قصائد حسينية مكتوبة مع اللحن / لطميات ملحنة
القصيدة الاولى
قصيدة نزله تدريجية
اول محرم الى العاشر
اول محرم لهلال وبدره
نستقبل الجيت حبيب الزهره
احنه الخدم وبكل سنة ننتظره
هذا الشهر شهر الحزن والعبره
ــــــــــــــــــ
ثاني محرم للخدم والخدمه
خدام ابو الاكبر اله ونسمه
ويبدل الخادم بأسود هدمه
ويهيأ الزنجيل يضرب جسمه
ــــــــــــــــــ
ثالث محرم للعليله اتصدر
تبجي اعله ابوها ضلت اعل المنحر
وكسر القلب بيها الي مايتجبر
ماتسوه دنيه بلا اهل تتقدر
ــــــــــــــــــ
رابع محرم للعفيفه يقره
ضحت باربع لجل عين العتره
كل الضنه لجل الحسين تنذره
ام البنين الطاهره والحره
ــــــــــــــــــ
خامس محرم للسفير الضحه
شاف الكتب مال العده مو صحه
لجل الحسين وابد ما يتنحه
فنهم الوكفوا لمن دار الرحه
ــــــــــــــــــ
سادس محرم منكتب لانصاره
منزله وندفنوا بصفه بداره
كل مخلص حسين الذي يختاره
كل واحد يعزب هله لزواره
ــــــــــــــــــ
سابع محرم للگمر عباسه
صاحب اجفوف الموزمه والطاسه
ساقي عطاشا كربله بحساسه
للنهر ابدا ما يدنك راسه
ــــــــــــــــــ
ثامن محـرم ياجـرح للـقاسـم
رمـلـه تمنت يـرجـعـلـهـا وسـالـم
كال افدي روحي وموهجتي ومانادم
لعمي الحسين النحر يجري وخادم
ــــــــــــــــــ
تاسع محرم يادمع للاكبر
يشبه رسول الله وشبه من حيدر
لو نزل ارض المعركه يتبختر
هوه وعمامه لليصل يتوذر
ــــــــــــــــــ
عاشر محرم بـي جرح وقرايه
لوجه الرضيع اليقره وجه الايه
من انذبح امه اصبحت ملايه
وتقره اعله روحه يانده الله ومايه
ــــــــــــــــــ
من تختم العشره الحسين تشوفه
من بعد هاي التضحيه المعروفه
مخضب دمه ارماح ونبل وسيوفه
الف وتسعميه جرح شيروفه
ــــــــــــــــــ
الشاعر زين العابدين الشمري
وهذا لحنها : قصائد حسينية مكتوبة مع اللحن
القصيدة الثانية
يوم يوم أحسب قدومك يا شهر
ياللي بيك يموت ابن خير البشر
تدري من هسّه انحنى بيّه الظَّهر
آ يعاشور آ يعاشور
ـــــــــــــــــــــــــــــــــــــــــــــــ
إلك يا شهر إنطرت
وبدموعي اتحسرت
مثل يومك ما شفت
كل حياتي
بيك تدري اللي حصل
امفارگ بين الأهل
تموت لحظات الأمل
وي صفاتي
دمعي وإحساسي صبح جاري نهر
وبالنحيب وبالألم گلبي انفطر
طاوعن عيني محزنات السَّهر
آ يعاشور آ يعاشور
ـــــــــــــــــــــــــــــــــــــــــــــــ
لمَّن هلالك گرب
تجمع بروحي الحطب
واللهب نفس اللهب
بالمخيّم
تخيلت حالت ورع
الطِّفل والطِّفلة سرع
السّوط بالحرة لسع
ودمعي غيّم
واليتامة بليل تتنطر سحر
تشوف عيناهم يخوفها القدر
والدمع مثل الجمر عالخد همر
آ يعاشور آ يعاشور
