اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

((قُم دولة عشق))

قُم .. دولةّ عِـــشقّ للمـــرتضى
قُم .. بيـها الحــــنان المامضى
قُم .. بيها العزيزه اخت الرضا

باب الحوائج والكــرامات
باب المسائل والعطـــيات
أم السخاء التنـطي بالأيد
تشبه اخوها بالمعصيــات

گــلـــها علويه
تگول مگضيه
گلها مــــولاتي
اتـگـلـك أعليه

ياشبيهةّ فاطمه الزهراء …

            """""""""""""""""""""""""""""""""""''''''''''''

حُب .. اجمل صفه هوه العشگ
حُب .. ويعرفه بس المـــحترگ
حُب .. يرتاح يمهــــــا المختنگ

اجمل سـوالف بين الگلوب
لمن تجي وتـــزور محبوب
لمن يحسك انتـــه مشتاگ
لمن يشوفك وكت الغروب

تشوفك بـدمعه
وبالصحـن تنعه
والحزن جرحك
تشتعـــل شمعه

ياشبيهةّ فاطمه الزهراء …

            """""""""""""""""""""""""""""""""""''''''''''''

حُر .. مــــــا مستقر مـــن دمعتي
حُر .. كون أَفني روحي بخدمتي
حُر .. گبـــه ومــنـــاره بصـــفنتي

قم يا جرح گلــــبي والاحساس
بس روحي تهوى تشوف عباس
لو غَمضتّ جفني والعـــــــــيون
گلبي يشـــــوفك احــــلا نبراس

يا گمــر حبــــك
واضـح بـــگلبك
مـــــاي للخـــوه
العاشگ يشربك

ياشبيهه فاطمه الزهراء …

            """""""""""""""""""""""""""""""""""''''''''''''

سر .. الـــــدمعه سر وتكونتّ
سر .. عــــالوجنه من اتعلمت
سر .. من تسمع بزينب مشت

يــــــا فاطمه زينب عل نوگ
مولاتي عمتچ شــافها السوگ
تدرين طبع الغـــــربه مذموم
وعمتچ غريبه وضعن محروگ

زينب بغـــــربه
ومجلس اطـبه
والزلـــــــم لـمه
صعبه يا صعبه

ياشبيةّ فاطمه الزهراء …

عبد زينب
محمد الابراهيمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ابوذيه
لسان السيده زينب ع

صرت كعبه ومصاب أمي .. طفلهه
وشـمـعـة بـيـتـنـه الظالـم .. طفلهه
دفـعـهــه وطيّح بـحـقـده .. طفلهه

ورفس شفته بصدر أمي الزچـيـه

               *---------------*---------------*

✍بقلم خادم الزهراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
(يازهراء ) لحـن ثاني

يالزهره المدد .. صيريلي سند
سجليني .. وفقيني .. لخدمتكم بعد
يازهراء .. يازهراء .. يازهراء

---

نظره .. منج اتكفي عمر
زهره .. واليشمج ينتصر
حسره .. بيه من ذاك الكسر ..كون اندثر
واصبح جمر .. يــم العتبه

يم حسن سجليها .. الدمعه من اجريها
خيري كله اعليها .. وكلج خير
حققيلي احلامي .. واللطم عالضامي
انته كل ايامي .. ومالي غير

منهاره النفس .. محتاجج شمس
بكل نوحج .. وجروحج .. خليني احس

---

رحمه .. ونازله علينه سبب
نسمه .. ومنج انصاغ الذهب
نعمه .. وبس الج يسوه التعب .. كلمن عتب
فكره انسلب .. مــن نظراتج

الدنيا صحره ابدونج .. افتخر مجنونج
كلشي لجل اعيونج .. فدوه يروح

يالجروحج تسوه .. نارج اشكد حلوه
من رحتلج فدوه .. وللمذبوح

ايام العمر .. لعيونج نذر
جلماتي .. ودمعاتي .. تضويلي الكبر

---

كلبي .. تارس ابحزنج غصص
بدربي .. هوايه مطيتني فرص
حبري .. بسمج ابدن ما خلص ..لا مـا نقص
واللي حرص .. نــال الجنه

شحجي اضل امقصر .. بضلعي الجم و اكسر
بنارج اقره و ابحر .. كون ارتاح

انتي راحت بالي .. وانتي كل احوالي
بدون حالج حالي .. بس اصياح

اجروحي استحن .. من هاي المحن
كل همي .. ايصير اسمي .. خادم لم حسن

---

مرايـه .. لـ الله ياوتر وشفع
هوايه .. خيرج وماينكطع
حجايه .. عندي وبلايه فجع .. دون الدمع
ما انتفع .. بيج الرفعه

مالي قيمه خلافج .. يالسترني احجابج
عمري بس لمصابج .. يسوه هواي

هي بس احجايه .. وبيها دمعه وغايه
بيضي وجهي بهايه .. الخدمه وياي

من دونج عدم .. يا ام الخدم
بعزياتج .. دمعاتج .. رزقيني الالم

---

بزغري .. يمي دوم اتخيلج
عمري .. وقف خليته الــج
صدري .. كون اكسره لخاطرج .. واتوسلج
ابقه الج .. ما اتغير

دوم احسج يمي .. وكمت اسميج امي
فدوه الج كل دمي .. وكل نبضات

يمج احسد روحي .. يا اميرة نوحي
يا حلاة اجروحي .. الـبس دمـعات

ياعرش السمه .. يا ماي وضمه
لو تفحص .. نبضاتي .. تسمع فاطمه

---

رحله .. بعالم احزانج غصت
محله .. جروحج البيها عشت
شغله .. منج اغله ما شفت .. واتيقنت
لمن صرت .. خادم لسمج

فكري بسمج نوْر .. جرحي يمج اخضر
بيها سر الكوثر .. اقره وشوف

الراضيه يسمونج .. بهالاسم يدرونج
چي حنينه عيونج .. ويمها انطوف

راضية قهر .. مرضيه ابنضر
حوريه .. وأنسيه .. يا ارقه البشر

---

سيد محسن الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
المجلسج حزمينـي .. اشبع لطم خليني
يازهراء .. يازهراء .. يازهراء ..يازهراء

---

نظره .. منج اتكفي عمر
زهره .. واليشمج ينتصر
حسره .. بيه من ذاك الكسر ..كون اندثر
واصبح جمر .. يــم العتبه

يم حسن سجليها .. الدمعه من اجريها
خيري كله اعليها .. وكلج خير
حققيلي احلامي .. واللطم عالضامي
انته كل ايامي .. ومالي غير

يالجرحج امـربيني .. اشبع لطم خليني

---

رحمه .. ونازله علينه سبب
نسمه .. ومنج انصاغ الذهب
نعمه .. وبس الج يسوه التعب .. كلمن عتب
فكره انسلب .. مــن نظراتج

الدنيا صحره ابدونج .. افتخر مجنونج
كلشي لجل اعيونج .. فدوه يروح

يالجروحج تسوه .. نارج اشكد حلوه
من رحتلج فدوه .. وللمذبوح

لحسينج انذر عيني .. اشبع لطم خليني

---

كلبي .. تارس ابحزنج غصص
بدربي .. هوايه مطيتني فرص
حبري .. بسمج ابدن ما خلص ..لا مـا نقص
واللي حرص .. نــال الجنه

شحجي اضل امقصر .. بضلعي الجم و اكسر
بنارج اقره و ابحر .. كون ارتاح

انتي راحت بالي .. وانتي كل احوالي
بدون حالج حالي .. بس اصياح

دونج ضلام اسنيني .. اشبع لطم خليني

---

مرايـه .. لـ الله ياوتر وشفع
هوايه .. خيرج وماينكطع
حجايه .. عندي وبلايه فجع .. دون الدمع
ما انتفع .. بيج الرفعه

مالي قيمه خلافج .. يالسترني احجابج
عمري بس لمصابج .. يسوه هواي

هي بس احجايه .. وبيها دمعه وغايه
بيضي وجهي بهايه .. الخدمه وياي

بس الدمع يرويني .. اشبع لطم خليني

---

بزغري .. يمي دوم اتخيلج
عمري .. وقف خليته الــج
صدري .. كون اكسره لخاطرج .. واتوسلج
ابقه الج .. ما اتغير

دوم احسج يمي .. وكمت اسميج امي
فدوه الج كل دمي .. وكل نبضات

يمج احسد روحي .. يا اميرة نوحي
يا حلاة اجروحي .. الـبس دمـعات

الدنيا ما تعنيـلي .. اشبع لطم خليني

---

رحله .. بعالم احزانج غصت
محله .. جروحج البيها عشت
شغله .. منج اغله ما شفت .. واتيقنت
لمن صرت .. خادم لسمج

فكري بسمج نوْر .. جرحي يمج اخضر
بيها سر الكوثر .. اقره وشوف

الراضيه يسمونج .. بهالاسم يدرونج
چي حنينه عيونج .. ويمها انطوف

حنيتـج التـحويني .. اشبع لطم خليني

---

سيد محسن الجابري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

استشهاد الزهراء ع

يالزهره فرگاچ اشعمل بسنيني
بس الله يدري اشگد بچتلچ عيني
متنه سويه اتمنيت بعدچ ولا يسوه البيت
يالزهره

---

مات الحيل كله ولا هوه ابريتي
دفنت اوياچ يم حسين عافيتي
من دونچ يزهره شلون تاليتي
اول مره اكره ادخل البيتي

ما يندخل داري بعد يالزهره
بعدچ وحگ عشرتنه صار امگبره
ياوسفه وحدي ظليت بعدچ ولا يسوه البيت
يالزهره

---

عالحلوه اتفقنه انعيش والمره
وعالَمْنه بصلاة الليل نختصره
نرفض چنه كلمن يختلي بگبره
مو گلنه سويه انموت يالزهره ؟

متّي ورفضتي ابلحدچ اتخليني
مو ذاك حيدر راح اظل تدريني
فوگي ترايب هليت بعدچ ولا يسوه البيت
يالزهره

---

دفنتچ وانه صرت ابمشيتي اعثر
مو چني علي ذاك اليهد عسكر
استعديت إلمحن دنياي اتصبر
لچني الفرگتچ يالزهره ما اگدر

انه اقتنع بس گلبي شنهو ايقنعه
عايش زماني الخاطرچ يالبضعه
حزام المصايب شديت بعدچ ولا يسوه البيت
يالزهره

---

خلص بيچ الالم من ساعة الدفنه
كسر ضلعچ اكيدن طاب بالجنه
وجب هجرچ اخلصه ابدمعه والونه
عشرين وتسع اعوام اعيشنه

كل لحظه من دونچ تمر احسبها
عل حايط البي دم ضلع اكتبها
ما ينفع اشما كتبيت بعدچ ولا يسوه البيت
يالزهره

---

يمچ كل مسه يم الحسن انعه
ورشنّه الگبر يا فاطمه بدمعه
النفس يصعد لون إبايدي ما رجعه
اليعيش بلا حبيبه الدنيه متنفعه

اشتنفع بعد هالدنيه وانتي ابعيده
عمر اليخلص بس بچي ما ريده
من دم مدامع صبيت بعدچ ولا يسوه البيت
يالزهره

---

الچ مدري اليه الفاتحه اقراها
زينب كل مسيه ابابي الگاها
احضنها واطيحن انه وياها
يفطر الكون يم حسين مبچاها

نبچي ونصيح ابدونچ اتيتمنه
اتطرشنه غيرچ لا ابد ميلمنه
الگعدتنه ذيچه حنيت بعدچ ولا يسوه البيت
يالزهره

---

الشاعر اياد الديراوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
لعن الله قاتليك فاطمه
لعن الله قاتليك فاطمه
………………………..
طائفي الوادم تسمي اليلعن الطگ فاطمه
وهذا مقياس التضدنه الحاسبيها مسلمه
ظلع مكسور احنه عدنه وبيت محروگ ودمه
ومره مظروبه اعله خدها بجت املاك السمه

ضربوها …. وسكتت الحچايه
وعصروها…. والسوره نزفت ايه
ومهضومه …. ضلت الموتتها
الاذوها …… اذو الله بهايه

واذوا الباري …… الاذوها الزچيه

لعن الله قاتليك فاطمه
…………………………………………….

عوفلي اسوالف الوحده واگعد وسولفي حگ
باب الله اگبال عينك اتشوفه بالنار احترگ
ياهو بيكم يرضه امه تنظرب خدها انصفگ
لو عله ذيچ الترافه باب وشثگله انطبگ

من الطگه ….. طاح محسن وسفه
والشهگه ….. انسمعت شگد كلفه
يعصروها ….. وهي تدفع بيهم
ويرفسها ….. عمر ظل بلهفه

وظل رفس بيها …… لحد طيحت المحسن

لعن الله قاتليك فاطمه
………………………………
لا تسولفلي بصحيح ولا بخاري ولا سنن
واطرح اگبالك حقيقه وراح احچي للعلن
الله لاعنهم قبلنه وانه العنهم لان
عائشه الحرضت بيهم حاقده اعله ام الحسن

الملعونه ….. حرضت للهجمه
ومديونه ……. بهدر محسن دمه
ونطلبها ……. ثار ظلع وكسره
المشئومه …… بلا ظمير وذمه

وناخذه مربع ……. ثار امنه الزچيه

لعن الله قاتليك فاطمه
………………………………………..

محكمه نسويها لازم ونحاسب لكل متهم
ونذكر الاسماء كلها ونحچي وياها التهم
اولاً سم الرسول وثانيا ظلع انهشم
وثالثاً طيحت المحسن ورابعا طبرت آلم

المن عدهم ….. بدت كل النايبه
ومرجعهم …. عائشه بكل خايبه
المابيهم …. خير وعنده شرف
اواحدهم….. انجره من شواربه

واندوس فوگاهم …… الداسوا عتبة الله

لعن الله قاتليك فاطمه
………………………………………..

قل اعوذ من الاسامي الراح اذكرها وتهل
عيوني دم اعله الزچيه الصار بيها مو سهل
عمر والثاني ابوها العائشه وشكم نذل
وابن عفان اويه خالد وقنفذ وحفصه بسجل

مسجليهم …….. وكلها ندري اخبارها
امعينيهم ……. ونعرف الطب دارها
والمهدي …… باچر يرد الطلب
مخوفيهم ……. براية الله وثارها

ويأمر المهدي ….. نگص راسه الدفعها

………………………………………………

آلاقل شرفاً
كرار اللامي

ثار الزهراء

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

مضيعه امها امضيعه ابوها

وزينب اتفارك اخوها..

صارت غريبه ..زينب

وام المصيبه ..زينب..

/////////////

دورت زينب عن حلم…..كون الضلع ماينهشم..

من عنده تبدي كربله… من تركض ابنص الزلم ..

من الباب هذا حسينها منحور

ومثل ضلع امه ضلعه تشاهده مكسور

طفله اتخيلت ضلع امها مامعصور

ولا امجتفين ابوها بالحبل مجبور

لچن فزت من حلمها..

وامها ما موجوده يمها..

وين الحبيبه ..زينب

ام المصيبه ..زينب

///////////////

طفله ويراووها ضلع… بهل عمر زينب تنفجع..

اتحظرت زينب للركض… من چف اخوها ينكطع…

هواي امضيعه زينب لچن ماتلكه

تدور عل كفيل الخيمه محتركه

شافت هامته اعله الرمح متعلكه

بدرب الفركه خمت رادت الملكه

دورت وين ابو فاضل..

ضلت اختك دون كافل..

رادت تجيبه… زينب

ام المصيبه… زينب..

//////////////////

هذا الضلع يرجع يطك… چم حافر اعليه ينطبك..

ضلعه انلچم لو شبكته… .مكطع وذر ماينشبك..

ردت تشبكه بس خافت اتلچمه..

من ثكل الخيول الحافر ايجسمه..

مخنوك الحسين يدور النسمه ..

ردت زينب وماكدرت اتحشمه ..

شافته ابيا حال اخوها..

وجرحه من زينب سبوها..

زايد نحيبه… زينب

ام المصيبه… زينب..

////////////////

زينب مشت درب الفكد… طبره وضلع وي الچبد..

وشكثر زينب ودعت… والراح تدري مايرد…

ضلع امها انكسر والطبره بالمحراب..

لو چبد الحسن ياويلي بالسم ذاب..

وضل بيها جرح لا هود ولا طاب ..

زينب من مشت مسبيه بين اغراب..

خويه صاحت من سبوها ..

بسوك اختك طببوها..

تمشي سليبه ..زينب

ام المصيبه… زينب

//////////////////

كل موقف يبچي الصخر… محراب باب ولو نهر…

من الضلع حد الخيم… .عاشت عمر قهر بقهر..

زينب صار اسمها ام الحزن زينب ..

باب امها توج والنار بيه تلهب..

وشافت حيدره مطبور ومخضب..

واشد واحد عليها احسينها مسلب..

تشوفه مسحوك ابحوافر ..

تكله كَلبي اعليك شاجر ..

جثتك خضيبه… زينب

ام المصيبه… زينب

/////////////////

نسالكم الدعاء

طالب الشفاعه

احمد الطيب الحلي
الجمعه

//

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يزينب _ دفنت امج واجيت
يزينب _ على العشره بجيت
يزينب _ اموت وياهه ريت
يزينب _ يزينب
**
الجنت انه رمشهه اعله اجتافي نعشهه واستورح عطرهه اصبر روحي بيهه ساعه ابجي عليهه
ساعه ابجي العمرهه
دفنت العشره ذيج واحله الايام
عمر ام ابيتي توه اثمنطعش عام
عله وساده الزجيه ماغفت ليش
خدهه ينلجم لو رادت تنام

افكر _ بهجرهه وبالمصاب
افكر _ لجم خدهه التراب
افكر _ وصعب الكه جواب
يزينب _ يزينب
**
اليفارك خليله _ خطواته ثكيله
يترس دمعه عينه
من اتخيل شكلهه _ لتعوفيني اكلهه
يفاطمتي الحنينه
خشن بويه لكيته تراب الكبور
مايرتاح ليلة الظلعه مكسور
يصل كسره يزينب حتى لومات
عله الزهره علي من يبجي معذور

اجيتج و دفنت اغله حبيب اجيتج لحيتي كلهه شيب
اجيتج _ عله الزهره كئيب
يزينب _ يزينب
**
البكه براسج يبنتي _ يتيمه مثلي صرتي
صرنه احنه يتامه
البيج اشتم عطرهه _ غفت هسه بكبرهه
وابوج ابلا عمامه
عله الزهره العمايم لازم اطيح
وراي اسمعهه ارجع كامت اتصيح
يم محرابهه ارد ابجي العيون
وبسم الزهره اخلص ليلي تسبيح

يبويه _ علي بلا روحه جاي
يبويه _ اشبكنج تعاي
يبويه _ الحزن حدب كفاي
يزينب _ يزينب
**
كبالي وهل دمعهه _ المتهشم ظلعهه
كسر كلبي كسرهه
بالمغيسل بعدهه _ وتحن شفت لولدهه
تحيرت باامرهه
اجفنهه ردت بس فتحت العين
علي كالتلي فدوه وين الحسين
كلتلهه ابشري هذا موجود
شبكهه وكلهه يمه وين تردين

ييمه _ بعد جاوين انام
ييمه _ تموتين انتي حرام
ييمه _ عله الدنيه السلام
يزينب _ يزينب
**
رجعت وبالي يمج _ دفنت باايدي امج
بويه الله يعينج
العبره مضيعه صوتج _ تلكي بويه اخوتج
تره بعازت حنينج
كلشي يهون عندي وهايه متهون
عمر وبدون فاطم يخلص اشلون
يزينب بعد بويه ما اوصيج
وره الباب اويه اخوتج لا تكعدون

غربتي _ عله الزهره عذاب
غربتي _ سببهه بويه باب
غربتي _ تطول ويالغياب
يزينب _ يزينب
**
تمت __ علاء الزيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

///////نزله////////

اسامينه اسامينه
تجي تسجل اسامينه
*
الزجيه بكل عزه تحظر
الخدمهه تكتبه بالدفتر
اليلطم والعله المنبر
تره توفيق تنطينه
تجي تسجل اسامينه
*
قصايد عنهه نقراهه
اجتنه الزهره حياهه
احزرو ياهو وياهه
اجه المجلسنه مهدينه
تجي تسجل اسامينه
*
اليلطم صدره بجفوفه
ابشره فاطمه تشوفه
يعني ابكلشي متعوفه
وعله الدمعه تجازينه
تجي تسجل اسامينه

---

يبلغ الحاضر الغايب
الشاب يركز وشايب
عدوهه ينلعن واجب
اكلكم خاف ناسينه
تجي تسجل اسامينه
*
الدافع باب عالزهره
لازم ينكسر ظهره
نسووي للخلك عبره
ونذل كلمن يعادينه
تجي تسجل اسامينه
*
تكول المانسه ايامي
تهل ادموعه كدامي
ونعم منكم يخدامي
سمعناهه تحاجينه
تجي تسجل اسامينه
*
مصيبتهه الفلا هينه
لمسنه الشغله ومبينه
الخادم فاطمه تعينه
العله حبهه يفك عينه
تجي تسجل اسامينه
*
تمت _ علاء الزيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

الثأر الثأر يامهدي

…………………………………

عجل يمهدي يلله واطلب ثارك
هاي الخدم كلها تصير انصارك
بجفك يمهدي نصير لك فقارك

يمناك يمناك نصير وتوصل الغاية
يمناك يمناك يمهدي وترتفع راية

نلتم حشد نهجم نرد أمرك أمُر بي نفتخُر

يا مهدي

…………………………………

وكت الفرج ياسيدي انت الآية
كل الكرة الأرضية الك عنايه
الوطن موكب والشعب مشايه

وتصير وتصير خليفة الآمر الناهي
وتصير وتصير حبيبي بحكمك تباهي

كل الحكم دوله وعلم حكمك نبي ونكهة علي

يامهدي

…………………………………

الفتوة منك يا لثار الزهره
تبديها من باب الزجية وجمرة
تبني البقيع وحته يصبح حضره

عمال عمال يمهدي القاري والشاعر
عمال عمال يمهدي اليطبر بعاشر

نبني الگبب دمعه وذهب وي الدمع ننگل شمع

يامهدي

………………………………………………

أول شرارة لفاطمة التبديها
أو كل شياطين الظلم تفنيها
حگك مربع لمن تسويها

أوثان أوثان يمهدي تحطم بفاسك
أوثان أوثان تصير اتراب لمداسك

ثارك زئر نورك ظهر تمحي الغدُر كل الامُر

يا مهدي

…………………………………

تبدل الراية الحمره ترفع غيرها
بعد انتصارك سيدي وتفسيرها
انگضى الثأر ومحنتك تعبيرها

وسنين وسنين تعيش بين خدامك
وسنين وسنين يمهدي ادلل أيتامك

تحيي الأمن يكضي الحزن نصرك هتف أخر خلف

يا مهدي

…………………………………

زينالعابدينالشمري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

شور

ملح السوالف

احنه نضل خدامه لفاطمه والعلامه بصدرونه وادينه
بينه هوى المجالس والحب بينه عابس يا زهره وهوينه
عهد بدم كتبنه يبقه يرف علمنه يا أمنا الحنينه

ع العهد ع العهد وتوقع الخدم
منبرج منبرج شاهد عل الالم
والدمع والبجي من نذكر الضلع
والحرك والحرك بالعتبة والخيم

بابج لمن نذكره يحتر قلبنه
موكب دمع ينور كم شمعه حبنه
ملح السوالف انتي وطيبة و حنينه
ولهل السبب يزهره بدم من كتبنه

نوقع بدم الوريد والختم برواحنه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بجموع الغفيره نمشيلج مسيره رايات ومواكب
ساعة لطم عزائج ساعة بجي لدمائج والخادم يواكب
والدرب النسلكة بي كل ما نملكه من خير وعجايب

بالخدم بالخدم متعطر النفس
بالخدم بالخدم حزن ودمه انترس
فاطمه فاطمه اسمج على العرش
كل ملك كل ملك يتمنى الج حرس

بينه وبين الملائك صار التنافس
نطمح الج عبيد ونحيي المجالس
ما نوصل لحضرتج يم فضه نوكف
تاج انتي خرزة والله وفوك المحابس

نوقع بدم الوريد والختم برواحنه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يا شوف النواظر يا زهرة انتي عاشر بمحرم مصابج
مملوگ لخدمتج من فدوه لدمعتج خليني اعله بابج
ولهاي الشعائر ناذر عمري ناذر سجليني بكتابج

بالسجل بالسجل سجليني وافتخر
بالسجل بالسجل منذور الج نذر
بس الج هالعمر ماحاسب العمر
من المهد خدمتي يالزهره للگبر

كل مجلس وتحضره الزهره الحزينه
تعرف خدمها والله أم وحنينه
والما حضر تگله يبن مظاهر
شو ما أجه لعزائـي واسمع ونينه

نوقع بدم الوريد والختم برواحنه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياعشكي وحياتي وترتيلي وصلاتي وتسبيحي وصيامي
ياكعبة نحيبي يالاسمج حبيبي واحروفج هيامي
ياشمعة ضلامي وادموعي وغرامي وملوحة كلامي

يا ضوه ياضوه لعيوني والدرب
منيتي منيتي من عندج الگرب
بنضرتج اكتمل يالزهرة وانصقل
والحشر بالحشر ماشعر بغرب

باجر اذا گربت ساعه منيتي
يسئلني شنهو منكر جانت قضيتي
ما خاف اذا اگولن اني غلامج
هذا عزائي باجر هوه هويتي

نوقع بدم الوريد والختم برواحنه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

زينالعابدينالشمري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

في حق الزهراء. ع

هواي الج مشتاكه يم العافيه
يم سوالف كله خير ودافيه
ياحنينه البيت خالي
وضلمت بيه اليالي. يمه يمه

---

جان بيتج يزهي من نورج يحره
من اطب الغرفتج يايمه. حضره
صوت قرانج اسمعه ابذني يقره
توكف عله الباب ناس هواي فقره

روحي تخشع من اشوفنج تصلين
وتجري ادموعج ييمه ونتي تدعين
لكربله ياخذني بالي
وضلمت بيه اليالي. يمه يمه

---

منين ماعاين ألاكي الج تذكار
يمه عطرج دوم اشمه تارس الدار
رحتي بس خليتي بيه جرح بسمار
وضلت ابروحي يزهره تستعر نار

عمري خمس اسنين من عفتيني
يمه تدرين الهجر ياذيني
رجعي يحبيبه تعالي
وضلمت بيه اليالي. يمه يمه

---

ماينام اليل كلمن فارك. امه
لئن عن اعيونه غاب اختفه نجمه
كل حنان الدنيه بيج وحله نسمه
اسمج ابروحي حرز يلزهره اضمه

ضلن ادموع الحزن بعيوني
من انوحن وبجي لتلوموني
يكتل افراك الغوالي
وضلمت بيه اليالي. يمه يمه

---

كلشي راح وياج يومن رحتي عني
بس بقه دمع الحزن تارسلي جفني
رجعي الدارج ييمه عليه حني
والعصر ضلعج يزهره هم عصرني

اليش ياموت الخذته ماخذتني
زغيره انه ومي راحت فاركتني
دمعتي بعيني تلالي
وضلمت بيه اليالي. يمه يمه

---

يمه بسمار البصدرج صاب ضلعي
نار بيه وحترك ويذوب شمعي
رحمي بحالي تعالي شوفي وضعي
دمه كام يسيل بعدج يجري دمعي

كامت اسهام الهجر ترميني
يمه فدوه ارجوج لتعوفيني
والحجر ناح وبجالي
وضلمت بيه اليالي. يمه يمه

---

الخادم
رحيم الصالحي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

في حق الزهراء. ع

وكف وعماته من راسه ذباهه
كعد يم الكبر حيدر وحاجاهه
حبيبت كلبي حاجيني
فديتك عمري وسنيني. يزهراء

---

ضاعت احلام العمر. وجرعت كاس الصبر
بس حريمه المحب من يدفن حبيبه
هل زمن طبعه غريب. يصعب افراك الحبيب
شلون بلمجروح لو عافه طبيبه
ايام عشناهه سوه. بدنيتي هيه الضوه
اليحفر ابيده الكبر يكثر نحيبه
بعيني كلشي شفته مات. وياهه عندي ذكريات
بروحي ضلت تستعر نار المصيبه

تمدد يم كبرهه وصبن ادموعه
ويدري الحسره حيدر يمه مسموعه
جروح البيج تاذيني
فديتك عمري وسنيني. يزهراء

---

امشي وتعثر وطيح. ياحبيبت كلبي اصيح
رحتي عني وانه ضليت بحسرتي
بعد ماضل بيه حيل. منحني وحملي ثجيل
راحت الزهراء مني يا غربتي
بضلعي بسمارج احس. كمت اجر كوه النفس
وبرحيلج جم ضلع بيه كسرتي
صحت ياموت الخذاج. كون اموت انه وراج
غفل يم الحسن مني تفرهديتي

علي تسولف ادموعه من يحاجيه
لو بيده بحياته الزهره يفديه
اموت وياج خليني
فديتج عمري وسنيني. يزهراء

---

روحي تنزفلج حنين. تطشرت مني السنين
مات بستان الورد بعد شيرده
صورتج بعيوني دوم. اعد بليل النجوم
الينكسر كلبه يضل دمعه عله خده
امشي كمت بلاشعور. الدنيه بيه تلف تدور
الماي شيلمه اذا طاح وتبده
هسه من دونج غريب. هل زمن طبعه عجيب
والله صعبه عله البشر لو حفر لحده

علي ضلت ابروحه تستعر ناره
ما ينطيه كلبه يرجع الداره
سهام الهجر ترميني
فديتج عمري وسنيني. يزهراء

---

اشم بتراب الكبر. مابقه عندي صبر
راحت احلامي العشته ويه الزجيه
ياحبيبت كلبي وين. علي بفراكج حزين
احجي بطرواج كل صبح ومسيه
وسفه غطاج التراب. صرتي بعيوني سراب
والكبر انه حفرته بذني اديه
رجعي البيتج تعاي. شوفت اعيونج دواي
انه عشت بهل الزمن اعضم رزيه

كلت هانت عليج شلون عشرتنه
ام الحسن راحت وسفه عافتنه
يبعد كليبي عذريني
فديتج عمري وسنيني. يزهراء

---

ستعجل الموت وخذاج. البيت خالي من ضواج
عفتي زينب حايره بهاي المصايب
ضلت ابدارج تنوح. حايره وبيه الجروح
شافت بهل الزمن يالزهره العجايب
جرحج ابكلبي حبير. صرت بفراكج اسير
مو سهل ياناس عافوني الحبايب
بكلبي مزروع الحنان. انتي الحب والامان
بعد المن اشتكي همي وعاتب

