قصائد استشهاد فاطمة الزهراء عليها السلام

قصيدة عن وفاة فاطمة الزهراء مكتوبة
اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

شيعتي
……………

شيعتي يالتطلمون اعله متني
شيعتي اني اوصيكم اعله ابني
هلله هالله بالحسين اوليدي
للـــشفـــاعـه امـــددلـــكم ايـــدي
شيعتي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يـــالـــتـــنصـــبون الـــمجــالـــس بـــيـــهـــا ذكـــراي
مـــن تــــــذكـــرونــــــي اذكــــــروا ابــــــنــــــي هـــواي
حسيـن مات من العطش ياشيعه وبهاي
جـــيبوا طاري اولـــيدي لـــمن تــنظرو الماي

مرتوه بالضمه ضله ريجه يابس
مرتوه بـــس رويــتوا بـــالمـــجـــلس
هلله هالله بالحسين اوليدي
للـــشفـــاعـه امـــددلـــكم ايـــدي
شيعتي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ابـــــالـــكـــم خـــلـــوهـــا هـــايـــه اوصـــيـــتـــي دوم
الــــــحـــزن بـــالـــقـــلــــب هــــــوه مـــو بـــالـــهـــدوم
انـــي ادعـــيـــي للـــعـــزاء الـــبــاجـــه مـــخـــــتـــوم
الـــيــذكــره حســـين وعـــليـــه قـــلبه مهـــمـــوم

والحزن مو فقط بالثوب الاسود
والحزن بـــنشــغه الـــواحـــد تحـــدد
هلله هالله بالحسين اوليدي
للـــشفـــاعـه امـــددلـــكم ايـــدي
شيعتي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

واســـو ابـــو الاكـــبر اولـــيدي بـــدمعه الـــعين
وخـــففوا عـــنـي ونيـــني بـــفگـــدي لحـــسـين
بـــيه مـــجســـوم القـــلب لغـــيــابـــي نصفيـــن
وانـــي ادور بـــالمـــجـــالـــس بــلـــكي نـــاعـــيـــن

والنعى وصاح يازهره الحزينه
والنعى اني اســمعه بالـــمدينه
هلله هالله بالحسين اوليدي
للـــشفـــاعـه امـــددلـــكم ايـــدي
شيعتي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مـــا يـــاذيـــــنـــي الــــــضـــلـــع لا ركــــــة الـــحـــيـــل
بـــس ياذيـــني الـــي داســـت صدره الخـــيل
انـــي صـــح امـــصابـــي چـــنه وحشة اللــيـــل
بـس اريـــد الخـــدم لبنـــي ادمـــوعهم ســـيل

البجي كـــون مو ضلعي والـــيه
البجي لطحنت اعظامه المنيه
هلله هالله بالحسين اوليدي
للـــشفـــاعـه امـــددلـــكم ايـــدي
شيعتي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يـــالـــتلـــطـــمـــون بـ للـــيـــالـيـــي العـــصيـــبـــات
ويـــالـــي تـــنـــزل لـــيه منكم حـــزن دمـــعـات
مـــن تخـــتـمـــون الـــمـــجـــالـــس بـــالـــدعاءات
اذكـــرو لـــيه بـــنــعـــاوي حـــســـين مـــن مات

واللطم بــيده حـزنه بصدره هدم
واللطم بقلبه جمره من المخيم
هلله هالله بالحسين اوليدي
للـــشفـــاعـه امـــددلـــكم ايـــدي
شيعتي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مـــنـــكم اطـــلـــب ذكره لـــبـــني حـــتلو بـــيـــت
حــته يــرتـــاح الـــقـلـــب لـــو انـــعـــه وبـــجــيـــت
لشفاعه اســـمـــائـــكـــم بـــيها انـــي خـــلـــيـــت
شـــيــعـــتـــي عـــنـــكـــم ابـــد لا مـــا تـــخـــلــيـــت

سجلت بـــيدي دفتر للـــخدمــني
سجلت واسم كل خادم يهمني
هلله هالله بالحسين اوليدي
للـــشفـــاعـه امـــددلـــكم ايـــدي
شيعتي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
#الشاعر : زين العابدين الشمري

قصيدة عن وفاة فاطمة الزهراء مكتوبة

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

مــا احبـــج
لسان حال محب امير المؤمنين
يخاطب الدنيا

مااحبـج بـــعد واللـــه
منـج بس تعب شـفتـه

وحتى اسمج وطرواج
من كــل گلبــي طلعته

انتي الخاينه وي الزين
وطبعــج انــي جـربـته

عوفيني بعد هيهات
يحن كلبي نكطع بته

انتي الخنتي ابو الحسنين
ابـــد مـاانسى ســالفــــــته

وهسى اشلون اثق بيج
وعلي مضلوم كل وكته

اخذتي زهرة اسنينه
وإلها مـابــرت علتــه

واصعب موقف الشافاه
تـبجـي حرمتـه وبنـتـه

بحسره ولدمع سجاب
تكتل ونــــة السڪــته

اصبر يا علي واسكت
يربي انته اللي كلمـته
الشاعر
احمد السالمي
// يوم السبت
༻༺༻༺༻༺

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

كأني بعلي عند قبر الزهراء ويتكلم مع القبر

ما يحس بجروح غيره فقط بس اجروح روحه
الوجع لو ينشاف بيه دمع يتحول وانوحه
ما يألم الجرح الا من به الالمُ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ياگبر والله ما ينعرف جرحك للمقابيل
للذعر الم مو كابوس حته رسن يزيل
بالعمر صعبه اع الرجال منه دمعته تسيل
وللذكر دور هابيل اخذ جرحي ولجمة قابيل

لجمة اجروحي أبن ادم الملح ما عنده خيانه
القدر مو يمه الحكايه الكره شيطان بزمانه
ما يألم الجرح الا من به الالمُ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الحزن مو سواد الثوب لاجن حزن الاقلوب
والوجع مثل واحد فوگ ضهره شايل اذنوب
بالدمع العين ماتنسه التحبه وتهده وأأتوب
والمتن يثكل وصاحب المأتم يبقه متعوب

يتعب العنده مصيبه الفاتحة تريدلها گوة
خاصة الفاگد حبيبة بالالم حيله ايتلوه
ما يألم الجرح الا من به الالمُ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الينفجع يبين من اعيونه فاگد فاگد الراي
ينتحل مايشوف الاكل والله ولا شرب ماي
ينلضم خيط ببره تصير روحه وضاعف اهواي
والنفس اسقاط واجب لو دخل للريه بهداي

البشر لو مال حمله يستند كون اعله صبره
بس علي صبره تلاشى من فگد من عينه زهره
ما يألم الجرح الا من به الالمُ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الينجرح من يضمد جرحه بيده يطيب بالحال
للاسف التنجرح روحه يغثه الوكت لو مال
يفتقد كل فرح للروح والله وراحة البال
ومانسه يذكر اعزازه بجزع والجزع جتال

لو تعود يبقه وحده لأي مصيبه بروحه جمره
ياذي روحه بالبواجي ويلي عالماضي اليذكره
ما يألم الجرح الا من به الالمُ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مو صبح كل ملامح وجهه تصبح مثل الاغروب
ابلا ضوه ولخسوف الگمر يشبه نوره محجوب
مو سنه العمر لحضات يمشي اشموع واتذوب
ينتظر تبقه روحه معلگه وي دگت البوب

عالدرب يزرع اعيونه حافظ اثار الحبايب
والهوه يحرك حنينه قلب المودعله غايب
ما يألم الجرح الا من به الالمُ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ياترب خلي بالك ياتراب الگبر للدوم
ياگبر عدها فاطمتي الحبيبه ضلع مهشوم
يلجم قلبي وي كسرة ضلعه ليومه ملجوم
وبالهظم ام حسن ماتت حزينه واني مظلوم

راح اضل الها واجيها وابقه اوصيك بوصيتي
ياگبر بالك عليها ابقه اوصيك لمنيتي
ما يألم الجرح الا من به الالمُ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
#الشاعر : زين العابدين الشمري

قصيدة عن وفاة فاطمة الزهراء مكتوبة

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

#اليالي_الفاطمية
لحن قصيدة باسم الكربلائي ( على محمد وا ويلاه )
✍️الشاعــــر و الرادود سيد علي الصرخي

أعله الزﭼية وا ويلاه أعله الزﭼية وا ويلاه

*************************************************************
هــالليلـة فــــاطـــم عنَّـــه أتشيـــل
وحيـــدر دمعتـــه گـــامت أتسيــل
بـــالحســره بطل منهــــا تغسيـــل
شــاف الضلـع مكســـور آحــــاه

*************************************************************
ويلـــي الحســـن وحسيــن يبـﭼـون
وي زينــب بحســــره يـــــونــــون
عَّــد راس أمهـــم ويلــي يقــــرون
ويــــاﭺ يُمـــه المــــوت ردنــــاه

*************************************************************
خَبَّــــر صحبتــــه حيـــــدر وگـال
نعش الــــزﭼيـــــة بليـــل ينشـــال
منـــريـــد تحضــر هــاي الأنـذال
نعش الــزﭼيــة وتمشــي ويـــاه

*************************************************************

بحقــــد السقيفـة وزمــــرة الگــوم
مظلومة مـــاتت فـــاطمـــة اليــوم
أعليهــا النــواظر تسـﭼب أدمـــوم
وشـــل دمعنـــه ألـي بــﭼينـاه

*************************************************************

بفگــد الــزﭼيــة نــواســي الإمــام
نجـــدد عهـــدنــــه بكــــل الأعوام
نهتف نظل نصيـــــح خـــــــــــدام
ألثـــوب ألأســـود مــا نـــزعناه

*************************************************************

يــالمهـــدي أنشـــر رايتـــك گــوم
وأبـــدي قصــــاصك يــالله هاليوم
ثـــار الــــزﭼيــة ودِمَـــهّ المظلوم
أحسيـــن ذاك ألمــــا نسينــــاه

*************************************************************
لا تنسـونـي ووالدي بـالـدعـاء تمت بعون الله ( / جمادي الأول /هج)

السيد علي الصرخي الحسني

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

جديد قصيدة بحق الزهراء عليها السلام

يالساكنة ابوسط الروح گلبي بغيابچ مجروح
صحت بشجن يم الحسن
گلبي بغيابك مجروح
==================
يا بعد روحي يم حسن نعشچ بدي واريتة
واليدفن ابأيدة المحب اتصير المگابر بيتة
يم گبرچ اگعد وانتحب گبرچ دمع رويتة
المـثلچ ابد ما ينسى طولچ غصب جافيتة

بگبرچ واريدن ملگاچ طول العمر ما انساچ
طول الزمن يم الحسن
گلبي بغيابك مجروح
=======================
فگدچ صعب يا فاطمة بالفرگة ذايب گلبي
من رحتي ماتت فرحتي عيني لمچانچ تربي
جبـــناها عالمر وحلو وينزاح يمچ تعــــبي
هسه الحزن ثوبي صبح بالگوة اوچد دربي

يالزهرة ذبلت عيناي بعدچ نشف منها الماي
اشموعچ طفن يم الحسن
گلبي بغيابك مجروح
====================
عشرت عمر هسة انتهت بس ذكريات اصبحتي
خلصت مثل لمح البصر غـــدار خاين وكـــتي
كل لحــظة بيها اتذكرچ تمشـــين بالدم چنتي
يا زهرة اناديچ ابــحزن گلـــبي بغيابچ صبتي

ياهو اليعوض فرگاچ تمنيت اموت انة وياچ
سنينچ گظن يم الحسن
گلبي بغيابك مجروح
====================
صعبة التحبة اتودعة ويروح اغلى احبابك
تحاچيه بأحزان ودمع ما يرد ليك جوابك
يا گلبي لاموك البشر محد يعرف مصابك
ابفرگة الحبيب اتألمت ياذيني حيل غيابك

يالزهرة ما انام الليل يالماخذة وياچ الحيل
گلبي انسحن يم الحسن
گلبي بغيابك مجروح
======================
ابلياچ أيامي التجي ضلمة وحزن غاطيها
حسرات وآهات ودمع يازهرة راح اگضيها
ذكراچ تبقى ابكل كتر كل ذكرى ابچي عليها
چا غير انتي ام الحسن روحي الي عايش بيها

ابفرگاچ يا اغلى الناس شاب الگلب وي الراس
دمعي انعلن يم الحسن
گلبي بغيابك مجروح
=======================

أسألكم الدعاء رائد الاسدي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

((ياصنع فاطم))

تستــاهل اصرخ ألك من الصبح لليل
يافاضل المعرفه يابو الفضل والحيل
دَوروّ كافل خـــدر مــالگو مثلك حيد
مالگو غيـرك بطل يترس الهودج هيل

راعي القافله
والـــمسئـــله … والمعضله … بچفه

حدآي الضعن
بـــي يـــلتقن … هوه الوطن … كفه

دخيلك يـا شجاع أبن الثَقى
دخــيلك يــــاصعيب الملتقى
خيالك موزمه بسوح الحرب
بنــضرتك تــارس الدنيا تقى

دخيلك ياصنع فاطم
يــهاشم ياقمر هاشم …

***********

دافي مــثل نضرتك بس يبرد الشافاك
بــالحرب لمن تطب حتى النخل عرفاك
بالخوه رمز العشگ بالعاطفه أنته هواي
بـــالخوه من وصفك مايعرف الوصفاك

خــوه ومرتبه
من اهل العبه … ومرتبه … حيدر

رايه أعله الدهر
يبـــقه الـــگمــر …بكل الصور ….. منبر

بحضرتك وألتگو خوف وعطر
بحــضرتك غيرتك من كل كتر
بضريحك يبـتسم حتى الدمع
أشــــوفك مـرجع بــأزمةّ فكر

حنين وتشبگ الخادم
يـــهاشم ياقمر هاشم …

**********

نــور وشموخ وعشگ بيــك البدر نورين
هوه أنته گلك ضوه من الريشه للرجلين
تـــطلع يغيب الــگمر وبالحاجب هلالين
بيك الوفه والوفه يــالميت أعله حسين

تهب يامترفك
مـــــن وصفك … ياملطفك … نسمه

المحنه براحتك
وبـــرحــمــتــك … وبرايتك … چلمه

بجبينك غصــتّ الدنيا وفه
برحمتك مطرت الدنيا شفه
سعادةّ خـدمتك بيها اكتفي
أبـــــوي ومذهبي والعاطفه

عزيز وعشگته الوادم
يهاشم يـــاقمر هاشم …

***********

يـــاكوثر من العـــطش وبنضرتك رويت
گــبلك تــرويّ الــمهر مــن بــالنهر طبيت
مافكرت بــالعطش مو ناسي اخوك بهاي
عين وچفوف ونحر للخوه كلشي انطيت

ميزان الصدگ
رب الـــــعشگ … والمحترگ … نضره

أحن المجلسك
و الـــمــلبــسك … واتحسسك … جمره

يَــ أرجــوزةّ زلم نـص الزلم
يما طلگت نسه مثلك شهم
شما دارت رحى ودار الزمن
أبـــد محد شـبه بس ألاسم

سيــد فارس وعالم
يهاشم ياقمر هاشم …

**********

ليل الـخواطر هجر عباس اريد وياك
جيران ألـك انتضر يمك يغاتي انخاك
أكرمني من يمنتك ليل الهجر مذبوح
بفيّ گبتك ســيدي وبفضلك وبحماك

أسمك دولتي
وبــمــحنــتي … وبصفنتي … حاضر

دَلالي أنوجع
لـــــمن سمع … چفه ألگطع … عاشر

مروتك يــابطل خـادم أنه
نضــراتك حرز حـب وهنه
بشــداتي تــــزم كـل نايبه
الخدمه وجرح هاي السنه

برايةّ دمــعتي قادم
يهاشم ياقمر هاشم …

عبد زينب
محمد الابراهيمي

قصيدة عن وفاة فاطمة الزهراء مكتوبة

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

((ملح العشگ))

ملـــح العــــشگ من عتبتچ … يافاطمه
الخدمه الصدگ من نضرتچ … يافاطمه
يافاطمه
يافاطمه …

*******

يـــريعان الـــموده الشيمتني
بــخـــدمتها الـــزجيه كبرتني
وبــــالرئفه الحنينه وشملتني
ومن ايدي المجالسها خذتني

عـــزيز وأهـمل العين
وصرت بدفتر حسين
عفـــت الــناس للناس
وخذاني حب الحسين

دام الــــوفه مــــــن خيمتچ … يافاطمه
الخدمه الصدگ من نضرتچ … يافاطمه
يافاطمه
يافاطمه …

***********

ألــــچ ممنون كل صبح ومسيه
ألــــچ مــديون يــــايمه الزجيه
فهمت الخدمه مو غايه وقضيه
الخدمه الـــوحدي بدمعه سريه

عشــگ النـيه تسديد
اليخدمچ هذا شيريد
المــــهم يافاطمه ويآ
وبــيدچ ماسكه الايد

كـــل القـــصـص من قصتچ … يافاطمه
الخدمه الصدگ من نضرتچ … يافاطمه
يافاطمه
يافاطمه …

***********

يـــمـــولاتي بديـــچ الدنيا كلها
وأمـــلاك الســمه هــيه وأهــلها
أنـــه بــس دمـعه جايبلچ اهلها
وأحس الدمعه خدمه وما أملها

أمــلن دمعتي شلون
أمـــلن لــطم المتون
نخيتچ يأم الحسين
أريـدن ابچي عيون

تبــچي الســمه مــــن ونتچ … يافاطمه
الخدمه الصدگ من نضرتچ … يافاطمه
يافاطمه
يافاطمه …

**********

ألچ طشــيت يايمه سنيني
وبيدچ كون ريت تحزميني
ومن هذا وهــذاك اتبعديني
ومن حسين ريـت اتقربيني

بـــعد يــايمه أقرب
عـــليچ بخدر زينب
عليچ الماشرب ماي
وألــ بدمه تخــضب

هـــــذا الــــطلب من رئفتچ … يافاطمه
الخدمه الصدگ من نضرتچ … يافاطمه
يافاطمه
يافاطمه …

*******

يسالوفةْ محنه بماي جاري
الــمايدري بحنانچ آنه داري
أريد بخدمتچ ماتطفه ناري
هيچ آنه ردت هــــذا قراري

أريـــدن نار تلضه
مثل مولاتي فضه
وأضلن دوم وياچ
وبـالنضره أتوضه

اصـــل الـــكرم من حضرتچ … يافاطمه
الخدمه الصدگ من نضرتچ … يافاطمه
يافاطمه
يافاطمه …

عبد زينب
محمد الابراهيمي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

امنياتي .. ابهل حياة المظلمه
امنياتي .. الگه مرقد فاطمه
يمته اشتم تربته
گلبي مات ابحسرته
امنياتي .. امنياتي
_____________________________

ابهل حياة الفانيه .. ابگلبي ضلت امنيه
والله انطي اسنيني لل ينطيها اليه

المن اشكي لوعتي .. ومن يحس ابحسرتي
نار بعروگي توج من يدري بيه

مثل المصوب اون .. ارد ازور ام الحسن
وين اليوديني يم گبر الزچيه

اعيوني تجري امحيره .. فاطمه ابيا مگبره
ليش ما عدها گبر فوگ الوطيه

يا حسرتي .. زهره وحده او ضايعه
يا حسرتي .. ابليله ضلمه امشيعه
يا دليلي او شوغته
گلبي مات ابحسرته
امنياتي .. امنياتي
_____________________________

نذر يا روحي لون .. الگه گبر ام الحسن
كحل بعيوني اخلي من ترابه

واگعد انعه اعله الگبر .. يا ضلعها المنكسر
والطم اخدودي على خدها او مصابه

اقره يمها امن الشعر .. اليلچم اوما ينجبر
فاطمه الما شيعو نعشچ گرابه

ابليل وحشه تندفن .. بس علي عدها يون
ينحب وبس الصدا ايرجع جوابه

يل زچيه .. من يوسدج بالترب
يل زچيه .. علي چان ابيا گلب
اشلون چانت لوعته
گلبي مات ابحسرته
امنياتي .. امنياتي
_____________________________

ليله بس امن العمر .. بيها ردت الگه الگبر
او عله كيفي ابچي حدما تطفه ناري

الماتت ابغصه او جرح .. ابعمر ورده او تنذبح
غصن چنها او تعصره اوحوش البراري

ابيا ذنب من تنعصر .. وعلى خدها تنسطر
لحد ما ماتت جفنها دمه جاري

او لوعة السمار أمَر .. بالصدر حفره حفر
اصواب منه شافت انجوم الضهاري

من المها .. كل نفس بي تنلچم
من المها .. حيلها ضل منهدم
شمعه وامست هافته
گلبي مات ابحسرته
امنياتي .. امنياتي
_____________________________

حلم واني اتنطره .. الگه حظره امعطره
او الگه باب اومنكتب فوگا عباره

هنا مرقد فاطمه .. موطن املاك السمه
وعلي كون اقره نعي لا مو زياره

لان ادريها اشتحب .. وادري المن تنتحب
اتريد مجلس للحسين او بي مراره

اتگول يسعدني تره .. عله اوليدي الي قره
الضل ثلتيام عاري بالمعاره

اقره الها .. عله مگطوع النحر
اقره الها .. ضامي ابسد النهر
دمه خضب شيبته
گلبي مات ابحسرته
امنياتي .. امنياتي
_____________________________

وعله امصاب ام الخدر .. اقره والمدمع يدر
يل زچيه زينبچ صارت غريبه

ضاگت المر والقهر .. شيبوها اعله النهر
صوبتها الغاضريه ابيا مصيبه

شافت الما ينحچي .. زينب اعماها البچي
اگبالها احسين اصبحت جثته سليبه

صدره بالخيل انطحن .. اضلوعه طشار اصبحن
اتعاين الدم تارس الشيبه الخضيبه

يم الحسين .. احسينچ ابراس الرمح
يم الحسين .. ابجسمه الف وازيد جرح
ضامي حزو رگبته
گلبي مات ابحسرته
امنياتي .. امنياتي
_____________________________

فاطمه ابروحي امنيه .. يمج اقره تعزيه
الضلعچ او ضلع السبط اقره قصيده

ال عله ضلعج اقدمو .. صدر الحسين اهشمو
ولو ادري عل المصيبه مو بعيده
ادري چنتي ابكربله .. وشفتي عملت حرمله
يوم بچه ارقيه واسكينه وحميده

لچن يمچ هل دمع .. يحله وايبرد الضلع
او غير هذا امن الله كلشي ما اريده

يا رجائي .. وامنيه الآخر عمر
يا رجائي .. الفاطمه الگه الگبر
تزهي انظر گبته
گلبي مات ابحسرته
امنياتي .. امنياتي
_____________________________

ابو فاطمة الطائي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

لاستشهاد ام ابيها فاطمة الزهراء عليها السلام

وسفه الزچيه تعذبت من جور الايام
بيت التفرهد من وكت والشمل مادام
من ياجرح يغفه الجفن
مكسورة الخاطر تون
مكسوره كسرات الغصن ماتگدر تنام

لاوت الدنيا ابصبرها تبني حيل الينهدم
شوكت شافت راحه حتى تشوف راحه وتبتسم
راح حيل وصار عدها حيل ميشيل الهدم
بياذنب مطلوبه اجتها الدارها خيول وزلم
لموا حطب فوك الحطب مدري شيريدون
ياذنب سوت فاطمه منها شيطلبون
بياصوچ باب اليندفع
باب الكسر منها الظلع
بعيونها فاض الدمع ماتگدر تنام

ظلت بحسره الزچيه وللگبر راحت تصد
تصيح يابويه الظليمه شلون ظماك اللحد
يمن بعدك خذوا حقي شعدهم بهذا القصد
الداري بعدك يلعفتني كون اموت وماارد
ذوله الچنت بويه گبل حاسبهم اصحاب
ذبحوا طفل مثل الگمر من دفعوا الباب
ظلت تنوح على الگمر
وسنين حاصدها القهر
وعيون ذبلها السهر ماتگدر تنام

يم علي بعبرتها راحت شالت هموم العمر
گال يم الحسن صبرچ والله أكد علصبر
طه وصاني ابوصيته وگال صبرك علجمر
جان خليت النواصب صبح بيهم مايمر
ايام بالحسره گظن منها العمر ضاع
ودعت بالدمعه الوصي چن اخر وداع
حال الوكت لمن جفه
ليل ودمع تالي صفه
لاجفن هود لاغفه ماتگدر تنام

خافت تودع ولدها صعبه التفارگ ولد
حسين لاينكسر گلبه الحسن چبده تنمرد
تخاف لازينب جرحها الطاب مثل اول يرد
كون مايدرون بيها والها ماواحد يصد
تصيح دثريني يفضه بگلب مفجوع
هاي ساعات الوداع وصب الدموع
شيطفي گلب المحترگ
من صارت الفرگه صدگ
عيه الجفن ماينطبگ ماتگدر تنام

البيت علكرار وحشه من اجه البين ولفه
شلون بعد النور حاله التارس البيت انطفه
صاح حيدر جرح الاول يوم راح المصطفى
شلون لوراحت الزهره بعد علدنيا العفه
شلون ياعين الحياة اتغمض العين
ظلمه كلشي من بعدها شمعة الدين
الحسن عينه على الدرب
وحسين مكسور الگلب
وزينب تون ليل الصعب ماتگدر تنام

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

يلّه فرد عبره .. نبچي على الزهره .. هاي المسيه
محله الدمع لو در.. لمصيبة الكوثر .. آ يل زچيه
______________________________

حيدر الليله الوحّده
متشمّته بيه العده .. كثرن جروحه

افراگ الزچيه يوجعه
امخضّب لحيته مدمعه .. مالومه روحه

انواسيه يلا بالدمع وانعظم ابأجره
ايصبرك الله ياعلي وامصابك ايجبره

بيمن يصبرونك.. الرادو يواسونك .. ابهاي الرزيه
حگه الگلب ينطر .. لمصيبة الكوثر . آ يل زچيه

______________________________

وحدك ابليله مضلمه
رايح تواري فاطمه .. مابين الگبور

ايعينك الله ابهل وضع
لمن شفت كسر الضلع … شبّالك ايدور ؟

شيدور چان ابخاطرك شتسولف اوياها
چم مره يا حيدر متت انت اعله مثواها

لمن توسدها . شفت الجره ابخدها . يابو الحميه
شيسوي هل منظر ..لمصيبة الكوثر . آ يل زچيه
______________________________

انواسي الحسن بُم الحسن
طحن الرحه گلبه انطحن .. وابروحه هظمه

ايشم ابعبايتها او يون
ذبلان عوده امن الحزن .. وايعاتب امه

عفيتنه ليش ابهل عمر لساعنه ازغار
هل دار بعدچ موحشه ياشمعة الدار

إلخاطر ادموعي. يمه اخذي اضلوعي .ردّي اليّه
عل فرگه ما اگدر . لمصيبة الكوثر . آ يل زچيه
______________________________

انواسي الحسين المنهضُم
بالنوح وادموع او لطم .. علخدها مسطور

تكسر الخاطر دمعته
الزهره العزيزه عافته .. دلاله مكسور

للباب كلسا يعتني وادموعه مدرار
ضلع امي ليش اتصوبه جاوب يبسمار

حيث اوگعت فاطم ..يهوه ويضل نايم..ادموعه جريه
مثل النجم لو خر .. لمصيبة الكوثر .. آ يل زچيه

______________________________

والزينب المتلوّعه
العاشت مرار الفاجعه .. او صارت يتيمه

انعزيها عل ماتت غدر
وخلت گلبها مكنسر … لوعه وهضيمه

امساهره الليل او تنتحب تندب يزهراء
افراگچ ابروحي مارحم چنه الف داء

رديلي يايُمه .. خل ريحچ اشتمه .. حنّي عليه
كل عمري اتكدر …لمصيبة الكوثر .. آ يل زچيه
______________________________

أبو فاطمة الطائي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

واويلاه يافاطمه واويلاه يافاطمه
_________________________

اويلي اعله الزچيه والجره اعليها
كل ضلع ابصدرها چنه ماذيها
والبسمار ما خله نفس بيها
وجفن المنسطر احمر يهل دمه
_________________________

احّاه يم حسن شنهي البِدر منها
وغده ايفسر الصخر لمن تون ونها
ذبلت وانحنت غصن الورد چنها
مصايب عل زچيه كثره ملتمه
_________________________

بسمار الطعنها چن رمح حدّه
لا يرهم دوه او لا بلسم ايسده
يا شدّة حسن واحسين يا شدّه
ويا گلب اليتيمه زينب او هظمه
_________________________

يعين الله الحسن شيطيب اجروحه
يوادع فاطمه وچن اطلعت روحه
من حد المدينه للسمه نوحه
رايدها تكلمه او ماهي اتكلمه

_________________________

يگلها احسين ياروحي دحاچيني
عليمن ساكته هل سكته تاذيني
اگعديلي اشبگچ وانتي اشبگيني
يا شمعة حياتي ال أصبحت ضلمه
_________________________

او زينب تنتحب واتسولف اويه امها
تشكي المن ييُمه ابنيتچ همها
اليتيمه المن تعيش او امها مو يمها
ولا منها العطر كل ليله تشتمه
_________________________

فاطم بالچفن ما تحتمل ونهم
مدت هل چفوف اتريد تحضنهم
چا حيدر علي ابيا حاله ينظرهم
وهو اصلا علي هم روحه مو يمه

_________________________

ابو فاطمة الطائي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

غيمة حزن ما تنجلي … والدنيه وحشه ياعلي
عگب الزچيه
روحك مثل غصن الورد .. كاسرها يا وسفه البُعد
عگب الزچيه
____________________________

امبين على رسومه التعب
وايلوج بعيونه العتب .. ما يحمل اوداع

امگابل نعشها او ينهظم
بل أبره صاير ينلظم .. كلشي ابعلي ضاع

ايعاين عليها والدمع تبدّه
گاعد ابسدها وايده اعله خده
الراح منك ياعلي محد يرده … ياروحي شده

اوداع الزچيه اشيجرعه …لو جبل چان ايصدعه
چنه المنيه
يابعد عمري او ناظري . مكسور گلبي او خاطري
عگب الزچيه
____________________________

مكسور الجناح اصبحت
يا زهرة اسنيني طحت .. ماضل بعد حيل

ياحلم عمري والصبا
صمتچ دليلي ايعذبه … اشما يطول الليل

كلميني يل زهره ردت بس كلمه
من يا جرح يم الحسن متألمه
من كسر ضلعچ لو اثر هل لطمه .. الحيلي تهدمه

يا جرح عذب مهجتهچ .. او حرم عليه شوفتچ
رحتي امن اديه
يا محنه مو مثل المحن .. ضيعتچ او ضاع الوطن
عگب الزچيه
____________________________

