف من الهوى والمدمع إيلالي

مــامستقر حالي

مذبوحه أشوالي

صارت دمعــتي سايله

مــچويه تـبچي العايله

ومن الصبح جابو هزل

يـــالوعتي مــــن كربله

راح الـــيگلي ادلــلي

يابو علي ويابن علي

عبد زينب

محمد الابراهيمي

[٠٩:٣٦ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

مولاتي الزهراء ع والخادم

عوف دنياك وحجيها

وصفحه افتحلي جديده

اليغرَك وروحه تسلهمْ

يسكت وتتوسل ايده … عوفها

_ ١

امحي كل الي كتبته و ارجع اكتب من جديد

آنه جي حاسبتك ابني و غير مصلحتك شريد

تروح عني وآنه يمك ! اليوكع ايدورله أيد

هوه مرات التحبه وياك بسْ اتحسْ بعيد

تروح وين تروح رايد !

مو كلتلك بيتي بيتَك

آنه اكثر وحده تصبر

وانتضر ياساعه جَيتك

٢

كلي يمه و آنه امك هاي الحجايه أحبْ

هاي بوب الدنيا كلها ودور اعله الينجهب

لو صدك كلبك يحبني كون من كلبك تحب

الدنيا نار وكطن انتَ و الهوى ابوجهك يهبْ

ابجي مو كل دمعه دمعه

وطيِح من ينعصر كلبك

شكد تحب الام ابنها

و اكثر امن امك احبك

٣

زرع لتَصير اعله كاعك و تدري بالموسم حِصاد

الجدر هاذه البيه تطبخ اصخامه ابيض بَس سواد

الكلبه مثل هدومه سوده لا يكول آنه بحداد

اسمي فوك الزاد غزر ليش جا سميته زاد !

