لطميات مكتوبة

 

اللهم صل على محمد وال محمد وعجل فرجهم

السلام على الحسين ابن علي ورحمة الله وبركاته

ــــــــــــــــــــــــــــــــــــــــــــــــــــــــ

مقدمة اليوم الاول

    هل شهر الألم   والقــائم رسم

 صورة كل عزاء   في طف كربلـــه

                 ***

اعله بابچ كربلـــــــه زدحمت مآتمنه

و حزن عاشور قائم كل ســـنه يلمنه

رســـــول الله المُعزّى و الزّچيّه أُمنه

الكل مجلس تجــــي ويّاهــــــا قائمنه

      يبچي بلا شعور   مقطوعه النّحور 

   كم سالت دماء   في طف كربله

                  ***

الكل مجلس يجـي ويندب ذبيح الطّف

يجد ثارك بطه ولا لحظـه حزنك خف

القدر عنّك حجبني ودهري ما أنصف

لنوح اعلــــيك و أنعه بدمعه ماتنكف

    لبچيك ؛ الدّهر   ياجد مو شهر

 كل صُبح ومساء   في طف كربلـــه

                  *** 

ياگلب اليهــــــيد و ياجــــــــــرح يلتم

يالبحَد السّيوف مگطّــــــع مخـــــــذّم 

الكل مجلس أروحــــن و أعتني مهتم 

أگابل كل مُعـــــزّي وياي يبچـــي بدم

   بآلام و نحيب   أضرخ ياغريب

   أبكيتَ السّماء   في طف كربلـه

                 ***    

شينسّيني الغــــريبه وفـــــرّت أيتامك

من ضرب السّــــياط و حَرگَت خيامك

وراهن يركض السّلّاب جــــــــــدّامك

وانته جروح جســــــمك تنزف آلامك

    أعياك السّهم   ونار البالخيم

   ماخلّت // خباء   في طف كربله

                 ***  

يجــــــدّي اگبال عيني كل وكت منظر

سهم الصّاب گلــــــــبك و الدّليلك طر

من ظهر المُهر للگــــــاع جسمك خر

سابح بالدّمــــــه وعالگومــه ماتگدر

  و الحز منحرك   گص الخنصرك

  و نسلبت نساء   في طف كربلـه

                 *** 

          الشّاعر // أبو سجّاد الجعفري رجب هـ 

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ــــــــــــــــــــــــــــــــــــــــــــــــــــــــ

القصيده الرئيسيه

             غير الدّمعه   و  روح التّنعه

                ياشـهر أحزاني شخلّيت

                          ***

   ظُهر عاشورك الدّامي يشـهر النّوح رافگني

   من يوم السّــبي و يّاي لأخر عُمري ماهدني

   شنسالك جرح جرحين وانته جروح تارسني

   بكثر جروح أهل بيتي وسـياط الورّمت متني

              ياجرح أنسه   وشما أمسه

              غروب من جروحك ناديت

                         ***

بين ضلوعي نيرانك يشــــهر الدّمعـــــه ماتبرد

مثل نار الكلت صيوان خـدري الفرهدوه وأزود

 شفت فـــوگ الجمر رَكضَت بنات العفّه تتشرّد

صهيل الخـــــيل أرعبهن ولا ليهن نغـــــر أحّد

          لا عم عدهن   و لا والدهن

          كل منهُم برض الطّف ميت

                       ***  

  ردت موتي هذاك اليوم ياخذ روحـي أشــوفنّه

  و لا شـــوفن گمر دنياي چفّينه أگطّــــعوا منّه

  و لا ذبّاح أخــــــوي حسين عاينته الرّكب ثنّه

  بنص صدره وگطع نحره وبعدها الخيل داسنّه

   و اشچم حافر   غروب العاشر

             بين ضلوع ابن أُمّي الگيت

                         ***

  من هـــوّد ظــــــلام اللــــــــيل مابين الجثث أفتر

  أدور وين أخــــوي حسين جســمه موذّر بهالبر

  أون او ونّتي بهـــــــداي عن لا يســـمع العكسر   

  وين بياكتر مذبوح حاچــي اخــــتك يبو الأكــــبر

              ماظل حامي   بنار خيامي

                شبّت و العسكر طرّيت

                          ***     

  ليل الوحشــــــه بين الخيل بين خــــيام محروگه

  گضـــيته مكـــــابر ويه النّوح و بأنفاس مخنوگه

  فجر حادي عشر بيّن و حادي النّوگ صف نوگه

  وأنه چفوفي بحبلها الچف عليل حسـين مشبوگه

            بين ؛؛؛؛ آلامي   وحزن أيتامي

                و جروح العاشر ظلّيت    

                          ***           

   بهذا الحال و الجــــمّال بيهن ســــــــار بالگوّه

   ومر بحومة الوليان و بگلوب النّســــه شسوّه

   طاحن من ظهور النّوگ وصوت أحزانهن دوّه   

   العذر منّك يبو فاضل يراعي الغـــــيره والخوّه

            يلّي بشـــوفك   وگطع چفوفك

                 لحسين بكلهن وفّيت    

                          ***

                                      الشّاعر

                               أبو سجّاد الجعفري

                              شوّال هـ

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

يكلبي شلون بعد حسين… يلام

وصلته وصعبه من الكاع… يلام

من ال محمـــــــــــد راح… يلام

وصفيت لاه ولون وسبيه

ابوسلام الجابري

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

بعدنه بخير عمه… .يمنه الحسين

وظن عدج رظيعه… يمنه الحسين

اشـــــوفنه يناغي …يمنه الحسين

يكلها وياج خل نمشي سويه

ابو سلام الجابري

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

حسين خويه حسين خويه حسين خويه

ياريت تدري بــــــــــــــحالي خويه

.ياريت ميته ولا شفت هل المنضر

والخيل خـــــــــــويه بجثتك تتعثر

جاگلبي شــــــــــنهو عليك مايتفطر

ولون صـــــفالي وجثتك مطروحه

تعــــــــنيتلك بين الجثث يلو الي

حرمه وجــــــــبيره تعثرت بذيالي

شفته الـــسلب خنصر يمي الغالي

وحسين اصيحن بيش اداوي جروحه

عديتهن الف وتـــــــسع ميه البي

وجروحه ذني و بيش راح نغطي

حرگو خيمنه وســـــلبونه شنطي

بس الدمع بلعــــــــين هذ لوحه

حرگو خيـــــمنه وبدلو هزله بنوك

وشلون باجر من طب وسط السوك

چلمت سبيه وهايه جا عيب تلوك

وانه العقيله ودمعتي  مفظوحه

لو تدري خويه شلون من مرونه

يم چثتـــــك من عمده ويشتمنه

گالو هذاك حســــــين لو تردونه

علگاع وباقي وگاع بيها ملوحه

ابو سلام الجابري

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

بعد لحـــــــسين ياناصر… يهدبي

وشوفه من الظمه ماظل.. يهدبي

اذا مارد تره يــــــــشيب… يهدبي

گبل راسي منروح انه سبيه

ابو سلام الجابري

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

الحافر ياخذ ابن امي… ورد بي

والجيوش العده ناوي… ورد بي

رگد حيلي وصرت كوه ..وردبي

الهزيله وبلحبل جروها اديه

ينوگ تريضـــــي بممشاج…. .يماه

اريد بهون اجــــــمل الاه…. . يماه

وكلها حــسين ظل علكاع.. .. يماه

بلا تغسيل وانه امشي سبيه

ابو سلام الجابري

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

شجرت محمد.

حداد… سواد…. نلبس الغالي

لطم….. بچي… والدمعه تلالي

…….. ……………………

نلطم نون يكبر يضل بينه الحزن

انت الشمس عمر الشمس ماتندفن

حريه انت ومن طحت عشنه بسجن

شجرت محمد وگطعو منهه الغصن

خدم نصيرابفخر

ايون عليك الحجر…… يامولاي

بچي محرم سفر

عل خنصروعل نحر…… يامولاي

ذبيح……سليب…يل شاغل بالي

………………………….

انت السفينه البيهه كل المستقر

بسمك ندب موسى وشطر ذاك البحر

لولاكم انتم ربنه لادم ماغفر

چنكم ملاك اعله الارض ماچن بشر

انت الشمس والهوى

بظلمه وجهك ضوى…… يامذبوح

ابچي واون من صدگ

بياحق صدر ينسحگ……يامذبوح

الرمح….. يشيل….راسك للعالي

…………………………..

نبچي وعلينه شگد حچه الظدك حچي

گال انذبح موتو ماداعي البچي

ماچني اسمع چلمة الناس التجي

حرورة مصابك تچوي بضلوعي چوي

ماعدهم اليشبهك

بلانسخه ربنه خلقك…يامظلوم

ذمو خدم منبرك

جي لطمو المنحرك…….يامظلوم

كلام….خبيث….. الهم مومالي

……… ……………….

الكلشي گالو عالخدم خنّگلهم

لمتونه والله الخالق الكون الهم

سبطينه الحدر الكساء وي جدهم

وأمهم وبوهم والوحي سادسهم

الله اليخصهم ذكر

اخدمهم انه بعمر….والخدام

للشلتو راسه برمح

ابچي واون للصبح…..والخدام

كفا…..ولك……لتمس اهلالي

…………………

محمود رحيل

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

راح راح

ابني ونضر عيني

راح راح

وتبدت سنيني

عالرمل نضرته

طايح وشبگته

،،،،،

بعينه دمعه وگوه اسمعه

گلي يابو وداعاً حان الوداع

گمت اشمه جنه نسمه

عشرة اعزاز الغوالي خلصت بساع

شفت خده أعله الثره نايم الربّيــــته

صار حصت المگبره الغالي والحبيته

جروحه كلهن بالسره دنگت شميــــته

اه اه

گوه اجذب انفاسي

اه اه

شيبي ترس راسي

بلا نفس وصلتــــه

طايح وشبگتـــــــه

،،،،،،،

ردت اشيله ياعلقيله

موثگيل اوليدي بس امحمل سهام

ضهري حدب اه يزينب

شيبت من مصرعه لطراف الخيام

گبرتنّي كربله وفرهدت كل حيلي

يامصاب اتحمله يختي بالله حچيلي

جدامي تعثر بالفله راح اليتچيلي

مات مات

عمري وگرب موتي

مات مات

صحت بعلو صوتي

مگطّع وجمعته

طايح وشبگته

،،،،،

نحره ينزف وعينه تذرف

كاتب اعله الگاع سلملي أعله سكنه

هوه كلشي وحته رمشي

شيّب وصارت محنتي والله محنه

ابني جمار الگلب شفته وصط الحومه

من التعب ومن الحرب ماعرفت ارسومه

من الطعن ومن الضرب كلها دم هدومه

ضاع ضاع

روحي علي الأكبر

ضاع ضاع

بطف كربله توذر

صوته ماسمعته

طايح وشبگتــه

،،،،،،

يالعوافي وسفه غافي

يابعد عمري علي بس فكلي عينك

شحچي لمك أنه الزمك

حته لو ميت اتجيلك وعينك

عفت امك بالخيم ياعلي محتاره

يمها ملتمه الحرم والدمع يتجاره

يبني يالگلك شيم گلبي هاجت ناره

نار نار

تتلاهب بروحي

نار نار

من تنزف جروحي

بسته من جبهته

طايح وشبگــــته

،،،،،

ياحسرتي ياكسرتي

عود لطراف العمر ردتك ياغلي

ياتچوتي. ياسلوتي

ليش عني تروح ياعزي ودلالي

يبني عالدنيه العفه شتسوه دنيه بدونك

ياجمال المصطفى عيونه جنها عــــيونك

خصك الله بهل صفه جدك ايشوفــــونك

شاب شاب

والموت أخذ عمره

شاب شاب

ياحسرة الحسره

شيوجعك نشدته

طايح وشبگتـــــه

،،،،،،،

لخادم الحسين

محمد الفهداوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

هوسات الخدم

حبيب يكض سجله وصاح خدامه

امبينه صدوركم لحسين لطامه

ذاك الچان يبچي ويطبر بقامه

خل يتقدم للعباس الحط نيشان برأسه

=================

موش ابشيطنه حبيته عل فطره

محبوبي هوه الله المانزل قدره

حنين وماخنگ حتى السحگ صدره

داست فوگه الخيل ويبچي عله الخياله

.==================

حسين الماكو منه بل بشر اترف

بس الله ومحمد بل حسين اعرف

عليه نلطم لطم نسوان نتشرف

حسين بزوده الشيعه طب الجنه ومولنار

====================

نشوفك ماي كوثر يل متت ضامي

اتعناك ازورك تركض اجدامي

گبل لا اوصلك طب گلبي گدامي

ﺟلب بالشباك ايشم ابعطر حسينه

================

حسين اليوگفنه هناك بل معبر

تره الماعنده موقف راح يتكتر

يصيح البل مجالس لوقرو يحظر

بسمه يصيح حسين الخادم يوم المحشر

======================

محمود رحيل

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

#نزله_

منبــــــرك ربَّاني ــ يالمهذب الساني

خادمـك عنواني ــ يااباعبدالله

©©©©

آنه خـادم وانتــه المربيـــني

ياحســـين وآدمِي امسويني

آنه من دونك تضيع اسنيني

دمّـك الثبّت شـــريعة ديـني

يا نجـاة الشـــــــيعه ــ مذهـــبك مابيعه

ابدمي اخطلك بَيْعه ــ يااباعبدالله

©©©©

هالمجالس دوم الك منصـوبه

وبيها خـــدّامك تضـل مهيوبه

باب صــارن للنـــجا والتـــوبه

الحِظر بيهن تمحي كل اذنوبه

واليعيش ابخيرك ــ ويرتوي من بيرك

ما يصافح غيـرك ــ يااباعبدالله

©©©©

انتـه الموفقـــني يا محــــبوبي

وكبّرت شاني وسـترت اعيوبي

لوله صِيتك ياهو يگرب صوبي

يا حبيـــبي ويا رفــيق ادروبي

گلبي وحْدك شافك ــ وحَبك اوما عافك

عـايش بألطـــــافك ــ يااباعبدالله

©©©©

اقســـم ابدم النحـــــر والرايه

حبي الك عالفطره مابيه غايه

الك كل عاشـر اســـوي اقرايه

وبربعيـــــنك اخـــدم المشـايه

موكبي امتانيني ــ الخدمتك يحسنيي

انته شمعت ديني ــ يااباعبدالله

©©©©

البغضتك ومن الطم محرومه

بالحشــر باچــر تضل مندومه

والله عابس بيـك ابـد مالومه

من هتف بسمك وشگ اهدمه

وبمحبــــتك آني ــ صرت عابس ثاني

ساكن ابوجداني ــ يااباعبدالله

©©©©

      الخادم

كامل السعيدي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

اتسله بالنوح  *  وحسب بالجروح

كل عمري عاشور * وحسيني مذبوح

*

آني من زغري ربيت اعله الشعائر

عندي كل يوم اليمر مصباح عاشر

مانسيت الطف ولا ذيچ العساكر

ولاحسين الداست ابصدره الحوافر

لا والله يحسين * مالحظه ناسين

دمك يمولاي * العل رمضه مسفوح

*

حسين ياوارث آدام صفوة الله

شهرك ابنوح ولطم وبون حييناه

كل محب بينه لمصابك يصرخ احاه

راسك الفوگ الرمح هيهات ننساه

كل لحضه عيناي * تهمل دمه وماي

وگليبي كل يوم * يم گبرك ايروح

*

يا احروف البسمله اويا آية النون

انته عبره وعبره بگلوب اليعزون

بالمجالس شيعتك لمن يلطمون

تلطم اوياهم على المنبر يحسون

نشعر يمضلوم * تحضرنه كل يوم

وعطرك يمولاي * بالمجلس ايفوح

*

راسك اعله الرمح ويصد الحبيبه

يابوالاكبر يا خليل الله اونجيبه

سهمك وگطع النحر اعظم مصيبه

كربلاء اسوت ابحال الغريبه

من بعد الاحباب… شيبهه المصاب

ترضاهه للشام… بت فاطمه اتروح

*

الأمه كادت تنتهي وموتك حياهه

ومن دمائك كربله اتقدس ثراهه

ثورتك لليوم ضل يشهد صداهه

ولائك اعله الظالم الكل ردداهه

انتصرت ادماك * بالطف على اعداك

لجلك ينوحون * حتى آدم اونوح

*

الخادم

كامل السعيدي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

ليلة العباس س

الرئيسيه

.

.

.

واَنشق الــقـمر .. ونكـسر الظــهر

عباس الحنــين .. طــايح عالنهر

ابأخر انـفاسه الگيـته

بنحره الينزف شميته

وانكسر الظهر

***

بين الخيمه والشاطي / يابـو الغيــره مــن نـاديت

من ماگــالي ها خــوي / چــني جــربــه وتــبـديت

متحزمه الشماته احزام /واذني امن الحجي سديت

وصلت الشاطي بالياويل / وصلته وميــت اتمنيت

الگيته اعله الثره .. ضلوعه امكسره

وايات الــجــمال .. نبـــلـه بمنـــحره

بحضـني وي مالميته

بنحره الينزف شميته

وانكسر الظهر

***

گتله اليوجعك وينه / عليــك ام عــون دليني

بهالحاله وابوفاضــل / يخـجـــل ينظـر بعيـني

خيمة بگلبي محروگه / وبـس چفــك يطفيني

بَرد گلــبي بحچــايه / ساكــت ليش حاچيني

ياصوب الالــم .. يمــكنه السـهم

ماحاچاني شي .. وباوع عالخيم

ايهم بزيــنب حســيته

بنحره الينزف شمـيته

وانكسر الظهر

***

طحت سالوفه يم اذنه / سمعها وجانت اتعذبه

گــتله بطيحتك عبـاس / طلعــت عــين للغربه

الخـيم تتــنطر اخــيالك / گــوم وطالبـك طلبه

اذا وَيـــاّي مــــارديــت / بيــتي الـوادم تسـلبه

قلــت حيـــلتي .. ونزلت دمعتي

عگبك يااخوي .. غـربــه غربتي

حاچيته ومن حاچـيته

بنحره الينزف شميته

وانكسر الظهر

***

ثوبه الچان يشــبه لون / گــلبه من منگلب احمر

الوجهه تگول شمس الله / من گــد النزف مصفر

گـــتله بعـطش عبـــدالله / گـوم اوياي اذا تگــدر

الشماته من وراي تصيـح / ضل وحده ابو الاكبر

بهذي مــن ســمــع .. امن الغيره فزع

وچي ماعنده حيل .. گـــام ورد وگـع

بحضني راسه خليته

بنحره الينزف شميته

وانكسر الظهر

***

طاحت دمعة اعيونه / مو من ماي طاحت دم

گـــال مقــصر بزيــنب / گــتله ارجوك لاتهــتم

زينـــب والبــالمخيـــم / گــلها تــگـــولك تسلم

ولو ياخويه من عگبك / موحـش حيل المخيم

يااكــبر جرح .. وجهك من يشح

انته لو غفيت .. عــگــبك انـذبح

المقتل يم جسمه اقريته

بنحره اليــنزف شميته

وانكسر الظهر

*

حيدر تركي الكربلائي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــحسين منــــــــك للگلب ماعندي راي

دگت ابراسي الشـــمس وانته الفياي

ياگلب هـــــــــــــذا اليفرط گلي بيك

نارك ابرد مـــــــــن شكو بالدنيا ماي

احله مابالحب عـــــذابه

يافريــــــــــــد الجاذبيه

انه مو گدهــــن خيامك

زايده اخيــــوطك عليه

فضلك جـــزاني=وبالخدمه شاني=منك ولا من غير

عطفك سحرني=ولطفك غمرني=والدمعه رب الخير

ياغريب استــــوطن ابگلبي الجزوع

كافي اشارك حزنك ابطـرگ الدموع

تدري احبك والاحبك بــــــــس كلام

يمته اعيش الكلمه من جوه الضلوع

اهواي اگلك ياحبيــــبي

كلشي اگـوله للعدم راح

كون اگلك وانـــــه اكابر

مو اكلك وانه مـــــرتاح

انه اعـــترفلك=اعثـــر واردلك=واطلــب ادب وياك

گلبي وثــــباته=ابدربك نجــاته=واتنـفس ابطرواك

انته گلبك عالفـــــــــــواطم محترگ

يمته دخانك اشــــــــــــمه واختنگ

كافي من اليحچي بــيك انه انلچم

يمته حبك يخــــــتبرني من صدگ

اختبار الحب صــــــراحه

صحوه اريدن مـن غفلتي

ذمه كون اعــــتبره نحرك

وطفك اجروحـه ابرگبتي

حزنك رهملي=بحـــزاني شلي=لوما چـــــــوتهه النار

البس سوادك=واعشگ رمادك=خل عمري الك يندار

كلشي گالو وانحچه اهـــــواي الكلام

والعقل يســـــــتوعب اتلوحك سهام

لكن العبرت خيالي الصـــــــوره هاي

زينب اعله الصوت اجت من الخيام

چانت الخيل اعله صـدرك

وچــــان وي الخويه حافر

من گلتهه شـــــلون طلعت

وكسرت ابزيــــنب مشاعر

اختك عظيمه=وطلعت هضيمه=وتنادي خويه حسين

هاي العبـــــاره=تخلق شـــــراره=نلطم علــيهه اسنين

اعترفلك ماوصــــــــــلني من مصاب

من حـــــــــــــوافر كربله بس التراب

اسمع ايگـــــــــولون ذبحولك رضيع

گلبي ماعايش حــــــزن گلب الرباب

ساعة الشبـــــــگت ولدهه

والعطش بشــــفافه جمره

يمته نتصــــــــور رضيعك

ونعطش الخــــاطر الزهره

نعطش مواقف=مو بالسوالف=يحچي اللسان اشكال

رزقي ابرضائك=بس العــزائك=كـــــــون الگلب ميال

خادم القصيده

شاكر الصيمري

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

شاء الله اخـدمك    وانته تســوه

قربـــــــــني يمك    خطوه خطوه

خـــــالقني اسمك   خلقه حلـــوه

خلاني افهمك زين

سامــــــع اذا حب الگلب.. مايجـــــمع اثنين

بس انه ثنيــــت وطحت.. بحسين وحسين

انطاني خيط امن الخيم.. خيط المجـــانين

مو دم ترا الخدمه مشـت.. بين الشــــرايين

هــاوي    بالخدمه توني

وشفته   حبك لزمـــــني

يــــمك   مولاي اخــذني

ياحسين

امنين انتــــه گتلي   من عبيـــدك

شفتك تمــــــــدلي    انته ايــــدك

خيرني بهـــــــــلي    هم اريــــدك

من كل ضميري اختار

مو صدفه مـــولاي التقن.. دمعــــــاتي وياك

جايبني عاشـــور وصرت.. من عدهه وانعاك

هوه اختبارك مـــــو سهل.. بس الله خـــلاك

كلما اخسرك رحمــــــــتك.. اترجعني اهـواك

خاســر     كلمــن يملك

عــــمره    مايلگه مثلك

انــــــته    محـد يمثلك

ياحسين

بالخــــــدمه رابي     مـــــو ندامه

وافني شـــــــبابي    بالخـــــدامه

جرحك مصـــــابي    ما انــــــامه

امتعب نجوم الليل

فص عيني خل يبيض الك.. وتروح العيـــون

بس خايف اتمرني ابحــلم.. ماشوفك اشلون

لو حيلي يخــــلص باللطم..مو مشكله ايهون

قابل مثل صدرك احــــس.. فوگك يسحگون

قـــابل    يسحگني حافر

قـــابل    مثلك اكـــــــابر

تصحى   كـــون المشاعر

ياحسين

روحي وهــــــواها    تستجــــــيرك

محد خــــــــــذاها    تدري غــــيرك

كل محتـــــــــواها    تحچي خيرك

خيرك يســــــد العين

ابچيلك اشــــــــما تنذكر..  مو بيــدي بچـاي

كلما اسولف منبــــــــــرك.. يتــــــوارد اوياي

علمني ميــــــزان الحجي.. ســـواني حچاي

ديوانك اينگط هـــــــــــلا.. اكثر مـــن الماي

شايــف    بس انته واحد

يمـــــك    محـــــد يزاود

خيـــرك    عالدنيـــا زايد

ياحسين

عالم مثـــــــــالي     للحقيـــــقه

يبحر خـــــــيالي     كل دقيــقه

غيرك يغــــــــالي     ما اطيــقه

ماعندي غيرك شيخ

اتدور الوادم ســـــــــتر.. من كثر العيـــــوب

بس انته ساترها الخدم.. ياعشگ الگــــلوب

دنيانه غالـــــــب تنگلب.. مرات مغـــــــلوب

واليعتنق دينــــــك نجا.. بالمجلس ايــتوب

عالـــم     بيه كلشي دايم

يـــرزق    حب المـــــــأتم

يخــلق    بالدمعه خـــادم

ياحسين

خادم القصيده

شاكر الصيمري

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((بُنَيّ علي الاكبر))

آه …

طب للحرب

زاد الــرعب

غيره يصب .. بُنَيّ علي الاكبر

آه …

ظل يعتلي

مـدلل هلي

گالـو عــلي .. بُنَيّ علي الاكبر

يالشجاع .. علي الاكبر

بــالطباع .. علي الاكبر

بـــالزود .. بالحلا

موجـود .. كــربله

مـريــود .. مرجله .. قمر الله

عـباس .. عَلـــمه

بالناس .. موزمه

نبراس .. صارمه .. قمر الله

بُنَيّ علي الاكبر ..

“”””””””””””””””””””””””””””””””””””””

وين ..

طول بعرض

شلت الارض

تفرض فرض .. بُنَيّ علي الاكبر

وين ..

جيش انذهل

أبني ارتجــل

جمره اشتعل .. بُنَيّ علي الاكبر

روح ابوك .. علي الاكبر

مــايجوك .. علي الاكبر

مصبوب .. عاصفه

مكتـوب .. عـاطفه

محبوب .. بــالوفه .. قمر الله

كـــــرار .. بالوصف

مخـتار .. يـــنعرف

محتار .. بــاللطف

بُنَيّ علي الاكبر …

“”””””””””””””””””””””””””””””””””””””

ويل ..

زلــم الــزلم

ابني الشـهم

يقضه وحلم .. بُنَيّ علي الاكبر

ويل ..

مــن يرتجز

مــوتــه تفز

وسيفه يحز .. بُنَيّ علي الاكبر

صولته .. علي الاكبر

رايتــه .. علـي الاكبر

عَـيال .. عالعده

قَـتال .. من بده

رجال .. وَحَــده .. قمر الله

صمصام .. ضاويه

محــتام .. هــاويه

هَــــدام .. أبــــنيه

.. بُنَيّ علي الاكبر

“”””””””””””””””””””””””””””””””””””””

هيل ..

عطر النبي

يـــالطالبي

أبني الابي .. بُنَيّ علي الاكبر

هيل ..

طعم الشَهد

الاكبــر بـعد

أجمل ولــد .. بُنَيّ علي الاكبر

بالجمال .. علي الاكبر

بالجلال .. علي الاكبر

أهواه .. بالأسم

ألگـاه .. مبتسم

أرجاه .. ياشهم .. قمر الله

مــاطـاح .. زلمتي

من صاح .. رايتي

مــن راح .. دمعتي .. قمر الله

.. بُنَيّ علي الاكبر

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((الحگ يـ بابا))

حاچيني صدرك چا وينه

شو نايم وتبچي سـكينه

بـــابـــا وعــليك ونادينه .. ألحگ يــ بابا

مــچــويه ودمـــوع بعيني

هوه أنته لو موش حسيني

كون انته شــو متحـاچيني .. الحگ يــ بابا

سَــرقوّ صِيـغـتي من أذني حاچيني

ضَـربوّ مـتـني بــويه ورَوحــوّ عيني

وأجيت بحيرةّ أعمى وأعثر بضيمي

حزن الخيمه جبــته ويــاي بسنيني

بــويه مـتت .. نار الخيمه برجليه

بويه صحت .. گوم وأگـعد لرقيه

باباتي .. صـاير أنته بيا صوره

باباتي .. صدرك ليش وعاثوره

باباتي آنه رقيه …

“”””””””””””””””””””””””””””””””””””””

تدريني وجيتك عطشانه

گوم اگعد وأمـشي ويانه

ركـض العــساچر هــدانه .. نركض هضيمه

يــركض ورانه بطگاته

مايستحي من شيباته

وطش المخيم جمراته .. نركض هضيمه

شــياب الاجـــولي وسلبو حالي

خيــرين وأضـنــهم بـويه عبالي

گلت محد يطـگني زغيره وتلوه

بس طگاني بويه وطبعه سوالي

لَمن طحت .. زَوَدّ طــگــاتـه أعليه

لا ماشـفت .. فوگ عيوني وأيديه

باباتي .. ريتك تنضر بس نضره

باباتي .. بالطف ذبلت چم زهره

باباتي آنه رقيه …

“”””””””””””””””””””””””””””””””””””””

تــركــض الخــيل ومسروره

ضمني أعله صدرك مذعوره

آنــــه الــعــزيزه ومشموره .. يابويه ضمني

جيش أنتفض بويه ومدنف

عــطــشانه بــعيونك أحـلف

جيت اركض وأعثر ورجف .. يابويه ضمني

اجيت بهاي أگلك عمتي ضربوها

والــخيمه الچــبيره أرماد خلوها

الطفله فاطمه مــاتت ومحروگه

گبل لتموت هم تشبهني سلبوها

مـن تيهت .. وآنه اركض وأحّني ضلوعي

بويه ردت .. بــس أگـعد وشوف دموعي

باباتي .. وأنته ضلوعك مطحونه

باباتي .. صــدرك بـيــش يلــمونه

باباتي آنه رقيه …

“”””””””””””””””””””””””””””””””””””””

من نـحرك وتجري المدمع

من أحچي ودريبك تسمع

ملـهوفه بويه وبس أرجع .. لاتمشي عنه

صــار العــصر گلبي يتاني

گوم ارجع وجيب أخواني

وعمي الگمر شــو ماجاني .. لاتمشي عنه

عـبـدلله أريــده وأمــه مــنتضره

چا هوه السهم وشماله وي نحره

أم وفــاگــده تــلــولي بمهد خالي

كل دمعه أحسها بشيبه وبحسره

هسه شگلت .. لو ترجع لو موت آنه

ترجــع ردت .. دونك عثره اممشانه

باباتي .. بــشام الضـلمه ونتلاگه

باباتي .. وتعرف حالي ومشتاگه

باباتي آنه رقيه …

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((نوگ الهزل))

وبـنـوگ الهـــــزل خويه

نصـــــعد والدمع شاجر

مانگـــدر نصيح حسين

چـتّـفـو حـــاير بحـــاير

وجيش وبالضعن خويه

كـــــــل اكتاره شو داير

شسوي وآنـــــه مسبيه

ماندري شنو الصــــاير

“””””””””””””””””””””””””””””””””””””””””

هــــزله والدرب مبعد

وگوه بگوه من تمشي

وتعثر والجرح زايـــد

وشيبي تعلگ برمشي

ضعيتك ندى الغــبشه

خويه وضيعت كلشي

ميته وعالهزل خــويه

مو هزله غدت نعـشي

“””””””””””””””””””””””””””””””””””””””””

الحـــــگ ياشــريچ الرآي

الحـــــگ تــيــــهت دربي

ويــن انطي الوجه خويه

ومـــن صـدري طفر گلبي

كلـشي يـــــهون اذا ترجع

جرحي وضيمي وي تعبي

ياخـــــويه الشـــمر گـــلي

سبــــيه وآنـــــه وشذنبي

“””””””””””””””””””””””””””””””””””””””””

حاچيني يخويه حسين

ياخــويه بحـــليب أمي

آنـــــــــه معــذبه خـويه

والحادي يصيح اســمي

چاوين الكــــفل خـدري

اخوي وخل يجي يمي

اريد اشكيله مـن حبلي

ابـــد مــاينوصف همي

“””””””””””””””””””””””””””””””””””””””””

لا ساعه وتفـــض بــــيه

ولا خلصـــــانه بالــمـده

درب الشــــام شــــيبني

اختكم طاحـــت بشـده

عيوني من الدمــع مـلن

وحده اتسولف الوحـده

مـــايگضي الدرب هــذا

شما نمشي ويضل بعده

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((وحيرةّ عيوني))

ياجرحي وفرحتي وحيرةّ عيوني

حُــــــبك غَطَه عالناس اليلوموني

من حبوك فهمو دمعي وجـــنوني

ومن مَسهم عشگ صـار يعذروني

اليحبك من يسولف

ترجف حـــتى عينه

اذا بسمـــك حديـثه

بدمــع روحه حنينه

حنيني .. وحنينك غامر انفاسي

حنيني .. يالمشيب فكـــر راسي

يعــنواني وينــوماسي .. حنيني

حسيني .. يــا اترف دمع ضگته

حسيني .. احبك ياعشگ سكته

العشگ لو انته لو أنته .. حسيني

أباعبدلله

أباعبدلله … حسين

“””””””””””””””””””””””””””””””””””””””””

