اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
حضره الج تنبي … وسط الصحن يم علي
متنورة بالذهب … لاخر سمه تعتلي
يم البخت والفخر
هاي امنيات البشر
……
كبه ومناير من ذهب مبنيه الج وسط الصحن
منا ضريح المرتضى منا ضريحج يم الحسن
واجمل عباره تنكتب بسمج على مر الزمن
ياخادم الزهره ابتشر رجعت الزهره للوطن

كبر ام حسن يم علي … من المدينه انتقل
الباري انطه الامر … وجبريله جابه بعجل
عاجل يرد هالخبر
هاي امنيات البشر
…..
ماكو كبر مخفي بعد كبرج يصير البلنجف
تتنعنه زوارج الج مثل اربعين البسمه طف
درب المواكب ينملي زوار الج كلهم شرف
واعداد زوار التجي مليون صف يماشي صف

زوار الج تعتني … من كل بقاع الارض
ليل ونهار وصبح …. ما واحد اليعترض
هنياله كلمن حضر
هاي امنيات البشر
……
كل زاير ايزورج يجي بيمينه شايل رايته
يم بابج ايدنك خجل والسمه تلقط صورته
لهفته الشباجج اشد من لهفته الشوف اخوته
بعيونه ما ننظر دمع ننظر فرح بزيارته

خلص حياته بجي … واليوم اجاه الفرح
بزيارتج يم حسن … صدرة ودليله انشرح
طوك الهموم انكسر
هاي امنيات البشر
…..
اويه المهدي ينقام العزه بسمج يمكسورة ظلع
يرتقي المنبر بالدمع والنور من خده يشع
والبث مباشر ينقل ويشوفه كل هذا الجمع
اليوم يوم ام الحسن نستقبله بحركه ودمع

اعظم عزاء ينعقد … بسمج يبنت النبي
والمستهل ينكتب … لعنه اعله كل ناصبي
والقارئ المنتظر
هاي امنيات البشر
……
كلمات
موسى الخادم

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــبين الحايط وبابه … امي الزهره عصرو
دمهه انتثر .. خدهه انسطر .. هذا الشفت
بعيوني
…….

انه الحسين اروي ما صار وجره
من هجوم الدار حد الكسر
امي جانت كاعده اويانه بهنه
لحضه والباب انطرق بالغدر
اعتنتله امي الحبيبه وهو صاح
دفعو باب الزهره ما ظل عذر
اتلكته ابكل حيلهه المابيه حيل
لحضه والبسمار ضك بالصدر

صار ابحيله يدفعه .. عالحايط انظره
كلشي عصر … خدهه انسطر … هذ الشفت
بعيوني
…..
ابعصرت امي عاينت محسن سقط
على العتبه ابلا ذنب دم جره
صاحت امي فضه سنديني ابعجل
مني محسن طاح فوك الثره
الحيل ما بيهه على الكومه بعد
حكهه كل اظلوعهه أمكسره
اركضت ليهه بلايه راي ابلا فكر
ومثلي الهه هم ركض حيدره

صاحت ياضوه اعيوني … لا تبجي علية
زال الخطر … خدهه انسطر …
….
بعد حرك الدار كادو جف علي
وامي طلعت خلفه تجري الدمع
هو يمشي ويلتفت ليهه بحزن
بشريني شنو اخبار الضلع
خلو ابن عمي تصيح ولامجيب
حالهه بجه العرش والشرع
صورة من اذكره ما تبقالي روح
وانهضم حيل ابذكرهه انفجع

تمشي اعله الجدم كوه … امي شاهدتهه
تمشي اتعثر … خدهه انسطر … هذا الشفت بعيوني
……
امي من هالحادثه سلهه المرض
حسره صارت عدهه جرت النفس
ليلهه امساهره اتكضيه بالونين
والنهار اعليهه يخلص همس
كوه تركع كوه تسجد للصلاه
ما تبين الوجع خافن نحس
شابحه اللون امي غيرهه الكسر
وين هسه اواوين جانت امس

وردة امفتحه ابنصنه … وسفه ذبلوهه
شبعت قهر …خدهه انسطر … هذا الشفت بعيوني
……..
اخ ياليلة وداع امي الاحب
هاي اشد ليلهص علي بالزمن
كلميني صحت الهه بعبرتي
وهي طلعت ايدهه من الجفن
نادت جبرائيل ياحامي الحمه
نحَّي ايتامك امن ام الحسن
بجت املاك السمه ايتامك علي
ساعد الله كلبك ابهل محن

ما انسه الجفن احمر …ساعت ودعتهه
بالمختصر … خدهه انسطر … هذا الشافت اعيوني
……..
كلمات
موسى الخادم

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

اخر ليله … كعدو سوه يم امهم
اخر ليله … ايكلموهه وتكلمهم
بجه حسين ونظرهه
وعلي ايعاين كسرهه
اخر ليله … اخر ليله
……
منظر ياخذ روح الشافه . مو بس زينب
حسين مكدر كاعد يبجي . وحيدر ينحب

شابح لونه … هدله امتونه … الله بعونه
حيل امعذب

ماجن حيدر هذا الواكف . باقي اخياله
مره ايكوم ويوكع مره . اكبال اعياله

شهكة ريته … وكل عافيته … اتفارك بيته …شيضل حاله

باجر ماكو … ابيته الزجية الزهره
باجر ماكو …. صاحبت اجمل عشره
يضموهة بكبرهه
وعلي ايعاين كسرهه .
……
متوسده اعله افراش العله . وتنظر ليهم
ماهمت بألام البيها . همّت بيهم

دكلهم يمه … ما متألمه … وهي ابظلمه
امن تحاجيهم

خافن تفجع كلب العيله . جرعت كل مر
وبسكته اتوصيه بحيدر . كالتله اصبر

حيدر يسمع … منهه ويدمع … كلبه اتكطع
لمن يحفر

يا عافيتي …. امسح دموع اعيونك
يا عافيتي …. من فدوه اروح اللونك
تواسيه ابعمرهه
وعلي ايعاين كسرهه
……
وحال الحسن يم جدم امه . ايبوس بيهه
ويكلهه الدار ابلا شوفج . ما طب ليهه

اوياج اخذيني … لتعوفيني … دمعت عيني
اعليج اجريهه

ماعندي افراح ابهل دنية . انتي افراحي
يايمه ابموتج تدريني . تزيد اجراحي

رحمي ابحالي … يا اَمالي …. كعدي اكبالي
سمعي انياحي

يمه بدونج …. دارج تسكنه الدمعه
بمه بدونج …. اكضيهه ابجي وانعه
مصيبه يا كبرهه
وعلي ايعاين كسرهه

…….
اكثر صوره اتألم جانت . عل شافاهه
حسين امدد طول اويمه . وما عافاهه

يصرخ يمه… وهيه اتضمه .. بهيده اتكلمه
روحه انطاهه
من كثر امناشغته اعله امه . وكثر اوجاعه
خفت عليه لا تطلع روحه . بهاي الساعه

اسماء اني … حسين اذاني … زاد احزاني
عطشت كاعه

يشبك بيهه …. ويعاين اعله اعضيده
يشبك بيهه …. ويخلي اديها ابيده
وي شمشم ابعطرهه
وعلي ايعاين كسرهه
…….
كلهه بصوب وزينب جانت . هاي الليله
تجري ادموع الفركه وتشكي . الحامي ادخيله

ادكله امنه … امن اتفاركنه …. يكثر همنه
ياهو يشيله

بوية ازغيره انه ومحتاجه . الحضن الزهره
مابية اتيتم من زغري . واجري العبره

من بعد امي … يكثر همي … ويصير اسمي
ايتيمه ابكسره

محتاجتهه … كللهه لا تتركني
محتاجتهه … اشمحلاهه من تحضني
تتخيل صورهه
وعلي ايعاين كسرهه
…….
كلمات
موسى الخادم

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

لعن الله ظالميكِ فاطمه
….
الهجمو اعله الدار والشبوها نار … ذوله موش اسلام ذوله ناصبية
الله لاعنهم على اللسان الرسول … وحيدر الكرار حماي الحمية

هله .. هله

ما يصح الة الصحيح …
وهمة اساس الكل غلط
للفتن رفعو شعار …
وعاشو بهذا النمط

لعن الله قاتليك فاطمه
……..
مو زلم نسوان ذوله الحاربوج … الزلمه ما يضرب مرة فشله بسلفنه
غيرة ماعدهم ولا عدهم حياء … الايده مدها عليج هذا ايده عفنه

هله .. هله

بختج ايعثر مضيف
ويشهد التاريخ الج
بالسعير الحاربوج
وانت جنه منزلج

لعن الله جاحديك فاطمه
……
الدفع بابج والدخل عنوا عليج … هذا مو طاهر حليبه هذا ناصب
الروحه نصبّها خليفه ابلا قرار … هذا خان العشره ما تلكاله صاحب

هله … هله
باجر القاضي الالاه
ويحكم ابكلشي الج
حق ظلوعج والجنين
ياخذه من عاذلج

لعن الله عاذليك فاطمه

……
سيدة كل النساء ابهل وجود … مثلج ابهل كون
ماكو يالعفيفه
انتي سر الله العظيم الحاربو …. بحركت الدار ونصب ذيج السقيفه

هله … هله
باجر المهدي يثور
ثارج امربع يرد
بيده شايل ذو الفقار
على ظلامج يهد

لعن الله باغضيك فاطمه
…….
الحمدالله رب العالمين
اللهم صل على محمد وآل محمد
موسى الخادم

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يازهراء …. يا مصدر كُل نعمه
يازهراء ….مشكورة اعله الخدمه
خدمتج يامحلاها
البيها عايش يتباها
……
مشكورة يا ام الوفه …. مجلسج من جبتيني
تايه جنت مثل الطفل … عالخدمه دليتيني
لو الف عام اخدم الج …. امقصر اشوف بعيني
لا شي جنت كبلج انه …. وانتي الي سويتيني

يازهراء … ما وافيج افضالج
يا زهراء … لو كل عمري اقرالج
قيمتي من سواها
خدمتج يا محلاها

….
ممنون الج يم الحسن … من جدمي والحد هامي
من غيرج انتي فاطمه … للخدمه شد احزامي
مطلوبلج دين ابكبر …طف الحسين الضامي
ماوافي حقج لو الج … اخدم جميع ايامي

يا زهراء … يا مفتاح الجنه
يا زهراء ….الخادم بيج مهنه
يا هديت الله الطاها
خدمتج يا محلاها
……
يافاطمه الزهرة الج … افضال كثرة اعلية
لو ريد اعدهن بالضبط …احتاج الف لطمية
خيرج امغركني اعترف … هالخير بين بية
شكرا الج شكرا الج …. يم زينب العلوية

يا زهراء …. شكراً يم العتره
يا زهراء …. اعليج اقبلتيني اقره
كل قصيدة امن اقراها
خدمتج يا محلاها
…..
الف انعم الله يم حسن … احجيها دوم ابالي
لو ما خدمتج جا تهت …. والضيم اصبح حالي
شلي بحياتي ودنيتي …. المابيها مثلج غالي
ياسر وجود اهل السمه … واهل الارض للتالي

يا زهراء … تسبيحت كل حيدر
يا زهراء … تنفع يوم المحشر
بالمواقف خصّاها
خدمتج يا محلاها

…..
هنياله كلمن صار الج … خادم امسجل اسمه
اهل السمه واهل الارض …. تحسدة على هالنعمه
مجلسج مو ياهو اليجي … يحضر اله ويخدمه
محتاج توقيع النبي …. ومعصوم من اليمه

يا زهراء …. خيراتج ما تنعد
يا زهراء …. كل العالم يشهد
اسمج الدنيا احياها
خدمتج يا محلاها
……
كلمن يبغضج فاطمه … الله بعضمته ايبغضه
ما يحصد الفرحه ابد … كلمن بدالج رفضه
بس اليحبج من صدك …هذا الي كاعد حضه
للجنه يدخل كل الملك … أبتوج الذهب والفضه

يا زهراء … رابح كلمن حبج
يا زهراء … راضي العترة و ربج
كلمه بالحق كلناها
خدمتج يا محلاها
……
الحمدالله رب العالمين
اللهم صل على محمد وال محمد
موسى الخادم ..

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

موسى الخادم:
يااله السماولت … أخرة موت أمي لحضات ….. صعبة فركاهة مأسات
،،،،
رايد أشكي همومي للزهرة الزجـية
رايد اخبرهة البعد يصعب عــــلـية
رايد احضنهة وأضمهة أبين أديــة
رايد أشبع منه شوف ابهل المسـيـة
ارد أشوف حالي لمي .. ارد اكلهة تــبقى يمي … … فاكـــــد ألابـتسامات
،،،،،
يااللهي أقسم عليك أبمحي هالــدين
يااللهي أخذ العمر كبل أم الحــسين
يااللهي موتي أرحم عندي مــرتين
يااللهي أبلاية أم مـــا تغمض العين
بالسهر أيامي تمضي …. بالحزن كل عمري يكظي … عمري يخلص بالاهات
،،،،
راجي عطفك ربي لا تاخذهة مـني
راجي عطفك بالدموع التجري ذني
راجي عطفك تســـتمع يا ربي وني
راجي عطفك لا تبعد الزهرة عــني
انه هذا حسين أبنهة …. صعبة يتفارك حضنهة … ربي رجعهة ساعات
،،،،،

مالي غيرك يا اللهي أشكـيلة حـالي
مالي غيرك يا رحيم أيـرد ســـؤالي
مالي غيرك وحشة بعد أمي اللـيالي
مالي غيرك والحـزن واضح يـلالي
حزني يكبر من بعدهة … غالية الام عد ولدهة … أحمل أشكد معانات
،،،،،
ربي قادر تنطي من عمري العمرهة
ربي قادر تشفي كـــل علة بصدرهة
ربي قادر بيـــدك أتجــــبر كســرهة
ربي قادر تاخـــذ اسنين العــصرهة
ربي لا ترحم خصمهة … دخلة نارك من ظلمهة … لا تشوفة المسرات
،،،،،
انت أعلم مــن تموت امي الحبــيبة
انت أعلم كل فــرح يعـــلن مغيــبة
انت أعــــلم كلبي يتعالى بنحــــيبة
انت أعلم روحي ما تحمل مصيبة
من تمـوت أخفيه موتي … وأستعـد لـيه بسكوتي … ربي قـرب المسافات
“””””””””””
الحمد لله رب العالمين
اللهم صل على محمد وال محمد
موسى الخادم

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
بالمغتسل … مد ايدة حيدر عالظلع وارتبك
بالمغتسل … قصت حياته صارت اعله المحك
بامر الزجية اتحير
شاهد ظلعها امكسر
…….

حيدر علي ذاك النفل .. بالحرب شايع صيته
بالمغتسل حيله فكد … صار الدمع عوجيته
مو عجبة الي فارك محب … لو تنسلب عافيته
اومو شاب شايب ينكلب … بيضه تصبح الحيته

شايب صبح … بعد ام حسن حيدر امير المله
شايب صبح … بي حارت املاك السماء العله
شكله بعجل تغير

……
شاهد كسر ظلع ام حسن … واتغيرت احواله
مايدري يبجي اعله الظلع…ما يدري يبجي الحاله
ظهرة انكسر عل المغسل … وتناثرت اماله
يافاطمه ايصيح بحزن … وايعاين اعله اعياله

محني الظهر … ينظر على احسينه اليصب دمع
محني الظهر …وصرخت بواجي عل ظلع تنسمع
ما ينوصف هالمنظر
……
شيّعها حيدر بالخفى …. والدمع تارس عينه
بوحشة الليل المظلمه …. شال النعش بونينه
بخطواته جم عثر عثر … كايد حسن وحسينه
مو هينه عظمه الفاجعه … فاكد حنان اسنينه

روحه علي … الزهرة جانت حكة من ينتحب
روحه علي … ماتت وراها هو هذا اليحب
افراك اليحب ما يكدر

…….
بالمكبرة حامي الحمه … ودع حياته وعمره
كل فرحه ما ظلت اله … من بعد عين الزهرة
يحجي اويه تربان الكبر … بحسره دليله وكسرة
هنيالك امغطي وجه … جان الرسول اينظرة

هاي ام حسن … عندك امانه ياتراب الكبر
هاي ام حسن … اغله واعز شي امتلك بالعمر
اعليه الدليل اتفطر
…..
دار الحزن حيدر بنه … بعد الزجية ابروحه
ليليته يكظيها بدمع … وانهاره يكظي بنوحه
معذور فارك فاطمه … مرهم شفاء اجروحه
معذور حيدر لو نحل … هدت الزهره اصروحه

اصغيرت عمر … من ايدة راحت فاطمه الطاهرة
اصغيرت عمر … مو بيته سكنت سكنت المكبرة
بالحشر يفتح محضر

………

@Alfoatm
الحمد الله رب العالمين
اللهم صل على محمد وال محمد
موسى الخادم

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
امير المؤمنين ع يخاطب الزهراء ع وهي في قبرها…
… ..
مشتاگلج … يالبية طيبج زارعة
مشتاگلج … كد رحمة الله الواسعة
يا فاطمة .. يا فاطمة… يافاطمة
… ..
يم سوالف دافية وتكطر حنان
شرد اسولف عنج ايحير اللسان
انت رحمه امن الاله ابكل زمان
وبعد عينج ما بقت رحمة وامان

وي موتج … مات الورد يالغالية
وي موتج … طاحت شمسنة العالية
متألمة… متألمة… متألمة
… ..

يل صفاتج تختلف عن كل صفات
ابروحتج كل معنى ماظل للحياة
مو عجيبة الكون يبجيلج فرات
ومو عجيبة الفرح بعدج ذكره مات

حزنانه… لمصيبتج دنيانه
حزنانه… ارض وسمة ويانه
تبجي السمة… تبجي السمة… تبجي السمة
… .
انتي يازهرة جنان امن الزهور
امچانچ البستان مو ذيج الاكبور
ما مصدك ميته والكبرج أزور
والج اقرة الفاتحة واشعل بخور

معقولة … الفاتحة اقرالج
معقولة … جوه التُراب أخيالج
شهل خاتمة… شهل خاتمة…شهل خاتمة
… .
يالتركتني وانه بعازه الهواج
داري ظلمة يالزجية ابلا ضواج
علّيتي ما تشفة الا من دواج
انه ميت بس جسد باقي وراج

تدريني … ما اهو اعيش أبدونج
تدريني … للموت احن وأعيونج
حلم ارسمة… حلم ارسمة… حلم ارسمة
… .
صورتج بعيوني مكسورة ظلوع
وحركة الباب بحقد ذيج الجموع
روحي تاخذني الحجرتج بالدموع
اعلك ابحزاني يا زهرة الشموع

كل ليلة… ادخل حجرتج ناعي
كل ليلة… اللطم عليج اظلاعي
وخدي اللطمة… وخدي واللطمة ..وخدي اللطمة

……
بية حسرة الموتتج حسرة يتيم
ماتت امة وعافته بحزنه يهيم
الدنية من بعدج احسنهة جحيم
يالمشيتي بظلع مكسور وألليم

يالغالية… روحي الج مشتاكة
يالغالية… كولي اشوكت نتلاكة
يالعالمة… يالعالمة… يالعالمة
… .
الحمدلله رب العالمين
اللهم صل على محمد وال محمد
موسى الخادم

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

من دفعو الباب عالزهرة مولاتي
كسر الظلع بان وأبتدت مأساتي
صاحت يفضة سنديني
قد اسقطو مني جنيني
…… ….. وأبتدت مأساتي
… ..

من هجم عالباب أبحقد… اتلكتة ريحان الورد
يدفعهة صار وهي تسد… حد ما كسر منهة الظلع
صاحت يفضة لحكي … بظلوعي حيل اتشبكي… ما حس بدية حركي…
ألباب فوكي منطبع
غطني بحجاب السمة … لا حيدر ايشوف الدمة… كسرت ظلوعي أتألمة
بالج يشاهدلج دمع

حيدر لون شاف كسري ونزف دمي
من طولة يوكع موته يصح يمي
اخُذي بكفي وسديني
قد اسقطو مني جنيني

……
أتعنيت الهة ابلا وعي … وعالخد يسايل مدمعي … صاحت يفضة طلعي … بظلوعي بسمار أنغرس
حاولت وياه اشكثر… منغرس حيل امن العصر… كل ما اسحبة تحتضر
ويضيك للزهره النفس
كل هذا وبحيدر تهم … موش بجرحة الملچم … ليهة السمة مطرت نجم.
والكمر ينعى اوية الشمس

عالزهرة ياناس شفت الورد يبچي
وعيون الحسين متحّيرة اشتحچي
صيحاتُ حزنٌٍ تعتنيني
قد اسقطو مني جنيني
… .
حاولت اشيلنهة وشفت… كسر الظلع بيدي وعفت… ساعتهة حيل اتخوفت… منظرهة يبجلة الصخر
كالتلي فضة اتحملي .. الخاطري والخاطر علي… عن حالي لا لا تسألي
متألمة حيل امن الكسر
كل حيل ما ظلي بعد … بالباب احس صدري أنمرد… ياجرح أعوف وجرح اشد
والنزف ماخذني وكثر

بنت النبي اشلون هيجي يجازوني
يافضة ترضين عالعين سطروني
لم يكتفو جرحاً بعيني
قد اسقطو مني جنيني
… ..
محسن شفت فوك الارض… نازف دمة بطول وعرض… بمصابة بچة اهل الفرض… وعيون اخوه احسينة
غطيته بمصلايتي … واعلية تسايل دمعتي … الزهرة أشد من حالتي
من شافتة امغطينة
صاحت يسباح الگلب… وسفة يغطيك الترب… مو هين افراك صعب … يل ماعشتهة اسنينة

ما شبعت العين من شوفتك ليلة
مستجعل الموت تابوتك ايشيلة
يا هل ترى ذنبي بديني
قد اسقطو مني جنيني
… ..

شحجي وشسولف عالجرة … جيش وهجمة اعلة مرة … والدار نار أموجرة… البيهة الوحي تنزيلة
كادو علي بحبل الغدر… ظهرة بوصية منكسر
والزهرة خدهة منسطر … نازف دمة اعلة الشيلة
طلعت وماخذهة النزف … واعظاهة كلهة ترتجف… خلو أبن عمي يا حلف
لو راسي اكشفة الليلة

من أكشف الراس والدمعة أجريهة
دنياكم أبساع بارينة يمحيهة
لا يرضى ربي في انيني
قد اسقطو مني جنيني
… ..
الحمد الله رب العالمين
اللهم صل على محمد وال محمد
موسى الخادم

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ويلي عالزهره المظلومه
عاشت وماتت مهضومه
…………………
على المظلومه نبجي ونلطم بحسره
ظل على الوجه مطبوع أثر سطره
خاطرهه أنكسر وأضلوع منكسره
أباب الدار نار الحقد مضرومه
………………………
ليالي فاطمه كل ليله نحييهه
بدموع الحزن نحضر لياليهه
نلطم عالصدر والهامه ندميهه
تظل بكل عزه الهامات مدمومه
…………………….
لحد يوم المنيه دموعنه عللخد
تسعر بالكلب نارج فلا تبرد
نلطم عالزجيه ونلبس الأسود
جروح كلوبنه بفركاج ملجومه
………………………
هنياله اليموت ودمعته بعينه
يخلص بالمجالس عمره وسنينه
خادم فاطمه وخادم لأبو سكينه
مثل عابس بيوم الشكك هدومه
………………………..
ندك عالراس حيل ونطبر الهامه
وأنواسي علي المحتار بيتامه
وحسين وحسن يبجون كدامه
منالأم زينب بهاليوم محرومه
……………………….
باجر نبني حضره ونكصد نزورج
مناره وكبه منهن خل يشع نورج
برواياتج يزهره أنقيم عاشورج
بعاشور الزجيه صدور مهشومه
…………………………..
حيدر مطر العبادي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
((فراگ امي))

غَــسلوني
ودفــنوني .. ويـــاها سوى
فراگ امي
خانــــگني .. وماشم الهوى

            """""""""""""""""""""""""""""""""""''''''''''''

حيــــــره وزغيـــــره تراني
وحضني غفلـله ولَنــه راح
گمت اصيـحن بـــويه امي
ويبچي ابوي وشفته طاح
وينه عطـري الچنت أشمه
وينـــــه قـــــــرآن الصباح
مـــــاتت اليُمــــه بلســاني
وبينــــــه مكتوب النــياح

حـــاچيني
يـــــاحيدر .. چاوينه الضوى
فـراگ امي
خـــــانگني .. ومـاشم الهوى

            """""""""""""""""""""""""""""""""""''''''''''''

كلشي بيه يصيح وحشه
حــتى دمـعات الجفــون
امـــي مرسومه بعيـوني
حتــى بدمـــوع العــيون
عندي بـس الشيله ضلت
شـــما أشمها ومــــاتهون
صعبه أفارگها الــــحنينه
عمري ضــــل أبلايه لون

مــــا أگدر
مـــا اصبر .. مو گلبي انچوه
فراگ امي
خانــــگني .. ومــاشم الهوى

            """""""""""""""""""""""""""""""""""''''''''''''

يــــمه والشيب الدهانه
وفازع بجرحه المشيب
والتموت وتمشي امـــه
أبيـته گاعد بس غريب
نــــاره ماتطفه بدمعته
تشتعل نـــــاره لهـــيب
روحه معلوله بشجونه
وعلــــته لا مــــاتطيب

يـــاروحي
ومــاتشفه .. ومدفون الدوى
فراگ امي
خــــانگني .. ومـــاشم الهوى

            """""""""""""""""""""""""""""""""""''''''''''''

ميته بس تمشي بصفنتي
وتگعد ويــــــــــاي بسلام
الكربله لَمـــــــــــن وصلنه
هيـــــه يمـــي بـــــالخيام
وطاح الحّسين وركــضنه
وحرگو العِـــش بــالحمام
وچانت أمــــي بالحراسه
ولـــيلةّ الحادي ضــــــلام

ويـــــــانه
بـــــالهـزله .. وگلب امي ألتوه
فراگ امي
خانــــگني .. ومـــــاشم الهوى

            """""""""""""""""""""""""""""""""""''''''''''''

هــيه ويــــــانا بـــدربـــنه
عــــــالهزيله وبــــالحــبال
مــــــــن تــناديلي يـزينب
تگــــــلي مثلچ متني مـال
اليبچي من ضعني تسكته
أمـــــي تبچي أعلـه العيال
تشگـف الســــوط أبمــتنها
وصاحت الكـــافل تعـــــال

بعـــد أمك
يالكافـــــل .. يـــا رمز اللوه
فراگ امي
خانگنــــي .. وماشم الهوى

عبد زينب
محمد الابراهيمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
((ثم اهتدى))

الحب ترانيم الهُدى
اقبلني احبك سيدآ
من يتقي ثم أهتدى .. بالحسين

من يهتدي بدمــع الرجه
من عــولمةّ دهـــره نجه
وللخدمه والمجلس اجه .. بالحسين

هوه العشگ لمن يجي ماندري بـــــالغفلله
من تعرف شسوه السهم من ناغه عبدالله
ترسم عله ايامك نحر وتلطم عـله عيونك
لمن شبگ نحر (الأبو) هم بالعشگ صــلى

عبدالله بحميته
وسجيته .. عاشگ للحميه
حاضر بالبطوله
ورجوله .. وغيره هاشميه

حبيبي ياحسين …

            """""""""""""""""""""""""""""""""""''''''''''''

صعبة الحياه بلاعشـگ
صعبه الگلب مايحترگ
مو حلوه اذا مايختـنگ .. بالحسين

ماكـــو عشگ ألا لهُ
والغيره يتسمى لهو
گلبــــــــي يگلي أنهُ .. بالحسين

حبيــــتك وآنه طفــــل من امي ناغتلي
تلـــتوليلي بيك وانفـجع عالخيمه گلتلي
يبني المخيم محترگ والعيله بـــــالهيمه
وزينب يبعد امك ركض ياويلي وصفتلي

تركض بالفجيعه
الودعيه .. وتّلم الضعينه
منهوبه التراچي
وبواچي .. ومسلوبه الحنينه

حبيبي ياحسين …

            """""""""""""""""""""""""""""""""""''''''''''''

ومااگدر بدمعي اضـم
ماينجبر كَسر الــعضم
وصار العمري كله لطم .. بالحسين

وصار العشگ جرح العمر
مــــــــايرهم بدون الذكر
والنسمه من عنــده التمر .. بالحسين

صم الصياخم من سمع بالخيمه محـروگه
مو دمعه ضل يبچي دمه ويسولف بشوگه
آنه بشر وأملك دمــــــــــع ومتلهفه عيوني
شلون انسه قصةّ كربله والعـــيله مـخنوگه

شلون انسه العقيله
بهزيله .. وحبال بأديها
شلون انسه رقيه
السبيه .. ومشتاگه الوليها

حبيبي ياحسين …

            """""""""""""""""""""""""""""""""""''''''''''''

يلوموني اسولف بالـجرح
وآنـــــه بنضر عينـي رمح
وشبيدي عشگي الينفضح .. بالحسين

ما أدري بجروحه شكثر
ومسننه حــــوافر تــــمر
وبجسمه ماصاحي شـبر .. بالحسين

هيه الحوافر تنحمل مـــن تسحگ بصدره
وضلوعه طحنوها سحگ ماينعرف ضهره
ليش بحصيره منـــــدفن بس افهم الحاله
والهسه تبچي الحـــــالته ماتسكت الزهره

تحضر بالعزيه
الزجيه .. محنيه الحبيبه
والمدمع تسيله
العقيله .. يايمه غريبه

ياحبيبي ياحسين …

            """""""""""""""""""""""""""""""""""''''''''''''

ياهوّ النگله ونــخبره
زينب مشت متيسره
عالهزله بس متحيره .. بالحسين

من شافت بصفها الرمح
گلــــــتله چاوين الصبح
يامن عفتني بــــــياذبح .. بالحسين

والهزله لاماتنرچب مــــاتنحچي الحاله
والعاشگ إيفسر جرح لمـــن يجي اباله
تركض الهزله وتلتفت زيــنب عله العيله
برآس الحسين محيره ومشدوها بعياله

خوله من المراچب
ترايب .. طاحت بالصحاري
ولحگتها صفيه
ورقيه .. بهيمه وبالبراري

عبد زينب
محمد الابراهيمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
((بعزاء حسين))

بعزاء حسـين تبچين
وبالمجلس تـلــطمين
هسه حسين موجود
بعزائچ يلطم حـسين

يافاطمه. … يا ام الحسن

            """""""""""""""""""""""""""""""""""''''''''''''

اذا مابيچ بالمجلس على النوح
لطمتچ على الراس وينتهي الحيل

بس حسين يا مولاتي مذبوح
وكل ضلوعه طشن من اجت خيل

صدر ماعـنده ويدگ
ولا ظل ثوب ويشگ
عــريان اعلـه التراب
واجاج بعبره تخـنگ

            """""""""""""""""""""""""""""""""""''''''''''''

اذا جبتي القميص وگلبچ يصيح
وتنشرينه على اللطامه بدموع

عباتچ جابها ويگوم ويطيح
عبايةّ أمي صاح بگلب مفجوع

اذا جــاب العـبايه
يجيب وياها رايه
وزينب تحضر ويا
و الــكافل حــمايه

            """""""""""""""""""""""""""""""""""''''''''''''

آنه الوالده تگولين للناس
وأدور عزه وليدي وين ماچان

مو بس هوه جاي وحتى عباس
بس يافاطمه من جاي عطشان

يــرش دمــوعه بالباب
اجاج وصاحب مصاب
هـــم يـتـلــوه و ينوح
وهم منه الگــلب ذاب

            """""""""""""""""""""""""""""""""""''''''''''''

اذا للطف اجيتي وحالچ شلون
ومابين الجثث گمتي تعثرين

شاف الباب والعصره بالعيون
ومن النار ظل مرعوب الحسين

شاف البــاب والنار
وشايل بيده بسمار
ست سنين مـــولاي
گلبه من الحزن حار

            """""""""""""""""""""""""""""""""""''''''''''''

للمجلس تجين محدبه بآه
وتنشغين نشغةّ فاگد الراي

عزائج لا ابد مولاتي ينسآه
يلطم لونعه الرادود عالماي

الدمــع حـسره يهله
الضعن عطشان كله
يابس منــهم الريج
اليســمع ياهو أگـله

عبد زينب
محمد الابراهيمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
بوذية عتاب للسيدة زينب عليها السلام

يمن لختك ما تتعذر وتلها
عتب عدها على الناقه وتلها
عدوّك قوّه يضربها وتلها
بحبل وايشتّم ابحامي الحميّه

٨ جمادى الأول ١٤٤٤

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
مصاب فاطمة الزهراء عليها السلام

يالراجع بلا روحك ومحني الظهر بجروحك
وين ادفنت روحك وين. ام الحسن وام حسين
خاف الگبر ياذيها
………..

