لطميات استشهاد الزهراء مكتوبة

 

اللهم صل على محمد وال محمد وعجل لوليك الفرج

ــــــــــــــــــــــــــــــــــــــــــــــــــــــــ

متعيني على ام حسين… بالبسمار صابوها
======================
متعيني على الزهرة … بالبسمار صابوها
تنوح وتجذب العبرة … بالبسمار صابوها
ويلي بخدچ السطرة … بالبسمار صابوها
وحمرة من تشوف العين … بالبسمار صابوها
=========================
مصابچ ماكو مثلة مصاب … بالبسمار صابوها
مكسور الضلع بالباب .. بالبسمار صابوها
ويلي الزهرة ما تنهاب… بالبسمار صابوها
نوحوا شيعية يموالين… بالبسمار صابوها
========================
كل عام اليمر ننعاچ … بالبسمار صابوها
عايش بالگلب ذكراچ… بالبسمار صابوها
ضلعچ يالزچية اذاچ … بالبسمار صابوها
ليل نهار بس تبچين … بالبسمار صابوها
=======================
حيدر هالمسه حزنان… بالبسمار صابوها
رايح منة اغلى انسان… بالبسمار صابوها
ياويلي الدهر خوان … بالبسمار صابوها
كلنا الليلة حزنانين…. بالبسمار صابوها
=====================
يالمهدي الزچية اليوم… بالبسمار صابوها
من بعد القهر وهموم … بالبسمار صابوها
ننتضرك يمهدي تگوم… بالبسمار صابوها
ثار امك يغايب دين … بالبسمار صابوها
=====================

أسألكم الدعاء رائد الاسدي

 

 

 

 

لطميات استشهاد الزهراء مكتوبة

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

السلام عليكم ورحمة الله وبركاته

هاي بلحن رجعت أدين الطغيان
باسم الكربلائي

 

مجلـــس عزائي بهاليوم أنصب عــــــزاء المظلوم
وتحضر ويايه الزهره
المذبوح ضامي وعطشان وضل عاري فوگ التربان
ننجمع لجله ونقره
نقراله لطميه ابكل حسينيه
*
عن نفســـي احچي مختصر ابخدمة علي حظي كبر
وبخدمــــة آله
سارت بدمــــــــــي امحبته وحبيت ولـــده وعترته
شملني بدلاله
أبيت الوصي عمري گضه وما فارگت للمرتضى
ومجدي تلاله
ومــــــــن انجبت اربع ولد كل واحـــد بمجده خلد
شالَـــوْ خصاله
عبـــــد الله جعفــر عثمان كلهم أســـود وشجعان
بالحومه وگت الشده
وعباس سقّاي الماي عمري وضواي ورجواي
بچفوفه سجّل مجده
ومن يمر طاريه ابكل حسينيه
*
مـــــــن خدمتي اني ربحت يـــا شيعي شوف اشحصلت
من الكرامات
الله جعلنــــــــــــــي بقدرته بابــــــــــه وشملني برحمته
ماسدّه هيهات
لليوم ولهـــــــــــــذا الزمن بيدي جعل حــــــــل المحن
قاضيه الحاجات
حتى اللي رايـــــــــــدله ولد نال شـتـمـنّــــــــــه وأنسعد
حصّل الغايات
شما يطلب ومنّي يريد بس يرفع أيده منبعيد
أسمع وأدري شرايد
حتــــــــى المخالف ميعود الا بكــــــــــرم مني وجود
بأذن الأله الواحد
حاجاته مكضيّه ابكل حسينيه

كــــــــــل خــــادم اني اقبله حاجات مـــــــو حاجه أله
مني هديه
الصـــــادق وصافي بنيته جـــــــــواري يعيش بجنته
وجار الزجيه
واللي اشاهــــــــــد دمعته تجـــــــري وتلالي بوجنته
في كل عزيه
لجل الحسيـــــــــــن ومقتله ويعـــــزي اخته وكل هله
بأعظم رزيه
متمسّه لحظـــــه النيران لا والله لا مــــــــــو خسران
ليبچي لحسين ويومه
ليواسي حامــــــــي الجيران بالحشر فايــــــــز ربحان
تنزاح كل همومه
وذنوبــــــه ممحيه ابكل حسينيه

من مأتمي وهــــــذا العزه مجمـــــوعه احنه فائزه
ابكل المشاوير
والينــــــــه آل المصطفى وغذونه حـــب وعاطفه
من غير تقصير
ابحب الوصي حيدر علي كل همنه ميضل ينجلي
لا والله منحير
نشكر البــــــاري ونعمته لشملنه حبّــــه ورحمته
واجعلنه بالخير
عالنعمه هــــــــذه وقربان واجب نقـــــدّم برهان
سجدة شكر نسجدله
لجعلنه من الخدّام طول العمر وشما دام
للنبــــــي طه وأهله
وتبعنـــــه مهديه ابكل حسينيه
**
مجلس حسيــــــن ابكل زمن بي حاضـــره ام الحسن
يجري دمعها
مفجوعــه وبكسر الضلع وعالوجنه اثــــــــار وطبع
چف الصفعها
تنوح وتــــــــون بي فاطمه لو نعـــــــه الناعي بمأتمه
صوته فجعها
ولو قـــــــره قصّة مذبحه يلچــــــــــم كلبها ويجرحه
ايزيّد وجعها
ايهيج جرح يـــــــوم الباب لو كــــــال الحسين انصاب
والخيل رضّت صدره
وتذكر المحسن من طاح لو سمعته نــــاح وصاح
ياويلي كطعَوْ نحره
والشيبه مدميه أبكل حسينيه
****
اوصيكم بهـــــــذا المسه بأم الحسن خيـــــر النسه
وبحسين ابنها
بكل مأتـــــــــم إلها ينصب دمعــــات عينك خل تصب
ون اعله ونها
واحضــــــر بمجلسها ابفخر وبقّــــي إلك بصمه واثر
وصير بضعنها
وطيلة ليــــــــــــالي فاطمه وبأي مصيبه قادمه
شارك محنها
واللطم مــــــــن اجل حسين ليكون شهـــــــر وشهرين
خلّيه دوم أبفكرك
تخلـــــــد وتصبح مشهور مـــن تحيي ذكرى بعاشور
يزهي وينوّر كبرك
لو جبت طاريه ابكل حسينيه
**
دكينه بابـــــــــــــــچ نرتجي المهدي مـــن غيابه يجي
ويرد علينه
طوّل غيابـــــــه وغيبته وعادتنه كـــــــــل العادته
بلوه ابتلينه
مــــــــا عدنه غير المندعه يا رب يعــــــود اترجعه
يجلي اللي بينه
هــــــــــذا وضعنه ينصلح مـــا يبقه هم ولا جرح
طيلة سنينه
ابّابــــــــــــچ يأم الخيرات تدعيله كـــــــــل الأصوات
يا ربي عجّل امره
ونريد كــــل أحنه وياه لـــــــو رد علينه وشفناه
يحكم الكون بأسره
ندعيله يوميه ابكل حسينيه

 

الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

عظم الله اجورنا واجوركم بمصاب مولاتنا المظلومة سيدتنا الزهراء عليها السلام..
.
.
(قصيدة فصيحة)
.
.

فَاطِمٌ أمُ الكِتَابِ بلْ و أمُ الثَقَلينْ
كُلَمَا يَنبِضُ قَلْبِي لكِ يُهدِي رِكعَتَينْ
بعدَ ذكرِ اللهِ يَحلو ذكرُكِ يا فَاطِمَه

فَاطِمَه يا فَاطِمَه .. فَاطِمَه يا فَاطِمَه
………………
/
هامَ قَلبِي فِي عُلاكِ داعِيا
إقبَلِينِي لكِ أبقَىٰ ناعِيا
فِي رِضاكِ اللهُ عنِّي راضِيا
فَنَذَرتُ العُمرَ فِيكِ ساعِيا

سَاعِياً فِي رِضَاكِ العُمرَ حتىٰ الإنقضاءْ
ليسَ في الجَنةِ همّي لاَ ولاَ أيُ عَطاءْ
دَعوةٌ منكِ إليَّ تُطفي ناراً حاطِمه

فَاطِمَه يا فَاطِمَه .. فَاطِمَه يا فَاطِمَه
………………
/
مِنْ سَناكِ فاضَ فِينا كوثرُ
هذا رادودٌ و ذاكَ شَاعرُ
لكِ يا مَولاتِي كيفَ نَشكرُ
و لكِ منَّا رِثاءاً يَصدرُ

هذا فضلٌ منْ لدُنكِ تَبقىٰ فِينا العَبَراتْ
إنَّ دَمعِي و رِثائي ستكونُ المُنجِياتْ
حُبكِ ذخرُ المَماتِ فيه حسنُ الخاتمِه

فَاطِمَه يا فَاطِمَه .. فَاطِمَه يا فَاطِمَه
………………
/
انتي فضلٌ و عطاءٌ لِلوجودْ
كيفَ فِي الخدمةِ روحِي لاتَجودْ
أدعُو رَبي كلَ حينٍ فِي السجودْ
ليتَ آلآمكِ فِي قَلبِي تَسُودْ

فِي صَلاتِي أدعُو دَوماً بجلالِ فاطِمه
اطفِي نارَ البابِ رَبي دَعها فِيَّ مُضرَمَه
و إجعلْ الروحَ إليها كلَ حينٍ هائمِه

فَاطِمَه يا فَاطِمَه .. فَاطِمَه يا فَاطِمَه
………………
/
إنَّني لا أنسَى روحَ المُصطَفى
فاطمٌ في القلبِ أنتي وَ كفىٰ
فَلَو أنَّ الكفَ لَطماً مَا وَفَىٰ
عنْ قُصُوري ليتَ ربي مَا عَفَىٰ

لا عَفَىٰ اللهُ عَنِي إنْ نَسِيتُ ضِلعَكِ
خلقَ اللهُ دُموعِي كَي تُواسِي دمعَكِ
خلقَ اللهُ يديَّ كي تكونَ لاطمِه

فَاطِمَه يا فَاطِمَه .. فَاطِمَهْ يا فَاطِمَه
………………
/
لُذتِ خلفَ البابِ منْ شرٍ بَدا
رُغمَ هَذا صَابَكِ كَفُ الرَدىٰ
و هُنا جاءَ السؤالُ مُنشِدا
كيفَ لاذتْ زَينَبٌ مِنْ ذَا العِدىٰ ؟

هل تلوذُ بِأبِيها و يَداهُ كُتفتْ ؟
أمْ تلوذُ بِيدَيكِ و يَداكِ أحرِقتْ ؟
والعِدى جاءتْ اليها بسِياطٍ ناقمِه

فَاطِمَه يا فَاطِمَه .. فَاطِمَه يا فَاطِمَه
………………
/
إنَّ نارَ الدارِ شَبَتْ فِي الخِبا
خدرُ عرشِ اللهِ ناراً اُلهِبا
بنياقِ السَبيِّ جَاءُوا للسِبا
زينبٌ وا زينبٌ وا زينَبا

ذَلكَ سَبَ أبَاهَا ذَاكَ فِي الضَربِ يَزِيدْ
و هيَ فِي حَبلٍ تُسَاقُ لِعُبَيدٍ و يَزِيدْ
بقيودٍ من حديدٍ قيّدوهَا مُرغَمَه

فَاطِمَه يا فَاطِمَه .. فَاطِمَه يا فَاطِمَه
………………
✍🏻علي نوري الحلفي

 

 

 

 

 

اللهم صل على محمد وال محمد وعجل لوليك الفرج

 

لطميات استشهاد الزهراء مكتوبة

ــــــــــــــــــــــــــــــــــــــــــــــــــــــــ

عن لسان فاطمة الزهراء عليها السلام تخاطب ابيها رسول الله صلى الله عليه وآله وسلم (وزن السريع)

متغيب أحزاني وتعوف الگلب
ولايوم يابويه يرْدَّك درب
يابويه يابويه

يوميه يابويه على داري تمر
تواسيني عن امي وتردلي الصبر
ياريت بعدك لا يطول العمر
مابيها أنته الدار لمن اطب
يابويه يابويه

يمنور عليه الأرض والسمه
چاشلي بالدنيا الغدت مظلمه
يگولون اذتنا تون فاطمه
لاموني يوم عليك دمعي يصب
يابويه يابويه

وأبنيت دار النايبه والحزن
ملوني من ونيت لجلك واحن
وانته العليك الكون كله يون
وتبچيلك ادموم الصحف والكتب
يابويه يابويه

گالوا يحيدر هلأمر مايصح
لوليل تبچي فاطمة لوصبح
زادوا على كل جرح مية جرح
چني غريبه أبين وادم غرب
بابويه يابويه

شگد ظمت الدنيا بغيابك الي
گلبي بمصايبها صفه مبتلي
سوت نهاري ليل ماينجلي
دنيا وَعليٌَّ للموت شدَّت حرب
يابويه يابويه

أيامي گربت يوم عني رحت
ياريت لحظه بغيبتك ماعشت
يايوم فگدك مثله ابد ماشفت
مامر عليه يوم مثله صعب
يابويه يابويه

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

لاستشهاد الزهراء عليها السلام. (وزن السريع)

الله واكبر يادواهي الدهر
اشتحمل الزهره من عذاب وقهر

أيام صعبات اللَّفن فاطمه
بفعل العصابه الظالمه المجرمه
بلوعه وعليله وناحله امهشمه
غربه ومناحه وعاديات الخطر

كل الوكت مهموم گلب ام حسن
من نايبه النايبه ايذبها. الزمن
بعد النبي ايام صعبه. لفن
والگلب مثل الضلع منها انكسر

العلزهره لوعلجبل چان انهدم
من اهل الظلم مايوم شافت رحم
ولابيهم المكسور گلبه. وندم
ولابيهم الحس ابذنب واعتذر

وين الزچيه تروح من هَلْمِلَلْ
الخانوا ابوها وجفوا خير العمل
حصتها منهم بس مرار. وعلل
وگلوب أبد متلين مثل الحجر

القالع الباب الي بديه انرفع
بابه على ضلع الزچيه اندفع
صابر على المحتوم ابد ماجزع
صابر على الحال اليذوب الصخر

الغصبوا فدك معروف چان السبب
وحق الوصي يوم السقيفه انغصب
والهجموا على الدار. وَجَوّا حطب
نفس الي گالوا على الهادي هجر

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

لشهادة الصديقة فاطمة الزهراء عليها السلام (ميمر)

لحدمن يصب دمع العين. يافاطمة المظلومه

روج الصبر ياخذها ويرد بيها
بشوغات يم دار النبي يوديها
دار الحبايب. وگفت تناديها
يادار يمته يگعدون. طولوا اهلي النومه

صاحت اظلوعي بلاذنب مكسوره
يادار طه. اليوم مامعذوره
صرتي خليه بلااهل مهجوره
وجروحي مايوم اطيب. من كل كتر ملچومه

گوه تشيل الجدم وصلت بابه
حرگت جفنها دموعها السچابه
متعجبه مامرها القدر بغيابه
المن تظل ابهلحال طول الوكت مهظومه

الماقاري احكام النبي ويفهمها
باحكام دين المصطفى ايعلمها
يسلب ورثها غايته ويحرمها
من هلظلم والشوغات. أركان الگلب مهدومه

حرگوا سكنها بياذنب مطلوبه
اطفال من هول الحصل مرعوبه
وامهم تون على المتن مضروبه
يابويه نادوا بحماك . وينك ياسبع الحومه

العن الاول ربي ثم الثاني
الخلوا الزهره من المصاب تعاني
لارحمه عدهم لاعمل انساني
باسفل درك من النار. وجوه الحقد مشئومه

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

لاستشهاد فاطمة الزهراء عليها السلام

يادهر وين الحميه. من اجيت شلون جَيَّه
حاربت روح الرساله. عذبت گلب الزچيه

ياهو دلَّاك وعرفته. بيتهم بالشر وصلته
بيت يمطفي شمعته. راحت ايامه الزهيه

المرتضى للموت ناره موحشه من صفت داره
شحال كل ساعه بنهاره. اشحال ساعات المسيه

يادهر مثل الاعادي. للحرب جيشك ينادي
من خذت بضعة الهادي صَوَّبْت حامي الحميه

يادهر عَذِّب البضعه. مثل طبع الگوم طبعه
بيت مافارگ الدمعه. عياله ونتهم خفيه

ادري موصدفه يدهري. تعمدت واهواي تدري
تريد دمع الزهره يجري من الكسر حد المنيه

يادهر مالك عداله. حاربت أهل الرساله
ورافگت أهل الضلاله عسكرت وي جيش أميه

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

نعي للزهراء عليها السلام

انصاف ماله الدهر من زمرته الظالمه
فوگ المصايب حمل شافت هظم فاطمه
من يوم گالوا هجر طه المرض لازمه
عافوه بلايه دفن بس يمه حامي الحمه
ومن يوم سلبوا فدك منها ابحجج واهمه
ومن يوم لم الحطب وضلوعها امهشمه
شلون من الجره علارض ضلت سمه

الشاعر حسن لعيبي الحريشاوي

 

 

لطميات استشهاد الزهراء مكتوبة

 

 

اللهم صل على محمد وال محمد وعجل لوليك الفرج

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ـــــــــــــــــــــــــــــــــــــــــــــــــــــــ

ابوذيه للزهراء عليها السلام

عنيد الوكت متأكد وراهن
الجعل ايامها الحسره وراهن
شوكت يبني منايرها وراهن
المهدي لحظره الزهره الزجيه

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

لاستشهاد الصديقة الزهراء عليها السلام

فاطمة يافاطمة يافاطمة
ضَيَّعُوهَا. ولَّوعوُها. ومارعوها
فاطمة يافاطمة يافاطمة

****
توالت عليها المحن مطرت عليها
الحزن من بعد الاهل شمخلي بيها
تشگف سياط العده ظلت بديها
تبيع بيها الدنيا ليش وتشتريها

غربتَّها حيرتَّها وعذبتَّها
فاطمة يافاطمة يافاطمة

*
علربيع شعجّل الشيب وعذابه
بالزجر صار الزمن لهجة خطابه
لچمة تندل لچمة من حرگة غيابه
يوم ابوها هجمت الگوم على بابه

ياجمرها. ياصبرها و ياكسرها
فاطمة يافاطمة يافاطمة

****
مانساها الحزن ماتّيه دربها
والشكه ونتّها والجّرح گلبها
والغصب منها المواريث وغصبها
شكثر الله ستر دنيا وماگلبها

حاربوها وعذبوها وارعبوها
فاطمة يافاطمة يافاطمة

*
ظالم ابوجه الزچيه صوته يعله
ماالچ ميراث گاللها وتگله
بياقوانين وشرع حكمك واصله
الماتقبله عليك ولغيرك تقبله

مارحمها ومافهمها من ظلمها
فاطمة يافاطمة يافاطمة

**
نظره علتاريخ ياهو العنده نظره
وكل عذاب الي جره اعليها يفسره
ليش ماتت فاطمه وبالكلب حسره
وليش بالسر تندفن فاطمه الزهره

يادمعها ياصدعها ياضلعها
فاطمة يافاطمة يافاطمة

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

نعي للزهراء عليها السلام

كسرظلع الزچيه وحال علتها
وعظم فگد الجنين ونار سطرتها
دليل على العدة بالحشر محنتها
ومحنه على النكر تهدر بلاغتها
وباب الويل لهل الويل دمعتها
حطب للذله صار الراد ذلتها
رد كيده على نحره الزاد شوغتها
على الخالق عزيزه شعظم هيبتها
بگلب حيدر جرح ينعي مصيبتها
يروح الماسلت من مشت سلوتها
ويعين الماغفت من بعد روحتها
يادار اليطبها وطفت شمعتها

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

قصائد استشهاد الزهراء (ع)

(قصيده للتشييع)
……………………………………………………….
فاطمــــــــــــه يافاطمــــــــــه
………………………………………………………..
نبچــــي ونــــون ضلينـــه فاطمه يافاطمه
مصابچ تـــــــــره يأذينــــه فاطمه يافاطمه
الحـــزن بـيـــــــن بـيـنــــه فاطمه يافاطمه
مصـابــچ فـــــــلا ناسينــه فاطمه يافاطمه
مودمع نبچي دمـــــــــــــه فاطمه يافاطمه
…………………………………………………………
فـــــراگــچ تــــره اذانـــــه فاطمه يافاطمه
نبچــــي ونـــــــون خلانـه فاطمه يافاطمه
وحشـــه أصبحـت دنيانــه فاطمه يافاطمه
چـــــي أنتي مـــو ويانــــه فاطمه يافاطمه
الـدنيـا صـارت مضلمـــــــه فاطمه يافاطمه
……………………………………………………….
مصابـــچ أبـــد مـــــانـنـساه فاطمه يافاطمه
بالگلــــب عايــش ذكــــــراه فاطمه يافاطمه
يامحلــى أسمــــچ طــــرواه فاطمه يافاطمه
أسمـــچ يـزهــــره شمحــلاه فاطمه يافاطمه
بگليـبـي أسـمــــچ راسمـــــه فاطمه يافاطمه
…………………………………………………………
الأرض حــــزنانــه وتــــــون فاطمه يافاطمه
لمصـيـبتــچ يــم الــحـــــزن فاطمه يافاطمه
الحسين يبــچـــي والحسـن فاطمه يافاطمه
دمعاتـه عالخــــــــد هالجرن فاطمه يافاطمه
الأرض تبــــچـــي والسمــــه فاطمه يافاطمه
…………………………………………………………
احبابــچ أنتــي هـــــوايــــه فاطمه يافاطمه
يبقــــون الــــچ وفـــــايــــه فاطمه يافاطمه
كل سنـــه عـــدهــم غايــــه فاطمه يافاطمه
يسوولـــــــچ انتـــي قرايــه فاطمه يافاطمه
دوم المـــجـالــس قائمــــــه فاطمه يافاطمه
…………………………………………………………
الشاعر

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

قصائد استشهاد الزهراء (ع)

(قصيده للتشييع)
…………………………………………………………
اليوم نعـشـچ فاطمــــه يشيعونه
اليـوم كل احبابـــچ يحضــــرونه
…………………………………………………………
اليـوم اجينــه نشييعـچ يافاطمه
مودمــــع لمصيبتچ نبچي دمـــه
وبهالمصاب نواسـي حماي الحمه
اليـوم احبابـــــچ تـــــــون مألمـه
مصابـچ انتــي مـــوسهل يدرونه
…………………………………………………………
لمصيبتـچ هاليـوم گلبــي منفجـع
ابـچــي بحـــرگـــــه ويهل الدمـع
نعشـچ بهاليـــوم شاهـــدتــه طلع
مانسيته مصابــــچ وكســر الضلع
مصابـچ أنتـي الشيعه ماينسونــه
…………………………………………………………
لمصيبتـچ يافاطمــه يـم الحســن
نبچـــي بحـرگـــــه ونادي ونـــون
شيـعتـچ هاليـــوم لافيها الحـــزن
أمن البواچي عيوني يافاطم عمن
بمـوتـچ أنتي هالعــــده فجعـونــه
…………………………………………………………
أحبابـچ لتشييعـچ أنتـي حاضريـن
اونعشـچ اعلـى الراس هـم شايلين
يشيعونـــچ اجــوا هايـم الحسيــن
وبهالمصيبه يـواسوا امير المؤمنين
بمصيبـتچ حيــدر علـــي يواسـونـه
…………………………………………………………
نعشـچ اعلى الراس شالوه الاحباب
مـوسهل فــگـدچ يافاطم والمصاب
صعــــب فگـدچ والجــرح لاماطاب
والگلب بمصيبتـچ يالزهــــــره ذاب
احبـــابـــــچ أنتـي نعشـچ يشيلونـه
…………………………………………………………
الشاعر عماد محمد الدراجي
ا

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

اركض اجيت ابلا وعي… .وام الحسن تنعه نعي

بعروگي جف دمي…واتعثر ابهدمي …طول الدرب

★★★★★★★★

اركض اجيت ابلا عگل والدار منهوبه الدار

ابچي مثل بچي الطفل وبيه يسكتون ازغار

محترگه عتبة فاطمة وبگلبي شيطفي النار

لمن وصلت المنزلي اهنانه صحت ياستار

ياربي طاحت فاطمه….چا المن امخلي السمه

جبريل اجه يمي……واتعثر ابهدمي… طول الدرب

★★★★★★★★

حافي اجيت اركض ركض والگاع مزروعه ارماح

بالمسجد اوجاني الخبر جبريل ناداني وصاح

شمتاني گاعد ياعلي والمحسن ابابك طاح

مرتاحه فاطم لا تضن والعدوا ابيته اومرتاح

 

جبريل اجه وجايب چفن… . كاتب عليه لم الحسن

اهنا تيهت اسمي…… واتعثر ابهدمي…

طول الدرب
★★★★★★★★

غاب البدر من السمه ومن بيتي المحسن غاب

وتفرهد احجاب العرش من فاطمة طاح احجاب

هذا التراب ابني صبح وانــــه اليسموا ابو اتراب

وتفاجئـــة لمن شفت دم فاطمة ترس الباب

 

كون الله لا ينطي الرجس… ..بالحايط اموت الشمس

وبفاطمه همي… ..واتعثر ابهدمي… طول الدرب

★★★★★★★★

ظهري انكسر وانه الگبل بچفوفي مكسورة اضهور

يم بابي واگف منحني يشبهني سيفي المقهور

دم فاطمه ترس الارض ضلع السمه چن مكسور

وحسين وي زينب بچه واتخيلت حل عاشور

گتلهم اشصار وجرة… .گالولي امنه امكسرة

ابيتي انذبح حلمي …… واتعثر ابهدمي… طول الدرب

★★★★★★★★

لا گتني فضه امفرفحه وگالتلي ياوسفه وحيف

طبوا البيتك ياعلي وجبريل چان ايطب ظيف

ماتن اطرافي وسلهمت چن عايش ابعالم طيف

گالتلي عصروا فاطمه وگتلهم انطوني السيف

لچن ذكرت ابهالامر……گلالي ابو الزهرة اشكثر

أصبر يبن عمي… ..واتعثر ابهدمي… طول الدرب
★★★★★★★★

لمن وصلت ام الحسن يمها انحنيت ابلا راي

گتلها يافاطم وسف يـــم النهر يعطش ماي

وي كسرة اضلوعچ تره ايبين الكسر من مگفاي

اسعد بشر فوگ الارض عشت العمر وانتي اوياي

 

بس هسه روحي امحيرة… ..وحافي اطب للمگبرة

جرحي وصل جدمي… ..واتعثر ابهدمي… طول الدرب

★★★★★★★★

ــــــــــــــــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء ❤

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

نزله نجفيه
لذكرى شهادة سيدة نساء العالمين
السيده فاطمة الزهراء عليها السلام
……………
أبيا ذنب يم الحسن يا فاطمه
منج أثنين الضلوع أمهشمه
أو ساكط عالكاع غارك بالدمه
أو عينج أبسطره النذل عاميها
…………….
يوم أبن صهاك لصله أو مرضعه
عاود أو باب النوايب شرعه
صرتي أول فاجعه أو يافاجعه
ابمهجته المولى علي خافيها
…………….
يا بنت طه أو خديجه الطاهره
أشمالها أوياج السقيفه الغادره
سوت المحد أبد يتخاطره
أو غارك أبدم الجرم داعيها
…………….
ليش غصبو حقج أبنحلت فدك
ليش جف حيدر علي أبحبل أنشبك
ليش محسن حملج الزاكي هلك
ليش زينب يتمو تاليها

أبيا ذنب يا فاطمه شعلو حطب
أو عاملوج أبكل أساليب الغضب
بين باب أو حايط الحيل أنصلب
أشحليها التوها أفكدت غاليها
……………..
واه وا ويلاه بسمار الصدر
أشحملج شوغات يابنت الطهر
يا عذر لهل السقيفه بالحشر
حتى ينفعها العذر تاليها
…………….
شفتي يا ويلات يا زهرة علي
أو قنفذ أبسوطه أعله متنج يعتلي
ولولي أبصوت النوايب ولولي
أو شيعتج بمصيبتج واسيها
……………
خادم أهل البيت
الشاعر : أسماعيل الجوراني
الثلاثاء : //