لاموني واجيتك تــــــارك اللاموّ

يشارني بغلا من بالرخص ساموّ

اجيتك بالسهر من البعض نــاموّ

هايم بالعشگ وي ربعـــك الهاموّ

سهر جبت بغــرامي

ونده فجر الســهرته

روحي تسولف وياي

واسولف بيك انـــته

أميري .. اجيك وانته ابو الطاعه

أميري .. وحياتي ويـــاك مرتاعه

يگلبي وضيمه وأوجاعه .. اميري

مجيري .. لو مـــا أنته چا ضايع

مجيري .. چا حتى الذنب شايع

ومن يمته الگلب بايع .. مجيري

أباعبدلله

أباعبدلله … حسين

“””””””””””””””””””””””””””””””””””””””””

عبدك معـــترف مذعـــن بتقــصيره

مــــذنب والدمع للتـــــوبه تفســيره

مو گلبك احب لاچـــنت احب غـيره

واجيتك وانته تدري بگلبي والسيره

دليني أعــله روحي

آنـــــه ويــن آنـــــه

ولگيت آنه بدمعتي

يجـــامعنه حنـــانه

لگاني .. ولزمني موكب الخدمه

لگاني .. الـــف مشكور ابو اليمه

احضر مجلــــسك نعمه .. لگاني

أحتواني .. ورتب الحالي المّبهذل

احتواني .. وصرت بـموكبه انــدل

ودمعتي للمشت عالتل.. احتواني

أباعبدلله

أباعبدلله … حسين

“””””””””””””””””””””””””””””””””””””””””

حُبك سهراني وحـــــزنك بليلي

ومن اذكر مصابك ويلي ياويلي

والزينب اشيط وينـهدم حــيلي

يــاقرآن دينــي ودمعــي ترتيلي

من صرخات العيال

للصــــاحت يعباس

من حبـــل الأسـاره

للماتــت على الراس

رقيه .. مذبوحه العشگ يگتل

رقيه .. گلبها زغير مـــــاتحمل

ويافرض الدمع مـيمل .. رقيه

سبيه .. مـاتبچي التراچيها

سبيه .. بس لجلك بواچيها

چـــا يمته تحاچيها .. سبيه

أباعبدلله

أباعبدلله … حسين

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((يالهلال))

يالهلال .. كافي مــــن الآمي

يالهلال …سوده كل أحلامي

“””””””””””””””””””””””””””””””””””””””””

هَــون وكافي المـذابح يـــــالهلال وانتضر

بعده أبو فاضل رمـيه وانته بجروحك تمر

يالهلال عيوني حمره وجاي اشوفنك شمر

كافي من جـروح زينب چم خواطر تنكسر

بيه چــــم دمعه وألم

وبالخواصر جم سهم .. منك منك

نامت بروحي المحن

وسطره بيه من الزمن .. منك منك

بعد وين .. بس حزن أيـــامي

يالهــلال .. سوده كل احلامي

“””””””””””””””””””””””””””””””””””””””””

لا تمد ايــــــدك عليه وتلچم جروح الگلب

لاعشيره ولا هواشم عشنه دنيا من الغرب

بيوتنه ضلت خليه وين اروحن وين أطب

والاحلام العذبتني آنــــه وي روحي حرب

بــــذكرياتي ادولبت

انته مــــاتدري متت .. كافي كافي

بعد ما اصــــــبر تره

عايشه بصف منحره .. كافي كافي

تره النار .. الهسه هم بخيامي

يالـهلال .. سوده كل احـلامي

“””””””””””””””””””””””””””””””””””””””””

غمض عيــــــونك بهيده ولاتفك عينك الي

هوه آنه شباگي عــــندي خلــصو كلهم هلي

يامحرم خذت كلشي حسين اخوي وكافلي

وحتى عبدالله أخذته وجاسم اليـشبه علي

وحتى الأكــــبر منذبح

بجسمه بايت جم رمح .. بويه بويه

والعلـــيل مـــن اختنگ

گوه چــــــا هم احترگ .. بويه بويه

الهجر حار .. لا تمـــــر گدامي

يـــــالهلال .. سوده كله أيامي

“””””””””””””””””””””””””””””””””””””””””

بالهـــزل گلـــبي گطعته والدرب ماينحمل

حتى حبلي البين اديه گام من عندي يمل

ذكريات الطف عدتها گامت عيــوني تهمل

فرهدونه وانته واگف وطشرو بينه الشمل

انته تسئلني مــنو

بيك رايحلي أخـو .. انته انته

انت يهلال الشـهر

بيك مكسورةّ ظهر .. انته انته

والحسين .. ويلي رايح ضامي

يــــالهلال .. سوده كـــل أيامي

عبد زينب

محمدالابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((يمولاتي الرباب))

گلبچ اجروح وعـــذاب

اي يمــــــولاتي الـرباب

مـــــاتـناديله حــــسين

السكته للعاشگ مصاب

شما كبر حلمچ بروحچ صلى

مـــــن يگلچ ها يـ أم عبدالله

اه .. يـــالحياتچ خلصت بالحسره

اه .. بكل درب للعشگ جانت ذكره

اه .. چـــنتي تفتهمين نضر بنضره

يارباب …

“””””””””””””””””””””””””””””””””””””””””

بسمتچ چانت دموع

نضرتچ ورد وشموع

أمُــــــنيه عندچ لقاء

حته تنطينه ضـلوع

شگد زرع بيچ الوفه بكلماته

متنچ المضروب بــي لمساته

اه .. خلصت روحچ بفرد حچـــايه

اه .. يصيح وتگليله يـــــامــــولايه

اه .. الناس ماعرفوچ صرتي ولايه

يارباب …

“””””””””””””””””””””””””””””””””””””””””

يبدي ومصابچ هيام

وليلـــچ يغـمض غرام

من تناغين الــــرضيع

لهفتچ جنح الحــــمام

چان يضحك طفلچ بسماتج

لاچن انتي تنــذرف دمعاتچ

اه .. شايــــله دولةّ عشـــگ بنفاسچ

اه .. اعيونچ محدبه مثل احساسچ

اه .. من تشوفي حسين يفتر راسچ

يارباب …

“””””””””””””””””””””””””””””””””””””””””

لــــــوعتج تفرك ايديچ

من يطب عشگچ عليچ

كــــــــربله شالت هواچ

وحزنچ إيخـضر بديچ

حسين شفتي جبهته مجروحه

والسهام شلون نــــزعت روحه

اه .. عــــالهزل مــــولاتي ضعنچ رايح

اه .. عفتي عشكچ بـــــالتراب وطايح

اه .. وكلبچ من ضلوعه يبجي وصايح

يارباب …

“””””””””””””””””””””””””””””””””””””””””

بالـــــدرب راسه يشوف

وشــــوگچ بگد الطفوف

يلتـــــــــفت راسه عليچ

ودمعتج اوف اعله اوف 

كون ابدل روحي وتضل سالم

وين اضمن راسك مـــن الوادم

اه .. بمـجلس يزيد السوالف تذبح

اه .. دمعتچ لحسين صارت تشرح

اه .. فراكك ونحرك بروحي يجرح

يارباب …

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((وجه النبي))

بـرز وجه النبي

شمائل الطالبي

ابـي كلش أبـي .. علي الاكبر

بـــرز وجــه البدر

ومعسكر ضل يفر

بــــرز مــــاينتضر .. علي الاكبر

أول فـــارس اتــقدمه الهـواشم

حسين إيقدمه لحلوگ الصوارم

يگله الموت هذا وانتــه معروف

وهوه يصيح اموتن وآنــه خادم

برز واليمنه شَمرها أعله يسرآ

علي الاكــــبر مــحمد برز ويآ

صاحو هذا ياهو وبــيده فقار

نشرد وين وين أنــــروح نلگآ

علي الاكبر …

“””””””””””””””””””””””””””””””””””””””””

تسرفن بــالحرب

وگف حتى الترب

ابو الملگه الصعب .. علي الاكبر

وگف حتى الهوى

وتــهـلـهل نــينوى

مــنــبـــع للـضوى .. علي الاكبر

يـــتخــطى الجـبان وللبطل راح

نشمــي وكـــسر بچفينه الارماح

ابن غانم يصيح أدخيلك ارجوك

أضن عزريل بيدك قـابض ارواح

أول ضـــربه شــگ الراس نصــين

وحز راس ابن غـانم والگلب ويـن

گــلـــبه وروحـه خلاهن بـــالـخيام

وجاب الراس بيده الخاطر حسين

علي الاكبر …

“””””””””””””””””””””””””””””””””””””””””

بـرز بالمــرجله

وتلاشت كربله

رياح وزلــــزله .. علي الاكبر

اليــتقدم يـرد

بمــتاعه يشـد

يمشي ويبتعد .. علي الاكبر

آنه ابن الــحرب هيل الغوالب

عــلي الاكبر أنه من آل طالب

الينضر للخيم خل يعتبر مات

أنـــه الـــكرار قـــتال الكتايب

مشــــدوها الكتايب آنه كرار

آنه أحسابكم من سيفي للنار

اليرد سالم البيته ينذر انذور

مــحـد يرد سالم بيــدي بتار

علي الاكبر …

“””””””””””””””””””””””””””””””””””””””””

الرجوله وتكتفي

شعاع ويخــتفي

وفـي وأبن وفي .. علي الاكبر

يفر بيده الــرحه

معسكر مســبحه

وخزرته الجارحه .. علي الاكبر

ياهوّ التصد عينه بعينه يـذبل

رايح راد درب المـــوت يــندل

محمد والسور بچفوفه تنشاف

كــلها تريد حـــل ومـــالگو حل

منين الحل تريده والعده اتضج

ريـــح الــعاديات ويــمـنته اترج

سجيل ومـــطر ومدوهن الفـيل

حتى الماي صـــاير بالـطعم مج

علي الاكبر …

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((هلا بجسام))

هلا بجسام يصياد الزلم …

“”””””””””””””””””””””””””””””””””””””

اتــوزم بحرب العشگ

والهوى ضــل يختنگ

وگلب كل فارس يدگ .. هذا جاسم هذا

نزل والگـاع أنچفت

والـــفــوارس تيهت

والسمه شو دمدمت .. هذا جاسم هذا

فارس الطاح ..مشه وراح.. عجيه العاصفه

والــعــلامات .. كـرامــات .. قيامه وراجفه

جاســم وسـواها

حومته وطـشاها

بس جثث خلاها … هذا جَسام

زوده جسام بگه بيهم يلم

هلا بجســـام يصياد الزلم

“”””””””””””””””””””””””””””””””””””””

أسرع مــن القـارعه

والجيوش أمصرعه

واقعه بنــص واقعه .. حيدر بتصويره

والقـــيامه والـوعد

يختفي نازل صـعد

للحسن يصرخ مدد .. حيدر بتصويره

ياضوه العين .. يالحسين .. يعمي بصيحته

شايل الفاس .. يــنبراس .. رجـــوله بهيبته

هذا عـمي ويومه

البرز ذب هـدومه

احنه اهل الحومه .. هذا جسام

عمه عباس شهم هوه الشهم

هـــــلا بجسام يصــياد الزلم

“”””””””””””””””””””””””””””””””””””””

شايل اركان الحــرب

يرد بس جثه اليطب

جاسم وكلش صعب .. هذا ابن القاده

والبـــرزله إيعـــذبه

وهوه كاسر حاجبه

صعد بيهم مـــرتبه .. هذا ابن القاده

مــن تدَنا .. وأنه اهنا .. قســم وبعمتي

ألا اخزي .. وأخــــلي .. وأعلگه برايتي

آنـــه ادگــن ســاسها

آنـــه ابــــن خـلاسها

الحومه أگطع راسها .. هذا جسام

وعطر جسام رجوله لليشم

هلا بجسام يصــــياد الزلم

“”””””””””””””””””””””””””””””””””””””

امــه تنـــضرله بعجب

ويمها وگفت ام وهب

تگلها كــــرار النـــسب .. والفتى ابن الساده

مــن المخيم عاينت

شـافته وستــبشرت

وتعجن الحنه غدت .. والفتى ابن الساده

طشر صفوف..بالچفوف .. مضيفه ومعتلي

بصفه عزريل.. غده يميل ..غده ينادي علي

يــقبـض بأرواحها

وحطهم بمرواحها

جــاسم وذبــاحها .. هذا جسام

المابرزله فهم شايل فهم

هلا بجسام يصـياد الزلم

“””””””””””””””””””””””””””””””””””””

والــلـوه شـــايل لوه

يغلب خيوط الضوه

والله بــچــه نـيـنوى .. ضل يهد اركانها

الفارس الماضل يحس

يــمكــن مـگابل شرس

هذا مـيت مــــن أمس .. ضل يعد اركانها

جاسم الحيد .. غده يصيد .. فوارس كربله

يـضرب الهام .. يجـــسام .. شجاع ومرجله

يلوي ضل بذانها

من يهد اركــانها

هذا ابن ميدانها .. هذا جسام

يصرخ الجيش حلم مدري علم

هـلا بجســـام يــــصيـــاد الزلم

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

بگلب ابواليمه سهم

حسين عانى من الألم حتى يبنيلك قَيِّم

بالك تبيع الظمير وتالي ماتالي تصير

بگلب ابو اليمه سهم

★★★★★

حسين رادك بشر واضح

ترحم وتعفي وتسامح

موعلاقات ومصالح

لوكلامك دومه جارح

حسين البصدره الرماح يريد صدرك للسماح

ليش للظالم نصير وتالي ماتالي تصير

بگلب ابو اليمه سهم

★★★★★

حسين رادك بشر ثاني

موضعيف ولا أناني

مدح من واحد تتاني

وكل حديثك آني واني

قَدَّم حسين الرضيع حتى لادينك يضيع

وابدرب جاهل تسير وتالي ماتالي تصير

بگلب ابو اليمه سهم

★★★★★

حسين من ينظر مسيرك

ابليس لايصبح أميرك

عايش وميت ظميرك

وتالي ماتدري بمصيرك

حسين من گلبه عليك. حته كل شر مايجيك

ولاتضل للشر أسير وتالي ماتالي تصير

بگلب ابو اليمه سهم

★★★★★

حسين رادك مثل عابس

بالوفه مالك منافس

وللشجاعه أبالف فارس

وعينك على الدين حارس

لوتوالي أهل الظلام؟ تشارك ابحرگ الخيام

وبالخيم تشعل سعير وتالي ماتالي تصير

بگلب ابو اليمه سهم

★★★★★

عياله من راحوا سبايا

حسين وتحده المنايا

رسم لاهدافك بدايه

لاتصير الها نهايه

شكثر قدملك جميل. حتى لا تصبح ذليل

وتصبح بعينه زغير وتالي ماتالي تصير

بگلب ابو اليمه سهم

الشاعر حسن لعيبي الحريشاوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

طـاح عالغبره°°•°° وسحگته العشره

••••••••••••••••••••••••••••••••••••••••

شلون ابو اليمه وحـــيد ابكربله

ما بقوله اصحاب عنده او عايله

سحگته خيل العده ومحد الـــه

ورايه وگعت گبل هــــيه مدلله

ونكطع نحره°°•°°وسحگته العشره

••••••••••••••••••••••••••••••••••••••••••

حـــسين ظــل فـــــوك الوطيــه ابلا نحر

هَشّمتْ صــــــدره الحـــــــــــوافر  يابشر

شلون ظل عــــــــــاري هضيمه أبن الفخر

واعلـــــــــــــــه زينب منهضــــم دار النظر

ودمعه عالحره . وسحگته العشره

•••••••••••••••••••••••••••••••••••••••••••

سال دم راسه وصبغ چـــــف الرمـح

وهوه مثل حــــــــسين وسفه ينذبح

حسين  بي ألف وتسمعيه جــــــــرح

أعياله تتسلب يشيعه آمـــــن الصبح

ضل جبل صبره°°•°°وسحگته العشره

•••••••••••••••••••••••••••••••••••••••

شحاله ابو السجاد من حس بالسبي

يسمــــــــع الذبحـته أتسب آل النبي

ومثل نار الخـــــــيم ذيچ البل العبي

هيچي گلبه أيفــــــــور گلب الطالبي

جرحه شكبره °°•°°وسحگته العشره

••••••••••••••••••••••••••••••••••••••••

وضل يلم بعيون خدر أهله الوجود

والدموع الزينبه صـــــــــابغها سود

ويقره بآيات النصر باب الصمـــــود

ورفـــــــع راس الدين وفاها العهود

وضحه أله بعمره°°•°°وسحگته العشره

•••••••••••••••••••••••••••••••••••••••••••

الى خادم الحسين وخادم اهل البيت

✍️الشاعر مصطفى النائلي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

نعي مفجع

يازينب

انـحـب واهـل الـدمـع بـسـكـوت

بــيــن الــزلــم وبـنـص ألـبـيـوت

يحسين اخـيـتـك رادت اتـمـوت

تـالـي عمـرهـه المجلس اتـفـوت

زحـمـه وچبيره وعـيـب تـنـگـال

ام الـخـدر مـچـتـوفــه بـحـبــال

وكـلـهــه اتــفــرّج گــوم الانـذال

هـذا الـوضــع بالـشـام والـحــال

عـاده الـمـره بـالـخـدر تـنـصـان

مـوش أتـجـتّــف بــيـن عـدوان

حـگــي لـسـوي بـيـت الاحـزان

وانحب نحيب الـفاگـده اخوان

*————————*——————-*

✍خادم السيده زينب ع

الشاعر رعد الجريخي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

قد هلّ هلالك عاشورا والدين تبسم

قربت صرخات الهيهات وحسينٌ رفّ الرايات

والدين تبسم

——————-

قد حق لك الفخرُ لتفخر ياشهرا موعود

وعلى كلِّ شهور العامِ تعلوها وتسود

بعظيمِ الخطبِ بأيامٍ للهِ المعبود

فالدين الظامئُ من عطشٍ غضّاً سوف يعود

انت الموعودُ مع الذكرى والاسم محرم

والوصفُ خلودٌ واباءْ بصدى صوت ابي الشهداءْ

والدينُ تبسم

——————-

دين المعبود كما طيرٍ مكسور الجنحين

في قفص الاهِ باحزانٍ بعد ابي الحسنين

ازرى فيه بشرائعهِ تحريف الباغيين

في الشام نفاقٌ يتحكم في ارض الحرمين

هدموا شرع الباري فكرا والرافضُ يُعدم

من الّا سبطُ المختار يحيه بحد الفقار

والدينُ تبسم

——————–

هذا بن المختار بطفه يرفع اسم الله

قد اعلن كلا للطاغي ولمن قد والاه

ليعيد الدين كما انزل عدلاً في مسعاه

ويُقدمُ قرباناً يسمو فوق انينِ الاه

قدمّ يُحيي المبدأ نحرا يا قدْسُهُ من دمْ

مهجةُ زهراءِ وبتول كي يسلمَ دينُ المرسول

والدين تبسم

——————-

الدينُ تبسم إذ أُحْيا والدمع بعينيهْ

ايقن حتى يومَ الحشرِ والخلدُ بيديهْ

باقٍ إذ روّته دماءٌ تُنميهِ وتُحييهْ

دمع الدين عليه غزيرٌ بعيون محبيهْ

دمعٌ يحكي عنّا نارا بالحسرة والهم

لقتيلٍ ظامٍ مسلوب غايته دينُ المحبوب

والدين تبسم

———————

بسمةُ دين الله ضياءٌ تنبيك الرحمات

تهبط بسم حسينٍ دوماً في مجرى الدمعات

قرأنُ الطفِ الى االحشرِ تتلوه الايات

وعصيُّ الدمعِ لمحنتهِ قد خسر الجنات

ثمن المنحرِ ها قد صارا بمقامٍ اعظم

سيد جنات الرحمن يُفرحُ من يَبكيهِ الان

والدينُ تبسّم

قاسم آل واعي ذي القعده ——————

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

الحـزن ويـه الشهـر خــيم عـلى بـيـت الـنـبي مـن هــــل

شـبه غيـمـه ومطـرهـا ادمـوم جفـن زيـنـب غـده يهمـل

أنــه زينب ** أنــــــه زينب

**

تصـد لهـلالـه والحـسـره خـناجـر بالچـبد تگـطــــــــع

يــريـتـك بـالسـمـه اتـگـلـه تـغـيـب ولابـعـد تـطــلـــــع

بعــد د معـي عـلى خـدي ودلـيـلي أبـونتـه مايهجـــع

ولاريــح الـفـرح مـره يـمرنـي وحـزني يتـبـــــدل

*

يـتـيـمـه مـن الزغر يهلال وسواد اهـدومي خاونـي

وألي ظـلعيـن يـوم البـاب الكسرهـن مابطـل ونــــي

ورحيـل أمـي الهـدم حيلي وخـوي وعـودي فارگني

صـرت أم واخـت لحسـين بگـيت وگـلـبي أمعـلعــــل

* 

أنـه بعـلـم المنايا أدري الخـبر من والدي وأمـــــي

بعـدهـم گالـوا الايـام مصايـب ســود يــرمــــــنـــي

وأنه بهلتك شهر عاشور جثـيره اسهــــام يلفــنــي

الحزن ومصابي يتجدد وي ضيك ياشهـــر يجـــبـــل

****

وصيه الفاطمه أبگلبي احملتها من الزغـــر يابـــين

بونين وحسره اسمعها تگلي اوديعتـــچ الحسـيــــن

لون شفتي العده دارت عليه وظل يديــــر العـيــــن

نحـره وصـدره شميهـن تـراهـو أبـــدمـه يتغـســـل

****

والچ كافل على الشاطي ذبيـــــح ويسرته ويمنــــاه

گطيعـه ولايظـل والـي عنـدچ والخـــــــدر بحـــمــاه

على امتونچ يلوح السوط وشمر ظعن الحرم يـبراه

عگـب ظعـن البراه عباس يــزيـنب أنـتي عالهـــزل

****

أنه الچانت مواظي البيض شبه خيمـــــه وتظـلـلـــــي

وحجابي من السمه منزل ولاواحد عــــرف شكلـــــي

وسف امشي بعدها ابگيد ورزايه البيــــن يبرلــــــــي

والي أخوان التخوف ابطال وتجفل المـــوت ماتجفـل

** 

ظـلام اتهـل عـلي والـروح بـيـك امحيـره ابهمهـــــــه

اشوفن بـيك شمـر بسيـف اوداج الـديـن يخذ مهـــــــه

وشوف اظلـوع سيـد الكـون خـيل اعـداي تهشـمهــه

وشـوف ابـدور فـوگ ارماح وآيـات الكتـب تعــــــــول

***

بعد لتهـل عـلى المخلـوگ ولاضيـك تـريـده الـــــــناس

شمس كون ويشع الحسين وگمر ليل وضوه العبــاس

وكواكب عالارض تزهر الهواشم لـلوفـــه مـقيـــــاس

وأنته أظـلم رغـم ضيـك شنو عـذرك بعـد وتهــــــــل

*** 

لخادم خدمة الحسين ع

ابو عمار الدراجي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

ليلة القاسم ابن الحسن

..

يوليدي گلبي رجف شفت الورد مذبوح

***

عيوني غيمه بالطفوف اشتد مطرها

الوالده غيابك يبعد امك كسرها

من بعد عينك تحس روحي بخطرها

ليش وردة روحي مااشتم عطرها

جرحك يغالي نزف

من أيدي ابني يروح

***

حلم كل أم تحضر بزفة ولدها

الولد احلامها وخيمة سعدها

يبني بعدك روحي طلعت من جسدها

رمله امك سكنت الدمعه اعله خدها

صوت الموادع هتف

روح وتودع روح

***

امن الحرب للخيمه جابك عمك حسين

هلا بعريس الحرب ليث الميادين

منذبح يوليدي واني بدمعةالعين

ثمر جوف احشاي بالطف خاطفه البين

أگباله لوني انخطف

ياگلبي يامجروح

***

عسن لاطال العمر يالغالي بعدك

خذك من عندي الدهر ماضن يردك

امن العطش والحر ذبل يايمه خدك

سابح بدمك وشوفن ذبل وردك

بالجمره گلبي نوصف

عن بالي ابد متروح

***

من دمع عيني اليصب رويته نحره

ردت موتي بموتته واغفه اعله صدره

جاسم المذبوح مالي الخيمه عطره

گلبي المفارك بعد إشلون اصبره

عمك گبالك وگف

حسينك عليك ينوح

***

علي محسن الفرطوسي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

يله صيحو ياناس حي الله درع العباس

°°°°°°

يل وكفتك وكفة جبل والطف يلوذ بكترك

يمخورس حلوك الزلم وصار العذب تحت امرك

الينضر جمالك يرتبك يل منطي كلشي لخدرك

يل ذكرك يشيل الراس حي الله درع العباس

°°°°°°

بيك المراجل تنوصف. وياأخو المثلك وفه

الماي تنزله البشر ومن عنده تاخذ غرفه

ويم الكمر كلشي ختلف الماي قبل جفه

بالوفه مالك مقياس حي الله درع العباس

°°°°°°

مايوصفك كل الحجي شما نحجي بيك مقصرين

مربيته زينب بالمهد. وجان اليناغيه حسين

المفروض لمن تنذكر نشلعله فصوص العين

وتنحبس لأسمه الأنفاس حي الله درع العباس

°°°°°°

عباس غيره ومرجله وياهله بعم الساده

بصولاته تشهد كربله وذاك النهر ميعاده

خيال وضهور الشگر ونارك تضل وگاده

عالنهر ذل الحراس حي الله درع العباس

°°°°°°

جودك يروينه الوفه ولليوم ينبع غيره

الماشافك بعينه العمه اسمك صعب تفسيره

كل خايف وكل مبتلي ناضره اعليك يديره

سيد الحب والإحساس حي الله درع العباس

°°°°°°

علي محسن الفرطوسي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

حي الله مسلم زلزل الكوفه

مثل الكمر من تسطر جفوفه

ياابو طاهر ياأبو طاهر

…

سفير حسين بالكوفه مرسول وگصد ليها

ناس البايعت مسلم خانت عهد تاليها

ضل وحده غريب الدار روحه الحزن واليها

وادم تعبد الدرهم يزيد الذمم شاريها

اصبح غريب وغربته اطوفه

مثل الكمر من تسطر جفوفه

ياابو طاهر ياأبو طاهر

…

…

طوعه حيته بالدار ضيف الحره هاليله

وفت ونعم منها بكل خطوه تحييله

لاجن من اجته الخيل الجيش اصبح يناديله

طلع يشبه علي الكرار وبالكافل يشد حيله

نسل الغوالب وضحت طيوفه

مثل الكمر من تسطر جفوفه

ياابو طاهر ياأبو طاهر

…

ياليث الحرب ياحيد هله ياهيبة الساده

حيدر هاذا لو مسلم بصفاته حتارت القاده

خله الروس تردم روس وگطعها گطعت گلاده

واحد بس يعادل جيش عقيل اتشيم اولاده

عباس ثاني الكوفه اتشوفه

مثل الكمر من تسطر جفوفه

ياابو طاهر ياأبو طاهر

…

سعف يابس يشوف الجيش وبسيفه لهب جمره

حصدهم حصدة السنبل بجفه من علي شمره

طگ عرگ المراجل بيه وعيون الزعل حمره

الكوفه دخلاها انذار ووجوه الزلم صفره

خله العساكر ترجف بخوفه

مثل الكمر من تسطر جفوفه

ياابو طاهر ياأبو طاهر

…

مسلم ياهلا بمسلم طوعه تهلهل كباله

ياحيد الزلم حياك سيف وبالزعل شاله

عجن دم الحرب بتراب يمجندل الخياله

ياليث الوغه حياك مسلم تشهد أفعاله

مثل الصميده فنونه معروفه

مثل الكمر من تسطر جفوفه

ياابو طاهر ياأبو طاهر

…

علي محسن الفرطوسي

..

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

مشتاگه ومحتاره

يابويه حميده انه

****

يابويه من فرگاك روحي بحزنها

عشرتنه اني وياك عين وجفنها

تريدك حميده اليوم لاتبطي عنها

فراگ الأبو جتال وجاير زمنها

منتظره اعله الجمره

يابويه حميده انه

****

يادهري اشسويت ماخذلي سلوه

يابلوة المشتاگ مامنها بلوه

الفارگ ابو يحتار حگه يتلوه

خدي بدمع عيناي بويه يتلوه

تعذبوني اتموتوني

يابويه حميده انه

****

للكوفه لمن راح مسلم تركني

وي دمعتي ضليت وخاواني حزني

وشلت الحزن والظيم كله اعله متني

شلون أصبر ابلياك ومايهده وني

بدمعاتي وحسراتي

يابويه حميده انه

****

عنك سمعت اخبار خطره وأليمه

من القصر شمروك گوم الضليمه

اشفت من دنياي واصبح يتيمه

طفله وجروحي هواي وگلبي اويه ضيمه

تيتموني تعوفوني

يابويه حميده انه

****

للكوفه من طبيت بناكه هزيله

جرح الكلب نزاف واشتد عويله

حمل اليسر لو مال ياهو اليشيله

ياهو الي مثلي شاف هموم الثجيله

مجروحه ومذبوحه

يابويه حميده انه

****

علي محسن الفرطوسي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

دمعه بكل سؤال

غيابك هاذه طال

موتني جفاك موتني جفاك

…

اشتعل واطفه بعذابي من هجركم

روحي تفتر عالدرب واني انتضركم

لو ألف موته اموت ابقه بذكركم

ريشه وبعالي الهوه من ضيعتكم

صارت ذكريات

الكعده اويه الخوات

واشتاگ الهواك موتني جفاك

…

بالي يمكم ياهلي وايدي اعله خدي

الك مكتوب وعتب ياهو اليودي

بدمعي اكتب من حياتي هاذا حدي

راح اموت امن الهجر والدنيا ضدي

هجرك هاذا موت

واصرخ بويه صوت

دهري من خذاك موتني جفاك

…

مالي حيل لغيبتك تدري يغالي

بعدك اسهر بالدمع طول الليالي

اي وحقك عينك بجه الطير اعله حالي

وحته طير البوم اسمعنه بجالي

مكسورة گلب

يالهجرك صعب

كل عمري فداك موتني جفاك

…

مره كعديت اعله باب الدار اعاتب

ومر نسيم وبيه عطر من الحبايب

كلت يمكن ردت اباهلي الرجايب

دقتت بالنضر لن دلالي ذايب

ضعن اهلي اختلف

والناعي هتف

الطف عطشاك موتني جفاك

..