ثگل المصيبه الصابتك يابويه هدّت حيلك
بيدك دفنت الغالية ونّطفت نجمت ليلك
محتاره ابچي لفاطمه يابويه لو ابچيلك
فگد امي جرّح مهجتي من ياجرح ابديلك

بكسر الضلع بچّوها من دنيتك اخفوها
تحصل بعد منها منين. ام الحسن وام حسين
خاف الگبر ياذيها
……………..

بويه شكبر صبرك علي لمن دفنت الزهره
من وسّدتها بالگبر بآخر وداع ونظره
يابويه وتراب اللحد شاغلني كلش امره
كل خوفي بس لا ينلچم ظلع الزجية وكسره

جرح الضلع ألمها. تراب الگبر يلچمها
مجروحه من غدر البين. ام الحسن وام حسين
خاف الگبر ياذيها
……………

ردّيت للبيت وردت. تسقبلك ام البيت
ماهيه راحت فاطمه وحدك يحيدر ظليت
يم بابها اسمع بچي. شفتك يبويه وناديت
مو هينة فرگة فاطمه مالومك شما ونّيت

بچفوفك مشيّعها وبدموعك مودعها
لا جرح بيها وجرحين. ام الحسن وام حسين
خاف الگبر ياذيها
………..

اشتاگ لمي بكل وكت يابويه ما انساها
اغفه عله اديها وانسعد. عشت بدلال وياها
امي الحنينه فاطمه مثل امي وين الگاها
انشلّت يمين اللي كسر. ظلع امي والاذّاها

ما تنوصف طِيبتها. والدنيه ما رحمتها
الربّتنه ضحّت للدين. ام الحسن وام حسين
خاف الگبر ياذيها
…………..

يازينب يگلها علي بيدي ادفنت غاليتي
يبنيتي راحت فاطمه وبعيوني مظلم بيتي
عافيتي چانت وختفت تحت الترب عافيتي
من مرّت ايدي عله الضلع كسر الضلع شل ريتي

وشفت بوجهه السطره وعين الزجية الحمره
تذكرها ادري بكل حين. ام الحسن وام حسين
خاف الگبر ياذيها
……………..

لو عيني شافت بس ضلع من امچ يكسرونه
بالطف تشوفين الأشد دلّالچ يفجعونه
حسين الغريب بكربله گدامچ يذبحونه
بخيل اعوجيه عله الثره يازينب يسحگونه

ضلوعه العده يرضّوهن عشرتهن يكسروهن
جرحك يضل بيني وبين. ام الحسن وام حسين
خاف الگبر ياذيها

سيد زيد الفحام

---

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ام ابيها فاطمة الزهراء عليها السلام

من منبر مُحمّد نرفع الصوت
احنه ويالزجية نعيش ونموت
…….

عدوان الزجية خل يسمعونه
عن هاي المجالس ما يبعدونه
كل شيعي وموالي الزهره بعيونه

مبخوت التمسّك بيها مبخوت
احنه ويالزجية نعيش ونموت
…….

نبقه على العهد هيهات نتغيّر
منعوف الزجية لگطعت المنحر
صرخة وتعتلي من دكة المنبر

ما نخشه الظلم ما نخشه طاغوت
احنه ويالزجية نعيش ونموت
…….

تربّينه ابمجالس فاطمه أمنه
وعرفنه اللي يحبنه واليخاصمنه
ما نترك الزهره ولا مآتمنه

صوت الرافضه ما يبقه مكبوت
احنه ويالزجية نعيش ونموت
……..

نثأر للزجية ونلعن القاتل
ياهو اليسوه منهم خاطر انجامل
واحدهم ذنبهم للعرش، واصل

ياهو المنهم بنار الله ميفوت
احنه ويالزجية نعيش ونموت
……..

الهجموا بالحطب والنار وجّوها
دفعوا فاطمه وبالباب عصروها
كسروا ضلع منها وحيل اذّوها

نلعنهم عَلَن ما يكفي بسكوت
احنه ويالزجية نعيش ونموت
……..

خدام الزجية وحاشه ننساها
منجامل عدوها التبچي خلّاها
جريمة مقتل الزهره كشفناها

الثاني القاتل البالقسوه منعوت
احنه ويالزجية نعيش ونموت
……..

ميهمنه الأسم گلناها الف مرّه
احنه امن اليعادي الزهره نتبرّه
شلون عله الزجية الجاني يتجرّه

يحرگ بيتها من دون الابيوت
احنه ويالزجية نعيش ونموت

سيد زيد الفحام

---

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
نزله لمصاب فاطمة الزهراء عليها السلام

يافاطمه يازهرة سنيني
مو بالگبر ضميتج بعيني
………

مو هيّن فراگج ابد يالچنتي عافيتي
اضلم بقه يم الحسن ما ينسكن بيتي
حتى الهوى بعدج تره ضاع وخنك ريتي
وياج اموت واندفن يافاطمه امنيتي

عشرة عُمُر ما بينج وبيني
مو بالگبر ضميتج بعيني
………

بعدج علي يافاطمه ما ينوصف حاله
سلني الحزن يافاطمه والفرگه چتّاله
حيدر أنه گلبي انجرح والدمعه همّاله
والي اليتامه منفجع يتّمتي اطفاله

بعدج صحت ياهو اليواسيني
مو بالگبر ضميتج بعيني
………

بعيوني بانيلج گبر وتحرسج جفوني
اوصافج الماتنّسي مرسومه بعيوني
ابچي لمصيبة فاطمه كلما يسألوني
عفتيني ليش وروحتج ما تحله من دوني

يافاطمه وهجرج يأذّيني
مو بالگبر ضميتج بعيني
………

چنّچ نسيتي فاطمه آنه الوصي حيدر
يوميّه يم گبرچ اجي ابچي وأون وسهر
لمن يجي ابالي الضلع انحب بعد اكثر
دمعاتي توگع عالگبر وضلوعي تتفطّر

معذور لو جرحچ يبچّيني
مو بالگبر ضميتج بعيني
………

لوما الوصية فاطمه محّد وصل بابج
اگطع يمينه ورگبته يافاطمه الصابج
لكن وصية امن النبي اصبر عله صوابج
ثارج يردّه المنتظر يالنمتي بترابج

ما انسه آني وحاشه تنسيني
مو بالگبر ضميتج بعيني
………
يم گبرچ آنه المرتضى واولادج ويايه
حسين وحسن يافاطمه وزينب اجت هايه
مفجوعه من ضيم اليتم بالدمعه شچّايه
طاحوا على گبرچ سوه ونهضموا هوايه

بعيوني ولِدچ لا توصّيني.
مو بالگبر ضميتج بعيني
………

زينب زغيره عله الحزن ياويلي فجعوها
لكن اشد وصعب بعد بالطف يأذّوها
اخوتها يمها تنذبح وسفه ويسلبوها
مجتوفه زينب عالهزل ياوسفه يسبوها

عالناگه مجتوفه وتناديني
مو بالگبر ضميتج بعيني

سيد زيد الفحام

---

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

علة الكون بفاطمة … يظهر الدين وقائمه
بحيدر وابيها … وبنتها وبنيها
يظهر الدين وقائمة

---

ياعصمة الله التي ما مسها ريح الردى
غيث وورد يرتوي منه الملايين هدى
من دفع الباب التي جبريل منها ما عدى
بل لعنة الله على من جاز منها واعتدى
لعنة الله على الظلام … من شيوخ الغدر واللثام
‏قد سببوا ما فيها … وبنتها وبنيها
يظهر الدين وقائمة

---

ماخلق الله الورى الا بحب الزاكية
الكون قد دار لها حتى النجوم الضاوية
باحمد وبعلها وولدها الربانية
بزينب بزينب يشفع لنا من حامية
لانهاب الشر والوباء … ان بدأ باسمهم دعاء
نفسي بهم احميها … وبنتها وبنيها
يظهر الدين وقائمة

---

وان سألت من انا تنعى باحزان لما
سود الثياب ترتدي والدمع نهرا ساجما
بين الجموع تنبري صدرا ورأسا لاطما
كان الجواب أنني خلقت اخدم فاطمة
ذكرها نور بمجلسي … هو احزاني ومؤنسي
بدمعتي انعيها … وبنتها وبنيها
يظهر الدين وقائمة

---

الكون منها فاطمة بأسمها الله فطر
وكل مافي دنيتي حتى السحاب والشجر
من قال كان موتها رب قضاء أو قدر
هذا سليم يشهد من وجهها خد انسطر
لضلعها الكل يشهد … بعصرة الطهر تعمدوا
واغضبوا باريها … وبنتها وبنيها
يظهر الدين وقائمة

---

بالعرش نور اسمها وحوله أهل الكسا
عينا رأها احمد لا حالما لا ناعسا
ابليس من اغوائكم كان حسيرا يائسا
اسفي بعين حمرة ضربت بأيدي بائسة
سطر الكون لسطرها … نحب العرش لكسرها
رب العلى يرثيها … وبنتها وبنيها
يظهر الدين وقائمة

---

مجيد عبد الرضا القريشي
يا زهراء نظرة بس هالمرة دخيلچ

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

نعي للزهراء

آه آه

انه الكمت اواسي الدمع والآه بالآه
مشت عني الزجيه بنعش و يلاه
عافت بروحي جرح مايبره ولا آنساه
خذت مني القلب و الموت انه اتعناه

امدهه :

كون الروح بگبر دونچ امدهه
الدنيه من يمچ و خلص امدهه
بعد عينچ ششوف اكثر ام ادهه
اشوفن باچر وارحل سبيه

: امدهه – استلقي وأنام
: امدهه – الأمد والفتره
: امْ ادهه – اي شيٌ ادهى واكثر عجب من هذا

حيدر العمار الخزعلي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
كـل فخرنا بخدمتج – يافاطمه
أمـنه وأحـنه بذمتج – يافاطمه
———————————-
= هـنـياله الـيخـــدمـج – قـبل أهله يقدمج – ويحــبج صدك
يالــــــكاج بحـــياته – يالزهره ومماته – تروينه عـــشك
يرضى الله الرضاتج – جا عنده شغـلاتج – مبخوت الــيدك
صدره ويدمي عـينه – بمصاب الحزيـنه – أســمج ينشهك
———————————————————
عــونه اليشم نسمتج – يافاطمه
أمـنه وأحنه بذمــتج – يافـاطمه
**
= بــين أقــــرانه يكبر – الضلعج جرحه الأكــبر – ويضل يفتخر
حزنج شدله حـيله – غــــير أنتي الكفيله – ياباب الصبر
يضل صاحب جلاله – مــــن الباري تعالى – بالحك ينتصر
تـنطينه الشــــهاده – ما خاب أعــــــتقاده – بضلع المنكسر
———————————————————–
يعــله صيـــــته بهمتج – يافاطمه
أمنه وأحـــــنه بذمتج – يافاطمه

= البي غـيره وحميه – يشيل أسمج قـضيه – يتلقب شهم
يتعــــنون كــــتابه – من أهـل النجابه – دمعاته سهم
بعـيون اليكرهــج – ناذر عمره الجـلج – يتحـــمل ألم
أتسجلينه بكـــتابج – يطفي بدمــعه بابج – يتــشيخ زلم
——————————————————-
تشمله باجر رحمتج – يافاطمه
أمــنه واحنه بذمتج – يافاطمه
***
= الما يلعن خصومج – الما هز روحه يومج – باجر ياترى
من يشـــــفع ذنوبه – ما يـــــــندل دروبه – يوم الاخــره
بهوال القـــــــيامه – الناكــــرها الامامه – ماله معذره
هناك أنتي الشفيعه – بنهجج صرنه شيعه – أنتي الطاهره
———————————————————-
ماخلفــــنه كلمتج – يافاطمه
أمنه وأحنه بذمتج – يافاطمه

= أكعـدنه بسد فـيـيايج – يل ساكــينه مـايج – يانبع الـوفه
نرفــض منه نصحه – ضلعج والله جرحه – ينثر عاطفه
يالزهره المـــوالي – ضل طـــول الليالي – واضح موقفه
حــــبج سر وجوده – بين سر خــــلوده – ضي وماطفه
———————————————————
عاشت أيد الرسمتج – يافطمه
أمنه وأحنه بخدمتج – يافاطمه
*
الخادم عبد الجليل المالكي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ميثم وصالبـــني عشك الزهره ** الما يحبها يضل فراغ بعمره
والمجالـــس نخلـــتي ** أرسكي بيها بدمعتي
——————————————–
= كالـــو عالعــشك ينــباع ** كلت أنــه العــشك غالي
كالـو عالعــــــشك جتال ** صحت بس حبها جتالي
اليموت عاشك عشكه يرفع صيته
ماريد أمــــوت وجاهلــــيه الميته
واجب أعـــــــزي أواجبي أديته
——————————–
فاطمه الزهره أسمها دخيله ** أقــل ما يمكن ضلعها أبجيله
بحبها أموتن منيتي ** أسكي بيها بدمعتي

= الزهره وخبزة أمي ثـنين ** طــعـمهن واحد بحلـكي
وأفضل فاطــمه عله أمي ** لأن أم الحسن عـــشكي
باجر قـــيامه وبس ولائي مــتاعي
زحمه من أبوها ما أهشم ضلاعي
لو عيني تنشف ألها مـــاكو داعي
**
ما أسولف هيه تعرف وضعي ** حلم عمري كون أموت بدمعي
بريح أنفــخ جمرتي ** أسكي بيها بدمعتي

= أدور بيت يـــم مجلس ** أريدن كـــــون أحط جاره
مثل ما ميثم المصلوب ** الضلع ريت أنصلي بناره
عالمنبر أخـــــذو ركبتي وصلبوني
فاطمه وحـــــــيدر باجر ينقذوني
مو ماي باجر بس عسل يرووني
**
أنه بعد الله أعتمادي عليها ** فاطمه الشــيعه تـلكط بيها
هلا تصيح بزلمتي ** أسكي بيها بدمعتي
*
= بدون الزهره أحس مخنوك ** مثل خنكت ضوه بمغرب
صح أنه أعله كــد الحال ** بس الفاطمه أمعـــــــزب
أغـنه أغــنياء العالم أنه أبحبها
تسهلي كلشي فاطـمه مـن أطلبها
مو مره وحده هـواي أنه أمجربها
——————————————-
تكلي أخذ يوليدي لمن ترضه ** هوه هيج الشوك كلمن حضه
الزهره ديني ودنيتي ** أسكي بيها بدمعتي

= أخذت أطباعي من سلمان ** ردت بس أنحسب مــنهم
عن أهلي أبتعــــد مـرات ** بس ما أبتعـــــــــــد عنهم
دلالي طـير وهــل خدامه جــناحه
بس بالبـواجي عيوني أحس مرتاحه
عالزهره حالف أكـضي عمري نياحه
—————————————–
تالي لـيل جروحهم خــطاري ** أشتعــل وأنطفي وحدي بناري
تواسي فاطــــم ونتي ** أسكي بيها بدمعتي

---

        الخادم  عبد الجليل  المالكي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

أعــتــذار الدخان ** من الـزهـره كان
السـماح السـماح ** ألامـــان ألامـان
—————————————————–
= أعـرف زيــن ذنـبي أجبـير بـس عـطـفـج أجل منه
أنه من الحـطب مخلـوق وأنتي أنزلتي من جنه
لوني أدري طبع عالباب خرب شوفــــــت الحنه
غـلـــــطان ودخلــــت الدار وألـــها أملاك تـتعـنه
————————————————–
أجــيــتـــج أتــوب ** بحــنانـــج أذوب
العــذر عـد كرام ** نجـــــــاة الكلوب
****
= شما أحاول أعـوف البـــيت يالزهره الحطب ردني
صوتج وأنتي خلف الباب لازم جـــــفي ماهدني
ناديــــتيني يالدخان أطلع لا يـــــــمــــوت أبني
والطاغي بصلافة عـــــين فـــوك المحسن يذبني
—————————————————
أديـــنج تـــريد ** تـلــزمه الـوليد
وينادي الضلام ** ألا مـــن مزيد

= شما زادو حطب عالـــنار ضلعج يرتـــفع صوته
ضلعــــج أول الميتيـــن نـــار بــــــــنار تابوته
تركــض ناس ترجــع ناس تسحك فـــوك ياقوته
المحسن جان عــان حسين لـوما شارك بمـــوته
—————————————————–
يـــباوع علـــيج ** يحاول يجــــيج
يمنعه الحريـــق ** يــــــــنام بأديج
***
= صارت كــربله عالــباب بس شجم شـمر بيها
حرت بعيوني من ضربوج ويـــن عـيـوني أوديها
أسمع صوت صاح تمــوت ساعـــه مـا نخليها
حــــيدرها نطلبه بــــــثار عـتبه الــيوم نكضيها
—————————————————–
بـــدو بالهجوم ** بمخطط شؤوم
علـــيج أللعين ** بســـياطه يحوم

= صرخه أسمعها من أبعـيد صاحت فــــاطــمه يمه
طفله وتركض بنص موت والبيت أنكـلب ضلمه
أخـــوها رادت أتسميه وماكدرت تكول أسمه
رغم ما يوجع المــسمار عالــــدم ركض تشمه
————————————————-
زغـيره وتصيح ** تــكـــوم وتطــيح
أعرفت أن هاي ** أخــيت الذبــــيح
*
الخادم عبد الجليل المالكي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

نقطة ضعفي يافاطمتي بيج أطلع دفان
ياقرأني وصعبه جفوفي تدفــن بالقران
أحسب روحي بعد عيونج ميت مـــن الأن
——————————————
= الــموت للـفــــاكــد دوه – شعـنده ضال يشم هـوه
وعــيونج — مــن دونج — صــــدري بلا أنفاس
خـلص دورك يافـــرح – لا تـــجي كلبي أنجرح
ماريـــدك — ما فـــــيدك — صار أبــيض الراس
لو يقــتـــنع كلبي مشت شـيقــنع العـــيون
طـــول التحــبه أتـشوفه بالناس اليمرون
تركض وراهم مـــنكسر بس ما يســمعون
———————————————————
مـن ذاكرتي يطلع صوتج يافاطم مكسور
مره يـعاتب مره يكلي ياحيدر معـذور
ياشجرتنه أبفي أغصانج جنه نحط طيور

= كــون يــنعــاد الـزمـن — وترجع ألنه أم الحسن
نــشـــكـــبها — ونـــحـــــــبها — بثـنـــين الأيدين
أنحــني بــيــبان السلف — وعالسطوح أنحط سعـف
وأنـــصلي — وأنــــــــهلي — أنــــه والحسيــــن
ياهــــو اليـــمر بينه نكله عــدنه معـزوم
عيد الله عـــــدنه فاطمه من رجعت اليوم
ماترجع أدري الموت ما رجعـله مضـلوم
———————————————————
أحلم بيها وفوك جتافــي شايلها بتابوت
هلبت تكعد من الزهره أسمع ذاك الصوت
شكد عاتبته وماينطيها هـم يحبها الموت

= أنه مـو أنه صرت — ضايــع بحـــزني حرت
نهد حيلــي — يـــتجـــــيلي — من أمشي عطاب
أيعيش خسران اليروح — بالكبر يـــدفــنله روح
من يرجع — بس يسمع — دم يحــــجي عالباب
ياهـــو الدفـــن واحد يحــــبه وراسه ما شاب
يرجع مدنك أخـــــذ عمره وكلشي ما جاب
كـــل جمــــعه يرجع يم عزيزه يشم التراب
——————————————————
شيعوضني وأنه الخاسر ياهالناس هواي
كد الدنيا وكد الوادم وأكـــثر من الماي
من عافتــني من خلتني محد ضل وياي

= كـل ضهر مــن ينكسر — أيطيب بس كسر القهر
ما يــــشــــفه — لا يطـــــفه — ماتــخـــمد النار
أثــنيـــنهن يـــردن دمع — زينب وكسر الضلع
ضل بالي — بعــــــيالي — عافــــــــتهم زغار
سبحـــتها لا زمــها الحسن ويــــسبح دموع
وحسين من كــثر أللـطم كاسرها الضلوع
ياحـــــــال زينب عله الــدم تشب بالشموع
———————————————————–
أبجي الحالي أبجي عـليهم ما أعرف محتار
حته التـــــــربه والـسجاده ماخلتها النار
يصرخ جرحي كل ما أباوع فاطم مو بالدار

= بعـيني يادمعي أستراح ** مو قــلــيل ألمني راح
عــش كلبي — كـــل تعـــبي — ضل كلبي متعوب
البيت أصبح مو حلو — لا حــــنان ولا دفـــو
مـــاريــــده — مافــــــــيده — يذبحـــني الغروب
خــــيطه رفـــــيع ويــــنـــكطع كلــــبي ولا فاد
أكــضي اللـــــيالي للكبر بس رايح وراد
غـــير العـــــزيزه أم الحسن حيدره ماراد
——————————————————-
عندي عــيوني وبفركها بس بيهن ماشوف
أنه الحاير دافــن ولـــفه ياناس وملهوف
رديت أنه وضلت روحي بكبر الزهره أطوف
***
الخادم عبد الجليل المالكي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــالح عالموت غير الموت مالاح
عسه البسمار ضلعچ كون مالاح
بدمع گون اغسلچ بس دمع مالاح
جروحچ خاف الچم يالزچيه

محمد چان من يدخل بذنها
ويفرح لو سمع اسمه بذنها
انه اذكر شفت ترچيه بذنها
الصفعها بقوه ضيعها عليه

اجانه ابرهه وبناره يم البيت
حرگنه وموت ويمته يم البيت
اگعدي وشوفي اولادچ يم البيت
ازغار وبيچ يتموهم خطيه

بزغر باليتم دهري صاح بينه
وييمه لداري اگعدي صاحبينه
اريد ادفنها ودعو صاح ابونه
شبگت وما تهد تقبل اديه

ردها ويانه ترجع يابه منها
علينه .وثوب بي دم يابه منها
الدنيه لمن تفتر يابه منها
بفرتها خذت منه الزچيه

الشاعر غضنفر الزيداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
تجري دموعي. ونار ظلوعي.
من بعد عيون المختار.
ـــــــــــــــــــــــــــــــــــــــــ١

حرگوا داري وكسروا ظلعي. من هاجر سيد الأكوان.
ما واحد يرحمنه اخلافك. غربه اتحاوطنه العدوان.
صطروا عيني وطاح المحسن. وزينب تسبيهه الأحزان.
صوبني البسمار وابچي. ودمي الينزف علحيطان.

ظلمه أيامي. وتبچي أحلامي.
وبفراگك يبچي الكرار.

ــــــــــــــــــــــــــــــــــــــــــــ٢

عذبني فراگك يابويه. ويبچون وياي الحسنين.
اعلمصابك ما خلوني أبچي. منعوني انحب يا ياسين.
من بعدك هلناس أذوني. ومن عندي كسروا ظلعين.
ومن حگي الگوم ايحرموني. ما أقبل ينصاب ألدين.

چتفوا حيدر. وانه أتحسر.
عدواني الدخلوا للدار.
ــــــــــــــــــــــــــــــــــــــــــــــ٣

ما چني أبنيتك يالهادي. ضربوني بصياط الگوم.
قنفذ يرجعلي أيعذبني. بصوطه وفت گلبي المالوم.
محد يرحمني ويحميني. وشافو عيني اتصب دموم.
والكرار ايعاني ابوحده. راعي الحگ ايضل مهموم.

وصيتك راحت. وبنتك ناحت.
وينحب سلمان وعمار.
ـــــــــــــــــــــــــــــــــــــــــــــــ٤

من أسمع بلال ايأذن. اتذكر من چنت وياي.
مااتحمل نار غيابك. بعدك مانشفت عيناي.
لوترجعلي لو تاخذني. وياك وارفض دنياي.
لو ترجع وتشاهد حالي. مثل الورده ابغير الماي.

كليوم أذبل. عنك أسأل.
وگلبي وبيتي ايشبن نار.
ـــــــــــــــــــــــــــــــــــــــــــــــــ٥

مت ولا واحد شيعني. وحفروا گبري بنص الليل.
مت ومحد يندل گبري. وبس حيدر تابوتي ايشيل.
مت وما نصرتني الأمة. ودموع الحسنين أتسيل.
مت وما رحموا أولادي. داستهم من بعدي الخيل.

نار افادي. وذبح أولادي.
اصعب من جرح البسمار

ــــــــــــــــــــــــــــــــــــــ

حيدر موسى الرميثي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يخواني فلولي الجفن. خلوني اودع ام الحسن
امنه الحنينه. شالت

---

بجفوفه غسلها علي. وضلت تصب دمعاته
مرت اجفوفه اعله الضلع. وتزايدت حسراته
ونينه واعلينه ركض وتعثر بخطواته
وكلب الابو اشكد ينكسر. من يبجن ابنياته

ودموعه ودموعي جرن. خلوني اودع ام الحسن
امنه الحنينه شالت

---

خلوني بس ساعت وكت اشبع بجي خلوني
اتمنه كبل امي صحت. للمكبره اتشيعوني
يخواني ما اكدر بعد. لو طحت لتلوموني
اشلون امي نامت بالكبر. يهل الرحم حاجوني

وعيوني لحضه ما غفن. خلوني اودع ام الحسن
امنه الحنينه شالت
*
بالباب عصروها اشكثر. وصوب ضلعها البسمار
واحتارت اتشيل الطفل. لو تركض اطفي النار
الظالم سطرها اعله الوجه. وخدها احمر وازرك صار
ولو راحت امي يخوتي. ما تنطب اتصير الدار

اعلوم المنايه كربن. خلوني اودع ام الحسن
امنه الحنينه شالت
*
مكسور رد وحده علي. ويتجه ضل عالحيطان
وكل ما يطيح اعله الوجه. يركض يلزمه سلمان
محد يلومك يا علي حكك يحيدر ذبلان
هوه اليفارك فاطمه اشيتمنه غير التربان

واشلون غسلت البدن. خلوني اودع ام الحسن
امنه الحنينه شالت
**
اشلون امي خلتني ومشت. اتمنيت اموت اوياها
عافتني وحدي بدنيتي. وتيتمت بجفاها
جبنه العمر كله سوه. وايامنه اشمحلاها
اتفاركنه واتراب الكبر من غمضت غطاها

يحسين وجروحي بدن. خلوني اودع ام الحسن
امنه الحنينه شالت
**
هاي انه زينب يخوتي. الما تنطفي نيراني
من ماتت امي فاطمه. اهواي الوكت اذاني
خلونه بله اعله البجي. واحد يعين الثاني
ضليت ادير بناظري. وما يكظي ليل احزاني

شنسرعه الاحلام اختفن. خلوني اودع ام الحسن
امنه الحنينه شالت
**
تمت
تحسين الخفاجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
هاي المجالس منها خل نتعلم
والمهدي كالو بيها دوم امحزم
**
يا خادم احضر للعزه يوميه
واواسي بلطمتك زينب المسبيه
ماكو احله والله من الحسينيه
العاف المجالس راح باجر يندم
*
من تحضر المجلس الزهره تحضرك
وام البنين اتوفقك وتشكرك
والمهدي ينضر جاي لطمت صدرك
ويسجل اسمك من يشوفك مهتم

---

لتفرق ومن كل عزه تتعذر
لو فرطت بلطم يزعل حيدر
الرادود لمن يصعد اعله المنبر
القاسم يجي وباول سطر يتقدم
**
هاي القصائد وضحت معناها
وتجي الزجيه بكل قصيده اقراها
خلوني انوحن والطم انه وياها
بلكي الصدر من لطمتي يتهشم
**
وغالي الحسين ويفخر بخدامه
وبلطم هنياله الكظها ايامه
عابس اجنوني وليلي ابد ما نامه
الصان الوفه امن النار باجر يسلم
**
اخلص ونيتك كل وكت صفيها
وهاي المجالس عامره براعيها
دوم ابو فاضل تدري يحضر ليها
امطكعه ازنوده والعيون اتصب دم

---

تمت
تحسين الخفاجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

منهاج الليالي الفاطمية ( الرواية الثانية)

قصيدة گعدية بعنوان { أول علامه }

يا علي شتتحمل الروح .. فاطمه من عندك تروح

يمك تظل بس اليتامه
كسر الضلع أول علامه
فاطمه من عندك تروح
…………………………………………….
يا علي شيصير گلبك والله يا حيدر مصيبه
جمر دمعاتك تهلهه راحت تروح الحبيبه
اثمنطعش زهرة بعمرهه الراح للموت اشيجيبه
من تعرف بكسر الضلع .. نيران تبچي مو دمع .. حسراتك الما تنسمع
هاي دنيه شگد عجيبه
عالزچيه دفعوا الباب .. والجنين تصوب اصواب
ما صارت شلون القيامه
كسر الضلع أول علامه
فاطمه من عندك تروح
…………………………………………….
باب شوف شگد ثگلهه تندفع عالزهره وسفه
سيفك اغتاض وفقارك چفك بكل صعبه چفه
نار يم الباب تسعر كلها كفه وهاي كفه
خد الزچيه ينسطر .. بچف الزنيم وتنغدر ..منك يحيدر تعتذر
ما حچتلك لأن كلفه

تدري بيك جروحك اوساع
والسمه تطبگهه عالگاع
هسه انهضم گلب الإمامه
كسر الضلع أول علامه
فاطمه من عندك تروح
…………………………………………….
آخر أنفاس الزچيه والحزن نيرانه تلهب
تجمع اولادك بناتك يودعوهه وهذا أصعب
يا علي وتلچم جروحك من تشوف دموع زينب
ميراث من أُمهه الحزن .. طفله وبقت يمهه تون .. امن الليله ثق زينب تحن
يا مصاب الراح يگرب

من بعد هاي المصيبه .. زينبك تبقه غريبه
فصل القهر يبدي بكلامه
كسر الضلع أول علامه
فاطمه من عندك تروح
…………………………………………….
تدفن الزهره بعبرتك يا علي ومنهه وصيه
تخفي يا حيدر گبرهه وهاي عندك هم رزيه
ما يحضرون بدفنهه اعداك يا خير البريه
بس الخواص النصرتك .. تحضر دفنتي وصّتك ..فاطمه لمن ودعتك
انهدم حيلك عالزچيه

بالدفن لو موعده حان .. لا يجيني افلان وفلان
ذوله سبب كل الظُلامه
كسر الضلع أول علامه
فاطمه من عندك تروح
…………………………………………….
ترجع امن الدفن لكن يبقه گلبك يم گبرهه
تنگل اجدامك بحسره ونارك اشيخمد جمرهه
بحضنك تلم اليتامه عفيه روحك يا صبرهه
تلتفت يا فخر الزمن .. لحسين مره وللحسن.. والزينبك نظرة بشجن
گمت تتخيل يسرهه

هالمسه تودع الزچيه .. وزينبك باچر سبيه
هذا الوكت شنهو مرامه
كسر الضلع أول علامه
فاطمه من عندك تروح
…………………………………………….
بكل مكان تشوفه عينك وحشت أم البيت صعبه
يلي خلصت كل حياتك غربه يا مولاي غربه
فاطمه گلبك وروحك شلون بالمدفون گلبه
جرحك وجفنك ملحمه .. واثنينهن صبّن دمه .. ويلاه راحت فاطمه
اوداع بدموعك تكتبه

غربه كل عمرك يكرار .. والوصيه تركت أسرار
من النبي العالي مقامه
كسر الضلع أول علامه
فاطمه من عندك تروح
…………………………………………….