الدنيا لو كالت احبك

عدها كون وياك غايه

كلها احب بس الزجيه

ما احب البي نهايه

٤

حرر اكيود التكيدك و اعتنق دين المصاب

الباب من انسد عليه حتى افتح الف باب

وانطفت عيني ونضرها حتى ما يبقى سراب

والضريبه تعيش انتَ واندفن جوه التراب

عيش عين بديره عميه

ومن ضجِيج الصوت أبعِد

الطير من تفك سجِنتَه

اكبال كل حريه يسجد

__ ٥

نوخ ارجابك بحملي وذبهن اعليه الثكال

طحت لاكن كوميتَك وصحت يوليدي تعال

لا تشوف نجوم تضوي وتغض طارف عالهلال

باجر التنباع كلها الغالي يرخص لا مُحال

رخص دموعك عليه

الدمعه كل الخير بيها

الشمعه لو ماتبجي والله

بفلس محد يشتريها

اللهم عجل لوليك الفرج

علي الحسن

[٠٩:٣٧ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

كلبك يا علي شكبرة ..وتدفن بيدك الزهرة

يرادلها حيلين …اليدفن صبره شيصبره

ـــــــــــــــــــــــــــــ

يمشي وكوه شايلها من مبچاه فحطان

ميته ولسه من الصار يشتم بيها دخان

الما تعبان كل عمرة بفكدج صبح تعبان

جذع ياخذ مرت حيدر القالع هو بيبان

اكباله شايفها الصوره…طاحت مرته مكسوره

ضل يصرخ ابو حسين….يرادلها حيلين

اليدفن صبرة شيصبرة

ــــــــــــــــــــــــــــــــــــــ

طب للمغتسل حيدر وشاف جروحها هواي

راد يصب عليها الماي تبده هوه والماي

يكوم ويوكع وكلها كومي ردي وياي

عليج بداعت عيوني فتحي عيونج شواي

طك كلبي دحاجيني …البواجي سومرت عيني

شلون انه اغمض العين….يرادلها حيلين

اليدفن صبره شيصبرة

ــــــــــــــــــــــــــــــــــــــ

كواك الله يا حيدر بعدج يسمع منين

دمج بعده ما ناشف لجمة اعله الحياطين

يهم لو يرجع لدارة ويتلكاه الحسين

روحي تروح لو ولدچ كالو امنه جا وين

شنو عذره بقه ينحب…يفكر لو بجت زينب

وانتي بدمها تمشين …يرادلها حيلين

اليدفن صبرة شيصبرة

ــــــــــــــــــــــــــــــــــــــ

جرح الزهرة يا وادم ما يشفه بلطم لا نوح

شلون ادفنها ضل يصرخ وهيه تكله لتروح

شلعت كلبه هلجلمة ويمها بقى مطروح

ترس الهيمه بصياحه وحسه عليها مبحوح

ضلمة ودفنتج كلفة …وضلعج ما برد نزفة

وين الله وتردين …يرادلها حيلين

اليدفن صبرة شيصبرة

ــــــــــــــــــــــــــــــــــــــ

عليها اتراب راد يهيل شاله وفوكه بداه

ما يكدر يطم روحه وحمرة غدت عيناه

الله يعينه اليلة وماكو واحد وياه

رد يتعثر وخاوي ونحيل مفطره شفاه

اول مره طب لدار…يحس بروحه جن خطار

يحس تبجي الحياطين….يرادلها حيلين

اليدفن صبرة شيصبرة

ــــــــــــــــــــــــــــــــــــــ

اول ما فتحها الباب كلها ركضت شلون

شافو راسه المشيب نحيل وهدله المتون

عرفو امهم الراحت نريد امنه يصيحون

وضل ينعه علي وياهم راحت ماي العيون

سبحتج والمصلاية …وعباتج بيها الدمايه

الزهرة يجيبها منين …يرادلها حيلين

اليدفن صبرة شصبرة

كرار فاهم الخفاجي

[١٠:٥٥ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

بالمصــاب .. بالمصــاب .. عتـب عنـــدي بالمصـــاب

ابجــرح هضـم الزجيـــه ’’ اشكثــر شافـت أذيـــه

×××××××××

يبسمـــار اشعجــب ما فتحـــت عينـــــك

تــدري صـوبت أنت ضلـــــــــــع دينـــك

وأنت لو تــواجــه حيــــــــدره ايهينــــك

ولاكـن بالغـــدر اعـــدائــه دافعينــــــــك

يبسمــــار .. يبسمـــار .. شنـــو ردك يبسمـــــــــــار

تضــوك اصعــب منيــــه ’’ اشكثــر شافـت أذيـــه

×××××××××

يبـاب اشمـــالك أنت ابساعــه وانغــريــت

الظــالــم بيـــده دفعــــاك ودخــل للبيــــت

وراك الزهـــره جـانت أنت ما حسيــــــت