يريت الصاب ضلعج صوب اضلوعي
الحرك بابج يزهره طفه شموعي
نار الهجر تجويني
فديتج عمري وسنيني. يزهراء

---

الخادم
رحيم الصالحي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ما اندل گبرها حتى اجيها
من اتروح سلملي عليها
يامهدي .. يا مهدي

---

اني ما اندل گبرها حتى ازوره
چن جدر ايتام والمدمع يفوره
امنيتي اشوفن گبر امك ولو صوره
گالو يضهره ابو صالح وي ظهوره

عليك الماتت اهناك ابسبيها
من اتروح سلملي عليها
يا مهدي .. يا مهدي

---

ليش من دون البشر مخفي گبرها
ليش ماكو شيعي يندلها ويمرها
وداعتك يالمهدي والرفسه بضهرها
باقي يم حيدر اجي واشتم عطرها

يخنگني النفس واتنخه بيها
من اتروح سلملي عليها
يا مهدي .. يا مهدي

---

المثل امك هسه الاف اليجوها
ويمها اهواي المواكب ينصبوها
لعنة الله عالاجو وكسروها
نعمه نزلت من كفرهم ضيعوها

من الحرگ مچويه اديها
من اتروح سلملي عليها
يا مهدي .. يا مهدي

---

ابليس بعد الحادثه هوه جمعهم
اندفنت الزهراء لاكن بعده غلهم
رادو ايطلعوها بس حيدر منعهم
سل فقاره وراد يروي من رگبهم

هيه وميته رايد يأذيها
من اتروح سلملي عليها
يا مهدي .. يا مهدي

---

بچاه فاطم ربي غايبهم تطلعه
هيچ ادعيلك واني بعيني دمعه
الوضع مر يا سيدي مگدر اجرعه
الوكت نار وخلصاني واني شمعه

شكوه والك رايد اشتكيها
من اتروح سلملي عليها

---

يابو صالح باقي بس انته املنه
اطلع ودور علينه تره ضعنه
ادموع وافراگ وكسر جبنه عمرنه
اهواي يالمهدي وحقك انضلمنه

اغثنا ابداعت السكته بچيها
من اتروح سلملي عليها
يا مهدي .. يا مهدي

الشاعر غضنفر الزيداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
أحضر المجلس وأهِل دمعاتي ..
وألطم على أم الحسن مولاتي ..
………………………….
بمجلس الزهره أون واعلن حداد ..
بالليالي الفاطميه ألبس سواد ..
حزني اكبر من ربيع ومن جماد ..
عالزجيه الطاهره باب المراد ..
ماتقصّر تقضي كل حاجاتي ..
……………………………
الليله عن المرتضى يروح العشك ..
اشلون عن الزهره يكدر يفترك ..
الليله بالعبرات حيدر يختنك ..
تنسمع دكات كلبه من يدك ..
تكول هسه كربن ساعاتي ..
……………………………
عالكبر حيدر يوّن بالمكبره ..
غسّل الزهره بدمع عينه الجره ..
بيده نزّل للكبر أعظم مره ..
دفن كل أحلامه ويه الطاهره ..
الماضي والحاضر رحل والآتي ..
………………………
ثمنطعش شمعه أنطفت لأم الحجاب ..
وصارت الاحلام أوهام وسراب ..
ترف غصن الورد ما يحمل عذاب ..
فاطمه الزهراء خدهه على التراب ..
وظلت تهل الدمع كلماتي ..
……………………….
بحزن يامولاتي نحضر هالعزاء ..
باللطم والنوح وأبيات الرثاء ..
حكهه تبجي عليج أملاك السماء ..
وعلى حسين المنذبح في كربلاء ..
ودمع عيني يحفر بوجناتي ..
…………………………
اليوم كل شيعي موالي منفجع ..
يلطم على الراس ويهل الدمع ..
اليوم دينك يامحمد ينصدع ..
على البضعه الطاهره وكسر الضلع ..
وعلى السطره ياخلك مأساتي ..
………………………………
حيدر مطر العبادي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

راحت امنه اليله * * * علي بايد حيله

امنه راحت من ادينه = وبعد مانلتم سوه
حته قالع باب خيبر = گوه يشتم الهوه
والله كل مايمر اسمچ =طوية الرايه انطوه

گام يحضن بينه * * والدموع ابعينه

والحسن يايمه * * بالمشي يتچيله

يمه هاي الذكريات = شلون يالله ينسن
انتي للخايف أمان = وانتي للتايه وطن
شلون عفتيني وحيده = وعفتي الحسين وحسن

منهو اليداريني * * وانه خمسه اسنيني

علي من ينظرلي * * بالبواچي اشكيله

بويه ياحيدر سألته = ياهو فرق هالجمع
باوع اعله الباب لكن =ضل يسولف بس دمع
هوه هاذه الكسر گلبي= وكسر للزهره ضلع

والزمور انجمعت * * ونولت ماطلعت

وره الحايط لاذت * * لچن باب اثگيله

محسن الماعاش لحظه = وانه اخيته مناطره
رته وي احسين باچر = بالطفوف ايناصره
شلون بين الناس غربه = زينب أتضل حايره

حاسبه ايحاميني * * لو سمع بونيني

چنت اضن المحسن * *يحضر ويالميله

راح انادي بيوم عاشر = يمه انظري الحالي
شوفي يمه ابين غربه = بكربله ا شيجرالي
راح اضل زينب وحيده = وابد مامش والي

عل هزل يحدونه * * للغرب يردونه

والحسين اموسد ** محد اليمشيله

كرار العطوي السماوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ما ننسه مصابچ يالزهرة
*
يبــــدي الأرهـــاب مــن الأول
وي ما مــات الهـــادي تبـــدل
شمسويـــة الزهــراء وتُقتَــــل
عليهم يشـــــهد دم الســـــطرة
*
منهم لســــه الديــن يعـــــاني
الطَيَـح محســـن هوه الجــاني
كلهــــا مـن الأول والثــــاني
من بدؤهــــا بقتـــل الزهــرة
*
همـــه الماحفظــو أي حُرمـه
همــــه الخانو هـــاي الأمـــة
عِلـــه على الأســـلام ونقمـــة
عليمن ظلــع الزهرة تكســـرة
*
ذولاك أول من تجـــــــــــــاسر
من العتـــرة كلشـــي تصــــادر
ما مدفــــون الهــــادي التقهر
منهم حتــــى الديـــن اتبــــره
*
شكَــد ماتت نـــاس بذمتــــهم
كل دمنـــه الســــال بركَبتـــهم
من شـــــالو داعش رايتــــهم
رادو تتــــهدم كــل حضـــــرة
*
چــــي مبــدأهم مبـــــدأ باطـل
حتــى العـــالِم عدهم جـــاهل
موت بحب العتــــرة وقــــاتل
هنيـــــاله الينطيــهم عمـــــرة
*
لـــو فعــــلاً دين الله تحبـــــه
چـــا حيدر مــا شلـــعو كَلبــه
عليهم راح شيحچـــي لربـــه
راحت تشــــهد حتى الطبـــرة
*
اشتركو حتــى حسين بدمـــــة
حركَو بالطـــف همـــه اخيمــة
منهم لســـه علينــــه الهجمـــة
يمته القــــائم يخلص صبــــرة
*
باچــــــر حكَها المهدي يــرده
قــــاتل فاطــــم ينعـــــل جـــده
من يكَـــدر يشــــرد من عنــده
ويطَـلــــع المجرم مــن كَبــــرة
*
حيدر حسين الكَرعاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ودوّني الگبرها الساعه ودوّني
يلدفنتو الزچيه اوياها ادفنوني

---

ما ترضه تنام امعوده اعليها
يم افراشها گعدت تحاچيها
يمه اعيوني تعبت من بواچيها
سكنتي المگبره . والمگبره اشبيها
تعاليلي تراهن اعشن اعيوني

---

روحي فرفحت والفرگه تاذيها
مابيها يزهره اتنوح ما بيها
تعالي الزينبچ يا يمه شوفيها
ونين الليل هل غير معانيها
وغدو اهلي ييمه ما يعرفوني

---

من حجره لحجره اسحل اجدامي
ادور اعليچ يمه نحلن اعظامي
وحگ ضلعچ يروحي او خدج الدامي
مثل ايوب وازيد صارن الامي
كل اهل السلف عجزو يداووني

---

مثل يعگوب وازيد صارت العبره
كل جرة نفس يايمه اجر حسره
گلبي لو جبل هم هجرچ ايفسره
صرت كل ساعه اموتن يمه يلزهره
وكل شهگة اختنگ واصفر صبح لوني

---

عليه الليل چلچل وانتي مو يمي
بس الذكريات او بس عبات امي
اشمها او ريحتچ هل زودت همي
صرت اوگف واطيح اتعثر ابجدمي
واليمي ثكاله او ما يعينوني

---

امن اگع محد يگلي عگبچ اسم الله
ياخذ عمري هساعه يريته الله
ولا شوفنّه منچ خالي المصله
شلي ابدنياي يمه شلّي بالضله
من دنيه الخذتّچ خابت اضنوني

---

ابو فاطمة الطائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
يل ابعمر الورد ليش الورد تحت الوطيه
چـا الـمـن ارد يوم انـهـظـم بـالـغاضريـه
اريدج باچر اوياي ….. ندوّر للحرم ماي
بالغاضريه بالغاضريه

---

ادري بالورده عطرها ايطيب الروح
مو للجروح .. يمه يمه
اثمنعطعش غصنچ ولاكن عوده مكسور
ساكن اگبور .. اشلون اشمه

يريحانه او چنت كل يوم اشمنها
يريح الجنه يلما ينشبع منها
عصروها او غده ايفت الگلب ونها
آ يلباب والبسمار كل اضنوني خيبنها

چنت احسب انه الطف كربله نمشي سويه
هـودج يـنـّصـب يـايـمـه الـچ هـودج الـيــّه
كل ادروبنه افياي .. اندور للحرم ماي
بالغاضريه بالغاصريه

---

أمي يا بضعة محمد جرحي ماطاب
جوّه التراب .. اموسدينه
واني بالحسبات گلبي منترس شيب
يمته وايطيب .. يل حنينه

او شيطيبه دليله الفاگد الزهره
ابكل شهگة نفس يمه اجر حسره
وآنه ابعيني مضمومه الف ذكره
بين الباب والبسمار والسطره

كلما غمضت عيني اسمعت : فضه اسنديني
يـرن بذنـي بـقـه صوت الالـم ذبـحو جنينـي
اصبح بالگلب داي .. اندور للحرم ماي
بالغاضريه بالغاصريه

---

امصيبتچ يمه عظيمه اتشيب الراس
تقبض انفاس .. چن منيه
بس ييمه من وگعتي يمچ احباب
وكت لمصاب .. يل زچيه

لچن آنه ييمه انولي الوحدي
لا خوان يمي او لا ولد عندي
اركض بالمعاره او دمعتي ابخدي
او عطشانه وجمر يتلاهب ابچبدي

ها يام الحسن ذاك الوكت يمـي اريدچ
واسياط الشمر عن المتن تشگفها ايدچ
تراها توجع هواي …. اندور للحرم ماي
بالغاضريه بالغاصريه

---

يمه بالطف يمي اريدچ لا تموتين
يا ضوه العين .. يمه اگعدي

باچر احسينچ تدوسه ازلام واخيول
گلبي شيگول .. وآنه وحدي

تعنيني اريدچ لو طلب شربه
نركض للنهر واندور الجربه
بلكت بيها چف أميه وانشربه
گبل ما يوصله الذباح ويگلبه

بـلكـت للـخيم نـگدر سوه انشيله يزهره
من گبل الشمر لا يوصله اويگطعله نحره
تبرد نارها احشاي …. اندور للحرم ماي
بالغاضريه بالغاصريه

---

يمه ادري حيل يوجع كسر الضلوع
گلبچ ايلوع .. امن الاذيه

بس يزهره گلبي خايف ارحمي ابچاي
ابقي وياي .. بس مسيه

مسية العاشر ابدن لا تتركيني
لا كفال لا زلمه اليحاميني
الما شافت خيالي اتضل ترابيني
عينيني ييمه او لا تعوفيني

وابوكت المسا انلم النسا او نگعد سويه
ولاجل المنذبـح والعـل نهر نعقـد عزيـه
واندب ها يحماي .. اندور للحرم ماي
بالغاضريه بالغاصريه

---

يمه ماكو اجواب منچ كلميني
ارحميني . يل حبيبه
يمه شنهي الراي يمه لو سبوني
باصريني . ابهل مصيبه

كلفه اعليه يا يمه يگودوني
او من ديره لعد ديره يودوني
اطب ديوان وابنصهم يوگفوني
وعل عباس شماتي ينشدوني

اهـنا يـل والده ارد انشدچ عن هـلـمصيبه
هم ينفع دوه او وين الدوه وامنين اجيبه ؟؟
يمه شنهو الراي .. اندور للحرم ماي
بالغاضريه بالغاصريه

---

ابو فاطمة الطائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يا زهرا يا زهرا يفاطمه
يا زهرا يا زهرا يفاطمه

---

أبدماءِ المناحر اقمنه الشعائر
يزهرا او نفاخر خدامج احنه

رغم عل خلافه والتگول خرافه
اليخدمچ هتافه زهرتنه جنه

ميهمنه الذي ايگول بدعه رافضيه
عدنه الدنيا والدين حبچ يل زچيه
نشري بغلى الاثمان ليله فاطميه
بيها اتهز الاكوان صرخه حيدريه :

ثاراتچ ثاراتچ نطلب دمه
يا زهرا يا زهرا يفاطمه

---

مناخذ مناصب لردنه مراتب
بعنادك يناصب فوگ اعتلينه

عدونه ابسعيره صُبحنه عشيره
او عليها الاميره انتي علينه

ابغيضه الناصبي ايموت بعناده ارتفعنه
اكبار او ما نطخ راس بس يمچ ركعنه
والله لولا الضلوع ما يهمل دمعنه
او هاذه امن الله تشريف ان حبچ جمعنه

يجمعنه يجمعنه برض وسمه
يا زهرا يا زهرا يفاطمه

---

ينور الجلاله يوجهه تعالى
يبدرن تلاله ضوه الوسيعه

خدمتج شرفه فخرنه او ذخرنه
عبيدچ وگفنه امرچ نطيعه

كلمن بالخدم حاد سيفه وي يراعه
حاظر يبذل الروح واعيونه ابقناعه
او ميعوفچ يزهراء لو ضل عمره ساعه
اُمري اوما تسمعين بس سمعن وطاعه

خدامچ خدامچ يعالمه
يا زهرا يا زهرا يفاطمه

---

يل اسمچ هوانه يل اسمچ دوانه
يل اسمچ حصانه من الغوايه

يبلسم ينبعه يحسره يدمعه
يعصره يصفعه لجل الولايه

لاسمچ عمري منذور خادم هل شعائر
مرات آنه لطام مره اصعد منابر
لو اقره عل ضلوع لو جابر يجابر
لو شايل بدي ماي وارويها الحناجر

واجروحي واجروحي تشكي الضمه
يا زهرا يا زهرا يفاطمه

---

يبيت القصيده الأعيده واعيده
مناي الاريده بس نضرتچ

اعطفي عليه يزهره الزچيه
واترسي اديه من حضرتچ

اخذي ابايدي للنوح خل اشبع مناحه
خل ابچي عل ضلوع ليل الله او صباحه
خلي ابصدري بسمار والآمه اوجراحه
لن هيه المواسات مو شعر او فصاحه

خل روحي خل روحي متألمه
يا زهرا يا زهرا يفاطمه

---

بدينچ حياتي يكل امنياتي
من اتحين وفاتي اتعني الي

احضري عبدكم تعرفيه يودكم
تصد عينه الكم انتي او علي

غيرچ ها يزهراء ما عندي وسيله
اعليچ اقسك بالحسين وابنيته العليله
حضريني تره الموت ساعاته ثجيله
واعفي عني تقصير وادموعي القليله

بس انتي بس انتي هل غانمه
يا زهرا يا زهرا يفاطمه

---

ابو فاطمة الطائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
شوط كربلائي للزهراء عليها السلام

سلام الله اعله ابوالحسنين سلام الله على صبره
مدري اشصاير ابحاله يوم الماتت الزهره

---

وين الگه يروحي اليوم شاعر واسع اخياله
يوصّف حيدره ابيا حال فاطم ماتت اگباله
يوم الطايح ابسدها او دمعة عينه هماله

يحركها او يحاچيها
بلكت لن نفس بيها
يگلها العين افتحيها
فاطم كلّميني ارجوچ هاي السكته چتاله

---

علي الكل عمره ما واگع وگع ياشيعه هستوه
يويلي ومن نظر خدها غده ايجر النفس گوه
يحط ايده اعله خاصرته اوفرفح مثل المچوه

شاف ابعينه اثر سطره
تحدّب وانحنه ظهره
اويلي اعليچ يل زهره
ناداها ابرفيع الصوت وصوته بالعرش دوّه

---

يگللها او يهل العين ودمعه امخضب الشيبه
من شفته زراگ الخد عرفت اعليمن امشيبه
عرفت اعليمن اتدنگين لو شفتيني ي احبيبه

يماي امن ايدي اتبده
علي من عگبچ اشعنده
زماني الراح شيرده
هم ترجع ليالي اصباي واشوفچ مني اگريبه

---

گام ايجهز الزهراء او حيدر ذاكه مو حيدر
علي ينعه او يدير الماي فوگ الطاهره الكوثر
او لن ايده تمر يا ناس فوگ الضلع المكسر

أحّا ريته ما جاسه
گعد وامدنگ الراسه
بچه الحد گطعة انفاسه
ابعلو حسه يزهره ايصيح چبدي گام يتفسر

---

من جهزها ذاك الليل ناده ابعبره مبحوحه
حسن يحسين يازينب ودعو امكم المذبوحه
لن كل فرد من عدهم فوگ الزهره ذب روحه

مثل طير الگِطه التمو
ابخدها اوأيدها اشتمو
فوگ اوجوههم لطمو
احسين ايشم جدم امه اوحيدر هاجن اجروحه

---

اوشيعها ابتوالي الليل لاكن بالمشي اتعثر
داحي الباب يا شيعه يشيل الزهره ما يگدر
واهي چنها غصن ذبلان من گد العصر اصفر

اجدامه ما يعيننه
علي شايل جبل چنه
كل خطوه يجر ونه
اموات المگابر حيث صارت تبچي عل منظر

---

علي جهز لحدها او راد للزهره يوسدها
يحطها اعله التراب اشلون وازرگ ملتهب خدها
حط ايده اعله خده او صار بدموعه يناشدها

يروحي المَشبعت منچ
اگعدي ارد انشدنچ
يزهره اشلون اوسدنچ
اخافن الچم اجروحچ والالام اجددها

---

وسدها اللحد بهداي وآخر نظره صدلها
يبعد العافيه الله اوياچ يلزهره يگللها
وگام ابهل تراب ايهيل وللتربه يكلمها

زهرتي لا تلچميها
تره كل حيل مابيها
كسر الضلع ماذيها
ذبّـلـهـا الالـم يـتراب ازيـد لا تـذبـلـها

---

ابو فاطمة الطائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

نعي
السيده زينب ع اتسولف للعباس ع
قصة حادثت الباب

گعد عباس يمي وسولفتله
ويبن والدي المهيوب گتله
امصاب الضلع گبلك حملته
وشفت الطهر دمعتهه سگته
————–————-*

دنگ ونهضم راعي المحنه
ودمعات الگمر بالخد چونه
اسولفله ويجر عباس ونه
وگالالي الدفعه احچيلي عنه
—————-————-*

گلتله بحالت الزهره وخبرهه
اجه الملعون وبخدهه سطرهه
وبين الباب والحايط عصرهه
والضلوع من امي كسرهه
————–————–*

صاح الگمر وبصيحه شديده
تمنيت النذل وكتي يعيده
والطك الزچيه اگطع أيده
وخل الگوم يا زينب تفيده
—————–————*
✍بقلم خادم الزهراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

(ياعلي)

وصـاني الـنبـي وگـال أصــبـر لـو نذل عـال

           عـالأذيـه           عـالـرزيـه
                  أصـبـر أصـبـر

———————————————*

صـابــر وحـافظ وصـيتـي مـن مـحـمـد
سـمـعو انـذال الـصـحـابـه وعـبرو الـحد
مـارفـعت السيـف لـحـظـه ربـي يـشـهـد
والله لـو سـلـيت سـيـفـي الـدنـيه تـرتـد

أحَچـي وگـلبـي مجـروح فـاطـم لازم اتـروح

————————–———————*

بـعـيـني صـديت وأشـاهـد بـابـي تـدفـع
يـجـرح بـگلبـي حـچـيهـم وانـي أسـمـع
يـاعـلـي صــاحــوا عـلـيـه اطـلـع اطـلـع
بــايــع الأول خــلـيـفــه حــتـى نــرجـع

أحَـمـل دفـعت الباب وكشـف زيـف الاصـحـاب

————————————————-*

وصلو اصـحـاب السقيفـه وگـلبـي شيّـب
بـنـار الاحـقــاد وفــعـلـهـم داري تـلــهــب
بـضعت الـهـادي نـسـوهـه هـاي الاعـجـب
والحسن وحسين يـمـهـه وبـنـتـي زيـنـب

وانه بصبري مچتوف الوصيه مقيده الچفوف

————————–———————*

صـعبـه وگبـالي الـمنافـق هيچي يـجسَر
شـايــل الـنــار ويـصـيّـح ويـنـه حـيــدر
وآنـه مـاچنـي الصميـده ومـوت الاحـمر
الـخـاطـر الـديـن ومـحـمـد اصـبـر أكـثر

عـيـني اتشـاهد النـار وداري اتـحيـط الاشـرار

————————-———————*

الــوصــل داري وأجــاهـه بــيّــه يــدري
الـهـادي ما اخـلف كـلامـه وثـابت أمـري
صابـر وعـندي وصيـه ومـحـني ظـهـري
تـشـبـه بـنـار الــوديــعـة نــاري تـســري

حزني بصدري مرهون اشكي السيد الكون

————————-———————*

سـاكـت وگـام الـمـنافـق يـمـي يهـتف
الچـان يسـمـع بالصميده وكـله يرجـف
عـن نـوايـاه الخـبـيـثـه فـعلـه يكـشـف
واني مـحكـوم بـوصـيـه وروحي تنزف

اخلـف وعـدي ميـصير ونطي الفرصه للـغير

———————————————-*

✍خـادم الزهراء (ع)
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
((من الله قدسيتچ))

من الله قدسيتچ ويله الحرك بيتچ

      قـــرئاني  اسمچ    فاطمه       
     بدموعي اخدمچ    فاطمه

              *---------------*---------------*

يــــا آيتي الاقراچ بالخدمه دوم وياچ
يوم الحشر بحماچ يالزهره من حباچ

      كل عمري يمچ     فاطمه

       *---------------*---------------*

خدمتچ اصل الدين قد افلح الباكيـــــن
سجليني يم حسين بالخدمة قرت عين

         نفسي الاشمچ     فاطمه

              *---------------*---------------*

خادمچ حيل چبير تحته الملوك تصير
يا ايـــــة التطهير بسمچ حله التعبيـر

         بعيوني رسمچ     فاطمه

              *---------------*---------------*

عالصدر هذا أوسام خـــادم مع الخـدام
كـل عمري والايـام ناذرهه الچ ما هام

           فاز اليفهمچ     فاطمه

              *---------------*---------------*

حزنچ يعيش وياي يا غايتـــي بدنيــاي
خــادم والچ وفّـاي تاجي المجالس هاي

       باحزاني اكلمچ     فاطمه

              *---------------*---------------*

عاذرهم اليحچــون مولاتي ما يدرون
اصل المحبه أجنون و الحاربـچ ملعون

       ما يسوه جدمچ     فاطمه

              *---------------*---------------*

بدموعي احس الـنـار من اذكر البسمار
و اللــي حركهــه الدار ما تنفع الاعذار

         ويله اليهضمچ     فاطمه

              *---------------*---------------*

✍بقلم خادم الزهراء ع
الشاعر رعد الچريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

((راحت امي))

مـا بــقـــه عــنــدي أمــان
وادري يـجرحنـي الـزمـان

راحـت امـي راحـت امـي

————–————-*

راحـت وبـيّـن عـلـيّــه الـخـوف والـهَـم
وابتدّت رحـلـت عذابـي وحزنـي خـيّـم
ضـلـت ابعيني صورهـه العصـره والـدم
الـدمـع يـجـري واگـولـن بـلـگـت احـلـم

صـارت الـدنـيـا ظـلام
تـركـت ابـروحي هيـام

—————————–*

ادخـل الحـجـره ورسمهه البالـي يـرجـع
ما اشـوف الـزهـره بيهه ابـدمـعـه اطلـع
بصغري فـارگـت الوديعـه صعـبـه اقـنـع
كلمة الـيُـمـه أشيردهـه ومـنـهـه اسـمـع

يُــمــه اتــمـنــه اگــول
مـاتـت ابموت الـبـتـول

————-————–*

ابــحـلــم اتــمــر ثــوانـي يـمـتــه وتــرد
ما حسبت حساب امـي بـلـحـظـه تبـعـد
يـجرح الـلـيـل وظـلامـه الـوحـدي اگـعـد
يـاهـو الـيـعـطـف عـلـيّـه وياهـو يـنـشـد

عـاشـت بـگلـبـي الجروح
فـجـئـه خـلـتـنـي واتـروح

———————————*

بجرحي عافتني الـزچـيـه وعيني تهمـل
ويـن اشوفـنهـه واگـلهـه الـفـرگـه تـكـتل
والله ما عيش ابـجـفـاهـه واگـدر احـمـل
غـابـت الـچـانـت تـلـمـنـه وخيـمـه للـكـل

احسب احساب البعيد
والـحـزن بــيّــه يـِزيـد

———————————–*

عـاشـرت صـوت المناحه ودمعه الـخد
ذكـره خـلتلي الزچـيـه الـثـوب الاسـود
اصـبـر اشـلـون وألـمـهـه عـابــر الـحَـد
جـمـرة احزاني وعذابي صـعـبـه تـبـرد

شـيّـب اجفوني الحنين
مـظلـم الـبـيـت وحزيّن

———————————*

بـزهرة اسنيني وعگبهه گلبي شيّب
احـلـم اتـنـاديـني مـره يُـمـه زيـنـب
لشوكت ابقه ابحسرتي وناري تلهب
الـتـروح اُمّـه يـوادم حـقـه يـنـحـب

خلصت ايـامـي عـذاب
احمـل اشلـون المصاب

—————–—————-*

✍خادم الزهراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ابوذيه خطاب للأمام المهدي (عج)

مـصـيـبـة فـاطـمـة إعـلـنـهـا.. وبنها
يـمـهـدي أشـحـال مـابـيـنـك.. وبنها
تـعـال وشـــوف عــصــرتـهـا.. وبنها

گـبـل يـومـه غـفـه بحـضـن المـنـيـه

——————-—————-*
✍خـادم الـزهـراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
بحق ام ابيها صاحبة الضلع المكسور

شـفـت ضـيـم واذيــه عـگـب سـيـد الـبـريــه

        واويـــــلاه ... خـدي انسطر   
        واويـــــلاه ... ضلعي انكسر

           *---------------*---------------*

دنـيـا وبــالــمــحــن تـخـلـص.. مردهه
عـصـرنـي الـبـاب وضـلـوعـي.. مردهه
الـعـصـابـه اتجاسرت واخذت.. مردهه

اكـسـروا ضـلـعـي وأثـر سـوط بـإديــه

           *---------------*---------------*

شـعـل نــار الـفـتـن خـصـمــه.. واثرهه
وطـاح ولــيــدي عــالــغــبــره.. واثرهه
يــريــت يْـشـاهـد الــســطــره.. واثرهه

واخـبـره شـلـون جــازوهــه الـوصــيـه

           *---------------*---------------*

يـــوم الــغــاب ضــي وجــهــك.. وناره
إجــانــي الـظــالــم بــســوطــه.. وناره
دفـعـنـي وهـشّـمـــه الــصــدري.. وناره

طــفــلــي الـهـزّتــه چْـفـوف الـمـنــيــه

           *---------------*---------------*

دهـــري مــشــرّع ســيــوفــه.. وحدهه
وتـچـتّـف حِـيـد خـنـدقــهــه.. وحدهه
آنــــــه فــاطــمــه الــضــلّــت.. وحدهه

أحــشّــمّــن بـــعـــد يـــفـــزع إلـــيـــــه

              *---------------*---------------*

فِـتـه بـظـلـمـي الـدهـر حكمه.. وشفته
دفـع بــابــي الــرجـس بـيـده.. وشفته
مــحــســن غــابــت انــــواره.. وشفته

مـثـل ورده اذبـلـت غــصــبــاً عــلــيــه

              *---------------*---------------*

عــلــي الــفـــر الـفـلـك بــيــده.. وداره
وبــس هــو الــعــرف قــــدري.. وداره
بـجـلـوسـه هــشـمـوا صـــدري.. وداره

حــرگــهــه الــمــاعــرف ربــه ونـبـيــه

           *---------------*---------------*

تــسـائــلـنــي غــدت روحــي.. واسلهه
بــعــد بــيــمــن اضــمــدهـــه.. واسلهه
دمــعــتــي مــن ارخــصــهــه.. واسلهه

يـمـنـعـونـي الــصـحـابــه الـنـاصـبـيـــه

           *---------------*---------------*

✍بقلم خادم الزهراء ع
الشاعر رعد الچريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يازهراء

بـاب الــمــايـرد مــحـتـاج
ويـنطي النـاس الـتگصده

خلـفـه الـزهـره عـصـروهـه
اصـحــاب الـنــبـي بــعــده

ويــن الـــمـــاعــرف ربـــه
اويــن الــخــايـن بـوعـده

يــوصــل وردت الـحـمـن
وتــمــاده وعـــبــر حــده

الـبـاب انـدفــع يـاحـيـف
بــچـف الـديـن مـاعـنـده

بـدل مـايـلــزم اعــتـابــه
ويـبـوسـه ويـحـط خـده

شـب الــنــار بــفــعــالــه
وحـيـل اجـاسر بـحـقـده

رفسـهـه الـنـاكـر الـنعـمـه
وخـلـه الـخـيــر يـتـبـده

مـا ادري اللعين اشـبـيـه
يـكـسـر خــاطـر الـورده

اكـيـد اعيونه عـميـانـات
وچانـت بـالـحـقـد رمـده

——————–——————-*
✍خـادم الـزهراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
(يمظلومه)

