لطميات استشهاد الزهراء مكتوبة
مجموعة من اللطميات المكتوبة في مناسبة استشهاد مولاتي فاطمة الزهراء عليها السلام
القصيدة الاولى – لطميات استشهاد الزهراء مكتوبة
شلون أعيشن وانتي ما موجودة
حسين أني وعمري ذابل عودة
عودت صدري أعلة أجفوفج تشبكة
هسة أطب للدار يمة وماكو ملكة
يمة ردي الدنيتي أصبحت خنكة
يمة مثل أعيونج أني وين الكة
بهالزمان الام ترة مريودة
أعيوني كل ساعة أعلة شوفج عودتها
الدنية المابيها أمي ما ردتها
هم ترد أمي يزينب ناشدتها
تنوح وتون اعلة فكدج صبرتها
تلطم الراس أمي المفكودة
حجرتج يايمة وية البيت ظلمة
عطرج أبهالبيت كل ساعة أشمة
هذة أبوي بفكدج الدنية تهظمة
والحسن دنيانة أبد لا ما ترحمة
وزينب بهذة الحزن مكيودة
من حنانج وين يايمة أشوفن
وياج هاي الليلة انة أتمنيت أموتن
الدنيه ماترحمني يمة شلون أعيشن
باقية بهالحجرة يمة شكد أصيحن
كون ياربي الزمان تعودة
شلون أعيش بدنيتي صعبة علية
يلي جنتي وياي كل صبح ومسية
الله الايعينج ييمة أعلة الاذية
يعينج الله يمة بهاي الرزية
وعلي يشكي همة المعبودة
منتظر صالح الكعبي
القصيدة الثانية – لطميات استشهاد الزهراء مكتوبة
(ميمر)
لمن نزور الزهراء….نقيم المجالس يمهة
باجر يجينة المنتظر مهدينة
لكبر الزجية هوة اليدلينة
من كربله نمشيلهة برجلينة
ولو حان هذه الموعد….زينب تجي يم امهة
من كربلة نمشيلهة أبموكبنة
أنصارة أحنة وهوة بس قائدنة
جبريل من سابع سمة يرحبنة
نلكاه يم الزهراء….جبريل ترة اليخدمهة
ننصب عزائهة ومجلس أحنة الهة أنقيم
بهذه الوكت كل كلب فرحان يهيم
يحظرها عيسى وية النبي أبراهيم
كلهم أهناك يحظرون….وكشي أبد ميهمهة
هذه العزاء أتحظرة امً العباس
المهدي يصعد يخطب أبين الناس
لو ينعة أيصير اللطم بس عل الراس
ننحب ونبجي من دم…عالزهرة واليهظمهة
حمزة وية عبد الزهرة هم يحظرون
يقرةً القصيدة حمزه أعلة الميون
املاك السمة بهاي القصيدة ينوحون
والمهدي يلطم علراسِ…خاف الحجي يألمهة
من السمة مصيوغ ذاك المنبر
كل الخدم واملاك يمهة تحظر
وحيدر يوزع ماي من الكوثر
يبجي وينادي بدموع…كل الهلة بقائمهة
منتظر صالح الكعبي
القصيدة الثالثة – لطميات استشهاد الزهراء مكتوبة
نزلة
للزهراء عليها السلام
يزهراء/فاطمه يم الحسن
يزهراء/دايم إعليچ الحزن
☆☆☆☆☆☆☆☆☆☆☆☆☆☆☆
فاطمه بالدم بصمنه مانعوفچ للأبد
عاهدينه الله ورسوله وألچ منطينه العهد
خدمتچ عدنه وراثه ماخذيها أباً وجد
وإله أسلم الرايه هايه انشالله الولد الولد
يزهراء/وصيتي لأبن الأبن
يزهراء/دايم إعليچ الحزن
☆☆☆☆☆
من عساها أنشلت أيده إلي عالزهره حمل
هذا لو ترجع الأصله تلگه بي كومة خلل
الما رضه بحيدر أميرة ماأله أصل وسجل