خادم الإمام الحسين عليه السلام
عمار هليل الواسطي
جمادى الأولى/ ١٤٤٤ هجرية

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

منهاج الليالي الفاطمية المؤلمة
قصيدة { فاگد وطن }

سيدي يابه الحسن … يا وطن فاگد وطن
ما نصف بيك الزمن … يا علي
………………………………………………………………………………………………………………….

يا علي شگد غالي دمعك من تودع فاطمه
وحشه كل دنياك صارت يا إمامي ومظلمه
الكون متغيّـــر نظامــه ولابس أسود عالَمَه
بالدموع شموع تطــفــه والدمع يجري دِمه

فجعه والعالم كئيب … يا علي وحدك غريب
والمصايب ما گظن … يا علي
………………………………………………………………………………………………………………….

تجــمــع الليله اليــتامـــه بــيــمــن تكابر بعد
والأمل مكسور ضلــعــــه والحزن هسه إنولد
هـــاي يا نــــاس التِـــردد قــل هـــــو اللهُ أحد
حارُبَت الله ورسولـــه ومنهـــــه كم شاهد شهد

هاي وادم ظالمه … هيه غدرت فاطمه
بيا شريعه ويا سُنن … يا علي
………………………………………………………………………………………………………………….

يعينك الله يا إمامي حيل ما عــندك يعين
شمعة البيت وطفوهه يا علي وليلك حزين
تسمع اونين اليــتـــامـــى يا أمير المؤمنين
تصبر وعنـــــدك وصــيّـــه يا ملاذ الصابرين

سيفك يعاتب زعل … والأمل راح الأمل
باقي بس نوح وشجن … يا علي
………………………………………………………………………………………………………………….

والله لو مرخوص سيفك اي وداعت ذو الفقار
تگلب الدنــيـــه عليهم ليلــهــم يصــبــــــح نهار
يا زلم تصــمــــد تواجــــه لو الك چــــــان القرار
هالزلم نــســـوان تصــفــــه تلـــوذ منــــك بالفرار

لكن أمر الله صدر … جرحك بگلبك كُبر
للزچيه الليله حَن … يا علي
………………………………………………………………………………………………………………….

فاطمه كلشي بحياتك يا علي وحان الرحيل
يعينك الله بهالمصيــبــــه يا گلب أمسه عليل
الصفنه من اتطول يگصر عمرك وميظل طويل
ليل المـفـــارگ حبيبه يا عـــلــي كلـــــش ثگيل

حيف گطعوا زهرتك … وسفه طفّوا شمعتك
ليلك بحسره يجن … يا علي
………………………………………………………………………………………………………………….

بيت الأحزان ومصابه وحشه ظل بس الصدى
والصدى هموم الزچيــــــــــه ودمع يشبه للنِده
والرحيل أعــلـــن قراره بمــــوت فاطم موعده
الليله كلـــمـــــــــة وين تجرح وين وين الوالده

تگول زينب منهو الي … وين أمي يا علي
والگلب منهه انسحن … يا علي
………………………………………………………………………………………………………………….

حيلك الي قــلــــع خيبر تعب من حمل النعش
رغم شايل نعــــش ورده كل عمرهه اثمنطعش
للقبر أمـــســـى طريـقــــك نوح ودموع انفرش
حسبـــــــك الباري ووكيلك بناس معدنهم دغش

تمشي ودموعك جمر … تدفن سنين العمر
گلبك بكل خطوه وَنْ … يا علي
………………………………………………………………………………………………………………….

خادم الإمام الحسين عليه السلام
عمار هليل الواسطي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

منهاج الليالي الفاطمية المؤلمة
قصيدة { ثار الضلع }

يظل ثار الضلع عندك أمانه
إلى أن يرتـفــع بيـدك لوانه
للأحرار … حبك وطن
عندك ثار … أم الحسن
………………………………………………………………………………………………………………

يمهدينه وغلاتك كل محب صابر
وعلى الطلعة البهـية شابح الناظر
يجي باچر علينه ونحسب الباچر
نصبّر بالگلــب لــي ويـــن ونكابر

بظــهــورك ينــتـصــر ثار الزچيه
اشوكت يا صاحب الطلعه البهيه

بالبتار … تگظي الفتن
عندك ثار … أم الحسن
………………………………………………………………………………………………………………

صور تبقه ابدموعك يا غريب الدار
صورة ضلع مدمي امصوّب ابسمار
صورة باب فاطـــم بيهـــه تسعر نار
صورة خـــد شريف إنسطر بي آثار

وبعد صورة حزن منهه الطفل شاب
جنــيـــن ومنصــــرع يم عتبة الباب

هالآثار … كلهن محن
عندك ثار … أم الحسن
………………………………………………………………………………………………………………

وعلي ساعة ظهورك ينوخذ كل حگ
تصيح أين المـــفــر وإعداك ما تلحگ
كل ظالـــم طغه بــحـبــال يتـشـــبّـگ
ويطـــول الحــســاب هــــواي يتغمّگ

أكيد وما يظل ثار أم الحسين
حساب ويبتدي والعينُ بالعين

بهالأقدار … تحيي السُنن
عندك ثار … أم الحسن
………………………………………………………………………………………………………………

للگالوا أمــس حـيــدر علــي وينه
رغم هيّه الوصــيـــه لزمت إيمينه
نگلهم هسه إجــاكــم هذا مهدينه
هلا بحامي الشريعه وهلا بحامينه

تجي بهيئة علي وبيدك فقارك
على خد السمه تخط انتصارك

بالأنوار … رغم الزمن
عندك ثار … أم الحسن
………………………………………………………………………………………………………………

تجي ولمن تجي يا مالك الإحساس
من هيبة ظـهــورك تخــمــد الأنفاس
ميراثك شجاعه ونـــعــرف المقياس
شجاعة حيدره وحـســـيــن والعباس

الكرم طبع الحســن سيفك يناله
يكثّر مــــن يگــص روس الحثاله

والقهار … هوّه الإذَنْ
عندك ثار … أم الحسن
………………………………………………………………………………………………………………

مثل عمر الشموع وكل محب شمعه
نار الشوگ بيــنــه ونــــذرف الدمعه
وحق أربع احروفك ضاگــت الوسعه
اشبعد يا غيرة الله اشبــاقي للجمعه

ترفرف رايتك يمتــه بسمانه
وخبر عاجل أبو صالح إجانه

عمرك صار … نوح وشجن
عندك ثار … أم الحسن
………………………………………………………………………………………………………………

خادم الإمام الحسين عليه السلام
عمار هليل الواسطي
١٤٤٤ هجرية / ٢٠٢٢ ميلادية

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

خل اشبع اوداع شويه منهه
هاي امي افتحولي جفنهه
تره لو ما شفتهه// تموت وياهه بتهه
/////////////////////////////
يجناز الزجيه وياك _ عندي حجايه واسمعهه
افتحلي الجفن لحظات _ خل امي اودعهه
اذا طبت لحدهه بليل _ بعد ياهو اليرجعهه
اموتن موتت الحسرات _ العزيزه راح اضيعهه
اريد بدمعي ابوس جفوف اديهه
لتسكتوني من ابجي عليهه
تمشي مو وكتهه // تموت وياهه بتهه
/////////////////////////////
من امي لا تحرموني _ اعله كيفي رايده اشتمهه
ومن يم الصدر رخوه _ الجفن خافنه يلجمهه
كومو شاهدو البسمار _ احمر لونه من دمهه
مامعقوله تسكت راح _ الحنينه من اكلمهه
ماتت فاطمه وخلص صبرهه
بالعصره تره تهشم صدرهه
وهسه الكم كلتهه // تموت وياهه بتهه
/////////////////////////////
لدفنهه امشي ماترظون _ يمي شويه خلوهه
انه ادري المحنه تشيل _ امي من تشيلوهه
إذا يمكم الي خاطر _ الزهره شويه اخروهه
تعالو خل اراويكم _ بخدهه شوفو صطروهه
عين الزهره حمره وخدهه اسود
اسد ابعينهه وماترظه تنسد
تره تهمل عفتهه // تموت وياهه بتهه
/////////////////////////////
ماتت ظحكت المهموم _ اوداع الام كلف جرحه
بوجود الزهره جان البيت _ عباره البيت عن فرحه
تخنك وحشة المحراب _ بس التربه والسبحه
جانت امي من ابجي _ دمعي اليوكع اتمسحه
بجفن امي اريد امسح دمعتي
مثل كسر الظلع صارت كسرتي
اليتيمه من عشتهه // تموت وياهه بتهه
/////////////////////////////
صحت يايمه الله وياج _ منج مابعد رجعه
وره الباب بحزن ملجوم _ شعلت اثمنطعش شمعه
عباية فاطمه اعله الراس _ ونواعي الفاكده انعه
جفنهه اعيوني بعده ازغير _ وجبيره تطلع الدمعه
بوداعي طالت النظره الاخيره
وعله اخواني بهظم وجهي اديره
بهيده يالشلتهه // تموت وياهه بتهه
/////////////////////////////
تمت __ علاء الزيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

((غربيل الوكت))

ادري غربيل الوگت
وبالمجــالس چلبت
ابا عبد الله حسين .. ابا عبد الله حسين

            """""""""""""""""""""""""""""""""""''''''''''''

بعــالم الجينات عــــايش وآنه چنت اتحسسك
بضهر ابوي وحيل ادفعه حتى يدخل مجلســك
لا تمد ايدگ عليـــــه ذنوبي خــــــاف أدنســـــك
بــــس وحگ دمعةّ رقــيه صرت حيل اتنفســــك

مجلــــسك اتــــنفسه
من الصبح حد المسه
ابا عبد الله حسين .. ابا عبد الله حسين

            """""""""""""""""""""""""""""""""""''''''''''''

يـــا هواي العــــاش بيه منك اتعلم حچي
يَلــيّ اسمك بي محنه وتطلع الچلمه بچي
آنه لوطحت بمصيبه حسين بسمك انتچي
يــاعطش وانت الشريعه كلمتك ماتنحچي

انته اكبر من عطش
واحــــد بـزي ثنعش
ابا عبد الله حسين .. ابا عبد الله حسين

            """""""""""""""""""""""""""""""""""''''''''''''

خاف اطيح حسین اخبرك انته اريدنك ألي
خاف يدرون بذنوبي خــــاف تطردني هلي
لو اصيح بغيرك انته سيدي تــــــدري انولي
والله اعرفك ما تردني لو صحت ياابو علي

خاف بالـروجه انجرف
حسين بس انته العرف
ابا عبد الله حسين .. ابا عبد الله حسين

            """""""""""""""""""""""""""""""""""''''''''''''

أنتــه اكبـــر مـــن أحبك انته مالك ناضري
أنــته وَحْداني بحياتي حسين انته ناصري
چنت ما اعرف خواطر هسه صاير خاطري
حسين كل ايام عمري هوه كلشي بحاضري

كلشي صار بدنيتي
وحتى زينب عمتي
ابا عبد الله حسين .. ابا عبد الله حسين

            """""""""""""""""""""""""""""""""""''''''''''''

مجلسك خلاني خادم وگلبي سـاكن نينوى
ياشمس گلبي العجيبه التارسه الدنيا ضوى
ما انام اله اعله اسمك اشتـــم بأسمك هوى
ياعلاج الــروح انتــــه وشوفةّ الگـــبه دوى

شكثر شايلــك ولع
شيب بالدفتر طلع
ابا عبد الله حسين .. ابا عبد الله حسين

            """""""""""""""""""""""""""""""""""''''''''''''

ولع بجروحي ويعتني المجلسك يابو الدمع
دمعةّ الحب كل وجودي وبـالمجالس مقتنع
صوت امـك بــــالضماير كـــون لازم ينسمع
ابني ابو السجاد طايح مامش بصدره ضلع

ويامدامعها حـمر
عالحوافر والجمر
ابا عبد الله حسين .. ابا عبد الله حسين

عبد زينب
محمد الابراهيمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
موشح للزهراء ع
.
قال طـــه المصطفى يا فاطمه
انتي مني وهالاسـم يامعظـمه
.
.
للزجيه الليلـه نعلنها حــــــــداد
قال طه المصطفى الهاي العباد
عاليـه ومثلي تـرى اللــــــه راد
ربنا كارمها وخـلق الها الســمه
.
.
فاطمه مني وعلي وهذا الحسن
حسين وياهم الي بهـــذا الزمـن
الدنيا مخلوقه وارض الهم سكن
وحتــــى آدم بيهم الله معلمــه
.
.
أحجايــــة العذال بينه ماتهم
ننسه رادونه بعد ماكو لطـــم
لكن بهذا الحجي ازددنه عزم
عاليه روس الفخر رغم الدمه
.
.
فاطمه انتي العمر وانتي الحيات
هذا مجلسنا ويضل حتى الممات
انتي كلشي وغيرج الدنيا سبات
خادمج حيدر علي حامي الحمه
.
.
تشهد اعلينه الارض وي السماء
فاطمه وهــذا العهد باقي العزاء
وننطي للزهره بعد حتى الدماء
المايعرفج فاطــمه عذا انـعــمه
.
.
الله لاينطي الكسر منها ضلع
خله حيدر يبجي ويصب دمع
المايصح مثله ترى فارس سبع
وروحه للزهره علي الهائمه
.
.

ماتت الزهره وبجه حتى الورد
كثرة احزانك علي ومنين اعد
حزامه جان بيا علي طه يشد
و نفسي گاللهم تراها معلمه
الملا أحمد السالمي

اللهمعجللوليك_الفرج

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

.

تـنـزف دمـه اجروحـي بـيـدي أدفـنـت روحي

           عــافــيـتـي وأم بـيـتـي

      ودعــتــهــه    *    ودعــتــهــه

          *---------------*---------------*

   ودعتهه أرويـحـتـي بـهـاي الـمـسـيـه
   لـلـزچــيــه أقــريــت قــرأن وألــيـــه
   أبـتـده مـوتـي بـلـيـالـي الـفـاطـمـيــه
   أدفـنـتـهـه والـدفـن يـصـعـب عـلـيــه

            دنــيــا أصـبـحـت مـــره
            مــنــي خـــذت زهـــــره

          *---------------*---------------*

   مـاوصل عـشـريـن ونباگـت عـمـرهـه
   زهـرتـي وبـالـروح حـفـريـتـه گبرهـه
   أخـتـنـك بالـلـيـل وأرتـاح بـعـطـرهـه
   وبـالـنـهـار أيـرتـل آلـسـاني بـذكـرهـه

             ويــــن الــصــبــر حـــده
             بـــيــدي أدفــنــت ورده

          *---------------*---------------*

   راسـم بـعـيـنـي الـمـلامـح للـحـبـيـبـه
   مـا افـارگ طـيـفـهـه ومـنـي قـريـبـــه
   الــزچــيـه الـحـنـيـنـه الكـلـهه طـيـبـه
   والـجـرح بـفـراگـهـه عــاجـز طـبـيـبـه

            چــانــت إلــــي شـمـعــه
            هـسـه أصـبـحـت دمـعـه

          *---------------*---------------*

   عـاشـرتـهـه وچـانـت اتشابه حـمـامـه
   ودعـتـنـي والـحـزن چـلـچـل ظـلامـه
   أيـسـت وقريـت عـالـدنـيـه السـلامـه
   والـدمـوع بـوجـنـتـي تـركـت عـلامـه

            حــقــه الـفـگـد روحــــه
            اتـضـل عـيـنـه مجروحه

          *---------------*---------------*

   أصـعـب الايـام فــرگـتـهــه وأشـدهـه
   أمـسـافـره وبالـعـيـن موجوده بعدهه
   عاشـرتـنـي ابروحهه وغايب جسدهه
   الـزچـيـه شـلـون بـالأمــوات اعـدهــه

            صـعـبـه الـصـبـر حــيـره
            وشــضـل بــعــد غــيــره

          *---------------*---------------*

   عـذبـانـي والاجــل بــعــدنــي عـنـهـه
   فـاطـمـة وللـمـوت ماعـوفـن حـزنـهـه
   لاتـگـولـون بــتــرب صــايــر دفـنـهــه
   لـحّـدتـهـه بالگـلـب وبـروحـي چـنـهـه

            اليـنـشـد عـلـي شـلـونـه
            أم بــيــتـــه مــدفــونــه

          *---------------*---------------*

✍بقلم خادم الزهراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
مقدمه للزهراء ع

ظلعچ يم الحسن
نبچيله ابكل زمن
سلاماً سلاماً سلاماً عالظلع
©©©©©©©©©©©

الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً سلاماً عالظلع
©©©©©©©©©©©

ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً سلاماً عالظلع
©©©©©©©©©©©

صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً سلاماً عالظلع
©©©©©©©©©©©

شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً سلاماً عالظلع
©©©©©©©©©©©

بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً سلاماً عالظلع
©©©©©©©©©©

الخادم
كامل السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصيدة في شهادة الزهراء عليها السلام ، لسان حال أمير المؤمنين عليه السلام .
ـــــــــــــــــــــــــــــــــــــــــــــــــــــــــــــــ

عَلَى الوَجنة تِصُب دَمعة رَحِيلِچ حَنظل ٱنجِرعَه
يَتيم وخالي مِحرابِچ وتِغَيّر حالي بِغيابِچ

رَحِيلِچ حَنظل ٱنجِرعَه

ـــــــــــــــــــــــــــــــــــــــــــــــــــــــــــــــ

كأنّي أنظُر لحَيدر
يِكفكِف دَمعِته بِحِزنَه

ويِخاطِبها يَبِت طه
عُگب عَينِچ تِمَحّنَّه

مُصابِچ زَيّد ٱجروحي
ويِمُر لِيلِي بألف وَنّة

كَلِف ما يِنحِمِل هَجرِچ
وتِفَرّع كِل ألَم مِنّه

تروحين وتُعوفيني يَزهراء وتِخَلّيني
يِتامى آنه وَحبابِچ وتِغَيّر حالي بِغيابِچ

رَحِيلِچ حَنظل ٱنجِرعَه

ـــــــــــــــــــــــــــــــــــــــــــــــــــــــــــــــ

يفاطِم يا دُوَى ٱجروحي
أخِبرِچ بالسّده ٱعليّة

أشوف أطفالي باللّوعة
أموت وأحيا يوميّة

يفاطِم حَسرة ٱبنَيتِچ
تِهَدّم حَيلِي البِيّة

عَليلة بفرگتِچ زينب
يَتيمة تعاني ليليّة

حَزينة والدمع هالي تِصِد مِحرابچ الخالي
أنوح ٱوياهه لِمصابِچ وتِغَيّر حالي بِغيابِچ

رَحِيلِچ حَنظل ٱنجِرعَه .

ـــــــــــــــــــــــــــــــــــــــــــــــــــــــــــــــ

الحَسَن يالزهرة لو شِفتِيه
تِهَدّم ساتِر ٱجفونه

الجِبَل يِتصَدّع لهَمّه
السّهَر خاواهِن ٱعيونه

مُصابِچ چَن حِلِم شافَه
ويِعايِن إخته محزونة

يَزهراء وذِبَل عودَه
عَليچ ومِنخُطُف لونَه

تُوَضّه بجاري دَمعاتَه تِفِت دَلّالي آهاتَه
حَنينَه يِنطُر ٱجوابِچ وتِغَيّر حالي بِغيابِچ

رَحِيلِچ حَنظل ٱنجِرعَه .

ـــــــــــــــــــــــــــــــــــــــــــــــــــــــــــــــ

يفاطِم حَسرَة أوليدِچ
عظيمة بصَدرأبواليِمّه

أذكرَه ٱيقبّل ٱجدامِچ
ويِنادي بشوغة يا يُمّه

دَخيلِچ لا تُعوفينا
رِدِت مِنّچ ولَو چلمة

عِزيزِچ يُمّه آنه حسين
عَلَيّه ٱجروحي مِلتَمّة

شحَلاة إسمي التّنُطقينَه يَرَيت إبنِچ تِنُظرينَه
أروحَن فِدوة لِترَابِچ وتِغَيّر حالي بِغيابِچ

رَحِيلِچ حَنظل ٱنجِرعَه .

ـــــــــــــــــــــــــــــــــــــــــــــــــــــــــــــــ

وجودِچ چان إِلِي تَچوَة
ويِنَسّيني الحِزن والهَم

ألوذ بحَضرِتِچ لَمّن
وَجِه دِنيايَه يِتجَهّم

صِدِگ يَمّ الحَسَن تِمشِين
جَريحة وضلعِچ ٱمهَشّم

يَبنتِ المصطفى وعگبچ
سَحاب الفاجعة مِلتَم

عَجيبة صِرتي بَس ذِكرَة تِجيني بطَيفي يازهرة
فِجَعنِي بعَملِتَه الصّابِچ وتِغَيّر حالي بِغيابِچ

رَحِيلِچ حَنظل ٱنجِرعَه .

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچام

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
في الحشر تُوقَفُون
وسوف تُسأَلون
عن كسر ظلعها
عن هجمة الخؤون
**
في يوم بعث الناس عند محشر القيامة
تأتي البرايا في ذهولٍ تطلب السلامة
لا والدٌ ينفع لا والدةٌ أمامه
لا تُقبلُ الأعذار لا تنفعها الملامه

يأتي الرسول باكياً وينزع العمامه
يشكو إلى الباري ويبدي تلكم
الظلامه
من الذي آذى ابنتي وسدد سهامه
وحمرة الخد على وجنتها علامه

هنا تحاسبون
بما ستنطقون
عن لطم خدها
عن هجمة الخؤون

---

كيف اجترأتم هضمها وكنتمُ عداها
أهل تركتم قولتي في فاطمٍ صداها
فاطمة يرضى إله الكون في رضاها
ويغضب الله على من كان في أذاها

إن كان هذا فضلها رب العلى حباها
بأي عذرٍ رجسكم لدارها أتاها
بأي عذرٍ تسفكون بالثرى دماها
بأي عذرٍ تسقطون ما حوى حشاها

هنا ستعلمون
وسوف تندمون
عن سقط طفلها
عن هجمة الخؤون

---

لم تحفظوا حرمتها لما جرى غيابي
أمُّ أبيها بضعتي وهكذا خطابي
فاطمةٌ ست النسا وبابها كبابي
وبيتها حصن الورى حجابها حجابي

كيف اجتمعتم حولها للغدر كالذئاب
ولم حرقتم بابها بالنار للخراب
كيف هتكتم دارها من بعد الانقلاب
لا نلتمُ شفاعتي لا أنتم صحابي

هنا تحاكمون
وحاشا تعذرون
عن ضرب متنها
عن هجمة الخؤون

---

في هول موقف العباد تحضر الزكيه
فاطمة المصونة الرضية المرضية
وتشكو للباري الأذى وتشرح القضية
وتشخص الأبصار نحو ما جرى سويه

هذا الذي كسر أضلاعي بلا رويه
ذاك الذي بالباب عصراً زادني أذية
هذا على متني هوى بكفه الشقيه
ذاك الذي أسقطني طفلي على الوطيه

هنا تخاصمون
بالنار تصطلون
عن سحب بعلها
عن هجمة الخؤون

---

وكل رجس بالمعاد بعدها تكلم
معترفاً بما جنته يده وقدَّم
وعندها رب العباد العادلُ المعظم
يحكم فيهم حكمه العادل والمحتم

يا من ظلمتم بضعة الهادي النبي المكرم
ويل لكم من طغمة ويل لمن تكتم
يا مالك النيران يا خازنها تقدّم
خذهم جميعاً كلهم واروي بهم جهنم

في القعر تمكثون
في النار تخلدون
عن غصب إرثها
عن هجمة الخؤون

---

📝 أبو حور الأحسائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
في ذكرى استشهاد السيدة الزهراء (ع)

آنه الطاهره الزهره الزچيه
و الناس ابحقد هجمت عليه

أنه بنت الرسالات
تاليها ابجراحات

يخلص هذا عمري
&&&&&

أنه بضعة محمد
انسطر من عنديِ الخد
يناس ابلايه رحمه

خلَّوا ضلعي دامي
خلوا دمعي هامي
و آنه أغله نعمه

أحچي ابصوت الونين
اتذبحولي هالجنين
بالله شنهو جرمه ؟!

إذا ليه ذنب .. زين
شنهو ذنب الحسين ؟!
اتحرمونه من أمه ؟!

أنه من نوري ألله خالق الكون
تاليها البشر لعيوني يعمون

أنه نور السماوات
تاليها ابجراحات

يخلص هذا عمري
&&&&&

چم آيه ابمقامي
داسوها أمامي
او حرگوا لله بابه

كسروا هذا ضلعي
كلبي اسمعته ينعي
للباري عذابه

أسرار الله عندي
او سطروني اعله خدي
او طَيْحوني ابترابه

ويايه اشدربهم ؟!
ميخافون ربهم
هتكوله حجابه

أنه القرآن كله يحچي عني
بس يا ناس طاغيهم ضربني

بالقرآن مشكاةْ
تاليها ابجراحات

يخلص هذا عمري
&&&&&

صار اعليه ما صار
بيتي انحرگ بالنار
ضلعي انكسر گوه

حامي الجار مگيود
اتعدَّوا همه الحدود
والله ابهاي خطوه

اشلون الهُوَّه قرآن ؟!
اتجِره تالي أضغان ؟!
الما عدهم امروَّه ؟!

الضلع ما همنيِ انصاب
همني داحيِ الباب
سالم يِرِد هُوَّه

أنه هاي السمه متصير لولاي
لاچنهم عموها هذي عيناي

بيَّه تنزل آيات
تاليها ابجراحات

يخلص هذا عمري
&&&&&

الطاغي من إجاني
لطم عيني او عماني
و ابحقده شتمني

هجم يا شيعه عالدار
او حرگ باب الهدى ابنار
و ابفعله جرحني

كسر ضلع السماوات
عصر روح الرسالات
او ذبح يا وسفه إبني

وياه هاي الأرجاس
إجه و المنزلي داس
او (فدك) منها حرمني

أنه من بيتي طلعت شمس هالدين
تاليها أنسطر يا شيعه عالعين

أنه أم الديانات
تاليها ابجراحات

يخلص هذا عمري
&&&&&

على هذا الهظمني
او ورَّم سوطه متني
آنه أدعو ابصلاتي

آلام او جراحات
آهات او ظلامات
ترس هوه حياتي

ابـ (وإِنْ) هايه كِلِمْته
او كَسُر ضلعي او عَصُرته
يتَّم كل بناتي

حرگ بابي او ظلمني
هظمني او ما حشمني
و أهداني مماتي

ذبَّل بالحقد زهرةْ شبابي
او ضحك من دمعتي او جرحي او عذابي

چنت عطر الصباحات
تاليها ابجراحات

يخلص هذا عمري
&&&&&

إبراهيم الدريس
١٤٤٤هـ – ٢٠٢٢م

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
. اسم الزهراء، خير الأسماء
بيهه موصي المختار.
طاعتهه واجب صار.

