اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ياقلبي … اشكَد شفت لوعات من هاذه الزمن
ياقلبي … اتحملت كل هل مصايب والمحن
والحــزن مليتـه
امـن المهد ربيته
* * *
آنـه زينــب والحــــزن هـدم كياني
خلصت عمري مصايب منهه اعـاني
ماشفت لحضه سعـاده مــن زمـاني
آ يكلبي منحـــرم مــــن الأمـــــاني

ياصبري …. حتى صبر ايوب مثلك ماوصل
ياصبري …. شلتك ابكَلبي حمل ثكَل الجبل
والألـــم مريته
والحزن مليته
* * *
شــاهدت امــي الزجيه اكبالـي تنحب
حيــل يـاذيهه ضلعهه اوجمــره يلهب
صدت ابوجهي اونـــادت يمـه زينـب
بيج راح اتمــر مصيبه واللـه اصعب

ياعيني …. صار واجب عالوجن دمعج يصب
ياعيني …. بيج شاهدة امي فاطم تنضرب
والكَلب ونيته
والحزن مليته
* * **
امـــي اسمعهه تنــادي ياعلي احضر
وكَعــو منــي جنينــي اللـــه وأكبـــر
صار من صطرت الحاقد خدي احمر
والكسـر ضلعي عليــه ابعينـه ينضر

يامحنتي …. من بعد امي تهـــدم حيـلي
يامحنتي …. بدمع اكَضي نهـاري اوليـلي
من جمر هليته
والحزن مليته
* * *
يمــــه فــــاركَنه حنــــــانج يالحنينه
صعبه نتحمـل غيــــــابج موبــــدينه
حتى بـــاب الدار ونــت مـــن بجينه
وانه مـــــن الزغــر سموني الحــزينه

يادهري …. أرحم ابحالي اعله هونك يادهر
يادهري …. امن الزغر خليتني ابونه اوقهر
كلبي ماراعيته
والحزن مليته
* * *
من بعــد فكَــد النبـي ومــي الزجيه
امصيبت المحــــراب راح اتمـر عليه
والحسن مسموم اشــوفه اشهالرزيه
ومــر بعضـــــم فاجعــه بالغاضــريه

ياويلي …. من اشوف حسين طايح عالثره
ياويلي …. اوعالنهر مذبـوح سبع الكَنطره
اوبالغرب خليته
والحـــزن مليته
* * *

            الخادم
        كامل السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــكون حاضر يمهه سبع الكَنطره
چـان ماكسرو اضلوع الطاهره
يخسه يوصلهه عمر .. لون موجود الگمر
**
أونعم من صاحب الغيره الهاشميه
لـون حاضـر يكفل الـزهره الزچيه
موقصــور ابحيدره حامي الحميه
لاكن امكَيــد علــي ابكَيد الوصيه

واللــه لوحامــل عليهم حيــدره
يوكَف اعله الباب وكَفـت خيبره
جان خله الدم نهر … لون موجود الگمر
*
ياهو يحــرگ بابهه اوبتــــاره بــيده
قبل لايوصـل العتبه ايحـــــز وريده
تشهد العبــاس صـــــولاته العــديده
لأن وارثهه الشجـاعه امـن الصميده

ها هو المعروف عنــد الزمجره
صار خط احمر ايموت اليعبره
ايعيد الاحزاب ومضر … لون موجود الگمر
*
يفدي روحه الفاطمه الحره العفيفه
يرد كل حكَهه وفــدك مــن الخليفه
ايعيد حــرب النهروان اوزود سيفه
واللـــه ميخلــي ذكــر لهل السقيفه

الكَوم من ملكَاه تصبح حايره
كله زود وكله هيبه ومفخــره
لوحمل يسكَيهه مر … لون موجود الگمر
***
واللـه لوموجــود وبجفه حســـــــامه
مايطيح المحسن ايعيش ابســـــلامه
وفاطمه ابخدهه فلا تبقه عـــــــلامه
يسحگ اخشـوم الزلم راعي الشهامه

من علي الكـــرار وارث حملته
تخسر اشبـــــاه الرجال إلاكَته
أجسادهم تصبح وذر … لون موجود الگمر
****
فوك باب الزهره يبقه ايرف لوائه
فــارس وماواحد أليوصل وفــائه
من خياله اتخـاف ماتگرب عدائه
تبقـــــه تتــرادم اذا سمعت ندائه

جيتكم يهل الحــقد ياناصبه
إلا اخليكم ضحايه امخظبه
اليوم مايحصل مفر … لون موجود الگمر
****

                  الخادم
              كامل السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

هتافات لشهادة السيدة الزهراء عليها السلام
نظمت في ٢٣ ربيع الأول ١٤٤٤هـ

————-أ————
يامحراب البتول
بفقد بنت الرسول
بقى دمعي يقول
آه عالضلعين آه عالضلعين
————-ب————
يا مسمار انغرس
وخسف صدر الشمس
الوحي بطنه انرفس
وصقّطت لجنين وصقطت لجنين
————-ج————
ابحزن ناده العرش
رُسُل شالوا ابنعش
وعمرها اثمنطعش
ماتت أمّ احسين ماتت أمّ احسين
————-د————
هتفنا ابهالوضع
منو ايداوي الضلع
يغايب مارجع
إلك منتظرين إلك منتظرين

---

تمت بحمد الله ومنّه
نظم خادم السيدة الزهراء عليها السلام
ياسين جواد العبد الرضا

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

مقدمه للزهراء ع

ظلعچ يم الحسن
نبچيله ابكل زمن
سلاماً سلاماً سلاماً عالظلع
©©©©©©©©©©©

الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً سلاماً عالظلع
©©©©©©©©©©©

ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً سلاماً عالظلع
©©©©©©©©©©©

صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً سلاماً عالظلع
©©©©©©©©©©©

شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً سلاماً عالظلع
©©©©©©©©©©©

بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً سلاماً عالظلع
©©©©©©©©©©

الخادم
كامل السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

نزال_

فاطـمي فاطـمي للابـد
فاطمي فاطمي عالعهد

---

بالمجالس ـ ابقه عابس ـ وفختــــر خادم عشت
أقرء وخدم ـ ونعه ولطم ـ بالســـواد اتوشـحت
راسي عالي- الهل ليالي- والله كل عمري انذرت

امحـــزم ابهاي المجالس للأبد
ما اعوفنها وحـــق واحـد احد
هالشعائر عندي ألذ إمن الشهد
ألها نذرتني الحنينه امن المهد

ملتــزم ملتـــزم بالوعد
فاطمي فاطمي عالعهد

---

يالزجـــيه ـ كلشي بيه ـ ملكچ وعبـدچ صرت
من البدايه ـ وللنهايه ـ ابهل وضيفه اتشرفت
اخدملكم ــ وكتبــلكم ــ صيــت ابـد مادورت

همي بس ترضـين عني ابدنيتي
يالسبب صرتي برفعتي وهيبتي
يالزچــــــــيه انتي ادره ابغايتي
ما ادور شــي مقابل خدمـــــتي

خدمتچ خدمتچ چن شهد
فاطمـي فاطمـي عالعـــهد

---

حبچ آيه ـ وبي هدايه ـ يخـتلف عن كل عشگ
مو حكايه ـ اولاروايه ـ يحمل اخلاص وصدگ
يالوفيـــه ـ ابهل عـــزيه ـ هامه اطبـرلچ وشگ

ســــجلي يم حســــين يمج لهفتي
ولطمتي وعزمي وحسرتي وعبرتي
اركض اعله المجلس آني ودمـعتي
وركضت اطويريج صـارت ركضتي

والگلب والگلب ما برد
فاطمي فاطمي عالعهد
*

هذا دوري ـ ابكل شـــعوري ـ لازم اتهدل وون
يالكسـيره ـ يالنـــــذيره ـ عسعس اليل ابحزن
انتي دمنه ـ وانتي امنه ـ وانتي للخادم وطن

انتي رايـه ارتفعت ابچـف الخــدم
رابــــح اليهـــواچ واللـه وما نـــدم
ابلا مجالس هالخـــدم تصبح عدم
نزحفلها ازحوف موش اعله الجدم

هالقسم هالقسم والصمد
فاطـمي فاطـمي عالعـهد

---

مانعوفچ ـ يالنشوفچ ـ بالسمه اهلال وشمس
من وفائچ – من ابائچ – شيعتج تاخذ درس
فاطميه – هاشميه – حبج اغلى امن النفس

احـــنه مـــن دونچ نضل ابلا هوه
انتي فضـــلچ عالجرح مثل الدوه
انتي آيات الحــــــــمد والقل هوه
ابلا وجودج كلشي يبقه ابلا ضوه

والعشگ والعشگ ماله حد
فاطـــمي فاطـــمي عالعهد

---

 الخادم

كامل السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

مقدمه_للزهراء

طب للبيت ـ شاف البيت ـ خالي من فاطمه

يطب الدارها ويخــــــتنگ بالوحشه
علي ملچـــوم فارگ ضحكت القبشه
يشوف حسين بيده افراشها ايفرشه
ويحس ابگلبه نار اومنگـــطع هرشه

وين ايروح ـ كلها اتنوح ـ حتى الارض والسمه
**

گطـعو مــنه ورده وذبل بســـــتانه
مــر بيه الخــريف ويبست اقصانه
يطــــب للـدار يلگـه الدار حـــزنانه
على الزهره نحيل اوروحه خلصانه

كل اغروب ــ گلبه ايذوب ــ مجروح حامي الحمه

---

بالتغســـيل شــاف الما امســـــولفته
زعل بس الوصــــــــــيه ابهاي لازمته
شاف السطره البخدها وبچه ابسكته
العقيله اتموت كون ينــــوح سامعته

بالتغسيل ـ باد الحيل ـ ودنيا صفت مظلمه

---

علي اتعـــذب دليله ابفرگت الزهره
كلشي اضلم عليه من ماتت الگمره
مـن يذكـر ظلعها ويذكـر الصــطره
تهيـج اجروحه كلها ويختنگ عبره

صابه البين ـ بم احسين ـ وسهم البعد المه

---

يگعــــــد يم گبــــرها وينحب وينعه
موضلع الزچيه ألي انكســــــر ضلعه
يكـــابر عالالم گوه ابجــفه البضـــعه
تبچي وتوگف اعله ادموعهه الشمعه

ابگلبه النار ــ فكره احتار ــ من المدامع عمه

---

  الخادم

كامل السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ذكرى استشهاد الزهراء ع

 عالوعد       والعهد

نحي الليالي الفاطميه جينه
©©©©
ابثوبي الاسود وبدموعي وهذا حالي
احظـــر المجلس اجيت وراسي عالي
والله اعــــــوف الدنيه كلها وما ابالي
اولا اعـــوفن ليله مـــن هاي الليــالي
عهدي أنه ابكل سنه
نحي الليالي الفاطميه جينه
©©©©

هالمجــالس هيه عشـي وهيه بيتي
وهالمـــنابر هيه المكبـــرتلي صيتي
خادم الزهـــــراء مكتــوب ابهويتي
وابقـــه انعاهه لحد ســـاعة منيتي
بمدمعي والنعي
نحي الليالي الفاطميه جينه
©©©©

لو قره الناعي وذكــــر كسرت ظلعها
عيــــني من دم يبقه يتفايض دمعها
الزهره ورده اومو شريف ألي گطعها
دين ماعنــــــــــده الضربها والدفعها
اتحزمت حشمت
نحي الليالي الفاطميه جينه
©©©©

اهواي عــــدوان الزچيه وقله الاحباب
وگعو منها الجنـــــين ابعصـــرت الباب
ابيا ذنب ضربو متنهه وشنهو الاسباب؟
اليدعون اصــحاب هسه انگلبو اذياب
بالهظم والطم
نحي الليالي الفاطميه جينه
©©©©

شكبر بختي وصــرت خادم للزچيه
وربحي بالدنيه الولايه الحيــــدريه
ناجح ابحب الزچيه وخــــذت ميه
حيل ادگ صدري عليها ابهل مسيه
ابهل ذكر نستمر
نحي الليالي الفاطميه جينه
©©©©

ريت هاي اليله وي حامي الحميه
انشـــارك ابتشيعها وننصب عزيه
فايز اليحـــــــيي اليالي الفاطميه
ترضه عنه فاطمه وسيد البريه

انضل خدم بالالــم
نحي الليالي الفاطميه جينه
©©©©
الخادم
كامل السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

رديت الك خـــويه اگــعد حسين
ماتدري زيـــــــــــنب وين ماوين
بالگــــــــــوه خويه خلص الشام
اشگد نموت واحـــــــــنه عدلين

ردينه نحيـــــــب ويلاه
كل ضعني غريب ويلاه
اگعـــــدلي يخوي ويلاه
جيتك من مغيب ويلاه

غربه وضياع فگد السباع
هيچ اليـــــروح ابليه اخو
اصعب شعور ام الخدور
مچتوفه بحبـــــــال العدو

ياهو انته منهم ويـــــــــن مدفون
ماضلت امن افراگـــــــــك اعيون
مو مال ادورك بيــــــــــــن الگبور
متعوبه جايه امن السبي ام عون

بمتونــــــــي حبال ويلاه
سوتني خيــــــــال ويلاه
من ضـيمي اجيت ويلاه
بدمـــــوعي سؤال ويلاه

اسأل واگــول صوت الخيول
محد سمع بيــــــهه ودرا؟
بين الخيــــام نار وضـــلام
وعثرت مره ابطارف مره

خويه الگضاها ابغـــــربه معروف
المن يســــــــولف حاله مكشوف
وانه الگضيت ايـــــــامي بالشام
وانشاف خدري الماهو مشيـوف

شافـــــوني حرام ويلاه
عالهـــــــــزله انام ويلاه
لا عنـــــدي كفيل ويلاه
لا عنـــــدي خيام ويلاه

مر بينه يــوم اگعد واگـــوم
تدري الخـــــرايب مو ستر
ثالث صــــباح مانســــتراح
شفت العجــــــايب باليسر

طحنه ابسنينه اتشـــــــــيب النوگ
عاده الســـــــــبايا اتمر على السوگ
مالاگـــــــــــــت النه واحنه نسوان
رهمت علينه وصـــــــــــارت اتلوگ

بالكـــــــوفه نبات ويلاه
مابيـــــــهه حيات ويلاه
من حگــهه تموت ويلاه
العــــــــدهه بنات ويلاه

كلما اطيــــح يخـــــواني اصيح
والهضمه تاكــــــــل بالگلب
وادم تـــــريد مثل العـــــــــبيد
كون الفواطم مــــــن تطب

شحچي وشسولف والحچي اهواي
نص عمري راح بنــــــــــومتك هاي
والماله ودام چلــــــــــــمته اتطيح
من يمته زينب فاگـــــــــــده الراي

هم خـــويه يهيد ويلاه
الماله عضـــــــيد ويلاه
خلونـــــــي اروح ويلاه
عن اهلــــي بعيد ويلاه

ضعنك حـــداه وعنـــك خذاه
خويه الشبـــــــع منك ذبح
كلما يمــــــــيل بخــتك يعيل
گــــــــــــدامي ويهز الرمح

خادم القصيده
شاكر الصيمري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

بِسْمِ اللهِ الرَّحْمَنِ الرَّحِيْمِ

بعد إستشهاد الصّدّيقة فاطمة الزّهراء صلوات الله عليها كان أمير المؤمنين يضع رأسه داخل البئر ويبكي ، فالقصيدة كأنّما عن لسان حال بئر أحزان أمير المؤمنين عليّ بن أبي طالب صلوات الله عليه وهو يتكلّم مع بئر زمزم ..

[ بِيْر اَحْزَان حَيْدَر ]

بِيْر اَحْزَان حَيْدَر شَايِّل اَسْرَار
يِشْكِي لْبِيْر زَمْزَم عَالجَرَه وْصَار
يَا زَمْزَم أَسُوْلِفْلَك بِالمْصَاب
أبو اِتْرَاب اِعْلَه رَاسَه اِيْهِيْل التْرَاب

---

النَّبِي اِسْمَاعِيْل يِجْرِي دَمْعَة اِبْحُظِن إٌمَّه وْكَلْبَه لَهْفَان
النَّبِي اِسْمَاعِيْل إِنْتَه صَح سِمْعَيْت بَجْيَه وْجَان عَطْشَان

بَس فَرُق بَيْن الدَّمِع
أَكُو دَمْعَة مِنْفِجِع
تُوْكَع لْطَارِي الظّلع
مُعَانَات

إِنْتَه مَا سَامِع تَرَه
صُوْت بَجْيَة حَيْدَرَة
يِبْجِي قَالِع خَيْبَرَة
مُعَانَات

الوَصِي بِظْلُوْعَه عَايِّش أَلَم بِسْمَار
أَوَّل تَالِي يِبْجِي عَلِي الكرَّار
دَمِعْتَه اِبْطُوْلَه صَارَت قَالِع البَاب
أبو اِتْرَاب اِعْلَه رَاسَه اِيْهِيْل التْرَاب

---

أَهْوَن اِهْوَاي إِنْتَه مَا شَاكِيْلَك اِسْمَاعِيْل لُوْعَات
أَهْوَن اِهْوَاي مِن اَقِيْسَن دَمْعِتَه اِبْهَاي المُعَانَات

اِتْخَيَّل اِوْيَاي المِحَن
عَلِي يِشْكِي اِمْنِ الزَّمَن
وْيِبْجِي لِمْصَام اُم حَسَن
بِالآلآم

سُوْلَف اِوْيَاي اِبْحِزِن
حَكَّه عَالزَّهْرَة يِوِن
إِنْذِبَح مِن كِلْمَة [ وَإِن ]
بِالآلآم

آنِي اللِّي سِمَعْتَه اِيْهِدِّ الاجْبَال
حَبْل الله المَتِيْن اِتْجَتْفَه الاحِبَال
مَجْرُوْح الضّمَاد وْجَرْحَه مَا طَاب
أبو اِتْرَاب اِعْلَه رَاسَه اِيْهِيْل التْرَاب

---

زَمْزَم اِهْنَاك مَا شِلِت مِثْلِي جَرِح يِحْنِيْهَا الاظْلُوْع
زَمْزَم اِهْنَاك فُوْكَ مَايَّك مَا نِزَل مِنِّ النَّبِي اِدْمُوْع

وَانَه المَاي اِبْدَاخِلِي
اِمْتِزَج وَي دَمْعَة عَلِي
مِنْكِسر ظَهْر الوَلِي
بِالاوْدَاع

مِثِل جَمْرَات اللَّضَه
اِدْمُوْع عَيْن المُرْتَضَه
نِزْلَن وْضَاكَ الفَضَه
بِالاوْدَاع

الدَّلُو مَا عَاشِرِيْتَه اِبْكَد الادْمُوْع
يِبْجِي اِهْوَاي عَالزَّهْرَاء مَفْجُوْع
دَمْعَة عَيْنَه مَا يِلْزَمْهَا الانْكَاب
أبو اِتْرَاب اِعْلَه رَاسَه اِيْهِيْل التْرَاب

---

عِشْرَة اَحْزَان إِنْتَه واِسْمَاعِيْل مَا حِصْلَت وَلا يُوْم
عِشْرَة اَحْزَان عَاشِرِيت آنَه الوَصِي المِن حَقَّه مَحْرُوْم

عِشْرَة اِدْمُوْع وْجَرِح
وْحِزْنِي لَيْل اِبْلا صُبِح
اِبْلا نَحَر بَس مِنْذِبِح
بِالاحْزَان

مُو فَقَط ظلع الطُّهُر
العَرِش ظِلْعَه مِنْكِسُر
بَعَد يِنْفَع يَا صَبُر
بِالاحْزَان

كَالاهَا عَلِي فَارِس الهَيْجَاء
لا صَبْر عَلَى فَاطِمَة الزَّهْرَاء
وْعَلَى السَّن الظُّلامَة اِشْنَفْع الاعْتَاب
أبو اِتْرَاب اِعْلَه رَاسَه اِيْهِيْل التْرَاب

---

مِسْك الاجْرُوْح كِلْشِي سُوْلَفْلِي الأَمِيْر اِبْهَاي الايَّام
مِسْك الاجْرُوْح بِدَه مِن بَابَه لَحَد بَوَّابَه الشَّام

اِبْحِزِن يِحْجِي الطَّالِبِي
عَن تَفَاصِيْل السَّبِي
وْعَن مُعَانَات العِبِي
عَلَى النُّوْكَ

رَغُم كل هَاي المِحَن
لُو ظَهَر إِبْن الحَسَن
يَاخِذ اِبْثَار المِشَن
عَلَى النُّوْكَ

لُو مَا تِنْسطر مِن فَاطمَة العَيْن
جَا مَا يِنْذِبِح بِالطَّف الحسَيْن
أَسَاس الجُوْر مِنِّ التِّدِّعِي اَصْحَاب
أبو اِتْرَاب اِعْلَه رَاسَه اِيْهِيْل التْرَاب

الحمد لله والشّكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
أبو فاضل هوّه المفتاح
رزقهم صلوات الله عليهم أجمعين
حيدر الموسوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
تجليبة الزهراء (ع)

على اجروح الصبر والدمعه والحسره
هالليله ننوح ونبچي عالزهره
١
اليحب أم الحسن يلطم يدگ ينعه
وخل يكسر بمجلس ضلع من ضلعه
الزهره بالعزه تستاهل الدمعه
اذا تبچي عليها وتنحب بعبره
٢
منك تعرف انته اشرايده فاطم
ألها بكل ولائك تحضر ولاطم
حتى اتصير ألها وتنحسب خادم
كون ايصير حضك عالي واشكبره
٣
عليها الباب مدفوع بحقد نيه
وفاطم بالعرش مكتوبه قدسيه
اشگد صعبه أذا تنضرب علويه
وبالحايط الزهره تنعصر عصره
٤
حرگ باب الوحي وبعمل شيطاني
الاول وبحقد من ارسل الثاني
خل يسمع القاصي ويعرف الداني
ناس وللأسف مو طاهره البذره
٥
حيدر من صبر مو عجبه والي صار
بس هيه الوصيه امچتفه الكرار
ذوله مو زلم وهواي ذوالفقار
عليهم بس علي يتميز بصبره
٦

ماتت فاطم وبليل دفنوها
ومحد ماطلع خاطر ايشيعوها
من كثر المواجع تون خلوها
وهسه ابلا گبر لا صحن لا حضره
٧
راح اختم الك والعله مو بالباب
بالسموا نفسهم للأسف اصحاب
هز العرش صوت الضلع من انصاب
بوجوه الغريبه الحاقده الصفره

لاتنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

موشح بحق الزهراء (ع)

من صبـر فـاطمه وكل ألآمها
الباري خله الجنه تحت اقدامها

كرم الباري الجليل الطاهره
بكوكبه من النجوم الزاهــره
وعالبشر خلاها حجه ظاهره
بكل نهجها الصاغته باحكامها

ياهو مثل البضعه كرمها الجليل
من جعلها الحيدره اعظم خليل
مستحيل اثنين منها مستحيل
شرفت الكون بدخول اسلامها

بعتره خصها الباري وبحجه وصبر
بكـل زمان وكـل أوان وكـل عـصـر
من تـطـب مـيـدان بـي تعـلـن نصر
وشوف لي هسه ترف اعلامها

يكفي سماها النبي ام الرسول
الطاهره البضعه الزچيه والبتول
يعجز التاريخ عنها شما يگــول
لچن ما نصفت جميع اقلامها

بكل شرف ام الحسن وام الحسين
الحبها صاير طيف ويكحل العين
وين نلگه اليشبه الطاهره ويــــن
الدنيا تحرسها ومشت گدامها

عجزت الدنيا شتوصف الخالده
لان من رب العرش متــئــيـده
سيده بكل شرف صارت سيـده
وكل ملائكة السمه خدامها

لا تنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
نعي + ابوذيه للزهراء (ع)

يادنيه اشهدي عالحرگها الدار
يادنيه الفعل عد الله وشكبره
دفعوا باب عالزهره وضلعها انصاب
الهسه الباب بالنيران مستعره
اجوها بكل حقد بالباب شبو نار
الزهره ابلا حجاب ولاذت بكتره
الباب اشگد ثگيل انطبك عالزهراء
وهيه ازغيره ما تتحمل العصره
ماصاحت علي تدري بعلي الكرار
يفنيها للدنيه حيدره بنظره
الحگيلي يفضه صاحت الزهراء
اجتي شلون اجتي تنحب بعبره
مدري اتعاين اعله الضلع والبسمار
لو تنظر المحسن طاح عالغبره
الزهره تنظر الفضه وتصب العين
ومره اتعاين اعله الولد وتنظره
السمه لازم اتطيح ابطيحت ام حسين
ماطاحت عجيبه بطيحت الزهره

ابوذيه

اجه الدار الوحي ناره ورثها
وحرمها الزهره من حقها ورثها
شلون انعاها انه اگدر ورثها
واحس طايح محمد عالوطيه

لا تنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
.
بأبي أنت وأمي ياحسين
.