داحي الباب الما ركع
حيدره الما مره وگع .. وگعني فرگاچ

الما شافت ادموعي بشر
هل ساعه دمعاتي نهر … كل لحظه انعاچ

غير المعاتب ما الي وسيله
امگابل الباب او مدمعي اسيله
دلال لو عنده انفطر دليله .. من اشتكيله

وناتي اتفسر الصخر .. كل عظم بعظامي انّخر
ماتن اديه
اعثر واطيحن لو گمت .. عن الفرح آنه صِمت
عگب الزچيه
____________________________

تعبني نوحي والدمع
چن انه مكسور الضلع … وامصوب اجروح

يل زهره روحي اتصوبت
بسمار چن بيها نبت … وايعذب الروح

من رحتي وآنه روحي ضيعتني
جمرة افراگچ بالگلب چوتني
الچانت فرحتي راحت او نستني .. اشگد لوعتني

العاشت ابگلبي نبض .. جنة عدن فوگ الارض
ضاعت عليه
تتوسد الليله الترب .. خلت علي ابين الغرب
عگب الزچيه
____________________________

ابيا حال اشيلچ عل متن
واعضاي كلهن موّتن .. كلشي ابعلي مات

فاطم يچن وجه الصبح
مذبوحه . وايشيعچ جرح .. ألآمه كلفات

وسدت روحي من ردت اوسدچ
ياريت خدي عل ترب مو خدچ
شلي ابحياتي فاطمه من بعدچ .. روحي عندچ

ياريت گبرچ يتّسع .. خاطر اضل يم الضلع
صبح او مسيه
خاف الترايب تلچمه .. وتشوغ روحي الهايمه
عگب الزچيه
____________________________

لا باب بي هاذه الگبر
لا ترجعيلي وانتظر … اومن هسه مشتاگ

يل زهره صرت ابيا وضع
مر او ابد ما ينجرع .. چن طعم الفراگ

نامي ابرغد يم الحسن عوافي
وابقه اويه جرحي الما عرفت اشافي
هاذه آنه دهري ما قبل يوافي .. او جرحه كافي

مثل الورد ويه النده .. ريت الکبر اتوسده
وانضل سويه
روحي بقت متألمه … للموت تندب فاطمه
عگب الزچيه
____________________________

أبو فاطمة الطائي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

زهراء يا زهراء …. زهراء يا زهراء
___________________________

عهد رب السمه الچ يا فاطمه
ما ننسه الضلع نبچي اعليه دمه

عهد يل زهراء واعليه نستمر
عالي بيرغ ماتمچ ما ينكسر
يا كسر بارواحنه او ما ينجبر
من غدت بابچ توج محروگه

زهراء يا زهراء …. زهراء يا زهراء
___________________________

يا زهرة علي حرمه او تنولي
تذبل والحزن ضل ما ينجلي

الوطن فاطمه او مفگود الوطن
هل حزن ما ينجلي طول الزمن
ننسه لا هيهات ضلع ام الحسن
لجله روحي كل وكت مخنوگه

زهراء يا زهراء …. زهراء يا زهراء
___________________________

ماتت املوّعه گلبي اتگطعه
فاگد فاطمه يادوه الينفعه

يا مصاب الزهره ما مثله جره
ام حسن واحسين تهوه اعله الثره
وجه مضروب او ضلوع امكسره
اعليها الجذوع ابحقد مطبوگه

زهراء يا زهراء … زهراء يا زهراء
___________________________

عل وجه تنضُرب واتهوي اعله الترب
وبسمار الوصل سباح الکلب

زهرة الله يا وسف عصرتها باب
وصارت ام احسين چن ذاك السراب
ايعين الله حيدر ابعظم المصاب
بالوصيه يمنته مشبوگه

زهراء يا زهراء …. زهراء يا زهراء
___________________________

ايعاين الزهرته واتهمل عبرته
گدام الغرب نزلت دمعته

شاف بعيونه الجره اعليها او سده
مثل بركان ايغلي حيدر غده
لاچن اويه السيف ماحل موعده
اعليه بيبان الفرج مغلوکه
زهراء يا زهراء …. زهراء يا زهراء
___________________________

صـُبر وايهل دمع ذاب مثل الشمع
ايودع ارويحته مكسورة ضلع

ايودع الها والکلب ما بي نبض
عگب فاطم ضاگت اعليه الارض
شالها او كل خطوه روحه تنفبض
شاب راسه الفاطمه او من شوگه

زهراء يا زهراء …. زهراء يا زهراء
___________________________

متبدي الشمل والمدمع يهل
وانه امن الحزن وياه ما امل

ناري لمصاب الضلع ما تنطفي
لو عمر نوح الها اون ما اكتفي
عل الجرح . والگبر ذاك المختفي
انواسي العتره او حزنها انضوگه

زهراء يا زهراء …. زهراء يا زهراء
___________________________

ٱبو فاطمه الطائي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ
لدار امي غربه اهجمت = لاذت ورا ونتخت

ونعصرت ام الحسن = فضه الحگيني اندبت

باب اعله امي رجع = صار الالم بل ضلع

من عندي راحت تره = ضليت اسولف دمع

الدنيا حزينه * صارت علينه

ياوسفه راحت * امنه الحنينه
==============================
انته التوصي البشر = وتعلمه عل الصبر

اسماء تسولف لبوي = رادت تهدي الامر

گللهه حامي الحمه = هيه الصبر فاطمه

نازل ملك بل خبر = بجت ملوك السمه

هيه زهرتي * * * وجانت شمعتي

هليله راحت * * * أاا يا حسرتي
=============================
خمسة سنين العمر = مجبل عليه القهر

من زغير اسمي يصير = زينب انه ام الصبر

اخت الحسن والحسين = عاشت عمرهه ابونين

ضمتهه أمنه ابحضن = عرش الله اصبح حزين

حسين اويباوع = بس بالمدامع

نعش امنه رايح = ماضنه راجع
===============================
يشعر صدگ بالحنان = الحضن امه صاير امان

بس اني بت فاطمه = ايتانيني اغرب مكان

اصبح اسيره ابدرب = تحدي ابضعنه الغرب

وينچ ييمه تعااااي = رايح يصيح الگلب

مابيه اصبر * * * گلبي تفطر

اجروحي اهواي *** مابيه اجبر
==============================
وصتني امي ابونين = يايمه اخوچ الحنين

لمن تشوفي وحيد = بوسيلي نحر الحسين

باجر يضل بالشموس = بضلوعه حافر يدوس

عاري الجسد عالتراب = وگليبه يحچي ابهموس

انتي ورقيه = باجر سبيه

مابين الاجناب = مامش حميه
===============================
كرار العطوي السماوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

استشهاد الزهراء ع

بالدار فاطم هايه بالدار
يا نار لا تچويها يا نار
بسمار خلف الباب بسمار
****
من جلالتها اعتقدتيها چبيره
والله يانار ام حسن لسه زغيره
التهبتي وهيه لهبت بيها حيره

علامچ شو اجيتيها بيش انتي تطلبيها
الشبّچ ما عرفها اهنا لو قصده يأذيها

معروف حقده اعليها معروف
مكشوف من ازمان مكشوف
اسرار ماكو بعد اسرار
****
ما برد شو بابها الزهره علامه
صرتي يانار الخليل الله سلامه
فاطمه ام النبي وام الامامه

تتچوه اذا اتدفعه. لهيبچ ما طفه بدمعه
اذا ترجع اكو بسمار. وصدرها ينكسر ضلعه

دمعات ما تكفيها دمعات
شوغات ما تحتمل شوغات
محتار بال الزهره محتار
****
ارد اسألچ بيش يا نار اشتعلتي
من حطب لو من حقدهم انتي صرتي
شلون باب الجنه تدنيها قبلتي

باب الله تعرفينه عليه اثار هادينه
عطره ودگة الچفين وبعدها طبعة اجبينه

مهيوب باب الزهره مهيوب
مخضوب هاي الليله مخضوب
اشرار هذا فعل اشرار
****
بوكت ابوها الزهره ما شافت اذيه
اشبيها كلها انگلبت اعليها الزچيه
ذوله مو اصحاب والله ناصبيه

هذوله حظهم اشكبره علي متچتف بصبره
لونه ساحب البتار چا كلمن حفر گبره

معذور حامي الحمه معذور
مجبور يصبر علي مجبور
فقار ظل بالغمد فقار
****
ما خمدتي ليش من اسمعتي ونه
فطره عدنه الينولد يطلب محنّه
احضنتي محسن گبل ما امه تحضنه

ليش المحسن اتلوع بحضن امه ولا اتربع
علامچ اه ينار الباب تقدميله جمر يرضع

محروم من الزهره محروم
مفطوم وسفه بجمره مفطوم
ينهار بفتحت عينه ينهار
****

الشاعر اياد الديراوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

🔮🔮قصيدة (ضلع امي)🔮🔮
“” “” “” “” “*”
ياموت اشتنتظر إخذ وياها العمر
ضلع أمي المنكسر ماذيني
أكبر مني الجرح وفراك أمي ملح
دمعاتي من الصبح تچويني

※︾※︾※︾※︾※︾※︾※︾※
ياموت ليش استعجلت مخنوگه أظل ترضاها
جنت أنسه كل ذاك التعب من أگعد أنه أوياها
اتفارگنه ونباك الحلم وصحت الزمن سواها
يعني أعله روحي الفاتحه من هسه راح اقراها
اشلون أغفه ورتاح شيخلص الليل
أعليّه الصخر ناح وتهدم الحيل
زهرة عمري اذبلت وروحي أوياها انتهت
وأحلام اطشرت بعيوني
ماضل عندي أمل دمعي أعله الخد همل
ليش الغالي رحل حاجوني
🖤🖤🖤🖤🖤🖤🖤
ياموت اشتنتظر إخذ وياها العمر
ضلع أمي المنكسر ماذيني
※︾※︾※︾※︾※︾※︾※︾※
بالباب عصرو فاطمه وشعضم ذيج العصره
ومطبوع بالحايط شفت يابويه دم الزهره
الظالم سطرها أعله الوجه والعين صارت حمره
مظلومه وانته ياعلي تدري بضلعها وكسره
ياحيدر الباب طبگوه عليها
وبنار الأصحاب محروگه اديها
كسرو منها الضلع وعالخد سال الدمع
ذابت مثل الشمع مالومه
بسوط انطك المتن وخلوها اشگد تون
ماتت من الحزن مهضومه
🖤🖤🖤🖤🖤🖤
ياموت اشتنتظر إخذ وياها العمر
ضلع أمي المنكسر ماذيني
※︾※︾※︾※︾※︾※︾※︾※
كلهم علينه اتأمرو وبغفله هجموا عالدار
لمو على الباب الحطب ويابوية شبوها النار
صاحت يفضة اتلاحگي صوبني حيل البسمار
ياحيدر ادرك فاطمة كسروا ضلعها الأشرار
دارت بالعيون ويهل دمعها
بنت النبي اشلون هشموا ضلعها
باب الرحمة احترك وصدر الدنيه اختنك
اعليها الباب انطبك بالعصره
ون گلبي بحرگته وشتّدت ونته
والفارگ سلوته شيصبره
🖤🖤🖤🖤🖤🖤🖤🖤
ياموت اشتنتظر إخذ وياها العمر
ضلع أمي المنكسر ماذيني
※︾※︾※︾※︾※︾※︾※︾※
يالزهره هاي امصيبتج ماظن گلب يحملها
لو رحتي يايمه بعد بالدنيه زينب شلها
كل ساع تبجي وتنتحب والنوح راح ايسلها
ضلت يتيمه بفرگتج وراح القهر يكتلها
گلب الحزينة امحمل مصايب
وما تغفه عينه الفارگ حبايب
زينب لو فگدتج اتروح اتشم شيلتج
ماتحمل فرگتج تدريها
انتي وزينب سوه تشتمون الهوه
وشلون ابلا ضوه اتخليها
🖤🖤🖤🖤🖤🖤
ياموت اشتنتظر إخذ وياها العمر
ضلع أمي المنكسر ماذيني
※︾※︾※︾※︾※︾※︾※︾※
أنه الحسين وبالگلب نار المصايب تسري
مثل أمي راح بكربله ايكسرون ضلعي وضهري
راح بثواب أمي أظل للخيل اثوّب صدري
ودمي يخضب شيبتي والشمر يگطع نحري
راح انكسر حيل وتصدني العيون
واعليّه بالخيل كلهم يدورون
ايسلبون اعمامتي ايصوبوني بجبهتي
ايسحگون بجثتي يايمه
ويكسرون الضلع والاصبع منگطع
وجسمي ايضل منصرع شيلمه
🖤🖤🖤🖤🖤🖤🖤
ياموت اشتنتظر إخذ وياها العمر
ضلع أمي المنكسر ماذيني
—-✦—-✦–🖤–✦—-✦—
۞الشاعر:- تحسين الخفاجي
۞تمت كتابتها بواسطه :صابرين سالم
رحم الله من قرأ سورة الفاتحة على روح والدي سالم بن حسنه

https://t.me/joinchat/DwDjpmspRuHfACGjlA

https://t.me/joinchat/DwDkJZtvbYIzJWBWrg

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ليش يا باب المنيه …. صوبة ضلع الزجيه
ياعذر عندك تكوله …. وانته مفتاح الرزيه
**
بياسبب تطفي مصباح نجوم الساطعه
وتسگي بذرة حزن والثمر ما تجمعه
يالعفت من فعلتك مصيبه ابلا شبه
مو مصيبة ضلع بل مصايب جامعه
ليش طاوعت التعده …. موچنت تگدر ترده
من دفع بچفوفه ريتك …. وجهك ابوجها تسده
***
اسأل وادري مالك عذر بي تعتذر
يالقبلت ابجريمة طفل وام تنعصر
الكوم من فزعة بنار وعليك اتجمعت
لاذت ام الحسن بيك رعايه للستر
سنين وانته تدري بيها….. فاطمه بضعة نبيها
وتالي بسمارك سلبها ….. العمر والراح امن اديها
****
خلفك وتسمع الصوت تلوع من الكسر
بيد تشكف ضرب وايد على جرح الصدر
وهوت عالكاع شبه عود ذبل لمن هوت
وانته نارك تلاهب وعتبتك بس جمر
اتروح وترد ابدنها ….. ومره ترميها على بنها
ومره تتحنه بدماها ….. ليش ما هزك حزنها
**
كون ما راضي بالصار وبالضيم الجره
وعذرك النار غصب بيك يباب موجره
العده اثلث ميه والنار فلا جاست بشر
اشعجب نارك فقط عالزجيه الطاهره
بس ضوه الدار وعطرها …. تجرع المر ابصبرها
مسجله عليها الهضيمه …. وما رحم بيها دهرها
*
چانت الدار زهیه ابوجود ام الحسن
وصفت عگب الجره الدار للهم للمحن
طفله ضلت تناطر ليالي من القهر
تدري باجر سبيه يخليها الزمن
باچر من اتروح اسيره بلا خدر وبلا عشيره
مجتفه ابحبل الشماته وحيره ترميها اعله حيره
****

الشاعر
حيدر الرويمي

https://t.me/joinchat/DwDjpmspRuHfACGjlA

https://t.me/joinchat/DwDkJZtvbYIzJWBWrg

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

يا سيدة دمعي و جروحي الخضره
لفاتحتج بكلبي اريدن جمره
و اتلث روايات الدمع يا ريته
ما ينشف بعيني عليج امن اقره

من دموعج دمعه رايد
و ما اريدن كلبي بارد

لمن ابجي ما افكر
بالاجر لا الله شاهد

مولاتي يا فاطمه

*

حزنج جبير و ما تكفيه دمعه
و لا يكفي لطمي و لا عليج امن انعه
مولاتي هاي المره خلي دموعي
تفرق عن ادموعي قبل يا بضعه

السنه رايد طلبه منج
بيه يكبر هذا حزنج

بكل روايه دمعي اريده
ما يبطل ويه ونج

مولاتي يا فاطمه

*

هو العمر لو ما عزائج كاضي
و مطلوب الج دمع و بعد ما قاضي
خليني عاد اعله البقن ابجيلج
مولاتي عبدج بالتكتبيه راضي

فاهي يومي بلا مناحه
و دمعي لجلج هذا راحه

اليهوه حزنج جرحه يكبر
و يبقه عايش وي جراحه

مولاتي يا فاطمه

*

رايدلي مجلس بيه حبيبج ناعي
حيدر يون و اني اكسر اضلاعي
و ما ينتهي المجلس اذا مو ميت
و لو ما متت كل عمري مابيه داعي

امصابج ادري رايد اكثر
دمعي ينزل لازم احمر

شكبره حظه الما يقصر
الجرحه بارد هذا قصّر

مولاتي يا فاطمه

*

شما ابجي ما وفي ولو حك قطره
و لطمت عيوني ما تجي اويه السطره
رزقيني اواسي اكثر و ما ابطل
وي حيدر اصرخ لو صرخ يا زهره

انتي امي الطك ضلعها
الما رحمها الي سمعها

اعليها رد و سوطه شاله
و يضرب اكثر لو وجعها

مولاتي يا فاطمه

*

حسام العيساوي

https://t.me/joinchat/DwDjpmspRuHfACGjlA

https://t.me/joinchat/DwDkJZtvbYIzJWBWrg

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

مولاتي يزهراء مولاتي
__
انتي اكبر من كلامي انتي تاريخ السنين
انتي بيج يحاسبونه يم اله العالمين
الفاتحه الاقراها انتي بحاجتي لم البنين
اشهدٌ ان اليحبج هذا من المؤمنين

صرخاتي بالحساب صرخاتي
_
انتي باب الحاجة لكن ماكلتلج انتي باب
خايف تذكرين ضلعج وينذكر ذاك المصاب
احترك دارج لمن اسمع احترك من العذاب
ياذهب والله ثكيله تسطرج جفوف التراب

دمعاتي للضلوع دمعاتي
_
ياسلام الله ونبيه بابج الود والسلام
انتي تفسير الموده وغيرج نفسره الخصام
من خطبتج كلها عرفت انتي كلمات الكلام
ياشمس لكن دفنتج صارت بعز الضلام

شمعاتي ابلا نار شمعاتي
__
الباب مسرح للجريمه وعنها ينزاح الستار
جاهل الكسر ضلوعج شوصله لباب الكبار
كون ذاك اليوم حيدر شاهر كراب الفقار
جان محسن يوم عاشر ساقي زينب هوة صار
صفناتي تضل دوم صفناتي
__
من عمرنه لكل روايه نهدي ايام وجروح
لون مانبجي لضلوعج المن نون وننوح
لو نموت وعدنه مجلس نعدل ولازم نروح
انتي عطر الله ونبية وعطرج اعلينه يفوح

كلماتي جرح ليل كلماتي
__
يمته من تضيك بيه الدنيا وبشده اطيح
اركض لبابج وروحي ادخيلج بمدمع تصيح
انتي ياالباب الوحيده الماتجيني منها ريح
هم صدك باجر عيوني تشوفلج كبه وضريح

غاياتي نجي نزور غاياتي
سيد معتز الحسيني

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

((الحزن الفاطمي))

من يوم الدفعني الباب
وصدري بدفعته رضّه
مره اتوچه عالحايط
ومره اتوچه عالفضه
بالعبره اهل العين
واريّح لوعتي بدمعي
اخافن لا علي يدري
ويتأذه لكسر ضلعي
اغطي بسطرت عيوني
وامسح دمعتي بردني
ما خليت ابو حملات
يتأذه أويشهادني
حيدر حالتي اتأذيه
من ابچي ويسمع اونيني
حسباله لبوي النوح
مايدري بسطر عيني
يريت المصطفى يحضر
واخبره اشسوت العصره
مابين الرجس والباب
طحت وضلوعي متكسره
طاح الطفل گدامي
وعيني اتشاهد المنظر
صحت يافضه لحگيلي
وتمنيت النبي يحضر
فجعوني بسطر وجهي
وزادو لوعتي الاذناب
حرگو منزلي همه
والنّار اعتلت بالباب
تحملت العصر والصار
بصدري وضربت البسمار
وأدنگ من يطب حيدر
خفت لا اجرح الكرار
مهظومه ونحل جسمي
واكابر عالهضم گوه
اذّكر طحيت المحسن
وأگوم بطيحته اتلوه
عمري بزهرت اسنينه
واصرت اتنطر الموتي
اخاف انسه واصيحن اخ
وحيدر يستمع صوتي
لا اگدر ابث شكواي
واكعد يمه واشرحله
والله الحالتي يدري
غير الموت مايحله
ماتت منيتي بدنياي
وذبلت زهرت احلامي
هضموني بكسر ضلعي
وطفلي الطاح گدامي
ماچني بعمر عشرين
شح من الالم جسمي
نحلني الهضم والظيم
وصرت گوه انگل لجدمي
عاشرني الدمع والنوح
وحرّم لذتي بدنياي
اتسله بضلام الليل
وللخالق ابث شكواي
انه ام الحسن وحسين
الوديعه اليرضه لرضاهه
الگالو صحبه دفعوني
وجرحو گلبي فوگاهه
سلبو دمعتي وحگي
وخلوني اعله هذا الحال
اجرن بالنفس گوه
وصورة محسن اعله البال
*————*—————*
✍بقلم خادم الحسين ع
الشاعر رعد الجريخي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

اخر محرم فاطمه. تجري المدامع من دمه
هاي الليالي الخاتمه. يازهراء
==========
عيوني ماينشف دمعهن هاليالي
واصل بهالخدمه اني للمعالي
منشغل بيها فؤادي ويه بالي
يبقئ بلساني بعد واضح سؤالي
خايف بعد يگضي العمر. والخدمه ماهي بالگبر
وبلا خدمتي انكسر. يازهراء
==========
تركض اسنين العمر وتمر الأيام
وجنها لحظات بوكتنا هاي الاعوام
احنه كضينه العمر للزهره خدام
خاف السنه اللي تجي بكبورنا انام
ياخوفي من هذا الوكت. بمجلسها ميت محضرت
من الخدمه والله مشبعت. يازهراء
==========
يكضي عمري وتنگضي عود المأتم
واني ميت بالگبر مولاتي فاطم
علئ نيتي وبالگبر سجليني لاطم
العام اني بمجلس يالزهره خادم
لا ماعبرني مجلسچ. وبروحي اني اتحسسچ
انتي الهوه واتنفسچ. يازهراء
==========
حته واني بالگبر ماانسه الامصاب
لباب الگبر لمن اصد أتذكر الباب
خدي متوسد احسه بنص الاتراب
وانتي خدج منسطر من فعل الاجناب
خدج بديهم منسطر. واعليج انوحن بالگبر
يالزهره ونيت اشكثر. يازهراء
==========
اني مااگطع عزائي لنفخة الصور
هناك اسوي قرايه اني لهل الاگبور
اني من زغري لخدمتج وقف منذور
بالليالي الفاطميه ويه عاشور
عمري كضه بس بألم. من بابچ وحرگ الخيم
البسمار وي ذاك السهم. يازهراء
==========
تمت ولله الحمد/المقصر مع الحسين
علي النائلي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

لدار امي غربه اهجمت = لاذت ورا ونتخت

ونعصرت ام الحسن = فضه الحگيني اندبت

باب اعله امي رجع = صار الالم بل ضلع

من عندي راحت تره = ضليت اسولف دمع

الدنيا حزينه * صارت علينه

ياوسفه راحت * امنه الحنينه
==============================
انته التوصي البشر = وتعلمه عل الصبر

اسماء تسولف لبوي = رادت تهدي الامر

گللهه حامي الحمه = هيه الصبر فاطمه

نازل ملك بل خبر = بجت ملوك السمه

هيه زهرتي * * * وجانت شمعتي

هليله راحت * * * أاا يا حسرتي
=============================
خمسة سنين العمر = مجبل عليه القهر

من زغير اسمي يصير = زينب انه ام الصبر

اخت الحسن والحسين = عاشت عمرهه ابونين

ضمتهه أمنه ابحضن = عرش الله اصبح حزين

حسين اويباوع = بس بالمدامع

نعش امنه رايح = ماضنه راجع
===============================
يشعر صدگ بالحنان = الحضن امه صاير امان

بس اني بت فاطمه = ايتانيني اغرب مكان

اصبح اسيره ابدرب = تحدي ابضعنه الغرب

وينچ ييمه تعااااي = رايح يصيح الگلب

مابيه اصبر * * * گلبي تفطر

اجروحي اهواي *** مابيه اجبر
==============================
وصتني امي ابونين = يايمه اخوچ الحنين

لمن تشوفي وحيد = بوسيلي نحر الحسين

باجر يضل بالشموس = بضلوعه حافر يدوس

عاري الجسد عالتراب = وگليبه يحچي ابهموس

انتي ورقيه = باجر سبيه

مابين الاجناب = مامش حميه
===============================
كرار العطوي السماوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

استشهاد الزهراء ع

بالدار فاطم هايه بالدار
يا نار لا تچويها يا نار
بسمار خلف الباب بسمار
****
من جلالتها اعتقدتيها چبيره
والله يانار ام حسن لسه زغيره
التهبتي وهيه لهبت بيها حيره

علامچ شو اجيتيها بيش انتي تطلبيها
الشبّچ ما عرفها اهنا لو قصده يأذيها

معروف حقده اعليها معروف
مكشوف من ازمان مكشوف
اسرار ماكو بعد اسرار
****
ما برد شو بابها الزهره علامه
صرتي يانار الخليل الله سلامه
فاطمه ام النبي وام الامامه

تتچوه اذا اتدفعه. لهيبچ ما طفه بدمعه
اذا ترجع اكو بسمار. وصدرها ينكسر ضلعه

دمعات ما تكفيها دمعات
شوغات ما تحتمل شوغات
محتار بال الزهره محتار
****
ارد اسألچ بيش يا نار اشتعلتي
من حطب لو من حقدهم انتي صرتي
شلون باب الجنه تدنيها قبلتي

باب الله تعرفينه عليه اثار هادينه
عطره ودگة الچفين وبعدها طبعة اجبينه

مهيوب باب الزهره مهيوب
مخضوب هاي الليله مخضوب
اشرار هذا فعل اشرار
****
بوكت ابوها الزهره ما شافت اذيه
اشبيها كلها انگلبت اعليها الزچيه
ذوله مو اصحاب والله ناصبيه

هذوله حظهم اشكبره علي متچتف بصبره
لونه ساحب البتار چا كلمن حفر گبره

معذور حامي الحمه معذور
مجبور يصبر علي مجبور
فقار ظل بالغمد فقار
****
ما خمدتي ليش من اسمعتي ونه
فطره عدنه الينولد يطلب محنّه
احضنتي محسن گبل ما امه تحضنه

ليش المحسن اتلوع بحضن امه ولا اتربع
علامچ اه ينار الباب تقدميله جمر يرضع

محروم من الزهره محروم
مفطوم وسفه بجمره مفطوم
ينهار بفتحت عينه ينهار
****

الشاعر اياد الديراوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

غيمة حزن ما تنجلي … والدنيه وحشه ياعلي
عگب الزچيه
روحك مثل غصن الورد .. كاسرها يا وسفه البُعد
عگب الزچيه
________

امبين على رسومه التعب
وايلوج بعيونه العتب .. ما يحمل اوداع

امگابل نعشها او ينهظم
بل أبره صاير ينلظم .. كلشي ابعلي ضاع

ايعاين عليها والدمع تبدّه
گاعد ابسدها وايده اعله خده
الراح منك ياعلي محد يرده … ياروحي شده

اوداع الزچيه اشيجرعه …لو جبل چان ايصدعه
چنه المنيه
يابعد عمري او ناظري . مكسور گلبي او خاطري
عگب الزچيه
________

مكسور الجناح اصبحت
يا زهرة اسنيني طحت .. ماضل بعد حيل

ياحلم عمري والصبا
صمتچ دليلي ايعذبه … اشما يطول الليل

كلميني يل زهره ردت بس كلمه
من يا جرح يم الحسن متألمه
من كسر ضلعچ لو اثر هل لطمه .. الحيلي تهدمه

يا جرح عذب مهجتهچ .. او حرم عليه شوفتچ
رحتي امن اديه
يا محنه مو مثل المحن .. ضيعتچ او ضاع الوطن
عگب الزچيه
________

داحي الباب الما ركع
حيدره الما مره وگع .. وگعني فرگاچ

الما شافت ادموعي بشر
هل ساعه دمعاتي نهر … كل لحظه انعاچ

غير المعاتب ما الي وسيله
امگابل الباب او مدمعي اسيله
دلال لو عنده انفطر دليله .. من اشتكيله

وناتي اتفسر الصخر .. كل عظم بعظامي انّخر
ماتن اديه
اعثر واطيحن لو گمت .. عن الفرح آنه صِمت
عگب الزچيه
________

تعبني نوحي والدمع
چن انه مكسور الضلع … وامصوب اجروح

يل زهره روحي اتصوبت
بسمار چن بيها نبت … وايعذب الروح

من رحتي وآنه روحي ضيعتني
جمرة افراگچ بالگلب چوتني
الچانت فرحتي راحت او نستني .. اشگد لوعتني

العاشت ابگلبي نبض .. جنة عدن فوگ الارض
ضاعت عليه
تتوسد الليله الترب .. خلت علي ابين الغرب
عگب الزچيه
________

ابيا حال اشيلچ عل متن
واعضاي كلهن موّتن .. كلشي ابعلي مات

فاطم يچن وجه الصبح
مذبوحه . وايشيعچ جرح .. ألآمه كلفات

وسدت روحي من ردت اوسدچ
ياريت خدي عل ترب مو خدچ
شلي ابحياتي فاطمه من بعدچ .. روحي عندچ

ياريت گبرچ يتّسع .. خاطر اضل يم الضلع
صبح او مسيه
خاف الترايب تلچمه .. وتشوغ روحي الهايمه
عگب الزچيه
________

لا باب بي هاذه الگبر
لا ترجعيلي وانتظر … اومن هسه مشتاگ

يل زهره صرت ابيا وضع
مر او ابد ما ينجرع .. چن طعم الفراگ

نامي ابرغد يم الحسن عوافي
وابقه اويه جرحي الما عرفت اشافي
هاذه آنه دهري ما قبل يوافي .. او جرحه كافي

مثل الورد ويه النده .. ريت الکبر اتوسده
وانضل سويه
روحي بقت متألمه … للموت تندب فاطمه
عگب الزچيه
________

أبو فاطمة الطائي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

شوط كربلائي للزهراء (ع)

هـالـيـلـه بحـزن ودمــوع لـلشـيعــه نعـزيها
ابفكـد الـزهـره والدمعات من الكلب نجريها

نجـري من الگلـب دمعـات نجــريهـا بـألم عـبــره
ونحزن والحــزن مطلوب لجل الطاهـره الــزهره
وخل نذكرها بالاحـزان ونـذكــر ساعة العــصره
كلـشي اتـذكـر بهـالـيــوم
لوعات وغصص وهموم
تستاهل الــزهــره ادموم
من عينك وهالدمعات لجل الزهره تبچيها