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

((روحي خادمه))

 

النــعمه أصلـــها فاطمه
والرحمه روحي خادمه … المولاتي

****

فظل من الزجيه اذا تلطم اديه
واذا بالمجلس آنه چبيره النعمه بيه

چبيره النعمه اذا أحضر مجالس
ممنون وصــرت بالدمعه فارس
اشگ الثوب مـو ألا آنه مجنون
أقلد مرجعي المــجنون عابس

والـــزهره أمـــي عالمه
والرحمه روحي خادمه … المولاتي

**

عبد مخلوق لجلچ أبد ما أنسه فضلچ
بعثتي بجسمي الروح وتكلميني وأكلمچ

كلام دموعي مايخلص محاله
وســاطةْ گلبي يمْ رب الجلاله
أدور بس رضاچ وماردت ناس
ولا گـــلبي ألـــــچ بطل سؤاله

بـس الســـؤال مكتـنمه
والرحمه روحي خادمه … المولاتي

**

نعمتچ بيه فاضت وبالخيرات بانت
هواچ البيه موجود وأنفاسي تعالت

بتــراتيل العــشگ رتلــتچ الروح
وأحث الناس عالدمعات والنوح
أگلهم فاطــمه ضلت بــــلا حيل
چم مره تشوف حـسين مذبوح

صرخاتي للـظل بالدمه
والرحمه روحي خادمه … المولاتي

*

سرور الروح انتي وعذابي ويا دمعتي
وتقاسيم الجراحات وحضرتچ وبصفنتي

ألـــچ باني بخيالاتي ضريحين
مناره وگبه تشـــبه گبةْ حسين
ومشـــايه ومواكب والشعارات
أنه أنْدل الضريح وماگلت وين

موجوده يم حامي الحمه
والرحمه روحــي خــادمه … المولاتي

**

نضرتچ تسوه جنه وألف جنه أعله جنه
نخيت احسانچ الفاض على الوادم محنه

حنينه وما شفت مثلچ حنينه
اليدگ بــابــــچ أكيد أتوجبينه
يامولاتي بـــابچ داگــــه بروح
اريدن عمري بيچ تفض سنينه

مولاتي انتي الحاكمه
والرحمه روحي خادمه … المولاتي

 

 

عبد زينب
محمد الابراهيمي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

(ضاع العمر)

ضـاع العمر مـن فـارگـت اربع ولد
ضـاع العمر وأعـرف ضعنهم مايرد

يـاخـذ كـلامـي لنينوى
بدموعي وصيت الهوه

*—————*—————*

مستعجل أيمر الهـوه وحسيته قـاصـد نينوى ووصيته
نسماته مارجعت ألي أتـنـطـر ودمـعـي أيهلي أشـتاليته
بالغربه دلالـي أنكسر حـسـبـالي يرجعلي بخبـر تانيته
راح وتركني بحسرتي وأخر وسـيـلـه لـغـايتي خـليته

مـاظن بـعـد يلتم شملنه وننجمع
مـاظن بـعـد أيـودّع العـين الدمع

مايحصل لـجـرحـي دوه

*—————*—————*

أحلامي ماتت بالغرب خـلـوني وبـعيـد الـدرب ولياني
حـتى النسيم بنسمته حمّلته قصتي بـروحته وخلاني
بـيـن المدامع والحزن يـومـيـه امـوت وأندفن بحزاني
احـبـابي راحوا لـلأبـد يـامـوتـي وشعندي بعد شمتاني

حكم الـقـدر خلاني أنوحن بالحزن
حكم الـقـدر مـانـامـن الليل اليجن

شـيـصـبّـره الگلبه أنچوه

*—————*—————*

وحـشه الديار ومظلمه ومعاشره انجوم السمه وأتناهم
ازرع أمل وحصد هجر وظنونـي ضـلـت تنتظر ملگاهم
خـلـونـي ما أنگل جدم اتـلاگه يـاريـت بـحـلـم ويـاهـم
ماحسبت يوم أفـترگ وبنار الفـراك احترگ بـجفـاهم

غـاب الأمـل وسنيني صارت تختلف
غـاب الامـل مـاضـلـي بالدنيه ولــف

أتـنـطـر وحـيـلـي خــوه

*—————*—————*

شيصبره گـلـب الوالده وأربــع ضـيـاغـم فـاگـده أدريـهـه
بليله وضحاهه اتغربت لـهـذا الجره ماحسبت أحـچـيـهـه
ضليت أسـولف وحـدي والـعـبـره بـالـهـم تبتدي وأجريهه
أتـــذكـر بـيـوم أرتـحـل وحادي الظعينه بالعجل يحديهـه

راحـوا سـوه ومساهره الليل وصبح
راحـوا سـوه ضـلـيـت أكـابر بالجرح

الـثـكـلـه والمـيّـت سـوه

*—————*—————*

ماادري شيريد الزمن غـيّـب شـمـلـهـم والـظـعـن عليه
مـحـد يـروح لكربـلـه ويـاخـذ كلامـي أيوصله أشبديه
بگلبي خليت الحچي أتـعـذب وأشـبـع بـچـي المسـيـه
أتأخرو عني أشعجب مـا أعـتـب وأدري الـعـتـب أذيـه

كلشي أنتهه وأتخيل الموت أقترب
كلشي انتهه والمأتم بروحي أنصب

معلعله وجـفـنـي أرتــوه

*—————*—————*

راحوا خبرهم مـارجع وأتحسس بروحي الوجع علامه
بحالتي مدري أشجره هـاجـس مـريـر اتـصوره بختامه
الـدنيـه ظلمه أتحولت وأول عـلامـات أبـتـدت ظـلامـه
أدري الهجر مـاينحمل صـابـتني بغياب الشمل سهامه

جرح الگلب مـايـنـسـي ويترك أثر
جرح الگلب داويته بدموعي وكبر

أمـكـابـر وعــودي الـتـوه

*—————*—————*

✍خادم ام البنين ع
الشاعر رعد الچريخي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

ختمت عزائچ بدموع.. يالزهره انتي الموضوع
بتلث روايات.. بتلث روايات
……
شويه بس اتلاثه كون اتلاثين
والنعمه بيها ابمجلسچ وتحضرين
بياحاله بيهن يم حسن من تبچين
انتي المعزه مدري انتي اتعزين
صوت اللطم طگ ضلوع.. يالزهره انتي الموضوع
بتلث روايات
… ..
تستاهلين بكل كتر مجلس كون
وبكل شبر موكب عزاء اينصبون
انتي المصيبه البچت اعليها الكون
مودمع نبچي الخاطرچ كون عيون
ناعي المصايب مفجوع.. يالزهره انتي الموضوع
بتلث روايات
……
يم المصايب والمحن والالام
حگ الله هذا ويرضه بيه الاسلام
تبقه عزيتچ عام والحد العام
حتى الليالي الخاطرچ عيب تنام
جرح المأتم موجوع.. يالزهره انتي الموضوع
بتلث روايات
…… .
مو حقچ اتلاثه روايات النوح
طفچ چبير وبيها محسن مذبوح
حرگ المخيم اشوه من حرگ الروح
گلبچ لون ضلعچ يزهره المجروح
ون اليتامه مسموع.. يالزهره انتي الموضوع
بتلث روايات
…… .
ماضن چثيره اعليچ نتحمل هم
كون السواد اعله الخلگ يتعمم
اسكثروها اعليچ ننصب مأتم
ونتي الزچيه الكون نبچيها ابدم
گلب الموالي مشلوع.. يالزهره انتي الموضوع
بتلث روايات
……
علي الحاج الصبييحاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

من كافـــــــــــل بلـــدنه السيد محمد
إجيناك ابتعــــازي دمـــوعنه عالخد

يبو فاضـــــل إجينه مـــــــن بلد يمّك
تعازينه نقـــــدمها بوفــــــــــــاة امّك
ونقسملك قســــم بچوفــــــك وأسمك
حزنّه عالوفيـــه دايــــــــــم وسرمد

مأتمها نعقـــــــده جينـــــه وبصحنك
نواسيك ونــــــون احنه مثـــــل ونّك
ومصيبتنه وحزنّــه يشبـــــه الحزنك
على أم الوفــــــه برواحنـــــه أتخلّد
*
إجينه المرقدك بدمــــــــــوع همّاله
وحزن ما ينوصف يشرحلك الحاله
حالة كــــــــل فـــــرد گبرك تعنّاله
جمره بنص فــــــؤاده عليها تتوقد
*
عهد معهود هذا بكل سنه وكل عام
نتعنّه الحضرتك بالعـــــــــزه خدّام
ننصب مأتم امّــــك لا بسين احرام
ثياب الســود نلبسها ونجي المرقد
*
رايه الحضرتـــــــك بيدينه جبناها
بأسم أمّــــــــــك يبو الغيره تلكاها
بيها كتبنه كــــــــل حاجه طلبناها
وندري بيك انت مــــــــا ترد أحد
****
حتى اللي مخالــــــف انت مترده
يجيـــك ويطلب الحاجات وتسعده
حاشه اتردنــــه والله وبابك اتسدّه
تنطينه شطلبنه نقــــــــــداً وباليد
****
من صحنك ندبنــــه الواحـد الدايم
يعجّل طلعتــــــــــــه للغايب القائم
خل ينهي الظلمنه وينهي كل ظالم
وكل واحـــــــد علينه جار وتمرد

 

الشاعر
قاسم حتروش البلداوي
خادمكم
أسالكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ
مجلـــس عزائي بهاليوم أنصب عــــــزاء المظلوم
وتحضر ويايه الزهره
المذبوح ضامي وعطشان وضل عاري فوگ التربان
ننجمع لجله ونقره
نقراله لطميه ابكل حسينيه
*
عن نفســـي احچي مختصر ابخدمة علي حظي كبر
وبخدمــــة آله
سارت بدمــــــــــي امحبته وحبيت ولـــده وعترته
شملني بدلاله
أبيت الوصي عمري گضه وما فارگت للمرتضى
ومجدي تلاله
ومــــــــن انجبت اربع ولد كل واحـــد بمجده خلد
شالَـــوْ خصاله
عبـــــد الله جعفــر عثمان كلهم أســـود وشجعان
بالحومه وگت الشده
وعباس سقّاي الماي عمري وضواي ورجواي
بچفوفه سجّل مجده
ومن يمر طاريه ابكل حسينيه
***
مـــــــن خدمتي اني ربحت يـــا شيعي شوف اشحصلت
من الكرامات
الله جعلنــــــــــــــي بقدرته بابــــــــــه وشملني برحمته
ماسدّه هيهات
لليوم ولهـــــــــــــذا الزمن بيدي جعل حــــــــل المحن
قاضيه الحاجات
حتى اللي رايـــــــــــدله ولد نال شـتـمـنّــــــــــه وأنسعد
حصّل الغايات
شما يطلب ومنّي يريد بس يرفع أيده منبعيد
أسمع وأدري شرايد
حتــــــــى المخالف ميعود الا بكــــــــــرم مني وجود
بأذن الأله الواحد
حاجاته مكضيّه ابكل حسينيه
**
كــــــــــل خــــادم اني اقبله حاجات مـــــــو حاجه أله
مني هديه
الصـــــادق وصافي بنيته جـــــــــواري يعيش بجنته
وجار الزجيه
واللي اشاهــــــــــد دمعته تجـــــــري وتلالي بوجنته
في كل عزيه
لجل الحسيـــــــــــن ومقتله ويعـــــزي اخته وكل هله
بأعظم رزيه
متمسّه لحظـــــه النيران لا والله لا مــــــــــو خسران
ليبچي لحسين ويومه
ليواسي حامــــــــي الجيران بالحشر فايــــــــز ربحان
تنزاح كل همومه
وذنوبــــــه ممحيه ابكل حسينيه
**
من مأتمي وهــــــذا العزه مجمـــــوعه احنه فائزه
ابكل المشاوير
والينــــــــه آل المصطفى وغذونه حـــب وعاطفه
من غير تقصير
ابحب الوصي حيدر علي كل همنه ميضل ينجلي
لا والله منحير
نشكر البــــــاري ونعمته لشملنه حبّــــه ورحمته
واجعلنه بالخير
عالنعمه هــــــــذه وقربان واجب نقـــــدّم برهان
سجدة شكر نسجدله
لجعلنه من الخدّام طول العمر وشما دام
للنبــــــي طه وأهله
وتبعنـــــه مهديه ابكل حسينيه
****
مجلس حسيــــــن ابكل زمن بي حاضـــره ام الحسن
يجري دمعها
مفجوعــه وبكسر الضلع وعالوجنه اثــــــــار وطبع
چف الصفعها
تنوح وتــــــــون بي فاطمه لو نعـــــــه الناعي بمأتمه
صوته فجعها
ولو قـــــــره قصّة مذبحه يلچــــــــــم كلبها ويجرحه
ايزيّد وجعها
ايهيج جرح يـــــــوم الباب لو كــــــال الحسين انصاب
والخيل رضّت صدره
وتذكر المحسن من طاح لو سمعته نــــاح وصاح
ياويلي كطعَوْ نحره
والشيبه مدميه أبكل حسينيه
****
اوصيكم بهـــــــذا المسه بأم الحسن خيـــــر النسه
وبحسين ابنها
بكل مأتـــــــــم إلها ينصب دمعــــات عينك خل تصب
ون اعله ونها
واحضــــــر بمجلسها ابفخر وبقّــــي إلك بصمه واثر
وصير بضعنها
وطيلة ليــــــــــــالي فاطمه وبأي مصيبه قادمه
شارك محنها
واللطم مــــــــن اجل حسين ليكون شهـــــــر وشهرين
خلّيه دوم أبفكرك
تخلـــــــد وتصبح مشهور مـــن تحيي ذكرى بعاشور
يزهي وينوّر كبرك
لو جبت طاريه ابكل حسينيه
**
دكينه بابـــــــــــــــچ نرتجي المهدي مـــن غيابه يجي
ويرد علينه
طوّل غيابـــــــه وغيبته وعادتنه كـــــــــل العادته
بلوه ابتلينه
مــــــــا عدنه غير المندعه يا رب يعــــــود اترجعه
يجلي اللي بينه
هــــــــــذا وضعنه ينصلح مـــا يبقه هم ولا جرح
طيلة سنينه
ابّابــــــــــــچ يأم الخيرات تدعيله كـــــــــل الأصوات
يا ربي عجّل امره
ونريد كــــل أحنه وياه لـــــــو رد علينه وشفناه
يحكم الكون بأسره
ندعيله يوميه ابكل حسينيه

 

الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

 

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

ليش جثه عالارض متمدده
گومي يمه يالعزيزه الوالده
@@@
يالترستي البيت ألطاف وحنين
انا شبر يمه واگبالي الحسين
مغمضه عيونچ ولا تتنفسين
او وجهچ الابيض جفونه امسوده
@@@
هالجرالچ عالخواطر مايمر
يوم لذتي اباب دارچ للستر
گاموا ايعصرون ضلعچ للكسر
وعالعتب طحتي على ضرب العده
@@@
چنه باب الدار هالگلب احترگ
وعلى بسمار انحمى صدرچ علگ
وحسچ انسمعه بدخاينها شهگ
وصدرچ ابلجدار حيل اموصّده
@@@
طاح محسن وانفلگ مثل الگمر
يوم ذاك ابرفسته طگچ قهر
وقنفذ ابسوطه توله عالظهر
وانتي بين ارجال طحتي امن السده
@@@
مكتفه ابضلعين من صدرچ هشم
ومكتفه وبطنچ يرفسه بالقدم
گام وابچفه على وچهچ لطم
ولولو قرطچ عالارض بالدم نده
@@@
يعرفونچ انتي بنت المصطفى
ليش يامر قنفذ ابذاك الجفه
حتى شفنه ساعدچ ازرگ صفه
وعالعتب طحتي ضحيه اموسده
@@@
مانفع وياهم الود والگرُب
بنت احمد واشبعت طگ وضرب
يمه ضمينه ترى الفرگه صعب
ماتعودنه چف بنت الهدى
@@@
يا أميره ألباسها غالي الثمن
ماتخيلنه نشوفچ بالچفن
يمه حلفچ بالحسين او يالحسن
كلمينه انروح لجدامچ فده
@@@
علي احمد الحمود
٦-١-٢٠٢٢
شهادة الزهراء ع

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

ألبس أثياب العزيه
عالجره أباب الرزيه
وانته وارث فاطمه الزهره الزچيه
@@@
جينه يمك يابوصالح يوم ذكرى الزهره
ننصب الليله عزانه للقضت منقهره
ألبس الأسود رزيه وانتعي المنعصره
وألطم بمجلس عزائك عالضلع وي كسره
…
حاضره انته يابوصالح
وبيك مجروحه الجوارح
ندري دمعاتك على خدك جريه
وانته وارث فاطمه الزهره الزچيه
@@@
جينه يمك وابدمعنه نشاركك يالحجه
والقبول ابهالمدامع يالولي نترجه
نذكر اباب الزچيه ابنار صارت ضجه
والدفعها الباب ظالم نزف حتى المهجه
…
هذا بسمار المصيبه
للگلب وصل لهييه
والدمه صارت على حده نديه
وانته وارث فاطمه الزهره الزچيه
@@@
ندري هالأيام حالك عالحزن والدمعه
عيونك ابلحظة غفاها تشوف حال البضعه
محاوطيها ارجال صلفه اكثر امن السبعه
بكل جهه ضربه تجيها امن اللئيم او ربعه
…
هذا يوكزها بخصرها
وذاك يجلدها ابكسرها
طايحه تجري دمه فوگ الوطيه
وانته وارث فاطمه الزهره الزچيه
@@@
شلون گلبك يابوصالح وجدتك شتموها
وحيل خلف الباب تالي بالعمد هشموها
تصيح انا بت محمد لاچن او ظلموها
يعرفوها ورغم هذا بالأكف لطموها
…
ذاك من بابك حرگها
طشر ابكفه حلگها
وعالبطن ويلي رفس رفسه قويه
وانته وارث فاطمه الزهره الزچيه
@@@
بالبقيع اشحال گلبك للگبر تستلمه
تنوح نوح المامثيله والتراب اتشمه
تصيح مو سهله الرزيه والجرالچ يمه
تموتي يابضعة محمد والصدر متهشمه
…
بالحزن گلبه شجراله
المهدي والثار اعله باله
والنعي فطر افق حتى الثريه
وانته وارث فاطمه الزهره الزچيه
@@@
يوسف الزهره الالم بيك الألم مامثله
متاني يوم الثار تظهر والفقار اتسله
وخوش ذاك الي أذاها بالحكم تتوله
تعلگ الجبتين تالي مصلبين ابنخله
…
ويومها ابحر الظهيره
تاخذ ابثار الأميره
ومحكمه تسوي عليهم بالبريه
وانته وارث فاطمه الزهره الزچيه
@@@
علي احمد الحمود
٥-١-٢٠٢١
شهادة الزهراء ع

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

في اول ذكرى تمر لشهادة السيده الزهراء على زينب بعد واقعة الطف
ذهب العقيله لتنصب عزاء إمها عند قبرها بالبقيع فقالت بلسان الحال

ياصبر شايلته من يوم الوداع
بعدچ الدنيه صفت مُره وضياع
انطفت عين السمه
گومي يُمه فاطمه
انا ما اگدر على فراگچ
@@@
انا زينب بت علي أبو تراب
انا من شلت الصبر گد المصاب
وشايله اجروحي من ايام العذاب
وعلى بابي ماوگف نعي الغراب
…
جرح ضلعچ مابره ابرغم السنين
وزاد طبره وچبد ووداج الحسين
جروح كلها لاچمه
گومي يُمه فاطمه
انا ما اگدر على فراگچ
@@@
چنت بالباب واصدلچ وانتفض
وشفت ذاك الجاي مايعرف وعض

وحيل طگچ والصدر منچ يرض
وابرفسته طاح محسن عالأرض
…
صوت آهچ باقيه وتدوي السمع
وطگه طگه استمع كسر الضلع
وانتي طحته مهشمه
گومي يُمه فاطمه
انا ما اگدر على فراگچ
@@@
صغيره لاچن اوتعي كل الجره
وشفت قرطچ عالارض متناثره
ارجال كلفه اتجمعوا على مره
وانتي تحت السوط حرمه محيره

…
تشاركينه بالسبي وي الهجوم
تلومي حيدر وانا للكافل ألوم
وبالدموع الساجمه
گومي يُمه فاطمه
انا ما اگدر على فراگچ
@@@
بعد عينچ مابقه لزينب سلام
وشفت حيدر منطبر شهر الصيام
والحسن چبده وسهم چبد الامام
يمه بابچ محترگ چنه الخيام
…
يختصر بابچ قضيه كربله
وچنه محسن صابه سهم لحرمله
وهالرزايا امقسمه
گومي يُمه فاطمه
انا ما اگدر على فراگچ
@@@
ياللي صحتي فضه هم صحتي بأثر
علي إلحگ هاجمونه مو بشر
مثلچ أنا صرت انادي عالگمر
بس إجاچ الحيد وانا ما حضر
…
علي چان الگيد بوصيته وجب
وكافلي راسه من الضربه انخضب
مهشمين الجمجمه
گومي يُمه فاطمه
انا ما اگدر على فراگچ
@@@
بدارنه لمن اجت ربع الظلال
والعدل جروه بگيود وحبال
مثلچ انا طبت خدوري الرجال
وعالهزل مشونه بگيود الثگال
…
اي صحيحه امصابچ علينه أمر
بس مشفتي عالرمح شالوا نحر
والمتون امورمه
گومي يُمه فاطمه
انا ما اگدر على فراگچ
@@@

ياللي بالباب انتهضتي للستر
سمعي هذا الخله گلبي ينقهر
چنه خدچ خدي يمه منسطر
انتي من ذاك وانا ابچف الشمر
…
انتي رحتي لگبر بوالزهره أكيد
وانا ويلي اميسره رحت ليزيد
وبالخرابه المظلمه
گومي يُمه فاطمه
انا ما اگدر على فراگچ
@@@
يلي شلتي محسن ابگلب الحزين
انا شلت اشگد ضحايا امجزرين
يمه حيدر يمچ بحزنچ معين
وانا بس عواني راس ويالوتين
…
خل اگلچ والگلب بينه انجرح
انا شلت احسين والراس انذبح
جسد يطّافح دمه
گومي يُمه فاطمه
انا ما اگدر على فراگچ
@@@
علي احمد الحمود
٥-١-٢٠٢٢
شهادة الزهراء ع

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

شيعي وإلي للموت انتي الهويه
يا زهره يام حسين ارضي عليه
ورب السماء .. ليچ الولاء
وانتي الهويه
@@@
على حبچ تربينه وعرفنه في رضاچ الفوز
وعلى حبچ ختم حيدر وبعدها للنعيم انجوز
يمن برضاچ رضه الباري واقع بالقدر محروز
وكلمن يقهرچ خاسر مكانه في سقر محجوز
…
حبچ نزل قرآن فرض الموده
والخاصمچ للنار تالي مرده
ومنه البراء .. ليچ الولاء
وانتي الهويه
@@@
النبي گايل احاديثه وعليچ بأمته وصه
ولا خله فرد مره لمديحچ لو تمر فرصه
الدليل الواضح اينقلوه صحيح او ينروي نصه
اذن ليش الوديعه اتموت من غصه بأثر غصه
…
بضعة نبي عدنان بنته العفيفه
شافت ظلام الليل من السقيفه
ابجرح الضياء .. ليچ الولاء
وانتي الهويه
@@@
يقين الواضح وايمان عدنه امن العلى فرضه
صفه الباري على الترضين يبنت المصطفى يرضه
لذالك نوگف احنه وياچ ضد اللي الضلع رضه
ولا همنه حچي اللوّام عساه ابلومه يتلضّه
…
خل يعذل اللوام لومه اشيفيده
ضلع انهشم بالباب عدنه عقيده
يرخص دماء .. ليچ الولاء
وانتي الهويه
@@@
ذبنه بحبچ الطاهر يأم العتره والأطياب
وحجه انتي على الحجه يلب لكل ألي الألباب
شيعه وبالگلب مخطوط اسمچ من لعد لصلاب
وعقيده واضحه ومذهب مصاب الهل جرى بالباب
…
بگلب المحب معقود أمرچ يزهره
وضلعچ صفه أيمان وابروحي جمره
رحتي فداء .. ليچ الولاء
وانتي الهويه
@@@
إمام الكافره انعاديه ونصيح احنه تحت امرچ
ونردد كل مصاب الصار ياللي مختفي گبرچ

الهجم عالباب بصحابه وعليچ ابگوته ايعصرچ
يضل طاغوت وانلعنه رضاتًا ليچ ولصبرچ
…
بعد النبي شالصار وانتي الأميره
خل البشر يدرون ضلعچ كسيره
وانتي الرجاء .. ليچ الولاء
وانتي الهويه
@@@
مصابچ ما حصل مثله بأميره وخدها يتسطّر
انجرح خدچ ونزف ثغرچ وقرط بإذنچ تنثّر
ولا همهم وگع محسن جنين ابدمچ اتعفر
وبعد ازيد عليچ امصاب ابحبل جروا علي حيدر
…
ذاك (الوإن)من گال يدري بوصيه
لو ما الوصيه شچان ياذي الزچيه
ورغم العداء .. ليچ الولاء
وانتي الهويه
@@@
علي احمد الحمود
٤-١-٢٠٢٢
شهادة الزهراء ع

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

قصيدة بحق سيدتي ومولاتي فاطمة الزهراء عليها السلام

يا محمد ما مشوا بوصيتَك
من غُمَضت العين حرگوا بيتَك
*
ناس عافت دينها او رَدَّت جَهَلها
اشترت سوء أفعالها او باعت عَقِلها
خير ما بيها او يظل أسوَد عَمَلها
تنوخذ كلمة شرف بسّ امن اهَلها

لعنَة الله اعله الظِلَم ذرّيتَك
*
خلّصتهم من مسوخ الجاهليّة
او همّه جازوك ابكسر ضلع الزچيّه
مِستَحه ما بيهم او ذرَّة حَميّة
بس غُمَضت العيَن خانَوا بالوصيّة

او هاي ما چانت أبد أمنيتَك
****
ابعترتك وصّيتهُم شو حاربوها
دِفعوا الباب اعله بنتَك صوّبوها
ابحايط او بسمار عصروا أم أبوها
طيّحوا منها الجنين او عذّبوها

اوهيَّ قُدسيَّتها مِن قُدسيتَك
****
شعلوا النار او يريدون الصُميده
ايبايع الشيخ او يحط إيديَه بيده
اشلون مَلْك الكون ينصاع العَبيده
يحترگ بيته او ميْخضع لليكيده

علي شخصيته مثل شخصيتَك
****
أسد فاجئهُم او دافع عن عَرينه
او سيفه يتنطَّر إشارة من يَمينه
اوصيِّتَك نفَّذها بس روحه حَزينة
الفاطمة يبچي او بچت كلّ المَدينة

ابهالمصيبة حاضر اوياه ريتَك
****
امچتّف أخذو والوديعة ايصُب دَمِعها
خلفه طلعت تدعي رادَت من سِمَعها
گلها رجعي او صبري عالمحنة او هَلَعها
لَن إِجاها گنفذ ابچفّه صُفَعها

من صَفِعته حمرة عين ابنَيْتَك
****
بعد هاي الحادثة عاشت عَليلة
عينها اتضُمها عله حامي دخيله
ما تريده ايشوفها او تكسر دليله
ماتت ابهمها يطاها امّ العقيلة

اندفنت ابليل الحزن عافيتَك
****
الشاعر صفاء الخالدي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

خدامچ خدامچ يزهرا يزهرا
______________________

ضِعنه ابمتاهات الزمن
والدنيه متروسه مِحن
شفناچ يلزهره وطن يحوينه

يامن مودتها فرض
رغم النِكر والمعترض
انتي امان اهل الارض يحمينه

يافاطمه او جينه ابشغف
ندري ابخدمتج الشرف
والمدمع ابابچ ذرف يچوينه

أگلوب بمحبتچ تدگ
انتي اليعوفچ يحترگ
يا رافعه اطباق الزرگ قِبلينه
نادينه نادينه يزهرا يزهرا
______________________