رجع ضعنك وختلف كلشي بضعنكم

بويه وجفوف الغدر من فرهدتكم

ناس ابد ماتعرف الله عطشتكم

والضعن يعنه الاهل رد لبلدكم

ياناعي الحُسين

كثر بالونين

وخلي ابجي معاك موتني جفاك

…

علي محسن الفرطوسي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

ناذر عمري لخدمتك

ناذر ابقه بخيمتك

يااباعبدالله يااباعبدالله

…

شرف هالخدمه واللطمه ترفع هامتي

واكف ابابك بعتابك طالت وگفتي

بخدمتك صيتي وتربيتي وهاي حجايتي

والله ماعوفك وطفوفك صارت قبلتي

گلبي عاشگ گبتك

ناذر ابقه بخيمتك

يااباعبدالله يااباعبدالله

…

امي سمتني ونذرتني اضل بالخدمه

خادم حسيني وبعيني اشوفك قمه

ياجبل عالي يالغالي اعيش بلجمه

محزم وجيتك ناديتك بدونك اعمه

جمرت روحي لجمرتك

ناذر ابقه بخيمتك

يااباعبدالله يااباعبدالله

…

بين هلاله هماله عيوني تصب دمع

شهر عاشورك وبدورك محنيه الضلع

روحي لهابه لمصابه كلبي منفجع

بمجلسك انعه والدمعه وصوتي اليرتفع

ابجي واذكر قصتك

ناذر ابقه بخيمتك

يااباعبدالله يااباعبدالله

…

اكبر جروحي كل نوحي لحسين الغريب

تجري وي دمي وبلحمي كتبيتك حبيب

كلبي نبضاته وصرخاته بيه يسعر لهيب

صرت مجنونك لعيونك عاشرت النحيب

مالي غير محبتك

ناذر ابقه بخيمتك

يااباعبدالله يااباعبدالله

…

شمايلوموني يلگوني ذبت بمحبتك

ادعي وفقني وسجلني خادم حضرتك

ذايب بحبك وبدربك واهوه قرايتك

عمري افنيته وضحيته يبو اليمه الك

عيوني تعشك هيبتك

ناذر ابقه بخيمتك

يااباعبدالله يااباعبدالله

…

علي محسن الفرطوسي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

وكأني بالسيده زينب تخاطب العلويات في مصاب القاسم قائله :

ياخواتـــي .. ألحگنها

ليها روحن .. صبّرنها

آه مصيبه مصيبه

* * *

شاله وجابه للصيوان عمــه

أمكطّع جاسم وسابح بدّمــــه

ومشت امه تريد تشوف جسمه

ألحكنهـــا أخاف تموت يمــــه

ترى الموقف مو سهل

من تشوفـــه منقتل

كلب أم ما يحتمــــل

أشما كلبها .. اعليه تلوه

حكها عدها .. بس أهـوه

آه مصيبه مصيبه

* * *

أهو حسين الصبور وجبل صبره

أبو كلب الجبيــر وحنا ظهـــره

من راح ولكه بهامته الطبــــره

أنكسر كلبه عليه خنكته العبره

شاله خلاه عالكلب

جابه دم راسه يصب

وتخط رجليه عالترب

يساعــــد الله .. كلب رمله

امصابه يكتل .. وشيحمله

آه مصيبه مصيبه

* * *

اتحبه هواي ماينوصف حبها

وحكها بعده مَتّوجــــــد دربها

إلحكن كبـــــــل لا يوكف كلبها

وأهي تمسح دمه جروحه ومصبها

الابن تكتل فركته

وحكها امه الربته

من تموت بموتتـه

صواب راسه .. بس تشوفه

بطولـــه تمتد .. ما تعوفــــه

آه مصيبه مصيبه

* * *

أبو طبع الحلو الينكط ترافــه

اليلعب جان شعره على جتافه

اعله طوله دامي وامجرح حسافه

صوابه بهامته ويبست شفافـــه

أمه تركض ليه أجت

أمتدت بطولـه وبجت

شبكتــــه ويـاه حجت

تكلـــه فدوه .. رد عليه

منهو غيرك .. يمه أليه

آه مصيبه مصيبه

* * *

القاسم ما ولد بالكون مثله

كبر وبعينها كل يوم يحلــــه

أعلى أمه موتته لا ماهي سهله

ألحكن يالعلاوي على رملـــــه

نزف كلبي امن القهر

حالها يبجي الصخـــر

تمشي محنيه الظهـــر

شيصبرها .. صعبه صعبه

أدري بيها .. شكد تحبــــه

آه مصيبه مصيبه

* * *

سلام المشعل

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

أرحمني ياموت وأخذ .. روحي ويه روح اوليدي

ما أريد اشوفه بالشمس .. يمي ولا شيء بيدي

كل شويه الخيل اتسحكه

وتشوغني وكلبي تحركه

روحي ويه روح اوليدي

————————————-

أهو اليموت كون اهله اليشيعونه

وفوك الروس تابوته يخلونــــــــه

ولونه شاب ربعه اللي يشيلونــــه

وعلي الاكبر بقى ياهم يدفنونـــــه

العامر مضيفه بكل وكت .. ما يوم ينسد بابه

ما واحد امن اهله بقى .. ولا واحد امن احبابه

الميت كون تشيعه اعزازه

وامه تمشي ويه الجّنـــازه

————————————-

المَرهَ امن يموت ابنها بمقتبل عمره

كون تروح تكعد تنعـــــــه يم كبـــره

بس آنه عزيزي اوصاله متطشـــره

ابني ابلا دفن ظل مرمي عالغبــــره

إيه هسه ما لازم كبر .. ندري احنه ميدفنوها

بس خيلهم عن جثته .. كون العده يبعدوها

ابلا رحمــــه تسحك دّلالي

وسوت عمله بجسم الغالي

————————————

آنه المن صدك ياناس مالومـــــــه

وحكي اشما أون بالمهجه ملجومه

وليدي بالعرى متغيره ارسومـــــه

ومن كثر الضرب متكطّعه اهدومه

بجدامي جويات الجمر .. اتعنيته بالكوه امشي

وبيش آنه أفييله حرت .. والنار ما خلت شــي

أتعنيت أوكف فيّ لجسمه

وما خلوني أوكف يمـــــه

————————————-

كون الموت أخذني وهسه بمجانه

وتحت حر الشمس بالغبرى كون آنه

أشما مد العمـــر واتطول دنيانــــه

يظل فكد العزيــــز يهيج نيشانــــه

الكلي ومعزتج بالكلب .. آنه أنتهي من دونج

راح وفلا اسمـع بعــد .. كلمــة ييمــه شلونج

كالساعه أتأمل بالمصــرع

وأبجي وأرجه روحي تطلع

————————————-

ذبانه الوكت ياناس بالغربه

بيد أوباش ما واحد عرف ربه

اليسلب ثوب دامي بيه ألف ضربه

شتضن هذا بعد هم رحمه يم كلبه

أطلعنه ركضه امن الخيم .. عالعيله من شبوها

زين وسلمنه عالعبــــي .. وهم رادوا يسلبوها

كمت آنه أركض صوب الاكبر

وسوط بمتني وكالساعه أعثر

————————————-

سلام المشعل

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

نلطم على العباس لو چفينه

من عنده مگطوعات يابوسكينه

نلطم نون ونصيح يابو فاضل

والدمعه والدمعات والدم نازل

زينب غريبه تصيح وين الكافل

نشوف الدرب دمعتنه متخلينه

وين الكفيل الجان حامي اخيامهه

وسفه الشمر يتمشه ظل گدامهه

وسلام عود الناس وين اسلامهه

واحدنه تنزل نار دمعت عينه

وين الكفيل الجان بالطف خيمه

زينب ظعنهه اليوم طر الهيمه

موغيمه حتى اتروح هاي الغيمه

موقف صعب ياناس ويبجينه

مشوها بدروب الخطر مشوها

وحجايت الماتنسمع سمعوها

رفعو الروس وزينبك بجوها

كل مانسينه براسك مذكرينه

نلطم على الضلت تون لخوانهه

من فزعت الخيل حرگت صيوانهه

زينب وحيده وچتلو وليانهه

ظعن الهواشم للأسف سابينه

محمود رحيل

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

                 حرام طولك عن عيني يغيب

                 حرام جرحك يوليدي يطيب

                  كبرتك ليش تكبرني اه يبني

                    _

       ساعه موتك هدت حيلي  ضل العباس يتجيلي

      من طولك بويه شباقيلي  شبكه بجسمك مالاكيلي

                              امكطعيك

     طولي بطولك من مددته  درب الخيمه شكد ضيعته

    حكي وهذا الموقف شفته  صاير اكصر من عندي انته

                              امكطعيك

                 شباب شفتك كدامي تموت

                 شباب  نحرك  ينزف ياقوت

               بفركة وجهك شيصبرني اه يبني

                          _

          والد والوالد مايكدر  يشوف اصبع ابنه تعور

     وانه الشفتك يبني موذر  شحجي ويوجع هذا المنضر

                               ذبحوك

     ردت كبالك الزم روحي  لكن شيب راس جروحي

   لسابع شامت واصل نوحي  ماتدري اختك يامذبوحي

                                ذبحوك

                     تنام  اختك يوليدي تريد

                    تنام   افتح  يابويه الايد

                  يالب كلبي لتحيرني اه يبني

                          _

      محني وشايل تعب سنيني  لو جسمك هذا بجفيني

      اي وعد الحر دين وديني  ساعه وميت ياضي عيني

                                بفركاك

       موطبعك يبني تشيبني  ولاطبعك بويه تعذبني

      بس هذا الموقف يذبحني   ماراح احضر دفنك يبني

                                 بفركاك

                   اريد  ابجيلك دم ودموع

                  اريد  لكبرك اخذ الشموع

             بس ذباحك هم يذبحني اه يبني

                      _

     رايد ابجي بحضن الزهره   والفاكد شيسوي نعذره

      هذا انته الميت عالغبره  لو جدي ومسحوك بصدره

                                محتار

    امشي وشايل جسمك بيدي  امشي واصرخ راح وليدي

     رمضان اني وميت عيدي  بكاع الطف ضليت وحيدي 

                                محتار

                 عذاب جرحك بعيوني جروح

               عذاب ليش الغالي بساع يروح

              مكسور وفكدك كاسرني اه يبني

                          _

     وسط الخيمه بكلبي الهايم   ميت جبتك مثل النايم

      والكسرتني وكسرت هاشم  امك طشت حنه جاسم

                             فوكاك

      شاب وعمرك عمر الورده  حته المدمع دمعه بخده

      كون الدمعه الراح ترده  جان المدمع طاح لوحده

                              فوكاك

                اصيح وينك يهلالي الغاب

             اصيح ارجع والصيحه اعتاب

             اشما ابجي بموتك عاذرني اه يبني

                   ____

سيد معتز الحسيني

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

ندعي كل عام نبقى خدام

الما يخدمون خل يموتون

****

نخدم حسين .. والاسنين .. نذر صارت اله

بخدمته انذوب .. والاگلوب .. عشگها كربله

يلفي عاشور .. والاصدور .. تگله يا هلا

محله ملگاه .. على الآه .. نرد نستقبله

بشهر الادموع نلطم اضلوع

الما يفهمون خل يموتون

****

للخدم سور .. ضوه ونور .. تراها امحبته

انحسد دوم .. واللي ايلوم .. يراجع صفحته

حسيني ينطيك .. يعليك .. مقابل خدمته

انطاني هل تاج .. وانه احتاج .. چنت بس نظرته

حسيني موجود المجلسه عود

الما يردون خل يموتون

****

اشبيها دنياك .. شنو انطاك .. زمانك ما ترد

تبقه ملزوم .. يمحروم .. تراك انته العبد

بيدك النار .. والاحرار .. بديهم بس ورد

احنه الملوك .. يمملوك .. علينه ما تصد

اليعشگ حسين ربحه دارين

الما يشوفون خل يموتون

****

باچر انموت .. واليفوت .. منو الجنة عدن

بموكب انروح .. يمذبوح .. نصيح بكل شجن

بحزن الطفوف .. والچفوف .. عليه يتلاطمن

غربه منشوف .. يملهوف .. ابو اليمه الوطن

بآخر انفاس نلطم الراس

الما يلطمون خل يموتون

****

دمعة العين .. للحسين .. شرف النه وفخر

سوده الاهدوم .. والارسوم .. عليها انخط نحر

تبقى الاحزان .. والاشجان .. لحد آخر صفر

انگصده ماشين .. والايدين .. تأشر عالنهر

اويانه عباس راعي الحساس

الما يزورون خل يموتون

****

الشاعر اياد الديراوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

(( يا ألاهي))

ياألاهي .. الخاطر الناگه عَصفتّ بآل عاد

ياالاهي .. خيام زينب وجرن صارن رماد

هـــــيه موهينه عليك

چفوف زينب بالحبال

هذا أمـــــرك وبأديــك

ياالاهي وذو الجـــلال

ياالاهي …

“””””””””””””””””””””””””””””””””

يابــعيد وتشهد اليدعي بدعائه

ياقريب وتنضر دموعه وبكـائه

هاي زينب تنضر بطرف العبائه

تگلك تقبـــــل عذابي والسبائه

أخذ من عدنه كل الرايده وفوگ

صــعبه الناگه لاچن أصعد النوگ

ياالاهي .. حسين خليته رميه وكلبه نار

ياالاهي .. ترف خده والتراب بخده حار

بوجنته شفـت الرسول

ومتنه من الحسره مال

حسين داسـته الخـيول

ياالاهي وذو الجـــــلال

ياالاهي …

“””””””””””””””””””””””””””””””””

من طبعنه احنه نصبر عـالمصيبه

قابله يصيحولي زيـنب ياغـــريبه

ياالاهي فــدوه بس حسين جيـبه

گلبي بس بشوفته يخــمد لـــهيبه

أخذ كلشي التريده ورد الحسين

رقيه تصيح بويه وتـــهمل العين

ياالاهي .. صـدره مترضرض اريدنه يطيب

ياالاهي .. يطـيب صدره لورجع يمه حبيب

لـــــو يـــــردنه زهـير

هــــوه يحدي بالعيال

الظيم من عدنه يطير

ياالاهي وذو الجـــلال

ياألاهي …

“””””””””””””””””””””””””””””””””

ياعليم وتعــلم بروحي وحـزنهـه

يا شهيد وتشـــــــهد آثار بمتـنهـه

هاي زينب غافيه الدمعه بجفنهـه

راح اخوها وراح چـــافلهه وابنهه

مشت كل الهــــواشم والبدر غاب

جرح زينب مصاب وياكل مصاب

ياالاهي .. اريده يعـود والســــجاد ملهوف

ياالاهي .. ضل ويانه يمشي موت السيوف

متـــت يــــاربي الودود

من صدگ مو من خيال

مــــــن شفت دم الزنود

ياالاهي وذو الجـــــلال

ياألاهي …

“””””””””””””””””””””””””””””””””

ياحـكيم وتحــــــكم بـــــضلم آل اميـه

شفت جسم حسين مرمي اعله الوطيه

رحــــت يمه وگـــــايده بــــچفي رقيــه

تريد ابــــــــــوها تــــگله چتفوها اديــه

اريدنه يعـــمه حـــسـين أريده

ابوي حسين خل يلزمني بيده

ياالاهي .. رقيه تصيح اريده يفكلي الادين

ياالاهي .. وأنه بالطـف غريبه وأهمل العين

تبچي ماتقبل تــهيد

وماتكف من السؤال

أرئف وانته الحــميد

ياالاهي وذو الجـلال

ياألاهي …

“””””””””””””””””””””””””””””””””

يا مُعافي علّــــتي صــــارت چبيره

ياالاهي الوَحَـــدي ومــاعندي ديره

حتــــى دمــعاتي مثل حالي اسيره

وين حيدر يعتني يشـــوف الاميره

الاميره بلا ولي والـــمدمع يسيل

يحيدر والضعن لو يمشي ويشيل

ياالاهي .. صـــبر ايوب شلته والصبر طاح

ياالاهي .. ذيچ اخواني بس الروس برماح

رمح لاچن بي لگيت

طـفل بعـيونه الدلال

هذا عبدالله وبچيت

ياالاهي وذو الجلال

ياألاهي …

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((جنازةّ عقلي))

حَمَلتُ جنازةَ عَقــلي معيّ

وجِئْتُكَ في عاشقٍ لا يعيّ

أحسُّكَ ميـــزانَ مــا أدَّعيهِ

إذا كـــانَ لـــ لله مــا أدَّعيّ

اجيت وهايم بحّسنك

وحنيــــــتك

وشخصيتك

ياگــــــلب النبي چنك

حملت أجنازةّ أوهـامي

بچتافي

يالوافي

وأجيت بسالف أحلامي

تـــراتيــــــل المحبه اجيت آنه بتراتيلي

حبيبي وجاي أندبه ياليل العشـگ ليلي

گلبي وهــــــاك أدبه يعـثر بيـه يــاويلي

حسين ثآر الله

أبـــا عبدلله …

“””””””””””””””””””””””””””””””””””””””””

أقيسُ بِحُبِّكَ حجـمَ اليقينِ

فحُبُّكَ فــيما أرى مـــرجعي

خلعتُ الأساطيرَ عنِّي سوى

أســـاطيرِ عـشـقِكَ لم أخلعِ

قياسي بحبك أتلاشه

وشعذري

مــا أدري

الدمعه تصير دشداشه

يمرجع روحي وأحساسي

وأنـــاتي

ودمعاتي

يــــالمشيب گلـــب راسي

حزنك مــــاعرفته بعدني أحبيلك بدمعي

ولامچوي بجمرته ولا لاطــم على ضلعي

بس حُبك حمــلته ومضــــوي ألك شمعي

حسين ثآر الله

أبـــا عبدلله …

“””””””””””””””””””””””””””””””””””””””””

وغصتُ بِجرحكَ حيث الشموسُ

تهــــــــــرولُ فــــــي ذلك المطلعِ

وحيــــث (المثلَّثُ) شـقَّ الطريقَ

أمامي إلـــــــــى العـــــالَمِ الأرفعِ

لو ما نحرك وسهمك

چاضعنه

چامتــنه

عَيَشنه نزف دمــــك

الشمس متخضبه بحزانك

وجروحك

وبنوحــك

يــــانـعـمـتـنـه وجـــــدانك

يحسين برحمــتك الرمح بوداجك وصلى

يشـــــايلنه برئفتك لذلك منطـــي عبدالله

منطي الهزله لختك تعثـر ماكـــو الصمللى

حسين ثآر الله

أبـــا عبدلله …

“””””””””””””””””””””””””””””””””””””””””

علَّمَني أن عُشـــقَ (الحسينِ)

انكشافٌ على شفــرةِ المبضعِ

فعَرَّيْتُ روحي أمام السـيوفِ

التي التَهَمَتْكَ ولــــــــم تشـبعِ

صدرك شَبع الحافر

بضلوعك

ودموعك

وخنصر لون العاشر

وبجدام العشگ جمره

بجدامك

وخيامك

يالمذبل ألــــف زهـــره

وآياتــــــك غزلها الربك تقرآ آيـــــات

وكل عگده تحلها وانته برمحك اتبات

والـــدمعه تهلــها على الضلن يتيــمات

حسين ثآر الله

أبـــا عبدلله …

الشعر الفصيح

جاسم الصحيح

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((جود القاسم))

ياجود القــاسم .. يالاسمك بنــص الضمه

مولاي وخـــادم .. سميني يـــــابن فاطمه

معروفك واضح .. بابـــك مثل گلبك سمه

ياشيخ الهــاشم .. انته الحسن انته الحمه

من عمرك باگو عمر

وبچبدك صار الجمر .. مولاي ويا حالك

تتلـــوه وكـــــلك ألم

من سمك لومن خيم .. ودمعاتك لعيالك

خـــــدك ينچوي يـــاجمره بــالعين

وسكوت العاش بينك بين الحسين

كلمــــتك تنذبح وتگــــــله يــاخوي

خلصت ونتهت عشـــــرتنه يــازين

ياخويه حسين …

“””””””””””””””””””””””””””””””””””””””””

تنضر بعيـونك .. وتســــــــولف بگلبك ذبح

مولاي شلونك .. مـــــن ترسم بخلگك رمح

ممدود وحاير .. وچبدك غده بنص الطشت

بدمعه يودعونك..ومن زغره جاسم منجرح

يسمونك انته الوطن

ينادونك بابا الحسن .. عـــــــايفنه بيا غربه

يردونك وانته الضوى

وبالخنگه تفزع هـوى .. وحسينك گض گلبه

عمرك چنه گاضي تمد الچفوف

وينــادونك لويــن تريد وتعوف

ياجرح الســـوالف والدمع سيل

يانـــهر الموده وحال الجـــروف

ياخويه حسين …

“””””””””””””””””””””””””””””””””””””””””

ياحيره وحـــيره .. وتضم سوالف عالسبي

المكفوله إيسيره .. معقوله والحادي اجنبي

يصعب تفسيره ..درب السبي وضب الحبل

من ديره الديــره .. وفوگ الهزل روح النبي

مولاي شلـــون الحبل

لو طاحو طفله وطفل ..يالتدري وبدموعك

حاچينه وديــرةّ غرب

وعلويه أطيح وصعب..يالمحني وبضلوعك

سبايه وبــــالحجر ترميها شمات

بخرابه شلون بت المرتضى تبات

يالماشي ودمعتك تكتــب جروح

هيهات الزمن ينعــــــاد هيـــهات

ياخويه حسين …

“””””””””””””””””””””””””””””””””””””””””

ميت ودمــــوعه .. لاحن على الوجنه أمر

حاير موضــوعه .. زينب تطب ذاك القصر

وروحه الملهوفه .. وتعـــــاين أعليها العده

وباللوعه ولـوعه .. حتى الهوى بهضمه يمر

والقــــــاسم گله العرس

من تحرگ روحك شمس..وبدمك ومخضب

يوليدي وأفـــــــزع دمع

ولانضوي بعرسك شمع..ومـن توگع ومترب

نذرتـــك للـــذبح يبـــني يمدلول

العمـــك يـــالولد اتمــنى مچتول

وجسمك عالترب ودوسك الخيل

وراسك عالرمح يوليدي مشـيول

ياخويه حسين …

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((موكب دمعتي))

بعيوني مخلي الجــرح

بــــالصفنه بايت رمــح .. بويه

بــلســـاني كاتب عطش

وبــــروحي ليل اهدعش .. ويلي

يــحـسيــن مــامثلك ابد

منطي الاخو منطي الولد ..كلهم

لــضعونك مـنطـــي سبي

والحادي اليحدي اجــنبي .. زينب

اوف .. راح

ضعنك ماله جيه .. سبيه بصف سبيه

راح .. ويـن

بـــدروب المنيه .. المـــــنيه يم رقيه

اه .. ضــيم

دمعتي بلاتچيه .. اون عــــالهاشميه

تعَدل نيات الخــدم لــو واحـــد مال

غـــير حــالنــا الـــى أحـــسنُ الحــال

عيوني بدمع ام الخدر شدهن بحبال

حسين مولاي

حسين مولاي …

“”””””””””””””””””””””””””””””””””””””

اذبــحــلك ليـلي نذر

واسهرلك حد الفجـر .. خادم

افرشلك خدي دمــع

واحنيلك حنيةْ ضـلع .. عمري

ماأهجع مـــن الركض

أركضلك طول بعرض .. ليلي

والبيتك روحـي تطب

والمجلس بيت الگلب .. هايم

حاء .. سين

ألف شكــراً يلاهي .. بحـــروفه اباهي

ياء .. نون

من زودك خدمتي .. يسالفتي ودمعتي

هيل .. ليل

حبك ماله چــــاره .. لطم دمعه وزياره

موكب دمعتي وردت من عندك حيل

والهيل بعتابك اجه يشم بيك الهــيل

يــــاليل يــلــكلك نــده مـن اليل لليل

حسين مولاي

حسين مولاي …

“”””””””””””””””””””””””””””””””””””””

صينيتي بحبك شـمع

والــخــدمه مـــاتـنزع .. بــــيه

موكب مــشايه اجـــي

والزينب زياره ارتـجي .. هــيه

موكب بـالرايه اعتــني

اســمك بـــس اليـنبني .. بدمي

بــحــبك عــامر موكبي

ومجلس لجروح السبي .. بروحي

وين .. طيف

مر يوم بخــــيالي .. يـــريعــــان الليالي

عين .. بيك

عيني اعله المناره .. واشم عطر الزياره

هاك … شوف

ماهادت دقـــــيقه .. ينامـوس الحقيقه

زياره رايد سيدي أبلياك محبوس

ورايد من عندك بعد للضل بطوس

بيدك ختم زيــارته يـــاتاج الروس

حسين مولاي

حسين مولاي …

“”””””””””””””””””””””””””””””””””””””

ماأسال بــس أســئلك

انـــفــاسي ليـك وهلك .. هــــــايه

وأنفاسي تشوفك سند

وتنادي بحــبــك مـــدد .. بــــــــيه

يــــــامالك كل مـــايلي

مـحــــــبـوبي يابو علي .. وعشگي

مــعشوگي ورايح وأرد

هـــوه آنـــــه ليك العبد .. آنـــــــــه

شوگ .. ليك

زرتك وانه باقي .. بس بعده اشتياقي

احتام .. هام

دلالي بحضرتك .. يساحرني برحمتك

شاف .. بيك

رحمه الأحمديه .. ورئفـــــه الحيدريه

بصدرك دفيته البرد كل گــاصـد ليك

وتسمع من عنده الدمع من يحاچيك

شلت الزاير عالچتف يــالحيل مابيك

حسين مولاي

حسين مولاي …

“”””””””””””””””””””””””””””””””””””””

حيلك راح وي الخيم

گلــبك راح وي السهم .. ويلي

صدرك بالحـافر غــده

بالطف مـطـشــر نــده .. رايح

عــينك تنضر للــحرگ

خدك مفروش بسحگ .. طايح

طـــايح يــانبـع الوفه

ســايــل دمك عاطفه .. سـايل

ليش .. هيج

متعمده الحوافر .. وتــــسد النواضر

نار .. آه

يانارك سعيــــره .. من طاحت اميره

خيل .. ويل

مشدوها العقيله .. والمــــدمع تسيله

راسك ضل فوگ الرمح مــعبد للناس

نحرك تسيورةّ عطش بچفوف عباس

طولك لاماينحني ضـــاوي ونـــبراس

حسين مولاي

حسين مولاي …

عبدزينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((انتي الوحيده))

مثيلچ مالگيته بعرض السنـين

بس انتي الوحيده يـ أم البنين

“””””””””””””””””””””””””””””””””””””””””

بس انتي الوحيده الخوش والبآس

ربـيــتـي الـگــمــر للـــــخوه عــباس

وترسـتي اذنه سوالف مــال عشاگ

وليدي اگبال اخــوك اطئطئ الراس

((لتخلي عيونك بعيونه))

أمّـــــــ الثانيه صــرتي للحسين

بس انتي الوحيده يـ أم البنين

“””””””””””””””””””””””””””””””””””””””””

روحچ تنعصر خاطــــر يكبرون

من حبهم اگليــبچ صــار ممنون

مو شرط الجـنون يشگگ الثوب

اليشگ دلاله بالحب هذا مجنون

((بالحب مجنونه البدويه))

ماي عــيونچ انتي من تشربين

بس انتي الوحيده يـ أم البنين

“””””””””””””””””””””””””””””””””””””””””

هَواچ حسين چـــان ايدور بالروح

المهم موجود لو كل روحچ جروح

يـــــوم البالضعن مـــن حمل وراح

صرتي اول شــهيد النفـس مذبوح

((من شالو صرتي المذبوحه))

انــــواع الــــونين انتـي تونين

بس انتي الوحيده يـ أم البنين

“””””””””””””””””””””””””””””””””””””””””

اعله روحچ فاتحه تقرين كل ساع

العمر وي الضـعن يــاطاهره وضاع

من رد الضعن خــــالي شتگــوليــن

تتوسديـن طــول بطـــول عــالگاع

((چا وين حسين وخوانه))

حياتچ گطره گطره بس تنوحين

بس انتي الوحـيده يـــ ام البنين

“””””””””””””””””””””””””””””””””””””””””

نوحچ عالحسين ايخـلص الليل

وتلطمين روحچ مــــايضل حيل

من تسمع اذانچ صدره مسحوگ

يصير ونين روحچ خيل يــاخيل

((ياخيل وليش اتسحگينه))

ودگــين ضلعچ يــــاضــلع وين

بس انتي الوحيده يــ ام البنين

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((منذورك))

والعمر منـذورك

منتضر عاشورك … ياحسين

“””””””””””””””””””””””””””””””””””””””””

محرم طولت بينه يصدري ولطمت ضلوعه

صرت اتنطر هلالك وأضملك بــالگلب لوعه

ونطر لحضةّ أحزاني وفــزع گلبي ودموعه

وينك .. خليني أعلگ چـــم عــلم

وينك .. حتى ألطم براس السهم

وينك .. طلعنه مـــــن ديرةّ وهــم

والگلب منحورك

منتضر عاشـورك … ياحسين

“””””””””””””””””””””””””””””””””””””””””

اشاور حزنك البيه محـــرم غيرك شعدنه

ترى ماننتضر جيتك تدري حسين سودنه

اخذني الليلةّ العاشر ويـــم حسين گعدنه

تدري .. وداعةّ العل هـــزل مشـــن

تدري .. حزن السبي اصبح وطـــن

تدري .. وروح الحسن وأبن الحسن

وناطفه تنـــورك

منتضر عاشورك … ياحسين

“””””””””””””””””””””””””””””””””””””””””

عيد عيوني بالملگه بهـــــلالك تفز عيني

وتطلع دمعتي بخدي وأحاچيها وتسليني

وعنك دمعتي تسئل محرم يـا اصل ديني

تسئل .. دمعاتي رادن شوفتك

تسئل .. خَــــيمّ علينه بدمعتك

تسئل .. روحي الحزينه رادتك

وبالجروح نزورك

منتضر عاشــورك … ياحسين

“””””””””””””””””””””””””””””””””””””””””

تعال اختنگت جروحي تانن منك اللچلمه

اريد اسمع طفل يبچي من يصيح يا عمه

موتني بجرح ضــــــامي وبعبدالله وبدمه

زينب .. تنطي الـــوجه أليا كتر

زينب .. بالصفنه هم يطلع شمر

زينب .. معقوله يـــاويلي بجمر

بينه حاضر نورك

منتضر عاشــورك … ياحسين

عبد زينب

محمد الإبراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ــــــــــــــــــــــــــــــــــــــــــــــــــــــــ

((يامن عفتني))

يامن عفتني ماودعتني

ساكت وأشوفك عالرمح يالضيعتني

ياحاله حالي شوف الجرالي

اتعـــــثر بدرب الجـــــمر عاين يغالي

مابطــــل النوح وشلـون مذبوح

وعيوني تشوف عالگاع مطروح

عالگاع عــريان

والنوب عطشان

بغيابك نار حرگةّ صيوان

واويلا …

“””””””””””””””””””””””””””””””””””””””””

نّطفي بدينه نار الضغينه

يــــاهـضــمت المـنه مشـــو محد يجينه

يايبست شفاك بويه احچي وياك

حاچيني يا شوف النضر مو هدني فرگاك

نركض لاوين ونصيح حسين

زينب يـاناس مچتـوفه اديــن

تعثر بچـفوف

زينب وتشوف

يابويه دموم وكاتلها الخوف

واويلا …

“””””””””””””””””””””””””””””””””””””””””

عفت الحبيبه صارت غريبه

زينب يبويه أم الخدر والله مصيبه

ام الخدر هاي مشدوها وياي

ومتحرگه بينه الخيم والنـار والماي

چـــــا وين انام ماعدنه خيام

بالحسره نشوف مذبوح جسام

لوعميه ارتاح

وماشوف رماح

بالغيم مرفوع لوعندي جناح

واويلا …

“””””””””””””””””””””””””””””””””””””””””

شوغه ويساره وياگلبي ناره

چفــــك اريده ورايتـــك صرنه حياره

حيرتنه حيره وبلايه ديره

عمتي الاميره ام الخدر صارت أسيره

نخاف من النار تدرينه زغار

وبــــــــلا وليان زينـب تحتار

لوتركض خيل

الناگه تمـــــيل

كل احنه نصيح عباس دخيل

واويلا …

“””””””””””””””””””””””””””””””””””””””””

ها عمي وينك رد بحنينك

آنه العزيزه اعله الهزل واسمع ونينك

ها عمي عباس ضربوني عالراس

هاي الزلم بس بالشكل مابيهم احساس

نعثر ونطيح ياعمي نصيح

بويه السجاد عالكاع يطيح

راسك مرفوع

وبخده دموع

عباس عباس والصوت مسموع

واويلا …

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((بزر العمر))

من ترسم الضحكه بدمع

مـــن تبتسم بس منفجع

مـــن تنضر البـزر الـــعمر

تكسر ضلع فوگ الـــضلع

علي الاكبر يسابيني وحرت وشلون أودعنه

ضوه وأطشر بحــضني اشبــگه لــــو أشمنه

آنـــــه بحلم

مــدري بعلم .. عـــمري مشه ورايح علي

مدري مـتت

مدري عشت .. حيره وعطش تصرخ هلي

جاي ابچي روحي بدمعتي

خليني أخَلـــــــص شهگتي

لا تمشي يــــا شاب الـگلب

وتتركني بـــويه بـصــفنتي

يبني علي …

“””””””””””””””””””””””””””””””””

معطشني شاجر بالبچي

بللني من عنـــدك حچي

بس گلي اذا تمشي بعـد

عليمن يــــواحد انتـچي

يالمسهر رمش عيني تريد أتموت أحسينك

منك ليش تحرمني فــدوه سنيني لسنينك

عثره وجـرح

ودمعه وذبح .. وهاجرني يوليدي الگلب

موت ونعـش

ضيم وعطش .. دليــــــني بجفاك الدرب

تانيني امــوت بحاجبك

تدريني ابوك وصـاحبك

تعصرني بچفوف الهجر

يالتوه خَضَر شــــــاربك

يبني علي …

“””””””””””””””””””””””””””””””””

لَمن مشــه ولـيدي بطه

زارع على عيوني غطه

من دارت بمـــهره الزلم

گلبي غده طيــر الگطه

جمره بچفي شايــــلها وغـلاتك يبني أتلوه

رجع بس يابس لسانه ويگول العطش بلوه

أمك تــــون

يبني بحزن .. لحگ عليــــها آخر هوى

ورد للحـرب

دمعه يصب .. معلول أضل راح الدوى

ودعـــــتك الله للــــــذبح

ضلمه ومشه نـور الصبح

فوگ الرمح مـــــن نلتقي

حاچيني من فوگ الرمح

يبني علي …

“””””””””””””””””””””””””””””””””

حاچيني اذا بعدك عدل

يالماتمل صـــاير تــــمل

بخدودك السيف شـعمل

رايح علي وطاح الحمل

موذر يابعد عيني شلـمك بويه ما أگدر

ياريت آنه متوزع ومني المنگطع منحر

سيف الهجر

بــيــه يكـــر .. مـابيه أشيلك للخيم

حيلي أنهدم

وين الخــيم .. وبصدرك ينام السهم

حاچيني بس هل المسئله

يبنــــــي شــــــگل للعايله

لــــــو عَــمّتك تگلي مــنو

وآنه دمعــــتي الهــــــامله

يبني علي …

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

رساله لي اولا…

ارجو ان تكون غير مشفره

((ولا للتفرقه اتطرق))

جبيره هواي والمايستحقها هواي…

تعال وشوف ..