يـمـظـلـومــه يــمـظـلـومـه
روحي اعـلـيـچ مـلـچـومـه

——————–——————-*

بـابـچ حـرگـتـه الـزمــره
عـيـنـچ تـنـزف وحـمـره
رحـتي وبالـضلـع كـسـره

الـيـلـطـم يـاهـو ايـلـومـه

——————————————*

انـتـي رحـمـت الـرحـمــه
اجـوچ ورفسـوا الـنـعـمـه
يالـزهــره الـحـقـد أعـمــه

عِـمـه الاصحـاب بسمومـه

—————————————-*

هـاي الـكـلـمـه احـچـيـهـه
خــل الـجــامـلـو بــيــهــه
دارچ هـجـمــو اعــلـيـهــه

رحـتـي بحسره مهضـومـه

———————–——————-*

الگـالـوا لـلـنـبـي صـحـبه
مـنـهـم حـالـتـچ صـعـبـه
واحـــد مــا عــبــد ربـــه

اشلون اصحـاب ميشومـه

—————————————–*

ويـن الـرحـمـه مـا عـنـده
حـــد الــخــالــق اتــعــده
الما يـفـهـم شـنـو الـورده

الرحمـه ابصدره معدومـه

—————————————–*

حـالچ يـصـعب بـشـرحـه
ومحسن مـا بـرد جـرحـه
بــيّــه غــابــت الـفــرحـه

ضـلـعـچ اذكــر ادمـومــه

———————-——————*

وحـگ الــرافـع الـسـبـعـه
اضـلـن الـلـطــم وانـعــه
خـدي امـعـاشـر الـدمـعـه

واعيش ابحزنچ اويـومـه

—————————————–*

✍خادم الزهراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
. . حادثت الدار

الظالم شـــفـــــتــــه ابــاب الـــــــــــدار
أمـــــــــــر عبده وصـــــــار الصـــــــــار

هـــشـّـــم ضــلـعــي ورخّــــص دمـــعــي

         *---------------*---------------*

     ذبـــل  عمري مثل ما تذبل الورده
     مــــن شفت العيّن اجاسر ابحقده
     حرگ داري وحـدود الخالق اتعده
     اجاني الموت لحضات الامر عبده

  أشــــــــر بيده لــــصـــــــــــــوب الباب     
 صــــــــوب صـــــــــدري شلون اصواب

غــــيـّــر وضـــعـــي ورخّــــص دمـــعــي

         *---------------*---------------*

   هشم صدري بعصرته المالــه امروه
   صب حقده عليه وسوه مــــــا سوه
   سبب طيحت جنيني وكسّرتي هوه
   اول مــــــــن ضلمني وأصدر الفتوه

 جــــــــــــــرح گلبي شلون اجــــــــروح  
 اتحول عمري بـــــــــــون ونــــــــــــوح

گــال انـــفــجــعـــي ورخّــــص دمـــعــي

         *---------------*---------------*

  وكف وكفت غضب عالبابي يا شيعه
  ويصيح اليوم لازم آخــــــــــذ البيعه
  يا ويله يگول الأمـــــــــــري ميطيعه
  حــــــرگ بيت الرساله ودين تشريعه

 جـــــــــــــايــــــــــــب ناره وكله احقاد   
 روّع گلبي وحـــــــــــــزنـــــــــــي ازداد

خــلانـــي انــــعـــي ورخّــــص دمـــعــي

         *---------------*---------------*

    بعد هذا الجرالي وصدري والعصره
    أذتنه يگول امــــــــن البچي الزهره
    راد ايغطي فعله وينستر امـــــــــره
    وانـه ابدمعي عشت بالوعه والعبره

 بيتي اتسمه بـــــــــيـــــــــت احــــــزان  
 سبّب نــــــوحــــــي وهالاشــــــجـــــان

شــافــانــي ادعـــي ورخّــــص دمـــعــي

         *---------------*---------------*

  بقيت ابحالـــه صعبه ودمعه مذروفه
  انه الزهره وشمس فرحاتي مكسوفه
  استرت كسر الضلــع لا حيدر ايشوفه
  الهشم صدري وضلمني والله ماعوفه

 عــــــــــــــذب حتى البالأرحـــــــــــــام  
 هـــــــــاجــــــــم بابي ويعصر گــــــــام

للشر يـــــســــعــــي ورخّــــص دمـــعــي

         *---------------*---------------*

     أوكْفه هناك باجـر واشرح الحاله
     اذكره بجرمه هذا وقسوت افعاله
     واخبره بيا ذنب دمعاتي همالـــه
     شنو ذنبي وجنيني ايغيب هلاله

 ياخذ حـــــــــقـــــــــي الـــــــرب اهناك   
 كتله ونــــــوكــــــف انــــــــي ويــــــاك

حـــــقــــي الشرعي ورخّــــص دمـــعــي

           *---------------*---------------*

✍ بقلم خادم الزهراء ع
الشاعر رعد الچريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
أفضل مره ابذاك العَصَـر … ابتقواها والزهد وصَبُر
اصيلة وهم وفيــة ~ سُمانه المغربيــة  رافَـﮔـِتْ اثنين ايمَّـــه الهادي والبعل الجـــــوادْ حصلت منهم كرامــه وبـــاب صارت للمـــــرادْ وبالعلم وصلت مراحل وآخــر الرحلة اجتهـــادْ وارتقت باروع شهادة ابمرتبت ارقى جهــــــادْ ابحسن التَبَعِّــل صالِحــة … ما عدهه غاية ومصلحــة الأئمَّتـنه تِـﭼـيـــــــه ~ سُمانه المغربيــة

سوسن اينادوهه ﮔـالوا لو جُمانه ابهالاســــم
السيدة هذا لقبـــهه يا كفو منهه ونِعــــــــــــمْ
ابحث ابسيرتهه دقّــــقْ هالمرة مثل النجــــــمْ
قدِّمَــت وانطَـــت عُمرهه لآل طه ابكل عَــــزمْ
عدهــــه العبــــاده الدايمـــه … لو ساجده لو صايمـــه
عطر من الزﭼـــيه ~ سُمانه المغربيــة  ﭼـانوا ايكنــــــــون بيهـــه الطاهــره ام الفضـــــــلْ بس عكس ضرتهه ذيـﭼـه الـﭼـان ابوهه اشكد نـذلْ والفرق واضح يوادم والعقــــــــل ينطـــــي العـــــللْ عالجـــواد اتحامي وحـــده ووحده بيديهه انـﭼِتَـــــلْ للحـﮒ بُقَــــتْ مُسانِــــده … سُمانـه زوجه ووالِدَه ما باعَــت القضيـــــة ~ سُمانه المغربيــة

عاشــت وماتَـــتْ وفيّـــه، والزمن شاهـد بُـقـــه
ربَّك الباري جِعلهـــــــه، للحـقيقـة صادقــــــــــه
عنهه راوين الايمَّـــــــه ايوصفوهه بالثــقـــــــــه
انبِنَـتْ يمهه الرسالــه وضل اسمهه الشاهقـــــــه
اعتب على أهل الفكـــر … قلَّة اسمهه ينذكــــر
ذكروهه بالعزيـــــة ~~~ سُمانه المغربيــة

لخادم اهل البيت: كرار الحسينات الكربلائي
//م – الخميس

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴استشهاد الزهراء ع

محتاره بروحي ومحتاره ابأبني
اشما ادفع روحي والباب ايردني
حاولت اشگد
كل حيلي انهد
++++++++++
قبل ما يلتقي المسمار بضلوعي
محسن والحجاب وستري موضوعي
ابذلت مجهودي كله ونزلت ادموعي
الوع ابسكته ما واحد سمع لوعي

اشد الايد.لچن شيفيد
عالباب ابرفسته ايزيد

تطلع اتمنه وما طلعت روحي
مو عيني وضلعي اكثرها جروحي
ايسبني اتعمد
كل حيلي انهد
++++++++++
بين العصره والدخانه والخنگه
ادور عالهوى وما تحصل الشهگه
بقت فتره عليه بابي والطبگه
امد ايدي اعله تچوه بصفي ما الگه

ولهيب النار .اعله وجهي وحار.
وين انطي الوجه احتار

بيتي ومحتاره وما اندل دربي
تطلع لحگوني من دگت گلبي
ماجاني احد
كل حيلي انهد
++++++++++
اكثر من وگعتي اتألم النهضه
بسطرته ادموعي عالجدران تتشضه
اصيح وصوتي من النشغه بي كضه
طلعت گوه بس لحگيني يافضه

تعالي بساع.كسيره اضلاع
ضاع اوليدي محسن ضاع

مافكني بسوطه هم رد يضربني
انهض بالگوه وللگاع ايذبني
صحته وما رد
كل حيلي انهد
+++++++++
سطرو عيني وبعيني الوكت ظلمه
الخنگه والهوى البالگوه اشتمه
صوت اسمعته وينچ فاطمه يمه
زينب والحسن وحسين اجه ابهمه

شبگ ليدين .عليه حسين.
وين ايگلي جرحچ وين

گتله انته اكبرها جروحي وآلامي
يومك عن يومي يفرق يالضامي
الزينب من صد
كل حيلي انهد
+++++++++
عليه التمو اولادي يحاموني
شگف السوط لا يوصل عله متوني
وهگ بيهم ضرب يايمه نادوني
من وگعوا عليه بضلعي لچموني

اون بهداي.وجروحي اهواي
اضمه وما طلبت الماي

اعطش واتحمل واتذكر خيمه
محترگه وزينب تركض بالهميه
وكلشي اتفرهد
كل حيلي انهد

ثائر الربيعي
ــــــــــــــــــــــــــــــــــــــــــــــــــــــــ

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
((الزهره تدعي))

النــــاس ملتهيه وثگيل اكوارها
وبالقنوت الزهره تدعي الجارها

            """""""""""""""""""""""""""""""""""''''''''''''

الحــدها والرحمه تبطل دورها
والكـــــتب ختسولف بمأثورها
بـــــــالكرم لحـد يهمش دورها
الحسن جابته وچبيره ادوارها

            """""""""""""""""""""""""""""""""""''''''''''''

بالكـــــــرم محد تــدنا الحالها
اليمنه ماتـدري بعطاء أشمالها
رزق هاي الدنيا من افضـــالها
الشمس تاخذ نور من انوارها

            """""""""""""""""""""""""""""""""""''''''''''''

نـــــور الله واضــــــح بتبيانه
حجاب الله ونضرته ولســانه
هيه من الله وركـــــنها اركانه
فاطمه سر وعضيمه اسرارها

            """""""""""""""""""""""""""""""""""''''''''''''

فاطمه المكــنونه من انواره
الهدم بيت الزهره هَدَم داره
الله چان يزوره كــــل زياره
ليش شايل نار گاصـد دارها

            """""""""""""""""""""""""""""""""""''''''''''''

ليش گاصـــد عالزجيه وبيتها
إيدك انشـــلت ولــــك ياريتها
يا رعيع الگـــــوم مالك جيتها
ياشحيح الغيره وأبن أقذارها

            """""""""""""""""""""""""""""""""""''''''''''''

يبن ذيچ الفاجـــــره ومرچابها
يبن ذات الرايه فـــوگ اطنابها
يالعين الدنيا تحـــــرگ بــــابها
وانته متعدي وعبرت اسوارها

عبد زينب
محمد الابراهيمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ((صفن كلشي))

صفن كلشي وسمعت الباب دگوّ
وگلتلهم منـوّ بــــــس همه دفعوّ
شبگني الباب حسيت
وشفت الـــنار بالبيت

            """""""""""""""""""""""""""""""""""''''''''''''

حيــــدر والمصيبه وضلعي والباب
ومحسن والدمع وجروح الحجاب
كلهن ذني بيــــه وگلـــبي مـــرتاب
وين انطي الوجه وبــــآبي طـلاب

يضربوني واگومن واصرخ النار
مــــا اگدر اصيح بروحي بسمار
ويمي أزغاري ونيت
وشفت النار بالبيت

            """""""""""""""""""""""""""""""""""''''''''''''

أتـوچه اعــله ضلعي وانهض النوب
حسين يكض بديه ويبچي مرعوب
يشــهگ بالـــــدمع و رويحته تلوب
من دمعاته حتــــى تـــــــبلل الثوب

أَسَكتْ يــــاهو وبحيدر يجرون
اصيحن فضه ردولي ويضربون
كون المـوت ياريت
وشفت النار بالبيت

            """""""""""""""""""""""""""""""""""''''''''''''

حـــــيدر چــــاتفينه والدمع حار
ومحسن على العتبه وتلهب النار
كلشي احتار بيه وكلشي محــتار
ضلعي يــــــهون بــس المهم كرار

يتعثر واشوف بخده الدموع
چنه يصيحلي يابعد الضلوع
من نظــراته حنيت
وشفت النار بالبيت

            """""""""""""""""""""""""""""""""""''''''''''''

گوه النفس يصعد والحسن مات
شاف بعينه مـن ترسوني طگات
اشيلن ياهو ومخـلصتهه عثرات
اگبال عيوني شگــوها الرسالات

حارت حتى چلمــات التعابير
صلفه عيونهم والبيه شيصير
بيا حــــاله وتعنيت
وشفت النار بالبيت

            """""""""""""""""""""""""""""""""""''''''''''''

رديــــــت بجــرح والگلب ولهان
عفت زينب ونـــص البيت نيران
مو كلشي ضمه يتسمى عطشان
لسان النار هــــــم تشوفه بردان

جَرو مني روحي وامشي بهداي
أنـــه منتضره حيدر نــور عيناي
على جروحي تعديت
شفت النـــــار بالبيت

عبد زينب
محمد الابراهيمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
لاستشهاد فاطمة الزهراء عليها السلام
(كربلائي. ملمع دگات )
بين قوسين فصحى

(لاينتهي هيهات . طول انتحابي)
(حين سعى الطاغوت. في دفع بابي )
★★★★★
لافكر ولاگال. لاحَسَّب احساب
بنت النبي من المختار لاذت وره الباب
من رفسته لليوم. كل كسر ما طاب

(اشكو الى الرحمن. جرح العذابِ)
★★★★★
شعنده جمعها الناس. . ملتمه علدار
البيده حطب ويريد. يحرگها بالنار
من طبعه ياذي الناس لويطلب بثار

(خصم له المختار. يوم الحسابِ)
★★★★★
گمت وطحت من طاح سوطه علمتني
الطول العمر. مذلول. گاصد يذلني
ناسي الفضل والطيب. . بالشر ذكرني

( فَظٌّ شنيع القول. عند الخطابِ )
★★★★★
شيگله للمعبود. يوم القيامه
حگ لوطمع من راد. حگ الزعامه
اصبح خليفه يريد يحكم امامه

( هدد من ناواه ضرب الرقابِ)
★★★★★
تشهد ضلوعي هناك. كسري وعذابي
ودم الجنين الطاح. من دفع بابي
بالحذر للمعبود. . اشكي مصابي

(من ظالم للموت أهدى شبابي)
★★★★★
للوادم أدعي بخير. عد خالق الكون
للرايح وللجاي. من. ونتي يشكون
فگد الأبو چتال. ذوبلي العيون

( أمسى سواد العين رهن الذهابِ )

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

لاستشهاد فاطمة الزهراء عليها السلام

فاطمي نهجي على طول الزمن
فاطمي من المهد حد الچفن
★★★★★
للمنيه هذا نهجي فاطمي
لأشرف اهل الارض روحي تنتمي
لبت نبي الرحمة الكريم الهاشمي
لأم ابيها فاطمة ام الحسن
★★★★★
بدمي يمشي الحزن واصبح مصدره
للوديعه الجره اعليها. ماجره
انصدعت اجبال الارض للطاهره
ومثل كسر اضلوعها من اتكسرن
★★★★★
هذا طبعي وهذاحالي للأبد
للكسيرة ضلع للفگدت ولد
كل فعلهم هذا ناتج عن حسد
عذبوها ومارعوها اهل الفتن
★★★★★
ياعليله المارحل عنها الجرح
وحال مالايگ عليها ولايصح
عذبوها المانفع بيهم نصح
بريح غربه اسنينها اشموع انطفن
★★★★★
محور التكوين هيه فاطمه
وحگ اسم العظمه رب. السمه
فاطمي نهجي وحگ حامي الحمه
فاطمي طبعي ولا اهاب المحن

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ويلي على فگد الزهره. ( جناس)

ويلي علفگدالزهره. گلبك علي شيصبره
ويلي على فگد الزهره

نادته ابخالص ودهه. للگبر روحي ودهه
أصعب نوايب ودهه بالظلع مية كسره

دلاله حيدر منصب والدمع علخد من صب
ماراد منهم منصب. بس راد ضي الگمره

غطت ضواها التربه. الچانت بروحه تربه
عينه الدربها تربه. كل دمعه تنزل جمره

يامن تهدم حيله. أمرك الربك حيله
تدري بطبعهم حيله. وبالغدر عدهم خبره

ناره العدو لوشبها عن معرفه لو شبهه
بهلفعل ياهو ايشبها. وإبليس لازم ظهره

الغاصب ورث عادلها برفس الظلع عادلها
واليدعي. عادلها. منه العدل. يتبره

الشاعر حسن لعيبي الحريشاوي ✍️

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
لاستشهاد الزهراء عليها السلام ( ميمر )

البضعة محمد لوعتي للمحشر
حالي بحزن للدوم مايتغير

الرب السمه من كل ذنب عاصمها
وجنة عدن فوگ الارض راسمها
ريت العمر طول العمر خادمها
وياخدي كون من الدمع يتحفر

اسباب الهدايه فاطمة ومحورها
عنصرها نور الباري من صورها
ويله الكسر گبل الظلع خاطرها
ينصان كون الظلع مويتكسر

ربي الاكوان بقبضته مطويه
ماخلق نور ولاسمه مبنيه
ولاشمس تضوي ولاارض مدحيه
الا لجل بيت الزهر بالكوثر

العابد صنم يا ايه اليفسرها
ويعرف خفايا الدين ويقدرها
ياسر إلهي وين يعرف سرها
ام الحسن كل فكر بيها أتحيَّر

فخر الكمال المقتدر أيَّدها
حجة الخالق والحجج من عدها
فوك العقل من يگدر يحددها
اسرار الزچيه يخوضهن من يگدر

قبل الخليقه اتكونت قبل آدم
يافاطمة فخر النسة بهلعالم
خير أنرفع منصوب لجله مأتم
ياخير مامثله بعد يتكرر

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ايامچ فرضنه فاطمه (وزن المجرشه )

ايامچ فرضنه فاطمه بلاعارض المر بيها
المر ابحياتچ مايمر ولايوم صار أعليها
هذا الوكت چان اختلف
وماصار كل هذا أسف
يافاطمة
★★★★★
نفرض ولاشفتي هظم وبيدچ فدك موجوده
وحيدر خليفه علبشر علخلگ ينشر جوده
چا عمرچ الراح وذبل ماذبل تزهي اوروده
والخير عم ابهلارض ورايچ وصل مقصوده
چان الامور اتغيرت
بأفضل شكل تالي صفت
يافاطمه
★★★★★
چا محسن بيوم الشدد ينصر اخوته لوكبر
لافتن لايوم الجمل وصفين ما الها خبر
وچا بنى حيدر دولته اووصلت عدل للمنتظر
لانوح لانار وحطب لاعصر لا ضلع انكسر
كلشي تغير وانحسم
وصوت الطواغيت انكتم
يافاطمه
★★★★★
خابت اظنون اهل البغي واهل الدسايس والقتل
الحق يزول وينثني. وماينْشِر يوم العدل
يندثر دين المعرفه. بكل الوسائل يرتحل
والدنيا بالشر تنملي وتصير دوم ابهلشكل
فكرة الطاغي وزمرته
هلحال تصبح غايته
يافاطمه
★★★★★
من يوم ضلعج والجره وبسمار بابچ والحطب
ماصار للدنيا شكل والباري علوادم غضب
سوده السنين على البشر مليانه اهات وتعب
الباري لوما رحمته علارض كل خير انحجب
هاي السمه وهاي الارض
لمصاب ضلعچ تعترض
يافاطمه
★★★★★
وشلون گلبج لو دره راس الوصي من ينطبر
والحسن تنزف چبدته وگلبه مثل حر الجمر
وحسين تنحز رگبته. . وخالي يرد منه المهر
چا زادت جروح الكسر. كسر البعد ماينجبر
التاريخ لمصابچ يون
يبقه عباره عن حزن
يافاطمه

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قضية الحسين عليه السلام

ياقضية حسين اكبر من تفاصيل الكلام
حسين فكره منهجية للمحبه. والسلام
فلسفة دين اووجود ابد ماالها حدود
ياقضية حسين اكبر من تفاصيل الكلام
★★★★★
القدم الحريه بيده للاسير
والنفوس تعيش يملكها الظمير
خله ايده ابعزم علجرح الخطير
ويشعر بروحه غني خله الفقير
حسين موسوعة معارف تعبر حدود الجواب
وللوجود البيه كرامه حسين للحريه باب
ثورته إصرار وجهاد. حجة الله على العباد
ياقضية حسين اكبر من تفاصيل الكلام
★★★★★
حسين صفعة صابت الشربالصميم
حسين مبدء خطه واضح مستقيم
حسين دمعه اطفي نيران الجحيم
يعني رحمه ودين للرب الرحيم
هوه منظومة مبادئ منها يصدر كل قرار
حسين يا تفصيل شفته ماقبل يوم اختصار
حسين عنوان الحياة. من ملك هاي الصفاة
ياقضية حسين اكبر من تفاصيل الكلام
★★★★★
يامناهل خير متحدها الحدود
لخص الدين الحقيقي بهلوجود
بيّن الحريه ماتقبل قيود
ولاضياع بدين طه ولاجمود
حسين يرفض كل عبوديه وتنازل لوهوان
حسين صرخه تنبه المظلوم صرخة بكل زمان
حسين عنوان الدعاء. اليفتح ابواب السماء
ياقضية حسين أكبر من تفاصيل الكلام
★★★★★
بگلبه من الخوف بيه مية كسر
لاتطب الناس نيران الحشر
يدعي للناس التعنتله بغدر
امطوگ بهلگوم ويصلي الظهر
حسين مايرضه السكوت بيوم مرفوض السكوت
ولايهاب الموت واحد كل بشر باچر يموت
صعبه عليبقه ذليل. بعمر تاليته الرحيل
ياقضية حسين أكبر من تفاصيل الكلام
★★★★★
حسين بالطف رسم للحاضر وجود
وخنگ ريح الباطل الرادت تعود
وزمن لايرجع جهل وأيامه سود
مثل صالح مبتلي صار بثمود
هو الاجراء السريع الماقبل ذل الظروف
وكتب للعالم بدايه من نهايات الطفوف
تفوز علسيف الدماء. أعلنت من كربلاء
ياقضية حسين أكبر من تفاصيل الكلام

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
في ذكر الزهراء عليها السلام

ياگاع اشهدي علجره وياسمه
من عذاب الگوم ماتت فاطمه
فاطمه خير ونعيم ومرحمه
فاطمه المتعذرت بالموزمه
فاطمه التشفع بيوم الخاتمه
فاطمة البضعه الزجيه العالمه
فاطمه نور وفخر كل مسلمه
فاطمة قصة اظلوع امهشمه
فاطمة سلوة علي حامي الحمه
فاطمة ايات الكتاب المحكمه
فاطمة شمس بدياجر مظلمه
فاطمه ام نهر العذب يوم الظمه
فاطمه التجلي الجحيم الحاطمه
فاطمه يافاطمه يافاطمه

الشاعر حسن لعيبي الحريشاوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
عين الزهره متنام..بيها ارماد الخيام
تهمل باقيه العين..على زينب والايتام
&&&
يعين الله كلب ضاك الاذيه
واذا جان الكلب كلب الزجيه
شاف من الظلم من ال اميه
اشرار الخلك شر البليه
ظلمهم هاي السنين.. تهمل باقيه العين
على زينب والايتام
&&&
كبر همها الزجيه بهل المصيبه
من شافت مشت بتها غريبه
دنيه من العجب واكبر عجيبه
ندري الراح صعبه من يجيبه
بس النوح وونين.. تهمل باقيه العين
على زينب والايتام
&&&
ظلت ساهره تناطر خيمهم
وبنار اللظي تعاين حرمهم
وسط النار من رفرف علمهم
ولا واحد فزع منهم رحمهم
زينب صاحت حسين.. تهمل باقيه العين
على زينب والايتام
&&&
عاشت بالدمع والنوح واهموم
وكلبها من الحزن كل يوم مالوم
الزهره اعله المصيه ظلت اتحوم
وتعاين ع الجره وتشوف كل يوم
تشوف الصارمرتين.. تهمل باقيه العين
على زينب والايتام
&&&
كلبها تلوع من الزغر للموت
وكل يوم المصيبه تشوفها تفوت
عليها وتسمع اليبجون والصوت
بس ادموع تنزل منها بسكوت
تمسح دمع الجبين.. تهمل باقيه العين
على زينب والايتام
&&&
ظلمها الكوم زينب هيه وامها
وحملت من نفس حملت المها
ونفس عين القيم هيه قيمها
وكوم المارحم امها رحمها
ظلم هاي المجانين.. تهمل باقيه العين
على زينب والايتام
&&&
معانات اشكثر شافت من الناس
لاذمه وضمير وماكو احساس
بس ظلت ابيه ورافعه الراس
زينب مثل امها تصيح عباس
ضحت هيه البنين.. تهمل باقيه العين
على زينب والايتام
&&&
خادم اهل البيت
الحاج ابو علي السعيدي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
يموت النهر
ــــــــــــــــــــــــــ

يالعايش قليل وميت هواي
يموت النهر من يودع الماي

والحيل والليل يخلص وي الادموع
وميت هواي

ـــــــــــــــــــــــــــــــــــــــــــــــــــــــــــــــــــــــــــــــــــــ

تضيگ الوسعه بيك وللگبر تمشي
وكم عثرة بدرب واعليك من يغشي

يالرايح وراد وحاير بأمرك
يالدمعك متاع شباقي من عمرك
الشيب وياگ رفگه وصاير شكبرك
الله يا علي يعضملك بأجرك

يم سابع سمه ومسموع الاونين
وتفت الحجر اهاتك سنين

والحيل والليل يخلص وي الادموع
وميت هواي

ـــــــــــــــــــــــــــــــــــــــــــــــــــــــــــــــــــــــــــــــــــــ

تتلفت صرت لا زينب تشوفك
النزف من كل مجان وحته بحروفك

متلثم ولكن موش للفقره
متلثم ورايح كاصد الزهره
الروحه تنكسر ماينجبر كسره
المفارك الشوف الظلمه متعذره

حدب حته ضلك من يماشيك
متألم علي ومبين أعليك

والحيل والليل يخلص وي الادموع
وميت هواي

ـــــــــــــــــــــــــــــــــــــــــــــــــــــــــــــــــــــــــــــــــــــ

متعود تشوف الزهره يوميه
تذكرك بالنبي شوفت العلويه

تصبح بالزجيه ولصلا رايح
الله بفاطمه للعالم يصابح
يسامح والضلمها ابد ميسامح
ودمعك ياعلي من الجفن طايح

اذوك بفكدها بحزن والام
تجرح هالمصيبه بقلبك إسهام

والحيل والليل يخلص وي الادموع
وميت هواي

ـــــــــــــــــــــــــــــــــــــــــــــــــــــــــــــــــــــــــــــــــــــ

خلص شوف عينك غيم وتلاشى
وحزنك وي عمرك كام يتماشى

قريبا ياعلي هم شفت المرايه
شفت وجهك بحزنه تارس أولايه
لعزائك و لمصابك ترتفع راية
وصوت الكون كله لفاطمة اقرايه

دم تبجي السمه لو مات مظلوم
والقلبه حجر هم يبجي هاليوم

والحيل والليل يخلص وي الادموع
وميت هواي

ـــــــــــــــــــــــــــــــــــــــــــــــــــــــــــــــــــــــــــــــــــــ

مايدري البشر والله بوجع غيره
الالم بس صاحبه يعرف تفاسيره

ماياذي الجرح بس صاحب اجروحه
ومايلام فاگد من يجر نوحه
المودع عزيزه شاضله بروحه
تلچمه دموعه مثل الجرح وملوحه

تره التفكير وياه يكثر الشيب
لأن حسبات تبقى تودي وتجيب

والحيل والليل يخلص وي الادموع
وميت هواي
ـــــــــــــــــــــــــــــــــــــــــــــــــــــــــــــــــــــــــــــــــــــ

زينالعابدينالشمري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

بالليالي الفاطمية

من تصير الدنيا مغرب اذكر ام حسن
يختنگ صدرك بهمه وقلبك بمحن
تشعر الدنيه نهاية ونگضه الزمن
والسمه والغيمة توكع والهوه اندفن

فاطمة أعظم قضية

تضيك بيك الواسعة تتعب والها تكتئب
والحزن بالقلب والله بدمعة ينكتب
بوجهك مبينة الملامح لونه ينشحب
بحركة دمعاتك يا خادم كلها تنحسب

دمعك لحزن الزچية

ابجي حدما دمع عينك وحده ينگطع
واذبل لخاطر قلبها ذبلت الشمع
واعله ضلع الحرة ونك كونه ينسمع
لطم صدرك خل يذكرك كسرة الضلع

كسر ضلع الهاشمية

عيش عالم ثانـي الها واعرف الأمر
خلي بعيونك يعاشگ دمعه الكسر
اذكر النار الي وجت واذكر الجمر
واسطر بوجهك لجلها واذكر السطر

گول كون السطرة بية

البس اسود بالمشاعر واترك الاسم
مو فقط هو الحداد بلبست الهدم
علم اجروحك توالي لفاطمة وتهم
واحضر لمجلس عزاها الها والتزم

انذر اسنينك هدية

قدوة خليها بحياتك دائم وأبد
كله هذا الكون إلها لمن انوجد
ترضه هيه الله يرضى لفاطمة بعد
حِبها لكن مو تصنع هية الك سند

الها يرضة الله عليه

بوجهك توجهه عليها واسي ونتحب
وگلها يم الحسن اني خادم برحب
اخذي بيدي يالزجيه عاشگ ومحب
مثل جرت النفس ذنبك هيجي ينسحب

تنمحي ذنوبك سوية

زينالعابدينالشمري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

بعيوني چَّوَتنيْ النار. على النار
محسن وكع ياكرار. على النار
هاماتجيني. طَيحَوا جنيني
على النار