هــالـيــوم الــدمـع نيشـان منه الــوادم اتعــرفــك
من عالزهره تجري دموع لجلها دموعك اتشرفك
ابچي بكل دمـوع العـيـن تـدري الـدمع شيكـلـفــك
يكلفك عـمــرك اتـنـذره
بحبها وهالعـمر خسره
هوايه تطلب الـزهـــره
تجازي الزهره شتقدم بعمرك ما تجازيها

حزنها واجب اعله الناس هاي ام الحسن وحسين
من تبچي وتــواسيـها للــزهــره بـرگـبـتــك ديــن
موالي وتنحسب مخلص وهذا الشرف تلگا ويـن
هذا الشرف بس عدها
الزهـره الباري خلدها
وانظـر ياهـو والــدهـا
طه المصطفى المختار واسي المصطفى بيها

واسي المصطفى المخـتـار بدموع وحزن وهموم
ولا تـنـسه ابــد فـد يـوم للـزهـره ضلع مهـشــوم
وصب من عينك الدمعات مو دمعات صبها ادموم
صبها ادموم من عـينك
لجلها وضحي بسنينـك
وينـك يـالمحـب وينــك
يوم الـزهـره هذا اليوم بي لا تبخل اعليها

لا تبخـل عـلـيـهـا دمـوع شـرف عـينـك بـدمعـك
وخلي الكون كل الكـون تبچي بفخـر ويسمـعــك
بغـيـر الـزهـره هالاعـمـال باچـر كلها متـنـفـعـك
الباري يـريد مرضاها
حجـه اعـلـيـنه خلاها
وبـيـن البشــر علاها
وانته يالموالي اليوم ضحي الروح وفديها

ضحي بـروحـك الها وصير خـادم بين كل الناس
هاي الـزهره وبكل زود تاج تصير فوگ الراس
شتـقيس المحـبه شلون صعـبه وابد ما تـنقـاس
محـبتها فـرض واجـب
لـمـن يظهــر الغـايــب
بضلعها غيره ميطالب
ياخذ ثار ضلع الباب ويفرحها ويرضيها

شاعر اهل البيت (ع)
رياض الرسل الجابري

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

خدمة مولاتي الزهراء

هنياله الخذت بيده الزچيه
وترضاه الرضيه
خادم بالليالي الفاطميه
++++++++++
ما گول الوداع اشلون اودعنج
شيفارگ دمعتي
يخنگني الهوى من ابتعد عنچ
كل انفاسي انتي
منج نظره يالزهره وعطف منج
ترضيها خدمتي

عذراً عن قصوري/عن قلة حضوري
الحاضرها المجالس كل مسيه
ترضاه الرضيه
++++++++++
ما رايد وجاها ولا ردت رفعه
بس رايد رضاتچ
المنبر والمجالس رزقي والدمعه
يالزهره وغلاتچ
كل العدنه منچ خيرچ اشوسعه
غطتنه عباتچ

واخجل من دموعي/ما كاسر ضلوعي

بابچ ناره ريت اتچوي بيه
ترضاه الرضيه
+++++++++
الحاجز راح اشيله واحچي مالاتي
يالزهره العظيمه
طلبه وبيها حمليني اعله گد نيتي
ادريبچ كريمه
خادم للخدم سجليني مولاتي
خل تصبحلي قيمه

عذريني بسؤالي/انه ادريها حالي

خادم للخدم زايد عليه
ترضاه الرضيه
++++++++
مو كلمن توسم خادم الزهره
بس ال الله راده
روضه امن الجنان ايحصل بگبره
يربح بالسعاده
صيته اللازم بچف فاطمه شكبره
خدمتكم قياده

اللازمها المجالس/ماعنده منافس

مو كلمن حضه بهاي القضيه
ترضاه الرضيه
+++++++
اسألمن عليچ الزهره ليش اتون
واعرفهن جروحچ
ياموقف يجيج بليلچ امن ايجن
تطلع منه روحچ
شال ايده اشيريد ابوگعته المحسن
ماقصده يلوحچ

الچف يمكن يشيله/ايسلم عالعقيله

ذكريني بجروح الغاضريه
ترضاه الرضيه
++++++++++

ثائر الربيعي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

الزهراء

من نومه يصحه الغالي
ويلگي مچانچ خالي
ويگلي عيني ماغفت
لتحبني يا زينب مشت
++++++++++
لخواني يالمالچ اخو احمل نفس عنوانچ
گلتيلي اصير ام واخت لحسين اسد امچانچ
تدرينه مايغفه الربه واتعلم اعله احضانچ
الا وعله نام الولد يسمعها من السانچ

دارچ يطب اعليها
واثيابچ ايشم بيها
وبعبرته الچلمه انحچت
لتحبني يازينب مشت
+++++++++
يگعد حسن وايصبّره فاهم چبير اخوانه
يحسيني خويه اصبر ترى لبگلبك بگلبي انه
عن امي ما يمنع گبر هم تعلم بمبچانه
وارحم گلب زينب الك متكدره وحزنانه

عاين عله ازغيرتنه
زينب تلم دمعتنه
بمبچاك اختنه اتعذبت
لتحبني يا زينب مشت
++++++++++
نتگاود ونمشي سوه نگصد لبونه بعبره
نحتار ابونه وحالته ايصبرنه مدري انصبره
نلگي عله العتبه يون دمعه اليطيح شكبره
من يوگف ويوگع نده شسويتي بيه الزهره

ذاك الفحل تدرينه
يتوچه گام اعلينه
چلمه حچه گبالي وسكت
لتحبني يازينب مشته
++++++++++
يم عتبتچ نلتم سوه عالباب نعلگ شمعه
يفتح قميصه حسين الچ بمسمارچ ايحط ضلعه
يالكاسر امن امي ضلع اتمنه گلبي اتشلعه
يالچاوي چف ام الحسن وكتلتها ذيچ الدفعه

وهنا وگع محسنها
ماكسر گلبك ونها
وبأسمي نادت من هوت
لتحبني يازينب مشت
+++++++
من رحتي بس ليله غفوا جفني بقى وشينيمه
ولزيارتج عودي مشه والبيت طافي وضلمه
محد سمعني من صحت وينج يفاطم يمه
يا ابا الغوث الحگ صحت يركض اجاني ابهمه

شجابك ركض ناديته
گال انتي لموديته
گال امچ بحالچ درت
لتحبني يا زينب مشت
++++++++
گلي يزينب حالتج چم ظلمه لتمر بيها
ساعة ظلام ابلا ولي ماگادره اتحمليها
والزهره حته بكربله يازينب اتذكريها
وينج ييمه ام الحسن بدرب السبي تحچيها

روح الزچيه وياكم
عالهزّل بممشاكم
لو هزله بيج اتعثرت
لتحبني يا زينب مشت

ثائر الربيعي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

الجار من وصّوه بسابع جاره
يحفظه بأهله وبجميع اسراره
مو يجيه ابحطب يشعل داره
وحرمة اهل الدار ميراعيهه
ــــــــــــــ
الجار يحفظ جاره لو عن داره غاب
مو يجي ويدفع على المظلومه باب
الكسر ضلع الزهره جن شكَ الكتاب
وآذه رب الكون الي يآذيهه
ــــــــــــــــ
النبي كَال واستمع هالقول هاك
صون جارك ثم جارك ثم اخاك
كون كَبله اتسيل بالشده دماك
مو ادمومه من الصدر تجريهه
ـــــــــــــــ
الجار يفزع لو سمع جاره ابهظم
موش يهجم يلطم ابنيته لطم
ال وأن كَال اعليهه شايل ياظلم
يدفع الباب او وراه يدريهه
ـــــــــــــــ
الكسر ضلع الزهره خلاهه تون
وكت خلّه اشباهه اتطول اللسن
اثر جفّه انطبعت بذاك الجفن
تلوج باقي ايامهه ايخلّيهه
ـــــــــــــــــ
الشاعر محمد حسن ضيغم

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

لا تشييع مثل الناس شيعوهه
بنص الليل واويلاه دفنوهه
ــــــ
الماتت من الم عصرة هذاك الباب
على العتبه تطيح ودمهه ضل منساب
انذبح محسن يبو المحسن بلايه اسباب
لان بضعة محمد هيجي عصروهه
ــــــــــــــ
الماشافت فرح بالدنيه تتحسّر
ازغيره والضلوع ابعصره تتكسّر
بعمر اثمنطعش وتشاهد المنظر
مجتوف الولي وعالوجنه سطروهه
ـــــــــــــ
منعوهه تون وانكَصّت الشجره
وغصبوهه فدك بت سيد العتره
الله يعين كَلبج فاطمه الزهره
بعينج باب دارج شفتي حركَوهه
ـــــــــــــــ
ماتت والوصيه بليل شيّعني
وأعرف صعبه يالغالي تودّعني
حتى ابموتتي ياعلي تسمعني
اون من الرزيه الكَومي سووّهه
ـــــــــــــــ
بليل وتندفن والكَبر يخفونه
حتى اهل السقيفه ما يعرفونه
من أبعيد شيعتهه يزورونه
وهي بكل مجالسهم يشوفوهه
ـــــــــــــ
تحضر بالعزه وتبجي على المذبوح
ويّ الناعي من ينعه تون وتنوح
ها يا كربله الخلّيتي بيّه جروح
يا شيعه المجالس لا تعوفوهه
ـــــــــــــ
الشاعر محمد حسن ضيغم

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

اثلاثين عام اتحسر بين اگدر وما اگدر
اطلب ابثار الزهراء عشت الصراع الاكبر

.
.
.

صار اسنين مامرتاح وامسح دمعي برداني
خضيت الزلم بالموت وطگ اعله الخشم اني
تمنيت بهجوم الدار كون الزهرة تنخاني
اراويهم علي بس لا علي بس ابوجه ثاني
والله لو تطلبها دار السقيفه اگلبها
يعرفون من يتلثم لو شد لثامه حيدر

بسيط و بيتي بيت الخير جميلة حيل اجوائي
قبائي وسيف ذو الفقار هنه ذني أشيائي
اليسال عني انت بخير ؟ اني بخير زهرائي
انه الضحاك لو بالموت تهز الكون سيمائي

تاليها اطيح ابداري واشكي للبير أسراري
أتذكر اهنا وهنا چانت تحوم وتفتر

________

ابيت احزاني ابچي اليل واكتب ذكرى بالشجرة
اكتب عالورق ياناس علي يحب فاطمة الزهرة
ما محتاج اشوف اللوان بس منها ردت نظره
محد يعرف ابگلبي المهم ابقه اجر حسره
محد يعرف شصاير مكسور مني الخاطر
تعبانه روحي عليها واشفافي بس تتفطر

يا عمار يا مقداد ظل بالي أعله دمعتها
عمرها اثمنطعش وتموت هظيمتنه هظيمتها
شماحاول ادفعه الباب اذكر ذيج دفعتها
زوجتي انكسرت اعله الباب زلم اجناب كسرتها
مو حقي من أتألم اني الحزين الاعظم
بالفاتحة من اقراها بدموعي كون اتكسر

_____

هجرت الناس حتى ارتاح وابجي براحتي عليها
وأسلم من بعيد الليل وتحاجيني واحاجيها
مو گلي رسول الله اليأذيني يأذيها
خلوني أسير النوح سنيني كلها گاضيها
شيبت من اهمومي مهموم افز من نومي
ام الحسن مو بالبيت اتذكر وشتذكر

لابس ثوبي اسود ليش لحد ينظر الثوبي
عايش ليش لسه اني وجوه اتراب محبوبي
يا زهراء من اوگف يا زهراء بحروبي
اتخليها گدامي واضيع بوحشت ادروبي
يا دينا متنصفيني معقولة تبچي عيني
لكن وحقها الزهرة مو حقي اجزع وأكثر

للشاعر محمد الظالمي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

يا كحل النواظر عود وارحم عين هماله
من غبت او لهاذه اليوم بينه اهواي عياله
يمته اتعود يل موعود شوف انعيش يا حاله
يل مهدي الدهر مو زين مدري ويانه اشماله

(( الما راحم الزهره مارحم بينه ))

_____

يمته اتعود نترجاك ما ضل للصبر حيله
يثار الله الذي محجوب يوم ابيوم نشكيله
تدري ابفاطمه للساع دم المدمع اتسيله
كلف كسر الضلع مولاي ما ينحمل لو ليله

(( اشحال امك يمهدي اسنين صار الها ))
_____

مو واحد ضلع مكسور عدها اضلوع منكسره
رد او شوفها ابعيناك وانشدها على السطره
ازرگ خدها يامولاي والعين اصبحت حمره
عمت عيني عليها الليل گاضيته بچي او حسره

(( من گد الالم ما نامت اسويعه ))
_____

ردلها يماي العين شوف اشبيها ما بيها
خل اتشوّفك البسمار ذاك الحيل ماذيها
ومچان البيه سطروها وانترثن تراچيها
امك يا ذنب عدها او حرگو بابها عليها

(( ما واحد حشمها او لا فزع ليها ))
_____

يمصيوب الگلب والروح واجروحك فلا تنعد
يمن بحشاك وجت نار ليل انهار ما تبرد
سامحنه اذا وياك عاتبنه او جزينه الحد
غيرك منهو نشكيله يغايب ما عندنه احد

(( بس انت الذخر يا ريحة الزهره ))
_____

بس انت الذخر للثار غيرك ذخر ماعدنه
ترد النه اشوكت يايوم واتكحل نواظرنه
تاخذ ثارك ابسبعين ما عندك بعد هدنه
انت الحيد يا صنديد وانت التاخذ ابحگنه

(( وي اهل السقيفه اتصفي احسابك ))
_____

من يوم السقيفه وجاي بيك النار تتلهب
نار الباب نار اخيام منها احشاك تتعذب
يل مهدي واشد اعليك نار اللوّعت زينب
زينب سلبوها اجناب خدرك يا ولي اتسلب

(( او عمتك اتاني عجل بالظهور ))
_____

ابو فاطمة الطائي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

لسيدتي فاطمه بلسان حال امير المؤمنين صلوات الله عليهم اجمعين

ضلعچ من لزمته ابليل … . بيداي
امنهدها والگلب مصيوب .. بي داي
اخلافچ دنيتي چن گاع ….. بيداي
يجنّه او راحت ابساع امن اديه ….

زينب ما هدت ساعه …… وره امها
السهر والنوح عيناها …… ورمها
يريت ابطيف لو ساعه … وره امها
واگلها زينبچ شبعت اذيه ……

الاصغر
ابو فاطمة الطائي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

لسيدتي فاطمه بلسان حال امير المؤمنين صلوات الله عليهم اجمعين

ضلعچ من لزمته ابليل … . بيداي
امنهدها والگلب مصيوب .. بي داي
اخلافچ دنيتي چن گاع ….. بيداي
يجنّه او راحت ابساع امن اديه ….

زينب ما هدت ساعه …… وره امها
السهر والنوح عيناها …… ورمها
يريت ابطيف لو ساعه … وره امها
واگلها زينبچ شبعت اذيه ……

الاصغر
ابو فاطمة الطائي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

لسان حال أمير المؤمنين (عليه السلام)

التشفـي الجـرح اكبر جـرح من ادفـنـتـهـا
وأنـهــض وأرد أوگــع دمــع لــو ودعـتـهـا

إدفنـت روحي إويـن اروح ابلايـه روح
أمشـي وأرجـع يمها إوگـع بـس جـروح
وگـوه أنهـض وارجع أوگـع يمـهـا أنـوح
شـلـون بيـه وعنـدي زينـب كـون أروح

وكـلـمـا ردت أنـهـض أحـس أكـثـر ردتـهـا
وأنـهــض وأرد أوگــع دمــع لــو ودعـتـهـا
ـــــــــــــــــــــــــ١ـــــــــــــــــــــــــ

الليل يمشي وجرحي يمشي بطولي صار
وسـفــه مــنــي وزهـــره يـاخــذ بـاب دار
ويـا هـضـيـمـه وبـيـهـا تـچـوي ابيتي نـار
وآنـه بـيــتــي مــن المــلائــك بــس يُـزار

إموصى إعرِفَت ناس الإجـت والروعتـهـا
وأنـهــض وأرد أوگــع دمــع لــو ودعـتـهـا
ـــــــــــــــــــــــــ٢ـــــــــــــــــــــــــ

هـايـه أول مــره أشـعـــر حـيـلــي راح
لأن حـيلـي بـنـص لحـدهـا وكله طـاح
روحي تنحب عيني تجري وگلبي ناح
مــن بـعــدهــا بـمــوتـي إلا وأسـتـراح

وأعـظــم ألــم مــا تـنـسـمـع لـو كـلـمـتـهـا
وأنـهــض وأرد أوگــع دمــع لــو ودعـتـهـا
ـــــــــــــــــــــــــ٣ـــــــــــــــــــــــــ

البسـمه چـانت لمـن نـلتـم ما تـغـيـب
وهـسـه نلـتـم يـم گـبـرها وبالنحـيـب
شكثـر صعـبـه ولَـمَـن إتـحـن للحبيب
تحچـي ويـه تـراب گـبره وما يجيـب

وأغلى البشر روحي افگـدت من افگدتـهـا
وأنـهــض وأرد أوگــع دمــع لــو ودعــتـهـا
ـــــــــــــــــــــــــ٤ـــــــــــــــــــــــــ

الحسـن يـمـي ومـثـلي طـايـح عالتـراب
حسين يصـرخ كون يكـسر ضلـعـي باب
يبني گـتله الحافـر أصـعـب كل مـصـاب
ضلوعي يگـضـن بويه كـلهـن گلي حاب

وكـلهن فده لأم الحـســن بـويـه انـذرتـهـا
وأنـهــض وأرد أوگــع دمــع لــو ودعـتـهـا
ـــــــــــــــــــــــــ٥ـــــــــــــــــــــــــ

لزينـب أرجـع صعبـه وحـدي بلا بتـول
إويـن أمـي الكلمه الأولى أعرف تگـول
ريـت ليلـي بطـول عمـري هـنـا يطـول
ولا أرد لبــيــتـــي وابــلا بــت رســول

بـنـت النـبـي بعـمــر الـورد مـن فـارگـتـهـا
وأنـهــض وأرد أوگــع دمــع لــو ودعـتـهـا
ـــــــــــــــــــــــــ٦ـــــــــــــــــــــــــ

أحمد البصراوي العبادي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــاخر محرم فاطمه. تجري المدامع من دمه
هاي الليالي الخاتمه. يازهراء
==========
عيوني ماينشف دمعهن هاليالي
واصل بهالخدمه اني للمعالي
منشغل بيها فؤادي ويه بالي
يبقئ بلساني بعد واضح سؤالي
خايف بعد يگضي العمر. والخدمه ماهي بالگبر
وبلا خدمتي انكسر. يازهراء
==========
تركض اسنين العمر وتمر الأيام
وجنها لحظات بوكتنا هاي الاعوام
احنه كضينه العمر للزهره خدام
خاف السنه اللي تجي بكبورنا انام
ياخوفي من هذا الوكت. بمجلسها ميت محضرت
من الخدمه والله مشبعت. يازهراء
==========
يكضي عمري وتنگضي عود المأتم
واني ميت بالگبر مولاتي فاطم
علئ نيتي وبالگبر سجليني لاطم
العام اني بمجلس يالزهره خادم
لا ماعبرني مجلسچ. وبروحي اني اتحسسچ
انتي الهوه واتنفسچ. يازهراء
==========
حته واني بالگبر ماانسه الامصاب
لباب الگبر لمن اصد أتذكر الباب
خدي متوسد احسه بنص الاتراب
وانتي خدج منسطر من فعل الاجناب
خدج بديهم منسطر. واعليج انوحن بالگبر
يالزهره ونيت اشكثر. يازهراء
==========
اني مااگطع عزائي لنفخة الصور
هناك اسوي قرايه اني لهل الاگبور
اني من زغري لخدمتج وقف منذور
بالليالي الفاطميه ويه عاشور
عمري كضه بس بألم. من بابچ وحرگ الخيم
البسمار وي ذاك السهم. يازهراء
==========
تمت ولله الحمد/المقصر مع الحسين
علي النائلي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

مولاتي يزهراء مولاتي
__
انتي اكبر من كلامي انتي تاريخ السنين
انتي بيج يحاسبونه يم اله العالمين
الفاتحه الاقراها انتي بحاجتي لم البنين
اشهدٌ ان اليحبج هذا من المؤمنين

صرخاتي بالحساب صرخاتي
_
انتي باب الحاجة لكن ماكلتلج انتي باب
خايف تذكرين ضلعج وينذكر ذاك المصاب
احترك دارج لمن اسمع احترك من العذاب
ياذهب والله ثكيله تسطرج جفوف التراب

دمعاتي للضلوع دمعاتي
_
ياسلام الله ونبيه بابج الود والسلام
انتي تفسير الموده وغيرج نفسره الخصام
من خطبتج كلها عرفت انتي كلمات الكلام
ياشمس لكن دفنتج صارت بعز الضلام

شمعاتي ابلا نار شمعاتي
__
الباب مسرح للجريمه وعنها ينزاح الستار
جاهل الكسر ضلوعج شوصله لباب الكبار
كون ذاك اليوم حيدر شاهر كراب الفقار
جان محسن يوم عاشر ساقي زينب هوة صار
صفناتي تضل دوم صفناتي
__
من عمرنه لكل روايه نهدي ايام وجروح
لون مانبجي لضلوعج المن نون وننوح
لو نموت وعدنه مجلس نعدل ولازم نروح
انتي عطر الله ونبية وعطرج اعلينه يفوح

كلماتي جرح ليل كلماتي
__
يمته من تضيك بيه الدنيا وبشده اطيح
اركض لبابج وروحي ادخيلج بمدمع تصيح
انتي ياالباب الوحيده الماتجيني منها ريح
هم صدك باجر عيوني تشوفلج كبه وضريح

غاياتي نجي نزور غاياتي
سيد معتز الحسيني

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

وداع وفرگه .. نحيب وحرگه
غياب الملگه .. وداع وداع
…….
وكت عشرتنه گوض .. بعد لا ميتعوض .. صبح تذكار
وداع وفرگه حانت .. نحيب وحرگه بانت .. وظُلم هالدار
من چانت امس ويانه أمنه
يا محلاهه كل احنه تلمنه
وبنص الليالي تمر علينه
منام الا تحضنه وتشمنه

تجينه بلهفه .. تشمنه ونغفه
واليون حگه .. وداع وداع
……..
اجت زينب تدور .. عليهه وتبچي تقهر .. ييمه اتصيح
واجه يصبرهه حيدر .. لگاهه بدمع الأحمر ..تگوم تطيح
زينب دورتهه وما لگتهه
بيهه شلون وامهه فارگتهه
واحتارينه بيهه شلون حيره
ورده وراحت الايد السگتهه

غياب ايألم .. ونين ايحشم
جمر بالشهگه .. وداع وداع
……..
بچينه ومن بچينه .. يتامه احنه بقينه .. خذاهه الموت
تره امنه بهالمسيه .. دنت ليهه المنيه .. وسط تابوت

چنه ما ننام الا اعله اديهه
بالتابوت هسه شلون بيهه
ماتت والمصيبه شگد چبيره
حتى اهل السمه تبچي عليهه

نياح وحسره .. وداع الزهره
مثلهه شنلگه .. وداع وداع
……..
صراخ الفقره نسمع .. على الراحت مترجع .. اجو للباب
والايتام بمواكب .. اجو لام المصايب .. گلبهم شاب

زينب گابلتهم بالنوايح
ودم محسن بديهه التوه طايح
ويم الباب تستقبل يتامه
موكب جاي موكب عنهه رايح

عزاء شكبره .. تقيمه الحره
بكاء وخنگه .. وداع وداع
……….
وداع وبينه يكتل .. جمر بمهجنه يشعل .. يشوغ الروح
الحبيبه الحنينه .. بعد لا ما تجينه .. وتجينه اجروح

جرح الطبره اولهن يجينه
والثاني چبد ينسم درينه
بس ثالث جرح مو نفس الجروح
جرح الطف بعد شيسوي بينه

خيام وخدر .. قطيع المنحر
خيول تسحگه . وداع وداع
……..
يلعنه الله العصرهه .. مشت بأول عمرهه .. وطفلهه الطاح
على العتبه بوگعته .. شهگ صاح بدمعته .. يمهدي صاح

والضد امي صار وصار ضدي
خل احچيلك المضموم عندي
بين الباب والحايط عصرهه
باچر بيدك تعصره يمهدي

واريد تصلبه .. وعذاب اتعذبه
وقريب الملگه .. وداع وداع
…….

علي عبدالله المفرجي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

من جف التگید بالوصیه الى من بيده ثار امه الزجيه
رساله ابدمع المصاب تشرح قصة الباب

**

امن ارماد الحطب حيدر كتب وادموعه تحدي
سلام امطرز ابلوعه وهضم وجروح تدي
امن الحيد البقه مكسور للغايب المهدي
رسالة ثار و ابيا ثار ام الحسن تبدي

الموَصى بصبر يوصيك بالثار يحد المرجله جرد الفقار
وبالدم مو بالعتاب تشرح قصة الباب

**

مصايب راح اعد تدمي الكلب واتشيب الليل
وسوده اتصير لو تسمع من الهم نجمة سهيل
ثلث مية نذل هجمو على امك يا ابو الحيل
هذا البيده ذاك بسوط نهر خله الدمه ايسيل

يمهدي عيونها تربي عليه وانه اتراجف هضم والنار بيه
بحسره ودمع سچاب تشرح قصة الباب

***

البين الباب والحايط بحر جان امن المصاب
رغم ماكو مسافه بعيد بس منها الزمن شاب
عين وضلع سوط ونار طفل ساكط بالعتاب
رفس سب وعده وشمات وللزهره الصدر عاب

واسمعها تون حين اعصروها بحقد يالمهدي چانو يضربوها
وكل شوغه من الصواب تشرح قصة الباب

**

يمهدي العنده جف ويطيح كون ابظلعه كسره
من تلزم جفوفه الكاع يجر انفاسه حسره
وامك من هوت للكاع استندت فوك جمره
منظرها يهد الحيل وشفت العين حمره

حمره العين والدمعه جريه وصفت محنيه يبني الهاشميه
شفتها فوك التراب تشرح قصة الباب

**

ومن غسلت فاطم ريت جفنوني ابجفنها
على اللي شفته من الضيم بالصار ابدنها
مو بس من جرح بسمار جان اسود متنها
كل هذا الجره بيها وعليه اتظم حزنها

لچن ابكل مكان اتمر اديه اشوفن جرح يدي من الرزيه
جروح المالها اسباب تشرح قصة الباب

***

اريد الثار نار بنار وضلعها ابأمة ارجاس
ثار الزهره يابوالثار لاحد لا له مقياس
حته اعله الهوه يبني اريد اتشح الانفاس
يمن حيلك علي وغيضك من عمك العباس

خل الدنيا محتاره ابفزعتك يغيرة هاشم الترهب سطرتك
يمن للثار طلاب تشرح قصة الباب

الشاعر حيدر الرويمي

ــــــــــــــــــــــــــــــــــــــــــــــــــــــــ

قصيدة لاستشهاد الزهراء ع

نَفِس وحده اثنينه
الهوه ميمر بينّه

امرايه عينج بيهه اشوفن روحي
نظره منهه اتطيب كل جروحي.

……….

الچ واحد ما اظن يشتاك مثلي
آنه ما ميتلي واحد ماتو اهلي
باقي بس عيون تبجي وراح كلي
يلا يافاطمه أذن كومي صلي

جبت المصلايّه
يلا كومي ويايه

السبحه بردت يم حسن خرزاتهه
اتريد اديج الدافيّه راحاتهه

……….

شكد تمنيت الكبر بي باب وادخل
حته اسولفلج سوالف بيه تكتل
خايف احجي وخاف دم الضلع ينزل
راح بس قران وزياره واكمّل

الامومه كبالي
والايتام اعيالي

انه يازهراء رايح راجع
بين درب المكبره والجامع

……….

لايضل بالج علينه ولاتهمين
الحمد لله يم حسن كل احنه زينين
لجن طلعت من ادينه دمعة العين
من اسكت زينب ايرد يبجي الحسين

كل مسه ماعونّه
يترسه دمع عيونّه

وزادنه بلا ملح ملحه دموعنه
الج مو للزاد صاير جوعنه

……….

مره يم كبرج اجيت انه ودمعتي
من كلتلج جلمه عندي شرايج انتي
واستحيت احجيهه ياواهس عشرتي
ردت أم لولادي من بختج لبختي

نمت فوك اترابج
وطيف إليّه الجابج

اختيارج ادري بي نوعيه
كلتي اسمهه فاطمه البدويه

……….

بعيني هاي وهاي ماانسه الوصيه
ارد اصير ابيتي حيدر والزجيه
راح اشم حسين كل صبح ومسيه
وراح اعوّد زينب تنام اعله اديه

وانتي عينج غافيه
نامي نوم العافيه

لاجن ادعيلي اسكت الالامي
من اشوف الضاربج كدامي

………..

