قصائد استشهاد الزهراء عليها السلام

المجموعة الاولى من قصائد استشهاد مولاتي فاطمه الزهراء عليها السلام

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

لام الحسن وحســين = ضلــع انهشــم نصــين

ضلــع انكســـر بالبـاب = وبكربلــه من انصـاب

ضلــــــع انهشـم نصـــين

******

طفر ضلع الزچيــه وچيـّت أعله البـاب =

ضـرب روحـه بحراره وصوباه اصـواب

ذكـريــوم الطفـوف شلــون ضلـع انصاب =

عزيــز الـــروح هــــذا لبــة الالبــــــــاب

نــور الگلــب والعين = لاسهـــــم لاسهمـــين

لاذنـــب لاأسبــــــاب = وبكربلــه من انصاب

ضلــــــع انهشـم نصـــين

******

تحاچيـــه وتگلــه ياضلـــع تـــــــــــدري =

هــذا حسـين وآنـه أفديلـه كــل عمــري

شلــون اتريــــد منـي أبخــل بكســــــري = وباچــرخيـل فوگ ضلوعــه من تسري

تدريــه عزيز الروح = موبـس ضلــع مجروح

گلبــــه ودليلــه ذاب = وبكربلــه من انصـــاب

ضلــــــع انهشـم نصـــين

******

على بســاط المنيــه وشبگتــه الزهـره =

تظمــه للگلــب هيــه وتشـــم نحــــره

لحسن وحسـين ظلــت حاضنــه الحـره = وضجــت بالسمــــه الاملاك من جمره

وخــّرهـم الحســنين = هالضجـت الكونــين

ياعلــي داحي الباب = وبكربلــه من انصـــاب

ضلــــــع انهشـم نصـــين

******

چنهــه اتگلــه ياروحــي وبعد روحـي =

أعوفــك يبنـي وبگلبـــي كثــر نوحي

بجرحــك ياعزيـزي وزادن جروحــــي =

أظـــن المـوت يبني داير بسوحــــــي

ياخذنــــي منــك راد = يــــــاوردة الاوراد

لجلـك دليلي انعــاب = وبكربلــه من انصـــاب

ضلــــــع انهشـم نصـــين

******

صـاح حسين يمـه وياثمــر چبــــــدي =

يمــه شلـون رحتـي وغبتـي من عدي

أظـــل أويـاچ ياعمـري أظـــــــل ودي =

وإذا مــامــش أروح وروحتـي وحدي

اخذينــــي يمــه ويــاچ = ماأگـــــدر لفرگـــــاچ

لاعمــر عندي وطـــاب = وبكربلــه من انصـــاب

ضلــــــع انهشـم نصـــين

******

شبگ حيدر شُمـر روحـه على صدره =

يشكيلـــه لبــــوه من الزمن غـــــدره

بعــد طـــه فگـــدهه وزادت الحسـره =

صــــدگ يمــه عليـچ وهانت العشره

يايمـــــه لتروحـين = واللـه انتي ماي العين

عنـــدي ييمـه عتاب= وبكربلــه من انصـــاب

ضلــــــع انهشـم نصـــين

******

نسألكم الدعاء

خادم الحسين ع

الحاج ابو اياد البيجاوي

📡قناة الشاعر ابو اياد البيجاوي

[ ٠٨:٠٠ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

بــيـن الأرض والســـمه …. نصــبوا عــــزاء فاطـمــه

جبريل مَجلـس قَـــــرة … والأنـبـــيـا لا طـــــــمــه

لمــــن قَــره المُستَهَــل …. ظل يبچي خَير العَـمَــل

مـــا تستحي المگــبَـرة … كوكــب الزَهــرة نــــزَل

★★★★★★★★★

ماتـــت الزهرة وبچت چــــــم أيــــــه

وصــــــــار مجلس بالسما واقرايـــــه

راد يدفنها علـــي ابنـــص هـــــايـــــه (👀)