وينك يل طحت محروم من الماي.

اكل حر الشمس وجهك…

وجلدك ذاب ..

بس الشيعتك يحسين صرت افياي ..

خادم للشرع لو ملك وانت اختار

بس چلمة الخادم صارت اول راي

البست ثوب التواضع يل ملكت الكون

درت وجهك واجاك الكون الك عناي

چن عندك رساله ومختصرها يكول ..

اليحب الرياسه ما اسجله وياي..

يالتخدم حسين اسمع

حسين اعله الثره امكطع

ولم الوادم وجمع

حسين اول غريب وصار ..

وطن للماله ابدا دار

ولا فد يوم ابد فرق

ولا للتفرقه اتطرق

اليتبع نهجه يتوفق

الاقل احمد

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

مقدمة ليلة القاسم

عايـف حــظن الـخيام   يبني

وغافي بحظن الاسهام   يبني

حاچــينــــي يجـــسام    يبني

وينك

***

وداعت الماشـوف بيـهـــن خانگــتني العبره

شلون حضن امك تعوفه وتغفه فوگ الغبره

شجره تو خضر ورگــها وذبلـــوها الــشجره

عليك مدري على روحي الفاتحه كون اقره

هـــا ياتعـــب الايــام   يبني

غافي بحظن الاسهام   يبني

حاچـــيني يجــســـام   يبني

وينك

***

ارمـــاد صــرت انه بغيــابك والهــوه ذراني

واليدورني اعله جسمــك طــايحه يلگــاني

متت يبني وبقى ذكرك عايش اعله الساني

يالمــــدلل مــو الحــنه افــراگـــك الحناني

لا مـو وكتــك اتــنام   يبني

غافي بحظن الاسهام   يبني

حاچــينـي يجــســام   يبني

وينك

***

لملـمت روحي ســوالف بيــن هاي وهايه

بيــن رمله وبـين يــبني امشــامر الرمايه

البيك كل ضنــتي نبــله شـو هذن هوايه

بالدمه مو بــس اديتــك گـصتك امحنايه

شگــد متحـــمل ألام   يبني

غافي بحظن الاسهام   يبني

حاچـــينــي يجـــسام   يبني

وينك

***

طفح مو بس دمع عيني طفح عزمي وحيلي

بهاي خلـف الله اعلــه زينب گــامت اتچيــلي

صحــت يربــاي ويــتعـــبي ويامســـاهر ليلي

ســولفتلـي بكلــش ليــش بهاي ماحاچـــيلي

مامــرت بــالاحـــلام   يبني

غافي بحظن الاسهام   يبني

حاچــينـــي يجــسام   يبني

وينك

***

اعلومي مو زينه اجيت احچيلي عن اعلومك

ياجمال الله اشعــلامك ياهو طـــفه انجـومك

ياحــلات الحســن ليــش امغــيرات ارسومك

من كثر سحگ الخــيول امشـگگات اهدومك

چن صايرلـك اعــوام   يبني

غافـي بحظن الاسهام   يبني

حاچــينــي يجـــســام   يبني

وينك

***

الخيمه بيها رمله گلي الهيمه يبني اشبيها

خاف من حظن امــك ادفــه يالولد لاگيها

بعــَشـويه شيلــتي اتــوج ياهــو اليطفيها

عاد بس هالظهر يـبنــي روحـــتك خليها

امـــــك لا مـــتـــنلام   يبني

غافي بحظن الاسهام   يبني

حاچـــينـي يجــسام   يبني

وينك

*

حيدر تركي الكربلائي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

شكبنت الهـــــموم اعله المتن شكبان

وجيت الباب بيتك ياعظيــــــم الشان

*

لگيت الناس عميه وانته بس اتشوف

ياعبــاس ويســــــــمونك المـــعروف

مدري شلون تنطي يالبدون چــفوف

الكــرم يمك اذا مــر يمشي بالريجان

***

الكرم يمك صفر عاليسره مامحسوب

يباب الله الوسيع المـــاترد مـــــطلوب

اليجي متــــــعوب يمك مايرد متعوب

وتحــت قبــتك ياما سولفـــت خرسان

***

تحت قبتك اكبر معـــــــــضله تخلص

مثل عيســى تشافي الاعمى والابرص

عطائك چن بحر والبحر مايـــــخلص

البحر كل وكته يرفض فكرة النقصان

***

مافــــد يوم انــته رجعـــــــــت سائل

نقد تنطي وابد ماتنطــــــــــي بالاجل

حار بحار هـــيج انته يـــــــبو فاضل

الكرم وحده من اهم سوالف الشجعان

***

الوادم بوب تفتـــــح وانت فاتح عين

الوادم تنطي وحده وانته تنطي الفين

كل هذا جزاء الخدمـــــــــتك لحسين

صرت للحاجه انته وللفــضل عنوان

***

يامن منطي معنى الكلمــة الخوه

يبو مروه المــــثلها ما اكو مروه

وگـــفتك ويه اخوك بكربله تسوه

الهذا الله نطـــاك الـجاه والعنوان

***

الهذي الله نطاك الـــــــجاه يانوماس

يتاج وشايله كل منصف اعله الراس

يفرحت گـــــلب ابو السجاد ياعباس

يمــعدل الميــله بســــاحة الفـــرسان

***

جزاء حــسين الك هذي كراماتك

يلي امبدي العطايه من مـــناراتك

بذان الدهـر لسه تدوي صرخاتك

من ذبيت ماي النهر عالشــطئان

***

حيدر تركي الكربلائي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

عذرن مولاي ..سامحني بهاي ..

غلطان وغارك بذنوبي وندمان هواي ..

…………………….

يالمهدي لو سال الدمع يشرح عمق أحساسي ..

مختنك بالهم والحزن بالكوه أجر أنفاسي ..

دنكت راسي من الخجل يالبيك رفعت راسي ..

الشيطان غاويني شكثر وشكبره شر وسواسي ..

الأعمه يشوف .. درب المعروف ..

ودمعي المذروف بوجناتي عللخد جواي ..

………………………

حالي صعب وأبقه أرتجي بيا ساعه أصلح حالي ..

وصارن أذنوبي بلا عدد لا  أول ولا تالي ..

ياقائدآ ياناصرآ من الخجل دمعي يلالي ..

يالمهدي وعيونك تره بس أنته شاغل بالي ..

يابحر الجود .. أنته الموعود

وجفي الممدود اليتأمل تغفر بلواي ..

………………………….

نهر الندامه والأسف ياسيدي يصب دمعه ..

تعبان من هذا الوضع وأتنطر بكل جمعه ..

عصر المآسي والفتن من تظهر احنه نودعه ..

عجل علينه بطلعتك ممشي عليك البضعه ..

لو رف لواك .. تنذل أعداك

صحراء الدنيا ومنتظره من جفك ماي ..

…………………………….

الينتظر يايوم الفرج يحس الفرج يدناله ..

كون اليناطر طلعتك لازم يراجع حاله ..

والطلب عفو ومغفره متندم على أفعاله ..

زارع عيونه على الدرب بلكن يشوف هلاله ..

تمر الأيام .. وعام يجر عام ..

ونيران غيابك يالمهدي تسعر بحشاي..

……………………………

بالندبه أقره سيدي ودموعي عالخد تجري ..

وأدعي بقنوتي بالفرج لصاحب زماني وأمري ..

الطلعه البهيه بيا وكت ماظل صبر مو تدري ..

رايد أكحل ناظري ومرتاح أروح الكبري ..

دوم بطرواك .. لا ما أنساك ..

رغم أخطائي ورغم أذنوبي لاكن وفاي ..

…………………………..

كد السمه وكد الأرض أنه أعتذر عن جرمي ..

وبكل وكت أتصورك يالمهدي حاضر يمي ..

مايوفي حقك كل شعر يالحجه وأسأل قلمي ..

يكتب وهوه منحني خاطر يخفف همي ..

ودمعي الأحبار .. يبن الأطهار ..

لو تنشف دمعات عيوني أكتب بدماي ..

…………………………

حيدر مطر العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

(( يمه جسام))

دمعه ابأثر دمعه..اعلگلك الشمعه

اودمك الحنه بچفوفي

.. . يمه جسام…

———@@@———–

امنية كل أم ييمه عينهه اتشوف

الضنه.

اومن صرت يمه يجاسم جان الي

يوم المنه.

يبني وي روحي اسولف والحلم عندي

انه.

هالسنه حملي يشيله لا بعد يكبر

سنه.

ربيتك بروحي ..يابلسم جروحي

من النسيم اعليك خوفي

…يمه جسام…

اودمك الحنه بچفوفي

…يمه جسام…

———–@@@————–

يانضر عيني اوضواها يمن يفديك

العمر.

ياصبر امك واشوفه امدد اگبالي

الصبر.

انه ربيتك ييمه ساعه ساعه

اونتضر.

بيدي لعرسك ازفك مو ازفك

للگبر.

اليل اخلصنه…ونه ابأثر ونه

والبواجي تعمي شوفي

….يمه جسام….

اودمك الحنه بچفوفي

…يمه جسام…

—————–@@@———–

اتأملت من تكبر انته تسند لأمك

ضهر.

تالي عكس الي انتضرته ضهري بالفرگه انكسر.

من العطش دلالي ذايب بس اشوفنك

نهر.

هسه جف كلشي بحياتي وگلبي

يوليدي انفطر.

يوليدي ياسلوه…من شوفتك اروه

.. بدونك شمصعب ضروفي .

… يمه جسام…

اودمك الحنه بچفوفي

…يمه جسام….

—————–@@@—————–

ماتت الوان الطبيعه وبيهه ماراح انسعد.

ياطبيعه اتسر نضرتي اگبالي مذبوح

الورد.

شلي بعمري بدونك والمن ابأيامه اعد.

وعيني تغفه اعله الوساده وانته تتوسد لحد.

چنت انتضر منك…عريس اشوفنك

..اوماتت الفرحه بطيوفي..

….يمه جسام…

اودمك الحنه بچفوفي

… يمه جسام…

———————@@@—————

ذني شمعاتك يجاسم گوم نعلگهن سوى.

مو الك يضون ييمه انته تنطيهن ضوى.

الدنيه تتنفس عبيرك وانته للدنيه الهوى

واصبحت خنگه بغيابك فارغه بلا محتوى.

من فارگة رسمك…هم حزنت اويمك

كل امل ضاع بطفوفي

يمه جسام

اودمك الحنه بچفوفي

يمه جسام

——————-@@@——————

شلون اعوفنك يغالي اويمك الحيل

انهدم.

ياجدم يمشي بغيابك ميت وياك

الجدم.

جرحي شگد بي سوالف عجز

يرويهه الألم.

يبقه حزني اعليك يبني لموتي.

واقسم قسم.

اقسم قسم يبتي..لموتي يضل حزني

وبالحزن هم ليك اوفي

يمه جسام

اودمك الحنه بچفوفي

يمه جسام

للشاعر

ابو عبدالله الشمري

✍️

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

الفگدك تنوح السمه .. والارض متوّسمّه

بالسواد وبالدمع … انته ضنوة فاطمه

ياعلي    ياعلي     ياعلي

……………

ثامن ايمام بعصمتك يالرضا

وصدك مبخوت بعزائك من حضا

المالطملك صدره بيش ايعوضا

الما يصب دمعه الك يگضي قضا

يقضي دمعات الحزن  .. ويه روحه ايضل يون

الوّنه لجلك تنسمع  ..  انته ضنوة فاطمه

ياعلي    ياعلي    ياعلي  

……………

يالغريب الغربه تاذي بهل زمن

احنه عشناهه وتحملنه المحن

بس غربتك تحرم العين الوسن

مجلسك عدنه يضل هوه الوطن

اجمل اوطان الارض .. واسمك انحفظه حفض

مانهم بكل وضع   … انته ضنوة فاطمه

ياعلي     ياعلي     ياعلي

……………….

يالبعيد وساكن بنص الكلب

والله مشتاكين نمشي بهل درب

ونكتب اعله الرايه لديار الغرب

كاصدينك يالرضا بمدمع يصب

خطوه خطوه مسجله .. مثل مّشيت كربله

وبحضّرتك ننجمع  .. انته ضنوة فاطمه

ياعلي    ياعلي    ياعلي

……………..

للدعاك وراد منك حاجته

جوه گبتك تطفه ناره وحسرته

گلبه يرتاح وتهّود ونته

ايحصل امراده وتنشف دمعته

ابابك اتضل للخلك  .. الحاجه مشدوده بعلك

تعرف الي منوجع   .. انته ضنوة فاطمه

ياعلي    ياعلي     ياعلي

………………

ماترد واحد يجيك بگلبه هم

من الزمن ياسيدي وحيله انهدم

خاطره تجبره التعناك بالم

يرد يمشي وطوله جن هيبت علم

بسمك الهم ينجلي  .. من ينادي ياعلي

وصوته بسمك يرتفع .. انته ضنوة فاطمه

ياعلي     ياعلي      ياعلي

………………

بينه شوك هواي تدري الحضرتك

والگلب ملهوف رايد شوفتك

يبو محمد سهل النه ازيارتك

احبابك احنه ورايدين امروتك

رايدين انشم عطر  .. من ثره ذاك الكبر

ولجلك الكل تنفجع  .. انته ضنوة فاطمه

ياعلي    ياعلي     ياعلي

………………

والمصابك هالحزن ماينختم

لاوحك فاطمه والاعظم اسم

وبعزائك واجب انضل نلتزم

يلي سار بدمك من الظلم سم

احنه منطينك وعد  .. والله ماننساك ابد

نشعل الفكدك شمع  .. انته ضنوة فاطمه

ياعلي     ياعلي      ياعلي

محمد هادي العقابي

ــــــــــــــــــــــــــــــــــــــــــــــــــــــــ

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

اجيك بلهفتي لوطان غربه

واجيب اوياي من حسين تربه

شوكت اوصل وشمك

ضمان الخدمه يمك

………………..

اجيك آنه بدمع عيني احاجيك يمولاي الرضا ارضه عليه

طلب عندي وريدنه يسلطان تخليني بخدمتك للمنيه

شلي بدنيه اذا بيهه العمر طال اذا ماابجي والطملك بديه

من تحرمني من ذكرك بلياك اموتن من وكت يبن الزجيه

بيدك سلمت روحي وامرهه

بس انته الوحيد الماتضرهه

اضل للموت اخدمك

ضمان الخدمه يمك

……………….

اتمنه امن انام تمر بالاحلام وشوفك والحلم يصبح حقيقه

ما ارمش ولا افتحها العيون ومن حلمي فلا ضيع دقيقه

يضامن اني اريد وياك للدوم وياك العمر يحله طريقه

اريدك ابو الروحي وخي الي تصير ومن ينكسر گلبي انته صديقه

شوكت اوصل البابك وبهيامي

عله اعتابك وحكك گلبي ضامي

بجرح گلبي اكلمك

ضمان الخدمه يمك

…………………..

انته اول عشك هايم صرت بيك مبين حبك بدكت دليلي

طاريك يمرني ايهيج الأحزان واصفن وبصفنتي ايموت حيلي

ماكو انسان اسهر اني وياه بس انته اخلص وياك ليلي

اني ادري بمحبتك والله ربحان وكلبك طيب انته وتندعيلي

عبدك اني يالعطفك عليه

ترس گلبي وترس جفين اديه

حفظت بروحي اسمك

ضمان الخدمه يمك

…………………….

غيرك ماهويت وتدري بالروح بيك تهيم لو مرت حروفك

انته اول حبيب بگلبي والعين بيني وبين روحي شكد اطوفك

عايش اني جي وياي احس بيك بس يمنعني ذنبي وما اشوفك

معيشني بحنانك ونته ابو الخير وعله راسي احس تمسح جفوفك

ادور بين ناسي العاشرتهم

مثل گلبك ابد ماشفت عدهم

حزين وهذا همك

ضمان الخدمه يمك

……………….

تدري امنيات ابنادم هواي وآنه اتمنه انته الترضه عني

اجيك وشايل احمولي اعله الچتاف منك اعتذر عالحصل مني

من كد ما احبك ياضوه العين عن باقي البشر حبك شغلني

بلا شوف وعشكتك عشك مجنون عليّ متفضل وعطفك شملني

متفضل عليه بكد رقيه

جبتني الخدمتك كود امن اديه

وحك عباس عمك

ضمان الخدمه يمك

………………

صدري يختنك وتضيك الانفاس اذا مراني يوم بلايه ذكرك

ياشمت هواي وذخر السنين شوكت تدعيني اجي زاير الكبرك

دمعي لو صبح دم ما اجازيك علي موسى الرضا يايوم انضرك

يمسموم الجبد بالغربه مولاي بحزن وهموم خلص تالي عمرك

اريد وياك تخلص كل حياتي

لحد ما تغمض عيوني بمماتي

العزم بالخدمه عزمك

ضمان الخدمه يمك

محمد هادي العقابي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

آمنـــــت دمعاتي    وابكرم ســـــاداتي

اشهد اشـــــــما بيه

من عدم شــالونه   وبخــــيم حطونه

كلشــــي رزق ونيه

الچنه نخدم بيهه   من فضـل راعيهه

صارت احســــينيه

معبد الحب ديـني   وكربله تنطـيني

اجمل اعبــــــوديه

تنقبل عدهم عبد كلــــــــــــــش چبيره

محد ايباوعلك ابعـــــــــــــين الزغيره

ماكو واحد حبهم وميـــــــــت ضميره

العشره وياهم طويله ومــــــو گصيره

كلمن ايجد يحضى     فاطمه من ترضى

اتخلي طــــف ابروحك

احترگ مـــــن ذاتك    لاتجف دمعــــاتك

ولاتطفـــــــي اجروحك

وجهك الـــــهم ديره   ومنهم اطلب غيره

والشــــــــفاعه اتلوحك

عبرتك واحســـاسك   لو جمرهـم جاسك

تطــــــــــلع اله ابنوحك

اصدق اوياهم حياتك وانــــــطي عمرك

باچـــــــــر امن اتموت كل خادم يذكرك

مومهم وادم ترا حســـــــــــين اليقدرك

دمعتك من ننزل اتطــــــيح اعله گبرك

كلشي باچـــر فاني    يبقى بس عنواني

عدل مـــــيت خادم

اخدم وهنيـــــــالك    سلم الهـــم حالك

بس عشگـــهم دايم

خدمه والحض بيهه   والله مايگــظيهه

يخلق الهــــــم وادم

مو عقل عشــــــناها   بالنضر شفـــناها

الماخدمــــــهم نادم

ياهو يسوه انحبه وانعيــــــش ابدلاله

وياهو مثل حسين ضحى ابكل حلاله

حته يعدل حـــــــــالنه احترگت عياله

والرمح من شاله يمشـــي ابفي خياله

احنه عگــــده ورايه     والمجالــــس غايه

بيهه نوصــــــل ليهم

نضره من نضـــرونه     بالرزق غطــــــونه

نعجز انجــــــــازيهم

كلشي ماســــــــوينه    ومر عطـفهم بينه

وغربه مـــــرت بيهم

اتغربو يـــــــــاروحي    كون تطلع روحي

من يمر طــــــــاريهم

الخاطر المحد فزع ســــــــــاعة دفنهم

ياگلب لاتبرد وهـــــــــــــــــيم ابحزنهم

واذكر الراحت ســــــــــبي للشام عنهم

واذكر البين الخرايب عـــــــــالي ونهم

ياعشگ وجـــداني      غربتي واوطــــاني

واولياء ادمــــــوعي

ياوجودي وحيـــلي      يانهاري وليلــــــي

مرجعي وموضــوعي

هب حزنكم ضــيمه      وبيه وجت خيمه

سحگه رزقو اضلوعي

عالجره اعله السـاده     عيني صبي ازياده

وبالمصــــــايب لوعي

هذا حالي وما ابطل مــــــــــن نحيبي

وانه اسمع فاطمه اتنــــــــادي حبيبي

والشمس من تطلع اتصيـــحلهه غيبي

نايم ابحر الظهر ابنـــــــــــي ونصيبي

خادم القصيده

شاكر الصيمري

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

قصيدة ( سحك قصر الاماره ) الى سفير الامام الحسين مسلم بن عقيل عليهما السلام

سحگ قصـر الامــاره بگلــب مستـعــره نـاره

اعتـلا يقــره الزيــاره السلام عليك يا حسين

*

طعم الزيــاره يختلــف

لو طبگ وي طعم النزف

وكت الشدد مــا تنسي محـــــــال

أول زياره من الگلـب

تعجز توصفها الكتــــب

يا كاتب أيوصفها الي بمقــــــال

من نوى فرض الزياره مسلم شچان الشعور

سيـدي يحسـين ازورك لكـن أبــدم النحـور

وانته تستاهل يغالي اسحگ القصــر وازور

يبو اليمــه إمــامـي ازور وگلبي ضامي

الك ابدي بسلامي السلام عليك يا حسين

*

لزيارتك صعب الشرح

يا سيدي أبطعــم الذبـــح

أول زيــــاره أمطــرزه أبـــدمــــاء

نكتبت أبصفحات الدهر

وانرسمت أبأغرب صــور

أول زيـــاره تـعتــلـي السمـــــــاء

بالزياره حسين يسمع صوتك الكلش عـذب

مر ببواليمه سلامك كـال هــذا من المحـب

تقبل ادخل يا أمامي لجنتك وســط الگـلب

قبل فـرض المناحر أنــادي وگلبي حاير

أمـامي اقبلني زاير السلام عليك يا حسين

*

متيمم أتراب الحــــرب

وثوبك جديد من الضرب

ومتعطـر بــذاك الدمــه اليســيل

لجـــل الحبيب اتخذمت

مسلم شبيهك ما شفت

هاي آخر ازيــاره وبعد رحيــــــل

ابد ما هماك جرحــك همــك أتزور الإمــام

انه ما شايف شبيهك تنزف اجروحه غرام

يبتدي بحاضر أمامي وينتهي بأجمل سلام

أمامي وانته غايه الك دمـــي البدايه

و أزورك بالنهايه السلام عليك يا حسين

*

يا سيدي كاتب درس

عن الابه وعزت النفس

حد الممات ومــا تذل عجيـــب

ظنـوا تمدهــا يمنتـك

والهم تنزل هــامتــك

گلت انه ربـاني علي الحبيــب

ما اعوف حسين أمامي اكتب أبدم الـوريد

والله اگص اچفوف أديه وابد ما أصافح يزيد

الفوز ابواليمه قبلني دونه من اوگــع شهيد

أموت انه أعلى حبه أمامي ومايه اشربه

أزوره وأهوى دربه السلام عليك يا حسين

*

بيــن الزيــــاره والحـــرب

يا سيدي حسرة محب

فـوگ القصـر منــك بـدت دمــــوع

من تهوى انته أعلى الارض

حسيت بالخيل شترض

يا سيدي ابطــــف كـــربله ضلـــوع

بين فرض الموت حاير بين فرض ازيارتك

چنت تتمنى يا مسلم خيــل بالطف رضتـك

دون ابو اليمـــه حبيبـك بالحوافــر جثتــك

اظل بيك انه حاير قلم ومتاني شاعر

زرت بس بمشاعر السلام عليك يا حسين

**

الشاعر

موسى البديري

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

منهاج محرم الحرام

ولائية

انـت بـس اليسـتـحـق ابچـيله

إرضى عني وخل اموت الليله

حسين يا ابا عبد الله

بمجلسك جـوه الخـدم انمـد حصير

المهم ترضى اويـن ما رايدني أصير

راضـي اعيـش بماي وبكسـرة شعير

وعِدني ويه الخدم لو حتى الاخـير

لچـن من تطـردني هاي اثگيله

ارضى عني وخل اموت الليله

حسين يا ابا عبد الله

ــــــــــــــــــــــــ١ـــــــــــــــــــــــــ

كلشي غيرك بي سؤال وبي حساب

الا حـبــك الـلـه خــلاه بــس ثـواب

جـربـتـهـا الـدنيـا كلـهـا وبـاب بـاب

وكلشي غيرك سيدي الگيته سراب

واليحـب غـيـرك يمـوت بويله

ارضى عني وخل اموت الليله

حسين يا ابا عبد الله

ــــــــــــــــــــــــ٢ـــــــــــــــــــــــــ

سـيـدي الشـغلـتني والعـذبتـني هـاي

خوفي بس لا من طرف واحد هَواي

آنـه ضـايــع لالـي كـلـمـه ولالـي راي

وبيَّـه تقـبـل خـادم اصـبـح كل مناي

منـيلي غـيرك سيـد واشـكـيله

ارضى عني وخل اموت الليله

حسين يا ابا عبد الله

ــــــــــــــــــــــــ٣ـــــــــــــــــــــــــ

واللـه لو تـطردنـي اردلـك وبأنين

وابقى أضجنلَّـك ضجـيج الآملين

وأگـعد وأنحـب نحيـب الفـاقدين

اتردني معقوله بعد وانت الحنين

وانـت ذاك المــا يــرد ادخـيـله

ارضى عني وخل اموت الليله

حسين يا ابا عبد الله

ــــــــــــــــــــــــ٤ـــــــــــــــــــــــــ

آنـه بـالدنـيـا احــس مـالــي وجـود

الا أحـضـر مجلسـك وثـيابـي سـود

الدنيا تخنگني وتظل تقـسي وتزود

لچـن والـله مـن العَـزَه مرتاح أعـود

وأبو المجلس ليلي كله أدعيله

ارضى عني وخـل اموت الليله

حسين يا ابا عبد الله

ــــــــــــــــــــــــ٥ـــــــــــــــــــــــــ

آنه ما احـب صاحب اليسـألني وين

كون يلَّه ايگلي نبچي اعله الحسين

ونلتقي بمجلسك كـون احنه الثنين

هـذا بـس الصـاحـب اليتـسمـه زين

هذا يسـوى بعـمري كله اوفيله

ارضى عني وخل اموت الليله

حسين يا ابا عبد الله

ــــــــــــــــــــــــ٦ـــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

أشــهــدُ…أطـهر أفـواه

الصارخه…واحسـينـاه

سـيـدي…يـا رضـا الله

اسألَّك…عشگي ترضاه

ويـن اكـو الـ بالـدنيـا عـايـش…وبوجـودك مـا يـحـس

ومن ضوه إظفر خنصر ايدك…كل صُبح تشرق شمس

والأصــم واضــح يـسـمـعـك…حـتى لـو تهمـس همس

وتسكت وتنسمع….طايح ومرتفع….ومنذبح بس تشع

عالدنيا ضياء

ومـنحـرك…ســيـد النـور

وكل نصر…أصله عاشور

سـيـدي…بلطم الاصدور

اسـألَّـك…عشگي ترضـاه

ـــــــــــــــــــــــــــــــــ١ــــــــــــــــــــــــــــــــــ

رِيِـتـك اسـهـام وحـوافـر…ثَـلِـمَـنَّـهــا بـكـربـلـه

واليحس خنگه ويذكرك…كل هـوه اتفـزعه إله

وتشرط اعله النسمه توصل..لرِيِته كون امهيله

وتبعث اويه الهوه….لكل حياته ضوه….وأي ألم ليه دوه

ذكرك يلگاه

امن القفا…انـت مـذبـوح

بس شِفه…لكل الاجروح

وبالـدمـع…سيدي ونوح

اســألَّـك…عشگي ترضاه

ـــــــــــــــــــــــــــــــــــ٢ــــــــــــــــــــــــــــــــــ

چنها لعنة وحشي وأكثر…المـا هِــواك اتـطـارده

وعمره ما يلگه اعله گلبه…من جمال الحُب نِده

وبالقلــق تِخلَـص حيـاتـه…وماكو راحه التِفگدّه

تعتني الراحه مَن…تعرف بگلبه حَن…للضريح وصحن

واشتاگ ايزور

الحَن الك…عايش بخير

يـطـمـئـن…يَمَه كل طير

وانه احب…انت لا غـير

اسـألَّـك…عشگي ترضـاه

ـــــــــــــــــــــــــــــــــــ٣ـــــــــــــــــــــــــــــــــ

حلمي الاكبر ابقى عبدك…وانـت تـقـبلـنـي عـبـد

أي عشگ ما عندي غيرك…وابقى لو حتى انطِرِد

گـاعـد ابــاب المـجـالـس…عـمــري كـلـه ومـا أرد

وابچي گبل النعي….وانگع بمدمعي….وافقد إلا الوعي

بلطم الچفين

انـطـرد…وابقـى أهـواك

وما أمل…ابـقــى أنـعاك

وباللطم…أبچي وانخاك

اسـألَّـك…عشگي ترضاه

ـــــــــــــــــــــــــــــــــ٤ــــــــــــــــــــــــــــــــــــ

الما هِمَل دمعه الجروحك… هذا مو انسـان ابد

مـحـد ايـحـس بـوجـوده… لاله ذِكـر ولاله عَـد

حـائــك ايـنـوحـلـهـا لازم…كلشي بالدنيا انوجد

ويا حلاة العمر….بمجلسك من يمر….وبالسجل ينذكر

خادم لحسين

بالسـجل…اسمـه مكتـوب

وتنمحـي…مـنـه الـذنـوب

يا سبط…واغلى محبوب

اسـألـك…عشگـي ترضـاه

ـــــــــــــــــــــــــــــــــ٥ــــــــــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

مــأتــم الـزهــره…حـمـزه بـي يقـره

وبـعـده ياسـيـن

الكعبي للمقـتـل…ومنبره اعلـه التـل

وبـعـده ياسـيـن

وتـسـمـع ايـام…ورحـنـه أيـتـام

الجنـه بيـها امكـان مأتـم يـوم عاشـر

ومن تجـي الزهـراء يبـدأ بـث مباشـر

وينتـهي البـث ويـه توقـيت الحوافـر

وحمزه يصعـد يقره وتصيح الحناجـر

گـلي يالمـيمـون…ويـن واليـنـه

راح ابـو السجاد…لـو يـرد ليـنـه

وكلمـن ايسمـعـه…يكسر ابضلـعـه

فـدوه لحسـيـن

وتصـبـح الجـنـه…تـنـحـب ابـونَّـه

فـدوه لحـسـيـن

وتـسمـع ايـام…ورحـنـه ايـتـام

ــــــــــــــــــــــــــــــــــــــــــــــــــــــــــــــ

حافـظه الزهـره القصـايـد كلـمه كلـمه

واجه موضـوع القصيـده البيها لچـمه

وشيـخ ياسين الزجـيه تصيـح باسـمه

وبـده يقـره شلـون دَورَت بتها جسـمه

أدور اعـلـيـك يـبــن أمــي…ولا واحـد يدليـني

عاد انت بضعيف الصوت…يا مظلوم حاچيني

وتصـرخ وتنحب…ويـلي يا زيـنـب

وتهـمـل العيـن

اگبالـچ المـذبـح…وگـلبـچ امجـرح

وتهـمـل العيـن

وتـسـمـع ايـام…ورحـنـه أيـتـام

ــــــــــــــــــــــــــــــــــــــــــــــــــــــــــــــ

تطـلـع مـن المجـلـس ولـوعـات كـلهـا

راحـت لچـويـات زيـنـب تـنـظـر الـهـا

بـده المــأتــم گـالـت وزيـنـب تـگـلـهـا

يُـمـه زيـنـب يـا غـريـبـه هـنـا محلـهـا

زينـب يا غريبه…الله شمصيبه

وجـهـچ يا زينب ويـن…مـذبـوح اخوچ حسيـن

والجثـه سليبـه…اللـه شمصيـبه

يُـمــه عـذبـونـي …وحـدي يـدرونـي

واتجـه ويـن

امسلب ابن أمـي…وعـالوجـه لطمـي

واتجـه ويـن

وتـسـمـع ايـام…ورحـنـه أيـتـام

ـــــــــــــــــــــــــــــــــــــــــــــــــــــــــــــــ

اليقـره واگـبالـه الزجـيه شگـد ونيـنـه

مـن يـبـاوع دمـعــة الزهـره الحـزيـنـه

ايطـيـح مـن المـنـبـر وهـيـه التعـيـنـه

ومن وطن تطلب تنوح اعله الضعيـنـه

رحـنـه بضعـيـنـه…هاليـوم اجيـنـه

من كربله رحنه ايتام…للكوفه وليسر الشام

من يـدري بـيـنـه

وبـاول المـطـلـع…ينكـسـر تـسـمـع

منـهـا ضلـعـيـن

زيـنـب بـغــربـه…وينلـچـم صعبـه

منـهـا ضلعـيـن

وتـسـمـع ايـام…ورحـنـه أيـتـام

ـــــــــــــــــــــــــــــــــــــــــــــــــــــــــــــــ

المـاي بالمـأتـم شـرط كلمـن يـوزعـه

لازم اول شـي عـلـى العـبـاس ينـعـه

ولو نطـو للزهـره ماي اتصـير دمـعـه

وليـدي خلي الماي حمزه هنا تسمعـه

يوليـدي خـلـي المـاي…لا تطـلب المـاي

كل خوفي من اتروح…واتگطع احشاي

دهري ذبني..عبد الله يا شمعـة ضوه عيوني

حـرمـلـه ونبـلـه…إنــسـى يـا مـلا

هالكـلمتـيـن

عـذبـن روحـي…ولچمن اجروحي

هالكـلمتـيـن

وتـسـمـع ايـام…ورحـنـه أيـتـام

ـــــــــــــــــــــــــــــــــــــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

