مجموعة قصائد مكتوبة لمولاتي الزهراء عليها السلام بمناسبة استشهادها قصائد استشهاد الزهراء مكتوبة

قصائد شهادة فاطمة الزهراءع

القصيدة الأولى

بين امصابه وبينج الله ايعين حسينج
من تغمض عينج يايمه يايمه

حنيت ورجف كلبي وصارت راحتي الونه
اذا منج ظلع كسرو حسين الخيل داسنه
اذا صاب الضلع بسمار حسين اسهام صابنه
ما يكدر اخيي ايكوم حرت اشلون اكومنه

كل ساع ايسحكونه وبالخيل ايرضونه
والدم اعله عيونه يايمه يايمه

الج حيدر لمن عصروج واخوي حسين اله الله
اذا عالكاع صليتي حسين اعله الرمح صله
اذا محسن اكبالج مات ذبحو بيده عبد الله
شرب دمه ولذيذ الماي كام ايصيحله اسم الله

ست اشهور اوليده واشكد فرفح بيده
منه الماي ايريده يايمه يايمه

اذا حركو عليج الدار حسين اخيامه حركوها
واذا مو يم علي ضربوج زينب يمه ضربوها
شفتيلج اخو امن الخيل حته اثيابه سلبوها
شفتيلج مره بهل الليل تباري ايتام خلوها

راحو مني اخواني ودهري اشكد سلاني
شيخلصها احزاني يايمه يايمه

عله امصاب الغريب حسين نارج تسعر وناري
عفته بخطة الميدان امسلب والجسد عاري
كلها اتجفنت وحسين بالطف جفنه الذاري
ومن كد ما ابروحه اجروح يقبض روحه اجه الباري

ملك الموت اتعذر لمن شاف المنحر
بدمه حسين اتعفر يايمه يايمه

اقارن بينج وبينه وعالخد دمعتي اتلالي
اذا نفرض نسيت حسين اشيمسح رسمه من بالي
شفت بالدنيه كلشي ايموت من ايسافر الغالي
مو بس الخيم من راح ضل حته الهوه خالي

جانت حلوه ايامه ماتت ليش احلامه
راح الجان احزامه يايمه

اذا امج خديجه حسين امه فاطمه الزهره
وجم مره رسول الله باس حسين من نحره
منو مثله بثواب الله كام ايثوب بصدره
احله امن الشهد اسمه ويعطر حلك اليذكره

حته الله ايحب روحه اشكد حسين اجروحه
جم ايه المذبوحه يايمه يايمه

تمت
تحسين الخفاجي

القصيدة الثانية

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

لاستشهاد فاطمة الزهراء عليها السلام على طور ( يقاروره) لباسم الكربلائي

يمظلومه شكثر عانت
شكثر منهم ظلم شافت
ولاواحد رعاها الزمن لمن جفاها
يمظلومه

ارعد على الزهره الزمن جحفل لياليه ولفه
يلچم جرح بعد الجرح لوجرح من عدها غفه
ماجاز عنها ولارحل ماگال بنت المصطفى
لملم رعيد من الغدر سجيل صار وعاصفه
القهر عجل على الزهره
سهم دمعه وسهم جمره
ولاسهم الخطاها الزمن لمن جفاها

اتبضَّع گلبها من الحزن بضعة رسول الله وصفت
تودع جرح ويرد جرح شگد الوديعه اتعذبت
ذبلت نظر عين النبي ياشمعة البيت الطفت
مات الفرح بيه وجفه وعاش الحزن يوم المشت
صفه حيدر يودعها
بهظم ينظر مواجعها
جفه الراحه ونساها الزمن لمن جفاها
يمظلومه

املاك السمه وگفت حزن لمن جره المدمع يصب
لامن رعايه ولاحفظ حال وصفه حال الغرب
جهلوا قدرها اهل الحقد شلون الارض ماتنگلب
من بيت قرآن أو وحي ومهبط رسالات وكتب
جمع ظالم وگف ضدها
وبشر حاقد سطر خدها
منع حگها ونهاها الزمن لمن جفاها
يمظلومه

وبليل مظلم تندفن حيدر ينفذ هلطلب
بهلطلب تحتج فاطمه واعلنت علسلطة الغضب
فضحت دسايس كل عدو كلمن نهب حگها وسلب
الكتبت مظامين العلم عليها الهظم ليش انكتب
على الزادوا مواجعها
ارفظت واحد يشيعها
عمد طفوا ضواها الزمن لمن جفاها
يمظلومه

مهجة حبيب الله النبي وسلوة وصيه المرتضى
عشرين ماتم العمر حسره وهظم تالي گضه
بالمحن وايام الفتن عمر الورد وسفه مضه
ياجفن ماغمض ابد بليل ودمع يچوي حضه
اسف حيدر گضه عمره
حزن دايم على الزهره
بدمع من دم نعاها الزمن لمن جفاها
يمظلومه

الشاعر حسن لعيبي الحريشاوي

القصيدة الثالثة

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

((راحت ام الحسن))

رجعت أتوچه دافن چن شبابي
اول مره أتيه حتى بابي
آنه القالع الباب
وصل لرموشي التراب

هضيمه … ام الحسن راحت هضيمه

                       **********

اشم بثوبي من تربةْ گبرها
وأصيح أحا يفاطم ياعطرها
حتى الخطوه صارت ياگصرها
ذبلت زهرتي بأول عمرها

وحشه عگبچ البيت
ما ردن تمنيت
بس عيالي يبچون
أضل عايش توازيت

المفروض آنه أدفن روحي بيدي
لان يافاطمه يابس وريدي
أبد ما احمل غياب
وصل لرموشي التراب

هضيمه … ام الحسن راحت هضيمه

                         *********

نوبه أعثر وأگومن تچوي ناري
بحيث العلوه وتغير مساري
أريد أمتون تسندلي انكساري
ياهو يگودني وأوصل الداري

أحس الحيل مدفون
يَــم حمرات العيون
أجيس بروحي ياحيف
أضن ماعندي أمتون

على الحيطان أديه وأمشي بهداي
راحت كل حياتي أمفارگ هواي
الزمن وياك العتاب
وصل لرموشي التراب

هضيمه … ام الحسن راحت هضيمه

                         *******

هينه النار بس الذكرى تچوي
أسولف ويه روحي چا شسوي
طفوّ شمعتي البل ضلمه تضوي
قصةّ محنتي الدمعات تروي

الدمع مايقبل يهيد
يدريني أنه أوحيد
الغربه بروحي تنشاف
ديره أبلا أجاويد

محد دگ عليه الباب مره
يضل بالغربه هوه الراح عمره
راحو مني الاحباب
وصل لرموشي التراب

هضيمه … ام الحسن راحت هضيمه

                      **********

يموت التنتهي بروحه المواعيد
بحيث بدمعته تشوف التجاعيد
شسوي بروحي وآنه بعيد وبعيد
أريدن فاطمه وكلشي آنه ماريد

زهرتي كون يمي
شكبره بروحي همي
مخنوگ من الجروح
ويابس بيه دمي

خيالي يروح يمها ويرد خالي
هضيمه ألي يوسد بيده غالي
حزن بالروح ومصاب
وصل لرموشي التراب
هضيمه …ام الحسن راحت هضيمه

                           ********

على خدودي رسمت چفوف أديه
وأتلوه وأصيح شلون بيه
ارد للبيت والدمعه سريه
شگلهم بالترب عفت الزجيه

أرد وأصفگ بالجفوف
وزينب حالتي تشوف
الدمع واصل للجروح
وأبثن جمره بالأوف

يزينب خدها خليته بترايب
عاد انتي استعدي للمصايب
باچر دمي أخضاب
وصل لرموشي التراب
هضيمه .. ام الحسن راحت هضيمه

عبد زينب
محمد الابراهيمي

القصيدة الرابعة

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

في ذكرى استشهاد السيدة الزهراء (ع)

يا بابي ليش اتذِبْني ؟!
و اليا سِبب تِعْصُرْني ؟!

و آنه اللي دايم تحرِسك روحي !!

زهره اسمي و آنه زهره
اتجازيني ليش ابسطره ؟!

او كل ظَنِّي جان اتطيِّب اجروحي

& & & & &

كلي يا بابي ابصراحه .. إنته مو باب الهُده ؟!

ليش هسه اتصير ضدي .. و ايسْتِغِلّوك العِده ؟!

آنه يوميه اعله صدرك .. أمسح او أنثُر نِده

ليش تجرح هذا صدري ؟! .. مني يا ذنب البِده ؟!

يا بابي كلي اشسوّيت ؟!
حته اتحَرِكـ لَيه البيت ؟!

و اتكسِّر ابخِشْباتك اضلوعي ؟!

ما هزِّتك صرخاتي ؟!
من حرّكِت عَباتي ؟!

او ما أثِرت بكليبك ادموعي ؟!

& & & & &

آنه علّمْتك يبابي .. اتصير لِلغيره وطن

او والدي يا باب كلك .. لا تأذّي امِّ الحسن

تالي أشوفن إيدك انته .. صارت ابإيد الزَمن !!

و ابِّدال اتصير حامي .. الخدري صرْت انته الجِفَن !!

بويه عليّه اشوصّاك ؟!
مو كلك آنه بحماك ؟!

ليش اهتَكِت ستري ابكلُب بارد ؟!

