قصائد استشهاد الزهراء مكتوبة
مجموعة من القصائد الشعرية المكتوبة لمولاتي فاطمة الزهراء عليها السلام
القصيدة الاولى قصائد استشهاد الزهراء مكتوبة
جـــــرح الزچيه عايــــــش وياه
“””””””””””””””””””””””””””””””””””””””””””””””””””””””””””””””””””2
هليله حيـــــدر دمعــــــــه همال
يبچي ويــون ودمعـــــه هالسال
تبچي وتـــــــــــــون وياه العيال
اليــــــوم ودع امــــــــــــل دنياه
“””””””””””””””””””””””””””””””””””””””””””””””””””””””””””””””””””3
هليله حيـــــــدر باقـــــــي محتار
ياحيف ضل لوحــــــده بالـــــــدار
يبچي ويــــــون والدمــــــع مدرار
فگــــــــــــــد الزچيـــــه حيل اذاه
“””””””””””””””””””””””””””””””””””””””””””””””””””””””””””””””””””4
أم الحســـــــن ياناس وحسيــــــن
مني خــــــــــذاها وسفـــــــه البين
بغيابها اذانـــــــي والله الونيـــــــن
الكـــــــــــرار يبچـــــــي وزاد بلواه
“””””””””””””””””””””””””””””””””””””””””””””””””””””””””””””””””””5
مصـاب الزچيــــــــــه موسهل دوم
بگلـيـبــي والله خلـــــه الهمــــــوم
مالوم بعــــــدچ يالزچيه مالـــــــوم
يبچــــــي ويجــــــــــــــر الاه عالاه
“””””””””””””””””””””””””””””””””””””””””””””””””””””””””””””””””””6
حيـــران ضل حامــــــــي الحميــــه
يذكـــــــرها كل صبـــــــــــح ومسيه
مـــــــودعه بالله ورسوله يالزچيــــه
محبوبــــــــــه بيده اليـــــــوم دفناه
“”””””””””””””””””””””””””””””””””””””””””””””””””””””””””””””””””7
هليله حيـــــدر يبـچــــــــي بهـــداي
راحــــــــــــت الچانت أمـــــل دنياي
اتمنــــــــــه دوم الزهـــــــــــره وياي
نكمل عمــــــــــــــرنـــــــــــه العشناه
“””””””””””””””””””””””””””””””””””””””””””””””””””””””””””””””””””
الشاعر عماد محمد الدراجي
السبت \
قصائد استشهاد الزهراء (ع)
القصيدة الثانية قصائد استشهاد الزهراء مكتوبة
نزله (لحن لؤي البغدادي هاي الوصيه للمرجعيه)
♕♕♕♕♕♕♕♕♕♕♕♕♕♕♕♕♕♕♕♕
هاي الوصيه من الزچيه
احميلي هالايتام هاي الوصيه
♕♕♕♕♕♕♕♕♕♕♕♕♕♕♕♕♕♕♕♕
ياعلي أسمع وصيتي واستمع مني شكول
كبل لاتكرب منيتي وسفرتي كلش تطول
دلل اولادي بغيابي ياعلي حسب الاصول
ذوله مو اولاد احــــــد ذوله اولاد البتول
وانصب عزيه هاي الوصيه
واحميلي هالايتام هاي الوصيه
♕♕♕♕♕♕♕♕♕♕♕♕♕♕♕♕♕♕♕♕
وصيتي ياحيدر بزينب وهي ماتحمل هظم
زغيره ياحيــــــدر بعدها والله مومالت يتم
چانت تنام اعلى صـــدري وهالعطر بيه تشم
ياعلــــي بغيـبـتــي زينـب مايمسها كل ظلم
بنتي الأبيه هاي الوصيه
متمسها ظلام هاي الوصيه
♕♕♕♕♕♕♕♕♕♕♕♕♕♕♕♕♕♕♕♕
وبعد ياحيدر وصيتي ارد اخبرك بالحسن
ابني هذا ومااريدن بغيبتي يشوف المحن
ياعلي لتذكـــره ابني والله بايامي المضن
لاتخليه بحسرتـــه يبچي وينادي ويــــون
يبجي عليه هاي الوصيه
ماريده ينظام هاي الوصيه
♕♕♕♕♕♕♕♕♕♕♕♕♕♕♕♕♕♕♕♕