خل يرد ويسئل أمه منهو جدها بالأصل
يزهراء/هذا مو طاهر لبن
يزهراء/دايم إعليچ الحزن
☆☆☆☆☆
وداعت العطشان گلبه وإلي گطعوا منحره
وداعت الحره العقيلة المشت متيسره
وداعت العباس فاطم ذاك سبع الگنطره
والله مانترك عزائچ فاطمه للآخره
يزهراء/ نلعن الگلچ وإن
يزهراء / دايم إعليچ الحزن
☆☆☆☆☆
آنه عاشوراء دمي والفصيلة حيدري
أمي أصلها جعفريه والدي هم جعفري
والله مابيع القضية ولا أساوم وأنغري
آنه أبن إلي إمامه خلع ثوبه العامري
يزهراء/عهدي ألچ حد الچفن
يزهراء/ دايم إعليچ الحزن
☆☆☆☆☆
دايمه إعليچ المناحه والحزن ماينجلي
والذي يضد هالشعيرة بلوه بينه يبتلي
راح أگلون كلمتين وهاك أسمع مايلي
أحنه من مله وعشيرة لا ولي إله علي
يزهراء/أي وحگ دمع الجفن
يزهراء/ دايم إعليچ الحزن
☆☆☆☆☆
وداعتچ يم الغوالي أحنه كلنه بخدمتچ
نحيى ونموت وننادي مانعوف أمصيبتچ
طلبه وحده نريد منچ يالزچية بداعتچ
بصايت الله يالزچية هالعراق وصايتچ
يزهراء/والله ضايع هالوطن
يزهراء/دايم إعليچ الحزن
☆☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
لطميات استشهاد الزهراء مكتوبة
أقدم هذهِ القصيدة إلى سيدتي ومولاتي فاطمة الزهراء عليها السلام على وزن الميمر نسألكم الدعاء إخوتي الكرام
خطينه ألچ هذا العهد بدمانه
يافاطمة مصابچ يعيش أويانه
وحگ الظلع والبسمار/وحگ الوصي والينه
★★★★★★★★★★★★
نقسم قسم يم الحسن منعوفچ
نتمنه باچر بالقيامه نشوفچ
دخلچ يزهره مدي ألنه چفوفچ
ندري يزهره من النار/إنتي إلي تلتقطينه
★★★★
قال أمامي صادق أهل العتره
يوم القيامة كل موالي تحضره
مثل الحمامه تلتقطنه الزهره
فاز ونجه كلمن صاح/يافاطمه حِضرينه
★★★★
يوم الحشر يافاطمة أتلّگينه
خدامچ أحنه وبأسمچ تسمينه
ماخذتي شي من عدنه بس تنطينه
فضلچ طفح أجر وخير/زاد وتِبّده أعلينه
★★★★
يالشايل أسمچ يالزچيه بعيني
وفقيني أرد أخدم بعد وفقيني
خوفي أموت وتنتهيِ أسنيني
ومقصرين أحنه هواي/يم الحسن عذرينه
★★★★
بمجلسها كونك من تطب تتوضه
واحذر أسمها بكل خشوعك لفضه
حتى عليك الزهره باچر ترضه
بمجلسها المهدي موجود/حاضر ودمعه بعينه
★★★★
هاي الليالي الفاطميه أحَضرها
وأهمل دمعتي لمن أتذكرها
بلكت ظلوعي من اللطم أكسرها
ظلوعي ألچ فدوه تروح/وماهِم لهن تدرينه
★★★★
لو مابچتلچ عيني والله أعميها
ولو ماتلطم أچفوفي شلي بيها
للزهره كلشي ماأعز إعليها
ماوافي دمع ولا نوح/لمصيبة الحزينه
★★★★
يالأسمچ الكل الشدد يعالج
يافاطمة قدمنه ألچ حوائج
واليوم أنريد أنشاهد النتائج
عليچ الظلع والبسمار/يالزهره لتردينه
★★★★★★★★★★★
الشاعر (أسعد قاسم الكريعاوي)
لطميات استشهاد الزهراء مكتوبة