بيچ النواظر هايمه
من يسوه غيرچ نخدمه
دنيانه كلها فاطمه معناها

يا نعمه يا ام النعم
أُمرينه وانگلچ نعم
شيب او شباب الچ خدم محلاها

فاز اليخدمچ واعتله
وامحصل اعله منزله
حتى الرسل ما توصله يتباها

اليخدم الزهره ولي
سلطان عايش معتلي
محبوب عند الله او علي عد طاها
يتفاخر يتفاخر يزهرا يزهراء
______________________

نحچيها وي طول الزمن
مو سهل حب ام الحسن
متروس شوغات ومحن يوميه

ضحينه خاطر هل ذكر
طاري الضلع ما يندثر
لا اسم فاطم ينحسر طاريّه

من كسرو اضلوع الطهر
قدمنه دم الهل عصر
وصارت مناحرنه اشكثر مفريّه

درب الخدامه مو ورد
مفروش من دم الوِلد
منّ الاوائل للحشد تضحيّه

يفدونچ يفدونچ يزهرا يزهرا
______________________

الخدام ليچ امعاهده
يل زهره وانتي شاهده
درب الخدامه انعبّده من دمنه

انطينه شبان اشكثر
حته المجالس تستمر
ابكل زمان او كل عصر حشّدنه

انطينه شايب بس كلف
كل شيبه منه تسوه الف
خلّه عدوه يرتجف شايبنه

دم المهندس والاغه
يتكلمن ابلغ لغه
أن الشهاده بالوغى مطلبنا

لعيونچ لعيونچ يزهرا يزهرا

______________________

قدمنه وانقدم بعد
شيب اوشباب او بلمهد
حدما نوافي بالعهد يل زهره

نهران ننطي من دمه
وتبقه المجالس قائمه
تنعه المنابر فاطمه بالعبره

ما تنسي خير النسه
البسمار لا ما ينسه
هذا النهج والمدرسه عل فطره

احنه مجانين العشگ
ابلايه مجالس نختگ
عن اللطم ما نفترگ لو مره

نقرالچ نقرالچ يزهراا يزهراا
______________________

ابكيفچ او بيدچ هل خدم
ما عدنه بس چلمة نعم
احنه بلياكم عدم يافاطم

من ايدچ لأيدچ فقط
عبيدچ آنه وهل رهط
الدنيه من دونچ قحط عل وادم

كلشي ابكياني امقدّمه
بيدچ . دليلي امسلّمه
وانتي الكريمه المُنعمه عل خادم

اعليه اعطفي واقبلي
خادم اعله اسمي سجّلي
بالفخر خليني امتلي اوما نادم

سجليني سجليني يزهرا يزهرا
______________________

ابو فاطمة الطائي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

هاذه الدعه
گلبي اصدعه
يلچم اجروح التسمعه
امن يجيب الزهراء ويجبر ضلعها الدامي ))
__________________________

امن يجيب العل وجه مسطوره
واضلوع عدها امصوبه او مكسوره
الزهره چن سبحه او غدت منثوره

هيه ابكتر
او محسن كتر
بيناتهم نار او جمر

سنديني يا فضه اتصيح توجعني كل اعظامي
__________________________

يا فضه ما شوفن بعد سنديني
ماشوف دربي من سطرني ابعيني
بهداي الزمي يمنتي او گوديني

او شوفي الطفل
بلچن عدل
اشذنبه او عليمن ينچتل
بلكت نفس بي تلگين وايرد يضوي ايامي
__________________________

اتوچّه بيد او حطّي محسن بيدي
يا فضه وينچ ارد اشم اوليدي
حاسبته عيدي او مني رايح عيدي

طوله ترف
او جرحه كلف
چا وينه او وين النزف
سباح گلبي المگطوع فوگ الترب جدّامي
__________________________
شو بيك يمه كل نَفَس ماحسّه
البسمار يبني الموّتك لو رفسه
يمه الرفسنه رفسته اشگد شرسه

رفسة چتل
ابرجله النذل
او يضربني ابچعب النبل
طحت او وگع فوگي الباب ما تنوصف ألآمي

__________________________

الباب فوگي او ما غبت عن بالي
وياك واگع عل الترب دلالي
ما عندي والي او لا الك ضل والي

مامش ولي
بس ضل علي
ابحبل الوصيه مبتلي
عينه تصد صوب السيف مثل النهر للضامي
__________________________

ابحبل الوصيه منچتف ضل حيدر
لا بيه يصبر لا يردهم يگدر
گدامو ضربو حرمته وهل منظر

يتلف بشر
لوعه وقهر
والادهه منها والامر
يدخل عليه وسط الدار البي امس متحامي

__________________________

ابو فاطمة الطائي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

شوط كربلائي للزهراء عليها السلام
(( التشييع الرمزي ))

فاطم شيعوها ابليل يا وحشة جنازتها
تشيّب الگلب گبل الراس يا شيعه مصيبتها
_____________________________

المن نشتكي الحسرات والهم المن انذيعه ؟؟
وديعة الله ذبحوها وما راعو هل اوديعه
مدفونه ابتوالي الليل نعشها خفيه تشييعه

ابجنازتها محد يحظر
بس المرتضى حيدر
يمشي ابهمه يتعثر
من كثر الحزن ويلاه ضاگت بيه الوسيعه

امتونه الچان تلوي اجبال گوه الليله شالتها

_____________________________

يشيعها ابگلب مكسور چن ضلعه الذي اتكسّر
يواريها التراب اشلون خافن يلچم الكوثر
بيها اضلوع مهشومه وبيها چم جرح خضّر

اشلون ايوسد الزهره
وابخدها اثر سطره
الله ابحالته ادره

علي من فل چفنها اشگال واشگد الها يتحسر

يبچي الحالته ابهل ليل لو يبچي اعله حالتها
_____________________________

يدير ابعينه عل زهره وايشوف الجفن ازرگ
علي ضاع الصبر منه ابعلو حسه بچه او يشهگ
يجرح الما امل منّه واصواب الفلا يعتگ

بالباب اوحدچ طحتي
ليالي امن الجرح نحتي
او هسا من علي رحتي

وتركتني ابگلب لهفان ياريت الگلب لا دگ

اشيحمل فرگة الزهراء ما تنحمل فرگتها
_____________________________

بقت حسرة علي الهل يوم او تورثناها هل حسره
علي ايشيل النعش وحده ولا فزاع الي ايحظره
هاي الشيعه يا مولاي او نريد انشيع الزهره

رغم بعد الزمن عنها
نعش رمزي نشيعها
او تهل الشيعه مدمعها

ابكل موطن حصل تشيبع وابكل گاع هل عبره

الخفيه اندفنت امن الناس جهار الشيعه شالتها

_____________________________

عهد يابو الحسن كل عام ابنعش رمزي نشيعها
ما نترك عزه الزهراء چلمه ابدم نوقعها
هاي اجنازة ام احسين للعالم نسمّعها

هاي الماتت ابعصره
هاي الطاحت ابسطره
هاي الطاهره الكبره

هاي اول شهيده اتموت والمذهب يودعها

تدافعهم عن الاسلام اوعن حگها او عقيدتها
_____________________________

كل عام اليمر ينعاد ذكرها والامر يكبر
الها ترتفع رايات ابكل شارع نحط منبر
وحگ جفن اليهل ادموم وحگ الضلع المكسر

مادام النفس بينه
ويه الزهره تلگينه
اولنه او توالينه

امن الزهراء للزهراء حد يوم الذي نحشر

ابلايه الزهره ما تسوه دنيانه او لا زينتها

_____________________________

ابو فاطمة الطائي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

امي اعله حب الزهراء من الزغر ربتني
امي اعله حب الزهراء من الزغر ربتني
_________________________

من الزغر يزهراء امي اذكر اتحاچيني
ما ناغت ابدللول چانت نعي اتناغيني
گالتلي لو ردت ابيوم ترضيني واتقر عيني
لا تنسه ضلع ام احسين ون ازيد امن اونيني

ماتت ضلعها مكسور الها انتحب وصتني
امي اعله حب الزهراء من الزغر ربتني
_________________________

الكسرو ضلعها بالباب بالك ابد تنساها
يوميه وكت الغروب الها انتحب وانعاها
خليني اضل بالدارين بيك افتخر واتباها
خادمها صير ابأخلاص خدمتها يامحلاها

جابت علگ بي مكتوب يافاطمه او شدتني
امي اعله حب الزهراء من الزغر ربتني
_________________________

گالتلي حِب الزهراء مو عن طمع لو غايه
اوخليها بذنك اتصير ترچيه موش احچايه
اتبع طريق الخدام لا تمشي وي كل رايه
الله او علي والمختار كلها تحب القرايه

مجلسها لتعوفه ابيوم بيها التزم حثتني
امي اعله حب الزهراء من الزغر ربتني
_________________________

يا يمه لو رايد جاه والوادم ايجلّونك
واثنعش واحد معصوم لو رايد ايحبونك
ابچي الضلعها المكسور خليها تجري اعيونك
صدگ ييمه اهل البيت وكت البچي ايعينونك

ابچي اعله خد المسطور ياسطرته الأ ذتني
امي اعله حب الزهراء من الزغر ربتني
_________________________

اشما طار واتعله الطير لابد يرد الگاعه
لا تترك الخدمه ابيوم للزهره قدم الطاعه
لو ساعه گالو واتموت اعقد عزه بهل ساعه
اذكر ضلعها باحساس چنك تعيش اوجاعه

او لترافگ المو بچاي واتگول ما حذرتني
امي اعله حب الزهراء من الزغر ربتني
_________________________

كل عازه لو مرت بيك مد الها انت اچفوفك
لتعوف خدمتها ابيوم فاطم ابد متعوفك
لا تهتم اتدور صيت خل الزچيه اتشوفك
الغير الخدامه لتشيل اهموم فوگ اكتوفك

هاذي الوصيه لتگول عل درب ما دلتني
امي اعله حب الزهراء من الزغر وصتني
_________________________

ابو فاطمة الطائي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

انجدد ويّه الزهراء عهد الخدام
نندب ضلع المكسور نبقه ابكل عام
مصابچ ما ننساه …. مصابچ ما ننساه
________________________

قسم بالكافل اخيته او هيبته واچفوفه
وحگ دمعات العقيله من مشت ملهوفه
مجلس الزهره الزچيه جنة الله انشوفه
انعوف هاي الدنيه كلها والعزه منعوفه

المن بالدنيه انعيش لولا الزهراء
منّ الاف خدّام لمّن للياء
اويلا واويلاه ….. مصابچ ما ننساه

________________________

ورث نتوارث خدمتچ الابو لوليده
واللي رايدله دليل انحط دليله ابأيده
مات چم ناعي او اجانه ابنه مجده ايعيده
باقي ذكرج للقيامه هيچي الله ايريده

نتوارث حبچ دوم .. من الاجداد
من سلمان اوعمار .. من المقداد
وابو ذر وبلواه مصابچ ما ننساه

________________________

من دمه المنحر كتبنه الفاطمه هل بيعه
امصاب ضلعچ ما نتركه او لا نعوفه اسويعه
انضيع ابيوتات اهلنه او مجلسچ منضيعه
يا درب الله او صراطه لليريد ايطيعه

ميزان الله الجبار … بيدچ محطوط
يامن بالعرش اهناك .. اسمچ مخطوط
واسمچ ما احلاه مصابچ ما ننساه
________________________

خدمتچ عدنه الهويه ونفتخر بس بيها
ادموعنه هاي اعله ضلعچ فاطمه النبچيها
تسوه گاع الله وسماها والتوسّط بيها
ريت عدنه اسنين نوح او بس بچي نگضيها

دمعه اعله اصواب البيچ … تطفي النيران
احسينيه البيها اونين … حبها الرحمن
شانچ الله العلاه مصابچ ما ننساه
________________________

بالسنين الي تجينه او بل سنه المگضيه
الغير اسمچ بالخدامه ما عقدنه النيه
امن الروايه للروايه نستمر تعزيه
ما يلمنه الكون كله اتلمنه الحسينيه

ايلمنه امصاب الزهراء .. مثل الخوان
نفس الاسود ملبوس … نفس الاحزان
نفس الحسره والآه مصابچ ما ننساه
________________________

لنحسب ميلادي احنه او لنحسب هجريه
والعمر ويه الزچيه انحسبه چم لطميه
فرض انتي اعله النواظر تبچي الچ يوميه
الما قبل هاي الفريضه عينه اضن معميه

الما يجري اعليچ ادموع .. مشكوكن بي
هاذه امن الشيعه اشلون .. عيب انسمي
لانه امعادي الله مصابچ ما ننساه
________________________

ابو فاطمة الطائي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

كل عوالمكم تراب.
وعالم الزهره ثواب.
تجي الأيام وتزول
وتبقى ايام البتول.
……………….١…………….

اسكتي يادنيه اعلكيفچ. انتي باب اشماكبرتي.
فاطمة رفضت تفتحچ. وانتي من عدهه انقهرتي.
صرتي وي أهل السقيفة. وظلع وياهم كسرتي حقدچ اعلزهره واضح ليش محسن مارحمتي

يالقتلتي ام الحسين
چا شني ذنب الجنين
والزمن كله يگول.
تبقى ايام البتول.

……………………………….

اليكتب أسم الزهره لازم. يحط فوگ الورقه گلبه.
واليجي المجلسهه يخشع . لأن يتنوعله ربه
الهوه طيب بالمجالس. المنبر احنه انشوفه كعبه.
امنيه لو نوصل گبرهه. ونصنع من ترابه تربه.

مثل تربت كربلاء
للسجود وللشفاء
صاح مدمعنه الهمول.
تبقى ايام البتول
……………..٣…………………….

الماتعيش بروحه فاطم. هذا ميت لايغرك
انته مخلوق الأجلهه. الهه بس مكتوب عمرك.
وي ظلعهه انكسر گلبك. كل دوه ماصح لكسرك.
غيرهه محد يفيدك من تضل وحدك بگبرك.

عالم الزهره حيات.
بعده ماتلگه ممات
كون. نعرف. هالأصول.

……………….٤………………

الف هنياله التوفق. يخدم بهاي المواكب.
فاطمة تحضر تشوفه. للخدم فاطم تراقب
مانفارگ هالمجالس. والعزه لحسين واجب.
اسم كل خادم تسجل. من حيه هاي المصايب

مانعيش ابلادموع.
ونذكر مصاب الظلوع.
نواسي زينب والرسول
وتبقى ايام البتول
………………٥……………………

شلون ننسه الضرب خدهه. والظلع كاسر گلبنه.
يجري للمحسن دمعنه. شنهو ذنبه اعليه نحبنه.
علصدر نلطم صدرنه. صابه بسمار ونكبنه
يرضا الله برضا فاطم. ويغضب الحسرتهه ربنه.

تبقه تنزف هالعيون.
علتصيح وماكو عون.
تنوح وتنادي العقول.
تبقى ايام البتول.

……………….. ………………..

حيدر موسى الرميثي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

فقد الزهراء ع

ياهضيمه/تمشي محني ياعلي
ياهضيمه/وين حيلك لوّلي
الزهره حالك غييرته
انت بس ماچنك انته
++++++++
اسمعنه عنك ياعلي ابهيبة جلالك
واگع بساعة خبرها الزهره اجالك
ابعثرتك والمسجد ايحن اعله حالك
مدري چم مره اوگعت وحسين شالك

ابعثرة بالمسجد للحد الدفن
جفنك اسود بالبچي الذاك الجفن
ابمشيتك مايل عله جرح المتن
عالوجه توگع مثل محسن لبن

ودعتها/الزهره لو انت المتت
ودعتها/من فگدها وشيبت
بالسمه هاتف سمعته
انت بس ماچنك انته
++++++++++++
فاطمه بدمعك سمعنه غسلتها
وفضه عن صبرك تسألك جاوبتها
ايدي مرّت عالضلع من غسلتها
وانلچم من ايدي واتون اسمعتها

حگي لو وي الدمع صبري همل
جرحي لتعداني والگلبي وصل
ابيتي ضربو فاطمه ودمها نزل
شلون ابوها لو نظر بنته وسأل

والمحمد/شاعتذر عن يا وضع
والمحمد/ترجع ابكسرة ضلع
ذابله ينظر وردته
انت بس ماچنك انته
+++++++++
وإحفرت لم الحسن حفره زغيره
ياعلي وهم اسمعت چلمه الاخيره
اوياي محسن وسّده بنفس الحفيره
مو ثگيل ويلچم اضلوعي الكسيره

عالترب من وسدت خد الورد
بي جرح ياحيدر ايلچمه اللحد
ايعينك الله حالتك تمرد مرد
بايدك إتهيل الترب عنها وترد

من عفتها/يمها روحك بالگبر
من عفتها/راجع ابلايه عمر
كلشي يم فاطم تركته
انت بس ماچنك انته
++++++++++
ليلة الوحشه عليك اهوايه شده
وبصحن دارك تون للغالي فگده
دمعك بكل حيلك ابخدك تـهده
وتمشي صوب الباب وعيونك تصده

بعده ما رايح صده ضلع انكسر
وتلگي اثر جدم انچوه بجمره وعثر
ودم عله الحايط تشوفه باقي اثر
وزينب اتفز لو بچيت امن القهر

تبچي زينب/وراسها اتمسحه بالم
تبچي زينب/چنها ماعدها خيم
همها نفس امها عرفته
انت بس ماچنك انته
+++++++++
روحك المكسوره ماباقي اعله حيلك
مو ظهر بس انحنه اعليها دليلك
ظلمه صبحك والسهر لمگضي ليلك
اتصيح وينچ فاطمه بس ماتجيلك

الليل رايح جاي واتزور الگبر
حسرتك بيها شعر بيها تجر
عالگبر مالي اسلم وانتظر
ماترد اعليها فاطم وانقهر

مانستني/حته لو ما جاوبت
مانستني/سمعت بصوتي وبچت
والدمع يحچي البچته
انته يس ماچنك انته

ثائر الربيعي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

قصيده بحق الخدم والخدمه
( خـدام الزهراء ع)

سجلينه خدام .. يالزهره لاتنسينه
يارفـعـة الـهـام .. غيرچ فلا حبينه
ـــــــــــــــــــــــــ ـــــــــــــــــــــــــ

خـدام ابـوالـيمـه
نتـصـدر الـقمـه .. بأعـلـى الرتب
بالخدمه سجلينه
يالزهره اقبلينه .. وقبلي الطلب
نـتفـاخر بحبكـم
يل الله ايدكم .. بأشرف نسب
يظل حبكم الاول
بغـيره فلا نقبل .. وعدنه السبب

مــايكـمـل اسلام .. حبكم شرط يهدينه
سـجـلينـه خـدام .. يالـزهـره لا تـنسينه
ـــــــــــــ ــــــــــ ـــــــــــــــ ــــــــــــ

بينه العشگ ثورة
حبينه عالفطره .. حب من صدگ
ويى الدمه اليجري
هذا العشگ يسري .. وگلب اليدگ
تعاهدنه وقسمنه
وناتـجنه والمـعـنى .. مانفـتـرگ
ياويل الـيـضـدنه
بـنـيـرانه بـردنه .. وظل يحترگ

عام والف عام .. حاضرنه يا ماضينا
سجلينه خدام .. يالـزهره لاتنسيـنه
ـــــــــ ــــــــــ ـــــــــــــ ـــــــــــ

سجلينه يالبضعه
اويه المهدي بالطلعه .. يوم الظهور
وبثارچ نـطـالب
وبالمحكمه نحاسب .. اهل الفجور
للسطروا العينچ
والذبحوا احسينچ .. وكل النحور
جنود الكم ونقسم
نـعـدل اذا نحـكم .. دنيا الـتـدور

مانخشى ظلام .. ونعاهد المهدينه
سجلينه خدام .. يالزهره لاتنسينه
ـــــــ ــــــ ـــــــــ ــــــــ ــــــ

بيچ النبي وصى
الله بكرم خصه .. حب فاطمه
العاداها مايفلح
وكل عمره ماينجح .. بالضارمه
خـدامـچ ونفـخر
يالزهره ياكوثر .. وحامي الحمه
مانـتـرك المـنهـج
يل نورچ اتوهـج .. من الــسمه

لازكى لاصام .. وبحضرتچ صلينه
سجلينه خدام .. يالزهره لاتنسينه
ـــــــ ـــــــــ ــــــــــ ــــــــــــ

اليترضى منريده
ومنصافح الايده .. خان البتول
عاللي جرا يجامل
وبلا سبب جاهل .. قول الرسول
خـلهـم يفـيـدونه
يوم اليحشرونه .. شعنده شيگول
عاف النبي واله
ويركض وره احثاله .. لا مو قبول

ويوالي الاصنام .. مايعرف ابدا دينه
سـجليـنه خدام .. يالـزهره لاتنسينه
ـــــــــ ـــــــــ ـــــــــ ـــــــــــــ

كل مجلس نقيمه
عند الله تعظيمه .. وعدنه نصر
الكلمن بغض نبغض
وغصبن عليه نفرض .. هذا الامر
شيعة ابواليـــمه
ننصر وعد امه .. ضد الكفر
لاناصبــي همــنه
والحب سرى بدمنه .. من الزغر

وكل هاي الايام .. تشهد فلا زلينه
سجلينه خدام .. يالزهره لاتنسينه

الشاعر فاروق الغنامي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

وداعـــآ فاطمه … وداعــــآ
وداعــــآ فاطمه… وداعــــآ
،،،،،،،،،،،،،،،،،،،،،،،،،،،،،،،،،

ابلا وداع شلون قررتي الرحيل
على افراگچ ياصبر يبقى جميل
هو بســمار اللي صابــچ بالدليل
صاب گلبي وبالگلب ماخله حيل

حياتي مظلمه .. وداعـــــآ
وداعـــآ فاطمه … وداعـــآ
،،،،،،،،،،،،،،،،،،،،،،،،،،،،،،،،،،،،

وسفه يالزهره تخليني غريب
وبالعمر يافاطمه يشح النصيب
هاي تاليها يظل وحده الحبيب
خله يرجع لو يطـــول بالمــــغيب

يناري مضرمه … وداعــــآ
وداعــــآ فاطمه … وداعـــــآ
،،،،،،،،،،،،،،،،،،،،،،،،،،،،،،،،،،،،

هاي زينب تبچي وحسين وحسن
غفله يايــــمه غدر بــــينه الزمن
انتي رحمه شلون كفالچ چفن
ادموم عيني مو دمع والله بچن

يحماي الحمه … وداعــــآ
وداعــآ فاطمه… وداعــآ
،،،،،،،،،،،،،،،،،،،،،،،،،،،،،،،،،،،

بعد عينچ جفني مايرضى ينام
وصحت يالزهره على الدنيا السلام
اليوم ازيل اليوم عن وجهي اللثام
والطم اعلى الراس ماحاجه كلام

واديه لاطمه .. وداعــــآ
وداعــــآ فاطمه … وداعـــآ
،،،،،،،،،،،،،،،،،،،،،،،،،،،،،،،،،،،

مايظل يالزهره معنى الها الحياة
وريت يم حسين ياخذني الممات
يلي مشيتي وبقت بس الذكريات
ونار بعيوني الدمــــع بعــــدچ يبات

يريتچ ســــالمه … وداعـــآ
وداعـــآ فاطمه … وداعـــآ
،،،،،،،،،،،،،،،،،،،،،،،،،،،،،،،،،،،،

طاح محسنها وفتح نار الگلب
وام ابوها توسدت فوگ الترب
داروا اعلى الباب اشباه الصحب
وفضه نادت ياعلي بدارك غرب

عصابه ومجرمه … وداعـــآ
وداعــــآ فاطــمه … وداعــــآ
،،،،،،،،،،،،،،،،،، ،،،،،،،،،،،،،،،،،،

بليل وصتني اوســـــدها الگبر
حتى لايحضر دفنها اهل الغدر
همه ياحيدر سبب هــــذا الكسر
ومااريـــدن عالـــگبر واحــــد يمر

اليشيعون بالسمه .. وداعـــآ
وداعـــآ فاطــــمه … وداعــــآ
،،،،،،،،،،،،، ،،،،،،،،،،،،،،،،،،،،،،،،

هاي هيا يالزچيه وكلــــشي راح
وكلشي ماعندي بعد بس النياح
وانا يالزهره ام حسن ارجوا السماح
والـــدچ وصاني اصــبر عالــجراح

واذا سال الدمه .. وداعـــآ
وداعــــآ فاطمه … وداعــــآ
،،،،،،،،،،،،،، ،،،،،،،،،،،،،،،،،،،،

بالليالي الفاطميه يل بتول
شيعتچ تتوسل وترجى القبول
اتلث روايات الدمع بيهن خجول
كون نگظي العمر خدمه اشما يطول

الحبيبي خادمه .. وداعــــآ
وداعــــــآ فاطمه… وداعـــآ

الشاعر فاروق الغنامي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

يازهـــــــــــراء…

هــايــالفاگـــد اعزاز .. ترضى تصير جناز
راحت سلوة الروح .. ياگلبي يامجروح
ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انا حيدر والصبر اعظم صفاتي
بس مصاب الزهره كدرلي حياتي
راحت وراحت معاها ذكرياتي
هاي ام اولادي ياناس وبنـــــــاتي

ليه لا تلــــــومون .. خل اعميها العيون
يگظي عمري بالنوح .. ياگلبي يامجروح
ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم جناز امشي بجنازة حبيبي
هاي فرگه والزمن قرر نـــــــــــصيبي
النار تســـــــعر بيه ياجمـــــرة لهيبي
انا مجروح اوسف ميت طبيبي

ياهو يداوي جرحين..جرح الحسن وحسين
زينب طـفله وتنوح .. ياگلبي يامــــجروح
ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ايست ماظـــــنهم يردون اليـــــــــه
واللي سافر ايســــــت ما منه جيه
شلون دنيا جازت الحامي الحميه
طلگتها وهل خذت مني الزچيــــــــه

روحي اخذيها وياچ .. شلون ارهم بلياچ
دمع عيوني مفضوح .. ياگلبي يامجروح
ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
والكسر ظلعچ كسر خاطر بنيني
صحت واويلاه يالزهره بونيني
وين اودي اشواگي ماادري وحنيني
والگبر منـــــــــــي اخذ زهرة سنيني

ريت بصدري ادفنچ .. يمي وابقى يمچ
ريت وهذا مسموح .. ياگلبي يامجروح
ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وبظلام الليل دفنيت الاحبه
وراح ادريها حياتي تصير غربه
صعبه اطب للبيت يم حسين صعبه
ريت ماردلــــه ولا ياخــــذني دربه

وبكل خطوه للدار .. اتذكر شني الصار
ودم اوليدي مسفوح .. ياگلبي يامجروح
ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ربي صبرني بعدها شلون الافراگ
ادري ماترحم دليلي نار الاشواگ
اعلى امچ الزهره يازينب دمعي حراگ
فرحتي هيا ويصـــــير الفرحه تنباگ

زينب صاحت بصوت .. ارحم بينه ياموت
حيدر والدي ينوح .. ياگلبي يامـــــجروح
ترضى تصير جناز
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماابطل ونتي من فدوه الاسمكم
الروح عدها والجسد يابويه عدكم
بكل نفــــــس بيه اريدن انا اشمكم
بيكم اشتم ريحة المحبوبه امكم

للي جوه التراب .. نقره ام الكتاب
اجر الفاتحه يروح .. ياگلبي يامجروح
ترضى تصير جناز

الشاعر .. فاروق الغنامي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

الهجوم على الدار

هاجمـوا دار النبي وحرگـوها
وفاطمه تحت الظلع صابوها

صابوا البضعه عجب تحت الظلع
نسوا عنج فاطمه شگال الشرع
شوصى ابو ابراهيم گومه و الجمع
حيف همه اوصيتك نكروها

وين غايب ياعلي فحل الفحول
بيوم نادت فاطمه الزهره البتول
ادري يابو حسين وصاك الرسول
جتــــفوك وفاطــــــمه ســــــبوها

يشهد التاريخ مهشوم الصدر
ويلي واويلاه من اهل الغدر
الخاين يجــــازيه الله بالحشر
شلون بت المصطفى تسطروها

انخبطت الدمعات وي فيض الدمه
عين تدمـــــع عين صاباها العمه
اه … والبسمار عذب فاطمه
وطاح طفل الطاهره وحرموها

