قصائد حسينية مكتوبة فصيح

مجموعة قصائد حسينية مكتوبة فصيح

القصيدة الاولى

استقبال محرم
…

انته الحسين وكفئ….. يااباعبدالله
………..
قم ونادي ياحسين كربلاء
ابتده عاشور خل يبدي العزاء
واحسينا واحسينا واسليب
داميآ النحر مخضب بلدماء
حسين ضل اوحيد يوم العاشر
وفوك صدره ضل يدوس الحافر
انته الحسين وكفئ…. يااباعبدالله
؟؟؟؟؟
لمثله كون الوادم اليله تموت
وياللثارات الخيم نسمع الصوت
حيل دك علصدر علضل غريب
الخيل اعلحسين كلساعه تفوت
شد عزائك لا تضل متخاذل
فشله من حسين وابو فاضل
انته الحسين وكفئ… ياباعبدالله
؟؟؟
شما تكول الوادم خليه تكول
حسين مرجعنا ولا عنه نزول
هلمجالس قائمه لحد الضهور
عدنه غايب ماضهر بعده يصول
ياليتنا كنا معك مو جلمه
الما فهم حسين صوج ابفهمه
انته الحسين وكفئ…. يااباعبدالله
؟؟؟
مو عجيبه اليعشكه حد الجنون
درس صار وخلده عابس وجون
الطم علراس وي سيل الدمع
ماكو مثل حسين بلدنيا حنون
اليحب حسين مات ابعشكه
مثل حب حسين ابد ما تلكه
انته الحسين وكفئ… يااباعبدالله
؟؟؟؟
ياهو مثل حسين حزو منحره
تسع اصابع بيده وماهو خنصره
جسمه ما ضل بي كتر مابي جروح
حسين رد محني الضهر من الكنطره
هل مجالس منفعه وقدسيه
من الحسين اتعلم الحريه
انته الحسين وكفئ… يااباعبدالله
….
خادمكم محمد الجياشي

القصيدة الثانية قصائد حسينية مكتوبة

قصيدة ( انهم فتيه ) في ابطال الطف من بني هاشم

أنهـــم فتيــه .. آمنــــوا بــربهــم
أنهـــم فتيــه .. آمنــــوا بــربهــم
**
فتيه مـن ( آل عليٍ ) بـرزوا لسـوح الشـرف
اتلاگو وي الموت بالطف مو مثل أهل الكهف
ضحوا أبــدم الكرامه مـــن اجــل أعظم هدف
لجـــل دين الله تعالى ابــد مــــا واحــد رجف
أنهــم حقـــــاً .. دافعوا عـن نهجهم
أنهـــم فتيــه .. آمنـــــــوا بــربهــم

اقــره تاريــخ البطوله والشرف في كربلاء
خطوا آيــات المواقف والمجد مــن الدمـاء
جدهم الهادي محمـد عكــس ولــد الطلقـاء
جادوا بأرواح للطــف عــدهم الـدنيا فنـــاء
آمنـوا الدنيــا .. مسكناً لغيــرهــم
أنهـــم فتيـــه .. آمنــــوا بــربهــم

*
آمنـــوا بحسيـن يعنــي امنـــوا بــس بـالإله
حسين للباري نــذرها روحـه وولاده ودماه
حسين باع الروح لكن بالدمّه الدين اشتراه
ولــذلك ال هـــاشم سلكــوا أبــدربه وخطاه
بذلــوا النفســهَ .. فتيـــةً لـــدينهــم
أنهـــم فتيــــه .. آمنــــوا بــربهــم

لاعبــوا بالطــف خصمهم ال هـــاشم بالحديـد
مــو مثــل لعـــب ال أميــه بالقــرود وبالعبـيد
فــرق بيـن الطاح بالطــف غسلــه دم الــوريد
وبين طاح أبكاس خمره فرق عن ابن الشهيد
ملئــوا الدنيــا .. صيحتــاً بـذكــرهم
أنهـــم فتيـــه .. آمنـــــوا بــربهــم
*
كـون قــرأن الجــلاله لهسه ينــزل عالبشر
چان بالطــف ألف أيه نــزلت وعــدّت سُور
فتيه ما ضمهم كهفهم ضحوا ابگطع النحر
الدنيا گبه صــارت الهم صاغها چف القـدر
نُــورهم يبقى .. خالدا وذكــرهــم
أنهـــم فتيــــه .. آمنـــوا بــربهــم