يا ام الحسن يافاطمة
يا ام الحسن يافاطمة
انتي بت ادم محيرة ادم
نزل من الله علمودج خادم
هامت بيوسف زليخه والله گال
أنت بس حيدر بحبج هايم
ياجبيره دخيلج
حيدر مكفيلج
أنتي خلفتي الحسن وزياده
وأنتي خلفتي جبير الساده
انتي موبس احنه ننخاج بدعاء
أبليس هم منج يريد مراده
ياحنينه بگدج
أبليس ساجد لجلج
الدنية تگضي وماتخلص علومج
وأنت نيشان الشرف من يومج
عمر نوح بخدمتج ينعد قليل
حيدر تشوفه الخلگ برسومج
أنتي الله ختارج
المهدي ياخذ ثارج
تايه بروحي ولگيتج حضره
شيريد من الله التحضره الزهره
حوه صاحت فاطمه والله ستجاب
من عدهه وادم ماگرب للشجره
الدنية تنحط بيدج
والكرم تعوديج
يكبر المحسن وياخذ ثارج
ويمض حد ضلوعهم بسمارج
ويوگف المهدي عله درب الله ويصيح
هلا بالزهره وهلا بزوارج
زوارج وخدامج
كلهه حدر جدامج
يارقيه
علي الشامي
لطميات استشهاد الزهراء مكتوبة
ابخدمــــتچ عليني
اويالخدم سجليني
@@@@@@
الچ يـم حســين خـادم افنــي كل هـــذا العـــمر
يعله شــاني ابهل خـــدامه بيه اعتـــز وفتــــخر
لجلچ اتحده المصاعب ومشي حافي اعله الجمر
ابـــد ما اتخــــله عنــچ وحـق ستـــرچ والخـــدر
الچ افــــدي اسنيني
اويالخــدم سجليني
@@@@@@
ارد احلفنچ يزهره ابموقف ايهـز الجــبل
بيه متـأثره اعرفـچ أي وحـق دم الفـحل
اقسم اعليچ ابمصيبة عين عباس البطل
سجلي كل اعمالي يمج لاترديني ابخجل
فـــــدوه لتردينــي
اويالخدم سجليني
@@@@@
ابقـه رادود ابخدمتچ والطم واكتب شعـر
وحظــر ابهاي المــأتم انحب واكسب اجـر
ليش حقچ ياخذونه وليش خدچ ينصطـر
وليش ابنچ يذبحونه وليش ظلعچ ينكسر
دمعتـــــــــــچ تاذيني
اويه الخدم سجليني
@@@@@
اشما يمر ذكرى وفاتچ نلطم اوننصب عزاء
لجل تعضـيم الشعائر نقسم انضحي الدماء
شيعتچ وفايه كلهه سجلي عنــدچ هالوفاء
فقره. بس ابحبچ احنه صــرنه اكبر اغنياء
دنيتي انتي اوديني
اويالخـدم سجليني
@@@@@
حب علي اوبيت الرساله واجب اعلينه انكتب
احــنه شيــعه وجعفريه اونعـــتز ابهذه النسب
يالزچــــيه وداعت امــچ الكم انضــحي الرگب
للنجــاة انتــم سفيـــنه وينـجه بيـهه الي ركب
حبكــــــم اينجينــي
اويالخــدم سجليني
@@@@@
احنه سمونه الروافض الأن نعشگ حيدره
نعـــم نرفض كل ضلمهم والعمال الفاجـره
ما نسينه اشلون قـدرو بالنجــوم الزاهــره
منهـــم اتبره وحقچ لحد يــــوم الأخـــــره
تبچـي لجلچ عيني
اويالخدم سجليني
@@@@@
الخادم
كامل السعيدي
لطميات استشهاد الزهراء مكتوبة
ذكرى استشهاد الزهراء ع
١٤٤٢هـ
عالوعد والعهد
نحي الليالي الفاطميه جينه
©©©©
ابثوبي الاسود وبدموعي وهذا حالي
احظـــر المجلس اجيت وراسي عالي