وگال فاطم مو زغــــــــيره اولايــــــه

صاحـــب الرايــــه يتيـهــــي رايـــــــه

اوياها يدفــن سبحـــه وامصلايـــــــه

حيدر اوظهره انحنَـه…. واللحظـــه صــارت سَــنَـه

وشيباتــه لزمَن سَــره …. يَمـــه السمـــه امچَفــنَـه

وشاف الـــورد من ذبَــل… ظــل يبچي خير العَمَل

مــا تستحــي المگــــبرة … كوكــب الزَهــرة نــــزَل

★★★★★★★★★

علي مانــايـــم تــــره من البـــــــارحه

الزهره صعدت والعمايـم طــــــــايحه

نصبوا ابسابـع سمــــــــاء الفــــــاتحه

اشلون باقي علي وروحه الــــــرايحه

زينب اويه اخوتها اجـــته اوصــايحه

وطاحن ادموع الحســــين المـــــالحه

گعدوا اولطموا سوه…. صعبه يمــــوت الظــوه

بــت حيدر امــــوزره … وبالريـــه ظاگ الهـــوه

تارس اعيونــه الزَعَل …. ظل يبچي خير العَــمَــل

ما تستحــي المگبَــرة … كوكب الزَهــــرة نــــزَل

★★★★★★★★★

حــــيدر الـــوادم تصــــــيح ادخيله

ليـــش حــيل الله انهدم كل حـــيله

ايشـــيل روحـــــه لو نعشها ايشـــيله

وليـــــلة ام الحسن اصعب لــــــيله

الغــير فاطـــــم ماتلـــــــوگ الشـــيله

ونايـــم المحســن مــنــوا ايلولـــــيله

زينب عَليْ تنهْـــدم … وتغطي اخوها ابهْــدم

يالمحسن المعـــذرة … نايم صدگ لو حلم

غافي اعله جفنك أمَل… ظل يبچي خير العَمَل

ماتستحي المگــــبرة… كوكب الــزَهرة نــــزَل

★★★★★★★★★

علــــي يمكــن يوجعــــــنه اضلــوعه

گــعــد يــــــم زينــــب تهل ادمــوعه

يحچي وي زينب جـــــرح موضوعه

والحسن وحسين اجـــــوله ابلـــوعه

گـــام شَـــم ولــده وعلــگها اشموعه

وزحــمــــــه حيدر ونــتَــه مسموعه

حيدر الـــرَد الشمس …. يبچي وي ولده ابهمس

دمع الولي من جره….. زينـــــب ابچفها تحس

يادمع هـــذا الهــمَل …. ظل يبچي خير العَمَل

ما تستحي المگـبرة. … كوكب الــزَهرة نــــزل

★★★★★★★★★

حيدر المحد تعــــده احــدوده

ماتلوگ الدمعه فوگ اخــدوده

ابگلبه طابع صوره مو بزنــوده

وروحه مدري فاطمه الممروده

ساعة الصحبه عساها ســــوده

يامُحمد علي اتمــــوت اوروده

ماندري شنهي السَبَب …. من رحت جابوا حَطب

والرابي ابسد مـــــرَة ….. جمع الناس وخطب

بس تالي من الخَجَل…. ظل يبچي خير العَــمَــل

ما تستحي المگـــبرة … كوكب الـــــزَهرة نــــزَل

★★★★★★★★★

صــاح جبريـــل ولَحــــــن بحساسه

اليقـــره الها طيـــب اللـــه انفـــاسـه

فاطمه اليخدمها تـــرفـــع راســـــــه

وملك يصبح عد هله وكل نـــاســـــه

النــــاس تـتــبرك تجــــــي بمدَاســــه

اليخلص اويحــسيـــــنه والعــباســــه

واليذنب مـــن الخَدَم … ذنـــبه امظه من السَهَـم

والفاطمــــه تــنـظـره ….. بالدنــيا يصــبح عَـلَــم 🚩

الظيعها ظيـــع أهَــــل …… ظل يبچي خَير العَــمَل

ما تستحي المگـــــبرة. … كوكــب الــزَهرة نــــزَل

★★★★★★★★★