زينب تنادي يايمه امصيبتچ
ما جرت عالناس والله قصتچ
لاتخـــــلينه يايمـــــــــه امروتچ
الروح ما تحمل ترا يهجروها

اليوم كل شيعي لبس ثوب الحزن
حاضر التشــــــــــــيع حاضر بالدفن
ابد مايـــــخسر عليچ اللي يــــــــون
انتي رحــــــــــــمه وعالبشر نشروها

اسئلچ يادار وين امنه مشت
و العيون امن البچي اعليها عمت
الشيعه تسئل وين گبرچ حشمت
وين اهـــل ام الحـــــسن دفنوها

الشاعر .. فاروق الغنامي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

يازهــــــــــــراء

ياعلي ياعلي .. راح اسافر .. يا علي
ياعلي ياعلي .. بعيد اهاجر .. ياعلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياعلي والسفره ماظن منها ارجع
وادري گلبك ياعلي اعليه يتصدع
رايحه الامي وابوي وعيني تدمع
وتاركه احباب الگلب والونهم اسمع

والضلع والضلع .. هل يناديك .. الضلع
منحني منحني .. بكسري حاير .. منحني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راح اوصيك بوصيه يابو زينب
وادري نار الفرگه بالدلال تلهب
لاتخلي ابنيتك المهظومه تنحب
على اخوها حسين بالحومه اتعذب

ابكربله ابكربله .. اهواي تبچي .. ابكربله
ياهلي ياهلي .. وين غبتوا .. ياهلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بليل ياحيدر اريدن دفنتي تصير
بس هلي يدفنوني ماريدن الغير
قصه قصتي الماعرفها حتمآ يحير
وكسري ياحيدر دليل وعنده تفسير

والعدا .. والعدا .. لا يشيعوني .. العدا
يعتني .. يعتني .. الگبري خافآ .. يعتني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بهيده وسدها الحبيبه وانت مأجور
تدري ياحيدر غريبه وظلعي مكسور
راح تدفن ياعلي تحت الثرا النور
دنيا ما ألها امان بفاطمــــــــــه تدور

للترب .. للترب .. بهون هلها .. للترب
تنثني .. تنثني .. فوگ گبري .. تنثني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اسنيني راحت وانطفت شمعة املها
وريت ويه الزهره روحي صار اجلها
ياحبيبة گلبي ياذكـــــــــره امن اهلها
ودعيتچ بالگبر ودمـــــــــــوعي اهلها

ياگبر .. ياگبر .. بيك عمري .. ياگبر
شظل الي..شظل الي..ميته روحي..شظل الي
،،،،،،،،،،،،، ،،، ،،،،،،،،،،،،،،،،،،،،،،،،،،،،،،،،،،،،،
هاي هيه ياام حسن ياسلوة العين
هل يون اعليچ ويناديچ الحسين
صدگ يايمه بمصابي ماتحضرين
وعلى جثتي يالحبيبه ماتونين

بالغرب .. بالغرب .. من اطيحن .. بالغرب
تنولي .. تنولي .. الحره زينب ..تنولي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ايــــــــة الفـــرگه نرتلها بالعيــــون
ونشرح المــــعنى ونأكد مايردون
ياصبر گلي عليهم نصبر شلون
والزچيه الكون كله وميت الكون

اموجرا .. اموجرا .. والله ناري .. اموجرا
ياعلي .. ياعلي .. هاي قصتك .. ياعلي

الشاعر .. فاروق الغنامي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

#شور

ضايع انه بهذا الوطن والغربة صعبه
وشيسوي اليكسرة الذنب ويتيها دربه
قطعاً يدلية الحزن وينبهه كلبه

ينكسر للسطرة وضلع
دين المواساة الدمع
ما مفتهم كلبي الحزن
ثاريه وي روحي طبع

أنكسر… لو جاني طاري الكسرة
للگبر…. اتمنى اروحن وقرة
والعمر … كرسته لجل الزهرة

بچف رحمتج عايش انه وخادم تُرابج
گلبي فلا جاز و گطع نار لمصابج
وعيني مثل غيمة سمه تبجي اعله بابچ

ينزل مثل غيمة مطر
يوفيج راد وما گدر
بعيوني خجلان الدمع
جي من نزل ما خله اثر

يمه اصيح …. ما عندي ام انتي امي
مو جريح ….. حتى اگدر اوفي بدمي
ولا قريح….. جفني ولا ذل عزمي

سافرت بجروحي ورحت وحدي بحنيني
گادني گلبي لغربتج زيدّ ونيني
أمنيتي اشوفن طيف الج رايد تجيني

والدمع ما يبرد بعد
گلبي اعله بيبانج سجد
تايه انه يا قبلتي
لزميني ما لازمني أحد

ناگع…. لمصابج بدمعي الجفن
ضايع …. بهالدنيا يا ام الحسن
سامع …. الينخاج تحوينه وطن

ياهو اليدليني اذا عافاني چفچ
الما عنده والي بهالعمر تحوينه اعرفچ
بعطفج يفاطم ما اكو احد يوصفج

بدموعي اتقرب الج
يالرحمه الله رحمتج
والوسعه لو ضاكت علي
تفرج لون اتوسلج

كلبي ذاب …. يا يمه ضاكت بيه
جفني شاب … مختنگة حتى الريه
بعيني باب … يعصرني كل مغربيه

فظلج ملة ايامي وصبح تكويني بيدج
ما ريد كلشي بدنيتي يا يمه اريدج
ما ريد جف امن الخلگ ارد الزم ايدج

بس ايدج تكظني انه
تصبح حياتي أمنه
وشيريد گلبي بدنيته
لو قّرب او منج دنه

ما اريد …. لا صحبه لا جاه او وطن
منج ايد … تكفيني يا ام الحسن
بكلبي اعيد … لو خف ولو لحضه الحزن

__

#السيد_احمد_النوري

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

هذا العزاء……يافاطمه
انلبي نداء…. .يافاطمه
************************
للرسول واله
صوته ظل يتعاله
………..خادمج يتفاخر
والله الف هنياله
………
كونج اتشوفينه
يجري دم بعينه
………. هذا بشر الناعي
لو نعه عله حسينه
…….
دمعتي وياكم
كل عزه الكاكم
……….حسرتي بعيوني
والله ما انساكم

هذا البكاء………يافاطمه
نلبي نداء………يافاطمه
************************
كلبي يمكم ناده
يعتني عله مراده
……صدري بيكم يشفه
حرزي من الساده
…………
هايم امخليته
بالعشك تربيته
……..كل حرف تسبيحه
فاطمه لطميته
……………
والطم يحلالي
ظل يعيش بالي
…….بالمجالس كاشخ
والدمع للغالي
……
هذا الولاء……….يافاطمه
نلبي نداء…………يافاطمه
************************
خدمتج معروفه
بالوفه موصوفه
………..ما نعوف احسينج
يالزجيه انطوفه
……….
راح ادكن صدري
بالمجالس ذخري
…….دمعتي مرسومه
قدمت كل عمري
……………
خدمتي ونوماسي
الله رافع راسي
……..واثق بشخصيتي
طهرت احساسي
……..
عمري فداء……….يافاطمه
نلبي نداء……….يافاطمه
************************

فاز من والاها
يخسر العاداها
………. فاطمه تسبيحي
كل صلاه اقراها
………..
والله يابت طه
خادمج يتباها
……. والسفينه ننشاهد
فاطمه مرساها
……..
تنجه بس الشيعه
من تقر بالبيعه
…………نهتف انواليها
حيدري توقيعه

عشك السماء ….. يافاطمه
نلبي نداء…………يافاطمه
************************
اي وحك العاشر
دمعي يمكم ناذر
…….بكل وكت تلكيني
يالزجيه حاضر
………..
الخدمه رفعت راسي
عطرت انفاسي
……….معترف بجنوني
والعشك عباسي
…………
عدنه جون وعابس
بالمجالس فارس
……….عشكي بس للغالي
والعشك بي واهس

من كربلاء………..يافاطمه
نلبي نداء………..يافاطمه
************************

تمت بعون الله
….خادمكم….. يوسف الفتلاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

#شور

عدنه العرب رایة العباس من تنشد انشد العهد
امی وابوی ابیوم انا صغیر ناغولی بسمچ بلمهد

یازهرا. الحمدلله. چفچ الکبرنی
وولیدچ. کض ایدی. لحظه مامل منی
کل هذه بشیناتی. ولطفچ امعیشنی
یازهرا. یازهرا
____&____________
یم الحسن یابت محمد شیل ایدچ الهای الخدم
کل سنه چفهم لا یبطلّ بکل گلب نطبعلچ علم

دعواتچ. نظراتچ. بلفرج و الخدمه
شمدرینی. سمینی. آنه فاگد اسمه
یازهرا. بلا ذچرچ. دنیتی شگد ظلمه
یازهرا. یازهرا
____&____________
ضغرینی کلش بل خدامه اتعادل عبادات و اجر
الیکسر غروره اخویدم یصیر بعین الله یکبر ینتصر

ابفاتحتچ. ننصبلچ. الدنیه کلهه اقرایه
یازهرا. یایمه ترتفعلچ رایه
بید ابنچ. مهدیچ. وتنطلق مشایه
یازهرا. یازهرا
____&____________
من الصغر گلبی عشگ شیء عاشگ نواعیچ وون
اشما صَبّح العن ذاک الیگول هجموا علی فاطم وإن

یازهرا. یایمه. امحزم شما یفزع
طگت السیف. مثل الطیف. المهدی غیضه الیطلع
گولیلی. من ضلوعه. چم ضلع یتشلع
یازهرا. یازهرا
____&____________
#یوسف_الزبیدی

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

قصيدة لاستشهاد الزهراء ع

عفتيني للنوح. وجروح بالروح يايمه.
ظلت معاناة. آهات. دمعات. يايمه

يديرة عافيه شلوني. من شلتچ على متوني.
اصرخ حرامات

…..

مايرجع المات. لو نبچي كل هذا العمر. مايرجع المات
چلمة حرامات. تترس البيت بفركته. چلمة حرامات

من يوم غابت ضحكتچ مختلف طعم انفاسي
ظليت سكته بروحتج. وسولف الشيب براسي

ياوحشة الدار. والبيت موبيت. يايمه
ومفارك النوم. محروم. مهظوم. يايمه

صحت لو يعمن عيوني. من شلتج على متوني
اصرخ حرامات

….

من ابچي بهداي. والعين غركانه بدمع. من ابچي بهداي
ماعدهه كل راي. زينب تصيح بلايه ام. ماعدهه كل راي

كلما نصد لغرفتچ. نفرفح الج مثل الطير
ونصيح يمه فاطمه. الله يذكرچ بالخير

عفتينه ايتام. وچفون. متنام. يايمه
بالوالد شصار. محتار. بزغار. يايمه

صحت وياهه ادفنوني. من شلتج على متوني
اصرخ حرامات

……

تمنتيچ وياي. يايمه كون بكربله. تمنيتج وياي
تلمين الاطفال. لمن يحركون الخيم. تلمين الاطفال

تمنيت انه بأخر نفس. بحضانچ تخليني
ولو طشروني اعله الترب. تلميني وتغطيني

عباس لو طاح. ظليت. مكسور. يايمه
ويطيح الحزام. والناس. شمات. يايمه

بچيت وخابت ظنوني. من شلتج على متوني
اصرخ حرامات

….

وبحرك الخيام. تلكين زينب حايره. وبحرك الخيام
كلهن رقيات. اليمشن على حر الجمر. كلهن رقيات

لزينب اذا يعثر جدم. تصيحين يمه اسم الله
لو شفتي كاروك احترك. يعني انذبح عبد الله

تعلكين شمعات. جسام. بدموع. يايمه
والاكبر يموت. عطشان. مذبوح. يايمه

اموت ومايخلوني. من شلتچ على متوني
اصرخ حرامات

……

يايمه هيهات. بالبيت مانلتم سوه. يايمه هيهات
يفراك الاحباب. شلعان كلبي وحسرتي. يفراك الاحباب

يكبر ابنادم لو فگد. امه ويحس بغربه
يم النعش يوكف جرح. يتمنه يوكف كلبه

يظل عمره مخنوك. ملچوم. مجروح. يايمه
مايوم ننساچ. وياچ. للموت. يايمه

انه الميت يحسبوني. من شلتج على متوني
اصرخ حرامات

…….

نسألكم الدعاء
حسين صادق العقابي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ
السلامُ على ضلع البتول الصابره
_
من اصادف باب دمعي يهل دمه
وابدي اسلم عالزجيه فاطمه
البيدها تدور الارض ويا السمه
وسفه ماتت والضلوع مهشمه
السلامُ على ام الحسين الطاهره
____
ثمنطعش مره اسلم وانفجع
لان جان ثمنعطش عمر الضلع
من كثر ونها وهضمها الينسمع
نعش ام حسين اخف من الدمع
السلامٌ على دمع الزجيه وحيدره

ياسلام الله اعله ونها والكسر
ياسلام الله اعله تربان الكبر
بالعرب صعبه المره من تنسطر
كلشي ماشافت الزهره من العمر
السلامُ على دمها العله الحايط جره
___
عله المحسن هم اسلم وانجرح
والعن الماغزر وياهم ملح
الراد ويا حسين نحره ينذبح
مات وعيونه ولاشافت صبح
السلامٌ على محسن شفيع الاخره
_
يختنك حته السلام بداخلي
لو كلت الله اليعينك ياعلي
ياسلام الله علة جرح الولي
من بقه ينادي بعد ياهو الالي
السلامُ على كل دمعه هلت حايره
__
عالحسين واخته زينب والحسن
هم اسلم والسلام بكل شجن
شلون شافو فاطمه يلفها الجفن
زغار بس الدنيا رواتهم محن
السلامُ على كل روحه لرض المكبره
__
سيد معتز الحسيني
 

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

فاطمة يماه
فاطمة يماه
……..
حياتي ابدون ضلعج ماردتها
وثكيلة الباب عنج ماردتها
لان ضلوعي كلهن ماردتها
احس اضلوعج انكسرن عليه
…………
احس ضلوعج انكسرن تحنن
ومن دمج حمر جنهن تحنن
ولا واحد عليج يكف تحنن
جذوع ونار والمسمار بيه
…………
جذوع الباب والظالم شعلها
ونار ونور للبضعه
شعلها
خبر اخذو علي اكثر
شعلها
يفضه اخذو علي كومي اليه
………….
يفضه ياعلي صيحي ولدعي
يحضر مو شرط اندب ولدعي
يرد لو ما تره حجابي ولدعي
عليهم تنكلب سهله
عليه
……….
عليهم تنكلب سافل
وعالي
وحق الواعي والخالق وعالي
انه بكيفي انزل من وعالي
وعلي لو ما علي يلحك عليه
…………..
وعلي لو ما علي ماضل بشرهم
عليمه انه جنت اعرف بشرهم
وبوي من الله بالسانه بشرهم
اليأذيني يأذي الله ونبيه
…………..
اليأذيني يرب هذا الأذاني
يا عين السطر واصل الأذاني
وتعلم ربي اذاني الأذاني
لان بنت النبي وزوجة وصيه
………………
ولان بنت النبي اخذو ورثها
شعل روحي كسر ضلعج ورثها
ويهنيال اليدك صدره ورثها
يرضي الله النصب الها عزيه
……………
الشاعر
اياد الفرح التميمي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

لاستشهاد الصديقة فاطمة الزهراء عليها السلام

بياحال حمّاي الحمه
من يوم راحت فاطمه

★★★★★★
شيطفي گلبه المستعر.
غياب المحب شده وعسر
ظلمه الوكت صبح وعصر
جروحه تون من كل كتر.
من شاف اصعب خاتمه
من يوم راحت فاطمه

★★★★★★
بعد الزچيه بياوضع
بالدنيا حيدر يقتنع
بليل الحزن ذايب شمع
بگلبه الف لوعه و صدع
أيامه صارت مظلمه
من يوم راحت فاطمه

★★★★★★
لومر على عيونه الصبح
يلگه الصبح ليل وجرح
ياطير مكسور الجنح
طير السعاده المنذبح
ماشالته ارض وسمه
من يوم راحت فاطمه

★★★★★★
ياحلم ضاع من اوله
بالعين من صار وحله
الچانت شمل بيته وهله
وكل العمر چانت اله
اركان المحبه امهدّمه
من يوم راحت فاطمه

★★★★★★
حال اليحب والله صعب
لورجع مفجوع الگلب
وعلمحب لو هل الترب
بياحال جدمه على الدرب
وابسهم مايشفه انرمه
من يوم راحت فاطمه

★★★★★★
كلما ذكر بيته احترگ
وعلى الظلع باب انطبگ
وعدوان ملتمه الخلگ
ريت الصدگ لا موصدگ
ايامه صعبه ومؤلمه
من يوم راحت فاطمه

★★★★★★
عايش على الدنيا رسم
من فارگت روحه الجسم
ياجبل ماشال الهدم
والحيل خايف ينهدم
وللموت ناره مضرمه
من يوم راحت فاطمه

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

الليالي الفاطميه

علزهره مامر الفرح والزمن خالفها
اللوعات وايام الحزن والدمعه تعرفها
حسرات وهموم وي ضلع ملچوم
اللوعات وايام الحزن والدمعه تعرفها

اسوت الأيام بيها ظلت ادموع وجفن
الهظم رافگ گلبها وصاريعرفها الحزن
اشعوداها تون تالي شوكت متعوده تون
حنت الشوفة ابوها. ينصدع گلب اليحن
ياشمعه عاندها الوكت للريح وداها
چن ماي من چف الوصي للگاع بداها
الفرگة والنوح وچويات الجروح
اللوعات وايام الحزن والدمعه تعرفها

**
ياشمس حيدر حسافه نورها ابليل اندفن
اسباب مجهوله وخفيه شعجب ماضمها الزمن
الجرح والمدمع چواها ضلوع منها اتكسرن
الرفس باب الكرامة من نطق چلمة (وأن)
ورگه بعد ورگه تضل شجرتها خلصانه
بفصل الخريف الماگضه ولاغير الوانه
من عصرة الباب وفراك الاحباب
اللوعات وايام الحزن والدمعه تعرفها

*
انتبه ياغافل وأقره. اشدون الراوي اشكتب
فاطمة شنهو ذنبها عليها من صب الغضب
اتحقق واكشف الخافي حقها راح بياسبب
ياهو السالب ورثها وياهو لم بيده الحطب
منهو السلب منها الفرح والسلب راحتها
وقدم مراسيم الحزن واختار محنتها
ياطبت الدار وي لسعة النار
اللوعات وايام الحزن والدمعه تعرفها

بعده ماجف گبرطاها اخضر اترابه الگبر
الحرس وصلت الداره بالحرگ عدهم امر
بعد ذيح الرحمه منه وضحه بسنين العمر
ينكشف بيت النبوة ابكسر مابعده جبر
شقصده من لم الحطب بالرعب خلاها
هذي مصالح لوحرص علدين معناها
ياهدت الحيل وياظلمة الليل
اللوعات وايام الحزن والدمعه تعرفها

**
الليل يعرفها وجفنها. علدمع من ينطبگ
بلاخلگ من بعد ابوها منين للفاگد خلگ
مثل شمعة تضوي لاچن مادروها تحترك
ماتصدگ هذا يحصل. ريت هذا موصدگ
رادوا يضيعون الاثر يااثر يمحونه
السمه ماتسجن شمس بالغيم مدفونه
جروح الغياب وايام المصاب
اللوعات وايام الحزن والدمعه تعرفها

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

لاستشهاد الزهراء عليها السلام (وزن المجرشه)

الزچيه شمعة الدين
لفتها ساعة. البين
تموت ودمعه بالعين
آه على الزچيه

****
للموت سلمها الوكت صعبة ورديه أفعاله
فَرَّق البيت ولمَّته الفرگه اشكثر چتاله
بالبيت حط لوعه ومشه ولم الأمان وشاله
الله ياگلب الوصي. ياحال. يشبه حاله
علي بياذنب مطلوب
يرد والحال متعوب
يون ونات يعگوب
آه على الزچيه

مر الخريف على الورد متروسه غربه أيامه
مو وكته ذبلان الورد. بعده العمر گدامه
بالدنيا ماشاف الضوه بس لوعته وآلامه
الموت اصبح سلته. وريح العذاب انسامه
ليل ايذبها على ليل
وعلخد لمن يسيل
يصب الدمع سجيل
آه على الزچيه

متآمرين على النبي. المندعين أصحابه
أول فعلهم من رحل لبيته لفوا طَلَّابِه
گطعوا انفاس الطاهره آه ياعلي ومصابه
من گال حيدر ينهظم عدوان توصل بابه
ابوجهه وگفت الگوم
عدهم صار معلوم
بوصية وعهد ملزوم
آه على الزچيه

*
تنظر على الدين بخطر. واعداه صفوا حراسه
دين الله مواهله أسف والناس أبد موناسه
كسروا ضلع من فاطمه. ومحسن لفظ أنفاسه
المثل النعامه بالحرب. . مهيوب يرفع راسه
الغضبها يغضب الكون
زرگه ليش. المتون
بعين الشامت تهون
آه على الزچيه

**
هان الأمر عد فاطمة. وكل شدة مرت بيها
بس خافت أبين العده. وحده يضل. واليها
خافت يرد ذاك الامس إبليس البشر حاديها
ترد البشر تعبدصنم وتنكر فضل هاديها
تنادي بحال معلول
وصيتي ياعلي تگول
اريدن گبري مجهول
آه على الزچيه

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

ابوذيه لاستشهاد الزهراء عليها السلام

عصر من الفتن وسفه عصرها
عن الليل مايفرق عصرها
بين الباب والحايط عصرها
الظالم من دفع باب الزجيه

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

ــــــــــــــــــــــــــــــــــــــــــــــــــــــــ

ابوذية للزهراء عليها السلام

اسايل من گصد للبيت ولطاف
ومن ربه طلب احسان ولطاف
بدت كربلا بكسر الظلع ولطاف
لوبالطف كسر ظلع الزچيه

الشاعر حسن لعيبي الحريشاوي

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

بويه ارحمو گلبي اليه
نزلو نعش امي الزچيه
منهه اريد اشبع وداع……..
«»«»«»«»«»«»«»«»«»
ارد اودعها ابدمعـــــــــتي
وشكي لچماتي وحسرتي
مــن بعد روحي ومهجتي
تكســــر الخاطر وحشتي

بويه هاي اصعب مسيه
نزلو نعش امــي الزچيه
منهه اريد اشبع وداع……
«»«»«»«»«»«»«»«»«»«»
كل محب لوعـــــافه وده
دمعته اتعيش اعله خـده
والـــدي ابهليله وحــــده
شايل اعله امتــونه ورده

واني تسعـر نـاري بيـه
نزلو نعش امي الزچيه
منهه اريــد اشبع وداع…….
«»«»«»«»««««»«»«»«»
ابهيـــده نزلهه ابگبرهه
بويه لا تلچـــم كسرهه
ماتت ابحلـــى عمـرهه
عالوجه ضالم صطرهه

هاي اشد وعظم رزيه
نزلو نعش امي الزچيه
منهه اريد اشــبع وداع………
«»«»«»«»«»«»«»«»«»«»
روحــي مايخمـد جمرهه
وامي بسمار ابصــــدرهه
ماتت وضـل بس ذكـرهه
ابعيني مرسومه صورهه

زاد ألــــم جرحي عليه
نزلو نعش امي الزچيه
منهه اريد اشبــع وداع……
«»«»«»«»«»«»«»«»«»«»
داري وحشه وكلهه ضلمه
مــــــــــن بعد نورچ ييمه
قصتـــــچ يالزهره عضمه
كل گلـــــب مؤمن تلچمه

فـــــارگت ضل الوفيه
نزلو نعش امي الزچيه
منهه اريــد اشبع وداع……
«»«»«»«»«»«»«»«»«»«»
الخادم
كامل السعيدي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
كلهم غربه
دمعــج زيــنب لــمن ينزل كلش صــعبه
چم سوط تشگفين بچفج وشچم ضربه
تمشين او مـــخنوگه اهواي
عگب احسين مضعيه الراي
ما مــش عـــوان اليفـزعلج كلهــم غــربه
“”””””””””””””””””””
كملن مشــاهد الذبــــح تحــــضرتي باجر للسبي
ونوگ و ضرب و محيره بأطفالج ولــــــمة عبي
حالتج ورده و ذبلت مـــن شاف ضلـهه الاجنبي
وبـيا وكـــت تنسب مــــــــره يرجع اصلها للنبي

شيقنعه العقل ~ زينب ع الهزل
وما مش عباس
ومكسور الضهر ~ اليفارگ گمر
بي كل لحساس

يحدب ضهره اليفگد غالي وحگـه يموت
ويتأمل اي شي مـــن اهله لو بس صوت
وصوت امن الطف يناديج
يا زيـــنـًب الــلــه ايكـويج
يمكن صوت الكافل بس ضل يحجي بگلبه
ما مـــش عـــوان الـــيفزعلج كــــلهم غربه
“””””””””””””””””””””
اهلج سنابل خضـــرو بگاع الــــــذبح شنهو النفع
او وين اليداوي اكبر جرح ع الرمح راسه منگطع
خلـــصت احنانج كـــربله وكلهم طفو مثل الشمع
وضلت الحرگه بـــخاطرج جـمره ولا تطفى بدمع

جرحج محترگ ~ وبالگوه يدگ
گلبج تدرين
بي شوغة سهم ~ ويزيد الالم
ع المذبوحين

جروحج تدي ومامش عباس الهه ايروف
وتحــــضنين اطفال احسين الماتو خوف
اطفال او بيج ايشبگون
يا زينب عــمه يصيحون
والماخذ كل اهله الموت ابيش يطلبه
ما مـش عـــوان اليفزعلج كلهم غربه
“””””””””””””””””””””
الـ علرمح يـــقره الكهف باجر بـــــ احضان الطشت
ولو عنده چف چا ماوصل سوط العدو لمتن الاخت
مو درب بي بس الوجع طيـــحج زينب مــــن وكت
والعدهه عباس انـــذبح مو حـــگهه تمـشي وتلتفت

بيج اشگد حجي … بي لوعه وبچي
ع الفارگ خوان
ايام السفر … بالـــگوه تمر
بليل التــعبان

محــــد يوميلج يازينب بــــس الناگه
تفتر بين الروس وتعثر چــن مشتاگه
وبگلبج لــــوعة لهفان
مقهور ويذكر عطشان
طشرو كل رسومه وبدو جود الجربه
ما مش عوان الــــيفزعلج كلهم غربه
“””””””””””””””””””
طبــت السوگ وتستحي والخجل يگشط بالجلد
مهضومه صــاحت ياعلي وللشامت عيون وتصد
اليمسح اثــرهه بالمشي عـــباس يـنضرهه العبد
باجر تطب نص القصر وابـ سبي ثاني اهيه تــرد

شگد قاسي الزمن ~ بت ام الحسن
طبت للسوگ
بأ طفال او حـــرم ~ وعــيون الزلم
بالعفه اتبوگ

بين عيونج شوگ الـفاگد وجه احسين
واتدورين بوجــــه اعياله او ما تلگين
شــگد تمنيني انتي الموت
مشتاگه لـــطوله المبخوت
باجر كلمن لأهله يروح اليخلص دربه
مامش عوان اليـــفزعلج كـــلهم غربه
“”””””””””””””
خادم القصيده
عزيز المياحي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

