مجموعة قصائد مكتوبة بمناسبة استشهاد الزهراء عليها السلام
قصائد استشهاد الزهراء عليها السلام
لسان حال أولاد أمير المؤمنين (عليهم السلام)
بعد إستشهاد أمهم الزهراء (عليها السلام)
…………………..
چـنتـي گـبـالنـه ابـلا ويـن نلـگـاچ
وبـلا ما نـسـأل إعلـه النـيه تدريـن
وتـدارينـه رغـم مكـسـورة ضلـوع
ولِـوْ گـلـنـالـچ ارتـاحـي تـروحـيـن
تخـبـزيـن الخـبـز للـفـقـره نـدريـچ
عـنـدچ راحـه إلـهـم مـن تـوزعـيـن
ومثـل الضـوه بكل البيـت نـلـگـاچ
بنـفـس الوقـت يـم الكـل تگـعديـن
ياهـو الينـوي يـمـچ يگـصـد يـروح
يـشوفـچ يَـمَـه گـدما بي تِحسِـيـن
وهـسـه نـروحلـچ ونـصيح وانـوح
ونطيـح اعلـه التـراب ومـا تِـردِيـن
الگـبـر ما بـي مكـان ونگـعـد ويـاچ؟
ويـاچ نـريد نبقـى وبلكـي ترضيـن
أبونـه المـا نظـرنـاه يـوم مـكـسـور
يگـضي اللـيل يُمـه بـدونـچ وِنـيـن
رجـعي ازغار كلنـه وجرحچ چـبيـر
وأكبـر جـرح من نحچي وتسكتيـن
نـشـوف الإمــهــات كـبــار وبـخـيـر
وانتـي زغيره بعـدچ ليش تمـشيـن
بـس البـاب والبـســمــار صـعـبــات
حـگـچ يُـمـه مـنـهـن مـن تـمـوتـيـن
أحمد البصراوي العبادي
قصائد استشهاد الزهراء عليها السلام
(كربلائي)
باجر للزجيه نروح…. لمن يظهر الموعود
ونقيم العزاء هناك… ويصعد يقره الرادود
****___
باجر يظهر المهدي… وعله المخفي يدلينه
يله كلنه خل نمشي… يصيح بصوته مهدينه
وجمعتنه بظريح حسين… ونرفع رايه بيدينه
نزور حسينه ونمشي
وابد ما نهتم الكلشي
يشيب من الدمع رمشي
أفواج احنه من نطلع…. كل خطوه عددنه يزود
****___
مواكب نلكه منصوبات… وكلها تخدم الزهره
هذا بيده يطبخ زاد… وتاكل منه الفقره
وَهذا اللي يوزع ماي… ومنها يطلب النظره
وملائكته السمه ترحب
هلا بيكم تظل تندب
بعددنه تنترس يثرب
وجبرائيل هم نلكاه… يخدم بالصحن موجود
****___
حلم كل عاشك بهاليوم…يطب ويلزم شباج
ويزهره انتي كل محتاج.. تنطينه اذا حاجاج
يمته هالحلم يصير… يل بالشده هم نلكاج
نريد بصحنج احنه نطوف
يام الكرم والمعروف
وحك فظلج الما موصوف
الصابر واصل لحد حده… يمته يرجع النه الزود
****___
اللي عاداج يالزهره…باجر هوه يتندم
ينادي بصوته ابوصالح.. تحظرو يله للماتم
بنص الصحن خنقيمه…مجلس والدمع من دم
يرتب بالعزه المهدي
وبالقران من يبدي
ويكلج هذا الج وعدي
وأنواع الحظور هناك… الوعد للمهدي ظل مشهود
****___
وبعد ما ينتهي القرآن…. يحاظر يصعد القائم
يحجي اللي جره والصار … عله امه بالحزن فاطم
وي كل كلمه هوه يصيح…العنو بحبها كل ظالم
وسيد جاسم الينعه
(انه جويعده) نسمعه
وصوته تباركه البظعه
يذكرنه بظعون حسين… بصوته نرجع احنه اردود
****___
وعبد الرضا هم نلكاه… يصعد يقره كعديه
وكل اهل التراث هناك… كلمن يقره لطميه
حمزه يقره عل ميمون… وتصير شلون روحيه
ويصير اللطم عالراس
ويحظر بالعزه العباس
وبزنوده يروي الناس
وعابس احنه ننظرله… بنص ذاك العزه شادود.
****___
منتظر صالح الكعبي
قصائد استشهاد الزهراء عليها السلام
قصيدة لشهادة الزهراء ع
(الحسين والزهراء ع)
چلمة يمه. خنگت نحره. ويحاچيها
تحچي دموعه. وطلعت روحه. يم رجليها
بچه ويصيح اسم الله
………..