أدنه ياابوحسين ليـــــه هالوصيه اسمعها زيـن
بكلشي وصيتك يحيدر والاهم عندي الحسين
أعز اولادي يحيدر و هـــــــو امام المتقين
انه امنتك امانه وانتـــــه اميــــر المؤمنين
نفذها اليه هاي الوصيه
وبحضنك ينام هاي الوصيه
♕♕♕♕♕♕♕♕♕♕♕♕♕♕♕♕♕♕♕♕
ياعلي اخـــر وصيـــه واستمع مني الجواب
گــــومك الاذوني كلهم ياعلي داحي الباب
مايحضرون الجنازه ومايحضرون المصاب
تدري لوحظروا يحيدر يزيدني هم وعذاب
وكت العزيه هاي الوصيه
ماتحظر الظلام هاي الوصيه
♕♕♕♕♕♕♕♕♕♕♕♕♕♕♕♕♕♕♕♕
الشاعر عماد محمد الدراجي
الاحد 2016/1/31
القصيدة الثالثة قصائد استشهاد الزهراء مكتوبة
عـالعادو الزهراء شاهد ضلعها
عالسبها ذاك اليوم وأعله الدفعها
ولينكر الي صار .. حتمآ مصيره النار
شاهد ضلعها شاهد ضلعها
——————–•••••——————
يازهرة المختار .. مو ماي أجوچ بنار
ياسـر وجود الكـون
حبل الوصيه اندار .. گيد علي الكرار
وبـهالأمـر يـدرون
أتجاسرو عالدار .. أهل الخزي والعار
كرسي الحكم يردون
هذا الأمر معروف لجل الخـلافه
الثاني للتاريخ هذا أعترافه
ما تنفعه الأعذار .. حتمآ مصيره النار
شاهد ضلعها شاهد ضلعها
=========__
انتي القلم والوح .. وانتي سفينة نوح
الله شكثر يهواچ
كلشي الچ مسموح .. كل اليجي ويروح
يا فاطمه برضاچ
لا وأبنچ المذبوح .. دمچ هدر ميروح
لا والذي سواچ
للمهدي لابد يوم يشهر فقاره
وينادي حان الثار لم الغياره
خل توصل الأخبار .. حتمآ مصيره النار
شاهد ضلعها شاهد ضلعها
——————–•••••——————
يا اية التطهير .. شيوصفچ التعبير
يالوحدچ قران
يالما الچ تفسير .. الوصفاچ يحير
زهـره انتـي لو بستان
عمرچ صحيح گصير .. لكن الچ تأثير
يا محور الأكوان
يا حجه عالمعصوم شنهي الكرامه
ام النبي الختار وام الامامه
الي يبغضچ صار .. حتمآ مصيره النار
شاهد ضلعها شاهد ضلعها
—-===—–===—–===——-
الحاربوچ أصنام .. ما دخلو الأسلام
ما امـنو هيـهاة
يافاطمـه ظـلام .. كشفتهـم الأيام
صحبتـهم لغايات
حسبوله عام بعام .. طف كربله والشام
بي رجعو ثارات
السلب حسين والحز وريده
من يضهر الموعود ياهو اليفيده
والنبت البسمار .. حتمآ مصيره النار
شاهد ضلعها شاهد ضلعها
—–==——==—–==—–==——
هظم السبي ياناس .. الي يشيب الراس
ماينسي واللـه
لايشفه لا ينقاس .. جرحچ يخت عباس
والمهدي ما ينساه
ردت بلا حراس .. ويلي وحدوها أرجاس
عالهزله واويلاه
طاري السبي يبچيه وطاري العقيله
ياطـبت الديـوان كلـش ثجــيله
كلمن يطلبه بثار .. حتمآ مصيره النار
شاهد ضلعها .. شاهد ضلعها
——====—-===——===——
خادم الحجه / علـي عگـاب العمـري
القصيدة الرابعة قصائد استشهاد الزهراء مكتوبة
كلشي من عندج……….نعمتي وخيري
وانه حس روحي …..هواي تقصيري
يا زهراء _يازهراء
كلشي من عندج صبح ياسر حياتي
لو نسيت الزهره احس خله…..بصلاتي
انتي تسبيح الفرض كل ركعه ذاتي
بيج احس كلشي اكتمل دربي ونجاتي
بجاهج اتوفق ……..دمعتي ابليلي
وشكبر حظي …….الزهره تدعيلي
يازهراء __يازهراء
اشكبره حظي لورضت عني الزجيه
خادم اتباها صرت اجمل هويه