ابســبب حجمـــك صـاحت فاطمـه اتأ ذيت

يهلبـــــاب .. يهلبــــاب .. جــرح بسمـــك يهلبــــــــاب

ابضربتـــــك القويــــــــــه ’’ اشكثــر شافـت أذيـــه

×××××××××

ينــار ابـلا ذنــب أحــرقتـــــي اهـل الــــدار

بلا رحمــه ﮔلبــﭻ للأســــــــف يــــا نـــــار

شعلتــــي البـــاب على آل النبــــي الاطهار

وفززتـــي الزجيــــه بضعـــــة المُختــــــار

أيا نــــار .. أيـا نـــــار .. ولتـرحمـــي أيا نـــــــار

علــه الزهــره الرزيــــــــه ’’ اشكثــر شافـت أذيـــه

×××××××××

يســوط اشبيـــك شنـــو امسـويتــلك الزهـــره

طبـع خليــت ضربتــك قاسيـــه اموجـــــــــره

الك اخ ثاني يضرب زينـــب اميســــــــــــــره

ابجهنــم باجــر أنت وربعـــك القـــــــــــــذره

يملعـــون .. يملعـــــــــون .. يسـوط أنت يملعـــــــــون

خنــت الله ونبيـــــــــــه ’’ اشكثــر شافـت أذيـــه

×××××××××

يـﭽـف غيـــره ولا عنـــــــــدك علـه البضعــــه

صدك تلطمــهه خــدهه الطــاهـــر اتوجعـــــــه

وعيــن الزهـــره حمـــــره وابأثــره صفعـــــه

اجــاوَزت حـــــدود الله العلــــي وشرعــــــــه

يظالـــــم .. يظالـــــــــم .. علــي خصمــك يظالــــم

فعلت أنت البليـــــــــــه ’’ اشكثــر شافـت أذيـــه

×××××××××

لخادم الزهراء : كرار الحسينات

كربلاء المقدسة

[١٠:٥٥ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

قصيده نزله. للزهراء عليها السلام

🔸▪️🔸▪️🔸

حيدر ابحسره. يدفـن الزهـره

يدفـن الزهـره. حيدر ابحسره

🔸▪️🔸▪️🔸▪️🔸▪️🔸▪️🔸

1

الوالي

گـوه ينـگـل جدمـه. شگد عظيمه الصدمه

علي بـاگــو حـلـمـه

الموقف

يصيح هدم حـيلـي. ومـانمـت كـل لـيـلـي

طـيـفـج اينـاغـيلـي

يالزهره

بعيني حرگـت بابج. هـدني حـيل غـيابج

ريـت بـيه صـوابـج

بالگـلب جمـره. يـدفـن الـزهــره

يدفـن الـزهـره. حـيدر ابحـسـره

🔸▪️🔸▪️🔸▪️🔸▪️🔸▪️🔸

2

اذاني

شطوله ليل الوحشه. مــانـمـت لـلـغـبـشـه

صبري فگـدج طشه.

خلصته

ويم حسن كل ليلـي. احـس جـن تشكـيلي

وعـالظـلـع تـومـيلـي.

وتگلي

عـلـي روح لــزيـنـب. هسه گـعـدت تنحـب

مـن بـجـيـهـااتـعـذب.

رد عـلـي بـقـهـره. يـدفــن الـزهـره

يـدفــن الـزهــره. حـيدر ابحـسـره

🔸▪️🔸▪️🔸▪️🔸▪️🔸▪️🔸

3

ياويلـي

زيـنـب اتـلـگـتـنـي. من اوصـلـت شـبگـتني

بس حجت بجتني

مااحمـل

گـلـبي ضـل ابناره. محـافظ اعلـه اسـراره

عـالظلـع واخـباره.

مااحجي

تبقـى تسعـر نـاري. عـلـه الـشـفـتـه بـداري

ومـااســل فـقـاري

وانـضـر الـعـصـره. يـدفـن الـزهـره

يـدفــن الـزهــــره. حـيدر ابحـسره

🔸▪️🔸▪️🔸▪️🔸▪️🔸▪️🔸

4

يالزهـره

والله مـوحش دارج. ضلمه بعد انوارج

بضلعي جن بسمارج.

يشرحلي

طيفج اعلـه الحـالـه. الزمن كـل انذالـه

لـلـحـطـب حـمــالــه

ويشبهـا

نـاره وبـنـص بـيتي. وجتفتني وصيتي

بسـمـي لـونـاديـتـي

افـني هـالزمـره. يدفـن الـزهـره

يـدفــن الـزهـره. حيدر ابحسره

🔸▪️🔸▪️🔸▪️🔸▪️🔸▪️🔸

5

اذتـنـي

زيـنـب ابـونـتـهــــــا. تبـجـي ويـه اخـوتـهـا

مــاتـكـف دمـعـتـهــا

تجـاره

الدمعه واني ابروحي. امكـابر اعله اجروجي

مــــااســمــع نـوحــي

كـاتمها

ونــتــي والـعــــلــــه. الـگـلــب ضـيـع خـلــه

الـجـان سـاكـن ضلـه

سـاكـن ابـگـبـره. يـدفـن الزهـره

يـدفـن الـزهــره. حيدر ابحسـره

🔸▪️🔸▪️🔸▪️🔸▪️🔸▪️🔸

6

خـليتي

ريـحـتـج والـمـلـگـه. خـلفـت بس فرگـه

بگـلبي خلت حرگـه.

يالبيتج

صـار بيـت احـزاني. وبـس الــم راوانـي

والـقــهـــر ســلانـي.