ــــــــــــــــــــــــــــــــــ١

الله وصانه ونبينه. گال من بعدي الوديعه.
گال لا تاذون فاطم. فاطمة روح الشريعة.
واليحب الزهره رابح. هناك تشفعله الشفيعة.

واجب نحب ام الحسن.
موجوده هيه بكل زمن
تنقذنه من نار الفتن.
لأن صرنه الهه شيعه.

ام الحوراء. وام الأضواء.
تنقذنه من النار.
طاعتهه واجب صار.

ـــــــــــــــــــــــــــــــــــــ٢

الدفع باب البضعه ظالم . ماتمسك بالوصيه.
كسر ظلع الزهره بيده . وغدر حماي الحميه.
طاح محسن بين اديهه. وضلت الدمعه جريه.

مصيبت المحسن ماطفت.
بكربله نيران اصبحت.
زينب الحره أتعذبت.
وبقت نار الغاضريه.

فاطم قرآن. كل الأزمان.
ام اليمه الأطهار.
طاعتهه واجب صار.
ـــــــــــــــــــــــــــــــــــــــــــــ٣
فاطمة متريد فاسد. يحكم الناس بظلامه.
رفضت الأحزاب كلهم. وبايعت راعي الأمامه.
بس علي هو الخليفة. عينه رب الكرامة.

البايع الزهره واعتقد.
ميبايع الفاسد أبد.
وميخون ويحب البلد.
ويحترم أمنه ونظامه.

فاطم اسلام. والباقي اوهام.
ثوره الكل الأحرار.
طاعتهه واجب صار.
ــــــــــــــــــــــــــــــــــــ٤

النذل طگاهه اعلخدهه. طگته كلش قويه.
طاحت اعلگاع تبچي. تصيح ياسيد البريه.
بعينهه يرجع صطرهه. بصوطه يضرب بالزجيه

يرفسهه ماعنده رحم.
ويلچم ظلعهه الي أنهشم.
الزهره تصيح من الألم.
بضربته تشوف المنية.

حرگوهه الدار. زينب تحتار.
يبچي اعليهه الكرار.
طاعتهه واجب صار..

ـــــــــــــــــــــــــــــــــــــــــــ٥
ماتت الزهره بحزنهه. والحسن وحسين يمهه
الحسن يمهه يصيح يمه. حسين ظل ايحس بألمهه.
يگلهه فدوه ضلوعي كلهن. الظلعچ ويبچي ويشمهه.

حاچيني يزغيرت عمر.
ماتحچي كاتلهه الكسر.
البسمار ينزف بالصدر
من العمر ظالم حرمهه

بيت الأحزان. يبچي بأحزان.
ومهدينه يريد الثار.
طاعتهه واجب صار.
……………………………………..
بلليل راحت للگبر.
شيعهه حيدر بالصبر.
لليوم ماعدهه گبر.
البسمار يوجع بالصدر.
ــــــــــــــــــــــــــــــــــــــــــــــ

حيدر موسى الرميثي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يارفعت راس الخادم.
ياثوره بوجه الظالم
يارايتنه الما طاحت
تتنطر چف القائم
،،،،،،،،،،،،،،،،،،،،،،،،،١،،،،،،،،،،،،،،

طلعت بالحق اتطالب ماتت مهظومه الزهره.
ماتت بس رفعت راية دين الحق بكل فتره.
ماتت بس ضلت تحضر. بكل مجلس تجري العبره.
كل موكب تدخل صارت. تواسي الذبحوه من نحره.

ثار الظلع متانينه
يوم اليظهر مهدينه.
اعلحسين دموع السالت.
تتنطر چف القائم.

،،،،،،،،،،،،،،،،،،،،،،،،،،،،،،٢،،،،،،،،،،،،،،،
تعرف كل خادم شسمه. وعنوانه وتعرف حاله.
واليخلص أسمه أتسجله. وربك يقبل أعماله.
الخادم لوطاح بشده. متعوفه اتضل تبراله.
توگفله الزهره بعسره. تشفعله تصلح باله.

فاطم يامعظم سرهه.
بس المهدي يفسرهه.
أول ثوره ومن صاحت.
تتنطر چف القائم
،،،،،،،،،،،،،،،،،،،،،،،،،،،،،٣،،،،،،،،،،،،،

ظلوع أشگد تطلب صارن. يلمهدي ظلوع هوايه.
ظلوع حسين وظلع أمه. وعلباب أثار دمايه.
وعين الزهره المصيوبه. وعين العباس ومايه.
كلهن ينتظرن تطلع. تظهر يا أعظم أيه.

مكسوره ظلوع الزهره.
تتنطر ثار العصره.
امك يالغايب ناحت.
تتنطر چف القائم.
،،،،،،،،،،،،،،،،،،،،،،،،،،،٤،،،،،،،،،،،،،،،

الظلع المكسور ايسولف قصت محسن من ضحه.
أغتالوا محسن من زغره. مايبرد عايش جرحه.
دم البسمار الينزف. خضب يالمهدي السبحه.
الچان الهادي يوصيهم. خانوا يالمهدي الملحه.

مايبرد جرح البضعه.
بينه يوج مثل الشمعه.
بينه الحسره وماراحت.
تتنطر چف القائم

،،،،،،،،،،،،،،،،،،،،،،،،،٥،،،،،،،،،،،،،،،،

تودع زينب وتوصي. وحسين اصبح يسمعهه.
يعرف هاي أخر لحظه لازم أمه يودعهه.
يندب يازينب أمنه. لو راحت شيرجعهه.
شو ماسكتت ونتهه. ظلع أمنه ظل يوجعهه.

ياوسفه تموت الرحمة.
وتعيش أبذله الأمه.
من بعد النعمه الغابت.
تتنطر چف القائم

،،،،،،،،،،،،،،،،،،،،،،،،،،،،،،،،،،،،

حيدر موسى الرميثي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
احله شي بالدنيه أمي يامن اتسألوني
وآنه هاي الليله أمي راحت امن اعيوني
اغله الاحباب جوّه الاتراب
امي
ــــــــــــــــــــــــــــــــــــــ
الـمن عايش الماعنده أم بالبيت تكتل دمعة اعيونه
يدور بالغرف وايحاچي بالحيطان لاكن مايفهمونه
الاخذ كل امنياته وراح ملك الموت اذا حن لا تلومه
وي اجنازة امه اتصير جوه الگاع راحة باله مدفونه

واللي ماتت امه مثلي امن الكسر موجوعه
يبقه مخنوگ ابحياته وماتعوفه ادموعه
تبچي الاعيون يالتشيعون
امي
ــــــــــــــــــــــــــــــــــــــ
البگه ابراسج يزينب لـمّن إيگولون احسّن يحترگ دمّي
شحلاهه امن الصبح كلمة صباح الخير جنت اسمع من امّي
اذا بالليل افزن خايفه امن النوم تمسح راسي واتسمّي
واذا ابچي تسكتني بأسم عباس بس عباس مو يمّي

چانت امي ام المحنه والاحساس الدافي
بالگبر ضمّاهه عني الموت شو متعافي
وحدي ظليت وعافت البيت
امي
ــــــــــــــــــــــــــــــــــــــ
ابد ماصدگت ميته الحنينه اشلون حلم كون وافز منه
وترد ايامنه وگعداتنه الحلوات لـمّن چانت اتلمنه
تضل جوعانه امنه لو يمرنه العوز وتشبع من توكلنه
بيت امن الگصب بي علي والزهراء يسواله الف جنه

چنه من نفرش السفره كلهه تاكل بيهه
حته الاطيور ابسطحنه نصعد انغديهه
حته الاطيور چانت اتزور
امي
ــــــــــــــــــــــــــــــــــــــ
كلش صعبه يسكت قالع البيبان لمن ينقلع بابه
الامبچي الزلم ظل يبچي عالزهراء وسود امبدّل اثيابه
طلع بالليل يدفن لاكن التابوت امنگع بالدمع جابه
يباوع عالغرف وحشه ويصيح الله ايصبره الفاگد احبابه

يحچـي وي الليل اسمع ايگله وين الغاليه
هسه وصلت يم محمد بالجنان العاليه
والدمع نار وضاعت اخبار
امي
ــــــــــــــــــــــــــــــــــــــ
تجيني الـمغربيه وتخنگ الانفاس لأنهه ماتت الـمغرب
اليصدلي مايشاهد للطفوله اوصاف يشوف اوصاف المشيّب
عافتني زغيره وعمري خمس اسنين الاحبيبه ام گلب طيب
بدفتري ذكرياتي ماكو بس الموت يوميه جرح يكتب

ايشمعتنه التضوي وهسه صارت طافيه
راحت امي ومني راحت فرحتي والعافيه
گلبي ملچوم غابت ارسوم
امي
ــــــــــــــــــــــــــــــــــــــ
اليعلگ صورة امه لا يدگ بسمار خيعلگهه بالدمعه
البسمار الكسر ضلع اثنعش معصوم من الصوره خيشلعه
الوادم للمگابر تمشي يوم العيد تگعد يمهم وتنعه بدال المي ورد واحد يرش ادموع واحد يعلگ الشمعه

وانه ادور بالمگابر امي ماموجوده
حيدر امضيع اثرهه وضامه الموعوده
المهدي لو ثار ايطلع آثار
امي

محمد الجماسي

اللهمعجللوليك_الفرج

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
لن انسى فاطمة (عليها السلام)

اعيش اوياچ اموت اوياچ … يزهـــراء الزچيه
فلا انســــاچ فلا انساچ يبت خير البريه
ــــــــــــــــــــــــــــــــــــــ
حبچ رزق من الله مو اي بشر يوصله
إله ابنظرتچ فاطمه
هايم أنه بتسيارچ والمايشوف انوارچ
يوكع عله اعيونه العمه

شيغطي الشمس بس الـمايحس ينكر رحمتچ
ياكهف الصبر مايسوه العمر لو ماخدمتچ

اظـــل اهواچ اظل اهواچ وعلاقتنه قويه
فلا انساچ فلا انساچ يبت خير البريه
ــــــــــــــــــــــــــــــــــــــ
يالكامله اباوصافچ زيديني من الطافچ
يافاطمه ابابچ ادگ
عبدچ انه يالكوثر علمني اصيرن قنبر
وانطاني خارطة العشگ

هاي الخارطه هي الواسطه وهي البوصله
لو طب مأتمچ تاخذ خادمج اتعيشه ابكربله

الحزن اذاچ الحزن اذاچ عله الراحت سبيه
فلا انساچ فلا انساچ يبت خير البريه
ــــــــــــــــــــــــــــــــــــــ
اليزرعله گالو ورده الوادم تظل اتودّه
وتترحم أعله الجابته
وآنه الزرعت ابدربچ دمعة العين وحبچ
وابمجلسج صيف وشته

رايح للعزه جاي امن العزه هايه سولتي
شيعي وفاطمي وانتي عالمي ياكل دنيتي

شمس الگاچ شمس الگاچ اذا ضاگت عليه
فلا انساچ فلا انساچ يبت خير البريه
ــــــــــــــــــــــــــــــــــــــ
حبچ زكاة اعمالي يااغله من كل غالي
وبسمچ الناصي يعتلي
انتي العلي ضحيتي ثم بعلي وصيتي
وآنه أحب طاري علي

ماشي ابسيرته وعاشك گبته وبعيوني النجف
حامي الـمگبره دنيه وآخره وبأيده الـملف

علي العلاچ علي العلاچ يحل أكبر قضيه
فلا انساچ فلا انساچ يبت خير البريه
ــــــــــــــــــــــــــــــــــــــ
ماتنتهي قصّتنه عشرة صدگ عشرتنه
وافضالچ ابگد العرش
روحي وحگ الساده بنص مجلسچ سجاده
افرشهه هم لو تنفرش

خيرچ يام حسن جن روس وضعن يمشي بخاطري
بجاه البسمله خادم كربله كتبي ابدفتري

اريد انخاچ اريد انخاچ اسحبيني امن اديه
فلا انساچ فلا انساچ يبت خير البريه
ــــــــــــــــــــــــــــــــــــــ
ياكوثرية روحي اخذي الدوه امن اجروحي
يافاطمه وداوي الكسر
مولاتي يالمظلومه يالعالوجه ملطومه
يمته ويجي راعي الامر

لمن يقتحم اصحاب الجرم يصلبهم صلب
يالچتفچ وكع مولاتي انخلع من گد الضرب

دمع مبچاچ دمع مبچاچ فجر بالمغربيه
فلا انساچ فلا انساچ يبت خير البريه

محمد الجماسي

اللهمعجللوليك_الفرج

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
عيني تريد الغوالي
وينه اليحن اعله حالي
والعصروهه بالباب
صارت جوه الاتراب
عيني
ــــــــــــــــــــــــــــــــــــــ
علي انه الخطفت ارواح شو هسه انخطف لوني
چنت امشي على طولي وهسه امشي ويكضوني
من عافتني فاطمتي طاح الضوه امن اعيوني
شلت الـمحسن بحضني والاجنازه عله امتوني

ادفن جثثهم بديه
وتبجي المگابر عليه
وكل چلمات الاعتاب
صارت جوه الاتراب
عيني
ــــــــــــــــــــــــــــــــــــــ
انه اول شخص بالناس سوه هاي الاسوايه
الصبح ابچي عله الزهره وبالليل اسمع اقرايه
امرايه الزهره للتايه وللمتعوب تچايه
وكزاز اتطّشر ابعيني من كسروهه الامرايه

سيفي خجل من حزنهه
محسن وگع من بطنهه
بيه اشسوه الاغياب
صارت جوه الاتراب
عيني
ــــــــــــــــــــــــــــــــــــــ
اول مره هاي اتصير لاكن كسره من كسره
الامبچي الزلم ياحيف ظل يبچي عله الزهره
أحفر مو گبر گبرين وادفـن روحي والعشره
واكثر شي يأذي الروح لمن اذكر السطره

روحه تعيش ابمصيبه
كلمن يفارگ حبيبه
يذكر اغله الاحباب
صارت جوه الاتراب
عيني
ــــــــــــــــــــــــــــــــــــــ
صابر والصبر مرات مرّ ويشبه العلگم
قاتل فـاطمه اگبالي يضحك وآنه أتألم
أول مره عن ثاري انام وروحي تگطر دم
لو سلّيت صمصامي أدري الدين يتهدم

جالس بقيت ابحجرتي
وتكتب وداعاً دمعتي
والغدروهه الأصحاب
صارت جوه الاتراب
عيني
ــــــــــــــــــــــــــــــــــــــ
ظل فاهي الحچي ياناس مابي گطرة املوحه
لمن راحو الزينين كلبي انلجمت اجروحه
المن عايش بدنياه الدافن بالگبر روحه
صابر صبر أيوبين بس الدمعه مفضوحه

دمعي عله الفارگوني
ابچي عله الضيعوني
جرح الفرگه ماطاب
صارت جوه الاتراب
عيني
ــــــــــــــــــــــــــــــــــــــ
بدرب المگبره ياناس رايح جاي يوميه
اقره الفاطمه القران بس بشكل لطميه
اگلهه ومستحي منهه اعذريني يعلويه
باچر ينذبح ابنچ وبنتچ تمشي مسبيه

وآنه اشتهيت الشهاده
موتي ابصلاتي سعاده
ويغرك ثاني محراب
صارت جوه الاتراب
عيني

محمد الجماسي

اللهمعجللوليك_الفرج

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

استشهاد الزهراء ع

بالدار فاطم هايه بالدار
يا نار لا تچويها يا نار
بسمار خلف الباب بسمار

---

من جلالتها اعتقدتيها چبيره
والله يانار ام حسن لسه زغيره
التهبتي وهيه لهبت بيها حيره

علامچ شو اجيتيها بيش انتي تطلبيها
الشبّچ ما عرفها اهنا لو قصده يأذيها

معروف حقده اعليها معروف
مكشوف من ازمان مكشوف
اسرار ماكو بعد اسرار

---

ما برد شو بابها الزهره علامه
صرتي يانار الخليل الله سلامه
فاطمه ام النبي وام الامامه

تتچوه اذا اتدفعه. لهيبچ ما طفه بدمعه
اذا ترجع اكو بسمار. وصدرها ينكسر ضلعه

دمعات ما تكفيها دمعات
شوغات ما تحتمل شوغات
محتار بال الزهره محتار

---

ارد اسألچ بيش يا نار اشتعلتي
من حطب لو من حقدهم انتي صرتي
شلون باب الجنه تدنيها قبلتي

باب الله تعرفينه عليه اثار هادينه
عطره ودگة الچفين وبعدها طبعة اجبينه

مهيوب باب الزهره مهيوب
مخضوب هاي الليله مخضوب
اشرار هذا فعل اشرار

---

بوكت ابوها الزهره ما شافت اذيه
اشبيها كلها انگلبت اعليها الزچيه
ذوله مو اصحاب والله ناصبيه

هذوله حظهم اشكبره علي متچتف بصبره
لونه ساحب البتار چا كلمن حفر گبره

معذور حامي الحمه معذور
مجبور يصبر علي مجبور
فقار ظل بالغمد فقار

---

ما خمدتي ليش من اسمعتي ونه
فطره عدنه الينولد يطلب محنّه
احضنتي محسن گبل ما امه تحضنه

ليش المحسن اتلوع بحضن امه ولا اتربع
علامچ اه ينار الباب تقدميله جمر يرضع

محروم من الزهره محروم
مفطوم وسفه بجمره مفطوم
ينهار بفتحت عينه ينهار

---

الشاعر اياد الديراوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

رَبَّـكْ مَـا خِلَقْ گاعِ اِوْ لَا سِمَه
لوْلَا فَـاطِـمَـه لَوْلَا فَـاطِـمَـه
ــــــــــــــــــــــــــــــــــــــــــــــــــــــــــــــــــ
قَبْلِ الگاعْ قَبْلِ الـمَـايْ قَبْلِ الـنُّـورْ وِ الـرِّيحْ
فَاطِمْ جَنِبْ عَرْشِ الله چَانَتْ صوتْ تَسْبِيحْ
رَبَّـكْ سَـوَّه هَـذَا الـكـونْ وِ اِنْطَاهَا المَفَاتِيحْ
تِرْفَعْ چَفْهَا وِ اِعْلَه النَّاسْ گطْرَاتِ النِّدَه اِتْطِيحْ

كِلْ هَذَا الزَّمَنْ عِشْنَاهِ اِبْظِمَه
لوْلَا فَـاطِـمَـه لَوْلَا فَـاطِـمَـه
ــــــــــــــــــــــــــــــــــــــــــــــــــــــــــــــــــ
فَاطِمْ عِـلَّـةِ التَّكْوينْ وِ الكِلْ نَـشْـأه أسْبَابْ
لـوْ مَـا هِـيَّـه چَـا لِـلآنْ كِـلِّ العَالَمِ اِتْـرَابْ
هَاي الدِّنْيَه مِثْلِ اِكْتَابْ وِهْيَه اِحْرُوفِ الكْتَابْ
كِلِّ الـرُّوسْ تِسْجِدْ كُونْ لوْ طَارِيهَا يِنْجَابْ

مَا يِضْمِنْ بَشَرْ حُسْنِ الخَاتِمَه
لوْلَا فَـاطِـمَـه لَوْلَا فَـاطِـمَـه
ــــــــــــــــــــــــــــــــــــــــــــــــــــــــــــــــــ
چَانَتْ مِنْ رَحَاهَا اِتْدُورْ قُطْبِ العَالَمِ اِيْدُورْ
مِـنِّ اِتْصَلِّيْ بِالمِحْرَابْ يِصْعَدْ لِلعَرِشْ نُـورْ
هِيَّه الآمِـرَه وِ الكونْ تَحْتِ اِيْديهَا مَـأمُـورْ
يِمْكِنْ مَرَّتِ اِبْـسِينَاءْ وِ اِلْهَا اِتْقَدَّسِ الطُّورْ

لَا يُـوجَـدْ نَبِيْ الله اِمْـكَـرُّمَـه
لوْلَا فَـاطِـمَـه لَوْلَا فَـاطِـمَـه
ــــــــــــــــــــــــــــــــــــــــــــــــــــــــــــــــــ
كِلْ مَوْضِعْ تِدُوسَه اِيْصِيرْ مِثْلِ التَّاجْ عَالرَّاسْ
فَاطِمْ لـوْ نِرِيدِ اِنْقِيسْ بَـسْ بِـالزَّهْرَه تِنْقَاسْ
اِشْكُبُرْهَا وِ النَّبِيْ المُخْتَارْ بَايسْ چَفْهَا يَانَاسْ
يَعْنِيْ اِعْلَه البَشَرْ مَفْرُوضْ بَابِ الزَّهْرَه يِنْبَاسْ

رَبَّكْ مَا صِنَعْ بَـابِ المَرْحَمَه
لوْلَا فَـاطِـمَـه لَوْلَا فَـاطِـمَـه
ــــــــــــــــــــــــــــــــــــــــــــــــــــــــــــــــــ
فَـاطِـمْ أقْـدَسِ الأرْوَاحْ وَ اَكْبَرْ مِـنِّ الايَّـامْ
لِذَلِكْ مَا بُقَتْ عَالگاعْ غيرِ اِثْمُنْطَعَشْ عَـامْ
نِزْلَتْ رَحْمَه بَسِّ النَّاسْ لِعْبَتْ بِيهَا الاوْهَامْ
تُـؤمِـنْ بِالعَلَنْ وِ اِتْـرُوحْ بِالسِّرْ تِعْبِد اَصْنَامْ

مَـا وَاحِدْ دِفَعْ لِلدِّينِ الـدِّمَـه
لوْلَا فَـاطِـمَـه لَوْلَا فَـاطِـمَـه
ــــــــــــــــــــــــــــــــــــــــــــــــــــــــــــــــــ
نِعْمَه الزَّهْرَه وِ المَفْرُوضْ هَاي النِّعْمَه تِنْصَانْ
مُـوْ يِجْمَعْ حَطَبْ وِ اِيْرُوحْ يِحْرِگ بيتْهَا اِفْـلَانْ
مُحَمَّدْ مِنْ يِجِيْ الهَالبيتْ يِسْتَأذِنْ گبُلْ چَـانْ
شِجَاهَا النَّاسْ ثَارِيْ النَّاسْ طِلْعَتْ بَسْ حَچِيْ اِلْسَانْ

چَا كِلِّ البَشَرْ عَاشَتْ وَاهِمَه
لوْلَا فَـاطِـمَـه لَوْلَا فَـاطِـمَـه
ــــــــــــــــــــــــــــــــــــــــــــــــــــــــــــــــــ

٢٣ / ١٢ / ٢٠٢١ الخميس
كرَّار حيدر الخفاجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
عله الزهراء محد شالته الغيرة

---

محد شالته الغيره وفزع ليهه
دفعو بابهه وطگ الظلع بيهه
استغلوهه لان مچتوف واليهه
ابهذا الوضع المن شوفهه اديرة

---

حرمه وتنولي عد العرب زحمه
چا وين الضمير اوينهه الذمه
هاي الربهه مشتقلهه من اسمه
وقرأنه عليهه چان تعبيرة

---

زهراء ابضواهه الكون كله ازهر
الما يعرفهه يسئل سورة الكوثر
احمدُالله لان ما حشمت حيدر
وألا چا اصير السالفه اچبيرة

---

واحد يعصر او واحد تولاهه
لما محسن ابنهه طاح جواهه
شو چنكم نسيتو هاي بت طه
رسول الله يوادم هيچ تقديره ؟

---

هاي ام الحسن وحسين يا عالم
هاي السجد ليهه بالسمه أدم
مكسورة وعمرهه ثمنطعش ماتم
عله البسمار جانت فاطمه ازغبرة

---

الهجمو عله البيت وهظمو الزهره
حته ابليس منهم صاح وتبره
خانو علي ونكرو زاده والعشره
الچانو عايشين ابفضله وبخيره

---

الشاعر
مصطفى البديري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيدة ( ما اظن اواسي الزهره ) لاستشهاد فاطمة الزهراء عليها السلام

هلدمع لوهليته ويچوي الگلب وديته
وعمري حزن گضيته وليلي صبح سويته
ولودوم اظل ابحسره
مااظن اواسي الزهره
★★★★★
ياگمرة للدنيا وهوه
عمرچ على غفله انطوه
ليلچ ومصباحچ سوه
اتجردن من الضوه

افعال الجرم مقصوده بگلوبهم معقوده
قصد النوايا السوده تظل راحتج محدوده
وانا من انوح واقره
مااظن اواسي الزهره
★★★★★
عودچ ذبل والمي نشف
وتلوعت روحچ اسف
تيبس توج مثل السعف
بالباب ظالم من وگف

حقوق النبي ضيعها سب وشتم سّمعها
اكوام الحطب جمعها الباب بحقد يدفعها
من ابجي وعيد الذكره
مااظن اواسي الزهره
★★★★★
معلوم اصلچ من نبي
وراجع قرارچ للوصي
صرتي قلق للناصبي
قرر فرحتچ تنسبي

الي نهج باسلوبه يدري الظلم من ثوبه
شمعنه فدك مغصوبه وعنچ غدت محجوبه
لوعيني تهمل حمره
مااظن اواسي الزهره
★★★★★
من حاربوج اهل الجهل
وتحججوا باضعف علل
المقصود من هذا العمل
لدين الله حاكم مايضل

حق معرفه يدرونچ كلشي يضيع بدونچ
من البچي يردونچ بالحرگه تعمه عيونج
لو اموت مية مره
مااظن اواسي الزهره
★★★★★
يابيت من عطر الورد
صّبوا عليه نار الحقد
رادوا. سلوته تبتعد
والشمل مالحظه يرد

هلدنيه متامنها تتمنه ترحل عنها
لمن شكوا من ونها خيبوا تالي ظنها
لوألعن. ابهلزمره
مااظن اواسي الزهره

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

لسانحالامير_المؤمنين عليه السلام

راجع ومحني الظهر من دفن الاحباب
وانكسر گلبي اعله زينب لازمه الباب
من رفعت الادين.. گالتلي امي وين… لازمه الباب
……
راجع ومو الاولي… چني مو ذاك علي… جبل محني
شلون اوصّف حالتي.. الزهره روحي وراحتي… ومشت عني
راجع من محنتي جثه محنيه
واتراب الزچيه بعده بإديه
لن زينب تلگتني وتشم بيه
تگلي شو اجيت وامي ماهيه

تگلي المن يا علي يابويه رديت
خاف متوهم تره امي ماهي بالبيت
آنه اشبعت ونين.. گالتلي امي وين… لازمه الباب
…….
منظر بعيني نرسم.. لازمه الباب بألم.. تحاچي بيها
تگلها بيچ ام البخت.. فاطمه الزهره احتمت.. وعصرتيها
كسرت گلبي زينب من رحت ليها
تحاچي الباب والدمعات تجريها
شلون الزهره وياهم عصرتيها
لاذت بيچ امي وما حميتيها

عاينتها ودمعتي بالعين حمره
تشبگ الباب وتشم ريحة الزهره
بشوگ ودمع حزين.. گالتلي امي وين.. لازمه الباب
……
فرفحت ليه واجت.. حيل شبگتني وبچت.. وزاد همي
تگلي بويه أنْشِدك.. ليش راجع وحّدك.. وين امي
دافن گلبي ما عندي گلب ثاني
وهذا اول سؤال الهدّم اركاني
سألت امي وين وزادت احزاني
وگلت ترجع حلم عايش عليه آني

راجع وبالمگبره روحي ادفنتها
ترجع الزهره حلم عمري وگلتها
دافن حلم سنين.. گالتلي امي وين… لازمه الباب
……
وابتدت نار الهظم.. من شفت زينب تلم.. هدوم امها
بيهن تشم وبچت.. والهن شگد سولفت.. عن المها
شبگتهن وشَبگة موت احسنها
ومثل لمح البصر راح الدفو عنها
خمس اسنين ما شبعت حضن منها
ونّت زينب او ونيت أنه الونها

تگلي بويه وين زهرتنا الحنينه
هم ترد لو بعد اصلا ما تجينه
شهگت الي بحنين.. گالتلي امي وين.. لازمه الباب
…..
ثنينه نبچي سوه.. لمن فارگنه الضوه… عشنه ضلمه
آنه اصيحن فاطمه.. وزينب اتصد للسمه… وتصيح يمه
تكسر خاطري لو مره گالتها
وينچ يالحبيبه يمه نادتها
زينب شيبت درب الهجر فتها
طفله ويتمتها وليه عافتها

من حنان امها صفت زينب يتيمه
شلون اصبرها وأنه بنار الهضيمه
بالباري استعين.. گالتلي امي وين… لازمه الباب
……
خادم الزهراء
حسام ناجي الحلي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

موشح

الليالي_الفاطمية

عگب ما رحتي يراحة بالنه
تبدلت يم الحسين احوالنه
…….
عگب ما رحتي يمنبع للحنان
جنة الله والچ مخلوقة الجنان
موش زينب اسمي صار ام الاحزان
وصار ثوب الفرح ما يحلالنه
…….
من مشيتي يا كهفنه العائلي
يا ربيع ايامنه الما ينجلي
علي مو ذاك التعرفينه علي
يميل ويه الهوه من يبرالنه
……
والحسن يا يمه آه اعله الحسن
بطعنت البسمار وياچ انطعن
ضلوعه من عصرة الباب اتكسرن
بروحتچ يا مرتجى آمالنه
…..
والحسين اچفوفه بالباب انچوت
شاف محسن واذبلت روحه وهوت
وباچر ارض الطف احسبيها انروت
من دمه حسين ودمايه ارجالنه
…….
باچر يخيّم يزهرتنه البله
وتختلف احوال ذيچ العايله
عگب بابچ تلفي لينه كربله
يمكن اتيهينه من اشكالنه
……
كلشي يم الحسن باچر يختلف
تسعمية طعنه فوگاهن ألف
وراس الحسين الذي بيه ينحلف
عالرمح وبعينه ينظر حالنه
………
خادم الزهراء
حسام ناجي الحلي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ذكرى استشهاد الزهراء ع

 عالوعد       والعهد

نحي الليالي الفاطميه جينه
©©©©
ابثوبي الاسود وبدموعي وهذا حالي
احظـــر المجلس اجيت وراسي عالي
والله اعــــــوف الدنيه كلها وما ابالي
اولا اعـــوفن ليله مـــن هاي الليــالي
عهدي أنه ابكل سنه
نحي الليالي الفاطميه جينه
©©©©