نخيتج يالزجيه ابـلوعة وبـحسره
عـليج ادموع زينـب رايد البشره
______
نخيـتج والدموع اتسولف ابهمـي
واريدن وكفتج يم الحسن يمـي
انتي امي وطلبت الحاجه من امي
وحاشه امي الزجيه ترد حچي الفقره
____
تيهت الـدرب ومدوهنـه افكاري
وماعندي الصديق اليدري بسراري
عليـج ابنار بابـج طـفي هم نـاري
مـوجر والمأسي ابـصدري مـتوجره
_____
دعيت الله بحروفج وبعتب معذور
وبس يم العزيز ايسـولف المكسور
احلفج باللي مات وعمره ست اشهور
طيبي اجـروح كلبي ابجرحج اليبـره
_____
ما تصعب عليج الحاجه لو كلفه
وانه المحتاج طيفج يمه حته اشفه
محلفج باللي اصبعه انگطع من جفه
وبـذيج الخيـول الداست ابـصدره
______
رفعت ايدي وديعتج يـمه باللوعـه
وثـوبت الدمع للسحـكوا اظلـوعه
وحق ذيج المشت للشـام مفجوعه
ضاگت كـلها بيـه ورايـد النظـره
_______
مو قصدي اهيـج دمعج اليجـري
اعـذريني تره هذا العتب فطـري
لچن رايـد اگـضي ويـاج كل عمري
ورايد من دموعـج اهمل العبـره
________
احسبيني يـيمه ابابـج امجـدي
وغيرج يالزچيه كلشي ما عندي
بيـج انهي حياتي وبيج كون ابدي
واشوف اعيونج المن الضرب حمره
________
من عبرة صفنتي اتبيـن الحرگـه
ومن اذكـر المهدي تطلع الشهگه
كتلتني يبنت المصطفى الفرگه
كـل جمعه اندبه واحسب ابعمر

#سيد محسن الجابري

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

زماني يهدم أحلامي ونبني
على المحسن ذهيله أصرخ ونبني
طفل مايحمل اللوعه
أظنهم كسرو ضلوعه
يون وروحه مفجوعه
دفنته بالكبر وسمع ونبني
بكل ونه ضلع يكسر إليه..
**
بليلي ألزم مهد محسن ولولي
الصحابه من رحل طه ولولي
أنه الزهره نسطر خدي ولولي
الله وهوه ياخذ ثاري إليه.
؛؛:؛:؛:؛
باب الدار من دمي حنيته
وأنه ضهري بفكد محسن حنيته
دليلي تحركه كل ليله حنيته
يحن وتصور المحسن بديه
؛:؛:؛:؛:؛
الدهر شيد حزن بيه ويبني
وعصرة موت عصروني ويبني
يملك الموت إخذ روحي ويبني
أريدن بالكبر يغفه على إديه
؛:؛:؛:؛:؛
فاطم ياعلي طرحت حملها
ومنو الغيرك يبو الغيره حملها
مصايبها إذا كلبك حملها
شتكل للهادي عن ضلع الزجيه
؛:؛:؛:؛؛:؛
الدهر إم الحسن عني بعدها
وعساني ماعشت عمري بعدها
الثواني الموتي بحسبها بعدها
علي أني وضهري محني على الزجيه
؛:؛:؛:؛:؛:؛
عيون الزهره من طاحت ترابك
وكلبها ياعلي منهم ترابك
تفر الكوم لو تسمع ترابك
يعرفونك علي حامي الحميه
؛:؛:؛:؛:؛:؛
يدنيه لمي أحقادج وضهري
بعد طه نكسر ضلعي وضهري
علي صار الصبح أضلم وضهري
أسود والسمه ضلمت عليه
؛:؛:؛:؛:؛:؛

—
ابوذيات بقلم الشاعر نسيم الحميداوي🖋

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

إلى الزهراء عليها السلام☆•☆•

بويه ماتخفه بكبر إمي الزجيه
لومشت تترك عطر فوك الوطيه
حته بكبرها … أشتم عطرها
***
زينب أنه تيتمت ويه أمي أشعر متت
هي روحي وفاركتها
تكدر ترجع الزمن ماتردلي إم الحسن
بويه ليش إمي إدفنتها
همك إيطيح الجبل. إشلون كلبك من حمل
وإنت بيدك غسلتها
عليها ضهرك منكسر.. ودري كلبك منعصر
بيك أحس من وسدتها
من توسدها بلحد إيضل ضواها
بﻻعطر يبقه الورد لو ماشذاها …عشت بذكرها
**
فصل الباب النعش. وكتب إنت ثمن طعش.
عالنعش هذاعمرها
ومن توسدها التراب. .جفن الزهره بحجاب
إنعصرت وضل بفكرها
إمي حته بالكبر. منها ضل يطلع عطر
وأنه أموت بﻻعطرها
إضمني جانت للصدر. من أحزن ألكاها حجر
وماأعيش بﻵ حجرها.
طبع المفارك يحن يغفه على ونه
وانه جنت أغفه بحظن كله محنه..أذكر حجرها
**
ربي إخذ مني العمر..إمي ماتت من زغر
وعمري بعده بالبدايه
حيلي من حزني إنهدم..بهمي ماواحد علم
غير عﻻم الخفايه
بالصﻻه أذكر ضلع.الكوثر أقراها بدمع
وماأكمل منها أيه
وأقره سورة قل أعوذ بيها من الشر ألوذ
ومن حزن هاي الرزايه
أشاهد الروحي شكثر من أنضر الباب
شكد تمنيت الكبر من هذا المصاب.
وغفه بكترها…وأشتم عطرها.
***
إمي لورفعت خمار.. الدنيه بيها إيحل دمار
رحمة الله إيوصفوها
إنت شوف المنزله…لمي من هاالمسأله
إيقبل إديها جان إبوها
إمي لو لبست سواد..العرش يعلن حداد
عالوجه ليش إسطروها
كلبي أحسن منهدم..راحت وعشت بيتم
عذبوني وعذبوها
بلون ثوبي الدنيه أحس سوده حياتي
أضفر خيوط الشمس وي ذكرياتي..
أرسم صورها..أشتم عكرها

ياعلي وكت الصﻻه..الزهره وي كل أيه أه
تصرخ وإنت سندها
فاطمه بوضع السجود..ليش إديها على الخدود
تخفي سطرات على خدها.
وعالضلع وكت الركوع…تحط إديها تضل تلوع
والكسر والله ضهدها
عندك أمنها الرسول..ياعلي صعبه شتكول.
بياوضع حيدر تردها
بويه كلي شتعتذر راح من إبوها
تدري خد إمي إنسطر عني إبعدوها
عالباب أثرها..أشتم عطرها.
* * *

—
للشاعر نسيم
الحميداوي🍂

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
على لسان السيده زينب ((ع)) بعد فقد الزهراء ((ع))

فگدت أللي عَلي حَنت.. ودارت
وعليها تهمل عيونــــي.. ودارت
عگبها افترت الــدنــيــا.. ودارت

خذت شمعة حياتي وقست بيه

*—————–*——————*

يحقلي لــــــو دمعتي أتسيل.. ودار
وچنت ماضن حياتي اجور .. ودار
يخنگني المسه بكل يــــــوم.. ودار

أطـــــب الهه وأحــــــن لمّي الزچيه

*——————-*——————*

أنه بكل يوم احـــن للموت.. مرات
وعليه المـــــــــــاتمر بالبال.. مرات
عگب امي الليالي اصبحت.. مرات

وأتاني بطيف بلكي اتمر عــلــيــــه

*—————–*——————-*

✍ بقلم خادم الحسين ع
الشاعر رعد الچريخي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ابوذيات على لسان السيده زينب( ع)
بعد فقد الزهراء (ع)

 

الـفـرح دمعاتي من عمري .. محنه
ومـثـل حنـي ابـد واحـد … محنه
أشـوفـچ ويـن يالـگـلـچ .. محنه

أشـيعـودچ ياضوه الناظـر عـليـه

*——————*—————–*
وسيعه الـگـاع ووجودچ .. فضلهه
وعيني الدمع مـن عگبـچ .. فضلهه
الوحيده انتي العَلي زايد .. فضلهه

يـمـن چنتي سـكـف وفّياي ألـيـه

*—————–*—————-*
✍بقلم خادم الزهراء ع
الشاعر رعد الجريخي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

((وكت الدفن))

 

گلي شحچيت وياها وكت الدفن
شو دمعتــــك يابويه صبت حزن
گلي يبويه شصاير
حاير ويدفن حاير .. وكت الدفن

“””””””””””””””””””””””””””””””””””””””””

والسوالف شنهي چانت باللحد
والورد منسمعه لو حاچه الورد
شما تموت الدمعـه ترجع تنولد
جاي اشـوفك ياعلي شو تنمرد

چنك صحت يابويه آه الضلع
گلبك تون دگـاته ضل ينسمع
مو گلبي صاير طاير
حاير ويـــدفن حاير .. وكت الدفن

“””””””””””””””””””””””””””””””””””””””””

صحت وعيــــون الســـــوالف تيهن
شو صحت مسموم يوليدي الحسن
فوگ شيباتك محن يــــــابوّ المحن
ليـش غــربه تصـيح ضيعنه الوطن

ليش الطشت ناديت آخ الچبد
تراب ودمـع بعيونك يم اللحد
جيش المدامع غاير
حاير ويـــدفن حاير .. وكت الدفن

“””””””””””””””””””””””””””””””””””””””””

آنــــه يمك وأنته زينب صَــيحت
امــــي ميته مدري لو أنته المتت
شو تصيح الخيل وبروحك همت
يانـــحر هـــــــذا التندبه وشيبت

ياخيل كافي دوسچ اعله الضلع
شـــو تعجن تراب اللحد بالدمع
هذا الزمن شو جاير
حاير ويـــدفن حاير .. وكت الدفن

“””””””””””””””””””””””””””””””””””””””””

على عيونك شنهي يابويه انرسم
نــار وإيــتام وركض بــويه وخيَم
حمره عينــك وانته تصرخ ياسهم
إيـدك أعــــله اگـفاك يالشابع ألـــم

يـــــارقيه اتصيح بويه وتختنگ
طفله هاي اتصيح بس لا تحترگ
ياجيش هذا الداير
حاير ويـدفن حاير .. وكت الدفن

“””””””””””””””””””””””””””””””””””””””””

بويه بس حاچيني شو تصرخ هزل
يــــــاهزل يــابويه ذنـــــي وياحبل
شو تصيــح اسيــاط لا مــــاتنحمل
بــــويه زينب بالــــــچ ويوگع طفل

شو فاطمه ترسملك چفوف ونهر
وانته تلگها عـــــالرمح ضل الگمر
بيا نار گلبي وفاير
حاير ويدفن حاير .. وكت الدفن

 

عبد زينب
محمد الابراهيمي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

إنا لله ـــ ماتت ام ابيها
إنا لله ـــ يــادم بـأديـها

دمها الخضب وجه الباب
بي طـف وسم ومـحراب

إنا للة ــــ إنا لله
ـــــــــــــــــــــــــ
الأم لو غابت الـدنيه ــ
يـظل بيها الصباح اسود
وحتى الفرحة لو مرت ــ
مثل طعم الحزن تنعد
الله يـساعد الفـارك ــ
حـظن امـه ووجـها ابـعـد
كل شي تـكدر تـعوضه ــ
وحضـن الأم فلا ينرد

وام هـذا الـكون ـــ
عـن زيـنـبـها غـابت
جفني المحزون ـــ
حتى رموشه شابت

ودمعي اليهمل عالاعتاب
بي طـف وسم ومـحراب

إنا لله إنا لله
ـــــــــــــــــــــــــــــــــــــــ
وي اخر نفس بالروح ــ
وين بهل السفر تردين
مـاهـزج الــم يتــمـي ــ
والـشوغة ودمـوع حسين
ييمه الباب حد هليوم ــ
اسمع منه صوت ونين
نطق حتى الجماد وصاح ــ
يارب العن الشيخين

ليش يحرمون ـــ
كـلـبـي مـن وريـده
ورده يكطعون ـــ
يـم بـــاب العـقيدة

وجرحچ لمن محسن غاب
بي طـف وسم ومـحراب

إنا للة ــــ إنا لله
ـــــــــــــــــــــــــ
كل ليلة اكصد المحراب ــ
محراب امي واتذكر
هنا چانت تصلي الليل ــ
بس منها الجفن احمر
يرب صبر كلب زينـب ــ
عليك بضـلعي التكسر
مصايب كثره راح تشوف ــ
لجن بس يوم تتحير

يوم يحركون ـــ
الخـيمـه الزينـبية
يوم يسلبون ـــ
خـدر الله ونـبـيه

وممشاه بضعن السلاب
بي طف وسم ومحراب

إنا للة ــــ إنا لله
ـــــــــــــــــــــــــ
شمعة عمري من تطفين ــ
ظلام الدنيا كلها تصير
مكسورت ضلـع ياحيف ــ
ودمعي يكـتب التعبير
بـعدچ بس جـروح واه ــ
يمـه ومـا أشوف الخير
يـم زينب تـضل زينب ــ
غـربتـها تبـچـي الـطـير

مـن تـروحين ـــ
كل وكتي انوحچ
ياعطر الياس ـــ
يالمتعوبه روحچ

يالضلعچ بالعصره نصاب
بي طف وسم ومحراب

إنا للة ــــ إنا لله
ـــــــــــــــــــــــــ
يمه بلايه وجـهچ ضـيم ــ
ماينشف ميسيل العين
حاچـيـني يـبعد الـروح ــ
يـمـي ضلـي لا تـرحـين
أنـه والـحســن نـنحـب ــ
ييـمه وبالـكـلب نـاريـن
وحـده هـاي نـار الباب ــ
وحده بكـربـله وتـدرين

اطفال احسين ـــ
بـاجـر مـن ركضهم
وجمرة برجلين ـــ
وياجمرت عطشهم

من مصاب الثاني مصاب
بي طف وسم ومحراب

إنا للة ــــ إنا لله
ـــــــــــــــــــــــــ
تمت بعون أسد الله الغالب
الشاعر علي الكعبي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيدة ( الزهرة شيعية)

:::::::::::::::::::::::::::::::

الزهره شيعيه .. وأول فدائيه
ضحت ياعلي .. ضحت ياعلي

•-•-•-•-•-•-•-•-•-•-•-•-•-•-•-•

ما بايعت غيرك ولي وما بدلت السيره
إلتزمت بنص الوحي و ما دورت غيره
والـوهمـو الناس بمــكر خلتهم بحـيره
سـألتـهم الـنص النزل فهـوني تفسيره
بلغتكم الآيه .. وتوضح الغايه
نزلت للولي .. ضحت ياعلي

•-•-•-•-•-•-•-•-•-•-•-•-•-•-•-•

ماخافت من اهل الحقد مانكرت وزلت
ضلت تنـادي لا فتى و لأجـلك اتحمـلت
لمـن عليهه اتجمــعو شافـوهـه مـا ذلت
گامـو يشـتمون النبي وبصـبرك اتحـلت
ضنهم يخوفوهه … لمن يشتموهه
وانته مبتلي … ضحت ياعلي

•-•-•-•-•-•-•-•-•-•-•-•-•-•-•-•

تـدافع ويـاهـم بـُقت بالبـاب عصروهه
كرهـاً ألك يـا ابا الحسن رادو يـأذوهـه
رادوهه تنكر عصمتك والباب كسروهه
بسمار غَــرز بالضلع والزهره سطروهـه
متفايضه بدمهه … والثاني شتمهه
گالت قاتلي … ضحت يا علي

•-•-•-•-•-•-•-•-•-•-•-•-•-•-•-•

خلـوهه جثـه عـالارض رادو يمـوتوهه
يضربهه قنفذ والأجـو كلـهم يضـربوهه
علغبره محسن من وگع چانو يدفعوهه
شافـو بعـد بيهه نَفـس ردو يسحگوهـه
تركوهه مغشيه …. عالغبره مرميه
تنادي تحملي … ضحت يا علي

•-•-•-•-•-•-•-•-•-•-•-•-•-•-•-•

لأخر اجلهه ما حچت ما گالت اشبيهه
تـوون و تكابر عـالألــم لمـن تحاچيـهه
غابت شمسهه من وكت وانته تواريهه
گلـبك دفنـته بــالگـبر يالـمنكسر بيـهه
هيه المثاليه … هيه الولائيه
تشكي للعلـي … ضحت ياعلي

•-•-•-•-•-•-•-•-•-•-•-•-•-•-•-•
( حيدر العمار الخزعلي )

.

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

شوفي يم الحسن دمعي الجاري وشجره بعدچ يروحي بداري
من وضعتج بالگبر ريت خلصان العمر
*
عليچ يـــــــــــالعفتيني وسكنتي القبور
نار مستعــــــــره وملت گلبي الصبور
هــــــذا حالي وحسرتي تملي الصدور
يبجي وينــــــــــوح الدمعتي كل غيور
شما أكابر وأصبر بنفس القرار دنيتي بعدچ صفت ضيم ومرار
ويسعر بروحي الجمر ريت خلصان العمر
****
حال ولدچ مثل حالــــــــــــي بلا أمان
بدارنـه الوسعــه ونحس ضاگ المكان
دارنــه اليزهي بوجـودچ يضوي چان
غبتي عنّه ومــــــــا بقه بــي أي حنان
كل حنانه راح وتوشح حزن أوّحشه ضل ومظلم وأهله تون
وعاشت أبهم وعسر ريت خلصان العمر
****
آه لــــــــــــو شفتـــي العقيله وحالها
بلوعه ضلّت مـــــــن الباب وهولها
بالغرف تبحث عــــــــــن التشكيلها
أعنــــــــــــي أنتـي الزينبچ تأويلها
المثل ضلّچ چانت ومتعوفچ گبل عباس الكفلها أچفوفچ
ودوهما بخير ويسر ريت خلصان العمر
***
ريت شفتي حــــال الحسين وحسن
يفتت الصخـــــــره بجيهم والشجن
ما نِسَوْ فــــــــــــد يوم أيام المضن
وكل مسه بذكــرچ يحسبونچ وطن
عافيتهم چنتي يم العافيه ومدرسه چنتي وسوالف دافيه
بيچ كلشي ينجبر ريت خلصان العمر
****
ماهــــده ساعه ولا لحظه العويل
وكل فرد بينه بعـــــد عينچ عليل
نوحه ودموعـــه إله أقرب خليل
وعالوجن جمره مــدامعنه تسيل
كلشي راح ومابقه أي غالي من طفه نورچ الچان يلالي
لوعه كل يوم اليمر ريت خلصان العمر
*
الكل يتامه وياهــــــــــــم ايعدوني
ودارنه وحشـــــــــه يماي عيوني
بكل وگت أيتامــــــــــــچ يسألوني
عن مكانــــــــــــچ خالي ويأذوني
رحتي ممصدگين عفتيهم تره ودارنه طول النهار مگدره
بيها حاله من الذعر ريت خلصان العمر
*
بجاه أم الحسن يـــــا رب يا ودود
عجّــــــل بطلعة الغايب خل يعود
نريد يطلب ثارهــــم شبل الأسود
وينهي كـــل الناصبه والكل حقود
جروحنه هوايه ولا تشفه وتطيب إلاّ يرجع إلنه ويعود الحبيب
وبيده يتكفّل الأمر ريت خلصان العمر

الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
مو وكتج علويتي مغمضه
وعني تريدين تروحين
بس يمج طيحت ادموعي
منهو مزعلج يم حسين
اه…….ما اكدر اعوفج
اه…….عايش حتى اشوفج
…………………………………………
من غمضتي يم محسن غريب أمسيت بالديره
حلال المشاكل ذاك واكع فاطمه بحيره
تنحل من تحاجيني شحلاة بأيدج الخيره
جبيره بكد كبر كلبج لجن بسنينج ازغيره

شلي ابيتي المابي انتي
من غيرج جتال الدار
يم زينب احجيلج جلمه
كالوا بضلوعج بسمار
اه……..متعود اطوفج
اه……..عايش حتى اشوفج
………………………………………..
كوميلي اعله كد طولي عليج اسوالفي ولوني
عزيزج اني ما اريدن دفانج يسموني
عليج ابداعت اعيوني عيشي لخاطر اعيوني
أقنع جفوفي عالتابوت ترجع توكع امتوني

كلشي البيه ايريدج ليه
يافاطم مابيه افراك
انه امعلم الوادم تصبر
بس ما اكدر ما اشتاك
اه………حاجيني بجفوفج
اه……عايش حتى اشوفج
………………………………………..
عمرنه ما تفاركنه ولامره ولا لحظه
اذا ما اشوفن اعيونج كلبي ما يدك نبضه
واحد عاش للثاني ابنصنه اشجابها الرضه
داحي الباب بجاه باب وباقي يسأل بفضه

شلون انعصرت ام ويلادي
اسأل بيها وكلي ادموع
وكلما نوصل يم اضلوعج
شو فضه اتغير الموضوع
اه…….اتنفس حروفج
اه…….عايش حتى اشوفج
…………………………………………
عليج اجروحي تتراكض بين الاه والحسره
المحسن وين ضمتيه من عصروج يلزهره
انحنيت وعمري مامحني ثجيله اسوالف العصره
اموت ولا اسمع فد يوم عين ام الحسن حمره

الباب الكله أجذوع شثكله
بس الله اليدري الالام
ومو كاروك اتلكه اوليدي
عالكاع المحسن من نام
اه…..يامصعب ظروفج
اه…..عايش حتى اشوفج
…………………………………………
اول مره اعطش هيج من كالولي غمضتي
أنه لكل سالفه رباط بس ضيعت سالفتي
تشم بشيلتج زينب وتصيحن يمه وين أنتي
حلّفت الله بيج هواي كتله أتكعد ام بختي

الله يحبج مدري ابكدمن
ماخله الحبج مقياس
لعيونج خالق جناته
وخالقني وخالق هالناس
اه……راح اتنى طيوفج
اه……عايش حتى اشوفج
………………………………….
ضلوعي فدوه الك حيدر عزيزه أعليه دمعاتك
من بين الجفن حنيت اشوفن نور شيباتك
وردت ويلادي جدامي أعليهم خلي حسراتك
المدلل احسين ايطيح وايركضن ابنياتك

مو خيل الرضتلي أضلوعي
اعله أضلوع ابني بيه اجروح
ياحيدر بالطف نتلاكه
يم نحر حسين المذبوح
اه…….. ما اكدر اعوفج
اه……..عايش حتى اشوفج

احمد ماجد الكلابي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ابهاليل…شايل اعله امتوني..كلبي مدري عيوني….مدري حياتي
ابهاليل….كلشي بيه اينادي…راحت ام ويلادي..ريته مماتي
شلزم ياهوه من اجروحي
جبريل الحك طلعت روحي

………………………………………..
ابلا موعد وصار السفر فاركت احلى ايامي
سولفلي للدار امن اطب وام حسن مو جدامي
دفان جا تاليتي أنه لمحبوبتي ام ايتامي
ماخذها من بيتي ام حسن للمكبره بأجدامي

جايب اعز محبوبه للتراب
ما حاسب يفاركني عنها باب

بس نوح..لو اضم دمعاتي..وين اضم شيباتي..شيبي جرحني
بس نوح…من بعد عافيتي…ظلمه اصبح بيتي…وابني لجمني
سافر راح وما ودعني
محسن ما لحك يشتمني
ابهاليل….. ابهالليل

…………………………………………
شيشفي الجرح مات الدوه وماكو دوه ايداويني
بس شوفت عيون ام حسن وحدها التشافيني
ختكعد وانه انعصر وانطيها من اسنيني
لكل باب ناذرلي ضلع بس كونها تحاجيني

راحت وكلشي وياها بيه راح
كللها كض ازلمتج الصفاح

ابلا حيل…محني المدللها..حيدرج كللها..ابيته يريدج
ابلا حيل…حيدر ابلا روحه..يمشي وي جروحه…اليمشي بوريدج
شلون انساها اكبال الوادم
جبريل شعندي اشجم فاطم

…………………………………………
امنيتي اسمع ياعلي كللها لو بس مره
كللها بفراكج كبر حيدرج صار اشكبره
وبسكوت كل لام الحسن كعديله كسروا ظهره
جبريل ماعندي كلب يكدر يغسل الزهره

صعبه من اغسل ام كلب حنين
وللمغتسل يركض اجه الحسين

بدموع…كلي بويه شبيها..وانه اصد عليها….فتحي اكلها
بدموع…رايد يكعدها…ويمه من رددها…كعد دمعها
وماتلحك كامت دمعتها
من ضل ايشم بشيلتها
ابهاليل… ابهاليل

…………………………………………
مايوم حيدر منهزم من موقف ولا غايه
بس من اوسد ام الحسن ما اكدر انطي احجايه
اشلون انزلها ابكبر جبريل فاطم رايه
وسولفلي شقره لفاطمه القرآن يقروله ايه؟

عشرتنه مامر بيها ابد وداع
.يم زهرتي تحفرلي فدوه كاع

ما اريد…دنيا عكب ام بيتي..فاطمه عافيتي….احفرلي كبري
ما اريد….كون اموت وياها..عمري احلى وياها..تدريها عمري
شجم آه انكالت بالعصره
بظلوعي ولا ضلع الزهره
ابهاليل… ابهاليل

………………………………………..
اثمنطعش شمعه أشعلت بس انطفت شمعاتي
راحت ام زينب من ادي واطشرت دمعاتي
الحتى بكبرها امحجبه يمها ادفنت ضحكاتي
ومات الحجي ويه ام حسن جي هيه كل جلماتي

ماعندي غير ام الحسن كلام
ذبحتني دفنت فاطمه بظلام

مو ماي..اشكد دمه بدموعي..منذبح موضوعي…لذاكه دمعها
مو ماي….يمها ارشن حيلي..وكتله طول ليلي…لخاطر ضلعها
حيدر راح يضل ابهيمه
راحت ياجبريل الخيمه
ابهاليل…. ابهاليل

احمد ماجد الكلابي

.

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

هناكه يم بيت ام حسن
قمبر وفضه التقو
نفتح موضوع الضلع
أمن اول حجايه بجو
هو ايگلها ابو حسين يون كل مسيه
وهيه تصد عله الباب تگله الزجيه
قمبر وفضه التقو
………………………………………
فضه ابتدت بالموضوع
موجوعه تحجي الموجوع
وبعيونهم ذيج اظلوع… وغربة وطن
گالتله اخ أمن الصار
كل ضني جانوا خطار
ما ادري واگف بسمار….. لضلع ام حسن

شبيه وما فتحت الباب اني
شبيه وراحت الزهره بمجاني
يقمبر لسه مستحيه أمن ابو حسين
والله اليدري بالضيم الخذاني

أمن الوجع قمبر شهگ
وگوه فضه كملت
ال عمرها اثمنطعش
اعليه گالتله أنتجت
گض ظهره ونعه بآه يحماي الحميه
وهيه تصد عله الباب تگله الزجيه
قمبر وفضه التقو
………………………………………
وگالتله ضلت شهرين
مامرها نوم ام احسين
مدري الضلع مدري العين… تنزف دمه
وگدما حرَك ذاك افلان
انصبغ لون الحيطان
وطب لگلبها الدخان…..آه فاطمه

شدعي اعله الدفع باب الصميده
العَصر مولاتي كون انشلت ايده
صاحت فضه مره وضلت اتلوج
يقمبر اسمي ما كدرت تعيده

عاشت انواع الألم
اهواي تعبها الضلع
للكسر ماكو دوه
وليلها تگضي دمع
لطم عينه اعله الاضلوع والادموع جريه
وهيه تصد عله الباب تگله الزجيه
قمبر وفضه التقو
……………………………………….
خفنه ام حسن خاف اتموت
محد حجه وطلع صوت
شيعنه محسن بسكوت…. بين الأهل
واحد لطم واحد طاح
الجان احلى شي عدهم راح
بداخلهم اهواي اصياح… لذاك الامل

شثگلها الله يرحمه عالبعمره
شعاش المحسن وخاطر نخسره
ما كلف الدنيه حتى تابوت
بس كلف علي وكلف الزهره

الولد مات وما سمع
يا دللول الولد
كلشي محسن ما أخذ
وضلت بنفسه مهد
ون قمبر دللول يويلي اشهالرزيه
وهيه تصد عله الباب تگله الزجيه
قمبر وفضه التقو
……………………………………….
گلها اختلف كلشي اوياي
يافضه ملجوم اهواي
كلما اجي يم مولاي…..الگاه يون
انداس بيته ومهتوك
وماسع كلمة مبروك
بعيونه ضلع وكاروك… وديرة حزن

يگابل باب بيته ابذاك ونه
ويخلص الليل بس ينعه اعله ابنه
والگه الثامه ناگع من الادموع
هذاك الباب كل الشيب منه

حيله مهدود الگبل
يگف للوادم ظهر
ابو حسين ابيا وكت
يخلي ايده اعله الظهر
وآه لو صار الغروب يطيح اعله اديه
وهيه تصد عله الباب تگله الزجيه
قمبر وفضه التقو
………………………………………
مرت عله الباب اشهور
ومولاي ساكت مكسور
ويراد لآهاته اصدور… مو بس صدر
يلم ولده ويضل ينوح
مذبوح شابگ مذبوح
بالآخ ال اطلع الروح…. الماتنجبر

بس تالي اعرفت شنهو امنياته
كلشي ولا يذكرَنه بناته
تاخذ روحه جلمة (يمه) بالبيت
تحيّره اهواي وأطيح عباته

قمبر وفضه بجو
وبدوا يدعون بقهر
أن شاء الله ثار الضلع
ناخذه اويه المنتظر
يارب فرج اعليه وننصره سويه
وهيه تصد عله الباب تگله الزجيه
قمبر وفضه التقو

أحمد ماجد الكلابي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
عن لسان حال باب مولاتي الزهراء ع عندما شاهدت قدوم مولاتي فاطمه صلوات الله عليها إليها لتفتحها….