منج اترخص ولو من ارجع اتعب
اكو من يحتاجني بالبيت ينحـــــب
من اجيتج لحد هسه كلبي يلهــــب
كلبي مايوجعني بس توجعني زينب

وانه يالعلويه
راح اضل يوميه

بينج وما بين بيتي الخالي
للمنيه راح تبقه امالي

………

نسألكم الدعاء
حسين صادق العقابي

ــــــــــــــــــــــــــــــــــــــــــــــــــــــــ

انت شيخ الطايفه وهيبة عربنه
ياعلي وبس انت التعيش بكلبنه
ياعلي ياعلي

علي ياهيبة سلفنه وبيك شنهج راسنه
علي يملوحة حجينه وياشريج انفاسنه
علي حبك بالولاده طب كلبنه وجاسنه
علي بيك الدين كاشخ يالملكة حساسنه

انت نور الله علي الضوه دربنه
ياعلي وبس انت التعيش بكلبنه
ياعلي ياعلي

علي سر الله العظيم المايصح تفسيره
علي واحد علي قائد علي مامش غيره
علي حته الطير ياكل جان من يم خيره
علي من يعله عليك وانت شيخ الديره

انت شيخ وصايتك هيه التلمنه
ياعلي وبس انت التعيش ابكلبنه
ياعلي ياعلي

علي خالـــــق علي رازق علي كلها ابكيفه
علي كــــض الفلك بيده مثل كضت سيفه
علي بس حيدر يعرفه وسر صعب تعريفه
علي جفنك الله بــــــــــس لي يمر ابطيفه

واحنه جي نهواك ياحيدر ربحنه
ياعلي وبس انت التعيش ابكلبنه
ياعلي ياعلي

علي المايهــــــــواك والله غيره ماكو براسه
علي وكلمن عاده شخصك هاذا اشك بساسه
علي الجدمـــك فدوه يغدي عمر هوه وناسه
علي جبرائيل جـــــــفك نــــــزل ليه وباسه

بس لـــــك ياحيدر انبين عشكنه
ياعلي وبس انت التعيش ابكلبنه
ياعلي ياعلي

علي يمبجي زلمها مـــــــن تطب للحومه
علي المنك راد يخلص ركض ذب اهدومه
علي سيفك بالمـــــعارك هوه غالب دومه
علي يالبس انت وحدك الله حب ارسومه

وي لبن امنه علي حبك شربنه
ياعلي وبس انت التعيش ابكلبنه
ياعلي ياعلي

حسين عبد الزهرة الدراجي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ابلايه غيره بلايه دين ….المايحبك ياحسين
اليبغض ابن الطاهره
عاش دنيه او اخره
ابلايه غيره بلايه دين
★★★★★★★★★
انه ياحسين امن احبك موطمع بمحبتك
لچن جذبتني المناره وهيبه شفت بگبتك
وابد مو انه العشگتك هيه روحي العشگتك
والگلب رف لمحبتك مثل رفة رايتك

جائز الحب موحرام …قمبر يحب الامام

الما يعادل قمبره
عاش دنيه او اخره
ابلايه غيره بلايه دين
★★★★★★★★★
المايحب حسين كافر لايجادل بالكلام
لوخلص كل عمره يعبد بالركن وبصف مقام
اكو وادم موش يمها ولاذت ابسد الامام
وناس تصرخ ياحسين وحللت حتى
الحرام

ولو نسولف عالعشگ
ماكو عاشگ من صدگ

الجان عاشگ مضهره
عاش دنيه او اخره
ابلايه غيره ابلايه دين
★★★★★★★★★
شكد سوالف بيه تجرح بس يراودني الخجل
وادم اتحب الحسين وعاشت بنص الدجل
ارجع الصلب القصيده او اقره زين المستهل
هيه لو خدمه ابخلاصه لو بعد عوف العمل

واحد اختار الطريق لومعارض لوصديق

المايحب المفخره
عاش دنيه او اخره
ابلايه غيره ابلايه دين
★★★★★★★★★
انه بس عندي رساله وقاصد اصحاب العزاء
اهواي مو يم القضيه ونصهم ايحب الرياء
ليش عود اتريد سمعه ادور اصوات او اداء
هيه بالنيه المجالس والعزم من كربلاء

مو شرط اله فلان كونك اتريد الجنان

المادرس من حيدره
عاش دنيه او اخره
ابلايه غيره ابلايه دين
★★★★★★★★★
اخر اوصيه ارد اوصي اواعتذر من الجميع
حسين جان بحضنه ابنه اوشخر عبدالله الرضيع
وانت جي رادود عودك ثگل عالوادم تبيع
انه اعرفه النيته خدمه من الوجه تلكاه مطيع

امبين امن احساسه يمشي نازل راسه

والي دور كامره
عاش دنيه او اخره
ابلايه غيره ابلايه دين
★★★★★★★★★
حسين يستانس عليكم من يباوع يالخدم
وبسجل امه الزجيه ايسجل بورقه وقلم
ياهو لاطم ياهو قاري يكول خل ينطق نعم
ويحضر العباس راح ايلبسه تاج وبي علم

يختم بجفه ويكول الباقي يم امنه البتول
هيه يمها المحبره
عاش دنيه او اخره
ابلايه غيره ابلايه دين
★★★★★★★★★
المخلص خادم الحسين (ع )
ابو اسد البزوني

ــــــــــــــــــــــــــــــــــــــــــــــــــــــــ

قصيدة شور لستشهاد الزهراء عليها السلام

****

وداعت الله اويه المحنه
شكد نحبنه
وعاشرينه الدمعه ابسود الليالي
انهدم عرش الأميره وهذا حالي
يادلالي الله يشهد يمه كل لحظه اعله بالي

فاطمه تروحين وانه ابقه بعذابي
تنزل دموعي وتسولف عن مصابي
انتي رحتي او وگفت همومي اعله بابي
فاطمه كسروا ضلعها
الجاني من ونت سمعها
وداعت الله. اويه المحنه

….

يمه وينج فاكدينج
ولحنينج
شتاگت الروح لسوالف بيها يُمه
الدنيه مثل القبر صارت والله ضلمه
والتهضمه اليتيم بليل يكعد لجمه لجمه
حيره من بعدج اذا انضر مكانج
حيره بردت روحي وتحن لحنانج
حيره محتاجين يالزهره الـ أمانج
شلون راحت أمي مني
حِضرت للسوط متني
وداعت الله. اويه المحنه

….

مانسيتج خالي بيتج
فاركيتج
مدري فاركت الهوه وبريتي جمره
يعثر بصدري النفس تخنكني عبره
ياعذابي امي مسطورة جفن والعين حمره
بابج المحروگ موتني بحسرتي
بابج مخليني اموت بعالي ونتي
فراگج مكثر حزن كلبي وغربتي
بابج الماخذ شبابج
الله لاينطي الي صابج
وداعت الله. اويه المحنه

….

بالمقابر حضني صاير
والنواضر
بيها تعرض صورتج وبصدري خنگه
يمه مثلج يالحبيبه وين الگه
عيني تبگه مشوبحه بدرب الخذاج تريد ملگه
راحت وزينب بقت تحسب نوايب
راحت ودفنوها أمي بالترايب
راحت وكلبي اويه راسي يمه شايب
اليتم ماينحمل ياهو اليحمله
امي وين لحيدر بدمعاتي اسئله
وداعت الله. اويه المحنه

….

ياغربتي ياحسرتي
انتي رحتي
وراحت ايامي السعيده وحل عذابي
وضلت أشباح الحزن تتعنه بابي
شلون حيره اني كل مغرب يحل بيه مصابي
وينج بكل باب اكتبلج تعالي.
وينج وصوت الحزن يالزهره عالي
وينج وبابج طبع حزنه اعله بالي
مثل المضيعه وطن بعيوني دمعه
يموت سكته الينكسر ياناس ضلعه
وداعت الله. اويه المحنه

….
علي محسن الفرطوسي

ــــــــــــــــــــــــــــــــــــــــــــــــــــــــ

اني الباب اسولف واسمع اقوالي
مجبور احترگ واكسر گلب غالي
يدفعوني يحركوني على الزهره

***
بالصار محتار خلوني احترگ أهل السقيفه
مجبور عالنور دفعاني الذي اتسمه خليفه
انذال أفعال احذر من الأفعال المُخيفه
معروف مكشوف جفوف السود مومثل النضيفه

شاهد عالمصاب وكل تفاصيله
الخبيث يتاني فرصه ويبدي بالحيله
تشب روحي وجروحي مثل جمره

***

مازال عالبال كل الصار أني اعليه شاهد
ينادون يحذرون وهذاك الماله موقف شفته كاصد
عالدار بالنار ابو كلمة وأن شيخ المفاسد
ياحيف لوسيف حيدر چا ولا يتجرى واحد

علي لو لا الوصيه من وصل داره
الهجم بالنار يعرف شنهو فقاره
يعرفونه يخافونه. علي وأمره

***

يدفعون يحركون وأحس الزهره يتصاعد نفسها
ونات حسرات وشفت الحره الطاغي رفسها
بالنار بسمار صاب ام الحسن والحسره احسها
ياعين تشوفين صعبه الدمعه عالمحسن حبسها

والمحسن اشوفه تغطه برمادي
اني الباب وانضر مهجة الهادي
يضربوها يشتموها وشفت سطره

***

كل باب ينهاب ياخذ هيبته من صاحب الدار
وسفات حسرات كلما صدلي حيدر شفته ينهار
شنگول معقول اكيد النبي هم يسئلني عالصار
خجلان حيران شسولف بالحشر بسمار لونار

بابك ياعلي صح لاجن اعذرني
طحت عالزهره خصمك جان يدفعني
اعذرني سامحني يبو العتره

***

اصدليه احاجيه وِگِله الي هجم افلان وفلان
يحقدون يقتلون نفس النار بالطف شفنه نيران
يسبون يذبحون أحفاد الهجم هم تسبي نسوان
بالطفوف نشوف حسين بكربلاء ضل جثه عريان

ناري ماطفت للطف يودوني
الخشب يصبح رمح تشاهد عيوني
انه بحيره يبو الغيره . الجرح اكبر

……
علي محسن الفرطوسي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

جف العبد لمن سطر خد السمه
تجاسر على الله اللي تدنه الفاطمه
الكاسر ظلع للبسمله شلون
لمن يواجه خالق الكون .. شينطي عذر
. . . . . . . . . . . . . . .

من فاجعة كسر الظلع عرش الله باين حزنه
واعله الزجيه امن العرش مسموع صوت الونه
نادت ابطيحتها سكط يا ابا الحسن محسنه
والمعتدي بهذا الفعل كسّر اظلوع الجنه

الاسلموا بالسيف الحقد ظل بيهم
والصاحبوا طه بدغش ندريهم
الأول أمر والثاني اليخون
لمن يواجه خالق الكون
شينطي عذر
. . . . . . . . . . . . . . . .

خد السمه ابجف العبد من حقد اصبح مسطور
والعين حمره ابسطرته وانطفه امن اصبيها النور
بضعة الهادي للأسف مارعوا حكها اهل الجور
من بابها الباب انفتح درب المصيبة عاشور

اول شهيده استشهدت لآل النبي
وتحددت من دمها خارطة السبي
وللباري تشكي اسياط المتون
لمن يواجه خالق الكون
شينطي عذر
. . . . . . . . . . . . . . . .

اتجرأ وطب بيت الوحي وتجاسر وشب النار
بالباب من حط الحطب نيته ايحرك باب الغار
فعله بحقد من النبي والحقد اصبح بسمار
من الصنم ماخذ امر الهدمت هبل ياخذ ثار

يم بضعة الهادي نزل حقدهم
هالزمره اي غيره وشرف ماعدهم
واحدهم انسميه فرعون
لمن يواجه خالق الكون .. شينطي عذر
. . . . . . . . . . . . . . .

من عصرة الباب انكسر ظلعين من الزهره
طاحت وطايح عالارض محسنها من العصره
من سورة الكوثر نزف دم الطهر عالغبره
آياتها العين ومتن وظلوعها المتكسرة

محور كتاب الله البتول ام الحسن
وسنين بس ١٨ شمعه وطفن
واللي تدنه اعليها ملعون
لمن يواجه خالق الكون .. شينطي عذر
. . . . . . . . . . . . . . .

عرفوا علي اموصه ابصبر والسيف رافك غمده
الهذا السبب قرر يجي غاصب الحك واتعده
لو جان لسه المرتضى قبضة السيف ابيده
ولوما وصيته اعله الصبر اليوصل الباب اشحده

بحبل الوصيه امجتفه اجفوف الولي
و لولاها منهو الذي يتدنه العلي
اليتدنه يفكد راسه يدرون
لمن يواجه خالق الكون .. شينطي عذر
. . . . . . . . . . . . . . .

امصاب الزجيه ام الحسن وظلوعها وسطرتها
بالطف نفسها اتكررت وام الحسن حضرتها
وظلوعها ابصدر السبط وزينب نفس حسرتها
وخيام ملتهبه بجمر من بابها وجمرتها

البسمار نفسه ابكربله اصبح رمح
من الصدر للمنحر رسم نفس الجرح
وللباري ظلت تشكي المتون
لمن يواجه خالق الكون .. شينطي عذر
. . . . . . . . . . . . . . .

خادم أهل البيت عليهم السلام
عمار العيساوي الكربلائي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

كَسِر ضلعج هويه رافضيه
حِملها كل فكر صاحب قضيه
اعله درب الثار نادينه .. متى تظهر يمهدينه
جنوده وننطر الطلعه البهيه .. كَسِر ضلعج هويه رافضيه
. . . . . . . . . . . . . . . . . . . . .
لطم عينج قضيتنا
كَسِر ظلعج هويتنا
سكط حملج مصيبتنا .. على المحسن نهل عبره
الموالي تنزف ادموعه
و يواسي بلطمة اظلوعه
الج بالروح جم لوعه .. على الباب وعلى العصره

الكِسَر ظلعج نرفضه وما نقبله
يمنّ اترابج انقدسه ونجلّه
اعله خط النار خطينه .. متى تظهر يمهدينه
جنوده وننطر الطلعه البهيه .. كَسِر ضلعج هويه رافضيه
. . . . . . . . . . . . . . . . . . . . .
وگعتي ومحسن ابصفج
حواري امن السمه اتحفج
الخصم يافاطمه ايعرفج .. ولكن بالحقد يعمه
بحطب عمداً حرك بابج
وحرك وجدان احبابج
يلوّع حيدر امصابج .. ويفت اكليبه ويألمه

لمن طحتي يفاطم عالوطيه
انفجع كلب الحسن وحسين اخيه
نوايبكم تأذينه .. متى تظهر يمهدينه
جنوده وننطر الطلعه البهيه .. كَسِر ضلعج هويه رافضيه
. . . . . . . . . . . . . . . . . . . . .
هجوم الدار يالزهره
المصيبه الأولى والكبره
عليج العالم ابأسره .. يبضعة طه يتألم
لونّ الهادي ما وصه
علي جن موسى بالعصه
يطر الكوم . ويكصه .. راس اليجره يتقدم

ولكن لازم اتخون الصحابه
ويجن ليلج مثل ليل الخرابه
مصيبتكم تبجينه .. متى تظهر يمهدينه
جنوده وننطر الطلعه البهيه .. كَسِر ضلعج هويه رافضيه
. . . . . . . . . . . . . . . . . . . . .
يزهره امصيبتج تكتل
دمع بنتج عليج ايهل
صبرها خافن ايوشل .. ومصايب كثره تنطرها
تصد اعليج يالزهره
ومره المحسن اتنظره
كلبها انصاب بالعصره .. اليسطرج چنه يسطرها

يزهره شتحتمل زينب مصايب
اويه بابج تنفتح باب النوايب
المحب الكم تهل عينه .. متى تظهر يمهدينه
جنوده وننطر الطلعه البهيه .. كَسِر ضلعج هويه رافضيه
. . . . . . . . . . . . . . . . . . . . .
عليج الحره حزنانه
وكلبها يفور بركانه
يزهره ظلي ويانه .. تنادي وما تسمعيها
نفس هالحال يتكرر
اعله تلها وي ابو الاكبر
تشوفه اوصاله تتطشر .. وانتي اللي تجمعيها

كسر ضلعج أشد لو ضلع اخوها
يزهره اويه الكسرتين افجعوها
اعله هالحالين صلينه .. متى تظهر يمهدينه
جنوده وننطر الطلعه البهيه .. كَسِر ضلعج هويه رافضيه
. . . . . . . . . . . . . . . . . . . . .
ابو صالح يجي انريده
ثارج فاطمه نعيده
السطر عينج نكص ايده .. ونقتله السبب الغدره
يزهره كلنه انصارج
نحركه اللي حرك دارج
كلنا انطالب ابثارج .. وقصاص السطره بالسطره

نعم نفس ابنفس حكم الشريعه
ولكن ام ابوها انتي الوديعه
العده منهم تبرينه .. متى تظهر يمهدينه
جنوده وننطر الطلعه البهيه .. كَسِر ضلعج هويه رافضيه
. . . . . . . . . . . . . . . . . . . . .

خادم أهل البيت عليهم السلام
عمار العيساوي الكربلائي

ــــــــــــــــــــــــــــــــــــــــــــــــــــــــ

تتنفس ويلجمها كسر الضلع
وتخنك الدمعه لا علي يستمع
محنيه توكف الم ما ينحمل
تحط ايدها اعله الخاصره وتعتدل .. لا علي يشوف الوضع
. . . . . . . . . . . . . . . . .

الم كسر الضلع ياناس نعرف محد ايجبّره
وبالعصره انكسر ضلعين وانته اتخيل العصره
العفّه شلون جف ملعون عليها اتجاسر ابسطره
وهي ابخطواتها اعله الكاع تخط تسبيحة الزهره

ابظل طه جانت عايشه وظل علي
تالي تنادي الفضه لحكي الي
سنديني فضه طيحولي الحمل
تحط ايدها اعله الخاصره وتعتدل .. لا علي يشوف الوضع
. . . . . . . . . . . . . . . . .

يالمها الضلع وي كل نفس يصعد نفس ينزل
تون والونّه مذبوحه بلا صوت الألم يكتل
الترافه . الشرف . نور الله الما لامس طرفها الظِل
شلون انصابت ابّسمار وهي النور ابضياها ايزل

ما تكعد اكبال الوصي فاطمه
ليشوف خدها اللي العبد لاطمه
وابين ادين الوصي من تمتثل
تحط ايدها اعله الخاصره وتعتدل .. لا علي يشوف الوضع
. . . . . . . . . . . . . . . . .

تداري السطره لا ينظر علي وجنتها مظروبه
ما كالتله يابو حسين آنه ابصدري مصيوبه
كافي بعينه لمن شاف باب الدار ملهوبه
وشاف المحسن اعله الكاع جثه ابدمها مخضوبه

شافت علي بحبل الوصيه انجتف
ظمت المها غايه عدها وهدف
خافن يسل السيف او ينفعل
تحط ايدها اعله الخاصره وتعتدل .. لا علي يشوف الوضع
. . . . . . . . . . . . . . . . .

شبكت فاطمه الحسنين وعرفوا غاية الشبگه
الليله راحله امن الدار ابكلبهم جمرة الفرگه
وزينب قبّلت الزهراء فوك امتونها الزرگه
الزورگها العبد بالسوط وخله ابكل كلب حرگه

روحي فداج ايكلها صوت الحسن
وحسين كلها اشموع عمري انطفن
وزينب عليها اتنوح نوح الطفل
تحط ايدها اعله الخاصره وتعتدل .. لا علي يشوف الوضع
. . . . . . . . . . . . . . . . .

توصي حيدر الكرار بزينب والحسن وحسين
زينب كلبك وخلي الحسن عين وحسينك عين
حريص وماكو داعي اوصيك بس الأم كلبها ايلين
وابد يم كبري ليظلون بجيهم يفجع الكونين

وانته تحزم ياعلي بالصبر
امر الله مو بيدي اختيار الهجر
مو موت عادي . لا . جريمة قتل
تحط ايدها اعله الخاصره وتعتدل .. لا علي يشوف الوضع
. . . . . . . . . . . . . . . . .

شيّع فاطمه بالليل حيدر والكبر اخفاه
و وياه الحسن وحسين ونفر من الصحابه وياه
وزينب باقيه بالدار فزت بالهظم و الآه
وضجت بالسمه الاملاك ابنداء المشتكى لله

(أيتها النفس ) ولا اي نفس
لمصابها تشرق مظلمه الشمس
يوم القيامه الزهره تفتح سجل
تحط ايدها اعله الخاصره وتعتدل .. لا علي يشوف الوضع
. . . . . . . . . . . . . . . . .

خادم أهل البيت عليهم السلام
عمار العيساوي الكربلائي

ــــــــــــــــــــــــــــــــــــــــــــــــــــــــ

هاي اسباب الوفاة
استشهدت قبل الصلاة
خاطر گلب ضلع ظهر
بگد العمر بيه الكسر
اثمنطعش كسره
____
احسبو ويايه … الكسور اهوايه
كسر بالعصره … وكسر بحچايه
كسر من بعدت … عله امصلايه
كسر من شافت … چف امدمايه

لهسه بس اربع كسور
وما شفت الهم الصدور
دفع وجع صفع وگع
ابني مثل طيح الدمع
وانتها امره
____
اجر انفاسي … ولا خلاني
يهدني الاول … يجيني الثاني
كسرني بسوطه … طحت بمچاني
كسرني الثالث … لزم قراني

منه اجره وبيه خوف
ابأيده طگني اعله الچفوف
اترجيته ان لا يلمسه
صاح اضربو اعظم نسه
أمن النبي ذكره
_____
كسرني الشفته … يشعل ابناره
والاخر كسره … اجه أمن احجاره
كسرني الناده … حركنه داره
علي چا وينه … اختفت اخباره

واحد اسمعته يگول
الثار اخذو أمن البتول
ابنص داري ويعلي الضحك
ناده علي الان انهلك
هلكته الزهره
____
اجو ووجوهم … تنگط ذله
الكسرني شفته … اويه ابويه صله
استعدو ايگلهم … بدينه الحفله
احرگو هالبيت … على روس اهله

ازحف وگلالي وين
رد كسر چفي اليمين
برجله رفسني اعله الظهر
چملها الكسور ابكسر
ودمعتي حمره
____
علي شافاني … وتهدم حيله
شمس عالگاع طاح … هذيچ الليله
عرف بالصاير … حرت شحچيله
نبض گلبي اهنا … بده يشكيله

كسر گلبي حين قال
علي المن بعد ضال
شافاني طاح وما صبر
يا طيحته اكبر كسر
كسره شيجبره
_____
متت باوعلي … لطم عالهامه
انذبح مثل الطير … رفس بجدامه
كسرني ما راح … المسه الايتامه
وشفت من راسه … تطيح اعمامه

اكسرني من شفته وحيد
يرفع ابنعشي يريد
عينوني ناده اهل الرحم
ما بيه حيل انگل جدم
حيلي اتبره
______
اجو اولادي … بدمع شبگوني
واحس بصريخهم … علي كسروني
بچيت اجوابي … لمن سألوني
صدگ مترجعين … يبعد اعيوني

گلت يا بعد العيون
احچي چن ما يسمعون
ثاريني ميته بالحچي
واسبعطعش كسر البچي
بالدمع عمره
______
يكسري الاخر … بعد ما صاير
عله الضل عطشان … يكسر الخاطر
اشوف الذباح … بذبحته حاير
تلمه زينب … يطشره الحافر

عاري يبقه اعله الرمال
وتنسبي اخته اعله الجمال
فوگ الرمح راسه انرفع
يوگف اذا واحد وگع
ويحچي بالنظره

الشاعر غضنفر الزيداوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

مشت واعيونه تجري عليها
كلشي ابيتنه يذكرنه بيها
الباب المدمايه … وذكريات اهوايه
يذكرنه بيها
_____
امي غابت بس نحسه يمنه موجوده
روحها بالبيت ضلت علگ مشدوده
العطر يبقه اشما چفوف اتموت اوروده
وهيه راحت حيل من العصره ممروده

نباوع حيدر احتار ابنعشها
لازم ضلعه يدري اهنا وجعها
يگلها گومي ويايه … وذكريات اهوايه
يذكرنه بيها
________
هاي اول مره نحچي وما تحاچينه
النبتسم من تحچي سكتتها تبچينه
علي يسمعني أمن اكلچ لا تعوفينه
وحاير ايهدأ ابروحه لو يهدينه

ضيعنه وطن مو بس حضنها
مشالتنه الارض شيلة متنها
الحزن نازل ايه … وذكريات اهوايه
يذكرنه بيها
_______
التجبر الخاطر اباوع هيه مكسوره
اشما اغمض فوگ عيني باقيه الصوره
العافيه ضلت بعده ايد مبتوره
بعد دفنتها الحبيبه الضحكه منحوره

الوكت من صاب حيدرنه ابسهامه
خفيفه وراسه يثگل بالعمامه
اثگيله هاي احچايه … وذكريات اهوايه
يذكرنه بيها
________
الحسن اني گمت احسن روحي متغيره
بعيني هاي الدنيه اشوفن كلش ازغيره
والله هضمه نعش امنه بليله انسيره
البيت يوجعنه يبويه ممكن انغيره

من خليته فوگ الترب خدها
النه الموت لايگ من بعدها
مشيتي ابتچايه … وذكريات اهوايه
يذكرنه بيها
_____
بعد دفنتها بكسرتي والگبر عفته
اهلي اهل الكهف صارو كلها شو سكته
والدي يباوع علينه بغرب شو شفته
خفت من الصار يسال هوه ياهو انته

وصاني بصلاته من يصلي
گومني بگعدتي هيچي گلي
والكفل والرايه … وذكريات اهوايه
يذكرنه بيها
________
يمه يومي ويوم اخويه هم تحضرينه
اني چبدي بطشت ماي وهيچ چافينه
حسين عصر اهدعش يمه من تشوفينه
الخيل طاحنته وحقچ ما تعرفينه

قبل الدفن نعشي ينملي اسهام
حسين أمن السحگ مالمه هندام
لا گمر لا مايه … وذكريات اهوايه
يذكرنه بيها

الشاعر غضنفر الزيداوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

يالشاك بقتل الزهراء احذر لا تهلك
لا تبحث عالمحسن طاح ابحث عن اصلك
عن موتتها گلي اشلون
لا تاخذ دور المجنون
احذر لا تهلك
_____
اثمنطعش عام الزچيه … لامريضه ولا سبيه
اشلون ماتت رايد اعرف … يا شيوخ الناصبيه
بهذا شكم خلي نگعد … والكتب جيبوها اليه
هجر گلتو عن ابوها … اشلون بعد الجاهليه

من ماتت شنهو الاسباب بلكي توضحولي
مو عن افلان وعلان هيچ تگلولي
ابلا مصدر لا لا تحچون
لا تاخذ دور المجنون
احذر لا تهلك
_______
لا تدور على المحسن … روح دور اصلك انته
انته الساتر خواته … لو ينجي روحه بخته
اني خايف خاف باجر … الكذب عدكم تحله لذته
حسين مو عطشان بالطف … وشمر ما واصل رگبته

لا يرجه اليحچي اعله احسين من راسه انبوسه
خط احمر عدنه اهل البيت والزل اندوسه
لو ضدنه الكل يصيرون
لا تاخذ دور المجنون
واحذر لا تهلك
_____
بعد موت النبي شفنه … جاهل ابچفه الصحافه
بقه يدون الي يريده … ويدعي اباسم العفافه
والغدير انسه ابلحضه … عالشوارب يا حسافه
والضحيه بت محمد … كسروها للخلافه

لو ما خوفه ايموت الدين چان اتشوفونه
والكرسي لو ذو الفقار حلم اتلزمونه
بالكرسي لا لا لتفرحون
لا تاخذ دور المجنون
واحذر لا تهلك
_____
شرط لليلزم خلافه … يأمن النصبه ابدمه
سرقتوها بعد موته … والاشد كاتله حرمه
نبي وخالفتو وصيته … وما نصفتو ابن عمه
والله لو ماكو الوصيه … الدفع بابه ابن زلمه

حاميكم من اتشردون هيچ اتجازونه
وبموت الزهره اتخلون تتجاره اعيونه
لماهم من يشردون
لا تاخذ دور المجنون
واحذر لا تهلك
_____
الوي علي علنت حربها … اسست هيه السقيفه
ولمت الما يعرف اصله … وشافت الحق بس كفيفه
الرضعت بالغربه هيه … اشلون قنعوني شريفه
وعلي من طيح جملها … ما تقرب مو نضيفه

هيه الگالت عالزهراء روحو وكسروها
وخل حيدر وابنائه اليوم ميته يشوفوها
عالخطه ضلو يمشون
لا تاخذ دور المجنون
واحذر لا تهلك
_____
اني يا شيعي احذرك … ابد لا تسمع حچيهم
ولو تحب طه وعترته … ابد لتسلم عليهم
تريد الله يرضه عنك … امشي بس لا تمر بيهم
النار الهم هيه صارت … بسبب ما عملت اديهم

يا شيعي ولتضل محتار حيدر قائدنه
ما عدهم واحد معصوم واثنعش عدنه
لو عدهم خلي يگولون
لا تاخذ دور المجنون
واحدز لا تهلك

الشاعر غضنفر الزيداوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ويلي على بنت النبي أم الميامين
بضلوع مهشومه گضت وابلطمة العين
@@@
هذي الوديعه الطاهره والدوحه بالروض
والحبها واجب عالخلگ من الله مفروض
ماتت حسافه والصدر بالباب مرضوض
ماطولت بعد النبي من جور لثنين
@@@
ميته وعليها امن الضرب كدمات وآثار
مچويه چفيها ترى من شبت النار
المحنيه من جرح الصدر بصواب مسمار
لو يحچي ميت چا حچت آهات وونين
@@@
هاللي ورى باب الستر طگوها لرجال
ساعدها وارم من أذى ويوجعها لو مال
ازرگ متنها ملتضي من سوط لنذال
ومن سطرة ايمين الدعي محجرها لونين
@@@
عليها يهون الي سده بجروح والام
حتى كسرها الفتت امن الزهره لعظام
لاچن شيهوّن هالجره جدام ليتام
الحوره العقيله والحسن وياهم حسين
@@@
بامصلة الزهره الحسن عينه جريه
وزينب تشمن شيلة الزهره الزچيه
وحسين طايح بالدمع فوگ الوطيه
بحظنه قميص امه ويون يايمه چا وين
@@@
بعد الزچيه لو يصد حيدر على الباب
حاله مثل حال الذي بجروحه ما طاب
ويصعب على الحايط يصد ويشوف بخضاب
دم الزچيه منطبع مابين صوبين
@@@
راحت شهيده ام الحسن مقهوره يا ناس
ابشتم ولعن وي الضرب ذبحوها لرجاس
ماشفنه مفجوعه بأبو عالباب تنداس
وايام من بعد الأبو ماعاشت اسنين
@@@
علي احمد الحمود
٢٩-١٢-٢٠٢١
شهادة الزهراء ع

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

لسان حال أمير المؤمنين (عليه السلام)

التشفـي الجـرح اكبر جـرح من ادفـنـتـهـا
وأنـهــض وأرد أوگــع دمــع لــو ودعـتـهـا

إدفنـت روحي إويـن اروح ابلايـه روح
أمشـي وأرجـع يمها إوگـع بـس جـروح
وگـوه أنهـض وارجع أوگـع يمـهـا أنـوح
شـلـون بيـه وعنـدي زينـب كـون أروح

وكـلـمـا ردت أنـهـض أحـس أكـثـر ردتـهـا
وأنـهــض وأرد أوگــع دمــع لــو ودعـتـهـا
ـــــــــــــــــــــــــ١ـــــــــــــــــــــــــ

الليل يمشي وجرحي يمشي بطولي صار
وسـفــه مــنــي وزهـــره يـاخــذ بـاب دار
ويـا هـضـيـمـه وبـيـهـا تـچـوي ابيتي نـار
وآنـه بـيــتــي مــن المــلائــك بــس يُـزار

إموصى إعرِفَت ناس الإجـت والروعتـهـا
وأنـهــض وأرد أوگــع دمــع لــو ودعـتـهـا
ـــــــــــــــــــــــــ٢ـــــــــــــــــــــــــ

هـايـه أول مــره أشـعـــر حـيـلــي راح
لأن حـيلـي بـنـص لحـدهـا وكله طـاح
روحي تنحب عيني تجري وگلبي ناح
مــن بـعــدهــا بـمــوتـي إلا وأسـتـراح