ـــــــــــــــــــــــــــــــــــــــــــــــــــ

ماجد حبيب الخيگاني

ونسألكم الدعاء

[ ١٠:١٢ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

بيدي إدفَنِت وَسط إلتِــرُب روحي

مَجره إلدَمِع ظَل يِنزِف إجروحي

عالنادت إضلوعي

مَرسومه بِدموعي

وَسط إلتِــرُب روحي

**** أحفُر كَبُر بِيد الصَبُر

بِعيني صِفَت عَبره

وبهالوَضِع مَجره إلدَمِع

بي صورة الزَهره

بيدي

مــا أترُكِـج وَحدج

راح أسكُن بِلِحدِج

مــا افتـــرِك عَنج

ما أرجَع إلدآر

إشلون أرجَع وحال الحِزن حالي تِسألنـي عَنِــج أدري أطفــــــالي

مــا سَكنِت روعي

مَرسومه بِدموعي

وَسط إلتِــرُب روحي

**** من شَيَعِت وَحدي رِحِت

ليلي قِره إعتابي

إلحامي الحمه تِبجي السِمه

عن شِدة إمصابي

لأجلي

بيدي إدفَنِت فاطِم

حِزنــي يِظَل قائِم

إبيـت النبــي دآئِمَ

مَجلس عَزه ايصير

فاطمه جانت تِجري بِأنفاسي

ليله إدفَنِتها شيب طَك راسي

ماضاوِيه إشموعي

مَرسومـه بِدموعي

وَسط إلتِــرُب روحي

**** وَحدي أظَل هي إلأمل

إشلون أكَظي أيامي

إلزينب أصِد قُرب وبُعُد

جَن هي جِدآمي

ويلي ويـن أظُم لوعاتي

ويـن أخفي وَناتي

تِفضَحني دَمعاتي

أخفيها بالبير

يالزهره حالي صَعُب بِغيابِج

أنظُـر أولادِج تِشِـــــم بِثيابِج

والحِزِن موضوعي

مَرسومـه بِدموعي

وَسط إلتِــرُب روحي **** كلبي إنثِلَم مِن الألَم

يوم إلشِفِت كسرِج

صوتج دَمِع مِن أستِمِع

تِشكيلي مِن ضِلعِج

زهراء

بيدي أكَعــــدها

بروحي أسندها

فاطِـــم أرَددها

يالهفت إظماي

أُم الحَســن هـــي عَمَد بيتي

مِن فارِكَتني إفكَدِت عافيتي

ياحَســــرِتي لوعِي

مَرسومـه بِدموعي

وَسط إلتِــرُب روحي ****

بِنومي أفز أصبح لُغُز

تِتكرر إهوآيه

صوتي عِله فاطِم هَله

بس إنتي ماجايه

إنتِظار

آنـه أفِـــز كُل مَره

من نومي يالزَهره

ظِكَت الهجِـر مُره

طَعم الهَجر آه

بين إللعَلـــه والعسى إبــــالي

هيجي وأشوفج وآكَفه إكَبالي

أنظُــرها بِخشوعي

مَرسومـه بِدموعي

وَسط إلتِــرُب روحي ****

عُمري حِزن لأم الحَسَن

لو طالَت إسنيني

بِأذني أحِس صوتِج هَمِس

جيتي تِوَدعيني

بِدآرِج

أركُض على الحِجره

مخنــوك بالعَبــــــره

مــاشاهِــــــد الزهره

إرحمني ياموت

ليلـي ونَهـــــــاري بِآه دَمعاتي

بِفكَد الزِجيه إنسيت ضِحكاتي

بيامـــي وِأسبوعي

مَرسومـه بِدموعي

وَسط إلتِــرُب روحي ****

خادم الحسين

حاتم ماشاءالله الكاظمي

[ ١٠:١٣ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

عَظِيْمَه اِوْ يِجْهَلِ العَالَمْ فَضِلْهَا

خِلَقْهَا البَارِيْ ، مَا خَالِقْ مِثِلْهَا

رَبِّ العِزَّه أوْجَدْهَا فَاطِمْ مَحَّدِ اِبْـگدْهَا

ــــــــــــــــــــــــــــــــــــــــــــــــــــــــــــــــــ

بِسِمْهَا اهْلِ السِّمَه اِتْسَبِّحْ سِمَعْنَاهَا

اِبْـمُنَاجَـاة البَشَرْ ” فَـاطِـمْ ” لِگيْنَاهَا

مِـثِـلْ قُــرْآنْ رَبْـنَـه الـمُـنْـزَلِ الـطَـٰـه