حاير ودولبني دهري
وتيهت كل الدروب
عايش وكل عمري ضايع
چن ملح بالماي اذوب
غارگ بروج النوايب
سيدي وشابع ذنوب
أنت باب التوبه وآنه
گاصد البابك أتوب
.
بسمك تسولف دموعي بالونين
بأبي أنت وأمي ياحسين
.
.
انفتح باب الله شفته
وأنت واگف انظرك
من قعر بحر الظلاله
طلعتني ابخنصرك
علمتني عالنوايح
صعدتني المنبرك
رتلت أول قصيده
من نظم دم منحرك
.
يالي بحروفك تنفس كل حزين
بأبي أنت وأمي . يا حسين
.
.
غيرت احوالي أنته
چني حي وسط الگبر
ياحبيبي مالي غيرك
بسمك اتنفس عطر
تشتهي اعيوني البواچي
لمن أسمك ينذكر
روحي بمصابك عليله
والدوه بلطم الصدر

منهو چا غيرك شفيع المذنبين
بأبي أنت وأمي ياحسين
.
.
. .
درسك البلطف قريته
وما فهمته اشيحتوي
المهر يفهم كلامك
وآنه عنك التوي
بالعطش تيبس لهاتك
حتى آنه ارتوي
الشمس تنطيني ضيها
وانت بيها تنچوي
.
تنزف جروحك يبو گلب الحنين
بأبي أنت وأمي ياحسين

.
.
قدمت كل تضحياتك
وآنه بيهن ما أحس
حررتني من آل اميه
وبنبلهم تنترس
حتى آنه افهم صلاتي
أنته صدرك ينرفس
حتى يتحجبن خواتي
تمشي أختك بالشمس
.
أنت كعبه وانت ثوره وانت دين
بأبي أنت وأمي يا حسين
.
.
شنهي دمعي إلي أسيله
وانت بحر من الدموع
آنه حال الظلمه حالي
وانت كل بدر الطلوع
اليحب يرقى ابجنونه
يقتبس منك خشوع
من بعد شگ الملابس
عابسك شگ الضلوع
.
بثورتك عابس لمس حق اليقين
بأبي أنت وأمي ياحسين
.
.
يالشسع نعلك مقدس
بالمفاخر يعتلي
يسوه عمري وكل وجودي
ومالي وولادي وهلي
لوعفتني ياحبيبي
منهو غيرك چا الي
آنه من بعدك ولاشم
سيدي ريحة علي
.
يلي يم بابك تأمن الخائفين
بأبي أنت وأمي ياحسين
.
.
تمت بفضل ربي وعطاء اهل البيت عليهم السلام
.
حسن الموالي الفاطمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيدة بحق الزهراء ((ع))
الامام علي ع يكلم الزهراء((ع))

چنتي يمي البارحه يم سوالف مالحـــه
كلمه وحده اتكلمي گلبي لحساسچ ضمي

        *--------------------*-------------------*

خاطري الليله انكسر ياهو اليجبـــــره
ميت بعيني الضوه و بگلبــــي عبــره
عمري يالزهــره بغيابچ كله ذكـــــره
الينسى معشوقه وحبيبه ينسى عمره

كلمه راح احچيهه وآنه ذايب بيهه

         مري  بيّه  و سلمي

        *--------------------*-------------------*

كون اليفارگ محب تگصـــر حياتــــه
حتـــى ألحگچ والعشگ بعده بحلاتـــه
فاطمة ماتت علــي ويـــاچ امنياتــــه
ليلي اخلصه بماضي حبنه و ذكرياته

المثلي يدفن روحه حگه يبقى بنوحه

         بعيني مظلم عالمي

        *--------------------*-------------------*

بُعدچ يْجرح الجفن ما بيه حيلــــــه
يعاشر عيونه البچي اليفگد خليلـــه
ذكرى ذكرى و بالمناحه يگضي ليله
الغالي توجع غيبته و يصعب رحيله

طيفچ آنه مناطره حامد الله وشاكره

        حزني حرّم مبسمي

        *--------------------*-------------------*

أحمل بمتني النعش يصعب عليّه
وجسمچ الطاهر أدفنه بذني اديه
عني ترحين و تضل عيني جريـه
اذكر ايام الگبل چنــــه سويــــــه

عمري ضلمه اسنينه وينه نورچ وينه

       رحتي وآنه بمأتمي

        *--------------------*-------------------*

إنتي وردة دنيتي اليسحــر عطرهـــه
شلون اخليهـــه بلحد واترك گبرهـــه
وحشتچ يم الحسن بيـّـــه شكبرهـــه
بروحي حسره وخايف يخلص صبرهه

ليلي دمعي يزيده وانتي عني بعيده

            نامي  لا  تتألمي

        *--------------------*-------------------*

شلّه بالدنيا التصيــــر ايامـــه ظلمــه
يجرح احساسه الزمن واكثر يهضمـه
صعبه يالزهره بوداعچ حزني اكضمه
وانتي تدرين بدليلـــي قصـــه عُظمــه

گوه نعشچ شايله اچتافي احسهن مايله

       بكلمه  بيه  اترحمي

        *--------------------*-------------------*

✍بقلم خادم الحسين ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
نعي
السيده زينب (ع) اتسولف
للعباس (ع) حادثت الدار

مــرت لـيـالـي وعــدّت اعــوام
وللبـيت اجـتـنه بـنـت الاكـرام
بـنـت الأصـول وسـبـع تـنـعـام
جـابـت ولــد لـحســيـن خِـدام

أوّل ولــدهــه گــمــر عــبــاس
راعـي الـمـحـنـه ورفعت الـراس
يبچي البچيتي بدمـع وحساس
وچــنــه يــتـيــم ويـاي يـانـاس

لـمـن گـلـتـلـه بـفـعـل الاشـرار
بـصـدر الـوديعه نـبت بـسمـار
وكـسـرو ضلعهه وحـرگو الـدار
أشـتـد غـضـب عـبـاس ونـدار

عـايـن عـليـه وحمـره الـعيـون
بصـدره الهظم والغيظ مدفون
يـهتـف يـزينب وصلـو أشلـون
لـمـچ عـزيــزت سـيـد الـكــون

——————–—————–*
✍خادم الزهراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

لاستشهاد الصديقة فاطمة الزهراء عليها السلام

اتعلمت من الزچيه الطاهره
دروس بيها الفوز دنيا وآخره
★★★★★
اتعلمت منها مواقف بالحياة
ابد ماتنكسب غايه بلاثبات
والمجد ماينحصد بالامنيات
والصبر ينهي العذاب ومصدره
★★★★★
من شديد اخلاصها الرب سمه
اسرع من البرق دعوة فاطمه
چا غدت دنيا الاعادي مظلمه
اشفقت علناس كلها مغفره
★★★★★
من مواقفها الزچيه ام الحسن
صابره وحره وقويه بالمحن
هزت بخطبتها اصحاب الفتن
ونَزلَّت روس الاعادي للثره
★★★★★
جاعت وي اعيالها بيوم العسر
واطعمت مسكين والعاش ابأسر
واليتيم الصاح يااهل الأجر
خاف لاقصرت تطلب معذره
★★★★★
وقفت استنكار من تبچي بهظم
حتى دمعتها اعتراض على الظلم
خلت بموقف صعب حال الخصم
الشوك ماله على الورد كل مفخره
★★★★★
ام أبيها العانت لأجله الشدد
ولعلي بيوم المحن عون وسند
للزچيه الوكت يشهد للابد
هيه اصل الدين كله وجوهره

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصائد استشهاد الزهراء (ع)

قصيده رئيسيه
♕♕♕♕♕♕♕♕♕♕♕♕♕♕♕♕♕♕♕♕
وين من عندي خذچ يمه الزمان

تـــدرين بيه اشتاگلچ يم الحنان

أمــــــــي شمحلاها

من اگعـد انه اوياها

راحت امي راحت امي
♕♕♕♕♕♕♕♕♕♕♕♕♕♕♕♕♕♕♕♕
أمــــي ماماتت بعــــدها عـدلـــــه امي

أمــــي بس هي الوحيده التجلي همي

شگــــــد دعيــت الله يخليها امي يمي

شمحلاها والله الصبح لوندبتلي بسمي

تگعدني من نومي الصبح

بشوفتها صـــدري ينشرح

والله ماأنساها من أكعد انه اوياها

راحت امي راحت امي
♕♕♕♕♕♕♕♕♕♕♕♕♕♕♕♕♕♕♕♕
أمــــــــي چانت كل صباح وكل مسيه

تمـــــد اديها وتگـــــعد بـــوسط الثنيه

وقبل لاتـدعــــي لبشر تدعـــــي اليـــه

شگد حنينيه وطيبه امــي شكد وفيه

تمــد اديها للسماء

تدعي بهذا الدعاء

يستجب دعواها من اگعد انه اوياها

راحت امي راحت امي
♕♕♕♕♕♕♕♕♕♕♕♕♕♕♕♕♕♕♕♕
حگي لوابچي عليها وتهل عيني

ودعت امي ودعت شمعه سنيني

بقت بالاحلام هي امـــي تجيني

مقصر وياچ انه اگلها سامحيني

سامـــحيني يالابيه

يلي رحتي من اديه

بالشده دوم انخاها من اگعد انه اوياها

راحت امي راحت أمي
♕♕♕♕♕♕♕♕♕♕♕♕♕♕♕♕♕♕♕
بعمـــري ياهالناس تدرون شتمنيت

عدله أمي اتمنى تبقه ويانه بالبيت

بغيبت أمــي والله انه شگد بچيت

بغيبت أمــــي والله انـــه تألميت

راحت التنگط وفه

راحــت أم العاطفه

راحت الاهواها من اگعد انه اوياها

راحت امي راحت أمي
♕♕♕♕♕♕♕♕♕♕♕♕♕♕♕♕♕♕♕♕
أمـــي ماأنساها دوم أنه بذكــرها

يمن عمري يروح فدوه أنه لعمرها

أمـــي ماكـو بالبشر يحمل صبرها

الجنه تحت اقـدامها وعالي قدرها

أمــــي هي مدلله

ربنا خصها بمنزله

اعضم مكان انطاها من اگعد انه اوياها

راحت امي راحت امي
♕♕♕♕♕♕♕♕♕♕♕♕♕♕♕♕♕♕♕♕
امـــــــي طيبه والبخت ياناس بيها

أمـــــــي شمحلاها وشمحله حچيها

أمــــــي تفــرح لو أجي واگبل عليها

أگــعد بصفها وتمســح براسي أديها

شمحلاها يمه أيدچ

تمسح أنتي وليـدچ

بأمي والله أتباها من أگعد انه اوياها

راحت امي راحت امي
♕♕♕♕♕♕♕♕♕♕♕♕♕♕♕♕♕♕♕♕
الشاعر عماد محمد الدراجي
الاثنين //

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصائد استشهاد الزهراء (ع)

ابوذيات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لزچيه ماخلص ونها ولمها
عليها الزمن طشر همومه ولمها
الزچيه لا أبوا ضل عدها ولمها
وحيده وضلت تون صبح ومسيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
النوايب لفن للزهره والحسين
تصيح الزهره اريد الحسن والحسين
وردت زينب اودعها والحسين
ردت اودعهم گبل لاتلفي المنيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

الشاعر عماد محمد الدراجي
الاثنين

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

لِسه فاطمة نفس الظُلاَمة
الموعد يٌّم حسن يوم القيامة
الكسَرَو منچ ظلع احفادهم نفس الطبع
**
احچيها بصراحه اواثق آنه
كسر ظلعچ الما يعرف ديانه
النبي بيچ شكثر يلهج لسانه
لو مؤمن فلا خان الأمانه
بس مات النبي تَحول منافق
چا طَم روحه أمس لوهوه صادق
شلون بابچ يندفع احفادهم نفس الطبع
**
توَقَع كلشي من الكَال (يَهجُر)
انقلب بعد الرسول وعادي يكفر
السقيفة بكيفه شيكَول شيقرر؟
عكَب باچر قيامة منين يعبر
باچر ينسحل هوه وعبيدة
وكل واحد غصب حق الصميدة
والخلائق تستمع احفادهم نفس الطبع
**
يفاطم ما كَضت كلسا مصيبة
عدنه اليوم چم زينب غريبة
عدنه شچم ابو ذبحو حبيبة
راعي الثار ما يخلص مغيبة
حشد عنده وزلم كلش غيورة
الفرج ياربي فرحنه بظهورة
يبسَت عيونه الدمع احفادهم نفس الطبع
**
الكسرو ظلعچ لزينب اجوهه
بالمحراب هم غدرو ابوهه
ذبحو كل اهلها وسلبوهه
أمس چم كَبه الكم هدموهه
داعش من اجانه سنين حاقد
رادو تنهدم كل المراقد
راد حبكم ينقلع احفادهم نفس الطبع
**
غضبهم نزلو بالغاضرية
شكبرهه وتنضرب بالطف رقية
البقيع مهدمه لهاي المسية
بعد ما ندري باچر يا رزية
يزهره ومدري شيشبعه السياسي
كل همه المناصب والكراسي
يسيءّ يومية الوضع احفادهم نفس الطبع
**
شيلي اديچ عليهم الله يسمع
بلكي بهاالدعاء المهدي يطلع
الصبر من صبره يا زهراء يجزع
سامرة نخاف اردود توكَع
يمته نشوفها الراية بيمينه
يمچ نلتقي وياه بالمدينة
رايته من ترتفع احفادهم نفس الطبع
**
حيدرحسين الكَرعاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

بلسان المنتظر ….. لعن الله عمر

…………………..

راح العن كل حياتي حته ترضة فاطمه
شلون تقبلي اساوم علبجت ليها السمه
هيه جم زهراء عدنه اتريد كاتلها اكتمه
شلون يرضه الله عليه
اترضه ع الطگ الزجيه
وهوه ربي ابمحكماته …..لاعنه ومثوى سقر

……………………………………

بالروايات الصحيحه وعن محمد واله گال
اللعن جائز عليهم وهذا واقع لا محال
باجر بيوم القيامه لو علي يصيحك تعال
ليش تكتم جنت لعنك
وشنهو هذا الي يمنعك
عود دبر عذر باجر ….گله انه ارجو العذر

……………………………………

الصار بالزهره مصيبه الله واملاكه بجت
موش هينه حرمه تنطگ واخ ياظلعي اشتكت
دفعت الباب وكلامه والمصايب لنحجت
وان صاح وكسروا بابه
تحسبه من عد الصحابه
ماتصح فد يوم عدنه …. انبدل الضلمه بگمر
……………………………………

السقيفه وكل اهلها اتروح فدوه لم حسن
حته ام ناگة الحمره وكل عشيره وكل وطن
بيوم من يظهر المهدي راح يبنيه الصحن
ومن ذهب گبه ومناير
وبالبقيع يكون حاضر
هناك ويحاسبها كلها…. يعيد ماضمه الدهر

…………………………………….

شي اكيد المالعنهم من يعد حيدر اخير
وهمه مايسون نعله ولا ضفر صبعه الصغير
كل عگلهم والخواچي جوه رجلين الامير
الزهره تاج اعليهه كلها
والله علوادم جعلها
وكلمن ماذي الزجيه …. راح العننه جهر

……………………………………

الاقل شرفاً
كرار اللامي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

استشهاد مولاتي السيدة فاطمة الزهراء (عليها السلام)

مِن المسجد ركض بس حاله يا حـال
وصــل لبـيـتـه حـيــدر صـايـر هـلال
ومسافة مسجـد ودار
شـيَّــب عــلـي الكــرار
وصــل لبـيـتـه حـيــدر صـايـر هـلال

صـاحـو مـاتــت أم بـيـتـه…ودوَّر عـالهـوه بريـتـه
بي كلشي اختنگ والشيب…أصبح تارس إلحيتـه
ويـتـعـثــر…الما عاثر بخطوه العمـر گضـاه
بس حيدر…امحدب ركض من الخبر إجـاه

ويفـرك بالچـفـوف وبالهـوه ايمـيـل
لحدمـا منهـن الدم اصبـح ايـسـيـل
وگــدمـا بـالگـلــب نـار
شـيَّــب عــلـي الكــرار
وصــل لبـيـتـه حـيــدر صـايـر هـلال
ــــــــــــــــــــــــ١ـــــــــــــــــــــــــ

الچـانت بالشمس تگـعـد…ولحظات لرجوعه إتعـد
هسه شلون أبو الحسنين…ميته ايشوفها من يـرد
وامتونـه…مِن خبر هِدلت هَمه چي چـبيـر
بعـيـونـه…ميتـه إلها مِن يتباوع اشيصـيـر

ومدري ايـبـاوعلـها حيدر شلـون
ميتـه ولسـه هيـه حمـرة عيـون
ومن شوغـة البسـمـار
شـيَّــب عــلـي الكــرار
وصــل لبـيـتـه حـيــدر صـايـر هـلال
ـــــــــــــــــــــــــ٢ـــــــــــــــــــــــــ

جرح شابگ جرح راجع…وصل لكن دمـع ناگـع
ويـم البـاب لـن شـافـوه…المـا واگـع گبل واگـع
ويا بـابي…گـله أريـدك تكـسـر الضـلـوع
بمصابـي…ما أريد أروحلها بفقط دمـوع

هـاي الما مثـلهـا أم الحسـن هـاي
العاشت بالنفس كل عمري ويـاي
ونظرلَّـه الباب محتـار
شـيَّــب عــلـي الكــرار
وصــل لبـيـتـه حـيــدر صـايـر هـلال
ـــــــــــــــــــــــــ٣ـــــــــــــــــــــــــ

علي المـا يضـعـف بـشـده…وصل بس ما گعد گـعده
يم الزهـره أبـو الحسنـيـن…مـثـــل المـــاي واتــبــده
وحاچـاهـا…من حزنه لكن ما طلعله صوت
بـفــرگـاهـا…لومـا علي هِـوَّه وعلـي يمـوت

حگـه بلحظه شيّب لحيه والـراس
الراحت منه هـيه الزهـره يـا نـاس
ومشت مهضومه للصار
شـيَّــب عــلــي الكـــرار
وصــل لبـيـتـه حـيــدر صـايـر هـلال
ـــــــــــــــــــــــــ٤ـــــــــــــــــــــــــ

علـي إولــده مـع الزهــره…الهضمهم خلصت العِشـره
عمـرها اثمنطعش وتروح…بضلـع مكسـور وبسـطـره
وسمعـوهـا…ما ليلـه گـدرت تـهـدأ وتـنـام
وشـافـوهـا…تـتوچـه گـوه بلحظة القيـام

بهضمهـم هـذا شافو امهـم اتـروح
شلون وتشفه بيهم بعد الاجـروح
بذكرى وهجمة أشـرار
شـيَّــب عــلـي الكــرار
وصــل لبـيـتـه حـيــدر صـايـر هـلال
ـــــــــــــــــــــــــ٥ـــــــــــــــــــــــــ

أحمد البصراوي العبادي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
لسانه يحجي . وعينه تبجي ..
بابي من عظم المصيبه ..
ماكطع دمعه ونحيبه ..
لسانه يحجي .. وعينه تبجي
…………………..
سولف الباب على الجره من الخجل تبجي عيونه ..
الما يدري بأصحاب الغدر عالطاهره يدفعونه ..
ما أكل يوسف ذيب أبد لا بيهه دم أسنونه ..
الباب ماعنده ذنب بالفاجعه يتهمونه ..
ناره كبره .. بكلبه حسره ..
عيونه عالمحسن قريبه ..
ماكطع دمعه ونحيبه ..
لسانه يحجي .. وعينه تبجي
………………….
حارس العتره الطاهره محبوسه ليش أنفاسه ..
وملطخ بدم فاطمه من الجدم حد راسه ..
الحرس جان على الخدر مجروح ليش أحساسه ..
اشلون على بستان الورد يندفع يكطع ياسه ..
موّطي هامه .. من الندامه
وحالته حاله رهيبه ..
ماكطع دمعه ونحيبه ..
لسانه يحجي .. وعينه تبجي
……………………….
دوم بوجه كلمن سأل باب الكرم مفتوحه ..
المجروح للباب أعتنه حتمن تطيب جروحه ..
لو ميت كباله عبر باب الوفه ترد روحه ..
جا ليش بأعتابه أصبحت روح النبي مذبوحه ..
بصدره ناره .. ووجهه داره
من الظلم ماخذ نصيبه ..
ماكطع دمعه ونحيبه ..
لسانه يحجي .. وعينه تبجي
………………………
مايدري بسماره نبت بصدر الزجيه البضعه ..
كباله تلوج من الألم والباب يهمل دمعه ..
وجهه بوجه أم الحسن عالطفل تبجي وتنعه ..
العاش هاي النايبه بيا حال صاير وضعه ..
صعبه حاله .. من الجراله
وصارت أطباعه غريبه ..
ماكطع دمعه ونحيبه ..
لسانه يحجي .. وعينه تبجي
……………………
أبصوت صاحت فاطمه لاتندفع يابابي ..
ريض شويه عالأقل حيل أرد أشد حجابي ..
يرضيك ياباب أنعصر وتبجي وتنوح أحبابي ..
أنه الأبد ما أنهضم متروسه دم أثيابي ..
وني سكته .. وتدري أنته
الطفل أيّس طبيبه ..
ماكطع دمعه ونحيبه ..
لسانه يحجي .. وعينه تبجي
………………………
مهضومه كالت فاطمه ياباب أرحم حالي ..
ردتك ألي عون وسند وردتك ستر لأطفالي ..
من عصرتك ضلعي أنكسر وخجلان أنته أكبالي ..
ما أكدر أندب ياعلي مقيود شفت الغالي ..
ردته يحضر .. أدري حيدر
ياخذ بثار الحبيبه ..
ماكطع دمعه ونحيبه ..
لسانه يحجي .. وعينه تبجي
…………………………
حيدر مطر العبادي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

مستهل القصيده على طور مشتاكه وبعيد الدرب روحي الحاج باسم الكربلائي
أمي .. يالساكنه بوسط الكلب ..
أمي .. صدكيني غيرج ما أحب ..
أمي .. فراك الحنينه شكدصعب .. أمي
……………………………………..
أمي باقة ورد يتناثر عطرهه ..
الجنه تحت أقدامهه الله نذرهه..
أمي حتى الصبر ياخذ من صبرهه..
أمي طيبه من رحت فدوه لعمرهه..
عاشت.. مابين لوعات وحزن..
عاشت.. لو أنهضم تبجي وتون..
عاشت.. من أمرض دموعج تصب.. أمي
……………………………….
أتصفح أوراق الزمن وأقره بكتابه ..
الكال أفّ الأمه شيصير بشبابه ..
بوجهه كل خير ويسر مسدوده بابه ..
وكل دعاء الوالده ربنه أستجابه ..
تدعي .. الربيته بأحضاني طفل ..
تدعي .. على جنازتي يشد الحبل ..
تدعي .. يدفني أريده وينتحب .. أمي
…………………………………
هزت الكاروك من عدهه أبتدينه ..
أمي دين الباري وبحبه أهتدينه ..
الخير بوجود الحنينه ترس أدينه ..
أمي شمس الله وتنّور عالمدينه ..
رايد .. كبل أمي أموتن وأندفن ..
رايد .. ولا أعيش آهات وحزن ..
رايد .. كبلج يغطيني الترب .. أمي
……………………………
ربي خالق أمي كتله من المشاعر ..
لو رضت عني أبد ما أبقه حاير ..
لأم سوالف دافيه فدوه النواظر ..
شكبر حظه الترضه عنه أمه باجر ..
باجر .. يحتار وسط المكبره ..
باجر .. االيدفن أمه بالثره ..
باجر .. وياهه يتمنه يطب .. أمي
…………………………………..
تبقه أقدس ما خلق رب الجلاله ..
بحضرة أمي كل ورد ذب أستقاله ..
من على المنبر أريد أبعث رساله ..
فاز دنيه وآخره الأمه على باله ..
أدري .. اليرعاهه نال الغانمه ..
أدري .. ويرضى عليه رب السمه ..
أدري .. وما يدخل الجنه اليسب .. أمي
…………………………………..
أنتي باب الله الوسيعه الطيبه ذاتج ..
كل ركن بالدار شايل ذكرياتج ..
والله ستر الكون كله من عباتج ..
كل حياتي فدوه يايمه الحياتج ..
حقه .. الفاكد أمه ينفجع ..
حقه .. ويسيل نهران الدمع ..
حقه .. يا أصفه من ماي العذب .. أمي
………………………………..
حيدر مطر العبادي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصائد_منبريه

الليالي_الفاطميه

مقدمة مجلس

لليالي الفاطميه
كل دموعي كوثريه
يا زهراء يازهراء
………
من تمر اول روايه انه استعد
بالقصائد اقره وبياطور أرد
الزهره تحظر بالمجالس واعتقد
لو قريت اعليهه اسمع منهه أعد
والأعد منهه الهويه
كل دموعي كوثريه
يا زهراء يازهراء
………
مستحيل انساهه مكسورة ضلع
عينهه امورمه وتهل دم ودمع
من كثر ما تنعصر باصعب وضع
الا لحظه اتضل كَلبه وينشلع
واشكبر هاي الرزيه
كل دموعي كوثريه
يا زهراء يازهراء
……….
هوه مو بسمار نابت بالصدر
هاي نقطه اتوضح اذنوب الكفر
وياصدر هوه وتعرض للعصر
وره الباب الزهره لا يهل الغدر
اخ يا ضلع الزجيه
كل دموعي كوثريه
يا زهراء يازهراء
………..
كل روايات المصيبه اثلاثه لا
للي انطت عينهه ازغير العطا
فدك بيهه الكاف من ال كربلا
والهه حته اهتز عرش رب السما
الهه دمعاتي الجريه
كل دموعي كوثريه
يا زهراء يازهراء
…………
ثالث اسباط الأمم طاح وهوه
من عرف ضلع امه مكسور التوه
ماكسر ظل عمره شو راح الضوه
صفحه وزغيره العمر جن وانطوه
والبجي لهاي القضيه
كل دموعي كوثريه
يا زهراء يازهراء

الشاعر
ياسر العارضي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

أستشهاد #الزهراء ع.

       ياعلي الله يرحم حالك
       ياعلي دافن أم اطفالك

راجع ولازم گلبك * مودع شريگة دربك

**

زينب أنه بداعت أمي سولف وياي

شو اشوفك محني گلك ياعلي جاي

چفوفك على أصفاح ضهرك فاگد الراي

گبر أمي بويه هم رشيتة بالماي

      ياعلي أدفنت عافيتك
    ياعلي الرمل غطى أم بيتك

وجهك يبويه مترب * ليش النحبه تغرب

---

ترجف أيدك ياعلي ومتعوبه احسهة

أشلون ايدك حفرت ودفنت شمسهة

تتدري قنفذ سبهة وبرمحه رفسهة

وأمي فضه تصيح بس ميت نفسهة

  ياعلي على الوجه من طاحت
   ياعلي حـسـين گــلي مـاتـت

جروح أمي حيل اهواية * بكل اصبع مچواية

*

ساعة الهجمو عليهة چنت أصدهة

يندفع بابك علي وامي تسدهة

الثاني بوية شفت ايده على أمي مدهة

جلد وجه امي نشلع من ضرب خدهة

  ياعلي توچت أعلى الحايط
   ياعلي وگلب فاطم شايط

البسمار ضل ياذيهة * ونغمى امي عليهة

*

گبل لتموت الحنية وصوتهة يذوب

أنطتني ثوب وگالت انطي لغله محبوب

باچر حسينچ يزينب عاري مسلوب

وعلى الرمل يبنيتي يبقى وجة مگلوب

    ياعلي تگلي يبقى أوحيده
     ياعلي وينگص أصبع أيده

يموت على ذيچ الرمله * ومحد يگله صمله

---

أمي بفرأش الآجل وبأخر أنفاس

تقربيلي اتگلي گلبي بغربتچ حاس

لزمت أيدي واقبلتة والطمت الرأس

أتگلي أشم بثياب أديچ أنفاس عباس

ياعلي سولفت عن عينه * ياعلي يموت لجل حسينه
ومو بيده أخوچ يعوفچ * والحل يملي چوفچ

---

بوية لأم بيتك اخذني ادفني يمهة

تموت البنية اذا ماهيه امهة

شفت وبأذني اسمعت كسرت عظمهة

ومحسن بچفه الزغير غطه دمهة

   ياعلي أيبچي محسن حالة
     ياعلي وگعت أمه أكبالة

محسن شكثر جروحة * گبل أمي طلعت روحة

الشاعر امير السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
رايحه… .. بعد مو وكتچ ييمه ورايحه

الفاتحه… .ايطيح گلبي وما تطيح الفاتحه

ابدمعتي غرگت عباتي… والبقيه في حياتي… رايحه
★★★★★★★★★★

يايمه اموت ابدونچ… وفدوه رحت لعيونچ… من غمظن

لبنيه من دون امها… .محد يحس ابهمها… امضيعه وطن

اوصل افراشچ ييمه أنـــه ورجع خايفه

هيچي منظر شگ دليلي عمري لا ما شايفه

غمضت عينچ يويلي وبچت كل الطايفه

يالمشيتي ابلا وداعي زينب المن عايفه

خاليه …. الديرة ظلمه ومن حنانچ خاليه

غاليه ….. ارخيصه روحي يمه وانتي الغاليه

ابروحتچ گرب مماتي… . والبقيه في حياتي… .رايحه

                             ★★★★★★★★★

شحت ابريتي انفاسچ… والشيب تارس راسچ… وضاگ الهوه

مات الورد وي روحچ… ازغيرة وچبيرة اجروحچ… ومامش دوه

ظاگـــت ابعيني دمعتي والهوه البنفاسي

يالحنينه و گلبچ ابيض چنه يشبه راسي

أنتي جَنه وبيها تلتم كل هلي وكل ناسي

وتالي نمتي بالترابه وفز جرح بحساسي

العافيه… ابروحتچ يايمه تمشي العافــيه

غافيه..…. وانــه كل ظني يروحي غافيه

ابچي يمچ وبصلاتي…والبقيه في حياتي… رايحه

                     ★★★★★★★★★

تغفه الشمس بحضانچ… والدمع وازه اردانچ… من البچي

لمانه بيت احزانچ… وظهرة انكسر دفانچ… .وظل يتچي

گلت كلشي ايروح فدوه وهايه موش ابالي

مني اتروحين يمه وتبچي اخوتي اگبالي

حسين غالي حيل عندي وحگه فاگد غالي

ويبچي الحسين اوي ابونا والحسن يبرالي

أگبالچ… ….. گابليناچ وگعدنا اگبالچ

اطفالچ …. گومي فدوه ومسحي دمع اطفالچ

شيعت كل امنياتي… .والبقيه في حياتي… .رايحه

                     ★★★★★★★★★

ناس السلف محتاره… .والجار ينشد جارة… شنهي الحصل

مكسوره كل القاده… .چن ميته ام الساده… وحيدر زعل

أحچي وياچ ابدمعتي وتبچي كل الديرة

يمه مو مالت مگابر أنتي حيل ازغيرة

ابدمعتي مدري ابسبحتچ رايده اخذ خيرة

الأم اذا ماتت يعالم بتها تبقه ابحيرة

راسها ….. اتعيش بالذله ويشيب راسها

ناسها ….. يعني دفنت باالگبر كل ناسها

والگبر ماخذ حلاتي… .. والبقيه في حاتي… .رايحه

                     ★★★★★★★★★

افراگ الحنينه اليعمي… ياموت اخذني ويمي… ولفني ابچفن

صار الگبر يحلالي… .چي وسطه نايم غالي… جفن ام حسن

أمي گعبه ابكل مسيه واجب احنه انطوفها

امعزبه أمي اتصب گلبها من يجون اضيوفها

الله حيل اشتاگ لمي وهل خذاها ايشوفها

وخله هاي الجنه كلها تصير جوه اچفوفها

ناسنه…. تلطم الديرة وسلفنه وناسنه

انفاسنه…. من الزغر نشتمها وي انفاسنه

بالمگابر يمه باتي… .والبقيه في حياتي… رايحه

                     ★★★★★★★★★

چانت تجي يوميه… اتغطيني بالحنيه… من البرد

يم راسي تبقه اتساهر… حد مايبين باجر… تروح وترد

من اغيبن جنــت لحظه أمي تلفي اطروشها

اتگلـي امــــــچ بالمدامع غَــرگت كل حوشها

حافيه اركض واجيها وانشَد اويه هروشها

انــه من ابـرد تضمني امي بين ارموشها

خيمه…… أمي ياهالناس چانت خيمه

ايتيمه… .تالي زينب من عگبها ايتيمه

سهمچ الشگگ لهاتي… ..والبقيه في حياتي… رايحه

                     ★★★★★★★★★

ــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

مو سهل فگد الغوالي .. لا تروحين
يادفه حظن الامومه .. انا لحسين
يصير بعدچ يالعزيزه مظلم الكون
گومي حاچيني ييمه وفتحي لعيون
كلميني .. كلميني
@@@
حنينه وعيونچ علينه مثل لنجوم
نهتدي بيها ابليالي اتچلچل هموم
ياللي سكته اليوم اشوفچ گلبي ملچوم
ومن مصابچ صار يُمّه حسين مظلوم
يمه مرسومه القضيه لكربله اليوم
ومثل صدرچ يالعزيزه صدري مهشوم
…
يالتوسدتي المنيه .. گومي يُمه
بعدچ ايامي وحياتي .. كلها ظلمه
ياللي من سطرة اسطروها سوده لجفون
گومي حاچيني ييمه وفتحي لعيون
كلميني .. كلميني
@@@
من هجوم الدار حسچ بس بلونين
وعينچ اتغطيها عنه ساع تبچين
چنت اسئلچ ليش خدچ صار لونين
وتنحني بالآه صعبه من تگومين
ليش سكته اليوم يُمه وماتردين
كلميني يالعزيزه ولا تموتين
…
مو سهل عنه رحيلچ .. يزلزل اجبال
شلون بينه يالعزيزه .. واحنه اطفال
على هالسكته دليلي حيل محزون
گومي حاچيني ييمه وفتحي لعيون
كلميني .. كلميني
@@@
البيت بالدخان بعده لونه اسود
وانتي لو رحتي ظلامه ايصير ازيد
انا والحوره وي شبر نلطم الخد
ونذكر الباب العليچ ابگوه منسد
لذتي بحجابچ وجالچ ذاك منهد
يضربچ وانتي تصيحي يا محمد
…
ابعصره كسرتلچ ضلوعچ .. وسوط والسب
گلب ايتامچ يزهره .. نار تلهب
الله لا يرحم عليچ اللي يهجمون
گومي حاچيني ييمه وفتحي لعيون
كلميني .. كلميني
@@@
تروحي عنه وبعده دمچ صابغ الباب
يعني من امصاب نطلع لين لمصاب
بعدچ بأول شبابچ يام لطياب
مو سهل يحچوا ادفنوها جوه لتراب
يا رضا الله اللي طاحت بين لعراب
هالاوادم للرياسه صاروا اذياب
…
بضعة الهادي اضربوها .. ودمها سايل
بنقلاب اللي افعلتها .. اشگد قبايل
وين هاشم عن فخرهم ما يثورون
گومي حاچيني ييمه وفتحي لعيون
كلميني .. كلميني
@@@
غابت انجوم الثريه ابدمع لجفان
وانكتب هاليوم ابنچ مات عطشان
انتي حيدر جهزالچ غسل واچفان
وانا اچفاني ابذبحتي ذاري تربان
لكسر صدرچ صار صدري تالي نيشان
وبالعوادي لصدري سالم مابگه امچان
…
ياللي وجهچ يوم هجموا .. خده مسطور
انا راسي بين اميه .. انشال منحور
بكسر ضلعچ يالعزيزه ذبحي مضمون
گومي حاچيني ييمه وفتحي لعيون
كلميني .. كلميني
@@@
علي احمد الحمود
٢٢-١٠-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