ليش انته ما صِرْت احجاب ؟!
من هجْمَت اعليه اَجناب

او عنّي اشعَجَب ما دافَعِت واحد ؟!

& & & & &

ما كِسَر كلبك يبابي ؟! .. ضلعي يتنازف دِمه ؟!

او من كِسَرْته ابلايه رحمه .. ما خِفِت حامي الحمه ؟!

كل غِصِن شِجْره يِعاتِب .. لنّه فِعْلك ألّمه

صاح يا باب الرِّساله .. ليش تِعْصُر فاطمه ؟!

كِل شِجْره أذاها الصار
او سَوّت عزاء الأشجار

بلكت يكفّر ربك اذنوبك

تبجي عليه لِغْصون
حد ما بُقَت إلها اعيون

و الشكوه كِلها اموَجّها صوبك

& & & & &

اتحجَّبِت بيك او دُموعي .. تنزف ابخدي نَزِف

كلِت باللحظه الأخيره .. ماكو غيرك لي كهِف

بس طِلعْت انته اعوجِيّه .. او هَشّمِت ضلعي التَرِف

او هم جِوَت إيدَيّه نارك .. او ما شِفِت جِفْنك يِرِف

إيدَيّه ذيج التّرْفات
ابنارك غِدَت مِتْحَرْكات

او تفاحةِ الجنه ابتُرُب طاحت

اشكد أذه صدري البسمار ؟!
امن آخِذ نَفَس بيْه أحتار !

و الدنيه آ يفاطمه صاحت

& & & & &

ليش يا بابي اتْرَكِتْهُم ؟! .. يكسِرُوا ليَّه الضلع ؟!

او يزرَعُوا بسمار قاسي .. ابصدري لا ما ينشِلِع ؟!

من أونِّ اشلون تقبل ؟! .. تضحك اعداي أستِمِع ؟!

او يصفعوني ابجف حقدهُم ؟! .. او خدي مو طبعه الصَّفِع

ليش اتْرَكِتْها الظِلاّم ؟!
إتصُب عليّه الآلام ؟!

او يصفعني ليش اتخلي هالجاني ؟!

يضحك صُبَح من ونّيت
او (وينك علي ؟!) من ناديت

كلي أجُر حيدر غَصُب آني

& & & & &

إللي جاب الحطب بيده .. كلي يا بنْت النَبي

إلا اَشِب دارِج يفاطم .. وَ أحْرِكِـ اعليج العِبي

إنتي ما أسبيج تدري .. زينب اللي تنسِبي

او ما يفيدِج هذا دمْعِج .. ما يِنِفْعِج تِعْتِبي

كلي أزيدن وَنِّج
بالسوط أسوِّد متنِج

او بالسطره أعميها إلِج عينِج

(أُمِّ الكتاب) ابِّسمار
أذْبَحْها يَمِّ الكرار

وَ أتْعَمّد اَجْرَح بيج اَنه احسينِج

& & & & &

خادم الزهراء (ع) : إبراهيم الدريس

[ ٠٣:٣٤ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

يالشايل الجنــازة عازتها أمنه عــازه
محد جبـــر كسرهـا
حيدر حفـــر قبرهـا

ريــض يشيـــال النعـــش تانينـــه
ويـــاك نمشـــي للدفـــــن خلينـــه
عالفركه تدري وعالهجر مابينــه
أيتـــام صرنــه والضلــع ماذينــه

منهــو بعــد يلمنه والليلة ماتت أُمنّه
عمر الورد عمرهـا
حيــدر حفـر قبرهـا

2
هــاي الجنــازة العــل متن شايلهه
بهيــده وســـط ذاك اللحـــد نزلهه
أمنــه الحنينـــة راح نشتــاك ألهه
جــم حيــل هاي الفركـة يراد الهه

مــات الأمـــل بعدهـا وازرق أويلي خدهـا
مــاينخفــــي أثرهـا
حيــدر حفـر قبرهـا

3
بـس العزيــز يــروح مــن دنيانـه
وعيونـه تظـل عالحـزن سهرانـه
امنه عمـرها اثمنطعـش ريحـانـه
ويانـه أمـس واليــوم مــو ويانـه

جفوف القدر شجاها تأخــذ الزيـــن وياها
بسمار اكو بصدرهـا
حيـــدر حفــر قبرهـا
4
هواي الزمــن ام الحســن آذاها
وفوك الزمن جف النذل صاباها
امنــه الحبيبــة الغاليـــة بت طه
دافنـــــه يالجنـــاز كـــون وياها

بيده كســـر ضلعها
فوك الكسر صفعها
ويلي بحقد عصرها حيــدر حفــر قبرها

5
الراح مــن عدنــه بعــد شيرجعه
ظلينه عل آه والحــزن والدمعة
ضاكت عليها الليلة امنه الوسعة
خلص عمرنه نبجي ونوج شمعة

دار الأهـــل غــريبة
وحشة على الحبيبة
والماعرف خبرها حيدر حفر قبرها

6
باجــر مــنو اليرحمنه ويحامينه
أيـــام ســودة باجـــر أتمر بينه
الحسـن ينســم جبــده ويجافينه
وحسين عاري والعده مقطعينه

وأم الخـــدر سبيه
وجف الكمر رمية
بيدة الشمر يجرها حيدر حفر قبرها

كربلاء المقدسة
امجد صاحب الشطري

[ ٠٣:٣٤ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

من عندي كسروا چم جِنِح .. فاطم
فـوگ الجـرِح حطـوا جـرِح .. فاطم
كلشي إندِفَن .. چنتي الوَطَن .. فاطم
ــــــــــــــــــــ
مو زينه هسّه اخباري
عايش غـريب إبداري ..كل لحظه اشم حرگ
شمسوّي يومچ بيّه
دفعوا الدنيا إعليّه .. وكلسـا . ضلع يطـگ
خلافچ علي مو طيّب
حاسب سـويّه انشيّب .. ما گِلنـا نفتـرگ
بعيوني أضمچ حالف
ضلت ابروحي إسوالف .. ولا جفني ينطبگ

ضل يركض إركاض العمُر .. فاطم
بابي انطفه وضل الجمُر .. فاطم
سنيني إنتهن .. چنتي الوطن .. فاطم
ــــــــــــــــــــ
صبري بغيابچ وشّل
مـو ذاك حيلي الأول .. گوه انگل الجِدَم
قرآنچ من أنظــرله
فاگدلي مُصحف مثله .. وآياته كلها دَم
ليهسه صوتچ بِذْنِي
امسح دمعتي إبـرِدنِي ..وترس الگلـب ألم
اقره السِوَر واتحسّــر
بصوتچ جميله الكوثر .. والكرسي والقلم

قُرآنچ الضـل ينتحــب .. فاطم
وآياته تصرخ آنـه أحب .. فاطم
وسمعته وَنْ .. چنتي الوطن .. فاطم
ــــــــــــــــــــ
گاضيها بس اتحسّر
والرحّى چي ماتفتر .. كتلتني رحِّتِچ
كلساع أصيحن بسمچ
باقي بغرفتچ رسمچ ..يالعـازه عـازِتِچ
يـا رودة الله التـرفه
يالزهره كلشي إبكفّه .. وبكفّه سطرِتِچ
محّد يسـد إمچانــچ
بس الله يعرف شانچ .. ما أنسه وگفِتِچ

من بعدچ إثگيل الحمِل .. فاطم
حيـدر ولا يشْبَـه قَبِل .. فاطم
ميّت لأن .. چنتي الوطن .. فاطم
ــــــــــــــــــــ
ما رحتي چن موجوده
وسـجادِتِـچ ممـدوده .. والتربه ما غُفَتْ
تسأل السِبحَه تريدچ
يالما تطيح من إيـدچ .. مو سبحتچ بِچَتْ
چبير الجرح ما ينْضَم
محرابچ الصـار أظلَـم .. والشمعه شو طفَتْ
كلشـي بغايبـچ خَنگه
يالرحتي عينچ زرگه .. من السطره ورّمَتْ

كون الله لا ينطي الوكِت .. فاطم
وحـدچ خَـذاچ و ما متِت .. فاطم
عيونچ غُفَن .. چنتي الوطن .. فاطم
ــــــــــــــــــــ
يم الحسين وهسّـه
حته الهوه مو نفسه .. چا شنهي عِيْشِتِي
كلشي اختِلَف من بعدچ
محّـد يزهزه يعوّضِـچ .. ويردلِي وحْشتي
خَصم الكلام العنـدي
عايش الدنيا الوحدي .. ومتاني دَفنِتِـي
بس الگبر يجمعنه
والمُلتَقَـى بالجنّـه .. وترجعلـي وَردِتِي

وين الله هيـچ ونلتقي .. فاطم
والفرگه باچـر تنتهي .. فاطم
بجنّة عَدَن .. چنتي الوطن .. فاطم
ــــــــــــــــــــ

مهدي التقي

[ ٠٣:٣٤ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

( وزن الميـمر ) للزهــراء (ع)

إلـ چلمة وإن .. خَلّك فَطِن
لَتْجامل إعله الزهراء .. ضِلّ إلعَن الحاچيها
ــــــــــــــــــــــ
حبل الچذب كلش گصير إبطبعه
لا تسمع الگال إعله محسن بدعه
باب الزچيه إثگيل موش إتدفعـه