والله اعــــــوف الدنيه كلها وما ابالي
اولا اعـــوفن ليله مـــن هاي الليــالي
عهدي أنه ابكل سنه
نحي الليالي الفاطميه جينه
©©©©
هالمجــالس هيه عشـي وهيه بيتي
وهالمـــنابر هيه المكبـــرتلي صيتي
خادم الزهـــــراء مكتــوب ابهويتي
وابقـــه انعاهه لحد ســـاعة منيتي
بمدمعي والنعي
نحي الليالي الفاطميه جينه
©©©©
لو قره الناعي وذكــــر كسرت ظلعها
عيــــني من دم يبقه يتفايض دمعها
الزهره ورده اومو شريف ألي گطعها
دين ماعنــــــــــده الضربها والدفعها
اتحزمت حشمت
نحي الليالي الفاطميه جينه
©©©©
اهواي عــــدوان الزچيه وقله الاحباب
وگعو منها الجنـــــين ابعصـــرت الباب
ابيا ذنب ضربو متنهه وشنهو الاسباب؟
اليدعون اصــحاب هسه انگلبو اذياب
بالهظم والطم
نحي الليالي الفاطميه جينه
©©©©
شكبر بختي وصــرت خادم للزچيه
وربحي بالدنيه الولايه الحيــــدريه
ناجح ابحب الزچيه وخــــذت ميه
حيل ادگ صدري عليها ابهل مسيه
ابهل ذكر نستمر
نحي الليالي الفاطميه جينه
©©©©
ريت هاي اليله وي حامي الحميه
انشـــارك ابتشيعها وننصب عزيه
فايز اليحـــــــيي اليالي الفاطميه
ترضه عنه فاطمه وسيد البريه
انضل خدم بالالــم
نحي الليالي الفاطميه جينه
©©©©
الخادم
كامل السعيدي
مولاتي وفقينه… وهدينه
لخدمة مجلسج
احنه.. رحنه.. زايد عن طريق الله والعتره
كمنه… كلنه… ندور جاه وياكم وشهره
الرايد يعله لازم يمكم يصير
بافعاله كفو وباخلاقه اجبير
خدمتكم عظيمه وبيها مانحير
لان توقيعج اصلي وموش تزوير
مولاتي ارحمينه… ارشيدنه
لخدمة مجلسج
ابجي… واحجي.. بغروري وصار مزري انه وضعي
تهمل… واتذل.. عيني حتى تشوفني مولاتي ربعي
بهاي افعالي مولاتي القبيحات
عليكم انحسب رغم الخطيئات
مذنبين وتهد بينه العبارات
لو نسمع لاجلنه حسين هالمات
مولاتي… اعذرينه… دلينه
لخدمة مجلسج
دمعه.. دمعه… نبجيهن عليج بدمع هامل
ابقي… ورضي… علينه عليج يالزهره ابوفاضل
اذا عفتينه وحدنه بهالاكوان
نضيع وما النه يالزهره عنوان
واليمشي بدربكم حتلو جان
عاق يصير يمكم خوش انسان
مولاتي… وصلينه… حزمينه
لخدمة مجلسج
حيله… بليلة… يخلصه الخادم ويبقى يتاني
لحظة… لحظة.. يظل ينتظر المجلس الثاني
بمجلس خدمتج مولاتي همنه
يطشرنه الزمن ويضيع اسمنه
وبس خدمة حسين الي تلمنه
والميهم الج قط ما يهمنه
مولاتي… احرسينه… وادركينا
لخدمة مجلسج
دمعنه… وضعنه.. فدوه يروحلج يم حسن فدوه
والهم… يلتم… علينه وينمحي منج بدعوه
اذا شلتي اديج النه ودعيتي
يكبر غصب عالمايرضى صيتي
انه وكل الخدمه احجي امنييتي
فدوه لطاري اسمج اهل بيتي
مولاتي… قدمينه… اقبلينه
لخدمة مجلسج
احمد الميالي