شَـرِطْ ، نِـتْـوَضَّـه لَازِمْ لـوْ قِـريْـنَـاهَـا

الفُرُوضِ الخَمْسَه مِنْ رَبِّ البَرِيَّه

اِوْ فَرُضْ سَادِسْ صُبَحْ حُبِّ الزِّچِيَّه

خيرِ الدِّنْيَه مِنْ عِدْهَا فَاطِمْ مَحَّدِ اِبْـگدْهَا

ــــــــــــــــــــــــــــــــــــــــــــــــــــــــــــــــــ

چِبِيرَه اِوْ سُبْقَتِ الوَادِمْ فَضَايلْهَا

حَوَّه اِوْ هَاجَرِ اِوْ مَرْيَمْ خَدَمْ إلْهَا

چَانِ الهَادِيْ ابُوهَا اِوْ هُوَّه فَضَّلْهَا

صَحْ بِنْتَه اِوْ مِـثِـلْ أُمَّـه يِعَامِلْهَا

أسَاسِ النَّشْأه فَاطِمْ وِالخَلِيقَه

اليِضَيِّعْ حُبْهَا مَا يِنْدَلْ طَرِيقَه

عِلَّةْ خَلِقْ وَالِدْهَا فَاطِمْ مَحَّدِ اِبْـگدْهَا

ــــــــــــــــــــــــــــــــــــــــــــــــــــــــــــــــــ

أوَالِيْهَا اِوْ مِـنِ العَادَاهَا أتْـبَـرَّه

لَجِلْ أعْلِنْ وَلَائِيْ الـتَّـامْ لِلعِتْرَه

أصِيحِ اِبْلَا فَتَى إلَّا عَلِيْ ، مَـرَّه

اِوْ بَعَدْ لَا مَرْأه إلَّا فَاطِمَه الزَّهْرَه

صُفَتْ سَيْدَةْ نِسَاءِ الدِّنْيَه كِلْهَا

البَشَرْ وِ المُوْ بَشَرْ هَمْ يِشْهَدِلْهَا

الله اِبْعَرْشَه مَجَّدْهَا فَاطِمْ مَحَّدِ اِبْـگدْهَا

ــــــــــــــــــــــــــــــــــــــــــــــــــــــــــــــــــ

تَـرَه كِـلِّ الِّذِيْ لِلزَّهْرَه مَـا وَالَـه

أبَدْ مَـتْنِفْعَه يومِ المَحْشَر امْوَالَه

اليِمُوتِ اِوْ تِرْضَه عَنَّه الزَّهْرَه هِنْيَالَه

أمَامِ البَارِيْ بيضَه صَفْحَةْ اعْمَالَه

اليِوَالِيْ فَاطِمَه اِبْـأكْمَلْ إطَاعَه

يِمُوتِ اِوْ يِسْتِلِمْ صَكِّ الشَّفَاعَه

نِعْمَه اِوْ الله رايِدْهَا فَاطِمْ مَحَّدِ اِبْـگدْهَا

ــــــــــــــــــــــــــــــــــــــــــــــــــــــــــــــــــ

رَغُمْ هَايْ المَكَانَه العَالِيَه العِدْهَا

يِجِيْهَا الظَّالِمِ اِوْ يِـوْگـفْ يِهَدِّدْهَا

طِفِلْهَا اِيْطِيحْ طيْحَةْ دَمْعَه مِنْ خَدْهَا

اِوْ يِلْطُمْهَا العَبِدْ ، وِ البيتْهَا اِيْرِدْهَا

تِحِسِّ اِبْكِلْ نَفَسْ لَچْمَه اِبْضِلِعْهَا

اِوْ تِهِيجِ السَّطْرَه كِلْ مَا صَبْ دَمِعْهَا

بَس الله اليِسَاعِدْهَا فَاطِمْ مَحَّدِ اِبْـگدْهَا

ــــــــــــــــــــــــــــــــــــــــــــــــــــــــــــــــــ

تَرَه مُوْ بَسْ فَضِلْهَا العَالَمِ اِيْجِهْلَه

بَعَدْ حَتَّى الگبُرْ مَـا أحَـدْ يِـنْـدَلَّـه

اِبْظُهُورِ المَهْدِيْ گبْرِ الزَّهْرَه نوْصَلَّه

مَعَ المَهْدِيْ اللَّطُمْ لُمِّ الحَسَنْ يِحْلَه

نِقِيمِ المَجْلِسِ اِبْـأرْضِ المَدِينَه

اِوْ نِصِيحِ اِبْصوتْ يَاثَارِ الحَزِينَه

نِبْنِيْ اِهْنَاكَه مَرْقَدْهَا فَاطِمْ مَحَّدِ اِبْـگدْهَا

ــــــــــــــــــــــــــــــــــــــــــــــــــــــــــــــــــ

٢ / ١١ / ٢٠٢٠ الاثنين

كرَّار حيدر الخفاجي

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــ

.

.

.