ابنادم يحس بشبابه. دامت امه كبال عينه
ويكبر من تموت امه. ويركض الشيب بسنينه
توجع الشبكه الاخيره. والوداع اويه الحنينه
من تموت بحضنك امك. جروحك تحسهن ضعينه
گلب. المتروس احساس تودعه
تحس. بروحك ماتت چم شمعه
تموت احلامك. ظلمه ايامك. من تنعاهه
شيعك روحك. بنعش همومك. ما تلگاهه
الكلب. حزن لو صله
……….
شكد معاناتك چبيره. وما كضت يابو رقيه
من لكيت البيت صافن. تصيح يمه وسكته هيه
ليش يم رجليهه كاعد. فاطمه شبعت اذيه
يم صدرهه تخاف تكعد. تدري مكسوره الزچيه
وكت. الچانت ها يمه شلونك
مشت. وظلت دمعات عيونك
لا تلچمهه. من تشبگهه. ضلع مهشم
لتقبّلهه. خاف السطره. تنزف بالدم
الصبر. يبو عبد الله
…….
عازة الخوان عازه. وصاح مايرحمني دهري
المحسن شكد انتظرته. ردت اشوفه حزام ظهري
من العطش لو احلفلهم. يفزع بماي اعله نحري
ولو طحت جوه الحوافر. يلم بديه ضلوع صدري
نحر. بالبسمار مصوبينه
علي. ظل بس دموعه بعينه
مات بعصره. وباب اندفعت. وامي انهظمت
والحساسه. كبالي انضربت. بدمهه تحنت
انهظم. عجب ستر الله
…..
والدي جمعنه يمهه. وصاح امكم بويه ماتت
بكثر مامتعوده زينب. يم حضنهه الدافي راحت
كوه من امي خذوهه. من الزغر مسبيه صارت
صار اسم زينب يتيمه. وبعد ما ساعه استراحت
دمع. غرّك شيبات الوالد
النفس. بالهم ظل نازل صاعد
يا ام بيتي. من عفتيني. كلچ صعبه
حين اليمشي. مشية شايب. عاش بغربه
دفن. گلب عشك الله
……..
الماتبره من الظلمهه. لايدور عالشفاعه
اللعن واجب عليهم. اربعه وعشرين ساعه
اني ما احب اليجامل. واليحب يرفع شراعه
انه الحسين واريدن. شيعتي سمعاً وطاعه
سلام. عالخدام الواسوني
سلام. والعالزهره يعينوني
يوم المحشر. خل يتبشر. خادم امي
متظل حيره. ياخدامي. وهمكم همي
وعد من الله وفضله
………..
نسألكم الدعاء
حسين صادق العقابي
قصائد استشهاد الزهراء عليها السلام
هجموا عليه آنه الزچيه
بس مــاغفت عين النبي جتني الصحابه
يم داري ڪلها اتجمّعــت مثـــل الذيابه
بيت الله بيت المصطفى وحرگولي بابه
ڪلمن ضلـــمني بالحشر شنهو جوابه
شفت الاذيه آنه الزچيه
چـــان الوحي يستــــــأذن وبــابي يدگه
وذاكه اجه ويصرخ ( وأن ) بيده يحرگه
واضلوعي مـــن اتڪسرت اسمع الطگه
حتى الهـــــوه يخنگني لمن گمت اشهگه
اصفج بديه آنه الزچيه
تم ارتكاب ابشع جـريمه ابلا عداله
آنه ابني صـار اول طفل تم اغتياله
صـاحب محــمد النبي بــان احتياله
يبريله ذمـــه والـــدي والله استحاله
أوگع ضحيه آنه الزچيه
لو ما محمد وصه والزهره الشريفه
چا ســـرفن اردانه علي يوم السقيفه
چا شفتوا چتال العــرب بيمينه سيفه
مايبقه ثــاني وثــــــالث واول خليفه
يل جاهليه آنه الزچيه
ثار الضلع باقي الى يـــــوم القيامه
اخر سلفنه وخـاتم انـــــوار الامامه
ابأخر زمـــن يظهر ويعــلن انتقامه
وهاي المواكب واللطم اكبر علامه
يل جعفريه آنه الزچيه
من يظهر الثار الضلع يبذل جهوده
يهل المواڪــب واللطم انتم جنوده
للمهـــدي جيشه انتم وانتم اســـوده
وهنــياله للخـــادم اذا يثبت وجوده
يهل الحميه انه الزچيه
وليد المندلاوي
قصائد استشهاد الزهراء عليها السلام
قصائد استشهاد الزهراء (ع) قصيده بحق الام
قصيده رئيسيه
……………………………………………………
خيمه الحـــب والحنان
اختفت من هذا الزمان
راحت ام گلـب الحنين
بدونها وحشــه السنين
……………………………………………………
امــــــي خيمـــه ودومها تفيي علينه
طيبه امــــــــي والله ياناس وحنينه
تزعل امـي والله لو احنـــــــه بچينه
دورنا بالــدنيا مثلها ومــالگينــــــــــه