لـ أمّ الحسن خَلّك عون .. مو عايِّزَه وتآذيها
ــــــــــــــــــــــ
أضعف الإيمـان إبلسـانك دافـع
وللينفي كسر الضلع خلك رادع
كسّر إسنونه الگال حـيدر رابع

الله وعلي وياك إيصير .. واثق خُطاك إمشيها
ــــــــــــــــــــــ
ألف وخمسمية سنه إيحرفوها
كافي الزچيه إگبالك إيضربوها
هُمَه وخليفتهُم صدگ مصخوها

والما سِكَت والعباس .. إطوال اللِّسن نچويها
ــــــــــــــــــــــ
بْكتـاب (إبـن القـيس) لووِّح بيـدك
وگِلّه الصِحَاح المو صحيحه تفيدك
خصمـك تره إبمـاء العَكِر لَيصيدك

عاشت يمين إبن القيس .. واللعنه عَالينْفِيها
ــــــــــــــــــــــ
چَذِّبوا چِذبه و صدِّگوا چذبتهم
السُنَّه إحنـه وچـذبه كل سِنَتهم
مو شـيعي إليجـاملهـم إبفعلـتهم

باچر يّحضّر لَه جواب .. خل يحسب إلتاليها
ــــــــــــــــــــــ
صاحب المبدأ صير .. تاني المُنقِذ
سلمان صاحب .. لا تصاحب قُنـفِذ
صبرك على قبض الجمُر لا ينفِـذ

إيدك بِدين المُقداد .. ياهو الـذي يلويـها ؟
ــــــــــــــــــــــ
دنياك مثـل الگنطـره وإنتــه ادره
مگضيّه كلها و كِلنا تـالي إبحـفره
خَلْصانه خلّصها . ويه رَبْع الزهره

بلون الچِفَن وجهك مُوت .. وأم الحسن واليها
ــــــــــــــــــــــ

مهدي التقي

[ ٠٨:٢٦ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

عدنه ناس هواي سكنتهه المكابر
واحنه هم نروح احنه اليوم باچر
اليذكر امواته اذن للموت ذاكر

اليذكر امواته اذن للموت ذاكر

امس راحوا النه وادم
فاركونه ومايجون

تجري ظلت هالمدامع
بس صورهم بالعيون

بلا طعم هالدنيا صارت
مصخت ومابيهه لون

السابقون الفاركونه
بيهم احنه اللاحقون

كون ابن ادم اذا لمواته يكصد
شحصلو همه تراهم يبقه ينشد
كون ياخذ عبره كلما راح زاير
كون ياخذ عبره كلما راح زاير

ماكو واحد يبقه بينه
بابشر كلهه تروح

شماخذين ويانه نسأل
للكبر لمن نروح

اعلينه چم غالي ايتألم
اعلينه چم غالي ينوح

ايعينه الله العافه خله
وعاش من بعده ابجروح

نعمة النسيان من الله تراهه
اهواي وادم راحت وعشنه وراهه
ننكسر بس الله للمكسور جابر
ننكسر بس الله للمكسور جابر

يم علي خلينه اهلنه
يم علي حامي الدخيل

رملته تنكط محنه
شبعت ونين وعويل

انترست ومفتوحه النه
من اهلنه شكد تشيل

ياعلي يمك امانه
وماكو يمك شي ثگيل

انزورك اله انزور الاموات احنه لازم
اليوم امشي وباجر ابتابوت قادم
بجاهك انته لاتخليني انه حاير
بحاهك انته لاتخليني انه حاير

فقط وجه الله باقي
لأي بشر ماكو خلود

اليجي من الله حتما
لله باجر هم يعود

كلشي من أعضاء جسمه
اعليه ياعالم شهود

عاش عابد عاش زاهد
عاش طيب لو حقود

كلشي يتسجل نعم وشسوه شافه
ايخاف الله هوه لو الله مخافه
عالصراط الواله حيدر هوه عابر
عالصراط الواله حيدر هوه عابر

[ ٠٨:٢٧ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

بويه ما رحموني . بكل حقد ضربوني
والله كسرولي ضلع من دفعوا الباب

؛؛؛؛؛؛؛؛؛؛؛؛؛؛؛؛؛؛؛؛؛؛؛؛

گربت ساعة مصابي و صارت اليوم
بويه عالدار بغيابك هجمت الگوم
و الحقد بيهم يبويه الچان مضموم
هالوكت بين علي من رحت مسموم

والدي بغيابك . همه حرگوا بابك
الچانوا أصحابك يبويه طلعوا أغراب

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بويه هذا اليوم بنتك عذبوها
حرمة الدار بغيابك ما رعوها
دروا خلف الباب فاطم أم أبوها
گمت أسمع حيل هالباب إدفعوها

صاح لتعوفوها . إدفعوا و عصروها
ضربة البسمار چانت أول صواب

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مني محسن طاح و آنه هذا وضعي
بويه من گد الألم بس أبچي و أدعي
فوگ كل هذا العذاب إنكسر ضلعي
و النذل بويه العصرني يصيح إطلعي

إبني طايح مني . و النذل يشتمنى
يگول وياكم أبد ما خلص الحساب

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

من طحت يا فضه أصرخ ساعديني
خوفي هاي اللحظة زينب لا تجيني
لا تلچمين الجرح بس سنديني
فضه يم الباب ضل طايح جنيني

بيه ضلت خوفه . بنتي خاف تشوفه
زينب بهذا العمر ما تحمل مصاب

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أدري حيدر هالوكت محتار بامره
عالمصاب الصار بيه من يصبره
علي ميخالف وصيتك و آنه أعذره
إنت گتله . خويه سيفك لا تشره

أسمعه يناديني . يگلي عذبتيني
حرت ما بين الوصية و بين العتاب

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بويه صار ويايه كل إلي حچيته
و الوحي بهذا الوكت محترگ بيته
بويه هذا حسين يبچي و ما إجيته
ما گدرت اليوم أسكته من بچيته

چنت يا والينه . تگلي لتبچينه
إنت تدري إلي منعني و هاك الجواب

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بويهمارحموني

عليحسنالكناني

[ ٠٨:٢٨ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

( وزن الميـمر ) للزهــراء (ع)

بلون الچِفَن وجهك مُوت .. وأم الحسن واليها
ــــــــــــــــــــــ

مهدي التقي

[ ٠٨:٢٨ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

بيا زمن باب الخليفه
يحترك بامر السقيفه

…. .من فلانا و فلان
…..يحترك باب الجنان

راح اسولف ما اجامل شاهد الباب
يعينك الله بهالمصايب ياابو تراب
خلي نحچيهه بصراحه فزعة ذياب
اقصد بكل هذا واضح فعل الاصحاب

.اول افلان الدفعهه
ثاني رد ليهه وصفعهه

فاطمه أن الاوان

ليش خانوهه الوصيه افلان وفلان
شلون تعقلهه الحريگه بلايه دخان
ليش اجامل مااجامل عندي برهان
الحرك باب الزجيه حرك قران

ذره ما عنده كرامه
ليش بالوجنه العلامه

مانصف شوف الزمان

ليش خانوا عترته وبسرعه خذلان
شنهو ماعدهم خجل من دخلو اثنان
هنا بين كل حقدهم شهد عثمان
ذوله ماعدهم مخافه ولا بشر چان

بسرعه ينسون الوصيه
همه بس ياذي الزجيه

والحقد كل ساعه بان
يحترك باب الجنان

احنه خافين الحقيقه بكلشي ياناس
خلي نحچيهه الجريمه بلايه مقياس
منهو عالزهره تعده ويحرك الياس
من ابو بكر النذاله ناقص الساس

كال احركو الباب بيها
فاطمه سر ام ابيها

….لاذت بدفعة جبان
…يحترك باب الجنان

زلمه صاير شو تعده وين الحدود
تعرف بصطره علينه اتشلع اخدود
ليش خاين بالوصيه وذيج العهود
والله چاينگص لسانك لون موجود

والله تعرف ذو فقاره
شوف الدنيا مراره

انشد ابن العاص چان

صرنه عالمكشوف نحچي حدر يفلان
هوه معروف الدفعهه اصله شيطان
راسم البسمار نكبه بكلشي نيشان
يا عمر ظلع الزجيه ايهز الابدان

غشي وجهك بالرزيه
شكد جبان بهالقضيه

يانذل في كل مكان
يحترك باب الجنان

تمت بعون الله

ش……يوسف الفتلاوي

[ ٠٨:٢٨ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

نادت أبدمعهـا حيدر ما سمعها
الليله يالموالي انحـب الضلعـها

التموا اصحاب السقيفه الــدارها وداسوهـا
بحقـد صاح الثاني ناده الـبـابهـا حـرگوهــا
طاحت اعله الارض طاحت تون من سمعوها
بالسمه نـاده المنـادي الفاطـمـه عـصـروهــا
بهجمه ناصبيه
طاحت الزچيـه
الليله يالموالي انحب الضلعها

ابلا رحم هجمو عليهـا مارعــو والـدهـــا
خلف باب العـفـه لاذت والخجل سانـدهــا
لأن بس اطفال عــدها وشافها الوحـدهــا
ارذل الناس الضربها وصار احمر خدهــا
الشمس بس رادوها
تطـفــه ماطـفــوهــا
الليله يالموالي انحب الضلعها