أرجعي… القلق ماخذني هالمره… أرجعي
يامولاتي مو فقره…. أرجعي
بابج آنه اسمعيني…. دخيلج لا تفتحيني…. وارجعي
………………………………………..
مولاتي بيه اصياح…. شو گلبي ما مرتاح
والقلق من كل صوب اخذني
عندي طلب مقصود…. خليني اضل مسدود
وضلي بعيده امن اليدگني

يم الرحه فضه بقت وحدها
ومحتاجه واحد يگعد ايساعدها
من حجرتج مولاتي جاي اسمع صوت
يمكن تصيحج بله شوفي شعدها

ضروري…. الرجعه هسه يم فضه.. ضروي
شكبرها صارت العرضه…ضروري
شوفي شعدها وانسيني… دخيلج لا تفتحيني… وارجعي
………………………………………
ما گتلج آنه اليوم!!!…. حيدر رجع مهضوم
مدري شمتعبه بهذا يومه
واعليه عوفي الجاي… روحي انتي يم مولاي
خاطر يسولفلج اهمومه

شو مختنك حسيته من الثامه
واحد مريض يجوز من ايتامه
فدوه أرجعي وشوفي حيدرنه شبي
شنهو السبب ينگلها گوه اجدامه

يريدج…. اضن گاعد بمحرابه… يريدج
انتي اليندل اصوابه… يريدج
وبعدها عود شوفيني… دخيلج لا تفتحيني…. وارجعي
………………………………………
باجر وراج اصيام… ويمكن حسن ما نام
متانيج ما غمض اعيونه
اتأخري يم حجاب… نيمي وافتحي الباب
ابلياج يذبل حيل لونه

ومري اعله الحسين واكعدي شويه
خافنه عطشان ويريد اميه
وغطي بعباتج زينب وام كلثوم
وارتاحي يمهن لاحگه انتي اعليه

شبابج…. ما أريده يصل يمي… شبابج
حرگ گلبي وحرگ دمي… شبابج
وشتريدين سميني… دخيلج لا تفتحيني…. وارجعي
………………………………………
دلينه عالكاروك… وخل نسمع المبروك
ونشوف محسن بين اخوته
امخيطتله ندري اهدوم… ويا محلى ذاك اليوم
لمن يناغي بعالي صوته

من جفج لجف حيدره يكضيها
وتكمل الفرحه ومحسن يحليها
مولاتي حضري اگماط عوفي العل باب
لخاطر أوليدج نيّتج غيريها

هضيمه…. المحسن ماتشوفينه.. هضيمه
ادري شگد تحبينه… هضيمه
منه لاتحرميني…. دخيلج لا تفتحيني…. وارجعي
……………………………………….
محد يحس بالبيج….. جذوعي ثگيله اعليج
اوين انطي وجهي يلزجيه
بس الله والنجار… يدرون جم بسمار
موجود يم حسين بيه

ياگلب حيدر ياگلب ويلاده
ما أريد طاريي يبجي الساده
وما اريد أطيح اعمامه اذا گالو باب
بيدج احرگيني ولا هالعاده

شگلج… عصابه الوگفت بظهري… شگلج
هذا الي كسر ظهري… شگلج
وآنه وياج تدريني… دخيلج لا تفتحيني…. وارجعي
………………………………………
وهنا فتحت مولاتي الزهراء ع الباب وحدثت الفجيعه الاعظم:

خايف جنت من هاي… مدري شوگع جواي
ومن انكسر ضلعج سمعته
نار وضحك وحبال… وخلوني الج جتال
وبيتج يمولاتي حرگته

وصار المراگض ماله والي بدارج
وحيدر اعيونه اعليج واعله ازغارج
دخان بيتج واصل لسابع جار
بس ما شفت واحد فزع من جارج

اسمعتها… شثگلها الآخ بالرضه… اسمعتها
گوه انحجت يا فضه… اسمعتها
صحتلج ما سمعتني… دخيلج لا تفتحيني…. وارجعي

أحمد ماجد الكلابي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
مدري شردت بلمگبره وعاشرت الاتراب
يمج علي عايف علي يا كل الأحباب
فاطمه……..فاطمه
…………………………………….
بجيتج…بجيتج…..بگد عمري بجيتج
نخيتج…. نخيتج….. أكعدي شگد نخيتج

شما أريد انسى وأمشي ابعيد ابالي اسنينج أيعرضن
اجدامي بكل درب ميتات وبس لگبرج ايركضن
كلشي البيه يوجعني ماميت وضگت الموت
يريته بيه بسمارج ويريت اضلوعي ينرضن

كون العمر هم ينشري واشريلج اسنين
لا حسن من عندج شبع ولا شابع احسين
فاطمه……….. فاطمه
……………………………………….
وگفتج…. وگفتج…… شمحلاها وگفتج
دمعتج… دمعتج ….ذبحتني دمعتج

شعوفج يابعد گلبي أوياج أدفنت لوني
شلون ارجع الذاك البيت وانه امضيع اعيوني
بعد ما اشوف يم حسين اخذ ثلثين حيلي الباب
واني اشلوني ابلياج عليّ ماتنحجي اشلوني

واللثامي طاح أمن البجي مو بيدي حنيت
ما دامج اهنانه بعد ضلته ألمن البيت
فاطمه………… فاطمه
………………………………………
وحگج…. وحگج…. وما احلف وحگج
يأسمج يأسمج…. يرد عافيتي أسمج

ما متعوب وانتي وياي بس هسه شكثر متعوب
فرگتج فاطمه شكلفه يرادلها عشر اگلوب
مدري شماخذه ومخنوگ أنه بعازة هوى ضليت
شفت بس الصبح وياج وكل ايامي هسه اغروب

ابيناتنه كلشي ضوه جا ليش الافراك
يم حسن وعيون الحسن لأم حسن مشتاك
فاطمه………. فاطمه
…………………………………………
أكابر…أكابر….. بكلشي اگدر اكابر
أكابر… أكابر….. ويمج ما أكابر

احجيلج جلمه اريد اوگف كلشي ولا تعوفيني
ينقطة ضعفي قويني عليج اعيوني قويني
هاي اول حرب منها ارد خسران يم حسين
شريد اصبر اذا ذكروج وشلزم ظهري لو عيني

شيسوي بله المنهضم والعنده شمات
گوميلي رجعي الروح ألي مو حيدرج مات
فاطمه………… فاطمه
………………………………………
بنيني…. بنيني….. الون ماخذ بنيني
اونيني اونيني….. شسولف عن ونيني

شيبي واصل لگلبي هينه الشيب البراسي
وعاشرت الگبر مجبور اخذ من عندي اعز ناسي
واخذ مني ابن ياريت لو عايش ولو نص يوم
وكون البگه مو بالراس كون البگه بأنفاسي

راح أكضي عمري مختنك مات الهوى وياج
جيبلي واحد يقتنع انه اگدر انساج
فاطمه………. فاطمه

احمد ماجد الكلابي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

عن لسان حال مولاتي الزهراء ع
وهيه تخاطب مولاي إبي الفضل ع

وانته يم الله نخيتك
بضلعي احلفك وبدمعتي
يا ابو فاضل ياحبيبي
خلي عينك على بنتي
ماعدها غيرك ثاني…..عباس عوض امجاني
…………………………………………..
المثلك ما يوصونه لجن من خوفي سامحني
دمع زينب هضمني بليل مو بسمار هاضمني
وما ملجومه من الباب ونها اعليه لاجمني
ماهمني يبني مكسره ضلوعي
بس اعله زينب طاحن ادموعي
وبكلشي جانت هيه موضوعي

عيون ام زينب تره انته
عيش عباس ابدالي
ويبني ما اوصيك بيها
من يضل امجاني خالي
وبفراكي صيرلها اني…..عباس عوض امجاني
…………………………………………..
شهم من طينك امبين واجيت بروحي حلفتك
عزيز انته بغلاة احسين رغم بعيوني ما شفتك
اطيبن واصبح انه بخير من تتكفل بأختك
لاينشغل بالك على وني
داريها لو رايد تطيبني
وحبها بكثر ما حيدر يحبني

شوف ما شبعانه مني
وبكلبها ادري لجمه
زغيره زينب توها تحجي
وتوها متعلمه ييمه
موقفها حيل اذاني…….عباس عوض امجاني
…………………………………………
يلايگ بس عله بنيتي اخو وتحلالها خيمه
عباس امطر شما بيك بالطف رخص الغيمه
وجدم زينب يخو زينب مايعرف شنو الهيمه
زينب حنينه ولا يجرحوها
يبجوني كون ولا يبجوها
عباس كلشي ولا يركضوها

شوج ما شايف جدمها
وتدري بيه شكد احبها
والحرك بابي عليه
خوفي لايحرك كلبها
بس ضمها علبجاني….عباس عوض امجاني
…………………………………………
عليك اعيوني ياعباس عيشها بوسط دمك
من جانت قبل تبجي أسكتها جنت بأسمك
وماكتلها اكو دخان بس كتلها تشتمك
تبتسم بس من تسمع الكافل
بلمهد وتحبك يبو فاضل
تدريك ياعباس تستاهل

بنيتي مخلوقه اعلمودك
وانته مخلوق الأجلها
كلشي بلطف كلها باجر
بس اعوفج لا تكلها
وحاشاك ماتنساني…..عباس عوض امجاني
………………………………………….
ما شفتك لجن عايش عمر عباس بوريدي
انه وامك احبيبات وانته ان شاء الله وليدي
وقبل لا يوكع المحسن سلامه دزه الك بيدي
يمه ابو فاضل كالي شلونه
كليله زينب تبقى بعيونه
عباس منك انه ممنونه

هايه انفاسي الاخيره
واعتذر خافن لجمتك
راح انام مأمنه اني
ادري راح تعيش لأختك
بيك انسى كل احزاني….عباس عوض امجاني

احمد ماجد الكلابي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
رغم الاسنين الزغيره
فاطمه بروحي جبيره
…………………………………………..
عاشت بروحي اشكبرها رغم زغر أسنينها
اغلى من اعيوني فاطم وكون بيه اونينها
حسبي الله عالعصرها وهضم كلب احسينها
مادرى (فلان) السطرها آنه جنت بعينها

بالقيامه الباب يشهد
منهو بجه بت محمد
ام حسن فخر العشيره
رغم الاسنين الزغيره
…………………………………………..
فاطمه الله يحبها ويحب كلمن حابها
شنهو عذره ال (وأن) كايل يوم دفعوا بابها
طولها ماشافه أحد بس علي ومحرابها
احجابها بله أشيطيحه ولازم الله احجابها

كلشي مخلوق لأجلها
والنبي ( يمه) يكلها
وبلارض ل(الله) سفيره
رغم الاسنين الزغيره
…………………………………………..
ماتموت الكلها رحمه وخير كل ايامها
قبل لاتفكد ولدها تسأل اعله ايتامها
تموت اذا تسمع فقيره وتبجي كل احلامها
وروحها تركض قبلها وقبل حتى اجدامها

عاشت وماتت أبيه
ماكو أحن من الزجيه
جانت شكد بيها غيره
رغم الاسنين الزغيره
…………………………………………..
فاطمه سورة الكوثر لجن ما راعوها
مادروا سبو محمد والله من سبوها
فاطمه السر الإلهي وحجه عالبجوها
اثمنطعش آيه عمرها بيا ذنب عصروها

تبت أيد الي دفعها
العرش يبجي لضلعها
حيروها شلون حيره
رغم الاسنين الزغيره
…………………………………….
…………………………………………..
ماكو لام محسن شبيهه وماشفت بأطباعها
تستحي وضمت ألمها رغم ذيج اوجاعها
جم ملك نازل عليها ويسأل اعله اوضاعها
الله خالق كلشي الها من السمه لحد كاعها

آنه منها وهيه مني
وقبل لا احجي اتعرفني
وجهي بس الها اديره
رغم الاسنين الزغيره
………………………………… ……

احمد ماجد الكلابي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
بالليالي الفاطميه
نقره مقتل للزجيه
ضلع ام المحسن ينصاب
بس الخيل هنانه الباب
……………………………..
بالعتبه هذا الطف جره لألي الله يخجل منها
خطتها جانت مستحه من علي وضمت ونها
علميمنه احجاب ام حسن وعلميسره محسنها
والرايه بجفوف الشرف بجفوف كافل جنها

منهو هذا الدفع فاطم
براسها تحلف الوادم
عاشت نور لكل محراب
بس الخيل هنانه الباب
…………………………………………
هجموا عليها الموزلم وجابوا حطب لخيمها
الجنها ندى ماتنعصر ياما محمد شمها
هاي المره الماميزوا أبينها وبين امها
ماينهدر دم فاطمه غير الله يمشي بدمها

ام حسن مو فدك همها
أمسجل العرش بأسمها
وللبجوها يوم احساب
بس الخيل هنانه الباب
………………………………………..
عطشت عطش ماينعطش ومحد كدر يرويها
ابطفها العطش جان العلي بس هو يدري شبيها
وبألسانها اسمه عثر وماسولفتله البيها
خافت على الدنيا لأن تدري بعلي يفنيها

الله من شاهد حزنها
انتظر بس كلمه منها
شكد تاناها وراد اجواب
بس الخيل هنانه الباب
…………………………………………
راس ودمع من شيبت ون الحسن شيبها
ومو للضرب ذاك المتن لحسينها وزينبها
ام الارض مدري السمه الاثنين شو تندبها
كدما حنينه شكد بجت بس بجت علعذبها

مادرى هذا الجواها
الجنه مرهونه برضاها
وللجنه تجيب الاحباب
بس الخيل هنانه الباب
………………………………………..
بسمار المثلث ركض لضلوعها وذبلها
ومن شافت المحسن وكع اعتبرت الحايط تلها
وجفينها شبعن ركض علباب.. محد الها
بس صوت من دم الطفل لميني يمه ايكلها

بظلمه حيدرها دفنها
وحفر يمها كبر ابنها
بحيدر مامر هيج امصاب
بس الخيل هنانه الباب
………………………………………..
احمدماجد الكلابي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ضلعي يطيب وداعت انفاسك
بس اشيطيب الشيب البراسك
ليش..حيدر… عالي ونك
ضلعي.. فدوه.. …لشيبه منك
…………………………………………
كافي تكبر يابو زينب ارجع لزينب ابكدك
انته كل الدنيه بيدك..أيدك اشعدها اعله خدك
يلعشت ليه وعشتلك ادري غيري ماكو عندك
ايطيب كسري من اشوفك تضحك ابيتي ويه ولدك

آنه تره الما اكدر ابدونك
غمض علي وتلكاني بعيونك
كلشي…بيه….راضي عنك
ضلعي… فدوه… لشيبه منك
…………………………………………
غاليه ادموعك عليه يلمدللني ابحياتك
اشهالحنان البيك حيدر وكبري غطيته ابعباتك
لخاطري كوم اعله حيلك اشتاكن لطولك بناتك
اسمعت مابيك توكف والدعاء يبجي بصلاتك

ارجع لبيتك داري احبابي
بسك علي نايم عله اترابي
ارجع…لمهم…بهذا حضنك
ضلعي….فدوه…لشيبه منك
………………………………………..
غمضت مستحيه منك مامغمضه الألم كسري
أزغيره الاسنين العشتها وقصرت خافن بعمري
انعجنه بطينه وحده عشت عطرك وانته عطري
عمر شايلني اعله راسك كون اخدمك جوه كبري

دافني لو دافن علي روحك
من كل كتر شو تنزف جروحك
ريته….كله….بيه حزنك
ضلعي..فدوه… لشيبه منك
………………………………………..
مااعوفك تدري بيه مايهمني عدله..ميته
وما أهم جي عيني حمره بس أهم جي بيها انته
ومثلي محسن هم يحبك ويستحي يطلعها ونته
جانت امنيته بحياته أتهزه بلكاروك أخته

من دون اخوته ما غفه بأيدي
جان اشحلاته ايشبهك وليدي
لأجلك….دمنه…انه وابنك
ضلعي… فدوه..لشيبه منك
…………………………………………
شمحلى يافاطمه بصوتك أنسى وني وأنسى وضعي
أعليه لاتزعل يغالي ما اضم اعليك طبعي
حتى تبقى اكبالي اخضر ماجبتلك طاري ضلعي
ادري الأذبلك عصرتي وجان الك كل ذاك دمعي

ماعندي غيرك ياعلي ثاني
حيل اعتذر جي صرت دفاني
عذرني…حيدر…غالي متنك
ضلعي… فدوه… لشيبه منك
………………………………………..
احمد ماجد الكلابي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

لسان حال مولاي أمير المؤمنين صلوات الله عليه

يافضه كل العمر فاتحتي

من وكت راحت مني فاطمتي

راحت…. راحت…. فاطمتي

…………………………………………………………..

يافضه بس الفكد غاليّه ايحير

راحت ايام الخير ويه ام الخير

جنت آنه بير الوادم بكلشي يصير

وبفراگها محتاج مدري شجم بير

محد يعوض امجانها الخالي

اشكبره النقص يافضه بعيالي

ألمن أسكت ابني لو بنتي

من وكت راحت مني فاطمتي

راحت… راحت… فاطمتي

………………………………………………………….

لكلشي احسبت بس ماكو للفركه احساب

العاشت ابكلبي والله مو مال اتراب

ردت انعصر واعرف اشمثكلها الباب

ذيج الخذت من عندي اعز الاحباب

 

بلمكبره اتضل خايفه ابدوني

عفتلها يم اترابها اعيوني

دافن دواي وبقت بس علتي

من وكت راحت مني فاطمتي

راحت…. راحت…. فاطمتي

…………………………………………………………. .

اشتاگيت اگللها ام حسن أروي اضماي

اشمحلاته من اجفوفها ذاك الماي

بيا وكت ابجي وفاطمه مو وياي

راح أگضي عمري للكبر رايح جاي

وشلون اعيش وهيه مو يمي

اشتاكيت لأسمي من تكول اسمي

كل حجيي بيها و هيه سالفتي

من وكت راحت مني فاطمتي
راحت…. راحت….. فاطمتي
…………………………………………………………. .

صاحوا الفاطمتي يم ضلع المكسور

من بيتي ماخوذ الهوى مدري النور

ماردت أبين منكسر بس مجبور

لطول ام حسن مشتاگ حتى التنور

حيدر دفن كل حيدره وياها

ما ينسي شي بيها وانساها

نامت الجانت شمعتي وبختي

من وكت راحت مني فاطمتي
راحت….. راحت…. فاطمتي

………………………………………………………….

اشكد مستحي من اسنينها المرها البين

شمزغر عمرها الماوصل للعشرين

شما اذكر شگالتلي دم تبجي العين

مره اتفقنه اثنينه أنكبر احسين

 

راحت المن اعيوني تعرفني

وبدونها ضل كلشي يوجعني

بالساني ياما كلت وين انتي

من وكت راحت مني فاطمتي

……………………………………………………………

مايشفه كلبي لو يضل بس عالنوح

ضلتها روحي المن وماكو اهل الروح

شجم حرب مرت بيه بس مامجروح

شو هسه اني ابلا حرب بس مذبوح

 

ماعندي نقطة ضعف كل عمري

بس هسه أيدي انطبعت بظهري

واكبالي اشوفج بالدمع حرتي

من وكت راحت مني فاطمتي

راحت…. راحت…. فاطمتي

……………………………………………………………

من فارگتني أكبرت مدري شجم عام

أمعلم اعيوني اتشوفها يلا اتنام

وجي كثر دمعي واستحي من الايتام

ماعفت وجهي لحظه من غير الثام

 

واتلثمت من دمعي البعيني

بس شيلثم گلبي واسنيني

اوياي كلش مانصف وكتي

من وكت راحت مني فاطمتي

………………………………………..
أحمد ماجد الكلابي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

لسان حال الحسين ع

بعد بلدنيه المن نشتم الهاب
شمعة بيتنه وطفوها بلباب
راحت فاطمه ..راحت فاطمه
____
ضلمه الدنيه جي ميت ضواها
وعلي خفنه علي يموت ابراها
يزينب أيسي من رجعتها والناس
نعش جابولها وذبو دواها

يزينب راحت وراحت حياتي
بعد ياهو اليكعدني الصلاتي
راحت فاطمه..راحت فاطمه
____
احس البيت بينه يضيك الغروب
وشوفن ضلع يم الباب متعوب
امي تمر علينه تشوفنه. (ازغار)
حنينه وماتصل لحساسه اكلوب

احسها تلمنه وتشم بعطرنه
بعد روحتها ما يسوه عمرنه
راحت فاطمه…راحت فاطمه
____
مخنوكين عبره وكوه نحجي
وأول مره ابونه نشوفه يبجي
حيدر شالع البيبان مشلوع
كلبه ومن يكوم اله يتجي

مايكدر على افراك الحبيبه
مصيبه الماتمر منها مصيبه
راحت فاطمه..راحت فاطمه
____
نكسر خاطر الصلفين الكلوب
المايعرفنه يبجي علينه الغروب
زغار وامنه من نريدها نكووم
نبجي ونغفه متعوب علمتعوب

كلنه ضلوعنه توجعنه بلباب
بعد بلدنيه المن نشتم الهاب
راحت فاطمه..راحت فاطمه
____
ياخذنه الكبرها حيدر بليل
ومن بعيد نشتم ريحة الهيل
من الكبر تنمد النه ذرعان
تحضنه وتلولي وننشبك حيل

دللول الضلع مكسور مكسور
احنه نلولي لمنه ابين الكبور
راحت فاطمه…راحت فاطمه
____

علي ميران

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ليش مكسور الضلع والجاني بابج
وانتي خيط الصبح من طارف حجابج
من قديم الزمان..ولسه اسمج امان
فاطمه..فاطمه
………..

انتي يا اول اميره بلاقصر ..ينعصر.. ضلعج ابابج حرامات
انتي أول سيده أبيت النبي.. وأم نبي.. ابحضنج اتنام الحمامات
فاطمه أنتي السلام بذاته
النهر من صمتج أخذ خطواته
انتي منبع حنان..من قديم الزمان
فاطمه..فاطمه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
انتي يا أم الحسن اكرم بشر..ماضفر..كلمن يخونج يغاتي
انتي يا ميه وفرد سبحة شرف..وانعرف..انتي تحقيق امنياتي
انتي امج جابتج للديره
ضوه او وجهج كل مكان ينيره
ياضياء المكان..من قديم الزمان
فاطمه..فاطمه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أنتي ياروح النبي ودرة علي..ينجلي..باسمج الهم من نذكره
انت تكبيرت صلاتي من الصبح..ياصلح.. ياقرار الما نكسره
بيتج الفرّآش ساكن بابه
مأمن وكل من يكون يهابه
يا دعاء ب أذآن…من قديم الزمان
فاطمه..فاطمه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
انتي من تقرين قرآن الصبح..ينفتح.. باب للوادم رزقها
انتي شمس الله وهوائج ينشهك.ينعشك..يا مغاربها وشرقها
الما يعرفج هاذه عقله حجاره
ياهو مايعرف محطة داره
يا مياه الجنان..من قديم الزمان
فاطمه..فاطمه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
فاطمه معناها قل يا ربنا..أحمنا..من شرور المانعرفه
اسمج آيه وباكت مو أي مره..ينقره..غير مسموح ونحذفه
انتي آيه وماكو غيرج آيه
جنت يم حيدر ستر ومرايه
عنبر وغيرج دِنآن..من قديم الزمان
فاطمه..فاطمه

علي ميران

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
فاطمه من بعد ابوها
حاربوها وعذبوها
ماتت بحسره وغضب عاللي وج بيده الحطب
واللي بامره هاجموها فاطمه من بعد ابوها
“”””””””””
فاطمه ابنة نبي
فاطمه زوجة ولي
فاطمه ام اللذي سادة شباب الجنه
هيه من طه النفس
وباللي ياذيها يحس
ويمس طه اللي يمس. فاطمه وحدها يتدنه
ورغم هذا اتجاسروا
ومن ارثها جرّدوا
مارعو حرمه وأدب ومن رسول الله النسب
رغم ذلك حاربوها
فاطمه من بعد ابوها
“”””””””””
فاطمه أنّه ودمع
فاطمه كسرة ضلع
طه بيها منفجع. شلون بالباب عاصروها
فاطمه هيبة وحي
فاطمه بضعة نبي
عليها يجرأ ناصبي وبامره دار الله احرگوها
خبروه بيها الزجيه
وإن صاح تكون هيّه
نفذوا بسرعه الأمر
والضلع خل ينكسر
وهسه بالنار اضرموها
فاطمه من بعد ابوها
“”””””””””
فاطمه مثل الشمع
من تهل ماتنسمع
وقلب حيدر منفجع ياعظم هذا المصاب
ينظر حسين انهظم
والحسن گلبه انلچم
وزينب تعيش الألم وهو عاش اكبر عذاب
مچتف ابأمر الوصيه
ويحمل انواع الاذيه
لله سلّم كل أمر
وعاش قابض عالجمر
والرساله اللي نسوها فاطمه من بعد ابوها
“”””””””””
وحيدر بهذا المصاب
يحمل شگد من عذاب
من الحزن دلاله ذاب من فگر روحه الزچيه
من فگد ام الحسن
من بعد طه امتحن
والمحن يترادفن. وهيه هاي اكبر رزيه
عاش وگليبه يحن
ل طه مره ولام حسن
گلبه محزون وكظيم
هالجرح جدا عظيم
يشوف بعيونه الاذوها
فاطمه من بعد ابوها
“”””””””””
ماتت وهيه بوجد
عالمله گلبه الحقد
نادت ومحد يرد يارسول الله نداها
تبعو الخان الأمين
ونكرو الحق المبين
هؤلاء الحاقدين. وعترتك نصبوا عداها
حاربوها بكل زمن
وشردوها بلا وطن
مايضل رادو اثر
تالي دمها اللي انتصر
حاصروها وطاردوها
فاطمه من بعد ابوها

احمد آل عگله الموسوي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيدة ( عالباب أثار الدمه)

※※※※※※※※※

 

عالباب أثار الدمه
آويلاه يفاطمه

~~~~
عالباب مطبوع الأثر
چفين ودموع وصور
وضلوع وگليب انكسر
وأثار محسن الـنعصر

من طاح وأُمه تكلمه
آويلاه يفاطمه

~~~~

عـالـباب أثـار الحرگ
دفعات وصياح وسحگ
بسمار شاهد عاليطگ
مأسات وتريد الصدگ

الزهراء ضلت جاثمه
آويلاه يفاطمه

~~~~

العين زرگه و المتن
وسطرات ضلت علجفن
الزهره عالگاع و توون
غابت شمسهه بالحزن

الاكوان كلهه مدلهمه
آويلاه يفاطمه

~~~~

الحوراء يمهه شاهده
تنظر عليهه موسده
عالگاع گـلب الوالده
حضنت ابنهه تمسده

ضربت وجهه لاطمه
آويلاه يفاطمه

~~~~

الحوراء تسمع تنشتم
والدار صاحت مو زلم
تحلمون چنتم بالحلم
الكرار سيفه ينهزم

بس الوصيه تحجمه
آويلاه يفاطمه

~~~~
( حيدر العمار الخزعلي )

.