عـاشــوراء .. الــزهـــراء

قــد اقــبل

يابو صالح

_____

ردت الايـــــام .. وكـــــــبـــرت الالام .. ابگلبك انته اشضام

يــارزيه

اشخله بيك الباب .. چم جرح ومصاب .. ادري راسك شاب

عالزچيه

متبدي من عـينك نهر بس الله يدري اشكبره

يالخلصت عمرك بچي مـاذيــك جـرح الزهره

يــوما أت .. لــلاهــات

قــد اقــبل

يابو صالح

_____

حزنك المنشور .. بي ضلع مكسور .. وبي وجه مسطور

وبي عذابات

تحـترگ ادريك .. ومــحد ايطفيك .. محــسن امــأذيك

وكلك اهات

اهاتك اتفطر الصخر بسمار چن بضلوعك

خدك امصـلاية دمع صلت عليها ادموعك

حزن الآل .. في الأصال

قد اقبل

يابو صالح

_____

شهگـــتك دخان .. دمعـــتك نيران .. اتلچــمك البيبان

لو شفتها

عيشتك جرحين .. بيها عاشورين .. الفاطمه وحسين

وضفتها

انته الحزن بس حصتك وعطر المجالس عطـرك

بسمار لــو حافر فــرس يالمهدي شنهو ابصدرك

واويلاه .. سمهم الاه

قد اقبل

يابو صالح

_____

تتــنحب مالو .. عالظــلع مهظوم .. تعـثر امــن اتگون

بالمصايب

دمعتك تسبيح .. يالزچيه اتصيح .. انـته من اتطيح

عالترايب

لو طحت تذكر فاطمه من طاحت اعله الغبره

تتبده يالچـنك دمــع من تذكــر انته السـطـره

دمـعً لاح .. فيك وصاح

قد اقبل

يابو صالح

______

اهدومك اتضل سود .. عالذي مگيود .. وگبلك الممرود

شايل اهواي

حيدره امن انگاد .. گــادو السجاد .. يلي صرت ارماد

انته من هاي

ابدلالك اشسوه السبي وهيچي تهل دمعاتك

چيه عالهزل يالمنتظر راحــن ســـبي عماتك

صوت عزاء .. صوت بكاء

قد اقبل

يابو صالح

_____

سـيدي ندريك .. شنهو المبــچـــيك .. فاطــمه اتاذيك

يالمغيب

وعالجره مقهور .. تبچي عالمنحور .. هسه وين اتدور

وين تنحب

يم مذبح حسين السبط لو بالبقيع انته اتنوح

لجــل الزچــيه وَنــتك لو عالذي ظل مطروح

جرحا بات .. لامامات

قد اقبل

يابو صالح

_____

تمت والحمد لله

حيدر تركي الكربلائي

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

قصيده نزله. للزهراء عليها السلام