ميمر كربلائي لمولاتي الزهراء ع
حب فاطمة بماي العين كل الخدم شاريته
“”””””””
مو من فراغ الخدمة جت من عِشره
وما نوفي دَين الطاهرة من عُشره
وعشره الـتُحطله بدفتره من عَشره
من كلشي ماخذ اعفاء ام الحسن عافيته
“”””””””
لا من ذهب ما ريد لا من فضه
هذا العزة لگطع النفس منفضه
نعمة شكبرهه نظرة لو من فضه
والزهرة خادمهه ايگول من فضة ماخذ صيته
“”””””””
واحدنه عمره لفاطمة باعه الهه
خدمتنه مو مالت امس باع الهه
بعين الله لو عندك نظر باع الهه
بهالخدمة هنياله اصار حب فاطمة مُلكيته
“”””””””
ليخدمهه يعله ويرتفع من شأنه
وبالجنة منصب يستحق من شأنه
شيعة علي طيب الاصل منشأنه
والشيعي حيدر رباه والله ونعم تربيته
“”””””””
نغفه اعله طاري فاطمة ومن نوعه
عالدنيه بس بالطاهرة من نوعه
حب فاطمة حب عالمي من نوعه
طول وعرض فُر الكون ما تلگه من نوعيته
“”””””””
(يَم) المحنة ونرتوي من يمهه
وصك الشفاعة ناخذه من يمهه
وهناك نلگه شتعتقد مَن يمهه ..؟
هيه وعلي نلگه اهناك للخادم امتانيته
“”””””””
هذا الزمن يا هالخلگ لو عَلنه
تبقه لمصيبة فاطمة لوعه النه
حزني على كسر الضلع لو عِلنه
يسموني چانوا يعقوب وتلقّب بتسميته
انيس الخفاجي الكربلائي
نزلة عزاء
يزهراء اني مجنونج تره
يزهراء . ابقه دنيا واخره
فاطمه انتي الهويه وخدمتج عنواني
اليضيعني تراني بمجلسج يلكاني
ساكنه بگلبي يزهره وماسكن بي ثاني
روحي تتغذه عله حبج حبج الغذاني
يزهراء واقسم بدم حيدره
يزهراء. ابقه دنيا واخره
من خدمتج خيري كله عايش بخيراتج
جرحج بروحي احسه واحس كل لجماتج
جرحي مايسوه مقابل جمره من آهاتج
كون اعيشن عمري كله بس اعد حسراتج
يزهراء. كون أحْسنّ بالجره
يزهراء ابقه دنيا واخره
بعيني ظلمه الدنيا كلها وانتي كل سنيني
طلبه منج رايد اطلب وادري متفشليني
كون مافوتلي مجلس رايد توفقيني
كون ماابطل مناحه الدمع كحله بعيني
يزهراء. خلي روحي موجره
يزهراء. ابقه دنيا واخره
محلفج بدمعات حيدر رزقي كل خدامج
الرزق دمعه ومناحه مثل دمع ايتامج
لبابج انوح ولظلعج نبقه نبجي خيامج
فدوه خدامج يزهره نطيح تحت اجدامج
يزهراء. هالخدامه مفخره
يزهراء. ابقه دنيا واخره
انتي يالحبج جِمعَنهْ وين تحصل هايه
مثل ذيج الجَمعَهْ كلنه بجمعت المشايه
واحد لواحد يزهره نسلم احنه الرايه
شوكت مشايه نجيلج يم حسن عنايه
يزهراء. هذا يوم مناطره
يزهراء. ابقه دنيا واخره
يمته ابو صالح يجينه بكبرج ايدلينه
يعلك الرايه اعله صحنج ترتفع جفينه
شوكت هاي اللحظه تحصل حيل منتظرينه
كلها تندب والله حسره ابو صالح وينه
يزهراء. بالمجالس حاظره
يزهراء. ابقه دنيا واخره
تمت ولله الحمد / المقصر مع الحسين
علي النائلي