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

شهادة الزهراء (ع)
لسان حال السيده زينب (ع)
قصيدة (الزهره ضربوهه)

¤¤¤¤¤¤¤¤¤¤¤¤¤¤¤¤¤

الزهره ضربوهه
بالباب عصروهه
وگبالي دفعوهه
شفت الطفل من طاح

◇◇◇◇◇◇◇◇◇◇◇◇◇

دگو الباب بحقد لمن اجوهه
تندفع شفت برمح من كسروهه
صاح واحد لوبچت لا ترحموهه
دار حيدر بلحوت يلله احرگوهه
الزهره شتموهه
والباب شلعوهه
عالجمره مشوهه
شفت الطفل من طاح

◇◇◇◇◇◇◇◇◇◇◇◇◇

لزمت الباب احتمت حنت سترهه
بدم دمعهه والجرح و بدم كسرهه
فضه صاحت بالعجل لمن عصرهه
شيلي محسن هالوگع رد وسطرهه
عمداً يأذوهه
ابحيره خلوهه
البضعه بچوهه
شفت الطفل من طاح

◇◇◇◇◇◇◇◇◇◇◇◇◇

عالارض لمن هوت انه بحضنهه
انصبغ ثوبي دمه و احمر جفنهه
دمهه يجري تنلچم موهيه چنهه
التفرح بجيتي توون ازرك متنهه
ليش وينكروهه
ليش ويضربوهه
كلهم يعرفوهه
شفت الطفل من طاح

◇◇◇◇◇◇◇◇◇◇◇◇◇

تلوج بالليل و توون و العله بيهه
والنِفس صاير صعب كلش عليهه
تخفي خدهه من علي لمن يجيهه
و بالحجاب إضم جفنهه و بأديهه
ياحيره حيروهه
يا نار وجروهه
الزهره قهروهه
شفت الطفل من طاح

◇◇◇◇◇◇◇◇◇◇◇◇◇

ماتت بثوب الحزن و انه ورثته
اسود امبرج دمه بصغري عرفته
بيه للبسمار أثر البعيني شفته
بيه دخان وحرگ بلطف لبسته
السطره عادوهه
ومتوني طگوهه
وذيالي حرگوهه
شفت الطفل من طاح

◇◇◇◇◇◇◇◇◇◇◇◇◇

حيدر العمار الخزعلي
.

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

⚫جديد⚫ الليالي الفاطميه
قصيدة (خذتهه المنيه )

●•●•●•●•●•●•●•●•●•●

ياروحي راحت خذتهه المنيه
ياجرح اشده واضمده المسيه
بعد الحنينه … ضلمه المدينه

¤¤¤¤¤¤¤¤¤¤¤¤¤¤¤¤¤¤

روحي ماتت والضوه لملم خياله
انعصر كلشي وطفه لبنت الرساله
صوفر و مات الورد ناح بدلاله
عالزچيه بلا وعي يبچي بجماله

كل ورگه دمعه نفضهن سويه
عمري تطشر مثلهن عالوطيه
بلا أُم بقينه … بعد الحنينه … ضلمه المدينه

¤¤¤¤¤¤¤¤¤¤¤¤¤¤¤¤¤¤

الهوه يلهب جمر نسماته حسره
چنه مَرطب بالدمع يصرخ يزهره
طافچ وانتي بنعش نسماته تقره
ويلي مكسورة مشت والكسره كسره

الهوه احتار ييُمه بالقضيه
كبر وزار جراحچ يالزچيه
والله انعمينه … بعد الحنينه … ضلمه المدينه

¤¤¤¤¤¤¤¤¤¤¤¤¤¤¤¤¤¤

الگمر لونه انخطف وانهز كيانه
ما حمل هذا الحزن غير مچانه
عالارض احمر وگع ايعزي اجانه
مشيع بضيه مشه ينحب خذانه

الگمر حار يباوع عليه
بالگبر طاح اجته المنيه
ضل ومشينه …بعد الحنينه … ضلمه المدينه

¤¤¤¤¤¤¤¤¤¤¤¤¤¤¤¤¤¤

الارض حيل استحت شافت دمعنه
انترس گبرچ دمع من انجمعنه
راجت اختل الحمل مدري وگعنه
گطعت الخيط بحلگ يُمه انگطعنه

گطعه بلناب ييُمه ورميه
بالگلب نار توج وسريه
ضعنه انتهينه … بعد الحنينه … ضلمه المدينه

¤¤¤¤¤¤¤¤¤¤¤¤¤¤¤¤¤¤

بگبرچ اتمنه ردت بأحضانچ اغفه
و العمر كون الملك يلفي ويخطفه
راح اضلن انتظر و الموت اعرفه
ما اخذ روحي قبل و اتمنه عطفه

ابداعه ابنچ دلزمي اديه
وسعيلي گبرچ اخافن سبيه
عمري وسنينه …بعد الحنينه … ضلمه المدينه

¤¤¤¤¤¤¤¤¤¤¤¤¤¤¤¤¤¤

حيدر العمار الخزعلي
.

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
بس دار

لجلنه الفلك يُمه انخلق بس دار

بچيت وما نعه لمبچاي بس دار

حياطينه حجر بس ناح بس دار

دمع مثل النده ويمطر عليه

●●●●●●●●●●
للتوضيح فقط
الجناس الاول / اندار واختلف (دار خارج المدار )

الجناس الثاني / فقط الدار (المنزل )

الجناس الثالث / اندار منهُ – اي سُكب منه

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

 

 

 

 

 

 

 

 

 

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
السلام على فاطمه وابيها وبعلها وبنيها والسر المستودع فيها

قصيدة (نادت ويانه السمه )

:::::::::::::::::::::::::::::::::::::::::::::::::::::::::

 

يزهراء نادت ويانه السمه
يزهراء يالعزيزه فاطمه
يزهراء يزهراء يصرخ يون الحجر

********

سيده لكل النسه وانتي الاميره

ما قسه وياچ الدهر لوعنده غيره

سافر بجرحچ زمن ياهي الاخيره

من اخذ منچ نبي لو للأسيره

تضلين قصه يرويهه الزمن

تضلين صابره رغم المحن

تضلين تضلين للنسه كلهن فخر

 

*******

 

حزنج ايهد الجبال وتعتذرله

كوثر القران انتي من نرتله

جفنج الهامل دمع بالوجنه صله

من تشهد عرفنه شكبره فضله

بالعيون هالرسائل تنرسل

بالعيون والدمع يشكي الفعل

بالعيون بالعيون توصف الدمعه الخطر

 

*******

 

واكف أكبالچ علي شايله آيه

طاحت بچف النذل هاي الحكايه

والگبر اصبح مهد من البدايه

محسن الزهره انكتب أول ضحايه

يويلاه حيدر انته تدفنه

يويلاه لبنك الظهر انحنه

يويلاه يويلاه هذا ثار المنتطر

 

******

 

بضلعچ أزداد الألم والحيره حيره

چنه شو حان الاجل ساعات اخيره

والحسن دمعه مطر والخد يديره

خايف يودع سمه وبلايه ديره

والحسين بالجفن دمع ودمه

والحسين شاهد اخته لاطمه

والحسين والحسين بالحزن گلبه انفطر

 

 

******

 

بالحزن ذايب علي وبيچ انشغاله

وأرتجف چف القلع حصن الضلاله

من دفن بيده الضوه شوفه اشتكاله

وانحنه يخفي الكبر والحاله حاله

تِوصين أنه ألهم معتني

تِوصين اطمئني وأمني

تِوصين توصين ينولد للطف گمر

▪▪▪▪▪▪▪▪▪▪▪▪▪
●●●●●●●●●●●●●●●●

الشاعر : حيدر العمار الخزعلي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيدة (يُــمه )

●●●●●●●●●●

يُمه … يا احلى كلمه بدنيتي
يُمه … ياضّي عيوني وشمعتي
يُمه … هالكلمه صارت ونتي … يُمه

●●●●●●●●●●●●●●●●

يمه كاتلني حنينچ گلبي ينعه
يالزجيه ودمعي جاري

وجهچ الغايب أسألچ وين اشوفه
انطفيتي وضلمه داري

الگبر عني يضمچ ريته ضمني
ولاحرمني وبيه ناري

ادري … بأحزاني اكضيه العمر
ادري … ما يبرد المدمع جمر
ادري … بعدچ يتيمه كُنيتي …. يُمه

●●●●●●●●●●●●●●●●

چفوفچ التمطر محنه لو ردتهه
ارد اشمهه شراح اسوي

وين اروح وانطي وجهي بالمسيه
وانه گلبي نبضه يچوي

يُمه يا جرح الألزمه بيه يصرخ
آه ييُمه وصوته يدوي

أُمي … يا كوثر الله و يا هلي
أُمي … ضهره انحنه بعدج علي
أُمي … المدمع سلوته و سلوتي … يُمه

●●●●●●●●●●●●●●●●

فتحي گبرچ يالحبيبه استقبليني
انه زينب ارد اشوفچ

عندي يايُمه سوالف عن اخوتي
وانه ادري علينه خوفچ

يُمه بفراشچ ننام ومن نشمه
مانردد بس حروفچ

أُمنه … الزهره گالت نلتقي
أُمنه … بطيفچ علينه اتصدقي
أُمنه … فوگ الوساده دمعتي … يُمه

●●●●●●●●●●●●●●●●

شگال گلبچ من مشيتي يالحبيبه
يالرحلتي بليله ضلمه

حته تشييعچ يحيير سکته نبچي
من مشينه والله هضمه

بسرعه يايُمه دَ فنتچ حتى گبرچ
الصميده بيده ضمه

ينحب … هذا علي فارس بدر
ينحب … ما شفته هيچي منكسر
ينحب … وينادي فاطم جَنتي …. يُمه

●●●●●●●●●●●●●●●●

انتي ميته يالزچيه وما خلصتي
من حقدهم من مكرهُم

والله يعلم يامصيبه التلفي باجر
ياهو يأمن من غدرهُم

شينكسر يالزهره باجر الله أعلم
يرد مكرهم في نحرهُم

چني … بعدچ اضيعن بالفله
چني … ابهيمه ويه العايله
چني … انه اسيره قصتي …. يُمه

●●●●●●●●●●●●●●●●

الشاعر : حيدر العمار الخزعلي

●●●●●●●●●●●●●●●●

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيدة (يا مَّــ جسر الموّت )

●●●●●●●●●●●

يا مَّجسر الموّت … يا مَّجسر الموّت
لدارك ايفوت …. يا مَّجسر الموّت

▪▪▪▪▪▪▪▪▪▪▪

من الربع جابو حطب والخايف اتنكر
والزهره گامت تنعصر والموقف اتكرر
عالمحسن اول ماهجم الموت والمنكر
گالو وصيه بذمتك وارينه واشعندك

▪▪▪▪▪▪▪▪▪▪▪

دخل على دارك علي الموت و تجسر
الي يهابك يرتعب من بابك اتكسر
شاف الوصيه کضتك دلالك اتفسر
لوما الوصيه مااخذهه الزهره من عندك

▪▪▪▪▪▪▪▪▪▪▪

والله عجيبه تنعصر الزهره گدامك
عن الحبيبه ايفرقك لتدوسه بچدامك
الي ترعبه بيمنتك وبشدت ألثامك
بوجهك صفن لمن نظر ادموعك ابخدك

▪▪▪▪▪▪▪▪▪▪▪▪

الي تلمه بالحرب وبأيدك اتطشره
اتصوغه انته برغبتك فقارك ايفسره
بشمرت يمينك ينولد الموت بالفطره
ومعروفه غيرك لا فتى والموت من يدك

▪▪▪▪▪▪▪▪▪▪▪▪

شگد صلف منك اخذ يا حيدر الزهره
ماله أمان ولاعرف ريته انكسر ضهره
خله دموعك بالوجه وسنينك بحسره
وانته الكلف ياابا الحسن ماله وصف مدك

▪▪▪▪▪▪▪▪▪▪▪▪

الشاعر : حيدر العمار الخزعلي

٠

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

السلام على فاطمة وابيها وبعلها وبنيها والسر المستودع فيها
الليالي الفاطميه
قصيدة (شمس الكواكب )

…….::::::::::::……………………..
————————————

طفت شمس الكواكب
علي بالدمعه كاتب
يزهراء
يزهراء

•••••••••••••••••••••••••

سامحيني ماگلت چانت وصيه
بس دگولي ياعلي وأفني الوطيه
حته اگولن أنتخت الزهره بيه
وانت يارب أشهدت وانته تراقب

طفت شمس الكواكب
علي بالدمعه كاتب
يزهراء …….يزهراء

 

•••••••••••••••••••••••••

لوصعد لــسمه المذنب أجيبه
أُمري يثأرلچ علي وأنتي الحبيبه
بالوصيه منچتف دنيه عجيبه
والكسر ظهري عهد ويه المصايب

طفت شمس الكواكب
علي بالدمعه كاتب
يزهراء …..يزهراء

 

••••••••••••••••••••••••••

بهالوضع انتي واحس خوفچ عليه
حاولت أخفي الدمع بس مو بديه
انسلب مني الصـبر آآه يالــزچيه
ادري بالچان السبب بس العواقب

طفت شمس الكواكب
علي بالدمعه كاتب
يزهراء……يزهراء

••••••••••••••••••••••••••

لاتغمضين الچفن يالزهره صبري
خل يودعوچ الأهل وبوجهي نظري
العمر لأجلچ فده والباري يدري
دمعچ ودمعي اليهل نفس المطالب

طفت شمس الكواكب
علي بالدمعه كاتب
يزهراء ……يزهراء

•••••••••••••••••••••••••

خايف اتعرف العده گبرچ مكانه
راح أعوفه مختفي لأخر زمانه
ينتظر طلعه أبن يحمل لوانه
يطلب ابثار الظلع يبدي ويحاسب

طفت شمس الكواكب
علي بالدمعه كاتب
يزهراء …..يزهراء

•••••••••••••••••••••••••
الشاعر : حيدر العمار الخزعلي

.

.

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

انت باب الله الچبير…. ياسعيد ابـــــنَ جبير

رايد اتأدبنــــــــي بيدك….. حبيبي

حتى اصيراً من عبيدك….. حبيبي

وخادمك يصيح أمير

★★★★★★★★★★

 

اشعر ابراحه وسعادة من اطب المجلسك

اتنفست حيدر تره انته وانــه هسه اتنفسك

خلني شذره ياحبيبي كون اصير ابمحبسك

ابخنصرك هنيالي اعيشن حته اذوب ابملمسك

الزمني بيدك لا اضيع… سايم اعليك الرضيع

ابدمعتي اكتب نشيدك… حبيبي

حتى اصيرا من عبيدك…. حبيبي

وخادمك يصبح امير

★★★★★★★★★

 

رايد اتأدبني حته ابكل فرض انـــه اشكرك

ولا تضن ناسيك لحظه حته بالنوم اذكــرك

ياسعيد الدنيا عگبك مو سعيده اتــعـــذَرك

وحُب علي يجري ويدمك هل كتبته ابمنحرك

صحت من مات الظمير…. بس علي يبقه الأمير

انطيني بوسه من وريدك… حبيبي

حتى اصيرا من عبيدك…. حبيبي

وخادمك يصبح امير
★★★★★★★★★★

الخاطر الشمعه وضواها الخيط قرر يحترگ

وانت من اجل الولايه اتموت بس ماتفترگ

عشگ هاي الناس چذبه لچن بس انت الصدگ

واحنه من هاي البطوله گمـــــنــه نتعلم عشگ

گلك ايطير الوريد…. ابحب علي گتله شهيد

اعليك زينب انه اريدك… حبيبي

حتى اصيرا من عبيدك… حبيبي

وخادمك يصبح امير
★★★★★★★★★★

صحت اموت وما اعوفن حب علي حامي الحمه

شلون اعوفن علي وحبه يسري وي مسره الدمه

ياسعيد اعليك امشــي فاطمه وبت فاطمه

أرد اصيرا خادم انـــه وامي عــــدكم خادمه

 

ابجاه ابو اليمه الذبيح … خلني خادم بالظريح

وادري ماتخلف وعيدك… حبيبي

حتى اصيرا من عبيدك… حبيبي

وخادمك يصبح امير
★★★★★★★★★★

قــــــرر الحِـــجاج لازم تنذبـــــح ولكل درة

اوين اكوا مثلك متيم بيده قـــــدم منحرة

دست قصره ابطرف جدمك وانت كلك مفخرة

وگتله اموتا ألف موته وما أعوفن حيدرة

يرخص الدم والرگاب… الخاطرك يابو تُـــراب

انت حر چا وين اصيدك… حبيبي

حتى اصيرا من عبيدك… حبيبي

وخادمك يصبح أمير
★★★★★★★★★★

حاجتي يمك عفتها ولا تردني ابحاجتي

وگبل مااگول انه اعرفك انت تعرف طلبتي

يا سعيد ابجاه زينب ذخر عندك دمعتي

وباچر ابيوم القيامة ثوب الابيض خدمتي

بالقيامه امحزمين…….. انسوي مجلس للحسين

واقره وبكل بيت اعيدك… حبيبي

حتى اصيرا من عبيدك… حبيبي

وخادمك يصبح أمير

★★★★★★★★★★

 

 

ـــــــــــــــــــــــــــــــــــــــــــ

ماجد حبيب الخيگاني
ونسألكم الدعاء ❤

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ضلعي أنكسر وبصدري بسمار .. وجفوف أديه أحتركت بنار
ياوسفه أطيح على الترب .. مهضومه والمدمع يصب
وجفوف أديه أحتركت بنار
……………………………..
هجمت أعليه العصابه من رحل نور النبي
صوت أسمع وإن فاطم صاح حيل الناصبي
زمره ملعونه وخبيثه من الحرق حد السبي
وعلي مجتوف بوصيه والحسن بعده صبي

هاي الضغينه والحقد ليش .. أباب النبوّه أهل الغدر جيش
حسبالك بساحة حرب .. مهضومه والمدمع يصب
وجفوف أديه أحتركت بنار
……………………………..
يانبي الله ورسوله أشلون بابك يندفع
دمي عالحايط تناثر وأثر عالخد منطبع
الظالم بأيده سطرني عيني دم تجري ودمع
وطاح من عندي جنيني أوّن مكسورة ضلع

ما أكدر أنهض أزحف زحوف .. ريتك محمد حاضر تشوف
ترضه أم أبوها تنضرب .. مهضومه والمدمع يصب
وجفوف أديه أحتركت بنار
……………………………..
صحت يافضه أسنديني أتوجه عالحايط وأطيح
حيل هدتني الرزيه ربي سترك كمت أصيح
أنهض وأعثر وأطيحن مثل طير ملاكي ريح
جني أشوف الغاضريه حسين عالغبره ذبيح

كلما يأذيني الضلع حيل .. أبصدره أشوفن تسحك الخيل
محروم من ماي الشرب .. مهضومه والمدمع يصب
وجفوف أديه أحتركت بنار
………………………………..
تآمرت أهل السقيفه والنبي على المغتسل
كل قناع أنشال عنهم من مشه الهادي ورحل
على تشييعك محمد أبد ما واحد سأل
أتكفل بغسل الجنازه والدفن خير العمل

وكت الكلافه أتبين الناس .. ياهو الصديق وياهو وسواس
حتى العرف صارو غرُب .. مهضومه والمدمع يصب
وجفوف أديه أحتركت بنار
…………………………………..
سِمَعت الصوت وأجتني وشافت آثار الرفس
ركضت وشبكتني زينب تشعر بأمهه و تحس
وين حماي الحميه تهمس بأذني همس
خل أبوي يسل فقاره خل يرد أهل الرجس

أهل السقيفه أتمادت هواي .. بالنار رادت تحرق الماي
رادو خلافتهم غصب .. مهضومه والمدمع يصب
وجفوف أديه أحتركت بنار
………………………………..
لو متت باجر يحيدر كبل مايطلع فجر
بليل تدفني وصيتي وتخفي آثار الكبر
ما أوصييك أبنيني والعقيله أم الخدر
خاف بأرض الغاضريه بسوط يضربهه الشمر

لو راح محسن تلكه عباس .. نعم الأخو بي ترفع الراس
وخلافه للمجلس تطب .. مهضومه والمدمع يصب
وجفوف أديه أحتركت بنار
…………………………………
حيدر مطر العبادي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
(مات الورد)

يـسلـمان مات الورد — يـسلـمـان ألــمـن أرد
يسلمان هـسـه العلي — يـسـلـمـان إقره الـحمـد

*———————-*—————–*

غـابـت أحـلامي ورحـل حـادي الأمـاني
مـيـت بـهـيـئـت عــدل گــدامــك أنـي
ودّعـت زهـرت حيـاتـي وعـمـري فـاني
الحيدر اقـره الفـاتحه گـلي اشـتـتـاني

بالـتـراب ضاع العـمـر — بـالـتراب خـد الطهر
بالـتراب كلشي أندفن — بـالـتراب حافـر لحـد

*———————-*—————–*

الـيـحـفـر الـروحـه گـبـر بـين الـمـگـابر
ينـعـه عمـره ايـگـوم وي نـاعي المنـابر
الــدافـن احـلامـه بـعـد الــمـن يـكــابر
يصـبـر اشلون بجروحه ويـبقـه صابـر

اليعيش عـمـره بدمـع — اليعيش كسـر الضلع
اليعـيش نـار الالـم — اليعيش صعبـه أعتـقـد

*——————–*—————–*

عـمـي سـلـمـان انـكسـر للزهـره ظهري
چـانـت اتـسـليـني هـيـه وانـتـه تـدري
أدفــنـت وي الــزچـيــه أللـيـلـه عـمـري
خلصت اسنيني احسهه وخلص صبري

أداويه بيش الـگلـب — اداويه كلش صعب
اداويه بـس ابـدمـع — اداويه وأيـام أعــد

*———————*——————*

أفـگـدت كلـشي ابفـگـد أغـلـه الحبـايب
بلحظه حسيت الگـلب وبـراسي شـايب
والله دنيـه وشـاهدت بيـهـه الـعـجـايب
أثمنطعش عـام الـورد لـلـحـفـره جـايب

تـمـنيت آنـه انـدفـن — تـمـنيت انهي الحزن
تـمـنيت جوه الترب — تـمـنيت مـن نبـتـعـد

*———————*—————-*

مـثـلـي يـاهـو بـالـتـرب وسّـد خـليلـه
وگـبـل راسـه بـدنـيـتـه شـيـب دلـيلـه
حـگـه اليعيش بـجـرح ينـطـر رحيلـه
آنـه لو بـيـدي الاجــل مـا تـانـي ليـلـه

أحـاچيك بس الجسـد — احـاچيك اشضل بعد
احـاچيك جـاوب ألـي — احـاچيك يـابو المجد

*———————–*——————*

مـرت أيـام الــدفـن ســيــد الـبـريــه
بعـده جفني مـعـاشر الدمعه الجريـه
فـجـئـه دولاب الـوكـت وفـتـر عليـه
خـيـّب اضنوني واخـذ مني الـزچيـه

يروحون ليش بـعجـل — يروحون أغله الاهل
يروحون وآنـه أنـتـظر — يروحون كون أستعد

*———————*——————*

✍خـادم الزهراء (ع)
الشاعر رعد الجريخي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
لِفاطمه وأبيها
وبعلُها وبنيها
الله خالقنه خدم…….

الله خالقــــنه خــــــــدم لترابهم
انجعلو انه احباب وحنه حبابهم
يمته نتــــعنه ونقبل اعتـــــابهم
ونخــــدم ونكنس ابعتبت بابهم
هذهِ آمالُنا نَحكيها….

الفاطمه احنه اعيونه انبچيهه
وهل مجالس نحضر ونحييهه
والله هل خدمه انتشرف بيهه
وبالدمــــاء وبالنفـس نشـريهه
ولها ارواحنُا نفديها.…..

شرف هاي الشـيعه ربك زادهه
بخدمة الزهره وعلي واولادهه
همه للدنـــيه العمد وســيادهه
وثورة حسين اصبحو قوادهه
ولهُم دمعاتُنا نبكيها…..

هل مجالس نعمه من رب المله
جعل بيهه اعظم مكانه ومنزله
يوم فاطـــــم بالحزن نستقبله
وبالمجالس والدمـــوع السايله
نَنّصِبُ المأتَمَ كي نُرثيها…..

يلي تلطم لم حسن ومصابهه
الجنه تفتحلك جميع ابوابهه
وحـق تربت فاطمه ومحرابه
اتفوز باجر بالجــنان احبابهه
ومِنَ الحوضِ غداً تسقيها……

✍كامل السعيدي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصيدة لتشييع فاطمة الزهراء ع… .