على النار

هجموا عليه ياعلي وابابي يتلاهب جمر
وعيوني تتلفت الم بلكت علي عليه يمر
وامبين اعليه الجرح ابابي وبظلعي الكسر
اخر خريف لهل الورد بين الصخر ظل ينعصر
عمري خاتمه كسره
صاحوا نذبح الزهره
نخلي حيدر بحسره
دموعه. دموعه

ياحيدر اسمعلي اونين. واشوفه واشوفه
واتلفت ويبجي حسين. واشوفه واشوفه
ايصد اعل عيني. طَيحَوا جنيني

على النار

صار النهار بلاضوه واني طحت من التعب
والمحسن بصفي وكع در أو وكع من الذهب
ماادري شمسويه انا اذوني ليش بيا سبب
جنه أنه مخلوقه لعلي ابابي شيسوي اللهب
اني ابابي وصلوني
حيل بعيني صطروني
وسفه تالي شتموني
حسافه حسافه

اسود نهاري ومشؤم. لكيته لكيته
كل عمري خلصته هموم لكيته لكيته
تسمع ونيني طَيحَوا جنيني

على النار

الكوكب الدريّ انا ومشكاة انوار الضوه
واني النسيم اللي يهب برية علي أنه الهوه
ولكل جرح اني الدوه ولجرحي مايحصل دوه
يميل الفلك واني اسنده بس ظلعي بالكسره الوه
ظالم كَسّر عظامي
سوده صارت ايامي
عيني تنظر ايتامي
ورايه. ورايه

بتابوتي انشال شلون عجيبه عجيبه
وبجفي يندار الكون. عجيبه عجيبه
عيني لبنيني. طَيحَوا جنيني

على النار

يتوچه حيدر ياوسف عكازته صار الجرح
صارت حياته بلا طعم من باللحد خله الملح
شايف بشر لمن يرد دافن حبيبه ومنذبح
يصير النهار بلا ضوه وبدنيته يموت الصبح
حيدر ينحب بوحده
ودمعه ايبلل ابخده
ماي بظلمه اتبده
شيلمه. شيلمه

ماي وتبده بهل ليل. صعوبه صعوبه
من حيدر اتبده الحيل صعوبه صعوبه
خلصت سنيني. طَيحَوا جنيني

على النار

وسط الكبر واسمع بجي واحد يسولف لنه
ميزته من صوته علي مبحوح صوته بونه
ويكلي محتاجج تره يالجنتي بيامي الهَنَهْ
لحجيج هذاك البي دوه كبرني افراكج سنه
صاح ومدمعه اتناثر
شفته وكله اتغير
وجهه ابغيبتي اصفر
ينازع. ينازع

من حيدر اشتطلع اه. نحيبه نحيبه
عالزهره يصرخ ويلاه. نحيبه نحيبه
مابينه بيني. طَيحَوا جنيني

على النار

تمت ولله الحمد المقصر مع الحسين
✍ علي النائلي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

من دارج لباب الگبر
يالزهره خلصت العمر
شوفي علي هالمنكسر
وبوحشة الليل

وبوحشة الليل

اني علي وحدي اطلعت وبمتني شايل
نعشج أضن مدري السمه من ثكله امايل
نعشج يميل من التعب واشكد احاول
خايف ألچمج بالمشي ظل دمعي سايل

اني علي وشايل سمه
ودموعي نزلن من دمه
ظل حيدر إبلا فاطمه
وبوحشة الليل

وبوحشة الليل

يم الحسن شلتج أنه وبگلبي حسره
يهضمني حالج ياوسف كل ما أنظره
جهز علي بيده تره يالزهره حفره
يدفن حياته بهل اللحد وبصفها عُمره

يدفن علي عمره صفه
يصرخ على الدنيا العفه
لجروحه مايحصل شفه
وبوحشة الليل

وبوحشة الليل

رديت أنا وگلبي تره خليته عندج
اني البقيت لوحدي موانتي وحدج
رديت أدّور عنج وكل ساعه افكدج
لوبيدي اردن للكبر يالزهره اگعدج

لوبيدي يالزهره تره
يم بيتي اخلي المگبره
من دم تره دمعي جره
وبوحشة الليل

وبوحشة الليل

للدار اطبنْ واختنگ وأنفاسي خنگه
من انظر لبابج تره تكتلني حرگه
جفني بغيابج ماغمض وشلون اطبگه
مااقنع انتي باللحد محتاج ملگه

محتاج اشوفج يالضوه
بنفاسي ياذيني الهوه
بغيابج إكليبي انچوه
وبوحشة الليل

وبوحشة الليل

كل ماتصد عيني طفل من اطفالي حاير
بعيونه بحر من الدمع يالزهره صاير
وبحضني ألمنهم دمع بالگوه أكابر
كل واحد كبالي صفه يكسرلي خاطر

لوشفتي حالي بيا وضع
ويسولف امصابي الدمع
مكسور أنا بكسر الظلع
وبوحشة الليل

وبوحشة الليل

كلشي انتهه أبالي تره بالنسبه اليه
صرت اني جن خيط بشمع عكب الزجيه
يالزهره تدرين الحزن وشسوه بيه
يعصرني گلبي واختنگ كل مغربيه

حته الحزن مني خجل
واتاخر اعليه الأجل
والمدمع ابخدي انشتل
وبوحشة الليل

وبوحشة الليل

تمت ولله الحمد المقصر مع الحسين
✍علي النائلي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
دگوا الباب وتغير لونها
بجت حتى السمه لعيونها
+++++++++
طيحت الزهره ترا طاح العرش
وهذا نعش الدين مواله النعش
الگضت بالدنيه بس اثمنطعش
وخير للوادم ترس ماعونها
+++++++++
طيحت الزهره غميجه ابلا حجي
بياذنب والبضعه خاطر تنولي
الخلصت ساعاته بس بالبجي
ميته بفراش الحزن يلكونها
+++++++++++
انتفض جبريل الحالته اعترض
وصفك بجناحه لعده ونتفض
الي يبغض فاطمه الربه بغض
هيجي بت الخاتم ايردونها
++++++++
مصاب بت الطه ترا ماينحمل
وما رضى البصار بس الي نذل
ضلع مسمار وبعدفوگه الطفل
علا الهظم والجور الله يعونها
+++++++++++
صوت من السمه ناداها بطلب
كولي يزهره وسويه حطب
الحرك والدفع البابج يطب
سوي فعله البمهد يحجونها

ابو حسين الفضلي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
السيدة الزهراء تروي للحسين مصابها ومصابهِ

شور

يمه يحسين يمه يحسين
======== ======= ========

يوليدي اسولف والدمع
بمصابي ومصابك ضلع نفسه لجن مو نفس الاجراح
دم الجرح ما يختلف
واليختلف بس النزف والسيف والبسمار ذباح
هنا فوارق بالعطش
اني اليشيعوني بنعش وانته يشيعونك على أرماح

يايمه بالسر اندفن وانته تضل بالحومه
قرباني لله بعتبتي اني انقتل مضلومه
وقربانك يضل الجسد ومسلبات اهدومه

يمه يحسين يمه يحسين

======== ======= ========

النار وي حر الضهر
حرگة اخيمك والجمر نفس القصص واحداث الالام
النفس دخان احتوة
وفتش انگابه اعالهوه يشبه اليفتل فوك الاخيام
طيحة الباب من الحرگ
مثل الحوافر والسحگ والجمر لسعه ورمي الاسهام

بالعتبه محسن مرقده وعبدالله يمه بهيمه
اني اعله فضه من استند وانته بعمود الخيمه
گضيت خاصرتي لعلي وانته عله راعي الشيمه

يمه يحسين يمه يحسين

======== ======= ========

الجربه حرزك بالضمه
والماي مهر لفاطمه بس عشنه اني وياك رمضان
هضمتك يمه ومدمعي
وخنصر وجوية اصبعي يفرق المحبس جان نيشان
بيثرب وانته بكربله
العام كله ابكمله يايمه عاشورين الاحزان

هاي الرزيه الفاجعه جرح المصيبه شكبره
عاشورك الدم والنحر عاشوري ضلعي وكسره
بتلث روايات انذكر وانته بمحرم ذكرة

يمه يحسين يمه يحسين

======== ======= ========

يايمه خدك عالترب
واختك تطب ديره غرب للشام زينب اه يالشام
قصتك بدايتها غدر
خنجر المسموم الشمر بوجهه الضغينه وغي الاوهام
بس اني من يهجم عمر
شيطان مرجوم بحجر يتنقم جاي بوجهه الاسلام

بحجت الوراثة من النبي راد الاخلافه يبيدها
المقدس اللات وهبل بحجة اسلامه يريدها
وتواعدو اهل الغدر بالطمع مدت ايدها

يمه يحسين يمه يحسين

======== ======= ========

يايمه يحسين الحجي
يراد وياه بس بجي كل المصايب صعب تنگال
تگضون بالسم والقتل
جي نحكم بحق وعدل وماننحي لاي رسم تمثال
وثاراتنه تضل للخلف
المهدي من اطهر سلف ياخذ الثار ويعدل المال

الحجه من الله مدد يعدلها ويصفيها
ينصر الحق ويبتدي يكلبها من عاليها
يحطم اصنام الي طغه ودولة عدل يبنيها

يمه يحسين يمه يحسين

======== ======= ========

زينالعابدينالشمري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

الله لاينطي العــــده
يتموا حتى الــــــنده
ينزل اعله الزهره چان
أكرامن الها من الجنـان
الله لاينطي العـــــده

،،،،،،،
الزهره جانت من تصلي
ينزل عليها النده يسمع دوعاها

كل فجر لازم يمـــــرها
لحد ماتطلع شمس يشتم هواهـا

من تكض سبحتها چانــت
للعرش والوح يتصاعد ضــــواها

من دعت فاطم عليهــم
الدنيه ربك عل ضلاله چا فناهــا

چانت العيني كــحل
واجب المدمع يهــل
داري هسه بلاحنــان
اه ياغدر الزمــــــــان
الله لاينطي الــــعده
،،،،،،،،
الدنيه مخلوقه لجـــلها
ولله هضمه تموت ولصطره اعله خدها

من هوت مصيوبه أنت
ورادت اطيح السمه هيه وعمــــــدها

ثمانيه وعشره عمرها
فاطمه بعمر الورد عافت ولدهـــــا

تفرهدت من بيت حيدر
صورت الكوثر غفت هسه بلحدهـــا

حيدر يحاچي الگــبر
ودعت بيك العمـــــــر
والحجر من حزنه لان
وللدمع هد العـــــــنان
الله لا ينطي العـــــده
،،،،،،،
يم مچان العصره زينب
تفرش مصلاية امها كل فريـــضه

وامها من ماتت بعدهي
لانحيله ولاچبيره ولاه مريضــــه

وحيدر ايباوع لبنتـــه
بيه طبع نوح اليتامه شگد تغيضـــه

وزينب بدمعت حزنهــا
كتبت الوالدها شكوه بنص عريضــــه

الزهره مومالت لحــد
الزهره كون وي الورد
گلبي كون الها المكـان
ماتت بحسرة امـــــان
الله لاينطي العـــــده
،،،،،،
حسين گابل زينب اخته
وگلها خل انصلي لمنه يالحزينـــه

والحسن راح ايتوضه
بالمدامع قصده اخونه ايصلي بينـــه

اليله اول ليله ماهي
زهرة الدار الزچيه والحنينــــــــــه

بالحد نومتها صارت
ايسي زينب ماترد امنه علينــــــــه

علي الولده يستمـــع
شماحچوا يجري الدمع
هاي مودنيه متحـــان
الجنه للصابر ضمـــان
الله لاينطي الـــــعده
،،،،،،،،
على مصلاة الزچـــيه
زينب تحط راسها وتشتم عطـــرها

بعمر خمس اسنين چانت
تيتمت وتعذبت ونهد عمــــــــرها

الزهره عصره وموتتهــا
وشوف زينب تنعصر يوميه عصره

اليوم امها وباچر اكلف
تصد لخوها الخيل تلعب فوگ صدره

اليله لوعاتچ بـــدت
من الحد فاطم حچت
حزنچ من اليله حـان
وباجر ارماح وسنـان
الله لاينطي العـــده
،،،،،،،،
منتصف كل ليله حيــدر
ياخذ اولاده الگبر امهم زيـــاره

ومن تون زينب على مها
علي من عيونه يضل دمعه ايتجاره

والحسين ايحاچي اخته
لايموت المرتضى زيدتي نــاره

وزينب تبطل نعيهــــا
تخاف تخسر حضن ابوهها الكله شاره

تحط حلگها اعله الكبر
تحچي بشفايف صفـر
كل فجر وكــت الاذان
تدعي ربها المستعـان
الله لاينطي العـــــده
،،،،،،،

لخادم الزهــــــراء ع
محمد هادي الفهداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ماادري ايدي اعله الظلع خليتها
مكسور شفته ودنگت حبيتـــها

حسبالي موتها الدمـــع
ما ادري مكسور الظلـــع
عذريني عذريني

،،،،،،،،
ياحياتي
سنيني ذبلت من رحلتي ياحياتـي

ياحياتي
ودعت وياچ عمري وذكرياتـــــــــي

عمامتي طاحت مثل طيحت عباتي
عليچ حيلي نهد يتسبيحة صـــــلاتي

عالمغتسل فتحت الي ذرعانـــــها
رغم المنيه وشفت يحچي لسانها

وتگلي بالك تنفــــجع
ما ادري مكسور الظلع
عذريني عذريني
،،،،،،،،
يالحبيبه
خاف أذيتچ عمت عيني يزهـره

يالحبيبه
ضلعچ ازرگ صاير وألمني كسره

الدنيه خنگه بدونچ وحسرتها حسره
شنهي نفع المحبس اومافوگه شـذره

محبس رسول الله وچنت بيمينـــه
واحنه اعله حب المصطفى تلاگينـه

لوادري اصـيــرچ درع
ما ادري مكسورة ضلع
عذريني عذريني
،،،،،،،،،
اه يزهره
جفنيتچ بالكساء البيه عطرنــــــه

اه يزهره
انه وولادي حظن دافي خســــرنه

كون باب الدار من بعدچ عصــــرنه
قررينه اعله الكبر يخلص عمرنـــــه

تذبحني زينب من اصد لدموعـــها
تلطم عليچ بحرگه فوگ ضلوعـــها

متفاجئ اومامقتنــع
مادري مكسور الظلع
عذريني عذريني
،،،،،،،،،
ما اصدگ
نتهت عشرتنه الحنينـه الماكو منها

ما اصدگ
زهرتي ماتت ولا اگدر اشمـــــــــــها

اثر عالحايط بقه مخليتلي دمــــــــها
زينب اتظل فاكده وبلايه امـــــــــــها

كلساع اصيح ودمعتي همالـــــه
الله يعين الدفن ام اعيالـــــــــــه

حگه الگلب من ينصـدع
ما ادري مكسور الظلـــع
عذريني عذريني
،،،،،،،،،
ياحسرتي
گطّعّت گلبي وخذت حيلي وسبتني

ياحسرتي
الدنيه كاس افراگ فاطم جرعتنــي

چنها مثل الرمح وبچبدي رمتــــــني
الفاجعه بين النواضر صوبتنــــــــــي

من احچي تفتح فاطمه عيناهــــا
وتسمعني كلما اون وحچي ويهـا

عمرچ مثل عمر الشمع
ماادري مكسور الضـلع
عذريني عذريني
،،،،،،،،،،
يالمنيه
الزهره للعشرين ماواصل عمرها

يالمنيه
ليش طاوعتي الرجس لمن عصرها

شگد حرام الزهره لو واحد كــسرها
تضل تنزف مودمه تنزف عطرهــــــا

يمي انتي بس روحي الچ مشتاگه
گالتلي بالجنه علي نتلاگــــــــــــــه

ياكوثر واطيب نبــــع
ماادري مكسور الضلع
عذريني عذريني
،،،،،،،،،

لخادم الزهراء ع
محمد الفهداوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

بالصطره طفّــو عينــــــها
وتبجي دمه اعله حسينها
ـ&&&&&&&&&&&&&&&
مامثله لا منه احــؤن معروف گلب الوالــده
وكلها تنام وتنسه بس ماتغفه عين الفاكــده
والزهره هاي الوالده والفاگـــــده الماســـادّه
ليله الجفن من البجي واهل المدينه الشاهده
فگدت ابو وفگــــــدت ابن
وظالم صطرها اعله الجفن
بيت الاحزان الها انبنــــــه
وتكول لحســـــــين الحزن
ولحسين كله اونينها
ــ& &&&&&&&&&&&&&&&&&
لولادها اتدير النظر تدري الغريبــــه امفارگه
كل شهگه تلجم بالضلع واشكثر للطف شاهگه
اشماصار ماهَمه الگلب يوم الحسين الحارگه
خانكها حز نحره وكسر ضلع امه هوّه الخانگه
مذبوحه تبجي المنذبــــح
وصارو جرح يلجــم جرح
واگف اگبال امه ويــــــون
وتشوف راسه اعله الرمح
امبجّينه وامبجّينها
ــ& &&&&&&&&&&&&&&&&&
توصي اليتيمه ام الخدر زينب تسد امجانها
واتصير رادتها حضن وام واخت لخـــــوانها
بحسين وصّتها اشكثر وانطتها ثوب احزانها
ماي اطلبت مو للشرب سولفت عن عطشانها
عالرمل لو جسمه انفرش
يا زينب ايذبــله العطش
عينج تگلها اتصــــــد اله
وبراسه طبرات اثنعش
وجثته العده اموذرينها
ــ& &&&&&&&&&&&&&&
ضمت على حسين الكسر واتخاف تكسر خاطره
يُمه تگله بكربـــــــله تمنيت يمك حاضـــــره
جا وخّريتك والفرس لضلوعي اجيبن حافره
بضلعي التكسّر جن شفت صدرك العسكر كاسره
يفديك ضلعي المنكسر
يالتخلص ايامك عسـر
انت العن الگايل (وإن)
وانه العن اليوم الشمر
بوليدها املوعينها
ــ& &&&&&&&&&&&&&&&&
من شافت ادموعه تصب راحت اوشالة حيلها
خلطت دمعها بدمعته ودمعتـــــها دم اتسيلها
واتگله مخلوق البجــــي لجلك يملعب خيلها
ينشال نعشي وجثّتك محـــــد ييمه يشيلها
تشبع طعن تشبــــــع رفس
يالجسمك اتصهره الشمس
بلف وتسمعية جــــــــــرح
تنصاب كلهن بيّـــــه احس
اضلاعها امكسرينــــــــــها
وتبجي دمه اعله حسينها
ــ& &&&&&&&&&&&&&&&&&

علي محسن الزيادي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يارب الزهراء بحق الزهراء
اشفي صدر الزهراء بظهور الحجه
ـ&&&&&&&&&&&&&&&
وجهت وجهي وتوضيت بدموعــي
من لهب باب الزجيه اشعل شموعي
ليك ذليت واناجيـــــــك بخشوعي
ياسميع وياعليـــــــم
عني فرّج ياكريـــــــم
من دعيتك ادري بيك
ماترد دعــــــــوة يتيم

مظلوماً ادعوك يتيماارجوك
اشفي صدر الزهراء بظهور الحجه
ــ& &&&&&&&&&&&&&&
انا احب فاطمه يارب وانت تــدري
سر وجودي ونذر ليها اسنين عمري
كون حاضر يمها جا قدّمت صدري
رافع اجفوفـــي الك
عبدك آنه واســــألك
باعــز خلقك فاطمه
ياالهي اتوسّــــــــلك

بأنينِ المختار بدمع الكرار
اشفي صدر الزهراء بظهور الحجه
ــ& &&&&&&&&&&&&&&&&
أقره آية امّن ايجيب انا مضطـــــر
اهم حاجه عندي اريد المهدي يظهر
ماكو غيره ايجبّر الضلع التكسّـــــر
الدنيه ظلمه وهوه نور
وطلعته تشفي الصدور
دعوتي ليــــــل ونهــار
ربي عجل بالظهــــــور

ياعون الضعفاء دعاء الضعفاء
اشفي صدر الزهراء بظهور الحجه
ـ&&&&&&&&&&&&&&&&&
الكل جرح جف ابوصالح صار وصفه
كل جروح اهله الجبيره بجيته تشفه
بيده نار البـــــــاب والخيمات تطفه
يـــــاقريب ويـامجيــب
اجروحنه اتريد الطبيب
هُم يرونه بعيـــــــــــــد
ونراهُ النه قريـــــــــــب

يارب الحيرى بشوقِ الحيرى
اشفي صدر الزهراء بظهور الحجه
ـ&&&&&&&&&&&&&&&&
ابجي واللهم كن ادعــــــــوك يارب
لوليّك ناصر ودلالــــــــي ينحـــــب
اشفي صدر حسين ربي وصدر زينب
صدر الحسين الكسير
وصدر زينب يستجير
يبجن الصدر البتــول
فأجرها يا مجيــــــر

يارب الحوراء بسبي الحوراء
اشفي صدر الزهراء بظهور الحجه
ـ&&&&&&&&&&&&&&&&&
لوشفه صدر الزجيه تشفه الاصدور
وكل جبد مسموم يشفه وراس مطبور
وتشفه وي جرح الزجيه اجروح عاشور
لو ظهر ذخر البتـــــول
علي ينسر والرســــول
يجبر بجفه الصــــدور
وننسه بسمار وخيـول

يارب الحجه بصبر الحجه
اشفي صدر الزهراء بظهور الحجه
ــ& &&&&&&&&&&&&&&

علي محسن الزيادي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
على باب الآه
قطعه علگها الصميــده
البقاء لله
ماتت الزهره شهيـــــده
اتبده محسن ماي
والجــــروح اهواي
ــ& &&&&&&&&&&&&
كلمن يودّع دنيتــه
قطعة عزه ايكتبـــــوله
تعلم الناس بموتته
والفاتحه يقرولــــــــــه
يايوم ميت ينكتب
والمادره ايوضحـــــوله
ميّت بحادث لو گضه
بعلّه الاهل يحجــــــوله

القطعه هاي اثنين
بيها ميتين المصيبـــــه
ماتت ام حسين
ومحسن الگبـل الغريبه
خذو منـــــــــه الراي
والجـــــــروح اهواي
ــ& &&&&&&&&&&&&&
كلمات حمره ومو حبر
مكتوبه بدمــــوع العيــــن
شايلها بسمــــار الضلع
ودم تنزف امن الكتريــــن
ايعلكها بالخـــارج علي
وبالليـــــل لسبـــاب اثنين
اعيون الشماته نايمه
وخايف على گلب حسين

لو قراها اينوح
وعلي شلون ايصبره حاير
ويقره يامذبوح
باجر اتسحگه الحوافــــــر
گلبه حار بهــــــــاي
والجروح اهــــواي
ـ&&&&&&&&&&&&&&&
كاتب الزهره استشهدت
من اثر عصره وصطـــــــره
بتغسيلها جِسْت الضلع
يالله دريت بكســـــــــــــره
عين التنسّيني التعب
امن الصطره صارت حمره
ومن گبل ميلاده انجتل
محسن فده امـــــــه بعمره

حيدر ابلا روح
فاگد اثنين اشيصبــــــره
وبثلاثه اجروح
حاير ومكســـــــور ظهره
يصيـــح راح ادواي
والجروح اهـــــواي
ـ&&&&&&&&&&&&&&&
اول جرح اسمه الحسن
وبجبده جعده اتســـــــــمّه
وحسين اسم ثاني جرح
ينذبــــــــــح محـــــــد يَمّه
وثالث جــرح ماينكتب
ينعرف بالطـــــــــف اسـمه
عد علي بت امخــدره
يسبيـــــــها إلِبـــلا ذمــــــه

كل جرح جتال
لادوه ولا شــــــد ينفعه
ابلايه ام اطفال
وكل جرح شايلّله شمعه
داي يشكــــي الداي
والجروح اهـــــواي
ــ& &&&&&&&&&&&&&&
ماكاتب اصوابــه علي
بالقطعه بس اجروحــــــه
عن روحه بيهن ملتهي
الله يساعد روحـــــــــــــه
كلما يسكّتله جـــــــرح
مو بيده يطفح نوحـــــــه
يتخيّل الشبعت هظم
عالمغتسل مطروحـــــــــه

الحاجب ابيض صار
سلوته بيده دفنــــــــــها
وطبرة الكـــــــــــرار
غربته سولفت عنــــــها
ظل بلا حمّـــــاي
والجروح اهواي
ــ& &&&&&&&&&&&&&&&&

علي محسن الزيادي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــمن دم امنــــه نگعدت رحت امنــه
اثاري النــــــار حركت راحت امنه
شهگنه وصحنه حيدر راحت امنه
وتراكضنه وشبگنه اعليه سويه
&&&&&&&&&&&&&
كل هم بوجود امنه مهمنه
همنه افراگها وغيره موهمنه
دورنه اشكثر عنها ماهي امنه
حتى احلامنه اتحن عالزجيه
&&&&&&&&&&&&&
الحزن من راحت امنه صاحبانه
كسرنه وكتر ماظــــــل صاحبانه
يوم الصحنــــه ماتت صاح ابانه
يولدي اتحزمو للغاضريه
ــــــ* *ــــــ

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

علامة كلمن ايحب الزجيــــه
اله دمعه اعله كل باب وعزيه
روحه بقهرها تبجي الكسرها
ــ& &&&&&&&&&&&&&&&
وينه الكلبه مثل الباب
يسعر ماطفت نـــــاره
وينه الجرحه ماناشف.
يدّي امن اول اصياره
لو دگ الصدر يشعر بالعصر
يتمنه الضلع يكسره
سالفته البجي كلما ينتجي
عالحايط اتحرگه جمره

الف هنياله كلمن واسه حيــدر
عله الزهره وضلع منه تكســـر
اضلوعه وجمرها تبجي الكسرها
ـ&&&&&&&&&&&&&&&&&&
اليگول انا امي الزهـــره
حرام ايطب فرح گلبه
مثل ما لو سمع بحسين
يغص بالماي اليشربه
كل باب بسهم ينصاب والم
واتحرگه نار الرزيه
وحسراته جمر ينثرها وحمر
عينه والصدر سويه

اليگول اعله الضلع روحي حزينه
فشل تنســــــه الدمع وتنام عينه
السلبو عمرها تبجي الكسرها
ــ& &&&&&&&&&&&&&&&&&&
علي لمن دفن روحــــه
دليله وحاجبه شابن
وابگد مابجه اعليـــــها
اعيونه امن الدمع ذابن
طاح اشماوگف واللون انخطف
والشافه ظل مايعرفه
الكال اصبر دره طايح حيدره
وايذبحه بيها اليحلفه

الفگد مثل الزجيه الصبر ينســاه
يگابل حيدر ويبجي اويه مبجاه
عينه ونظرها تبجي الكسرها
ــ& &&&&&&&&&&&&&&&&
التموت امه الفرح ينساه
ويظل صبح ومسه ينعه
وكل ام ذره ماتوصـــــل
يم حنّيــــــة البضـعه
هاي ام الحسن. للضــــــايع وطن
اليگصدها تمسح دمعْته
واتحبه اليوِن وايخلي الحزن
ثوبه وماطفت جمرْته

ابد ماتنسه كلمن ليــــــها ضيمه
الينوح اويه ام الاحزان اليتيمه
اعله امها بزغرها تبجي الكسرها
ــ& &&&&&&&&&&&&&&&&&&
اليشوف ادموعــه ماتنزل
اذا طاري الضلع ينجـــــاب
صعب من يظهر المهـــدي
اشيگله الجرحه ابد ماطاب
ماينفع عذر خل دمعك يدر
عين المهدي دم دمعها
گله ادموع الِم وانطـــر ياشهم
ثار المنكسر ضلعها

اليگول انا انتظر موعود غايب
مثل الشمعه دوم اتشوفه ذايب
الرادت گبرها تبجي الكسرها
ــ& &&&&&&&&&&&&&&&

علي محسن الزيادي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــصبي بحزن. يادمعتي.
لم الحسن يادمعتي
ـــــــــــــــــــــــــــــــــــــــ١

تموت مظلومه الزچيه. ابلاذنب خدهه انصطر.
شسوت الزهره يعالم والظلع منهه انكسر.
وره الباب تصيح فضه. طاح محسن وانعصر.
بعد ما أگدر أگومن. متني بالصوط أنحفر.

طاحت تون ياحسرتي.
صبي بحزن يادمعتي.
ـــــــــــــــــــــــــــــــــــــــــــ٢
لسه باب الزهره يبچي. ويجري دمع المنتظر
الزهره ماتت من المهه وبگلبنه ظل أثر.
گبر ماعدهه ألزچيه. والكسر لا ماجبر.
أبد مايزغر جرحهه. كل زمن بينه كبر.

يبچي الجفن. ياحسرتي.
صبي بحزن يادمعتي
ــــــــــــــــــــــــــــــــــــــــ٣

بين باب وبين حايط. ماتت احلام البشر.
اغتالوا الرحمة البريئه. والقهر طول الدهر.
والحطب ماعنده ذمه. اعلم الحسين أنسجر.
حرگ دار الچان يهدي. لليتامه مستقر.

مثل الغصن. ياكسرتي.
صبي بحزن يادمعتي
ــــــــــــــــــــــــــــــــــــــــــــــ٤

الله لاينطي الي بچوا. زينب وبچوا علي.
علي من غسل ظلعهه. ونه أصبح يعتلي.
چان مايدري بكسرهه. وانكسر گلب الولي.
ظلوعهه مكسوره شاهد. بالمصايب يبتلي.

بكبر الزمن. يالوعتي.
صبي بحزن يادمعتي
ــــــــــــــــــــــــــــــــــــــ٥

قصت البسمار ضلت بينه تجرح ماهدت.
ونار باب الزهره تسعر بالگلب بينه چوت.
على الما خلوهه تبچي. على أبوهه اتصوبت.
ليش أخذوا فدك منهه. بالمصيبه اتعذبت.