الليله عـرش الباري نــاده والمـلائـك تنحب
شافـو بطـيحـت الـزهــره النار گامت تلهـب
فوگ هظم الزهره موقـف چان هوه الاصعب
امها من كسرو ضلعها ازغـيـره چانت زينب
زينب الهـضمـهـــا
بلوعه شافت امها
الليله يالموالي انحب الضلعها

الگالو اعله النبي يهجر ناس بس مبغـضه
الگعــد والسوه السقـيـفـه الله يلعـن حـضه
الكسر ضلع الزهره يسمع من تنادي فضه
النبي لــو حـاضر الصدره مستعــد يـرضه
سمعـوا آل اميه
البخـت بالوصيه
الليله يالموالي انحب الضلعها

الزهره كل الجنه اخـذت نفحه من عطرها
الزهره دنيه والزهره آيه وشرفت خدرها
الامـه يـالـلاسف كلها اتجاهـلـوا قــدرهــا
ولهـــذا الباري قــرر يخـتـفـي گــبــرهــا
الفاطمه حملها
حيدر وغسلها
الليله يالموالي انحب الضلعها

شاعر اهل البيت (ع)
رياض الرسل الجابري

[ ٠٨:٢٩ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

موشج للزهراء (ع)

من صبـر فـاطـمـه وكل ألآمها
الباري خله الجنه تحت اقدامها

كرم الباري الجليل الطـاهـره
بكوكبه من النجوم الـزاهـره
وعالبشر خلاها حجه ظـاهــره
بكل نهجها الصاغته باحكامها

ياهو مثل البضعه كرمها الجليل
من جعلها الحيدره اعظم خليل
مستحيل اثنين منها مستحيل
لچن ماكملت جميع احلامها

بعتره خصها الباري وبحجه وصبر
بكـل زمان وكـل أوان وكـل عـصـر
من تـطـب مـيـدان بـي تعـلـن نصر
وشوف لي هسه ترف اعلامها

يكفي سماها النبي ام الرسول
الطاهره البضعه الزچيه والبتول
يعجز التاريخ عنها شما يگول
لچن ما نصفت جميع اقلامها

بكل شرف ام الحسن وام الحسين
الحبها صاير طيف ويكحل العين
وين نلگه اليشبه الطاهره وين
الدنيا تحرسها ومشت گدامها

عجزت الدنيا شتوصف الخالده
لان من رب العــرش متئيده
سيده بكل شرف جانت سيده
وكل ملائكة السمه خدامها

شاعر اهل البيت (ع)
رياض الرسل الجابري

[ ٠٨:٢٩ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

لبيك يازهراء

الزهره بحروف الدمه أرثيها
والحروف من الگلب أهديها

الليله اكتب للشهيده بالدمع
حروف بس بصوت كسرات الضلع
بكل مواجع گلبي انه ومقتنع
الليله ارثيها و اون وابچيها

اكتب وجرح الگلب ينزف مرار
بين لحظات الألم والانتظار
ليش صدر الزهره مابين الجدار
ينعصر عصره غضب تاليها

اشگد عمرها وتنعصر عصرة غضب
بين نار الفاجعه وذاك اللهب
الها حضرت ناس ماعدها أدب
وحيل مشكوك بنسبها وبيها

الله لا يرحمها گوم الظالمه
البچت بفعلتها اركان السمه
ليش مادرون بيها فاطمه
الطاهره الباري السمه امعليها
٥

فاطمه البروح عاشت للأبد
عهد ما أنساها أنطيها عهد
أمي غذتني محبه من المهد
ولهذا بروحي انه امخليها

بروحي خليت الحبيبه أم الحسن
العاشت اعله الآه بيام المحن
المحسن وكسر الضلع چان الثمن
المثل فاطم حاير اشأنطيها

أرتجي من الزهره وبهاي الحروف
اتعاين اعليه رغم كل الضروف
أقسم اعليها بألم ذيچ الچفوف
عالحوايج تنظر وتگضيها

شاعر اهل البيت (ع)
رياض الرسل الجابري

[٢١/١١/٢١ ٠٧:٤٤ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

باجر تبدي النه اول رزيه
باجر ينكسر ضلع الزجيه
بدايه روايه…….وعضيمه النهايه
======≈============≈
باجر تبتدي أل النبي بلوه
عضيمه محتواها الباب والقوه
باجر ماتضل الفاطمه سلوه
يهشمون الضلوع وتبقى تتلوه

باجر يندفع باب الحبيبه
باجر تنولد اعضم مصيبه

هجوم البدايه ……وعضيمه النهايه

تره دار الوصي باجر يدخلوها
وأحاديث النبي بداره يحركوها
والقرآن واياته يطشروها
بنته فاطمه الزهره يشتومها

قرآن الجلاله يطشرونه
ضلع الكوثر امي يهشمونه

صور الله هايه……….وعضيمه النهايه

صورت الله امي انرسمت بنوره
وبمحكم كتابه الزهره مذكوره
بفضلها اعله العباد تكونت صوره
بس تفسيرها أضلاع مكسوره

تنطق بسمله الزهره من اجوها
عباد لاصنام العذبوها

معاني خفايه………وعضيمه النهايه

====================
أصغر صوره بل قرآن نعرفة
الكوثر تعني امي بكل مواقفة
٣ آيات تحوي وربنه وقفه
زغيره تموت مثل الزهره وصفة

الضالم من دفع امي وصفعها
خله ١٨ كسره بضلعها

الدفع عنده غايه …..وعضيمه النهايه

=====================
خلف الباب لاذت رادت المئمن
عصرو فاطمه وضلوعها نكسرن
صياط الخيزران عليها يلتمن
يتشمت الطاغي بحالها تمعن

هاذه المختصر عن حالت امي
زينب اني والموقف هضمني

ختامي بدايه ……….وعضيمه النهايه

ضرغام منعم الكربلائي

[٢١/١١/٢١ ٠٧:٤٤ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

يالشايل الجنــازة عازتها أمنه عــازه
محد جبـــر كسرهـا
حيدر حفـــر قبرهـا

منهــو بعــد يلمنه والليلة ماتت أُمنّه
عمر الورد عمرهـا
حيــدر حفـر قبرهـا

مــات الأمـــل بعدهـا وازرق أويلي خدهـا
مــاينخفــــي أثرهـا
حيــدر حفـر قبرهـا

بيده كســـر ضلعها
فوك الكسر صفعها
ويلي بحقد عصرها حيــدر حفــر قبرها

دار الأهـــل غــريبة
وحشة على الحبيبة
والماعرف خبرها حيدر حفر قبرها

وأم الخـــدر سبيه
وجف الكمر رمية
بيدة الشمر يجرها حيدر حفر قبرها

كربلاء المقدسة
امجد صاحب الشطري

[ ٠٨:٣٨ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

مبين بدمعي الكلام. عيني ماتقبل تنام

بلا وداع بلا وداع. مشت عني

راحت زهره مني وجهي ظل خالي
دمعتها اعله زينب ظلت ابالي
الغالي اليموت من يموت اله غالي
طير وطاح عشه من الهوه العالي

ما ترس عيني مكان. انهدم بيت الحنان

بلا وداع. بلا وداع. مشت عني

صعبه يعيش واحد خله ميشوفه
نهر ناشف يتركه امفطره اجروفه
جرح غيابه يكبر محد ايروفه
مثل صاحب عزم ومبتره اجفوفه

من دفنت انه البتول. ريت عمري لا يطول

بلا اوداع. بلا وداع. مشت عني

كل بسمار اشوفه ينشلع كلبي
وبيبان المنازل تعرض ابدربي
مكسور بمشيتي حتى كمت احبي
ماتت زهره ليه وضاع كل تعبي

غمضت ابلا وداع. وبين بوجهي الضايع

بلا وداع. بلا وداع. مشت عني

طعنات الهجر كلهن اجن بيه
تبجي زينب اتريد امها ليليه
اخذها عله كبر امها انه يوميه
وهاي امج اكلها دكلي مو هيه

امي ما ماتت تصيح. ولا طفت شمعتها ريح

بلا وداع. بلا وداع. مشت عني

كلبي من الفراك انكطع سباحه
الصبر ويه الزجيه ضاع مفتاحه
راحت مني وانه ماشفت راحه
انه ادري ع فكدي ماهي مرتاحه

مو سهل عشرت عمر. مني ياخذها الكبر

بلا وداع. بلا وداع. مشت عني

انه من اشتاك ازور بدمعي حجرتها
اشم عطر الزجيه ابخت شيلتها
امصلايه بقت مفروشه ذكرتها
من اخر صلاة الزهره صلتها

من اهدهه حيلي راح. والكلب من همه صاح

بلا وداع. بلا وداع. مشت عني

نسألكم الدعاء / علي حسين المياحي

[ ٠٨:٣٨ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

مِنْ دِفَنْتِچْ بيتِيْ يِشْبَه گبْرِيْ صَارْ
آنِيْ شَمْعَه اِوْ بِيَّه ليلِ الفَرْگه نَـارْ
جَمْرَه مُوْ دَمِّ اِبْـوِرِيـدِيْ
وَ آنَه دَافِنْ رُوحِيْ بِيدِيْ مِنْ دِفَنْتِچْ
ــــــــــــــــــــــــــــــــــــــــــــــــــــــــــــــــــ
عَنِّيْ ليشْ رِحْتِيْ غيمَه اِبْنُصْ عَطَشْ
مِنْ جِفَاچْ اِبْرَاسِيْ شيبِ الفَرْگه طَشْ
بِالـسِّـنِينْ مَـا عُـبَـرْتِيْ اِثْـمُـنْـطَـعَـشْ
اِوْ مَا يِلُوگ لِلـوَرِدْ حُـضْـنِ الـنَّـعَـشْ