هالمجــالس هيه عشـي وهيه بيتي
وهالمـــنابر هيه المكبـــرتلي صيتي
خادم الزهـــــراء مكتــوب ابهويتي
وابقـــه انعاهه لحد ســـاعة منيتي
بمدمعي والنعي
نحي الليالي الفاطميه جينه
©©©©

لو قره الناعي وذكــــر كسرت ظلعها
عيــــني من دم يبقه يتفايض دمعها
الزهره ورده اومو شريف ألي گطعها
دين ماعنــــــــــده الضربها والدفعها
اتحزمت حشمت
نحي الليالي الفاطميه جينه
©©©©

اهواي عــــدوان الزچيه وقله الاحباب
وگعو منها الجنـــــين ابعصـــرت الباب
ابيا ذنب ضربو متنهه وشنهو الاسباب؟
اليدعون اصــحاب هسه انگلبو اذياب
بالهظم والطم
نحي الليالي الفاطميه جينه
©©©©

شكبر بختي وصــرت خادم للزچيه
وربحي بالدنيه الولايه الحيــــدريه
ناجح ابحب الزچيه وخــــذت ميه
حيل ادگ صدري عليها ابهل مسيه
ابهل ذكر نستمر
نحي الليالي الفاطميه جينه
©©©©

ريت هاي اليله وي حامي الحميه
انشـــارك ابتشيعها وننصب عزيه
فايز اليحـــــــيي اليالي الفاطميه
ترضه عنه فاطمه وسيد البريه

انضل خدم بالالــم
نحي الليالي الفاطميه جينه
©©©©
الخادم
كامل السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

مقدمه_للزهراء

طب للبيت ـ شاف البيت ـ خالي من فاطمه

يطب الدارها ويخــــــتنگ بالوحشه
علي ملچـــوم فارگ ضحكت القبشه
يشوف حسين بيده افراشها ايفرشه
ويحس ابگلبه نار اومنگـــطع هرشه

وين ايروح ـ كلها اتنوح ـ حتى الارض والسمه
**

گطـعو مــنه ورده وذبل بســـــتانه
مــر بيه الخــريف ويبست اقصانه
يطــــب للـدار يلگـه الدار حـــزنانه
على الزهره نحيل اوروحه خلصانه

كل اغروب ــ گلبه ايذوب ــ مجروح حامي الحمه

---

بالتغســـيل شــاف الما امســـــولفته
زعل بس الوصــــــــــيه ابهاي لازمته
شاف السطره البخدها وبچه ابسكته
العقيله اتموت كون ينــــوح سامعته

بالتغسيل ـ باد الحيل ـ ودنيا صفت مظلمه

---

علي اتعـــذب دليله ابفرگت الزهره
كلشي اضلم عليه من ماتت الگمره
مـن يذكـر ظلعها ويذكـر الصــطره
تهيـج اجروحه كلها ويختنگ عبره

صابه البين ـ بم احسين ـ وسهم البعد المه

---

يگعــــــد يم گبــــرها وينحب وينعه
موضلع الزچيه ألي انكســــــر ضلعه
يكـــابر عالالم گوه ابجــفه البضـــعه
تبچي وتوگف اعله ادموعهه الشمعه

ابگلبه النار ــ فكره احتار ــ من المدامع عمه

---

  الخادم

كامل السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

نزال_

فاطـمي فاطـمي للابـد
فاطمي فاطمي عالعهد

---

بالمجالس ـ ابقه عابس ـ وفختــــر خادم عشت
أقرء وخدم ـ ونعه ولطم ـ بالســـواد اتوشـحت
راسي عالي- الهل ليالي- والله كل عمري انذرت

امحـــزم ابهاي المجالس للأبد
ما اعوفنها وحـــق واحـد احد
هالشعائر عندي ألذ إمن الشهد
ألها نذرتني الحنينه امن المهد

ملتــزم ملتـــزم بالوعد
فاطمي فاطمي عالعهد

---

يالزجـــيه ـ كلشي بيه ـ ملكچ وعبـدچ صرت
من البدايه ـ وللنهايه ـ ابهل وضيفه اتشرفت
اخدملكم ــ وكتبــلكم ــ صيــت ابـد مادورت

همي بس ترضـين عني ابدنيتي
يالسبب صرتي برفعتي وهيبتي
يالزچــــــــيه انتي ادره ابغايتي
ما ادور شــي مقابل خدمـــــتي

خدمتچ خدمتچ چن شهد
فاطمـي فاطمـي عالعـــهد

---

حبچ آيه ـ وبي هدايه ـ يخـتلف عن كل عشگ
مو حكايه ـ اولاروايه ـ يحمل اخلاص وصدگ
يالوفيـــه ـ ابهل عـــزيه ـ هامه اطبـرلچ وشگ

ســــجلي يم حســــين يمج لهفتي
ولطمتي وعزمي وحسرتي وعبرتي
اركض اعله المجلس آني ودمـعتي
وركضت اطويريج صـارت ركضتي

والگلب والگلب ما برد
فاطمي فاطمي عالعهد
*

هذا دوري ـ ابكل شـــعوري ـ لازم اتهدل وون
يالكسـيره ـ يالنـــــذيره ـ عسعس اليل ابحزن
انتي دمنه ـ وانتي امنه ـ وانتي للخادم وطن

انتي رايـه ارتفعت ابچـف الخــدم
رابــــح اليهـــواچ واللـه وما نـــدم
ابلا مجالس هالخـــدم تصبح عدم
نزحفلها ازحوف موش اعله الجدم

هالقسم هالقسم والصمد
فاطـمي فاطـمي عالعـهد

---

مانعوفچ ـ يالنشوفچ ـ بالسمه اهلال وشمس
من وفائچ – من ابائچ – شيعتج تاخذ درس
فاطميه – هاشميه – حبج اغلى امن النفس

احـــنه مـــن دونچ نضل ابلا هوه
انتي فضـــلچ عالجرح مثل الدوه
انتي آيات الحــــــــمد والقل هوه
ابلا وجودج كلشي يبقه ابلا ضوه

والعشگ والعشگ ماله حد
فاطـــمي فاطـــمي عالعهد

---

 الخادم

كامل السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

دگوا الباب وتغير لونها
بجت حتى السمه لعيونها
+++++++++
طيحت الزهره ترا طاح العرش
وهذا نعش الدين مواله النعش
الگضت بالدنيه بس اثمنطعش
وخير للوادم ترس ماعونها
+++++++++
طيحت الزهره غميجه ابلا حجي
بياذنب والبضعه خاطر تنولي
الخلصت ساعاته بس بالبجي
ميته بفراش الحزن يلكونها
+++++++++++
انتفض جبريل الحالته اعترض
وصفك بجناحه لعده ونتفض
الي يبغض فاطمه الربه بغض
هيجي بت الخاتم ايردونها
++++++++
مصاب بت الطه ترا ماينحمل
وما رضى البصار بس الي نذل
ضلع مسمار وبعدفوگه الطفل
علا الهظم والجور الله يعونها
+++++++++++
صوت من السمه ناداها بطلب
كولي يزهره وسويه حطب
الحرك والدفع البابج يطب
سوي فعله البمهد يحجونها

ابو حسين الفضلي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ودي ارجع مو يتيمه
امي يالجانتلي خيمه
روحتچ ما منه چيه
لا حيات ابلا زجيه
امي يالجانتلي خيمه
**
ياالاهي انجان عندي
حوبه وتحققلي حلمي
ما افارگهم ثواني
تخلي ابوي وتحمي امي
وگون اصد ابشوفي الهم
جنت احسهم دوم يمي
ولوا اصد ما الگه واحد
اختنك ويزيد همي
استجب يا رب دعوتي
ولاتزيد ابهم حسرتي
ورحم الي صار بيه
لا حيات ابلا زجيه
**
يانعش شلتوا بديكم
روحه روحي المشت
هيه گلهه الي خذته
لو انه من عده بقت
دنيه ومابيه انتي
والله من بالي انتهت
هسه تردوني اعيش
ووياها هسه اتوادعت
كل حياتي بيه حسره
لاحياة ابلايه زهره
ما انام اله علا ديه
لا حيات ابلا زجيه

---

خاليه ادروب المشتني
وطلعت منه عتاب
انهظم ونعصر گلبي
لون عيني تصده باب
ظلت اترافجني حصره
بالضلع مشچوخه ناب
ولو رددت يايمه اشله
الظهر يا يمه عاب
بهيده هيده الي عفته
طاحت بعين عمته
ستهظمت والحال بيه
لا حيات ابلا زجيه

---

مو شرط يايمه روحي
وانه ابنيلچ گبر
وارسم اگباله يتيمه
شايله نفس الگسر
وارسم ابخدي علامه
واشبه الي تنسطر
وهذا حز احبال اديه
من السطر لهسه يمر
نفس ذاك الصار عندج
ابگلشي وهسه يشبهج
وابگه ابحالي رميه
لا حيات ابلا زجيه

---

يمه ما عيشا بدونج
واليتم بين علامه
كولي چم موته اموتن
اله اشوفنه ابسلامه
لاكوا مرسال اليجيني
وعايشه بنص الملامه
واحسب الدنيه ثواني
وطايره مثل الحمامه
دورت بس ما لگيتج
من احن ساعه المسيتج
البيج ثاري هوه بيه
لا حيات ابلا زجيه

ابو حسين الفضلي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
هالليله ماتت
أمي اللي جانت
أرويحة حلال .. أرويحة حلال

---

صال . أبو الشر وكومه الاشرار
يريد . أعلينه كلنـه يحرك الدار
ليش . وشنهي المسوينه ياناس
وهيج . أيتجازه النبي المختار
كلوله كومــه كل ظنهم يحن
الزهره بالدار كللهــــــم وإن
كسروا ظلعها خلوهــــا تون

---

شلون . أكدر أنسه عملة الباب
آه . أكبال عيني صـار المصاب
آخ . من شفتهـــا طاحت تلوج
الروح . مني راحت والكلب ذاب
صاحت يفضه وكــوه تنسمع
أعليــه الحكي ياذينـي الظلع
تعاين علينـــه ويتجاره الدمع

---

الصار . أمي تحجي وياي بونين
اتكول . راح وحدج يمـه تبقين
وراح . بنتي يازينب أوصيـــــج
كون . مثلي أريدنـــج تصيرين
لمي أخوتـــج وألهم صيري أم
وعينج عليهم ليمسهم هظـم
خوفـي عليكم من أهل الظلم

---

دموع . حكــــج تصبين ياعين
راح . كل حنان ويه أم الحسين
الام . محد يعوضها هيهــــات
وين . مثل الام أم تلگــي وين
آه يالحنينــــه يايمــه صحت
دهري فجعني بدلالي انصبت
من ماتت أمي يعني آنه متت

---

ليش . الموت ياخذ بس الاعزاز
يروح . كلمن النظراتـــــه نعتاز
كون . ويه أمـــــه ابنادم ايموت
ولا . يبقى بنعشها يمشي جنـــاز
الماتت أمــــــه شله بالعمــر
كل عمره يبقى كلبه منكســر
يكتل فكدهــــــا ميفيده الصبر

---

                         سلام المشعل

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصيده بمناسبة استشهاد فاطمة الزهراء عليها السلام ه‍_م

من راحت من ايدي ام المحنه
صار البيت خالي من اهلنه
★★★★★★★★★★★★★؛

علي انا وصبح مكسور ظهري
ام بيتي مشت والعين تجري
النهار أصبح ظلام ومات فجري
بهاي اللحظه احس انفگد عمري

بدفنتها الدهر چنه دفنه
صار البيت خالي من اهلنه
★★★★★★★★★★★★★؛

عاشت نبض بيه وعشت بيها
اغيبن ساعه عنها اشتاق ليها
ترد الروح إلي من اجبل عليها
تطيّب خاطري نبرة حچيها

متصافين جبنه كل عمرنه
صار البيت خالي من اهلنه
★★★★★★★★★★★★★؛

حب الزهره واحد ميتعوض
الغابت عنه حگه لو تمرض
من شفت الضلع منها ترضرض
احس كلشي صُبَح من حولي ينفَض

هاي البيها ظل حاير صبرنه
صار البيت خالي من اهلنه
★★★★★★★★★★★★★؛

ادفنتها بچفي بس شصار بيّه
راجع بس جسد من الزچيه
يالزهره تفارگنه شبديه
ما يگدر يصدّ چفي المنيه

رحلتي والألم عايش بقى النه
صار البيت خالي من اهلنه
★★★★★★★★★★★★★؛

راحت ذكرياتي الحلوه وياچ
فگدنه كلشي من يوم الفگدناچ
السعاده اندفنت بيوم الدفنّاچ
عشنه بدمعه وبحسره بلياچ

چنه وياچ وين أو وين صرنه
صار البيت خالي من اهلنه
★★★★★★★★★★★★★؛

چنه ثنين بس الگلب واحد
احبها مثل روحي وبعد زايد
مشت عني وبقت دمعاتي شاهد
ترى تچوي الجمر دمعة الفاگد

ما مقسوم نبقى الحد كُبرنه
صار البيت خالي من اهلنه
★★★★★★★★★★★★★؛

جعفر عطيه البزوني

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

أمي بغَفل راحت
نجمه بسِمه وطاحت
يابويه .. يابويه
**
جبل من هَم اشوفنه
الظلام النازل اعلينه
يلِم عُمر الثكاله اهنا
ويطِش غيم الحزن بينه
البصَر تاه وفگَد نوره
وسوَاد ايساره ويمِينه
رايح ضُوه انواري
وشِيردّه لدياري
يابويه .. يابويه
**
أثَر إلها بزوايا البيت
والف ذكرى التعَذبني
اهنا طِحنت قرص لِشعير
اهنا گِعدت تمشّطني
اهنا صلّت صلاة الليل
امن انام اهنا تراقِبني
وهسّه ابطَرگ همي
أشبگ عباة امي
يابويه .. يابويه
**
يطُود المايبَالي ابهَم
يإنته وماكو بس إنته
الحنين بعينَك أشعر بي
يبويه اوّنة السَكته
يالمحَدب حزن بويه
انكسَارك بالنَظر شفته
هالحيره شِيفضها
وزهره اشيعوّضها
يابويه .. يابويه
**

بعَد لمسة حنان امي
القساوه اترَافگ اربُوعي
وبعد حضن الدفُو العدها
يصِك برد الشته ضلوعي
سَلُوتي چانت بدنياي
وهسه سَلوِتي ادموعي
الچانت دفُو ايامي
أرجَاها باحلامي
يابويه .. يابويه
**
صَعبه الأم تظل ذكرى
وحلم يترَواه بالخاطِر
ويظل حسره بنَفس محروم
وجهها الراحل الحاضر
يبويه امن أشعر ابهذا
أخاف امن اليمُر باچر
شلون احتِمل همي
وغطّه التراب امي
يابويه .. يابويه

           ==============

لقمان البدران

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
نِرفع اِيدينَه اوننادي .. آ يزهره
انريد منّـﭻ يالوديعَه .. نَظره نَظره
حِضري خدَّامـﭻ تِصِيح
اعلِيـﭻ بحسين الذَبيح
آ يزهرَه

---

مِن تِجمَّـعـنه ابمِسَـه .
انـَّـادي ياخَيـر النِـسه
يَم حسن وحسين يازهره الزﭼيه
سِمعِـي صَيحات الخَدَم .
تصرَخ بصُـوت الألَم
اِدخيل ضلعـﭻ يَم شَهيد الغاضريه
يالجَـمر بَـابـﭻ عِـلَـه .
ابيوم ذِيـﭻ المُعـضله
يشرَح احقـَـاد الطغاة الناصــبيه
اعليـﭻ محسِن والضِلع .
شِـدِّي حَيل الهَالجَمع
حتـَّـه يحـيُـون الليالي الفاطــمية
قـَـوِّي عَـزمه الي ينادي .. ورُفعِـي شَانه
صِـيتي مَرفـوع ابخِدِمتــﭻ .. منهـُــو آنه
رِيشه آنه ابمَهَـب ريح
حِضري خدَّامـﭻ تِصيح

---

صِعـَــد رَادود وقِـــرَه .
ورَاد يُوصــف مَـاجِـره
اعليـﭻ يابت النبي ابذِيـﭻ المصيبَه
ارتِجفَـت اَطـرَافه سِـوَه .
مثل سَـعـفات ابهــوَه
وارتِعـَـد ﮔلبَه وغِـدَت روحَه سَـلِيبه
وصَبَّت ادمُوعه ونِـزَل .
وصَاح ماخِذني الخَجل
مِـن إِله الكــون والغالــي حَبــيبه
شلون اوَصُّـف يابَـشر .
مُصحف ابـَّــاب انعِـصَر
وكِتَب بسمار الغـَـدر صَفحة مَغِـيبه
انذِبحَـت احرُوف الكتـاب .. وآيـَــة ألله
والنبي سِـحـﮔوا ثِـنيتـَـه .. البيهه صَلـَّـه
وهـذا دَم قِـبلـَـه يسِــيح
حِضري خدَّامـﭻ تِصيح

---

ارتِفعَـت اﭼفوف الحَنين .
ونِلتِـفت يسرَه ويمين
بلكَـت اخيَـالـﭻ يِـبيـِّــن يالشَــفيعه
حِضري خِــدَّام الإجَـوا .
وابتـَـوَسـِّـــلهم بـﭼَـوا
آ يفاطم صَاحَوا ابصُوت الفجـيعه
كِضِّي ضلعِـﭻ وارتِـﭼي.
ومِسحِي دَمعات البـﭼي
وغَطـِّي بالرَحمَات دِنيانه الوسِيعه
لَـنهه بَعـدﭺ غَـيـِّـمَت .
ابدَخنــة الهَــم غَـبـِّــرَت
وﮔـُــمنَه نتـنَفس قهَــر آ يالوديعه
خَـفـِّـفي احمُـول الظـهَر .. يابِت مُحمد
لأن احنـَـه اشما نِـنادي .. ماكـُـو أحـَّـد
وبعَـد ماﮔـــام اليطِـــيح
حِضري خدَّامـﭻ تِصيح

---

وَيـَّــه كِل لَطمة صَـدر .
اِنـذَرنَه يالبضـعَه نِـذِر
نكسِر اضلُوع اونِوَاسيـﭻ ابمُصابـﭻ
البَـاب لمـَّـن نِنـظرَه .
ابفـَــزَع نرجَـع لي وَره
انشُوفه مَحرُوﮒ اويوَاسِي ابنَاره بابـﭻ
ابنصـَّـه بسمار ودِمه .
ويَمـَّــه عِـتبه امثَـلَّمه
داسَـت اعليها جِـدَم بَاﮔـَـت شَـبابج
ونسمَع اونين الطِفـل .
طـَـايح ودَاسـَـه النَذل
ولو نِـدَبتي اسيَاط هالظالم جَوابـﭻ
اِستَسَـبع اعليـﭻ الجَبان .. وصَار زِلمه
اِرتفَع صُوته الـﭼَـان لَابِـد .. والله نِعمه
وجَاهَر ابكفرَه الصَريح
حِضري خدَّامـﭻ تِصيح

،،،،،،،،،،،،،
لقمان البدران

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

بدَخنَه مَخنُوگ الضُوَه
ومرتِفـع رَايد هُوَى
الرَبها فاطم صَاعْده
امنِ الظلم متبَاعْده

---

الزهـره تفاحَة جِنان اورَدَّت اردُود
للنَعيم الغَافي فوگ برُوضة الجُود
نسمه صِعدَت مارِضَت تتغطّه بلحُود
عِطر شِفت العطر يوم اتحِدَّه لِحدود
وبگبُر جَاسي انطوَه
بدَخنه مخنُوگ الضُوَه

---

سُوره من مُصحف جَلاله انشَالت بلِيل
واعله هُودج من وِنين المَكرُمه اتميل
تندِب البضعه الشَهيده وتِعوِل اعوِيل
وتخمِش العِفه الخِدُود وبالدِمه اتسِيل
والثرَه ابدَمع ارتِوه
بدَخنه مخنُوگ الضُوَه

---

گبُر ماشِفنه وضَريح اتزُوه لَحبَاب
ولا صَحن يوصَلّه عاشگ بَعد لِغياب
حِكمه تشرَح للخَليقه اسباب لِمصاب
لأن اهيه احجَاب ألله وهِتكوا احجاب
وسِتر بالجَمره انچوَه
بدَخنه مخنُوگ الضُوَه

---

هاي ياگاع التضُـمها وتگدَر شلون
تِنعَم بحالة هِدوء ولحظة اسكُون
شَمس تتغطّه ابتِرَاب وضَيها مسجون
كُون من نور وجَلاله ويبقَه مدفُون
اثنين مارِهمَن سُوه
بدَخنه مخنُوگ الضُوَه

---

بَذرة العِفه النَـدِيّه ونَبـتة النور
الرَاحت الربها بوِنين وضِلع مكسور
آيه من ألله ودَليل ايجَسِّد الجُور
حُجه ويرِدِّلها حَگها حُجه مَذخور
وللكَسِر يلگه الدُوه

بدَخنه مخنُوگ الضُوَه

لقمان البدران

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ابوذيات شهادة الزهراء ع

أنا الدمعات عيني ماتملها
على الماتت وماصح ماتم الها
عمر عشرين وسفه ماتم الها
وگضت بت النبي اباب المنيه
*
المنيه امگدره ويصعب دفعها
وتره اديون الدهر واجب دفعها
ثگيله الباب والظالم دفعها
وكسر ضلع النبي بضلع الزجيه
*
گضَيت الليل متمَرمُر وإن بي
واخبرَه المَادرَه اشصَاير وإنبي
الزهرَه البيت بي ،گلهُم وإن بي
أحِرگه وماتِرف اجفُون اِليّه
*
حمَامه النور فارغ مِنّه عَشها
وبَعدها الدنيه ظَلمه من نعشها
أُمنَه الشمس تِطلَع من نعشها
وياگبر اليِطم شمس الضِوِيه
*
قارُورة وإِديـن الغِـل چفنها
ابحَلاة ايّامها ولِبسَت چفنها
الچفوف العَالوَجه ظُلماً چفنها
چِفَن رَحمة الباري اعلهَ الوطيه
*
أمير المؤمنين يقول :
قبله اصبَح گبُر ضَمّچ واطف بي
ودَمع وين الگه لليلهَب واطف بي
بَابچ بي جمُر زينب وطف بي
ودمع سِكنه يزهرَه وهَم رُقيه

---

لقمان البدران

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

آ يفضـّـه سَـنـّديني .. ﮔبل لا حيدر يجـيني
لا يشَاهِدني ابوَضِع .. أبـﭼي مكسُورة ضِلع
آ يفضـّـه

---

آ يفضـّـه مِـن دِفـَـع بابي عَليـّـه
وَجهِي غَطـّـيته خجَل بثـنين إديـّـه
ومِن طِحت يافضه شَـاهَدت المنيه
الطَيحَه صَارت عالوَجه فوﮒ الوِطيه
ابنِص ثِـنيتي .. طَبـّـوا اغرَاب
سِحـﮔوا إبني .. ابعِـتبة الباب
ولَهَب فوﮔي مِرتفِع
أبـﭼي مكسُورة ضِلع
آ يفضـّـه

---

عالضِـلِع خلـّـي اِيدِﭺ ولا تِـترِكيني
بَلكي من هذا الوجَع يسكِن وِنيني
نَشغه لِبصَدري تِرِن غِلبـَـت اسنيني
وخَاف يسمعها عَلي ايـﮔوم ويجيني
أدري بيها .. الحَاله صَعبه
ولو نِظَرها .. ايذوب ﮔلبه
اعلِيه اخاف امن الدَمع
أبـﭼي مكسُورة ضِلع
آ يفضـّـه

---

غالِي حيدر واغلَى مِن اعيُوني هَايه
وآنه غَالِـيته العِـشِت بلسَانه آَيـَـه
ايحِبني ﮔد حُب والِدي سَيد البرَايه
وماأريدَه ايشـُـوفني ابدَم المِنايه
خاف ضِلعي .. ودَم نَـزيفه
مِن يِشُوفه .. ايسِلّـّـه سيفه
وحَبل صَبره ينـﮔِطع
أبـﭼي مكسُورة ضِلع
آ يفضـّـه

---

سَـنـّـديني وسِـمعي يافضّه الوصيّه
حَالي مِـترَادي ودِنَت منـّـي المِنيه
بَـعدِي زينب دَلـّـليها هَـا يَخَـيـّـه
لَنهَا مَوعُوده ابسَـــبي بالغاضريه
هَايه ناري .. تِـدنَه مِنها
وتالي تِحرﮒ .. كِل خِيَمها
بالطفوف وتِـنصِدِع
أبـﭼي مكسُورة ضِلع
آ يفضـّـه

---

زهرَه وبـﮔاع المِلِـح وَكـتي زِرَعني
ومِن عَذِب مَاي الّي يِروِيني مِنَـعـني
بَعدَه ماكَابر غِصن طِـيبي وﮔِطعـني
وذَبني عالـﮔاع وكِسَر عُودي وسِحَـﮔني
آ يفضـّـه .. الشَـكوى لله
وبالعَـقيله .. هالله هالله
ابجَنة ألله نِـجتمِع
أبـﭼي مكسُورة ضِلع

آ يفضـّـه

خادم أهل البيت / لقمان البدران

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

فاطِم أم ابُوها انفطمَت امن الشَك
ﮔلب. مُو دم يَقين اليمشي وَي نَبضه
فاطم جَنة الله النزلَـت اعلى الـﮔاع
وبَس بيههَ اَلله جمَّع جنـِّـته وأرضه
فـاطم وَمضَه من نور الجَلالـه اهنا
ابدِنيانه وأَسَف ما حفظَـوا الوَمضه
ولأنها سِر اِلهي اتجسَّـد ابهـالكون
غضَب ألله غضَبهه ولو رضَت يرضه
فاطم صَار إسمها ابهالشكل ينـﮔال
أظِن باب المنيـَّه اويَه الضِلع رضَّـه!
واقسِم مِن ﮔلِت فاطم خِذَاني اِربَاك
وخجَل غَطه كِياني ابطولَه وبعرضَه
اﮔول شلون فاطم وانه كلِّي اذنوب
وطَيبـاتي أَنَه امن ازمَان مِنقَرضـه؟
عَجيب اشـﮔد وَكيح وعِندي ﮔوَّة عين
ورُوحي اعلى الشَرِع والدين مِعتَرضه
وﻷن اِهيَه الطهَاره اتمَثـِّـلت بانسان

ﮔبل لا ﮔـُول اسِمهه الوَاجِب اتـوَضّه

لقمان البدران

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
أمُّ الحُسينِ نائمه
أمْ قد توَفَّت فاطمه
ماخَطبُها الكسِيره
ذي حالُها الخطيره
أمُّ الحُسينِ نائمه
**
من فضةٍ صوتٌ علا قد جاءَ يحكي الفاجعه
والأرضُ كانت والسما لصوتِ نَوحٍ سامعه
ذي بنتُ مبعوثِ الملا كلُّ المزايا جامعه
في صمتِها احتَرنا وإذ تتلُو الكتابَ خاشعه
وفَجأةً ذاكَ انتَـفى
صوتُ المناجاةِ اختفى
صمتٌ أتى الأميره
ماخَطبُها الكسِيره
**
كالوردِ إذ يشكو الضَما يذوِي وتدنُو الخاتمه
قد أذبلَ الهمُّ بها كلَّ الحشَايا السالمه
مظلومةٌ في قلبِها كلُّ المآسي جاثِمه
وكلُّ بلوَى قد أتَت من دونِ بلوى فاطمه
في كلِّ وقتٍ قد مضى
يكوِي بضلعَيها اللظى
لا ينتهي سَعيره
ماخَطبُها الكسِيره
**
إذ فضةٌ نادت على أولادِ أمٍّ صالحه
حسينُ أقبِل ياحسن وبالعَويل صائِحه
مِن أمِّكُم كفُ النَوى ياذا الكرامِ لائحه
قومُوا الى التوديعِ ذي دربُ الرحيلِ واضحه
يازينبٌ قد حانَ ما
تخشَينَ فهو المُؤلما
في النظرةِ الأخيره
ماخَطبُها الكسِيره
**
قد حُورِبت بنتُ الهدى حرباً غَشوماً أَنها
لم تقبلِ الظلمَ ولا خانَت بيومٍ ربـَّـها
صَانت وصايا والدٍ جائت بحقِّ بَعلِها
ومثلَ طَودٍ عانَدت لمّا الزنيمُ جائها
سعياً بحقدِ سادر ِ
في جمعِ غلٍ غادر ِ
ماأتعسَ المسيره
ماخَطبُها الكسِيره
**
للباطلِ الباغي بنا صولاتُ حقدٍ عابره
أما لراياتِ الهُدى فخيلُ سَبقٍ قادره
في يومِ ثأرٍ قادمٍ من كلِّ نفسٍ غادره
يومٌ بيومِ البابِ إذ تأتي السيوفُ الثائره
للقائمِ المهديِّ مَـن
يُحيي مواريثَ السُنن
في الصولةِ الكبيره
ماخَطبُها الكسِيره
========

لقمان البدران

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
آنه شلت الباب بس هذا اليوم
جسد فاطم ناحل وماشيله ..

وين حيلك ياعلي تكول الناس
وعلي وي الزهره دافن حيله ..

هو المفارك ولف لا مينام .
يكضي بالهم والمكالب ليله

واليغسل فاطمة يشوف ضلوع
من وره الثوب وكان تشكيله

بضلع فاطم مانبت هالبسمار
بضلع حيدر نابت وبدليله

شفت زينب كاعده تون وتلوع
تنعه يايمه وتشم بالشيله ..

شلون ضل عايش علي وفارك روح
وروحه بالملحود حيدر دافن ..

علي بارد حظنه بس كلبه يفور
اليوم حظن الكاع فاطم حاظن

وحشه من كاعد علي ابوسط البيت
اتخيل ام حسين حيدر صافن ..

شلون من يرجع علي يدك الباب
تفتح الباب اوجها ايعاين

علي لو مجروح هم جرحه يطيب
بوجي فاطم طاب جرحه وساكن

انه اصبر بالصبر اي موصوف
بس عله ام حسين مكدر ماون

لزم خاصرته علي وضل ينوح
انكسر ضلع ام الحسن ياعالم

امنيه ابكلبي واحن طول الليل..
چفها وي چفي ابكبر نتلازم ..