ماانسـه

وردتـي العـصـروهـا. وبالضلـع صابوهـا

بت نبي وهضـموهـا

الـطـاهـره الـحـره. يـدفـن الـزهــره

يـدفــن الـزهــــره. حيدر ابـحـسـره

🔸▪️🔸▪️🔸▪️🔸▪️🔸▪️🔸

تمت بعون الله تعالى

عقيل حسين الگـرعـاوي

[١٠:٥٦ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

عن لسان مولاتي الزهراء ع في خطاب مع مولاي علي ع

من طحت ونيت سكته

واسمك بكل دمعه عشته

گوه فضه اطلعت مني

العله طرف الساني انته

علي…… سيدي ياعلي

…………………………………………

صح گلت يا فضه بس كل بالي يمك

ضلوعي وجعني علي وماردت ألجمك

ادري عندك غاليه وامشي اويه دمك

لجن اتموت هل ما گلت اسمك

البيه كله ايهون بيه

وما تهون انته عليه

الله يدري ابذاك حزني

العله طرف الساني انته

علي….. سيدي ياعلي

………………………………………

ساكته وما سولفت بس يحجي دمعي

عمري ما هاضمتك ولاهوه طبعي

علي الما خلاني اصيحك جان وضعي

گايله اسمك لاكن الوگفني ضلعي

دمعك اغله من حياتي

عندي انته بعز عباتي

اعليك دلالي لجمني

العله طرف الساني انته

علي…. سيدي ياعلي

………………………………………

گلبي ما ينطيني أوجع گلبك أكثر

ادري تنتظره جنت وتريده يكبر

ما ردت ياعلي تشوف ابنك امطشر

وله جانت عله طرف الساني حيدر

انته منه وهو منك

اعذرني راحت فرحة ابنك

وما گلت من طاح ابني

العله طرف الساني انته

علي……سيدي ياعلي

………………………………………..

شلون تسمع بلزجيه الدنيا دارت

شلون اصيحك ودري حمره عيوني صارت

ياعلي الله اليدري روحي شكثر حارت

جنت وحدي لمن كلها اعليه غارت

صحت فضه سنديني

وانته واگف بين عيني

شگد نحت محد سمعني

العله طرف الساني انته

علي….. سيدي ياعلي

……………………………………….

يلي قالع باب خيبر مانخيتك

ما اريدنك تحير اباب بيتك

وشثگلها اعليه ابجي وماحجيتك

بس الأثگل عندي من تلزم لحيتك

أصبر اعله اجذوع بابك

المهم سالم شبابك

رغم گدام العصرني

العله طرف الساني انته

علي……سيدي ياعلي

……………………………………..

اعذرني يا ابو حسين والله مو بيديه

ادري بيك موّصه من طه بوصيه

ان شاء الله بلطف يحماي الحميه

هناك أصيح أسمك علي بالغاضريه

هناك ما اصيحن يفضه

هناك بس اسمك الفظه

وكون هسه اسمك عذرني

العله طرف الساني انته

علي…..سيدي ياعلي

أحمد ماجد الكلابي

[١٠:٥٦ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــ

.

.

.