لَحْظَه لَحْظَه عِشْنَه أجْمَلْ وَ احْلَه عِشْرَه
عِشْنَه دِنْـيَـه عَلَى الحِلْوَه اِوْ عَلَى المُرَّه
وَسْـفَه تَـالِيْ فَـاطِـمَـه اِتْصِيرِيلِيْ ذِكْـرَه
أرْجَـعْ وَحْدِيْ وَ الْگه بيتِيْ اِبْلَايَه زَهْـرَه

وَالله دِنْـيَه مِـنِّـيْ تَـاخِـذْ أغْـلَـه نَـاسْ
كِلْهَا حِيلَه اِوْ مَاكُوْ طِيبَه اِمْنِ الأسَاسْ
زِيدِيْ يَاحَسْرَاتِيْ زِيدِيْ
وَ آنَه دَافِنْ رُوحِيْ بِيدِيْ مِنْ دِفَنْتِچْ
ــــــــــــــــــــــــــــــــــــــــــــــــــــــــــــــــــ
لِلـبَـقِـيـعْ جيت ازُورِچْ بِـالدَّمِعْ
عَـالـتُّـرَابْ أعْلِگِ اِبْخُورِ اِوْ شَمِعْ
فِتْحِيْ بَابْ گبْرِچِ اِوْ خَلْ نِجْتِمِعْ
أرْد اشُوفْ بَعْدَه لوْ طَابِ الضِّلِعْ

بَلْكِيْ ضِلْعِچْ يِشْفَه وِ اِيْهَوِّدْ وِنِينِچْ
گُولِيْ طَابَتْ لوْ بَعَدْهَا حَمْرَه عينِچْ
سَكْتَه صَارَتْ بَسْ بُقَتْ كِلْمَةِ الـ وينِچْ
كِلْشِيْ ضَايِعْ وَ آنَه المْضَيِّعْ حَنِينِچْ

وَيَّه گبْرِچْ أحْچِيْ بَسْ مَاكُوْ جَوَابْ
آنَه خَايِفْ ضِلْعِچِ اِيْلِچْمَه التُّرَابْ
وِ الگبُرْ حَافُظْ نَشِيدِيْ
وَ آنَه دَافِنْ رُوحِيْ بِيدِيْ مِنْ دِفَنْتِچْ
ــــــــــــــــــــــــــــــــــــــــــــــــــــــــــــــــــ
رِحْتِيْ وينْ وَ آنَه بِعْيُونِچْ عِشِتْ
وِ اِبْجِفَاچْ زينْ عَايِشْ مَـا مِتِتْ
بِالحُرُوبْ فَـارِسِ الحومَه چِنِتْ
مَا أطِيحْ بَسْ عَلَى اِفْرَاگِچْ طِحِتْ

آنِيْ حـيـدَرْ بَـابْ خيبَرْ صَحْ قِلَعْتَه
لَاكِنْ نَعْشِچْ گُوَّه فوگِ اِمْتُونِيْ شِلْتَه
چَنِّيْ دَافِـنْ گلْبِيْ مُـوْ گلْبِچْ دِفَنْتَه
رِحْتِيْ عَنِّيْ وِ العُمُرْ بَعْدِچْ كِرَهْتَه

مَاكُوْ رَاحَه وِ اليِفَارِگ حَالَه حَـالْ
آنَه حيدَرْ ظَهْرِيْ عُگبِ الزَّهْرَه مَالْ
مَاتْ حَتَّى اِهْلَالْ عِيدِيْ
وَ آنَه دَافِنْ رُوحِيْ بِيدِيْ مِنْ دِفَنْتِچْ
ــــــــــــــــــــــــــــــــــــــــــــــــــــــــــــــــــ
رِدْت امُوتْ مِنْ قِريتِ الفَاتِحَه
كِلْشِيْ ضَاعْ عُگبِچِ اِبْليلَه اِوْ ضُحَه
ذِكْـرَيَــاتْ اِبْكِلْ كِتِرْ مَـا رَايِـحَـه
عِطْرِ اِديـچْ بَعْدَه يِنْشَمْ بِالرَّحَه

ألْگه سِبْحَه تُرْبَه وِ اِمْصَلَّايَه يَمْهَا
يِوْگعْ گلْبِيْ اِوْ رِيْحِتِچْ بِيْهِنْ أشِمْهَا
حَسْرَه بِيَّه صَعْبَه عَنِّ النَّاس اضُمْهَا
وَ اسْمَعْ زينَبْ كِلْ وَكِتْ تِسْألْ عَلَى امْهَا

يَالوِدِيْعَه چِنْتِيْ بيتِيْ اِوْ رِحْتِيْ ليشْ
وِ اِبْغِيَابِچْ رَاح اكَمِّلْ عُمْرِيْ بيشْ
الضّيمْ مَخْطُوطِ اِعْلَه جِيدِيْ
وَ آنَه دَافِنْ رُوحِيْ بِيدِيْ مِنْ دِفَنْتِچْ
ــــــــــــــــــــــــــــــــــــــــــــــــــــــــــــــــــ
دِنْيَه ليلْ وِ الحَسَنْ دَمْعَه يِصُبْ
بَسْ عَليچْ يِسْألِ اِبْـكَسْرَةْ گلُبْ
أُمِّيْ وينْ ؟ وِ اِنْتِيْ غَطَّاچِ التُّرُبْ
شَرْد اگُولْ وَ ادْرِيْ فَگدِ الأُمْ صَعُبْ

ألْگه زينَبْ وِالحُسَينِ اِبْكِلْ مِسِيَّه
وَاحِدْ يِسْألْ وَاحِدِ اِعْلَه امَّه الزِّچِيَّه
چَنْهُمْ بَـاچِـرْ تِنْتِظِرْهُمْ غَـاضِـرِيَّـه
مَنْحَرْ دَامِـيْ اِوْ حُرْمَه عَالنَّاگه سِبِيَّه

يَـاحَسَـافَـه وِ الزَّمَنْ رِحْلَةْ جُـرُوحْ
أبْقَه عَايِشْ جِثَّه بَسْ مَا بِيْهَا رُوحْ
حَايرِ اِوْ نَاطِرْ وَعِـيـدِيْ
وَ آنَه دَافِنْ رُوحِيْ بِيدِيْ مِنْ دِفَنْتِچْ
ــــــــــــــــــــــــــــــــــــــــــــــــــــــــــــــــــ

٩ / ١١ / ٢٠٢٠ الاثنين
كرَّار حيدر الخفاجي

[ ٠٨:٤٠ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

قصيدة رئيسية بحق الزهراء عن الامام علي عليهما السلام

حسرتي عليچ چبــيرة حسرتي عليچ
حسرتي كون الاخيرة حسرتي عليچ

انتي روحي ومهجتي ظلمة بعدچ دنيتي

حسرة كلش مؤلمة چنت اصد لفاطمة
تخفي اللآلام
اسمع آه بكل نفــس تــلچم بيها احــــــس
ليلي ما انام
عاشت ابأصعب وضع من اثر كسر الضلع
ابأخر ايام
عني شالت بالعجل بسرعة وافاها الاجل
وصارت احلام
عمري وياچ دفنته عمري وياچ
ليلي بعدچ سهرته عمري وياچ

صعبة صارت حالتي ظلمة بعدچ دنيتي

لفاطمة حزني دهر وكَلبي بالفركَة انفطر
وتدمع العين
وياچ كل لحظة عمر وماكو لفراكَچ صبر
يم الحسين
يم حسن كلبي انكسر ودمعي طوفان انفجر
بخدي نهرين
الحسرة بالحسرة تجر يعصرن بروحي عصر
لا ترحلين
رحتي لاوين يزهـــــرة رحتي لاوين
حيدر عليچ شيصبرة رحتي لاوين

تجري لجلچ دمعتي ظلمة بعدچ دنيتي

اكَعد وابچي واحن ويمي اولادچ تون
دمعي سچاب
اصبح وامسي بدمع واذكر مصاب الضلع
وعصرة الباب
امسح بدم الطــــــــفل المحسن وعيني تهل
من المصاب
سمعي زينب تنتحب والحسن دامي الكَلب
حسينچ انصاب
ادمه العيون غيابچ ادمه العيون
آه يا لوعــــــة مصابچ ادمه العيون

وياچ ماتت فرحتي ظلمة بعدچ دنيتي

كون يرجعلي الامــــــر يمچ احفرلي كبر
وانسه الهموم
يا حزن فكَدچ صعب لو ردت دارچ اطب
وشفت الهدوم
روحي بعدچ تحتضر وطيفچ كَبالي يمر
ابالي مرسوم
ذكرياتچ كــــل كتــــــــــــر وبعدچ اشمرة الصبر
وكَلبي مالوم
فكَد الاحباب هظمني فكَد الاحباب
بأم حسن من فجعنـي فكَد الاحباب

ريت يمــــــــــچ دفنتــــــي ظلمة بعدچ دنيتي

موتــــــچ بكَلبــــي جــــــــرح يلي مثلچ مايصح
بعدچ انسان
يم حسن روحي بسجن بابة حسرات وحزن
وهمي سجان
سافــــــر وياچ الفـــــــــــــرح دمعي يازهرة انفضح
للخلكَ بــــــــان
آنه عنــــــــــــوان الصــــــــبر بالمصايب من تمــــــــر
وكل الاحزان
اجزع عليچ يبــــــــــــــظعة اجزع عليچ
عني بُعدچ شيــــــجرعة اجزع عليچ