❇️ قصائد استشهاد #سيدةنساءالعالمين مولاتنا #فاطمة #الزهراء عليها السلام

يبن الحسن بالعبرة ينخاك ضلع الزهرة
اباب النبي شبت نار انهض يغايب للثار
ينخاك ضلع الزهرة
——————-
يبن الحسن أرويلك * اخبار ضلع الزهره * من دمع عيني اليجري
ليك ارد اصور موقف * عن هل مصيبه الكبره * وعبراتي نار بصدري
ارويلك واعرف بيك * انت يغايب ادره * بهاي المصايب تدري
لاچن أوجه عتبي والمغزه باقي بگلبي
راح ابدي من باب الدار انهض يغايب للثار
ينخاك ضلع الزهرة
——————-
چني اشوف الظالم * واتطلع لاوضاعه * وچني اعيش الحاله
وانظر على باب الدار * الظالم جمع اتباعه * حيث الحقد أوحاله
صورته بنار اجهنم * وموقفه بيوم الساعه * وتابوته يتراواله
شاهد مصيره بعينه ولم الحطب بيمينه
وآمر تعينه الاشرار انهض يغايب للثار
ينخاك ضلع الزهرة
——————-
لم الحطب بيمينه * والنار ظلت تسعر * وجّت اباب الرحمه
يعرف تظل هاي النار * ليوم الحشر تتوجر * وعليه تصبح نقمه
يدري ابوجود الزهره * لاچن ابّغضه لحيدر * ما راعه الهم حرمه
اعليهه دفع ذيج الباب ومحسن وگع بالاعتاب
وصوّب ضلعهه البسمار انهض يغايب للثار
ينخاك ضلع الزهرة
——————-
ليك اعرضت كل احداث * هذا المصاب المؤلم * ذكّرتك بآلامه
ادريك ابد ما تنسه * ضلع امك المتهشم * من نابيات ايامه
نعتب لچن من همنه * وليك الدامعه ترسم * هذا الزمن واوهامه
حبل الوهم چتفنه وعنك صبح يحرفنه
ونصرخ جرفنه التيار انهض يغايب للثار
ينخاك ضلع الزهرة
——————-
حبل الوهم چتفنه * عفنه يغايب حبلك * وظل الوهم يهلكنه
صرنه يغايب ننخاك * هذا اليصيح بدخلك * ذاك اليصيح ادركنه
واحنه سكتنه وندري * نظل ساكتين ونهلك * وغيرتنه متحركنه
ونسكّت اليهدينه من كثر خوف البينه
وندّعي لشخصك أنصار انهض يغايب للثار
ينخاك ضلع الزهرة
——————-

عقيل_الكاظمي / #بغداد

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

الله وياك راح تفگدك العين .. الله وياك ..
ما اگلك نردلك خاف ميتين .. الله وياك ..
ــــــــــــــــــــــــــــــــــــــــــــــــــــــــــــــــ

هنياله الينام الليل ويغمضهن اعيونه
ماشاف السهر ويعيش مابين اليحبونه
بالشلونك صفنه هواي محد يعرف شلونه
خاف من السياط تطيح كلمن يفگد متونه

مدري بكيفمن هالمرة ماشين
الله وياك .. راح تفگدك العين …
ــــــــــــــــــــــــــــــــــــــــــــــــــــــــــــــــ

وصلت بالشماته وياي اسكت احجي گالولي
هاي اخت البقه بلا ثوب والمذبوح صاحولي
طلعوا شايلين گماط ماعدهم رحم ذولي
گدام الرباب الشام كل نسوانها تلولي

هوسه الشارع وهوسه الدواوين
الله وياك .. راح تفگدك العين …
ــــــــــــــــــــــــــــــــــــــــــــــــــــــــــــــــ

ماشفنه بخرابة تنام حرمة وحرمة علوية
هسه شويه گلها نموت من تنشدني مسبية
وتگلي الشوية هواي للرجليها مچوية
كلساعة وتردلي تگول شو ماتگضي الشوية

عمه شگد بعد ونصير ميتين
الله وياك .. راح تفگدك العين …
ــــــــــــــــــــــــــــــــــــــــــــــــــــــــــــــــ

حتى اشتم عطركم دوم واتذكرها لمتنه
بخّرت العباية حسين من دخان خيمتنه
مشتعله الخيم بس عود ردت اگعد بگعدتنه
صاحوا لا تطب النار الحگوا بساع عمتنه

ذكرني المكان بگعدت حسين
الله وياك .. راح تفگدك العين …
ــــــــــــــــــــــــــــــــــــــــــــــــــــــــــــــــ

ياهو المثلي من ينوح يطلع گلبه وي نوحه
من يكثر ظلام الليل كلمن يحجي بجروحه
احنه العفنه جم حسين طلعت بالسحگ روحه
كل هذا وبعدنه نخاف خاف الحافر يلوحه

مرة تموت واحنه نموت مرتين
الله وياك .. راح تفگدك العين …
ــــــــــــــــــــــــــــــــــــــــــــــــــــــــــــــــ

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

محرم_فاطمة

مولاتنا الزهراء صلوات الله عليها وجهدها بإخفاء الألم لا يمكن وصفه :
.
.
اخ ضلعي
بيني أو بين روحي ابجي
وصيح امن الالم سكته
آخ ضلعي
يحز بيه الوجع واشهك
خاف احسين سمعته
آخ ضلعي
روحي اويه النفس تطلع
أو حيلي بدمع لملمته

اميل أمن امشي بالكوه
أو ما حطيت كل تجوه
خاف احسين ينظرني
ويشوف أمه تتلوه

وأنه ادري الضلع باجر
يخضّر مذبحه أو عاشر
هيّن ضلعي وي احسين
صدره ايكسّره الحافر
.
.
حيل صعبة
اللي امهشمه اضلوعه
لجن ما يكدر ايسولف
حيل صعبة
يضم الوجع بكتاره
أو جرحه بكل وكت ينزف
حيل صعبه
اشوغ أمن الألم واسكت
خافن حيدره يعرف

اموت أو أحيه كل ليله
وأصد كتر الابو اشكيله
كومك ما رعوا بتك
عصروني وأنه انحيله

فوك المغتسل بعدك
أو هَدّت كوم اللي اتضدك
ظني تنهض اتردهم
الضربوا يالنبي خدك
.
.
حيلي بايد
مو مالت عصر والله
ولا طك برمح بيه
حيلي بايد
ما بيه على امدافع
والهجموا ثلثمية
حيلي بايد
اديه النار حركتها
او بابي الطايح اعليه

بالمرافس جزو حدهم
جا منهو الذي ايردهم
مره انحيله جسد والكوم
غيره أو شرف ما عدهم

ابيا حيل السياط اشكف
أو بسمار الضلع ينزف
ادور بلكي الي فزاع
بلكي انسان قلبه ايرف
.
.
بت نبيهم
النبي ما مندفن بعده
أو عليّه هدت الزمرة
بت نبيهم
كسروا بابي وضلوعي
والعين اصبحت حمرة
بت نبيهم
طحت وتلاحكوني ابطك
وانهض واعثر بسطره

اريدن اندب بحيدر
ووصية النبي اتذكر
اسكت واحمل الآلام
او صَلّ الضلع المكسّر

كسرولي الظهر بالطك
وخلوني بجروح اشهك
مكسورة ظهر والروح
او قلبي امن الألم منشك
.
.
فاضل عباس الخزاعي
https://t.me/fadlkuzay

خدام مولاي اللي يلحن القصيدة يدزلي اللحن ع الخاص . @F_dp

كذلك اللي اموثقلي قصيدة يكون متفضل إذا يدزها اليه

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
مشتاك اتزور يلتخدمهه
زور الزهراء في مأتمهه
بدمعك زور المحنيه
كل مجلس تحظر هيه
في مأتمهه
………….
عيش بمحرم فاطمه والنوح ابد لتكطعه
وتواضع اكبال الخدم اليتواضع الله يرفعه
لومتت باجر ينكتب علكبر صاحب دمعه
الزهره مكسورة ظلع منك تريد الفزعه
رخص دمعك. خلي اتسمعك واخسف ظلعك. يلخادم
اخ العصره. وذيج السطره. ماطابت تنزف فاطم
غمظهه العين واتأملهه
هناك على الباب واكف ظلهه
زور انت بصافي النيه
كل مجلس تحظر هيه
في مأتمهه
………… ٢………
الزهره تهوه البي طبع علخدمه شايل حركه
والعايش بروحه السبي هذه الحسين يعشكه
لودورت شرق وغرب بهلنعمه لاماتلكه
غارك بخير ام الحسن وغيرك اذنوبه اتغركه
ياهنيالك. همه ابالك. عايش تخدم ساداتك
وتناغيهم. وتناديهم صبح وليل بدمعاتك
الخادم بحسين الله ينطقه
اليحظر لطام الله موفقه
اذرف دمعك يوميه
كل مجلس تحظر هيه
………..٣……….
كلمة الخادم موسهل ياهو اليجي يحصلهه
ربك فصال على الخدم هلمنزله مفصلهه
تتمنه أملاك السمه هلمرتبه توصلهه
بلخدمه علك رويحتك من حجي الدنيه افصلهه
بيهه تعله. وخيرك كله. من حسين وعطر الرايه
رغم الكالو. والمانالوا. خليك من الوفايه
الكال وماكال لامنسمعه
بلخدمه انذوب مثل الشمعه
خيمة منبرنا وفيه
كل مجلس تحظر هيه
في مأتمهه
…….٤……….
كل مجلس اتسير ظوه واتسجل اليخدمهه
محنيه تدخل كل عزه جرت النفس تلجمهه
لوتشم بلمجلس عطر كول ادخلت عالمهه
واتذكر الدم والظلع والعن كبر ظالمهه
شد احزامك. واكظي ايامك. بين ادموع الطامه
حظه شكبره. اليخلص عمره. بلمجلس كل ايامه
شسوت وتموت هاي الحيره
حار البسمار يهل الغيره
اباب وحايط مسبيه
كل مجلس تحظر هيه
في مأتمهه
……….. ٥………..
ماصاح اخ المرتضى بس مره وانت تصور
من جفه مر على الضلع بلغسل شافه مكسر
جاعلي لوبلطف حظر وحسين شافه موذر
شيكول لوشاف الصدر للخيل صاير معبر
جا ظل ينعى ويذرف دمعه. فوك اظلوعه المهشومه
يشوف حسينه. بدمعة عينه. بلطف مسلوبه هدومه
أي بلطف شيشوف حيدر يتعب
من فوك النار تركظ زينب
رماد الخيمه على الريه
كل مجلس تحظر هيه
في مأتمهه
………..
بشار السامي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصيدة ( وا ويلاه )
•••••••••••••••••••

وآ ويلاه تدري شبيهه
وآ ويلاه يا حاميـهه

»»»»»»»»»»»»»»»»»»»»

ع الزهره الدمع يچويك من ينزل
وانه بنتك من اخيالي كمت اچفل
يبو الحمله عجيبه شلون ما تحمل
وآ ويلاه شگد ماذيهه

»»»»»»»»»»»»»»»»»»»»

الدخل دارك سمعهه لكلمة اتحمل
من حلگ النبي طلعت ولا يخجل
عرف عهدك بده بصحبانه يتمرجل
وآ ويلاه هم تدريهه

»»»»»»»»»»»»»»»»»»»»

انه يمهه وشفتهم من يعصروهه
شفتهه النار من گامو يشعلوهه
شفتهم بويه واسمعهم يشتموهه
وآ ويلاه اشسوو بيهه

»»»»»»»»»»»»»»»»»»»»

اجه قنفذ سطرهه وانطعن خدهه
بقت تشگف بديهه وحيل ماعدهه
شفت محسن وگع والباب شاهدهه
وآ ويلاه يا واليهه

»»»»»»»»»»»»»»»»»»»»

سمعت اضلوع امي شلون تتكسر
شفت بسمار يتفايض دمه احمر
شفتهه تهـوم تريد اتگوم تتعثـر
وآ ويلاه من يشفيهه

»»»»»»»»»»»»»»»»»»»»
( حيدر العمار الخزعلي)

.

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
استشهاد الزهراء ع

اشرح الأمي اعله گبرك ما اجيت احتج
يا ثگل بابي بعصرته كله جسمي ارتج
وانطفت عيني بسطرته بجفني سوت فج

يارسول الله
+++++++
اسوالف اعيون وحچيها
ينزل اجروح ابچيها
يارسول الله اعله گبرك
هاي آخر جيه اجيها

نار وصيحه يم الباب بدايات الجرح هايه
متحجبه بحجاب البيت بخماري مامغشايه
من الطارق اله ناديت جوابه بسطره ويايه

من ركل بابي لزمته وحاولت مارد
ويه لسعة سوط الاول چفي منه انهد
انه حرمه وهمه كثره ماعرفت شگد

يا رسول الله
+++++++++
مو الم ضلعي وعذابي
آنه كل همي بحجابي
امنين ما اندار احيرن
الحايط اخشن مدري بابي

خجل والخوف والدخان مريت بظرف قاسي
عالحايط اسند ايد بالاخره سترت راسي
مااگدر اصيحن آه احس انگطعت انفاسي

روحي تطلع وانه اردها محسن ابّالي
انه ام تعرف حناني والولد غالي
مختنگ مثلي عرفته حاله من حالي

يارسول الله
+++++++++
لسعه لبچفي سببها
الباب صار احمر خشبها
النار كل ماجاها تعله
ياكل بثوبي لهبها

لا عندي مساحه وكون يگدر عالركض جدمي
انحلت واعيوني عالبسمار بده تسلل بجسمي
فوگه اتنگط ادموعي وبده يتلون ابدمي

من وصل مگفاي احسها انشلت ايديه
وسوطه مافكني بقساوه ينزل اعليه
بوحده من سطراته وگعت مني ترجيه

يارسول الله
++++++++++
من شفت ماعندي چاره
خطرت ابالي العباره
كل صبح تسألني زينب
اشگد بعد محسن صياره

جنيني الاغله من روحي الكل الشوفته متاني
فز من طگت اضلوعي صاح وصوته اذاني
اودعچ وانه ماشفتچ سلميلي عله اخواني

صارت الوگعه سويه انه ووليدي
السوط عن محسن احاول اشگف بايدي
ميت ومد ايده رايد يشبگ بجيدي

يارسول الله
++++++++
غمضتها اعيوني فتره
فتّحت عيني وانظره
علي مچتوف وعليه
نظرته مليانه عبره

خلو عن ابن عمي اصيح بكل حرف ذبحه
لو اكشف لربي الراس ادعي بجفني وبجرحه
آمر عبده ردلي انوب تولاتي بچعب رمحه

والحسن وحسين اجوني منه يحموني
فوگي وگعو من ضربهم اكثر اذوني
و زينب هنا يمه صاحت ضربو امتوني

يا رسول الله
++++++++++
صعبه ليام العشتها
والليالي المانمتها
كل نفس اشتمه يلچم
ضلعي وال آه احبستها

اون بخفيه بفراشي عن حيدر اظم صوتي
جيتك اكشفلك همومي من شفته گرب موتي
افتحلي الگبر بويه وگلي للگبر فوتي

تبقى آثاري اعله گبرك وآني راح امشي
مابقت چم شعره منه امن البچي رمشي
جسمي ناحل مايتعبه اليحمل ابنعشي
يا رسول الله

ثائر الربيعي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيدة لطم( اول غاضريه ) للسيدة فاطمة الزهراء ع….. جديد…..

اباب الزجيه …… اول غاضريه

بسمار وحرك نار…… وا ويلي الرزيه
………………………………………….
ارد اسولف اعله بابج حركة الدار

اه من هاي الظليمه بالجره وصار

ظلعج المكسور ويلي صابه بسمار

تبتدي اول بدايه لكربله النار

هاي اول بدايه …… لكن مو نهايه

باجر تحرك اشرار …. وا ويلي الرزيه

 اول  غاضريه... اول  غاضريه

………………………………………..

طيحة المحسن اثر عالكاع يرسم

هل طفل بعده جنين وسال الدم

راد ايواسي الرضيع الي تخذم

هاي قصتهم تشابه لا متسلم

بسمار الاذيه ….. لو سهم المنيه

قصه ابين الازغار ….. وا ويلي الرزيه

  اول  غاضريه....  او غاضريه

…………………………………………

انتي عينج اسطروها يالزجيه

واسطروها ابكربله الطفله رقيه

ماخذه منج شبه نفس القضيه

هالقصص ماتنتهي ليوم المنيه

سطروها الزجيه….. سطروها رقيه

صوره تبقه تذكار …. وا ويلي الرزيه

اول  غاضريه  .... اول غاضريه

…………………………………………

نفسه تاريخ الجريمه يبقه تذكار

اهنانه باب اهناك خيم تحترك نار

جمرة الاحزان جمره بيها آثار

الغاضريه هواي صعبه تسجل الصار

صعبه الغاضريه ….. لمصاب الزجيه

والله يشييب الصار…. وا ويلي الرزيه

اول غاضريه..... اول غاضريه

………………………………………..

كربله وباب الزجيه اهواي يدعي

يصيح وينك يبو صالح ا يمهدي

تاخذ بثار الغريب ومنها تبدي

عاشت اهلك بأنتظارك حلم وردي

هذا هالحلم طال…. تنتظرك هالعيال

وينك صاحب الثار…. وا ويلي الرزيه

اول  غاضريه....  اول غاضريه

……………………………………….
الخادم…. ابو فدك الشامي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصائد_منبريه

الليالي_الفاطميه

اساسية

يزهراء يزهراء
سلام الله على ظلعج يزهراء
سلام الله على ظلعج يزهراء
……………….
يمظلومه السلام ويه الوحي نازل
الج هابط وحي ومن الرب القائل
على ظلعج تحية المعنى بي واصل
واجت وي السلام اللعنه عالقاتل
يزهراء
الج ينزل وحي الامه يزهراء
يا من انت اعز رحمه يزهراء
سلام الله على ظلعج يزهراء
……………………
يمكسورة ضلع وابصدرج البسمار
حسافه اباب دارج اضرموهه النار
وعليج اسياط عدوانج تعوف آثار
يحل بيج المصاب الماجرى ولاصار
يزهراء
تطيحين ويضربونج يزهراء
تصيحين ويعصرونج يزهراء
سلام الله على ظلعج يزهراء
…………………
الوادم تسمع ومافزعت اعله الصوت
وجنهه اكَبور يمج ما أضنهه ابيوت
ما منهه الطلع ضد هجمت الطاغوت
الصوتج مافزع غير العصر والموت
يزهراء
عماج ابضربته الظالم يزهراء
ولا فزعتلج الوادم يزهراء
سلام الله على ظلعج يزهراء
…………
وكَع محسن ضحيه ابهجمت اهل الشر
سكَط و النار يمه وبلهيب الحر
زغير وبعده ما شم من عبير البر
سبط ثالث لون باقي ويجي ويكبر
يزهراء
بعد بظلوعج اشصاير يزهراء
نحيله وضل علي حاير يزهراء
سلام الله على ظلعج يزهراء
………………..
غزاج الشيب من بعد النبي طه
انظلمتي وبالظلم كل حاقد اتباهه
انت المابجو ناس اعله مبجاهه
بس شيعة محمد تبقه تنعاهه
يزهراء
تضل لجلج تعازينه يزهراء
ذكرج واجب اعلينه يزهراء
سلام الله على ظلعج يزهراء

الشاعر
ياسر العارضي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
الشاعر الحسيني ظاهرالهليجي
نعي للزهراء

هنياله اليعيش و امه يمه
يقبل راسها آوجفها يشمه
تراها الوالده من الله رحمه
لو راحت تجيب الوالده امنين

اليفگد أمه حگه يعيش مجروح
يخلصه الليل كله مناشغ ونوح
بعد شله ابحياته أو شله بلروح
يظل حمله ثجيل وماله امعين

حطها بنص دليك يل بعدها وياك
باريها أبكثر ما بارت ارباك
اذكر طيبها وذاك التعب ذاك
الظحت كل عمره وذيج السنين

الدنيه أبلايه أم شنهي نفعها
مكدره أمنل الهموم أيظل طبعها
شحال السمعة أبكسرت ظلعها
والشافوا دماهه الحسن وحسين

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

عن لسان حال مولاتي الزهراء ع
وهيه تخاطب مولاي إبي الفضل ع

وانته يم الله نخيتك
بضلعي احلفك وبدمعتي
يا ابو فاضل ياحبيبي
خلي عينك على بنتي
ماعدها غيرك ثاني…..عباس عوض امجاني
…………………………………………..
المثلك ما يوصونه لجن من خوفي سامحني
دمع زينب هضمني بليل مو بسمار هاضمني
وما ملجومه من الباب ونها اعليه لاجمني
ماهمني يبني مكسره ضلوعي
بس اعله زينب طاحن ادموعي
وبكلشي جانت هيه موضوعي

عيون ام زينب تره انته
عيش عباس ابدالي
ويبني ما اوصيك بيها
من يضل امجاني خالي
وبفراكي صيرلها اني…..عباس عوض امجاني
…………………………………………..
شهم من طينك امبين واجيت بروحي حلفتك
عزيز انته بغلاة احسين رغم بعيوني ما شفتك
اطيبن واصبح انه بخير من تتكفل بأختك
لاينشغل بالك على وني
داريها لو رايد تطيبني
وحبها بكثر ما حيدر يحبني

شوف ما شبعانه مني
وبكلبها ادري لجمه
زغيره زينب توها تحجي
وتوها متعلمه ييمه
موقفها حيل اذاني…….عباس عوض امجاني
…………………………………………
يلايگ بس عله بنيتي اخو وتحلالها خيمه
عباس امطر شما بيك بالطف رخص الغيمه
وجدم زينب يخو زينب مايعرف شنو الهيمه
زينب حنينه ولا يجرحوها
يبجوني كون ولا يبجوها
عباس كلشي ولا يركضوها

شوج ما شايف جدمها
وتدري بيه شكد احبها
والحرك بابي عليه
خوفي لايحرك كلبها
بس ضمها علبجاني….عباس عوض امجاني
…………………………………………
عليك اعيوني ياعباس عيشها بوسط دمك
من جانت قبل تبجي أسكتها جنت بأسمك
وماكتلها اكو دخان بس كتلها تشتمك
تبتسم بس من تسمع الكافل
بلمهد وتحبك يبو فاضل
تدريك ياعباس تستاهل

بنيتي مخلوقه اعلمودك
وانته مخلوق الأجلها
كلشي بلطف كلها باجر
بس اعوفج لا تكلها
وحاشاك ماتنساني…..عباس عوض امجاني
………………………………………….
ما شفتك لجن عايش عمر عباس بوريدي
انه وامك احبيبات وانته ان شاء الله وليدي
وقبل لا يوكع المحسن سلامه دزه الك بيدي
يمه ابو فاضل كالي شلونه
كليله زينب تبقى بعيونه
عباس منك انه ممنونه

هايه انفاسي الاخيره
واعتذر خافن لجمتك
راح انام مأمنه اني
ادري راح تعيش لأختك
بيك انسى كل احزاني….عباس عوض امجاني

احمد ماجد الكلابي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

محرم_فاطمة

بنتُ طٰه أَحْرَقُوا دَارِيْ صحابَةْ
رَحِمَ اللهُ الذي ٱسْماهُم عُصَابَةْ
.
.

إنّ قلبيْ يحملُ الآهاتَ قسْرا
يا ملاذ الحبِّ خُذْها روحَ زهرا
نَخَرَتْ جسميَّ الآلامُ نخْرا
فَرأَيتُ الموتَ بعدَ العزِّ خيْرا
هَوّنَت داري لأيوبٍ مصابَهْ
رحم الله الذي اسماهم عصابة
.
.
كيف يغفو مَن بهِ المسمار يغفو
زَبَدٌ حزني على محيايَ يطفو
أُحْرِقَتْ لي في لهيبِ الباب كفُّ
ولكسر الظهرِ خلف الباب صَفّوا
زمرةٌ شعواءُ قد سُمّوا صحابة
رحم الله الذي اسماهم عصابة
.
.
إنّ كسرَ الضلعِ في الأحشاءِ يفري
كصتكاكٍ لحديدٍ كان كسري
أَ رسول اللهِ في زهراه يدري؟
صَفَعوا عيني بحقدٍ بعد عصري
كَسَروا للهِ أضلاعاً وبابَهْ
رحم الله الذي اسماهم عصابة
.
.
قد بَكى حُزْنًا لحالي عرشُ ربي
إذ رأى المسمارَ خرّاقًا لقلبي
ورآني وسط داري كان ضربي
هَتَكوا سترَ الالٰهِ شرُّ صحبِ
إنَّني للدينِ روحا وَلبابةْ
رحم الله الذي اسماهم عصابة
.
.
ما كفاهم حرق داري ، ضرب خدي
أسقطوا طفلي وكان الطفل سَعدي
أسودًا من فرطِ ضربي صار عَضْدي
زمرةٌ جازُوا بِغلِّ القلبِ حدّي
ثمّ للهِ قد هَدّوا حجابَهْ
رحم الله الذي اسماهم عصابة
.
.
كيف يقوى مَن عليهِ السوطُ يلوى
وبهِ ناخت مصيباتٌ وَبلوى
وَبِرَفْسٍ ليس بالإحسانِ يروى
لِأَبي إنّي أبثُّ اليومَ شكوى
مَا رَعوا يَا والِدِيْ فيكَ القرابَةْ
رحم الله الذي اسماهم عصابة
.