عـاشــوراء .. الــزهـــراء

قــد اقــبل

يابو صالح

_____

ردت الايـــــام .. وكـــــــبـــرت الالام .. ابگلبك انته اشضام

يــارزيه

اشخله بيك الباب .. چم جرح ومصاب .. ادري راسك شاب

عالزچيه

متبدي من عـينك نهر بس الله يدري اشكبره

يالخلصت عمرك بچي مـاذيــك جـرح الزهره

يــوما أت .. لــلاهــات

قــد اقــبل

يابو صالح

_____

حزنك المنشور .. بي ضلع مكسور .. وبي وجه مسطور

وبي عذابات

تحـترگ ادريك .. ومــحد ايطفيك .. محــسن امــأذيك

وكلك اهات

اهاتك اتفطر الصخر بسمار چن بضلوعك

خدك امصـلاية دمع صلت عليها ادموعك

حزن الآل .. في الأصال

قد اقبل

يابو صالح

_____

شهگـــتك دخان .. دمعـــتك نيران .. اتلچــمك البيبان

لو شفتها

عيشتك جرحين .. بيها عاشورين .. الفاطمه وحسين

وضفتها

انته الحزن بس حصتك وعطر المجالس عطـرك

بسمار لــو حافر فــرس يالمهدي شنهو ابصدرك

واويلاه .. سمهم الاه

قد اقبل

يابو صالح

_____

تتــنحب مالو .. عالظــلع مهظوم .. تعـثر امــن اتگون

بالمصايب

دمعتك تسبيح .. يالزچيه اتصيح .. انـته من اتطيح

عالترايب

لو طحت تذكر فاطمه من طاحت اعله الغبره

تتبده يالچـنك دمــع من تذكــر انته السـطـره

دمـعً لاح .. فيك وصاح

قد اقبل

يابو صالح

______

اهدومك اتضل سود .. عالذي مگيود .. وگبلك الممرود

شايل اهواي

حيدره امن انگاد .. گــادو السجاد .. يلي صرت ارماد

انته من هاي

ابدلالك اشسوه السبي وهيچي تهل دمعاتك

چيه عالهزل يالمنتظر راحــن ســـبي عماتك

صوت عزاء .. صوت بكاء

قد اقبل

يابو صالح

_____

سـيدي ندريك .. شنهو المبــچـــيك .. فاطــمه اتاذيك

يالمغيب

وعالجره مقهور .. تبچي عالمنحور .. هسه وين اتدور

وين تنحب

يم مذبح حسين السبط لو بالبقيع انته اتنوح

لجــل الزچــيه وَنــتك لو عالذي ظل مطروح

جرحا بات .. لامامات

قد اقبل

يابو صالح

_____

تمت والحمد لله

حيدر تركي الكربلائي

[١٠:٥٧ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

راحت أُمّي وراحت وياها المحنّه

راحت أم گلب الحنين الماكو منّه

سكنت أرض المگبره والضّلوع مكسّــــــره

*

بين باب و نار تســــعر ضاگت أنفاس الهوى

بريّة الكون و سمانه غاب من عـــدها الضّوه

شمس فوگ الگـاع طاحت من ألمــها بلا گوه

بعصرة الكسروا ضلعها چم ضلع شـفته التوه

ياوديعه المن گبل ؛ جاروا عليها

وحرگوا بنار الحقد خدها واديها

گبل فاطم ؛؛ يامره والضّلوع مكسّره

*

ورده للعشرين مـــــــاتم من عمــــــرها المنذبح

نبلــــة البسمار خلّت بيها چم لوعـــــــه و جرح

بذني أســــمع ونها وأدعي يا الاهــي بكل صُبح

العافيه أُم العافيه ارزق فاطــــمه أُم گلب السّمح

عافيتنه الماكـو أبد بالكون منها

سلّمت للموت أشوفن أُمّي چنها

من المر اعليها وجره و الضّلوع ؛؛؛؛؛ مكسّره

*

شـما دنيت الها بســـؤالي تمســح براسـي وتأن

چنها يازينب تگلّـــــــي شــــــــدّي حيلچ للحزن

باچر الجدّامچ أصعب من كســــــر ضلع و جفن

صدر أخوچ الخيل تسحگ تطحن ضلوعه طحن

بعينچ اتشّـــوفين اله وجسـمه يتسلّب