بالكون مثلچ وين اكوا
چنتي ام النـــه وابـــوا
نلگـــــه مثلچ بعد وين
راحــت أم گلب الحنين
……………………………………………………
الموت مستعجل على امــي وهالخذاها
راحت امـــي وروحــي هالراحت وراها
گلبــــــــي ياهالناس مالحظه نـــــساهـا
خلصت عمري انـــــه بس اطلب رضاها
راحــــت امــــــي راحت
دموعــــي عالخد طاحت
ابچـــي وتهمل العيــــــن
راحــــت ام گلب الحنين
……………………………………………………
الموت ياوسفه خــــــذاها والله أمنه
بعـــد حضنچ ياحضن يمـــــــه يلمنه
الزمـــن بعـــــدچ والله يمه مارحمنه
راوانه حســــرات وقهر كلش هظمنه
المـــــــوت كلش قاسي
ماخــذ اغلـــــــى ناسي
خذچ مــن أيــدي البين
راحــت ام گلب الحنين
……………………………………………………
يمــــه اقســـــم والله أبداعت غلاتچ
بگلبي مالحظه انمحـن كل ذكــرياتچ
بغرفـتچ ادخل وبيـــــدي الزم عباتچ
اتذكرت وگفتچ يمــه أنـــــه بصلاتچ
بالصــــــــلاة وبالدعـــاء
تتوسل بـــــــرب السماء
تدعـــي ربـــــي العالمين
راحــــت أم گلب الحنين
……………………………………………………
راحت أمـــــي وصارت الدنيا حزينه
الموت ماخـذها وبعـد ماتـــــرد ليـنه
شكثر مانبچي عليها احــس ماوفينه
أيتام بغيابچ ييمــه احنه هل ضلينه
الفارگ أمــــــــه شلونـه
عن حالــــــــه لتسألونـه
عمــــره يخلص بالونيـن
راحـــت ام گلب الحنين
……………………………………………………
الفاگـــــد أمـــــــه يكون الله بعونـــه
تصير عميه مــــن البواچي عيونــــه
العدلــه أمـه بهل الوكـــت خيعونـــه
بضيج لومـــر يلگـــــه أمـــــه دونـــه
الفاگــــد أمــــه هيهات
يــرتــاح واللـه لحظات
يعيش كل عمره حزين
راحـت ام گلب الحنين
……………………………………………………
الشاعر عماد محمد الدراجي
الاحد 2021/12/5
زينب مصيبتهه مصيبه زينب مصيبتهه مصيبه
طفله بدمـــع شافت ضــــلع لأمهه بغـــدر من ينكسر
سمعت بجي صيحه وحجي وخد فاطمه بجف ينسطر
ناحت بجت ونت شـــجت علويه تنعـــه امن الزغر
شبعت هظم نوح ولطــــــم أم الحــــــــزن أم الصبر
تنعه المواجعه نحيبه زينب مصيبتهه مصيبه
*
نار ولهــــــب جمعو حطب ومجمعه ناس الغـــرب
تنظر كــــــفر بذاك الظــهر رادت على الوالي تطب
ذاكه الدفــــع هذا الصــفع وعين الزجيه تنضــرب
شافت جـــرح دم منســــفح وطايح طفل فوك الترب
من دمه جفيه خضيبه زينب مصيبتهه مصيبه
*
وي فاطـــــمه متألـــــــــمه ابيت الحـــــزن متعلعله
مات الامــــل منه ورحــل ودمعه الجرت دم سايله
ضاك الهـوى شال الضوى وعطر الورد من منـزله
بثوب الحـزن تنعـه وتـون لبســت ســــــواد امشيله
طفله ومدامعهه لهيبه زينب مصيبتهه مصيبه
*
متيتـــــــمه متلجــــــــمه ازغيره العمــــر متمرمره
جاهـه الألم بأول ســــهم صوب ضلوع الطـــاهره
امهه مشت ويلي ارحلت سكنت وســــف بالمكبره
شاب الكلب موقف صعب زينـــب حزينه امحـــيره
تبجي اليشاهدهه غريبه زينب مصيبتهه مصيبه
*
تدري الدمع ماينكــــطع عكب الزجيـــــه ام الحسن
باجر أشــــد واكثر بعـــد تبدي المصـــايب والمحن
مات الصبح لاما يصــح سـود اليالــــــــــي هاللفن
سيل الكـــدر غـيم ومطر راح الخدر شال الضعن
حست نوايبهه قريبه زينب مصيبتهه مصيبه
حان الســهر حل القــــهر من شالو الزهــره ابنعش
ضاك النفس كامت تحس من هسه هالكلب انخمش
ضيم وبـــله الحــد كربله باجر ذبـح باجــر عطش
باجر ســبي بيد اجنــبي والاصعب ابليل اهدعش
باجر مصارعهه تريبه زينب مصيبتهه مصيبه
*
أبو علي الركابي