يابعد روحي ونفسها ام حسين
وانه وياها النفس نتكاسم

كون ياخذ كبرچ يكلها اثنين ..
ونه وام اولادي خل نتوالم

چنت بس وياها ترهم هل روح
اليوم روحي وي القهر تتراهم

عكبچ امفارك نفس من ترحين
وريتي بس منچ هوه خل تشتم

طالب الشفاعه
احمد الطيب الحلي
الخميس ….

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

إلداره حيدر من رجع…

جلمة هله شو ما سمع ..

بدلها بونين ..

يسمع هله منين..

جلمة هله شو ماسمع..

/////////////

رد حيدر لجن محد فتحله الباب… لن عطاب ..ضل لهاب ..

عصروا فاطمه والضلع منها انعاب…هذا صواب… لا ماطاب…

كل مصاب من هل باب وبراس الولي الطبره ..

ومن عنده الحسن مغدور بالسم جبده متوجره

وحسين اليضل عطشان واخته تروح متيسره ..

ابلا حامي تركب عالهِزِل…

مجتوفه زينب بالحبل ..

مجتوفه الِايدين…

يسمع هله منين ..

جلمة هله شو ماسمع ..

////////////

متعود علي عل ملكه رد ينوح ..ضم جروح ..خاف يبوح ..

بلايه ام الحسن محتار وين يروح… هيه الروح ..روحه تروح…

فاطم هم ضلع مكسور هم بنار مجويه ..

رمح لا هذا مو بسمار نبت بضلوع علويه ..

السطره الي عله خدها انباكت منها ترجيه ..

وعيونها الصارن حمر ..

تدري الخيم يمسن جمر ..

يهيمن نساوين…

يسمع هله منين ..

جلمة هله شو ماسمع ..

//////////////////

اندفنت بالمكابر فاطمه الزهره… واثر سطره… بقت حمره…

علي رَد مالكاها والكلب جمره ..يظم حسره… انترس صدره… .

شِيِكِل الزينب ومحتار لو كالت اريد امي ..

يابويه وجواني الشوك نار وامي مو يمي..

لبست الحزن فوك الروح وَتكبع انه بهمي..

من ضيعت أدفَه حظن…

كل عمري راح ابقه أوِن…

وماتنشف العين…

يسمع هله منين ..

جلمة هله شو ماسمع ..

///////////

شاف حسين كاعد يشم بالشيله ..برد حيله.. علي احجيله..

يكل الروحه شحجي ومنجوي ادليله ..يُمُر ليله .. دِمه امسيله ..

مو ماي الجره بالعين من دم هلت دموعه ..

ناره موجره الدلال ظلت تجوي بضلوعه ..

مِنل باب ضل ايون وَنْتْ حسين مسموعه ..

منها بده السم والذبح ..

وراس الحسين اعله الرمح ..

ودلاله نصين ..

يسمع هله منين ..

جلمة هله شو ماسمع..

////////////

خاف تلجمه فاطم عينها امورمه ..تحس حرمه .. علي اتلجمه…

الالم ام الحسن عن حيدر اتظمه ..كبر همه … بقه ايالمه..

صدك فاطمه عني تروح وتضل بس صوره بخيالي ..

وَدْفِنها وَرِد للبيت ومِجان الغاليه خالي ..

وحكج ظهري ارد مكسور وكون تشاهدي حالي ..

خاطري يبقه منكسر ..

ودونج ابد ماينجبر…

مثلج يصح وين ..

يسمع هله منين ..

جلمة هله شو ماسمع ..

/////////////////

نسالكم الدعاء

احمد الطيب الحلي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
لاطبك جفني ولاغفه ..

وجمر بدليلي ماطفه..

اتكلب وجرح الفكد ..

عكب اخوتي لاماشفه ….

//////////////

ياجرح انيمه وكل جرح… چن شاچخ بروحي رمح..

والصار بينه بكربله ..اكبر يضل من كل شرح..

هم شفتوا نايم منسلب ؟… ويمه وكع نص الكَلب ..

ومو عشر اصابع من تعد… وخنصر بعد ماينحسب

ظل عاري مچفي اعله الكفه… ويصيح جدي المصطفه ..

وينسحك بس بعده عدل… .ويتوچه بس رد انچفه

باشط الحافر بالسحك… وبالكاع صدره ينطبك ..

اركض صحت كافي سحك… بس خيلهم ماتلحك…

////////////////

يحسين بيّه لاتهم ….وبكلبك الحسره تظم ..

اختك تراهي معلمه… عل لوعه وِالوَن واللطم ..

وشحالك السانك يبس… وتشهك تراب وي النفس ..

ومن وصل دخان الخيم… صدرك يخي بيه انترس..

ما ادري ميت لو عدل… إعلَه ابن امي كلبي مشتعل ..

صعدت الغبره وما شفت . .بس مچفي اخوي وينچتل..

شابچه العشره وِكَعَدِت… شفتك الرمله اتوسدت ..

صحتك كلت بلچن عدل… بطولك لوني اتمددت

//////////////////

توزعت خويه اعله الثره…وكل قطعه بيك مطبره…
بيك الجرح فوك الجرح… وطعنه اعله طعنه تنقره .

خويه شلم منك بعد ..حيلي يبعد اختك برد ..
ميته اصبحت شفتك وذر… وماعايشه نمت ابلحَد…

من مصرعك حد الخيم… منهو انتي نشدني الحرم ..
شيبت حيل اتغيرت…وِكبَرِت والحيل انهدم…

زينب بعد ماتنعرف… وهسه وكبل ضاع الوصف ..
وِتغيّر وحته الاسم ..بسم الغريبه انعرف
/////////////////////

ياريت بعدك اندفن… وماعيش بالهم والحزن ..
كل مغربيه من تمر… ينفطر دلالي ويون..

لو تنفتح باب الكبر… اهون علي من اليسر
يحسين موتتنه سوه ..ولا يحدي بضعوني الشمر ..

وبالسوك خويه من اطب… مسبيه وِبين الغرب…
دورت عنكم ياهلي… ومشبوحه عيني اعله الدرب..

وما واحد بزينب يمر… ومثل الخيم كلبي جمر ..
ضيعت اخوتي بكربله… .اوياهم يضيع العمر…

///////////////////

نسالكم الدعاء
طالب الشفاعه
احمد الطيب الحلي
الاثنين ….

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

لن تنالوا البر حتى تخدمون فاطمه
———————————-
= أيـــة الله الكبرى فاطم لا جدال
جفها مــــن ترفعه تندك الجبال
عاشت الحــيدر علي مثل الخيال
للفناء الفاطــمي شدوا الرحال
———————————–
هـــالأرض مخلوقــــه ألها والسمه
لن تنالوا البر حتى تخـدمون فاطمه
**
= أمـــنه حجه عالحجج صادقها كال
فـــكمال أم الحسن فوق الكمال
قـــيمه عالديـــن فاطم لا تزال
باجر الخدمــــــوها ترويهم زلال
———————————–
ماتمس جسم الخــــــدمها الحاطمه
لن تنالوا البر حتى تخدمون فاطمه

= ثورة الأضلاع ثـــوره بلا خضوع
تعلك بدرب الطلب حـــقه الشموع
والله تستاهل لطمــــنه والدموع
فاطمه الوالاها مايعــــرى ويجوع
————————————–
أم أبيها باجــــــــــر أهيه الحاكمه
لن تنالوا البر حتى تخدمون فاطمه
***
= سجلت ع دفعوا الباب أنتصار
والحجاب بيومها أتحـــــول فقار
برد كون تريد جا ســوت النار
عافت الدنيا ورضت بالــجنه دار
————————————
دافعت عــــــــــن الولايه محزمه
لن تنالوا البر حتى تخدمون فاطمه

= هذا يابــــاب الحـــــــماها لو تريد
بكوكب يحجبها ربها مــــــن حديد
الله شاء تشوف محسنها شهـيد
ومن يجي مهديها يضهر من جديد
————————————-
الزهره تحمي شلون تحــتاج الحمه
لن تنالوا البر حتى تخدمون فاطمه
****
= غــيبت مدفــنها فاطم عدها راي
صاحـــــت الأذاني لا يطلــع وراي
لو سمع بالمهدي كبر الـزهره جاي
يفتح الباب وهلا يـــــنادي بضناي
—————————————–
دولة المـــــــــهدي المؤيد قادمه
لن تنالوا البر حتى تخدمون فاطمه
***
الخادم عبد الجليل المالكي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
لا تـــدك بابــي يــعــــمار — مالي واهس أترك الدار
صاحبي بـفـــركاها وني
نسوني لتسألــــون عني
—————————————————-
= لـتكــلي عاشر يـوم تــبجي بدارك
ويسمع نحيبك مـن تــناشغ جارك
وأصحابك يسألـــون عـــن أخبارك
عايف الـــناس وساكن أبنص نارك
———————————————————
لا يح أبرمشينك الشيب — شكد بعـد عالعالـــم تغيب
لا تكول أتركني محني
نسوني لتسألون عني

= عـــذروني هوه الفاكد يرك حيله
مانمت بعــد فـــــراكها ولا ليله
ثـوب العلي يادوب متــني يشيله
مكابل أثــــــر دم فاطمه وشكيله
————————————————
عــــالأثر خليت العـــيون — ومن أشمه أصرخ شلون
جـن حنين النوك حني
نسوني لتسألون عني
***
= صــح أنه ذاك الــمايهـــم لجـــروحه
بس هسه محني ودمعتي مفضوحه
عـــمار أنه البيده دافــن روحه
يعــقـــوب كطـــره يمي بين نوحه
—————————————————–
كاعـد وأعــصر بالجفوف — اليــفــوت كبالي ماشوف
غيابهه بخنجر ذبحني
نسوني لتسألون عني

= غـــير مكانــــك هــــل مكان مشيبك
وألتـفـــت عوف الباب كافي يعذبك
أفــراك العزيزه أدري عـنه مغيبك
ياصاحبي ومــا أدري شنهي يطيبك
—————————————————–
يالدموعــك ترست البــير — أدري جرحك ياعلي أجبير
ياجروح أخذيني مني
نسوني لتسألون عني
*
= ناحل صرت مابــين مـــــن أهمومي
وصارت عليه أكــــبار كــــل أهدومي
بالـــبجي ياعـــــمار يخلص يومي
وجرحي وسيع أمبــين من أرسومي
———————————————–
أنه لــمبجي المـــــــيادين — هسه ما حركها الأيدين
بورق ما ينكتب حزني
نسوني لتسألون عني

= ضلت بكلــــبي هـــاي أكبر لجمه
عمار داسو بيــــتي هاي الهضمه
حركـــولي داري لماكو بيهم زلمه
وبالباب طايــــح أبني فايض دمه
———————————————–
الزهره فايض دمها بالكاع — وأنه موت روحي الوداع
أنه دهري الما رحمني
نسوني لتسألون عني
**
الخادم عبد الجليل المالكي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــتشيع الزهراء ع

اويلاه يفاطمة
اويلاه يفاطمة
ــــــــــــــــــــــ

ناده علي ودمعة يصب .. اويلاه يفاطمة
سافرتـي وبعـيد الدرب.. اويلاه يفاطمة
مجروح يالزهرة الگلب.. اويلاه يفاطمة

وعيوني صاباها العمه .. اويلاه يفاطمة
ــــــــــــــــــــــــــــــــــــــــــــــــــــــــــ

شيعها بالليل ويون .. اويلاه يفاطمة
مصعبها ساعات الدفن .. اويلاه يفاطمة
يادنيا صرتيلي سجن .. اويلاه يفاطمة

وبعد الزچية مظلمة.. اويلاه يفاطمة
ـــــــــــــــــــــــــــــــــــــــــــــــــــــــــ

روحك عفتها ياعلي .. اويلاه يفاطمة
ورديت وحدك منثني .. اويلاه يفاطمة
بهذا العزاء الفاطمي .. اويلاه يفاطمة

يانار بيه ضارمة .. اويلاه يفاطمة
ــــــــــــــــــــــــــــــــــــــــــــــــــ

يالزهرة ماريد العمر .. اويلاه يفاطمة
وماريد اصبح عالهجر .. اويلاه يفاطمة
بضلوعي ياريت الكسر .. اويلاه يفاطمة

وانتي التمسحين الدمه ..اويلاه يفاطمة
ـــــــــــــــــــــــــــــــــــــــــــــــــــــــــــ

يابيت موحش ياوسف .. اويلاه يفاطمة
عالباب حزنك هل وگف .. اويلاه يفاطمة
وياي دهري مانصف .. اويلاه يفاطمة

وروحي اعلى همها معلمه ..اويلاه يفاطمة
ــــــــــــــــــــــــــــــــــــــــــــــــــــــــــ

كل يوم من بعدچ سنة .. اويلاه يفاطمة
من صابچ الطاغي شجنى ..اويلاه يفاطمة
صاباني من صاب الظنة .. اويلاه يفاطمة

والمحسن بسهم نرمه .. اويلاه يفاطمة
ـــــــــــــــــــــــــــــــــــــــــــــــــــــــــــ

والشيعة بسمچ تنتفض .. اويلاه يفاطمة
لاسمة تلمها لا ارض .. اويلاه يفاطمة
بت النبي وحبچ فرض .. اويلاه يفاطمة

وانتي الفخر والمرحمة .. اويلاه يفاطمة

الشاعر فاروق الغنامي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
يمه يايمه

يـمـه يايـمـه .. احـبيبـة يايـمـه
فدوة لاتمشين .. ياأم حسن وحسين
الزهرة يايمه .. الزهرة يايمه
ــــــــــــــــــــــــــــــــــــــــــ

عفـتي زينب ياوسف
ودمعي موج ومانشف
ضلعي وي ضلعچ نزف .. ومفارگه الروح

يازمانـي استعجلت
وانا من عدها اشفت
يـمـه يايـمـه صحت .. وتنادي الجروح

وين راحت ام ابوها الچانت العيني ضوه
ريتي بس احزان بيها ومختنگ بيها الهوه
يمه الله اوياچ اصيح وبــعد مانگعــد سوه
وهذا اخوي حسين يبچي ودمعة لخدوده چوه

بوحشه عفتينة .. واحنه تدرينه
بيچ متعلقين .. ياام حسن وحسين
الزهرة يايمه .. الزهرة يايمه
ــــــــــــــــــــــــــــــــــــــــــ

على هونك يانعش
طيـبة مابيها دغش
طولي سجادة انفرش .. يم الزچية

صارت الفرگة صدگ
وبالـعـظـم بعدچ تدگ
زينـب وابقى احـترگ .. والبية بية

يـمـه ميـتات السـوالف كلها بعدچ رايحة
ادموعي من تنزل تعاتب بالعيون الشابحة
بطوري اقـرالچ قصـيده واختتم بالفاتحة
ياهو الي بعدچ ييمه وانتي خيمه وطايحة

فدوة حاچيني .. ياضوه سنيني
عني تبتعدين .. ياام حسن وحسين
الزهرة يايمه .. الزهرة يايمه
ــــــــــــــــــــــــــــــــــــــــــ

صاحت بصوت الحزن
وچن حچت گبل الدفن
بـعـدي زيـنـب تمــتحـن .. وتشوف الاهات

نفسه لضلوعي الكسر
يصيب متنچ والظهر
بعـيـد مو يمـهـا الگمر .. بس اليتيمات

تركض وحتى بركضها يفيض من عدها الخجل
زينب ابوادي الطـفوف ابلايا والي ولا اهل
ساعه صوب حسين تگصد ساعه تگصد للبطل
وانا مامـوجوده يمـها وينگطـع بيها الامل

وتنظلم بعدي .. والهجر يبدي
والعدا صوبين .. ياام حسن وحسين
الزهرة يايمه .. الزهرة يايمه
ـــــــــــــــــــــــــــــــــــــــــ

وحشه يابيت الوحي
يمه عگبچ ياهو الي
عـيـني بالدم تنـملـي .. وسهام الدموع

لاهو يوم ولاشهر
هاي فرگه للدهر
صدري وياچ انعصر .. ماظلت اضلوع

الوسعة هل ضاگت عليه وضاگت اعليه السمة
ياهو بالدنيا يشبهچ حره واسمچ فاطمة
استعجل اعليه محرم شفت بالباب الدمه
صوره والواقع سبقها وذكره ظلت مؤلمة

يابعد عمري .. مانفع صبري
شيعت روحين .. ياام حسن وحسين
الزهرة يايمه .. الزهرة يايمه
ـــــــــــــــــــــــــــــــــــــــــ

اه ياام الحـسن
الغربه مو مثل الوطن
بالــحـنان اتــوادعـــن .. ام اويه بتها

واليسافر مايرد
يموت بأحساسه الورد
طـفــلة وامـهـا تـبتـعـد .. ما حسبتها

يمه بعيون الغريبة نار من كثر الدمع
تنوح عالمحسن اخوها لو تنوح اعلى الضلع
يصير هيچي يازماني بت محمد وانفجع
گلب البنية اعلى امها ويختلف بيها الطبع

والمشت عني .. هالعزيزة امي
ادري متردين .. ياام حسن وحسين
الزهرة يايمه .. الزهرة يايمه
ـــــــــــــــــــــــــــــــــــــــــ

غايب اعليه الفرح
وكلشي يايمه اتضح
گلبـي عن صدره نـزح .. واذاني وني

اتيتمت من الزغر
اه مــنــك ياگـبر
تدفن الام الصبر .. تبعدها عني

امكدره اخلافچ حياتي وبالعبايه اشبگ وشم
مااشوفچ يمه ادري ومات بعيوني الحلم
طفله زينب يالزچيه وياهو لجروحي يلم
لاذت الروح بحجابچ يمه هم عندچ علم

يكتل اغيابچ .. ويجرح امصابچ
صعبة من تجفين .. ياام حسن وحسين
الزهرة يايمه .. الزهرة يايمه

الشاعر فاروق الغنامي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
وداعـــآ فاطمة … وداعــــآ
وداعــــآ فاطمة … وداعــــآ
،،،،،،،،،،،،،،،،،،،،،،،،،،،،،،،،،

ابلا وداع شلون قررتي الرحيل
على افراگچ ياصبر يبقى جميل
هو بســمار اللي صابــچ بالدليل
صاب گلبي وبالگلب ماخله حيل

حياتي مظلمة .. وداعـــــآ
وداعـــآ فاطمة … وداعـــآ
،،،،،،،،،،،،،،،،،،،،،،،،،،،،،،،،،،،،

وسفة يالزهره تخليني غريب
وبالعمر يافاطمة يشح النصيب
هاي تاليها يظل وحدة الحبيب
خلة يرجع لو يطـــول بالمــــغيب

يناري مضرمة … وداعــــآ
وداعــــآ فاطمة … وداعـــــآ
،،،،،،،،،،،،،،،،،،،،،،،،،،،،،،،،،،،،

هاي زينب تبچي وحسين وحسن
غفلة يايــــمه غدر بــــينه الزمن
انتي رحمه شلون كفالچ چفن
ادموم عيني مو دمع والله بچن

يحماي الحمه … وداعــــآ
وداعــآ فاطمة … وداعــآ
،،،،،،،،،،،،،،،،،،،،،،،،،،،،،،،،،،،

بعد عينچ جفني مايرضى ينام
وصحت يالزهرة على الدنيا السلام
اليوم ازيل اليوم عن وجهي اللثام
والطم اعلى الراس ماحاجة كلام

واديه لاطمة .. وداعــــآ
وداعــــآ فاطمة … وداعـــآ
،،،،،،،،،،،،،،،،،،،،،،،،،،،،،،،،،،،

مايظل يالزهرة معنى الها الحياة
وريت يم حسين ياخذني الممات
يلي مشيتي وبقت بس الذكريات
ونار بعيوني الدمــــع بعــــدچ يبات

يريتچ ســــالمة … وداعـــآ
وداعـــآ فاطمة … وداعـــآ
،،،،،،،،،،،،،،،،،،،،،،،،،،،،،،،،،،،،

طاح محسنها وفتح نار الگلب
وام ابوها توسدت فوگ الترب
داروا اعلى الباب اشباه الصحب
وفضة نادت ياعلي بدارك غرب

عصابه ومجرمة … وداعـــآ
وداعــــآ فاطــمة … وداعــــآ
،،،،،،،،،،،،،،،،،، ،،،،،،،،،،،،،،،،،،

بليل وصتني اوســـــدها الگبر
حتى لايحضر دفنها اهل الغدر
همه ياحيدر سبب هــــذا الكسر
ومااريـــدن عالـــگبر واحــــد يمر

اليشيعون بالسمه .. وداعـــآ
وداعـــآ فاطــــمة … وداعــــآ
،،،،،،،،،،،،، ،،،،،،،،،،،،،،،،،،،،،،،،

هاي هيا يالزچية وكلــــشي راح
وكلشي ماعندي بعد بس النياح
وانا يالزهرة ام حسن ارجوا السماح
والـــدچ وصاني اصــبر عالــجراح

واذا سال الدمه .. وداعـــآ
وداعــــآ فاطمة … وداعــــآ
،،،،،،،،،،،،،، ،،،،،،،،،،،،،،،،،،،،

بالليالي الفاطمية يل بتول
شيعتچ تتوسل وترجى القبول
اتلث روايات الدمع بيهن خجول
كون نگظي العمر خدمة اشما يطول

الحبيبي خادمة .. وداعــــآ
وداعــــــآ فاطمة… وداعـــآ

الشاعر فاروق الغنامي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ساعدالله قلبك يامظلومة يازينب بفراق الزهراءع

ياهوه الله (زينب والزهراء )ع
…….
ياهوه الله ابصدري حركَه ياهو الله ياهو ظله البيت خنكًه ياهو ظله
ياندى وعطــــــرج دوه صعبه اعيش ابلا ضوه
ياهوه الله

---

يلي اعــــز امن النفس صدري بالعبره انترس صعبه عفتينــــــي ومشيتي حدر التراب
وسفه غطـــــاج الجفن آخ وأحــــــــاه يم حسن اشلون ماشــــــوفج بعد يا اغله الأحباب
راح اموت امن البجي بكَلبي مخنـوك الحجي من وكت رحتي ورحلتي شنهو الأسباب
حزني ماظن ينجــــلي جنهه شالت كــــل هلي شاب موبس الكَلـــــــب كل العمر شاب
ميته زينب من وكت ميته زينب كلبي عطب شيبت كَلبي عطب
كَلبي بالنار انجــــــــوه صعبه اعيش ابلا ضوه
ياهوه الله

---

اتمرمرت مر الصــبر مالي حيل اعله الهجر بالي مشتت ييــــــــــمه اشلون ألمه
امن الزغــــر واميتمه دمعي ينزل بس دمه آه لوتدرين كَلبي اشــــــــكبره همه
فاطمه عطـرج رحل ومات بعيوني الزعل امكابله كَبرج وانوح اهــــــواي يمه
اشلون اعيش ابلا دفو ليش ماعنـــــــدج اخو خاطر من اشتاك اروح الخالي اشمه
بيتي ظلمه يالزجيه بيتي ظلمه انعه يمه المغربيه انعه يمه
ريتي خنكَه ابلا هوه صعبه اعيش ابلا ضوه
ياهوه الله

---

ادموعي من هسه جرن لوعن روحـي وجون مو بعدنــــــــي ابعازتج يم المحنه
حدبت محنــــي الظهر وغير ارسومي السهر كاظيه انهاري نعـــاوي وليلي ونه
جفي عالباب انطــبع انتظر بلكـــــــي رجع طيفج الشال ومشه يحبيــــــبه منه
شوفي من كَد مايصد كال ايســـــــي ماترد السكنو بكاع المكابر ماكــــو ضنه
ماتردلي امي راحت ماتردلي كلبي كَلي الزهره شالت كَلبي كَلي
كون موتتنه سوه صعبه اعيش ابلا ضوه
ياهوه الله

---

يمه تدريـــــــن الزمن ضاملي انواع المحن ليش رحتي من وكت لأرض المكَابر
ردتج لزينب ســــــند ورتج الجرحي ضمد لو نزف جرحي الغميج اشلون باجر
لوبقيت ابلا أهــــــــل وحاوط اخواني الأجل بس رماد اخيام اشـــوفن يوم عاشر
اينكَع اهدومـــي الدمع اعيوني تنظر جم ضلع يمه واسمع تنكســــر حدر الحوافر
حسيني دامي من خضابه حسيني دامي ويلي ضامي اعله الترابه ويلي ضامي
طاح عالغبره وهوه صعبه اعيش ابلا ضوه
ياهوه الله

---

ردتج بــيوم العطش وحاضره بلـيل اهدعش ماكو لاعباس يمي ابلايــــــــه خوان
آخ لو طـــاح الحمل و لو مشينه اعله اهزل شابجه العشره وانوح الكثر الأحزان
بنوكنه صـبح ومسه امجتفه كـــــــــل النسه للسبي صعــــــبه علينه ابين عدوان
كونج ابذاك الوكت حاضره امــن اتمحنت اشلون علويــــه وتطب يايمه ديوان
والله وسفه هالسبايه والله وسفه اهواي كلفه ابلا حمايه اهواي كلفه
لو مشه راعــــي اللوه صعبه اعيش ابلا ضوه
ياهوه الله

---

أبو علي الركابي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

روح .. صعدت للسمه
روح .. مهشومه او دمه
روح .. ماتت فاطمه .. الزهره الزچيه
@@@
بضعة الهادي الوديعه وروح جنبيه
ام ابوها فاطمه والغاليه اعليه
واللتي طه أذاها گال ياذيه
بالگبر رجعت قتيله بين اياديه
…
آه .. بجروح اشكثر
آه .. صارت بالگبر
آه .. جثه امهشمه .. الزهره الزچيه
@@@
من بعد طه شسداها من لجناب
وسفه هالوادم عليها انگلبوا اذياب
ورغم ماچانت وصيه لذوله لعراب
حاصروها وعصروها ابصاير الباب
…
وين .. أمر المصطفى
وين .. عالدنيه العفه
وين .. اجر معظمه .. الزهره الزچيه
@@@
ليش اسئل بت نبيهم صابها الجور
جنب ازرگ من رفسها وضلع مكسور
وياجفن منصاب نسئل ليش مفطور
والجواب الهاي باين خدها مسطور
…
صار .. بالمحجر اثر
صار .. بيدين الامر
صار .. خدها لاطمه .. الزهره الزچيه
@@@
على باب الدار دمها صار طشار
وطگة المسمار وصلت لين لجدار
وللضنه محسن يوادم باقي اثار
سگط طايح وابدمائه ومچوي بالنار
…
آخ .. بالدار الاثر
آخ .. لو حيدر ذكر
آخ .. روحه اتألمه .. الزهره الزچيه
@@@
ماتت الزهره وفداها للولا كان
وحتى تبقه عالهدايه ادور لكوان
مو سهل صدر الوديعه صار نيشان
وتالي بعض الناس ترضه بهاي طغيان
…
دم .. مبدأها انكتب
دم .. للدين انخضب
دم .. تجلي كل عمه .. الزهره الزچيه
@@@
من بعد ذاك انقلاب اشلون وشلون
للمصيبه ابلا ضماير هالينكرون

اليحچي ماتت من حزنها خايب اضنون
نسئله گبر الزچيه وين مدفون
…
ليش .. ما يعرف أحد
ليش .. مخفي هاللحد
ليش .. ماتت ناقمه .. الزهره الزچيه
@@@
يحگ الى الزهره بچينه ابكل ليام
هاللي راحت حتى تحيي لينه لسلام
ويلي خلت من بعدها اربع ايتام
واحد اتسمم ولاخر ذبحته الشام
…
چان .. بنت بهاليتم
چان .. اسروها الزلم
چان .. ما الها حمه .. الزهره الزچيه
@@@
علي احمد الحمود
٧-١٢-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

وداعًا .. يا ام ابوها فاطمه
وداعًا .. يا ام ابوها فاطمه
@@@
مثل الحلم لمن يمر
عشت اوي فاطم هالعمر
واليوم اوسدها ابگبر
ويلي ابضلعها المنكسر
راحت مثل نفحت عطر
مدميه خدها ومنسطر
…
حياتي .. بعد الزچيه مظلمه
وداعًا .. يا ام ابوها فاطمه
@@@
خيبر انا الباب اقلعت
وسهله ابيميني من شلت
لاچن بلجنازه طحت
ولا يگوه حيلي وارفعت
صعبه اودعها اطلعت
وزينب تناديها اسمعت
…
يبويه .. اتناديني والمدمع همه
وداعًا .. يا ام ابوها فاطمه
@@@
چانت حياتي چالگمر
تضوي اعله ام سيد البشر
لاچن غدر بيّه الدهر
ساعة (وإن) ظالم امر
هيّه ابكسر احنت ظهر
وظهري انا اعليها انكسر
…
وويلاه .. طبگت على الگاع السمه
وداعًا .. يا ام ابوها فاطمه
@@@
بيت الوحي اظلم صفه
ودمعاته من كل عاطفه
مثل الفجر ضيّه انطفه
عالدنيه بحزاني العفه
واجروحي كلفه نازفه
راحت فؤاد المصطفى