🔸▪️🔸▪️🔸

حيدر ابحسره. يدفـن الزهـره

يدفـن الزهـره. حيدر ابحسره

🔸▪️🔸▪️🔸▪️🔸▪️🔸▪️🔸

1

الوالي

گـوه ينـگـل جدمـه. شگد عظيمه الصدمه

علي بـاگــو حـلـمـه

الموقف

يصيح هدم حـيلـي. ومـانمـت كـل لـيـلـي

طـيـفـج اينـاغـيلـي

يالزهره

بعيني حرگـت بابج. هـدني حـيل غـيابج

ريـت بـيه صـوابـج

بالگـلب جمـره. يـدفـن الـزهــره

يدفـن الـزهـره. حـيدر ابحـسـره

🔸▪️🔸▪️🔸▪️🔸▪️🔸▪️🔸

2

اذاني

شطوله ليل الوحشه. مــانـمـت لـلـغـبـشـه

صبري فگـدج طشه.

خلصته

ويم حسن كل ليلـي. احـس جـن تشكـيلي

وعـالظـلـع تـومـيلـي.

وتگلي

عـلـي روح لــزيـنـب. هسه گـعـدت تنحـب

مـن بـجـيـهـااتـعـذب.

رد عـلـي بـقـهـره. يـدفــن الـزهـره

يـدفــن الـزهــره. حـيدر ابحـسـره

🔸▪️🔸▪️🔸▪️🔸▪️🔸▪️🔸

3

ياويلـي

زيـنـب اتـلـگـتـنـي. من اوصـلـت شـبگـتني

بس حجت بجتني

مااحمـل

گـلـبي ضـل ابناره. محـافظ اعلـه اسـراره

عـالظلـع واخـباره.

مااحجي

تبقـى تسعـر نـاري. عـلـه الـشـفـتـه بـداري

ومـااســل فـقـاري

وانـضـر الـعـصـره. يـدفـن الـزهـره

يـدفــن الـزهــــره. حـيدر ابحـسره

🔸▪️🔸▪️🔸▪️🔸▪️🔸▪️🔸

4

يالزهـره

والله مـوحش دارج. ضلمه بعد انوارج

بضلعي جن بسمارج.

يشرحلي

طيفج اعلـه الحـالـه. الزمن كـل انذالـه

لـلـحـطـب حـمــالــه

ويشبهـا

نـاره وبـنـص بـيتي. وجتفتني وصيتي

بسـمـي لـونـاديـتـي

افـني هـالزمـره. يدفـن الـزهـره

يـدفــن الـزهـره. حيدر ابحسره

🔸▪️🔸▪️🔸▪️🔸▪️🔸▪️🔸

5

اذتـنـي

زيـنـب ابـونـتـهــــــا. تبـجـي ويـه اخـوتـهـا

مــاتـكـف دمـعـتـهــا

تجـاره

الدمعه واني ابروحي. امكـابر اعله اجروجي

مــــااســمــع نـوحــي

كـاتمها

ونــتــي والـعــــلــــه. الـگـلــب ضـيـع خـلــه

الـجـان سـاكـن ضلـه

سـاكـن ابـگـبـره. يـدفـن الزهـره

يـدفـن الـزهــره. حيدر ابحسـره

🔸▪️🔸▪️🔸▪️🔸▪️🔸▪️🔸

6

خـليتي

ريـحـتـج والـمـلـگـه. خـلفـت بس فرگـه

بگـلبي خلت حرگـه.

يالبيتج

صـار بيـت احـزاني. وبـس الــم راوانـي

والـقــهـــر ســلانـي.