بلا دفن يُبقه و عليه عرش الله ينحب

ريت يَمّه وحاضره والضلوع ؛ مكسّره

*

يُمّـــه كل ضلوع صدره تنطحن مو بس ضلع

و خيل ويّه الخيل تسحگ موش باب و يندفع

فوگ رمح الموت راسـه شــوف عينچ يرتفع

وبوســـــط گلــــــــبه المُثلّث ياكل و ما ينشلع

يُمّه مسحي دموعچ وضمّي البواچي

راح برض الطّف يسـيل الدّمه زاچي

من وريده و خنصره والضّلوع ؛؛؛؛ مكسّره

*

توصّي والدّمعه اعله خـدها يُمّه الي عندچ طلب

من تشــــوفين من أخيچ مـــــــوته يازينب گرب

شمّي صــدره و قبلي نحره و نادي قُربانك يرب

مُهجة أُمّي الغالي أخيي حســين ابن سيد العرب

لازمه چفوفي بديها وتوصي بيّه

وعينها بعيوني ظلّت للمــــــــنيّه

وماتت أُمّي الطّاهره والضّلوع ؛؛؛ مكسّره

*

المامثل طــــــيبة گلـــــبها فاطـــمه أم اثمنطعش

الليله ملك الموت أخـذها وگلبي المصوّب خُمش

مشت مظلومه الگــــبرها زهره مطروحه بنعش

و نامت بوسط المگابر و التُّرب خــــدها افترش

راحت الباريها تشكيله الظُّـــلامه

فوگ خدها السّطره ظلّت للقيامه

وغطّه وجه أُمّي الثّره و الضّلوع ؛؛؛؛ مكسّره

***

الشّاعر

أبو سجّاد الجعفري

18 ربيع الثّاني 1443هـ

[١٠:٥٧ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

الـى فـاطـمـه الـزهـراء عـلـيـهـا الـســلام

〰️〰️〰️〰️〰️〰️〰️〰️〰️〰️〰️〰️

بـعـد عـيـنـك عـيـنـي مـتـفــارگ دمــع

بـعـد عـيـنـك انـكــســر مـنـي الـظـلــع

بـيـتـي مـهـبـط لـلـوحـي وحـتـرگ بـعـد الـنـبـي

بـعـد عـيـنـك بـعـد عـيـنـك

➖➖➖➖➖➖➖➖➖➖➖➖

1

بـويـه عـجــلـت ابـرحـيـلـك مـن عـفـتـنـي

بـدنـيـه مـابـيـهـــا امــان انـتـه اتـركــتـنـي

مــن بـعــد عـيـنـك يـبـويـه لــوشــفــتـنـي

ضـلعـي مكـسـورواثـرسـوط اعـلـه مـتـنـي

ادنـيـا ضــلـمــه نـورك الـيـضـوي انـطـفـه

ادنـيـا ضــلـمــه جـرحـي بـعـدك مـاشـفـه

وكـشـر انـيـابـه الـزمـان مـاشـفـت بـعـدك امـان

بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖

2

بـويـه شـأشكـيـلـك مصـايـب قصـه الـبـاب

دفـعـــو الـبـاب اعــلـه بـتـك ام الـحـجــاب

وقـدمـت اول شـهـيـد الـمـحـسـن انـصـاب

والله يـابـويـه جـريـمـه اتـسـمـو اصـحـاب

اشــم گــبـرك واحــبـس ابـريـتـي الـهــوه

اشــم گــبـرك واضــلـم بـعـيـنـي الـضــوه

الـدنـيـا بـعـدك مضـلـمـه ويـنـسـطـرخـدفـاطـمـه

بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖

3

ارتــفــع صــوت الـمــؤذن بـالـشــهـــــاده

اشـــهــدو ان مـحـمـد بـســــمــه نــــــاده

وانـي اغــرگـهـا بـدمــع عـيـنـي الوسـاده

مـــارعــو بـتـك يـبـويـه بــكـــل جــــلاده

دفـعـو الـبـاب وبـنـتـك الـصـارت مـصـد

دفـعـو الـبـاب ونـبـت بـسـمـــار الـحـقـد

بضلعي واسقطت الجنين وصحـت يارب المعـين

بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖

4

انــضــر اولادي وبـنـاتـي يــمــي يـبـجــون

وانـضـرلـزيـنـب حـزيـنـه وحـمره الـعـيـون

تـگـلـي لـيـش الـنـار يـم بـابـج يـشـعـلـــون