…
هلحزان .. لجروحي گلبي لاچمه
وداعًا .. يا ام ابوها فاطمه
@@@
كلشي صفه چنه وهم
من أمه ما تعرف ندم
داري صفت جرح وألم
لاثار من ضلع انهشم
ومسمار بابي چالسهم
بس انظره حيلي انهدم
…
بلجدار .. اثار مطبوعه ابدمه
وداعًا .. يا ام ابوها فاطمه
@@@
وي جنين ابلا مهد
ابلحد الالم صار الجسد
اشحال اليتامه من بعد
عنهم مشت بدر السعد
هذا ابعظم حزنه ارتعد
وذيكه نخت حيدر مدد
…
هلطفال .. بحزان امهم هايمه
وداعًا .. يا ام ابوها فاطمه
@@@
علي احمد الحمود
٧-١٢-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
أجيتك انعه .. اعله ليلة جمعه
إلك ياضنوة .. ياضنوة ..گلبي ودليلي
اجيت الحضره .. ابضلع منكسره
بچي ابهالليله .. ابهالليله .. انثر عويلي
ابضلع مكسور .. ايا منحور
@@@
زهراء زهراء
انا امك يروح امه الزچيه
بأيام بأيام
ذكرى من دنت مني المنيه
ارثيك ارثيك
وقارن بالسده ليك وعليه
آهات آهات
وجروحي على اجروحك نديه
…
اعله جفني الما جف .. اجيتك للطف
اون لمصيبه .. لمصيبه .. ماكو مثلها
الظهر خليته .. ابحزن احنيته
واشد عصّابة ..عصابة .. ام ابثكلها
ابگلب مفطور .. ايا منحور
@@@
يحسين يحسين
جيت المرقدك انعي وزوره
والروح والروح
جمره امن الحزن ساعة حضوره
مابين مابين
نحرك والضلع مذبوحه سوره
من باب من باب
عصري وكربله للموت دوره
…
اجيت ابوني .. انادي يبني
وحمار اخدودي .. بخدوي .. السطره اثرها
اطوف ابگبرك .. اعله صبري وصبرك
تذوب ابنوحي .. وابنوحي .. المهجه ابصبرها
ونوح اگبور .. ايا منحور
@@@
حاطوك حاطوك
احفاد الذي داري هجمها
وابنار وابنار
ضارم خيمتك بابي ضرمها
اذوك اذوك
چن صدرك ترى ضلعي هشمها
وبيديه بيديه
لاطم زينب الخدي لطمها
…
الجنيني اتوله .. ذبح عبدالله
ابسهم والمسمار .. والمسامر .. صابولي گلبي
التلضه ابعصره .. تلضه ابنحره
امام اعيوني .. وعيوني .. لطفالي تربي
طفل مغدور .. ايا منحور
@@@
بعدوك بعدوك
عن طيبه وسرت للطف يغالي
وعداي وعداي
حرموني البچي تالي الليالي
مذبوح مذبوح
وراسه عالرمح بدره يلالي
والگوم والگوم
ذبحوا بسياطهم عزي وجلالي
…
دمانه تطفح .. وصفينه ابمذبح
وصل عالغبره .. عالغبره .. جثه رميه
ولانه الطاغي .. وسياط الباغي
عدي وي تيمه .. وي تيمه .. وي آل أميه
ايادي الجور .. ايا منحور
@@@
للدين للدين
باقي للأبد ينزف جرحنه
آيات آيات
ثبتت وابرغم انف النكرنه
ثورات ثورات
گامت معتقد يبني لجلنه
ومن هاي من هاي
هيهات المحب ينسا حسينه
…
بدمانه السيره .. بقت للغيره
ابمحب دلادله ،، دلاله .. اليغار اعلينه
ضلوعي وصدرك .. وبقايا نحرك
شعار احبابي .. احبابي .. ركزنه ابدينه
الشعور ايثور .. ايا منحور
@@@
علي احمد الحمود
٦-١٢-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
آه من طگ الصدر .. آه من مالومه
شلون فاطم ميته .. والضلع مهشومه
ويلي عالزهره الزچيه وام لحسين
@@@
بت رسول الله المتنها بالسياط امورمه
ودملج الي من زراكه بيه محگونه الدمه
والجفن اسود سده .. وعالوجه مسطوره
مالت وماتت ألم .. من ضلع مكسوره
هالهجم عالدار حاقد صوب الدين
@@@
بالدخاين جنة احمد منحرم عنها الضيه
ومن حروگ الباب چفها مورمات امچويه
من (وإن) فاطم هوت .. وعالارض خلاها
واليجي ليها ضرب .. ابراجته بت طه
كثره من فزعوا عليها هالمهجمين
@@@
امدد الزهره ابجرحها واثر ضلع المنهشم
ناحله من الهضيمه جلد صارت عالعظم
ويالوصيه اللي هجم .. كل شرف يتنافه
قنفذ ابسوطه اشفعل .. بالمتن واچتافه
من اثر لسياط فاطم شافت البين
@@@
فدك سلبوها وتجرا چذب هالطاغي حچه
ومكتفوا گالوا اذتنه من كثر هذا البچه
سلب نحلة فاطمه .. وضمها لين املاكه
وتالي من منع البچي .. گطعوا الآراكه
وطلعوها امن المدينه ذوله لثنين
@@@
امن القهر واجروح كثره زادت اعليها العلل
وگالت لأسما يأسما اليوم ياخذني الأجل
لو سكن حسي وطفه .. والممات اتگرب
وجولچ حسين وحسن .. والعقيله زينب
صبري يا اسما اعله حالي ولا تندبين
@@@
ماتت الزهره الزچيه وحيدره ابهمه گبع
مو سهل روحه وحياته فاطمه بيها انفجع
ابليل اظلم للدفن .. فاطمه امشييعيها
ابهيده يمشي بالنعش .. لا يهز ضلعيها
وباللحد وسد عزيزة گلبه والعين
@@@
علي احمد الحمود
٦-١٢-٢٠٢٢
شهادة الزهراء ع
على طور (سمعي يامي فاطمه)

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ريحانة الرسول .. وفاطم البتول
لضلعها الكسير .. الا هل من نصير
@@@
آية الله العظمى فاطم سبب دوران الفلك
والتي ربنه اعله حبها نُسك دين الله أنِّسَك
من مثلها في قدرها وليها خدّام الملك
وسفه تاليها ابجرحها تمشي مابين السكك
…
بدمعها الهتون .. وطيبةٌ سكون
عنها بلا نفير .. الا هل من نصير
@@@
مات ابوها الچان خيمه وضله فوگ المسلمين
واهل بيته بالفجيعه بعد طه اميتمين
بدل ميعزوا الزچيه ابنار جزله قادمين
وتالي خلوها ابضربهم تنتحب ام الحسين
…
للغصن من قطع .. حتى البكا منع
ما هاكذا نكير .. الا هل من نصير
@@@
امة چانت بالضلاله وبالنبي بس فايزه
عاف ايليهم هالوديعه وتالي شالصار الجزه
عادة الميت ابوها ايجوها جمعه للعزه
مو بعد ايام بنته للدفان امجهزه
…
لها كان الجزاء .. قتلاً غدا العزاء
وديعة البشير .. الا هل من نصير

@@@
اللي بيها هالثريه گامت وصارت تشع

واللي من طه رفعهم وسفه بيهم منفجع
هاجموها ابثار چنهم يوم حاطوها ابفزع
واعصروها ابليه رحمه وانكسر منها الضلع
…
حبيبة الودود .. للستر اذ تذود
لاقت أذًا مرير .. الا هل من نصير
@@@
ابيثرب الزهره وحيده ولا احد الها فزع
اطالب ابحگها وجفوها وبس علي إلها استمع
امعلعلة ابرضة حشاها ونزف كل رضه نبع
ويلي من ماگد چفاهم حتى مبچاها انمنع
…
عن دمعة الملاك .. قد قطعوا الأراك
لإبنة النذير .. الا هل من نصير
@@@
من بعد دفن الزچيه ابليل مخفية گبر
الناس مختلفه عليها والي تنكرها اشكثر
والتوالي ابوالعتره شايله جمر الصبر
منكرت لحظه المصيبه وتبچي ضلع المنكسر
…
رغم الذي نكر .. خدٌ لها انسطر
اذ قيدوا الأمير .. الا هل من نصير
@@@
الكسر اصبح عقيده ومفرده ابذات الولاء
شلون ننكر هالمصيبه اللي اسفكت اطهر دماء
رضا الله ابرضا فاطم رغم انف الادعياء
ماتت الزهره قتيله وعالقتله احنه براء
…
كلا ولا نَهِن .. بغضًا على (وإن)
نهج البرا كبير .. الا هل من نصير
@@@
علي احمد الحمود
٤-١٢-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

بعدما فرغ الامير من دفن الزهراء ع ورجوعه الى الدار التي صارت موحشه بعد الزهراء
فقال
@@@
ضاگت بعد عيناچ داري عليه
واشتسوه كل دنياي بعد الزچيه
@@@
ريت العمر لا طال بعدچ بزهره
مخنوگه هالانفاس وادموعي تجره
زهره وعجب لزهوره تخفيها حفره
بعدچ فلاهي الدار شرحه وزهيه
@@@
شحمل قهر فرگاچ يا ام الميامين
رحتي وبگه بالدار حنچ ولونين
ساعه احظن الايتام ساعه اهمل العين
وخدي من العبرات رطبه ونديه
@@@
بالدار إلچ احساس بعيوني مرسوم
وبس ألتفت للباب وانظر للدموم
اذكر صدر مصيوب بالگوه مهشوم
وعالغبره والمحسن طحتوا سويه
@@@
ياريحة المختار روحه ويبضعه
اتهيئ ابساعات حسچ اسمعه
وحساسي يا زهراء گلبي يگطعه
واتمنه گبلچ كون جتني المنيه
@@@
بعدچ تمر ياحيف صعبه هليام
والحاضره ابعيناي صارت بلحلام
وتدريني بعدچ كون ابچي وي ليتام
وصارت حياة الروح بس ابرزيه
@@@
يالگلبي بين ايدچ ملك او حلالچ
بس انظر الاولاد واذكر دلالچ
اصرخ د شوفي اليوم حالة عيالچ
من گد بچاها اتنام فوگ الوطيه
@@@
هذا الحسن وحسين والحوره زينب
عنچ اذا ايسئلون احوالي تصعب
أمنه تجي للدار لو نبگه ننحب
احچي يبونه اتعود لو ماكو جيه
@@@
ابحالي من الالام صدري تنهد
وبس الصدى بالبيت حسه تردد
وابدخنة الجدار كل شوفي يسود

راحت منار الدار خير البريه
@@@
اويلي عالضلعين والخد ولمتون
وعين اطفحت بدموم والزرگه لجفون
الله يلوم الناس لمن يلومون
حالي بعد عيناج صار ابأسيه
@@@
علي احمد الحمود
٤-١٢-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

فزاعي

حيل طكوها … الزچية اكبال زينب

هدت عالزجية ازلام ما ترحم
طكوها ابضلعها او فاض منها الدم
يزودون بعصرها حين تتألم
تون والملعون بالزهراء ما مهتم

لسه ايفيض … دم الضلع يالمهدي
.
.
نحيلة الزهرة مكسورة گلب هي
اشلون اتكوم وترد الثلثمية
ما بيها تدافع حيل محنية
زمرة بحقد هدت وبأخس نية

بالرجلين رفسوها … من طاحت وسف
.
.
بسياط او سيوف او رمح والله او نار
هدوا عالامانة او خانوا المختار
بهليب النار حركوها عليها الدار
زادوا فوك ذني امصيبة البسمار

موش مرّة البسمار … رايح راد ليها
.
.
كسىروا ظهر فاطم كثر ذاك الطگ
مو بس خدها ليها الگلب هم انشگ
يا وسفه الرحيمة بالرمح تندگ
او يدرون الزجية هي أم الحگ

ترد السوط بيمن … جفها محروگه
.
.
فاضل عباس الخزاعي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
(مشتهي الموت)

اشتهيت الموت مثل المشتهي الراحة
الدنيا نفرزتني ابعيشتي ابلا شك

الـﭼـفن أتخيَّله هندام الامعرسين
اشوكت عرسي واروح الـﮔـبري اتفيَّكْ

خلص حيلي احسَّنْ عُمري بالتسعينْ
الصبر بزَّعْتَه ﮔـلي من فلَكْ طَرَّكْ

الهوى امنشتمه ﮔـوَّه يدخل ابريتي
يجاوبني لسانه اُمِدَه حظَّكْ

عشت عيشة خيوط اليسفي بيهه الريحْ
يـﮔـلبني زماني وارجع المسلكْ

اجاني اصويحبي مرَّه عليَّ خطار
نطيته اوصيتي وضل بيهه يتربَّكْ

ﮔـلي المثلك استوَّه بده ابحيله
تِفْتحلك حضنهه الدنيا واتسركْ

غشيم اصويحبي غرَّنه ضحكاتي
ﮔـتله ﮔـلبي كون اتشاهده فَنَّكْ

تِلـﮔـه ابنصه خيمه ومنحر وﭼـفينْ
ذني العذبني اقسم ابربَّكْ

وبعد هم السنين الياكل ابروحيْ
صرت سمـﭼـه وبُقى ايحاصرني الامشَبَّكْ

لذلك اعشـﮒ الموتْ اعله أية حالْ
يموت ابـﮔـلبي راسم جيتك وحُبَّكْ

بقلم: كرار عبد الحسن محسن
// م- الثلاء
كربلاء المقدسة

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــنزله ميمر للزهراء
.
.
.

وَزن كلمـتك انــتـه مـن تــحـچـيها
الماتــعـرف الـها بـالـك اتـدهـــديها
لهـل الحــشم تـدفـع حـشم تـالـيها
وابـن أدم ابهـذا اليوم يتحشم اعـله احچايه

وزنــك اعــرفـــه اولايغــــرك صيـــتك
اولا تنــدفع لــو شـــاهــدت حاشــيتك
اشما تعله بيها ايضل نقص شخصيتك
والسُــمعه بحــلوگ الـــناس يمـــعــود امتــچايه

---

خَـلـك رزن انـتــه خـفــيف اشـــمالك
اثگــل اولاتتــشـلـبه عالـــمـــو مــالك
صـدگـني تـوگـع والــنتـيجه اعــمالك
والــزرع بيــده الـعـاگــول يتحــمل الــســلايه

---

انـته المراجل يمـتــه الـك مـعـتازه
وَيــه الــزلـم مـاتــستـحي تــتوازه
يمــسوي سيـفــك للمــشي عكــازه
من تالـي شايـلك سيـف يالسيفك ابـلاغايه

__

مـن تالي صاير عـود عينـك صلفه
المثلك علـى الشجعان ينـعـد كلفه
يالبلـحرب تـرجف رجيـف الـسعفه
ومـن اسمع ابأسمك ليـش اتـذكر السعـفايه

__

لــو ماعــلي بالصــبر چـــان امــوصه
السانك مثل راس (ابن ود) چا گصه
چــا دافنـــك يـم بابـــه بــقرب نـَصه
عندك بخـت يالملـعون يمــنة علـي اموصايه

_

گاصد البيـت الزهـره تحـرگ بــابه
واليـعتدي عالـحرمه هـاي اطـلابه
شيلـه يلبسـونــه العـرب وعـصابه
تتبـره منـه النـسوان إلسـوه هيچ اسوايه

عرش الجلاله امن الجنـيته اتهدم
والـــكـون كـلــه الـحالهـــا يــتــألم
المــثل الزچــيه تنــسـطر يمصخم
لو ماعلي . ايطيح الكون عالطاحت امدمايه

---

تمت والحمد لله ٣٠/ ١/ ٢٠١٨
حيدر تركي الكربلائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
الليالي الفاطميه
.
.
.

قلـيله ابچــي عـليچ اتلــث روايات .. يمظلومه
وكسر ظلعچ حنه ظلوع السماوات .. يمظلومه
كون اخلص ايامي
ابلــوعــتـي وآلامي
يازهراء

---

والله ادري ما تـردينـي — الجزع عليچ انت رزقيني
نار الضـلوع بيه خليهه — عليچ الحسين لا تطفيني

كون يومــيه اشتعـل مو مره مرتين
حــته اضــل اتــذكرچ يـا ام الحسين
الچ لوما تبچي عيني اعمـيها هالعين
الخدمتچ ناذر حياتي وانتي تدرين

اتنفس هـوه اجروحـچ جراحات .. تصحيني
كل ما نام اشوف اطيوفچ آهات .. تصحيني
يالسكنتي احلامي
بلــوعـتـي وآلامي
يازهراء

---

الكسر الضلوع ناذر ضلوعي–اَلطم عليچ هذه موضوعي
انه مرات روحي اسليهه –يالوديعه من اهمل ادموعي

كلشي اخسره ومجلسچ لا ما اخسره
يالزچـيه وي عــزائــچ عــندي عشره
اربعه وعــشرين ساعه بســمچ اقره
المفترض صدري عله مـصابـچ اكسره

صدري ما اكسـره والله ميصير .. يمولاتي
اعــترفلچ يالزچــيه بيه تقصير .. يمولاتي
الـيوم اكسره الزامي
بصحوتي واحلامي
يازهراء

---

ماتكفي لحزنچ سنيني — وهالبــواچي ماتــكـفيني
هيه بس السطره البخدچ — بگد عمر نوح دم تبچيني

المثلـي يم الحـسن حـقه بحزنچ ايحير
وياعمــر هــذه اليكـفي مصابچ چبير
وين اروح والمن اشـكي ومدمعي يدير
البـير اسـولـفله واشوفه شيـب البير

اليلوموني عله حزني ودمعت العين … تعرفيهم
هـــذولـــه سلمتـــهم بـيــد الحـــسين… تعرفيهم
اي وحق الضامي
بـلوعــتي وآلامي
يا زهراء

---

شويه عمري وحزنچ شكبره .. گلبي مكسور ياهو ليجبره
اني خجلان يمكن دموعي ..ابحر الاحزان تنحسب قطره

وين اودي وجهـي منچ يالزچيه
الصوچ مو بعيوني والله الصوچ بيه
حقـــچ ولـو ما رضـــيتي انت عليه
تـره انـه استاهل وكلــه من اديه

منچ وين اودي وجهي لا وين … من دموعي
وهسه المفترض بخدودي نهرين … من دموعي
وكون جفني دامي
بلـوعـــتــي وآلامي
يازهراء

---

يلي طاريچ دومه بالساني .. ولو نسيته الله ينساني
المــاله اول مـا إلـــه تــالي .. يالبدونچ شقيمتي اني

يالجمــيلچ كــون اتــوفــــق وارده
حزامي مني الخدمـتچ انـي اشده
وباب حــزنچ بالگلــب لا مـا اسده
الجرح الاكبر بيه جرحچ اني اعده

بس هذه الجرح عن عيني ميغيب …تمنيته
الوحيد وباقي بيه ولســه ميطيب … تمنيته
كل وكت گدامي
بلـوعـتي وآلامي

يازهراء

خادمكم حيدر تركي الكربلائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

الليالي الفاطميه
قصيده گــعــده
وتقرء لطــم

.
.
.

يالمنكـسـرلك ضـلع … حقـك اذا تنـفجع
اهمومـك اكبار
ابگبلـك شصار
وشسوه بيك الدمع … يالمنكسرلك ضلع

---

عله ياهي التجري عينك يابو صالح هنه كثره
عالذي كسرو ضلعها وفوگ خدهه اثار سطره
لو على الداست ابصدره اعوجيه خيول عشره
بصدرك يمهدي شنغرس
بسـمار لو حـافر فــرس
ثغــرك امبــلل لــو يبـس
عله حسين اليبـس ثغره

مو عن كبر حَدبت … چيه لهلك اتعذبت
ابگلبك الام
بكـثر الايام
شتتحمل ابهالوضع … يالمنكسرلك ضلع

---

ابكثر مامحروگ گلبك من وره باب الزچيه
صارن اضلوعك رماد الصار بمك مو اشويه
النار ما ترحم يمهدي واسأل اعليها السبيه
الشافت خيمها اموجره
وبالنار هــيه امـحاصره
شتسوي يالمهدي المره
وكـل اهـلها عالــوطـيه

ياهو الذي اتفَزعه … وكافلهه عالمشرعه
اتطفي الكبار
مـدري الزغار
محنتهه ما تنجرع … يالمنكسرلك ضلع

---

أبچي يالمكسور ضهرك والبچي لازم تدومه
واليـلومك عالبـواچي الله يالمــهدي اليلومه
السَلبو لمك فدكها حسين هم سلبو اهدومه
الــبالـسهـم چـبـده منــثلم
ضل عاري مسلوب الجسم
عالرمل مـرمـي ابــلا هـدم
والــرمــل غــيـر ارســـومه

بگد ما طعن منترس … مچوي گفاه بالشمس
ضل عالتراب
اغله الاحباب
حقه الگلب منشلع … يالمنكسرلك ضلع

---

يابو صالح عله اهلك حـقك اتزيد النوايح
خلص گلبك عالزچيه لو عله البطف ذبايح
المثلث صاب چبدك لو المحسن هوه رايح
حرمـله مـاعــنـده عقـل
لمـن رمــه نحـر الطــفل
نحـره زغير اشيحـتمل
هالسهم چن بيك طايح

بگلبك يزيد الالم … كل ما سمعت بسهم
تنحني شبيك
چــن يـأذيــك
من حرمله منصدع … يالمنكسرلك ضلع

---

الدنيه ماشالت الشلته عفه صبرك يابو صالح
حزن امك بيـك ياكـل عله وجهك صار واضح
يا جرح وتعـيش انـته ابهالزمـان الحيل مالح
بجــروحك اشــــسوه المــلح
عالـــراحت اويـــه الــمنــذبح
چيه تحچي هيه اويه الرمح
بيــها يتــشـمــت الــــذابــــح

بوجهه شماته شكثر … لمن يطـگها الشمر
زورگ ايــدين
اخت الحسين

عمتك تره تنوجع … يالمنكسرلك ضلع

لخادمكم حيدر تركي الكربلائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

(((((شور)))))

لو عفتيني اظيع * ويخلص عمري ندم
بسدج ادري تلوذ * فاطم كل الخدم
يافاطمه ادخيلج ** يافاطمه ادخيلج

---

سنيني سفينه وعمري ظباب
أحلامي بدونج كلهه سراب
بعالم خدمتج فتحيلي باب
وخليني عندج عبد
رسميني دمعه اكبال المنبر _ خليني اكبر . بالجروح
فاطم عزائج كل امنياتي _ مسلمه حياتي . بس انوح

اعرف رايد عليج * شنهو معنى الالم
بسدج ادري تلوذ * فاطم كل الخدم
يافاطمه ادخيلج ** يافاطمه ادخيلج

---

جروحي يتامه وكلبي اسير
اتمنه خادم عندج اصير
مولاتي اجيلج من الاخير
انتي خدمتج ربح
مديت ايدي مجدي ابابج _ انتي ملاذي. بهالايام
عبدج لوله رحمة كلبج _ ما صار اسمه . ويالخدام

فاطم عندي رضاج * بعمري هوه الاهم
بسدج ادري تلوذ * فاطم كل الخدم
يافاطمه ادخيلج ** يافاطمه ادخيلج

---

دربي طويل ودمعي متاع
بروحي خدمتج ماكو وداع
زعلج عليه يعني ضياع
أرفض يصير الزعل
افكدهه روحي وافكد كلشي _ لو ظيعتج. مالي وجود
اليندله دربج يعرف الله _ ولو تيهتج . صعبه اعود

احيه واموت وياج * بظلعج اقسم قسم
بسدج ادري تلوذ *فاطم كل الخدم
يافاطمه ادخيلج ** يافاطمه ادخيلج

---

زغير وعرفتج هم همزين
دامت دمعتي بفضل اثنين
بفضلج يزهره ونحر حسين
ماانسه هذا الفضل
ادعيلي اظل ما اتغير _ ويضل دمعي . بكل عزاء
مسقط رأس ادموع عيوني _ تكول جروحي . بكربلاء

بكلبي نار الباب * تشبه نار الخيم
بسدج ادري تلوذ* فاطم كل الخدم
يافاطمه ادخيلج ** يافاطمه ادخيلج

---

تمت __ علاء الزيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
محتار الوصف بيهه
شتطلب الله ينطيهه
بسملت الحنان // مفتاح الجنان

---

عالم الحب الحقيقي هيه مفتاحه
كلبي من يرتاح اعرفه امي مرتاحه
امي زهره لا هي جوري ولا هي قداحه
الله وداهه المحمد بشكل تفاحه
الله الخاطر الفقره
نزل فاطمه الزهره
رحمه بكل زمان // مفتاح الجنان

---

الخير والحنيه اسمهه بكل معانيهه
امي اتمنه اعله راسي كون اخليهه
اشموع لو اشعل العشره مااجازيهه
الراد يغضب الله منه خل يبجيهه
الصبح من اكعد بصفهه
أحب خدهه واحب جفهه
شوفتهه الامان // مفتاح الجنان

---

انه ابنهه حسين تدري تعلقت بيهه
يا زمن والبيت كله تعود اعليهه
مادريت يعادي الله من يعاديهه
وينمحي ذنبه اليسبح بسم طاريهه
الكابل امه هنياله
عايش مطمئن باله
الجان وياهه جان // مفتاح الجنان

---

امي بس ترفع اديهه وتهمل الدمعه
صوت يوصلهه ابشري من السمه السبعه
تطلب اي حاجه بثواني تنقضي بسرعه
مدللت الله ومحمد فاطمه البضعه
اليتيم المعتني بهمه
تصبح فاطمه امه
صارتله الضمان // مفتاح الجنان

---

من سواد العين أقرب امي لعيوني
ومن اطب والكاهه ماهي ينخطف لوني
حكي من ابجي عليهه لا تلوموني
شكد صحت من ماتت امي وياهه دفنوني
راحت سلوة ايامي
زغيره وماتت احلامي
فركاهه امتحان // مفتاح الجنان

---

تصلي اشوفنهه وتسبح تبقه سهرانه
شكد نمت دافي بحظنهه وهيه بردانه
ليش آخر فتره اشوف الزهره حزنانه
وبطلت أسأل شجاهه تكعد ويانه
شده الكومه والكعده
المكسور الظلع عنده
تذكرت المكان // مفتاح الجنان

---

تمت __ علاء الزيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

غـير تـتواسه اليتـيمه مـن الهظم

مـوش بـانــواع المــظالم تنــظلم

هاي عادى ومـاشـيهه ابيــن البشر
الفاگـد ايواســونه بمـلاگه وقـهر
موش فوگ الكـسر يتواسه ابكسر

وعلى الدار الفزع ما بيهم شهم

رگظ مشـــيوله المـشـاعل لـعز دار
چنهه مـن بيـت الرسـالـه اتريد ثار
واعـلى مــن الـدار لمـن علـت نار

الماله غيره ابچلمه ابد ما يلزم

شهم ماكو يگول شنهي اهناك صار
وغيره ماكو الـجار يم الحامي جار
وكلهه تسـمع چانـت اصـياح الزغار

من علت نار وعله صوت الهجم

ابكـسره گالت هذه بيـت ام الحـسن
وعله الصوت وسمعت احچايه وان
ودفـع بـاب اعله النحيله مـن الحزن

وگباله خير البشر وسفه انشتم

اثنين من عصرين من دفعت الباب
فاطمـه والمحــسن ابذاك المـصاب
واثنينهم طاحو سـوه فوگ التراب

وبعد من ياجرح فاطم تلچم

فوگ حــگه اگــبالـه رايـــح غصـب
وفـوگ دار ابـــنار داسـوهه الـغرب
اتعدو الـحـد وسـفه علخـد تنظرب

وظل زراگ اللون اثار اللطم

منو بـي غـــيره بعــد والمـــن تلـوم
ابوسط بيت الوحي تسمع فزع گوم
وگامت ولو مـــو علي چــا ما تگوم

واول امظحيتله هــيه ابسيل دم

مو مســافه ومـوش گــوم الكـظته
بيـــن فقــاره علــي وچــف يمـنته
كـلمه منــطي ومــا يـــرد ابكـلمته
چا يخلي الـسيف بيـهم ينثلم

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
شلون ما اتبرى والعن بالعلن
الصطر خد وكسر ظلع ام الحسن
ــــــــــــــــــــــــــــــــــــــ
ما اغض طرفي اعله وادم مجرمه
ليش طاغي وبالخلافه انلثمه
هوه قاتل هوه قاتل فاطمه
صرخه تدوي بالرخاء والمحن
ــــــــــــــــــــــــــــــــــــــ
بالمشاعل هد على بيت البتول
وحرگ باب اتقبله اشفاف الرسول
للرسول شلون صاحب عنه اگول
الصاح بالباب احرگ البيت وآن
ــــــــــــــــــــــــــــــــــــــ
زمره ماتعرف حلال ولا حرام
وي رحيل المصطفى انزاح اللثام
للطرق ردو وتقديس الاصنام
بيدهم عادوهن ايام الوثن
ــــــــــــــــــــــــــــــــــــــ
سلب اعظم حق لسيد الاوصياء
وعلى بيت النبي سن الاعتداء
الگال ما تورث جميع الانبياء
اشلون داود النبي يورثله ابن
ــــــــــــــــــــــــــــــــــــــ
اليقره فتش مايظل اعمى وغشيم
كله موجوده الحقائق عد سليم
من فعلته اتبرى شيطانه الرجيم
وحمر خله اعيونه واتغورگن
ــــــــــــــــــــــــــــــــــــــ
گام من النفس يلچمهه الكسر
ومن علي اتظم چانت اثار السطر
ومن بچيهه الصخر حن وينفطر
وعلي اينشف ادموعهه بذاك الردن
ــــــــــــــــــــــــــــــــــــــ
وفاطمه اسشهدت والمحسن شهيد
وبمچان الساده تترأس عبيد
همه ذوله الورث من عدهم يزيد
الخيم باب وللحرم سوط بمتن

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
الله يعين گلبه الگابل امه
مكسورة ظلع مهظومه يمه
نظرات على امهم اخ وشلون
وكلمن ظام دمعه بطرف الاعيون
ــــــــــــــــــــــــــــــــــــــ
سكتو كلهم وظل الگلب ملچوم
ومن اتگوم امة حسين چان يگوم
الله يعين گلبه اشگد يظل مهظوم
التون يم أذنه امه من الوجع كل يوم

المصيوبه أمة گربه ايشوف صعبه
وساكت لچن ينزف چان گلبه
ومن حرگت الدار اتغير الون
ــــــــــــــــــــــــــــــــــــــ
امه الألم بيهه وهوه بيهه ادره
من تتنفس امه يختنگ صدره
الحسن يوجعني گال اليوجع الزهره
ويريت ابدال امي ظلوعي متكسره

ذبل ذاك الدلال وذيچ الاحظان
وعلى دمعه وحزن ملتمه الاخوان
صوت امهم سكت حيره شيگولون
ــــــــــــــــــــــــــــــــــــــ
زينب تگظي يمهه الوكت بالمدمع
على شوغات امهه الگلب يتگطع
اتروحلهه من تدعي وتوصل وترجع
ابچف واحد تشوف الزهره من ترفع

ابچف ترفع وچف تلزم كسرهه
بتهه اتشوفهه اشيبقى ابصبرهه
تدعي الزهره چانت على الملعون
ــــــــــــــــــــــــــــــــــــــ
وام كلثوم يمهه والدمع ينهل
كلما جاي حيل الزهره ظل يذبل
صفت مثل الخيال ابكثر ما تنحل
شلونچ يمه هسه ابكل صبح تسئل