فاز كلشي بدنيته وجنه هنيه
هناك صوت الرافضه نحيي العزيه
نظره من عندج…….. هوايه مولاتي
المجلسج اسعى……. اجري دمعاتي
يازهراء _يازهراء
دمعتي عاشور صارت كلي مأساة
صاحت الزهره اعد يا ملا الابيات
وانه ادعي بحضرتج تكضيلي حاجات
خادم وعندج صرت رهن الإشارات
احلى بالدنيا……… عايش أمنيتي
عالگبر خادم……… كاتب اوصيتي
يازهراء __يازهراء
عمري خلص بالمجالس اني منذور
ما خلص عندي محرم ودمه ايفور
عدنه عاشوراء ثاني باقي منشور
اتصير ايام الزجيه چنهه عاشور
صدري خليته…………بالطم شاره
عودت روحي………. ما ألي جاره
يازهراء _يازهراء
هوايه يزهره دعائج احنه نحتاج
انريد عاشور الزجيه ايصير مناهج
مانهم ننطي نفسه وحتى الاوداج
خدمتج بس احنه ننجه وبيها الافراج
اني ما خايف …….حققت صيتي
خادم الزهره…………تعلم ابنيتي
يازهراء _يازهراء
وجهي باچر ابيض وتلكاني عابس
جنون بالخدمه صرت شوك المجالس
صار تسبيحي الزجيه وعندي واهس
اسمي صاير خادم وأكبر منافس
ادعي يزهره……..بكلشي توفيقي
عاشك الخدمه……. .بيها توثيقي
يازهراء _يازهراء
تمت بعون الله وبركاته
ش…يوسف الفتلاوي
القصيدة الخامسة قصائد استشهاد الزهراء مكتوبة
يا زهراء……هالقرار وياج ماخذته الخدم
يازهراء…..مانعوف الخدمه نقسملج قسم
عاشورج ناحت السماء
ومصابج چنه كربلاء
مولاتي نحضر العزاء
بالدمع مولاتي بس وفقينه
وبسجلج يم حسن سجلينه
احنه دوم بخدمتج تلكينه
عهد نقسم والعهد تدرينه
يازهراء…..اصدورنه تشهد علينه وبيها دم
يا زهراء….مانعوف الخدمه نقسملج قسم
خدامج كل وكت نصيح
يالزهره وداعت الذبيح
ونعلي باچر الضريح
باچر المهدي يجي ويلكيهه
حضرتج يم الحسن يبنيهه
احنه عماله وعلي نكضيهه
الحضره وبعلو السمه انعليهه
يا زهراء…تنبني الحضره وعلي بعلو
النجم
يا زهراء …مانعوف الخدمه نقسملج قسم
سجلينه بدفتر الهيام
انجنينه بالعالم الغرام
من نارج تحترك خيام
بالمجالس صوت واحد ناده
احنه دوم بخدمتج كالعاده
اليوم كل عاشك يريد امراده
ماخذ البيرغ وفه من الساده
يا زهراء……..بالدمع نبچي ونون من الألم
يا زهراء….مانعوف الخدمه نقسملج قسم
يا فاطم فاطر السماء
من نورج ينخلق ضياء
شمينه بعطرج الهواء
انتي من الله وعلي مرضيه
فاطمه چانت قبل حوريه
كوثر وربج خلق انسيه
احنه بمرج فاطمه يوميه
يازهراء…..مانشف بينه الدمع مره انفطم
يازهراء…..مانعوف الخدمه نقسملج قسم
ما تنشف دمعة العيون
خدامج كل وكت يجون
يالزهره كلشي الج يهون
فاطمه ستر الله صار احجابج
اشبكره والخادم يشم اترابج
نصيح يالزهره وعلي احبابج
بالمجالس نوگف عله اعتابج
يا زهراء……اسمائنه يمج نخطهه وبالقلم
يا زهراء…..مانعوف الخدمه نقسملج قسم
تلكينه بالوكت اباء
لبينه فاطمه النداء
هم نحيه بعالم الفناء
صوت واحد من جناب الخادم
خدمتج تاج وفخر عالوادم
حسره من كسر الظلع يافاطم
والعزه حتى بظهور القائم
يا زهراء…باچر المهدي يجي ايشيل العلم
يا زهراء…ما نعوف الخدمه نقسملج قسم
تمت بعون الله
خادمكم….. يوسف الفتلاوي
إحتــــــار حيدر والدَمِع يِتجاره