مصاب الظلع يامحنتي.
صبي بحزن يادمعتي
ــــــــــــــــــــــــــــــــــــــــــــ

حيدر موسى الرميثي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ثكيللصاحبالزمان

حبك وادي وانه بغير وادي
يمته غيبتك تنفي رقادي

يمته اثبت على حالة وياك
مو ساعه ابجي وساعه وانساك

يا صاحب الزمان..يا صاحب الزمان
………………………………………………………..
شمعه اعلشباج الامل سهرانلك تدري
وريح الخطيئة غيرتّ نار الهوه بصدري
ساعه اشتعل ساعه انطفي امعلعل خلص عمري
ومن الذنب اقبح وامر يا سيدي عُذري

ورغم ذنبي احبك..حبيبي يمهدي
ودرب جاي ادور..لرضاتك يودي
اريد الگه نورك..ودمعتي اعلخدي

ياخذني الوكت بس من اذكرك
بمشاعر صادقه ابجي وادورك

من‌ كل گلبي امن ابدي انعاك
مو ساعه ابجي وساعه انساك
………………………………………………………….
بعز ذنبي تعرض مستحه وابدي ابجي واتعذر
لون البياض امن الذنب بنص روحي ضل يصغر
جا وين اكعدك سيدي ومس گلبي ريح الشر
مضطر و ادور نضرتك يا سامع المضطر

أنه ابلا خدمتك..يمس روحي كل ضر
واخاف امن اذكرك..اغربنك اكثر
لان بس سوادي..بقه بگلبي يكبر

ويغربّك كل سواد ذنوب ادري
الحگ يابوصالح نجّي أمري

گلبي ابيض رجعّه بذكراك
مو ساعه ابجي وساعه انساك
…………………………………………………………………..
ليلية اللومن بالگلب يا مهدي و اتلوه
بمروتك يا سيدي وانتو اهل المروة
من شب على شيء وكبر طبعه يضل هوه
وما ريد اشبن مبتعد عن طاعتك فدوة

سفن گلبي غرگت..وبياضك نجاته
اليشيب لمصابك..مشيبه شحلاته
شعضمها التجيله..اعلگبره بمماته

اموت وتحيى الاموات بطلعتك
واضل بگبري ما حصل نصرتك

رايد مولاي اتلگاك
مو ساعه ابجي وساعه انساك
…………………………………………………………………
صح گلت احبنك گبل بس مستحي وصابر
امنيتي احبك تنحجي وانه بگلب طاهر
مولاي ثبّت خدمتي لا انحسب عابّر
وبدل برودي وحيرتي بحرورة العاشر

الى يمته احيرن..بذنب مو مصايب
شوكت حيرتي تضل..غربتك يغايب
بعطاشه المخيم..بمنام الخرايب

انه الما يوم سائل روحي مولاي
امامج هم عطش هم شارب الماي

وين الله يعاشرني اضماك
مو ساعه ابجي وساعه انساك
…………………………………………………………………
بسم العٍطش يم النهر والطاحت جفوفه
ادخيل اطب برحمتك جر گلبي من خوفه
يا مهدي ما سامع گبل بدخيلك تعوفه
وبسم الرضا اطلب رضا وحب عامره جروفه

اخذ گلبي بيتك..واخذني اعلنوحي
اريد بندبتك..تخليلي روحي
وجسر بيني بينك..دمعتي وجروحي

مد اوتاد حزنك بيه مولاي
وجرني لوادي حبك امنيه هاي

ويثبت حالي ابجي لمبجاك
مو ساعه ابجي وساعه انساك

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
فوك يم عرش الجلاله الملك تنظر ايده
ارعد الكرار بيهم ضاري هد عالصيده
هو سلطان الحرايب والحرايب عيده
الحومه ركّاها بفقاره او سجدت ابتمجيده

صوت طك الروس من طباها
للسمه توصل علي خلاها
.
.
هو حيدر موش ياهو الكون رهن ايمينه
ضهضب او ادرع دخيله او نار تجدح عينه
او طاف طوفت صكر مغضب فارش الجنحينه
الكاع جراها بزلمها او حطها يم رجلينه

اشوس او جيدوم طر العسكر
او موّت الخيل او زلمها الحيدر
.
.
الحرب لو درات رحاها ايدور جفه اعليها
حصته كل الجيش هو او حصته ما ينطيها
منهو يكدر للي جفه للشمس لاويها
الزلم لو شافته اجبل تنجمد رجليها

مطوس او مدرع نزل للحومه
خطف روح الجيش كبل ارسومه
.
.
ادخيل ضرغام الحريبة العركه لو طباها
الكاع من روس التضده والجثث ساواها
ايزمجر ابصوته او يكبر والزلم ذلاها
القادة تنزع بالحرايب لو علي لاكاها

اكبال عينه ما تصير القاده
زلمه ماله بالحرب رداده
.
.
لو ترجل كول غاصت بالدمه الخياله
بس علي صوت الاراجز بالحرب يحلاله
ماكو واحد صار زلمة او شال سيف اكباله
العركه وي حيدر تراها جايه والله اصلاله

من تصك انيابها ايكوملها
العركه بالفقار والله ايذلها
.
.
حيدره يحيي او يميت الباري منطي قدره
حيدر الاملاك تسجد لو يمر بس ذكره
حيدر امسير الرياح او كلشي طايع امره
ادخيل حماي الحميه الـ وي محمد أسره

قاب قوسين اقتراب الربه
او نال من ربه سموّ الرتبه
.
.
فاضل عباس الخزاعي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ادخيل امروتج
وفقيني الطاعتج
او رزقيني ابخدمتج … يام احسين

كل همي ابدنيتي
رجواي او منيتي
خدمتكم غايتي … يام احسين

أسريني …. بالخدمة يلي امأسره الانجوم
رزقيني … يلي ترزقي الطير كل يوم
كون اصبح … انسان يبچي او يخدم احسين
سوّيني … زلمة بعزائج فاطمة ايدوم

مدد .. مددتُ يدي
مدد … وانتِ مددي
لكِ … وفيكِ سندي
لكِ … يكون مقصدي

من البشر .. والمو بشر
شارد اجيت الروضة الماي
يام الحسن … انت الوطن
للجايج امن الدنيا عناي
.
.
ترتيل المعرفة
مقرون ابهالصفه
بيج الله امشرّفه … ساق اللوح

يا معنى الـ “قل هو”
بيج الماي ارتوه
يا اول كل ضوه … وانت الروح

يا سورة ..مخطوطة بيد الله للناس
يا صورة … من هيبة الله ابهيج مقياس
مولاتي … ادخيلج يمن يسجدلج الكون
مشكورة … علّكتي گلبي بطاري عباس

انا .. قصدتُ لطفكِ
انا .. أريدُ عطفكِ
أرى .. كريما كفّكِ
أرى … ملاذا كهفكِ

يا بسملة … وام الهلا
يا نبض قران السماوات
كل اليرى … والما يرى
اسمج على السانه عبادات
.
.
يا سر الماله حد
يلي الحيدر سند
وبفضلج قد شهد … عرش الله

يلي امسيره الفلك
يخدم بيج الملك
الما حب اسمج هلك … اي والله

يا جوهر … وشيدرك اسرارج يزهراء
يا مصدر … منه ابتده تكوين الاشياء
بوصافج . حارت تراهي اصناف الاملاك
انتِ اكبر … من أن توصفج كل الاسماء

بكِ … يلوذ الانبياء
بكِ … تطوف الاولياء
صور … لك حيث السماء
صور … لكِ خير النساء

كل الحجي … كل الحجي
ما يوصف اترابج والاسرار
انت مره … بل مقدره
إرفعتِ للإسلام الاسوار
.
.
يا باب الما يرد
جيت انه والكصد
عن ذنبي ابتعد … وانت العون

اخذي ايدي للسمه
طهريني فاطمة
يا أصل المرحمه … وانت ام عون

باعتابج … اذ قد تجلت رحمة الله
او يم بابج … الساجد ينول اللي تمناه
يا زهرة … اسمج منار ايدلي الايضيع
او بترابج … يتحنه كلمن رايد الجاه

يدي … بسطّها أريد
يدي … تغلّ كالعبيد
عسى … أفوزُ بالجنان
عسى … وأحضى بالامان

ذي منيتي … وقبلتي
للزهرة كون انحسب خدام
ابهاي افتخر … ما انكسر
حين الاشد خدمتها الي احزام
.
.
هالدنيا امسخّره
الجف طه او كوثره
او همه اهل الآخره … واهل الراي

والبيهم يحتمي
ايسوونه آدمي
وانه الهم انتمي … او زودي ابهاي

يا جنة … خدمتهم المحسوبه فردوس
والمنه … ينطون فيض او موش بالطوس
نشتمه … ريح الجنان ابريحة الچاي
كل احنه… رفعونه جاه او رفعوا الروس

بهم … يكون الافتخار
بهم … محط الانتصار
لهم … فقد حل السجود
لهم … يدور ذا الوجود

ال السمه … واهل الحمه
همه الملاذ اليحمي الادخيل
كلشي انوجد … الهم سجد
من الحجر للروح جبريل
.

فاضل عباس الخزاعي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

تقره عليها الفاتحه .. بالحسره والدمع
وتنعه اعله امها الرايحه .. باللطمه والضلع
امن اثناعشر امام .. يافاطمه السلام
@@@
والأيمه الليله عد مخفي گبرها
عاللي محنية ظهر احنت ظهرها
من اجوا يم التي ابزهرة عمرها

وگعت ابسطره وعصر فتت صدرها
…
هذي التي في كل بلد .. تنصب عزيه
سامره لو مشهد لون .. بالغاضريه
وابطيبه چم مقام .. يافاطمه السلام
@@@
كل سنه هاي الحزن بالعتره ينعاد
لحيدره وي الحسن وي زين لعباد
الباقر وي الصادق بآلام نزداد
كل اما الي حضر هندامه لسواد
…
نعي النعوا بالفاجعه .. بالامه تنفطر
بهامة علي وطشت الحسن .. مجموعه عالكسر
وبس للحزن كلام .. يافاطمه السلام
@@@
كاظم العتره اذا عد جدته ايعود
ابجيته نسمعها تصل زنجيل لگيود
والجواد ابزهرته والهادي مضهود
والحسن هالعسكري دلاله ممرود
…
والمهدي يم جدته حضر .. ومحسر الراس
وخلفه زينب عمته .. او وياها عباس
ابهدوة الظلام .. يافاطمه السلام
@@@
وبس يجي لحسين ضج الكون ضجه
مهجه تبچيها المهج بتراب مهجه
امصاب فاطم عالحجج مكتوب حجه
وهالمصاب لكربله مرسوم نهجه
…
بس وصل يم الگبر .. وينوح لحسين
اضلوع صدره تلتگي .. بصواب ضلعين
وبمكسر العظام .. يافاطمه السلام
@@@
ابمنحره المذبوح من جاها بلجروح
امن الگبر فاطم نعت يبني يمذبوح
ويحله للصدرين هالشهگات والنوح
ضلوع مهشومه ألتگت دلال مفتوح
…
ينادي اجيتچ بالنحر .. واجروح بعضاي
بلسم إلچ عجني الگلب .. لاچن بلا ماي
بت صاحب الغمام .. يافاطمه السلام
@@@
نوحوا على الزهراء يالعتره الحزينه
من كربله واحد بعد والبالمدينه
والبالخراسان الرضا جاي بونينه
وسامره وي بغداد من حيدر بنينه
…
هذي النصتكم بالدمع .. بوقات لمصاب
طبوا عليها وبللوا .. بالعين لتراب
من سادة الانام .. يافاطمه السلام
@@@
علي احمد الحمود
١٦-١١-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

عالقريحه والقلم .. بوعلي رفلك علم
نام مسرور .. بين لگبور
وانته خادم للحسين
@@@
مو سهل بالموت لمن واحد اتوسد لحد
فاگد اهله والحبايب موت والمات اشيرد
لاچن اليخدم بولكبر ليه فاطم تستعد
لحده من چفها الشريفه ينزرع ياس او ورد
…
وانته يالتخدمها كون .. اتشيلك ابوسط العيون
تنثر ازهور .. بين لگبور
وانته خادم للحسين
@@@
يالرحت عنه وعفتنه چفوف للمدمع تلم
خلفيت العبره بينه وانته رايح تبتسم
چانت ابياتك معاني انعيشها مثل الحلم
ولو نظمت الزهره بينه انحس ضلعنه ينهشم
…
شعر مو كتبه وكلام .. انحسه نبلات وسهام
حبره مقهور .. بين لگبور
وانته خادم للحسين
@@@
ياللي يتمت النواعي والمدامع واللطم
بعدك ابيات القصايد عايشه ابوزن الهظم
منك ابيات المصيبه شلون تالي تنحرم
وترى فرگاك ورثاءك خنجر ايطگ بالعظم
…
على مثواك القصيد .. نبض مدفون ابوريد
شعره منذور .. بين لگبور
وانته خادم للحسين
@@@
بوعلي العبدالله انهض مو وكت للموته هاي
ذبلة اورود المعاني وبعدك شيلگلها ماي
حسين اظنه يالخدمته باللحد كل ليله جاي
يگلك انه اليوم اجيتك وعلي لكبر من وراي
…
وكل رياحين الطفوف .. حضرن وراعي الچفوف
وام لحدور .. بين لگبور
وانته خادم للحسين
@@@
هني يالرحت ابسعاد وخلفت بين الجراح
ياصبح چنه نشوف وباللحد غاب الصباح
عالحسه لو يم حفرتك عاصف ايمر بالرياح
للغري شالك هبوبه بس على اجمل جناح
…
يا گمرنه الازهري .. علي رادك بالغري
جابك ابنور .. بين لگبور
وانته خادم للحسين
@@@
علي احمد الحمود
١٦-١١-٢٠٢٢
رثاء حسين العبدالله
الشاعر بوعلي الهجري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

سر الرحمان ..
ومنها دارت بالفلك لكوان
وفاطم ثمْره من وحي الايمان
قرآن الله وللهدى قرآن
…
اعله سم الله بالزهره دار الفضه
ومرضاها للباري عين الرضا
لولاها ماچان الهادي وعلي
وياسعده من حبها گلبه حظه
…
صل الله على ام الحسن
صل الله على ام الحسن
صل الله على ام الحسن
@@@
اعظم حجه …
هذي الزهره للنبي بضعه
چانت عينه فاطمه وضلعه
امن الدوحه للغصن فرعه
…
المرضيه المهديه على الحجج
فاطم بنت الهادي نور ونهج
رحمتها من رحمة رب الرحيم
وسبحتها مذكوره حرز وفرج
…
صل الله على ام الحسن
صل الله على ام الحسن
صل الله على ام الحسن
@@@
حب الزهراء …
امر الله ونازل على المختار
مشكاة او تزهر على الانوار
ومخصوصه ام الهدى الاطهار
…
ياوسفه ومن تالي شنهو انكتب
عالزهره ابلا تقوه انشب الحطب
وضربوها ابلا رحمه أهل الغدر
وعالعتبه بالعصره صدر انعطب
…
صل الله على ام الحسن
صل الله على ام الحسن
صل الله على ام الحسن
@@@
يامظلومه ..
ومنچ طايح منهشم ضلعين
وسوده اجفونچ والدمه بالعين
ويلي اعله ام الحسن وحسين
…
الله اكبر ابضلع انهشم
الله اكبر لخد انلطم
الله اكبر لمتن النزف
ومسمار ابصدرها مثل السهم
…
صل الله على ام الحسن
صل الله على ام الحسن
صل الله على ام الحسن
@@@
يامهضومه …
ومسلوبه حگ ابفدك ممنوح
ومنعوها حتى البچي والنوح
وظلت تعاني لي طلوع الروح
…
هاي اللي ابچفيها دار الفلك
ويخدمها بعيونه وحي الملك
مكسوره ومسلوبه وابلا سبب
منعوها من حگها نحلة فدك
…
صل الله على ام الحسن
صل الله على ام الحسن
صل الله على ام الحسن
@@@
علي احمد الحمود
١١-١١-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

ليش يا باب المنيه …. صوبت ضلع الزجيه
ياعذر عندك تكوله …. وانته مفتاح الرزيه

**

بياسبب تطفي مصباح نجوم الساطعه
وتسگي بذرة حزن والثمر ما تجمعه
يالعفت من فعلتك مصيبه ابلا شبه
مو مصيبة ضلع بل مصايب جامعه

ليش طاوعت التعده …. موچنت تگدر ترده
من دفع بچفوفه ريتك …. وجهك ابوجها تسده

---

اسأل وادري مالك عذر بي تعتذر
يالقبلت ابجريمة طفل وام تنعصر
الكوم من فزعة بنار وعليك اتجمعت
لاذت ام الحسن بيك رعايه للستر

سنين وانته تدري بيها….. فاطمه بضعة نبيها
وتالي بسمارك سلبها ….. العمر والراح امن اديها

---

خلفك وتسمع الصوت تلوع من الكسر
بيد تشكف ضرب وايد على جرح الصدر
وهوت عالكاع شبه عود ذبل لمن هوت
وانته نارك تلاهب وعتبتك بس جمر

اتروح وترد ابدنها ….. ومره ترميها على بنها
ومره تتحنه بدماها ….. ليش ما هزك حزنها

**
كون ما راضي بالصار وبالضيم الجره
وعذرك النار غصب بيك يباب موجره
العده اثلث ميه والنار فلا جاست بشر
اشعجب نارك فقط عالزجيه الطاهره

بس ضوه الدار وعطرها …. تجرع المر ابصبرها
مسجله عليها الهضيمه …. وما رحم بيها دهرها

*

چانت الدار زهیه ابوجود ام الحسن
وصفت عگب الجره الدار للهم للمحن
طفله ضلت تناطر ليالي من القهر
تدري باجر سبيه يخليها الزمن

باچر من اتروح اسيره بلا خدر وبلا عشيره
مجتفه ابحبل الشماته وحيره ترميها اعله حيره

---

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

تصير مرات ….. چلمة اصل المصيبه
وتترك اهات ….. اتشح منهن الطيبه
وأن چلمة لچن اسست چم دين
واول دين حلل قتل الحسين

*
امر من الجرح …ضلام اعله الصبح
ثلث حروف امضه امن المثلث
الونين اصل الوأن… ومفتاح الحزن
وطف كربله منعدها تورث
لسان اهل الافك … واعلان الشرك
اباب الزهره بيهن من تحدث

اصل الايمان … المنعدهن اتبره
واللي خسران … النطقهن على الزهره
حروف الخلفن كل دمعه بالعين
واول دين حلل قتل الحسين

**
اكول بيا بخت … الدار اتحوطت
بحطب والنار شبوها عليها
خجل ليل السمه … يشاهد فاطمه
من دفعو الباب شصار بيها
انصابت بالضلع … وذابت جالشمع
وتتلكه الضرب بجفوف اديها

هالبشر ليش … ولو بضعة نبيها
والعدد جيش… واهي حرمه شبديها
منهم وابتده ضيم النساوين
واول دين حلل قتل الحسين

---

شجنت بنت النبي …وعصرها ابن الدعي
وسكط محسنها عالعتبه رميه
سطرها بيا ذنب … رفسها وضل يسب
وهوت عالكاع محنيه الزجيه
وماصاحت علي …درت بيه مبتلي
بوصية طه حماي الحميه

هوت عالكاع … وصدت جسم ابنها
ودع ابساع … ودر من دم لبنها
وحلت للحزن كل لچمه بالبين
واول دين حلل قتل الحسين

---

الوأن يعني الدفن… وهموم الممتحن
بليل وبالخفي تندفن بضعه
وتفاسير الالم …وسر نحر وسهم
وسبب لحسين من ينكسر ضلعه
وعلامات اشكثر … خدر وام للخدر
وضعن مجتوف ما واحد يودعه

عمرماريد … بيه اتهنه مره
والعده عيد … عدهم سبي العتره
وزينب ياهو الها وماكو جفين
واول دين حلل قتل الحسين

*
باجر هم تمر …الامضه من الجمر
جلمة وأن عالحره الغريبه
الوأن تصبح حبل …وهزل تتبع هزل
ومصيبه اتفوت …والتجبل مصيبه
من بعد اليسر … توكف بالقصر
ومثل امها جرحها ماله طيبه

وينسمع صوت … للمحد سمعها
وامنيه الموت … من شافو دمعها
اول تالي توكف بالدواوين
واول دين حلل قتل الحسين

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيده لمولاتي الزهراء ع

انه الحسن واشرح قصة الباب
عالزهره الجره اكبرمن المصاب
بعيني شاهدت ذيج الرزيه من هجمت الكوم اعله الزجيه

---

الدار داري …. ودمعي جاري
ونار باب بنص دليلي اموجره

بين نوحي …. وحزن روحي
ونين ام فزز النومه ابمكبره

اعله الحياطين …. دم الاثنين
ياهو ميت ياهو عينه امودره

ياهو مصيوب…. ياهومطلوب
ام وابنها ثنينهم فوك الثره

عالعتبه الونين اينشف العروك
ياهو المنهم من النار محروك
دنيا من الهضم مرت عليه من هجمت الكوم اعله الزجيه

*

يا عذابي …. يامصابي
خد ورد جف دون رحمه مسته
بين حايط …. طفل ساكط
شحالها العايب ظلعها وشافته
والعجيبه …. بالمصيبه
الزلم من عمده بجدمها سحكته
وعلى ابنها …. در لبنها
مثل طير يرف جناحه وحضنته

نزف صدر الولد مدري امه عالكاع
بأول نضره منه وصار الوداع
زغير ومات من كثر الحميه من هجمت الكوم اعله الزجيه
*

الله اكبر …. ماكو اكبر
اعله الرجل تنصاب يمه حرمته
موش هينه…. تشوف عينه
تذبل ابنار ومصايب زهرته
اخ يمه …. ريت تعمه
عيوني والدلال يغفه بجمرته
امكيدينه …. وماخذينه
اخ ياحبل الوصيه وحسرته

اعاين بالوصي مجتوف الايدين
ومكسوره امي بس كل همها ابوحسين
ابصدره تفور غيره الهاشميه من هجمت الكوم اعله الزجيه

---

انكاد حيدر …. وامي تعثر
ركضت اتحامي اعله حماي الحمه
نار المها …. ماتهمها
تضم جرحها خاف حيدر تلجمه
انه يمها …. رغم همها
الطاغي رد وسطر امي فاطمه
ياهضيمه …. ياجريمه
حين ناحت بجّت املاك السمه

خلو عن علي تنادي يضلام
وحيده لاتضل من بعده الايتام
من بعده الزمن هم او اذيه من هجمت الكوم اعله الزجيه

---

سنين مرت …. لچن ضلت
حسره من اتمر تشب نار العمر
الّلي تعدو …. لو تعدو
كبالي وانضرهم يعذبني الصبر
يردعذابي …. وكل مصابي
وجلمة اليمه اللّي طاحت عالجمر
من اصدهم …. وانضرالهم
بس دموعي من الهضيمه تضل تدر

يالوعة دليلي الباقيه وياي
حامي الحمه ضل بلايه حماي
ويتمنه بقه تلفي المنيه من هجمت الكوم اعله الزجيه

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
شور

لمولاتي الزهراء صلوات الله عليها
////////////////////////////////////////////

فرحانه وأحسب…. يومه
امحضره المهد…. واهدومه
وأتخيله… بأرسومه
يشبه حسن لو يشبه احسين

بي جنت أحس… ليليه
يكبر شويه….. شويه
يقويني من… ما بيه
حاسبته مثل الضوه البلعين

گدما أله اشتاگ واحن يوميه ارسمه
ومره اتفقنا اني وعلي والله اعله اسمه
يمتى يجي وبجفوف أدي اگعد والزمه

يمتى اشوفه….. ويغفه بجفوفي الولد
ما اعوفه….. بعيني أغطي لو برد
وابقى اطوفه…. لصبح فوگ المهد

وامحسناه…… وامحسناه
……………………………………………
اعله اعيالي كلها…. احجيله
ودوم بسلامه…. ادعيله
ولو طب علي… اوميله
وعودته عل الكرار بألثام

عاشرته ذيج… العشره
الله يطول…. عمره
علّمته حب…. الفقره
وحفظته كل اوجوه الأيتام

وكلساع واحد من اخوته بطاري جابه
وكل كعده نگعدها سوه نحسب احسابه
ماجاي لدنيه لجن يوجع اغيابه

شگد نحبه…. ابيتي كلساه ينذكر
ابني محسن….. شوفته من العمر
لجيتَه سالم…. مدري صارن جم نذر

وامحسناه……. وامحسناه
……………………………………………
يوم اختلف….. بأيامي
الدگ بابي…. مو ايتامي
وثگلت عليّ…. اجدامي
وماردت اروح وافتح الباب

اتغير هواي…. ولوني
ومحسن وگف…. بعيوني
وضليت اصد…. لمتوني
وجان اعله طرف الساني ابو تراب

والباب جانت يمي بس گوه اوصلتها
ومدري شوگع من عندي من آنه افتحتها
طگن اضلوعي بس صحت يبني بوكتها

شلون ألمه…. وگع محسن عالترب
واعله دمه… ايدوس ضل كلمن يطب
البي اتاني….. شلّع اهروش الگلب

وامحسناه….. وامحسناه

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
فاطمه اول زغيره
عاشت وماتت جبيره
…………………………………………..
عاشت بروحي اشكبرها رغم زغر أسنينها
اغلى من اعيوني فاطم وكون بيه اونينها
حسبي الله عالعصرها وهضم گلب احسينها
مادرى (فلان) السطرها آنه جنت بعينها

بالقيامه الباب يشهد
منهو بجه بت محمد
ام حسن فخر العشيره
عاشت وماتت جبيره
…………………………………………..
فاطمه الله يحبها ويحب كلمن حابها
شنهو عذره ال (وأن) كايل يوم دفعوا بابها
طولها ماشافه أحد بس علي ومحرابها
احجابها بله أشيطيحه ولازم الله احجابها

كلشي مخلوق لأجلها
والنبي يمه يگلها
وبلارض ل(الله) سفيره
عاشت وماتت جبيره
…………………………………………..
ماتموت الكلها رحمه وخير كل ايامها
قبل لاتفگد ولدها تسأل اعله ايتامها
تموت اذا تسمع فقيره وتبجي كل احلامها
وروحها ترطض قبلها وقبل حتى اجدامها

عاشت وماتت أبيه
ماكو أحن من الزجيه
جانت شكد بيها غيره
عاشت وماتت جبيره
…………………………………………..
فاطمه سورة الكوثر لجن ما راعوها
مادروا أذو محمد والله من أذوها
فاطمه السر الإلهي وحجه عالبجوها
اثمنطعش آيه عمرها بيا ذنب دفعوها

تبت أيد الي دفعها
والكسر منها ضلعها
حيروها شلون حيره
عاشت وماتت جبيره
…………………………………………..
لو يتامه اوصي ومرسل لو نبي خطارها
غيرهم محد تجرأ داس عتبة دارها
الوگفت بعيني وصيتي جا شهد فقارها
وبيدي احرگه افلان ذاك الفكر يوج نارها

سبع فدوات السقفيه
تروح لتراب الصريفه
للعرش جانت وزيره
عاشت وماتت جبيره
…………………………………………..
ماكو لام محسن شبيهه وماشفت بأطباعها
تستحي وضمت ألمها رغم ذيج اوجاعها
جم ملك نازل عليها ويسأل اعله اوضاعها
الله سجل كلشي الها امن السمه لحد گاعها

آنه منها وهيه مني
وقبل لا احجي اتعرفني
وجهي بس الها اديره
عاشت وماتت جبيره
………………………………… ……
ام حسن بالدار نسمه وتضوي دوم ابيتها
غسلتها وجفنتها وبالدمع حاجيتها
فاطمه فتحي أني حيدر تموت ما وصيتها
اشلون انطتني أديه وبالكبر خليتها

راحت الجانت حياتي
بيدي دافن أمنياتي
بدونها روحي اسيره
عاشت وماتت جبيره

احمد ماجد الكلابي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

عَـايِـشْ حَـرَامْ تَحْتِ السِّمَه
اِوْ تَحْتِ التُّرَابْ ضَيْ فَاطِمَه
ــــــــــــــــــــــــــــــــــــــــــــــــــــــــــــــــــ
وَيَّـاهَـا اِخِذْنِيْ يَاگبُرْ ؛ ظَلْ بيتِيْ خَالِيْ
مِنْ رَاحَتِ الزَّهْرَه اِنْطُفَتْ أحْلَه اللَّيَالِيْ
آنَـه عَلِيْ البِالحومَه مَـا وَاحِـدْ دِنَـالِيْ
دَارِ الزَّمَنْ بِيَّه اِوْ صِرِتْ أدْفِـنْ غَـوَالِيْ

فَـگـدِ الحَبِيبْ مَـا أعْظَمَه
اِوْ تَحْتِ التُّرَابْ ضَيْ فَاطِمَه
ــــــــــــــــــــــــــــــــــــــــــــــــــــــــــــــــــ
يَاويلِيْ تَابُوتِ اُمْ حَسَنْ شِمْسَوِّيْ بِيَّه
اِبْـليل اَظْلَمْ اَدْفِنْهَا اِوْ أرِدْ صَعْبَه عَلَيَّه
بِـالـگُـوَّه أحْفُرْ بِالگبُرْ وَ اَفْـرُكْ بِـدَيَّـه
مَـا أدْرِيْ گبْرِيْ هَـذَا لـوْ گبْرِ الزِّچِيَّه

هَاي الـحَـيَـاةْ اِشْگدْ مُؤلِمَه
اِوْ تَحْتِ التُّرَابْ ضَيْ فَاطِمَه
ــــــــــــــــــــــــــــــــــــــــــــــــــــــــــــــــــ
بِـعْيُونِيْ دَرْبِ المَگبَرَه يِـرْسِـمْ مِنِيتِيْ
چَمْ خُطْوَه لَاكِنْ بَيَّنِ الشّيبِ اِبْلِحِيتِيْ
مِنْ رَاحَت اُم بيتِيْ اِوْ بَعَدْ مَا لَمْنِيْ بيتِيْ
أمْشِيْ اِوْ دَمِعْ عينِيْ حَجَرْ عَثْرَه اِبْمَشِيتِيْ

حِـزْنِـيْ الچِبِيرْ مَـا أكْـتِـمَـه
اِوْ تَحْتِ التُّرَابْ ضَيْ فَاطِمَه
ــــــــــــــــــــــــــــــــــــــــــــــــــــــــــــــــــ
يَـاريتَه گلْبِيْ اِمْـنِ القَهَرْ يِحْضُنْ مَمَاتَه
مَا أبْچِيْ خَايفْ تِفْرَحِ اِبْدَمْعِيْ الشِّمَاتَه
اليِدْفِنْ زَهِـرْتَـه مَـا يِظَلْ مَعْنَى الحَيَاتَه
وَجْــهِ الحَبِيبَه اِيْـرَاوِدَه اِبْـأرْبَـعْ جِهَاتَه