ـــــــــــــــــــــــــــــــــــــــــــــــ
سكنة ورقية إنحبن
للمواجع سارعن
والگلب بالهم سحن
والبواچي
وحدة منتظرة العرس
بالعطش ماتت نفس
الثَّانية فگدت شمس
مو تراچي
وعدنا يا وادم طفل يشبح نظر
اسمه عبد ﷲ غفه بعينه الخطر
بسهم يرونه وبچه حتى الصَّخر
آ يعاشور آ يعاشور
ـــــــــــــــــــــــــــــــــــــــــــــــ
بعد كل هذا الجرى
حسينا موسد ثرى
والعقيلة اميسرة
بعد أخوها
تصيح يا راعي العَلم
بالسبي عندك عِلم
بحيرة أيتام وحرم
حيّروها
شاهدت فوگ الرمح راس الگمر
وسافر وياها بمشقات السَّفر
والحُسين ابلا دفن عاري إعله حر
آ يعاشور آ يعاشور
——————-&———————
بقلم: اميـر الزبـيدي
قصائد حسينية مكتوبة مع اللحن
القصيدة الثالثة
كون أشلع اعيوني راحوا وعافوني
كلبي ميت مو عدل * بروحي نار وتشتعل
راحوا وعافوني
***
كمت اطفي ابنار روحي ابكل مسيه
الزمن ماخذ حيلي كله وكلشي بيه
أنطر الباب ابسفرهم ماكو جيه
هو شيجيبه المشه وما رد اليه
كلشي راح اوياهم يمي بس ذكراهم
ابعيني دمعي مايمل * ابروحي نار وتشتعل
راحوا وعافوني
***
كمت اسولف وحدي بلجن تهده ناري
وداري وحشه من جفوني ماهي داري
يكتل افراك الأحبه وبيه أباري
وآني ادري موتي حتما” بإنتضاري
احجي ويه اجروحي كون أموت روحي
وادري هذا مو سهل * ابروحي نار وتشتعل
راحوا وعافوني
*
راسي أبيض ماصبغته من حزنهم
اشلون عافوني وجفوني شنهو ضنهم
الدنيا غربه اشلون اعيش ابلا وطنهم
بلغ احبابي ابسلامي ليلي عنهم
سلم اعله الراحوا همه هسه ارتاحوا
ابحزني اكعد وأعتزل * ابروحي نار وتشتعل
راحوا وعافوني
****
والله كون ابإيدي وارسم للخواطر
كون اعيشا” عمري كله بالمكابر
كون أسافر وي سفرهم كون أسافر
وحته الإتراب اعله جرحي يبجي صاير
كون اسمع الموته وجرحي يصدح صوته
عيوني باجفاكم تهل * ابروحي ناروتشتعل
راحوا وعافوني
*
راح اخيط جرحي بيدي وما أشده
كلبي يسأل عن خبركم والله وحده
كتله أيس كلبي منه ماله رده
جانت اخر لحضه بوساتي اعله خده
حسين خل اشكيلك بويه والله ادعيلك
هم عليله ولا أهل * ابروحي نار وتشتعل
راحوا وعافوني
**
شاعر اهل البيت ع
زيد الحدراوي
وهذا لحن القصيدة/ قصائد حسينية مكتوبة مع اللحن
القصيدة الرابعة
قصائد حسينية مكتوبة مع اللحن
القصيدة الثانية لمسلم بن عقيل عليه السلام
موشح نجفي في حق مسلم بن عقيل (عليه السلام)
دخنت والكوفه شبت نارهه
بيهه مسلم كَالو بأخبارهه
………………….
طبهه مسلم والزلم تردم زلم
ضلت وبالخنكَه ماتكَدر تشم
بيهه مسلم نار شبت والنعِم
من جهبهه الحرب مسلم دارهه
………………….
رجفت الحيطان مو بس العده
ارجال فوك ارجال ذبهه امدده
جيش هُمه وهوه جان الوحده
موت بيهم من شهر بتارهه
………………….