فاضل عباس الخزاعي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصيدة لاستشهاد الزهراء ع

بين الباب وبين الحايط. طف بلا عباس
بيت الزهره مثل الخيمه.وفزعة نار الناس

بدمعه المهدي يتاني. ياعاشور الثاني

…….

من ادم لحد محمد. تاريخهه بي علامه
ماكو مثل ام ابوهه. فاطمه ليوم القيامه

دين الله المحبس والزهره شذره وهيه محليته
ولو نفرض ما خالقهه الله. چا محد صله ابيته

فاطم چلمة لا للظالم. تتجدد كل عام
فاطم دين الانسانيه. وللكرار حزام

ياقاموس احزاني. ياعاشور الثاني

…….

تبت يداهم اثيمه. وتبت يداه الخليفه
عباس لو بيهه حاضر. يهدم اعليه السقيفه

والمتآمر ضد الزهره. نعرف اصله ومضمونه
ابن الما اكدر احچيهه. المدري شچان يسمونه

ابنادم نعرف عقله براسه. ويصبح صاحب دين
لو شفته ينزلن دمعاته لمصاب ام حسين

ياتسبيح لساني. ياعاشور الثاني

………

دوسة البيت نعرفهه. عند العرب والله زحمه
والزلمه اذا يرفع ايده. عالحرمه نعتبره حرمه

مكرم يالسامع عن اسمه. ونعرف كلنه بموضوعه
منكر يارب كون بكبره. يكسر يوميه ظلوعه

مانهتم لليبغض اعمه. وينكر حرك الدار
بس المحسوب اعله الشيعه. ليش يجامل صار

كعبة كل اشجاني. يا عاشور الثاني

……

المنجل يخلص حياته. ذباح ونعرفه قاتل
تاليهه يعمه نشوفه. والصيت بس للسنابل

رادو صوت الزهره يموت الصاير شو عكس الواقع
صارت ثوره وصارت ثايه مثل اذان البالجامع

وداعة ذيچ السبحة البيدچ. والمحسن والباب
والله بكل مجلس تلكينه. چن تربه بمحراب

متوسط وجداني. ياعاشور الثاني

……..

عاشور ثاني نقيمه. لم زينب بكل روايه
والحلوه بالفاطميه. مابيهه فصل النهايه

من الباب ليوم المهدي جيل لجيل يخدموهه
الله الخالق خدام الهه. وتحبهم ويحبوهه

باجر من يظهر مهدينه. يرد ويا عباس
ومرقد يبني لامه الزهره. وليه تحج الناس

ضد كلمن شيطاني. ياعاشور الثاني.

……..

نسألكم الدعاء
حسين صادق العقابي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
عندك خبر يالمنتظر ضـلع أمـك الزهــره
عندك خبر يالمنتظر وأنته أعرف بكسره

ثار ثار للكسر * ثار ثار ننتظر

——————–——————*

فاطمة يبــــــن الحسن عندك خبرهـــه
وتعرف الجاب الحطب واللي عـصرهه
إلأجه لـــــدار الطهر بـيـده وسـعـرهـــه
ماطفت نــــاره وبـعـد موجود أثرهــــه

أهل السقيفه الحاقده اشكم واحد اطلبــه
أهل السقيفه الحاقده اللي خانوا الصـحبه

وين وين يابدر * ثار ثار ننتظر

———————-——————*

دفعوا البـــــاب بحقد زمـرة عـصـابــه
ودّعوا بعد النبــــي همـــه الصـحـابــه
خلوا المحسن على العتبــه بخضابـــه
وانته يالمهدي اتعرف زين ابـمـصـابـه

طاح الطفل وتألمت فاطم تـــــره بجرحه
طاح الطفل وتألمت موقف صعب شـرحه

طاح طاح بالغدر * ثار ثار ننتظر

—————————————–*

خانوا الهادي بـكـسـر ضـلـع لـبـضـعـتـه
رادوا الزهره الـزچـيـه تـبـچـي سـكـتـه
وللأسف بعـض البشر گـالـوا صـحـبـتـه
نـدري تكشف زيـفـهـم وتـوضـّح انـتـــه

يتنطّرك يبن الحسن ثــــار الطهر بـعـده
يتنطّرك يبن الحسين سيف العدل حِده

عين عين تنسطر * ثار ثار ننتظر

———————–——————-*

شرّعو نهج القتل جـــــوه الـســقـيـفـه
وابتدوا وي فاطمه الحــره العـفـيـفــه
ننتظر شخصك يجي وشـايـل رهـيفـه
وتنكشف اهل الجـهـل والمـو نـظـيـفـه

أتحاكم الجاب الحطب يمهه وشعل ناره
أتحاكم الجاب الحطب محسن يرد ثـاره

بيك بيك ينجبر * ثار ثار ننتظر

——————–——————*

نفس الوجّوه الهاجمت بـيـت الـزجـيـه
داسوا أعله حـسـيـن يـوم الغـاضـريـــه
العصـروا الـزهـره الـطـهـر وبـلا حـمـيـه
حـركـوا الـخـيـمـه وخذوا زينب سبيــه

نفس الوجّوه بكربله ونفس الحقد بيهــه
نفس الوجوه بكربله يالمهدي أجت ليهـه

نار نار تستعر * ثار ثار ننتظر

——————–———————*

✍بقلم خادم الزهراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

(مات الضوه)

مـات الضوه وضلـمـه الـدار
يُـمــــه الـيـتـم نــــار بنــــار

يالزچيه *** يالزچيه

———————————–*
أشـگـد بـچينـه أشگد دعينه يُـمـه وينــچ
الحجره ضلمه الدنيا ضلمه اخلاف عينچ
چنتي بضعه چنتي شمعه أيـشـع جبينــچ
فـجـئـه رحتي فجئه غبتي بهم حنيـنچ

عدنه أشبعد غير النــوح
بهذا العمر وأمـنـه اتروح

—————-—————*
الحسره بينه أنـمـد أديـنـه ردنـه ملگــه
وحشه بـعَـدچ عشنه فگدچ والله خنگه
أنـتـي جنــه بـهـل محنـــــه ويـن نلگــه
قصته مـره العنده ذكـره اتضل تحـرگـه

عشنه بحزن وأصعب حال
بس الدمــــــع ضل همـــال
—————————–*

أشيبقه عـنـده اليبقه وحـده وي دموعـه
شـفـنـه ابـونـه اتهل عـيـونـه بگلبه لوعــه
ويلي منهه العصره چنهه بـنـص ضلوعـه
يـرجـع أنـه ويـلـگـه حـنـه الـحـد رجوعــه

محني الظهر يمنه ايعود
ينزف جرح حزنه ايزود
———————————*

بحضنچ احنه اشگد فرحنه يمه يمـه
خيمه حلوه ردي فدوه الدنيا ضلمـه
بـهـل مسيه بـهـل رزيـه بينه هضمــه
الـفـرگـه هايـه أبلا نهايه قصه عضمه

اليفگد تره ايضل مكسور
رحتي ومشه وياچ النــور
—————-—————-*

الظلمه داره وتچوي ناره وكله عَبره
الباب جرحه من نشرحه أيئذي ذكره
هاذ أمـرّنـه بحيره صرنـه يمه زهــره
ذوله احـنـه وي جرحنه بعيشه مــره

ويه المسه تجري العين
نگضي العمر كله اونين
———————————*

ابلايه خـيـمـه أنضل هضيمه بهل ليالـي
شلون ننسه البيت هـسـه انشوفه خالـي
يـنـسـه صعبه أيذكـره گلبه الينسه غالـي
ايحس غـربتـه الدمعه سكته ايهلهه تالي

بُعدچ ترك بينه احزان
فجئه بعجل موتچ حان
—————–—————–*

✍بقلم خادم الحسين ع
الشاعر رعد الجريخ

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

جينه ننشد دار حيدر وينها
بيها گالو فاطمه امبچينها
+++++++++++
بين جرح العين وملوحة دمع
الآه لــو جرتـها تلچـم بالضلـع
المنعرف بالليل كل ون ينسمع
شلون تخفي الونه عن احسينها
+++++++++++++++
ارد انشدچ ويـن وگعت فاطـمه
الزهره تنزف طيب ما تنزف دمه
ابچفها ما شمـرت دمعها للسمـه
امن الضلع وصوابه شل ايدينها
++++++++++++++
اويه الدفع للباب بيش اتدافعت
ايد فوگ الراس والاخره انثنت
ليش ما عن عينها بچفها حِمت
لو شغلها احجابها عن عينها
++++++++++++++
طافي لو محروگ باب الي اندفع
نابــت البسـمار لـو مگـبل طـلـع
ويـن يا هالـدار محسنها وگـع
وحاجب الدخان بينه وبينها
++++++++++++++
ضل كسرها اتلچمه كل شمة هوى
وعينها المجروحه يلچمها الضـوه
تگضي ذاك الليل وي زينب سوه
وحده عـن وحـده يزيـد اونينها
+++++++++++++++
عندك اسـرار ابدمعها يا نــزل
المن ام حسين مدمعها يهــل
من وجع كسر الضلع لو للطفل
لو ابچلمة جارحه محاچينها
++++++++++++++
الزهره مو بسمار جرحتها ال وإن
ما وگع سگفه شعجب بيت الحزن
للحسن وي امـه من يگعــد يـون
مـن يقبّل عيـنها الطافـينها

ثائر الربيعي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يأم عباس نادينه
دخيل ابچفه وابعينه
@@@
ابدمع فوگ الوجن هامل
نحلفچ بالخدر كافل
دخيلچ يأم بوفاضل
بوفاه وگطع چفينه
…
ابعظمته وذيچ المروه
وفداء ابكربله يسوه
فلا اتردين هالنخوه
عليچ امراد رادينه
@@@

الگلب بهمومه يتفطر
وصعب حاجتنه تتفسر
يروح المرتضى حيدر
على بابچ ترى جينه
…
ندل بابچ على امراده
وفرشنه السفره عالعاده
وحلفنه ابحيدره اولاده
اجينه و ما تردينه
@@@
يمن واسيتي للزهره
وتمنيتي الولد عشره
ابدماها اطيح عالخبره
فداء احسين وابنينه
…
وحگ عباس واچفوفه
فقيره الناس ملهوفه
مريضه ولاهي مسعوفه
وتدور عالامل وينه
@@@
شريكة زينب ابدمعه
علگنه الليله چم شمعه
ونعي اعله حسين بس ننعه
واجرنه امراد تعطينه
…
المريض ابسفرتچ يشفه
واله بس نخوتچ وصفه
وحگ عباس وي چفه
دخيلچ مسحي اعلينه
@@@
الاجاچ ولا ضنه عنده
يحلفچ بالطفل مهده
التروه بالسهم چبده
يطلبچ لا تخلينه
…
يريد اصبي لو ابنيه
اترسي گلبه حنينه
اجالچ ماشي عالنيه
العقيم انتي تداوينه
@@@
علي احمد الحمود
٢٦-١٠-٢٠٢٢
نخوة ام البنين ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يالزهرة نموت على العترة
**
ما ابالغ من احچي بحبي
آنــه بخدمتكم متربي
مو حكَي من انطيكم كَلبي
جاه انتو انطيتوني شكبرة

---

الله شكَد بيكم وصانه
كلسا يذكركم قرآنه
أي مؤمن فاشل أيمانه
الما يؤمن بيكم يالزهرة

---

من يطلع باچر مهديكم
يسحكَ راس العال عليكم
يالزهرة ابيش نوافيكم
چم حسين الضحه بنحرة

---

عدهم خَلفه شكَد تشبَهّم
نكَسه وكلش حاقد دمهم
أكالة چبد الحمزة امهم
رادو تتهدم كل حضرة

---

حبكم علمنه شلون انهد
لو جيش الدنيا علينه يرد
يا فاطم مو شيعي اليشرد
كل واحد ينطيكم عمره

---

باچر منها الحكَ نطلعه
صوت الشيعة الدنيا تسمعه
من يطلع ابنچ بالجمعة
صار سنين شكَد ننتظرة

---

من يزور الطف بجيشه
والباطل يفتي بتفليشه
هيچ وذاك اليوم نعيشه
كسرچ بس المهدي يجبرة

---

حيدرحسين الكَرعاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
( أمنيتي الزيارة ) :

يـَـــا زَهْــرَاء ارزقِــــيني ازيـَــارتـِج
➖➖➖
امنيتي يالزهره الزياره
ويمته اشوفلج مـــناره
كلبي من شوگه تفـــطّر
لشوكـت هذا انـتــظاره

حلمي ازورج يالزچـــيه
نـظره يالزهــره عـلـــيه
هذا حلم اسنيني كـــلها
بصحنج ابجيلي مسـيه

گبــة وضريــح .. امنيتي اشوف .. الج يالزهره وصحن
هاي امنيــــات .. ابهل الـحيــــاة .. يمتـه الــي يتحـققن
شوك وعذاب .. ويبقى السؤال .. يمته ازورج يم حسن

من شوكي الج.. بدموعي انام
واصحى بدمع .. نفـس الهيام
يا فاطــــــمه .. عَليكِ السلام

يـَـــا زَهْــرَاء ارزقِــــيني ازيـَــارتـِج
➖➖➖
بخاطِري تحـز امنـــياتي
ودمعه عايش كل حياتي
شوكي واصل بيّـه حـاله
ابجي وانا بنص صلاتي

والسؤال الـدوم اعيــــده
اليضمن امنيتي الوحيده
قبل لا مـــوت ارد ازورج
مطلبي يالزهـــــره اريده

الوادم تريــد .. راحة وامــــان .. وانا اريــد ازيـارتج
شوك بهيــام .. اشعر وانام .. واصحى رايد حضرتج
وادعي الله كون ..عمري طويل..حتى اشوفن كبتج

انا اليــحن .. واليســـتكين
يا فـاطمـه .. وكهفج امين
حب انفلق .. للعـــالمــــين

يـَـــا زَهْــرَاء ارزقِــــيني ازيـَــارتـِج
➖➖➖
من عيـوني ادموع اصبن
من انسأل يمـته انا ازورن
ومن اشوفن عمري كاضي
وانا مـــــا زايــــر وضجن

هذا يا سر ضملي كـبرج
حتى اضل محروم منج
ســوده يالزهــــره عـليه
خاف اموت وما ازورج

شبيدي عليج .. امنيــتي ازور .. فاطمه بس ما زرت
منج اريــــــد .. مطلب وحــيد .. انا لو باجــــر مـتت
لكبري تجــين .. رايدها هــــاي .. فاطمه منـــج ردت

لشوكت اضل .. محروم ازور
يا فــاطــمـه .. بهذا الشــعور
يمته الفـــرج .. يمته الظهور

يـَـــا زَهْــرَاء ارزقِــــيني ازيـَــارتـِج
➖➖➖➖
الما تصوم اجروحه منه
كل حيـــاته تصـــير ونه
من يحن يالزهره يــــلكه
روحه حيل ابعـــيده عنه

وانا ذاك بشوكه جرحه
الما تطيب اجروح روحه
العايــش بكلــمة ازورج
والبقى بشـــلعان نوحه

نوحي عليج .. ما يگضي دوم ..ضامي واضماني الگلب
ابجي وانوح .. رايد رضــــاج .. حــتى اشـــعر بالقـرب
ضامي اعيش ..حد ما اموت .. ودمعي من عيني يصب

ضامي الكلب .. وانتي ضماي
قــربــج الي .. يعنــي هواي
واجمل أُنس .. بيه مبتغاي

يـَـــا زَهْــرَاء ارزقِــــيني ازيـَــارتـِج
➖➖➖
حيدر عبدالله السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
يمسافرة ابليل… .. لاخر محطات الزمن

باچر تره الخيل… .تسحگ عليْ يم الحسن

يايمه اموتٱ باچر … ..ويسحگ عليه الحافر … .ابطف كربله
★★★★★★★★★★

ييمه وداعت اعيونچ ..اموتا من تعوفيني

اذا تغفه ابگبر عينچ… ..السهم يغفه ابوسط عيني

علي مايرهم افراگچ… .. ييمه ولا تخليني

نمت عمري ابوسط حضنچ… ابحضن شمرا تنوميني

من لحيتي هاي… …. يم زينب ايجرني الشمر

وبعازت الماي……… . اتلوه عالغبرة الضهر

كاسر الزينب خاطر… .ويسحگ عليه الحافر … .ابطف كربله

★★★★★★★★★★

بعدني ابعازت اليمه …… وأفز واسمع تناغيلي

تره اشما يكبر احسينچ… أحن أرجع تلوليلي

واسولفلچ جرح بيه… .. ييمه گعدي وابچيلي

تذكريني ببو فاضل… … لمن يمشي ويهد حيلي

نعشچ لمن راح……… اتراوالي من يمشي الگمر

وچن عالنهر طاح…… .ورديت مكسور الظهر

لمن يطيح الناطر… .. ويسحگ عليه الحافر … .ابطف كربله
★★★★★★★★★★

اجت زينب بچت يمچ… وگف يمها الحسن نادة

يناس ابيا ذنب بلله…… . ماتت جدة السادة
وابونه دمعته ابخده… .. ونزف جرحه ع اضمادة

ترة الزلمه صدگ زحمه… .. اذايبچـــي يَـــــم اولادة

لو چل الغروب. … .. يگعد ابونه اعله الترب

ويعاتب البوب……… ويگلها انـــه الدافن گلب

والغالي بالمگابر…… .. ويسحگ عليه الحافر … .ابطف كربله
★★★★★★★★★★

الگبر مالايگ الطولچ… .. يورده ابنص ترب نامت

يظل عطرچ وسط بيتي… .. واشمچ نسمه لو فاتت

انه امعود يگلولي…… تره امك يم علي باتت

ولا متعود اسمعها…… يگولون أمك الماتت

دم تعمتي اتسيل … لمن وصل ليه الخبر

ظل يبچي جبريل….. سامع ضلع بيچ انكسر

ناصب عزه ومنابر… … ويسحگ عليه الحافر … .ابطف كربله
★★★★★★★ ★★★★

ترة اشما يكبر ابنادم… .. يظل محتاح حضن امه

اليگَضي المغرب ابابه… .. گاعد والهوه ايلچمه

اليگظ بصفاحه ليليه…… اويون اويسهر ابظلمه

اليبين شيبه برموشه… ..اذن معنه امه مو يمه

بحضان التراب… .. صعبه يدفنون الشمس

يمچ چنت شاب…… والشيب اخذني من أمس

طايح لچن اكابر… …. ويسحگ عليه الحافر … .ابطف كربله
★★★★★★★★★★

السفر فترة ويرد كلمن… ..يسافر عن هله اوناسه

لچن بس اني غيابـــه … ..محد رد اله وباسه

تره انه الشَيبوا گلبي… .. هلي وماشيبوا راسه

الدفن أمه بعد ألمن…… يظل يتهنه بنفاسه

يايمه تدرين…… .. چم غالي باالطف ينذبح

وبراس الحسين… باچر ينومون الرمح

وتظل رقيه اتساهر…… .. ويسحگ عليه الحافر … .ابطف كربله
★★★★★★★★★★

ـــــــــــــــــــــــــــــــــــــــــــــــــــــــــــــــــ
ماجد حبيب الخيكاني
ونسألكم الدعاءِ

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــنصبوا عزاء باالسمه… واستقبلوا فاطـمه

اهل السماوات.. اهل السماوات

                       ★★★★★★★★★

أهـــــل السمه عدهم خبر واستقبلوها

أول ظحـــــيه فاطمه راحت لـبـــوها

من تمشي مَحنيه الظهر واستغروبها

ابـــــــدار النبوه مـــادروا من سلبوها

تبچي الملائك دمه…. واستقبلوا فاطمه

اهل السماوات.. اهل السماوات

                       ★★★★★★★★★

مو دمعه جمره من الحطب حرگة رمشها

وجبريل اجه ينعه ابحزن شـــايل نعشها

ذبلانه زهرة 🌼 حـــيدرة ومحــد يرشها

شبعت عطش بيده النذل گطــــع هرشها

متگبعَـه بالمَضلَـمَـه…. واستقبلوا فاطمه

اهل السماوات.. اهل السماوات

                       ★★★★★★★★★

هل ظجت املاك السمه وسمعوا خَبــــرها

واگف مُحمد بالدمـــــــع هــــــم ينتضرها

لو أدري تكسر چَم گلب لوعـــــة كســرها

ماشفات الراحــه وعلـــي لحظه ابعمرها

والجنه متزاحمه…. واستقبلوا فاطمه

اهل السماوات.. اهل السماوات

                       ★★★★★★★★★

أم الحســــن ماتنسي ويفــض حزنهــا

راحت لبوها وتشتكي الدمعه ابجفنها

حيدر علي وســــط الأرض لا ما دفنها

جبريل اخــــــذها والحواري استقبلنها

تبقه الأرض مضلمه…. واستقبلوا فاطمه

اهل السماوات.. اهل السماوات

                       ★★★★★★★★★

ظل الحسن وحسين اخيه ابهل مصيـــبه

واخت الغريب ابيا ذنـــب ظلت غريـــبه

راح الدفوا وي فاطــمـــه والها اشيجيبه

وخل تشتكي هذا الجــــرح لله وحبيــبه

وداها حامي الحمه…. واستقبلوا فاطمه

اهل السماوات.. اهل السماوات

                       ★★★★★★★★★

وگفت ملائـكــــة السمه واهل الكرامه

والمحسن ابچف فاطمه مثل الحمامه

نادوها ها يم الحسن عمـرچ نــــدامه

والحمدلله فاطـــمـــه مو عاالسلامه

من ياجرح سالمه…. واستقبلوا فاطمه

اهل السماوات.. اهل السماوات

                       ★★★★★★★★★

ـــــــــــــــــــــــــــــــــــــــــــــــــــ
ماجد حبيب الخيگاني

ونسألكم الدعاء

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

خدمتج موضوعي

يازهراء .. خدمتج موضوعي
يازهراء .. خلها تجري دموعي
يازهراء .. كون إكسر اضلوعي

---

الخدمه وشرفها .. العرفها .. ما يفاركها ابد
كلبي فهمها .. او رسمها .. هيه روح البالجسد
ليها انتمائي .. او ولائي .. والله يالزهره عهد
عبدج دمعته .. او حسرته .. يريدها منج مدد

يازهراء .. دمعه رايد منج
يازهراء .. كون تشرح ونج
يازهراء .. يلي ذبحوا ابنج

---

حبي المجالس .. ونافس .. الهه عمري مقدمه
هيه نجاتي .. للمماتي .. روحي بيها متيمه
صوتي ودمعتي .. جمرتي .. اخ ضلعج فاطمه
لا ماكو راحه .. المناحه .. بيها حسن الخاتمه

يازهراء .. كون اكضي اسنيني
يازهراء .. لطم بس لحسيني
يازهراء .. وادري متعوفيني
*
نعمه الخدامه .. سلامه .. بيها مشكوف الخطر
صبح ومسيه .. العزيه .. تارسه الخادم فخر
الزهره تجينه .. وبجينه .. ماخلص طول الدهر
مولاتي صحنه .. دمعنه .. ليج يالزهره انذر

يازهراء .. صاح دمع الخادم
يازهراء .. خل تلوم الوادم
يازهراء .. المهدي ابنج قادم
*
مشبوحه عينه .. بسنينه .. خادمج يبجي لكسر
لا ما يعوفه .. او يشوفه .. بليله وبوكت الفجر
يصد اعله بابه .. او عذابه .. ضلعه يشعر ينعصر
جرحه ودمعته .. جمرته .. حسها تاكل بالعمر

يازهراء .. فخر لينه الخدمه
يازهراء .. بيها كل الرحمه
يازهراء .. بينه كثري اللجمه
**
احسين وجروحه .. ننوحه .. فدوه كلنه الخنصره
مهيج جمرنه .. وجرحنه .. ينام وسفه اعله الثره
او زينب غريبه .. المصيبه .. حسين كطعو منحره
اليقره بحسرته .. اومحنته .. روحه حييل مكدره

يازهراء .. القارى لمن يقره
يازهراء .. بكلبه تجوي جمره
يازهراء .. الكلمه تطلع حسره
**
تمت بعون أسد الله الغالب
العبد الذليل علي الكعبي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

واويلاه .. يازهراء
@@@@@@@
هجمه والهجمه على باب السمه
وبيها أقرة تموت امي فاطمه
نشف ريجي والكلب ماليه ضمه

واويلاه .. يازهراء
@@@@@@@
الباب شفت ويلي من حيل ندفع
شفت دخان وشفت محسن وكع
ازغير الاجن بالدمه ويلاه نكع

واويلاه .. يازهراء
@@@@@@@
امي مكسورة ضلع ودم جره
والمصايب يمي هل لزمت سره
الزهره بله اشلون تسكن مكبره

واويلاه .. يازهراء
@@@@@@@
لحضه ماريد العمر ما عندي أم
انجرح اوتلوع اني او انهظم
عمري يكضي حزن ونات ولطم

واويلاه .. يازهراء
@@@@@@@
زينب انه الشفته كاسرلي الظهر
الناس تدري وارد اكرر هالخبر
الدفع باب الله وصطر امي عمر

واويلاه .. يازهراء
@@@@@@@
امي ماتت واني ضاعت راحتي
ابكد حنان البيهة صبت دمعتي
اعليها تترس دنيا صارت حسرتي

واويلاه .. يازهراء
@@@@@@@
يبقة كل شيعي بأمل مهدي الزمن
من يجي وياخذ بثأر ام الحسن
أيده هيه التطفي نيران الفتن

واويلاه .. يازهراء
@@@@@@@
تمت بعون أسد الله الغالب
العبد الذليل علي الكعبي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

أسف واعتذر منك
اني الماعشت حزنك
طايح منكسر ظهرك
رايح بالغرب ضعنك

ماعشت الاحزان
ما بية نيران
همي ولا بيك
بذنوبي غركان

تقصيري واضح .. للدنيه رايح
مابجيت علل خيم .. ولا دمي فايح

هاي المصيبه .. اختك غريبه
اعليهة كلبي منثلم .. اكبر عجيبه

يحسيني أسف
……………….
مذنب وانته ابو الرحمه
و منك اطلب الخدمه
دمعه وحركه تنطيني
وذني بخدمتك نعمه

ما بية الحبال
لا دمعي همال
ماساحك النار
لا عايش الحال

جرح السبية .. ماشفته بية
سوط ماطكني بغرب .. ونهد عليه

بس مدلي جفك .. ورزقني عطفك
مني اخذ هذا الكلب .. خليني اعرفك

يحسيني أسف
……………….
لخنصر جفي ماكاطع
او بية حيره ما زارع
رايح ملتهي روحي
وانته بالدمه ناكع

كلك جراحات
يحسيني وآهات
فوك الرمل ليش
يا سيدي تبات

ماهمني حافر .. منه يكابر
داسية حيل اوقسه .. وبكلبه عابر

ساعة دمعتي .. ودنية ضحكتي
كلبي لمصابك نسه .. آ ياحسرتي

يحسيني أسف
……………….
فكري ويلي مو يمك
وانته حركو اخيمك
ضايع بالذنب كلبي
وجاري أخ يا دمك

حاير بالذنوب
ماهمني متعوب
حالك يمولاي
يا أغلى محبوب

ليلي ونهاري .. عشته بوقاري
وانته مسلوب الهدم .. عالغبره عاري

مابية جرحك .. لا بية رمحك
والله من هاي انهظم .. ماباجي ذبحك

يحسيني أسف
……………….
اسمي خادم اترابك
روحي معلكه ابابك
منك رايد الجمرة
تجوي كلبي لمصابك

حزنك يمولاي
خل يمشي وياي
في كل الدروب
ويصير الي ادواي

تكشف غربتك .. ذيج وكفتك
حيرة حرت بكربله .. وتهل دمعتك

ماكو الينصرك .. وحنيته ظهرك
صوت من العايله .. من يحمي نحرك

يحسيني أسف
……………….
تمت بعون أسد الله الغالب
العبد الذليل علي الكعبي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
الليالي الفاطمية