عُگبِ الحَنَانْ عِشْتِ اِبْظِمَه
اِوْ تَحْتِ التُّرَابْ ضَيْ فَاطِمَه
ــــــــــــــــــــــــــــــــــــــــــــــــــــــــــــــــــ
جَاوبْنِيْ يَـتْرَابِ الگبُرْ وِ اِشْـرَحْ وَضِعْهَا
طَابِ الضِّلِعْ لوْ بَعْدَه مَا طَايبْ ضِلِعْهَا
وِالسَّطْرَه يِنْزِفْ دَمْهَا كِلْ مَا صَبْ دَمِعْهَا
وَ اَدْرِيْ العَبِدْ فـوگِ الوَجِه بِيدَه صُفَعْهَا

حَـمْـرَه العُيُونْ تِنْزِفْ دِمَـه
اِوْ تَحْتِ التُّرَابْ ضَيْ فَاطِمَه
ــــــــــــــــــــــــــــــــــــــــــــــــــــــــــــــــــ
چَانَتْ أمَانَه فَاطِمَه اِوْ رِجْعَتْ لَـبُوهَا
إرضُوهَا گالِ اِوْ بَعْدَه رَاحَوا رَضْرِضوهَا
مَدْرِيْ شِجَاهَا الوَادِمِ اِوْ مَـا قَـدِّروهَا
مَا بين بَابِ اِوْ حَايطِ الزَّهْرَه اِعْصِروهَا

قِتْلَتْهَا لـيـشْ چَـفْ ظَالِمَه
اِوْ تَحْتِ التُّرَابْ ضَيْ فَاطِمَه
ــــــــــــــــــــــــــــــــــــــــــــــــــــــــــــــــــ
گِـدَّامِيْ زيْـنَـبْ لـوْ بِچَتْ يِچْوينِي اَلَمْهَا
چَنْ طيرَه مَذْبُوحَه بُقَتْ مِنْ رَاحَت اُمْهَا
وَ آنَه اَدْرِيْ مُوْ هَالفَاجِعَه اِوْ يِخْلَصْ هَضُمْهَا
بَـاچِـرْ عَليهَا اِبْـكَـرْبَـلَـه اِيْطِيحَنْ خِيَمْهَا

بَـعْـدِ الـحُسَينْ مَاكُوْ حِـمَـه
اِوْ تَحْتِ التُّرَابْ ضَيْ فَاطِمَه
ــــــــــــــــــــــــــــــــــــــــــــــــــــــــــــــــــ

١ / ١ / ٢٠٢٢ السبت
كرَّار حيدر الخفاجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

كِلْمَةْ وَ إنْ چَانَتْ سَبَبْ دَمْعِيْ
جِرْحَتْنِيْ أكْثَرْ مِـنْ كَسِرْ ضِلْعِيْ
ــــــــــــــــــــــــــــــــــــــــــــــــــــــــــــــــــ
آنَـه بِـتْ أطْهَرْ بَـشَـرْ فـوگِ الـتُّـرَابْ
مِنْ حِجَابِيْ السِّتِرْ يِسْتَوْحِي الحِجَابْ
آنَـه بَـاب الله اِوْ دُعَـاءَه المُسْتَجَابْ
اِشْلونْ حَمَّالِ الحَطَبْ يِحْرِگلِيْ بَـابْ

اِچْفُوفِ الظَّلَامِ الحَارُبَتْ شَمْعِيْ
جِرْحَتْنِيْ أكْثَرْ مِـنْ كَسِرْ ضِلْعِيْ
ــــــــــــــــــــــــــــــــــــــــــــــــــــــــــــــــــ
آنَـه مَـا مِخْتَنْگه مِنْ نَارِ اِوْ دُخَانْ
بَسْ خِنَگنِيْ الطَّوَّلِ اِعْلَيَّه اللِّسَانْ
اليِهْجِمِ اِوْ يِكْتِلْ يَتِيمَه اِشْگدْ جَبَانْ
غَاضِبَه اِوْ مَـا أرْضَـه عَنَّكْ يَافُلَانْ

صوتِ الشّتَايمْ مِنْ وِصَلْ سَمْعِيْ
جِرْحَتْنِيْ أكْثَرْ مِـنْ كَسِرْ ضِلْعِيْ
ــــــــــــــــــــــــــــــــــــــــــــــــــــــــــــــــــ
بَعْدَه مَا فَاتِ اِعْلَه دَفْنِ الهَادِيْ عَامْ
وِ المُنَافِقْ طَـاحْ مِـنْ وَجْـهَـه اللِّثَامْ
لَـجِـلْ مَنْصِبْ هِجْمَوا اِعْلَيَّه اللِّئامْ
وِ المِلِحْ مَـا غَـزَّرِ اِبْـوِلْـدِ الـحَـرَامْ

زُمْـرَةْ جَهَلْ مَـا قَدِّرَتْ وَضْعِيْ
جِرْحَتْنِيْ أكْثَرْ مِـنْ كَسِرْ ضِلْعِيْ
ــــــــــــــــــــــــــــــــــــــــــــــــــــــــــــــــــ
نَاسْ تِتْرُسْ جيبْهَا اِوْ تِنْسَه الضَّمِيرْ
اِوْ تِنْتِخِبْ لِصِّ العَرَبْ حَاكِمْ يِصِيرْ
اِشْكِثُرْ زَاعِجْهُمْ لَقَبْ ” حيدَرْ أمِيرْ “
لَـعَـدْ ويـنَـه البَخْبَخِ اِبْـيومِ الغَدِيرْ

وَادِمْ لَجِلْ كُرْسِيْ الحُكُمْ تِسْعِيْ
جِرْحَتْنِيْ أكْثَرْ مِـنْ كَسِرْ ضِلْعِيْ
ــــــــــــــــــــــــــــــــــــــــــــــــــــــــــــــــــ
دَمْعِيْ مُوْ لَجْلِ الضِّلِعْ وِالعَصْرَه سَالْ
نِـحِـتْ مِـنِّ اِنْـگـادْ حـيـدَرْ بِالحِبَالْ
بَـشَـرْ مَـا تِـعْـرِفْ حَـرَامِ اِوْ لَا حَلَالْ
عـيـبْ عَالتَّارِيخْ يِـحْـسِبْـهُـمْ رِجَـالْ

قَادَةْ حُكُمْ بَسْ مُوْ حُكُمْ شَرْعِيْ
جِرْحَتْنِيْ أكْثَرْ مِـنْ كَسِرْ ضِلْعِيْ
ــــــــــــــــــــــــــــــــــــــــــــــــــــــــــــــــــ
المَا لِـزَمْ سيفَه وَ لَا طَـبِّ اِبْـنِـزَاعْ
بَسْ عَـلَـيَّـه اِيْرِيدْ يِتْسَمَّه : شُجَاعْ
المَا حُفَظْ خُطْبَةْ مُحَمَّدْ بِـالـوَدَاعْ
وَالله لوْمَا ضِلْعِيْ دِينِ البَارِيْ ضَاعْ

ويلِ العِصَابَه الحَاوِلَتْ قَمْعِيْ
جِرْحَتْنِيْ أكْثَرْ مِـنْ كَسِرْ ضِلْعِيْ
ــــــــــــــــــــــــــــــــــــــــــــــــــــــــــــــــــ
مَـا طِحِتْ عَالگاعْ مِنْ نَزْفِ الجِرَاحْ
بَسْ طِحِتْ لَمَّنِ المِحْسِنْ مِنِّيْ طَاحْ
طيرْ جَـنَّـه اِوْ لِلسِّمَه مِنْ حُضْنِيْ رَاحْ
خِلَصْ مِـنِّ الدِّنْيَه وِ اِبْـموتَه اِسْتَرَاحْ

الطّيحَةْ جَنِينِيْ اِبْكِلْ وَكِتْ أنْعِيْ
جِرْحَتْنِيْ أكْثَرْ مِـنْ كَسِرْ ضِلْعِيْ
ــــــــــــــــــــــــــــــــــــــــــــــــــــــــــــــــــ

٢٢ / ١٢ / ٢٠٢١ الأربعا
كرَّار حيدر الخفاجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

واويلا يازهراء
ــــــــــــــــــــــ
ييـمه خلاف عـينچ مظـلم البيت
وعليچ امن الكلب والروح ونيت
حنينه ورجعـتچ كـل يـوم تانيت
واصبر كلبي هسه تعود اليه

واويلا يازهراء
ــــــــــــــــــــــ
ييمه وكـلـبي مايـتحـمـل افـراك
البعد نيران يمـه وحـيل وحـراك
احـن لشوفتچ وعـيـوني تشـتاك
بغيابچ عشت دمعـات واذيه

واويلا يازهراء
ــــــــــــــــــــــ
ييمه وياچ اني امنيتي مـدفـون
ولا ابقى وبهظمتي ودمع العيون
اجوني الناس وبروحي يصبرون
واكلهم امـي يمته ترد علية

واويلا يازهراء
ــــــــــــــــــــــ
يشـمعة بيتـنه والـمـوت طـفـاچ
اذان حكه الكلب مجروح ينعاچ
كـسر ظـهري ييـمه يـوم فـركاچ
ييمه شبيدي اني على المنية

واويلا يازهراء
ــــــــــــــــــــــ
عمرنه انتي ييمه وانتي الانفاس
حنان ورقة يمه وطيبة وحساس
ييمه اعليچ شيب كلبي والراس
صعب ماشوفچ أنه المغربيه

واويلا يازهراء
ــــــــــــــــــــــ
تمت بعون أسد الله الغالب
العبد الذليل علي الكعبي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
أسمع الزهره الحزينه * تنشد الهادي نبينه

الگوم چا ليش أهجمت* نار بالباب أشعلت

---

من زغــــر سني والهظم رافگني

بعمر الصبا ومر الصبر جرعني

ثوب الحزن موش الفــرح لبسني

يـومي بـدمع ليلي يـرافـج ونــــي

ظلعي الذي عصرته ** شنهو السبب كسرته

گلبــي خلص بونينه ** تنشــد الهـادي نبينه

---

بسهم الكــدر بـويه الزمن صوبني

أنــت ارحلت وآنـه الوكـت دولبني

مــا جنت اظـن بيك الدهـر يفجعني

وچف الخصم يوم الرحــت يسطرني

عالدار هجموا عالدار ** وآنه انصبت بالبسمار

لـيـش الخـلگ تـاذينه ** تنشــد الهـادي نـبينـه

---

عــيني انطفـــت دم الــدمـع هـماله

ومحسن وگع بويه شعظم هالحاله

لحسين اصــد شفــت الحسن يبراله

خايف عليه يـــدري العــدى چتالــه

دار الوحـي خادمهه ** شلون الرجس يگحمهه

خـالـف نـهـج بارينه ** تنشــد الهـادي نبينه

---

بويه اخـلافك گوم الاجـت هظموني

ومــن البچي اعليك العــدى منعوني

يـــوم الرحــت وأم الحــزن سمونـي

ظلعـــــي انــكسر وبعلتي دفـنـونــي

يمته الوعد يالمخـتار ** والمهدي يطلـب للثار

ورايـة عـلي بـيمـينه ** تنشــد الهـادي نبينه

**

ثــــاري وجـثـث ظلــت فـلا دفنوها

فـوگ الثرى بـلايه ذنــب سحگوهــا

وثــار المشـت عگـب الخدر سلبوها

فـوگ الهـــزل ويه الكـفـر مشـوهــا

يــوم الگـمـر لمن طـاح ** عـگبـه الخــدر تدري راح
ويـن حمّـاي الضعينه ** تنشــد الهـادي نبينه

---

لخادم خدمة الحسين ع
ابو عمار الدراجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
صلي لـربـك شكـرا وانحـر * انــا اعطيناك الكوثـــــــر

**

الفاطــم خلقهــه * السبعــه ورفعهــه * البــاري بجلالــــــه

فــازالتبعــهــــه * واســه الدمعــهـــه * دمعـــه جرالـــــــــه

ثابــت يقيــنــه * نــــوره بجبــيــنـــه * يجلــي الظلالــــــــه

صك الشفاعه * عـــدها ومناعـــــه * المخلـــص ينالــــــه

عنهــا المعبود لقــد اخــبر * انــا اعطيناك الكوثـــــــر

*

بالعـرش جوهـر * فـاطمـه وحـيدر * والنــبـي الهــــــــادي

والحسن وحسين * والتسعــه باقيــن * غايــة مــــــــرادي

الله اصطفـاهــم * واحنــه ابحماهــم * والكل ينـــــــــــادي

للزهـره خـــدام * اشمطــول الايـــام * رغــم الاعـــــــادي

والخالف في الحشــر ادبر* انـــا اعطيناك الكوثــــــر

---

الكالـت نودهـــه * طلعــت تضدهــــه * بعــدك يمختــــــــار

تعلـن حقدهـــه * الـدارك كصدهــــه * وتنــادي بالنـــــــــار

الزهره عصرهـه * ابابك سطــرهـه * جـن يطلب بثـــــــار

وينك يبــوهــه * كومــك ولوهـــــه * وتكلك الصــــــــــــار

ظلعي في البسمار تسمــر* انـا اعطيناك الكوثـــــــــر

**

بويــه ظربنـــي * بسوطــه اعله متنــي * طيح جنينــــــــــــي

كسرلي ظلعــي * بيميــنه ردلــــي * وهوه اعله عينــــــــــــي

يالهادي اخبرك * رافكنـــي بعــدك * نوحـــي اونينــــــــــــــي

ودموعي تجــري * نار اعله خـــدي * ريتــك تجينـــــــــــــي

والظالـــم للنــــص انكـــر* انــا اعطيناك الكوثـــــــــــــــر

---

الموادع اليــوم * اكثرهــن اهمــوم * عكب الجرى وصـــــار

حسين ابنحيـبـه * ايودع الحبـيــبه * ودموعــــه مــــــــــدرار

وزينب صدعهــه * فراكج فجعهـــه *اعليهـــه الزمن جــــار

دنيانــــه ظلمــــه * بعــــدج يــيــمــه * ياشمعـــة الــــــــــــدار

والعرش بنورك قـد اسفــر * انا اعطينــاك الكوثـــــــــر

*

حيــدر يبظعــه * من رحتي وظعــه * سلـــواه الادمــــــــوع

هل الجفــن دم * عــاش العمرهــم * من شــاف الاظلـــــوع

بروحي الحزيـــنه * يكلــج ولينـــه * كبــرج والاشمـــــــوع

للمهــدي ينطــر * للشيعــه يظهــر * وتـزوره الاجمـــــــوع

ايــن المهـــدي فاليظهــــر* انا اعطينـــاك الكوثــــــــــر

---

لخادم خدمة الحسين ع
ابو عمار الدراجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
هاي البتول الطاهره هاي أم الاطياب

ليش اللعين ابلاسبب يعصرهـه بلباب

ولمن وكع محسنهه ذاب الصخر من ونهه

ليش اللعين ابلاسبب يعصرهـه بلباب

*

ليش الزنيم ابلا ذنب كســـر ظلعــهـه

هاي التي فوك العـــــلا ربـك رفعــهـه

وطيح جنين الفاطمه يــــوم الدفعـهـه

ونت لجن ماظن ابد حـيــدر سمعـهـه

فضه التي حضرتهـه حين الهوة سندتهـه

شافت على العتبه بدر مسرع بلغـياب

*

شافت بـدر نوره دمه مسـرع غيابه

غط ابحر حزن وذبـل عـــود النجابه

كبل الوعد هل ورحـل يشكي مصابه

ابدال الحظن ثوبه جمر مهده الترابه

جنه يناغي أتسمعــه فدوه العمر للبضعــه

صدري ولا صدرج ردت يايمه ينعاب

**

ظلعي ولاظلعج ردت يكسرهـه بسمار

اوجهي ولا بابـج يشب يحبيبه بـلـنـار

ونتـي التـداوين الجرح يـاشمعة الـدار

الحالي اصد لوليج اصد فهميني محتار

بعمر الورد صوبني يـوم أسمعـت أه يبني

صحتي وعلى بابج اصد نيران الاصحاب

**

صحتي وعلى بابج اصـد نـار السقيفـه

بـاب الـذي تستأذنه املاك الشـريـفـــــه

وناس التي كلهـه دنس صـارت عفيفـه

الما ينحسب مــن الــزلـم رادوه خليفـه

وحيدر اصــد جفينـه بكيد الوصيه وعينـه

فاضت دمع من شافتج مفترشه الاتراب

*

فاضت دمع لمن سمع لـولاده عـيـنــه

لجلج نروح احنه فـده يمنه الحنـيـنــه

لـكـن يصـد كلبـه فـطر منظـر عليـنــه

بصبره جـرع مــر الهظم الـلـه اليعينه

حيرة زغيره بجرحين طيحة جنين وظلعين

زينب تروح المن تشد حيرهه المصاب

**

زينب تروح المن تشد يـــاجـرح الاول

ظلع الـذي احنـه الظهر خاف اتعطــــل

عني ولظن حر الشمس جسمي يتحمل

أتفيي ألـي اتـرد للظلـع تـرجـه أيـتعــدل

هذالحزن ليهه يعود يوم الطفوف المشهود

بين الكفل بين الذي كلبه السهـم صاب

**

لخادم خدمة الحسين ( ع)

ابو عمار الدراجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
الـلـيـلـه سـيـد الـكـون يـتـلـگـه بــدمــــع
فـاطـمـه بـيـاذنـــــب مـكـسـورة ظــلــــع
**
تـگـله جـتـنـي الـگـوم كـلـهـه فــازعــــه
وچـنـهـه تـطـلـب ديـن مـنـه أتــرجـعـــه
تـبـعـوا الـشـيـطـان سـيـفــه مـشـرعــــه
بـويـه شـفـت ارجـاس مـابـيـهــــم ورع

---

گـولـي شنهـو الصـار بعــــدي وشـجـره
ومـنـهـو يـم حـسـيـن ظـلـعچ كــســـره
ولــون خــدچ هــاذ مـنـهـــو الـغــيــــره
ولـيـش محـمـر جـفـنچ احچيلي استمع

---

ذبــل جـفـنـچ لـيـش محـسـن عـلـتـراب
ابـلا ذنـب مـطـروح يـشـكـي لـلـمـصـاب
بـويـه صـح الـبـاب صـايـرلـچ حـجـــاب
وصـابـچ الـبـسـمـار مـن شـفـتـي الجمع

---

بويـه گـولـي اشـلـون مـن جتـفـوا عـلي
احچيلي بـلـكـي أحزان كـلـبـچ تـنـجــلي
تـگـلـه يـالـمـخـتـار مـا أظـــــن تـنـسـلي
وخـاف گلـبـك لـو گـلـت هـم يـنـصـــدع

---

شـحـچـي يـالـمـخـتـار وبـدي بـيـا حـزن
ظـلـعـي لـوعـيـنـي اشــــد منهـو الـتظـن
لـو جـنـيـنـي الـطـاح عــلعـتـبـه ويـــون
لـو هـجـوم الـگـوم والـبـابي أدَفــــــــــع

---

الـكـل عـزيـز يـمـوت لابـد مـن سـبـيــل
الـگـبـره والاحـبـاب تــوصـله بــعــويــل
الـگـبـري يـالـمـخـتـار مـاظـل مـن دلـيـل
ولا ضـوه فـد يـوم يـم گـبـري الـشـمـــع
**
لا زيــــارة گـــبـــر لــــيــــه واربـعــيــن
ومــن بــعــد زوار گـبـــري الـحـسـنـيـن
زيـنـب وكـلـثـــوم ذابــــــن بـالـونــيــن
يـمـنـه گـبـرج لــيــش عــنـــه نـنـمـنــع
**
لخادم خدمة الحسين ع
ابو عمار الدراجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
عهد الثارچ لله انطينه
،،،،،،،،،،،،،،،،،،،،،،،،
عهد انطينه الربنه وكلمه
ولابد يوم اتضوي الظلمه
باسمچ نقسم سر النعمه
ظلعچ فاطم ما ناسينه
،،،،،،،،،،،،،،،،،،
ثارچ فاطم يوم انذكره
ابگلب الحبچ يشعل جمره
نصرخ حيدر الله يصبره
شلون الظلعچ صد بعينه
،،،،،،،،،،،،،،،،،،
اشلون الظلعچ مس ابچفه
حيدر شاهد كسره ونزفه
عينه الفگدچ ماظن تغفه
احنه ادموع اوياه اجرينه
،،،،،،،،،،،،،،،،،
اجرينه الدمع الحاله وحالچ
يم حسنين و حال اطفالچ
اشگالت زينب يوم الشالچ
ايتام اخلافچ يمه ابقينه
،،،،،،،،،،،،،،،،،
حيدر بويه انحلفك رده
نعش الزهره أنام ابسده
بس هالليله الظلع انظمده
ندعي الله اتگوم اتحاچينه
،،،،،،،،،،،،،،،،،،
ندعي الله اترد لينه الزهره
بيهه انحلفه الكسر أيجبره
يرضى ايتام نعيش ابحسره
دنيا ابلا أم ظلمه اعلينه
،،،،،،،،،،،،،،،،،
دنيا ابلا أم تصبح وحشه
ولا فجر ايظل بيهه وغبشه
نقسم بالله ورسله وعرشه
جمر امصابچ يسعر بينه
،،،،،،،،،،،،،،،،،
نواسي الزينب ننصب مأتم
ونلعن ذاك الضلعچ هشم
صدره الشيعي يكون ايوسم
بالدم لو لطمن چفينه
،،،،،،،،،،،،،،،،،،
لخادم خدمة الحسين ع
ابو عمار الدراجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
باب النبي شعضمها روح القدس خادمها
آمر ونزل بالقرآن عليهه اليطب بستئذان
،،،،،،،،،،،،،،،،،،
نص ونزل بيه جبريل بلغ يانبي الرحمه
باب الفاطمه بابي ولابد ربعك اتحشمه
الباطن رحمه للمخلوق الظاهربابك النقمه
وعليهه الخلك تختار نور الزهره لو ظلمه
خل ننشد جمع الاصحاب
شصاروجرى الذاك الباب
وليش الظلع بي ينعاب
وامر الباري ما ينهاب
دار المجد والايمان عليهه اليطب بستئذان
،،،،،،،،،،،،،،،،،
الباب المجد والايمان گمت والغايه اوصدهه
بيهه لذت رت حجاب من عين العدى بسِدهه
لكن هالخلگ ياحيف ظهرت كل حقد عدهه
وقائدهه الزنيم ايصيح لابد دارچ احرگهه
عليچ ولا يهمني الدين
وان بيهه الحسن وحسين
احنه الهل الامر ماضين
رضينه أبلعنة الدارين
وادري بالرسول الچان عليهه اليطب بستئذان
،،،،،،،،،،،،،،،،،،
باب الشرفت الاملاك حرگهه المنشبه اصله
وأن گلهم وديعه أهناه وأن دار النبي واهلهه
دفعهه ورتل البسمار اعوذ من البغي وفعله
رفسهه وفاطم اتنادي انكسر ظلعي يهل مله
يفضه صاحت الزهره
ظلعي انكسر بالعصره
عيني انطفت هالحمره
ظربني وطحت علغبره
نكر امر العلي الديان عليهه اليطب بستئذان
،،،،،،،،،،،،،،،،
دفعني ومن طحت للگاع محسن سَبِحه دمه
خضيب وچن يناديني سلام الباري الچ يمه
لعنه عله الذين يگول عصروا موضع الرحمه
بعد فگدالابو ماطاب جرحه وشرذمه أتلچمه
عليمن هجمة اعله الدار
عليمن روعوني ابنار
عليمن انشد الاشرار
عليمن نبتوا بسمار
بظلعهه والامر تنصان عليهه اليطب بستئذان
،،،،،،،،،،،،،،،،
أحاه يا مصيبتهه البيهه انفجعوا الثقلين
بين الحايط ويالباب معصوره وتدير العين
مذهوله اصبحت يا ناس بين الوگع والحسنين
خاف الناس تاذيهم ومحسن تسحگه الرجلين
وهيه مبسمره ابسمار
من الوح الجدار الدار
عليهه تجمعت الاشرار
وحيدر چتفه المختار
بوصيه وطاعة الرحمن عليهه اليطب بستئذان
،،،،،،،،،،،،،،،،،
لخادم خدمة الحسين ع
ابو عمار الدراجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

لمولاي ابن الزهراء
__
بعد ما التهي بغيرك
وحگ اعيونك ابقه وياك كل عمري
يالمعيشني من خيرك
يطول الحب اذا چان العشگ فطري
يصعب حيل تفسيرك
صرت خادم الك حيل ارتفع قدري

دنيا بيهه الي يصح والمايصح
بيهه اسمك ياطبيب الكل جرح
انته قانون العشگ مالك مثيل
الله من نورك خلق وجه الصبح

مسكن نحيبي = جرحي وطبيبي= انته حبيبي
يانعمة الله

لجلك مماتي = هاي امنياتي = قبلة صلاتي
وگليبي صله

ياحسين ياحسين يا ابا عبدالله

هاذا انه اليحب اسمك
على طاريه اعيش ابهيده وبهيده
جمال الله بوسط رسمك
يعشگك كل گلب وتصير تغريده
طهرها الارض جسمك
حين الصار فوگ الارض تمديده

الله خلانه تره احنه مدللين
وخله تسهيل الامر لم البنين
والتضيگ الدنيا بعيونه ويحير
تفرج بلحضتهه لو زار الحسين

هاذا طريقي = عشگي الحقيقي= لطمي رفيقي
والكلشي بيه

كون الشهاده = مو بس حداده = اگليبي راده
يابو رقيه

ياحسين ياحسين يا ابا عبدالله

اذكر من جنت جاهل
يمشّوني هلي بإسمك واشد حيلي
وبعشگك صرت عاقل
لخاطر گمرتك گمت اسـهر بليـلي
منك كلـشـي بي قابل
لـو تحـرگنـي شمسك هـم تفيّـيلي

الـنـار ما تچـوينـي چي خادم الك
عاش البدرب الخدم جدمه سلك
كـلـشي ماريد اوصل بهذا الوجود
يــا ابــو الــخـدام رايـد اوصــلــك

يالضامي احبك=وامشي اعلدربك=وشوسعه گلبك
يابو اليتامة
يابعد اهلنا = وكل ضيّ شمسنا = بإسمك كبرنا
بفيّ الخدامة

يا حسين يا حسين يا ابا عبد الله

دمعتي غيرت احـوالـي
وسفينة دمعتي سارت ورى اشراعك
ضوة بنص عيني وتلالي
خـذتـنـي لعـالمـك دلـتـنـي بطباعك
السؤال الما هجر بالي
اشتـريت المثلي والمثلي اشكثر باعك

يا حنين الـماكـو من عندك احـنّ
مـغـرّب وصـاير لليــــحـبك وطن
بـيـة عـادة اشما اجيلك بالذنوب
اذنوبي كبل الحاجة يمك ينگضن

منّك بدينا = وبيك انتهينا = يالكلشي بينا
يبچي اعلجرحك
نحرك خذانه = بكل مشتهانه = لعالم حنانه
المتعلّي رمحك

ياحسين ياحسين يا اباعبد الله

أنه المانشف دمعه
وابچي شما اشوف الصوره گدامي
وسمع ناعي الك ينعه
يگول حسين شيبه مخضب ودامي
بلياك العمر شمعه
يذوب وتالي اضل بوحشت اوهامي

ياحبيبي ارزقنه من عاشورك
ماكو طور ايبچي أله ابطورك
بالمواكب نعتني وكت المسير
من البحر للنحر كلهه تزورك

رايه اعله رايه = من البدايه = حد النهايه
ننصب عزانه
ونه اعله ونه = وبدربه سرنه = يابو المحنه
گلبك شرانه

ياحسين ياحسين يا ابا عبدالله

✍️ كرار العطوي السماوي
✍️ كرار رحمن عيسى

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
ياعلي الليله مرحومه عبرتك
ياعلي غسل الزهرة بدمعتك
ياعلي الليله ودع فاطمه

ــــــــــــــــــــــــــــــــــــــــــــــــــ
ياعلي الليله دمعــــــــــتك تترك ابخدك اثر
ضهرك لمـــــحد يكسره اليوم عل زهرة انكسر
ادري صعبه عليك تسمع فاطمه خدها انسطر
وابنك المـــحسن يحيدر وسفه بالباب انعصر

ياعلي اتهدم بحيلك حسرتك
ياعلي غسل الزهرة بدمعتك
ياعلي الليله ودع فاطمه

ــــــــــــــــــــــــــــــــــــــــــــــــــ
بليل اخذ نعش الزجيه و وسده حدر التراب
يــــم كبرها اكـــــعد يحيدر وقره آيات الكتاب
حزنك عله الزهـــــرة بين ياعلي بوجه النگاب
الله اليعــــــــــينك يحيدر شيّبك هاذ المصاب

ياعلي ابيش اوصفها كسرتك
ياعلي غسل الزهرة بدمعتك
ياعلي الليلة ودع فاطمه

ــــــــــــــــــــــــــــــــــــــــــــــــــ
عينك ابفـــــــــكد الــــزجيه مايمر بيها الوسن
كوم غســــــــــلها يحـيدر بالدموع ام الحسن
بهـــــــــيده لا تلـجم ضلعها من تلفلها بلجفن
وبالكــــــــــبر وياهـــا عمرك راح باجر يندفن

ياعلي الليله تتمنه دفنتك
ياعلي غسل الزهرة بدمعتك
ياعلي الليله ودع فاطمه

ــــــــــــــــــــــــــــــــــــــــــــــــــ

حيرت الفاكــــــــــد خليله حيره مامنها تره
شال كلبك وانــــــــــت ماخذ زهرتك للمكبره
ياعلي بكـــل خطوه تعثر ولدمع من دم جره
الليله تــــــــــدفنها بكبرها والضلوع امكسره

ياعلي ياوسف طفو شمعتك
ياعلي غسل الزهرة بدمعتك
ياعلي الليله ودع فاطمه

ــــــــــــــــــــــــــــــــــــــــــــــــــ

كسره مالت افـــــركه بانت ياعلي الليله عليك
ومثل بجي الفاجــدات انسمعه ياحيدر بجيك
الغافي بحـــــضان المكابر ياعلي لضن يجيك
ضعف مال فـــــراك هاذه مو كبر رجفت اديك

ياعلي ماتت ليله ضحكتك
ياعلي غسل الزهرة بدمعتك
ياعلي الليله ودع فاطمه
ــــــــــــــــــــــــــــــــــــــــــــــــــ

حسين عبد الزهرة الدراجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

الا بذكر الزهراء تطمئنُ القلوب
ــــــــــــــــــــــــــــــــــــــــــــــــــ