*
أنهــم فتيــة محمد مــا يهابــون الحتــوف
تشهد الدنيــا عليهم يوم بــرزو بالطفـوف
طعمّــه خلوها المنــاحر للنبــال وللسيوف
ابد ما صافحو ظالم ظلوا انظاف الچفـوف
أنهــم صفــوه .. سارعوا لحتفهــم
أنهـــم فتــيــه .. آمنــــوا بــربهــم
**
الشاعر
موسى البديري
1443 هجريه

القصيدة الثالثة قصائد حسينية مكتوبة

قصيدة ( انهم فتيه ) في ابطال الطف من بني هاشم

القصيدة الرابعة قصائد حسينية مكتوبة

رئيسية الليله الثالثه لمحرم الحرام
فاطمة العليله عليها السلام
( 2 )

كم ابكي … يا والدي فَالعينُ أعيتها الدُمُوع
كم ابكي … والهجرُ نارُ تصطلي بينَ الضلوع
ما عادَ يَسعِفُني جميلُ الصبرِ
حتى متى وناظري يجري

يلرايح الطف كربله
اوعايف زغيره امعلعله … واجروحها اهواي

اسنين عمري وشلن
ازغيرونه مو مالت محن …. ارجع يرجواي

چم دوب اوديلك عتب
گلبي امن المناطر تعب …واموجره احشاي

لا بيه اتحمل هجر لا زينه عافيتي
شحّت عليه شوفتك شحّ الهوه ابريتي

هل تدري … عنّ عِلّتي ماذا يَقولُ الطبيبْ
هل تدري …. انَّ الدواء بنظرةُ مِنٓ الحبيبْ
وكيفَ بي اِن كُنتَ لا تدري
حتّى متى وناظري يجري

اتعلمت روحي اعله الحزن
الثكله مو مثلي تون ……… دلالي مصيوب

يالون وجهي الي ذبل
اشحال الوحيده ابلا اهل … لو صار الغروب

يحسين مل مني الصبر
الليل ملّني والفجر ….. ملتني الدروب

الصبر مفتاح الفرج اسمع يحاچوني
ياناس چا يمته الفرج ابيضن اعيوني

يا ذخري … ناشدتكم باللهِ هلّا ترجِعون
يا ذخري … قَلبي يُناديكُم ابي لا تكسرونْ
وعادَ كالعرجونِ حُزنََا ظهري
حتى متى وناظري يجري

يوم الخذت كل عيلتي
عمتي ورقيه او سكنتي …. او كل اليودون

جيت او تقبّل وجنتي
وبيدك تنشّف دمعتي …. من بين العيون

ساعتها صح طفله چنت
بس والله بويه شيبت …. من شفت الضعون

ضليت وي روحي انتظر وچم بلكت ابالي
بلكت يجي بلكت يرد بلكت رحم حالي

آمالي …يا مُهجتي ذا الطفٌِ يعدمُها الحياة
آمالي … موؤدةُُ مِن بعدِكُم وأدِ البنات
وفي الفؤادِ خلّفوا كسرِ
حتى متى وناظري يجري

ضليت مسحونه سحن
اذكر تصاويرك و ون … واتمنه الاگيك

الگاك وين ابيا درب
وانت الغديت ابنص غرب …. واچم جرح بيك

من هالسفر گلبي انلچم
احلامي صارت كلها دم … ياخوفي اعليك

كل خوفي يحسين النهر يصبح رمح مايه
والخيم تتحول جمر واتطيح الك الرايه

يا ويلي … لو أصبحَ العبّاسُ مَقطوعَ الكُفوف
يا ويلي .. اِذن غَدا الحُسينُ قِبلةَ السيوف
على الرمالِ داميَ النحرِ
حتى متى وناظري يجري

مابين الضنون ارتجف
والريج كل لحظه يجف …. اتعنه لاوين

منهو الذي عنده خبر
اشصار بيهم علنهر … اهلي الميامين

زينب بعدهي امدلله
لو عال بيها حرمله … من عگب الحسين

اهواي السوالف بالفكر محد يجاوبني
لا خبر زين الي وصل والحال عذبني

آلامي … نارَُ تُنادي بِالحشا هل مِن مَزيد
آلامي … مِن كربلاء ِ الطفِّ مِن فعلِ يزيد
مَرعوبةََ مِن غدرةِ الشمرِ
حتى متى وناظري يجري