ميمر كربلائي

بضعةٌ مني الزهراء يؤذيني من آذاها
“””””””
ما ينطق الا عن وحي سيد الكون
كل كلمة تطلع منه حُجة وقانون
يعني اللي ما يمشي بكلامه ملعون
من لم يُطِعهُ ملعون بل انهُ اشقاها
“””””””
(يؤذيني من آذاها) معناها اچبير
لاهل الغدر چانت رسالة تحذير
معناها ضد الزهرة اياك اتصير
من كان ضد الزهراء لا يُحمدُ عقباها
“””””””
اعظم نبي بس ناس خلفت رايه
چذب بچذب هالصحبة مو وفايه
مرايه الوجه بس بالگفه سلايه
عجبي على تلكَ الناس ما تستحي من طه
“”””””””
بعض البشر هذا الحچي ايعرفونه
ايعرفونه زين ولكن ايحرفونه
يدرون طه الزهرة نور اعيونه
تلكَ البتولُ الحوراء طوبى لمن ارضاها
“””””””””
طه اختصر كل الكلام بـهايه
كلمن يمس الزهرة لو بحچايه
يغضب ابوهه وياذي گلبه اهوايه
من آذى قلبَ المختار ناراً غداً يصلاها
“”””””””
لا چنه طه الوادم اموصيهه
من فاطمة كسروا ضلع تاليهه
فوگ الضلع حرگوا الدار اعليهه
والطهر ذاك المسمار بالصدرِ قد ادماها
“””””””
مات النبي ولفاطمة آذوهه
حته اعله ابوهه امن البچي منعوهه
والباب حيل اعله الضلع دفعوهه
خير النسا خلف الباب ويلٌ لمن ابكاها
“”””””””
بضعه امن ابوهه وهو منها بضعه
والظالم ابهذا الحچي شـيقنعه
لا خوف الله لا وصية اتمنعه
في بابها شبَ النار بالامسِ لم يرعاها

انيس الخفاجي الكربلائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

الليالي الفاطمية

يمته يالمهدي سويه
نعتني لگبر الزچيه
ردنه نمشي للزيارة الفاطميه
“”””””””
اني يالمهدي بلسان الشيعة أسأل
وين مدفونة الزچية انريد نندل
للزيارة الفاطمية يمته نوصل
مو زيارة .. بنُص زيارة والله نقبل
نبوس جدمك ويه ايدك
بس تدلينه نريدك
يابو صالح امنية گبل المنيه
ردنه نمشي للزيارة الفاطميه
“”””””””
نحلفك بنحر الذبيح الما شرب ماي
وين گبر الزهرة منك ردنه بس هاي
اتحضّروا يمته تگول النه يمولاي
وامشوا يا شيعة علي للزهرة وياي
يمته لامك نوصللهه
والله مشتاقين إلهه
رافعين ايدينه كل صبح ومسيه
ردنه نمشي للزيارة الفاطميه
“””””””””
الف واربعميت عام الشيعة تصبُر
يعني اربوطعش جيل واحنه ننطُر
يمته للزهرة منارة وگُبة ننظُر
خوفي يالمهدي قطار العمر يعبُر
هم يجي اليوم وتجينه
رِد يـوالدنه علينه
يوم واحد بالعمر لو ظل بقيه
ردنه نمشي للزيارة الفاطميه
“”””””””
عالگبر اوگف يمهدي حلم احلم
أحلم ابأيدي ضريح الزهرة ألزم
واحضن الشباچ حيل وعطره اشتم
والطُم اعله الضلع لاُم ضلع التهشم
يمهه وين الله وتلمنه
هوايه من عدهه نحرمنه
حلم والله نبوس شباچ الرضيه
ردنه نمشي للزيارة الفاطميه
“”””””””
نعمة نرضه بيهه يا مهدي شكبرهه
لو تِمشِينه ولو خطوة ابأثرهه
وحدك بهالدنيه بس التدري سرهه
بداعت الزهراء دلينه ابگبرهه
والگبر يمته تكشفه
يا مكان انت تعرفه
مالنه غيرك يبو الطلعة البهيه
ردنه نمشي للزيارة الفاطميه
“””””””
الزهرة لو ننوي نزور انظل حياره
شلون ننوي وهيه ما عدهه مناره
نفسي ازور الزهرة واسمع هالعباره
الله يتقبل يزاير هالزياره
واگعد وادعي بصحنهه
الله لا يبعدني عنهه
بيك نتوسل ودمعتنه جريه
ردنه نمشي للزيارة الفاطميه
“”””””””
نسألك يالــبيك سر الباري يكمِن
شلون شكل الحضرة من تبنيهه نصفِن
الحضرة گد اربوطعش معصوم يمكِن
ومو بعيدة بالصحن يالمهدي تسكِن
الحضرة تبنيهه بدمعتك
عجل الله ابطلعتك
هلله هلله بشيعتك يابو الحميه
ردنه نمشي للزيارة الفاطميه

انيس الخفاجي الكربلائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
الليالي الفاطمية

علي من الدفن جاي
وجهه متغير اهواي
چنهه مو مشيته هاي
“”””””
علي بعد الدفنة كلشي بيه تغير
علي مو ذاكه علي من يمشي يعثر
چان بيده الكون مثل السبحة يفتر
وهسه يتّچه اعله ولده صار حيدر
علي چفه اللوه الريح
يمشي شو خطوة ويطيح
چانت الزهرة تسبيح
“””””””
علي حيل بحرگة يبچي حقه معذور
يخفي گبر الزهرة لازم بين الاگبور
من حفر گبر الحبيبة اعليه بقه ايدور
شلون يدفن فاطمة ام ضلع مكسور
حار بالدفنة ابو حسين
والجسد يلمسه منين
هشّموا منهه ضلعين
“””””””
هذا مو حيدر ابو الچف القلع باب
شما يشيل اتراب چفه ايطيح الاتراب
هل تراب اعله الحبيبة والگلب ذاب
شال حفنة وظل يشم بتراب الاحباب
عالگبر صفنته اتطول
ويحچي وي چفه ويگول
بيدي دافنهه معقول
“””””””
من دفنهه گال صبراً عالفجيعه
راد يمشي عنهه گلبه ما يطيعه
رد او ذب روحه على گبر الوديعه
وگال ضعت بدونچ انه شلون ضيعه
بالفكر والله ما چان
اصبح لگلبي دفان
وادفن لاغله انسان
“”””””””
يگلهه راح امشي واعوفچ يا مُنيتي
وچم ضلع يا فاطمة بصدري حنيتي
بعد ياهو ايگلي لو رحتي ومشيتي
يا علي گوه الله حيلك يابو بيتي
امنية صعبة متصير
بالعكس يا زمن سير
وفاطمة ترجع بخير
“””””””””
نُفض ايده علي من يم الگبر گام
تفارگه الزهرة فلا چانت بالاحلام
الليله راح اينام ويه اطفاله لايتام
وفاطمة وحدهه وسط المگبرة اتنام
يا علي هالعمر ضاع
شو مشت فاطمة بساع
دافن الجنة بالگاع
“”””””””””
علي من گام وگبرهه بابه سده
مشه وخطوة تاخذه وخطوة ترده
وگف وسط الدرب ظل يلتفت وحده
يشوف صوب المگبرة ودمعه اعله خده
بشهگته وحرگته صاح
المگبرة تاخذ ارواح
اخذي روحي خل ارتاح

انيس الخفاجي الكربلائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

هوسات في ذكرى شهادة الزهراء عليها السلام

عهدنه يـــــــــــــــــا لزچيه للممات وياچ
شما حل وجـــــــــــــره علينه فلا ننساچ
وتبقه خالـــــــــــده ابطول العمر ذكراچ
خدّامچ وانتِ أتعرفينه

مو كـــــــــــل عام أحنه نأسس المجلس
على طول الزمـــــــــن بگلوبنه مأسس
شقدمنه ونقــــــــــــــدّم شي قليل انحس
يالزهره ومنّچ نتعذّر

ليــــــالــــــيّـــــچ يــــــأم الحسن نحييها
والدمعــــــــــــــه المصابچ دوم نجريها
نواسي حيــــــــــــــدره وزينب انعزيها
بمصابچ مفجوعه الحرّه

كون أحياء أحنه المهدي مـــــــــن يرجع
مــــــــــــــن غيابه وغربته البيهن أتلوّع
حتى انشـــــــد حزمنه الحضرته ونفزع
يالزهره من يطلب ثارچ

يالزهره دعاء انريـــــــــــد مـــن عندچ
لأن انــــــــتِ وجيهه والله ميـــــــــردچ
يعجّل طلعتـــــه للباقي مـــــــــــن ولدچ
ويجعلنه بربعه وخدّامه

بجاهــــــــچ نسألـــــــــه البارينه نتوسّل
ومـــــــــــــن هـــــذا عزائچ گلنه نتأمّل
بأسمچ هالعزه مــــــــــــــن عدنه يتقبّل
ويكتبنه بدفتر خدّامچ

الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

الجار عالــدار وتعـــدّه لا شرف لا غيره عنده
وصل يــم بابـه ودفعها وكسر من أمي ضلعها
الجار عالــــدار وتعدّه
*
من بعد ما رحل جدّي وغاب عن هاذي دنيته
تعنّت ليم داره زمــــره تريد تنهي كـل عترته
اقتحمت الــــدار وتعدّت وروّعت للزهره بنته
اعرفها قط مـا آمنت لبليس وجنوده ركعت
وبدين جدّي تسترت وتدّعي جانت صحبته
زمره لا دين وديانه غدرت وخانت الأمانه
قاد زنديــق الجمعها وكسر من أمي ضلعها
الجار عالــــدار وتعدّه
**
القادهم ما بي طهاره مـــن أساسه ومن نطفته
بالرذيله أنعــرف شخصه وباع للشيطان ذمته
فاسق وحاقــــــــد منافق وبالسقيفة خط فكرته
بلايه أصل وبــــلا نسب بيده من أجه شايل حطب
ومن وصل للدار وكرب حاطـها هــــوّ وزمــــرته
جمهـــــر الناس عله بابه ونكــــــر للهــادي وكتابه
بفكرته الربعـــــه خدعها وكسر من أمي ضلعها
الجار عالــــدار وتعدّه
*
يعلم شما كال جــــــــــدّي وسمــــع جلماته ونداها
كــــــــال بنتي بضعه مني وعالملأ هــــذه رواها
ويغضب الباري لغضبها ويرضه بارينه لرضاها
لكن اللي جــــاها وحضر ما امـــن بسيد البشر
وعنده وصف عنّه هجر وهـــوّ سن لكل اذاها
بكل كـــلام النبي يعــلم لكـــن أتعـــدّه وتهجّم
ويله مـــن غيّر وضعها وكسر مــن أمي ضلعها
الجار عالدار وتعدّه

---

كصدت الباب الــــدار أمـــــــــي وأني أتبعها بأثرها
ومن علم خلف الباب صارت دفعها للباب وعصرها
انكسر ضلع أمـــــــي الحنينة ونبت بسمار بصدرها
دم أمي عالغبره جره ومحسن وكع فوك الثرى
كل هـــذا أنـي أنظره ويسعـر بــروحي جمرها
نــــادت الفضة تعالي سندينـي وشــــوفي حالي
بعيني شفته اللي صفعها وكسر من أمي ضلعها
الجار عالــــدار وتعدّه
*
بحمائل سيف أبويه جتّف أيـــده وكلبي مدمي
وطلعت أمي رغـــم اذاها تنادي خلّو ابن عمي
والله اكشف راسي ودعي وأشكي للرحمن همّي
تعلمون أنــــي فاطمة ومن أندبه الرب السمه
ما تبقه ديـــره سالمه وبجهنّـم سَكَـنْ خصمي
أرسل إلها الوالي جلمه انتي للأكــوان رحمه
سكنت وهدأت روعها وكسر من أمي ضلعها
الجار عالــــدار وتعدّه

---

ضلّت أمي مـــــن دفعته تعاني من كثرت المها
ورد عليها يريد ترضه نفسه ذاك اللي هضمها
وجـــاب ويـــــاه الأوّل لشـــرّع وسـن الظلمها
رفضت وفدهم من وصل أوَّسْطَوْ علي خير العمل
دخلولها وخـــاب الأمل زمــــرة الباعــت ذممها
ذكرتهم كــــول أبوها شكال بالبضعه وسبوها
وخالِفَوْ سُنْتَه وشرعها وكسر من أمي ضلعها
الجار عالــــدار وتعدّه
*
توَسْدَت امي فــراش أجلها ودمعي عالخد يتجاره
ومن بعد مـــــــــــا ودعتنه وصِّته الحمّاي جاره
وسلمت لله أمـــــــــــــرها ورحلت ليمه وجواره
ما طاب بسمار الصدر ولا شفه ضلع لمنكسر
وأحمر الخــد المنسطر والكلب ما طفت ناره
ضلّــــت بهم وأذيّـــــه لحـــــد موافتها المنيه
وما سكن ونها ودمعها وكسر من أمي ضلعها
الجار عالــــدار وتعدّه
*
وين غايبنه أنشــده شعجب مـــــــــا ينهي غيابه
يكوم يطلب ثـــــــــــار أمي والكبر يكشف ترابه
يعلي صرحه ويبني كبته ومن ذهب لوضع بابه
ومن يوصل لطف كربله يعـــدل الكفــه المايله
والجور عــــرشه يزلزله والظلم تنتهـي أسبابه
بكل مسه أنـــي أنـدعيله تنتهي الغيبــه الطويله
ويصلب الطفّــه شمعها وكسر من أمي ضلعها
الجار عالــــدار وتعدّه

النعي

الزهره ضمتها الصدرها وهدأت من روع زينب
وكـالــتــلـها هـــذا هــيّـن ويـــوم ليمر بيج أصعب
وحيــــــده تبقين وغريبه وحالتج يـا زينب أعجب
تشوفين أخوتــــج عالثره مـتـسـلــبـه ومـــتـــوذره
ونــــــــار الخيم متوجره بنفس نــار الجاني تلهب
بيد أتباعه يزينب

الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصيدة في مصاب الزهراء عليها السلام ،،،،
ـــــــــــــــــــــــــــــــــــــــــــــــــــــــــــــــ

ٱوصِيتك مِن غِبِت طه ٱنكروهه
بنيتك ما رعوهه

، ــــــــــــــــــــــــــــــــــــــــــــــــــ

وينك يارسول الله يهادي
يا خير البرية

يوصل أمتك بيها التمادي
من بعد المنية

أصرخ يا رسول الله وأنادي
وبونّة شجية

من عفتني يا ذخري وعمادي
جنازتك رميّة

بس علي وچم واحد احملوهه
إبنيتك ما رعوهه .

ـــــــــــــــــــــــــــــــــــــــــــــــــــــــ

بس غُمضَت عيونك فزعوا الگوم
عقدوهه السقيفة

والعيون ٱعلينه تجدح ٱسموم
طلعت مو نظيفة

والبيعة علحيدر رادوا الزوم
من شافوا عزوفه

ما طلب سلطة وَصيّك مظلوم
يملك بس قطيفة

والخلافة من عنده ٱغصبوهه
إبنيتك ما رعوهه .

ـــــــــــــــــــــــــــــــــــــــــــــــــــــــ

غصبوا من عندي فدك يأحمد
وبالإسم صحابة

وتوّه جسمك باللّحد تمدد
وبعده أخضر ترابه

بچفه يسطرني سطر على الخد
وانه أصرخ ييابه

وزيد وزمرته بحيدر يهدد
إلا ٱحرگهه بابه

وباب المرتضى بنار ٱحرگوهه
إبنيتك ما رعوهه

ــــــــــــــــــــــــــــــــــــــــــــــــــــــ

دفعوا بابي وانه أم الحسين
وكسروا مني ضلعي

ومن شدة عَصُرتي طاح الجنين
يرهب بويه وضعي

وظلت ياوسف دم تهمل العين
وبحسراتي أنعي

عترة وبينه ربنا كمّل الدين
وبوجناتي دمعي

فاطمة من بعدك عذبوهه
إبنيتك ما رعوهه

ـــــــــــــــــــــــــــــــــــــــــــــــــــــــ

يا مصايب أشرح يا مآسي
منعوا حتى حزني

مِن ظلم الزمن وَحدي وأقاسي
ويسليني ونّي

شَيبي باغَت بالمصيبة راسي
وموتي لَيّه يِدني

وحَيدر مَوقفه ٱيهدّ الرواسي
عيونه ايودعنّي

واللي بيهه ٱتوصّي رَوّعوهه
إبنَيتك ما رعوهه .

ـــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي .

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
الليالي الفاطميه ه‍_م

يالزهره مصابچ ماذينه
يالزهره مصابچ ماذينه
★★★★★★★★★★★؛

لمّن نسمع ناعي وينعه
عالحايط عصروها البضعه
ما تثبت بالعين الدمعه
وتظل الحسره تماشينه
★★★★★★★★★★★؛

الشبعو من نعمة ماعونچ
بيا حق يالزهره يكتلونچ
چنهم ثارات يطلبونچ
ما جنچ رحمة بارينه
★★★★★★★★★★★؛

غدروچ الناس الغدّاره
ما ترهم ويّاهم چاره
واحدهم ما طالع غاره
ويمچ طلعّهن جفينه
★★★★★★★★★★★؛

هذا الياذينه احنه نگوله
اصحاب يسموهم ذوله
اليمدحهم ذمته المشكوله
والحبهم ما يعرف دينه
★★★★★★★★★★★؛

حيدر بعدچ حاله تغيّر
من بعدچ صاير مو حيدر
مو ضلعچ چن ضلعه تكسّر
بمصابچ ما نشفت عينه
★★★★★★★★★★★؛

لو ما چان الچف مچتف
من دمهم سيفه ولا ينشف
بس أوصيه اللزمتله الچف
وصارو بحبال مگيدينه
★★★★★★★★★★★؛

يبقى الهم عايش ويّانه
حد يوم اليظهر مولانه
ونسمع هالكلمه من السانه
يا شيعه الثار يتانينه
★★★★★★★★★★★؛

جعفر عطيه البزون

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصيده بمناسبة استشهاد فاطمة الزهراء عليها السلام

من زغر ذبحتني يمه فركتچ
حتى ما شبعانه عيني بشوفتچ
يا هَضُمها الروح بعدچ يا هَضُمها
★★★★★★★★★★★★★★؛

رحتى يم گلب الحنين وعفتي جمره
ماشيه والبيت بعدچ مات عطره
ذبلّيتي اعروگي وانه عمري بذره
زينبچ دنياها بعدچ دنيا مره

سنيني خمسه وگلبي بالهم امتله
وصار جرح الباب أول جرح إله
وجّهت دنياي إليه أول سهمها
يا هَضُمها الروح بعدچ يا هَضُمها
★★★★★★★★★★★★★★؛

يالعفيفه ومن عفافچ ضلعچ انصاب
انطيتي عمرچ فدوه لجل يعيش الحجاب
والذبحني ب(وإن) من صرّح الخطّاب
ما خِجل من فعله لمّن يدفع الباب

ماكو ذمه وماكو أي واحد يحس
عايش بداخلهم الفعل النَجِس
موّتو بنت النبي هاي شعظمها
يا هَضُمها الروح بعدچ يا هَضُمها
★★★★★★★★★★★★★★؛

يا عذب طعمچ بعيني من اشوفچ
من الصبح لليل بلساني حروفچ
انتاجها بطعم العسل بوسة جفوفچ
انا لو بيدي اظل كل لحظه اطوفچ

رحتي ياللي بيچ روحي تبتسم
هسه كلشي صار بيه منهشم
والمعانات ابتده يكتب قلمها
يا هَضُمها الروح بعدچ يا هَضُمها
★★★★★★★★★★★★★★؛

واللّه ما ينشبع من الگعده يمچ
شلون اخلّص عمري ما اگدر اشمچ
روحي چانت تطمأن بس اذكر اسمچ
وتضميني الصدرچ او آنه اضمچ

راح حضنچ وين احصلنه بعد
محد يعوض حنانچ للأبد
راح اظل محتفظه بهدومچ اشمها
يا هَضُمها الروح بعدچ يا هَضُمها
★★★★★★★★★★★★★★؛

اليصبّح بيچ من الدنيا شيريد
قراية القرآن بلسانچ تغاريد
شيقنع الروح انتي رحتي عنها لبعيد
بزغري ودموعي اتركت بيه تجاعيد

كلشي جان بخير وانتي بمنزلچ
هسه بالحسره تركنه مقتلچ
وذكرياتچ تركت بروحي ألمها
يا هَضُمها الروح بعدچ يا هَضُمها
★★★★★★★★★★★★★★؛

أتعجب من إنسان إذا ميوقر امه
واللّه لو بيدي گلبها بگلبي اضمه
العايشه امه وياه خل يشكر النعمه
رحمة اللّه البيها تتنزل الرحمه

كل طريق الخير من عدها انرسم
وبدعاء الام ترى اتدوم النعم
واللّه أتشرف ينادوني بأسمها
يا هَضُمها الروح بعدچ يا هَضُمها
★★★★★★★★★★★★★★؛

جعفر عطيه البزوني

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصيدة في مصاب الزهراء عليها السلام ،،،،،،
ـــــــــــــــــــــــــــــــــــــــــــــــــــــــــ

مِن عگبك يطه حرگوا الباب
الحگني يبويه ضلعي منصاب

ولا چني الزچية نكروها الوصية

وحرگوا الباب

ـــــــــــــــــــــــــــــــــــــــــــــــــــــــ

عگب ما غمضت عينك يمختار
عقدوها السقيفة

صار المخفي مرئي وبانت أسرار
سودة ومو نظيفة

ما راعوا حرمتك هتكوا استار
وبأمر الخليفة

عصروني عصر وبصدري بسمار
ما يوگف نزيفة

من عدهه يبويه طاح الجنين
ضربوني ويعاين ظل أبو حسين

هاي أول رزية نكروها الوصية

وحرگوا الباب

ـــــــــــــــــــــــــــــــــــــــــــــــــــ

خَذَوا حيدر غصب للبيعة مُرغم
يبويه ومن تبعته

سطرني الظالم وشوفي تعتم
من شدة سطرته

عجب كل العجب من أمة تظلم
أهل طه وعترته

لو بيهم صحيح إنسان مسلم
واحد چا عرفته

ها عوفوا علي هذا أشرف الناس
محّد عنده بيكم ذرة إحساس

لو أرفع إدية نكروها الوصية

وحرگوا الباب

ـــــــــــــــــــــــــــــــــــــــــــــــــــــــــــــ

يريتك حاضر اتعاين يطه
يوم الداهمونه

نسوا هالدار جبريل الاجاهة
ولا چن أنت ابونه

ناس الأعلنت وبخُم وِلاهَه
كلهم ما وفونه

بچفه الحاقد اعلية تراهه
بحقد تجدح عيونه

گالوله الوديعة تسكن الدار
صاح ولا يبالي شبوا النار

ابيت الهاشمية نكروها الوصية

وحرگوا الباب

ــــــــــــــــــــــــــــــــــــــــــــــــــــــ

عگب ذيچ الليالي وذيچ الأيام
يبويه والمحنة

من كثرة ونيني عيوني متنام
من يوم العفتنه

دليلي ينوح وي شهگات الايتام
حبيب وفارگتنه

هالدنية رمتنه بحزمة اسهام
كلهن صوّبنه

شحچيلك شسولف حگي مغصوب
هالأمة يبويه اعليهه مغضوب

راووني الأذية نكروها الوصية

وحرگوا الباب

ــــــــــــــــــــــــــــــــــــــــــــــــــــــــ

تعودت آنه اشوفك كل الأحيان
أجيلك لو تجيني

أظلّن وحّدي عللبال ما چان
اسولف وي حنيني

انتظرتك ما إجيت لبيت الأحزان
تِخفّف من ونيني

عَلَيه ضاگت الدنية والاكوان
وَنَه بزهرة سنيني

گطعوها أراكة حزني وبچاي
يا بويه وخيالك عايش اوياي

من ذيچ المسية نكروها الوصية

وحرگوا الباب

ـــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

الليالي الفاطميه ه‍_م

يالزهره مصابچ ماذينه
يالزهره مصابچ ماذينه
★★★★★★★★★★★؛

لمّن نسمع ناعي وينعه
عالحايط عصروها البضعه
ما تثبت بالعين الدمعه
وتظل الحسره تماشينه
★★★★★★★★★★★؛

الشبعو من نعمة ماعونچ
بيا حق يالزهره يكتلونچ
چنهم ثارات يطلبونچ
ما جنچ رحمة بارينه
★★★★★★★★★★★؛

غدروچ الناس الغدّاره
ما ترهم ويّاهم چاره
واحدهم ما طالع غاره
ويمچ طلعّهن جفينه
★★★★★★★★★★★؛

هذا الياذينه احنه نگوله
اصحاب يسموهم ذوله
اليمدحهم ذمته المشكوله
والحبهم ما يعرف دينه
★★★★★★★★★★★؛

حيدر بعدچ حاله تغيّر
من بعدچ صاير مو حيدر
مو ضلعچ چن ضلعه تكسّر
بمصابچ ما نشفت عينه
★★★★★★★★★★★؛

لو ما چان الچف مچتف
من دمهم سيفه ولا ينشف
بس أوصيه اللزمتله الچف
وصارو بحبال مگيدينه
★★★★★★★★★★★؛

يبقى الهم عايش ويّانه
حد يوم اليظهر مولانه
ونسمع هالكلمه من السانه
يا شيعه الثار يتانينه
★★★★★★★★★★★؛

جعفر عطيه البزوني

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيدة :::مولاتي الزهراء (صلوات الله عليها )
تغطى جفني بدمعة الوحده وغريب
وگمت احس بالدنيا ما تترك حبيب
وحدي أمر أعلى الگبر واللتم عليچ
فاطمه أنه علي وماكو مجيب

التراب الدافنچ هد حيل ابو تراب
ولاچني أنه حيدر هدني الصواب
حرام بروحي تاكل هظمة الثار
القالع باب خيبر لاچمه الباب

منين ماباوع هظم
بعتبت الدار انلچم
ماخذ متوني التعب
اشتثگلت حت الهدم

يافاطمة يافاطمة

وحشة ومچان الرحى فاگد اديچ
أبالي من ولدچ تجي وتلتم عليچ
وبعباتچ زينب تحس بالامان
الصبح يمچ والمسه يمسون بيچ

ياستر الستر يابت البيوت
يم حسين ما يتعاتب الموت
الخشب مادري شمسوين وياه
من الباب حد ما صار تابوت

ردي لحچايه علي
رايحه وشيضل الي
يانياشين الخدر
با التعب راح انولي

يافاطمة يافاطمة

عگب عينچ ولله مامر عيني نوم
راح حيلي وناحل ومابيه اگوم
يا وطن ياكلشي يالبعدچ غريب
وين ما صح للدمع مكعاد اهوم

بعدچ ضاعت الدنيه واهلها
كسرتچ ماتمر كسره مثلها
إنه الماتهزني إكبار العلوم
تعبت روحي بعدچ خاب أملها

بعد ماضل للصبر
بين بوجهي الكبر
يامن يمرني بهلي
بعد مايسوه العمر

يافاطمة يافاطمة

كلشي بعدچ ماحضه بدرب السلام
عال شجر بين تعب حزن الحمام
صوت تسبيحاتچ بوجهه الصباح
تروي بين الباري وعيونچ غرام

بيني وبين گبرچ مو مسافه
حسبة موت مرسومه بصلافه
زهرة روحي هل ماخذها التراب
خذت مني هلي حرب الخلافه

يامسافات الحزن
لسوالف گمت احن
راحت اثار النبي
ياجرح ماضل ذهن

يافاطمة يافاطمة

مصطفى علي الموسوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

شور_فزعة

الليالي_الفاطمية

يا باب اشوفه اتذكر بابچ..وحيرت علي وغربته
من شيعچ بالليل المُضلم..ورد يعثر ابمشيته
وگلبي اليود ادموع امصابچ..ما تنطفي حرگته

كلشي اليخصچ اوده..حيلي لعزائچ اشده..واليجري دمعه اعلخده..فاز بدموعه
الشافچ وسيله لنجاته..عالم خدمتچ حياته..الما يلتهي بمغرياته..فاز بدموعه
بروحي قمبر..ونضرتچ غايه
والوسيله..امراد الاقرايه

وعدنه حكمه.. ضايع اليعشگ
ضيعي روحي..وحزنچ اولايه
__…
حيرة علي وحيرة خدامچ..شيجبره كسر العظم
فتوة بواچي خدچ الاحمر..وضلعچ فتاوي اللطم
بت النبي دفعوها وطاحت..مو حگي من انهضم

توصيني امي بحزنها..الما يبچي الچ مو ابنها..وحزنچ شربته بلبنها..ودموعي صبت
كبرت مشاعر محبتّچ..ووي روحي تكبر خدمتّچ..انهز گلبي لمن عرفتّچ..ودموعي صبت

ورقه بيضه..انه يمچ جاي
والتريدي..رسمي بي فوگاي
انطيني عبره..عالبقه عطشان
يالحنينة..چوي جرحي بماي

---

محترگه ضلت كل بيبانچ..واتبده صوت الضلع
باب النبي مو باب لخيبر..بيا حق يضل يندفع
للمحسن الما شابع منچ..من عيني وشلي الدمع