            بذكــــــــــر فاطم تطمئن اكلوبنه
            هيه شمــــــعتنه التضوي ادروبنه
            هـــــــــاي ام حسين  ام محبوبنه
            هيه التوقــــــــــع غــــداً مكتوبنه

         خل نفهم المافهم    هيه تشفع للخدم
        غدآ يم رب النعم       هيه تستقبلنه

       احنه عشاك الامام   اهناك يم رب الأنام
          ادخلوها بسلام    فاطمه اتكولنه

               الا بذكر الزهراء تطمئن القلوب

            ــــــــــــــــــــــــــــــــــــــــــــــــــ
            الفاطمه اتباوعله حضه اشكبره
           ليخدم ويخلص وياهه اتشكره
           من الله شيريد الترزقه ابنضره
             والف هنياله التشكره الزهرة  

       اليرزق نضره  صدك   هاذه كلبه محترك
      ومثل ميثم بالعشك    كلبه تلكاه هايم

     ليجري دمعه عله الضلع   شانه حتما يرفع
     وصوت باجر يرتفع         ياهلا بالخادم

             الا بذكر الزهراء تطمئن القلوب

            ــــــــــــــــــــــــــــــــــــــــــــــــــ
             الخدمه أمنه ومانعيش ابدونها
               والف هنيال الذي يصونونها       
              الخدم كلش فاطمه يعشكونها
              وفاطمه اتحب الذي يحبونها

      الزهرة هيه اشرف مره  اشكد حنينه وطاهره
           اتقدر الخادم تره      ودوم ترفع شانه

         البجه دمعه الكربله     ينال اعظم منزله
           وبالقيامه ادللة         فاطمه السلطانه

               الا بذكر الزهراء تطمئن القلوب
           ــــــــــــــــــــــــــــــــــــــــــــــــــ    
              هيه باب الله واجينه لبابها
              انريدها اتسجلنه من احبابها
              فاطمه البينه يعيش اصوابها
             يمته نتشرف نبوس اعتابها

   ان شاءالله الموعد قريب  يبني مرقدها الحبيب
   ومجلس انقيمه ابنحيب    وبحضور القائم

     ويجي صوت من السمه  هذا مرقد فاطمه
        والملائك خادمه    باب صحنج فاطم

             الا بذكر الزهراء تطمئن القلوب
         ــــــــــــــــــــــــــــــــــــــــــــــــــ
            ماتهمنه ناس خلها اشما حجت
          عدنه اهم شي فاطمه علينه رضت
            عميه عين اللي بعزاها ما بجت
             وفازت اللي بحبها دوم اتمسكت       


           لبيها متمسك تره  فاز دنيه واخره
         وعل صراط اتعبره  ماتعوفه بحيره

        ماتمسه الحاطمه   لاوحك رب السمه
          والتعبره فاطمه    هاي نعمه اجبيره

            الا بذكر الزهراء تطمئن القلوب
           ــــــــــــــــــــــــــــــــــــــــــــــــــ

حسين عبد الزهرة الدراجي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
((شفتو المناير))

هنيـــالكم شفتـــو المناير
وبحضرةّ الضامن مشيتو
والگــــبه تعكس بالمدامع
وگضيتو شبـاچه وبچيتو

هنياله كلــــــمن راح ومشاله
چا يمته اصيرن حال الغزاله
ويحضني گلبه بحزنه ودلاله .. وأنوح

اليحچيلي عـنه تنزل دمعتي
الوَصف حضرته تكبر محنتي
چا يمته آنه ومتــاني حصتي .. واروح

يمولاي الرضا سـويلي چاره
اريدن نضره لو حـتى أشاره
وأكتب اسمي بـ اقرب زياره

أريدن بس زياره …

            """""""""""""""""""""""""""""""""""''''''''''''

هنيالكم مــن ضگتو زاده
وشاملكم بعطفه ورحمته
يرسم بالــوجـوه ابتسامه
بس هــوه بعيونه دمعـته

تنسه السوالف لو تگضي ليله
تنضر ضـــيائه وناس التجيله
اليعطش يشربه من سلسبيله .. العطوف

يترس دمعتك ضيم ومصيبه
وتـذكر خيــــام بنــــار ولهيبه
وبـــلا شعور اتنـــادي الغريبه .. تشوف

وحگ امزاحم الناس بحضرتك
مگابل صورتك نـــاطر رحمتك
يمته زيـارتك وزيـــــارةّ اختك

اريدن بس زياره …

            """""""""""""""""""""""""""""""""""''''''''''''

چا عمري خلص وآنـــه اتاني
چا يمته أشد ارحالي حـــاير
چا يمته اشيل بچتفي حملي
چا يمته ويســــمــــوني زاير

اليحچي برحمته وهاگد وئامه
ويگــلي تغفه بصحنه الحمامه
خجلني عــــوزي وكثر الملامه .. سكوت

يادهري كافي وخليني ازوره
لو مره وحده واشبگ سروره
عايش اردن مـــــو بالضروره .. واموت

هيـــــه العيشه وشتسـوه بغيابك
شحلاتّ الموت لو صار اعله بابك
راضــي وهيچ تحسبني بحسابك

اريدن بس زياره …

           """""""""""""""""""""""""""""""""""''''''''''''

لحــــد يـــــدليني بضريحه
خلوني اروح وشوگي يندل
گلبــــه حنين وحيـل اعرفه
مـــولاي ميخليني اســــــئل

ديوانه عامر كلشي الاطلبه
يدري شريدن يدريني گلبه
واليمه سهله ماعنده صعبه .. الرضا

أتخيـل آنــــه يــــم بابه گاعد
وأشتم رئفته وللرحمه أشاهد
تارسني خيره بس هوه واحد .. الرضا

تدري المــــوت مولاي ويوازي
يمته بچــــفك وتخـتم جوازي
يبو خير وعلى الملهوف جازي

اريدن بس زياره …

عبد زينب
محمد الابراهيمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
((أفارگ فاطمه))

بويه حسن بويه حسين .. عينوني
من يسرتي ومـــن يمين .. گودوني
طاحت ع راسي السمه
مو سهله افارگ فاطمه .. يولادي

            """""""""""""""""""""""""""""""""""''''''''''''

بهداي اريد اشبـــع بچــي
وكون اتعب ومــــا انتچي
وبحزني اذا صغت الحچي .. بويه حسن

انطيني متنك يالولد
مابيه عــالخطوه أبد
امك مشت يبني بعد .. بويه حسن

نيشان بويه أعـله الجفن ازرگ لون
كلشي اندفن بس الحزن مامدفون

مــن جدمي تصعد للراس .. آلامــي
ياناس أنــــه بيتي انداس .. گدامي
دنيا وعـــليه أمحـــزمه
مو سهله افارگ فاطمه .. يولادي

            """""""""""""""""""""""""""""""""""''''''''''''

دون امكم ومامش ولي
ولا ناصــر اليفــــزع ألي
وي فاطــمه أدفنته علي .. بويه حسن

يولادي أنه الكلي حزن
وبذني تـرن چلمةّ وأن
مو بيدي يابــويه أحن .. بويه حسن

يافاطمه وحتى الدمع هم بي صوت
ليــــــش اليحبونه هله بغفــله يموت

وين أنطي وجهي الياصوب .. وألگاها
يـــــــاريته گلبـــي المتعوب .. ويـــاها
معذور أذا ابچـــي دمه
مو سهله افارگ فاطمه .. يولادي

            """""""""""""""""""""""""""""""""""''''''''''''

ردينه سالــــوفه بحلگ
نشتم هوى بس نختنگ
وبابي لچمــات الحــرگ .. بويه حسن

شمـا نقتـــرب زاد الــــــدمع
وكل أحنه ادينه أعله الضلع
وحشه وبــده يفيض الشمع .. بويه حسن

رديت دافـــــن حيــــلي لمــــن رديت
گمت انشد حسين وحسن وين البيت

زينب تلاگيني شلون .. يـــاروحي
ولا ماتكفيني عــيون .. من نوحي
الفـــــاگد بعــد شتكلمه
مو سهله افارگ فاطمه .. يولادي

            """""""""""""""""""""""""""""""""""''''''''''''

زيـنـبـنـه مشلـــوعةّ گـلب
سكته ودمعنه ضل يصب
شنگلها وتشوف التـــــرب .. بويه حسن

شبگت على حسين بألم
وتگله مـــاتت عـــالخيم
شهگت وگلتلــــي السهم .. بويه حسن

وتگلي ياخويه الجسـم عالتربان
يازينب اتگلي النحر هم عطشان

مسبيه من سوگ الســوگ .. يفــرونچ
اتگلي الضعن هم محروگ .. يضعونچ
گتلها اموت مـن الضمه
مو سهله افارگ فاطمه .. يولادي

عبد زينب
محمد الابراهيمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ((چايمته يزينب))

نفذ بيــــه العمر يا وشـلةّ ايامي
ويَم بابچ يزينب منتهى احلامي
أموت وما ازورچ يسـتحي حالي
بالبرزخ شگلــــچ وانتي گـــدامي

مشوّ كلهم وأنه شبيه
ذنب لو قـصه مخفيه .. يزينب

اشوفن ربعي يم بابچ
لطــــموّ حيل لمصابچ .. يزينب

الگلب يمشي ..
فـــلا يندل
الهجر وشل .. هضيمه

انصبغ رمشي ..
وجرح ابيض
فـــــلا ينفض .. هضيمه

چا يمته ازور ام عون ياناس
چايمته ينطيّ الطلبه عــباس
مو شاب راس الگلب والراس

چا يمته يزينب …

            """""""""""""""""""""""""""""""""""''''''''''''

يـَ ام شباچ يلــمع بالسمه أنواره
يمته تلوذ روحي بصفه وأكتاره
كون ألــي يزورچ راحته دموعه
يم الباب الاخضر روحه محتاره

اليزورچ كون بدموعه
وأثر طــگات بضلوعه .. يزينب

كون آثــــار بخدوده
ونيه جروح معگوده .. يزينب

وأنه امنيتي ..
أزورنـــــچ
جرح منچ .. حياتي

وماهيتي ..
بس انتي
يسالفتـي .. وحياتي

يجر بيه مـصابچ واشتعل شوگ
تمنيت آنه اجيلچ مَسّبيّ عالنوگ
وأديــه مّچتفه وحجـــار وبسوگ

چا يمته يزينب …

            """""""""""""""""""""""""""""""""""''''''''''''

شغلتيني بهيـامچ ماشـفت راحه
سوگ الشام بذني اسمع صـياحه
ترى المثلچ هضيمه عالهزل زينب
المثلچ يـــــالعزيزه كــون مرتاحه

بخرابه شلون راحـتها
وبچت ويلي رُوقيتها .. يزينب

بچـــت وتـــريد والدها
وزينب مدري وشعدها .. يزينب

تصبرها ..
گلب شاجر
فكر حـــاير .. يويلي

محيرها ..
دمع طفله
شنو تگـله .. يويلي

بالطفله ضل متغير الحـال
تسمع تگله بـــويه بحـــبال
وماتت رقيه وضجه العيال

چا يمته يزينب …

            """""""""""""""""""""""""""""""""""''''''''''''

يزينب من اسئلچ ادري محــــتاره
فـــــوگ الضيم اگلچ رايد زيــــاره
ويه الناس اريد ارحالي مشــدوده
وأفل ارحالي يمچ واكشف اسراره

اريدن منچ انطيني
يمـــچ تنعمي عيني .. يزينب

وكون اتفظلي أعليه
أخذيّ الروح والـبيه .. يزينب

الچ روحي ..
واضل خادم
يــ ام هاشـم .. هديه

ندى جروحي ..
اجرحـــنه
وأصوغنه .. هديه

هوه العمر بس مـــره اقبليّ
ويامرخصه مولاتي وأخذيّ
مايسوه دونــــچ وين أوديّ

چا يمته يزينب …

عبد زينب
محمد الابراهيمي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

كسرو ضلعي بس علي خلوه اليه عله مـــــــوده أتحمل أنواع الأذيه
متهمني الأجراح بشوفت علي أرتاح
حامي الحميه
—————————————-
= عـشكنه أنه وعلي جــــتال ولا ضنكم تفهمونه
وعلي راحت علي الزهره وراحت فاطم عيونه
أحنه عشرتنه صدك عشرت حلال
علي لو طوله وكف فاطم خيال
*
قبل لا أحجي علي يفهم نضرتي فدوه العيون الحبيب أنه وكسرتي
كلبي عليه ناح بشوفت علي أرتاح
*
= علي بطرك النفس واكف وأصابع أيده يعــصرها
عبرته بصدره تاكل حيف النذل فاطمته يسطرها
حامـــي جاره وبيته ينداس شيكول
جا كلبها لون ما وصه الرسول
———————————–
ضهره صار هلال متقوس أشوفه حاني راسه ومنقهر يفرك جفوفه
هـــم روحه ذباح بشوفت علي أرتاح

= تهون العازه والله تهون بس عازة علي عازه
يعالم فاطمه من تموت ياهـو أيشيل الجنازه
ماكو ناس أتساوي حيدر ماكو ناس
غيره منهو يزتني ويطش كبري ياس
————————————-
علي مواعدني يغسلني بجفوفه مو حلو الموت وحبيبي ما أشوفه
الأسراري مفتاح بشوفت علي أرتاح

---

= علي من يدفن ويقره بالــــقران أحب صوته
أسمعه ينادي يم البيت وعبرته تفـزز الموته
يابس الداره يرد ميت الخضار
ينادي بعـــدج يم حسن ماليه دار
———————————-
يرجع وزينب تكله وينها أمي علي يشبكها ودمعته تكوم تهمي
مـــــن وكفته طاح بشوفت علي أرتاح

= تره اليدفن أعز ناسه يرد من الدفن شايب
اليكله شلونك يجرحه جرح دلاله ما طايب
الله كــون يعـــينه اليفارك خليل
تسـولف أهله وياه ودموعه تسيل
———————————
روحه تطلع تره المضيع حبيبه جرح الموادع ولا يحصل طبيبه
بس يــفرك الراح بشوفت علي أرتاح
حــــــامي الحميه
**
الخادم عبد الجليل المالكي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

الليالي الفاطمية

هيچي احنه نعتقد بارائنه
بهالليالي حاضرة زهرائنه
تكتب بماي الذهب اسمائنه
“””””””””
هيه كلمة ورد غطاهه يعني (ما قلَ ودل)
الزهرة مو بس بالمجالس للسمه ضيهه وصل
والـعِمَل مثقال ذرة بحبهه لو حتى أقل
هذا يعني برحمة الله ورحمة الزهرة انشمل
برحمة الله وفاطمة ما دامنه
خير كلهه وبركة ايامنه
منهه ولهه وبيهه كُل ما جائنه
“””””””
بالحديث القدسي ربنه واضح بقصده وجلي
گال لولا الزهرة هو ما خلق طه وعلي
الـطاع فاطم طاع الله والدليل ابما يلي
قولهُ عبدي أطعني تكن عبدي مَثَلي
خادم الزهرة الف هنياله
تنقبل عد الله كل اعماله
نحيي ذكر الزهرة ربنه شائنه
“”””””””
تحضر بكل المجالس بالنعاوي هايمه
هذا ينعه وذاك يبچي وذاك صدره يلطمه
ذوله كل واحد تسجل اسمه راس القائمه
(من يهمه الامر) تكتب والموقِّع فاطمه
الزهرة مو بالدنيه بس ترعانه
الزهرة دنيه واخرة ويانه
ما تقصر تمحي كل اخطائنه
“”””””””
كل عزة الزهرة تحضره المهدي معناهه حِضَر
تنجمع اهل الخدامة بفاطمة والمنتظر
الحجة كلمن واسه اُمه يُعتبر بالمختصر
ضمن الاتلثميت جندي من جنوده يُعتبر
اويانه دام الطاهرة موجوده
ان شالله اويه المنتظر وجنوده
ارزية الزهرة أشد ارزائنه
“””””””””
نوگف بيوم القيامة والملايك صاغيه
فاطمة تگول الخدمني خل يجي هالناحيه
انگلهه فوگ الرووس انتي يالعزيزة الغاليه
وهيه يا معشر الشيعة تگول عنكم راضيه
امغرگتنه فاطمة بمعروفهه
للحشر متعوفنه ومنعوفهه
ويانه هيه بضُرنه وبسرّائنه
“””””””””
خدمة الزهرة عبادة آية من الله ودرس
ربنه من اجل العبادة خالق الجن والانس
وهو خله احساس عدنه بالضلع حته نحس
والنَفِس سواهه حته نفدي للزهرة النَفِس
جمرة بينه لفاطمة لهابه
نبقه نلطم عالضلع ومصابه
خدمة الزهرة اعز اشيائنه

انيس الخفاجي الكربلائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
العامي ناظري…… وكاسر خاطـري

حيدر….. لمن حمَلني وشال نَعشي

حيدر….. مَيــت وعالأرض يمشي

                ★★★★★★★★★

جرحه ينشاف……. فـوگ الچتاف

وهاي اول مره حيدر مَحني ظـهـــر ة

يهمل ادموع ….. ولا زم اضلوع

بيده مو خيبر تره شايله زهرة 🌼

يبچي ويگول ….. عمري ميطول

علي أول بشر بيده حفر گبرة

القالع الباب …. چنه مو شاب

علي حيل ازغير بس صاير اشكبرة

الفارگ زهرته…… الشيب ابلحيته

حيدر….. شايل دمعته ابطرف رمشي

حيدر….. ميــت وعالأرض يمشي

                ★★★★★★★★★

اغله محبوب…… يبچي الغروب

وچم زليخه التدري بيه حيل أحبــــه

يذبح الشوگ …… اوي علي ايلوگ

ياهوا مثلي ابروحه باني احله كعبه

من البس احرام….. جرحي يلتام

وانــه اجي متعمده واغفه ابوسط گلبه

الوطن والناس….. مو بالحساس

علي كل احساسي بس من دونـــه غربــــه

دنيا ابلا علي…… بيت ابلا هلي

حيدر…. گاطعلي گلبي وحته هَرشي

حيدر….. ميــت وعالأرض يمشي

                ★★★★★★★★★

يمشي بليل…… وبيه عطر هيل

شايل الزهرة علي ومكسور خاطر

دمعته اتسيل…. وبالمشي ايميل

وفزوا من البچي كل اهل المگابر

نزل جـــبريـــل…… وبچه اسرافيل

وسولفوا وي حيدر ابدمع النواضر

ياعلي الــــــراي…… ابچــــي بهداي

ناحت املاك السمه ونصبوا چوادر

شايل فاطمه……. وتبچي اهل السمه

حيدر……. من ضعت مـنــه ظاع كلشي

حيدر….. ميــت وعالأرض يمشي

                ★★★★★★★★★

ابدمعة العين……. حسن وحسين

اجوا حفاي واجت زينـــب وراهم

حيدر احتار…… ايسكت الزغار

لو يظل ينحب علي ويبچي البچاهم

صاحوا ابصوت…. اهنا يتابوت

الصوبوا أمنه تموت امهم عساهم

فاطمه اتموت….. وعلي بسكوت

نزل من اچتافه نعشي وگابلاهم

زينب شمته…… ومسحت دمعته

حيدر…… طاح اعله زينب چنه مَغشي

حيدر….. ميــت وعالأرض يمشي

                ★★★★★★★★★

يبچي وينوح…… بس بلا روح
وظمني الصدرة حبيبي وغمض العين

اجروحي اغماگ…… وصعب الفراگ
وگلي تمشي وياچ روحي من تروحين

فاطمه اشلون…… ظلت ام اعون
والحسن يبچي ويشم ابنحر الحسين

شيب الراس…….. بأخر انفاس
لو مشيتي اخلاف عينچ كلنا ميتين

مَنزل حيدرة… …… صاير مگبرة

حيدر……. يادمعه فوگ اجروحه رشــي

حيدر……. مَــيــت وعــــــالارض يمـــشي

                       ★★★★★★★★★

ايكض بالصفاج….. والبچي الصياح

اشهالمصيبه منين اجتكم يالحبايب

انضر الحين…… هذا ابو حسين

يحفر ابگبري علي بس چنه شايب

ظهرة مكسور…. ابنص الگبور

ولحيته الحلوه تره انترست ترايب

گتله بهداي……. ياعلي اوياي

منين اجتك ويلي كل هاي المصايب

يادر الــنَـجَــــف…… دافن چَم سَـلـــف

حيدر….. هوه الملك وبروحه عَرشـــــــي

حيدر……. مَيت وعـــــــالأرض يمـــــشـــي

                      ★★★★★★★★★

ـــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
لو تنگلب ارض وسمه… ماننسه ضلعچ فاطمه

         يازهراء                يازهـراء

                     ★★★★★★★★★

يافاطمه انعاهد … واحد بعد واحد

حيدر يظل قائد… .. عالشيخين

اشما ظلوا اخبارة…. يبقه الوحي جارة

وبچفوفه فقــارة…… من اتحشمين

العابرهم ابصيته….. محد وصل بيته

بس چَـتْـفته اوصيته….. وعرفوا زين

حيدر يعرفونه….. من نظرت اعيونه

فنهم يلاگونه……. من اتزعلين

وشيبـة علي حامي الحمه…. ماننسه ضلعچ فاطمه

         يازهراء                يازهـراء

                     ★★★★★★★★★

يكشخ علـــي ابسيفه… ويـــذبحهـــــم ابكيفه

كل ظـــنه اجا ضيفه…… وطب للدار

عرفوا علي طالــــــع … ويصلـــــي بالجامـــع

البسمار اجه وجايع….. ويلهب نار 🔥

شاف الأجل گرَب… .. المحسن طلع عزَب

ابروحه اخوا زَينَب…… للخطار

يافاطمه ابهايه…… المحسن نزل أيه

وبيده حمل رايه…. للكرار

والمحسن وذاك الدمه….. ماننسه ضلعچ فاطمه

         يازهراء                يازهـراء

                     ★★★★★★★★★

رادو يمنـعــونــه…. وعنچ يبعدونــه

صحنه ويسمعونه…. مَنطخ راس

چم عابس ابعابس…. ابحبچ بقه اينافس

ثوب العزاء لابـس…. وكله احساس

محله بواچيـــنه…… وانتي التحضرينه

واتفاجئوا بــيـنه….. والعباس

يافاطمه اشلونچ….. رادوا يضيعونچ

وشافونه بعيونچ…. والأنفاس

رغم العصابه المجرمه….. … ماننسه ضلعچ فاطمه

         يازهراء                يازهـراء

                     ★★★★★★★★★

هاچ العهد منه… يا زهرة 🌼 الجنه….

لو ننذبح كلنه… ماننساچ

بس عينچ اعلينه…. وبيدچ تحزمينه

ابكل شده تلگينه…. احنه اوياچ

بالمجلس امروتچ…. سَمعينه بس صوتچ

لحگي العزه ايفوتچ…. بيه ذكراچ

ابنص العزه انريدچ… ونلطم على اوليدچ

ونشفي الدمع بيدچ.… من نلگاچ

بهاي الصدور اللاطمه …. ماننسه ضلعچ فاطمه

         يازهراء                يازهراء

                     ★★★★★★★★★

ابكل مجلس انشوفچ… وبالمدمع انطوفچ

بــس انعمــه شـــوفچ…. لجل حسين

نطلــم تشوفيــــــــنه…. وانتي التواسيــــــــنه

لطمــــچ يـــأذيــــــنه…. من اتلطمين

يالضلعچ امكَـسَــــر … لطمـــــچ عــــا المعتبر

هذا ابو الأكـــــــــبر… .. نـــور العين

يافاطمه الزهـــــــرة … رزقيــنه بس نضـــــــرة

يالبختـــچ اشكـــبرة…. من اتنضرين

تبقه المجالس قائمه…. ماننسه ضلعچ فاطمه

         يازهراء                يازهراء

                     ★★★★★★★★★

ــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــميمر جديد لأيام السيده الزهراء عليها السلام :

لا تبتعد
للزهره رد
أم الحسن بيها اعتقد
معروفه مترد معتاز او متخيّب اليگصدها

---

يامن عصيت او تيهت درب الله
واذنوب عندك تمنعك توصلّه
واتگول آنه الما ركع لا صلّه

امنين الدرب
واشلون اطب
وانه امتلك اسود گلب
او شيطاني الكل البوب ياصاحبي اموصدها

---

لو رايد اتدوّر صدگ عل توبه
واتدوّر الله او ما تعرف ادروبه
وكل الذنوب ابدفترك مشطوبه

اسمع الي
قُل ياعلي
طخ راسك او لا تعتلي
واسلك طريق الزهراء وابدمعتك مهّدها

---

من غير فاطم لا تدوّر مسلك
هيه التعدلك . ترفعك . واتوصلك
البيها ايتمسك للأبد ما يهلك

صَفْ نيتك
هِلْ دمعتك
اخلص او قدّم خدمتك
گللها راجع ندمان . ثق دمعتك متردها

---

گللها جايبلچ دمع من روحي
الليله ابچّي الما بچو من نوحي
الليله اداوي بالدموع اجروحي

واملي الجفن
حسره او حزن
يعگوب اتعبه من أون
يل طايحه ابير اهموم او لا قافله التنجدها

---

گللها جيتچ شارد امن اذنوبي
امن الساعه ما امشي بعد مگلوبي
انوب المعاصي واللهو مو ثوبي

دربي الشجن
مالي وطن
بس مجلسچ يم الحسن
اوهاي الخدامه للموت امعاهدچ ما هدها

---

شدّيت روحي چن علگ بالمنبر
خاطر المجلس عنّه ما أتأخّر
ارد ابچي لمصابچ دمع دم احمر

وعله الضلع
اهمل دمع
حد ما دليلچ يقتنع
چا روحي ابلايه ارضاچ مولاتي اشضل عدها

---

يم المكارم والشرف والعفه
امن الدفه هاذي دنيتي للدفه
ابچفه كلها والعزاء ابچفه

تسوه الارض
طول ابعرض
تسوه النظر تسوه النبض
ياگعدتي اويه الخدام وارويحتچ اسعدها

---

جيت اعله بابچ فاطمه واتوسل
رايد ايديچ ابدنيتي تتكفل
خليني بس درب المجالس اندل

يل زهره اود
اصبح عبد
والغيرچ ايدي ما امد
يامن ادي متروسات ابخيرچ گبل مامدها

---

عفت آنه ربعي وشلتي وكل صاحب
وجيتچ كسير وكل طلب ما طالب
يامن ابخيرچ ماچل آنه او شارب

افضالج غدن
ما ينحصن
يا كوثر او جنة عدن
ويّاچ اضل حي او ميت بس هاي انه الرايدها

---

ابو فاطمة الطائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يازهراء .. ما نسينه امصابچ
يازهراء .. نلـعن الوجّ بابـج
_

هل مرن الف عام . وايزودن الف عام . منعوف القضيه
عدنه الزهره دستور . بين الضلمه والنور .الها الحاكميه
لا تنشد بعد ليش . واعليش ابعزه انعيش . كل صبح اومسيه
يل تنكرها الضلوع . شمعرفك بالدموع .عدنه اشتسوه هيه

يا زهراء .. نبچي يم اعتابچ
يازهراء .. نلـعن الوجّ بابـج
_

شاهد رب الاكوان . تبقه الزهره عنوان . دمع الرافضيه .
والخدها الي مسطور . دم الشيعه منذور . يرخص للزچيه .
منجامل عل امصاب . شلّي ابزمرة اصحاب .
خانوها الوصيه .
العنهم عدل ميت . ذوله الحرگو البيت . زمرة ناصبيه

يا زهراء .. كلها فدوه اترابچ
يازهراء .. نلـعن الوجّ بابـج
_

رادو نترك الثار . نتناسها الاخبار . وانعوفچ وحيده
خاطر هاذه ميضوج . ذاك ايضل ممزعوج . وايمد النه ايده
ردينه ابفرد صوت . شرايه احنه للموت .
مانشري التريده
ابصوت الي ايتعداك . العن سلفه سلفاك
هذا اللعن ازيده

يا زهراء .. آية الله احجابچ
يازهراء .. نلـعن الوجّ بابـج
_

شيهمني اليزعلون . وانه العقلي مفتون . بالزهره العظيمه
رغمن عن الخشوم . مجلس فاطمه ايدوم .
واذكرها الجريمه
أبچي اشما يضل حيل . واشما چلچل الليل
للوعه الاليمه
وانعه ذيچ الجروح . المنها فاطمه اتروح .
مهظومه ابهظيمه

يا زهراء .. يا مصاب الصابچ
يازهراء .. نلـعن الوجّ بابـج
_

عهدي ابدمعة العين . سجلي يم الحسين . وقعته ابدمائي
عاديت الي عاداچ . واليت الي والاچ . وابقه كربلائي
عمري لجلچ اگضيه . بس الضلعچ ابچيه .
ما اگطع عزائي
اگطع دمعتي اشلون . مجنون آنه مجنون .
جنني ولائي

يا زهراء . . سجلي بكتابچ
يازهراء .. نلـعن الوجّ بابـج
_

شلي ابروحي لولاچ . لوما اگعد انعاج . يعني ابلا هويه
ضايع دونچ الدين . وايضيع المشيتين . ليعوف العزيه
آخرتي اويه دنياي .منچ طلبتي هاي . بس ارضي عليه .
واعلن للملا ابصوت . هذا لطمي للموت . ماعندي تقيه

يا زهراء .. والعن الميهابچ
يازهراء .. نلـعن الوجّ بابـج
_
ابو فاطمة الطائي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

(موشح)

أيـعـينـك الله يا علي فـحـل الـفـحـول
يـوم عــينـك شـاهـدَت ضـلـع الـبـتـول

———————-——————*

أشـكبر صبـرك سـيـدي يا بو الحسن
أخـذ مـنـك فـاطـمـة بـسـاع الــزمـن
فـتـح باب اعـليـك حزنـك والـمـحـن

وصار دمع العين بخدودك هَطول

—————————————-*

ادري هــد حـيلـك يـكــرار الــضـلــع
وخـتـلـط مـاي الـغـسـل وي الـدمـع
راحت الچـانـت ضوه البيتـك تـشـع

ولتهب گلبك على بنت الرسول

———————-——————*

اثمنطعش عـام الـعـمــر مـثـل الـورد
خـلـوا بخدهه عـلامـه اهـل الـحـقـد
اشـلـون لـو خـليّـتهـه بـوسـط اللحد

وتدري بحزانك بعد ما ضن تزول

———————–——————*

يا علي بـحزنـك تـره ايطول العمر
مـن بـدايـات الـضلـع حـد الـطـبـر
ألبس بفـگـد الـطـهـر ثـوب الصبـر