وأعـظــم ألــم مــا تـنـسـمـع لـو كـلـمـتـهـا
وأنـهــض وأرد أوگــع دمــع لــو ودعـتـهـا
ـــــــــــــــــــــــــ٣ـــــــــــــــــــــــــ

البسـمه چـانت لمـن نـلتـم ما تـغـيـب
وهـسـه نلـتـم يـم گـبـرها وبالنحـيـب
شكثـر صعـبـه ولَـمَـن إتـحـن للحبيب
تحچـي ويـه تـراب گـبره وما يجيـب

وأغلى البشر روحي افگـدت من افگدتـهـا
وأنـهــض وأرد أوگــع دمــع لــو ودعــتـهـا
ـــــــــــــــــــــــــ٤ـــــــــــــــــــــــــ

الحسـن يـمـي ومـثـلي طـايـح عالتـراب
حسين يصـرخ كون يكـسر ضلـعـي باب
يبني گـتله الحافـر أصـعـب كل مـصـاب
ضلوعي يگـضـن بويه كـلهـن گلي حاب

وكـلهن فده لأم الحـســن بـويـه انـذرتـهـا
وأنـهــض وأرد أوگــع دمــع لــو ودعـتـهـا
ـــــــــــــــــــــــــ٥ـــــــــــــــــــــــــ

لزينـب أرجـع صعبـه وحـدي بلا بتـول
إويـن أمـي الكلمه الأولى أعرف تگـول
ريـت ليلـي بطـول عمـري هـنـا يطـول
ولا أرد لبــيــتـــي وابــلا بــت رســول

بـنـت النـبـي بعـمــر الـورد مـن فـارگـتـهـا
وأنـهــض وأرد أوگــع دمــع لــو ودعـتـهـا
ـــــــــــــــــــــــــ٦ـــــــــــــــــــــــــ

أحمد البصراوي العبادي

ــــــــــــــــــــــــــــــــــــــــــــــــــــــــ

شو من وكت شال حضن المحنه وجمرات الوداع كلبي جونه

من راحت الزجيه دار الحزن عليه ادموعي التصب جريه

كلبي جونه

*

مخنوك الصدر جن ضايك بنفسه

وجه الجنت اصبح بيه واتمــسه

ماهو الليله شايل من وكــت هسه

شيصبر الدليل اشينـسه واشينسه

مات الامل راح واظلم نهاري والفكد ألعــــزاز ملتهبه ناري

حيره وهظم بليه ونار الألم سريه

ادموعي التصب جريه كلبي جونه

*

جن شال البخــــت للمكـبره الليله

ابدار اهل المحــــنه اميتمه العيله

ظلت ذكريات اعبــــــايه والشيله

عمري انباك مني وراح كل حيله

حضن الدفو انباك واتسلب وراح حدر الترب صار شيفيد النياح

ونتي بجرح شجيه عالشافت المنيه

ادموعي التصب جريه كلبي جونه

*

ردت امي المصايب وكتي المكدر

تعين الروح لو راد الزمــن يعثر

لو دار وعليه بكل حزن ســـــدر

تجايه اليه وسند يوم المحن تكثر

يوم البجي اعتاز تجايه وامعين باجر نعي ونوح متروسه السنين

تبقى وتظل تجيه اصفج وسف بديه

ادموعي التصب جريه كلبي جونه

*

اخافن من يجي ويلفي علي باجر

وآنه ابلايه امي واكســـر الخاطر

لاخوان عنــــــدي بعازة الناصر

مذهوله وغريبه والفكــــــر حاير

ذاك الوكت ذاك يوم المصيبه ماعندي خوان وابقى غريبه

ماعندي كل تجيه نوح وبجي وعزيه

ادموعي التصب جريه كلبي جونه

*

تمنيت الزجــــيه تحضـــــر بهمي

لوطاحت علــــيه وحركــوا خيمي

ذيج الســــاعه اريدن فاطمــه يمي

تساعدني وتواسي هظمتي ولجمي

وشبيدي عالموت باك الحنينه خلاني بس نوح دوم وحزينه

اوياهه اندفن سويه ولاانجتف سبيه

ادموعي التصب جريه كلبي جونه

ابو علي الركابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

شالو نعشــــهه الليله الزجيه

من تدك لطمتنـــــــه صرخه عليناهه

من حظرنه المجلس صحنه ماننساهه

*

من حضرنه وي لطمــــــنه حضــرينه الدمعه

دمعه تلهــب صحنه ننحــب يامصاب البضعه

ياجريمـــــه وياظليـــــــمه هالنـــــــداء انرفعه

ورده ذبلـت ياحســــــــــافه اتذوب مثل الشمعه

ورده بعمـــرهه اتشوف المنيه

شالو نعشــــهه الليلــــه الزجيه

*

يرثي عبــره الناعــي يقره لأم حسن هاللـــيله

بالقصـــــــيده اعله الشهيده دم دمعنه انســـيله

بالرزيــــــــه والعـــــــزيه ويا مصاب العــيله

امصاب يذكر والبدايـــــــه امن الدفعهه ابحيله

والزهره بالباب طاحت رميه

شالو نعشــــهه الليله الزجيه

*

من اجوهـــــه وهاجمـــــوهه الاول اوي الثانـــي

يدري بيــــهه ورد حجيــــهه الثاني هو الجانــي

من دفعـــــهه ورد صفعـهه الدعــــي السفياني

وهيه آيــــــه امن الجلالــــه منهـــــــج الرباني

كسر ضلعـــهه ابن الدعـــيه

شالو نعشــــهه الليله الزجيه

تبجي طاحـــت ويلي صاحت عالارض دفعــوهه

باب طايـــــــح دمــــه سايح وفاطمــــه رفسوهه

اتنوح ظلـــــت آخ حـــــــنت ابلا ذنـــب ظلمـوهه

طاح محســـن عالوطــــــــيه وتنتحـــــب خلـوهه

محسنهه ميت فوك الوطيه

شالو نعشــــهه الليله الزجيه

*

عذبوهــــــــــه وامنـعوهــــــه تبجي حتى الزهره

سكته تنـــــــعه دمعه دمــــعه تختـــــــنك بالعبره

الدنيه خنــــــكه اتموت حركه من ضلعهه اوكسره

الوسعه ضاكت بالزجـــــــــــيه تســــــــتعد للسفره

ونتـــــهه ويلي جمره وشجيه

شالو نعشــــهه الليلــه الزجيه

*

من كســــــرهه من جمـــــرهه عين فاطـــــــم نامت

ودعــــــــــوهه وجفنـــــــــوهه بعز عمرهه و ماتت

بهالمســــــــــيه للمنـــــــــــــيه للمكــــــــــابر شالت

يتمتـــــــــــــهم كل ولدهـــــــه بساع عنـــهم راحت

تبجي ولدهـــه تنــعه بعزيه

شالو نعشــــهه الليله الزجيه

أبو علي الركابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

نركض اعتنينه بويه ياعلي

ماتـت الحــنينه بويه ياعلي

ماتت امنه فاطمه بويه ياحامي الحمه

ياعلي ياعلي

*

ياعلمــــــنه ماتت امنه فاطمه خير النسه

وحشه دارك ابلانهارك ياعلي بهذا المسه

وحشه دارك يبونه وخليه امن الضوه

نحس بيهه يوالــي اختنك حتى الهوه

فاطمه ام ابوهه مكسورة ضلع

واللي حاربوهه طفــولك شمع

بجت املاك السمه بويه ياحامي الحمه

ياعلي ياعلي

*

ياوليــــــنه اتيتمينه شالت امنه فاطمه

الكون ينعه آيبضعه ومطرت ادموع السمه

جينه نركض يبويه ونحشمك يالولي

اشلون بينه ظليمــه وهظـــيمه ياعلي

هالخــــبر يفجعك يكســــر الكلب

منه يجري دمعك من دمه يصب

والمدامــــع ساجمه بويه ياحامي الحمه

ياعلي ياعلي

*

ها يحــــــيدر ليـــــــش تعثر ماتـــوازن مشيتك

اهواي تبجي بسكته تحجي المن اتبث شكوتك

كاض ظهرك يبونـــه بمشيتك منكسر

امصاب فاطم نحسـه اخـــذ منك عمر

شتلكه خالي دارك شمعته طفت

تسري حركه نارك شايل البخت

والبنـــــــين اميتمه بويه ياحامي الحمه

ياعلي ياعلي

*

انموت كلنه ابموتت امـــنه اشلون نكدر عالصبر

الفركه تذبح الموت لوصح اهون إلنه امن الهجر

صعبه والله علينه نعيش ابل حضن

مانصدك الحنينه تســـد عنه الجفن

تسكن المكــابر وبعمــر ورد

تكسر الخواطر فاطــمه بلحد

ريت العيون اتعمه بويه ياحامي الحمه

ياعلي ياعلي

*

بويه ردهه وانته كَدهه يلي رديت الشمس

موش كلفه الضلع يشفه لون جلمات اتهمس

تدعي ربك يغالي وتـرد إلنه الأمل

لو تكول الزجـيه انكتب ليهه الأجل

ماترد علـــينه زهرة العمر

فاطمه الحزينه سكنت الكبر

بالمكابر نايـــــــمه بويه ياحامي الحمه

ياعلي ياعلي

أبو علي الركابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ضميهه الونين يبنتيتي لحسين

ها يم الاحــــزان من تمشي الاخوان

باجرتنوحين

*

يبنيتي نشـــــــــــــفي دمعتج آيالحـزينه

أدري ابمصابي اشكد صعب تتحملــينه

وادري بدليج منكســــــــــر ها يالحنينه

عمري ذبل مني ومشه وخلصت سنينه

والله هظيمه باجر يتيمه

دلالـــي حيران مستعره نيران

باجر تنوحين

*

ادني ليــــــــه وبطلـــــي نوح العزيه

صبري ييمه اعله الجره بهاي الرزيه

ضمي دموعج والبجـــي للغاضـــريه

باجر وراج اشجم حزن واشــجم بليه

يازينب النوح باجر والجروح

لو طاحت ابدان متوســده تربان

باجر تنوحين

*

يازينب ادري بفركتي شده ومصيبه

واعلم دليلج هالوكت يســـــعر لهيبه

باجر اشد واصعب بعد تبقـي غريبه

لوطاحت اخوانج ذبح وانتـــي سليبه

لوطاح الحسين ماتنشف العين

عالغبره عطشان عالرمله عريان

باجر تنوحين

*

باجر تشوفين العزه وذيج المصايب

ماتت اخوتج عالثـرى وكل الحبايب

مالج كفيل ولا اخـــو ما من كرايب

واحسينج ابحر الشمس فوك الترايب

جي مات عباس بالحافــر انداس

ماهيه الحنان من غير وليان

باجر تنوحين

*

يم عون تبجين اشكثر انتـــي وخواتج

لو حركو الخيمه اللهب يوصل عباتج

منهو اليحامـــــــي عيلتج والله وبناتج

اتمنين ويه اهلــــج لون حانت وفاتج

محروكه الخيام مرعوبه الأيتام

متسلبه نسوان وكت المحن حان

باجر تنوحين

*

تتبلل اظهور الهزل من كثــر الدموع

وبسكته نوحج بالخفه جيفنــه ممنوع

جانون كلبج ملتهب يحــرك بالضلوع

عينج على راس الذي بالرمح مرفوع

بنظراتج اعتاب مابين الاحباب

طبــــت الديوان تصعب عالأخوان

باجر تنوحين

**

ابو علي الركابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

شفت الزهـــــره دفعوهه خلف الباب عصروهه

ويلي اعله الترب طاحت آخ امن الضلع صاحت

خلف الباب عصروهه

*

أنه زينب واحس البيت صار اظلم

وكلبي اعله الزجيه اتفطـــر اتهدم

أنه الشفت الوديعـه من تصب الدم

واسمعت الضلـع من عدهه يتهشم

اكبال اعيونــــــي تتوجع تون ويكــــطر المدمع

ادموم امن الصدر سالت آخ امن الضلع صاحت

خلف الباب عصروهه

*

الملعون النذل دار الوصـي احركهه

ومستأذن علينــــــــــه الباب مادكهه

أنه الشفت ابعيوني الثاني من طكهه

وبحيلهه اعله امــــي الباب يطبكهه

كالوله ألمــــن اتهاجم كاللهـــــــم وإن فاطم

والزهره بحزن ناحت آخ امن الضلع صاحت

خلف الباب عصروهه

*

الباب امن احترك طــب اللهب لينه

وطب الجيش هاجـم عسكره اعلينه

يصيحون الصميده المرتضى وينه

يريدونه بحــــــــبل مشدوده جفينه

تبجي ام الحســــن تنحب راح ايمــوت ابو زينب

وامي امن الارض كامت آخ امن الضلع صاحت

خلف الباب عصروهه

*

كامت خلفه طلعـــت بالمشي كوه

تعثر ساعه ســاعه اتكَــــوم تتلوه

ساعه اتطيح امي وعالترب تهوه

ايد اعله الضلــع من عنده تتجوه

تبجي وبالجدم تعثر كوه اعله المشي تكدر

خلو المترضى نادت آخ امن الضلع صاحت

خلف الباب عصروهه

*

رد ليهه الدعي وبســوطه يضربهه

تكوم امي وعلى الكــاع النذل ذبهه

يرفسهه بخواصرهه وبده يــسبهه

لوعهه وهظمهه او ويلـي عذبهه

ظلت مـــــــده تتلوع لمن شـــافت المصرع

تالي ابلا ذنب ماتت آخ امن الضلع صاحت

خلف الباب عصروهه

*
ابو علي الركابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

يكتل الإنتظار ها يفجر النهار

آيمهدي

*

سدينه بيبان الفـــرح يوم الرحت من عـدنه

نتأملك صبح ومسه وأنحس كرب موعدنه

انشم عطر جــــيتك ابريات العشك

وصدر واحدنه اعله هجرك مختنك

بينه مستعره نار هايفجر النهار

آيمهدي

*

بهاي الليالي المؤلمه لأم الحسن نحييهه

نتذكر اجروح الضلع والله ونون اعليهه

نلطم اعله العين واندك الصدر

اشلون خد امك يغايب ينسـطر

دم بقى اعله الجدار هايفجر النهار

آيمهدي

*

تاذينه ذيج الفاجــــــــعه وتكتل يمهدي الحسره

من طاحت وتنزف دمه حــدر الجذوع الزهره

الزهره تنتظرك يغايب بالدمع

تاخذ بثارات محسن و الضلع

الثار هذا الشعار هايفجر النهار

آيمهدي

*

عين الزجيه اعله الدرب دمع وجمر تذرفهه

تتفكـــــر بلهــــــفت أمل ليـمت يرد يوسفهه

ضمت البسمار والـــدم بالثياب

الك تطلعهن تذكرك بالمصاب

بساعة الاحتضار هايفجر النهار

آيمهدي

*

يوجعهه ليهسه الضـــلع ليل وصبح تشكيلك

تجبر كسرهه المنجرح ام الحســـن تدعيلك

يادوى المعلول يمطيب الجروح

اعليك دمع اعيونه من دم يفوح

تنعه ليك الديار ها يفجر النهار

آيمهدي

*

يالغايب اظهر ياوكت كثرت جـــروح الفركه

دنيانه من بعدك سجن يالمهدي صارت خنكه

سيدي ماعدنه غــيرك كل امل

بجاه أمك فاطمه صحنه العجل

طال حكم الشرار ها يفجر النهار

آيمهدي

**

أبو علي الركابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ليلة اوداع حـــــزن هالليله حامي الدخيل تهدم حيله

باجر اتشيل عزيزة روحه بنوح الفراك تون العـيله

يازهراء يازهراء يازهراء يازهراء

*

الليله حجه للصـــبح هاي المســـيه الليله نامت بالنعش حيف الزجـــيه

امغمضه العين ام الحســـــين

علي حيله اتهدم وذب العـمــــــامه على اجــــــنازة فاطمه لم اليتــامه

هل الدموع دك الضلوع

فاكد الراي تمرمــر حاله تعصر الروح بواجي اعياله

كلهم ازغار يولــي ابنينه هول المصــاب شده كل باله

يازهراء يازهراء يازهراء يازهراء

*

أوليدهه الاكبر يون حاضن جسدهه المجتبى يالوالده صـــــاح و نشدهه

ولدج ازغار يم الاطهار

كعدي ليه يم حســــــــن يم المحــنه فتحي عينج فاطــمه لاتمشــي عنه

سكتتج هاي تعمي عيناي

سكتتج هاي تهيج اجروحي يمه واشلون ابطـــل نوحي

لاتروحين تموت احلامـــي فاطمه اوياج تسافر روحي

يازهراء يازهراء يازهراء يازهراء

****

جاهه الحنين اوكعد يمهه ويشمهه ودار عالتابوت وايحبــهه بجدمهه

يبجي الحسين لاتمــــــــوتين

حاط خدهه وشابك ايقــــبل رجلهه فدوه اروحلج يحاجيـــــهه و يكلهه

يبجي وايصيح ايكوم وايطيح

طاح الحســـــــين عثر بجدامه وفزت امه اعله صـــوت آلامه

فتحت ايديهه ويلـــــي الزهره وكام الحســــــين يدك عالهامه

يازهراء يازهراء يازهراء يازهراء

*

وزينب العلويه ياويلــــي الزغيره اشلون بيهه يامصـــيبتهه الجبيره

اتكسر الكلوب شمت الثوب

حاجت امهه بدمعةالعين الحزينه والله فطرتي الكلب يمــــنه الحنينه

موحش البيت يمـــــه ونيت

طفله واعتاز حنانج يـــــــــــــــمه والبجي اشلون عيوني اتضمه

ترجف اعضاي واشوف امصيبه موحش الــــدار واحسن ظلمه

يازهراء يازهراء يازهراء يازهراء

*

بعد ماشـــــوفج ولا نكعد ســــويه يعني بس هالساعه يمنه وهالمسيه

اشلون بينه يالحنـــينه

وحشه من باجر بعد كل الليــــالي النوح والهم يمه من عكبج برالي

ياحسرتي بساع رحتي

باجر اشلون خفه ايدفنونج يعني ما شوف حنان اعيونج

تارس البيت عطر انفاسج صعبه تكضـي الليالي ابدونج

يازهراء يازهراء يازهراء يازهراء

*

وانتي يمـــــــي بالنعش ها يالحبيبه روحي من هسه احس جنهه غريبه

بين الجيوش بالـي مدهوش

حدبت من هسه من ثكل العـــــزيه شلون بيه يم حســــــن بالغاضريه

ابلايه خوان تمشي الحنان

بهاي العيون اشـــوفن باجر اجروح واهموم تصب بالعاشر

وهذا الحسين عزيزج يــمه صدره بالكاع يطحنــــه الحافر

يازهراء يازهراء يازهراء يازهراء

*

تسمعين اونيني والجرح الشـــكيته خايفه من باجر وهمــــي حجـــيته

صعبه عالنوك طبت السوك

فوك ناكه ابلاغطـــــه وابلا محامي والكفيل اعله النهر كل جسمه دامي

امطبر الراس دامي عباس

عالشريعه كمرنه انعـــــوفه ذاك الحـــنين كطيعه اجفوفه

اوي اليكرهون كسيرت خاطر راجبه النوك غصب مجتوفه

يازهراء يازهراء يازهراء يازهراء

*

ابو علي الركابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

لون موش ابكبري جا زتيتك كوم ياحـــــيدر اورد البيتك

زينب تنوح وبجت عمت عيني اتعذبت

كوم ياحيدر ورد البيتك

*

ياعلي بطل البجي بوسط المكابر

حالك الليله علــي ايهدم الخواطر

فوك ضلعي المنكسر دلالي فاطر

يبو زينب كافي لاتعمــه النواظر

كوم من كبري البجي هد حيلك روحي ياحيدر علي اتجيلك

ادري روحك شيبت عمت عيني اتعذبت

كوم ياحيدر ورد البيتك

*

ياالحنـــــين ابنيتك الحره العقــــيله

هسه تبجي وتنعه والمدمـــع تسيله

امن الهظم يابالحسن صارت نحيله

جني اشوفنهه تون كامــــت ذهيله

زينب الوحده جنهه ابغربه اميتمه امن امهه يحيدر صعبه

من زغرهه اتيتمت عمت عيني اتعذبت

كوم ياحيدر اورد البيتك

*

اتدور بالبيت افكدت تنحــــب علينه

امناطره اعله الباب واتلوج الحنينه

هسه تبجي وتنعـــــه يايمه وحزينه

آخ لأمر الباري واكتابه اشـــبدينه

ابنيتي طفله اتريد لأمهه اشتاكت وامهه فاطم بالمكابر نامت

من وكت واتمرمرت عمت عيني اتعذبت

كوم ياحيدر اورد البيتك

*

اسرع الهـه واحضـن العلويـــه زينب

لحك اعليـهه الكلب من عدهـــه يلهب

خافن اتمـوت ابكثـر ماتبجــــي تنحب

ادري حضن امهه انذبح منهه وتسلب

ابلايه ام ظلت حزينه اوحيده وادري فيي امهه الحنينه اتريده

بهالمسيه استاحشت عمت عيني اتعذبت

كوم ياحيدر اورد البيتك

*

حبهه اليه ياعلــي فــدوه امن اديهه

بصدرك اشبكهه وهـي اتبطل نعيهه

وخلي هدمك فوكَــــهه وديره عليهه

بطرف هدمك امســح ونشف بجيهه

رد عليهه الليله وحشة دارك وادري كلبك تستعر بيه نارك

بالمصيبــــــه اتكدرت عمت عيني اتعذبت

كوم ياحيدر اورد البيتك

ابو علي الركابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

من طاحت الزهـــره الكون انكسر ظهره

الدنيه اصبحت حمره تنعه الزجيه

*

سر الخليقــــه وآيتــــــــــه وأمـر الطبــيعه

معجم علوم المعــــــــــرفه عند الوديـــعه

وكون الله وانجوم الســــمه لأجـل الشــفيعه

هيـــه الرساله والوحـــــي ونهج الشـــريعه

محد حشم فاطم زهرة بني هاشم

كل السمه بعبره تنعه الزجيه

*

هدو على دار الوحــــــــي جمــــعو حطبـهم

الثانـــــي والأول اجـــــــو صــبو بغضـــهم

اي حتـــى لو فاطـــــم وإن يظحــــك يكلــهم

إله احرك الدار وهلــــه من يفـــــزع الـــهم

طب اللهــــب ليهه وعالباب ثاريهه

منهه الدمع جمـره تنعه الزجيه

*

كل حيله من حس فاطمه لاذت وره الــــباب

يدفع عليهه والضلـــــــع طك منـــهه وانعاب

جرحهه بسمار الاجــــل ويلي الصدر صاب

نفط شرار اوي الدمــــع حســـــت بالمصاب

آخ اشكثر صاحت عالكاع من طاحت

وينك يبو العـــتره تنعه الزجيه

*

الجرجوبه والباب الهــــوت فوك الزجــيه

وبرجله داساهه وســــــحك ذاك الدعــــيه

والمحسن ابلا يه ذنـــــــب شــــاف المنيه

مذبوح طاح اعله التــــرب واعله الوطيه

صار النعش مــهده ياعمره التـــــــبده

مثلي انكسر صدره تنعه الزجيه

*

ظلت على الون والنعــــي ماتكـــــدر اتكوم

سهرانه كل ليل البجـــــي ماتعــــرف النوم

تتراوى بس النايبــــــــــه واجروح الهموم

اعليهه المنيـــــــه كربت اي والله واتحــوم

اتودع التــيتمهم ودهه تظـل يمهم

والكلب شيصبره تنعه الزجيه

*

دارت عليه النايبــــــــــــــــه ودارو علــيه

ويلي الحسن طاح وبجـــــــه ايقـــبل بديهه

وحسين حاضنهه ونعـــــــه وايحاجي بيهه

وزينب تنادي فاطمــــــه و يمــــــه ابجيهه

ضمتـــــهم وتنعه شـــمتهم البضعه

بالونه والحســـره تنعه الزجيه

ابو علي الركابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

لو ماالضلــع ماكو دمــع يجري على حسين اليوم

لأم الحســـن نبجي ونون جي لنـــــهه اول مظلوم

اول حزن حزنهه والون بده من ونهه

جي لنهه اول مظلوم

*

بهالعزيه العالزجيه البضعة الهادي محمد تجري الدموع

بهالبدايه بهالرزايه البيهه عنوان المصيبه كسر الضلوع

هذا اول مصاب ابيت حامي الجار

هاي اول فجيعـــه وباب يلهب نار

دخن والجمر طب ودخــــل بالدار

باجر نار تحرك خيمــــــــه للكرار

باجر لهب من هالحطب يحرك سعيره الخيمات

اول ألـــــم يحرك خيم واتحاصـــــر العلويات

لمن غدر جونهه والون بده من ونهه

جي لنهه اول مظلوم

*

باب دفعـــو ضلع كسرو عالزجيه بالحقد بيـــن غدرهم

ابكل جهاله وبظـــــــلاله حشدو بالباطل افواج الكفرهم

خلو بالكلب جمـــــــرات ماتطفه

من ضربو متنهه الزهره ياوسفه

ماراعو قدرهــــــــــــه آية العفه

باجر ينضرب بسياط جـــم مكفه

يوم الحزن نفس المتن من الضــــــرب يتورم

باجر جرح نوح وذبح طف كربله يومه اعظم

اعظم واشد محنهه والون بده من ونهه

جي لنهه اول مظلوم

*

ناس هجمت من تعـــنت باب فاطم بت رسول الله الشــهيده

اسســـــوهه وخططوهه بجتل الحسين الشرع ينحز وريده

لو شافو ســـكوت الناس عالبضعه

ومحد صوته ضدهم سمعو ايرفعه

يمهدون لمحمد ينـــــــــذبح شرعه

وبالطف ينكسر ابن النبـــي ضلعه

جارو غصب وابــــــلا ذنب محد حجه من هالناس

ضد فاطـــمه وحامي الحمه عاثو فساد الارجاس

زادت ضعف محنهه والون بده من ونهه

جي لنهه اول مظلوم

*

بهالمصايب والنوايـــب بطيحت الزهره على اتراب الوطيه

اتطيح باجر يوم عاشر روس واجفـــوف برمال الغاضريه

والله ابطيحت البضعه على الغبره

باجر بالشمس تتوســــــــد العتره

وابن الزهره عاري وينذبح نحره

والعباس يوكـــــــــع يمنه لايسره

ذبح النحر كسر الظهر من هجمـــو بيوم الباب

ذاك الفعل اسس جتل دم وسلب حرك اطناب

لمن ســـــــكط ابنهه والون بده من ونهه

جي لنهه اول مظلوم

***

الموت كرب فكده يصعب حيدر اتجتفه امن اديهه الزمره كوه

هذا منظـــــر الجتف حيدر ويوم مجتوف اعله ناكه الماله خوه

العليل اعله الهزيله اجفوفه جتفوهه

متن المتن كل النســـــــــوه شدوهه

كوه امسلبه الأيتـــــــــــام رجبوهه

وزينب مثل امهه الزهـره شتموهه

ســــبي وشتم ماكــو زلم ويه النسه اليكروهون

ضرب وزجر بأمر الشمر كلـــهم شماته اليحدون

مات الكفل ضعنهه والون بده من ونهه

جي لنهه اول مظلوم

ابو علي الركابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

یمه تعای…..آنی زینب…..کلّمینی…..ریّحینی…یمه تعای
یمه ردی و ردی الحیل اعلا ابوی
من یرید ایگوم یتوچّ
ه اعلا اخوی
یمه تعای.. یمه تعای

///////////////////////////////////
ماعبر عمرچ ییمه اثمنطعش

انتی اول ورده تنشال ابنعش

أیَسِت منچ لمن گلبی انخمش

واعلا طول اجنازتچ حیلی انفرش

یمه تعای…ابگلبی ظلت…ارد اگلچ…حیل احبچ…یمه تعای

یِظلم الیل و عِلَه صوت الونین

ساعه من اسکت یبچینی الحُسین

یمه تعای… یمه تعای

////////////////////////////////////

احچی وی روحی ودلیلی منعصر

خایفه ارسومچ یغیرها الگبر

یمه صعبه اعلا الرجل هاذ الامر

اگبال عینه ووجه مرته ینسطر

یمه تعای…شوفی ابویه…بی اشصایر…ظال حایر…یمه تعای

ربعه گالتله ابد مو الاولی

لاتموت ارجوک بسک یاعلی

یمه تعای…یمه تعای
//////////////////////////////////////

النار اکلت بابنه ودفعوا علیچ

ردت اموتن من شفت محترگه ادیچ

گام یخنگنی الضحک والگعده ذیچ

کافی بُعدچ لو تجینی لو اجیچ

یمه تعای…سولفیلی..عل یألمچ…فدوه لاسمچ..یمه تعای

آنی ماشفت الضلع و ارد أسألچ

اشحال ابوی ابیوم بیده غسلچ

یمه تعای… یمه تعای

//////////////////////////////////////

بلمغیسل من اجیت اوداعتِچ

چان اثر چف باقی بعده ابوجنتچ

اسم الله صحنه ابیوم شلنه اجنازتچ

والّا شی چامات ابوی ابدفنتچ

یمه تعای…فتحی عینچ…ضاگ خلگی…فدوه الحگی…یمه تعای

ریت حدر الگاع انا الرایْحه

وانتی تقرین اعلا گبری الفاتحه

یمه تعای…یمه تعای
///////////////////////////////////////

لاهو میت احسین اخوی ولاهو حَی

ایسولف اعلیچ و یظل شابگ عَلَی

یمه موبس عینه ماظل بیها ضَی

من یرید ایگوم گمت انطیه ادَی

یمه تعای…ولو لیله…عوفی لحدچ…لحگی وِلدچ…یمه تعای

ایگلی الحسین ال یألمَنّی الصور

وهای فتره من امی ماعندی خبر

یمه تعای… یمه تعای
////////////////////////////////////////

تمت بعون الله
کلمات الشاعر: عارف ابونوح الکعبی

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

مَا عِدْنَه غيرِ الزَّهْرَاءْ
نِحْيَه اِوْ نِمُوتِ اِوْيَاهَا
ــــــــــــــــــــــــــــــــــــــــــــــــــــــــــــــــــ
اِبْگاعِ الگلُبْ حُبْ فَاطِمَه مَدْ جَذْرَه
مِنْهَا اِوْ عِرَفْنَه الحُبْ حَلَاتَه الفِطْرَه
شِنْهُوْ حَيَاتَه الـمَـا يِـحِـبِّ الـزَّهْـرَه