دوم اسمعچ ونتي ظلمة بعدچ دنيتي

مصيبتچ ما تنسه انتي ياخير النسه
عايشة وياي
خلف فراكَچ الــــــــم بكَلبي وآهات وندم
وضايع دواي
شكَد تمنيت الممات انتي چنتيلي حياة
ماتصح هاي
خذتي يادنيا الخليل عفتي دمعاتي تسيل
آه يدنياي
البُعد طال علية البُعد طال
يوم الفراكَ منية البُعد طال

عني راحت جنتي ظلمة بعدچ دنيتي

أسالكم الدعاء رائد الاسدي

[ ٠٨:٤٠ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

منهاج الرساله السنه ابوهه
حطوا الف عثره يخربوهه
القصد مو بالزجيه
القصد كل القضيه
رادوهه الشريعه ايبدلوهه
*
چانت الدنيه ظلام
ولليله ينوخ الذليل
والحجي ابعوج السان
يحجي بس ماله دليل
والي ان العنده غيره
يصيح بالعالم دخيل
وجان دم اركاب الهم
دوم بالباطل يسيل
كلشي الجان بالديره قرابه
وعيشته بس سيرت طلابه
وختفت حتى الحميه
القصد كل القضيه
*
وجه اسود لو اجته
وربك انطاه البنت
ولو يسالونه عليهه
يدنك براسه وسكت
الجانت ابكد المذله
تاكل وما تاخرت
ولو غزو للمنه بيه
الخلك كله اتحشمت
ما اشوفن زلم كلهم بس كواغد
الغيره اتوشلت مابيه واحد
شريعتهم اميه
القصد كل القضيه
**
كاعهم بور وغصنهم
والعثك مابيه خير
ولو نعق ابراي واحد
اخذ منهم بس صفير
ياهو الينتخوه صار
وتاهت وتاه الچبير
ورايهم موا راي واحد
ولو تفرضه الكل يحير
حاله من الفين حاله
بخسه سوموه الرساله
نسلخ عن الادميه
القصد كل القضيه
**
ساوموا بالدين كلشي
وباعوا ابكثر حمل
وطيحوا تاريخ امه
واگعوا حتى العگل
الحچي جدامك هويه
مو يهيل ويه الرمل
ومو يطول بالگصيره
حجايه امجزيه العقل
الحيد جان ايشيل رايه
النيه جانت تطيح غايه
يجتف الظالم اديه
القصد كل القضيه
**
كل عمره يعبدله صنم
الات والعزاه معن
شي للحرب شي للسفر
وبكل وصفهم هيمن
ورايات رفعنه الحرم
وبكل مجان ايرفرفن
اولادهم بيع وشره
ليرده يحظر الثمن
البشر ينباع ابرخص
ويضل حياته ممتهن
منهاج انكتب الذيج البلاد
رادوا حالهم علا البشر اسياد
وبدوا بيه الزجيه
القصد كل القضيه
**
راح كل ذاك الظلام
ونوره طيحه الطغات
وعاد للمسكين حقه
وشعت احروف الحيات
من بزغ دين الرساله
كل حكمه الفاشي مات
والغني برتبت فقير
الناس ضيعه الشتات
مثل سن المشط هيجي حكمه
وبالقران لملم كل زلمه
وشع نور الولايه
القصد كل القضيه
**
عارضت حكمت محمد
كل مصالحه القديمه
وحاربوا دين الالهي
وردوا اعل ماله قيمه
ونصبوا الهم سقيفه
الناس ماظن عده شيمه
وحركوا اجفوف النبوه
الطبعت باب اليتيمه
دكه بابه ابطرف نيران
الجان النبي يوكف بيه سلطان
وتلوذ ابهل المسيه

ابو حسين الفضلي

[ ٠٨:٤٤ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

انولدت بدموع … ختمتها جرح
ماتت بالدار … عطشانه فرح

بزغيره اسنين … كسر بضلعين
مسطوره العين … طاحلها طفل

من ولادتها لدفنها … عاشت ابلوعه وهضم
الضحكه ما مرت عليها … الضحكه التمرها الم
هيه چانت بنت ابوها … وهيه هم چانتله ام
راد ينزل يمها طه … الكسر بس ما ينلحم

الوجع يحس بي … الكسر بفاطمه
ون عالزهراء … بچه البالسمه

من شاف الناس … ماعدها احساس
امفرع الراس … بدفنتها نزل

اليرضه خالقها لرضاها … والها ما يرفض طلب
اتجمعو انذل الامه … لدارها لمو حطب
واحد يگول المسيه … علي نكسره القلب
و واحد الكسر ضلعها … واحد بسوطه ضرب

تشكف سطرات … ولحاله بچي
تغشى امن اعيون … سمعوها حچي

ممشاها ضاع … طاحت عالكاع

والساتر ماع … الحارگته جهل

الارض ما لزمت نفسها … ورجفت بكسر الضلع
والسماوات اعله ونها … بيهن اختل الوضع
السمه اله اشويه طاحت … تباوع لخدها انصفع
بس علي بحيله المكسر … توگع السبعه منع

يمشي بلا روح … روحه بفاطمه
مو حگها تطيح … عالگاع السمه

يوگف ويطيح … يعثر بالريح

عينوني يصيح … ماضلي اهل

علي من غسلها بيده … وايده مرت عالكسر
شهگ شهگت موت باوع … زغيره چنها أمن العصر
بخدها يحسب بالاصابع … عيونها يباوع حمر
امن ايده بدمعه يطلع … طافيات شگد جمر

چفها المحروگ … دنگ قبله
فاطم قرأن … وانت البسمله

چفنها وناح … ودعوها وصاح

لا ما نرتاح … شيرجعه شمل

مطر فوگ الزهره طاحو … زينب حسين وحسن
علي گلهم كافي بويه … أمن الدمع ماضل جفن
صوت من الزهره حيدر … اجروحي من جوي شفن
فتحت ايديها الحنينه … تگول هذا اخر حضن

خلي يشبعون … من عندي بعد
بس بهل ليل … ويضمني لحد

دمي البالدار … ويه البسمار

هذا التذكار … من عندي يضل

عين من الزهره ضلت … على زينب بالدفن
تشوف چن باجر اديها … بكربله بنار انچون
تمشي وي كتال اخوها … وتسبا من وطن لوطن
اخوتها چانو شمع الها … بكربله بس انطفن

تباوع لحسين … واليمه شمر
تشوفه أمن اگفاه … ويحزله نحر

وين العباس … تشمت ناس
يشوفوها الراس … وبعينه نبل

الشاعر غضنفر الزيداوي

[ ٠٨:٤٤ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

يعينك الله ياعلي حامي الحمه
بيا قلب شيعت وحدك فاطمه
يعينك الله

°°°°°°°°°°°°°°°°°°°°°°°°°°°°°°°

شلون متنك شايل الحره الوديعه
ضاگ صدرك ياعلي وي الوسيعه
ممتثل لأمر ام حسن لازم تطيعه
شيعتها بظلمه والوادم هجيعه

شيعتها بليله سكته ومظلمه
بيا قلب شيعت وحدك فاطمه
يعينك الله

°°°°°°°°°°°°°°°°°°°°°°°°°°°°°°°

ساكت ودمعك نزل بلل لحيتك
يعتبر هذا الجزع هوه منيتك
بهالرزيه ياعلي تبدي مسيتك
هالجرح بعد النبي اكبر اذيتك

اركان قلبك ياعلي متهدمه
بيا قلب شيعت وحدك فاطمه
يعينك الله

°°°°°°°°°°°°°°°°°°°°°°°°°°°°°°°

ليل هندس والدرب جدمك يثگله
وهالامانه اعله الجتف ماهيه سهله
عله شيطيبه القلب اي والله عله
وهالالم ياحيدره ياهو اليحمله

ام حسن هم ياعلي متألمه
بيا قلب شيعت وحدك فاطمه
يعينك الله

°°°°°°°°°°°°°°°°°°°°°°°°°°°°°°°

للگبر رايح علي لدفن الحبيبه
ومالك احد ياعلي والله مصيبه
وحشه والله ومؤلمه وكلش غريبه
العيشه من بعد ام حسن صارت كئيبه

هاي ياعيشه وضلوع مهشمه
بيا قلب شيعت وحدك فاطمه
يعينك الله

°°°°°°°°°°°°°°°°°°°°°°°°°°°°°°°

نهر صبرك جف خلص من البدايه
وطينه من اتفطر بحر الشجايه
مابقت شاطي ولا روجه اعله مايه
من دفنت ام الحسن هاي النهايه

من النهايه الصبر وعليه انغمه
بيا قلب شيعت وحدك فاطمه
يعينك الله

°°°°°°°°°°°°°°°°°°°°°°°°°°°°°°°

من الوداع القلب تبقه بنصه حركه
جمره تسلع بالقلب هالجمره فركه
الموت من اول خبر محد يصدگه
تنزل ادموع الالم وبالروح خنگه