اليوم شيعناهه
اليوم شيعناهه
اجنازتچ يم الحسن اليوم شيعناهه
@@@@@@

شلنه نعشج بالدمع
والدليـل المنفـــجع
آه يا كســــر الظـلع
والجنين المنصـرع

تألمينه اوياهه ،،،،، تألمينه اوياهه
اجنازتچ يم الحسن اليوم شيعناهه
@@@@@@

نزلت أمــلاك الســــماء
ألـچ يا فخــــر النســاء
عالأرض نصــــبو عـزاء
وضجت اصوات البكاء

ابكل وكت ننعاهه ،،،،، ابكل وكت ننعاهه
اجنازتچ يم الحسن اليوم شيعناهه
@@@@@

ابصوت نادت شيعتچ
دم نهل وي دمعــــتچ
ما نســينه امصيبــتچ
والضلـوع وعصـــرتچ

واللـه ماننساهه ،،،،، والله ماننساهه
اجنازتچ يم الحسن اليوم شيعناهه
@@@@@

انعزي طه وحـــيدره
ابطيحـتچ يالطاهـره
وين عنـــــــچ يا تره
اليوم سبع الگنـــطره

هاي نتمناهه ،،،،، هاي نتمناهه
اجنازتج يم الحسن اليوم شيعناهه
@@@@@@@

حيــل اورم صدري اريد
بالطــــــــم لم الشهــــيد
حالهه ايذوب الحــــديد
ابفعل ضـــــــــلام العبيد

ياثگل بلواهه ،،،، ياثگل بلواهه
جنازنچ يم الحسن اليوم شيعناهه
@@@@@

اوياچ وقعـــنه العــهد
نبقه نخـــــــدم للأبــد
حبچ احلى امن الشهد
واللـه منعــــوفه بعــد

الخدمه ماعفناهه ،،،، الخدمه ماعفناهه
اجنازتج يم الحسن اليوم شيعناهه
@@@@@

الخادم
كامل السعيدي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

بسك يالفحل. موخدك ذبل. كف عن البچي اشويه
ارحم حالتك. خفف ونتـك. گمــــت اسمعها ليليه
يابويه راسك شاب —- جرح الفرگه ماطاب
***
سهرانه طـــول اليل عذبني ونينك
والدمعه ياكرار مرسومه اعله عينك
بفراك أمي هل يوم بس الله اليعينك
حتى اكثر امن النوك للزهره حنينك

يا حامي الحمه. دارك مظلمه. نور أم الحسن طافي
الغايب مايرد. ذبلان الورد. ملينه الحزن كافي
كلبك يحيدر ذاب —– جرح الفركه ماطاب
****
صوت الزهره ناداك خلف الباب اسمعه
يا حيدر البسمار من اضلوعي طلعه
طاح المحسن ومات مالحكت اودعه
سل فقارك اوكوم عني الشر ادفعه

اتناديك اوتون. أنه أم الحزن. ياراعي المدد مدني
ونته اتعذرت. من عدهه وكلت. عنج طه كيدني
عذب دليلي الباب —- جرح الفركه ماطاب
*
صبرني بويه اوياك وصبر عالمصيبه
يجرحني صوتك حيل من اسمع نحيبه
گلبك ادري شب نار ما يبرد لهيبه
ودري المحب يحتار لو ودع حبيبه

جم غالي الرحل. يوم اوداعه حل. تلسع جمرة امصابه
ليل الوحشه مر. گضيه بالصبر. وجرع لوعة اغيابه
نور ام الحسن غاب—- جرح الفركه ماطاب
*
ما جاوز العشرين يابويه عمرهه
ميتهه اوياهه ياريت وتحطني ابكترهه
محرومه صار ايام ما اشتم عطرهه
يابويه اخذني اوياك دليني ابگبرهه

خل نگعد سوه – دلالي انچوه – وزادت لوعة اجروحي
هسه اني ابحلم- ماادري ابعلم – فگد الزهره حز روحي
عذب گلبي الامصاب —- جرح الفرگه ماطاب
****
هون عليه آلام فگد امي الزچيه
باچر وراي امصاب برض الغاظريه
باچر اشوف حسين جثه اعله الوطيه
ولچم گلبك اهواي من اطلع سبيه

باچر بالغرب- بنتك تنظرب – وصحاب الشيم نومه
آه امن الزمن- راواني المحن- من زغري انه ملچومه
دلالي بويه انصاب —- جرح الفرگه ماطاب
***

الخادم
كامل السعيدي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصيدة الاستشهاد فاطمه الزهراء ع…

يازهراء عشتي العمر مظلومه
يازهراء من محسنچ محرومه

المحسنچ ونيتي — ابطيحته اتأذيتي — نون وياچ
ماتجف دمعاتنه — نندب ابعبراتنه — ما نسيناچ
ظلمه صارت دارچ — فارگت انوارچ — صعب فرگاچ
يلي عشتي ابلوعه — امن الظلم موجعه — نبقه ننعاچ
يم حسـين كل شيعتچ ملچومه
يازهـــراء عشتي العمر مظلومه

ضلعچ امن اتكسر — علي ضل يتحسر — والفكر تاه
يمسح ابدمعاتچ — يون وي وناتچ — عاش بل آه
حيدر ابكل ليله — فگدچ ايهد حيله — وداعچ اذاه
زاد لجلك نوحه — انتي شمعت روحه — ونور عيناه
ليل انهار يبچي وثچيله اهمومه
يازهــراء عشتي العمر مظلومه

مانسينه امصابچ — ولي حرگو بابچ — فاطمه ابنار
لعنت الله اعليهم — غيره ابد مابيهم — كلهم اشرار
والخلافه اخذوهه — من علي قصبوهه — ونكرو الصار
يمته سيف القائم — ينسل اعله الظالم — ياخذ الثار
ماننساه ثارچ يزهره اويـــومه
يازهراء عشتي العمر مظلومه

وحق عتبت بابچ — مايطيح احجابچ –بين الأجناب
انتي زهرة طه — بين اديه رباهه — يم الحجاب
گامو ايضربونچ — ورموهه امتونچ — بلايه اسباب
حيل ياذي اصوابچ — كسر گلب حبابچ — هذا المصاب
واويــــلاه يافاطمه المهظومه
يازهراء عشتي العمر مظلومه

حسين تجري ادموعه — وزينبچ مفجوعه — ذابت الروح
كسروها اضلاعچ — والحسن بوداعچ — گلبه مجروح
يوم نظرو حالچ — چم حلم لطفالچ — طاح مذبوح
حتى فضه وقمبر — اگلوبهم تتحسر — ضلو ابنوح
بالاحزان كل شيعي يخلص يومه
يازهـــــراء عشتي العمر مظلومه

الخادم
كامل السعيدي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

احنه خدام ونضل ننصب عزيه
كل سنه نحيي أليالي الفاطميه
عالعهد باقــــين والله يم حسين
كل سنه نحي اليالي الفاطميه
«»،«»،«»،«»
احنــــه احبـــــــابچ يزهــــره تعرفينه
ابدفتر الخــــــــــدام عــــدچ سجلينه
بيــــــــــدچ الجـــــــنة محمد دخلينه
لووصل يوم الحســــــــــاب اتذكرينه

ونتي ماتنسين …. ويانه لتقصرين
ابحيـــــره لتخلينه يالكلچ حميه
«»،«»،«»،«»
بينه لهفه اعله المجــــــــــالس والمنابر
ابكل عزه حساسچ يزهره اويانه حاظر
عدنه چن ليلة مصــــــــابچ يوم عـاشر
كل محـب وي حيرتچ هاليله حــــــاير

شيعتچ يبچون …. ألـــونچ أيونون
عذبانه اصواب ظلعچ يالزچيه
«»،«»،«»،«»
الون الاســــــود صار لايگ بس علينه
يالزجيــــــــه غيـــــره ابـــد ما بدلينه
الان كل ايـــــــامنه خــــــلافچ حزينه
اشگد نعينه اشگد لطمنه اشگد بچينه

والگلب مجروح …. والـدليل اينوح
نبچي دم يافاطمه ابهاي الرزيه
«»،«»،«»،«»
فاطمه ابكســرت ظلــــوعچ صــوبونه
ابطيحت المحسن جنينـــــــچ عذبونه
هسه نفس الزمــــــره ردو حـــــاربونه
الحقــــد مالي اعيــــــونهم لمن اجونه

اليدعون اصحاب … وحرگـولچ باب
ردو اليوم ابفعل نفس القضيه
«»،«»،«»،«»
نقســــــــم ابدمعت بنينـــچ يالحنونه
عـــن اقامـــــــــة مأتمـــچ مايمنعونه
احنــــــــه مجنونين بسمــچ يعرفونه
وكل محب ضل عدنه يتباهه ابجنونه

كل وكت ننعاچ …. واللـه ماننساچ
نلطم ونقره نضل حد المنيه
«»،«»،«»،«»
الخادم
كامل السعيدي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
يمه يالزهـر ابدمـع خلصت ايامي
فگدچ وكسر الظلع هيـــچ آلامـي
يمه يمه

**
روحــي ورده وذبلت كثر الهجــــر
مـن حنانــچ يمه اسگيـــني عمـــر
خيـــــم اعليــه الحزن مــن الزغـر
خاف يخلص يمه من عندي الصبر

چنت اشوفنچ وطن يمه گدامي
فگــدچ وكسر الظلع هيج آلامي
يمه يمه
**

يالخذيتي اوياچ واهس ضحكتي
يمه بعــــــدچ مالي ذوق ابدنيتي
ابچــــي طـول اليل وتهل دمعتي
وعلى فگـــــدچ حيل زادت ونتي

يمه والله الشوفتچ هالگب ضامي
فگدچ وكسـر الظلع هيـــج آلامـي
يمه يمه
**

نار بابـــــچ تسـعر ابنص الگلـــب
يمه وغيـــــــابچ امر كلش صعب
صـرت مثل العايشه ابديرة غرب
لوذكرتچ دمعي دم عالخـد يصب

عيني من كثر الدمع چن جرح دامي
فگــدچ وكسر الظلع هيــــچ آلامــي
يمه يمه
**

يمه دارچ ضلمه من يوم الســفر
حايطــچ يا يمه وي گلبي انفطر
ليلي مانتمته وخلص بعدچ سهر
ونته ميته ونايمه ابحضـن الگبر

اويـاچ يـمه بالگـبر دفنو احلامي
فگدچ وكسر الظلع هيــج آلامـي
يمه يمه
**

الخادم
كامل السعيدي

.

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
(( قصيده للتشييع الزهراء))

شيعه ونشيع نعش فاطمه
*
نعشچ اليوم نشيعه ونشيله اعله المتن
والمدامع دمه اتسيل يفاطم عالچفن
حتى جبريل بالمصاب لبس ثوب الحزن
وي الحسين وبوحسين عله امصابچ يون

والسماء والارض متئلمه
*
هذا وجب علينه يبت خير العمل
من خدمتچ يزهراء وحقچ مانمل
بالارض والسماوات ألچ نعش نحمل
وسفه يابت محمد خذچ منه الأجل

دارچ امست حزينه ومضلمه
*
هل عزه ايدوم يزهراء ونضل انجدده
والذي ايلوم علينه ابولانه انعانده
انصيح لبيچ يزهراء وندانه انردده
انقدم اسنين عمرنه الچ كلهن فده

والعمر لجلچ هديه انقدمه
*
رب الاكوان خلقنه الچ نعمل خدم
باچر الما خدملچ يعض اصبع ندم
احنه لوما وجودچ ترى نصبح عدم
اولوله طه وعلي الدين تخلخل ونهدم

انتو انوار الرساله الخاتمه

بعصرت الباب حسافه انكسف نور الشمس
احنه كل يوم يزهراء بألم ضلعچ نحس
يلعن الله السقيفه الصفت ساس الرجس
ويلعن الله الثلاثه الفتو قتل النفس

نارهم بالباب ضلت مضرمه
**
مانسينه المصيبه الحزينه المؤلمه
الله يگطع رقاب العصابه الظالمه
شنهو ذنبه جنينچ وگع يافاطمه
وشنهو ذنبچ تموتين يمصباح السمه

ياعزيزة والدچ يالعالمه
*
خل يشاهد ولانه اليضدنه اويعترض
مو خرافه لطمنه زلازل عالارض
رافضه احنه وعرفنه قوانين الرفض
نرفض الما تبعنه وعليه حق ننتفض

كلا كلا للعصابه الظالمه
*

الخادم
كامل السعيدي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
عن لسان المحسن ع… .

يمــــه بسـمار الضلع أذاني حيل
قبل ليصيبج احس صاب الدليل
آه مــن عنده صحت
عالأرض قبلج طحت
*

اهتزت اركان الهـــدايه يوم حرگو بابچ
مااهــم بمصــــابي آني ألماني امصـابچ
مــن كثر دمعــــچ ييمه امبللات اثيـابچ
حتى جبرائيل نازل ينحب اويه احبابچ

ليلة احزان ومعــــــــانات اوعــويل
هايه اصعب ليله عد حامي الدخيل
وآني حــــيل تئلمت
عالأرض قبلج طحت
*

يمه ماعشت ابحيـــــاتي اولاشفت خـــواني
والقصــــب حق الولايـه ابعصــــــرتج أذانـي
اسنيني خلف الباب خلصت كلهه من صاباني
شنهو ذنبي انه اوزماني ابهل وضـــع خلاني

يمه اسمع صوتج اينـادي بأنين
ياألاهـي ابيا ذنب طاح الجنين
اتكدرت يمه اونحت
عالارض قبلج طحت
**

ساعة الهجمو علينه ابنار اصحـــاب الفتن
گالو ابهل دار فاطم عمــــــر ناداهــــم وأن
خلصيتي اسنين عمرج بالمصايب والمحن
وسفه ومتــونج ييمه بالسيـــــاط اتلوعن

ضالمج يازهـــره مايملك ضمــــير
والله مثل امصيبتج ماضن تصير
اجروح بيهه اتفتحت
عالارض قبلج طحت

ليش يايمه الصمـــــــيده ماشهر فقــاره
ساعه الكسـرو اضلوعج والدمـــع يجاره
ليش ما رد العصــــــابه الهاجموه ابـداره
حكمه عنده ابهالوصيه وماعرفنه اسراره

گوه صابر والحمل كلش ثجيل
شبــت ابدلاله نيــــران الخليل
مضلمـه داره اصبحت
عالارض قبلج طحت

موطفل اسمي جنين اومنحرم من العمر
قبل ايام الولاده وســـــدو جسمي الگبر
البايعو طــه ابزمانه طلعو انذال اوكفــر
ابلارحم اهل السقيــفه تركو ابخدج اثر

بغضن الحيدر علي وطه الرسول
هاجمونه اوصوبو ظلــع البتــول
اگلوب بالشـــر انملت.
عالارض قبلج طحت
———————————-

الخادم
كامل السعيدي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
نادت الزهره ابدمعهه — ساعة الكسرو ضلعهه
بويه طه الحك عليه
ذوله ماعـدهم حميه
بويـــــه …….. بويــــه
***
بويه شحجيلك وخبرك يصعب اعليك الأمر
عن عذابي الشفته لمن هجمت اعليه الكفر
لذت خلف الباب بويه وبيه عصروني عصر
صوب البسمار صدري وضلع مني انكسر

بويه راووني المنيه– ذوله ماعدهم حميه
بويـــه ……… بويـــه
***
نفس القتصبو حقوقي اونكرو اشهود الوفاء
ردو ابكل حقد بويه ابلا ضمير اولا حياء
ماكفاهم ضلمي ردو هاجمو دار العطاء
شبو النار اعله بابي ما خشو رب السماء

وانه بت سيد البريه– ذوله ماعدهم حميه
بويـــه ……. بويـــه
***
دخلو الداري يبويه ابدون ما يستأذنون
يدعون اسلام لاكن همــه ابد مـو مسلمون
جتفو حامي الحميه اوبيه اسمع يشتمـون
وانه صطروني اعله عيني ذوله للحق قاصبون

التزم حيدر بالوصيه– ذوله ماعدهم حميه
بويــــه ……… بويــــه
***
بويه والمحسن جنيني من عملهم ما سلم
وكَع ميت عالوطيه والعمـر بعــده انعــدم
بويه والملعون اسمعه بيك يا طـه شتـــم
وامر العبده اوضربني ابلايه رئفه اولا رحم

نادبت حامي الحميه– ذوله ماعدهم حميه
بويـــه …….. بويـــه
***
ذوله اصحاب السقيفه غيره ماعدهم ابـد
بعد موتك يامحمد مجلس الشوره انعقـد
نصبو منهم خليفه اوحيـدره عنهه انبعــد
بويه خانوهه الأمانه اوخالفو ذاك الوعــد

بويه باعوهه القضيه– ذوله ماعدهم حميه
بويــــه ……. بويــــه
**
جرعتني الدنيه همهه اوصبت اعليه المحن
اولبستني اثياب حزني وتوهن اسنيني ابتدن
آه من قـدر اليالـي آه منـــك يـــــازمن
شاهدت آلام كثره وصرت مركز للحزن

نشـأن الحسرات بيه– ذوله ماعدهم حميه
بويـــه ……. بويـــه
***

الخادم
كامل السعيدي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

عن لسان السيده زينب ع..

يالزهره انادي ابدمع يايمه حاچيني
بعـدچ اعيش ابيتم محــد يبـاريني
@@@@

زينب انه وردتـــچ ذبــلانه بغيـــابچ
نيران گلبي اسعرن يالزهره بمصابچ
اذاني كسر الظلع يمه وحرگ بابـــچ
يايمه مـن الدمع مابطلت عيني…..
@@@

اشــذنبي مـــن الزغــر اتلوع ابنـاري
ياوسفه يم الحسن منـچ خلت داري
شادهني كسر الظلع متحيره افكاري
ابلياچ اضل وحدي منهو اليسليني…
@@@

متعوده انامن رغــد بحضينچ الدافي
يايمه بطلي الســفر ومـن البعد كافي
يالزهره من دنيتي نورچ صبح طافي
يم الحســــن بالگـبر وياچ لفيني….
@@@

ياريع گلبـي اشكثر مشـــــتاگه اشمـنچ
بيچ ارد اكحل النضر والصدري اضمنچ
ابجـــدي النبي وعـــزته يا يمه احلفنچ
فكيلي باب الگــبر يا يمه كلميــني…..
@@@

مهضومه ومعــذبه ومشتعله نيراني
من اذكر امصيــبتچ تتغـــــير ألواني
مــن الطفوله الزمــن آهـــات راواني
اشذنبي وتلوعت من اول اسنيني…
@@@

الخادم
✍ كامل السعيدي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
يازهرت ايامي — وسنيني وحلامي
هيجتي آلامي — من طحتي گدامي
»«»«»«»«»«»«»«»«»«
آنه الحسين المنفجع-يازهره حاجيني -لالاتعوفيني-فگدج يأذيني
صدگيني مايسوه العمر-يايمه من دونج -لمن يدفنونج-ويقمضن اعيونج
دمعاتي نزلن عالوجن-دمعه بئثر دمه- من طاحت البضعه-وهتزت السبعه
مشتعله نيران الگلب-ياهو اليطفيهه- يايمه شوفيهه- بيدج تخمديهه

ضلت تون روحي—مابطلت نوحي
ليج اشكثر ضـامي—من طحتي گدامي
***
يايمه مرات المحب-لوفارگ احبابه- مايخلص اعتابه-وينتظر غيابه
وانه ادري متعودين الي-ويطول اغيابج- وتذكر امصابج-من انظر البابج
سافرتي وبعيد السفر-بعُدج يعذبنه -ابصوت الحزن صحنه-بعدج تيتمنه
يالمتي مكسورت ضلع-مثلج يكسروهه -اضلوعي اويرضوهه-ويتامي يسبوهه

بالطف صبح يومي—وتتسلب اهدومي
ويكثرن اسهامي—من طحتي گدامي
-**
من اسمع اسمج اختنگ-بالدمعه والعبره- عشت العمر حسره- وگليبي طگ صبره
يايمه من اشتاگ الج-يم گبرج اتعنه- بجفوفي احضننه- وشتم عطر منه
يازهره وجروح الگلب-بس الج اشكيهه -جيتج اراويهه-ونتي التداويهه
من زغري عاشرني الحزن-ذاب الگلب منه -والطف اشد حزنه-بي جدي واعدنه

بالطف يذبحوني–وتتيسر اضعوني
وتتحير ايتامي— من طحتي گدامي
*
ذبلان بستان الورد-كل عطر ماعنده -دمع الجفه ابخده-منه اگطعو ورده
حتى الگمر نوره انطفه-مايسفر ابليله
-عن جرحج احجيله-يالجنتي تضويله
بوجودج اتشع الشمس-هسه الشمس ضلمه -امصيبتج عضمه- والله يايمه
متنج وخدج والظلع-شرد انسه من عدهن-بعيوني شايفهن- تاذيني قصتهن

والمحسن اوليدج—طاح اوصفگتي ايدج
يمج وگع دامي—من طحتي گدامي
*
وحشه وحزينه ومضلمه- يم الحسن دارج-وطالب ابثارج-يالما طفت نارج
ون ناگه ونتنه اصبحت- ظل فاطمه امهاجر-گوه الگلب صابر-ونكسر الخاطر
مقصوبه من عندج فدك- بالحيله اخذوهه-وشهوده نكروهه-جن مايعرفوهه
اهل السقيفه ابلا رحم-گامو يضربونج -دم صبن امتونج-همهم يئذونج

يمه انهدم حيلي—من صحتي ياويلي
جن حرگو اخيامي—من طحتي گدامي
* *
الخادم
كامل السعيدي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
نوح وي حامــي الحمه
اليــــوم ودع فـاطمـــه
*
اليـــــوم حيــــدر منفجـــع
يـــون ويهــل الدمـــــــــــع
الفاطمـــه كســرو ضلــــــع
هــــــل مصيبـــــــه تألمـــه
**
نوحو أبهـــاذه المصـــاب
واسو حيـــدر عالعـــذاب
آه يـاعصــــــرت البــــاب
هـــزت اركــــان الســــمه
*
اليــــوم فـــــارك مهجته
اليـــــــــوم تهمل دمعته
أنحبــــو يــا شيعـــــــته
عالزجيــــــه العـــــــالمه
*
نصاب من عدهه الصدر
ابســـوط يضربهه عمـر
حشمت فـــــارس مضـر
والصدر ينضـــــح دمــه
**
الأرض ماجـت والسماء
يـــوم صــابوهه الطقاء
رتفعت اصــــوات البكاء
الدنيه صــــارت مضلمه
*
المحسن ابيوم الوكَــــع
زيـــد اعليـه الوجــــــع
كَلب حيـــدر منفجـــــع
آه يابـــــو الموزمــــــــه
**
واللـــه لــــوله اوصيته
جــــــان شـافو ضربته
لجن هيـــــه الخلـــــته
مـاكَلبهه ابصــــــــارمه
*

الخادم
كامل السعيدي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

وين گبـــرچ فاطمه … احبابچ امضيعينه
المهدي يظهر ننتظر … وعـــنچ ايـــدلينه
شيعتج كلهه تصيح
يمـته نبنيلج ضريح
يازهراء يازهراء
****
گبرچ اعلينه اختفه يم الحسن وين
نــاذر اوصله زحــف لوشافته العين
بربعينچ هــم تجـي الشيعه مـلايين
ويه زوارچ يجـي مشـــاي الحسـين

كنه نوكَفلچ خــدم … والمئـاتم قائمه
يعتني من كل كتر … زايرچ يافاطمه
معتني ابكَلبه الجريح
يمته نبنيلج ضـــريح
يازهراء يازهراء
****
ابـلايه تشييع انحمل نعش الزجيه
ابليل دافنهه علــي حامــي الحميه
منها جـان ابهل أمـــر يحمل وصيه
اتكَلــه ماريـدن عمــر يبجـي عليه

منه ماتت غاضبه …. وزمرته الملعونه
ماعلمنه ابيا كــتر …. فاطمه مدفــونه
آه يـا أم الـذبيـــــح
يمته نبنيلج ضريح
يازهراء يازهراء
****
بيده يبنيلــــــــج كَبـــر مهدينه باجر
وحنه يم كَبرج نجي ونحيي الشعائر
بسمــــــــج الرادود يقره اعله المنابر
يمـن حبـــج يسكـن ابوسـط الضمائر

عدنه حاجات اشكثر … بصحـن نحجيهه
ضاملــج دمعة عتب … بضريـح ابجيهه
حبج الكل هـــم يزيح
يمتـه نبنيلج ضـــريح
يازهراء يازهراء

ننتضر راعي الفـــرج يافاطمه اسنين
يضهــر ايدلي ابكَـبــــــــرج للمجانين
وبعد وي مهدينه والله ايظهرن اثنين
سيف ذل فقــار بيده ومهر الحســين

ريت الحـكَ عالفـــرج … وبقه حي اليومه
وبيدي اشد راية علي … ونصر المضلومه
حتى من همي استريح
يمته نبنيلج ضــــــريح
يازهراء يازهراء
*
صح ألج وسط الكَلب حضره ومزارات
لجن ردنه اعله الأرض تعله المنـــارات
الكل قبور اهل البقيع انسـوي حضرات
كـــافي ملينه الصبر حتى الصبر مـات

يمته نتعنه البقيــــع .. حتـى نبني اقبورها
يالله يالمهدي العجل .. وياك نمشي انزورها
وكل قصر ضالم يطيح
يمته نبنيلج ضـــــريح
يازهراء يازهراء
**
الخادم
كامل السعيدي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ياعلي اعله البـــاب خطيت الوصيه
بظلعي المكســـور ودموعي الجريه
لوقريت اقره اعله كيفك بيه
خـاف تسمع زينب وتــاذيهه
بيهه مذكور المصاب المر عليه
*
شفــت آثــار الظلـم مــن غسلتني
عصــــرت البــاب وألمهه عذبتني
لا تسولف ياعلـي وجن ماشفتني
ياكَلـب يتحمـل وتحجيــله عـني

لا تســولف خايفه ايشبــعون اذيه
اليدعون اصحـــاب راووني المنيه
قصتي اويه الباب الك ارويهه
خــاف تسمع زينـب وتــاذيهه
**
خاف تسمعهه وتصب دمعاتهه
لان تمـــرد بالكَلـــب كلمــــاتهه
ما أريــــد اسمــع ابــــد وناتهه
هـــــود اعليهه ألـــم لجمــاتهه

ياعلي شوف الزمان اشســــوه بيه
وانه بت اشرف نبي وسيــد البريه
يـاعلي اهمومي الك احجيهه
خــاف تسمــع زينب وتاذيهه
**
بالحسن وحسين ياحيدر وصيتي
تحملو لــوعه ومصايب كَد اذيتي
أثلث نجــوم تأملت يضون ابيتي
لاجـن المحسن وكَع ساعة منيتي

بعده ماشاف اخوته وفارگ حياته
شنهو ذنبه ياعلــــــي ورادو مماته
لجله دمعات الألــم اجـريهه
خـاف تسمع زينب وتاذيهه
**
لو بچو يالمرتضى هـــود عليـــــهم
تهيــــج آلامـــي أذا اسمــع بجـيهم
ميته بس ارويحتي اترفرف عليهم
الهم اشتاقت وما تكَدر تجــــــيهم

كلهم ايحرســون زينب يالصميده
لايخلـــــوهه يـبن عمي وحــــيده
عالمصايب والحزن مابيهه
خاف تسمع زينب وتاذيهه
**
مـن طحت يالمـــرتضى رتك تجيني
ضلوعي كلهه مكسره وطايح جنيني
مطـــــرت اعيـون السمه دم الونيني
صحت يافضه اعله صـدرج سنديني

ليش ماسليت سيفك مــن شفتني
خدي احمر صار يشبه لــون متني
اسياطهم بمتوني أشكَف بيهه
خــاف تسمــع زينب وتاذيهه
**

الخادم
كامل السعيدي

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
يهـــل دمــــعي انكســر ضلعي
الدعو اصحاب ضلموني
**
آنه ام الوگع مضلوم — ابفعل اهل الحقد والشر
ابصدري اتنبت البسمار — ابقسوه وضلعي اتكسر
كَمت اصرخ يحماي الجار — ردهم عني ياحيدر
سل فقارك المعروف — يا فارس حصن خيبر

شكيت الحال — ابدمــع همال
الأنهــــــم حيل أذونـي
**
ابوصيت والدي امگيد — ذيج الساعه حامي الجار
لوله اوصيته وسرهه — جا خله الرگب طشار
ياهو اليگدر ايصده — لو كظ بيده ذو الفقار
يوگف وكَفته ابصفين — ويذبحهه اعله باب الدار

أسد لوصال يهز اجبال
اويردهم من يمسوني
*
مابين القدر والباب — ضاعت اجمل اسنيني
وگع حلم الشباب اوياي — يون الكون لونيني
اصواب المحسن وضلعي — يشيعه اهواي ماذيني
صحت ابصوت يافضه — الصدرج بلله اسنديني

كَمت ماكَوم نهـوني الكَوم
خلف البـــاب عصروني
*
النكر حق حيدر الكرار — وعن دين النبي اتخله
اجاني ابكل حقد للدار — وحرمه الداري ماخلهو
صطرني اعله الوجه ياحيف — وصوته ابوجهي يتعله
رفسني اورد ضربني ابسوط — وشتمني وكبر العله

بهضم ضليت اشكثر ونيت
النواصب وسفه هظموني
*
أنه بنت النبي المختار — ومي السيده الكبرى
من بيت الوحي جبريل — وسمي الطاهره الزهره
أم سيد الشباب حسين — وخته العالمه الحره
قسو اهل السقيفه اوياي — وتركو بالگلب جمره

جروحي أهواي كثــر بلـــواي
عمن من البجي اعيوني
****
الخادم
كامل السعيدي

 

 

 

 

 

 

 

 

 

 

اللهم صل على محمد وال محمد وعجل لوليك الفرج

 

 

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
بنار المصاب – فاطمه اتلوع
منهه بالباب – كسرو اضلوع
ناحو املاك السمه
يوم مقتل فاطمه
**
ورده چانت فاطمه بس ذبلوهه
وبين باب وحايط ابقسوه اعصروهه
العاشو اسنين بئمان ابجال ابوهه
هسه نكرو فاطمه وبنار اجوهه

ابلا اذن ليش – دخلو الدار
الچانو اصحاب – طلعو اشرار
اتلطخت چفهم دمه
يوم مقتل فاطمه
**
كذبو كل الاحاديث الشريفه
وبدل حيدر نصبو منهم خليفه
سلبو حق فاطمه الزهره العفيفه
خذو من عدهه فدك اهل السقيفه

حگهه يدرون – ولهه مكتوب
بس يظلون – سوده الگلوب
زمره كلش ظالمه
يوم مقتل فاطمه
***
ابضربت البسمار متهشم ضلعهه
تبچي والكرار بيده ايمش دمعهه
اگبال زينب والحسن تكتم وجعهه
اتخاف الحسين ايتعذب لوسمعهه

اتنازع الموت – ضلت ايام
اتغيرت حيل – كثر الالام
الدار ظلت مضلمه
يوم مقتل فاطمه
**
راح منهه الرادته لحسين اخيه
ضخر ويسنده ابليالي الغاظريه
ازغير بعده المحسن وكلفه الرزيه
لعنت الله اعله السقيفه وآل اميه

عاشت ابحال – يهدم اجبال
شالت اهموم – كلهن اثگال
كل عمرهه مئلمه
يوم مقتل فاطمه
**
صبرت وماحشمت شيخ الغياره
تدري يگلبهه گلاب ابذل فقاره
أوصيه عنده لمن ايدخلون داره
يصبر وباچر المهدي ايجب ثاره

ابصبر مرهون – عمر الاذان
من يسل سيف- ترد الاوثان
اشگد صبر حامي الحمه
يوم مقتل فاطمه
****

الخادم
كامل السعيدي