اليوم الذكرى…لگطعة نحـره

وانـت اتخيل…حــال الحـره

بضلوع وحافـر

گـابلها العـاشـر

بأول ذكرى

عـام مـرهـا..وابـنـظـرهـا..مـا تشوف الا دِمه امخضب لحيته

بلوعه تحچي..وجمر تبچي..عن جروح العاشر وهَمَه ورزيته

مشه بسرعه الوكت والطف…بده لكل غالي يتخيَّر

ويـروح الأخـضـر اسـوالـف…ويِرِد من الطبر أحمر

وانـه بالخيـمـه ويـه أمه…بحصيره من إجه الأكبر

وشفت انفجعـت…ونهضت وگعـت

ومـن لطـم الخـد…مـدري اشلـعـت

واتصـيح شصايـر

گــابـلـهـا العـاشـر

بأول ذكـرى

ــــــــــــــــــــــــــــــ١ــــــــــــــــــــــــــــــ

لرمله أنظر..وبيها أشعر..امحَضرَّه حضن وهله لجية القاسم

بس ضواها..مـن اجـاها..مـنذبـح واتنـادي يمـكن إبنـي نايم

وركـضـت جـابت الحـنه…وتِگـلي اولـيدي خَنحنيه

وتگلب بي جروح ودم…ونِظري اتگلي حلوه ايديه

وريده منگطع واتصيح…هـــذا مـنــيـلـه دم البِـيِـه

حاچيه زينب…گلبي اتعذب

گـليـلــه امـك…يمـك تنحب

خيجاوب حاضر

گـابلـهــا العـاشـر

بأول ذكـرى

ـــــــــــــــــــــــــــــــ٢ــــــــــــــــــــــــــــــ

عندي كافل…بكلشي كامل…راح للماي ونطرته خطوه خطوه

يرجع أحسب..واجه امحَدِب..حسين يمشي والمهر صايرله تچوه

على مهره انتچه انظرله….لچن كل خطوه شو يوگع

على وجهه دِمه وهالدم…احـس من گلبي چن يطلع

وطاح حسين طيحة موت…من گـتله شوكت يرجع

وگـلي اونـينـه…سهم ابعينه

وجوده امدَمَه…من چـفـينه

ومكسورة خاطر

گـابلـهـا العــاشـر

بأول ذكـرى

ـــــــــــــــــــــــــــــــ٣ـــــــــــــــــــــــــــــ

ارضيع شِفته..امفَطرَّه شفته..وشاله ابوه للوادم ويسگونه گلنه

هـيه شـربـه..تـروي گـلـبه..بسهم شو من عنده أطول راجع النه

النـهـر قـابـل يِـقـل مـايـه… اذا بـس شربه ينطـونه

ولا يسگـونـه خـل يرجـع…بـعــد المـن يـذبـحـونـه

بوجهه ويضوي چم يوسف…شجاهم ما يشوفونه

وأنـظـر أمـه…حـيل اتضـمه

وتوگع ميته…وي كل لطمه

بهذا ازغر ناصر

گـابـلـها العاشـر

بأول ذكـرى

ـــــــــــــــــــــــــــــــ٤ــــــــــــــــــــــــــــــ

حسين اباوع..بدمه ناگع..ونبله فوگ النبله اشوف انترس جسمه

ارماح تطعن..سيوف يقسَن..بجسمه حدما شفت اخوي ونشف دمه

اثنعش طبره الشمر عدهن…والف طبره طـبر بـيه

الحـوافـر تسـحـگ بصـدره…وابـدَّمـه تجـي اعـليه

واصيحن آنه سحگوني…ويصيحون انتي مسبيه

الحافـر ضـلعـه…شفته ايشلعه

وكَسِر اعضـامه…كلنـه نسـمعه

برض جسمه الطاهر

گــابـلــهـــا العــاشـر

بأول ذكــرى

ـــــــــــــــــــــــــــــــ٥ــــــــــــــــــــــــــــــ

يا ألـمـنـه..ابـلا خـيـمـنـه..ويلهم ابچفنه الجمر بس هايه أهون

الجمر يطفه..الحيل كلفه..السوط يضرب بالنساء شما يركضن

والأطـفـال الوگع منهـم…النـار التـلـهــب اتحـرگـه

والمـا يـحـتــرگ بالـنـار…الدخـان وعـلـي ايخنگه

والما يختنگ لو طاح …الخيل بطيحته اتسحگه

وحتى اليركض…بي شوك ايكض

ولازم يــوگــع…والخـيــل اتـرض

والهِزَّل باچـر

گابلها العاشـر

بأول ذكــرى

ـــــــــــــــــــــــــــــــ٦ــــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

لسان حال السيدة زينب (عليها السلام)

عند رؤيتها لهلال محرم

هل اهلال بي ينشاف ركض اطفال بالهيمـه

والسجـاد أنـظـر طـاح فــوگ النـار بالخيمـه

وجمر شفت اعله ايـده

وانـه حـرمـه اوحـيـده

هل اهلال

يـهـلال ابيـض شـو تِهـل…مـا غَـيــرتـهـا الوانـك

بس انت حقك ما شفت…مذبوحه كلها اخوانك

وذاك انت وبنفس الوجه…تطلع ابنفس امكـانك

مـا گَــلَبـَك حـافـر فــرس…لا داســـك بمـيـدانك

واخوي حسين….شفت مرتين

واهو مذبوح واترضه الحوافر

وتگَـلـب بـيـه..وتـجـور اعلـيـه

وبلا حماي واوحيده واناظـر

ومختارين ذيچ الخيل عشره اثگال واتسحگه

ولا عـبـاس لا انـصــار بس شمات صرت الگه

ولا وجـــه الأريــده

وانه حرمه اوحيده

هل اهلال

ــــــــــــــــــــــــــــــــــ١ـــــــــــــــــــــــــــــــــ

مـا بيـنـك وبـيـنـه فـرق…ما تـشبـه انـت الكافـل

اهلال انت بس هو گمر…مـــن الــولاده وكــامـل

ولحسين ما لاحك سهم…ولا حـتـى للطـف نـازل

وضَحَه بچفوف وعين اله…وظل مبتسم وايقاتل

جِروحه هواي..وركض بالماي

گصد لاخيام متعني اليتامه

وخسر للجود..واجه العامود

شطرله الراس شيوصله لخِيامه

ولَـمَـن طـاح فوگ الگاع صار اسهام كل جسمه

وراح حسين يركض ليه ورَد متروس من دمـه

وبعـد ينحـز وريده

وانه حرمه اوحيده

هل اهلال

ـــــــــــــــــــــــــــــــــــ٢ــــــــــــــــــــــــــــــــــ

بلونـك يالاهـلال اتـعـرف…گماط الرضيع الضامي

وشفته أحمر بچف والده…رَد بـكــثــــر مــا دامي

ستـشـهــر ونـحــره تـرف…بس قاسي چان الرامي

بالخيمه واسمع ضحكته…ما تِخطي صاح اسهامي

ضَحَك فرحان..بطفل عطشان

گطعله اوريد ويحسبه انتصاره

وفَـرَح شـمــات..تـهـنـئ مــات

ابن لحسين واشگدها الجساره

طفل ازغير سهم اچبير ليش الگوم يرمونه

شربـة مـاي بس تكفيه ابـدال الموت يـروونه

مآسي الطف عديده

وانه حرمه اوحيـده

هل اهلال

ـــــــــــــــــــــــــــــــــــ٣ــــــــــــــــــــــــــــــــــ

باللـيـل ذاك انـه وحــرم…چـم شـوغة مرت بينه

چم طفل دَورته وشفت…بـالحــافـــر امــوتـيـنـه

وچم طفل بالهيمه ركض…ومن خوفه ما رَد لينه

واسياطـهـم مـا بَـطِـلَـت…وي كـل نَـفَـس تـاذيـنه

وعلـى السجـاد..ابـاوع زاد

ضرب لاسياط وبقوه وشماته

ومِن ايضربوه..أحس يردوه

يموت هنا وينهوها حياته

والسجاد حيل اعليل ما بي حيل للخـطـوه

وكلما راد بس ايگوم فوگ الگاع رَد يهوى

وثگيل انظرله گيده

وانه حرمه اوحيده

هل اهلال

ـــــــــــــــــــــــــــــــــــ٤ــــــــــــــــــــــــــــــــــ

ويه الفجر جابـو هِـزِل…وبأخشن حبل چتفونه

ومشونه بالدرب العَثر…ومـن نوگـع ايـجــرونـه

ولو گلنه تَعَبنَّه الدرب…بچـعب الرمـح ضربونـه

ولو گعدو انظل عالهزل…لـلـراحــه مَـيـنَـزلـونـه

بهذيچ النوگ..شكثر بالسوگ

خَذونه اعناد والوادم تباوع

نسير بخوف..وتدگ ادفوف

وتِسبنه الناس وانسدها المسامع

بقصر ايزيد مچتوفين والشمات تتمرجل

ورغم الصار ذليناه وانـذل يـوم ما نقبـل

وگلتله الطف أعيده

وانه حرمه اوحيده

هل اهلال

ـــــــــــــــــــــــــــــــــــ٥ــــــــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

مولاتي فاطمة العليلة (عليها السلام)

لو صحت حسين…تِـعـرض چـفيـن

وبـكــل عــبـــاس…خنصـر لحسـين

ومن اصرخ زينب تعرض..نبله وحافر

الله اليسـتـر شمـسـوي..بأهلي العاشر

بالبيت أنظرهم…وبعيني اصورهم

المخـزونه ابـالي ومـحـلاها

والعاشـر ظهـره…غَـيَّـر كل نظـره

وكل صوره ودم بيها الگاها

يا ريت عيوني…منها ايحرموني

ولا اشوف اصورهم بدماها

وحتى اقنع روحي…گلت من جروحي

هذا الـدم أصبـح فوگـاهـا

والعندي اجروح…تلهم الروح

لا ليها أشكـال…لا دم مسفوح

بس ردت لروحي اقنعها..واجبر خاطر

الله اليـسـتـر شمـسـوي..بأهلي العاشر

ــــــــــــــــــــــــــــــــــ١ــــــــــــــــــــــــــــــــــ

لسوالف لأكبر..يوميه اتحَضَر

اسوالف حنيه ومملوحه

چان امدللني..بطيبه يعاملني

ومهتم بيَّه اكثر من روحه

من راحو گلي..فتره ويرجعلي

وما بَيَّن من ذيچ الروحه

وهسه امن اذكرته..چن صوته سمعته

عذريني وناگع بجروحه

ليش اشعر بِيِه…جسمه اموذريِه

بلكي الله اوهام …ولا دم اعـليه

ويرجع وتشوفه عيوني..أجمل صاير

الله اليـستر شـمسـوي..بأهلي العاشر

ـــــــــــــــــــــــــــــــــــ٢ــــــــــــــــــــــــــــــــــ

يتراجف جسمي..گد شوگي العمي

الله لِيِه شكد مشتاگه

العله امألمتني.. بس الهدمتني

والله شوغاتي من فراگه

الكافل أركضله..وانساها العِلَّه

لو حانت وياه الاملاگه

گلبي بنبضاته..اسمع صرخاته

من كثر احزانه واشواگه

يمي شگد ماي…وعطشانه هواي

وأروه إلا بجود … عمي السگاي

حيلي اوياه من ودعني..الگيته مسافر

الله اليسـتـر شـمـسـوي..بأهلي العاشر

ـــــــــــــــــــــــــــــــــــ٣ــــــــــــــــــــــــــــــــــ

عبد الله لمهده..هم وتصح رَدَه

هنا الزمه اشعر يچوي ايديَّه

مهده الوياهم..خاف بممشاهم

صارت نـار احتـرگ شـويـه

كل مهد وفدوه..خل يرجع هِوَّ

واقسم والله نذر اعليه

بنهاره وليله..بالروح نشيله

مرات انه ومره ارقيه

وبحضنـي ينام …كــل الأيــام

حدما ويصير…عمره شچم عام

وما تغفه عيوني بليله..وتبقه تساهر

الله اليستر شمسـوي..بأهلي العاشر

ــــــــــــــــــــــــــــــــــ٤ــــــــــــــــــــــــــــــــــ

العِلَّه تودعني..من ايسَّمعني

ها يبنيتي بوكت الرجعه

لمن يلفظها.. عيناي أنفضها

ومابيهه اترك ريحه دمعه

بس هاي ويمته..شو صارت سكته

ويا خوفي وليه مامش رجعه

طير اتعناني..بي دم وجاني

طاح ابابي واسمع ينعه

بالـدم آهـات …گـد الطبـرات

ويصيح الطير …لَتانيه مات

وزينب وأيتام وعيله..تنسبي باچر

الله اليستر شمسوي..بأهلي العاشر

ـــــــــــــــــــــــــــــــــــ٥ــــــــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

مولاتي فاطمة العليلة (عليها السلام)

أحـس دمعي…جمـر صاير

وعلى ضلعي…رِكُض حافر

وعطش وذبح حرگ وخيم خوف وحبال

ابيـتـي التـقــن وايـودعـن وكــت الـدلال

ابيتي وأنطـر..وكلما أصبـر..شـو صرت أنظر

دم عالأرض ودم بالسمه واعلـه بابي

وبكل گطـره..مآسـاة أقـره..ونـحـر ابنحـره

بحر الشمس فوگ الرمل يا مصابي

اليوم عـاشـور..وآنه أدري بيـوم عاشـر كـل مآسينه

ايصير منحور..هناك ابو اليمه الحبيب وما يرد لينه

وانظـر طـيور..ابابـي وگـعت بيـها دم وشـو تِعَـزينه

ودِمَه البيهن…دِمَه حسيني

وأحاچـيهـن…بدمـع عيـني

بي بس جرح لو منذبح شغللي بال

ابيتي التقن وايودعن وكت الدلال

ـــــــــــــــــــــــــــــــــ١ــــــــــــــــــــــــــــــــــ

أمشي وأعثر..واشتاگ اكثر..لصوت الأكبر

چـان الفـجـر يـمـي يجـي ويلـزم ايـدي

واشعـر أسـلَّـم..مـا اتــألـم..مــن يـتـكـلـم

ويبدي الحچي اوياي بهلا وانتي عيدي

هسه چا ليش…بعيني اشوف سيوف كثره وتطبر بجسمه

ويضحك الجيش…وعلى گـد صحره چـبيره طـشرو دمـه

أصــبــر ابـيــش…وانـه لا عـبــاس عــنـدي ولا أبـو اليـمـه

آلهي انـت…اتعـرف حالي

يرد يمتى…الإخـو الغالي

واجروحه احس وين التفت تصرخ محال

ابـيـتـي التـقــن وايــودعـن وكـت الـدلال

ـــــــــــــــــــــــــــــــــــ٢ــــــــــــــــــــــــــــــــــ

دمعي الهامل..جفني الذابل..لعمي الكافل

مشتاگه انه لطيبه شكثر ولجماله

بعُظم اوجوده..ونوره وزوده..ويجلب جوده

عن لا عطش بيَّـه يـمـر مـن دلالـه

وهسه كـل مـاي…يَمَه اشوف چفوف عمي ونبله بعيونه

ويَمَه احس جاي…والدي وكثر البواچي امجرحه جفونه

واسـمــع هـــواي…لوالـدي عمتـي وخـواتي تسأل شلونه

رجــع إلــهـن…فقـط مـدمع

شني ايگلهن…واهو امگطع

ذني الصور كلهن بچن ذاك الجمال

ابيتي التقن وايودعن وكت الدلال

ـــــــــــــــــــــــــــــــــــ٣ــــــــــــــــــــــــــــــــــ

آآ عبد الله..لمهده بغفله..وخويه اسم الله

عن لا يفز سكته المشي واعتنيته

بس الشده..اوصلت لمهده..وانظر عنده

صورة سهم حاد ونگع بـدم لگيته

يعني معقـول…طـفل ستـشـهـر ايـامـه ويـنـذبـح نـحـره

والــدلـلــــول…مـنـها مـا شـابـع لهـســه گــد زغـر عـمـره

وشامت ايگول…ينذبح ما دامه يُحسب من بني الزهره

ونِظَر والـد…واهو بحضنه

سهم حاقد…ذِبَـــح إبــنــه

سهم ونحر بيهن حزن يمحي الجبال

ابيتي التقن وايودعن وكــت الـدلال

ـــــــــــــــــــــــــــــــــــ٤ــــــــــــــــــــــــــــــــــ

كل المَرَن.. والله أهوَّن..واللي ايموتن

عَد اثنعش طبره وفصل منه راسه

وخيل اثگيله..مختاريله..اگبال العيله

وأجمل أبو. حافر خشن صدره داسه

أطهر انـسـان…ينطحن جسمه وخواته لحالته تباوع

برملَّه عريـان…والعـدو كـل هذا حاله وبـعده ما قانع

مِن العـطشان…رايد ايشـوفن خواته لخنـصره گاطع

وبـعـد ذبـحـه…برمـح شـاله

ويحس فرحه…ابچي عياله

راسي برمح والله اشعرت ويه الخَيّال

ابيتي التقـن وايــودعـن وكـت الـدلال

ـــــــــــــــــــــــــــــــــــ٥ــــــــــــــــــــــــــــــــــ

بخيمه وتلهب..اسمع زينب..اوحيده وتنحب

وشافت جمر يلهم صبح چف رقيه

وتركض نسوه..وبكل خطوه..سوط اتلوه

ويضـرب حقـد كلـمـا نظر هـاشمـيه

ونار الاخيام…وصلت لوجـه اليتـامه وزينـب اتطفي

تجـمع ايـتام…وتصـرخ لعبـاس باوع مـحتـرگ چفي

خويه الاسهام…گلها لا تخطف علينه اسياطهم تكفي

السهام المن…يصوبوهن

نِسه ويبچن…يشوفوهن

خوف ورعب نسوه وجمر حالتها حال

ابيتي التـقـن وايــودعــن وكت الدلال

ــــــــــــــــــــــــــــــــــ٦ــــــــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــمنهاج محرم الحرام هـ

مولاتي أم البنين (عليها السلام)

رادت اتطـيح المدينـه….من مشه حسين الحنيـن

وبـغـيـابه حـتـى تهدأ… بـيـهــا عــاف ام البـنـيـن

هلله هلله أم البنين

شگد عظيمه أم البنين

اليشوف حسين لو مره… كلشي بدنيته ايهجره

وبس بحسين كل عمره.. يظل هايم

إذا يَـمَـه انـذكـر اســمـه… تسمع صرخه من دمه

ودونـي لأبــو اليـمــه… يهـالوادم

المدينه لهالسبب من ضَعنَّه نظرتله

مـولاي أنهِـدِم بـس تمشـي گـالتـله

وحتى تشعر بالسكينه….خـلَّـه بـيـهـا ام الحنان

وطَيبَه بالطيبه الوفيه….رجعت اتحس بالامان

هلله هلله أم البنين

شگد عظيمه أم البنين

ـــــــــــــــــــــــــــــــــ١ــــــــــــــــــــــــــــــــــ

تـودع حسـين بالدمعـه….وترجـع بس وره الرجـعـه

تـركـض تـرجع اتـودعه….بگلب يسعر

وترد چـم خطوه واتباوع….إلهـا حـسـين لـن راجـع

يركض ليها وايوادع….وداع أكبر

لا گـدرت تعوفـه وهـو لا گـادر

بس شبيده لازم يلحگ العاشر

وهيه عرفت شنو بگلبه….اتسمعه حتى ابلايه صوت

امـودع اتـگـلـه وگـلبـهـا….ايگـله كـون اللـيلـه امـوت

هلله هلله أم البنين

شگد عظيمه أم البنين

ـــــــــــــــــــــــــــــــــ٢ــــــــــــــــــــــــــــــــــ

الفجر يوميـه طلعتها…. وحمامه بغار گعدتها

اعله دربه وكثر ونتها…. الدرب يدمع

وبس اسمين تذكرهـم….إمامي حسين أولهم

وحبيبي حسين أخرهم… تعال ارجع

وتعطش يمها ماي اتگله لا تتعب

جبتك للحسين وگـبله ما أشرب

آنه من راح ابـو اليـمه…. بعد ما يرويـني مـاي

فقط يرويني الأسمعه…يگلي هذا حسين جاي

هلله هلله أم البنين

شگد عظيمه أم البنين

ـــــــــــــــــــــــــــــــــ٣ـــــــــــــــــــــــــــــــــ

تحـوك بـثـوب ليليـه…. ويِكمل عدها صبحيه

لطفـل معناها هالنيه….لرضيع حسين

بس يومين اذا اتعدي….بغيره امن العصر تبدي

تگول ازغير اله امن اهدي….كُبر يومين

وبمهـده الثـيـاب اتـگـول ضموهن

أموتن خاف حتى ابمهده يلگوهن

هي لوما أمل عـدهـا….اتشوفه بلكت بالرجوع

چان من اليوم الأول….مـاتـت بكـثـر الدمـوع

هلله هلله أم البنين

شگد عظيمه أم البنين

ـــــــــــــــــــــــــــــــــ٤ــــــــــــــــــــــــــــــــــ

مـحد يـم ابن حـذلم….عرفـها شكـثر تتـألم

ورادو وصف ذاك الهَم….ولا گدرو

لطمت باول اللطمه….الدنيا اتـحولـت ظلمه

والصوت الهوه ايضمه….عن الحضرو

ظلمه والهوه صوت الها ما ينقل

شكثر چا الله لام الكافـل امكمل

لكـن اگـبـال العقـيـلـه…. مو فقط ظلت تنوح

بيها گد اجروح زينب….باللطم سوت جروح

هلله هلله أم البنين

شگد عظيمه أم البنين

ـــــــــــــــــــــــــــــــــ٥ــــــــــــــــــــــــــــــــــ

شما صـارو يفگـدوها….اباب حسـين يلگـوها

تشم بالعتبه نظـروها….وتصيح ابني

وتلگه بكل نَفَس عدها….جرح زايد على خدها

وگبر كلسا تشاهدها….إلـه تـبـنـي

حتـى وبيتـهـا كالمـقبـره اتشـوفه

كثر ما إله اگبور اتسوي واتطوفه

والعمر خَلصَـتَه يمهن….ابلايه نوم وبس تشوف

من الفجر للفجر تبقى….تلطـم وتبچي وتطـوف

هلله هلله أم البنين

شگد عظيمه أم البنين

ـــــــــــــــــــــــــــــــــ٦ــــــــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــالحسين (عليه السلام) يأمر السماء أن تتحول إلى

مرآة لتنظر أم البنين (عليها السلام) وهي في المدينة بطولات أبا الفضل العباس (عليه السلام) في الطف

أبو اليمـه السمـه….أُمـرها الملحمـه

تنقـلـهـا….بكـاملـهـا

لَعَد أم الگمـر….وتشوف اعله النهر

حملاته….وصولاته

ـــــــــــــــــــــــــــــــــــــــــــــــــــــــــــــــــــ

ابو اليمه السمه…للرايه

أمرها اتحولت…لمرايه

يـريـد أم الگـمر تـنـظـر گـمـرها

تِـبــاوعــلــه بــرز…مـتـبـسـم

ومثل حيدر زلم…ظل يگسم

الشريعه اعليهم اخر شي شمرها

چـانت تبچـي متـألمه

بلحظها ولنها مبتسمه

ومو للكـافل ابتسمت

شافت ثاري ابو اليمه

لجـماله اتبسـمت….اويه ابنـها اتكـلمـت

يوليدي….بعد ايدي

لاخوك إفدي النحر….وتشوف اعله النهر

حـمـلاته….وصولاته

ـــــــــــــــــــــــــــــــــــ١ــــــــــــــــــــــــــــــــــ

حچت ويه السمه…خليني

اباوع كل وكت…لحسيني

شبيـها امفـطـره اشفـافـه اشـوفه

جمر صار الدمع…بعـيـونـي

اشيلن بير اله…اعله متوني

واروحله مشي ولا ضامي اشوفه

الضـمـه لو مَـوَّت لـولـدي

احس سهله وعلي عندي

بـس لو يضـمه عبـد الله

كــون اتـوســد بـلـحـدي

وشرط إلا بعطش….اصير اعله النعَش

ولا طفله….تعطشله

تسولف وبقهر….وتشوف اعله النهر

حملاته….وصولاته

ـــــــــــــــــــــــــــــــــــ٢ــــــــــــــــــــــــــــــــــ

نـزل وسـط النـهــر…إي صـاحـت

وخَذه بچفه العَذب…شو طاحت

ونـادت يبـنــي مِـوِت ولا تـشــربـه

گبل أزغر طفل…لا تـشـرب

لشفافك لو نِدَه…لا يگـرب

وناداهــا وعـلـي للـعــيـلــه أطـلبـه

شـلـتــه حـتــى ابَيـنـلَّه

شوكت ما ردتـه أوصله

واخلي الجـيش يتگلب

ابعـاره وخـوفـه وابذِله

رفع چفي العَذب….يحاچي المو محب

مـن ردتـه….هالشلته

وشِرح ليها بفخر….وتشوف اعله النهر

حملاته….وصولاته

ـــــــــــــــــــــــــــــــــــ٣ــــــــــــــــــــــــــــــــــ

اوگعَت يمناه غدر…واتنظره

إصرخت قاتل بعد…باليسره

شـنـهــي اليـمـنـى يا يـمـه قـلـيـلـه

مدامه اعله المتن…ظل جودك

تِـعـنــاهــا الخـيـم…وبـــزودك

واوصــل مـبـتـســم يـم العـقـيـلـه

واذا اختك رحت ليها

يـيُـمـه اليمنى غطيها

لتـشـوفـك بـلا چفـك

زحـمه انـت تِـبَچـيهـا

وتِـرد للمـشـرعـه….وأريــدك تتـبعـه

بجود اكبر….للخدر

انه افرح لو كُبر….وتشوف اعله النهر

حملاته….وصولاته

ـــــــــــــــــــــــــــــــــــ٤ــــــــــــــــــــــــــــــــــ

اوگعت يسرى الگمر…واتألمت

ولأن جــوده سِــلَّـم…ما هَمَت

ونـادت يـبـنـي أركـض للمـخـيـم

أنه اعرف ما تِهم…لچـفـوفـك

على الماي وعلي…كل خوفك

ورقـيـه احـذر يكافل تنظـر الدم

عدها انت شكثر غالي

وتفـطِـر يـبـنـي دلاّلي

اذا من عدها لو دمعه

عالخـد أنـظـر اتـلالي

زغيره اعله الدمـع….ييُمه وتنفجع

ما أقبل….يمعدل

تضم للدم أثر….وتشوف اعله النهر

حملاته..وصولاته

ـــــــــــــــــــــــــــــــــــ٥ــــــــــــــــــــــــــــــــــ

تباوعله وسهم…سد عينه

وتوجهت بالنظر.. لحسينه

تـگـلـه المــاي امـوتـن لـو تِـبـدَّه

وسهم جوده گصد…من نظرت

اركضت من القهر…بس عثرت

وطاحت والتشوفه هنانه حده

السمه من طاحت اسودَّت

وصور طف كربله انفگدت

تخـاف ام البنـيـن اتـمـوت

ركـض لحسـين اذا شهدت

وبقت مدمع يخط….أنه فراگ السبط

امعذبني….وفدوه ابني

وبقت عين الدهر….وتشوف اعله النهر

حملاته….وصولاته

ــــــــــــــــــــــــــــــــــ٦ــــــــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

منهاج محرم الحرام لعام هـ

مولاي مسلم بن عقيل (عليه السلام)

أَسِــروك وحـر بقـيـت

برايك لموتـك مشيـت

بنَفس ذيچ احبالهم

خَـذِت راحـة بالهم

برايك لموتـك مشيـت

ضاعو بـس لِـمَـع لونك….وسكت كلشي بحچي عيونك

وقصرهم حده لمتونك… يكون

نِـصَوَّ وانت العِليت اكثر…. وإصبـعـك لـو فقـط أشَـر

عسـكر يسحـل بعسكـر….يجون

ومن عبيد الله نظرلك نظره اولى

طلب إسناد الحرس كلهم يجوله

رقم وحدك بس يشوف

اتـعــادل الاف الالـــوف

بخزره كله ارجالهم

خَـذِت راحـة بالهم

برايك لموتـك مشيـت

ـــــــــــــــــــــــــــــــــ١ــــــــــــــــــــــــــــــــــ

بعدك ما حچيت انت….واليحچي نوى اخزرته

منها وعمره بالسكته….گضاه

الفارس بيهم تشـوفه…. يرجف سيفه بچفوفه

وتالي من كثر خوفه….رماه

ومن كثر ما هيبتك رجت قصرهم

وِصلَّت لجدمك فقط جرأة نظرهم

واليـگـلـك راد أسـيـر

اتلعثم وصاح السفير

وابتسمت اگبالهم

خَـذِت راحـة بالهم

برايك لموتـك مشيـت

ـــــــــــــــــــــــــــــــــ٢ــــــــــــــــــــــــــــــــــ

بحبل مچتوف وبشده…. وانت تسوي التِوده

تفك الحبل واتشده….برضاك

تِنَزل القصر واترفعه…. وبابه اتقلعه واترجعه

النجم لو رايد اتفزعه….اجاك

كلـشـي بـيدك لـكن اتـريد السـعاده

ويا سعاده تكون احلى من الشهاده

وگلت هيچ اصبح سعيد

هـم سفـيـر وهـم شـهيد

ومن كثـر أهـوالهم

خَـذِت راحـة بالهم

برايك لموتـك مشيـت

ـــــــــــــــــــــــــــــــــ٣ــــــــــــــــــــــــــــــــــ

عبيد الله اوگفت يَمَه…. شفت ما يسوى واتكلمه

انـت اتكلـم ابـو اليمه…. العظيم

ذوله ولا شرف عدهم….نـاس ابليـس گـيَّـدهـم

وتلوگ لوجه سيدهم…. الجحيم

وانظرت كل وجه منهم حقد يقره

وانت وجه حسيـن متعـود تنظره

بالسطح گلت السرور

ولا وجوه ابـلايه نور

وبـاوعـولـك ذالـهم

خَـذِت راحـة بالهم

برايك لموتـك مشيـت

ـــــــــــــــــــــــــــــــــ٤ــــــــــــــــــــــــــــــــــ

رحـت للسطح متبسم…. براحـة بـال مـتـحزم

وبديت بشوگ واتكلم….الامام

چنه بصفك ايسمعك….وحسين ابتده ايودعك

وهنـانـه نـزل دمعك….خِيام

لان تــعـرف بالحـسيــن اليـاذي گـلـبه

ابلايه خيمه تكون زينب والله صعبه

وشـافـو بـهـذا الوداع

ماكو مثلك أي شجاع

وبانو امن اشكالهم

خَـذِت راحـة بالهم

برايك لموتـك مشيـت

ـــــــــــــــــــــــــــــــــ٥ــــــــــــــــــــــــــــــــــ

تدري حسين من مهره….يطيح وينسحگ صدره

ردت طيحه لچن كُبرى….تطيح

واذا ما ينسحگ جسمك….تجرك خيل واتهشمك

وبالكـوفـه تـطـش دمك….ذبيح

بكلشي ردت اتواسي ابن حامي الحميه

حـتـى بـجــروحـه الألـف والتـسـعـمـيه

وخَلِدَّت ذيچ الدماء

كـل عـناويـن الوفاء

ورغـم كـل أفعالهم

خَـذِت راحـة بالهم

برايك لموتـك مشيـت

ـــــــــــــــــــــــــــــــــ٦ــــــــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

مولاي مسلم بن عقيل (عليه السلام)