هَايْ القَصِيدَه اِوْ لَا ريبْ
قَدْ خَابَ مَنْ دَسَّاهَا
ــــــــــــــــــــــــــــــــــــــــــــــــــــــــــــــــــ
أهْلِ الهَوَه اِيْشُوفُونَه وِ اِيْحِسْدُونَه
شَعْلينَه بِـيْهُـمْ وَالله مَـيْهِمُّونَـه
وِ المَا يِشُوفِ الشَّمِسْ عَمْيَه اِعْيُونَه

أُمِّ الحَسَنْ نُـورِ النُّورْ
سُبْحَانَه مَـنْ سَوَّاهَا
ــــــــــــــــــــــــــــــــــــــــــــــــــــــــــــــــــ
حُبْنَه الصِّدِگ وِ البَاقِيْ حُبْ عَشْوَائِيْ
يَـاكُـبُـرْ بَـخْـتَـه اليِنْحِسِبْ زَهْـرَائِيْ
كِلِّ الحَچِيْ اِبْلَا فَاطِمَه ضَوْضَائِيْ

حَگَّه اليِحِبِّ الزَّهْرَاءْ
بينِ البَشَرْ يِتْبَاهَى
ــــــــــــــــــــــــــــــــــــــــــــــــــــــــــــــــــ
قَبْلِ المَهَدْ حَبّينَه وِ اِتْعَلَّقْنَه
وِ اِعْرَفْنَه رَبْنَه الفَاطِمَه خَالِقْنَه
هِنْيَالْنَه اِبْـهَذَا الرِّزِقْ رَازِقْنَه

كِلْ عِشِگ مُمْكِنْ نِنْسَاه
وِ الزَّهْرَه مَا نِنْسَاهَا
ــــــــــــــــــــــــــــــــــــــــــــــــــــــــــــــــــ
نِتْمَنَّه مِـنِّ الزَّهْرَه تِقْبَلْ بِينَه
اِوْ مِثْلِ الخَدَمْ يَمْ بَابْهَا اِتْخَلِّينَه
مِنْ مَائِدَتْهَا اِتْفِيضْ خيرِ اِعْلينَه

بِالدِّنْيَه وِ اِبْـيومِ الدِّينْ
هَالنِّعْمَه نِتْمَنَّاهَا
ــــــــــــــــــــــــــــــــــــــــــــــــــــــــــــــــــ
نِخْدِمْهَا مَمْنُونِين اِذَا نِخْدِمْهَا
مِنْ نِخْتِنِگ نَسْمَةْ هَوَه نِشْتَمْهَا
صِرْنَه سَلَاطِينِ اِبْـفَضِلْ مَأتَمْهَا

إلـزَّهْـرَه آيَـةْ تَطْهِيرْ
نِتْوَضَّه مِـنْ نِقْرَاهَا
ــــــــــــــــــــــــــــــــــــــــــــــــــــــــــــــــــ
اِبْهَايْ الحَيَاةِ اِشْكِثُرْ شِفْنَه اِوْ عِفْنَه
لَاكِنْ مِثِلْ حُـبْ فَاطِمَه مَـا شِفْنَه
لَاخِـرْ نَفَسْ ثَـابِـتْ يِظَلْ مَوْقِفْنَه

دِنْيَه اِوْ بِدُونِ الزَّهْرَاءْ
لَا وَالله مَـا رِدْنَـاهَـا
ــــــــــــــــــــــــــــــــــــــــــــــــــــــــــــــــــ

١ / ١ / ٢٠٢٢ السبت
كرَّار حيدر الخفاجي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

زغيره يمه اعلى البعدمااحمل افراگ
گـلبي كـل سـاعه الـچ يايمه يشتاگ
بعد شنهي احلامي راحت احلى ايامي
راحت امي راحت امي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
باأول اسنين العمر يمه رحلتي
راحت اوياچ المحنه ابيوم رحتي
زغيره عالهم والقهر واتهل دمعتي
الدنيه واهموم الدهرباگن فرحتي
ظلمه بيتي ابغيبتچ ياشمعة البيت
بحسره وادموع الحزن يايمه ظليت
والدهر واليني. اخذ مني اسنيني
راحت امي. راحت امي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يمه لـو طيفچ ابلحظه ايمر خيالي
شوفتچ بعيوني تضوي اعلى الليالي
واعـلـى ايدچ مـن انام ابكل دلالي
شوفي حالي ابغيبتچ وشلون حالي
يالخذيتي ابغيبتچ روحي اوكياني
وانه من بعدچ ييمه اشگد اعاني
كثر همي اونوحي حزني ذوب روحي
راحت امي راحت امي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الـدنيـه للـفـاگـد عـزيـزه ابلا معاني
عـمـره يتـمنـالـه يـخلص بـالثوانـي
والحزن صاحب ثگيل اومالـه ثاني
والـصبر بالحسره والـهم بس اماني
اشلون اعيش ابدنيتي بعدچ غريبه
يمه شيصبرني بعدچ عـالمصيبه
اشلون اخلص ليلي والحزن هد حيلي
راحت امي راحت امي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الـزمـن فـرهـد ايـامـي خـذچ مني
صاب گـلبي ابغيبتچ منچ حـرمني
والاشد واصعب عليه ألي هظمني
بـعد مـاأشـوفـچ ييمه اوكـثر وني
گـلبي بـغيابـچ حـزين او مـاتـهـنه
المـن اشكي ابغيبتچ يم المحنه
شوفي بعدچ حالي بس حزن يبرالي
راحت امي رحت امي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لشاعـر اهـل الـبيت عليهم السلام
خـالـد عـامـر الـزيـادي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

يافضه كل العمر فاتحتي

من وكت راحت مني فاطمتي

…………………………………………………………..

يافضه بس الفكد غاليّه ايحير

راحت ايام الخير ويه ام الخير

اني اليشوروني تره بكلشي ايصير

وبفركة ام عيوني مات التفسير

محد يعوض امجانها الخالي

اشكبره النقص يافضه بعيالي

ألمن أسكت ابني لو بنتي

من وكت راحت مني فاطمتي

………………………………………………………….

لكلشي احسبت بس ماكو للفركه احساب

العاشت ابكلبي والله مو مال اتراب

ردت انعصر واعرف اشمثكلها الباب

ذيج الخذت من عندي اعز الاحباب

بلمكبره اتضل خايفه ابدوني

عفتلها يم اترابها اعيوني

دافن دواي وبقت بس علتي

من وكت راحت مني فاطمتي

…………………………………………………………. .

اشتاگيت اگللها ام حسن أروي اضماي

اشمحلاته من اجفوفها ذاك الماي

بيا وكت ابجي وفاطمه مو وياي

راح أگضي عمري للكبر رايح جاي

وشلون اعيش وهيه مو يمي

اشتاكيت لأسمي من تكول اسمي

كل حجيي بيها و هيه سالفتي

من وكت راحت مني فاطمتي

…………………………………………………………. .

صاحوا الفاطمتي يم ضلع المكسور

من بيتي ماخوذ الهوى مدري النور

ماردت أبين منكسر بس مجبور

افراگ ام حسن خلاني اعيشن عاشور

حيدر دفن كل حيدره وياها

ما ينسي شي بيها وانساها

نامت الجانت شمعتي وبختي

من وكت راحت مني فاطمتي

………………………………………………………….

اشكد مستحي من اسنينها المرها البين

شمزغر عمرها الماوصل للعشرين

شما اذكر شگالتلي دم تبجي العين

مره اتفقنه اثنينه أنكبر احسين

راحت المن اعيوني تعرفني

وبدونها ضل كلشي يوجعني

بالساني ياما كلت وين انتي

من وكت راحت مني فاطمتي

……………………………………………………………

مايشفه كلبي لو يضل بس عالنوح

ضلتها روحي المن وماكو اهل الروح

شجم حرب مرت بيه بس مامجروح

شو هسه اني ابلا حرب بس مذبوح

ماعندي نقطة ضعف كل عمري

بس هسه أيدي انطبعت بظهري

واكبالي اشوفج بالدمع حرتي

من وكت راحت مني فاطمتي

……………………………………………………………

من فارگتني أكبرت مدري شجم عام

أمعلم اعيوني اتشوفها يلا اتنام

وجي كثر دمعي واستحي من الايتام

ماعفت وجهي لحظه من غير الثام

واتلثمت من دمعي البعيني

بس شيلثم گلبي واسنيني

اوياي كلش مانصف وكتي

من وكت راحت مني فاطمتي

………………………………………..
أحمد ماجد الكلابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

هوايه صار مفاركَينج
يُمه كَعدي رايدينج
الدنية ظلمة بلا ضواج
كُلشي ودعنه وراج
يُمه……..يُمه
“””””””””””””””””””””””””””ً
جنة امي تشبع الدنيه بعطرهه
لو يصح عمري لوّن درته لعمرهه
اني ما اعوض ابد إرباهه وسهرهه
كل صباح الله انكسر بلوعة هجرهه
شكثر نشتاكَ لحنانج
اعليج يبجي ظل مكانج
مانوفي حكَ رِباج
كُلشي ودعنه وراج
يُمه……..يُمه
_____________________
اليفارك امه فاركهه المحنه
الف وسفه وحيف ضمه الكبر عنه
طشرنه يا يمه الهجر منهو اليلمنه
عافيتنه راحت بروحتهه مِنّه
إوياهه راحت عافيتنه
الف مو مره انذبحنه
هذا ياموت الخذاج
كُلشي ودعنه وراج
يُمه……..يُمه
_____________________
يمه صعبه من تمرني المغربيه
من فكدتج والجروح تعيل بيه
منهو يملي غرفتج وحشه و خليه
دنيتي بهمها هوت والله عليه
اشبك اهدوج واحاجي
ماتت ام حلو المحاجي
أُم هله وملگه لكاج
كُلشي ودعنه وراج
يُمه……..يُمه
____________________
يكسر غيابج ظهر والله ييمه
يختنك بينه الهوه بدونج نشمه
هسه نحضن بالكبر وإنام يَمه
يموت حيلة بدنيته الدافنه امه
اه يتراب المكابر
كاسر احساس الخواطر
الهوه خنگه بلا هواج
كُلشي ودعنه وراج
يُمه……..يُمه
____________________
امي غبشة إتسير طيور عدهه
ماكو احن منها كلب توّد اليضدهه
الوحشه توجع يابشر محد يسدهه
اه يتراب الكبر تذبح وردهه
الموت بايكهه سنينج
ما اصيحن يمه وينج
لا امان بلا حماج
كُلشي ودعنه وراج
يُمه……..يُمه
_______________________
صلف ياموت وخذت من عندي امي
شمعة جانت زاهيه ياناس يمي
انطفه بعيني الضوه وانباد حلمي
بان شيبي من وكت والكلب مدمي
كعدي يمه وحاجينه
والله نحتاجج تجينه
بداخلي كلشي نَعاج
كُلشي ودعنه وراج
يُمه……..يُمه

علي موفق القزاز

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

من طحت ونيت سكته
واسمك بكل دمعه عشته
گوه فضه اطلعت مني
العله طرف الساني انته
…………………………………………………….

صح گلت يا فضه بس كل بالي يمك

ضلوعي لجمّني علي وماردت ألجمك

ادري عندك غاليه وامشي اويه دمك

لجن خفت اتموت هل ما گلت اسمك

البيه كله ايهون بيه

وما تهون انته عليه

الله يدري ابذاك حزني

العله طرف الساني انته

………………………………………………………

ساكته وما سولفت بس يحجي دمعي

عمري ما هاضمتك ولاهوه طبعي

الجلمه رادت تطلع وگتلها ارجعي

كون سالم انته خل يوجعني ضلعي

دمعك اغله من حياتي
عندي انته بعز عباتي
اعليك دلالي لزمني
. العله طرف الساني انته
………………………………………………………

گلبي ما ينطيني أوجع گلبك أكثر

ادري تنتظره جنت وتريده يكبر

ما ردت ياعلي تشوف ابنك امطشر

وادري رايد منه تسمع بويه حيدر

انته منه وهو منك
اعذرني راحت فرحة ابنك
وماگلت من طاح ابني.
العله طرف الساني انته
…………………………………………………….

مدري همه شكثر جانو وآنه وحدي

وجان اسمك اثگل امن الباب عندي

فدوه الك كل دمعه طاحت فوگ خدي

ولا اشوفك لحضه تبجي اگبال ولدي

صحت فضه سنَديني
وانته واگف بين عيني
شگد نحت محد سمعني
العله طرف الساني انته
…………………………………………………….

ياعلي يا ذكره انساها دخيلك

جنت اسمعك لمن للمحراب اجيلك

شكثر تدعيلي انته من اتصلي ليلك

شلون ترضاها يحيدر أهد حيلك

شنسى من ذيج الليالي
.كلشي يرخص وانته غالي
ولا تهم اللون متني.
العله طرف الساني انته

…………………………………………….
اعذرني يا ابو حسين والله مو بيديه

ادري بيك موّصه من طه بوصيه

ان شاء الله بلطف يحماي الحميه

هناك أصيح أسمك علي بالغاضريه

من اشوفن نحر ابني.
هناك أدليك أعله حزني
وكون هسه اسمك عذرني..
.العله طرف الساني انته

أحمد ماجد الكلابي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

رايح تضل الوحدك رايح
وكل ساع بفراكي تضل طايح
يا حامي الحمه ودع فاطمه
***********
انته ذاك الماكو بالدنيه مثيله
وانه احبك يا علي جلمه قليله
اشلون التراب اعله كبري من تهيله
صعبه عالخل لو دفن بيده خليله

عيونك حزينه وتهمل اعيونك وياي تتمنه يدفنونك
نارك مضرمه ودع فاطمه
***************
لان بس البير صاحب الك شفته
سولفتله اجروحك ودمعك حبسته
انه ادري من اموت تموت انته
اشلون بيدك يا علي لو نعشي شلته

سهرانه عينك ليش سهرانه اجفونك حبيبي اشبيها ذبلانه
دلالك ضمه ودع فاطمه
************

انته اقرب من وريدي وكلبي يهواك
انسه كلشي بدنيتي وما اكدر انساك
ادري صعبه ومو سهل يالغالي فركاك
عشت احله ايام عمري تدري وياك

ماذيني ضلعي اهوايه ماذيني من العذاب ارتاح خليني
روحك هايمه ودع فاطمه
*************
انه وانته قصة احساس ابتدينه
جنه نطحن بالرحه وتاكل بدينه
نكول نعمه وتنزل النعمه علينه
احنه لازم ياكل ويانه اليجينه

عشرتنه جانت حلوه عشرتنه امن الذاكره اشيمسحه صورتنه
حزنانه السمه ودع فاطمه
************
راح بغيابي يصير البيت مهجور
وتمشي راح بفركتي بس تمشي مكسور
اليبجي وكت المغرب اعله احبابه معذور
واليريد الراحه يتعنه للكبور

بجفوفك تغسلني بجفوفك رايح يحيدر فاطمه تعوفك
دمعك من دمه ودع فاطمه
**************
تمت
تحسين الخفاجي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

حرك الدار والبسمار
طالع بالتاريخ واقره وشوف الغصبو حق الزهره ذوله امنين
************
ذوله ماضيهم نعرفه امنين اجتهم هالرجوله
انطيني بالتاريخ واحد سبع منهم حته اكوله
انطيني وحده امن المعارك بيها منتصرين ذوله
علي دوم انشوفه اول بالحرب من الطفوله

والاسلام يشهد كام
لازم تفهم هاي الفكره وشوف الغصبو حق الزهره ذوله امنين
***************
ذوله ملعونين كلهم والنبي واضح كلامه
وبالمصادر همه ذوله اتخلفو عن جيش اسامه
عدنه بس سلمان صاحب لان مفروض احترامه
لازم اسمه من نكتبه نكتب اعلى الله مقامه

عدنه اثبات بالايات
اترك كلشي وعيد النضره وشوف الغصبو حق الزهره ذوله امنين
***************

بالكساء جله جلاله عالنبي قدمها هيه
لان ربك راد يخلق منها شيعه فاطميه
فاطمه سورة الكوثر والصحيفه الالاهيه
فاطمه بضعة مني يقصد الزهره نبيه

بالقران والفرقان
اشكد وصه الله بهاي العتره وشوف الغصبو حق الزهره ذوله امنين
*******************
النبي من ايصلي جانو كلهم ايصلون خلفه
امنين اجتهم هالديانه الدين رايد ناس كلفه
كلمن امطول لحيته ومن تصدله ما تعرفه
والله لو باقي عليهم جا لقه الاسلام حتفه

ما يدرون بالمضمون
لتغرك ايام الهجره شوف الغصبو حق الزهره ذوله امنين
****************

اكو ناس بزمن حيدر ضيعت حيدر وليها
اتبعت اصحاب السقيفه وللطمع مدت اديها
طريين المهدي باجر يخرج الهجمو عليها
عالجذع يصلب جثثهم ويرد يشعل نار بيها

والموعود من ايعود
ايحاكم رايح ذيج الزمره وشوف الغصبو حق الزهره ذوله امنين
***********
تمت
تحسين الخفاجي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ظلمه دارنــــــــــــه وامست حزينه
*
مظلم دارنه بعــــــــــــــــدچ وخالي
وضيّه الچــــــــــان بوجودچ يلالي
راح وصفـــــــــــت وحشه الليالي
وتمنيتها مــــــــــــــــــا تمر بينه
****
طفت بالــــــــــدار أسأل دَوّريتچ
بعد مـــــــا شاب راسي ومالكيتچ
تعاليلي ييمه وشوفـــــــــــي بيتچ
وشوفــــي اشصار بينه يالحنينه
****
المكانچ يمه بجروحــــــي كصدته
وعنّچ يــــــــــا أمل روحي نشدته
وجاوبني بزعـــــــــل هلّت دمعته
بعد مــــا ظن تجــي وتمر علينه
****
فز گلبي وجــــــــــزع لمّن سمعته
وحس نار اشتعـــــــل ذابت مهجته
وهل دمعي وحــــــرك للخد وجنته
من عرفت رحتي ومــــــــا تجينه
*
على فراگـــــــچ ييمه دمعي يجري
وحس حسـره چبيره وسط صدري
تمنيتـــــــــــه خلص هاليوم عمري
ولا ابقه ابحزن دهــــــري وسنينه
*****
شفت بالدار بعــــــدچ حال أخوتي
وصحت يمــه تعالي بعالي صوتي
الحگيلي ييمه گبــــــــــــــل موتي
ونوحــــــي الحالنه وأبچي البچينه
**
بالزهره يــربــــــــــــــــــــي وبنتها
اطلب حاجتي ومنّــــــــــــك ردتها
تسهّل امــــــــــــر إمامي وعجلتها
للطلعه البهيــــــــــــه الكل دعينه

الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

امي وين يالدفنتوها
امي وين عني اخذتوها
من شلتها وشيعتها شيعت روحي
بصدري عبره بكلبي حسره تلجم جروحي
***************
انه حيل ايضيج خلكي من تجيني المغربيه
اشضال بيك اتكلي كلها وانه اكول اشضال بيه
الما عنده دمع لا يحجي بالفركه
الما شايف سهر ما يفهم الملكه
ليش الكلبه ابيض دمعته تحركه
نفس ضايع ودور كمت عالشهكه

ذكريات ضلت ابالي
ذكريات بيها جم غالي
كلبي ذايب والحبايب سافرو عني
دمعي يكثر جرحي يكبر لو مشو عني
************
افتر ابين المكابر جيت ادور عن كبرها
انه عافيتي تردلي من اشم نسمة عطرها
يناس الام حنينه وعازه عازتها
ويشيل البيت لو شالو جنازتها
من اشتاك اطلع كمت شيلتها
اعله حيطان الكلب مطبوعه صورتها

بالتراب دافن اسنيني
بالتراب وجرحي ماذيني
الماتت امه ايزيد همه وتكثر الامه
والاماني والثواني تموت كدامه
**************
جلمت اليمه حنينه وانه هالكلمه عشتها
امي بيبان السعاده وانسه تعبي لو شفتها
احس صدري اختنك يا ناس ارحموني
ودوني صحت يم امي ودوني
راح امن البواجي يعمن عيوني
سوولي كبر وبصفها دفنوني

عالكبر اركض بلهفه
عالكبر ودمعي شينشفه
ناري تلهب راسي شيب والحجي اشكثره
المثلي كلبه ينسه صعبه ويبجي جم ذكره
************
تطعم المسكين جانت وتخبز الخبزه بديها
جانت تموت اعله حيدر لان ميت علي اعليها
اليدك باب الزجيه امن الهله يشبع
اذا ما ياكل ويحسين ما يطلع
غير الحمد والتسبيح ما تسمع
وبفردت تمر ام الحسن تقنع

فاطمه ايه قدسيه
فاطمه كلها حنيه
والتسامح عدها واضح ماكو ابد منها
هيه بالعد لو محمد لو علي جنها
*************

انه يمه حسين ابنج ولو مره كلميني
يالزجيه طلب عندي بكربله لازم تجيني
باجر بالحوافر ينسحك صدري
وعيني للخيام ودمعتي تجري
جي حار الرمل ضل يحرك بضهري
وزينب وين تنطي الوجه ما تدري

بالخيول صدري يتكسر
بالخيول جسمي يطشر
والمسافه يا وسافه بعد جم خيمه
اشلون الحك كلها تحرك ترست الهيمه
**********
تمت
تحسين الخفاجي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ون يشيعــــــــــــــــي الفاطمة ومصابها
والعـن الجار وتعــــــــــــــــــدّه وصابها
*
نوح وانحــــــــــــب عالجره بأم الحسن
ون يـــــــــــــدوم شما بقه وطال الزمن
شكثر شافــــــــت ضيم مـــن أهل الفتن
من هـــــــــــــــــذاك اليوم يوم صوابها
***
كل عــــــــــــزه الها احضره ولا تغيب
واگضي عمرك دوم مـــــن عدها قريب
حتى باجر لا تضل وحـــــــــدك غريب
وتحسبك بالحشر مـــــــــــــــن أحبابها

احضر بوگت اللطم فـــــــــي كل عزاء
بأي زمـــــــــــــن وبأي وقت ديم اللقاء
تحضره لهذا العـــــــــــــزه اهل السماء
وتبچي كــــــــــــــــل أيه وتون بكتابها
******
لا تبطّــــــــــــــــــل ونتـــــــك إعليها ابـد
سمعني شرد اوصيك يـــــــــــــالغالي بعد
وصّي بيها دوم مـــــــــــــــــــن ولد الولد
لا يعوفـــــــون العـــــــــــــــــزاء وبابها
*
ويــــــن مـــــــــــــا ينعقـد مجلس فاطمه
يحضره الهــــــــادي وعلي حامي الحمه
وتحضـــــــــــــــره زينب واملاك السمه
ويحضره اليـــــــتـــــــأدّب بـــــــــأدابها
*
كون يبقـــــــــــــــــه اللطم عالزهره دهر
والدمع يجري مثـــــــــــــــــل سيل النهر
ومــــــــــــــا نعوف مصابها ويه المنتظر
اليجري دمعـــــــــــــه هالمسه بأعتابها
*
الصابها للزهــــــــــــــــره ملعون ونذل
ومــــــــــــــا إله بالسير لا فصل وأصل
لكل رذيله اللي جــــــــــرت هوّ الأصل
وراعي لهل الكفـــــــــــــــر كل اذنابها
******
العــــــــــــــــن الخطط واسس الأعتداء
والعــــــــــن اللي رضه ابفعله لهالمساء
والعن اللي ساعــــــــــــــــده ولبّه النداء
للسقيفـــــــــــــــــه الظالمه واصحابها
*
كون مـــــــــن هــــــذا العزه نسمع خبر
ايگول مـــــــــــن غيابــــــه رد المنتظر
حتى يجلي همومنـــــــــه ويجلي الخطر
ونسأله عالگبر ويـــــــــــــــن ترابها

الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

لحظه منسيت ليالي الفاطميه

أنــــــــه مجلس عزائي بكل الأيام
أعقـــــــده بيقظتي وحتى بالأحلام
ودايــــــم منقطع لا يــــوم لا عام
عــــــــزه عندي عليها بكل مسيه
*
إذا أنسه ذكرها وأسهى فــــــد يوم
أضل ذاكه نهــــــــاري كله مغموم
ومن عمري أحسبه اليومي معدوم
لأن مــــــا مـــــر ذكر بي للزجيه
*
أقــــــل مــــــا أذكره تسبيحه إلها
وألعـــــن لعتــــــده عليها وجهلها
يشيعي مثلي ألعـــــــــــن للشعلها
باب الـــــــــــــدار بيده وآل أميه
*****
جمــــــر مصابها بأحشائي يسعر
أبد مـــــــا ينطفي الساعة المحشر
ودمعي عالوجــــــــــن يسأل وكبّر
ليش بــــــــــــلا كبر دون البريه
****
مــــــــا أنسه الجره عليها وأذكره
ولجلها أجـــــر حسره فوك حسره
مصيبتها تضـــــــــل بكلبي جمره
حتى بالكبـــــر بعــــــــــــد المنيه
****
بوسط كبري أنـــــه لنصب عزاها
وأجمع لليحبها ومـــــــــــــا نساها
بأذن الغنـي اللي يرضـه الرضاها
وهويتي بالحشــــــــر هيه الهويه
*
بيوم المحشر الزهـــــــــره تلمنه
ومن هـــــذا اللطم هـــــذا ربحنه
بحب أم الحسن مضمونـــــه جنّه
الى كــــــــل الحضر والجعفريه
****
إلاهي بفاطمة وســـــــرها وأبوها
وبعلها المرتضى وبكـــــــل بنوها
تنهي هموم كـــــــــــل الما نسوها
شيعة حيــــــــــدره حامي الحميه
*
مــــــن مجلس عزاء الزهره أسأل
أشـــــــو الغايب غيابه علينه طوّل
عجلّه الفرج يـــــــــــــا ربي عجّل
خـــــــــــل أنشوفها الطلعه البهيه

الشاعر
قاسم حتروش البلداوي
خادمكم
أسألكم الدعاء🤲🤲🤲🤲🤲
غير مبري الذمه كل من يقرأها بطور الغناء

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

غرب يم عتبت الباب
المهم العندي الحجاب
الهظم الچنت اني أنهاب
أحترگ بابي بلا أسباب

النار أجتني وأبني طايح يم عتبتي
ومني طاحت عالترب دمعة غربتي
بظلعي وأبني حيرتي بساعة عصرتي

مختنگه دخان الترس رياتي
كل همي چان بحيدره حسباتي
والدفع بابي يسمع بوناتي
—————————————————
الوأن هظم وعذابات
أصبحت باب الجراحات
بعلي كلشي أنتهى ومات
أنهظم وسفه وحرامات

جروحه أكلف من جروحي وصبره يكتل
يا بو بيتي حسرته ويأنفاسه تنزل
وما أخلي أكبال عينه دموعي تهمل

عن عينه وأخفيت الجرح البعيني
أتبسم بوجه من يحاجيني فدوه العلي جروحي وفديته سنيني
—————————————————
الظلع يلچمني لو أگوم
الجفن من دمعي ملچوم
العمر أحسب له چم يوم
خلص تاليته بهموم

بويه بعدك زهرتك صارت غريبه
گلبي ذايب من كثر شگه الحبيبه
سلبو أحلام العمر وبهل المصيبه

عالگومه عالگعده صرت ما أگدر
أنفاسي تلچم بالظلع والاكثر
لدار من يرجع علي أتصبر
—————————————————
بقت أبابي الأثار
وبعد هظمي وچوي النار
الحزن غاطيهه هالدار
أنحلت منك يبسمار

أيتامي بعدي من أروح شلون بيهم
هسه انه وياهم وأبچي عليهم
هنه ساعات البقن وأتودعيهم

ماعشوا وي أمهم عمر حرموهم
الياذيني من بعدي أشكثر ياذوهم
الظلموني ظلموا حيدره يظلموهم
—————————————————
علي يغسلني وأدريه
الكسر مايبره تاليه
الصعب چفه يمر بيه
الظلع يهدمه ويأذيه

وأدري حيدر حزنه يبقى التالي عمره
ردت أشيلن عيني بعيونه وأنظره
بس كلت له لا يگلبي خاف أكسره

غالي علي بزهرت حياتي أشريته
ودعته مو عيني اله مداريته
ياذكرياتي جروح تبقى ابيته

أبو أحمد الخيگاني

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

يُمّه مـــــــن هجوم الدار كلبي لحظه مــا هوّد
يوميـــــــه تشب بي نار ثوبي لونه ظل أسود
مهمومـــــه مضيومـــــــه بقيت بطـــــــــول الأيام
*
من يومج واليومي ضل خالي بغيابج يمّه وحشه الدار
وعيونــي تراويني خيالج يـــالحنينه وين مـــــــا أندار
أكربلـــــه وأوصله وهــم يطلع الأشوفه معاشر الأنظار
عرفت هذا من شوكي سراب يداهـــــم عيوني وأشب بنار
أرجــــع دمعتي بعيني وتحرك دمعتي الخدّي
ويعله نوحي وونيني وأتمـنّه أسكنت لحدي
يـــا لغبتي مـــــن رحتي حتى بليلي مـــــــا نام

أحــــزاني عنـواني بعد عينج هويتــي صارت الأحزان
دمعــــاتي لوعاتي لحظه مـــــا هدن صارن إلي خلاّن
كل يومي بهمومي يكضي مــــن رحلتي والكلب تعبان
أنهد حيلي وبـــليلي جفني مـا غمض لحظه وبقه سهران
مــــــا تقبل تنام العين طـــول الليل سهرانه
هـــذا حالي يم حسين بعــــــدج يمّه تعبانه
وجروحــــي لبروحـــــي أحسهن بالحشه سهام
*
اللي شفته ونظرتـه مـــــــــــــن اللي تضدج واليعادوني
ظل يسري كل عمري أشوفــــــــه لحظه لحظه يمه بعيوني
مـنسيته وحسيته خطف أفراحي من عندي وخطف لوني
والدمعه جالشمعه بقت تجــري عله خدّي وحركت جفوني
هذا حالي بعــــدج صار يمّه مـــــن تركتيني
ومن ضيم التعدّه وجار بالهـم خلصن سنيني
ضي عيني شــــــــــوفيني بحزني محزمه حزام
*
جـم لوعه ومفجوعه عشت عمري بعد كل الجره بالباب
وســنيني تـراويني بعد عينج ييمّه كــــل مسيه مصاب
كل غالي شل حالي رحل عنّي ومشه ضل مدمعي سجّاب
ما هــوّد لا يخمــد حزني عالرحل يـا يمّه عني وغاب
مو سافر وكول يعود مــــــن راح وبعد عني
كــل منهم سكن للحود الموت اللي خطفه مني
بالمصــــرع مــــــا يرجع جـــــان تنيته أعوام
*
كــدامي الكل دامي وعيوني تشاهــــد أخوتي صرعه
أبو فاضل والكافـل شفته عالشريعه بوضع مـو وضعه
وحسيني يا عيني شفت الشمر كاعــــد منحره يكطعه
شحجيلج وأرويلج عن حـــــال الشباب وأخوته وربعه
مـــوذر الأكبر وجسام مــن دم النحر حنته
وأنصار الوفه الأكرام كبله موته من عفته
يـــــا ويلي اوّاويـــــــلي يمّه سبوني للشام
**
هـــــالليله نشكيله للحي الــــــــودود ونطرقه البابه
يــــا ربنه غــــايبنه طـــــــــوّل غيبته ومشتاكه أحبابه
نتأمّـــــــل نتــوسل تقـــــــــــرّب طلعته وتفرّج غيابه
اللي يحكم ما يرحم يوميـــــه شكل صار الوضع غابه
ندعي بمجلس الزهراء يعجّل أمــره بارينه
وجبريله يذيــــــع أنباء يصيح بأسم مهدينه
خــــل نفرح مــــن يصدح بأسمه أبن الأكرام