ماانسـه

وردتـي العـصـروهـا. وبالضلـع صابوهـا

بت نبي وهضـموهـا

الـطـاهـره الـحـره. يـدفـن الـزهــره

يـدفــن الـزهــــره. حيدر ابـحـسـره

🔸▪️🔸▪️🔸▪️🔸▪️🔸▪️🔸

تمت بعون الله تعالى

عقيل حسين الگـرعـاوي

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

الليالي الفاطمية

حوار بين مولاتي زينب ع وامها الزهراء ع

يا فاطمة .. زينب چنت لمدللـه

يا فاطمة .. عگبچ ييمه راحله

يا فاطمة .. مسبيه امشي بكربله

يا فاطمة .. يا فاطمة

“””””””

يُمه چنت امدللـه وماكو بدلالي

زينب اني الغالية وبت الغوالي

چنت انام بحضنچ واغفه الليالي

لا خرابة ولا سبي يمُر اعله بالي

يالغالية .. بحضنچ غفه ونام الجفن

يالغالية .. ولا سوط ايطگني بالمتن

يالغالية .. ولا اسمي چان ام الحزن

يا فاطمة .. يا فاطمة

“”””””””

من وصلتي الباب احس گلبي عِلمني

ما يظل عندي حضن دافي ويلمني

كسروا ضلوعچ بعد يا صدر ايضمني

والسطر وجهچ سطر وجهي ولطمني

ما صدگت .. ينزف دمه شفت الصدِر

ما صدگت .. خدّچ عجيبة ينسِطِر

ما صدگت .. ضلعچ سمعته ينكسِر

يا فاطمة .. يا فاطمة

“”””””””

بلايه أُم بعدچ اظل مكسوره خاطر

ومن مصايب كربله بس الله ساتر

يُمه ما موجودة يعني اويايه باچر

حسين اشوفه وحّدي ادوسه الحوافر

بين الغُرب .. بعد اخوتي راح انولي

بين الغُرب .. صوت الشماتة يعتلي

بين الغُرب .. شوفوهه هاذي بت علي

يا فاطمة .. يا فاطمة

“””””””””

تخيلي يُمه هيچي راح ايصير بيه

وحدي مربوطة بحبال إثنين اديه

تخيلي بنتچ تالي ما تالي سبيه

عالهزل والناس تتفرج عليه

وتخيلي .. زينب سبية عالهزل

وتخيلي .. ايديه مچتوفة بحبل

وتخيلي .. عطشانة لا ماي واكل

يا فاطمة .. يا فاطمة

“””””””””

يُمه خوفي ابقه بيديهم رهينه

حسين خوفي لا حجر يضرب جبينه

وخوفي لا مذبوح اشوفه من وتينه

وخوفي اشاهد چف بلا خنصر يمينه

من انسبي .. يا فاطمة اكبر جرح

من انسبي .. بالطف اخوتي تنذبح

من انسبي .. رووس الغوالي عالرمح

يا فاطمة .. يا فاطمة

“”””””””