على كيفچ ويه روحچ نشفي الادموع
ويبعد ظلوعي يمه شلون الاظلوع
يعصرون الگلب لمن ينشدون
ــــــــــــــــــــــــــــــــــــــ
يطب بيته علي واهمومه حانيته
ومحنيه وعليله يلگه ام بيته
بيته اظلم الچان الزهره ظاويته
وام الملگه ساكت صوت حنيته

ذبل حيل وسكت صوت المحنه
ويدري وتظم چان الصطره عنه
ومن اتگول يمه اليمهه يبچون
ــــــــــــــــــــــــــــــــــــــ
والينگط محنه يشاهد اگباله
ابعبره وخنگه صاير ملگه لعايله
ظهره ينكسر كلما يجي اباله
صطرت فاطمه ومحسن وچتاله

خلص ذاك الوداع وغمظت العين
وكله اتصيح گبلچ كون ميتين
بفرد صوت على امهم ظل يصيحون

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

حيل اثگيل وزن الباب والبسمار ماذيهه

ياهو البينه يرضه تنصطر أمه

تشگف بالچفوف الوجه وتضمه

تره المحسن يناس اتسايلت دمه

وآلام الضلع كلساع يحنيهه

حيل اثگيل وزن الباب والبسمار ماذيهه

تره بل دار فاطم هاي موجوده

وأن گال اللعين او وصه بجنوده

اعصروهه يگلهم اخر احدوده

ماهوه علي گلهم اويحميهه

حيل اثگيل وزن الباب والبسمار ماذيهه

مابيهه تدافع باب كلهه اجذوع

من گد الرفس بسمار هم مشلوع

ياذيهه القصد هل عيشاهه ابلوع

والملعون يمهه ويضحك اعليهه

حيل اثگيل وزن الباب والبسمار ماذيهه

زينب من زغرهه اصبحت حزنانه

لاخالات عدهه وماكو عوانه

تگول الحزن رافگنه ومشه ويانه

مامش يمهه خاله اتصبر اعليهه

حيل اثگيل وزن الباب والبسمار ماذيهه

املاك السمه هاليوم حزنانين

حين الشبگو الزهره حسن وحسين

عرش الله انتفض بالدمع غرگانين

شالاهه علي بليل وگصد بيهه

حيل اثگيل وزن الباب والبسمار ماذيهه

علي مهدود حيله راحت الزهره

اول مره حيدر ينحدب ضهره

من شاف الضلع مكسور والسطره

دون ام الحسن هالدنيا ناسيهه

حيل اثگيل وزن الباب والبسمار ماذيهه

خل نلطم لطم نسوان عالزهره

عينك عل مصيبه ديرهه النضره

التروح امه بعد ميفيده كل عمره

وي ام عون يالله وخل نواسيهه

حيل اثگيل وزن الباب البسمار ماذيهه

كرار العطوي السماوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

سماعي

كل ليلة..يم گبرچ اتعنه بهضم
واحچيلة..وبجروحي يا زهره اضم

ها ياللحد..بلكت ترد
الجانتلي كلشي وحته ام..كل ليله

---

هذا انه التحبي صدگ..حاچيني يا زهره
من عگب عشرتنه صرت..اوية المگبره عشره
امنيتي اشبگ مُحسنچ‌..مو اشبگ بگبره

عايش على قيد الدمع..
كسرة گلب كسر الضلع
مو فاطمه الي تندفع..ومحد يحاميهه

اتذكر..من صحتي يا حيدر مدد
شكداسهر..وگلبي يون راحت بعد
ها ياللحد..بلكت ترد
الجانتلي كلشي وحته ام..كل ليله

---

انه علي بس مو علي..يم گبرچ اتغير
حصدو خضارچ بالخشب..وبس ثوبي باقي اخضر
شما اشتم تراب الگبر..بيه الجرح يكبر

ومكسور من يمچ ارد
واتراب بيدي امن اللحد
بنص بيتنه الكله البرد..بترابچ ادّفه

متغير..وبعيوني مرسوم الحزن
متحير..شيصّبر اجروحي التحن
ها ياللحد..بلكت ترد
الجانتلي كلشي وحته ام..كل ليله

---

نقص بحياطينه دفو..ومابي ضوه بيتي
كل ليل ما بي فاطمه..يوازي الهوه بريتي
وضل حالي جن حال الشجر..بتراب عافيتي

يا بت محمد مختنگ
بكل حرگة عالباب انه ادگ
ويتلف جفوفي الحرگ..التلّف اجفوفچ

نيرانه..تركت على جفوفچ اثر
وهذا انه..العفتيني وحدي اويه السهر
ها ياللحد..بلكت ترد
الجانتلي كلشي وحته ام..كل ليله

---

وگلبي يدفعونه بقو..كلما يدفعونچ
يا فاطمه انه علي ..مشتاگ لعيونچ
يا زهره خايف هالعمر..لا يطول ابدونج
(ابكي مخافة ان تطول حياتي)

يا اخر سوالف هلي
گبر‌چ يفاطم منزلي
دورتي لو لا عن علي..وحنيتي لأيامي؟؟

يم بيتي..نتگاسم المي والهوه
حنيتي..لايامنه الچنه سوه
ها ياللحد..بلكت ترد
الجانتلي كلشي وحته ام..كل ليله

---

يا حيلي بس حيلي اندفن..وعايش على عطرچ
الخلني ليهسه عدل..المي والهوه وگبرچ
اشكد تارس اترابچ بچي..بكد ضييم البعمرچ

ضلع العرش ضل منكسر
ياساتره حته الستر
بثايبي ضل عطر الگبر..عطره اليهديّني

يا زهره..وي موتتچ كل موتتي
وشيصبره..الضايگ وجع من غربتي
ها ياللحد..بلكت ترد
الجانتلي كلشي وحته ام..كل ليله

اللحن👇

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ابوذيات نعي في حق السيدة فاطمة الزهراء (عليها السلام)

ابوذيات نعي الزهراء ع

ونصاب

العزاهه ابنيهه كون الدار ونصب
ودمعي جن ثجيل المطر وانصب
على الزهره الإبنهه وكَع ونصاب
ضلعهه ابعصرة ارجاس البريه
…………………….
والباب

اعقول الماتحمله الصار والباب
المايوولي ابحرب فرسان وله باب
هجم عالزهره شب النار والباب
دفعهه وانكسر ضلع الزجيه
…………………….
والحجاب

جذَب من كَال عالزهره ولاحجاب
عن كل عين ستر الهه واله حجب
اختنكَت بالعصر فاطم والحجاب
من دم عينهه خيوطه نِديه
…………………….
والتراب

قبل ادم علي من الذر ولي تراب
يشوف الزهره ضربوهه وله تربي
وكَع ثالث وَلد الهه والتراب
المحسن صار كاروك المنيه

الشاعر ياسر العارضي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

قصائد_منبريه

الليالي_الفاطميه

الروايه الثانيه

ابلياليهه الحزينه علي دم تجري عينه
يناديهه الامينه
يزهراء يزهراء
…………………………………..
علي بعيونه اهات ومصايب تهدم اجبال
راحت منه زهره ابعز شباب وراحة البال
ماتت بس علي جن عنده بالهم السلف شال
بحيث ابغربه عاش وبين ناسه جفنه همال
غصن فَي الحنينه أعادي امكسرينه يناديهه الامينه
يزهراء يزهراء
…………………………………..
يعيش احساس فاكَد والمحنه ابطرف العيون
يجي يبجي ويه زينب يمهه واولاده يكَعدون
مأتم بالنواعي لفاطمه كل ما يحظرون
بلطم اصدورهم اعظم عزه الهه يسوون
علي جن تحجي ادينه مشيتي انت ومشينه يناديهه الامينه
يزهراء يزهراء
…………………………………..
يسمع صوتهه كل ما على محرابهه ايدور
مقام الهه يشوفه ومن يطوفه غايته ايزور
يريد امراد منهه وشد علك سجادة النور
يصبر كون عالهم والحزن لو زار الكَبور
كَلبه الدافنينه يسولفهه بونينه يناديهه الامينه
يزهراء يزهراء
…………………………………..
سبحتها اعله حايط غرفته والتربه والماي
اشيعيش اكثر بعد وي ذكرياته المؤلمه هاي
ساعه ابصوت عالي حسرته ولا ساعه بهداي
خاطر ما يسمعونه ووصيتهه ابيتاماي
يجر حسره ولينه بنحيبه وبالسكِينه يناديهه الامينه
يزهراء يزهراء
…………………………………..
واكثر حزنه لو شاف الحسن وحسين بالدار
ابمحراب الزجيه واعله خدهم دمع الصغار
يحس بكَلوبهم بيهه الفكَدهه الحسره والنار
خد كلمن يلمسه منهم ايحس بي جمر حار
والحسين ابوتينه اثر حزنه ابسنينه
يناديهه الامينه
يزهراء يزهراء

الشاعر ياسر العارضي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
مو كسرة ظلع . لا كسرة عرش
مشكاة الضوه . تطفة ابنص نعش
وين .. ناده المصحف والإنجيل
وين .. حيدر شال النعش ابليل
. . . . . . . . . . . . . . . .

چنتي اعله الارض مرسولة قدر
رحمة خالقج مابين البشر
خطواتج تخط تسبيحة سحَر
من نورج بزغ عالكون ازدهر
شيطان الارض من حقده غدر
من ساك العرش جم ظلع انكسر

امن الباب اندفع . حيل ومحنّچ
دافعتي بألم . طيحة محسنچ
آه .. ابطيحة محسن ما ظل حيل
وين .. حيدر شال النعش ابليل
. . . . . . . . . . . . . . . .

هالكون انخلق لاجلچ فاطمه
يا نبض الارض يا روح السمه
گلوب اهل الحقد غل امسممه
اغتالوا من علي فرحة مبسمه
من نار وحطب بابچ مضرمه
وانتي اعله الارض طحتي امألمه

طحتي ويا اسف . خدچ بي اثر
من جف العبد . حين اللي انسطر
ليش .. وناتچ صارن ترتيل
وين .. حيدر شال النعش ابليل
. . . . . . . . . . . . . . . .

بسمار الذي صابچ ما بره
عشتي ابظل علي امكتمه وصابره
تسندين الألم وانتي مكابره
لا يعلم علي بالصار وجره
شفتي الما يمر ويصير ابّــــــــمره
ما جبّرتي ظلــــــــعين امكسره

ما داويتي بـــــــ . سمار البالصدر
وغطيتي الوجن . ذاك المنسطر
صار .. درب الهم اعليج اطويل
وين .. حيدر شال النعش ابليل
. . . . . . . . . . . . . . . .
كل جرة نفس تنغز بالظلع
عينچ تنلچم من يجري الدمع
تحملتي الألم والما ينجرع
لا ما صحتي لا حيدر يستمع
من گيد الوصي گلبچ منصدع
همّيتي بعلي وانتي بيا وضع

زينب سبّحت . تسبيحة حزن
من سمعت علي . لمصابچ يون
وين .. زينب تحمل هم اثجيل
وين .. حيدر شال النعش ابليل
. . . . . . . . . . . . . . . .

من عينچ غفت بحجور الاجل
هاجرنا الربيع وانباگ الأمل
كفنچ من ضوه يالزهره انغزل
وحي الله بدمع لتشييعچ نزل
وصيتي وعلي بوصيتچ عمل
الجثمان اندفن وبليل انحمل

وظليتي بقبر . مخفي اعله النظر
باجر ينبني . بأيد المنتظر
ثار .. وبسيفه يراويها الويل
وين .. حيدر شال النعش ابليل
. . . . . . . . . . . . . . . .

خادم اهل البيت عليهم السلام
عمار العيساوي الكربلائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
يومين إله ومگطوعه اخباره
بس لا علي شي صاير بداره
المايگطع اويانه
شأخره وماجانه……ومگطوعه اخباره
……………………………………….
هاي النه يومين….. ما جانه ابو حسين….. بس لا علي طايح بحيره وشده
العايش بالگلوب….. خافنه متعوب….. لو خاف واحد أخره من ولده

شما نحسبلها نحس علي يتلوه
خاف الحسن من شعل ناره اتجوه
وضل حيدر ايدور دوه لوليده
وهل بطه اعلينه وما اجه وما ضوه

عالجويه سهله ونگعد نتاني
بس خاف يطلع شي اكو ثاني
ياهو اليطمنه
شصار اويه حيدرنه… ومگطوعه اخباره
……………………………………..
لجفوف ابو تراب…. مشتاگه كل باب…. وماردنه ذاك الخبز ردنه اعيونه
شو يبس كل ريج…. يمكن علي بضيج… بس وين الله وما تغير لونه

سولف علي مره اعله يوم العاشر
وشگد بجه من جاب طاري الحافر
روحه من هاي الدنيه الحسين ابنه
ويا سامح الله اويه الحسين شصاير؟

بس ما نسينه وحيل نذّكر
جان الحجي اعله حسينه من يكبر
مو ابنه المأخره
شنهو الكسر ظهره…. ومگطوعه اخباره
………………………………………
توجعنه الاصفاح… وين الهوى راح… عايفنه ليش وجنه اغله احلامه
يخنكنه الغروب…. وكل احنه يعگوب… ليدز قميصه اعلينه كافي الثامه

يامحلى ذيج اسوالفه وضحكاته
ما جنه أمير ودوم ينكر ذاته
ضنينه يبجن زينب وأم كلثوم
وضل علي ابيته ايسكت ابنياته

السبب هذا يأخره بس ليله
ومن خوفنه حرنه شنصليله
مو طبعه يتأخر
وخفنه عليه أكثر… ومگطوعه اخباره
……………………………………….
هم هيجي وتصير… ويطلع علي بخير… واعياله ملتمين كلهم يمه
عدنه احنه جن عيد…. لحيدر اجه اوليد…. وضل ملتهي ايداري بلمحسن وامه

هيجي وعلي فرحان هوه واهله
ويدز علينه لبيته ونباركله
وننطي هديه بأسم كل الفقره
كاروك للمحسن خشب ناخذله

بس من حسبنه لجية اوليده
واحدنه ضل بس يفرك بأيده
ما كمّل اشهوره
واتضحت الصوره…. ومگطوعه اخباره
……………………………………….
ما ضل بعد راي…. وكل خوفنه بهاي….. ليگولها الله وفاطمه شي بيها
شدينه العلوگ… وجم گلب محروگ… باب الجذع مطبوگ خاف اعليها

يومين ماكلنه أمن أدين الزهره
ماكو الا غير اضلوعها متكسره
وميت علي لو عدل الله اليدري
بحيدرنه شمسويه هذيج العصره

نحس ببو المحسن ثگلت أنفاسه
وگاعد ابابه ايدگ على راسه
اسم الله اعله عافيته
خاف احترگ بيته…. ومگطوعه اخباره
………………………………………
رحنه ولگيناه…. بدموعه والآه….وذاك الحطب جان اعله بابه اشكثره
شمينه عطاب…. من بيت ابو تراب… وماندري شنهو المحترگ بالزهره

من أمس يبجي وعالضلع ثاري يون
وبعيون حيدر شفنه كلشي امبين
يومين والدم أخضر وما يابس
بس الله يدري شكثر نازف محسن

شندعي اعله ذاك البجه حيدرنه
كون بمجان الزهره عاصرنه
بلگوه حاجانه
معذور ما جانه…. ومگطوعه اخباره

أحمد ماجد الكلابي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
لوعـــــة أمّــــي مــــــــــا أنساها
*
خمس سنين أيامــــــــي وعمري
وخالد كــــــــــــل الصار بفكري
ومـــــــــــــا أنساهم طيلة دهري
لتْعَــــــــــــــــــدَوْ عالدار وجاها

---

شفـــــــــــــت الظالم جايب ربعه
وشفت بأيـــــــــــــــده نار مولعه
نيته يحرگ بــــــــــــاب البضعه
اليعـــــــــرف أمــــــي بنته الطه
*
أعرفهم وأعــــــــــــرف قائدهم
أحقاد وغل كــــــــــــــل العدهم
شيطان ومجــــــــــــرم واحدهم
وكافــــــــــــــــر كلمن يتحداها
*
وج النــــــــــــــار وبيده أشعلها
وطــــــــب الدار الجاني أدخلها
وعصرها الأمي مـــــن وصلها
وبهــــــــــــــــاي الأفعال تباها

---

بعــــــــد النار وبعــــد العصره
وگعـــــــــــت أمي فوگ الغبره
وخدها أحمر مـــــــــن السطره
بيد المجـــــــــــــــرم والعاداها

---

شفت أمّـــــــــــــي تلوع وتتلوه
وگوه تگــــــــــوم وتنهض گوه
وزحمه عليها تخطّـــي الخطوه
وشفـــــــت بعيني تسيل دماها

---

ضلّت بعـــــــــــــد الصار بعلّه
ومــــــــــــا نشفت دمعتها بمقله
تون مـــــن الظالم مـــــــن فعله
ومــــــــــن أعماله اللي سوّاها
**
أم الهــــــــــــــــادي وأم العتره
ماتت مــــــن ضيمه ومن قهره
راحت وأنــــــــي بقيت بحسره
مـــــــا ضل عندي بس ذكراها

---

كل واحـــــــــد بالمجلس يندب
بالزهره يـــــــــــا ربي وزينب
أنهي غيــــــاب المهدي يا رب
خــــــــــل ثاراتــــــــه يتولاّها

الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
منو اليدري علي اشلونه حبيبة روحه مدفونه
عمت عيني على اعيونه يحبها
جزع لو خنگته العَبره علي يلطم على صدره
انكسر گلبه على الزهره يحبها
تعب گلبه الولي دخيلك ياعلي

.
.
.

منو اليدري يحبها موت واكثر
اذا عالمغتسل شابگها حيدر
عجيبه الدنيا هاي اشلون تفتر
اذا مره يگوم هوايه يعثر

طريق المگبره طويل اعله باله
يريد يرّجع اويا ام عياله
علي ذاك البطل عالكون هاله
منو يصدگ يگاود بي خياله

خطيه روحه تعبانه عيونه هواي نعسانه
بشر بس روحه بنسانه يحبها
يعيش اتعود وياها علي والزهرة حباها
چذب من گال ينسها يحبها
تگله انت الي دخيلك يا علي

.
.
.

علي عنده مره اي ام نبيها
عمرها اثمنطعش بس روحه بيها
نعم حسدوك ياحيدر عليها
يعصروها وتشاگف بين اديها

علي باب الجذع ريته يشيله
اخاف اتشوفه واتموت العقيله
علي معذور شيسوي ويليله
اذا شگ ثوبه عالزهره قليله

تخنگه العبره و الشهگه دخيله روحه محترگه
ولا يستاهل الفرگه يحبها
علي العاشگ تره ام ابيته تعلق گلبه بمريته
ابد ماصدگت ميته يحبها
يعزي ويا هلي دخيلك يا علي

.
.
.

زغيره الزهرة مو مالت عصر دوم
تنام اشلون هو الضلع ملچوم
نعم ماتت ولكن علي كل يوم
يطلع اثيابها ويشم بالهدوم

اثاري الموت ارحملك يحيدر
علي الشيب اعله راسك جاي يكثر
علي حقك تهيم وتبچي بالبر
اذا زهرة الجوري ابلون الاحمر

ملائك يمه محنيه تگله اهدء علي شويه
الهي يصيح يوميه يحبها
علي البفعاله شِهدوله خطيه اطفاله يدعوله
علي طايح على طوله يحبها
يدنيا أتأملي دخيلك يا علي

.
.
.

كلها تصيح حيدر منهو شافه
طلع من الحزن دم ابشفافه
منو الگايل علي يدور خلافه
علي يدور ترد ليه الترافه

بعد ما نضرب الامثال بأيوب
علي حتى الصبر گله انت متعوب
اثاري الناس تجهل حچي الگلوب
علي الحَماي جاره وبيته منهوب

يشاهد فاطمه اتعاني كسر ضعلينها زاني
وعلي أبآمالها باني يحبها
عصرها الما عرف ربه وگع حيدر على اركبه
تره الزهراء علي تحبه يحبها
انتثر منها الحُلي دخيلك يا علي

.
.
.

منو اليتحمل ايعش اعله جرحه
يريت الماضي من الذكرى امسحه
اذا ينسه علي شيمسحه صبحه
بقت من ذكريات الزهرة سبحه

منو مجرب الخنگه المغربيه
خطيه ياعلي انت خطيه
تحن وتصيح وعيونك جريه
علي مشتاگ يالزهرة الزجيه

تصيح بلهفت الدمعه يريت انا انكسر ضلعه
يزهرة مالج رجعه يحبها
تعالي يم حسن ليه انه محتاج حِنيه
يسمع الكره الارضيه يحبها
بعد بالله شلي دخيلك ياعلي

.
.
.

شيصبرك ياعلي والباب محروگ
تحاجي البير هو البير مخنوگ
اشو صار الحنين اعليكم يلوگ
حنين النوگ منك حنت النوگ

كلام الناس والله ماله قيمه
علي العايش الحب وهذا ضيمه
منو يرضه يسطروله يتيمه
جريمه هايه مامنها جريمه

علي صبرك منو يحمله الحواجب ياعلي هدله
المدامع عالوجن سهله يحبها
يحبها وهذا من حقه مره متروسه بالرقه
كتب حيدر على الورقه يحبها
يحبه الازلي دخيلك يا علي

للشاعر محمد الظالمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

وين رايح الزم ايدي لا تبجي ابصف التابوت
خلي انفاسك يم اعيوني أشتم لمن روحي اتموت
جروح نوح روح بين اعيوني
.
.
.
أمن گلبي بلمس جفوفك ضلعي ارتاح من الآلام
ما اتحمل انظر دمعك مديت ايدي يالله نام
اشبگ صدري خل أتأمل صدرك باجر كله اسهام
عاشر نحرك راح انتظره من هالعام الذاك العام

حيف طيف سيف بين اعيوني
.
.
.
يبني الدنيا خطوة ناگه من تمشي بنص الصحراء
اترس جفك من دم ضلعي تظمه لام سلمه أنباء
لو يتغير دمي تشوفه اول يوم بعاشوراء
لو صار اسود تعرف يعني احترگت خيمتها الحوراء

ثار نار غار بين اعيوني
.
.
.
جفك ناعم ايد ازغيره صبعك يايمه ازغيرون
بهذا الخنصر تلبس محبس و عليك اهوايه يطمعون
ايدك ترفه صدرك اتعرف آه بصدرك يتعثرون
باجر عاشر باجر حافر الله يشهد تنسحگون

خيل ليل ويل بين اعيوني
.
.
.

ها يوليدي ها يعيوني ها بحبيبي لا تهتم
مكتوب النه الموت وتالي لو بالسيف أو لو بالسم
وانت ابالي راسك ذاك فوگ العساله يخر دم
بس بالتالي هم نتلاگه بيوم القيامه نلتم

دين. بين (الموت). حسين بين اعيوني

ها يحنيني ها ياروحي ها ياگلبي انت احساس
لمن اسمع صوتك يمه تبجي تشيبلي الراس
الله يعوضك الله يسعدك بعدي بعيون العباس
والي يهمني زينب اختك ماتنشد بحبال الناس

خوف شوف اجفوف بين اعيوني

غمضت عيني طلعت روحي طايح ابني اعله الرجلين
بس كلميني اسمع منه اني حبيبج يمه احسين
احنيت الهم ونيت الهم واشبگتهم بالجفين
واملاك الله صاحت حيدر نحي اولادك وغمض العين

راح. طاح. صاح بين اعيوني

.
.
.

للشاعر محمد الظالمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ميل الثواني يتحرك انذار
كل شي ينادي يا صاحب الثار
دم أعله خدي يبني يمهدي

---

امك تراني فاطمة من قبل كم ميت سنه
الهج بثأر آخر وصي من موطني الحد موطنه
تبني القبر من الذهب بصوتك تضج الماذنه
لو بالشرق لو بالغرب كلها تسمعه وتسكنه

اوليدي حبيبي هم تدري وضعي
سطرولي عيني كسرولي ضلعي
ثلث ميه ضدي يبني يمهدي

ماي العيون النازله تمسحها انت بغترتك
تجبرلي يوليدي الكسر شايل جروحي بطلعتك
يالمهدي وجهك لو گمر مبهورة انظر طلّتك
أنه امك الزهرة ام حسن اشعر واحس ابغربتك

يالمنتقم دوم ادعيلك اني
امك واگلك صاحب زماني
صار التعدي يبني يمهدي

__

يوليدي من شفته علي امقيد ودمعه نزل
امقيد اوينظر الي وعيونه متروسه خجل
انظر فقاره راكنه تخيل علي كله زعل
من يمّه ودعيت وگلت يالمهدي يوليدي العجل

ثاري بظهورك دمعي ازيله
حيدر اريدك تشفي غَليله
شد التحدي يبني يمهدي

---

شيب الگلب كله الك يالما الك بيت اوطن
من تختنگ تقره الي الفاتحة لام الحسن
ياليلك مخلصه دمع وشموعك الماينطفن
ذيج العيون الذابله اعرفهن شگد ساهرن

شٕريحه گلبك يمه اعله هونك
من گد دموعك ذبلن عيونك
شگد تبچي بعدي يبني يمهدي

---

يالمهدي دلي شيعتي اوگف عليه اعله الگبر
واقره عليه بحسرتك وابچي اعله ضلعي والكسر
ما ذبني عمري اثمنطعش افگد جيني من العصر
انطر زمانك يالولد من العصر الحد الفجر

يمه الصحاري كلش بعيده
بيتك يمهدي گبري اريده
وما ابقه وحدي يبني يمهدي

_

تبقى سنينك جاريه وتحكمها يالمهدي الأرض
تبنيلي دولة فاطمة تترامه بالطول وعرض
وانت شعارك ياعلي أصرخ علي من تنتفض
البس قبائه ومعطفه يالسكن ابگلبي نبض

من صحن الحسين اقره الزيارة
اجعلها يبني أول شرارة
تعرفلي قصدي يبني يمهدي

للشاعر محمد الظالمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
راحة الدارين

اتعب امن الدنيه وانته الراحه
الطير ما يعله بدون اجناحه
ــــــــــــــــــــــــــــــــــــــ
احسين لوعوف المجالس وين اروح
وانه يوميه عله امصابك انوح
امعاشرك عشرة بيارغ عالسطوح
باب گلبي ابمجلسك مفتاحه
ــــــــــــــــــــــــــــــــــــــ
ديره مابيهه لطم نجمه بضباب
ياصلاة امي ودعاهه المستجاب
احسين اريدك من يغطيني التراب
اذنوب عندي وجيتك المسّاحه
ــــــــــــــــــــــــــــــــــــــ
ادموعي خذهه وياك رشها عالخيام
انه بين اهلي وخواتك بالظلام
اوجوه عايلتك صبح بيهن ورام
ابكثر ماسوّن عليك انياحه
ــــــــــــــــــــــــــــــــــــــ
ابنيتي بالاوّل وطلعت ناجحه
وبنتك اتصيح الشمر ماسامحه
ذبح گدامي الصلاه والفاتحه
وابد ماخلاني اشوف الراحه
ــــــــــــــــــــــــــــــــــــــ
احسين عطشان اعله حبك والحنين
حيلي شدّه وارسم بماهيتي عين
انطيني من عندك بصيرة عارفين
احسين شو صارت مخيفه الساحه
ــــــــــــــــــــــــــــــــــــــ
حلوه من اخويدم اسمي اتسجله
واكبر ابحبك واموت ابكربله
وامك الزهره تگلّي ياهله
وحبك اهناك انول ارباحه
ــــــــــــــــــــــــــــــــــــــ
حلوه من ايشوفني المهدي ابعزاء
لابس اسود عالخيم مو للرياء
وراسك المگطوع الامبچي السماء
دوم اذكره والعن بذباحه

محمد الجماسي

اللهمعجللوليك_الفرج

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

رايح للكبر كايدني كلبي
بعدج تيهت شوفي وي دربي
امشي واعثر واوكف كوه
شوفي فراكج بيه شسوه
ــــــــــــــــــــــــــــــــــــــ
ما شوف.. لو صورة طولج تعرضلي
ما شوف.. اوكف محني واوكع كلي
ماشوف…فاكد شوفي وحيلي وحملي

يخضر بوجه التعب اليدفن بديه اعزازه
الذابح جيوش وزلم سيفي صبح عكازه

اجيتج اركض يلا كعدي
البيت وحشه كومي ردي

يوجعني اسمها وكلشي بيها
جدمي والدرب ياخذني ليها
ــــــــــــــــــــــــــــــــــــــ
مشتاك…اسمع صوت الكواك الله
مشتاك…لطولج ذاك الراح بغفله
مشتاك…لكبرج جا يمته اوصله

كل خطوه ثكلان الجدم بس كلبي اليركضني
اوصل مسافه انه وطحت شوكج تره متعبني

يا عزيزة كلبي وينج
علي مشتاكلها عينج

شالع كلبي حزنج يم الحسين
بعدج كابلت بس الحياطين

ــــــــــــــــــــــــــــــــــــــ
مليت…جا ياهو البعدج يفهمني
مليت.. بين الناس وامشي محني
مليت.. عطرج بجفوفي متعبني

لو عده بيبان الكبر كل ليلة ابات بكربج
ونتسامر ونكضي العمر واسمع سوالف كلبج

جايب ادموعي بثوابج
َهواي كبرني عذابج

شيضمده العمر شيخيط الصواب
كمت اني انلجم من افتح الباب
ــــــــــــــــــــــــــــــــــــــ
ونيت… اذكر موقف فزز خوفي
ونيت.. تابوتج مو خشبة جفوفي
ونيت… يكرب كبرج ويقل شوفي

اتخيلج فوك الكبر تردين تتلكيني
اركض واميل وي الهوه بس انتي اشوف بعيني

بلهوه اني كمت اشبك
اتخيله انتي وما مصدك

اجيتك محترك من وحشة الدار
بعدج كمت اعيش بداري خطار
ــــــــــــــــــــــــــــــــــــــ
شفته.. كبرج ما لايك يا بعدي
شفته.. عوفي الموت وياي وردي
شفته.. حزنج فتت روحي وجبدي

اتراب بيه من الدرب مدفون واصل يمج
فوك الكبر ما ينكطع الكيته يابس دمج

دافنج بلهيمه وحدج
خاف واحدهم يلحكج

اجيتج اعتذر ما بيدي حيله
ما عندي بعد كلب اشتكيله

كرار فاهم الخفاجي