الشاعر
قاسم حتروش البلداوي
خادمكم
أسالكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ثورة….. كاتـــبهـــــا عالبــاب الزمن

ثورة….. من ام الحسن لبن الحسن

ثورة….. والمهدي يحكم بالــوطــن…. ثورة

★★★★★★★★★

نبدي من جرح الليالـي الفاطميه

هاي ثـــــورة وبعد ثورة مهدويه

ينهـــدم لازم قصرهم أل أمـــيه

وبأمـــان اتعيش هالوادم سويه

رايه….. يرفعها بس مهدي العصر

رايه…… تعله ويطيح اكبر قصر

رايه…… اترف وتزول اهل الفــتَــن…. ثورة

★★★★★★★★★

باجر المهدي يجي ويشهر حُسامه

ايطيح التيجان وتعيش العمامه

ايسوي دوله وبيها تحكم بس يتامه

وبأمان اتعيش باالشجره الحمامه

ايحاسب ….. كــــل الذي سفكوا دمه

ايحاسب …. الكسروا ضلع من فاطمه

ايحاسب ….. عالغيروا نَـهــــج السُنَـن… ..ثورة

★★★★★★★★★

تهوه كل اقصوركم باالذلـــــه باچـــــر

ويجي المهدي ويوگف ابسوح التظاهر

ينطي حَـق النـــــاس ويجَـــبر الخواطر

وتوگع التيجـــــــان ويعلــــي المـــنابــر

يبچي ….. مهدينه عالدَم النزَف

يبچي…… عالناموا ابأرض النَجف

يبچي ……. چم غالي وي حلمه اندفَــن… ..ثورة

★★★★★★★★★

باچـــــر ابخـــير وأمان اتعيش ناسه

من يجي المهدي ويهد قصر الرئاسه

ايشيل كل هاي اليتامه فـــوگ راسه

المهدي قائد لچن يمشي ابلا حراسه

ابروحه….. شايل علي وگرصة خبز 🍞

ابروحه…. نغــفــه وبعد محـــد يفـز

ابروحه ….. يطلق صراح ألي انسجَن…. ثورة

★★★★★★★★★

تـــرتـفـــع رايــــــة مُحمـــــــد للقـــــياده

واحنـــه خــــــدام ونظل نخدم السـاده

انفصل اثياب العرس بــــــــس للشهادة

وكلمن مــن المــهـــدي يتنطـــر مُـــراده

ابدمنه… ..باچر نخط فوگ الترب

ابدمنه….. گاعد المهدي وبالگلب

ابـدمنه ….. اچفوف الشرف من وقَعَن… ثورة

★★★★★★★★★

المهــدي بيده اينشف ادمـــــوع الثكاله

ايصير ابــونا وكل بنــــي أدم عــــياله

چَـــم زُليـــخه اتموت من تنضر جماله

ويگعد اويانـــه ونجــــي نگعــد اگبـــــاله

نقره…. بعـــــيونـــه راسم كربله

نقره…. خيمة ⛺ وسبايه وعايله

نقره … عالسلـــبوا ذاك الظعَـــن….. ثورة

★★★★★★★★★

چــــــم سـبيه ابعينه ينضر جم سبيه

ويحترگ گلبــــه مثل باب 🚪 الزچيه

چـــم ابـــو مـــذبوح يمه اتون رُقـــيه

ابكل ارض يالمهدي صارت غاضريـــه

وينك…… يبن الحسن مات الورد🥀

وينك….. يتنَـطرك حــته الحـشــد

وينك……. مرجَعنا يالمهدي عِــلَـــن…. ثورة

ــــــــــــــــــــــــــــــــــــــــــــــــــــــ

ماجد حبيب الخيگاني
ونسألكم الدعاء

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

كانَ((بسمِ اللّٰهِ))دوماً حِصنُها
كانَ بـيـتُ فــاطــمٍ عِــنـوانُها
((ادْخُلُوهَا بِسَلامٍ آمِنِينَ))..دَخَلوها للضلوع كاسرين
كانَ بـيـتُ فــاطــمٍ عِــنـوانُها
****
قصةُ بيتٍ كانَ أميناً يسكنُهُ آلُ المختار
وبه كانَ امانُ الخائف وبه يأمنُ حتى الجار
كانت كلُّ بيوتِ العالم مجموعةَ حجرٍ وجدار
إلّا بيتَ السيد حيدر فاطمةٌ بيتُ الكرار
……………….
إنَّ دارَ حــيــدرٍ أمُ الـحـسـن
لم تكُن داراً فقط كانت وطن
قبله كانت دياراً للأمين..دَخَلوها للضلوعِ كاسرين
كانَ بـيـتُ فــاطــمٍ عِــنـوانُها
****
بيتُ عليٍ كانَ فريداً بيتٌ لٰكن دونَ بِناء
كان صغيراً وهو كبيرٌ كانَ عليلاً وهو شفاء
بيتٌ كان صغيراً جداً اولُ بيتٍ كان كساء
اربعةٌ كانوا يجمعُهُم في الخيمةِ حبُّ الزهراء
……………….
فاطميٌ حسنيٌ عَلَوي
وحسينيٌ بطعمٍ نبوي
أهلُ بيتٍ طيبين طاهرين..دَخَلوها للضلوعِ كاسرين
كانَ بـيـتُ فــاطــمٍ عِــنـوانُها
****
بيتٌ أهلُهُ أهلُ البيتِ ولهُ أعداءٌ تنعَق
بيتٌ لجأَ الحقُّ إليه لكن لم يُعطوه الحق
بيتٌ لم يُنصِفُهُ الناس وأمامَ الأعيُنِ يُسرَق
بيتٌ للكونِ هوَ الماءْ كيفَ لبابِهِ أن يُحرَق
………………..
أيُّ كفٍّ احرَقَت بيتَ علي
أيُّ حقدٍ كانُ فيه يغتلي
حرقوا بابَ أمير المؤمنين .. دَخَلوها للضلوعِ كاسرين
كانَ بـيـتُ فــاطــمٍ عِــنـوانُها
*
دارُ عليٍ وسطَ الروح قلبُ الزهراء المحرابْ
فيها يسكُنُ باستقرار في الزهراء عليٌ ذابْ
عَلِموا بالكرارِ هناك ولهذا قَصَدَتهُ ذئابْ
أي أنَّ المقصودُ علياً مِن دفعِ الاشرارِ البابْ
……………….
قصَدَ الاشرارُ اصحابَ الشَرف
واغتيالُ حيدرٍ كان الهدف
دارُ عزٍ قد أتَوْها غادرين..دَخَلوها للضلوعِ كاسرين
كانَ بـيـتُ فــاطــمٍ عِــنـوانُها
*
قَدِموا واللاتُ لهم قائِد أمّا هُبَلٌ أوصى اللات
جِبتٌ قد أوصى طاغوتاً لاتعطيها طوقَ نجاة
قالَ له أُقتُلْ فاطمةً يصبحُ حيدرُ دونَ حياة
واعصرها كي تُسقِطُ طفلاً إنْ ماتت فعليٌ مات
…………………
فرصـةٌ للـفـوزِ دونَ مَقدِره
فرسولُ الله اوصى حيدره
اجعل الزهراء تبكي بأنين..دَخَلوها للضلوعِ كاسرين
كانَ بـيـتُ فــاطــمٍ عِــنـوانُها
*
قالَت ياهٰذا ماتفعل تعلَمُ أنّي بنتُ نبي
قالَ الطاغوتُ لها ادري بنتُ محمدٍ العربي
قالَ إعطينا حيدر يسلم ضلعك من حرق الحطبِ
قالتَ إنَّ علياً روحي أيُّ ضلوعٍ أيُّ صبي
………………..
ايُّها القادمُ حتى تعتدي
إنَّ للكرار ضلعي افتدي
لعليٍ افتدي حتى الجنين ..دَخَلوها للضلوعِ كاسرين
كانَ بـيـتُ فــاطــمٍ عِــنـوانُها
*

سيد علي المدني

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

نصيح أبحسره ولعبره
وداعآ فاطمه الزهره
وداعآ يل رحلتي وضلعج امهشم
حدر الگاع ما بطل نزيفه الدم.
وجرحج للحشر مولاتي مايلتم
عله أصحاب السقيفه لا ولايبره
وداعآ فاطمه الزهره

مخططها الجريمه من سقيفتهم
بعد موت النبي بانت حقيقتهم
مصالحهم مو أسلام غايتهم
غايتهم نوايه السؤ للعتره
وداعآ فاطمه الزهره

حرگوا بابج وبابج صبح قبله
عليه مكتوب بابج يرفض الذله
اليريد الحق يقره وهوه يندله
وتاريخ المزيف ينتهي امره
وداعآ فاطمه الزهره

ظلموج بقساوه صحبة المظهر
ولا راعوا أحاديث النبي الاطهر
المعروفه فدك موروثه للكوثر
اولهم اخذها وتظح غدره
وداعآ فاطمه الزهره

وحگ حيدر علي يابظعة المختار
عهد يبقه الدمع لمصيبتج مدرار
وعله مصابج نخلي عل صدر اثار
الجفوف الأيد تبقه عل الصدر ذكره
وداعآ فاطمه الزهره

خدامج نظل أشما يطول البين
وألج مهما نقدم احنه المقصرين
شفيعتنه وأملنه ياظوه العينين
اشفعي بيوم نار الباري مستعره
وداعآ فاطمه الزهره
وداعآ فاطمه الزهره

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

لسان حال الامام الحسين عليه السلام

ابدونچ ييـمه موحـشه الدار
والحال ما يـتوصف اشصار

————-
كلمن يسـلي الروح بصـواب
بين الاهدوم وبيـن محراب
وبين الينـوح امگـابل الباب
واهنا كسر ظلع امي بسمار

————-
يـايـمه اظلـم دونـچ البـيت
واختنگ لو بالعتـبه طبـيت
انـة الحـسين اشـكثر ونيت
والهـسه فــوگ الـبـاب اثـار

————
اطــلع عيــنچ وليـهه تــربي
وبالـهلا يـمه ايــروح تعـبي
ما شبـع چلـمة يمه گلبـي
يلعفتي كلشي ابعيني تذكار

———–
هلفـگـد اكبـر مــن عــمرنه
واهـواي يلـزهره انكـسرنه
من طاحت الخيمه التلمنه
ولمة الخيمه هـسه طـشار

———–
ابليــا صــوت ام المـحاچـي
ماعلى بس صوت البواچي
وامــبلله ادمـوع الخواچـي
وبرواحنــه مــا تــبرد النـار

———–
ابظـلع الحنيـن الباب مطبوگ
يـادمــع وي امـصابـچ ايـلوگ
وبالعصره محسن يمه مخوگ
ودخــان چـان ابـكل الاكــتار

————
علفــاگـــدچ مـــرة المــسيه
ومـن يــوم دفنـچ يـلزچـيه
نختــنگ يمــة ابـــلا عــزية
وعليـنه يايـمه الوكــت دار

————
بين الحزن دور الرحه ايدور
وامچان اليلمنه بس بالاگبور
ابهظمة گلب والظهر مكسور
وحيـله انهـدم حيـدر الكـرار

————
محترگ گلبه ايعيـش الحسين
چي ماتت امة وصطره بالعين
والأثــر فــوگ اچفــوفه ديــن
والگلب يطفى ابصاحـب الثار

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

يا زهراء……هالقرار وياج ماخذته الخدم
يازهراء…..مانعوف الخدمه نقسملج قسم
*************************
عاشورج ناحت السماء
ومصابج چنه كربلاء
مولاتي نحضر العزاء

بالدمع مولاتي بس وفقينه
وبسجلج يم حسن سجلينه
احنه دوم بخدمتج تلكينه
عهد نقسم والعهد تدرينه

يازهراء…..اصدورنه تشهد علينه وبيها دم
يا زهراء….مانعوف الخدمه نقسملج قسم
*************************
خدامج كل وكت نصيح
يالزهره وداعت الذبيح
ونعلي باچر الضريح

باچر المهدي يجي ويلكيهه
حضرتج يم الحسن يبنيهه
احنه عماله وعلي نكضيهه
الحضره وبعلو السمه انعليهه

يا زهراء…تنبني الحضره ونجي انزور الشيم
يا زهراء …مانعوف الخدمه نقسملج قسم
************************
تلگينه ابدمعة الهيام
انجنينه بالعالم الغرام
من نارج تحترك خيام

بالمجالس صوت واحد ناده
احنه دوم بخدمتج كالعاده
اليوم كل عاشك يريد امراده
ماخذ البيرغ وفه من الساده

يا زهراء……..بالدمع نبچي ونون من الألم
يا زهراء….مانعوف الخدمه نقسملج قسم
*************************
يا فاطم فاطر السماء
من نورج ينخلق ضياء
شمينه بعطرج الهواء

انتي من الله وعلي مرضيه
فاطمه چانت قبل حوريه
كوثر وربج خلق انسيه
احنه وي حزنج فرض يوميه

يازهراء……….الخادم اتعلونه وي علو القمم
يازهراء…..مانعوف الخدمه نقسملج قسم
************************
ما تنشف دمعة العيون
خدامج كل وكت يجون
يالزهره كلشي الج يهون

فاطمه ستر الله صار احجابج
اشبكره والخادم يشم اترابج
نصيح يالزهره وعلي احبابج
بالمجالس نوگف عله اعتابج

يا زهراء……..اسمائنه يمج نخطهه وبالقلم
يا زهراء…..مانعوف الخدمه نقسملج قسم
*************************
تلكينه بالوكت اباء
لبينه فاطمه النداء
هم نحيه بعالم الفناء

صوت واحد من جناب الخادم
خدمتج تاج وفخر عالوادم
حسره من كسر الظلع يافاطم
والعزه حتى بظهور القائم

يا زهراء…باچر المهدي يجي ايشيل العلم
يا زهراء…ما نعوف الخدمه نقسملج قسم
*************************
تمت بعون الله
خادمكم….. يوسف الفتلاوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

الشاعر الحسيني ظاهر حبيب الهليجي

شمعة البيت الها حنيت
بلسم الروح يل زجيه
*
ساعد الله الفاگد أمه أيگظي ليله
الموت أرحم للذي إيفارگ خليله
يعيش عمره أوعبرته أطر بدليله
وانه زينب والحزن شد ليه حيله
هدوة الليل والدمع سيل
گلبي مجروح يل زجيه
*
أدعي ربي أبكل مسيه الموت يگرب
حته اشوف أمي و شمها حيل ونحب
البيت يبجي بلايه أمي وحاله يصعب
بسيل مدمع حيل اصيحن ضعتي زينب
وحشة الدار اذكر الصار
اصدح بنوح يل زجيه
دنيه من بعدج احسها بعيني ظلمه
مو ففط ضلمه بغيابج حته نقمه
لأن انتي جنتي بيها يمه رحمه
ريت عين ألما تشوفج كون تعمه
كوثر الكون فوگ الامتون
حلمي مذبوح يل زجيه
*
يلي صارت شوفتج حسره عليه
ريت كون أبطيف وتمرين بيه
يمه وتشوفين حالي يل الزجيه
غيرت رسمي المناحه ابهل رزيه
گلبي مفجوع وني مسموع
دمعي مسفوح يل زجيه
*
تاكل بجسمي المناحه وجرحي يدي
أعليج يايمه أودمعتي فوگ خدي
والزمن اعتبره خصمي او صار ضدي
اخذ مني أغله ناسي شخله عندي
ليلي بل آه ويلي ويلاه
حملي مطروح يل زجيه

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ابشتياقي ……..اسأل الجمعه عليك
بشتياقي……….كون هسه بين اديك
سيدي يالمنتظر……
***************************
وجهي بين بي ملامح واضحه الفرگه
حيل متعوب عله هجرك ذبلت الورگه
دورت بيه .. ولكيتك سيدي اشيبگه
وشكبر حظي من اشوفك ساعة الملگه

ياجنوني…..استعرضت حبك نوارس
ياجنوني……..وداعتك تلگاني عابس
سيدي يالمنتظر ….
***************************
الفرگه تاخذ مني كامت تاكل اسنيني
والحنين هوايه يشرح لهفت اونيني
حلم لو رؤيه اشوفك كاعد بعيني
ردت منك والله نظره بيها تحييني

بنتظارك……….احسب ايام والليالي
بنتظارك……چم حلم مر عله البالي
سيدي يالمنتظر…..
***************************
لو گصه وياي الزمن صدگني ما ناسي
لو ذكرت المهدي حتمن ينحني راسي
انت عايش بيه وشعر بيدك انفاسي
ياحبيبي اشگد احبك طبعي عباسي

اعترافي……..وقعتلك هذا عهدي
اعترافي…..عالمله عاشك يمهدي
سيدي يالمنتظر….
***************************
گمت.. اعد ايام حزني بلا وطن صاير
وانه احسب ياهي جمعه ونتظر باچر
يجري دمعك بي ملامح والجرح عاشر
واحنه .. بغيابك يمهدي نكسر الخاطر

استغاثه……….والله يالغايب نريدك
استغاثة……وشحلات البوسه بيدك
سيدي يالمنتظر…..
***************************
انتظر .. يا جمعه بيها وحسب ايامي
جيتك يالمهدي صارت تشغل احلامي
اشكبره حظي لو اشوفك انت كدامي
والجرح يحچي سوالف وانه الك ضامي

يابختنه……….بالعمر لو مره نظره
يابختنه……..نلتقي ونشمه عطره
سيدي يالمنتظر….
***************************
عمري ..عد صيغة تنازل ينتظر جيه
وعلي.. ادري بكلبك انت هوايه حنيه
بينت برموشي فركه اسنيني مگضيه
يا حلم يروي الحقيقه وينطي نوعيه

ننتظرها ……..سيدي لحظة ظهورك
ننتظرها……….شمس لو تغمرنه نورك
سيدي يالمنتظر…
*************************
تمت بعون الله
خادمكم ….يوسف الفتلاوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

م///للشهداء….
_____________________

موگافي الحزن والنوح
تخضر بالجرح حسره
اعاتب يازمن مليت
وجروح اشبعد نقره
***********************
اسولف والدمع بالعين
شوف الوالده بمأساة
تنعه الفاگده شبان
وتكول الولد مامات
تكتب عالگبر عريس
خلصت العمر شوغات

هاي الحنه يوليدي
محني بالحزن جيدي
عطرك لسه ظل بيدي

فخر زفيته للميدان
مثل جاسم الك ذگره
**********************
اشوف الغربه بعيوني
صارت مگبره الايام
ولا مر الفرح عالبال
مثل لوعة عرس جسام
تفدي للوطن روحك
شهيد وخلفت ايتام

مشتاكه اكعد اكبالك
يمه وعايشه بجالك
اظنهه النومه تحلالك

قسمه وادري بالمكتوب
گضيت العمر حسره
**********************
كل هذا واكول يهون
جرحك ما وصل ذره
اكولن ابني فدوه يروح
للي منسحك صدره
شفته عالنهر ياحيف
ابو اليمه انگسر ظهره

اسمعه ينادي ياعباس
شفته يلطم عالراس
معقوله يبو النوماس

زينب تنشد عله الصار
ترجع والدمع عبره
**********************
الله يساعد الوليان
كلمن فاگد احبابه
تصير المگبره بيته
شاف الموت بغيابه
ينصب مأتم الاحزان
خنكه الليل ابمصابه

انظر زينب بهمهه
ظلت تنعه ابن امهه
حسين بجرحه ألمهه

فوك التل تنادي حسين
وينج فاطمه الزهره
**********************
ولا ننسه الفضل والصيت
سستاني ونعم زوده
فضلك عالخلك معروف
مثل جده الحسن جوده
عايش يا عراق بخير
حشده وتعرف اجنوده

سيدنه الف مشكور
انت الهل وكت مذخور
اليبغضك صدك مذعور

انت بكل وكت تاريخ
عنوانك أجد فكره
************************
تمت بعون الله
خادمكم …..يوسف الفتلاوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

هو حيدر …سيد السبعة علي
هو حيدر … واضحٌ نورٌ جَلي
هو حيدر … ربُّه اختاره ولي

نورٌ … من عرش الله
سيفٌ … الله السواه
اسمه … ليث الهيجاه

مالك الدنيا ابجفينه ابا الحسن
يا دخيل اسمه ويمينه ابا الحسن
سيد المعمورة حيدر ابا الحسن
.
.
وليُّ الله … ما يشبهَ أي بشر
وليُّ الله … ربُّه فيهِ ظهر
وليُّ الله … حبه منجي من سقر

بيده .. ترتيب الكون
اكباله… الجن ايسجدون
زلمة … غيضه الميهون

ظاهر أو باطن بفعاله ابا الحسن
بالسمه منقوشه أقواله أبا الحسن
الله مختاره اعله الوادم أبا الحسن
.
.
انخلق كلشي … من صنيعة طينته
انخلق كلشي … منحني لولايته
انخلق كلشي … يؤمنُ ابطاعته

ربٌ … فوق الأرباب
انخلقت … بيده الأسباب
عبدٌ … وقت المحراب

خالق أو عبدٌ لله اسمه ابا الحسن
ليث لاكن رب الرحمة أبا الحسن
مقتدر والقادر حيدر أبا الحسن
.
.
الضوه عينه … سجدت أملاك السمه
الضوه عينه … صار زوج الفاطمة
الضوه عينه … والضوه ابعينه احتمه

عالي … ادخيل العلاه
والي .. أو فاز الوالاه
يفرح .. اللايذ بحماه

شاء ربه ينزل كامل أبا الحسن
أو ينخلق من ظهره الكافل أبا الحسن
واحد أو ما واحد يشبه أبا الحسن
.
.
علي الاول … سابق الكل الرسل
علي الاول … قول ربه والفعل
علي الاول … ما ندركه بالعقل

دائم … ابكل الأزمان
عرشه … يم الرحمان
رافع … جفه الأكوان

تعجز الأوصاف ابوصفه ابا الحسن
بس محمد والله ايعرفه ابا الحسن
احنه صرنه ابفضله أو خيره أبا الحسن
.
.
نجم ثاقب … بيه ربه قد قسم
نجم ثاقب … نوره هد كل الظُلَم
نجم ثاقب … ما سلم منه صنم

نزلت … بيه الآيات
تحجي … عنه ابثبات
حيدر … زوج المشكاة

ماكو مرسل اله أو يعشگ أبا الحسن
راية الله المرفوعة ابحگ أبا الحسن
دائم أو ما ينحد بالحد أبا الحسن
.
.
فاضل عباس الخزاعي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

سامحيني…بالدمع يبدي اعتذاري
سامحيني …والظلع حشم فقاري
يازهراء———- يازهراء
***********************
كاتب البسمار لوحه تقره بعيوني
اخذ من عيني الضوه ومشيب اجفوني
اشما انام اليل حسره تنحني امتوني
ابروحي باني مگبره يالزهره يلگوني

من هضمهه……ماتت بهمهه الزجيه
من هضمهه…عالگبر اخفي الوصيه
يا زهراء________يازهراء
***************************
اكره الباب من اشوفه اشتعل جمره
كون خيبر حتى اقلعه بيدي يالزهره
من يصد عالباب حيدر ينكلب ذكره
اعتذاري اشلون صاير ميت الف حسره

عذبتهه………يا دهر ليش الرزيه
عذبتهه…..بيا ذنب بس رد عليه

يازهراء __يازهراء
***************************
چني طير بلايه جنحه ودافن اجروحه
والصبح ما مر عليه عيني مشبوحه
ليلي يخلص بس مناحه وخانك ابروحه
عجبه باب الزهره يوگع واني مالوحه

ماشفتهه….حسرتي يمه اليتامه
ما شفتهه…ضمت اعليه العلامه

يا زهراء ____يازهراء
***************************
اني اول مره حيدر ينكسر ظهري
والنفس مر عله ريتي ومختنك صدري
حسبت كل نجمه چانت تاخذ بعمري
بعيني ما ظل كل دمع تعرفني ياصبري

من عذابي….مابعد بيه انه اشوفي
من عذابي….ينچوي الليل بچفوفي
يازهراء ____يازهراء
***************************
الروحه دافن ليش عايش يذبح ايامه
چني ظلمه بكاع صحره ضاعت أحلامه
وجهي ظهرت بي علايم كشف الثامه
والدهر خلاني وحدي يرمي بسهامه

لو نختني……. تنتهي شفت القضيه
لو نختني………تنكلب هسه الوطيه

يازهراء _____يازهراء
***************************
لو اشوف الباب اسكت والحجي ابعيني
ويلي تجرحني المشاعر ياضوه اسنيني
خلي هذا الصار يحجي بينج وبيني
ظهري يالزهره حنيته بأول ونيني

من فكدهه…يادمع يحچي المواقف
من فكدهه….ماتت بروحي سوالف

يازهراء _____يازهراء
***************************
صعبه والله فاطمه مااحمل اغيابج
والسقيفه شلون توصل تعتني ابابج
شفت حتى الباب يروي لوعة امصابج
والسطر عينج اويلي شسوه بهدابج

ياحسافه…….الدهر ياخذ زماني
ياحسافه….ولاعلي چنك هذاني
***************************
تمت بعون الله
خادمكم…..يوسف الفتلاوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

علي الما مكسور ياوسفه انكسر
صابر وعن بعد فاطم ماصبر
صاح وي دفنتها والمدمع حدر
يارسول الله راحت فاطمه

گضت فاطم والصبر يمها وگضا
وصور مرن من زمانه اللي مضى
مكدر وبعيونه مسود الفضى
احترگ بيته وهو حماي الحمه

جرح فاطم ماله لم من انفتح
بگلبه يدي وماجرح مثله انجرح
حيدر الكرار بمصابه انذبح
بيوم شافه يسيل عالباب الدمه

بين وحشة داره وتراب الگبر
بروح مكسوره وهظم يگضي العمر
على أعتاب الدار يصرخ من يمر
انا ميت كون وانتي السالمه

الباجي بس لله على فاطم دم جرى
وبابه وضلوعه بلهيب موجره
يگلها فاطم إحجي جلمه الحيدرى
محني وعليه الجروح محزمه

يا فرحتي وغيرو الفرحه بدمع
راح صوتج بعد ياصوت استمع
شنسه وآنه الأيدي مرت عالضلع
شفته مكسور وبجت حتى السمه

الخميس

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

#بدويه…

.
بدويـه وما تبـرد ناري
لاخر عمري اطلب ثاري
ثار الزهره
تارك عبره
وذرف لجله دمعي الجاري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

بمضاربنا سمعت أخبار
گالو عصرو البضعه
ورد الي هظمها اردود
ورم خدها بالصفعه
رفسها واسقط المحسن
منعها ما تهل دمعه
ظهرها محني من سوطه
على چفها ترك طبعه
.
شبت نار الثار بروحي
تتنطر ساعاته اجروحي
يعد بيامي
نبضي الدامي
يجري ويالمدمع تذكاري
لآخر عمري اطلب ثاري

ـــــــــــــــــ ❁ ❁ ❁ ـــــــــــــ

شبيها الفاطمه بأسمي
وردت كل الجره بيه
صلاتي صارت الدمعه
وغده تعقيبي لطميه
بسجودي عالضلع انعى
جرح تسبيحي يوميه
يرب وفقني للخدمة
دعيت بخالص النيه
.
مرت بيه اسنين امصابي
وانظر حيدر يطرق بابي
جايب نوحه
يهل بجروحه
يالبدويه أخذي اسراري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

لدار أم الحسن أدخل
آه بكل كتر أسمع
أنه وزينب تلاگينه
على العتبه وجره المدمع
تگلي الباب من اجذوع
على صدر أمي يتربع
بضلعها نبّت البسمار
نريد انطلعه مايطلع

زينب تنعى وگلبي ينادي
يارب عجلي بأولادي
لغبرت بيني
تنطر عيني
ابذر برض الموت ابراري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

حمد لـ الله نولد عباس
نواعي بمهده گمت اقرا
أواسد خده يم الباب
يشم بعتبة الزهره
أضرب زنده بالبسمار
اعوّدنه على الطبره
لجل بطفوفه مايهتم
بگطع اليمنى واليسره.