مَدري زينب بالوَصي مِحتاره
وآويلآ يافاطِمه وآويلآه يافاطِمه
كَبل مايِنـــــــــــوي علي إيشَيع إلبَتول
إشلون أَوَصِف زينب إو مَدري إشأَكَول
إحتـار فِكــري عالجِـره إنصاب بِذِهول
(بيت طه أَظلَـــــــــــــــــــــــم إبأَنوآره)
وآويلآ يافاطِمه وآويلآه يافاطِمه
مِن نِوه مِــن بيتـــه حيـــــدر للدَفِن
صاح عِينوني إعله نَعش أُم الحَسَن
عالحَسن وِحسيـن بآهاتــــــــه يِوِن
(وِعله زينب ظَل يِصِد بأَنظاره)
وآويلآ يافاطِمه وآويلآه يافاطِمه
لا تِعَلــــون النِوآيـــــــح والبَجي
خـــــاف يِسمع للظِلم فاطِم يِجي
يِنمحــــــي ذَنبه بِنَعَشها يِرتِجي
(إشلون تِمشي بِهالنَعِش غَدآره)
وآويلآ يافاطِمه وآويلآه يافاطِمه
* لَزِمــــــت زينب إبنعــش الطاهِره
إوياك إخذنـــــــــي ياعلي للمَقبَره
إجنازه وَحشه إلمابِجَت يَمها مَره
(اليوم حِيدر وَحده يِرجَع دآره)
وآويلآ يافاطِمه وآويلآه يافاطِمه
إشلون صَبَر زينبه حامي إلحِمه
إشلون مــا رآحَت إتشَيِع فاطمه
ظَلت إبحَســــرتها زينب قائِمه
(إبدآرها إتناطِر تِريد أَخباره )
وآويلآ يافاطِمه وآويلآه يافاطِمه
مِن رِجــــــع من الدَفِن أَمره عُجب
إكَبال دآره مــــــا كَدَر حِيدر يِطُب
وآكُف إو مِحتار وِإلمَدمَـــع يِصُب
(يِدري زينب بالجِره مِنهاره)
وآويلآ يافاطِمه وآويلآه يافاطِمه
دِخَل وسط الدآر بِدموع إلمُصاب
سِألِتــــــــه بويه يَحيدر كَلبي ذآب
إمنين يابويه إبهِــدومَك هالتِرآب
(كَلها مِن لِحد إلزِجيه إتذاره)
وآويلآ يافاطِمه وآويلآه يافاطِمه
إترآب بِهــــدومَك إومَصيوب إبظِمه
إنفض إترآب إللِحِــــد حامــي إلحِمه
فوك وَجهي إلبي عِطِر مِـــن فاطِمه
(عِطر من طه إلجَليل إختاره )
وآويلآ يافاطِمه وآويلآه يافاطِمه
خادم الحسين
حاتم ماشاءالله الكاظمي
من آذاها فقد إذاني
ــــــــــــــــــــــــــــــــــــــــــــــــــــــــ
إلدآفِــع بابَك يِدري تِصبُر عَن مايَجري
وِبنَص إلوِصيه تِدري إلناصِبيه
يا وَصي الله يا وَصي الله
علي بِعينَك تِشاهِد ثَلَث ميه إعله وآحِد
قَهر جِسَر أُمَر
أَمس كَالو نِوِدَك علي إلصُحبه تِضِدَك
شِفِت حِرت صِحِت
تَوك دآفِن نَبيهَم إينادي إلأول عَليهُم
هِجمو حِركو صِطرو
إبابَك وِكفو كُلهُم تِكدَر والله إترِدهُم
ياذوها إلزِجيه تِدري إلناصِبيه
يا وَصي الله يا وَصي الله
إلدآرك هِجمة صَحابه نِكرو اللـه وَكِتابه
نَعَم هِجَم فِهَم
كُرسي إلدين إبنَظَرهُم كُل هذا إللي يِهِمهُم
إليِدفَع يِرجَع يِجمَع
إلحارك بابَك يِكِلي بِجامِع وآكُف يِصَلي
بِمِله إتوضه صَله
بِدآرَك حِيدر فِرحو صَح لاجِن مافِلحو
بالنار إلسِريه تِدري إلناصِبيه
يا وَصي الله يا وَصي الله
هذي بِت نبي طه يِرضه الرب إلرِضاها
وَهَن عِلن وَإن
عن فاطِم لو يِسِأَله باجِر للــــه إشيِكَله
بِجَمِع ضِلِع دَمِع
إلكاسِر ضِلع أُم أَبيها إلباب إلدآفِع عَليها
حَطَب لَهَب سَبَب
إلرَيِس صار إبكومه ماطَب يوم إبحومه
ماشاف إلمِنيه تِدري إلناصِبيه
يا وَصي الله يا وَصي الله