يا زهره ادبيلي گلبي..والمنبر اكبر مُربي..بس للعزه خلي دربي..انطيني الهضيمه
اللون لحمّار اعلعينچ..لمصابچ ودم چنينج..ولهضّمتچ ول ونينچ..انطيني الهضيمه

افضل امصاب..انطيني بمصابچ
وهدي حيلي..يم ذكر بابچ
انه ذاك..الوصل حد الموت
وروحه رجعت..بشمّت اترابچ

---

واويلي زينب آه يم زينب..من متي ماتت صدگ
بنار الحنين لذيچ ارسومچ..ضل الگلب محترگ
خل روحي تنسه الدنيا واهلها..وتودع اهل العشگ

يتغرب الحب دمعكم..جي بي يغزر ملحكم..ينسه اهله لو يبچي يمكم..حياته المجالس
ينكر وجوده وكيانه..حب الهواشم امانه..بالحب يرخص زمانه..حياته المجالس

ادموعي قربه…للغريبة تموت
للتمنّت..اخوه عالتابوت
وكتي الكم..ورزقي بس النوح
وبيتي حبكم..الدمعه تبني بيوت

---

والعنده مثلچ ميمد ايده..تارستّه نوح وحزن
يعزل شكو بگلبي اعلمصابج..وبس للبواجي يحن
الما عافچ وما عايف دربچ..هذا اليسمو فطن

اجروح المحبه عضيمه..بيهن نطيتيني قيمه..يا سيدتنا الكريمه..بالخدمه رابح
الچابالچ بأيده گلبه..وترضليه يرضاله ربه ..واليبچي محد يغلبه..بالخدمه رابح

اليبچي سكته..عمره ما مغلوب
ومن هويتچ..ما هويت البوب
استعطفيني..بنضره يا زهراء
ومسحي گلبي..بجفچ المتعوب

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

شور_سماعي

الليالي_الفاطمية

بخربّات_الشام

بخرّبات الشام..اتذكرت ايام..اخذتني الصفنه سفره..ولامي حنيت
اتذكرت الصار..من شبوا نار..وحِيدر ضيعنه عطره..بدخان البيت

وعالحايط باقي بس دم..وعالحايط عش تهدّم..من چنه صغار
نفس الركضه بصغرنه..ونفس الركضه بكبرنه..عادتنه النار

وزهرتنه اذبلت..بالدم انسگت..دفعوها وبچت..مهضومه
آااه يم الحسن..خاناها الزمن..وحيدر الها حن..مهضومه
……………………………………
لحجاب بأيد..وبالاخرى تريد..الباب ادفّعه عنها..بس خان الحيل
اهواي يدفعون..وبس بأيد شلون..كسروا لامي غصنها..واتبده الليل

غربه المو امها يمها..غربه الحرگوا خيمها..والغربه اجروح
تعثر حته بحلمها..تعثر لو رف علمها..وتمشي ابلا روح

الغربه تريد اهل..ولامي وماكو حل..وكفالي انقتل..حيرانه
احنه اطهر ضعن..وضعنه ابلا وطن..وشيرجع ام حسن..حيرانه
………………………………………….
جفنّاهه..وجنت وياهه..وشگد گلتلها يمه..وما تحچي وياي
لا لتجفنون..وافتح لعيون..ضل كلشي بدربي ضلمه..وتيهت الراي

گلبي بصفها تمدد..گلبي ما ضله احد..ايخففله النوح
يبرد لمضيّع امه..يبرد محد يضمه..اليبرد مذبوح

بحجرت امنه امس..نرسمها شمس..ونحضنها ونحس..تحضنّه
عازتنه لدفو..وامضيعين اخو..غير الام منو..تحضنّه
………………………………………………
لمّت احباب..خربها الباب..وشكد رسمت اديه..محسن كبران
امحضرلته اگماط..امخيطته اخياط..وضلت بس ذكره اليه..دم عالحيطان

انهز مهده ضل حلمنه..انهز مهده ما لحِگنه..ودعنه ابساع
اضلوع امي اگماطه جانن..اضلوع امي بكسره لانن..وطاح اعللكاع

طاح بدمعتّه..وطاحت حضنتّه..بس ما شالته..محسنّه
ترجف بالوجع..خافت لا يگّع..اخ امن الدفع..محسنّه
……………………………………………
بجيته امحسبين..ايضل يم حسين..عباسين امن اخوته..لو خانه الماي
وبسمار الباب..ما خله حساب..ضل هوه وامي موته..الحسبته وياي

حسين وكل حيله رايح..حسين ونص ضهره طايح..ونص وي الجود
المحسن ويانه ردته..المحسن يلزم يمنته..وبالطف موجود

ولوباقي عمر..ميمرني يسر..وتنسه اسم الشمر..زينبكم
ويضل اسمي سر..وما طب القصر..وابقه ام الخدر..زينبكم
……………………………………

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

الليالي_الفاطمية

شور_فزعة

امه مو مثِل الامم
ما رحمتو اهل الرحم
ابن من امه انحرم..ومن اخوته..ليش انحرم
وبالعرب سنِه تره
الزلم ما تدفع مره
اولا سنينه امقدره..الباب اندفع..وخلفه مره

ليش..وصلوها..ودفعوها..وركضوا حاوطوها بحطب
وحيل..ما عدها..وبسدها..جم طفل بطفل وانرعب

حسن وحسين صاحوا يمه يازهره
الدفع بالباب يعرف فاطمه بضهره
نار وماي ليش بوچهچ اتلاگن
عين تصب دمع والثانية حمره

---

الزهره من سمعت وأن
نادت بخوف وشجن
اخذ اخوتك يالحسن..الشر اقترب..ايا لحسن
هايه ناس وهايه نار
وماكو بير ولاكو غار
ويحترگ فوگانه دار…ولا تنچوي..جفوف الزغار

ناس..ملتمه..والهضمه..محد شالته غيرته
اباب..مخنوگه..محروگه..منو اليرضه تضل حرمته

كارات الحطب يا يمه نگلوهن
داير ما يدور البيت خلوهن
اخذ حسين يبني لا تلوحه النار
وراه نيران خيماته اليحرگوهن
__
الصار ما صاير ابد
حايط وباب وبعد
حامل الزهره بولد..وراح الولد..ايا الولد
والنتيجه المؤلمه
ابلا ابنها فاطمه
وعالحياطين الدمه..ليش انتشر..هذا الدمه

اطفال.مذعوره..مقهوره..ما شافو قبل اي جرم
نار..مچويه..وعلوية..علوية علي تنهضم

الزهره تنسگي بالماي ندريهه
بس زهرة علي نيران تچويهه
لاذت وره الباب وجان ابن عدهه
ورجعت بله ابنها وهاي تاذيهه
__
دنيا وشعضم المصاب
يندفع عالزهره باب
تكض ضلعها لو حجاب ..وجان الخيار..ايا الحجاب
الحجاب تلزمه بيد
وبيد تدفع بالعبيد
وايا بسمار الحديد..يكسر ضلع..ايا الحديد.

الباب..يا ناره..وبسماره….شركه بلضلم والجرم
شلون..ترضوها..تقبلوها..ابن كدامه دفعوله ام

اديها اثنين بس اجرامهم كثره
طفل وضلوع والوجنه البقت حمره
اسياط ونار والدخان چملهن
وحيره ليا مصاب اتلحگ الزهره

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

                راحت أمنه  (الحسين وزينب)ع فقد الزهراء ع

آيــازينــب راحـت أمنه وحشــه وظلمه واتيتمنه
ظلت ذكره وبس احلام ودمعه اتغرك عـين ايتام
آيا زينب راحت أمنه

---

يخيتي يشــــــمامة علــــي ياريحة امــــي فاطمه يختي الحنينه
غابت الضوه من الشمس وانكدرت افلاك السـمه تبجــي علينه
خنكه احس حتى الهوى لو مـر عليه
البيت خالي وحشه من عكَب الزجيه
آخ يازينــــــــــب صعـب هالمغربيه
كلشي انشوفه يبجي ويانه دار الزهره وكل حيطانه
شيكظي الدنيه بنوح آلام ودمعـة حسره بعين ايتام
آيا زينب راحت أمنه

---

غركَانه عيني امن الدمع من عيني احس مات الضوه منهه احرمونه
مابيه حيل اعله البجـــي مختنكَه ريتـــــــي ابلا هوه هالعــــــذبونه
ازغار ليش ابياذنب حرمونه منهه
جنه كل ليله ننام احنـــــه بحضنهه
ياوسافه من وكت بعـــــدونه عنهه
ردنا يكظي العمر وياهه جف الباطل ما خــــلاهه
شلون اتخلــــص هالأيام ودمعـه اتغرك عـين ايتام
آيا زينب راحت أمنه

---

ذكراهه بالبال انطــبع صورتهه ورده ابلا عمر أم المحـــنه
عشرتنه وياهه انكظت ماينجرع مــــــر الصبر ذبحو أملنه
بعازت الزهره وتعلمنــــه عليهه
كل صباح انشوفهه انقــبل بديهه
هالمنيه اشلون جا غفلــــه تجيهه
عينك عينك زهره انباكت منه ابسرعه شالت راحت
فيهه اعلينــــــــــه لاما دام ودمعـه اتغرك عــين ايتام
آيا زينب راحت أمنه

---

احسينج دليله منكســـــر وادري بديلج منجرح لأمنه الجليله
مات حزينه ام فاطــــمه عمــر الورود وتنذبح راحت عليله
اسمعنه آنه اوياج من كســـــرو ضلعهه
وطاحت اعله الكاع والظالـــــــم دفعهه
من رفسهه ومن عصرهه ومن صفعهه
طاح المحسن سلبو عمره كَلبه امجرح من العصره
مافك عينـــــــه ميت نام ودمعـه اتغرك عـين ايتام
آيا زينب راحت أمنه

---

 ابجي يزينـــــب وانحبي    بعد الزجـــيه أم الحسن    جتنه المصيبه
 من هسه حضري للعــزه     واتحزمي الضيم المحن    جنــج غريبه

لفي هدمــــج للحـــــزن يم الرزايه
وحبل جفــــــج منتظر يوم السبايه
بالعطش لو راحت اخوانج ضحايه
من هسه انظر يوم العاشر بصدري الضامي يرفس حافر
من هسه اشتم حرك اخيام ودمعـه اتغرك عــــــين ايتام
آيا زينب راحت أمنه

---

أبو علي الركابي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
الفارك أمه (الحسين والزهراء )ع
الفارك امه يموت كَلبه اعله الكبر
الفارك امه ماله واهس بالعــــمر
يعيش غربه ابلا وطن تنكظي ايامه محن
الفارك امه

---

الفارك امه وشافهه حـــدر الوطيه
اعيونه ماتسك بعد تبقــــــى جريه
وروحه تهوه الموت واتحن للمنيه
وآنه راحت امـــــي ياناس الزجيه
أمي ورده وعيني ماشبعت نظر
أمي ورده وذبلت ابكَــــــد القهر
العنده مثل ام الحسن تنكظي ايامه محن
الفارك امه

---

حسين آنه اتعلقـــت بأم المحـــــنه
أمي هيه العافيه وشــوفتهه جـــنه
مثل طيف وشال من اعيوني جنه
راحت امي وأيست مامنـهه ضنه
ماتت أمي خــــــذت وياهـــــه الكَلب
ماتت أمي اشلون اعيش اشكَد صعب
آخ ياغـــــدر الزمن تنكظي ايامه محن
الفارك امه

---

أمي صبح الله اليضوي اعله العوالم
أمي آيات المـــــــــــــــوده والمكارم
أمي تفاحة وفــــــــــه بنسل الهواشم
أمي نسمة خــــــير من الباري فاطم
ياحسافه ماتت الحبــــهه فرض
ياحسافه حجة الله اعله الأرض
الشافهه ادموعه جرن تنكظي ايامه محن
الفارك أمه

---

حيل يذبح بالكَـــــــلب هجــر الغوالي
الباله مامــــــــرتاح مينـــــــام الليالي
وآنه ليليــــــــه اون يمــــــــــه تعالي
راح وي الراحــــــــت وماتــت دلالي
مالي واهس راحت اسنين الفرح
مالي واهس انباك حلمـي وانذبح
الشالت اسنينه ومشن تنكظي ايامه محن
الفارك أمه

---

الجرحــــه بالدلال ماينفـــــــع طبيبه
يبجي معذور اللذي امفــــارك حبيبه
ومن وكت لأجل اليحب يطلع مشيبه
حكه عمــــره ينكظي بنوح ومصيبه
بالمكابر يندفن خد فاطمه
بالمكابر آية آيــات السمه
الفاكَد اجروحه انجون تنكظي ايامه محن
الفارك امه

أبو علي الركابي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
(ميمر للزهراء ع)
خلصانه هاي الايام
فاز الخدمهه الزهره

---

لتضيع الفرصه اغتنمـــهه ابفكرك
تدري رصيدك من حـــياتك عمرك
زيد ثوابك ياالله ضاعــــف اجرك
احضر مجالس فاطمه الطم صدرك
محسوبه كل اللطمات
جف اليوسم صدره

---

محسوبه كل لطمه وألم عالبضـــعه
تنظر الك يامــــــــــن تهل الـــدمعه
كل قطره باجر تضوي مثل الشمعه
تحضى بشفاعـــه وبكرامه او رفعه
يلي تهل الدمعات
محسبوبه حتى القطره

---

احضر مجالس فاطمــــه ولتهدهه
كل خير تلكاهه وفضــل من عدهه
لوذ بحصنهه وابقـــى دوم بسدهه
وادعي الزجيه توفقك وانشـدهه
تحضر مآتمهه ودوم
تبقى بطريق العتره

---

باجر الدنيه بلحظه غفله اتودعك
لحك على ايامك رصــيد اتنفعك
وبس الخدامه للزجيــــه اترفعك
لطمك حضورك ونتك وي دمعك
مذخوره كل هالاعمال
منهه تنول النظره

---

صفيهه نيتك لأم حســـن واخدمهه
خدمة الزهره عـــروه دوم الزمهه
انعى الهظمهه وياجـــرح لاجمهه
ومن تبجي احجي بكلبك وكلــمهه
كللهه يم الاحزان
دلالي لأجلج جمره

---

اذكر عزاهــــه ابهاليالـي ارثيهه
والطم بحركه والله وابجي اعليهه
اويه اليــــرد بالتعــــزيات انعيهه
تدري بضلعهه منكســــر ماذيهه
جرح الضلع مايلتام
ذاك الكسر شيجبره

---

أبو علي الركابي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

نعي ابو ذيات
وكأنما لسان حال من دفع باب الزهراء عليها السلام
دفعناه
علي عن منصبه وحكَه دفعناه
وضريبه هواي بعياله دفعناه
الباب اعليج يالزهــره دفعناه
بغضاَ بيج وبحامي الحمــــيه

---

كسرناه
حاجز هيبة الهـــــادي كسرناه
وخاطر حيدر ابيتــــه كسرناه
تعمدنه بضلع فاطـــــم كسرناه
وحركَنه اكلوب حيدر والزجيه

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

وكأني بالزهراء عليها السلام عندما ذهبت لغرفتها وهي تعلم بقرب الموت منها ……

عدلت افراش البيت كله تدري الاجل كرب محله
دمع الحزن كامت تهله ياموت ريض جـــن تكله

---

جهزت الدار ودخلت الى غرفتها …….
طبت الغرفتهه الزجيه واتمددت فوك الوطيه
حست بعد آخر مسيه وكربت وجن جته المنيه

---

وكاني بفضه لم تسمع صوت الزهراء ع
سكتت وماســـمعت حجيهه فضه انحــــبت والله ابجيهه
شنهي الجره تحجي ابنعيهه شنهي الزجيه اشصار بيهه

---

عندما دخلت رأتها متغطيه بعباءتها وهي ساكته

---

ام الحسن عدلـــه عفتهه واهواي بيدي حرحكتهه
ميته عمت عيني شفتهه يافاطمه ابجي وصحتهه

---

كففت دموعها ومسحتها عندما سمعت بالحسن والحسين عليهما السلام قد اقبلا وكأني بهما يسألانها يافضه

---

وين الحــنيه وين امــــــنه يافضه الحنينه
امفاركــــينه صوت المــــحنه امفاركينه
جـن حزينه جنـــج بجيتي اوجن حزينه
ماتخربـــينه شــــــــنهو الجره ماتخبرينه

---

اخبرتهم بأن امهم في الغرفه نائمه فلم يقتنعا ودخلا عليها يبكيان…
لاما اللــــــومــج كسر وجرح لا ما أللــــومج
مو وكت نومــج يمه المســـه مو وكت نومج
ندري اهمــومج اهوايه وتعب ندري اهمومج
انشمهن اهدومج بيهن عزه انشمهن اهدومج

---

وكأني بالحسن حرك امه فلم تتحرك فبكى وقال للحسين ع….
ياخويه امنه ماتت صدك ياخويه امنه
ام المحــــنه راحت يخـــــي ام المحنه
نكطع الضنه لاما ترد نكطع الضنه
ماتكعـــد النه يبن أمي لا ماتكعد النه

---

بارد حضنهه اسم الله وعلي بارد حضنهه
يرمش جفنهه ساكت ولا يرمــــش جفنهه
لاجنـي ابنهه صحت اشكثر لاجـني ابنهه
ماتت اضنهه يحسين شــــو ماتت اضنهه

---

وكأني بالحسن كشف وجه امهه وصاح
ترحين عــني شنهو السبب ترحين عني
بجي او وني مافززج بجـــــــي اوني
ينكطع ضني منج صدك ينكــطع ضني
جني وجني ميت عدل جنـــــي وجني

---

طاح ويشــــمهه حسين انحــــنى طاح ويشمهه
دار ايده ضـمهه فوك الصدر دار ايده ضمهه
حبهه ابـــجدمهه اتمدد بجــه وحبهه ابجدمهه
بارد جســـــمهه شاف ولمس بارد جســـمهه

---

وكأني بهما ذهبا الى ابيهما واخبراه بموت امهما فاطمه ….
طاح وعثر من سـمع بيهه
حيدر علي ينحـــب عليهه
حاضن غده وايشــم بنيهه
يلعن صبــــــح بالجاتليهه

---

هابعد صار البـــيت عنه
كلسا وكع راعي المحنه
مذهول رايه وتاه مـــنه
موتته كرب مـنه وتدنه
وعندما وصل الى الدار بكى كثيرا عند جنازة الزهراء ….
ردنه العمر نكضيه سويه
ها يالعزيـــــــزه يالزجيه
معقوله شو شلتي المسيه
وعفتي اليحـــبون بعزيه

---

وقام الامام علي عليه السلام لتغسيل وتجهيز فاطمه ع …

---

ايغسل الزهــره مد ايده علي ايغسل الزهره
والدمعات عبره صب الماي والدمعات عبره
مرت بكســــــره ايده اعله الضلع مرت بكسره
دك اعله صدره ناح اشــكثر دك اعله صدره

---

وكأنما ابو الحسن ترك تغسيل فاطمه واجهش بالبكاء وهو واضع رائسه بين ركبتيه ……
هلت ادمــــــــوعه راعي الحمـــى هلت ادموعه
دك على اضلوعه من الحزن دك على اضلوعه
روحه مفجــــوعه من الكســـر روحه مفجوعه
بجمره ولـــــوعه دك هامته بجـــــــمره ولوعه

---

وكأني اخاطبهه ريتك حاضر يا ابالحسن يوم عاشوراء وترى الاضلاع المهشمه بحوافر الخيول …
ريتك حضرته حسينك علــــــي ريتك حضرته
ويلي نظرته ضامي ويون ويلـــــــــي نظرته
تلهب جمرته من العطش تلهــــــــب جمرته
ينعه بحسرته صوب الخيم ينـــــــعه بحسرته

---

كلبك تفطــــــر لو حاظــــــــره كلبك تفطر
صدره تكســر يا بالحســـــن صدره اتكسر
مو ضلع اكثر منه انطحن مو ضـــــلع اكثر
داير العســـكر فوك الولـــي ايهوس العسكر

---

يايوم عاشـــر صعب وكلـــف يايوم عاشر
تعمي النواظر من البجي تعمــــي النواظر
يكسر الخاطر يحسينك علي يكسر الخاطر
دبج الحـوافر فوك الصــــدر دبج الحوافر

---

أبو علي الركابي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
أويلي اعليج يازينب يمظلومه
أويلي اعليج يازينب يمظلومه

---

الليله اشلون بيــــهه الحره زينب
على نعش الزجيه بعـــبره تنحب
هيه ابدون جمره الكَـــــلب يلهب
خاف اتموت وي امـــــهه الزجيه

---

طاحت عالزجــــيه اتحـب بديهه
تون اتنوح وايهـــــــــــدم بجيهه
يمه أحاه يالزهــــــــــــره نعيهه
وعلى الوجنات دمعتــــهه جريه

---

خرن عالوجه جمــرات الدموع
وجانون الحزن يلهـب بالضلوع
وين امشي تكلهه وكلبي مفجوع
لاترحين يمـــــــــه اشـــلون بيه

---

تحاجيهـه وتون ونه حــــــــــزينه
وحشـــه الدار عكبـــــج يالحنــينه
ريته آنـــه العمر تكـصر ســـــنينه
ولاعيشـــن عكب عـــينج مســـيه

---

يالكاســــر افـيايـــــــج فوك مـــنه
أئيس يالحنــــينه وماكــــو ضـــنه
اطاج الكلــــب ترحـــــــين عـــنه
واحنه ازغـــار تولاج المنــــــــيه

---

فدوه ارجوج يايــــمه لترحــــــين
حسبينه ييمه الليلــــــــه ميتـــــــين
شوف الحسن يمه وشوفي الحسين
مخنوك وبجـــــــــــــه بهالمغربيه

---

مفجوعين نبجي وماســــــــــكتنه
نار امصيبتج والله جــــــــــــوتنه
من كثر البواجي يمه مــــــــــتنه
نكسر خاطرج والله خطــــــــــيه

---

فدوه اندارلـــــــج يابعد العـــيون
باجر لو مشيتي بزينـب اشلــون
خافن عني كلكم يمــــه ترحــون
وابقه الوحدي بـــــنص العـــزيه

---

باجر لو صرت مابيــــــن الآلام
عالتل واجفه ومحروكـــه الخيام
لاخوان لاأولاد واعمــــــــــــــام
بس اجناب يردوني ســـــــــــبيه

---

أبو علي الركابي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يحـــجتنه العجل صحنه
يمهدينه يمهدينه

---

على الزهره الدمع جمره بمجالســــــــنه ندبـــناهه
تولــــــــوهه اليعـــادوهه بنعي وحركه نعيـــناهه
حطب جمعو لهب شــــبو بمدامعنــــــه بجــــيناهه
يوالينــــــــه يمهديـــــنه ابمصيبتــــهه ذكــــرناهه

بمدامعــنه العجل صحنه
يمهدينه يمهدينه

---

يبو صــالـح سبب واظح عداء الكــــوم عالعتره
نهـج فاطــم عــــدو دائم المخطط دولــة الزمره
النـــذل قرر قتلـــهه آمـر بهجوم االثاني عالزهره
وأجه الثاني بحقد جاني سبب ضلع امك وكسره

اوي لطمتنه العجل صحنه
يمهدينه يمهدينه

---

نعي انصارك اخــــــذ ثارك ابدايتـــــهه او تـــــواليهه
ترجعــــــــهه وتكطــــــعهه التعدت فاطـــــمه اعليهه
الجتلهــه امك ســـبب همك حطب بالبيت شب بيهه
الغضب صبه على الصحبه فلان الجـــــــــان ماذيهه
بمجالسنه العجل صحنه
يمهدينه يمهدينه

---

بلهب سيفك على كيــــفك علــى رايــــــك توذرهم
على السوو على الظلموو تقيم الحــــــــــد تكطعهم
مناحــــرهه تــــــــوذرهه تخلص الناس من شرهم
تنظفــــــهه وتشــــرفهه الارض يالمنتـــظر منهم
تخلصـــنه العجل صحنه
يمهدينه يمهدينه

---

بحزن نبجي بهظم نشجي يبو صالــــــح تأذينه
الفرج ننطر بعد نصــــبر فلا نحــــمل يمهدينه
تعذبنــــــه تمرمـــــــرنه العجل ندعي يراعينه
شمسنه انته الوعد يمـــته بحقك مــــــر يوالينه
بقصائدنه العجل صحنه
يمهدينه يمهدينه

---

يحـــجتنه العجل صحنه
يمهدينه يمهدينه

---

على الزهره الدمع جمره بمجالســــــــنه ندبـــناهه
تولــــــــوهه اليعـــادوهه بنعي وحركه نعيـــناهه
حطب جمعو لهب شــــبو بمدامعنــــــه بجــــيناهه
يوالينــــــــه يمهديـــــنه ابمصيبتــــهه ذكــــرناهه

بمدامعــنه العجل صحنه
يمهدينه يمهدينه

---

يبو صــالـح سبب واظح عداوتهم علـــى العتره
نهـج فاطــم عــــدو دائم خطورتهه على الزمره
النـــذل قرر قتلـــهه آمـر ينفذ مقــــــــتل الزهره
وأجه الثاني بحقد جاني يجاهـر بالعــلن كـــفره

اوي لطمتنه العجل صحنه
يمهدينه يمهدينه

---

علـــي وداره اخـــــذ ثاره ابدايتـــــهه او تـــــواليهه
ترجعــــــــهه وتكطـــعهه التعدت فاطـــــمه اعليهه
تحاكمـــــــهه تخاصـــمهه غضـــب سيفك تراويهه
الغضب صبه على الصحبه تضوك الذلـــــــه خليهه
بمجالسنه العجل صحنه
يمهدينه يمهدينه

---

تنطـــــــرنه العجل صحنه تعذبنه اوفــلا نحمل
يبو الهــــده العـــــزم شده يغالينه الهجــر يكتل
نخيـــــناهه الذكرنـــــاهه يمهــدينه حــزنه ايفل
يســــــيدنه يقــــــائـــدنه يقائمـــنه الفرج عجل
تخلصـــنه العجل صحنه
يمهدينه يمهدينه

---

بحزن نبجي بهظم نشجي يبو صالــــــح تأذينه
الفرج ننطر بعد نصــــبر فلا نحــــمل يمهدينه
تعذبنــــــه تمرمـــــــرنه العجل ندعي يراعينه
شمسنه انته الوعد يمـــته بحقك مــــــر يوالينه
بقصائدنه العجل صحنه
يمهدينه يمهدينه

---

أبو علي الركابي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ابوذيات شهادة الزهراء ع

أنا الدمعات عيني ماتملها
على الماتت وماصح ماتم الها
عمر عشرين وسفه ماتم الها
وگضت بت النبي اباب المنيه
*
المنيه امگدره ويصعب دفعها
وتره اديون الدهر واجب دفعها
ثگيله الباب والظالم دفعها
وكسر ضلع النبي بضلع الزجيه
*
گضَيت الليل متمَرمُر وإن بي
واخبرَه المَادرَه اشصَاير وإنبي
الزهرَه البيت بي ،گلهُم وإن بي
أحِرگه وماتِرف اجفُون اِليّه
*
حمَامه النور فارغ مِنّه عَشها
وبَعدها الدنيه ظَلمه من نعشها
أُمنَه الشمس تِطلَع من نعشها
وياگبر اليِطم شمس الضِوِيه
*
قارُورة وإِديـن الغِـل چفنها
ابحَلاة ايّامها ولِبسَت چفنها
الچفوف العَالوَجه ظُلماً چفنها
چِفَن رَحمة الباري اعلهَ الوطيه
*
أمير المؤمنين يقول :
قبله اصبَح گبُر ضَمّچ واطف بي
ودَمع وين الگه لليلهَب واطف بي
بَابچ بي جمُر زينب وطف بي
ودمع سِكنه يزهرَه وهَم رُقيه

---

لقمان البدران

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

آ يفضـّـه سَـنـّديني .. ﮔبل لا حيدر يجـيني
لا يشَاهِدني ابوَضِع .. أبـﭼي مكسُورة ضِلع
آ يفضـّـه

---

آ يفضـّـه مِـن دِفـَـع بابي عَليـّـه
وَجهِي غَطـّـيته خجَل بثـنين إديـّـه
ومِن طِحت يافضه شَـاهَدت المنيه
الطَيحَه صَارت عالوَجه فوﮒ الوِطيه
ابنِص ثِـنيتي .. طَبـّـوا اغرَاب
سِحـﮔوا إبني .. ابعِـتبة الباب
ولَهَب فوﮔي مِرتفِع
أبـﭼي مكسُورة ضِلع
آ يفضـّـه