اسنين عمرك بالجرح والهم تطول

—————————————*

الـفـاطـمـة گـلبـك حـمـل نـار وألـم
وصـار بـسمـار الضلع مـثـل السهم
أصـبـر ورب الـعُلـى هـوه الـحـكـم

بغير صبرك سيدي ماكو حلول

——————————————-*

انـت حـامـي ادخيلهه وليث الحرب
الصـار شـفتـه والـجـره كلش صعب
بـاقـي بـالـزهـره أثــر مــن الـضـرب

وما رضت ام الحسن يمك تگول

———————-——————*

الـلـه يلـعـنـهـم تــره الـگـالـوا وأن
الـخلـوا بـروحـك يـكـرار الـحـزن
بعينك الدنيه صفت تـشبه سجن

والسبب كلمن اجه الدارك جهول

———————–——————*

✍خادم الـزهـراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

نعي
مفجع

يحيدر من تغسلني
بهداي الضلع كضه
تراهو الباب جارحني
وبثگله الصدر رضّه
خفيت اعليك ونّاتي
وحجيت بحالتي الفضه
خفت لاحاقد ايصدلي
واصيرن للنظر عِرضه
—————-—————–*

ادري بحالتي صعبه
وتشاهد اثر بسمار
اصبر والصبر مطلوب
ولا تجزع يحامي الجار
بتوالي الليل شيعني
ونعشي لاتحضره اشرار
اشكي مصابي للباري
والطه النبي المختار

——————–—————-*
يحيدر وألأهم مني
عينك عالحسن وحسين
وزينب صير سلوتهه
ونشفلهه دموع العين
يتيمه وتكسر الخاطر
تضل ومارحمهه البين
ألله بغيبتي ايعينك
ويصبرك يحامي الدين

———————————–*

✍بقلم خادم الزهراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
(خَبر الباب)

يـابـاب أسـتـمـع ضل شـاهـد الي
يـابـاب أسـتـمـع لا تـخـبـر عـلـي

مايتحمّل الصار … يكسر ضلعي بسمار

————–—————*

راح اخبرك وأستمع .. وانـتـه تـدري بـالـضلـع
صعبه حيدر ينفجع .. وبـيّـه يدري بهل وضـع
جفني غارگ بالدمع .. وعمري خلص چن شمع

گدام النبي سولف قصّتي
گـدام النبي بـيّـن حالتي
باچر شنهي الاعذار
————-—————*

والله حـيـدر لو دره .. ضلعي يكسر خاطره
مـنـظـر الـدم صوّره .. أشـهـد السيد الوره
أحِچي فعـل الغادره .. وأشرح الصار وجره

باچر بالحشر احچي الوالدي
بـاچـر بالحشـر دورك يبتدي
اكشف عن الاسرار
————–————-*

هـسـه أكـتم قصتـي .. لا تـسوّلـف حـالـتـي
خلي أعيش بدمعتي .. ألله يـدري بغـربتـي
هـوّه يـعـرف عـلّـتـي .. الغَيره مابث شكوتي

انه ام الحسن بت خير المله
آنـه ام الحسن أملك مـنـزلـه
الله الياخذ الثار
—————-—————*

حـالـه مـره ومـؤلـمـه .. صدري ينزف بالدمه
أضلوعي كلها مهشمه .. هـذا فـعـل الـظـالـمـه
جرحي دمعي أيلچمه .. هيچي صارت فاطمة

ماطاب الجرح من طاح الحَمل
ماطاب الجرح ودموعي أتهمل
يسعر جرح الاشرار

—————————–*

اخَـفـي امري من علي .. أي يروحـي اتحمّلي
جرحي يصعب عالولي .. حزني عفته بداخلي
والله حـرگـو منـزلـي .. وگلبي بالهم يغتلي

منهاج الضلم مـن بابي استمر
منهاج الضلم يـاويلـي الـعـمـر
الفعله تشهد الدار
——————————*

✍بقلم خادم الزهراء ع
الشاعر رعد الجريخي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــاتــوجــهــك ربــي
ــــــــــــــــــــــــــــــــــــــــــــــــــــــــــــ

اتــوجــهــك ربــي وبدعوه من قلبي
بفاطمه بفاطمه
بــ أسمـهـا والـنور وضلعها المكسور
بفاطمه بفاطمه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اتــــوجـــه لـسـاحـــة رحـمـــتـك وادعــــيـك
وبــســفــــن الــــنــجــاة اهــــل الــــكــرم ابــــدي
اتــــوســــل يــــــربـــي بــــفــــاطــمــه الــــزهـــــراء
أگـضــــيــهــا اللــــهــــي حــاجـــتــي الــعــــنــدي
نــــجـــح طــلــــبــتــــي والــــدعــــوه يـــــامــــولاي
نــــظــرة عــطـــفــــك تــــضــل لــــولــــد ولــــدي
اريــــــــداً ســــــيــــدي هـــــــذا الــــعــــزاء يـــــدوم
الــيــــه يــــا اللــــهــــي وللــــيــــجــــي بــــــعــــدي

هذا العزه يبقى ربي بذكره يرقى
بفاطمه بفاطمه
بقدرها المقدور وضلعها المكسور
بفاطمه بفاطمه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اقــــبل تــــوبه من خــــادم اذنــــوبه هــــواي
يـــالـــتـــقـــابـــل الـــتـــايـــب ربـــي بـــالـــتـــوبـــه
وسيله لغايه عـــندي فقـط اهل الــبيت
وعـــنـدك مغــفــره للـذنـــب مـــو صــعـــبه
عـــلـيـــك الـــزهـــره وبـغـربــتـــهـا يـــارحـــمـن
انــه بـــدون الــمــجــالس اشــعــر بــغــربــه
كــــل مــــأتــــم اريــــــد مــشــارك الــــخــــدام
وطريق الخدمة تمشي جدمي بــدربه

غفرانك لذنبي يا نبضي يا حبي
بفاطمه بفاطمه
بدمعها المنثور وضلعها المكسور
بفاطمه بفاطمه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الــمـجــلــس مــن اجــيــلــه اشعــر الاحــزان
بــيــه تصير دمــــعــــه وبــــأثــــر دمــــعــــه
أدبــنــي يــــربـــي بــكــثــــر بــــجــــيّ الــــعــيــن
وخـلـي قلــيــبــي اللهي رحمــتك طــبعــه
وخـــلـــــيــــنــــي اقــــــدم كــلــشـــي ((يــالله))
واذوبــا بالمــجــالــس ذوبــت الـشمــعــه
وخـلــيــنــي اواضــب كــل عــزاء يــصــيــر
واگعــد والــتــفــت للــيقــره واســتمعــه

اني اكعد انتظره صوت النعي اليقره
بفاطمه بفاطمه
لبيتها المغدور وضلعها المكسور
بفاطمه بفاطمه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

رضــاة الـمهدي بــيه تساوي كل الروح
ومــن مـا يرضه بـيه تنكسف شمسي
ذيــج الساعه احــس بخدمتي لـمولاي
اخــدمــه مو بــنفــسي لا لــجــل نــفســي
ويلي عليه اذا مارضه المهدي شـلون
صــعــبــه علـيــه لــومــا يـستــمــع حـسي
اضــل ابــجــي اللـهـي وانــدعــيك هـواي
اريـــدا تـلـتفـتـلــي بـــنــورك الــقــدسـي

صوتي لمن ابدي واتوسل المهدي
بفاطمه بفاطمه
بقلبها المجمور وضلعها المكسور
بفاطمه بفاطمه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كلمات : زين العابدين الشمري

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
قصيدة في شهادة الزهراء عليها السلام ،،،،
ـــــــــــــــــــــــــــــــــــــــــــــــــــــــــــــــ

عَيلة وتِهمِل العَبرة
بيوم الماتت الزهرة
وتِسعَر بالگلب جمرة

ـــــــــــــــــــــــــــــــــــــــــــــــــــــــــــــــ

بنُواعي أصبحَت دار الوَصي حَيدر
ونَعَت للفاجعة الكعبة بدمع أحمر
وحِداد أعلَن عليهه بجمرته المَشعَر
وبِچَى حَتّى الجَبل لِمصيبة الكوثَر

مُظلِم حَيدرة بِيتَه
دَمعه غَرّگ ٱلحِيتَه
نار وشَبّت برِيتَه
وبركان الحِزن صَدره

ـــــــــــــــــــــــــــــــــــــــــــــــــــــــــــــــ

لِيلة وَحشة هالليلة شيِعَدّيها
تِرِد بزينب أفكار وتُوَدّيها
بحَنانه ودَمعِته الوالِد يِهَدّيها
الحَسَن يَمها يِصَبُّرها ويِفَدّيها

گالِلها بدَمِع يِنصَب
صَبراً يَختي يا زَينَب
أدري بنارِچ التِلهَب
ورَبنا النافِذ بأمرَه

ـــــــــــــــــــــــــــــــــــــــــــــــــــــــــــــــ

لِيلة علَلحَسَن مَصعَبهه هالليلة
يَتيم ومِنهِدم مِنّ الزغر حَيلَه
يِصِدّ لوالِده والمَدمع ٱيسيلَه
يِكلّم خالقه وبالحَسرة يِشكيلَه

بعَينه ضاگت الوَسعة
مگابل والده ويِنعَى
يِهمِل دَم على البضعة
ونارَه من الحِزن كبرَة

ـــــــــــــــــــــــــــــــــــــــــــــــــــــــــــــــ

أبو اليِمّة حَزين ونارَه لَهّابَة
وعلى أمه البتول ٱدموعه سچّابة
رَحيل الوالدة الما حَسّب ٱحسابَه
يَتيم وللزمان ايوَجّه ٱعتابَه

يِهضُم حاله أبو ٱسكينة
ولزينب تِصِد عَينه
تِبچي الصخرة لونِينه
فاگد يِجذِب الحسرَة

ـــــــــــــــــــــــــــــــــــــــــــــــــــــــــــــــ

هاي أول مِسيّة ٱتمُر بلا فاطِم
وتِبات العَيلة بهموم ودَمع ساجِم
لا گلب اليِهيد ولا جِفِن نايِم
واحِد وَيّه واحد حِزنَه مِتقاسِم

فراگ الزهرة أذّاهُم
وجَمر الحَسرة چوّاهُم
دنيا وأگصَت ٱوياهُم
بيت ومنشِعِب كسرَه

ـــــــــــــــــــــــــــــــــــــــــــــــــــــــــــــــ

حزينة الليلة سورة هَل أتى والتّين
وتِنوح الكوثر وص وضُحى وياسين
على افراگ أم أبيها دَم تِهِلّ العَين
ويِظل مأتَمها قائم حتى يوم الدّين

كِلهه تِجتمِع باچِر
يَمّ الواحِد القاهِر
ويِفضَح كِل فِعل غادِر
وكِلمَن يِنعرِف قَدرَه

ـــــــــــــــــــــــــــــــــــــــــــــــــــــــــــــــ

بقلم الأستاذ / ستارعذاب الحچامي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
مات الورد .. وسط اللحد .. فاطم غفه عمرها
وانا الولي .. حيدر علي .. وماينعرف گبرها
يمن راد .. للگبر تكتشفه
غضب عاد .. ذوالفقار اتعرفه
@@@
انا الولي حيدر علي يا هالناس
ياللي طفيتوا امن الگلب چم احساس
ابيوم الكسرتوا فاطمه يا ارجاس
چان الصبر يخنگ إلي بالانفاس
هسه دفنتها الطاهره والنبراس
واللي يضن ينبش گبرها ينداس
…
النواي الگبر .. يحفر حفر .. والله ونوه مماته
واللي گرب .. نحره انضرب .. بس اتركه برفاته
بلا اجساد .. بس رگب منصفه
غضب عاد .. ذوالفقار اتعرفه
@@@
ياللي هشمتوا لفاطمه هالضلعين
بهل يوم الله والنبي مو موصين
ما ناسي قنفذ من ضرب ام حسين
ولا ناسي ذاك الي سطرها بليمين
هذي البقيع اليوم صارت صفين
وبن امه من يبرز اگسمه نصين
…
انا الخطر .. فارس مضر .. سيفي اذا اجره
تطفح دمه .. لين السمه .. وخشم العدو اكسره
يمن راد .. يلتگي وي حتفه
غضب عاد .. ذوالفقار اتعرفه
@@@
كافي يدهري بالگلب لچم اجروح
وبعد الزچيه للخُلُگ ماضل الروح
نبش المقابر يابشر ما مسموح
اشتردون من نعش ابضريحه مطروح
لرض البقيع الي نوى وراد ايروح
خل يعتبر نفسه بلا شك مذبوح

…
كافي هضم .. كافي ظلم .. عالطاهره الزچيه
يلي سلم .. وگت الهجم .. ماتسلم المسيه
يا اوغاد .. انا راعي الكلفه
غضب عاد .. ذوالفقار اتعرفه
@@@
لقباء لصفر للحرب لبسته
يالرايد ابكيفه يجي لمنيته
لا تحسبون ان الظلم رضيته
والباب دفعه لحظه ما نسيته
انا الوطيس ابراحني حميته
والله اليگرب ينخربله بيته
…
انا الاجل .. هادم هبل .. خل يعتني صنمكم
بس ارتجي .. لطل يجي .. واحد برزلي منكم
اذا راد .. من برز يتصفّه
غضب عاد .. ذوالفقار اتعرفه
@@@
ابيوم الوصيه هالهجم عالزهره
وخلاها طاحت عالارض بالعصره
لسگط جنيني بالدمه عالغبره
خد ام ابوها بصفعته منسطره
وينه مشوفه بهالحشود الكثره
لو زلمه خل يطلع إليّه بره
…
ليش اختفه .. بهالعاصفه .. بين الجمع تواره
لثامه يفل .. لو هو رجل .. هذا اللبس خماره
بلسواد .. منرعب يتخفه
غضب عاد .. ذوالفقار اتعرفه
@@@
وين اللذي چان ابهجومه جبار
وعالباب جانه ابيمنته شعلة نار
خل يطلع او انا علي حامي الجار
ابعشره اردله ضربته بالبسمار
شو اصرخ ومنهم ولا واحد ثار
وتالي الشفت من اغضبت بس اغبار
…
ماكو عجب .. عمره طلب .. شارد الى المدينه
احنين او احد .. بيهن شرد .. هالمنتكس جبينه
بلجهاد .. ماثبت في زحفه
غضب عاد .. ذوالفقار اتعرفه
@@@
بالشرده هذا المنعرف حط عزمه
خلاها زينب من صغر متيتمه
وچبد الحسن عالوالده منلچمه
وحسين لامه دمعته من دمه
بعد الزچيه البيت اصبح ظلمه
والعتره صارت بالرزه متحزمه
…
باب الالم .. ضلع انهشم .. بي تبتدي الرزايه
وآل النبي .. ذبح وسبي .. كل واحد ابروايه
على احداد .. والدهر بس يجفه
غضب عاد .. ذوالفقار اتعرفه
@@@
علي احمد الحمود
٢٩-١١-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
عالمبدأ يشيعه
خدام الوديعه
لهذا النهج .. نبذل مهج .. من دم ولانه
@@@
شيعه الهويه .. وأمنه الزچيه
واحنه الي صرنه عالنهج نحيي الظلامه
حِزنه السعاده .. ابطهر الولاده
وتشفع لنه بنت النبي يوم القيامه
لله نذرنه .. كله عمرنه
فدوه عمرنه ألفاطمه وابلا ندامه
واصبح هدفنه .. نخدمها أُمنه
وياحظه من يمشي على درب الخدامه
…
هالنور التجله
مرضاها ابرضا الله
وابفاطمه .. رب السمه .. يفتح جنانه
@@@
بيها وعينه .. ولا ما ادعينه
ام الايمه ومن وعي ننعى اجلها
انواليها بالدم .. ونرسمها مأتم
شعلينه من دهر الذي ابحكمه جهلها
حسره ابضلعنه .. تنزف دمعنه
ابياهيّ تربة فاطمه اصبح محلها
هاي ام ابوها .. شلون اضربوها
ياربي ألعن كل نذل جاير قتلها
…
مكتوبه الظليمه
لأم ضلع الهشيمه
حين انهجم .. اطهر حرم .. من الجبانه
@@@
اول فجيعه .. امصاب الوديعه
وبيها ابتده نهج البچي بأول مساره
وصارت روايه .. درع الهدايه
وكل شيعي واجب بالضلع يظهر قراره
ابهالشعاير .. عزتنه صاير
واللي نكر كسر الضلع علمه خساره
هجموا عليها .. وضربوا ايديها
وسطروا وجهها من اجل كرسي الاماره
…
الماعزّه اعله طه
ادماها واذاها
ضلع انشلع .. ومحسن وگع .. وسبها ابلسانه
@@@
هاي ام لحسين .. نهج الله والدين
وحتى المصيبه تستمر جمره ابذكرها
شعلينه بالناس .. لماعدها احساس
وما نرضه ابدن عالذي عمدن عصرها
مصيبتها حره .. وبالشيعي جمره
وحچي العواذل مايهم للواعي امره
نحيي الشعاير .. ابگطع المناحر
مثل الحسين ابكربله فاديها نحره
…
من باب الزچيه
دم الغاضريه
ابصدر انجرح .. هالطف صبح .. بالدم امانه
@@@
ابحقها الشعيره .. صارت مسيره
ولجل الضلع صرنه بلهف نعقد مآتم
ونحيي الشعاير .. رغم المخاطر
وصار اللطم وي الدمع يروي المظالم
بعنوان لحسين .. وي ام لحسين
دين الله باقي ابكل جرح صاب الفواطم
الخله العقيده .. تبقه ابوريده
بمأتم عزاءه اشما سده لا ما نساوم
…
تمثيل الشعاير
منهاج و مناير
بيها انعقد .. هالمعتقد .. بأصل الديانه
@@@
محكم حزنه .. يأوله لطمنه
وعهد العشگ بي تنكشف كل المسائل
اللايم نگله .. منهجنه خَلّه
بمصيبة الزهره ابد لا ما نجامل
مانخطي خطوه .. ابكل عله فتوه
وزينب اجازت بالجزع فوگ المحامل
وعدنه ضمانه .. الله معانه
ولجل الشعاير للابد بالحگ نناظل
بالروح وي دمنه
هالمنهج رسمنه
من فاطمه .. لبن فاطمه .. رفرف لوانه
@@@
علي احمد الحمود
٢٨-١١-٢٠٢٢
شهادة الزهراء ع

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يمه زينب كعدي يمي
و خل اسولفلج مصايب
و من اسولف لا تعِدي
يتعب اليحسب نوايب

بأول مصاب من بعدي
بحيدر ابوج راح ابدي
بوكت الصلاة و صايم
دمه يرد متبدي

ايرد و الطبره براس الولي
و الدم صبغ شيب الورد
اول مره ايردلج علي
موش اعله طوله و يستند
عمامة راسه بدم تمتلي
هالمنظر كليبج يهد

يمه يمه زينب

*

الاخو احزام لخواته
و بيه تشد كلمن ظهرها
و تستضل بفيه تبقه
بشوفته تكحل نظرها

بس الحسن يايمه
باجر طشت بيه دمه
و رغم الالم من جبده
يمج يضل كل همه

يلزم ايدج و ايصب دمع
و الحيره كلها لكربله
بصوته الكوه يضل ينسمع
يحجي اعله ضيم العايله
يسحن كلبه ضيم الضلع
و تهظمه نبلة حرمله

يمه يمه زينب

*

و الاشد بهالمصايب
كربله و اليجري بيها
جثة حسينج ييمه
كلها تدافع عليها

امن ايضل وحيد و ضامي
بكلبه يكول اخيامي
شحال البنات و زينب
من تستمع لعضامي

زينب يمه شدي العزم
لمن تشوفين النزف
لمي اطفالج مامش زلم
بس العليل و منجتف
اعرف صعبه و ما تنفهم
حرمه بوجه سبعين الف

يمه يمه زينب

*

كلشي بالطف يحني ظهرج
امصيبه محد يفتهمها
شهني حرمه و هم جبيره
بساعه تتذبح زلمها

لا يبقه اخو لا خيمه
بس الزغار و هيمه
و الطف جبير و منج
كلسا تضيع ايتيمه

كلشي البلطف معناه جرح
معناه ركض معناه بجي
بيه كل لوعه بطول الرمح
و بيه ينحجي الما ينحجي
و كلما يلفي بنوره الصبح
اعليج الفواطم تنتجي

يمه يمه زينب

*

يمه زينب حضري روحج
للسبي و ذيج الهزايل
دنيه من باجر تعذبج
و كلشي بيها وياج مايل

بدرب السبي و عثراته
حسينج حمر شيباته
فوك الرمح و يعاين
و تصب جمر دمعاته

درب الهيمه كلش صعب
ما ينمشي بهاي الهزل
باجر ياخذ هذا الدرب
جم طفله يمه و جم طفل
و انتي ابولية وادم غرب
ضرب المره عدهم سهل

يمه يمه زينب

*

حسام العيساوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــگوم ع الجنه اشعلت نيرانها
و الجمع بيده الحطب شيطانها

*

عله الجنه النار هدت ناقمه
و الثلثميه اجت متحزمه
ويه شيطان الانس ضد فاطمه
و هالحرب بيها انكشف عنوانها

*

جان عنوان الحرب لا للنبي
و بعد ما يحكمنه واحد طالبي
و بيها اول خطوه عدّو للسبي
و منها هالنار انعرف نيشانها

*

جان هذا البيت هو المفترق
دين او لا دين منه المنطلق
و بالازاله امن الاصل حكم انطلق
و للديانه خلخلو اركانها

*

ناس تعرف بالحجي و اتبدله
ويه هذا البيت عدهم مشكله
جفة الميزان جانت مايله
للرساله و احركو ميزانها

*

حرب بين اللاء جانت و النعم
و بين ذاك الفاس ردت و الصنم
ما يضل دين النذل قاسم قسم
و منها هالامه ابتدت احزانها

*

هوه هذا الباب اصل كل الحزن
السطره باجر سوط ترجع ع المتن
و الشمر نفسه تره جلمة و إن
و الباب يوصل للخيم دخانها

*

حسام العيساوي

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ
يالزهره امشي اعليج ابو اليمه
رزقيني ساعة بمجلسج خدمه
يافاطمه … يافاطمه
……

يافاطمه مجلس لطم رزقيني
ميت تراني وخدمتج تحييني
بابج طرقته وادري مترديني
خليني وين اخدم الج ترديني

لو اكنس .. لو الطم … لو اقره … بخدمتج
تحت امرج …مولاتي … بس اشري … بخدمتج
رهن الاشاره منتظر كلمه

…..
وفقيني اخدمج حد اخير ايامي
عليج اقسم بنحر الحسين الدامي
احلامي كلها ابماتمج احلامي
ضامي تراني ابلا عزائج ضامي

كل ساعه … محسوبه … من عمري … فاطمه
خليني … بمصابج … دمعي يصب … فاطمه
تبجي المصابج روحي متعلمه
……

يم الحسن كل اني ملكج اني
خادم زغير ومنبرج رباني
يالبيح اشوفن مكتمل ايماني
وخيمه عزائج عندي بيتي الثاني

كل ليله … اتمر بيه … تليكيني … بالعزه
ما عايف … ايامج … يالنورج … بالعزه
فطمتني امي الدمعه واللطمه

……
هنياله كلمن خادمج سويتي
وجهه ابيض اكبال الخلق خليتي
الامه دعتله ابمجلسج ربيتي
وصيته اعله كل ناسه وهله عليتي

يانعمه .. الكل نعمه …. منا منهه … تنوجد
كل سائل … يم بابج … طلباته …. تنوجد

يا رحمة الله الواهبه النعمه
…
يالعالمج يختلف ان كل عالم
بي مرتبط كلشي انخلق كبل ادم
لو ما وجودج بالارض جا ماتم
فرض الصلاه والصوم والله اعلم

يا اعظم … يا اقدس… شي طاهر … منخلق
لو منتي … لا طه … لا حيدر … منخلق
هاي الحقيقه تنحجي ذمه

……..
يافاطمه يا اغله من كل غالي
ليج ارفعت جفي وطلبت امالي
تنظرين حال الناس هاي وحالي
وتدعين تعجيل الفرج للوالي

عند الله … كلشي انتي … واقربله … من العرش
دعواتج … مقبوله … يا زهره …. من العرش
سر الله انتي المحد يفهمه

………
كلمات
موسى الخادم

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

يالماخذه الزهره الزجية حيلك
ليليله تعجيل الفرج ندعيلك
يا املنه الغالي .. يابو صالح
…..
يغايب نرتجيك
دعاء الندبه نقرالك بالدموع
اوكل جمعه عليك
نسولف ما نسولف غير موضوع
نحس ابكلشي بيك
نعلم حالتك عالزهره مفجوع
اخذنه ابين اديك
فداك انحرونه وافداك الاظلوع

وين انت ساكن سيدي نجيلك
ليلية تعجيل الفرج ندعيلك
يا املنه الغالي
…..
يبو صالح تعال
عليك ابكل دمع من عينه يسيل
عليك البل حبال
كيدوهه ومشت وي رمح الطويل
اشتاكينه الوصال
واحدنه اعله جيتك ساهر الليل
نسال هالسؤال
يايوم اللقاء يحصل مشه الحيل

يالمهدي ملينه البعد نشكيلك
ليليله تعجيل الفرج ندعيلك

……..
الك ثار اليصيح
يا يوم الفرج يا صاحب الثار
تتوجه وتطيح
من تذكر الزهره وحركت الدار
نظر عينك جريح
على الظلع الكسير الصابه بسمار
سعفه تهزهه ريح
حالك هيجي صاير تحجي الاقدار

اظلم نهارك مثل ظلمت ليلك
ليليله تعجيل الفرج ندعيلك
…….
يسيد الاتقياء
امك فاطمه محمّرة العين
لحد هسه البكاء
ابيت احزانهه مسموع للحين
تصيح ارض وسماء
يا محي الشريعه ومحي هالدين
تناشد كربلاء
عن ثار الزجية وثار الحسين

يالتبجي جدك من دمه نبجيلك
ليليه تعجيل الفرج ندعيلك
………
يمذبوح الونين
منك نعتذر حتمن لجمناك
الك الله المُعين
ابكسر ظلع الزجية ما جبرناك
على مر السنين
تنوح الوحدك مولانه عفناك
تنادي ياحسين
وابداخلك غصه الفاطمه اهناك

تعتني روحك للبقيع اتشيلك
يليله تعجيل الفرج ندعيلك
……
كلمات
موسى الخادم

اللهم صل على محمد وال محمد وعجل لوليك الفرج

🏴ألْبَسْ سواد —– أعلِن حداد
بمصيبة الزهره الزچيه
«»«»😭 🏴
ــــــــــــــــــــــــــــــــــــــــــــــــــــــــ

شور

يا زهرة حياتي
…….
تعاي … عوفي الكبر عوفي الكبر
تعاي … موحش بلياج العمر
تعاي … ليلة جيتج انتظر

يافاطمه كلبي انمرد
ماظل صبر بيه بعد
رجعي الي عون وسند

رجعيلي .. ياضحكتي
رجعيلي … يرويحتي … فداج .. فداج

ايامي … وحتى النفس
ايامي … صارت همس … وراج .. وراج

نوح .. بعدج حياتي
نوح .. يا ذكرياتي
نوح … ساعاتي بعدج … لو بيدي اردج
يم الحسن وحسين
راح … حيلي ابغيابج
راح … ابجي المصابج
راح … كلشي امندية … اه يالزجية
يم الحسن وحسين

يا كل امنياتي
…….
اصيح … يم الحسن يم الحسن
اصيح … من بعدج اعيوني انعمن
ااصيح … عايش غريب ابلا وطن

مشتاق الج يافاطمه
روحي عليج امعلمه
تشهد علي ارض وسمه

من دونج … كلشي عدم
من دونج … عايش وهم … كلام … كلام

ياروحي … بالمختصر
ياروحي … عمري كبر …. حرام … حرام

شيب … تارس لحيتي
شيب … من عفتي بيتي
شيب … يا اغله ناسي … صار اعله راسي
بعدج ينور العين
حيل … اذاني فكدج ….
حيل … سهرني بعدج
حيل … ماظل يزهره … بظلوعي كسره
بعدج ينو العين

تشهد نايباتي
…..
عليج … يافرحتي يافرحتي
عليج … اتغيرت رسومي وحالتي
عليج …. عيني انعمت من دمعتي

موتج اخذ كلشي احب
امشي بلا شوف الدرب
ينبض حزن صار الكلب

مو حيدر … جني صرت
مو حيدر … اتغيرت … عليج … عليج

وي موتج … حلمي انذبح
وي موتج … موتي صبح … بديج … بديج

وين … تاليهه كولي
وين … محني اعله طولي
وين … ياديرة اشوفج … مابية اعوفج
اشتاق الج كل حين

ريت … قبلج عساني …
ريت … موت الخذاني
ريت … دفنوني قبلج … يالحيل احبج
اشتاق الج كل حين
يا كل ذكرياتي
……
اموت .. احسن الي احسن الي
اموت … يحجيهه من كَلبه علي
اموت .. يازهرة سنيني وهلي

شلي بعد بيه العمر
وياج اعيشن بالكبر
حلوه السوالف تنذكر

يازهره … صبري خلص
يازهره … العمره نقص …. وحيد … وحيد

اخذيني … ليج انه احن
اخذيني … اوياج اندفن … اريد … اريد …

نار …. ما تطفه بيه
نار …. صبح ومسيه
نار … حركت دليلي … بعدج يويلي
وين انطي وجهي الوين

مال … حملي برحيلج …
مال … خليني اجيلج
مال … كلشي اعله كلشي … شمتناي نعشي
وين انطي وجهي الوين
ياصومي وصلاتي
…….
وراج … ظهري انحنه ظهري انحنه
وراج … كل يوم اليمرني بسنه
وراج … متهني بحزاني انه

ياعشره تشبه عشرتج
روحي ادفنت وي دفنتج
كلشي انتهى وي موتتج

ذابحني … انتي بكبر
ذابحي … طاري الهجر … اصيح … اصيح

مابية … اصبر بعد
مابيه … جبدي انمرد … ذبيح … ذبيح

مات … حلمي البنيته
مات … كلشي هويته
مات … بعدج دلالي … شحجي اعله حالي
اتمنيتج اتشوفين

صار … اظلم نهاري
صار … يبجيلي داري
صار …. حزني اعله كدي …. دمعي اعله خدي
اتمنيتج اتشوفين

اشباقيلي الوفاتي
……
كلمات
موسى الخادم