للحُسين أرسَل سلامه

وبالدمه امبلل كـلامه

گد نزف الاجراح

ومن القصر طاح

بالدمه امبلل كلامه

فوگ القصر صح مچتوف….وشِهرَوّ عليه كثره سيوف

بس عاشو اگـباله بخـوف….من گد ثباته

ما هَـمِتـه جـروحه هواي….ايـفـكـر بالحـسـيـن الجـاي

هاي المَلَه اتحـرمـه الماي….وتطلب مماته

حـنـيـنه…لحُسينه

وفقط ليه…أنـيـنه

منشغل بحسينه باله

وحاير وما هَمَه حاله

ويا سيدي صاح

ومن القصر طاح

بالدمه امبلل كلامه

ـــــــــــــــــــــــ١ــــــــــــــــــــــــــ

متألم اجـروحه اكـبار….وچم چـويه بي من النـار

لكـن رغـم ذاك الصـار….اشتاگ لحميده

ايعينه الله ينظرها حسين….من الدمع حمرة عين

واتسأله چا مسلم وين….يا عم أريده

وحِـضَنـهـا…بحزنها

ولگه جروح…جِفِنها

جروحه كبرت من ذكرها

وأَلَـمَــه الأكــثـــر زغــرها

وبحـسرتـه وناح

ومن القصر طاح

بالدمه امبلل كلامه

ــــــــــــــــــــــــ٢ــــــــــــــــــــــــــ

كل قطره دم منه اتطيح….لبيك أبو اليمه اتصيح

وياخذها من عنده الريح….لمسمع حبيبه

ويوگـف أبـو اليمـه ابـآه….محني الظهر من فرگاه

مسلم عرف سال ادماه….هاي المصيبه

وعـذابـه….بغـيـابـه

ويهد حيل….مصابه

ومسلم برغم المـسـافه

ليه تهل دمعاته شـافـه

وإيده اعله الاصفاح

ومـن القـصــر طـاح

بالدمه امبلل كلامه

ــــــــــــــــــــــــ٣ــــــــــــــــــــــــــ

اعليه چانت اسـيوف الناس….ولَـمَـن هتف يا عباس

كـل واحــد مـدنـگ راس…أصبح يشوفه

وخافو صدگ يحضر ليه….لا تنـخـه اله اتوسـلو بيه

بالخد نحـس وي طـاريه…سطرة چفوفه

اويـه ذكـره….نشعـره

القصر جاي….يسطره

آصـف شـويـه وگـمركم

گبله بالنخوه ايحَضَركم

ومـا يبـقى ذبـاح

ومن القصر طاح

بالدمه امبلل كلامه

ــــــــــــــــــــــــ٤ــــــــــــــــــــــــــ

ودَّع احسينه ومهضوم….وصدره اختنگ بس هموم

يدري بإمامه بهاليوم….يخسـرله ناصـر

والطف عرف شنهي الضام….وعـنه يـصـد راد سهـام

وگبله يحس كون آلام….سحگ الحوافر

التـخـنـگـه….اليعشگه

تجي الخيل….تسحگه

ونادى ويلاه يبو الأكبـر

وما گـدر يتـخيـل أكثـر

خوفه من الارماح

ومن القـصر طـاح

بالدمه امبلل كلامه

ــــــــــــــــــــــــ٥ــــــــــــــــــــــــــ

من رَدلَّـه الحسين اوداع….من القـصر طاح بسـاع

وعكس البشر ذيچ الگاع….بآلامه تشعُر

والدم صُبَح مثل النور….من جسمه بالكوفه ايدور

ومحد بقى هنا معذور….لحسينه ينصُر

بوجوده….وصمـوده

حچه أسرار….خلوده

وانعـلن مـوت الأمـاره

وخالده اتعيش المناره

مـنـبع للاصــلاح

ومن القصر طاح

بالدمه امبلل كلامه

ــــــــــــــــــــــــ٦ـــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

مولاي مسلم بن عفيل (عليه السلام)

آثــــار الإمــــاره

اتسولف للمنـاره

لسـه وبـيـها رجـفـه

گـدمـا هـزهـا چـفـه

سفير الحسين

الآثـــار….على الصار

للمناره اتقـص بطـولة…ثقة حسين

بقى اوحيد….لچـن حيد

حارت اگباله الفـوارس…تشـرد ويـن

يطـشهـم….يلمهـم….تحت جدمه گناطر

يردهم….يعدهم….فقـط روس ومنـاحر

ويگلهم….إسرعو….بـعـد رايـد عـسـاكـر

أنـه المــا….يأجـل….أمـر بالحـق لَبـاچـر

وكل العنده نيه

يشهد غاضريه

نِكرَت روحه عِرفـه

گـدما هـزهـا چـفـه

سفير الحسين

ـــــــــــــــــــــــــــــــ١ــــــــــــــــــــــــــــــ

بله اصحاب….على باب

طوعه واتذكر حميده….تحچي اوياه

هَوَه اتعـود….إلـي اردود

لــو هــواك بـريـتي بويـه….ما ألـگـاه

تـوكــــل….اعــرفـك….تِصَـفـن حـتـى آصـف

اليسمعـك….يعشگـك….كـثـر مـلح السـوالـف

بطوله….ورجوله….وفـقيـه وكـلـشي عـارف

عــدوك….يذكــرك….ويـخَـلِـص ليلـه خايـف

وسـيـفـك لـو تِكـلَـم

ينشف كل جسم دَم

ومـن دنـيـاه تِـحـذفـه

گــدمــا هــزهــا چـفـه

سفير الحسين

ـــــــــــــــــــــــــــــــ٢ــــــــــــــــــــــــــــــ

بالاجراح….تجي ارماح

ونبله فوگ النبله صـارت…ابجسمه اتطيح

والاجروح….دِمه اتفوح

وجسمي والدم لحبيبي….فـدوه ايـصـيـح

وشلعهن….سهامه….ورجـع أقـوى مـن الأول

اليخزره….نحسبه….امــن المــاتــو تِـسـجَّـل

ويسيفه….بمرامه….مـنـو الـراده وتـجـنـدل

ويعوفه….اليشوفه….بچـه اگـبالـه وتـوسل

وخط سيفه بعَلَمهم

اهـنـا تهـلـك زلـمهـم

وكلـهـا اتـاني عـطـفـه

گــدمـا هـــزهــا چـفـه

سفير الحسين

ـــــــــــــــــــــــــــــــ٣ــــــــــــــــــــــــــــــ

يغدروه….ويچتفوه

مسلم ومن جاني دامي….ورافع راس

يريدون….يـذلـون

وذَلهـم وكل كلمـه منه….اتـوگـع نـاس

كـلامه….سطرهم….الحرف عن سطره عـنده

وتـطـشـر….ابـاوع….ابـــن مـــرجــانـه خــده

بنظرته….وتبسمر …وشِـعَـر عالكـرسي شَـدَه

وأساسي….أحـسـه….بوگـفـتـه الهـيـبـه هَـدَه

هناگ وگلي كلمه

آثـار ابـقـى يَـمَـه

ومني الباقي خَسفه

گـدمـا هـزهـا چـفـه

سفير الحسين

ـــــــــــــــــــــــــــــــ٤ــــــــــــــــــــــــــــــ

طلب ماي….وقِصَد راي

گله اترسك دم واعوفك….أحمر لون

الاطفال….والعيال

أنه أول ضامي اموتن….خـل يدرون

أذَلّك….واصبغك….أنه أحـمـر مـن دمـائي

واشَوفَّك….لامامي….يظـل أبيـض وفائي

واعلمك….فعل كل….حسيني وكـربـلائي

عَطشكم….ذَبحـكـم….ولا ايـغــيــر ولائي

وأعصر دم شفافي

بماي الشفته صافي

وقصري اتهاوه سگفه

گــدمـا هــزهــا چـفـه

سفير الحسين

ـــــــــــــــــــــــــــــــ٥ــــــــــــــــــــــــــــــ

اجه الموت….بعلو الصوت

للحسين ارسل سلامه….وطاح بساع

انظرت ليه….دِمه اعليه

ودم اشوفنها اعله حاله….تبچي الگاع

الأعادي….بوگعته….شفـت وگـعـت رگـبـهـم

وكثر ما….رعبهم….امِـن السـطــح وگـلـبهـم

ورغم كل….جروحه….اعرِفَوّ خسرو حربهم

ودلـيلـي….بكلامـي….منـو البـاقـي ويحبهم

وهاي انـتي العليتي

وأنه بس ذِله صيتي

وهـاي اعـلومـي تخفـه

گـــدمــا هــزهــا چـفـه

سفير الحسين

ـــــــــــــــــــــــــــــــ٦ـــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

مولاي مسلم بن عقيل (عليه السلام)

من شافه نادى العسكر…يا مسلم

أأنــت ذا أم حـــيـــدر…يـا مسلم

من برز…كالخرز…روس طشر سيفه

بكل عزم..عالزلم..يمشي صار بكيفه

ومن يِهـد..ما يرد..الا يـاخـذ حـيـفه

واليفر..بي يمـر..يبقـى حتـى بطيفه

ويصحه اعله صوت المنحر…يا مسلم

أأنــت ذا أم حـــيـــدر…يـا مسلم

ـــــــــــــــــــــــــــ١ــــــــــــــــــــــــــــــــ

ابـلا نـبـض..عالأرض..صـارو الخيـالَّه

وبالسطر..ينشطر..اليمشي من يدناله

الزلـزلـه..اتــرتـلـه..والحــرب تـحـلاله

القارعـه..اتشجـعـه..بهـالفخـر هنيـاله

وصاحت بزودك نفخر…يا مسلم

أأنــت ذا أم حـــيـــدر…يـا مسلم

ــــــــــــــــــــــــــــ٢ــــــــــــــــــــــــــــــــ

بيا عـلي..ويا ولـي..يـبـدأ بضـرباته

وفاطمه..من السمه..تفخر بصولاته

ولـلرســل..تِـنِـقِـل..مسلم وحمـلاته

وعالنـبـي..العربـي..صـلـوَّ لـقـدراته

مفتخره بـيـك الكوثـر…يا مسلم

أأنــت ذا أم حـــيـــدر…يـا مسلم

ــــــــــــــــــــــــــــ٣ـــــــــــــــــــــــــــــــ

كل هوه..وكل ضوه..من عدوه اتبره

والشجر..والحجر..طلب منه اينصره

بس زعل..ما قبل..كثر عزمه وصبره

حـيــدري..قـسـوري..ما تهمـه الكثره

والگابلـك يتحيـر..يا مسلم

أأنت ذا أم حيدر…يا مسلم

ــــــــــــــــــــــــــــ٤ـــــــــــــــــــــــــــــ

هاشمي..ملحمي..والحرب ميدانه

وللقصر..مفتخر..من دخل بايمانه

بهيبته..وسطوته..ذَل إبن مرجانه

وتنتحب..وبرعب..خله كل عدوانه

بيك اصبـحَـت تتفكـر…يا مسلم

أأنــت ذا أم حـــيـــدر…يـا مسلم

ــــــــــــــــــــــــــــ٥ــــــــــــــــــــــــــــــــ

عالسطح..تـنـذبح..گـلهم اصـلاً هـيبه

افتـدي..سـيـدي..ابـلايه شـك وريـبه

بس رجس..لا يمس..لسيدي لو شيبه

وزينبـه..ومـوكبه..خـل يعيش بطيبه

قالوا له لا تُكـسر…يا مسلم

أأنت ذا أم حيدر…يا مسلم

ــــــــــــــــــــــــــــ٦ــــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

استقبال الحسين ع

واشرقت كربلاء .. بنور ربها

•••••••••••••••••••••

هلا بالگاصـد اعلينه

هلا يمحلي اسـامينا

بريد الحب عناوينه

‏خيام حسين

نور من السما يطلع

فوگ اگلوبنه اتربع

هلا بالزلمه المسنع

حبيبي حسين

حسين فياي حسين الماي ومن. انذكره نتروه

بنادم. طين بس حسين خله ابنادم. اليسوه

ومن. العام. لهذا العام. بنار الفركَه نتجوه

واشرقت كربلاء .. بنور ربها

•••••••••••••••••••••

رُوك ابحُبك انركنَـه

المابي منك انركه

ندري الدنيا لتضكنه

فرجها حسين

الحب بس الك يسوه

بخيت الگلبه الك يهوه

وين الينگط مروه

يحب حسين

عفنا الناس تهوه الناس عكَدنا اوياك رايتنه

من ايدك هاي ليدك هاي بدايتنا ونهايتنه

بس حسين. بس حسين من المولد لدفنتنا

واشرقت كربلاء .. بنور ربها

***

جزيره وجيتنا اميه

الماتت اصبحت حيه

كلمن يصفن ابفيه

يشوفه حسين

و رسايلنا ال كتبناها

الك من هسه. نقراها

شرف جيتك لكَينها

شرف يحسين

اليريد يصير خوش انسان خل يضوك ماعونك

اليريد يشوف درب. الله يصفن خله بعيونك

الشرف معروف. اصله منين من ال جاي بضعونك

واشرقت كربلاء ٠٠٠ بنور ربها

*****

اهلا سيد البطحاء

اهلا نعمة النعماء

هلا من الاف للياء

قدومك خير

هلا بميــــة الگصـه

السفر لله صحت فرصه

اليعرج بيك يتوصه

وسيطك خير

سفر من نور اجه بعاشور يبدي بنصبت خيامك

هو الموت لابد جاي شكبرها نموت كَدامك

واحنه نطيح طيحت ماي ونتبده عله اجدامك

واشرقت كربلاء. ٠٠٠٠٠ بنور ربها

******

على الدنيا العفا بدونك

شتسوه بلا ضوه عيونك

احب ذوله اليريدونك

الك يبجون

علمودك. الله سوانه

ورحمنه ونبجي خلانه

هااااي الدنيا. خلصانه

اليكون يكون

من ننعيك من نبجيك ومن اسود الك نلبس

نكَول ( حسين ) الا نعيش نذكرك الا نتنفس

و ع الينساك الدنيا تصير تشبه دورت المحبس

واشرقت كربلاء .. بنور ربها

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

يا أهل العالم .. يا أهل العالم

دمعاتي الحمره .. لليالاً عشره ..لنساء اسره ..

يا أهل العالم

**

بسم الله دمعاتي .. لهلهن

غير حسين ماعدهن . لهلهن

بكثر ما نوووح عماتي .. لهلهن

انوح شما يطول النفس بيه

الي جم علويه .. الراحت مسبيه

وبصدري الحسره .. لليالاً عشره

**

جمر زفراتي صرت اشعر .. لضه الهن

على الما جان احد ينضر .. لضلهن

بهجير الكوفه لو بيدي .. لضلهن

بعباتي وجبتي وبثنين اديه

انه افيّ عليهن .. تعمه عيني عليهن

مابطل العبره.. لليالاً عشره

*

جروحي النوح ياعالم.. شفاها

‏وحسرتي البيه ما واحد . شفاها

حسين تفطرت كالو .. شفاها

من اشرب ماي يتراون اليه

‏عايش أيامي.. ابجي عله الضامي

بيهن انه ادره .. لليالاً عشره

***

٤

الجروح البيه ع العالم .. خفتهن

الليالي العشره من مرن .. خفتهن

الخيام رماد من صارن .. خفتهن

لهسه اشتمه كل صبح ومسيه

بقه جمر الخيمه … بقه كلبي وضيمه

ضلن بس جمره .. لليالاً عشره

***

بطرف عينه نضر لخته .. يره التل

بجه ودمعاته للحره .. يره التل

فمنهم من قضى نحبه .. يرتل

ومنهم بالصبح تطلع سبيه

همساً كلماته .. شاف ابنياته

وزينب تنتظره .. لليالاً عشره. يا أهل العالم

*

٦

دُخان وعاصفه بصدري .. يمر هاب

الشهيق بريتي احس انه .. يمر هاب (جمر هاب )

يليلي برعب خل جيتك .. يمرهب

يكون أشعر وقع خوفت رقية

مرعوب وخايف .. شجم مشهد شايف

ترجيه وسطره .. لليالاً عشره . يا أهل العالم

الحمد لله

خالد عبد السادة البديري

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

شچم يوم ويرد العـزه والـ مثلي تجري دموعه

شجم يوم وترد الخـــيم ابراعي الخيم مفجوعه

وحسين جم حافر فرس يرجـــع يدوس اضلوعه

انه المهدي ياناس

لعاشـــر امحرم اتاني واحـسـب ايام

والله لـ ايام المجالس گلبي محـــتام

بعد جم يوم وننوح لحــــرگ الخيام

ويرجع اردود الســـبي ونتذكر الشام

ياهو اليواسيني ابدمع وهنه البقن جم ليله

نتذكر اجروح وحـزن وشجم جرح نبجيــــله

محنيه تحضر فاطمه تدور العزه وتمشيله

نجري ادموع الـ احساس

انه المهدي ياناس

•••••••••••••••

انه وامي فاطمه المظلومه ياناس

للعزه نحضر ننوح ابجرح الـ حساس

لطمت ايدي ع الصدر ولطمتها ع الراس

عمه يازينب صرختي وهي ( عباس )

محنـــيه تحضر فاطمه ابجرت النفس (تتألم )

تنشــد لمن طاح الگــــمر من يحرس المخيم

وتنادي من سحگ الفرس اشجم ضلع تهشم

كل دمعتها عباس

انه المهدي ياناس

•••••••••

گرب جرح العاشــــر اعليه ونحــيبه

حيره ابچــــي ليا جرح وليا مـصيبه

بــعد چـم يـــوم وتـرد زينــب غريبه

تصـيح چا عباس هسـه منين اجيبه

وتسحگ رقيه عله الجمر ويرد حـــرك خيمتها

يسحل تراچيهــا النـــذل وتچلب ابـ عمتـــها

وترجع تموت عله الطـشت ما تحمل امصيبتها

تموت وتشبگ الراس

انه المهدي ياناس

••••••••••••••••••

احااااه ياليل اهدعـــش يحمل اذيه

احــــــس هاليله ابـ حبل تنشد اديه

راجع الخــــــوف ويحاوطها الـ رقيـــه

وترجع اتگــــلها العقيله چلبي بيــه

يمشــن يدورن بالجثـــث وي ما يچل هذا الليل

ولرقيـه زينب ســولفت چا وين ماخذتـــه الخيل

ياعمه اشم بهالكـــــتر منااااا يهب عطر الهيل

هواي ابحافر انداس

انه المهدي ياناس

هي الجروح الماهـدت تهده ابعزيه

وبعد لجروح السبي بس جم مسيه

اكبر اجروح الدهـر واعظم رزيـــه

( اخت اخوها بيوم صاحوها السبيه )

بشيباتي اتعنــه العزه وابجـــي لجرح عماتي

ومن اسمع ( يروحن سبي ) ماتنحمل حسراتي

محني اكعد اباب العزه وابقه احجي وي شيباتي

تضيگ ابصدري الـ انفاس

انه المهدي ياناس

•••••••••••••••

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

استقبال الحسين ع

واشرقت كربلاء .. بنور ربها

•••••••••••••••••••••

هلا بالگاصـد اعلينه

هلا يمحلي اسـامينا

بريد الحب عناوينه

‏خيام حسين

نور من السما يطلع

فوگ اگلوبنه اتربع

هلا بالزلمه المسنع

حبيبي حسين

حسين فياي حسين الماي ومن. انذكره نتروه

بنادم. طين بس حسين خله ابنادم. اليسوه

ومن. العام. لهذا العام. بنار الفركَه نتجوه

واشرقت كربلاء .. بنور ربها

•••••••••••••••••••••

رُوك ابحُبك انركنَـه

المابي منك انركه

ندري الدنيا لتضكنه

فرجها حسين

الحب بس الك يسوه

بخيت الگلبه الك يهوه

وين الينگط مروه

يحب حسين

عفنا الناس تهوه الناس عكَدنا اوياك رايتنه

من ايدك هاي ليدك هاي بدايتنا ونهايتنه

بس حسين. بس حسين من المولد لدفنتنا

واشرقت كربلاء .. بنور ربها

***

جزيره وجيتنا اميه

الماتت اصبحت حيه

كلمن يصفن ابفيه

يشوفه حسين

و رسايلنا ال كتبناها

الك من هسه. نقراها

شرف جيتك لكَينها

شرف يحسين

اليريد يصير خوش انسان خل يضوك ماعونك

اليريد يشوف درب. الله يصفن خله بعيونك

الشرف معروف. اصله منين من ال جاي بضعونك

واشرقت كربلاء ٠٠٠ بنور ربها

*****

اهلا سيد البطحاء

اهلا نعمة النعماء

هلا من الاف للياء

قدومك خير

هلا بميــــة الگصـه

السفر لله صحت فرصه

اليعرج بيك يتوصه

وسيطك خير

سفر من نور اجه بعاشور يبدي بنصبت خيامك

هو الموت لابد جاي شكبرها نموت كَدامك

واحنه نطيح طيحت ماي ونتبده عله اجدامك

واشرقت كربلاء. ٠٠٠٠٠ بنور ربها

******

على الدنيا العفا بدونك

شتسوه بلا ضوه عيونك

احب ذوله اليريدونك

الك يبجون

علمودك. الله سوانه

ورحمنه ونبجي خلانه

هااااي الدنيا. خلصانه

اليكون يكون

من ننعيك من نبجيك ومن اسود الك نلبس

نكَول ( حسين ) الا نعيش نذكرك الا نتنفس

و ع الينساك الدنيا تصير تشبه دورت المحبس

واشرقت كربلاء .. بنور ربها

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

بِسْمِ اللهِ الرَّحْمَنِ الرَّحِيْمِ

[ عَاشُوْر عَاشُوْر ]

عَاشُوْر عَاشُوْر هَيَّجْت الأَلَم

___

تِنْكَطِع بِيْك الجفُوْف اِوْيَه النَّحَر

وْتِنْقرِي الأَبْيَات وِاتْبَجِّي الصَّخَر

[ يَا شَهَر عَاشُوْر مَا مِثْلَك شَهَر ]

[ بِيْك ابُو السَّجَّاد دَلَّالَه اِنْفُطَر ]

وِاتْطِيْح لِحسَيْن بِيْك اِشْكَد خِيَم

___

مِن يِهِل اِهْلالَك اِيْهِل الدَّمِع

وْنُلْطُم اِعْلَه الصَّدر وِانُوَاسِي الظِلِع

اِنْذُوْب بَاحْزَانَك مِثِل مُوْت الشَّمِع

وْصُوْت الآهَات اِبْقدُوْمَك يِنْسِمِع

وِانْطِيْح عَالكَاع وِانْوَاسِي العَلَم

___

أَجْوَاء أَيَّامَك عَجِيْبَة وْتِخْتِلِف

جَرِح بِيْهَا ، وْذَبِح ، وَالآم ، وْنَزِف

بِيْهَا سَبْعِيْن وْتِذِل سَبْعِيْن الِف

بِيْهَا يُبْقَه حسَيْن وِالكل تِنْحِذِف

وِاشْلُوْن الاِتْلال تِعْلَه اَعْلَه القِمَم

___

إِهْلالَك اِشْكَد بِي حِزِن مَا يِنْوُصُف

جَنَّه ظَهْر حسَيْن مَحْنِي اِعْلَه الجُرُف

عَاش يَم مَاي النَّهَر أَصْعَب ظَرُف

مَحْنِي طُوْلَه وْلُوْن وَجْهَه مِنْخُطُف

ظَل يِبْجِي الحسَيْن يَم رَاعِي الشِّيَم

___

مِثِل يُوْمَك يُوْم مَا صَار وْيِصِح

يِكْفِي لآلآمَك وْحِزْنَك يَا شَرِح

بِيْك أَصْحَاب المَوَاقِف تِنْذِبِح

بِيْك جَم قُرْآن رَاسَه اَعْلَه الرُّمِح

مَكَْطُوْعَة الاِنْحُوْر مِن أَجْل القِيَم

___

بِيْك خَيْل ، وْزِلِم ، وِاسْهَام ، وْنَبِل

اِرْمَاح ، وِاسْيُوْف ، وَحَجَر ، نَار ، وْهِزِل

عطَش ، وِاحْبَال ، وْمُخَيَّم يِشْتِعِل

وْإُم تِلُوْلِي لْمَهَد بَس مَا بِي طِفِل

عَبْد الله مَذْبُوْح وِابْنَحْرَه السَّهَم

___

يَا شَهَر فَرْحَان بِيْك النَّاصِبِي

لإِن هِتْكوا حُرْمَة اِدْمُوْع النَّبِي

وِالتِّأَلِّم أَكْثَر اِجْرُوْح السَّبِي

اِشْلُوْن يِحْدِي اِبْنَاكَة الحُرَّة اَجْنَبِي

مِسْتِحِي العَبَّاس يِجْرِي اِدْمُوْعَه دَم

الحمد لله والشّكر والفضل والمنّة

[ هَذَا مِنْ فَضْلِ رَبِّي ]

بركات الكفيل سلام الله عليه

#أبو_فاضل_هوّه_المفتاح

#رزقهم_صلوات_الله_عليهم_أجمعين

حيدر الموسوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــكعديه

حسين من فاركني شوف شصار بيه ..

جان اسمي أم الخدر هسه السبيه ..

عشت لوعات المصاب ..

وروحي ما تحمل غياب ..

شصار بيه ..

………………

بلوعة المفجوعه أحجي  وأروي أهات المصيبه ..

مغوركه عيوني بدمعها و أدري بالراح شيجيبه ..

كل هلي راحو و أخوتي وبقت زينبهم غريبه ..

مسبيه أسحك عالجمر .

والصبر مل مني الصبر .

بالحلم لو واحد يمر .

والكلب يكطع نحيبه ..

شلون أركب ناكه وأنه الهاشميه ..

والشمر يضربني وآنه أشكف بأديه ..

من الفجيعه كلبي ذاب ..

وروحي ما تحمل غياب ..

شصار بيه ..

……………….

أبتدت مأساتي وغربتي وأنه عالتل أنتظرهم ..

من أنذبح أبن أمي ضامي و عالصدر كاعد شمرهم..

وكافلي يم الشريعه  وفاح بالحومه عطرهم ..

حسين مكطوع النحر .

وطاح الجبل يم النهر .

يدروني ما أحمل قهر .

ريت من عمري لعمرهم ..

راحو أخواني وبقت دنيانه ظلمه ..

ومنحده الشامت ضعنه والله هضمه ..

حتى رمش عيوني شاب ..

وروحي ما تحمل غياب ..

شصار بيه ..

………………………

جنت أمني الروح هلبت عيوني متوهمه بنظرهه ..

الحرم من الخوف والله تموت لو سمعت خبرهه ..

أتحضرن لسياط أميه  لو خيمنه يشب جمرهه ..

طشينه كلنه بالفله .

من ضيمنه وذاك البله .

اللاه يعملت كربله .

ماتفاركني صورهه ..

أبد ما أنسه المصايب والأذيه ..

وأنه اكومن وأنهطر وأنظر رقيه..

ومولح عيوني التراب ..

وروحي ما تحمل غياب ..

شصاربيه ..

……………………….

الصخر حن ونعانه وما يحن كلب آل أميه ..

حايره الأطفال ظلت عاتكه وسكنه ورقيه ..

أذكرت بصباي الجرالي سولفت عنهه الزجيه ..

وصتني أمي فاطمه .

لو سالت دموعج دمه .

اتوجهي لرب السمه .

وأدعي ربج كل مسيه ..

صحت يا ربي دخيلك هون الصار..

بعد مابيهه اليتامه تحمل أخطار ..

ربي أنت المستجاب ..

وروحي ما تحمل غياب ..

شصاربيه ..

………………………….

لوردت أشرح أحوالي بالوصف يعجز كلامي ..

الشمر يحدي الضعينه والنحر مرفوع دامي ..

عالرمح راس أبو اليمه شلون أوصلّه سلامي ..

ألف وسبعمية جرح .

يلتفت ويلجمه الرمح .

موقف أبد ماينشرح .

عالرمح صله أمامي ..

أستقبل القبله وبجه ودمعه يلالي ..

وجني أسمعه يكول يازينب تعالي ..

يختي رديلي جواب ..

وروحي ما تحمل عذاب ..

شصاربيه ..

……………………..

لو ميته جان أهون ألي  ولا شفت ضحكة شماته ..

تتضاحك أشباه الزلم  والعليل توّن خواته ..

ومن جابو الراس بطشت  ماتت رقيه بمماته ..

عالابو من ظلت توّن .

مليانه أهات وحزن .

خلوهه وياه تندفن .

عالطشت ماتت رقيه وننشتم تالي حياتي ..

…………………………

حيدر مطر العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــمجروح المهدي .. والجــــارح اني

جرحك ما طايب .. وابليك ابثاني

جرحك ماطايب

〰️〰️〰️

مــن تقره اعمال العدي

تجرح كلبك يالمــهدي

ومن كلبي اذنوبي تبدّي

اموت ..سكوت .. صموت

غايب وانطـر محبــوبي

واسباب الغَيبه اذنوبي

دمعي ومـــا لاگ بثوبي

اخيب .. غريب ..عجيب

بس رياء ..بس رياء

انا الأخــــــرت الغَـيبه

ما باجي ابنيّـه .. ما مره متاني

جرحك ما طايب ..وابليك ابثاني

〰️〰️〰️〰️〰️

ما قـاريـــلك قُــرآنـي

لا نُدبه القاري الساني

بالغِــــيـبه اول تلگاني

ذليل .. هزيل .. عليل

حگك تبجي ابأعــمالي

سوده من ذنوبي تلالي

ناسيك ومـــوش ابالي

نسيت ..دريت .. بجيت

انا ليش ..انا ليش

ناسيك وما ناســيني

السوء البعمالي .. عنّك بعداني

جرحك ما طايب ..وابليك ابثاني

〰️〰️〰️〰️

مــا باجـيلك من گلبي

انا امبــجـيـك ابذنـبـي

جذبي الكاطعلك دربي

سماح ..نياح .. جراح

انا الكثـــرانه اذنـــوبه

التـوبه المهدي التـوبه

سامحني ومــارد نوبه

رجاك .. حماك ..ضواك

بس سماح ..بس سماح

تـوبـه وما أكسر كلبك

اطلب سمـــاحك .. ذنبي ودلاني

جرحك ما طايب .. وابليك بثاني

〰️〰️〰️〰️

بيا عين المهدي انشوفك

وانا مزيـــدها اطـفوفـك

ليش الما عفته يعوفــك

جريح ..ذبيح ..تصيح

ما صليت ولا صايم

؛اسمـع آذان ونــــايم

مااذكر لجلك ايــم

حسير ..كسير .. اصير

خاف اموت ..خاف اموت

وانا امأذيـّك المــهدي

مشـتاگ لشــوفك .. لو بس بلساني

جرحك ما طايب .. وابليك ابثاني

〰️〰️〰️〰️

اتّوسّل بــيك اهـــوايه

بس گلبي اسود مولايه

يعنـــي مـأذيك ابــهايه

حزين .. شجين .. مُدين

عَذّب كــلبــــك مولانه

اليكفُر بالله ورحمــــانه

حگك ما ردت اويـانه

بعـــيد .. تـريـد .. عـديد

يا مـــولاي .. يا مــولاي

جم مره مسبب نوحك

كلبـــك فـطّـــرته .. مولاي انساني

جرحك ما طايب .. وابليك ابثاني

✍️حيدر عبدالله السعيدي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

مولاي القاسم بن الحسن ( عليه السلام)