حرمله ايگله الشمر فرصة اغتنمهه

هسه زينب لا اخو ولا والي يمهه

عيد حرگ الباب واحرگ كل خيمهه

وعالمتن أضربهه مثل الزهرة امهه

وحدي اظل .. يگلولي ها وين اخوتچ

وحدي اظل .. لا كافلچ لا سلوتچ

وحدي اظل .. بالحسرة الا انموّتچ

يا فاطمة .. يا فاطمة

انيس الخفاجي الكربلائي

[ ١٠:١٦ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

صرخه من السمه

ماتت……..فاطمه ……يحيدر

يجرحني الدمع

مكسور الظلع………..يحيدر

***********************

اشسوت بينه بويه هجمة الدار

واشوفنه الكلب ياويلي بس نار

واحسنه نبت ابظلوعي بسمار

اكدار الزمن جابتلي الاشرار

ليل…… الفاجعه

يحچي الواقعه …….يحيدر

كلبي ينفجع

مكسور الظلع ………يحيدر

***********************

يحيدر دمعتي تشرح حچيها

يبويه شچم ظلع مكسور بيها

كامت فاطمه وتسمع بچيها

مصيبه ابرجعتك ونك عليها

یمهه من طحت

بويه….اتفاجئت……..يحيدر

نوحك ينسمع

مكسور الظلع………يحيدر

***********************

تلاگو بالدمع والحسره بيه

وسمعهه تون شفت الزجيه

يفضه اشيبهه امي اتگض اديه

اجت للحجره بس ونه خفيه

نار … امچيمه

حسرة فاطمه ….. يحيدر

ونك……يرتفع

مكسور الظلع………يحيدر

***********************

اسولفلك يبويه اشكد حزنهه

من شفت الزجيه ابعالي ونهه

وگع مثل الجبل طيحة ابنهه

سطرها الظالم وشاهد جفنهه

دمعي والجرح

وانت بلا صبح…….يحيدر

جرحك يتسع

مكسور الظلع………يحيدر

***********************

طاحت فاطمه….. وختل نظامك

خلفك ….ما بعد تنظر امامك

تحني شچم ظلع بويه اشعلامك

صعبه الكسره معروفه بكلامك

دمعك بي حچي

وهوايه….البچي……..يحيدر

لويطفي الشمع

مكسور الظلع……….يحيدر

***********************

يبويه انودع امنه ابدمعة العين

واسولف عالظهر وابروحي كسرين

الحسن يمي بنعاويه انچوه البين

بلهفته من شگبهه طاح الحسين

صاحت اتلوعت

من ذاك الوكت…….يحيدر

من هذا الوضع

مكسور الظلع………يحيدر

***********************

يبويه بيا دمع تدفنهه عينك

محني عله الكبر وسمع ونينك

چم طحه طحت بويه بحنينك

من هسه بعد ماتت سنينك

حزنك ينبني

ظهرك ينحني…….يحيدر

كلبك ينصدع

مكسور الظلع………يحيدر

***********************

#تمت بعون الله تعالى

#خادمكم ……يوسف الفتلاوي

[ ١٠:١٦ م]

[ 🏴 Sticker ]

[ ١٠:١٦ م]

#قصائد_شهادة_فاطمة_الزهراء_ع

ــــــــــــــــــــــــــــــــــــــــــــــــــــــــ

1

لكل خادم . عيش عالم ثاني لفاطمه الزهراء

باليالي الفاطميه

من تصير الدنيه مغرب اذكر ام حسن

يختنگ صدرك بهمه وقلبك بمحن

تشعر الدنيه نهايه ونگضه الزمن

والسمه اعله الكاع توكع والهوه اندفن

تضيك بيه الوسعه تتعب الها تكتئب

المرتبط بالزهره وضعه نوره ينحجب

تغيم بوجهه الملامح لونه ينشحب

الي يطلم بجفه اعله راسه فكره ينسلب

ابجي حدما دمع عينك وحده ينگطع

واذبل لخاطر الزهره ذبلت الشمع

واعله اضلع الحره ونك كونه ينسمع

طلم صدرك خل يذكرك كسرة الضلع

عيش عالم ثاني الها واعرف الأمر

خلي بعيونك يعاشگ دمعه الكسر

اذكر النار الي وجت واذكر الجمر

واسطر بوجهك لجلها واذكر السطر

البس اسود بالمشاعر واعرف الحجم

مو فقط هو الحداد بلبست الهدم

علم اجروحك توالي لفاطمه وتهم

واحضر لمجلس عزاها والها التزم

قدوة خليها بحياتك دائم وابد

كله هذا الكون الها لمن انوجد

ترضه هيه الله يرضه لفاطمه بعد

حبها لكن مو تصنع تصبح السند

بوجهك توجهه عليها واسي وانتحب

وكلها يم الحسن اني خادم برحب

اخذي بيدي يالزجيه عاشگ ومحب

مثل جرت النفس ذنبك هيجي ينسحب

زين العابدين الشمري