ريتك تشاهد مدمعي
يحسين ضليت ابنعي … وادموعي اشهود

بالبيت . اقره بالدرب
نعي اليفطر كل گلب … وادعيلك اتعود

ليلي مجالس ينعقد
والصبح ابچيلك ارد … واخمش بلخدود

بچيت كل واحد سمع والما سمع حته
حتى الصخر يا والدي من نوحي فتته

لا ابغي … طَعمُ الحياةِ دونَهم مرُّ ثقيل
لا ابغي … دونَ ابي وعمّتي ثمّ الكفيل
يانِعمةَ الله فأنتُم ذُخري
حتى متى وناظري يجري

ابو فاطمة الطائي

القصيدة الخامسة

خَادِماً صُرتُ *خَالِداً عِشتُ * حُسِينا

هَيبةُ العُمرِ * لَطمَةُ الصِّدرِ* حُسِينا

مُنذُ تَلكَ الوَهلَةِ الأولَى وَإنّي

خَادِماً صُرتُ بِدِمعِي وَبِحُزنِي

أَخدِمُ الزّاهرَاءَ لكنْ يَعلوُ شَأنِي

مَلِكٌ إنّي إذَنْ مَا خَابَ ظَنّي

مَلكٌ خَادِمْ * ضَامنِي فَاطِمْ *حُسِينا

قِمةُ الفَخرِ * لَطمَةُ الصِّدرِ * حُسِينا

عَلّمتْنِي فِطرِةً فِطرَةُ أُمّي

كُلَّما عَاشُورُ يَأتِي صَارَ هَمّي

مُوكِباً لَطميّةً فِيها أُدمّي

كَتِفِي صَدرِي وَافدِيهِ بِجِسمِي

مُذْ أَنَا طِفلٌ * وَهْوَ لِي حُبلُ *حُسِينا

شَوقُهُ يَسرِي * لَطمَةُ الصِّدرِ *حُسِينا

كَيفَ أحيَا أَنَا مِن دُونِ العَزَاءِ

إنّ نَبْضاتِي وِأحسَاسِي بُكَائِي

ليسَ إلاّ وَا حُسِيناهُ نِدَائِي

كُلُّ حِينٍ كَربَلاءٌ كَربلائِي

أندَبُ الظّامِي *كُلُّ أحلامِي * حُسِينا

زَادَ مِن فَخرِي * لَطمَةُ الصِّدرِ *حُسِينا

أَلبِسُ الأسَودَ فَخراً فِي الحِدادِ

وَيعُمُّ الحُزنُ في السَّبعِ الشِّدادِ

أَنشُرُ الرِّاياتِ فِي كُلِّ البِلادِ

كَم أَغَاضَ الدّمعُ أحقادَ الأعَادِي

ثَورةٌ كُبرِى * تَعزِفُ النَّصرا * حُسِينا

فِي مَدَى الدِّهرِ * لَطمَةُ الصِّدرِ *حُسِينا

خِدمةُ السِّبطِ حُسِينٌ تلكَ غَايهْ

مَجلسُ الزّهرا بِهِ نُورُ الهِدَايهْ

عَاشِقٌ عَن ثِقةٍ أو عَن رُوَايهْ

أَنا كُلي فِي يَقِينٍ وَ دِرَايهْ

عَارفٌ حقّهَ * حَامِلاً عِشقَهْ * حُسِينا

قَد عَلا أمرِي * لَطمَةُ الصِّدرِ * حُسِينا

هِذهِ الدّّنيا بِلا لَطمٍ ظَلامُ

عَيشُها مِن دُونِ دِمعَاتٍ حَرَامُ

ضَربُ صَدرِي بِيدِي حقّاً سَلامُ

وَنَجاةٌ وخُلُودٌ وَ وَئَامُ

أَمَلِي الخَدمهْ * فَهْي لِي نِعمهْ * حُسِينا

عَظمَتْ أجرِي * لَطمَةُ الصِّدرِ *حُسِينا

حَيدرُ الكَرارِ مِنهُ انطلقْتُ

عَدَمٌ مِن دُونِهِ فيهِ اهتدِيتُ

قِبلتِي الأولَى لهُ حيثُ انحنِيتُ

وَبهِ مِن بِادِىءِ الأمرِ انصهرتُ

فِي يَدِي النَّجوَى صَارَ لِي مَأوَى حُسِينا

سَاعةَ الحَشرِ * لَطمَةُ الصِّدرِ * حُسِينا

علي حبيب الشابي
محرم 1443