بِصَبرَك ياهو مَثِيلَك إلعينَك يِبجي دِليلَك
ضِمه سِمه دِمه
إلزَهره تنظُرعليها دِمــه خَدها إبإديها
عُمر سِطَر كِسَر
بِصَرخه تِكَدر تِرِدهُم يُعبَد يِرجَع هُبَلهُم
عِزه قَذره فَجَره
إترِدهُم تِكَدر كُلهُم إمن آخِرهُم لأولهُم
ياحامي إلحَمِيه تِدري إلناصِبيه
يا وَصي الله يا وَصي الله
نار إبابَك مِسِعره حِــذري مِنها يَزَهره
إنظَرِت شِفت صِحِت
عُذرأً يالزَهره مِني أَخجل مِنِج لأني
إيدي إبخَدي وَحدي
إنتي حِرزي وَمَلاذي وَصِيـــة طه هذي
قَرِر إصبِر دَبِر
كَلي إليِهجُر هذا إبليس أَصبَح أُستاذه
مِن أَصل إلرِزيه تِدري إلناصِبيه
يا وَصي الله يا وَصي الله
هاي إلهَجمه دَوآفِع رآدو حيدر يِبايِع
قَهراً قَصراً كُرهاً
لا حيدر ما رِضاها إلعِلـــه بِكَلبه خِفاها
كبَر مُجبر حيدر
علي خاف إعله دِينه علي اللـه إليِعينه
بَدر غَدر بَكِر
إلجاك وَكَلَك بايِع هـــو إلبابَك دآفِع
ياخير إلبَرِيه تِدري إلناصِبيه
يا وَصي الله يا وَصي الله
خادِم الحسين
حاتم ماشاءالله الكاظمي
نزله للزهراء (ع)
خدام الـزهـره أيعـزوهـا
وهاليله بدمعه أيواسوها
خــدام و رادوا بـالخــدمــه
كل واحــد يـتسجــل أسـمـه
والزهره تضل أعـظم نعمه
وبالنعـمه الجنه أيضمنوها
خـدام وحبهــم لـلــزهـــره
من يوم أنـولـدوا عالفطره
واحـدهـم لـو قــدم عـمـره
مايـوفــون شما ينـطــوها
خــدام وخــدمــتهــم ألـهـا
أتـقـدرهـا ومنهـم تـقـبـلها
وكل الأسماء أتـسجـلـهـــا
لـمــــن لبـيــك أيــنــادوها
خـدام ومحــد يــلهــيــهــم
عن خـدمتهـا ولا يثـنيـهـم
يدرون الـزهـره أتجازيهم
بـالمحشـر من أيشوفـوهـا
خـــدام ومـحـد يـنـسـاهـــا
وللمـوت أيظلـون ويـاهـا
لـن ربـك بالحـق عــلاهـا
كلمـتـهـــم الها أيعـلـوهــا
خـدام ولـلـزهــره أتعـاهــد
بالدم والباري يضل شاهـد
ميقـصـر منهـم أي واحــد
وللزهره أعمار أيضحوها
شاعر اهل البيت (ع)
رياض الرسل الجابري
نزله
ابقه للمنيه خادم الزجيه
#
آنه من اول حياتي عاهدت نفسي بعهد
ابقه للزهره الزجيه خادم آنه للابد
من جنت اسمع اسمها الطم بذاك المهد
بالكبر لمن تجيني بالكبر الطم بعد
وانصب العزيه خادم الزجيه
#
آنه تعرفني المنابر شيعي لهل المصطفه
بالليالي الفاطميه دمعي يوميه اذرفه
لو يمر اسمي النواصب ترتجف چنها اسعفه
من جفوف الغيره زودي بالضمه دوم ارشفه
والفخر اليه خادم الزجيه
#
وانذرت كل عمري ابقه خادم الام الحسن
لو زماني إيجور بيه اكسره ظهر الزمن
خل يجور إعليه دهري وخلها تزداد الفتن
بالمحن اذكر اسمها وهيه تجليها المحن
وتاخذ ابإديه خادم الزجيه
#
خله يسمعني البغضها والمحب خل يستمع
اكضي كل عمري الاجلها الطم واجري الدمع
والنشد عني اخبره آني للعتره اتبع
آنه مجنون الهواشم آنه مفجوع الضلع
للنشد عليه خادم الزجيه
#
والسأل عني ومقامي ينتضر يوم الحشر
افخر آنه ابت محمد هوه بيمن يفتخر
صكي بيدينه يكتبه بالحشر فارس بدر
ويمضي بيمينه هويتي منهو يوصل هالقدر
اسمي بالهويه خادم الزجيه
#
ابو سجاد التميمي