والعُبَيِدِ الله ردوله خبر
جيب جيشك احنه تيهنه المفر
ارسلتكم كَلهم اني ال بس نفر
ضربته كَالوله جيش ابحارهه
………………….
احتارت الفرسان بس من صرخته
صوته يذبح كَبل شدة ضربته
حيدره وعباس جانت صولته
اليمنه تاهت بيهم من اشمالهه
………………….
هذا مسلم لو علي كلمن سأل
جاوبه ابسيفه غضب ربك نزل
سيفه حش اركَابهم حش الاجل
بني هاشم كفو من افعالهه
………………….
حاصر الكوفه كأن جيش وعدد
ضربته توضيح الله الصمد
لم يكن من ضربته كفواً أحد
للقيامه ايشد جيوش ارحالهه
الشاعر ياسر العارضي
ــــــــــــــــــــــــــــــــــــــــــــــــــــــــ
وهذا لحن القصيدة / قصائد حسينية مكتوبة مع اللحن
القصيدة الخامسة
هاي القصيده كامله وتم إجراء تعديل للمستهل
خويه حرگوهه الخيم
وينك يراعي الرايه
_____
خويه جيتك للنهر
گوه امشي من القهر
مذبوح گالولي الگمر
وگلبي نصين انفطر
جيت الك عنايه
____
جيتك بطرگ الهدم
فزعه اريدن يا شهم
وصلت الخيمه الزلم
خاف. ما عندك.علم
خويه. الك شچايه
______
ضل اخوك الوحده
حاطت اعليه العده
خويه. الله ايساعده
علجره اعليه وسده
اتريدك. ال. وفايه
______
جيتك. ابحر. الضهر
و ارمل مثل الجمر
شفت لوعات . اشكثر
خويه ما اريدن عذر
عالو. اعله. الثايه
___
وين. اخوي وكافلي
أنا. زينب. بت علي
رادك. احسين. الولي
وين. كافل محملي
گلي خويه احچايه ،،،،،وين راعي الرايه
_______
الشاعر الحسيني سلام عزيز السعيدي
القصيدة رداديه فزاعي نهايه مجلس
وهذا لحنها / قصائد حسينية مكتوبة مع اللحن
القصيدة السادسة
للأنصار..شايب وكـــــف
شايب وكـــــف .. لا ما رجـــــف .. وايعدل احزامــــــه
أدى القســــــم .. يم الخيــــــــم .. ذباها الإعمامــــــــه
وعد صار..يالأنصار .. أخذ منهم عهد
على حسين .. نشد وين..أبو اسكينه كعد
ـــــــــــــــــــــــ°°°°°°°°°ـــــــــــــــــــــــ
جمّعهم ابسد الخيم واتباصروا كلهم
يا اخوتي زينب بت علي كالتله اسألهم
انصار بهذا الوغى ما نعرف اشألهم
كاللها انصاري وفه آني الصرت ضلهم
للأخيام .. والأيتام .. نصير الهم درع
تره حسين .. بلا امعين .. ولا عنده ربع
لُم الشــــرف .. صاح وهتــــف .. أطبرلج الهامــــــــه
ـــــــــــــــــ°°°°°°°°°°ـــــــــــــــــــــــ
يم خيمة الحره وكف يازينب ايكلها
ياعمي واعيونج وعد هاي الزلم كلها
دونج يزينب ركبتي يالماشفت ضلها
هاي الزلم تنطي دمه واتشدها واتفلها
هالأركاب .. يالأطياب .. تروح اعله الغريب
تعيشون .. فده كون .. يروحلكم حبيب
باجر تــــــره .. نلزم ســـــــره .. والموته جدامــــــــــه
ـــــــــــــــــــــــ°°°°°°°°ـــــــــــــــــــــــــ
ماهمهم اجيوش العده متهمهم العده
واليوكع ابنص الحرب هذا انكلب ورده
حشمهم ابعينه غضب سيدنا مو وحده
هنياله الإيسيل الدمه لا دمه يتبده