غصه بالدلال هم امغيمه
بيا قلب شيعت وحدك فاطمه
يعينك الله

°°°°°°°°°°°°°°°°°°°°°°°°°°°°°°°

البشر لو ماتله احد تبقى ثغره
وبالفراغ الي ترك جرحه اعله كبره
الماضي يبقى دمع والحبه يذكره
يذكر ايام الگضت من عنده عِشره

وروحه تبقى من الحزن تنزف دمه
بيا قلب شيعت وحدك فاطمه
يعينك الله

°°°°°°°°°°°°°°°°°°°°°°°°°°°°°°°

زين العابدين الشمري

[ ٠٨:٤٥ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

ودي ارجع مو يتيمه
امي يالجانتلي خيمه
روحتچ ما منه چيه
لا حيات ابلا زجيه
امي يالجانتلي خيمه

ياالاهي انجان عندي
حوبه وتحققلي حلمي
ما افارگهم ثواني
تخلي ابوي وتحمي امي
وگون اصد ابشوفي الهم
جنت احسهم دوم يمي
ولوا اصد ما الگه واحد
اختنك ويزيد همي
استجب يا رب دعوتي
ولاتزيد ابهم حسرتي
ورحم الي صار بيه
لا حيات ابلا زجيه

يانعش شلتوا بديكم
روحه روحي المشت
هيه گلهه الي خذته
لو انه من عده بقت
دنيه ومابيه انتي
والله من بالي انتهت
هسه تردوني اعيش
ووياها هسه اتوادعت
كل حياتي بيه حسره
لاحياة ابلايه زهره
ما انام اله علا ديه
لا حيات ابلا زجيه
*
خاليه ادروب المشتني
وطلعت منه عتاب
انهظم ونعصر گلبي
لون عيني تصده باب
ظلت اترافجني حصره
بالضلع مشچوخه ناب
ولو رددت يايمه اشله
الظهر يا يمه عاب
بهيده هيده الي عفته
طاحت بعين عمته
ستهظمت والحال بيه
لا حيات ابلا زجيه
*
مو شرط يايمه روحي
وانه ابنيلچ گبر
وارسم اگباله يتيمه
شايله نفس الگسر
وارسم ابخدي علامه
واشبه الي تنسطر
وهذا حز احبال اديه
من السطر لهسه يمر
نفس ذاك الصار عندج
ابگلشي وهسه يشبهج
وابگه ابحالي رميه
لا حيات ابلا زجيه

يمه ما عيشا بدونج
واليتم بين علامه
كولي چم موته اموتن
اله اشوفنه ابسلامه
لاكوا مرسال اليجيني
وعايشه بنص الملامه
واحسب الدنيه ثواني
وطايره مثل الحمامه
دورت بس ما لگيتج
من احن ساعه المسيتج
البيج ثاري هوه بيه
لا حيات ابلا زجيه

ابو حسين الفضلي

[ ٠٨:٤٦ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

گلب العطش چواي
امن الضلع للماي
امن الضلع للماي
گلب العطش چواي
**
يمه وينچ شوا برد ليل اليتامه
فتحي عينج مو وگت جفنج ينامه
ليش خدج شايل اليله علامه
وما يفيد ابحالتي ذكر الملامه
مختنكه حسره ظيم
يذكرني حال يتيم
يذكرني حال يتيم
گلب العطش چواي

ها يزينب وحدج هليله تمشي
كولي شنهوا الراح منج والخسرتي
ريت من شالوه شالواحتى نعشي
الي يخسر كل حياته يخسر كلشي
لوما سمعتچ صوت
تراوالي حتى الموت
تراوالي حتى الموت
گلب العطش چواي

سگت صوتچ والسگت صوت المحنه
يا وداع الليله التحجين عنه
الي يختارج ترا يختار جنه
امي يا شم النسيم التسوه اهلنه
بين الضلع والنار
گليلي شنهوا الصار
گليلي شنوا الصار
گلب العطش چواي
*
حسره شوفا دمعتي بحلك الشماته
الي يفارك عزيز شله بحياته
يصير مستحوذ دنيته وذكرياته
ويدعي الله يرحمه دوم ابصلاته
والوحدي من ضليت
اذكره لو صليت
اذكره لو صليت
گلب العطش چواي
**
من مشت عني الزجيه ودعتني
زغيره انه بالعمر من فاركتني
بكل مچان وياهه تاخذني وتردني
بس غريبه ليله شوا وحدي تركتني
بس البجي والنوح
اتكالب اوي روح
اتكالب اوي روح
گلب العطش چواي
*
الجرح يايمه اتظهره اليالي
حسره حسره دمعتي كامت تلالي
صوره ومخزونه تبقى وبخيالي
ريتج ابهل الحظه اتشوفين حالي
گلبي اشتغل نيران
وبجي بجي الحيران
ابجي بجي الحيران
گلب العطش چواي

يمه اوصيج بوصيه يالسبيه
الحسن ابحلگه يمه حبيه اليه
وبالصدر حبيلي ابن حامي الحميه
هاي يمه اوصيتي گبل المنيه
معقوله من دفنوچ
الزهره ما عرفوچ
الزهره ما عرفوچ
گلب العطش چواي

ابو حسين الفضلي

[ ٠٨:٤٧ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

علي يخاطب الزهراء

عشرة عمر

عشرة عمر مابينج وما بيني
رجعيلي يا زهرة شباب اسنيني

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

من اشوفج جنت اشعر بالامان
والسكينه والحزن ماله مكان
شاب راسي من مشيتي يالحنان
و هاي اول مره مخنوگ الاذان

يافاطمه بعدج منو يواسيني
رجعيلي يا زهرة شباب اسنيني

قلبي مكسور بوداعج ما يطيب
بعد عينج اني عايش بس غريب
تطفى روحه الي يفارگله حبيب
وثغره ماتنوصف امر اشگد عجيب

بقليبي وحشه مثل دمعه عيني
رجعيلي يا زهرة شباب اسنيني

الجنحه مصيوب وفلا يگدر يطير
عشت هذا الدور بحساس اليحير
العشه بي ثعبان بس يدري المصير
ولازم يضل بالوصيه البيها اسير

مكتوبه يازهره النبي موصيني
رجعيلي يا زهرة شباب اسنيني

الموت من بعده ولا ينفع كلام
مودعه يافاطمة رقدي بسلام
عازتج مثل ابو فاضل للخيام
والعطاشى تصيح ياعمي الهمام

العازه مثل الحيل الي يمشيني
رجعيلي يا زهرة شباب اسنيني

شفت نجمات السمه بعز النهار
ولسه نار الباب تلهب بيه نار
الموت اهونلي ولا اعيش احتضار
دمعي كدما نزل ياكل بالسمار

تقرحت أجفوني بدموع أونيني
رجعيلي يا زهرة شباب اسنيني

دهري خان ونثر بجروحي التراب
ضاملي خنجر غدر تحت الثياب
ما رعه حرمه نبي وحرمه حجاب
وما حسب لجروح قلبي ولا حساب

الستغل طيبة گلبي ميخليني
رجعيلي يا زهرة شباب اسنيني

هيه عشرة عمر كل هاي السنين
الحسن بيناتنه وهذا الحسين
وهاي زينب هاي ام قلب الحنين
وصاحب النعمه النبي ذاك الامين

حب وخلاصه ابينج وما بيني
رجعيلي يا زهرة شباب اسنيني

زين العابدين الشمري

[ ٠٨:٤٧ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

قصيد لسيدتي ومولاتي فاطمه الزهراء. ع
👇
السيده زينب ع. تستقبل والدها بعد رجوعه
من دفن امها الزهراء. ع. واويلاه
▪️▪️▪️▪️▪️▪️▪️▪️▪️

بـويـه الله يعـيـنـك بهـاي المـسـيه
مـن رجعـت ودافن الزهـره الزجيه

رديت دمعك دمـه. وتصيح يافـاطمه

◾️◾️◾️◾️◾️◾️◾️◾️◾️◾️◾️◾️
السيده زينب. ع
هـايبويه البگـه براسـك منحني اتجر حسره
لاتـگـول احـنـه يـتـامـه بـعـد امـنـه الـزهـره
مـو يتيم الـعـنده مـثلـك ابـو الـكـل الـفـقـره
صـعـبه وادريهـا يبويه الفـرگه مـثل الجـمره

تـســعــر بـگـلــبـي وكــابـر والـدمــع نـار
مـن اذكر بضلع امي نابت شفت بـسـمـار

تنادي يحـامـي الحمـه وتصـيح يافـاطـمـه

◾️◾️◾️◾️◾️◾️◾️◾️◾️◾️◾️◾️

الامـام علي. ع
اي يبويه الزهره راحـت والهـا يكثر نوحـي
الوديعه اني ادفنتها وجيت اجـر بجـروحي
ضاگـت الدنياعـليه واحـس طـلعت روحـي
حـالي من بعد الزجـيه عـالمصـايب يوحـي وانـي ادفـن واذكـر لـجـدج وصـيـه
هـاي امانه وگـلي تحـفظهـا الزجـيه

بيدي الخـدر سـلمـه وتصـيح يافـاطـمـه

◾️◾️◾️◾️◾️◾️◾️◾️◾️◾️◾️◾️

السيده زينب ع
من وصـاياهـا الحـنينه تگـلي زينب صـبرج
بنيتي من بعدي مصـايب يمه تكسر ضهرج
صـيـري بالـمـوقـف قـويه الله يعـلـم قـدرج
بـس وصـيه كـررتهـا تـگـلـي خـدرج خـدرج تگـلي سـهله يمـه هـايه عصـرت الباب
گـبالج اتشـوفين صرعه اغلى الاحباب