تحچي السمه ويه الأرض…واتگـلها يا هـنـيـالچ

القاسم عليچ شگد مشه…كون انه اصير ابدالچ

حِسِن أوحَد جماله

بـرز والطف حِلاله

حِلاله…حِلاله

حِسِن الوادم..الراح وقادم..ما ينعد شي..ويه القاسم

عاف الخيمه..وغيمه بغيمه..مني اتعنن..ذيچ الهيمه

آنه السمـه وانظـرت هواي

يوسف راح ويوسـف جاي

بس مثل القاسم ما اشوف

مـن الگـاع انطـاني افـيـاي

يالأرض گـليـلـه ترى…من شوگي كَثرَه جروحي

وخَبريه اذا لَيَه يجي… والـله اضـمـه بـروحي

وآنه اتكفـل دلاله

برز والطف حِلاله

حِلاله…حِلاله

ـــــــــــــــــــــــــــــــــ١ـــــــــــــــــــــــــــــــــ

چم مَلَك انظر..من عندي ايمر..للطف نازل..گاصد ينطر

ينطـر خده..خـاف اتحـسـده..هاي الوادم..وهو لوَحـده

بس كلهم رجعو يبچون

القاسم رَجَعنَّه ايگولون

ابن الحسن وما يحتاج

حتى الأمـلاك ينـطرون

ويا خوفي بس لا ينجرح…ومن ينجرح يهدمني

هو آنه كل خطـوه أحـس…من لـهـفـتي يثلمـني

وأنه اتمنى وصاله

برز والطف حِلاله

حِلاله…حِلاله

ــــــــــــــــــــــــــــــــــ٢ــــــــــــــــــــــــــــــــــ

ضامي انظرله..وشگـد گتله..بس يسمحلي..حتى أمطرله

ويرفض يروَّه..ايگلي الحلوه..بالطف ضامي..ولعمي أهوى

أيگـلي هنـا بـس الإنـسـان

يوگـع مـذبـوح وعـطـشان

وبعد اتمنى اترضني الخيل

وكون انطحن اويه التربان

ايسولفلي ما يدري وعلي…آنـه شـكـثـر مـتـألـمه

من لوعتي وي كل حرف…من عندي توگع نجمه

ومته موته سؤاله

برز والطف حِلاله

حِلاله…حِلاله

ـــــــــــــــــــــــــــــــــــ٣ــــــــــــــــــــــــــــــــــ

أمه اتناطر..وبيها شصاير..گدما نحبت..تكسر خاطر

الموت بصفهـا..ثوبه بچفهـا..لو رَد يمكن..ما يعرفهـا

متـغـيـره بـگـد ذاك النوح

وگدما صارت بيها اجروح

چـا بيها شـلون وشيصير

لـو رَد القـاســم مـذبـوح

من ينذبح مو أمه أنه…أوگـع أظـن گدامه

يا ربي كون آنه انذبح…ولا ينجرح إبهامه

فده اذبحني لكماله

برز والطـف حِـلاله

حِلاله…حِلاله

ـــــــــــــــــــــــــــــــــــ٤ــــــــــــــــــــــــــــــــــ

حسين بركضه..وطيحه ونهضه..وآيالقاسم..أسمع نبضه

يبچـي ورايح..القاسـم طايح..ذاك الموقف..للكل جـارح

ردت اوگع بس گلي حسين

تشـوفـين أكـثـر بالچـفيـن

واتشوفيني وهاي الخيل

تسحگنـي اكثر من مرتين

ما اسمح اتطيحيـن أبد… وحسين أمر يأمرني

طيحة القاسم بس تظل…طـول الدهر تقهرني

وابو اليمه امن اجاله

بـرز والطــف حِـلاله

حِلاله…حِلاله

ـــــــــــــــــــــــــــــــــــ٥ـــــــــــــــــــــــــــــــــ

أحمد البصراوي العبادي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

انتهى كل الحچي ومات  الهوه يتحوَّل آهات 

الضوه عن الوطن شال  وبقى صوت الحسافات 

——–

يتبدل ليلي  ابمصباحه  

وجف الشر يشيل ارماحه 

والخير يحضّر نحره 

وتنمَد جف لذبّاحه 

ويخيم ليل الغربه  وما تحصل بيه الراحه 

عِزَم ترك المدينه حسين  ورزمَت راحله ضعونه 

وطفه لون النهار بساع من دار الوحي عيونه 

تره صار البرد نار     وبچت ادروب الاسفار 

وعِلَت اصوات الآجال   وحچت عيون الصغار 

——–

هذا الكون وكل آياته  

وكل دمعاته وكل بسماته 

يتحوَّل مثل الجمره 

من يغيبن نظراته 

والغالي مسافر ويلي  وماخذ حته ابنياته 

بدروب السهر والموت  يا ضعن الوحي راحل 

والدنيا ظلام اتصير  عكَب عيون ابو فاضل 

اشجره يا جرح الاحساس    هوه ما ظل بالانفاس 

انخِسَف وطاح الهلال     وره عينك يعباس 

——–

كل الخير وياه مسافر 

وحال عياله اليكسر خاطر

وكل حسره اكبر من حسره 

والهم والمدمع حاظر 

لا ضجّه ابّين ضعونه  

ولا يطلع صوت الحافر 

الهوه لو مَرّ على الأضعان  يحرّك كل جرح بيها 

الكَلب يصبر لچنها العين  شيصبّر بواچيها 

البجي مثل التراتيل     وبچي من تصهِل الخيل  

بألم اتحنّ الِجمال      بَعد شيبقه بالحيل 

———–

دمعه بدمعه وخطوه بخطوه 

وعثره بعثره او وادم تهوه 

والعبره تسكت العبره 

والفدوه تواسي الفدوه 

واليرحل عن دياره  يا عالم يرحل كَوّه 

لحظات الجفن لونام يفزع من رعب طيفه 

ويحد انيابه حلك الموت ونحر يَم جف يحِد سيفه 

الفي يدوّر فياي    ونَهَر يدوّر الماي  

وسهم ايسكت الاطفال   وألم وفاجعه هواي 

———

دلّال اتحيَّر بصوابه  

وجف مكَطوع وفوك ترابه 

وجف متروس بدم نحره  

ونار استعرَت لهّابه

وطفله احتركَت بالخيمه  وطفله تحشّم يا يابه 

كل هاي الصور تنشاف   بضعن الحيره وآثاره 

بدورب المدينه الموت   يمشي ورافع  اشفاره 

حجي يطلع بالسيوف    وره هذا السفر خوف 

تره ما يسعِد الحال     على تفسير الطيوف

___

علي صابر السراي

نسألكم الدعاء

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

كرّمنه ربنه بحسين

وصرنه بشرف خِدّامة

——————–

كرمنه الله بعالم الروحية

ونَزَّل وحي الدمعة اووحي الحنية

وطينتنه طينة كربلة القُدسية

وعطر المنابر تفصال

منّ الجدم للهامة

————–

بينه المجالس بالأصل خلاها

باراوحنة وبسم الخدم سمّاها

ونفحة عشكَ من كربلاء  انطاها

وسمّانه خدام حسين

وبالدمعة صرنه ايتامه

————

شيمتنه ابو فاضل واهو الشيّمنه

وعالغيره شيّال العلَم علّمنه

وللخدمة بحزام الوفة اتحزّمنه

منّ المهد حَد الشيب

نفخر خَدَم لجدامه

——————–

بذِكر السبط طهّرنه هاي انفسنه

وجنة عدنّه العاليه مجلسنه

وندريها عين ام الحسن تحرسنه

وشيهمنه حچيّ الجُهّال

لو لامة اللوامه

———————–

خلينه كل اللايمه محتاره

والمُثمر الوادم تگطفة حجاره

وفوگ الجفن نهر الدمع يتجاره

طول الدهر وشما طال

وشما مضت أيامه

——————–

تعّبنه اليضدنا وفلا تعّبّنه

نحب الحسين وهو هم يحبنه

وكل احنه عدنا بدفتره كاتبنه

ومنبرنه كعبة عشّاگ

والدمعه ثوب احرامه

——————

بالدنيا والبرزخ أبد ما عدنا

ولا بالقيامة ومُلتقى موعدنا

بس حب ابو اليمة السبط سيّدنا

والخادم يشوف حسين

يوم الحشر أحلامه

——————–

صرختنا والونّه وألم عبرتنه

مجلسنا منبرنا وأثر لطمتنه

تبقى الشعائر والسبط غايتنه

ومشي الجمر والزنجيل

وتطبر تظل القامه

——————

علي صابر السراي

نسألكم الدعاء

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

قصة جرح مو مثل الجروح

ونحر الأمل بالفرگه مذبوح

بحبر الدمع منقوله.. يافاطمه المعلوله

__

چان اكو والد احنيّن    گلبه يَم ابنيته

كلش اتحبّه ويحبها    مثل روحه ومهجته

وما تنام الا تشوفه    اتقبل ايده وجبهته

وكل فرض تركض لبوها    وتفرش امصلايته

بحضينه هيّه وليه تشتاگ

شحال بوداعه وطول الفراگ

وطبع الدمع بي سوله.. يافاطمه المعلوله

__

بالمسه تغفه اعله زنده    وتشتَم بذاك العطر

واعله ترتيله وصلاته    تگعد بوكت الفجر

اتحبه بچفوفه الكريمه    من يرد وكت الظهر

اتگله يا بويه انته روحي    لو وصل وكت العصر

لازم تشوفه بكل الاوقات

عِشرة غصن ويّه الحَمامات

والفرگه مو معقوله.. يافاطمه المعلوله

__

يسولفلها وهيّه تسمع    قصص عنّ المفخره

يسولفلها اعله ابو فاضل    عمها سبع الگنطره

عن بطولاته او وفاءه    وعن حميته الهادره

وقصص عن اخته العقيله    الما تساويها مره

عن الوفه وعن حامي الخدور

وكلشي بحمه العباس مستور

بعينه اخته جيه محموله.. يافاطمه المعلوله

__

اتمرضّت والعلّه صعبه    وانگلب حچي الزمن

وقرر الوالد الغالي   يبتعد عن الوطن

وراحت ايام الوسامه    وشالت ضعون الوسن

والعيون الما مدمعه      افترّت الدنيا وبچَن

ذاك الضياء من الوطن شال

والحال ما يتوصّف الحال

وذاك الضعن شينوله.. يافاطمه المعلوله

__

وحشه أجواء المدينه    وعسعس بليله الحزن

والعليله ادّور ابوها    او ونة الزهره تون

طير وتكسّر اجناحه    وانكسر بيه الغصن

وبحر الاحزان شيوگفه    اتغّرگ امواجه السُفُن

نار اعله نار وعلّه من نار

وعگب الأهل ما تنحسب دار

اسهام البُعُد مشتوله. . يافاطمه المعلوله

__

فاطمه بغربتها ظلت    وامس هيه مدللـه

سافر وشيردّه ابوها    وهوّه ماشي لكربله

علّه وآهات وبواچي    او وحشه كلش قاتله

وتفتح الباب وتسده    وتنشد اعله القافله

ظلت وحيده برفگة الآه

والغالي اخذ حتى رُقيّاه

بسيف الهجر مكتوله.. يافاطمه المعلوله

__

علي صابر السراي

( نسألكم الدعاء )

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

ليلة الوداع (محرم)

تقول الرواية ان الحسين ع قد خرج ليلآ ليبعد الاشواك عن طريق حرمه فأنهم يفرون خوف النار يوم العاشر

باچر يركضن بالشمس..وعندي شكثر عزيزات

الچانن حدر فيّي أمس..وعاشن مثل اميرات

يتطشرن بالهيمه

ماكو بعد فيّ خيمه

بديرة احزان

………………..

عاشن ابحضني عمرهن وما يعرفن بالصحاري*

مو ضمه اليحرگ دليلي ركضت ابنياتي ناري*

الچنت اضمنهه ابردائي باچر ايغطيهه ذاري*

هايه آخر ليله عدنه وباچر ايبّس خظاري*

الليله خيمه عدنه واتلم البنات*

ولو من كثر الضمه متغيرات*

باچر اتروح الخيم ويه الدلال*

وصعبه بالهيمه الخدر لمن يبات*

الداريتهن مثل الورد..ما عدهن افياي اخيام

كلهه عله اخيامي تهد..واعيالي بالهيمه اتنام

گلبي يفيض ابضيمه

ماكو بعد فيّ خيمه

بديرة احزان

…………………….

خوفي من شوك البوادي باچر ايعثّر ركضهن*

لو تشبّ نار المخيم ايفرن اعله البيده كلهن*

وين اكو علويه تركض عالجمر بالله گبلهن*

ينّچون لو من جمرهن لو سياط اتشبّ متنهن*

ركضت النسوان تشعل گلبي نار*

شلون يرهم عالجمر سحگ الزغار*

وزينب الما طالعه اتشبعني موت*

وانه چنت امن الهوه اعليهم اغار*

الما شايفه واحد گبل..ركضتهه يا ناس اشلون

حيرتهه بالخيمه تضل..لو تطلع وكلهه اعيون

اعله اختي شكثر حريمه

ماكو بعد فيّ خيمه

بديرة احزان

…………………

الليله كلنه اهنا گعدنه وهايه اول مره حاير*

التستحي امن الچلمه چانت تصعد اعله التله باچر*

فشلت التعثر چبيره وتنظر اعليهه العساكر*

يا اخو اليلحگ عليهه كلهه موته ابيوم عاشر*

عثرت العلويه صعبه اعله التراب*

تخيلت تركض واحس ابرمشي شاب*

شلون بالله وزينب اعزيزة ابوي*

والكفيل اعله النهر من عدهه غاب*

الچانت اويانه امخدره..بكل خطوه تعثر وتطيح

باچر اهلهه اعله الثرى..ألمن بعد اهيه اتصيح

العاشت گبل عظيمه

ماكو بعد فيّ خيمه

بديرة احزان

……………………

شلون بأطفالي العطاشه وكل أملهم هسه بيّه*

باچر انه اعله الترابه وكلهن ايركضن عليّه*

بالصبح ينفل شملنه اجروحي الف وتسع ميه*

يفرهدون اخيامي وانه اتطشرت بالغاضريه*

شلون اگوم وافزع اعله اخيامي بيش*

وانه فاگدلي أخو اليسواله جيش*

شنهي بخيامي يضل غير الحريم*

وماكو خيّر يسأل اتحرگوها ليش*

ما تبقى للفزعه زلم..بمصباح عاشر ميتين

وزينب ابأيتامي تلم..واتطفي بالمحترگين

صوره اشكثر أليمه

ماكو بعد فيّ خيمه

بديرة احزان

…………………….

يوجع ابگلبي نظرهن والوداع اجروحه صعبه*

واليودع اهلهه كلهم سهم وايصوبله گلبه*

الچانو ابحضني ألمهم باچر ايضلون غربه*

هيه بس هالليله عدنه وكلمن ايروح اعله دربه*

أنه دربي الموت وارماح وسهام*

واعله وجهي اهناك بالعاشر انام*

واهمه درب الشام واجروح وسياط*

وآه يا جرح السبي وكسرة الشام*

أشويه وايصير الصبح..وابطلعته تبدي اهموم

وايبّين ابگلبي جرح..للمذبح انروح اليوم

وداع الاهل جريمه

ماكو بعد فيّ خيمه

بديرة احزان

علاء المياحي

الفاتحه لروح والدي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

مثل الشمع يحالي وموت الشمع سكته

ماضلت اعله بالي بس كلمة اليمته

وآنه انتظرلي غالي راح وترك بنته

ــــــــــــــــــــــــــــــــــــــ

اتخيّل احچاية اجو بس اشوكت اسمعهه

ناديتهم يهل الظعن عافيتي شيرجعهه

كلمة اللّو ما خضرت گلولي وين ازرعهه

چا روحي عكب السافرو حته النفس يوجعهه

لمن مشو دعولي كون اصبر وانسه

ماماشيه اعله طولي من راحو الهسه

امدلله و دلالي ذابل گبل وكته

ــــــــــــــــــــــــــــــــــــــ

لو حرّك الباب الهوه اتخضر هله اعله اعيوني

ليش امن افكر بالظعن توجعني حته امتوني

ليش الشمس من تختفي من وجهي يشرد لوني

هاي الخطيه ابلا ابو لو گالو ايبچوني

الابنيه بس ابوهه يعرف معزتهه

والمثلي ماخذوهه تكثر محنتهه

بيت واشوفه خالي بس اني ساكنته

ــــــــــــــــــــــــــــــــــــــ

مثل الحمامه ابنص مطر ليش الابو خلاني

والريح اجتني امعاكسه واتكسرن جنحاني

من ينترس بير الدمع يبدي المسح برداني

الما ماضايگ افراگ الابو عنده الضحك مجاني

يامغرب اليجيني يرفسني كل حيله

مثل الطفل حنيني وابحضني الوليله

يمكن شهر حوالي والدي امفارگته

ــــــــــــــــــــــــــــــــــــــ

ناحل يجسمي امن المرض مثل الثلج بالحر ذاب

الحيطان اشم بيهن ابو واهدومه اشم بيهن غاب

اركض واطير امن الفرح لو اسمع اندگ الباب

چا عايش المن ياتره الماعنده بالدنيه احباب

گالولي يالعليله انوديلچ الاكبر

وآنه ادري مستحيله يرجعلي الامطبر

يمهم سرح خيالي وراس برمح شفته

ــــــــــــــــــــــــــــــــــــــ

المايدري بيه اشفارگت خل يگعد واحچيله

فارگت شيخ الطائفه الچان الوحي ايلويله

فارگت حنية علي عمي الكفيل ادخيله

فارگت مملكة الخدر والمصحف وترتيله

اوياهن مشن خواتي ياغربة اعيوني

گصرت علـَي عباتي والهسه مااجوني

الواعدني مااجالي بس آني عاذرته

ــــــــــــــــــــــــــــــــــــــ

اليتحلم ابهزّة جبل معناهه ذبحو عالم

اليتحلم ابسچة سفر باچر يسافر لازم

والبارحه ابنومي شفت عالخيمه تهجم وادم

ايهوسون يمكن چي بده موعد زفاف القاسم

بالطف يوسفه صاير ابن الحسن عرسه

واهناكه بس حوافر واليوگع اترفسه

وضل يم رقيه بالي عدله الاخت ميته

محمد الجماسي

#اللهم_عجل_لوليك_الفرج

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

جانه محرم جانه

يبن الرضه مولانه..نسألك البكاء

ماضل شهر لهلاله

باچر تضيع اعياله..احسين بكربلاء

…

ينايم عالسطح

اجه شهر الذبح

الرمح آ يالرمح..من يرفع الراس

إذا سم الچبد

خنگ عطر الورد

بقه بس الزند..عمك العباس

يالثلتيام ساكت صوتك 

محد امن الناس يدري بموتك

احسين شالوه ابحصيره يالجواد

وأنته اجه الهادي وحضن تابوتك

بابك مضيف الساده

نطلب اجينه امراده.. ياباب الرجاء

ماضل شهر لهلاله

باچر تضيع اعياله..احسين بكربلاء

….

اجينه المجلسك

هوه ونتفسك

ونضل انقدسك..ياباب الامراد

اعله حبك يجتمع

لطمنه والدمع

يضل نورك يشع..ياقمر بغداد

طامعين بخيركم  يالساده

وانته ابوالچف الچثير امراده

ايريدله استعداد عاشور الحسين

ومنك احنه ناخذ استعداده

حَضرنه للمسبيه

نبچي عله العلويه..والسبي النساء

ماضل شهر لهلاله

باچر تضيع اعياله..احسين بكربلاء

…

اجه امحرم اجه

يباب المرتجه

تره اليخدم نجه..ابتوفيق الاحسين

المدد من حضرتك

رضاك ورحمتك

تطلبك شيعتك..بس دمعة العين

احسين يستاهل لطمنه وشوگنه

احسين ماغيره أبد معشوگنه

احسين لو عفناه صدگ يالجواد

الدنيه من هذا العزاء اتبوگنه

منكم عقيده انطونه

ومن البخت زودونه.. ياأهل العطاء

ماضل شهر لهلاله

باچر تضيع اعياله..احسين بكربلاء

….

البيارغ رفرفن

القلوب اتحضرن

شوارعنه إنملن.. كلهن قطع سود

الشهر نستقبله

بهله وميت هله

ومدامع كربله.. تجرح بالاخدود

امحرم الساده قريبه أيامه

وأنته ويانه تجي ابلاْ اعمامه

امحزم ابچفيتك الخضره وتصيح

ياعلي حيَّ على اللطامه

والثوب الامسلبينه

اهل السمه امسوينه ..مرقد بالسماء

ماضل شهر لهلاله

باچر تضيع اعياله..احسين بكربلاء

…

جواد ال النبي

وطريقك زينبي

يباچي اعله السبي..سجلنه خدام

على درب العشگ

إخذنه للصدگ

نذوب ونحترگ..من نسمع بشام

جايين الحضرتك مشايه

بالصحن لازم نسوي اقرايه

إحنه عاهدنه أبوفاضل والحسين

من إدينه ماتطيح الرايه

ويبقه عزاكم دايم

الى ضهور القائم.. واليوم اللقاء

ماضل شهر لهلاله

باجر تضيع اعياله..احسين بكربلاء

…

محمد الجماسي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

گاعده اباب الخيم ترسم حميــــده   

وجه ابوها وتبچي وتبوسه بوريده

من الصبح لليل تحچي ويالرسم

وبلحيته ومنحره ادنگ تشـــــــم

حميده                      حميده

،،،،،،

اديها من الحزن ترجــف 

مثل ماترجف الورگــــه

التراب  الجوه رجليهــــا

تبلل من بچي الفــــــرگه

الحنان البيها يجبــــــرها 

رسم ودنگ تشبـــــــگــــه

الخيم تبجي اعله مبجـاها 

تدخن والهوه تــــــــحرگه

حسين يمها گاعد ودمعاته تجـري

هذا ابوي تگلــه ويگللـــــــها ادري

من الجدم للراس طفله كلها هم

من الصبح لليل تحچي ويالرسم

حميده                       حميده

،،،،،،

عساكر ترسم گبالــــــه

تهوس رايده تذبــــحـــه

فجر ترسم على عيــــونه 

بزغ بس انچفه صبـــــحه

عطش رسمت على شفافه

يفت دلاله ويجرحــــــــه

رغم كلشي وصعد مهـــره

ولزم سيفه ولزم رمحــــه

ترسم آمدافع نبل متجهه صــــوبه

وغيره تعرگ گصته المتروس حوبه

شما دنت نبله لبوها تلـــــچم

من الصبح لليل تحچي ويالرسم

حميده                      حميده

،،،،،،،

علامات اليتم بيـــــــــه 

بدت ياوالدي وساســـــي

من اجاني عمي ابو سكينه

ومسح بيده على راســـي

النفس بالگوه اجـــــــرنه

شجرن عگبك انفاســــــي

تضل ويالرسم تحچـــــــي

حچي مايدركه حساســــي

ياقصيده وياشعر يوصف المـــــها

جرح چنها وشابگه اعله حسين عمها

حزن كل ارسومها وماتبتســم

من الصبح لليل تحچي ويالرسم

حميده                      حميده 

،،،،،،،،

رقيه وسكنه اجن ليــها

يواسنها بمصيبــــــتها

ورقيه ناحت وياهــــــا

لان محنتها محنتــــــها

جرح شابگ جرح وگفــن

جرت كل وحده دمعتهــا

ربن والطيبه ربتهــــــن

سوه وصارت حبيبتهــــا

 تصيح ابوي اتأخر ومارد الـــيه

من تريد تگوم تمشي تگض رقيه

من المصيبه اطيح ماتملك عـزم

من الصبح لليل تحچي ويالرسم

حميده                      حميده

،،،،،،،

اجها احمد يصـــــبرها 

اخوها ودمعته بعيــــنه

گعد يمها وحچه ويهـــا

وشبگها وأخلف ايمينــه

نهر رسمي على شفافه

يگلها من ترسمينــــــه

نذبح ضامي بوطن غـربه

وحگ الغالي ابوسكيــنه

عالتراب تخلي خدها شگد حنيــه

وتحچي وي الرسم بويه رد علينه

رحمه ماعنده الجمر مايلــــزم 

من الصبح لليل تحچي ويالرسم

حميده                      حميده

،،،،،،،،،

خادم الحسين ع

محمد الفهداوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

ارحم عذابي ياهوه الهاب دخيلك

تلچمني ليش اتحرك الباب دخيلك

أتذكرني بانسي

وتشيّب راســي

دخيلك دخيلك

،،،،،،

شوگ بروحي ولهفه وملگه

حَدبنّي الهم صرت امدنگــه

شيّب رمشي بالگوه امشي

مَن الحسبـــــــــــــــــــــــــات

فراگ الغالي ذَبّل لونــــــــــي

ماخذ وي ضعونه عيونــــــي

ليليه اغفه ادوّي واطفه

من الوعــــــــــــــــــــــــــــــات

يريح شماتحرك بابي انــــــــزف دم

من اريد اوگف اكض بالحايط والزم

انشدك هم بعد گلي الشَمل يلتـــــــم

بالگوه اگومن حيلي مهدوم عليهم

وعليّه كبرت حتى الهـــــــدوم عليهم

تذبحلّي إحساسي

وتشيّب راســــــي

،،،،،،

وي أخر شبگه من احضانه

ارجف بفراشي وبـــــــردانه

من اوداعه الهاي الساعه

ماشفت النــــــــــــــــــــــــوم

فوگ العله فراگ والوالـــــــــي

وگمت استاحش من اخيالــــي

مرات احچي وياه وابچي

يواسيني ايگــــــــــــــــــــــــوم

خيالي من الحزن ماگمت اعرفنـــــه

اون ووياي اسمعه هم يجــــــــر ونه

هلي يِرجعون گِليِ أگطع الضنــــــــه

هسه انه ميته وعوزي دفان يجيني

مذبوحه يلگاني من الحزان يجيني

حسرات انفاسي

وتشيّب راســـي

،،،،،،

من گد مامشتاگه الناســــــي

شيب برمشي وشيب براسي

بعيني أصورهم گمت إخبرهم

فرگتكم مــــــــــــــــــــــــــوت

انه الميته ومحد يـــــــــــــدري

خنگت بيتي تشبه گــــبــــــــري

العاش بدمعه يصبح وضعه

فراشه التابــــــــــــــــــــــــــوت

گمت ليليه اموتن واليزّت نعشـي

صوركم ياهلي العفتوهن برمشي

احسهن ناس حدري وللگبر تمشي

ليليه اموتن ورجع انــــــوب يربّــي

طير بدربهم چنحه مصيوب يربّـــي

انتَ اشگد قـاسي

وتشيّب راســـــي

،،،،،،،،

ياريح امن تحرك بابــــــي

تلچم گلبي تزيد مصابــي

ابقه اتحسر وبقه اتصور

اهلي ايرجعــــــــــــــــــون

المبيوگه من رسومه عيـونه

حگ لمن يتغير لونـــــــــــــه

وينحل جسمه ويذبل رسمه

بعد اليمشـــــــــــــــــــــــــــون

صوركم والدمع والوشيب والحسره

هلي ذني السبني وداعت الزهـــــره

بچيت دموع عيني ولابقت گطــره

من خلص دمعي ابچيت العيون عليكم

مومثلي حتى العاش مسچـــون عليكم

لاتهدم ساسـي

وتشيّب راسي

،،،،،،،

اسلب طولي واگف گــــوه

ورجليه من الهم تتچـــــوه

گمت اتشاهد صرت اتواعد

تمر بيه طيــــــــّـــــــــــــوف

مامرلي النوم ولا ساعـــــــه

ماتغفه الضلت مرتاعــــــــــه

تضل مرعوبه تضل مصيوبه

والغربه سيــــــــــــــــــــــوف

وحگ سكنه ورقيه ولمت العيلـــــــه

موش من المرض جسمي نهدم حيله

اسهر وي صورهم انه كل ليلــــــــــــه

ما ادري بيكم وين ماوين يبويه

يابعد روح الروح يحسين يبويه

شصار بنوماسي

وتشيّــــب راسي

،،،،،،،،

لخادم الحسيـن ع

محمد الفهداوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

يادارهم يادارهم

حاچيني وين اخابارهم

يادارهم يادارهم

،،،،،،،،،،،،

حاچيني وين اخبارهم حاچينــــــي

زغيره وصعد ماي اسود الفص عيني

ليش بسكوتچ رايده تأذيـــــــــــني

ونياران فرگتهم تضل تچوينــــــــي

عن حالهم عن حالهم

عندچ علم عن حالهـــــــم

يادارهم يادارهم

،،،،،،،،،،،،،،

اني العليله وعمري ماي تبـده

فوگ الرمل بعد العمر شيــرده

يادار مو تدرين أنه المتعــــوده

يوميه ابوي حسين ابوسن خـده

اطفالهم اطفالهم

جنت اني من اطفالهم

يادارهم يادارهم

،،،،،،،،،،،،،

وردت برائه اوماخذاني الوالــــي

عودي ذبل يادار ارحمي بحالــــي

حتى الوساده رددت موالــــــــي

من كثر ماسمعت نعي اعله الغالي

وبچالهم وبچالهم

مرتاحه چنت بچالهـــم

يادارهم يادارهم

،،،،،،،،،،،،،

يادار موسهله التعوفه أحـبابه

الفرگه ألم يوميه تــــدفع بابه

تلچم جرح گلبه وتهيچ امصـابه

يادار ابوي شسولف بمــحرابه

لزغارهم لزغار هم

گلبي يحـــن لزغارهم

يادارهم يادارهــم

،،،،،،،،،،،،،

يادار عمي الكله ينضح غــــيره

معقوله يتركني واضل بحـــيره

جنت من اشوفن حلم وانه زغيره

عمي اليفسره وافرح بتفسيـــره

خطارهم خطارهم

ياهو البگه الخـــطاره

يادارهم يادارهم

،،،،،،،،،،،،،

يادار ديـــوان الابو ودلالــه

حزنانه ودموع الكرم همــاله

محزن مضيفه وحالته موحاله

عامر گبل بالهلا أوبلخــــياله

تذكارهم تذكارهم

بعيوني ضل تذكارهم

يادارهم يادارهم

،،،،،،،،،،،،

يادار والله مصيبتي موســـهله

وجرح النوايب ياهي مثلي يحمله

يتعذب الخل لون فارگ خــــــله

واني افگدت خلاني واني الطفله

وبنارهم وبنازهم

احترگ صرت ابنارهم

يادرهم يادارهم

،،،،،،،،،،،،،،،

يادار هم اغفه ويغمض جفنــي

وطيف المصايب مايضل ايحفني

والدار سكتت اضن ماتعرفـــني

لني متت بس عوزي البس چفني

اثارهم اثارهم

كتلتني بيچ اثارهم

يادارهم يادارهم

،،،،،،،،،،،،،

يادارهم والله العمر ماريـــــده

راح اني أهجرج وستچن بالبـيده

والموت احط ارويحتي بچف ايده

الماراح وي اهله المنيه تفيـــده

لوجارهم لوجارهم

وياهم رحت لوجارهم

يادارهم يادارهم

،،،،،،،،،،،،

لخادم الحسين محمد هادي الفهداوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

