نعي وداع زينب للحسين مكتوب مجموعة قصائد نعي مكتوبة للسيدة زينب عليها السلام
((هكذا ينطق أَلَم مولاتي زينب) )
ننصحك بتحميل تطبيق قصائد حسينية مكتوبة فهو يحتوي على اكثر من 10الاف قصيدة مكتوبة يمكنك تحميله من هنا
غربه وماتلم الغربه ديره
گعدنه اعله التراب بلا حصيره
نخاف من الزمان الماله رداع
أسيره تنام وتگعد اسيره
مچتوفه وعيالي أنولت محد درى بجرح اهدعش
يبست شفانه من الركض نعطش ونتروه بعطش
ركض وسياط يهلي شصار بيه
وبلا رحمه لاغيره وحميه
تبدل أسمي صاحولي السبيه
بت حيدر هضيمه خارجيه
ويلاه يزينب
غربه ولاهلي يمي واخوتي
بس ازغار يابلوه بلوتي
كلها تصيح عمه وانه اصيحن
ياعباس وينك ياتچوتي
وينك يكفال الحرم ماصادفيتك من امس
الضلمه كسرت خاطري وينك يريعان الشمس
وينك يالجبتني من المدينه
شو غاب الگمر ماهل علينه
منك ياچفيلي وأيسينه
بس لمن طحت خويه نولينه
ويلاه يزينب
اليلمني صعبه المنه بديه
لگيت مطشره بصفه الحميه
ياعباس فلت هاي هيه
اجيت وارد اگللك سبيه
خليني بجروحك دوه وهلبت تگوم لمحنتي
يامن ضواك اعله السمه ضلمه بغيابك عيلتي
ضلمه واعثر بجفك حسافه
هذا الجان گايدني بترافه
عثره يصيرلي هاي الكلافه
رميه الجان تارسني لطافه
ويلاه يزينب
اروحن وين والضلمه تزتني
ياعباس شوچنك عفتني
ركضه الدنيه وانه بلاتچيه
بالهيمه وركضها ودعتني
بالهيمه نركض ياشهم واليعثر ايلوحه الجمر
صبر التعب يابو الفضل بس فرگتك فوگ الصبر
اليفارگ خوتك متهمه روحه
وخل تتهدم خيامه وصروحه
يخلص يومه بس شيخلصه نوحه
ويسكت من يلَچمنه جروحه
ويلاه يزينب
عشت عمر السبي ومفارگه النوم
الهوه هذا الاشمه جنه مسموم
كل ذكرى التمرني اتردني لصباي
افز يحسين من اذكر بلا هدوم
فززني جرحي وانهظم ويتكاسر بروحي الالم
هوه انه ميته من الركض وعيوني راحت بالسهم
من شفت السهم نام بچبته
ندهته ومايفز لمن ندهته
الدمه البعيونه بچفوفي مسحته
يصيح بهيده عطشان وسمعته
ويلاه يزينب
عبد زينب
محمد الابراهيمي
نعي وداع زينب للحسين مكتوب
ننصحك بتحميل تطبيق قصائد حسينية مكتوبة فهو يحتوي على اكثر من 10الاف قصيدة مكتوبة يمكنك تحميله من هنا
ودعـتك / نعي زينب ع
ودعـتك وداع الدمعه للعـين … ودعــتك وداع المـالـه بعــدين
وداع الما تـرد زينب للحسين
===================1
أودعــك والكَــلب خليته يمك … أمانـه اتسلـمه يحســين لأمك
حته تشوف بيه شسوه همك
===================2
أودعك والوداع ايهدم الحـيل … مثل نجـم الصبح لو ودع اللـيل
وأروحن للغـرب وأتجرع الويل
===================3
أودعك يا حبيبي بحسره وآلام … وأروح ميسره للكوفه والشام
متحـيره بأراملـكم والأيـتام
===================4
أودعك يا بعـد روحي وحياتي … وأخـلي بمصرعك كل ذكرياتي
وأسيـر إمكَـبعه إبهم نايباتي
===================5
أودعـك يالجنت سلوة دليلي … أمشي إعليك أبو فاضل كـفيلي
كَـوم وسكـن آهـاتي وعـويلي
===================6
أودعـــنك غـصب لا مو بديه … أروح الخـاطـر إبيــتك رقــيه
خاف من اليسر تتعـب خطـيه
===================7
أودعك خافن إتضيع اليتامه … وأخلي بمصرعك كَـلبي عـلامه
عسه أضعـونك تردلك بالسلامه
===================8
أودعـك بالمــناحه وأمشي عـنك … من أخـتك أبد ليخيب ضنك
تردلك يالحـرمها الدهـر مـنك
===================9
يخويه الملتقه إبيوم أربعـينك … وأدعي اللـه عله الفركَه يعـينك
عيني إعـله اليتامه بعـد عينك
===================10
للشاعر الحسيني / أبو جعـفر العـبودي الناصـري
نعي للسبي -مالك الاسدي
خوية لتكول عني سافروا ما ودعوني
شالوا خواتي وللكبر ما شيعوني
خوية ياليتهم وياك بالبر يتركوني
ولا روح حسرة ميسرة فوك المهازيل
خوية محمل سكينة لو تزلزل من يجيله
ولو طاح من عندنه طفل يا هو اليشيله
وحادي الضعن ترويعنه يبرد غليله
وهالبر الاكشر ما تكطعة الا الرجاجيل
عنكم يبوفاضل ترة كوة خذوني
وكلما جرة دمعي على خدودي ضربوني
وكلكم ضياغم يخوتي والضيعوني
ضيعة وسفر وايتام ما يخافلكم حال
نعي وداع زينب للحسين مكتوب
ننصحك بتحميل تطبيق قصائد حسينية مكتوبة فهو يحتوي على اكثر من 10الاف قصيدة مكتوبة يمكنك تحميله من هنا
نعي للسبي
&&&&&&****&&&&&&&&&&&
يخوتي الدهر بيكم هضمني
حريمه شلون مسبيه ذبني
ضنكم دريتو ايزيد سبني
**
سبني ويانشدني على اهلي
ياعين صبي الدمع صبي
بعد الاهل بالعمر شلي
*
شلي يخوتي انه بدنيتي
ياريتها قربت منيتي
وماتنحجي ولله سبيتي
منعدي راح الفكر والراي
مسبيه هاي الروس وياي
وماتنحجي يحسين بلواي
&&&&&&&*
الشاعره العلويه
امل فلوحي الموسوي
نعي …. في السبي
يخوتي حسين ياعباس عنكم
مشينه وللسبي طوّح ظعنكم
وشفنه عله الثره ظلت جثثكم
سبيه عله الهزل راحت اختكم
آنه ام الخدر مچتوفه اديـه
أنه زينب يخويه حسين شفتك
يخويه مگطعه عله الگاع جثتك
رحت عنك غصب لتگول عفتك
وظن ماتدري يامذبوح بختك
سبيه عله الهزل راحت سبيه
اريد اعتب عله الكافل وگلّه
نومك يابوفاضل مو محلّه
عدوك بينه يالكافل تسلّه
غيابك عالظعن عباس خلّه
خذوني مچتّفه لديوان اميّه
سيد زيد الفحام
نعي وداع زينب للحسين مكتوب