برز صاح .. والأرواح .. تطيح ابكل كتر
أنه الليل .. والياويل .. فلا أقبل عذر
اتشوف الركـــب .. لمن غضـــب .. طشرها صمصامــــه
ـــــــــــــــــــــــــــ°°°°°°°ــــــــــــــــــــــــــ
من مسلم وعابس درس يدّون أبورقه
هذا الأخذ بيده غرب هذا الأخذ شرقه
يطبكها يسره وميمنه واليوكف ايطرقه
الجيش نافع جمّعه وابساعته ايفرقه
يهدون .. يصيحون .. يا أشباه الزلم
كلنا انروح .. فده الروح .. يا أنصار ونعم
وعدنــــــــاه .. انموت اهنــــــــا .. كلحنا خدامــــــــــه
ـــــــــــــــــــ°°°°°°°°°°ـــــــــــــــــــ
الرايه كامشها كمش بالحومه تتكلب
والروحه متروسه وفه نار الكلب تلهب
وابعينه ماشايل دمع شايل حزن زينب
واجفوفه تنضح مرجله ياويلي من يغضب
غضب جان .. ولا هان .. يريد الآخره
على حسين .. عِمه العين .. يريد الخاطره
بالإعيـــــون .. يشوفـــــــون .. يفديها لإخيامـــــــــــــه
ـــــــــــــــــــــــ°°°°°°°°°°°ـــــــــــــــــــــــ
زيد الحدراوي الشمري
القصيدة السابعة
إلى أولاد مسلم ع»»
المسلم بالسجن طفلين عليهم طالت المده
ينضر الهم السجان •• دوم ودمعته بخده
««««««««»»»»»
عليهم مـــــنكسر گلبه ليش أطفال ونسجنو
يعاين بالسجن طفلين للباري شكر صـــلو
رغم كل الجره بيهم على كل المحن صبرو
حسين بصبره علمهم•••بعده الكوم ذعرتهم
عليهم حرگو إخيمهم•••ومن كثر الضمه ذبلو
مثل ماتذبل الورده
«««««««»»»»»
إلهم عـــــــاين السجان شاهد منظر إيذهله
أطفال بسجن مضلم مـــــحد فارك القبله
هـــــذا يسجد إيصلي وذاكه مصحف إيرتله
ومنهم يسمع القرأن••بلحن صاحب گلب حزنان
منه إتحرك الوجدان، ••وعليهم سالت دموعه
ولجلهم منمرد چبده
«««««««««»»»»»»
إلهم ينشد السجان شنهو إنتو جريرتكم
موقفــكم يحيرني وأريد أعرف قضيتكم
منظركم خطف گلبي وشغلتوني بمحبتكم
ملاك من السمه إنتم •••عليه الباري نزلكم
يهل دمعي من أعاينكم••مثلكم ياطفل مسجون
وسبع سنين متعده
««««««««»»»»
واحد جاوب السجان ويگله بگلب ذايب
إذا تعرف نسبنه تريد إحنه من بني طالب
حيدر عم أبونه إيصير ذاك المرتضى الغالب
وبونه مسلم المذبوح••مثله احنه فكدنه الروح
إجينه من الطفوف إنوح••علينه حركو إخيمنه
وشفنه من الضلم حده
««««««««»»»»
كسرو خاطر السجان بليل أضلم فرج عنهم
ضافو حارث الملعون وراد إبيته يذبحهم
طلبو للفجر مـــــــنه مــــــــــانام ويراقبهم
ياعم كالو إرحمنه••احنه المصطفى جدنه
لازم انت تكرمـنه •• منهم ماسمع كلمه
وذبح ضيفه الدخل عنده
«««»»»»»»
للشاعر نسيم
الحميداوي
ــــــــــــــــــــــــــــــــــــــــــــــــــــــــ
قصائد حسينية مكتوبة مع اللحن
للمزيد من القصائد الحسينية المكتوبة انتقل لمقالتنا الشاملة
اللطميات جمعت من قنوات منبريون على التليجرام