---

عالضِـلِع خلـّـي اِيدِﭺ ولا تِـترِكيني
بَلكي من هذا الوجَع يسكِن وِنيني
نَشغه لِبصَدري تِرِن غِلبـَـت اسنيني
وخَاف يسمعها عَلي ايـﮔوم ويجيني
أدري بيها .. الحَاله صَعبه
ولو نِظَرها .. ايذوب ﮔلبه
اعلِيه اخاف امن الدَمع
أبـﭼي مكسُورة ضِلع
آ يفضـّـه

---

غالِي حيدر واغلَى مِن اعيُوني هَايه
وآنه غَالِـيته العِـشِت بلسَانه آَيـَـه
ايحِبني ﮔد حُب والِدي سَيد البرَايه
وماأريدَه ايشـُـوفني ابدَم المِنايه
خاف ضِلعي .. ودَم نَـزيفه
مِن يِشُوفه .. ايسِلّـّـه سيفه
وحَبل صَبره ينـﮔِطع
أبـﭼي مكسُورة ضِلع
آ يفضـّـه

---

سَـنـّـديني وسِـمعي يافضّه الوصيّه
حَالي مِـترَادي ودِنَت منـّـي المِنيه
بَـعدِي زينب دَلـّـليها هَـا يَخَـيـّـه
لَنهَا مَوعُوده ابسَـــبي بالغاضريه
هَايه ناري .. تِـدنَه مِنها
وتالي تِحرﮒ .. كِل خِيَمها
بالطفوف وتِـنصِدِع
أبـﭼي مكسُورة ضِلع
آ يفضـّـه

---

زهرَه وبـﮔاع المِلِـح وَكـتي زِرَعني
ومِن عَذِب مَاي الّي يِروِيني مِنَـعـني
بَعدَه ماكَابر غِصن طِـيبي وﮔِطعـني
وذَبني عالـﮔاع وكِسَر عُودي وسِحَـﮔني
آ يفضـّـه .. الشَـكوى لله
وبالعَـقيله .. هالله هالله
ابجَنة ألله نِـجتمِع
أبـﭼي مكسُورة ضِلع

آ يفضـّـه

خادم أهل البيت / لقمان البدران

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
فاطِم أم ابُوها انفطمَت امن الشَك
ﮔلب. مُو دم يَقين اليمشي وَي نَبضه
فاطم جَنة الله النزلَـت اعلى الـﮔاع
وبَس بيههَ اَلله جمَّع جنـِّـته وأرضه
فـاطم وَمضَه من نور الجَلالـه اهنا
ابدِنيانه وأَسَف ما حفظَـوا الوَمضه
ولأنها سِر اِلهي اتجسَّـد ابهـالكون
غضَب ألله غضَبهه ولو رضَت يرضه
فاطم صَار إسمها ابهالشكل ينـﮔال
أظِن باب المنيـَّه اويَه الضِلع رضَّـه!
واقسِم مِن ﮔلِت فاطم خِذَاني اِربَاك
وخجَل غَطه كِياني ابطولَه وبعرضَه
اﮔول شلون فاطم وانه كلِّي اذنوب
وطَيبـاتي أَنَه امن ازمَان مِنقَرضـه؟
عَجيب اشـﮔد وَكيح وعِندي ﮔوَّة عين
ورُوحي اعلى الشَرِع والدين مِعتَرضه
وﻷن اِهيَه الطهَاره اتمَثـِّـلت بانسان

ﮔبل لا ﮔـُول اسِمهه الوَاجِب اتـوَضّه

لقمان البدران

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

أمُّ الحُسينِ نائمه
أمْ قد توَفَّت فاطمه
ماخَطبُها الكسِيره
ذي حالُها الخطيره
أمُّ الحُسينِ نائمه
**
من فضةٍ صوتٌ علا قد جاءَ يحكي الفاجعه
والأرضُ كانت والسما لصوتِ نَوحٍ سامعه
ذي بنتُ مبعوثِ الملا كلُّ المزايا جامعه
في صمتِها احتَرنا وإذ تتلُو الكتابَ خاشعه
وفَجأةً ذاكَ انتَـفى
صوتُ المناجاةِ اختفى
صمتٌ أتى الأميره
ماخَطبُها الكسِيره
**
كالوردِ إذ يشكو الضَما يذوِي وتدنُو الخاتمه
قد أذبلَ الهمُّ بها كلَّ الحشَايا السالمه
مظلومةٌ في قلبِها كلُّ المآسي جاثِمه
وكلُّ بلوَى قد أتَت من دونِ بلوى فاطمه
في كلِّ وقتٍ قد مضى
يكوِي بضلعَيها اللظى
لا ينتهي سَعيره
ماخَطبُها الكسِيره
**
إذ فضةٌ نادت على أولادِ أمٍّ صالحه
حسينُ أقبِل ياحسن وبالعَويل صائِحه
مِن أمِّكُم كفُ النَوى ياذا الكرامِ لائحه
قومُوا الى التوديعِ ذي دربُ الرحيلِ واضحه
يازينبٌ قد حانَ ما
تخشَينَ فهو المُؤلما
في النظرةِ الأخيره
ماخَطبُها الكسِيره
**
قد حُورِبت بنتُ الهدى حرباً غَشوماً أَنها
لم تقبلِ الظلمَ ولا خانَت بيومٍ ربـَّـها
صَانت وصايا والدٍ جائت بحقِّ بَعلِها
ومثلَ طَودٍ عانَدت لمّا الزنيمُ جائها
سعياً بحقدِ سادر ِ
في جمعِ غلٍ غادر ِ
ماأتعسَ المسيره
ماخَطبُها الكسِيره
**
للباطلِ الباغي بنا صولاتُ حقدٍ عابره
أما لراياتِ الهُدى فخيلُ سَبقٍ قادره
في يومِ ثأرٍ قادمٍ من كلِّ نفسٍ غادره
يومٌ بيومِ البابِ إذ تأتي السيوفُ الثائره
للقائمِ المهديِّ مَـن
يُحيي مواريثَ السُنن
في الصولةِ الكبيره
ماخَطبُها الكسِيره
========

لقمان البدران

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ماتت امنه .. ماتت امنه
يا بالحسن .. ماتت أمنه
@@@
طبينه الدار او شفناها
مترد لمن حاچيناها
ومارمشت لمنه عيناها
ومن جيناها ما ظمتنه
يا بالحسن .. ماتت أمنه
@@@
امطبگه الشفتين المفطوره
خفنه انظمها وهي مكسوره
بسناها ابخدها المسطوره
يمكن لو لحظه اتكلمنه
يا بالحسن .. ماتت أمنه
@@@
باب الرحمه الچنه عدها
ردنه المتنيها انضمدها
ارفعناها وطاحت يدها
لنّه الساعد ازرگ شفنه
يا بالحسن .. ماتت أمنه
@@@
ابجرح المسمار الما يبره
وضلع الواضح منها كسره
بالغرفه ماتت منقهره
واحنه اعليها بلوعه صحنه
يا بالحسن .. ماتت أمنه
@@@
فگد الام لا ما يتعوض
ليها يابوشبر انهض
وغسلها بالضلع المنرض
وحنطها بحنوط الجنه
يا بالحسن .. ماتت أمنه
@@@
لو جيت اتچفنها حيدر
للعگدات او لاتشد اكثر
الچانت عالنهضه ماتگدر
ولو نهضت تلچمها الونّه
يا بالحسن .. ماتت أمنه
@@@
علي احمد الحمود
٣٠-١٠-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــالى الزهره .. الى الزهره
دليلي منبني حظره
@@@
بلهفتي وشوگ من عطفي
بنيت افادي وي طرفي
ضريح ألمدفن المخفي
وصحن للسيده الحوره
…
على اللي طاحت ابعتبه
ضلوعي ترسم الگبه
وارش ادموعي عالتربه
ابثراها الماظهر گبره
@@@
بلا شك او بلا ريبه
مهجتي اصبحت طيبه
وحوت للزهره چم نيبه
ودليلي اتگطعه الحسره
…
على اللي ابهجمه عصروها
ودفع بالباب كسروها
وعلى خديها سطروها
وضناها امسگط ابكتره
@@@
اذا نحچي لها شيعه
ترى مقهوره لوديعه
من اللي خان بالبيعه
واجاها يزحف ابشره
…
ابو الذنب وابو العلّه
بعد ما سوه هالفعله
سلبها حگها بالنحله
ومنعها تجري للعبره
@@@
اعله باب الله وسنا قدسه
الوديعه كل دهر يقسه
ابسياط انضربت ورفسه
وگعت بضلوع منكسره
…
الهجوم اروايه يقروها
مصيبه اشما ينكروها
ترى الزهراء كسروها
لخبرها نبصم ابعشره
@@@
ألعظم بالامر وادها
ضرب يدها ولطم خدها
ومنعها تبچي والدها
وگطع لفياي بالشجره
…
النكر لمصاب ما يفهم
نجح تحقيقه يتوهم
الگظت بالعصره ويالهم
گضت بالباب منعصره
@@@
علي احمد الحمود
٢٨-١٠-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيده بحق الصحابي الجليل ابو ذر الغفاري (رض)
وفاته ٣ ربيع الآخر :

الدمع هالليله جاري
لـبـو ذر الـغـفـاري
عدل ويانه مامات
تردد هاي الاصوات
لبو ذر الغفاري

بعـصر الجاهـليه عـاش ابـو ذر وحمل صبــره
يـدور منـقــذ ويسـأل ويـنــه وحـايــر بـأمـــره
هاجس عـنـده واستعـداد يجي المنقذ وينتظره
وسمع بالمنقذ وچانت اصعـب مرحله وخـطره
يشوف المنقذ ايريد
ويدري بدربه البعيد
المنقــذ بي عـلامات
تردد هاي الاصوات
لبو ذر الغفاري

اجه الاسلام واخباره حـفـظـها الخاص گبل العام
محـمــد مـن اجـه وبـلـغ شرح كـل مبـدأ الاسلام
وفصل كل ركـن مـنـه ونـطـه الابـعـاد والاحـكـام
وگال الباري رب الكــون مــو احجـار مـو اصنام
نشر اشرف رساله
قصد بيها العداله
هبل كسرهـا واللات
تردد هاي الاصوات
لبو ذر الغفاري

اجه من يثرب واسلم رغـم كــل الجـره وشافــه
صرخ من عـرف نــوره وگــام اتــردد اشفـافــه
ونــاده بمسجـد الظـلام وكــل الجـمـع مـاخـافــه
الملك للباري وحده يكون وتخـتـظ گامت اطرافه
ابـو ذر بـرغـبـتــه
اجه الدينه ونصرته
وظلت تدوي صرخات
تردد هاي الاصـــوات
لبو ذر الغفاري

رجع لهله ونشر دعواه وكل الخوف ماهمه
من اجل الشرع والـديـن وحتى تنهض الامه
لأن متـأكــد الاسلام اجه الهاي البشر رحمه
و اول ناس للتـوحـيـد أخو لمـن دعـه و امه
النبي ارسـلـه طـه
الكل يثـرب دعـاهـا
يرد عن دربه هيهات
تردد هــاي الاصوات
لبو ذر الغفاري

بفضائل حيدريحدث چان بنهجه وكل سنن شـرعه
بنص مجلسهم ايسمعـوه شجاع ولا فـتــر طبعـه
صوته الهادر ايعـرفـوه ويخشه الظالم ايسمعــه
بعــد فـگـد النبي المخـتـار راد الحاكـم ايطـلعــه
صبح بالربذه منفي
واحس بهذا وصفي
عشت بالوصف لحظات
تـــردد هــاي الاصوات
لبو ذر الغفاري

بقه يعـيش بسمه الاصحاب محد ما گرب حـده
اسمه اتـردده الاجيال وشامـخ بالافــق مـجــده
وگال المصطفى الهادي يموت وكلشي ماعـنده
وحده يعيش وحده يموت ويبعث بالحشر وحده
رحيله بهل عـلامه
وتخلــده يـاكــرامه
اشكثـر يحمل كرامات
تـردد هــاي الاصوات
لبو ذر الغفاري

لاتنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

موشح بحق الزهراء (ع)

من صبـر فـاطمه وكل ألآمها
الباري خله الجنه تحت اقدامها

كرم الباري الجليل الطاهره
بكوكبه من النجوم الزاهــره
وعالبشر خلاها حجه ظاهره
بكل نهجها الصاغته باحكامها

ياهو مثل البضعه كرمها الجليل
من جعلها الحيدره اعظم خليل
مستحيل اثنين منها مستحيل
شرفت الكون بدخول اسلامها

بعتره خصها الباري وبحجه وصبر
بكـل زمان وكـل أوان وكـل عـصـر
من تـطـب مـيـدان بـي تعـلـن نصر
وشوف لي هسه ترف اعلامها

يكفي سماها النبي ام الرسول
الطاهره البضعه الزچيه والبتول
يعجز التاريخ عنها شما يگــول
لچن ما نصفت جميع اقلامها

بكل شرف ام الحسن وام الحسين
الحبها صاير طيف ويكحل العين
وين نلگه اليشبه الطاهره ويــــن
الدنيا تحرسها ومشت گدامها

عجزت الدنيا شتوصف الخالده
لان من رب العرش متــئــيـده
سيده بكل شرف صارت سيـده
وكل ملائكة السمه خدامها

لا تنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــآه آه يافاطمه
آه آه يافاطمه

١
اليصبح بالعشگ عالم
لازم خادم ولاطم
وكون امكسر اضلوعه
بمجلس واحد الفاطم
آه آه يافاطمه
آه آه يافاطمه
٢

اليهوه أم الحسن بجنون
لازم بالعشگ مفتون
وشرط من البچي ذايب
كون وعامي ألها عيون
آه آه يافاطمه
آه آه يافاطمه
٣

لازم بالعهد كاتب
ذايب بالعشگ ذايب
ألها من الزغر مجنون
وحتى لو صرت شايب
آه آه يافاطمه
آه آه يافاطمه
٤

ارخص ألها كل وني
ومايبطل أبد حزني
من طگ الضلع بالباب
ضلع أم الحسن محني
آه آه يافاطمه
آه آه يافاطمه
٥

عرش الله انفجع بيها
وحزنانه السمه اعليها
ايبيع الدنيا كل خادم
حتى الزهره يشريها
آه آه يافاطمه
آه آه يافاطمه
٦

الوسم باللطم صدره
ألها وفاني كل عمره
تحضر بالگبر باچر
وتشفع فاطمه الزهره
آه آه يافاطمه
آه آه يافاطمه

لاتنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

شوط كربلائي للسيده معصومه (ع)
وفاتها ١٠ ربيع الآخر

باب الجنه تعرف وين اگصد روح واتعنه
معصومه جعلها الله جنه ومن اصل جنه
١

باب العصمه باب الله بنت الكاظم اگصدها
تعنه واطلب الحاجات واخذ امراد من عدها
باب الكرم باب الجود هيه وباب والدها
تعناها بطلب شتريد
تنطي حاجتك بالأيد
شما تنطيك بعد اتزيد
باب الرحمه والغفران ربك خصصه النه
٢

معصومه غريبه وصيح يالمدفونه بالغربه
كعبه ولهفه للعشاگ گبرچ بالغرب كعبه
نطوفه من بعيد بشوگ نحبچ احنه وانحبه
گبره كعبه للعشاگ
نطوفه بلهفه من نشتاگ
تدرين البعد حراگ
يمعصومه الگبر حاجات ناخذ كل وكت منه
٣

مصابچ والهموم البيچ على الغربه التعيشيها
غريبه ابلا أهل وشلون دمعاتچ تصبيها
بالأحزان كلها وياچ اگلوب الشيعه تدريها
ننحب بالدمع لجلچ
شيعه وننتخي بأهلچ
ماشفنه أبد مثلچ
عشتي ومتي باللوعات كلمن راد يسألنه
٤

وداع الموت ودعناچ هالليله والچ ننعه
مرخوص الحزن والنوح يامعصومه والدمعه
الچ راية بخت هاليوم وعلمنه بأسمچ انرفعه
نرفع راية الأحزان
يمعصومه بجمر نيران
المايحزن الچ خسران
هالليله بگلب مجروح ناده الخادم بحزنه
٥

ودعناها بالدمعات معصومه بألم عبره
ننحب والهموم اتزيد عليها والگلب جمره
الليله الشكوه نرفعها لأبوها الكاظم بحسره
وأخوها حزنه يتجدد
بلوعه ودمع من مشهد
وانادي يبو محمد
مصاب اختك بهذا اليوم معصومه صبح همنه

لاتنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيده عگيلي للسيده معصومه (ع)
وفاتها ١٠ ربيع الآخر

معصومه اگصد واتعناها

١

معصومه اتعناها بعبره
هالليله وحصلك نظره
حلفها بحيدر والزهره
متقصر لمن تنخاها
٢

معصومه الليله بدمعتها
ترحل والغربه الأذتها
ماترحم تكتل غربتها
نحزن بالدمعات وياها

٣

معصومه الترحل بالدمعه
نحزن هالليله الها وننعه
والخادم من يبچي اتسمعه
واحنه بهل موقف نتباها
٤

من بعيد اتشوف الگبه
واتصور گبتها الكعبه
من اطوف اعليها بغربه
جنه بقم ربك خلاها
٥

جنه وتگصد ليها الوادم
هنياله العاشگها وهايم
هالليله ايهل دمع الخادم
من يوصل يمها ويلگاها
٦

واليوصل ياخذ من عدها
امراد ايحلفها بوالدها
معصومه الباري امخلدها
كلشي بهاي الدنيه انطاها
٧

هنياله الليله اليرثيها
ويجدد احزان البيها
معصومه بدمعه انواسيها
نخدمها الليله ونتباها

لاتنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــاستشهاد الزهراء (ع)

بالله اقـسـم قـسـم الضلـع صـح أنهشم
اي عن روايه أتگـول إني احچي و المسوؤل
الضلع صح انهشم

انـطـيــك الـدلـيـــل وانـقـــل الأخــبــار
وامبينلك اشگال المصطفـى المخـتــار
كأني بفاطمه ايعـصروهـا وسـط الـدار
وعـليها الـذل دخـل وأمچـتـف الكــرار
من صاحت تصب دمع
وينـادي كسر الضلع
فيض الـدماء أسـيــول إني احچي والمسؤل
الضلع صح أنهشم

يحـدثـنــا الـرســول ويشرح الأبـعــاد
بكلامه البي أدله ومعـتـبــر و إسـنـاد
شلون الهجمه تبدي وتظهر الأحـقـاد
عـلى بيت النـبـوه وأشـرف الأسيـــاد
وضح الـك وانـرسـم
نـار الحـقـــد والألــم
جمر الحــزن ميزول إني احچي والمسؤل
الضلع صح أنهشم

إذن يدري الرسول أصحابه بعده اتعيل
لأن هذا الخـبــر بي بـلـغــه جـبــريــل
سمع طه الخـبـر ودمـوعـه گام اتسيل
عـرف بالزهره بعـده بكـل رزيه أتميل
واللي تعـده وجـسـر عالـزهـره بالله كـفـر
وبالذمه ظل مشكول إني احچي والمسؤل
الضلع صح أنهشم

الحصل والصار واقع هـمه بس نكروه
ويأكده المصطفى بس حچيه ماسمعوه
أجـــو لـلــدار گــوه وللـوصي أخــذوه
بعـد ضلع الزچيه البل عـصر هشمـوه
شيجاوب الينسأل
بالعصره مات الطفل
بس هذا مامقبول إني احچي والمسؤل
الضلع صح أنهشم

بقه ايدير النظر والمصطفى بـلـوعات
على الزهره العزيزه ويذرف الدمعات
مايـنسه الضلـع والـبـاب لا هــيـهــات
لأن نور الله يـدري وفـاطـمـه المشكاة
حـوريـه مـن السمه
بهـيـئة بشـر فـاطمه
وعنها الكلام أيطول إني احچي والمسؤل
الضلع صح أنهشم

لاتنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

الزهراء تنادي وينك علي (ع)

وينك وينك يحيدر من صحت
يـاعـلي الكرار
وينك وينك تجي وتحضر الـي
وتشاهد الصار
بهاي المسيه ياعلي تلحگ عليه ياعلي
وتشاهد الصار

صحت وينك يحيـدر والـدمـع بالعـيـن
غـبت لحـظـتها عـني وارحلت لاويـن
عـلي دخلوا عـلي چن يطلبوني بـدين
لـذت بالباب وانظـر للحسن وحسـين
وينك وينك اناشد والـدمــع
من عيني مدرار
وينك وينك تخفف لوعـتـي
ولوعـة البسمار
تشوف الرزيه ياعلي تلحگ عليه ياعلي
وتشاهــد الصار

عـلـيـه اتجـاسروا والگـوم ماتـرحـم
ماراعــوا حـرمـتــي وانــي اتـــألـــم
شنـو ذنب الجـنـيـتـه وضلعي يتهشم
انادي اعـليك والدمعه التصب من دم
وينك وينك تشاهــد حالتي
وتـرد الأشـرار
وينك وينك تشاهدهم تجي
من شبـوا النار
گبل المنيه ياعلي تلحگ عليه ياعلي
وتشاهد الصار

لـذت بالـبـاب انحب ساعـة العـصره
اعاين للضلع و اللوعــتــه وكســره
صحت حيدرعلي شمتاني وامصبره
معـقوله الوصيه اتأخره عالــزهــره
وينك وينك اسألــك ياعـلي
ياكنز الأسرار
وينك وينك عفتني الوحدي
معقوله محتار
بين الوصيه ياعلي تلحگ عليه ياعلي
وتشاهد الصار

طحت ياحيدر ومــذبــوحــــه احلامي
اراوح والطفل من شفــتــه گــــدامي
انذبح صبري ورحل كله بسهم دامي
على المحسن الطاح اشـتـنــفع ايامي
وينك وينك يعنوان الصبر
من دنسوا الدار
وينك وينك تعـايـن للضلع
وتشوف الآثـار
من جور اميه ياعلي تلحگ عليه ياعلي
وتشاهد الصار

حلم ابني وعـذابي ولـوعـة امـصابي
يفسره الليله جرحي وحرگة اصوابي
انكـسـر ضلعي انكسـر وتهـشم ابابي
عـلـيـه اللـيـله خلي تنحـب احـبـــابي
وينك وينك تساعدني وتجي
من هاي الأخطار
وينك وينك يحـيــدر دنيــتي
ما ادري تـنـــدار
بـونــه شجيه تلحگ عليه
وتشاهـــد الصار

الــك اخـتـم عــذابي ورحـلـــة الألأم
بعــد عــز والدي أي عـز بعـد مادام
علي جارت اميه وگــومهــا الظــلام
خل تشهـد الــدنـيــه وتشهــد الأيــام
وينك وينك اصيحن ياعـلــي
انـه ام الأنوار
وينك وينك عجيبه اعله الزمن
للمثـلي يختار
انه الزچيه تلحگ عليه
وتشاهد الصار

لاتنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

نزله للزهراء (ع)

لعنت الله على الكاسر ضلعها
وحـارك الدار والمنزل دمعـهـا
أيده والله مو نظيفه شلون يتسمه الخليفه
لعنت الله على الكاسر ضلعها

قرر الطاغي على الـــــدار وجسر
وضرب بيده الزهره ويحس بفخر
ابد ماهــمـــــه الضلع مــن انكسر
اذن واجب هسه من نلعـن عـمــر
والتعـده اعله العـفـيفه شلون يتسمه الخليفه
لعنت الله على الكاسر ضلعها

ياهـــو نسأل نصبـه وبيا شـــرع
بالسقـيـفـه گــــــوه رادوا نقتنع
هـــو نصب روحه من اجل القمع
حتى عنده الحجه من يكسر ضلع
والذي اتخرجه السقيفه شلون يتسمه الخليفه
لعنت الله على الكاسر ضلعها

راد يلزم هــو أمــر المسلمــيـن
وياخذ الدور من أمير المؤمنين
هـو ملعـون وعلي الحبل المتين
شلـون يتقارن وي الحـق المبين
هــو متوظف وظيـفـــه شلون يتسمه الخليفه
لعنت الله على الكاسر ضلعها

حرگ دار الزهره وحده اعليه حساب
بالحــشــــر ويله يويله مــن العـــذاب
بفكره خله الــديــن يــاوسفه خـــراب
من كسر ضلع الزچـيه وحـرگ بــاب
صاحب أفعـال الخـفـيـفــه شلون يتسمه الخليفه
لعنت الله على الكاسر ضلعها

عـيـب عـالاســـلام هـــو ينحــسـب
ذنب عـنـده وشكـبــر هـــذا الــذنب
المهدي من يظهـر يفـرح كل محب
العـمـر والـزنديـق يصلبـهـم صلـب
منو يگول امه شريفه شلون يتسمه الخليفه
لعنت الله على الكاسر ضلعها

لاتنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
فتحت عزاء للزهراء (ع)

هاليوم كلنه انواسي حامي الحمه
ابـفكـد البتـول ام الحـسن فـاطمه

هاليوم ثاني أهـل الكسه راحــله
ودمـوعنه دم عالـوجـن هــامله
راحـت بـتـول مـكـمـله وكــامـله
فاطمة سر الوجود
والصبرته بلا حدود
وتبجي أعله مبجاهه حزينه السمه

هاليوم جـار الــزمن حيل وقسه
ابفكد الطهر والطيب خير النسه
يامسه اليـشبه گـلي هـذا المسه
بهذا المسه مودعين
بت الرسول الامين
وخــل الـدمــوع اليوم تمطـر دمه

هاليوم ابچي لــفــاطــمه يالمحب
وأسچب الدمعه وهلها من الگلب هــنيالك بهـل الدرب نعـم الــدرب
يل محب هل الدمع
الفاطمه وكسر الضلع
والدنية امست مـوحشه ومـظـلـمه

هاليوم سرهـه وياهـه كله اندفن
ومـتريـد تـتجـدد بعـدهــه الفـتـن
والـنعـم من فـاطـمــه أم الحسـن
يلي اخدمت عـترتـه
خص فاطمه بضعته
هم طاهره وهم عالمه وفاهمه

هاليوم نحـزن كـلـنه عـالطاهــره
تـشاركـنه هي بــالحــزن حاضره
لمن اخذهه المرتضى ومن سره
بـالـيـل لمــن حــده
الحــزن كــلـه ابـتـده
بلا رحم جرد هـالــزمن صارمـه

هـالـيـوم دارك امست ابـلا خـلـيـل
يـاعلي يـالصبرك بـامـر الجــلـيـل
بـالــدنـيـه مالـك يـاعـلي اي مـثـيل
لـربـك وامر الـقـضه
سلـمـت يـامـرتـضه
وحبكم يضل واحد ومنقسمه

لاتنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصيده لاستشهاد الزهراء (ع)

صب دمعهـا ولـضلعـهـا
وتـنــادي يــا كــرار
من هجموا أعله الدار
صب دمعهـا ولـضلعـهـا

هجموا عـالـزهره المظلومه ماراعـوا حرمه لهل الدار
وأصدر أمره الطاغي ولازم هـاي الـدار أتـشـب بـنار
ولاذت يم الـبـاب الـزهره عرفت نية هــالاشرار
وأنعـصـرت مابيـن الحايط ومابـين الباب وبـسـمـار
نـاري تسعـر ويـنـه حـيـدر
وأيـشـاهــد الأشـــرار
من هجموا أعله الدار
صب دمعها ولضلعها

ظـلـت محـتــاره وماتـدري الـمــن تـتـــوجـه وتـــروح
وسيوف الاحـقـاد أمشرعه وبـوجه المظـلـومه أتـلـوح
مجـروحه وتنـزف ماتدري وشيسوي الطاح ومجروح
بس لوعه حسرات ودمعـه عالصار بكل هـمها تـنــوح
محــد ألـهـا كـل أمـلـهـا
ضاع بـلهـيـب الـنــار
من هجموا أعله الدار
صب دمعها ولضلعها

أم الأحــزان أتـشـاهــدهـم وتعـرف هالگوم أشيـردون
بالگوه البيعه أيـفـرضوها هـالـبـيـعه وبـاطـل يــدرون
چان الهـم الأكـبـر حـيــــدر وأعليه هالبيعه أيفـرضون
وأجـتمعـوا من أجل البيعه رادوا هــمـه الـيخـتــارون
والسـقـيـفـه مو نـظـيـفـه
والـشـاهــد اللي صار
من هجموا أعله الدار
صب دمعها ولضلعها
ما بـايـع حـيــدر لـلـظـالــم مـــادام الـظـلـم ومـيـــدوم
والزهره أتحمـلـت كل هـذا من هجموا عالـدار الگـوم
والباب الشاهــد عالمنـظـر والضلـع الباقـي ومهـشـوم
ينزف ليهسه وظل صرخه بـوجــوه الــظــلام أيـحــوم
ظـل عـلامه لـلـقـيـامـه
ويــنــاشــد الـجــبـــار
من هجموا أعله الدار
صب دمعها ولضلعها