يـمــه ويــضــربــوج بـسـيـاط اعـلـلـمـتـون

يـمـه زيـنـب گـــعــدي ارويــلــج خـــبــر

يـمـه زيـنـب عــن مـصـــايـب هــالــدهــر

الـي عـالـزهـره هـجم يحـرگ الـزيـنـب خـيـم

بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖

5

گـــعــدي يـازيـنـب اوصــيـج اواســمـعـي

نـفـسـه بـسـمـار الضـربـنـي وكـسـرضـلعي

يـكـبـر ويـصـبـح ســهــم ويـصـوب ابـنـي

يـخـلـي لـحسين عـله اخيه ضهـره محني

مـن يـصـدلـه نـابـت ابـعـيـنـه الـســـهــم

مـن يـصـدلـه واگـــع ابـصــفـه الـعـــلــم

ينكـسـرضـهـرالحـسـيـن من يصدلـه بلايه ادين

بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖

6

يـمـه ســوط الـيـضــرب الـطـفـلــه رقــيــه

نـفـسـه هـذا الطـگـنـي مـن هـجـمـو عـلـيـه

بـــس الــوجـــوه اتــغـــيــر بــالــقـــضــيـه

هـــذا يـمــنـه وذاك بــرض الــغــــاضــريــه

نـفـسـه هـذا الاسـقـط الـمـحـسـن جـنـيـن

نـفـسـه هـذا طــفــل يـذبـح لـلـحـــســيـن

يـسـتـمـر هـذاالـعـداء مـن الـمـديـنـه لـكـربـلاء

بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖

7

سـمـعي يـازيـنـب اسـولـفـلـج مـصـايـب

تـمـرعلـيـجـن مـن بـعـد ذبـح الحـبـايـب

تـنـسـبـن وســفــه وتـبـاتـن بـالـخــرايـب

بــس نـعــم مـنـج تــراويـهــم عـجــايـب

بـكـل صـلابـه واگــفـه بـمـجــلـس يـزيـد

بـكـل صـلابـه هــمــه صــارولــج عـبـيـد

مـن تـخـطـبـيـن ابـعـزم ادنـگ الـروس الـزلـم

بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖

تـمـت بـعـون الله

عـقـيـل حـسـيـن الـگــرعـاوي

[ ٠٧:٤٤ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

لسان حال مولاتي زينب تعاتب الباب….

ابسرعه أكدرت تنساهه

ما كلت عشره وياهه

اه يا باب**اه يا باب

****

اه يباب الدار من عندي شتريد

الحزن خاوه صباي ما شفت انه عيد

هانت العشره شعجب ونطيت ايد

وعله أمي ضل وزن حملك يزيد

ماكلت أم الحسن احميهه

صرت شو شفتك يباب اعليهه

هديت وأي اعداهه

ما كلت عشره وياهه

****

اثجيل وزنك وينك وين الورد

والورد ينباس ما ينطك حقد

ليش عن ادخيلك انته ما ترد

بضلوع فاطم شفته بسمارك يحد

صوت ضلع امي صدى باذاني

من صاحت ضلعي فضه اذاني

وقنفذ ابسطر اذاهه

ما كلت عشره وياهه

****

المثلك انته كبالهه يصير الحرس

موش تأخذ منه يلباب النفس

ادري حيدر شيدك بس ما غرس

بيك طبع الغدر يلباب اندرس

غافلتنه وبكت من عدنه صبح

وصرنه انصبح يباب احنه ابجرح

وعنه غاب اضواهه

ما كلت عشره وياهه

ما أكلك لذت امي ابلاه ستر

هو ياهو الشاف نجمات الضهر

لجن ادري ابهل فعل ليه عذر

من يهد باجر عله خيامي الشمر

نار نفس النار اكبالي تشب

باجر اعله خيام زينب تنصب

اكبالي هم الكاهه

ما كلت عشره وياهه

**

امين مادورن وجه انضر البيت

ذكره ذكره تمر عله عيوني وبجيت

هنا كعدت اوياهه وهنانه حجيت

وهنانه جم مره بحضن امي غفيت

وبعد ذيج الكعده ما نلكاهه

جانت النه خيمه وحنه اضواهه

يرضي الله ارضاهه

ما كلت عشره وياهه

****..