الكوفه اصبحت اهل الفيل

متاني الأمر عزرائــــيــــــل

بس مسلم يصيح بصـــوت

يمطر عليهم سجيـــــــــــــل

،،،،،،

من سرفن اردانــه

ضل يغلي بـركانــه

يستنگي ضل بيهم

ومدنكه عدوانــــه

بي من علي ملوحه

ابسلهم ايلوحـــــــه

وبصارمه يرســــــل

الوادي صقر روحـه

مسلم شبيه العبـــــــاس

غيره وشجاعه ونوماس

وعمامته حب حسيــــــن

تاج ولبسها اعله الـــراس

راواهم بسيفه الويـــــــــل

الكوفه اصبحت اهل الفيل

،،،،،،،

گلهم علي عمـــــي

يموت اليصل يمي

اله اشلع عيونـــــه

الرايد سفك دمـــي

انسابي معروفـــــه

خل تسمع الكوفـــه

موقف اريد اتــــرك

حته العمه يشوفــه

راح اني أترك عنـــوان

يقراه يضل كل انسان

انه ابقه ونتو تموتـون

هيجي بصريح القـرأن

يذكرني يبقه كل جيــــــل

الكوفه اصبحت اهل الفيل

،،،،،،،

حسين اشتره انفاسي

وتملك احساســــــــــي

وانه شلت حـــــــــــبه

ياوادم براســــــــــــــي

انتم ندبتولــــــــــــــــه

أقدم كتبتــــــــــــــــوله

من تنگضي الدنيــــــــه

كل چلمه مسؤلــــــــــــــه

عن سيفي وين تـــــــفرون

موهينه بينه تغـــــــــــدرون

القاضي سيفي اعله الروس

صَدر أحكام تموتـــــــــــــون

ما يسلم البينه ايعيـــــــــل

الكوفه اصبحت مثل الفيل

،،،،،،،

راح احكم بـصارم

متحمس وعــــازم

كتبوا وصـــــاياكم

يا ارذل الـــــــوادم

اسحگ جحافلكــم

ولوحدي انازلكـــــم

مومستواي انتـــــم

مجبور اقاتلـــــــكم

انه العشت بين ابطـــال

اكسر خشم كلمن عـــال

مسلم وبن عم حسيــــن

موجرمقان وبقـــــــــــال

من صولته كلها تميــــــــل

الكوفه اصبحت مثل الفيل

،،،،،،،

يدري بمگيدتهـــم

وعليها شردهـــــم

نص المعسكر طاح

منه بحفيرتهـــــــم

محد گرب صوبـــه

وما حركو ثوبــــــه

باسو رجل مهـــــره

يامسلم اتوبــــــــــــه

تهلهله طوعه تحيــه

بعمه علي من تناديه

يترك السيف بيمنــــا

يلزم الفارس يرميـــه

الروس اوصلت نجم سهيل

الكوفه اصبحت مثل الفيـل

،،،،،،

لخادم الحسين ع

محمد الفهـــداوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

فگد الاخو كسرت ظهر

ويبين بوجها القهر

هاي المصيبه زينب تشوف حسين

وتگله وحدك جاي ابو فاضل وين

،،،،،،،

يحسين برسومك حزن

وبعيونك دموع مصاب

ياشمس جيت الوحـدك

بس لا گمر هاشم غــاب

سولفلي ياريحة هــــــلي

دم بلحيتك وتــــــــــراب

شبگت موادع بيك اشــم

گلبي نخمش خويه وذاب

بعيونك اقره الفاجعه

عايف گمر عالمشــرعه

رديت وبگلبك احس نار البـــــين

وتلگه وحدك جاي ابو فاضل وين

،،،،،،،،،

عطشانه يحسين الخــــيم

مو للعذب للعـــــــــــــــباس

من شال جوده على الجتف

بخيمنه ضل يبچي اليـــاس

رچليه چنهن عالجمـــــــــــر

اتنطر وشاب الــــــــــــــراس

راح ابن ابوي وكافلـــــــــــي

راح اليرويني احــــــــــساس

باهت احس حته الهــوه

اظلم صفه بعيني الظوه

چاوين اخوي العايش بنص العين

وتگله وحدك جاي ابو فاظل وين

،،،،،،،،

سولفلي طايح عالوجــه

گلي شكثر بيهه اسهـــــام

وانه ادري بطباع الگـــــمر

ايودعني لو راد ينــــــــام

وديني اودعـــــــــــنه وأرد

گلبي اعله ابو الغيرة أحتام

من دون ابو فاظل احــــس

مسبيه وبلايه خيـــــــــــام

مشتاكه اشمه بگصـــــــتـه

ووساده احط الوجنــــــــته

بس لاتگلي منه گطعوا چفـــــين

وتگله وحدك جاي ابو فاظل وين

،،،،،،،

يحسين عبد الله الطفل

اشرلي بس چنه يگـــول

ياعمه زينب كافلـــــــــچ

غاب وتره غيابه يطـــول

وحاچاني بدموعه وبچـه

عمه حبيبــــچ مكتـــــول

يحسين جيتك تختـــــلف

جيت حزين اومذهـــــول

رديتلي بلايه عمـــــــــــر

ومفرهد رسومك كبــــــر

مولحظه هايه صعبه تنعد سنين

وتگله وحدك جاي ابو فاظل وين

،،،،،،

يحسين فك عينك الــي

بعينك صور كلهــا وداع

وماحاجه تحچي تيقنت

عباس اخوي أعلم ظاع

شمحلاها گعدتنه ســـوه

شمحلاها چانت مســاع

چنها يبو سكنه حلــــــم

فضت وخلصت شبساع

وديني اشبگـنــه وارد

ونقل تعازي من الورد

من سكنه من اطفالك العطشانين

وتگله وحدك جاي ابو فاضل وين

،،،،،،،،

لخادم الحسين ع

محمد الفهداوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

گبل ماتمشي يحسين عليه الفاتحه اقره

صحـت ناوي السفر وين يريحانة الزهـره

وحگ بوسة محمد فوگ نحرك

اموتاً بس اضل يوليدي انطرك

تجيني تجيني

،،،،،،،،

تفرهــــدّنّي الظنون وداعة عيونــــك

شتتوقع اعيشاً يمه من دونــــــــــك

اموتاً بس اضل أمناطره ضــــعونك

يمهجــة فاطمة بس لا يذبــــــحونك

فده النحرك تمنيت ييمه هذا نحـري

گبر مندونك البيـت اذا ترحل يعمري

اموتن من افارگ طيب عطــرك

وحگ بوست محمد فوگ نحرك

،،،،،،،،

نويت تروح عني وماترد ليـــــه

يسباح الگلب يانسمة الريــــــــه

اذا وجهك حبيبي ماشفت ظــيه

على الدنيه السلام بعيني مفنيه

اذا لعيونك اشتاگ شسوي باچر اني

اموتن من الفــراگ وگولآ مانســـاني

الشهاده وياگ تمشي ارد ابشرك

وحگ بوست محمد فوگ نحرك

،،،،،،

يبني لو مشيت عيوني ماتغفـــه

تبچيلك بچي ما واحد يوصفـه

گلبي شگد يحبك ونته التعرفـه

نارك من تغيب بگلبي ماتطفــــه

اخذ يحسين العيون بعد چاشلي بيهن

اموتن من تـبعدون يعذبني بچيهـــــن

اذا تعطش يمطرآ فوگ ثــغــرك

وحگ بوست محمد فوك نحرك

،،،،،،

انه الربيتلك اربع زلــــــــم ودري

يوفون الربه وداعة لبن صــــدري

يبو السجاد لو ترضه أخذ عمــري

ما ترظاها أوگف والجمر حـــدري

اظل عالباب اتانيك وناشد يمته ترجع

اسلم المغرب عليك يقينآ انته تســـمع

عسه يندار عمري دون عمــــــرك

وحگ بوست محمد فوگ نحرك

،،،،،،،،

روح وداعة الله طفلتك عنـــــــدي

اصبرها ونيمها على زنـــــــــــــــدي

يبو السجاد فدوه الشيبتك ولـــدي

من تمشي العمر صوب الگبر يحدي

عله مودك عايشه الروح يروحي ياحياتي

اذ گلولي مذبوح اذن گربت وفاتــــــــــي

تدوس الخيل اشوفن فوگ صدرك

وحگ بوست محمد فوگ نحـــــرك

،،،،،،،،

لخادم الحسين ع

محمد الفهداوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

هوسات الطف

حسين القائد عل قاده

خوانه تهد ويه ولاده

اهلا ياتربات الساده

مابيهم مات اعله وساده

صالو بيه طف خوانك

انصارك طبو وخوانك

وذلو عسكر عدوانك

اشتعلت نار ابميدانك

يل طف منهم تاخذ شانك

هوس بيه طف عباسك

حتى اليرضع بگماطه

فات بزوده وبزماطه

وينه الهدد بسياطه

عبدالله يطگه برباطه

شنهي الماي حسين الكوثر

كبار احنه الطف زغيره

حسين اليصعب تفسيره

ساده شيوخ اعله الديره

الشيخ حسين وموغيره

انطگ اظهور بيوم النيبه

حسين تفرج للحومه

وشوف الكافل وعلومه

شال الرايه وطب ليهه

وراس براس يطگ بيهه

يصطر بيه الجيش الكافل

محمود رحيل

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

كربلائي للقاسم ع

.

.

.

الام الـفاكده ابنـَيــها ..  بس الدمعـه سلواها

وليليه على العريس .. رمــله تنوح نلـــگاها

*

رمــله ام الشــباب اتــنوح .. وبيهــا النــار تتوجر

صواب اوليدهه تحـس بي .. حدر ضلوعه خنجر

ضوه الله شافته اعله الكاع .. يـوم العاشر مطشر

شهگت والحچي اتبده

الدم من شــافته بـخده

وسهــم النــايبه اتـعده

صاب اگليبها المكسور .. هـــذا الســهــم واذاها

*

اتحاچي اوليدها المذبوح ..  واليسـمعها يتكطع

تگـــله اوداعـــة اعيــونك .. احس دلالي يتهزع

صـــح اتــشوفــني عدلــه .. باچــر يمـه اتشــيع

عالنـاگـــه يشيـــعوني

وحقك ياضوه عيوني

اتمــــنه يخـــلـــــوني

يمك حتـى اشبـع نوح .. وعيني ينطفي ضواها

*

وحق الحنه والشوباش .. وحــق ياساتك الذبلن

الوصلن چبدتـك يمــه .. الچبدي وداعتك وصلن

المابيهن سمعــت بيوم .. علـــى راسي تره نزلن

يالمگــطع يالــمدمه

يالكاسر گلــب عمه

امن الغبـره وذر لمه

عـگبك رملــه ياجسام ..  ماتنحـــچــي بلـــوها

*

تگله وداعة ارســـومك .. المتــغيرات مـــن الحر

گمتم ماوچد امن امشي .. بذيــالي ييـــمه اعـثر

يوجه العافيه جاليــش .. وجهك هيچ صار اصفر

يماخذ روحي حاچيني

تره محترگـــه تدريـني

بكلمه وحـــده طفيــني

زمان امك يــبعد امــك .. عگــبك كلشي راواها

*

افك عيني واگولن كون .. جيثـوم وارد اصحه

والگه اولــيدي متحــني .. بحنته مو بـدم ذبحه

بس للاسف مو جيثوم .. راس ابني عله رمحه

عـلى راعـي العزوبـيه

المضايف كلهه محنيه

ومكسور الحسن فـَيه

بمصيبة جاسم العريس .. تبچــي دموم خلاها

*

الشاب الي يموت الناس .. كلها تنتحب لجله

ومحـــنة جاســم الليله .. ياهالناس موسهله

بشهادة ابني معناها .. يعني استشهدت رمله

المامزفوفه فرحتهه

تلوگ اليوم ذبحتهه

الاخذو منها نفحتهه

لمن تختنــگ هاليوم .. ماتـــنلام وشـــجاها

*

حيدر تركي الكربلائي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

امنيت حياتي    اطلبها بين الحــــرمين

امنيت حياتي    من الگمر من الحسين

كون خادم انقبل     اسمي ينزل بالسجل

@@@

ياحُسين امــــن الولاده طفــك ابراسي انفرش

كتبوا ابڪاروكي خيمه علموني اعله العطش

ابطاري زينب والسبايه بالمهد جسمي ارتعش

واسمعت حـــمزه الصغيّر گلبي بلسانه انتعش

كبروني خادم     ودرسوني من درس الطفوف

كبروني خادم     گالــــولي عيش ابلا چفــــوف

ادعي من اني طفل     اسمي ينزل بالسجل

@@@

آنه عين ورمشي موڪـب لا ابد مانفترگ

اذكر اخيام العقيله اشما اشم ريحـت حرگ

تسهر اعيوني بواچي من يجي ليل الطبگ

راسي بالعاشر محبه القامه تترسني عشگ

كل نفس اشهگه     بي خدمة حسين الشهيد

كل نفس اشهگه     يوصـــل احـــسه للوريد

اويه الخدم كون انشمل     اسمي ينزل بالسجل

@@@

الاسود اعله حسين والله ابروحي ابقه لابسه

ريحـــت ارمـــاد الخيام ابڪــل نفس اتنفسه

وراية العباس بيدي ڪل صباح وڪل مسه

والامــــامي ابڪل محـرم اني صاير عابسه

اعلن انتمائي     للرافظيه وڪــــربلاء

اعلن انتمائي     للي نصر رب السماء

امنيت دمعي اليهل     اسمي ينزل بالسجل

@@@

ابراسي صوت اطفال عايش دمعه واجروح وخيم

وتنبض ابگلبي شريعه وجـــــــربه واچفوف وعلم

فوگ نحــــري السيف احسّه وعيني حسّت بالسهم

ومن اشـــــــــاهد اي تراچي اذڪـــــر ارقيه ابألم

خادم وحسيني     هذا اللقب طول الحياة

خادم وحسيني     تبقى خـــدمتي للممات

كون اشوفن بالفعل     اسمي ينزل بالسجل

@@@

آنـــه اتنفس مجــــالس يعـــــني اموت ابلا لطم

وچفي من يتعنه صدري الضربه توصل للعظم

شايل الطف ابوريدي وزيـــــن يعرفني الخصم

يدري بيه وابجـــــــــنوني انتصـــــر من انظلم

خادم المواكب     اقسم وحگ ام الخدور

خادم المواكب     الطـــــم واطبّر و ازور

غايتي غاية عدل     اسمي ينزل بالسجل

@@@

علمت طفلي الصغيّر بالمهد يصرخ علي

راح اوصيّك ابوصــــيّه يبني اسمع مايلي

ازحف الگبر الحُسين وخــلي همك ينجلي

وقبل اجـــدام اليزوره وبالحشر ادعي الي

رايدك تخدمه     وابمجلسه تجــــري العيون

رايدك تخدمه     واصغر شخص انت تڪون

وخدمتي من تكتمل     اسمي ينزل بالسجل

sssssssssssssssss

  وليد المندلاوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

للعليله ع

يالرايح بهذا الظعن وياك اخذ تابوتك

إشبيها هيه كربله چنك تروح الموتك

چم مره صوبي تلتفت من دمعتك كلشي اعرفت

چنك تروح الموتك

****

ياوالدي كلشي اتضح كلشي يدل عن الخطر

إليرحل وناوي يرد ما تنزف دموعه حمر

عني گبل هم سافرت وچان الوداع ابمختصر

وزادك قليل بروحتك هل مره شو مايك كثر

منتظرك اهناك العطش والهل سبب كثريته

مو بس على ظهر الابل حتى المهد حمليته

يعطش اخوي اتأكدت من دمعتك كلشي اعرفت

چنك تروح الموتك

****

يا بويه گلبي منلچم ما حاجه تحچيلي ابد

اول علامات الذبح بانت لمن مهرك گعد

إصعدته تقره البسمله يصهل وحس گلبه انمرد

من فوگه يدري بكربله يوگع عله اترايبها خد

من يدخل بصدرك سهم بي تنشغل چفينك

تالي تطيح اعله الارض تتسند اعله جبينك

ياهو العينك لو طحت من دمعتك كلشي اعرفت

چنك تروح الموتك

****

كلشي اشوفه بناظرك والوانك الوان الحزن

هيكل صرت من الالم يم هودج ارقيه تون

يل ماخذ اختي بهالسفر شمعناها تحضنها حضن

اتصعدها بس مالك گلب وشفتك تصد اعله الاذن

خايف عليها هل كثر چا المن اموديها

اختي بسبيها تنضرب تتسلب انا ادريها

ويايه تبقه مقبلت من دمعتك كلشي اعرفت

چنك تروح الموتك

****

ما كاسر اگليبي الهجر وانته ارفضتلي مطلبي

الكاسرلي گلبي عمتي اتحمّل يبويه بالعبي

ها چم عبايه تحترگ وچم خيمه يحرگها اجنبي

هاي العظيمه ام الخدر معقوله باچر تنسبي

هواي العبي ويجري الدمع والكافل ايصعدها

چن الچفوف مگطعه بزنوده ظل يسندها

حرمه انسبت عدنه شوكت من دمعتك كلشي اعرفت

چنك تروح الموتك

****

عندي سؤال بخاطري ماخذ حصيره اليا سبب

اتصلي عليها بالدرب ؟ لو تستراح امن التعب

شو صوب الاكبر ناظرك وبيك النفس حيل انسحب

چن تدري يتوذر علي وموته اعله عيناك انكتب

يابس لسانه وينذبح يا حسرتي ايوذرونه

وانته وبو فاضل ركض بالمصرع اتلمونه

يا ريت انه گبله متت من دمعتك كلشي اعرفت

چنك تروح الموتك

****

مأتم انصبه بروحتك من هسه اقره الفاتحه

بس اول اقراها الي تذبحني والله النايحه

ملچ المنيه مستعد يابويه مرني البارحه

گتله اخذ روحي بعجل ويه الاهل ما رايحه

گِلي اعيش اليا سبب عمري شنو من دونك

تسوه الحياة ودنيتي بس نظره من اعيونك

حيل انا هسه اتعذبت من دمعتك كلشي اعرفت

چنك تروح الموتك

****

الشاعر اياد الديراوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

للعباس ع

عايشه ابالي صور رايه تبچي اعله النهر

يمها عباس الگمر بلايه چفين

****

اتخيلت چن راية الكافل تشوف

ونايمه اعله الخامه انواع السيوف

هيه عدله وكلشي ميت بالطفوف

ما اظنها تدري ميتات الچفوف

ناشغت وتمايلت كلشي ميت مادرت

للمخيم عاينت إلحرم وين

****

تبچي ظلت والخيام ابلا عيال

عالترب شافت بقايه امن الحبال

انتبهت وجثه ابكترها اعله الرمال

منهو هذا الدمه من ازنوده سال

الرايه لمن شافته الصدره حاظن جربته

ابو فاظل عرفته هذا اخو حسين

****

امزگه وعل كافل الرايه تنوح

حاولت رادت تگعده وما تلوح

تحاچي چفينه وتجاوبها الجروح

الچفوف امدده وما بيها روح

البشداد امجربه عالرمال امتربه

بالدموم امخظبه وتجري نهرين

****

نظرة اعله العلگمي بنظرة عتب

يانهر مات الكفيل انته السبب

چا خدر ام المصايب من سلب

ولا شمر للخيمه يم زينب گرب

يانهر شفت الشمر بالفواطم ظل يجر

وسمعت ام الخدر هاج الاونين

****

ظل يحاچيها النهر كفي العتاب

يكفي عباس الگمر هذا المصاب

أنگلب يالرايه اتمنه تراب

بجربته الماي انگلب كله خظاب

راد يرجع للخيم لاچن العسكر هجم

انصابت الجربه بسهم وثاني بالعين

****

الشاعر اياد الديراوي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

قصيدة في خدمة سيد الشهداء ع

      يا أمـيـري وآنـه عـبـدك

      وعمري منذور لخدمتك

شـگـد چبيـره خـادم يـسـمـونـي       

شگد چبيره بعابس يـشـبـهـونـي

                    *—————*—————*

افتخر بــيـــــن المَلَه خادم اصـيـر

واسمي الصغير يصير شگد چبـيـر

والله والله اليخدمك يــصبح أمير

والخدم غــيـــرك يظل بالـذل فقير

         هـذا دربـي وللنهايه

         اختم ويــاك البدايه

   شعندي غيرك اخدمك بعيوني    

   شـگـد چبيره بعابس يشبهوني

                    *—————*—————*

انت التوصّل العبد ارفـــــع مقام

انــي عبدك وابعث عليك السلام

بهيچ خدمه وين احصـل احترام

راسي عالي وچني مـرجـع للانام

        انت دينـي والعقيده

        فازوا الصاروا عبيده

   بهالشعيره الـوادم يحسدوني   

   شگد چبيره بعابس يشبهوني

                    *—————*—————*

انـت انـســان ومـلـك كـلـش حـنـون

حقي احبك واوصل لـحـد الـجـنـون

مالي غيرك يالحبيب احسبني جـون

دمعه عمري بمجلسك فــوك الجفون

       يالحبيب ودنــيــــا شفتك

       بروحي عاش وما تـركتـك

    صرت اسيره وحبه صار جنوني    

    شكـد چبيره بـعـابـس يشبهوني

                    *—————*—————*

الله يدري بحبه عـابرهـه الــحــدود

تبقى ديني وقبلتي ومعنى السجود

بـــلا نـهايـة وقصّتي قصت خــلــود

ابتعد واشـتـاق الـك والـحـب يــزود

          يا حياتي وسر كياني

          شرفتني وعــبدك اني

      والله حيره شحچي للـ لاموني    

      شگـد چبيره بعابـس يشبهوني

                    *—————*—————*

بكل محرم ألهج بــذكــــرك واعـيــد

بگلبي ولسانـي رفـعت اسمك نشيـد

انـي مـن دونك عدم عمري شـيفـيـد

تملكت روحي وصـرت حبل الـوريـد

        هيّمتني ودمعي جـاري

        يـالـلـي حـبـك افتخاري

   وين اديره شوفي وانت عيوني    

   شگد چبيره بعابس يـشـبـهـوني

                    *—————*—————*

ظلمه دربي بالدمع شفتك صباح

صعبه مثلك راسك تشيله الرماح

تنزف عيوني بكثر نزف الـجـراح

حالي حــال الطير فــاگـد للجناح

       ويــبقى عهدي وللمنيه

       بدمعي اواسي للزجيـه

   كِلّه غيره ما يخيب ضـنـونـي    

   شگد چبيره بعابس يشبهوني

                              *—————*—————*

✍ بقلم خادم الحسين ع

     الشاعر رعد الچريخي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

(( يا لايمي ))

  .     خـلـيني وحدي ابعالـمي

       بـسّـك بــعــد يـا لايـمـي

افــهــم كـلامــي واسـتـمـع زيـــن

نـاذر حـيـاتـي لـخـدمــة حـسـيـن

                    *—————*—————*

هـذا طـبـعـي وهـذا وضـعي عـمـري خدمه

كـل حـيـاتــي لـحـد مـماتـي فـدوه لٱسـمـه

شلون اعوفـه ودنيا اشـوفه ابعيني رسـمـه

مـن خـدَمـتـه جَـنـه شـفـتـه و كِـلـه رحـمـه

       امعاهـد ابطـول الزمـن

        لمصابه خـلـهـن ينعمن

فـدوه لحبيبـي عيـوني الٱثنين

                    *—————*—————*

مــالـي غـيـره صــرت اسـيـره وجـاهـي مـنـه

رحـمـة الــرب وصـفـه يصعب احسيني جـنـه

ابـكـل قـضيـه ايـظـل عـلـيــه خـيــمــه چـنـه

مـنـه عــــذري عــــاجـــز ادري شحـچـي عنـه

       لـحُـبـه مـاعـنـدي شـرح

        لمصابـه عايش بالجـرح

شـفـتـه الصلاة والـقـبلـه والدِين

                    *—————*—————*

مـنـي تـتــعــب گـلـبـي يـلـهـب مــــن اذكـــره

ابـچـي سـكـتـه لـــــو سمـعـتـه النـاعي يـقـره

عوفـه وامـشـي المنطي كلشي ومنطي عـمره

ابـكـل مــحـــرم نـومـي يـحـرم ربــــــــي ادره

        اتـخـيـل واجـري الدمع

        الناعي يـنـعـه واستمـع

يـا روحـي بـالـچ لـحـظـه تنسين

                    *—————*—————*

ابــلا نــهــايــه الـخـدمـه هايه كلشي تـسـوه

شـگـد اجـلـهـه ونـــاذر الــهــه روحـي فـدوه

گـبـلـي عـابـس شـگ مـلابـس هـيـچي سـوّه

ومـن عـرفــتـه ابـالـي عـفـتـه احـلـه قـــدوه

        احسيني يرخصله العمر

        مـاعوفه لـو دربـه جـمـر

هـوّه الـيـقـدّر تـعـب الـسـنـيـن

                    *—————*—————*

اســمــي عــلّــه وحُـبــه خَـلـه جـمــره بــيــه

الـخـدمـه اماني وافـخـر آنــي بــهـالــهــويــه

شـفـتــه دمـعــه وشفته شمعه ايـضـوّي لـيـه

راســي عـــالــي الـون حـلالـي ابـكـل عـزيــه

     أسَمـع مـلامـه ومــا اهـم

       يـا لايـمـي زيــن افـتهـم

غــيــر الـيـلـوم ابـمـرّه مـرتـيـن 

                    *—————*—————*

كـلـمـه وحـــده الـروحي عـنـده شلون اعوفه

اغـفــه وأحـلـم امخـضب ابـدم چــن اشـوفـه

احسيني رحمه ابـگـلـبـي اسمـه انخط حروفه

ابـچـي وحــدي وحـزنـي يـبـدي اشـمـا اطوفه

        لـغـيـره چـفـي مــــا امـد

        اتـشـكـر واقـــره الـحـمـد

بــس لـحـبـيـبـي وقــرّت الـعــيــن

                    *—————*—————*

✍خادم الحسين (ع)

الشاعر رعد الجريخي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

(جرح خادم)

تـرف يـحـسـيـن اعـرفـنـك

وصــدرك يــشــبـه الــورده

داســوك الــعـشــر عـمـيـان

ويـن الــرحـمــه مــاعـنــده

والـخـيـل الـتـدوس اعـليه

مــرد صــولاتـهـه اتــمــرده

بحوافرهن خـذن جـسـمـك

أضــن اعــيـونـهــن رمــــده

أشــوفـك دامــــي ومـتـرب

الـحـوافــر تـاخــذه اتــــرده

عـلـيـك اتـگابـلـن يـحسيـن

مـودوسـت فــرس وحـــده

صـرخـت بـصوت عـوفـنــه

هــذا الــمـصـطـفـى جـــده

أصــد لـشـفـافـك الـترفـات

وأثـار الــعــطــش بـــعـــده

ذلـيــت الــنـــهـــر والــمـاي

يـــــــوم الــــدمــك أتـبــده

تـمـنـيـت انـسـحـك ويـــاك

وانـهــار الــصــبــر حــــــده

                    *—————*—————*

✍خـادم الـحسيـن ع

الشاعر رعد الجريخي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

(شعار الحب)

ولائيه

يـخـيـمـتـنـه الـچــبـــيــره   حسيـن يحسين

يـــجـــامـــع هـالـعـشـيـره   حسيـن يحسين

                                *—————*—————*

يـهــالــكـلــمـة الـــوحـيــده     حسين يحسين

الـمـحـب صــارت نـشـيــده     حسين يحسين

فـــقـــط اسـمـك قـصــيـده     حسين يحسين    

شـــعــار انـــحـــب نــعـيـده     حسين يحسين

الـعـــمــــر يــمــك نـــريـــده     حسين يحسين                   

                                  *—————*—————*

يَـمـن بـــيـك افـــتـــخــرنـه     حسين يحسين

الـك يــرخـــص عـــمــرنـــه     حسين يحسين

خَـــــدم لـٰـكـن كـــبــــرنــــه     حسين يحسين

مـلـوك الـــدنـــيـــا صــرنـــه     حسين يحسين

يـــبـــو الاكـــبـــر ذخـــرنـــه     حسين يحسين

                                  *—————*—————*

يـسـر حـــبــنـــه وهـيـامــه     حسين يحسين

شـــرف هـــاي الـخـــدامــه     حسين يحسين

لـحَــد يــــوم الـقـــيـــامـــه     حسين يحسين

تـــره الــعـــافــك نـــدامـــه     حسين يحسين

ابــــد مـــا يـعـلــه هـــامـــه     حسين يحسين

                                *—————*—————*

و حـــگ الـلــه ونـــبـــيــــه     حسين يحسين

تـظـل انــتـــه الـــهـــويــــه     حسين يحسين

أو يــظـل اســمـك قـضـيـه     حسين يحسين

عـــمـــرنــه الـكـم هـــديـــه     حسين يحسين

فـــده لــدمـــعــــة رقـــيـــه     حسين يحسين

                                 *—————*—————*

فــخــر بـــس لـلـــغَـــيـــاره     حسين يحسين

يـأجـــمــــل كـــل عـــبـــاره     حسين يحسين

بـــقـــه الـخـــادم شـــعـــاره     حسين يحسين

هـــتـــف لـــيـــلـــه ونـهــاره     حسين يحسين

الـك دمـــعـــــه ايــتــجـــاره     حسين يحسين

                                   *—————*—————*

عـلـى الـخـدمـه أنـجـمـعـنـه     حسين يحسين

نــــدگ ويــهــل دمـــعــنــــه     حسين يحسين

ايـخـسـه الــعــنــك مـنـعـنـه     حسين يحسين

عـشـگ هـــذا ابـطــبــعــنــه     حسين يحسين

نـــذكــرك لــــــو ســمــعـنــه     حسين يحسين

                                   *—————*—————*

✍خادم الحسين ع

الشاعر رعد الجريخي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((انفاسي))

ابا عبدالله .. انفـــاسي

اباعبد الله .. احـساسي

هوى العشاگ اشمنه

بيـتي وديـــرتي وناسي

مّدلينه بدروبـــك نروح

وانفاســك علينه

مبچينه بمصابــك ننوح

حُبك مالي أدينه

هيمنه بعد ردنه جـروح

للخيـمه الحزينه

كربٌ بلاء .. العشگ الصدگ الضمه الحرگ

كربٌ بلاء .. الدمع الشمع السحـــگ الضلع

كربٌ بلاء .. السبي النبـي الســــــتر العـبي

أباعبدلله …

“””””””””””””””””””””””””””””””””””””””””

ابا عبدالله .. تچايه

ابا عبدالله .. مشايه

هوه حسين ابو الموكب

والعبـــــاس ابو الـــرايه

ابو الرحمه وأنه امشيله وازور

وخطـواتي قصيده

شلــــون انسه ابو اليمه الغيور

عشگي وهوه اريده

هــــوه بكيــــفه كل داير يدور

بيده وكلـشي بيده

اهل السماء .. حَبتك عرفتك بالعشگ رادتك

اهل السماء .. نادتك شافتك بالمشي زارتك

اهل السماء .. ترتجي بالبچي زيارتك هم تجي

أباعبدلله …

“””””””””””””””””””””””””””””””””””””””””

ابا عبد الله .. دليلي

ابا عبد الله .. خليلي

حنين ومادلي جفوفك

وهوه اتكفــل بحيـــلي

يحاضني مثل طفلك حنين

عجــــبني حنانه

جونك ياعشگ گلبي حُسين

والخدمه بضمانه

يماخذني بدرب دمعه وانين

ويرفرف لوانه

عشقاً ولاء .. بس الك والهلك سيدي وأسئلك

عشقاً ولاء .. حسرتي رايتي من ترف غايتي

عشقاً ولاء .. للأبي موكبي دمعتي للسبي

أباعبدلله …

“””””””””””””””””””””””””””””””””””””””””

ابا عبدالله .. حبيبي

ابا عبدالله .. طبيبي

عبد وأنــدار لعيونك

عشگك صـار ترتيبي

يالموهسني بالدروبك مشيت

مغرگني برحمتك

يــالمغطيني بــالرايه وغفيت

شامــلني برئفتك

بِصّباي وعلى الخــدمه ربيت

معليني بخدمتك

انت الحبيب .. الاولي الازلي وبالصبر يا علي

انت الحبيب .. قائدي مهتدي للوكت سرمدي

انت الحبيب .. صاحبي مجلسي وانه اضل عابسي

أباعبدلله …

“””””””””””””””””””””””””””””””””””””””””

ابا عبد الله .. يـــــلمنه

ابا عبد الله .. مجلسنه

هواي نروح عن دربه

بس هـوه ترى يحبنه

يــــالمخليني بعيونك اكيد

مغطيني بعباتك

يالمربيني ياعشقي الوحيد

وشاملني بغلاتك

يالموديني ازورك من جديد

جميل وحلاتك

بگبرك اشوف .. دمعتي غايتي من اطب منيتي

بگبرك اشوف .. فـــاطمه محزمه وتدعي للسمه

بگبرك اشوف .. بــالزمن يــامحن ياجرح بالصحن

أباعبدلله …

عبد زينب

محمد الابراهيمي

اللهم صل على محمد وال محمد وعجل فرجهم

ـ

السلام على الحسين ابن علي ورحمة الله وبركاته

ً

ــــــــــــــــــــــــــــــــــــــــــــــــــــــــ

((راياتهم))

عَلى راياتهم كتــــبو عشگنآ

نموت ولا نعوفك يا حسينآ

ثــــوب أمفصل أعلينه المنيه

حلوه الموته بأرض الغاضريه

حسينا … حسينا

“””””””””””””””””””””””””””””””””””””””””

تِبعتـــك بــــــالرخاء وما عفتني

اعوفك ليش چـــــا المن جبتني

(جون) يگول اموتلك الف موت

يــــالمَوِتني بيـــك وســــودنتني

متت حبــــــك رماني

براسي وجـــــر كياني

وصرت حسره بزماني .. حسينا

العشگ مو چلمه أگوله

ولا هــــــوه بســــهوله

العشگ عين الــرجوله .. حسينا

صار جناح عـندي يوم ضگته

حبــك هيـــماني مـــن لمسته

لعيونك حبيبي أگطـــــع اديه

حلوه الموته بأرض الغاضريه

حسينا … حسينا

“””””””””””””””””””””””””””””””””””””””””

وحگ شيب الرمـش ثم الحواجب

لــتــگـــلي چــبـــير وانــته شايب

بخلگّ الشاب اجيت وتــوه عريس

(حبيب) ايگول افــرهدها الكتايب

بلاك العيشه صعبه

بلاك الـــموت غربه

الماي شلون اشربه .. حسينا

بـــس بـحـبــك اهـتم

عشگت السيف والدم

مـــن تــگــلي يـــا عمّ .. حسينا

أطــيــر من الفرح من تحچي وياي

صدگ عطشان بس انسه شكو ماي

شگد فرحان اذا نوگف سويه 

حلوه الموته بأرض الغاضريه

حسينا … حسينا

“””””””””””””””””””””””””””””””””””””””””

هــيـــام الـــشوگ موتني بهيامه

وحاسر راسي اجيت أبلا عمامه

صــليــبي كــتريــته يـــا حسينا

وحــــبـك صـــار لــلدين العلامه

(وهب) مولود توه

بس بالــحب تلوه

وما يدري وتچـوه .. حسينا

العرس عافه بسباته

وأجه أتلمه بشــتاته

غله ورخص حيــاته .. حسينا

عيسى يگول محتار بزماني

حب حسين هم مثلك چواني

تـــمنيت الــذبح هاي المسيه

حلوه الموته بأرض الغاضريه

حسينا … حسينا

“””””””””””””””””””””””””””””””””””””””””

خــجــل كل العمر جبـته بضميري

عفت أمرتهم وصرت انتــه اميري

أنه (حر ) وصرت عبدك يالحسين

عليـك الزهره حـددلي مـصـــيـري

يحـبك احلا مسكن

اجيت وأمتلك ضن

تـقبل نوحي والون .. حسينا

مــــا معروفه تطرد

ولا رديـــت وتـــرد

اريد بـحبك أسجد .. حسينا

حبك جَنتي مـــو قصدي جنات

المات ايضيع بس وياك ما مات

اقبل عــــذري مشيت الزجيه

حلوه الموته بأرض الغاضريه

حسينا …. حسينا

“””””””””””””””””””””””””””””””””””””””””

سـفــر ومـتـاعــنــه حــب ومــــناحر

الــيــضـــيع من الدرب ينسونه باچر

وشـديــنـه اديــنــه بــــــأيد الحسين

اليموت اعله الخيم محـسوب شاطر

المخيم دين عالدين

عـبــاده لــــلمحبيـن

والتسبيح يحســين .. حسينا

الـمـخيم عـلةّ النوح

اليلومك گله مذبوح

المخيم روح بالروح .. حسينا

مــدد هـــاي المـجالس للمخيم

ثوره من العشگ تصرخ محرم

وثوره من الدمع لجل السبيه

حلوه الموته بأرض الغاضريه

حسينا … حسينا

عبد زينب

محمد الابراهيمي

جميع القصائد منقولة من قنوات منبريون على التليجرام