هاي الزهـره وهـاي الحاله عـاشـت ماتــت بــالأحـزان
والـنـاس الـتـسـمـع لا ذمـه وتـشـاهــد نــار الطغــيــان
تركوا دين الهادي و راحوا تـبـعــوا أحـلام الـشـيــطـان
والــزهــره القـرآن الناطـق عـافـوهـا وعـبـدوا سلـطان
أغـضبوها وأعصروها
مـا شـافـــوا الأنــوار
من هجموا أعله الدار
صب دمعها ولضلعها

لاتنسون والدي من الرحمه والغفران
خادمكم رياض الرسل الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصيدة التوسل بمولاتي فاطمة الزهراء ع

فاطمة احضريني .. اتوسلچ غيثيني
حاجتي اتعرفيها .. ارجوچ لترديني

---

من بعد غفله ولهو جيت لمصابچ
ادري مترجعين كلمن طرق بابچ
حاجتي صعبه وحق عزة حجابچ
تگضي لو تنطيني ذره من ترابچ

قاصد المنابر .. وبدموعي حاير
لان عطرچ بيها .. رايد اتشوفيني
_
يا عزيزة حيدر وطه والاها
تره الدنيه خادمچ سوده گضاها
بروحي عله لهسه ما لاگي دواها
جيتچ وادري الشفا جيتي وراها

اعرفچ حنينه .. اليجي متردينه
وحاجته تگضيها .. والچ ماد اديني

---

اعليچ اقسم باسمچ وقدسة حروفه
وعين ابو فاضل وراسه وبچفوفه
ابداعت الراحت سبيه وبيها خوفه
كون گيدي منفتح منچ اشوفه

سلسلة بواخر .. اعليه لفة داير
دنيتي وادريها .. رايده اتاذيني

---

الليل چنه ثار يطلبني ويريده
علئ افراشي وبيدي اشاگف ضربة ايده
واني اندب بأسمچ وروحي وحيده
چني مسلم عني لهواشم بعيده

صار يا مولاتي .. الموت امنياتي
اتوسلت راعيها .. روحي خل تجفيني

---

وداعت ادموع الولي يوم المصيبه
ناسي منهم ما سمعت احچايه طيبه
حاله عدهم فاطمة كلش عجيبه
المايبز گلبي بحچي بعينه يصيبه

شگد دعو عليه .. رادو المنيه
ناس ممأذيها .. زيدو ونيني

---

الفرج منچ رايده تحسبينه الي دين
ديني ارجعه بالعزه الينصب لحسين
بصدري ما ارجع اذا مو طبع چفين
أمن العزه مارد اذا ضلت ماي بالعين

دمعي كله اهله .. عالبگلبه نبله
بحرگه من اجريها .. فدوه الكم عيني

الشاعر غضنفر الزيداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يا مولاي طالت بيك الغيبه
للاسلام لا ما ضلت هيبه
عندك ثار غيرك منهو يجيبه

---

ننتظر واعليك خفنه خاف ماتلگانه
العين يبن الحسن والله لشوفتك عطشانه
بداعت الطاحت چفوفه وبقت بس اردانه
قبل جيتك لون متنه ارجوك لا تنسانه

يا مولاي كل فجر أمن الجمعه
كلنه انگول بلكي اليوم الطلعه
وكت الليل كلها تصير بخيبه

---

دينكم ماضله هيبه ولا بقت بي شاره
حتئ الله من ذنبنه حبس عنه امطاره
خاف نذنب بعد اكثر والنه متضل چاره
ومثل اهل الفيل تالي ننرمي بحجاره

الاوضاع سوده وحيل اتفشل
بدرب ابليس انزين وانعدل
نشوف الموت نجهل هاي امصيبه

---

امنيتي اشوفك حتئ اخلي بيمنتك حاجاتي
انته اهلها وما تردني وتنتظر شماتي
ما احلفك بس اكول بفاطمة مولاتي
تنفتح كل عگده واني توني اهل دمعاتي

يا مولاي حاجاتي تنتظرك
فك الگيد بالطلعه الله يبشرك
بگلبي اصواب دعواتك لتطيبه

---

اغلطت ابحقك اهوايه واعتذر يامهدي
اجروحك بهذا وكتنه اهواي اجن من عندي
خاف تطلع باچر انته ومن تقيم لحدي
وصعبه تسالني اعله هايه ويايه انته ضدي ?

واني احتار يالمهدي بجوابي
خاف اتگول مو انته أمن احبابي ?
بذنبك هذا متعمد ادريبه

---

سيدي اصلحني واخذني خادمك خليني
خدمتك يبن الزچيه بيها يكمل ديني
تايه اني مدلي چفك عالدرب دليني
ابداعت النزلت لبنها اتنادي آه يحسيني

بدرب ابليس رايح شيرجعني
مد يمناك يالمهدي وانقذني
والشيطان ضنه بيه تعيبه

---

حسينك امتانيك تظهر يدعي الك بالطلعه
ثاره اذا مو انته والله ماكو زلمه يرجعه
جدك بحضرت الكافل ينتظر كل جمعه
سهم عين وسهم گلبه وشرط انته تطلعه

وي الشام عندك ثار اهوايه
من عباس گوم واخذ الرايه
وراس حسين من دمه اغسل شيبه

الشاعر غضنفر الزيداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
يازهراء .. فتحي عينچ
يازهراء .. حركي ادينچ
كون يالمحبوبه .. داخله بغيبوبه
انطر تگعدين

---

اباوعلچ واگولن بلكي ما ميته
احچي وياچ واجوابچ يرد سكته
اباوع عالجفن بلكي الله فاتحته
ظهر حيدر وظهر الكون كاسرته

لو تشوفين .. شيبي يطلع
لو تشوفين .. كلي ادمع
اشردت من دنيايه .. غير انتي ويايه
يمي تعيشين

---

اجي لچفچ وابوسه بلكي يتحرك
بديه اثنينهن انده وارد اترك
واگولن گوم حيدر واشدد ابازرك
الجنازه ازغيره لاكن ينكسر ظهرك

واحتاريت .. شرد اسوي
واحتاريت .. لدمعه تچوي
انظر واتحسر .. بشيلتچ اتكسر
انطي الوجه وين

---

من اعيوني اغارن من يشوفنچ
وابوس اچفوف اديه من يحضننچ
مو انتي عسه اني الرحت منچ
تطلگ روحي جثتي من اودعنچ

يم ابوها .. كون اجومچ
يم ابوها .. ابيتي اوضعچ
صوره وبحيطاني .. وبيچ اصبح اني
وبيه تصبحين

---

فرحتي من اشوفچ قبل بحزاني
عاجر و ولدت واحد وره الثاني
يالعفتيني اسير ابين عدواني
بعد دفنچ احسن اني مو اني

يالبعيده .. لمن غبتي
يالبعيده .. نبضي صرتي
والگلب ووريده .. وكلشي يمه يفيده
وانتي الشرايين

---

اجيت الگبرچ اني اهواي تدريني
ولا مره يفاطم انتي اجيتيني
لو مو علي اگولن چا نسيتيني
بس بالطيف ضلت تنظرچ عيني

اي والطيف .. حلو بدايه
اي والطيف .. مر نهايه
الليل رمشه يمرني .. فجر اليگعدني
وانتي تروحين

---

امانه حسين گلي من تشوف امي
بجيت الشمر يمي خل تجي يمي
يدورله مكان لخنجره بجسمي
ذبحني وهوه يكفر واختي التسمي

واويلاه .. بحز وريدي
واويلاه .. تلزم ايدي
عسكر يسبوها .. مچتفه يسبوها
وتدخل دواوين

الشاعر غضنفر الزيداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
يافاطمة .. مخلوقه من نور الجلاله
يافاطمة .. بيچ الله خله كل جماله

---

يا فاطمة يالربنه هوه اعليچ صله
معقوله اعوفچ وامشي للمايعرف اصله
ماعوفكم لو اعرف اصبح وصله وصله
ابليس يمچ لو سجد يغفرله الله

هذا الگلب .. صح گلبي بس انتم حلاله
يا فاطمة .. بيچ الله خله كل جماله

---

راح احچي واليزعل احرگه واحرگ اهله
مو بالاذن كلمن يخلي وياي عقله
كافر عمر ما عرف طه ولا يمثله
مو من محمد هذا من قوم لوط اصله

كاتل مره .. الچان يرجف من خياله
يا فاطمة .. بيچ الله خله كل جماله

---

من مثلج انتي والوحي بابچ يدگه
مو عجل سوه السامري وكلها تصدگه
استغفر الله الباب منعبده نعشگه
المحد يدگ بابه كفر بابچ يحرگه

بعد الرسول .. بينو هُم اصل النذاله
يافاطمة .. بيچ الله خله كل جماله

---

روحچ حنينه ليش اجوي وشوغوها
اضلوعچ اليدفه حسين بيهن كسروها
و الحشر گرب من دموعچ نزلوها
لو ما علي گاع وسمه چا طبگوها

بنت النبي .. مو سهله تقتلها الحثاله
يا فاطمة .. بيچ الله خله كل جماله

---

يا مره غيرچ يرضه خالقها لرضاها
انتي المره لربچ عله الكل فضلاها
حقه علي لو عينه بغيابچ عماها
ويحچي أويه روحه ليش ما رحتي وراها

عايش لمن .. الراح من عنده دلاله
يا فاطمة .. بيچ الله خله كل جماله

الشاعر غضنفر الزيداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
مجالسنه شريفه .. مجالسنه نضيفه
بيها تحضر فاطمة

---

بسم الله اشما نطب بيهن نگول
دوم خضره وما وصل يمهن ذبول
اليقره واليلطم يسارع بالوصول
غايه عدنه ولازم انواسي البتول

الحسينيات شمعه .. بنوهن دمعه دمعه
بيها تحضر فاطمة

---

اشما تقلل بالمجالس رادت اعداي
بفضل الله وفاطمة ايصيرن اهواي
چنه حيرة ابو اليمه ابموت رواي
هسه يا كثر المجالس غلبن الماي

البيوت واهلها .. حسينيون كلها
بيها تحضر فاطمة

---

اليلطم ويعرگ ينزل غيره واحساس
بيها من كل الطوائف تحضر الناس
اليطب محني منها يطلع رافع الراس
مرجله يوزع علئ اللطامه عباس

اليجيها وعنده حاجه .. شرط ياخذ امراده
بيها تحضر فاطمة

---

حزن بيهن اكثر أمن الشافه يعقوب
اعيونه خلصن وننظر كل الدروب
نبي وابنه يدري عايش طمنه الثوب
واني ادري انگطع راسه وثوبه مسلوب

ادعي لطلعه ابنه .. بمكانه ارد احضنه
بيها تحضر فاطمة

---

الزهره تفرح من تشوف الكل يحضرون
وتدعي الله يطول اعمار اليلطمون
ذوله ماناسينها والحاء والنون
عالضلع تلطم اذا شافت يطبرون

بلطمنه تجي يمنه .. خدمها وهيه امنه
بيها تحضر فاطمة

---

فاطمة سالت ابوها وگال بعدين
الله من دمعچ اخذ يخلق معزين
وعد ميقصرون وبعينچ تشوفين
كلها تبچي وتلطم اعله امصاب الحسين

خلقهم الله لجلچ .. غداً كلها تخدمچ
بيها تحضر فاطمة

الشاعر غضنفر الزيداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ادعولي كون اموت
وابحضن امي افوت
حتئ حيدر سوه يوسدنه بلحدها

---

يالحسن وحسين اسمعو .. رفعو ديكم سوه ادعو
كون اموتن
الله ميرد هالايادي .. ادعو يتوقف فؤادي
وما اعيشن
كون چف حامي الحميه .. يغسلني اويه الزچيه
ومن يچفن
ابچفن واحد اني وامي .. حتئ ابموتتها يمي
بيها اشمن

ما احمل فراق
موت الاشتياق
وعيني من تندفن امي كون اسدها

---

اتوقعت ضلتچ ويايه .. يمه مو حلوه النهايه
شكد سريعه
توني گمت امشي ومشيتي .. يالتركتي الليله بيتي
بي فجيعه
البيت بعدچ ما اريده .. كون ابوي يفلشه بيده
وهم يبيعه
البيت من يفگدله غالي .. بعد المن يضل عالي
يالوديعه

حضنچ من يروح
انام اعله الجروح
واسود أمن البچي بنتچ يضل خدها

---

يمه يالكلچ ترافه .. علئ موتچ يا حسافه
ويا هضيمه
راح ابقه العمر كله .. لاني ميته ولاني عدله
ابقه اليمه
ياعمد بيت الرساله .. ابوگعتچ راد الجلاله
الگاع هيمه
خيمة الله طيحوها .. وشتمو امها وابوها
اكبر جريمه

من طحتي اشوف
محترگه الچفوف
اضلوعچ وچفينچ اشصعبه ضمدها

---

بعد وچهچ راح اصبح .. عالدمع وبچفي امسح
وبثيابي
ازغير چفي و دمعه دمعه .. اچفوفي ينترسن بسرعه
ابمصابي
مو دمع چن فوگي تمطر .. اهدومي تتبلل واعثر
يا عذابي
كلي اتبلل ابدمعي .. ينعصر شوفي ارجعي
هم حجابي

بدون الما يجون
منريد العيون
كون من يروح غالي هذا حدها

---

يمه طفكم چنه لحضه .. السهم باچر من يطلعه
اني اشوفه
يمه من الظهر طالع .. اضلوع گلب وياه دافع
صعبه اروفه
يمه من كل صوب ينزف .. السهم من يلزمه يرجف
بيه خوفه
لو هوئ من مهره انظره .. يطيح ابو اليمه اعله ضهره
والتطوفه

عشره أمن الخيول
اعله ابنچ تجول
وانظر العباس طايح من يصدها

الشاعر غضنفر الزيداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

طفت شمعة شبابچ بالكسر
وبدت رحلة عذابي أمن العمر
صلاة امسافر اسنينچ قصر

---

انه باقي .. علئ غيابچ .. كئيب
كل مكان .. امشي بي .. غريب
اعليه بان .. انه فاگد .. حبيب
جرحي طال .. ميرهمله .. طبيب

شرد اسوي .. وامنياتي .. بالتراب
شعري ابيض .. من يصدگ .. اني شاب

اباوع وجهي بمرايه ودخت
علي لو غيري الگبالي گلت
اثاري اتغيرت من القهر
__
منهو يشري .. باقي عمري .. يگول
من يلحگ .. بيه بادي .. الذبول
ما اضمنه .. بعد ساعه .. يطول
شما اجرن .. نفسي اندب .. يالبتول

من اصلي .. امنيتي طبره .. واعتنيچ
ربنه خله .. بيه روحچ .. وروحي بيچ

بقيت اتوسل ابموتي يجي
علئ اغيابچ ولا ينفع بچي
وصل صبري لغيابچ واعتذر

---

جو ايتامچ .. بويه گالو .. سوال
امشي لمي .. بلكي بيها .. مجال
خل تجينه .. اشتقنا منا .. دلال
واني ساكت .. دمعي جاوب .. سال

ابچينه كلنه .. وگمنه نذبل .. ورود
همه سكتو .. واني دمعي .. عالخدود

مشو نامو وانه ليل المضه
لون بعيوني سبع ابحر گضه
ومن المغرب بچي لحد الفجر

---

تره اغيابچ .. طفل ردني .. عنيد
كلشي خلو .. يمشي بامري .. ومزيد
كالو اضحك .. واني كلبي .. حديد
واني اكلهم .. فاطمة وبس .. اريد

چني شمعه .. بروحي احرگ .. عليچ
وايدي ميته .. بلمسه ترجع .. من اديچ

علي بدونچ نخل مابي سعف
خذو من عنده جماره ونزف
وبقه لا زينه بعدچ لا ثمر

---

عليچ الله .. قبل موتي .. تجين
بجيتچ افرح .. وتفرح اعيوني .. الثنين
وخلي يمسح .. الطبره چفچ .. لحنين
واخذي روحي .. الگضت افراكچ .. انين

من تجيني .. تطفه ناري .. الاشتياق
سوه نرجع .. بعد ماكو .. فراق

اسولفلچ واكلچ بالحصل
بعد دفنچ بقيت ابلا اهل
وبقه بكاسه الوكت يسكيني مر

---

كلشي سهله .. بس الاصعب .. الطفوف
حسين ابنه .. بجسمه تعمه .. السيوف
الحجر باچر .. جبهه يكسر .. مايشوف
وحده واگع .. تسحگه كلها .. الالوف

شنهو صبرچ .. من يطبره .. اللعين
واخته يمه .. تگله عوفه .. الحسين

تگله اخذ الغنايم والخيم
واتركو ابن امي خيمه للحرم
سكت واجواب ذباحه نحر

الشاعر غضنفر الزيداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
من التعب نايم
طافت عليه فاطم
اشاف وفرح وسط الحلم ?
شاف الضلع سالم

---

راد وتجري على خده دمعته
گعد يم افراشها ونام ابگعدته
ما اتحملت بالحلم هيه اجته
اتگله وجهك چن عمر ادم مشفته

وجهك لمن درته
اني اعرفت ميته
دمعك اشد من الالم
ورب العرش عالم
_
دنگ واسف يگلها عالاذيه
اشما اگوم ابعيني تنفتح الوصيه
اتگله لا تعتذر يا حامي الحميه
لكسرتك كل ضلع فدوه أمن الزچيه

ضل الحلم يسري
بس هوه مايدري
كل ضنه واقع عالحلم
بس الحلم قائم

---

باوع وماكو اثر سطره اعله خدها
قبل ساعات الاصابع بي يعدها
تنظر اعيونه حمر ضايع ضمدها
خجلت ولا نشدت ولا هو نشدها

سكته النظر يحچي
بين الكسر والبچي
وابتسمت وهو ابتسم
مايدري مر قادم

---

رادو يگومون والموقف كشفهم
هوه حط ايده اعله ضهره وهم تالم
هيه گامت قطره طاحت منها من دم
وخرخشه ابمشيتها من ضلع المهشم

چان الحچي امكتم
والموقف اتكلم
واحد وره الثاني انهدم
الواقع صبح دايم
_
فز ركض لفراشها باوعله خالي
رجع گال اسندني لو طيحن خيالي
سمع زينب يمه طولتي تعالي
يالاخذتي الضحكه والفرحه ودلالي

راح الها بدموعه
شافاها موجوعه
اغياب الحبيبه ما رحم
لا صاحي لا نايم

---

بويه زينب يومج انتي ماكو مثله
اگباله يتحمل منو يذبحون اهله
اكثر أمن امچ دمع اعليچ انزله
ابحضني چنتي وتالي مسبيه اعله هزله

عينچ بدت تضعف
ضمي الدمع للطف
لو طاح شيال العلم
يضل الشمر حاكم

الشاعر غضنفر الزيداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
خجلان اهواي … من عندچ … واتعذر
لو موت الدين … لو موتچ … واتخير
لو مو الاسلام … چا ضلعچ … متكسر

---

قبل كسرچ وحقچ اني متكسر
خيارين وخيار الدين بي مجبر
وصرت اسأل محمد بالكسر تحضر
يگلي امتحانك هذا واتعذر

وانتي تشوفين … لو انتي … لو ديني
لقبضة فقار … ما توصل … چفيني
انا لله … ولفاطم … بس ننظر
__
اباوعلچ تغيرتي وضلع ينزف
مو اني التحت رجلي احس ترجف
شيطلعه الوگع بالماي وامچتف
اگوم اگعد اصيحن ابچي ما اعرف

اشما دير العين … هم انظر … من ونتچ
طحتي عالگاع … متعيني … ما شلتچ
طير ابلا اجناح … اوصلچ … ما اگدر

---

اباوع بالشياطين امتلت داري
لا عم لا اخو اليفزع ولا جاري
الوصية انظر انكتبت فوگ فقاري
شسوي وانتي وضعج يبس افكاري

اشما اكول اتهون … راح اصبر … علئ وضعچ
وحده الزهراء … لو فكر … شيعوضچ
اشما صيح اعليچ … ما اسمع … ها حيدر

---

متي وعقلي ضل امچلب ابضلعچ
دفناچ اعله فرگتنه ابچي انسمعچ
ودنه أمن الگبر كل ما نجي نطلعچ
واذا ردتي ترجعين وعلي انرجعچ

يوم التشييع … عد حيدر … لا مثله
گد مامكسور … ما صارت … وي اهله
چن ماي بنار … خفنه اعليه … يتبخر

---

رجعنه للديار ومو حلو المنظر
ردنه انبيعه بس عطرچ لبي يفتر
اشما ننظر علئ البسمار نتأثر
وندعي اعليه بلكي يموت ويزنجر

لمن نشتاگ … نتسابق … عله بابچ
زرف البسمار … انشوفه … بثيابچ
المر من الباب … من ونه … يتعثر

---

يوم الغاضريه باچر انظره
حسين اعله الشريعه ينكسر ضهره
لو شفنه الخيول الباب منذكره
وهذا ما نعرفه ضهره لو صدره

فگد العباس … أمن الحافر … وجع اكثر
لخته الحوراء … كل خطوه … يتعذر
الاولئ أمن البيت … عالناگه … تتأسر

الشاعر غضنفر الزيداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــلاستشهاد الزهراء عليها السلام

يادهر ارحم فاطمه والظلع. التَّكَسُّر
موهاذي رحمه من السمه بالدنيا والمحشر
آه يادهر يفتر مايرحم الكوثر
★★★★★
يادهر غلطاتك لفن مااگدر احسبها
تعرفها مصدر للصبر كافي تعذبها
هاي الحبيبه الطاهره المعصومه من ربها
كافي الدعي وبن الدعي يشتمها ويسبها
ماعنده غير الشر مايرحم الكوثر
★★★★★
لمن رحل خير البشر محد نشدعنها
باطنهم الوادم ظهر صاروا سبب ونها
من عينها طاح الأمل من طاح محسنها
محد ندم بعد الجره ويطلب عذر منها
والما اجه اتعذر مايرحم الكوثر
★★★★★
ويل اللئيم المارحم وبلاورث ردها
مهظومه ظلت فاطمة الدمعه بوسط خدها
نزلت بخطبه صاعقه نالت مقاصدها
بالخطبة تتوزن ذهب كل چلمه من عدها
رفض ومنع قرر مايرحم الكوثر
★★★★★
الاول اهدافه توضحت من راد يمنعها
لامال خله ولاورث مهظومه رجعَّها
تفرغ اديها من الكرم قصده يلوعَّها
محبوسه بحبال الهظم زَيَّد مواجعها
شهود الغدر حَضَّر مايرحم الكوثر
★★★★★
الاول حديث بلاسند حط وسلب حگها
والثاني متعمد اجه علدار يحرگها
وظلوع بالحايط بده بالباب يطبگها
اذياب ليش اتحولوا من طه فارگها
چم واحد اتجبر مايرحم الكوثر
★★★★★
سيده الزهره للنسا معروفه سيرتها
تبني اصول المعرفه بالدنيا غايتها
غربان وگفت بالدرب تمنع رسالتها
انطت عصور من العلم بسنين عاشتها
قصد العده اتفسَّر مايرحم الكوثر

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
لاستشهاد الزهراء عليها السلام (وزن المجرشه)

الزچيه شمعة الدين
لفتها ساعة. البين
تموت ودمعه بالعين
ويلي على الزچيه
★★★★★★
للموت سَلَّمَهَا الوكت صعبة ورديه أفعاله
فَرَّق البيت ولمَّته الفرگه اشكثر چتاله
بالبيت حط لوعه ومشه وَلَمْ الأمان وشاله
الله ياگلب الوصي. ياحال. يشبه حاله

علي بياذنب مطلوب
يرد والحال متعوب
يون ونات يعگوب
ويلي على الزچيه
★★★★★★
مر الخريف على الورد متروسه غربه أيامه
مو وكته ذبلان الورد. بعده العمر گدامه
بالدنيا ماشاف الضوه بس لوعته وآلامه
الموت اصبح سلته. وريح العذاب انسامه

ليل ايذبها عَلَّيْل
وعلخد لَمَّن يسيل
يصب الدمع سجيل
ويلي على الزچيه
★★★★★★
متآمرين على النبي. المندعين أصحابه
أول فعلهم من رحل لبيته لفوا طَلَّابِه
گطعوا انفاس الطاهره آه ياعلي ومصابه
من گال حيدر ينهظم عدوان توصل بابه

ابوجهه وگفت الگوم
عدهم صار معلوم
بوصية وعهد ملزوم
ويلي على الزچيه
★★★★★★
تنظر على الدين بخطر. واعداه صفوا حراسه
دين الله مو اهله أسف والناس أبد موناسه
كسروا ضلع من فاطمه. ومحسن لفظ أنفاسه
المثل النعامه بالحرب. . مهيوب يرفع راسه

الغضبها يغضب الكون
زرگه ليش. المتون
بعين الشامت تهون
ويلي على الزچيه
★★★★★★
هان الأمر عد فاطمة. وكل شدة مرت بيها
بس خافت أبين العده. وحده يضل. واليها
خافت يرد ذاك الامس إبليس البشر حاديها
ترد البشر تعبدصنم وتنكر فضل هاديها

تنادي بحال معلول
وصيتي ياعلي تگول
اريدن گبري مجهول
ويلي على الزچيه

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

لاستشهاد الزهراء عليها السلام

يادهر ارحم فاطمه والظلع. التَّكَسُّر
موهاذي رحمه من السمه بالدنيا والمحشر
آه يادهر يفتر مايرحم الكوثر
★★★★★
يادهر غلطاتك لفن مااگدر احسبها
تعرفها مصدر للصبر كافي تعذبها
هاي الحبيبه الطاهره المعصومه من ربها
كافي الدعي وبن الدعي يشتمها ويسبها
ماعنده غير الشر مايرحم الكوثر
★★★★★
لمن رحل خير البشر محد نشدعنها
باطنهم الوادم ظهر صاروا سبب ونها
من عينها طاح الأمل من طاح محسنها
محد ندم بعد الجره ويطلب عذر منها
والما اجه اتعذر مايرحم الكوثر
★★★★★
ويل اللئيم المارحم وبلاورث ردها
مهظومه ظلت فاطمة الدمعه بوسط خدها
نزلت بخطبه صاعقه نالت مقاصدها
بالخطبة تتوزن ذهب كل چلمه من عدها
رفض ومنع قرر مايرحم الكوثر
★★★★★
الاول اهدافه توضحت من راد يمنعها
لامال خله ولاورث مهظومه رجعَّها
تفرغ اديها من الكرم قصده يلوعَّها
محبوسه بحبال الهظم زَيَّد مواجعها
شهود الغدر حَضَّر مايرحم الكوثر
★★★★★
الاول حديث بلاسند حط وسلب حگها
والثاني متعمد اجه علدار يحرگها
وظلوع بالحايط بده بالباب يطبگها
اذياب ليش اتحولوا من طه فارگها
چم واحد اتجبر مايرحم الكوثر
★★★★★
سيده الزهره للنسا معروفه سيرتها
تبني اصول المعرفه بالدنيا غايتها
غربان وگفت بالدرب تمنع رسالتها
انطت عصور من العلم بسنين عاشتها
قصد العده اتفسَّر مايرحم الكوثر

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

لاستشهاد الزهراء عليها السلام. (وزن السريع)

الله واكبر يادواهي الدهر
اشتحمل الزهره من عذاب وقهر

أيام صعبات اللَّفن فاطمه
بفعل العصابه الظالمه المجرمه
بلوعه وعليله وناحله امهشمه
غربه ومناحه وعاديات الخطر

كل الوكت مهموم گلب ام حسن
من نايبه النايبه ايذبها. الزمن
بعد النبي ايام صعبه. لفن
والگلب مثل الضلع منها انكسر

العلزهره لوعلجبل چان انهدم
من اهل الظلم مايوم شافت رحم
ولابيهم المكسور گلبه. وندم
ولابيهم الحس ابذنب واعتذر

وين الزچيه تروح من هَلْمِلَلْ
الخانوا ابوها وجفوا خير العمل
حصتها منهم بس مرار. وعلل
وگلوب أبد متلين مثل الحجر

القالع الباب الي بديه انرفع
بابه على ضلع الزچيه اندفع
صابر على المحتوم ابد ماجزع
صابر على الحال اليذوب الصخر

الغصبوا فدك معروف چان السبب
وحق الوصي يوم السقيفه انغصب
والهجموا على الدار. وَجَوّا حطب
نفس الي گالوا على الهادي هجر

الشاعر حسن لعيبي الحريشاوي