بين الـنهـر والضـمـه وتصـيح يافـاطـمـه

◾️◾️◾️◾️◾️◾️◾️◾️◾️◾️◾️◾️

الامـام علي. ع
كـافي دمعـاتج يزينب صبري هذا اول سهم
ينـطـلـق مـن السـقـيفه ويـزرع بگـلـبـج الـم
تكـبر وياج المصايب توصـل الراعـي العـلـم
من يضحـيلج جـفوفه لجـل خدرج والحـرم الـحـرگ بـاب الـزجـيه يـحـرگ خـيـام
والذبح محسن يجـيلـج شـايل سـهـام

بـغـضـن الـي لورمـه وتـصـيح يافـاطـمـه

◾️◾️◾️◾️◾️◾️◾️◾️◾️◾️◾️◾️

زينب. ع
امـي وصـتني وصـيه لـوگـرب يوم الخـطـر
بصدره شميلي الحسين ويمه بوسي بالنحر
وبالحجي گام اتهضم والدموع اتصب قـهـر
صعدي عالتلـه يزينب عـينج الصـوب النهـر شـوفـي شنهـو اعله الشريعه يمه يجره
شلون الحسين اعله اخيه انكسر ضهره

وراسـه رفعـه وكـلمه وتصـيح يافـاطـمـه

◾️◾️◾️◾️◾️◾️◾️◾️◾️◾️◾️◾️

الامـام علي. ع
تبقى بويه اخـر مصـيبه تمر عليجن بالسبي
تـمـشـن ابـلايه كـفـالـه السـاتـر الله والـعـبي
بس تضـلـين العـقـيلـه بالـضـعـن هـيـبه نبي
تسـجـلين اعظـم بطـوله يافخـر كل طـالبي مـفـخـره بنت الزجـيه واخت الابطال
موقـف اترسـمين يوذكـر مر الاجـيال

عطشـتي نهـر بضمه وتصـيح يافـاطـمه

◾️◾️◾️◾️◾️◾️◾️◾️◾️◾️◾️◾️
تمت بعون الله تعالى

    عـقـيل حسـين الگـرعـاوي

[ ٠٨:٤٨ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

شلون علتچ يم حسن تخفيها
وكسر ضلعچ ياهو يداويها

الزهره من شافت علي امجتفيه
وغصب بحبال التامر كايديه
چان عينه الفاطم تعارض حجيه
وترفع بساعه دعا ايديها
*
الزهره ضمت عن علي كسر ضلع
تريد دين الله علا العالم يشع
واذا فد يوم حست ابوجع
كامت ابسكته تهل ابعينها

ابد ماجابتله طاري ولا خبر
ولا حجت فد يوم بالضلع نكسر
تدري بالكرار مايرضه الگدر
اله وما يقبل ايمر بيها
*
حتارت الزهره تكول ولاتكول
هاي فعله تكوم وياها الفحول
ذكرت ابلحظات اقوال الرسول
الفتنه ما جازت ترا الراعيها
*
لون كالت فاطمه الدين ندرس
وصار حجي الدين بالدنيه همس
وبعد مايطلع گمره ولاشمس
الجاهليه تعود بل اليرضيها
*
الزهره ماكالت ترا تريد البعيد
وحتى دين الباري يزهر من جديد
وعدة الاسلام بالعالم تزيد
ووخلت الاسلام عز يالفيها

الزهره ضحت خاطر دين يسلم
وحتى مايبقى وراهه بس اسم
شالت الدين بصدره والعلم
ومنهج الحق رفعته بيديها

صبرت ام الحسن وراح انطوه
چنه ذاك الدين طالب نخوه
ركظت ام احسين شياله لوه
الدين طاح ولگفته بيديها

ابو حسين الفضلي

[ ٠٨:٤٨ م]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

قصائد استشهاد مولاتنا الزهراء عليها السلام

آيات الحزن * تقراهه السمه

هالليلة علي * يودع فاطمة

بليلة مظلمة * لا ضي لا شمع
أنزلهه علي * بگلبـه المنفجع
مهضومة گلب * مكسورة ضلع

واراهه الثرة * ودموعه دمـه

لا مو باللحد * بصدره الما بُرَد
نامت والألم * بضلوعه انولـد
حورية إنس * نور من الصمد

ومن غابت صفت * دنيا مظلمه

قرآن وفگد * آيات القدر
الشمس تكوّرت * من مات الفجر
وسورة والعصر * حسَّت بالعصر

ولعيسى العصر * راحت مريمه

راحت والفرح * ويّاهه ارتحل
ودعهه وبقت * تبراه العلل
صعدت حسرته * والمدمع نزل

ونهار الأمل * غايب مبسمه

ذِبلت زهرته * وماتت بسمته
وآماله اختفت * وظهرت حسرته
حيدر والحزن * أصبح قصته

ومصاب الضلع * قصته المؤلمة

عينه اعلى الگبر * ايده اعلى الجفن
يمسح دمعته * وجروحه تِون
هل يوم ابتدت * قصته اويه الحزن

من يوم الورد * ذبحوا مَوسِمــه

عقيل الكاظمي

[ ١٢:١٠ ص]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

ابو حسين الفضلي

[ ١٢:١١ ص]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

هاي الناس مو كلهه اعلى رايك
هاي الناس مو كلهه اعلى مايك

هواي مختلفه تراهه
لاتكول انته شجاهه

هاي الناس
هاي الناس

ذاكه اول ذاكه تالي ذاكه ناصي ذاكه عالي
ذاكه مابين

يعني تفكيرك اريده يدور الفكره البعيده
ويفتهم زين

لايغرگ شكل واحد اتشوفه ماي وهوه راكد
النظر وين

احسب حساب انته واجمع بالخطا مو سهله توكع
مره مرتين

بالنيات اعمال الخلايق
وبدنياك لتصير انته واثق

بس ندم هيه وراهه
لاتكول انته شجاهه

هاي الناس
هاي الناس

كل بشر موهوب منه بس يزيل اغباره عنه
تشوفه مولود

من سجن فكره ايتحرر من ضميره يطلع الشر
هذا موعود

مو حيادي تشوفه واضح كبل غيره الروحه ناصح
فعله مشهود

والبقه اعلى الحال نفسه كلبه مهما كبر يقسه
ودربه مسدود

للموزين لتصير انته تابع
بالمقسوم خليك انته قانع

المثلك بكلشي ايتباهه
لاتكول انته شجاهه

هاي الناس
هاي الناس

من الشعر الرسالي

[ ١٢:١١ ص]

قصائدشهادةفاطمةالزهراءع

ــــــــــــــــــــــــــــــــــــــــــــــــــــــــ

ودعني مثل الدمعه وتودعلهه عين
يا ابا الحسن والمُلتقى عِند الحُسين
موعدنه يم نار الخيم
نتلاكه من يوصل سهم
عِند الحُسين
●●●●●●●●●●●●●●●

تدري هاي الليله آخر ليله إليه
وهايه آخر كعده نكعدهه سويه
ياعلي موعدنه بارض الغاضريه
لمن ايسمون زينب يا سبيه

خل ننسه موضوع الضلع والفاجعه
وسولفلي باليحني الظهر عالمشرعه
بالنايم وشابك علم
نتلاكه من يوصل سهم
عِند الحُسين
●●●●●●●●●●●●●●●●●

كوم ودع فاطمه إوداع النهايه
ياعلي وخل نتفق من البدايه
آنه فوك حسين اضلل بالعبايه
وانت صَبّر زينب ولم السبايه

بسماري هيّن ياعلي يم النبل
والنبله ياحيدر فلا ترحم طفل
مثل الورد وتشربه دم
نتلاكه من يوصل سهم
عِند الحُسين
●●●●●●●●●●●●●●●●●

يا علي وهذا الطلب منك اريده
بيدك اترجعلي روحي يالصميده
لبني اروحن حافيه واكطع البيده
كبل سيف النايبه وكطعة وريده

ويه السهم ذاك اليصوب جبدته
نتلاكه يم صدرره ونقبل جبهته
كبل الحجر كبل الألم
نتلاكه من يوصل سهم
عِند الحُسين
●●●●●●●●●●●●●●●●●

إبعلمي باجر يا علي اتفر الضعينه
حسين طايح عالوجه ومكطعينه
بصوت انادي هلله هلله حسين وينه
ما نخلي عاري واندفنه بإدينه

آنه ضلع واحد يأذيني تره
وي عمت عيني ضلوعه كلهه امكسره
وبي ضلع واحد ما سلم
نتلاكه من يوصل سهم
عِند الحُسين
●●●●●●●●●●●●●●●●●

ياعلي ولو جيته كبلي انتظرني
كله امك جايه وخله إيعَذرني
تدري بالمكسور ظلعه ايصير محني
وآنه محنيه وظلوعي يوجعني

يالوالي كون اتعطلت عن الذبيح
معناهه امشي واعثر وكل ساعه اطيح

وكل ساعه اصَبّر بالجدَم
نتلاكه من يوصل سهم
عِند الحُسين
●●●●●●●●●●●●●●●●●

ش/علي الإبراهيمي

اكثر من عشرين قصيدة مكتوبة لمولاتي الزهراء عليها السلام