دربت وليدي وعلمته
علطف دليته وفهمته
يرف بالوانه
يفدي خوانه
ويترك برض الطف اثاري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

وصيه أبّني وصيته
عطر الخوه يحفظ زين
اشد اعيونه بالمعصب
واكله اركض لخوك احسين
لأن عينك يطفوها
بسهم والدم يسدلك عين
ولازم ترجع الزينب
ترد عن خدها جمر البين
.
أختك يُمه تظل بحيره
من بعدك ياكل الغيره
من يسبوها
أيهظموها
وانت الكافل. ياكراري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

الجوده خيطت جربه
يترسها ويظل عطشان
وگتله حسين الك سيد
والك قبله وألك عنوان
بالك ينّهظم يُمه
ويذرف دمعة الاحزان
وبالك تيبس اشفافه
ويظل بيها العطش نيشان
.
علمته يكتم احزانه
ويعلم عالخوه اخوانه
يبرز بيهم
ويدليهم
شجعان وبيهم اعصاري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

راحو للطفوف وراح
گلبي وياهم أمألم
بقيت بداري اتنطر
لن داخل ابن حذلم
اسمعه بالظليمه يصيح
عمري بصيحته أتهدم
يگلي ماتو أولادچ
بيهم گلبي مامهتم
.
گتلي حسيني يشم انفاسه
گلي الرمح يطوف براسه
بسحگ الحافر
ظل متناثر
وتگطع بالرمح الضاري
لاخر عمري اطلب ثاري

ـــــــــــــــــ ❁ ❁ ❁ ـــــــــــــ

آنه أم البنين وهاي
جذوه من جمر روحي
ملخص دمعتي الطاحت
تترجم لوعتي ونوحي
بنيني بكربله وفو
قطره بمنزف جروحي
وعيني تناطر المهدي
يرد ثارآت مذبوحي
.
نشمي ويدري بلوعة صبري
بكل مصباح يطوف بكبري
باشط سيفه
وياخذ حيفه
ويرد ثار الزهره الداري
لاخر عمري اطلب ثاري
.
ـــــــــــــــــ ❁ ❁ ❁ ـــــــــــــ

حسن الموالي الفاطمي

محرمة على منشدي الطرب

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

يا موطنَ الهُدى
يا قلــــعةَ الندى
يا بهجة الجنان يا زهرة الزمان
يا حُجة الله على ال النبي
♦️♦️♦️♦️♦️
يا ســـراج الله يا ضيَّ الشهابِ
انتي أُم الحُـــزنِ أَم أُم الڪتابِ
انتي حبــلُ اللهِ في يومِ المصابِ
كيفَ صرتي بين اطباق التُرابِ
ياجوهر الملا
تفـــاحـة العُلا
شفعية العُصاة بداية الحيات
قال الرسول انتي امي وابي
♦️♦️♦️♦️♦️
اخبروني الاهل مذ كنت صبيا
مـا جـــرى بالدارِ يا بنت النبيا
ليتني ما ڪنتُ بعد الكسرِ شيا
كيف تعفــو الناس غداراً شقيا
اواهُ مـــا جرى
يا افضل الورى
يا بضعة الرسول زهراء يابتول
عين الاله اسمُكِ يا مذهبي
♦️♦️♦️♦️♦️
اهِ ايـــــن الحــق أَم اين العداله
صوبوا ظلعك ام عرش الجلاله
اين عنك من دحى باب الجهاله
هل اتى الانزع في يومِ الظلاله

اين ابا الحسن
مهـــــدم الوثن
هل اشهر الفقار هل كان في الجوار
فكيف لم يبترُ رأس الناصبي
♦️♦️♦️♦️♦️
قد دنت ذڪراكِ يا زهراءُ مني
ليتَ روحــي قد مضـت لله عني
فلقــد هدَّ الاسى والضيمُ رڪني
واعتلى فـوق الثريا اليوم حزني
وسر هل اتى
للمجـلسِ اتى
امامنا الاخير بدمعـهِ يسير
سيثأر للظلعِ ويوم السبي
♦️♦️♦️♦️♦️

لم تمـوتي بل مضــيت للخلودِ
ثم صـرتي ڪعبةً بين الوجودِ
وڪسرت للورى اقسى القيودِ
ايةُ الرحمٰـــن يـا رمز الصمودِ
والـــدةُ الغرر
ومنـبع السوَر
سفينةُ النجاة وهـالة الابات
قد نال منك القوم شر المأرب
♦♦♦️♦️♦️♦️♦️♦️♦️♦️♦️♦️
وليد المندلاوي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ضلعي أنكسر وبصدري بسمار .. وجفوف أديه أحتركت بنار
ياوسفه أطيح على الترب .. مهضومه والمدمع يصب
وجفوف أديه أحتركت بنار
……………………………..
هجمت أعليه العصابه من رحل نور النبي
صوت أسمع وإن فاطم صاح حيل الناصبي
زمره ملعونه وخبيثه من الحرق حد السبي
وعلي مجتوف بوصيه والحسن بعده صبي

هاي الضغينه والحقد ليش .. أباب النبوّه أهل الغدر جيش
حسبالك بساحة حرب .. مهضومه والمدمع يصب
وجفوف أديه أحتركت بنار
……………………………..
يانبي الله ورسوله أشلون بابك يندفع
دمي عالحايط تناثر وأثر عالخد منطبع
الظالم بأيده سطرني عيني دم تجري ودمع
وطاح من عندي جنيني أوّن مكسورة ضلع

ما أكدر أنهض أزحف زحوف .. ريتك محمد حاضر تشوف
ترضه أم أبوها تنضرب .. مهضومه والمدمع يصب
وجفوف أديه أحتركت بنار
……………………………..
صحت يافضه أسنديني أتوجه عالحايط وأطيح
حيل هدتني الرزيه ربي سترك كمت أصيح
أنهض وأعثر وأطيحن مثل طير ملاكي ريح
جني أشوف الغاضريه حسين عالغبره ذبيح

كلما يأذيني الضلع حيل .. أبصدره أشوفن تسحك الخيل
محروم من ماي الشرب .. مهضومه والمدمع يصب
وجفوف أديه أحتركت بنار
………………………………..
تآمرت أهل السقيفه والنبي على المغتسل
كل قناع أنشال عنهم من مشه الهادي ورحل
على تشييعك محمد أبد ما واحد سأل
أتكفل بغسل الجنازه والدفن خير العمل

وكت الكلافه أتبين الناس .. ياهو الصديق وياهو وسواس
حتى العرف صارو غرُب .. مهضومه والمدمع يصب
وجفوف أديه أحتركت بنار
…………………………………..
سِمَعت الصوت وأجتني وشافت آثار الرفس
ركضت وشبكتني زينب تشعر بأمهه و تحس
وين حماي الحميه تهمس بأذني همس
خل أبوي يسل فقاره خل يرد أهل الرجس

أهل السقيفه أتمادت هواي .. بالنار رادت تحرق الماي
رادو خلافتهم غصب .. مهضومه والمدمع يصب
وجفوف أديه أحتركت بنار
………………………………..
لو متت باجر يحيدر كبل مايطلع فجر
بليل تدفني وصيتي وتخفي آثار الكبر
ما أوصييك أبنيني والعقيله أم الخدر
خاف بأرض الغاضريه بسوط يضربهه الشمر

لو راح محسن تلكه عباس .. نعم الأخو بي ترفع الراس
وخلافه للمجلس تطب .. مهضومه والمدمع يصب
وجفوف أديه أحتركت بنار
…………………………………
حيدر مطر العبادي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ندعي كل صباح وكل مسيه
ياربي الفرج لأبن الزچيه
☆☆☆☆☆☆☆☆☆☆☆
الآهي بداعت الزهره الحزينه
عجل طلعت المهدي ولينه
طالت غيبته كلش علينه

يمته يظهر تنادي البريه
ياربي الفرج لأبن الزچيه
☆☆☆☆☆
هنياله الذي حي ويشوفه
ويرفع راية الحق بچفوفه
وثار الزهره والله مايعوفه

وين يروح منه أبن الدعيه
ياربي الفرج لأبن الزچيه
☆☆☆☆☆
مايترك أبد ثار العفيفه
أمه فاطمه الزهره الشريفه
لعنة الله عله أهل السقيفه

وألف لعنه على آل آميه
ياربي الفرج لأبن الزچيه
☆☆☆☆☆
يالمهدي الزچيه ما رعوها
حرگوا دارها وشتموا أبوها
وليه والله يالمهدي ولوها

ماگالوا بنت طه خطيه
ياربي الفرج لأبن الزچيه
☆☆☆☆☆
ثارات شكثر يالمهدي عندك
تآخذهن بزودك أنته وحدك
ثار الزهره والعطشان جدك

ماتنسه الوگع بالغاضريه
ياربي الفرج لأبن الزچيه
☆☆☆☆☆
ياسيف الحقيقه والعداله
بيدك ينختم دين الرساله
أنته وارث المختار وآله

وعندك من رسول الله وصيه
ياربي الفرج لأبن الزچيه
☆☆☆☆☆
مظلومه الزچيه ويشهد الله
وصوت أحرار للعالم رفعناه
أبد للموت ماننسى حسيناه

هذا الصوت صوت الرافضيه
ياربي الفرج لأبن الزچيه
☆☆☆☆☆☆☆☆☆☆☆☆
الشاعر (أسعد قاسم الكريعاوي)

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

ماعدنه غايــب مارجع بس انته عـدنه بهالعمر
گاع الله ثگلت ياوجع شايل يبو اخيام الجمر
يوم الفرج رايــد فرج ويه العســـــر لابد يسر
شبّهنه بيك اهـــــــواي بس انته غايب
محد مثــــــــــــل گلبك شايل مصايب
كون اليغيب اهله امــــــــــأمن عليهم
وانته اهلك ايباتون بيــــــن الخرايب

عشت غربه… وهيه الغربه بس خنگه
عشت غربه… يمته انشوف الك ملگه
عشت غربه… مثل الخيمه محتــــرگه

ماتطفى نارك ســـــيدي والدنيا بعيــونك حطب
حرگولك ابيوت وخيم مطلـوبه الك ثار العرب
هم تشرب المــاي ابهنه وعبد الله منه ماشرب
ماترتوي بالماي والضـــــــــــــــامي بالبر
كلما تضوگه اتصيح اه يــــــــــابو الاكبر
شلون بفياي اتعيش وانته ابن الحسين
ذاك الثلث ايام ضــــــــــــل عاري بالحر

صدگ هضمه… محد عالخيــــــــم ينغر
صدگ هضمه… حسين ابكربـــله اتطشر
صدﻻ هضمه… تسمع ضــــــــلعه يتكسر

الوادم ايمرها الحــــزن تسياره يگضــــــيله وكت
يالعاشرت حــزنك عمر غير الدمع مـــــــاعاشرت
كسرت شــــبابك كربله ومن ركضت التل شيبت
يامنضر ايحز بيك والســـــــاكن البال
من طلعت النســــوان لو من الاحبال
ياهي التهون اعلـــــيك منهن يمولاي
والهضمن العــــــباس كلهن ترا اثگال

الك رايه… دم البيـــــــــــهه شينشفه
الك رايه… صاحبهه انگــــــــطع چفه
الك رايه… طيحــــــــتهه وعلي كلفه

عاشورك ايام الســــنه يالعايش احداث السبي
الطف اخذ مــــنك زلم والشام اخذ منـك عبي
تتأذه من تســمع حچي زينب حده بيهه اجنبي
اعذرنه عالچلمات خــــــــــــايف نأذيك
هوه اليبچينه لابـــــــــــــــــــــد يبچيك
من نسمع بديوان هـــــــــــــاي الچبيره
چا شنهي بيك ايصير بس الله يدريك

شلي بجرحي… المالچــــــمه اعله طاريهه
شلي بجرحي… وعيونـــــــي المن ابچيهه
شلي بجرحي… وزينب غـــــــربه تحديهه

ارجع يواهس فاطـمه ووگف عله اعتاب الگبر
محد يزور ام الحسن ليش الزچــــــيه تنهجر
سراً دفنها المرتــضى وبجيّتك مــــايبقى سر
باب امك المحروگ والمحــــسن الطاح
ثار الضلع موجود بالمهـــــــــدي ماراح
اتطلع المضموم والمخــــــــفي عالناس
العصرو الزهراء والشــــــــــــالو ارماح

يجي باچر… يوم الينكــــــشف امره
يجي باچر… لوحه امعلگـــــــه نقره
يجي باچر… هذا مــــــــرقد الزهره

خادم القصيده
شاكر الصيمري

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

قد قامت إلـ آه .. وِجَب فَرْض الدمعه
ــــــــــــــــــــ
وجهت وجهي وگِمِت
للزچــيه اتوجـهت .. دمعاتي دَمْ
ما نسيت الزهره لا
إننّـي باقــي علـى .. دين الخدم

بدمعـاتي .. وآهـاتي .. متوضّــي
بچلماتي .. ولطماتي .. حل فرضي

عالنيه الأعمــال .. كَبّـَـرَتلِچ سبعه
قد قامت إلـ آه .. وِجَب فرض الدمعه
ــــــــــــــــــــ
آنه عايش عالمي
والعزاء الفاطمــي .. دين وشـرِع
غالي عندي ويا غلاه
حاله من حال الصلاه .. ما ينگطِع

سِرْ دِيني .. خليني .. بمأساتي
ما جامِل .. تسـتاهل .. مولاتـي

عالزهره يا ناس .. كيفي ألطم و أنعى
قد قامت إلـ آه .. وِجَب فرض الدمعه
ــــــــــــــــــــ
الخطّ الأول عِدْ علي
طاح وإنته تگول إلي .. بَسّك البچـي
نبع دمعــي ما يِجِـف
عالروايه إنحِـطّ ألف .. نفس الحچي

أبچيهــا .. وأگضيهـا .. وا ويــلي
ويوميه .. اللطميّه .. إتهد حيلي

الرايد يوافيــچ .. إلا يكسـر ضلعـه
قد قامت إلـ آه .. وِجَب فرض الدمعه
ــــــــــــــــــــ
حگّه شُوْفي لو عِمَه
غير ماتـت فاطمـه .. شنهي العمر
علي إبكبره وما حِمَل
مات عند المُغتَـسَل .. شاف الكسر

تنقدوني .. اتلوموني .. أخدِمها
والزهـره .. هيـّه أدره .. إبوادِمها

حَدّ گطع الأنفاس .. مجلسي ماگِطْعَه
قد قامت إلـ آه .. وِجَب فرض الدمعه
ــــــــــــــــــــ
من الگه ماتم مِنّصُب
بِشِر حافـي أنگـلُب .. و أركض ركِض
الله لا ينطـي الزمن
آنه عايش و أم حسن .. تحت الأرض

يا ربّــي .. من گلبــي .. بسّ أدعي
أُمنيتي .. إبتعزيتي .. إيطگ ضلعي

بس كونچ إبخير .. وآنه بيّه الصَفعَه
قد قامت إلـ آه .. وِجَب فرض الدمعه
ــــــــــــــــــــ

مهدي التقي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

بينه الحزن يحدي/يزهراء
القاسم وأبو مهدي/يزهراء
☆☆☆☆☆☆☆☆☆☆☆☆☆☆
يزهراء/وداعت مصابچ والظلع
يزهراء/ ماينشف إعليهم دمع
يزهراء / منهم أبد ماينشبع/يزهراء
زلم أسباع/وحتى الگاع/من يمشون/تتفاخر
هل شخصين/هيبه ودين/بيهم كون/تتفاخر
ألهم نذر ولدي / يزهراء
القاسم وأبو مهدي/يزهراء
☆☆☆☆☆☆
أويلي/صحنه شكثر لمن مشوا
أويلي/لجل العقيده أستشهدوا
أويلي/ فوگ الوطيه أطشروا/أويلي
والعدوان/الأمريكان / ملعونين/يم الله
والشهداء/هم احياء/موجودين/يم الله
نار بوسط چبدي /يزهراء
القاسم وأبو مهدي/يزهراء
☆☆☆☆☆☆
يربي/القاسم وأبو مهدي أحن
يربي / أسكنهم بجنة عدن
يربي/ويه الزچيه أم الحسن
شلون أنساك/وروحي وياك/ياقاسم/يامهدي
والوالاك / وحگ عيناك / مآ نادم / يامهدي
لنعه وون وحدي/يزهراء
القاسم وأبو مهدي/يزهراء
☆☆☆☆☆
ذكرهم/باقي على مر الدهر
ذكرهم/نتكاتف ونحيي بفخر
ذكرهم/ ويه الإمام المنتظر/ذكرهم
غيره وزود/يالموعود/حاموا الدين/والأعراض
خلوا ناس/والعباس /بنص العين/والأعراض
روح ومهج نهدي /يزهراء
القاسم وأبو مهدي/يزهراء
☆☆☆☆☆
صورهم/ظلت على الحايط وسف
صورهم/ومنها العده ترجف رجف
صورهم / والحطهم أبيته شرف/صورهم
رفعت راس/الكل الناس / ذوله رجال /شفناهم
يحبهم ليش/حشد وجيش/والله أبطال/شفناهم
هل دمعته الجندي/يزهراء
القاسم وأبو مهدي/يزهراء
☆☆☆☆☆
سويه/ عاشوا معاناة الحرب
سويه/ والمثل بيهم ينضرب
سويه/وأستشهدوا نفس الدرب/سويه
هالأطهار/تركوا نار/وبينه جروح /يازهراء
نعرف زين/يم حسين/روح بروح/يازهراء
بالدم أخط عهدي/يزهراء
القاسم وأبو مهدي/يزهراء
☆☆☆☆☆☆☆☆☆☆☆☆☆☆☆
الشاعر (أسعد قاسم الكريعاوي)

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

قصيدة بحق سيدتي ومولاتي فاطمة الزهراء عليها السلام
حوارية بين الوصية وسيف الامام علي عليه السلام وعلي ع والله جل جلاله

بين الوصية والسيف وعلي
دار الحوار او يسمعه العلي
اشلون شيطان الرجس
كسّره الضلع الشمس
****
چان الحوار ابّينهم يلهب نار
عن ضلع فاطم هالحچي كلّه دار
تبچي الوصية او حيدر او ذوالفقّار
بين الثلاثة ما بقت كل أسرار

كلمن حچه العنده او كشف وضِع
ابنار الملامة منچوي الدمِع
بالجفن ما ينحبس
كسّره الضلع الشمس
****
بدء الكلام اصبح عله السان السيَف
ايحاچي أبو الحملة او يگلّه مو حيَف
هاي الجريمة ابلا عقاب اتمُر كيَف
او جَمرات شفراتي أحرّ امن الصيَف

عيني عليك او فكري ابفاطمة
امتاني الأمُر منّك وتَمِّمه
أشطُره حّتّى الينِس
كسّره الضلع الشمس
****
حيدر بده يشرحله كلّ الأسباب
يا سيفي چنت ابّالي ذِكرَك ما غاب
كلمة شرف مِنعَتني اعيد الأحزاب
معقولة أسكت ونظر الحرگ الباب

السوّه الهجوم او أمر بالضَرُب
لو ما الوصيّة شبر ما يطُب
الردتّه أصبح بالعكس
كسّره الضلع الشمس
****
رد يحچي سيفه او مختنگ بالحسرة
اشلون اسكت او مكسور ضلع الزهرة
ردتّ اگطع ايد اللٌي سطرها السطرة
اشلون ابيَض ابقه او عين فاطم حمرة

انويت ابدماهُم لوني اغيِّره
لا مو رجُل ذاك الضرب مَره
أبد مو طاهر نفس
كسّره الضلع الشمس
****
تحچي الوصية گامت او سمعوها
باب الله ماردتّ العده ايحرگوها
او لا فاطمة تنعصُر ويظلموها
ردتّك تصول ابحملة ما ينسوها

ما تنچتف ونته المتنوِلي
چتّفتك او إعذرني يا علي
اعتابك ايموّت أحس
كسّره الضلع الشمس
****
جاوبها ابو الحسنين بس بالونّة
أدري ابهجوم الگوم بس فاجئنه
فاطمة من صاحت وگع محسنّه
جيَت او شفت گلبي اللي واگع چنّه

من شلته بيدي شفته مبتسِم
چنه يگلّي بويه لا تهِم
موتي أحسن بالرفس
كسّره الضلع الشمس
****
الله سِمع هذا الحوار او گلهُم
حتى ابجهنّم نيتي ما أقبلهُم
أهل السقيفة العار يبقه إلهُم
وبلعنتي ابكل وكت راح اشملهُم

كلمن ظلم فاطمة احاسِبه
لو نام بجهنّم أعاقِبه
ابسبب ما سوّه أمس
كسّره الضلع الشمس
****
الشاعر صفاء الخالدي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

بـس المـفارگ حبـيب .. يگضي كل عمره غريب
الغربه تجرح
ومايصـح الـهـا طبيب

________

الناس لو كلهم يصيرولك گرابه
الـدفن روحـه شيخـفف مصابه

غربه غربه الناس عگب الزهره احسهم غربه غربه
صعبه صعبه انه اعيش ابلايه فاطم صعبه صعبه

ياكل بروحي السكوت .. ريتني بهالحظه اموت
شلون بيه
الصبر انه امنين اجيب

_________

الدفن حدر الگاع بيده ذكرياته
بالله ياهالناس شتـفيده حياته

رجعه رجعه ادري هوه الراح مابي رجعه رجعه
دمعه دمعه طــشرت عمـري بغيابه دمعه دمعه

دمعتي صاحت تعاي .. الخاطر الله ياهواي
مختنگ حيل
انــه مــن گــد النحـيب

_____________

المامــلوع لايــلـــوم الفــاگـــد اعـــزاز
احچايتي ايحس بيها بس الراح جناز

جرحه جرحه حدر الضلوع اشيضمده جرحه جرحه
وكحه وكحه الدنيه ويه المثلي تصبح وكحه وكحه

مني اخذت كلشي زين .. فاطمه ام گلب الحنين
ياحسافه
العشره هم قسمه ونصيب

__________

الدنيه مو دنيه عگب عين الزچيه
الدنيه احس بيها گبر طابگ عليه

حالي حالي چن رضيع ودفنو امه حالي حالي
غالي غالي الـراح ياهالناس مــني غالي غالي

التبچي من عنده الرجال .. حاله مدري شلون حال
من حزنها
الصار بيــه موعــجيب

____________

الناس اشوف اعيونها اتسولف عليه
هذا معــقوله علــي حــامي الحــميه

ظهري ظهري منحني من المصيبه ظهري ظهري
عمري عمري صار عگب الزهره ميه عمري عمري

صار بيه المايصير .. المحنه سوتني چبير
انحنه ظهري
وبين ابراسي المشيب

_________

فاطمه يانــاس لمــن شيعتها
انه بالمــقبره روحي ضـيعتها

خطوه خطوه چنت امشي الكبري انه خطوه خطوه
فدوه فدوه صــــحت يافـاطــمه عمـــري فدوه فدوه

عمري من غيرچ سراب .. شلون احطچ بالتراب
ايعينه الله
الدافن ابايده قريب
_____________
حيدر تركي الكربلائي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

قصيدة بحق سيدتي ومولاتي فاطمة الزهراء عليها
تحكي قصة تشييعها

يبچي ظلام السمه
من شيّعوا فاطِمة
*
نعش فاطمة انشال او حيدر ايشيْعه
طلعوا بالجنازة اوياه بس تسعة
صمت ليل المدينة والگمر ينعه
ولسان المصيبة يحچي ونسمعه

نار او حجاب او ضلِع باب او عتاب او دمِع
او كسرة اعله حامي الحِمه
*
حله النوم ابعيون اتواكِح الكرّار
او بركان السهر حارگ جفن عمّار
ابلهيب الفاجعة گلبه اشتعل بالنار
وبصدره يحس متوغِّل البسمار

منّ النعش لن سِمَع اتون فاطمة وانفجِع
امن العصرة متألِّمه

أبو ذرّ الغفاري أخذته الحسرة
يبچي او هالمصيبة حيِّرَت فكره
تمنّه النبي حيّ او لا يزَل عَصره
شنو حاله او يشوف اجنازَة الزهرة

شيصبّره عالحزِن وعزيزته تندفِن
ابليلَة ألم مُظلِمه

ابكسر ضلع الزچيّه منذهل سلمان
يعسوب الكريهة يدري يمها چان
اشصبَّر سيفه لمّن شعلوا النيران
او شاف امّ الحسن مختنگه بالدخّان

اشلون الغضنفر نِظَر خد لبوِته إنسِطَر
او ما سَل أبد صارِمه
*
بالمقداد عبرة خنگت الكوْثَر
والعباس وابنه نارهُم تسعَر
او عقيل ابحزنه ظلّ ايصبِّر ابحيدَر
ما هدله ابوكت محنته او يتعذَّر

ماكل عيونه البَچي او للكوفة عاف الحَچي
يفدي ابنَه ابمُسلِمه
*
أكبر لوعه بيهم تنرسم بثنيَن
الخسارة والجرح بس بالحسن وحسيَن
أمهُم شيّعوها او شيّعوا روحيَن
الچانت خيمة إلهُم هسّه هيَّ ويَن

محمولة فوگ النعِش ايتانيها ربّ العرِش
ضيفه إله قادِمه
*
علي ما نشفَن ادموعه عله المحسِن
او يم قبر الوديعة ينحب او يصفِن
نزل يدفنها بس خايف إذا يدفِن
يأذّيها التراب او منّه تبقه اتوِن

ايحاچيها ظل بالقبُر بعدچ ميحله العمُر
الدنية اشكثُر ظالِمه
*
الشاعر صفاء الخالدي

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

#كلمة_قلم

بچيت وكل حرف دمعه
وكلماتي عتب مجروح
ْ
صح اني جزء شجره
ورده ولاأصل من لوح
ْ
لاچن ربي خالقني
أشعر بية هم الروح
ْ
ودليلي شافته كل عين
نزل دمعه على المذبوح
ْ
على أبن الزچيه ابچي
وفاطم ليها ازيد النوح
ْ
ام الطه وام الناس
وادم بس باسمها أيبوح
ْ
يعرف تنعصر بالباب
ودمعه اعليها دم مسفوح
ْ
بچى وياية كل مخلوق
وعليها ون حمام الدوح
ْ
أولو ما فاطمه أيوب
متشافه وبقى مطروح

كلمات
#المـلا_أحمد_السـالــمي
❃❃➖➖❃❃➖➖❃❃➖➖❃❃

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

استشهاد الزهراء ع
ْ
لمنه فاطمه الزهره. .بكلبنه تسعر الجمره
نبجي المحسن وحيدر وآه ياضلعج وكسره
…………………..
ْ
يمهدينه عهد والله ما ننسه امك الزهره
بالدم والكلب نبضه بسمها تلبي كل كطره
نحسها تعيش ويانه الندبها فاطمه تحضره
تكضي الحاجه للطلاب بذكرها ينجلي عسره

ْ
كبرج فاطمه مخفي على العدوان عنوانه
امل عدنه اليدل عليه المهدي يندل بجانه
ابكلب الخادم الحضره كبرج عالي بنيانه
نطوفه بكل مجالسنه بكلبنه تكسر العبره

ْ
الج شمس وكمر مخلوق اعلينه فاطمه نعمه
معصومه والج كلشي ربنه اختارج بعلمه
الله كلم المختار بالخمسه وضع حكمه
رسول الله وحسن وحسين علي وانتي لزهره

ْ
نواسي فاطمه الزهره البسمها الله علمنه
ضلموها اخس الناس لعنها الهادي كلمنه
جهلو كل حقيتها وهيه زهرت الجنه
بنت وام رسول الله بيها استودعه سره

ْ
دعينه شكد يبو صالح الربنه ارفعنه ايدينه
الهي بجاه ابو الغيره ذاكه الضحه جفينه
عجل ساعة المهدي ندبناك وترجينه
يتامه احنه بغيابه ومنه نريد بس نضره
كلمات
الملا احمد السالمي
~~

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

الثار الثار يامهدي

………………………………………………

عجل يمهدي يلله واطلب ثارك

هاي الخدم كلها تصير انصارك

بجفك يمهدي نصير لك فقارك

يمناك يمناك نصير وتوصل الغاية

يمناك يمناك يمهدي ونرفع الرايه

نلتم حشد نهجم نرد أمرك أمر بي نفتخر

الثار الثار

………………………………………………

وكت الفرج ياسيدي انته الآية

كل الكرة الأرضية الك عناية

الدوله موكب والشعب مشاية

وتصير وتصير خليفة الآمر الناهي

وتصير وتصير حبيبي بحكمك تباهي

كل الحكم دوله وعلم حكمك نبي ونكهة علي

الثار الثار

………………………………………………

تصدر الفتوى لثار ضلع الزهره

تبدي من باب الزجية وجمرة

تبني البقيع وحته يصبح حضره

عمال عمال يمهدي القاري والشاعر

عمال عمال يمهدي اليطبر بعاشر

نبني الگبب دمعه وذهب وي الدمع ننگل شمع

الثار الثار

………………………………………………

أول شرارة لفاطمة التبديها

أو كل شياطين الظلم تفنيها

حكك أمربع لمن تسويها

أوثان أوثان يمهدي تحطم بفاسك

أوثان أوثان تصير اتراب لمداسك

ثارك زئر أول عمر ثاني الغدر أبو بكر

الثار الثار

………………………………………………

تبدل الراية الحمره ترفع غيرها

بعد انتصارك سيدي وتفسيرها

انگضى الثار ومحنتك تعبيرها

وسنين وسنين تعيش بين خدامك

وسنين وسنين يمهدي ادلل أيتامك

تحيي الأمن يكضي الحزن نصرك هتف أول هدف

الثار الثار

………………………………………………

زين العابدين الشمري

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

نعي عندما خرجت الزهراء خلف الامام علي عليهما السلام كأني بها تقول

يحيدر ما تدير العين لية
محنية الظهر شوف الزچية
على الحسنين اتوچة بدية
اكض ظلعي واجر ونة خفية
انة ادري بيك مچتوف بوصية
====================
يصد لية عمر ويصيح رجعي
أُمر عبدة يطگني فوكَ ضلعي
اگوم وانچفي ويسيل دمعي
يكسر كل گلب يا ناس وضعي
===================
يطگني حيل كل طگة شتمني
علية لا انكسر گلبة ورحمني
يدفعونة الحسن وحسين عني
ولك كافي ترة طگك كتلني
===================

عندما ذهبت الزهراء لزيارة قبر النبي (ص)

يبوية باليتيمة الوادم اتروف
وتكسر كل گلب هالحال معروف
بس انة ولوني بنار وسيوف
ظلموني واجيت اشكيلك اتشوف
====================
اريد اگعد على گبرك يغالي
يبو القاسم يريت تشوف حالي
هاي انة العزيزة وهيچ تالي
يبوية كل صبر بجفاك مالي
====================
تلگاني بعد چم يوم اجيلك
واريد اگعد يبوية واشتكيلك
وراويك الضلع واكسر دليلك
اخذني ليك يا بوية دخيلك
====================
الم فگدك يبوية يوم ما هاد
ويفراكَ الابو للروح مراد
تضل للمگبرة يا رايح وراد
ملتني بكثر ما انوح العباد
===================

عند استشهاد الزهراء عليها السلام كاني باولادها يقولون
===================
يم گلب الحنين وحضن دافي
يالنمتي يمن نوم العوافي
نچلب بالنعش ونسير حافي
وحگچ ما جفن بالليل غافي
====================
نفز بالليل ماهي امنة الحنينة
يا يمة صعب فگدچ علينة
تنامين بگبر شيصير بينة
خلافچ يالزچية اتيتمينة
=======≠=====≠=====
زغار وما شبعنة بريحت امنة
بعد عيناچ چا ياهو اليلمنة
الزمن شيريد من عندچ حرمنة
بعدنا زغار بفراگچ لچمنة
==================

عندما قام الامام علي عليه السلام بتغسيل الزهراء عليها السلام

===================
صعب فگد العزيز وبي اذية
موقف يا خلكَ يصعب علية
شريچة روحي اغسلها بدية
شيصبرني بغيابچ يالزچية
===================
كسر گلبي يزهرة حيل وضعچ
گبالي امددة ويسيل دمعچ
ولمن صارت ايدي فوكَ ضلعچ
تونين من اجيسة گمت اسمعچ
===================
فجعتيني يزهرة وزاد وني
حگي من اون يالرحتي عني
كسر گلبي الضلع حيل وهضمني
عزيز الروح شال وراح مني
====================
ما ضلي صبر يا بعد عمري
وشچندوب اگل للروح اصبري
يالزهرة غيابچ كسر ضهري
حزين ابقى عليچ بطول عمري
======================

اسالكم الدعاء رائد الاسدي